عدم ذكـر المهنـة فى الجواز الجديـد ضربـة معلم

كدا الجواز يكون فعلا بالمعايير الدوليـة.

هنا من يحتج على عدم مقاييسيـة الجواز ولكنه فى ذات الوقت يحتج على عدم ذكر المهنـة..
ما شفت جواز اوروبى واللا امريكى واللا صينى...الخ فيه ذكر للمهنـة، ولا أعتقد الجواز هو
المكان الصحيح لذكرها، لأنه ليس سيـرة ذاتية تقدم لوظيفـة، وإنما وثيقـة سفـر... الاف الأمريكان
والأوربيين (من أصول ســودانية) يعملون فى دول الخليج، ولا توجد المهنة فى جوازاتهم.
عند التقديم لوظيفـة فيمكن تقديم السيرة الذاتية أو الشهادت.. الخ.
ولو الخليجيين يطلبون ذكر المهنة فى الجواز الســودانى، فلماذا لا يطلبونها فى الجازات الأخرى
وكيف يكون جوازنا بمقاييس عالمية ونحن ندعو لربطـه بإجراءات دول معينة؟

الجواز القديم، الإسـم فى صفحـة والصورة فى صفحـة، وتأريخ الإنتهاء فى صحفـة.. جهجه المطارات
والبنوك والبوستـة.. دا خلاف الإسـم الأول والأخيـر.. أتمنى تعميم الجواز الجديد بأسـرع فرصـة
وإرساله لسفاراتنـا بالخارج.

يا خسارة ، كُنت مُتجدِل مِن زمن بِمِهْنتي في جواز السفر " مِزارعي " بات على عشقين تراب بلدو وسماح فوق بت مزارعية

سلام يا ابو الريش green]

أخونا عزام

طبعا من الحتة الانا فيها دى ما أقدر اخش فى اليوتيوب، لكن أمشى انت هناك وشوف فيديوهاتى بإسم
soleiman99
حتلقى (تراب بلدو) الليلت القدال صورتها بالفيديو لما جا الدوحة قبل سنتين..

ياخى الجواز القديم ما فضلوا إلا يكتبوا فيه الهوايات وأحرج موقف مر بحامله.

مسألة المهنة طبعاً كانت بتساعد الجماعة في تحديد الضريبة المفروضة على المغترب .. ما عارف بعد كدة حيعملوا شنو.

بس أنا والله محيراني حاجة تانية. راجعوا أي جواز سوداني، تلاقوا الصفحة رقم 5 مخصصة للزوجة، ومكتوب فيها (الزوجة) ثم مربع لوضع الصورة وتحتها (إسم الزوجة) - (المهنة) - مكان وتاريخ الميلاد). ما يعني إنو الجواز أساساً مصمم ليحمله الرجال، وكلما أشوف الصفحة دي في جواز زوجتي، أنفقع بالضحك ((شر البلية ما يضحك))

Quote: مسألة المهنة طبعاً كانت بتساعد الجماعة في تحديد الضريبة المفروضة على المغترب .. ما عارف بعد كدة حيعملوا شنو.

يا أبو الريش إنت بصحك هامى للنقطـة دى، طيب الدول التانية المتقدمـة تخلص الضرائب كيف؟ ما فى فى العالم
ضرائب تجبى على اساس المهنة إلا فى الســودان.. حتى الشريعة ما قالوا راعى الإبل عليه كدا زكاة، قالوا لو
عندو العدد الفلانى من الإبل وحال عليه الحول.. يعنى لو فى مهندس راعى بقر يحاسب على البقر وليس على
المهنة.. والطبيب فى أمريكا البيوزع البتزة حرام يحسابوه على إنو شغال فى مهنته.
أعتقد الحكومة يادوب ماشـة فى الإتجاه الصحيح، إتجاه العدل والمساواة وتقوى الله فى عباده.

