يُمه ياخ ..

عصفوره

صاح ..

طايره مِنِك

بي شدوها..

رَتبت الصباح

ورافقتنى

على

الطريق ..

.

.

كلما اضيق

القاها

فتحت لحن

زاخر بالأريج

.
.
.

كلما ادخُل

شغله أمرُق

منها ..

القاها فاتحه السهله

بالرملِ مفروشه

الورد منقوشه

ونافشه

الدُعاش ..

نفوهُ يا يُمه

الفراش
.
.

Quote: كلما ادخُل شغله أمرُق منها ..

اشتقناك والله ..

نحن الأشوق يا

ابو مايا

طلتك بالدنيا

يا حبيب

.
.

قلنا نغنى
.
.

العزيز خطاب
سلام للشارع من طرف .
..
تحياتى

Quote: سلام للشارع من طرف .

ود موسى يا ارباب

يا للصحاب

الباب

افتح

وابقى ليي

جوه ..

.

يا مراحب
شارع عجيب
.
.

العزيز خطاب البركة فى شوفة يمة وحضنها بعد غربة وشوق
الف حمد الله علي سلامة وصولك ليهم وان شاء الله ايامك كلها فرح وغنا وسطهم
تحياتي لك وعبرك للعقاب الحنين
كل الود

العزيز خطاب ...
فقط حيث التجأت ياخ ...
ابحث عن محطة غيرها و لن تجد يا صاح مثلها ..
دوحة و ديمة و ظل وارف من المحنة و الحب الخالص ..
تمنياتي لك بأسعد اللحظات و هنيئاً حيث حللت ...
محبتي و عاطر تحياتي ....

Quote: فقط حيث التجأت ياخ ...

ماالجا منها ملجا
ست الجميع الحاجه
الحب حداها وهيط
وحناناسارف الفجه
.
.
الصديق اشرف البنا دائما لحروفك
وقعها الخاص عندى تفيض حباوجمال
.
طولنا ياخ طوله شديده
لك المعزه دائما
.
.

Quote: تحياتي لك وعبرك للعقاب الحنين كل الود

خالص الشكر والتخايا منى والعقاب الحنين
يا اسماء الجنيد
شاعرتنا الجميله
.
.
صُبحا ً
اقولك ايش
وانا كنت ليه
مافيش
قوليلى
يابنيه
.
.
مودتى دوما ً
.
.

يمة ياخ
شوفتك تفج الروح
تملا البيت امان

مليانة بيك الامكنة
فرحانة بيك الازمنة
للروح معاك كم من مقام
يايمة ياخ

ربنا يديها طولة العمر يا خطاب
سلم لى عليها شديد امنا

تدفق اخي خطاب ،،،


تحياتي لك وتحياتي للوالدة

يمه ياخ
يكفينا ضلك ريد
في عز هجير
وبلبل غنيواتنا
الحانو تبدا تروق
وانا في ضرا التمرات
متوكي في الواسوق



واصل واصل يا استاذ


خالص الود

(كتاب) ..ياخ ..


اسمى التحايا الزاحفات توابع .


هنيئا لك بعناق وتنسم وشائج الاتصال الروحى .بالوطن (الحفيقى ) .(الحاجه).أم (الحاج وليد). والتحايا العطره لكليهما ...

وكل امهات امدرمان والسودان ..


ودالماحى

Quote: هنيئا لك بعناق وتنسم وشائج الاتصال الروحى . بالوطن (الحفيقى ) .(الحاجه). أم (الحاج وليد). والتحايا العطره لكليهما ... وكل امهات امدرمان والسودان ..

ود الماحى
المحامى ..
لك السلا م كله
والاباحة المعبره
وسأستدعى صديقك ..
الوليد حسن احمد
لملاعبتك على رقعة
اللغه
..

اهلا وسهلا
بالكرام
اخى بعمان والزرقا ..
وام درمان
لك الوُد صافيا
وأهُب لمصافحتِك
حافيا
..
هذا ما حيَاك به
صديقُك الوليد
..

*
اللوترى كيف !!
.

Quote: يمه ياخ يكفينا ضلك ريد في عز هجير

العزيز ياسر
للعاطفه مزاجها الخاص وكذا الشعر
انا كلما اقلِب , مطلعك القاه
..
يكفيناريدِك
ضُل
..!! الراي شنو !!
تسلم صديقى
مابِجُرمعاك النمه
الا حساها..النمه..
ما اروع التغنى
بها
ولها
سيدتناالاولى
فى كل الاوقات
لك ولها
سيدتك الاولى
مقام
الورد
.
.

Quote: تدفق اخي خطاب ،،، تحياتي لك وتحياتي للوالدة

العزيز عبدالله
كيفك والفرجيناب بطرفكم
شكرا اخى على اندلاق تحايا
وسلام كتير ليك من الوالده
دُم بخير وعافيه
.
.

Quote: مليانة بيك الامكنة فرحانة بيك الازمنة للروح معاك كم من مقام يايمة ياخ

بت الشيخ يا حبيبه
عساها ايواسيتى منستره معاك
والمطره برضو .. عارف نوع الاحاسيس
على ذكر الام البتكون ناوشتك
ما اجملها وما اجملك
تحاياليك ودعوات من الحاجه
تغشاك وتسكن معاك
.
.