Quote: مسألة المهنة طبعاً كانت بتساعد الجماعة في تحديد الضريبة المفروضة على المغترب .. ما عارف بعد كدة حيعملوا شنو.

الأخ محمــد أبوالعزايم ابو الريش،

كما ترى فإنى دائما أشجع الحكومـة لما تعمل حاجـة إيجابيـة، حتى تواصل فى عمل الحاجات الكويسـة، حين البعض
يشمت فيها ويسخر ويقل وزمااااان إنتى كنتى وينم من دا.. لا أميل الى هذا الاسلوب ابداً.. لو هدفنا
الإصلاح فيجب تشجيع وتنمية الإيجابى ونقد السلبى وحتى محاربته..

حكاية الضريبة التى كانت تربط بمهنة الجواز اساسا كانت خطأ وظلم، وكانت فعلا ومطابقـة مساوية لحكم قراقوش
فالضريبـة إما أن تكون على ارباح الاعمال أو المرتب المقبوض فعلا بعض خصم مصروفات الحياة منه.. يعنى
لو فى طبيب واللا مهندس يصرف عشـرة الف دولار فى الشهر فى دبى ولكن له عشـرة اطفال من دبى المعروفة
بغلاء المعيشـة والإيجارات فيستطيع أن يثبت أن لا ضرائب عليه لأن صرفه يأتى على جل دخله، ومن الظلم شرعا
ووضعـا أخذ ضرائب منه أو زكاة. ولو فشلت الحكومـة فى معرفة مصادر دخول المواطنين فهـذه مشكلتها وليست
مشكلـة الأبرياء المخلصين والذين يستطيعون تقديم معلومات ضريبية صحيحة عن أحوالهم.

الظلم وحل مشـاكل فشل المؤسسات الحكومية الإدارى وإسقاط فشلهم على البسطاء وحل مشـاكلهم على حساب الحق
والعدل، هو الذى أقعـد السـودان ونشــر الفسـاد والرشاوى.. يعنى لو الضرائب تجمع بإسلوب عادل لما تهرب
منها أحد أو دفع الرشاوى لينال تاشيرة خروج دون ان يدفعها.. ونتيجـة هـذا الأسلوب الفاشل الظالم
1- إنتشـار الفسـاد والرشاوى
2- حرمان خزينة الدولة من عائدات الضرائب التى كانت ستجمع بطرق قانونية فذهبت الى ايدى افراد الجبايات
فى شكل رشاوى
3- ضممـور الشعور بالوطنية وروح الإنتماء للوطن الكبير، لأنه صار وطنا جابياً فى نظر المواطن، وطن يتربص
بجيبك فقط، ولا يقدم لك أى خدمات، ببسـاطة لأن ما تدفعه لا يصل الى خزينة الدولة، فإما إنك تدفع مباشـرة
للمرتشى، أو يختلص ما تبقى وذهب لخزينة الدولة. من منا اليوم يتغنى (بصدق وإخلاص) ب
إن دعا داعى الفداء لم نخن... نتحدى الموت عند المحن.. أو
سأذود عن وطنى واهلك دونه....يوما يجيئ فيا ملائكة اشهدى؟؟ من؟؟
كل المثقفين من مهنيين وغيرهم اليوم يتفرجون على الوطن تتقطع أصاله، وتكالبت عليه دول الجوار، كل يقتطع
منه.. ونحن نكتب على حياء ونتفرج كأن الأمر لا يعنينا ولا يحدث فى وطننا.. فهل هـذا صدفـة؟ أم نتاج طبيعى
لموت الشعـور الوطنى، ولإختزال الســودان عند كل فرد فى حدود بيته واهله.. وتقلص الســودان كما طوى فى
فروة الخليفـة عبدالله فى أم درمان؟

فوق

Quote: مسألة المهنة طبعاً كانت بتساعد الجماعة في تحديد الضريبة المفروضة على المغترب .. ما عارف بعد كدة حيعملوا شنو.