صباح الخير

.
.

مساء النور

.
.

الاستاذ خـطاب

عــوداَ حميداَ والعود اخضر والمفردات الدائشة وشراع الريدة يوم صفق قبلك وبعدك

وللوالدة مليون ميل مربع من وطن واحد بقيف شـاهد

يُمـة وحيات الحنان

بتطري ايامنا الزمان

ايام بديت جواك حياتي

وضوقتا فيك طعم الامان

انا تاني راجع لي دريبك

وداير أعزف ليك كمان

اشيل قساوة الدنيا منك

واوهبك عمري امتنان

وانسي في هداءت ملامحك

كـل لحـظات الهـوان

ما لحظة من طيبة خواطرك

عندي بي عمـر الزمان

الأخ خطاب

سلام



يمة آه
ويمة آخ

وتعجز فيكي الكلمات..


نتابع بشوق



تحياتي

Quote: سلام يمة آه ويمة آخ وتعجز فيكي الكلمات ..

ياعزيز عيسى
يا صديق
يُمه اّه ويُمه اّخ
..
شُفت كيف
الكلمه
تملى الفم
وكيف الحمام بِتلم
فى ناحيه واحده ,
من القصيده
وافتح شارع
مقفول !!
وطول , انتظارو
فى الزحام
..
شُفتِى
كيف ,
الدنيا
اوسع ,
من زمان !!
وعاينى
كيف ,
الأفق
أرحب ..
من
مكان !!
هلا ..
فجرِك ,
يا مصابيح
إنطفي
.
.
لك الورد يا صديق
.
.
ولاسرتك الحبيبه
مليون قطرة
مطر
من ارض
الجزيره
.
.

Quote: لحظة من طيبة خواطرك عندي بي عمـر الزمان

العزيز

محمد الفاتح

لحضورك المقفى صدقه الذى اعرف

وبالامكان تبين طيبه ..

كما تغنينا مع تاج المغنين ,

عبدالعزيز داوود ,

لو مر نسيمها , حبيبتنا

الاولى ,

من على بعد ألف ميل

وما اروع ان نكون

فى حضرتها ..

ما ..!!

.
.
لك الود كله
والمعزه
..
.

تسلم يا خطاب
تسلم يا خال



_________________
من أعمال الفنانه:
زينب السجيني
ألوان زيت وأكليريك
على قماش

_______
خطاب حسن أحمد
الخرطوم صيف 2010

يا خطاب يا رفيق الالفة والكلمة والنغم
تحايا بعدد سكان فيرجينيا والضواحي
مشتاقيين وسعيدين بالطلة
افتقدنا الاستماع الى اشعارك مباشرة على الهواء
يا خطاب عليك الله اهتم بتوثيق اعمالك الفنية البلد بقت مليانة دور نشر
ياخي اترك الكسل من أجل معجبيك الكثر أنشر دواوينك وعليك على اوزعها ليك هنا وبالدولار الامريكي
أقول هذا رغم علمي ان المادة تأتي في ذيل اهتماماتك

سلام ومشتاقين نتلاقي في ديسمبر نمشى سوق العناقريب ونتشتري الاصلي ونحكي


عبدالعزيز

Quote: لك الود كله والمعزه ..

ولكـ مني شواهق التحـايا السامقات

ومـرحي بها وبك

وكما قال الشاعر

ملآي السـنابل تنحني في تواضع والفارقات روؤسهن شوامخ

يااستـاذ تنـحي هـاماتك .... ليشمخ وطن




___________________________

تخيل الواحد لسي قاعد في بلاد مافيها ســتات شـاي ولا اكشاك ليمـون

وبرضو نقول البُعُد محنة

محمد الفاتح خالد

Quote: ملآي السـنابل تنحني في تواضع والفارقات روؤسهن شوامخ

العزيز محمد الفاتح
شكرا اخى على كل هذا الكرم
الذى لااطمح ان ارقى الى بعضه
فهاماتنا وحدق عيوننا
لشموخه وعزته
.
لك خالص الود
.
.

العزيز عبدالعزيز
لك المعزه دوما .. كيفك والاسره اللطيفه
والفيرجيناب عموم فى البيندر والضواحى
اكاد اتبين مدى الاستمتاع بكاس العالم
مع ابوالنور وابوزين وعبدالغنى وكل الاخوه
الكرام
الاصلى هنا صار اشكال والوان
المهم الجيه شهر اتناشر
بخصوص جمع المواد وترتيبها فهى تسير
على قدم وساق كلما كان الى ذلك سبيل
جهز لستة القراء
.
.
لك خالص الموده
.
.