وكمان بتساعد (الجماعة) في استيفاء رسوم تعديلها .. يعني كمان حتقلص الأتاوات كمان .. دي خسائرة كبيرة خلاص!!!

سلام مربع

يا أخوانا إكتشفت أول البارحة أنه توجد المهنة ولكنها تقرأ إلكترونياً عند تمرير الصفحة الإلكترونية على جهاز القارئ الإلكتروني (الحاسب) والموجود في الموانئ والمطارات والمنافذ وإدارات الجوازات

يعني المهنة موجودة وعارفانا المكارم أنحنا بنقودا والفينا مشهودة

مع تحياتي

عاصم فقيري

Quote: يا أخوانا إكتشفت أول البارحة أنه توجد المهنة ولكنها تقرأ إلكترونياً عند تمرير الصفحة الإلكترونية على جهاز القارئ الإلكتروني (الحاسب) والموجود في الموانئ والمطارات والمنافذ وإدارات الجوازات

(فى الســودان فقط، اليس كذلك؟)

سلام يا عاصم وشكـرا على الإفادة..

وربما كان تضمين المهنة وخلافها فى الشريحـة هو سبب المشاكل فى المطارات.. ففى الصين لا يقرأ القارئ الالى الجواز فى المطار.
أعتقد يا ناس الجوازات لو بتقروا البوست دا، السبب هو عدم تقيدكم بال Databse format
وفى أى قاعدة بيانات هناك ما يعرف بال field descriptors وعدد الحقول فى السجل (record) يجب أن يكون متساويا وكذلك عدد الحروف فى كل حقل (مقابل له)
حتى تكون قاعدة البيانات متوافقة مع قواعد البيانات الأخرى التى من المفترض أن تتبادل معها المعلومات مثل المطارات.
ولو هناك أى حقل زائد أو ناقص، أو عدد حروف أى حقل لا يساى العدد المتفق عليه دوليا، حتى ولو بزيادة حرف واحد،
فإن كل السجل لا يقرأ أو ينزل فى أماكن خطا فى قاعدة البيانات المستقبلـة له فى المطارات.

يا أخوانا نسألكم سؤال بريء كدا The Sudan دي لزومة شنو ما كان بتكفي

The Republic of Sudan

من غير the الثانية دي ولا أنا غلطان !!؟؟


مع تحياتي

عاصم فقيري

Republic of China (ROC)

Quote: يا أخوانا نسألكم سؤال بريء كدا The Sudan دي لزومة شنو ما كان بتكفي The Republic of Sudan من غير the الثانية دي ولا أنا غلطان !!؟؟

عاصم،

دى ترجمة مصـريـة لكلمة "الســـودان"

Egylish language


طبعا ترجمـة سخثيفـة ومملة.. إسـم الســودان حديثا هو Sudan فقط دون دون الإضافة التى ذكرتها.. لكن تقول شنو لمنو؟

كل العالم

Republic of Ireland
Republic of China (ROC), 1
Kingdom of Saudi Arabia (not the Saudi)1
جمهورية الكونقو Republic of Congo

وهكذا

مفروض تكون

Republic of Sudan

بدون اداة التعريف حتى امام الجمهرية

حكاية The Sudan دي بالزبط زي حكاية الألف البنكتبها زي الفرنساويين E بدلاً عن ِA
والحمد لله ارتحنا من حكاية 5 قدم و6 بوصات. ولي حكاية مع الطول. أنا طويل 195 سم يعني بالإنجليزي 6 أقدام و6 بوصات. بتاع الجوازات قال لي: ما في زول في السودان طوله 6 6 كما نقول. قلت له أنا طولي 6 6 ولولا تدخل الزابط الذي مرّ صدفة لأصرّ العسكري على رأيه.
طبعاً ما تنسوا العيون العسلية والشعر الأسود.

(العوج راي والعديل راي)