Quote: تسلم يا خطاب تسلم يا خال

تسلم يا ابوالطل
لوحة زينب السجينى احالتنى ..اعلاه .. حومتنى مناخات غريبه
تنبض بالمعنى والجمال , سلمتنى الى لحظه ضاجة بالخصوبه ,
غجريه ذات صباح مدريدى , تسعى بين الناس بالورد مسلفنة
بضاعتها بعذب البسمة حيناً,
أحيان اخرىات , بالمسكوب على طبلة أذن المكان
شهدا
من عصير الضحكات
,,
فلسيدتك الاولى
لزينب السجينى
كما لك
حزمةً
من ذاك الورد
اما عنى ..
مُلتقط من قبل عدستك المدربه
فلك ان تتصور مايفعله بى
الابيض بالاسود
..
.

الأيام دي أمي عياااانة وكبيرة وشايل هم فرقتا بكرة. ليتني أموت قبلها لولا جزعي من جزعها عليّ

ما تطلع دينا ياخ

هل هاتفت صلاح الزين قريب واستمتعت بيهو ؟

مودتي

Quote: الأيام دي أمي عياااانة وكبيرة وشايل هم فرقتا بكرة. ليتني أموت قبلها لولا جزعي من جزعها عليّ

الاخ الكريم معاويه الزبير
طمأنك الله على السيده الوالده وربنا
يحفظكم لى بعض
.
وعفوا اذا هبشت حته حاره شويه
.
فى البال دائما الاخ صلاح الزين
نجوى والبنات الرائعات
.
شكرا عزيزى على المرور
.
.

العزيز الكتاب خطاب..

الشوق الشوق الشوق

يالله عليك وعليها ربنا يحفظها يا عزيزي

وما أجمل الكتابه لها..

تذكرت معك (نفيسه بت كرموش) أمنا المدينة
وسامحني إن ناديت عليها عبر بوستك (الحنيِّن) هذا :

كيف يالراسي عوافي حباب
ود أب حُـوَّه اليوم ما أغتاب
دابي الخُشش النمر أبناب
أسداً قاهِر حجر الغاب
طامِح نيلك ما هو سراب
مطر العِينة اليوت صبّاب
صادق القول المو كضاب
عيش الدالي المو بُتّاب
كارم ضيفو بشوش رحّاب
عارف فرضو المو سبّاب

كيف آزين ؟
وكيف أصحابك ؟
نحن عوافي وكل عقابك
إلا وحاتك فوتَك قاسية
يوت نطراكَ ونتحجابك
خمسه سنين في قلب الغربة
يبقي أكيد زادنك كُربة
خمسه سنين في نار الكُربة
يبقي أكيد زادنك دُربه
أمك عارفه مآسي الغربة
أصلو الغربة شقيقة التُربة

كنا البارح نتونس بك
وإنت المطْرِي من غير شك
قال (بابكير) بالجد مشتاقلك
كل ما ليل في النوم يحلم بك
أختك تبكي وديمه تدّمِع
وسِيرتك منها ما بتتفك
كل الفِجة وحاتك تسأل
وإنت ضراها عليك الرك

والله بلدكُن ما بتِتفات
إلا العسكر والظُباط
والأحزاب الناسه عُباط
يات مِن جانا وقلنا بِيصلِح
باكر يطلع زول مِنساط
كل من قلنا حبابو العادِل
يمرق ظالم وكم لهّاط
يشرب زير البلد البارد
وباقي الشعب كفا النُقّاط
فِكنّا منها هادي السِيرة
سِيرة الدردرة والإحباط

ماك جايينا آبنتره قريب؟
بكره وحاتك خامس عيدك
عارفة الغربة الحالة صعيب
وعارفه بُعادك مو بي إيدك
داكي الليلة جوابك جاني
شالني عليك وكم وداني
وكُت بدعيلك ربي يزيدك
ما بندورلنا منك حاجه
بس تلفانا وتلقي جديدك
كيف أخبارك وأخبار نمّك
قولو وحاتك بفرج همك
عارفه الغربة بتحرق دمك
إلا الخالق بطلق قيدك

ما بتتوصي عليها صلاتك
وآصل رحمك وكل صِلاتك
ياخي اصحابك يسألو عنك
شوق الحِلة علي إنجلاتك
كل ما اشوفن أشوفك فيهن
ربي يجيبك وتلاقيهن
وكتفك ترمي منو عصاتك

كل ما اصلي وحاتك بدعي
ربي يزيدك ويعلوكْ
شاحده الخالق ما يضروكْ
تلقي مرادك يالمبروكْ
عافية عليكَ دنيا وآخره
عافية وحاتك وبرضو أبوكْ
عافية عليك
عافي عليك
عافية عليك
عافي
عليك.


والدتك :
نفيسة بت كرموش

====================

بت كرموش آ وآلدة وطيبة
والله جوابك قطّع قلبي
يا مبروكة وقولك هيبة
طاعم نمك خفف غلبي
شايفك يمه يوت في نومي
لافحة سماحةً بيها تحومي
تالا سبيقةً ما ها قِريبه
حاكره معيزتك وليها تحلبي
يا مبروكة عوافي عوافي
كيف شاهيك مقنن يومي
مافي وحاتك زيك مافي
إلا فراقك أصبح تومي
لاني الصاحي ولاني الغافي
بس كاريهُ وحاتِك دومي
بس مزروع في غربة سوافي
إلا العافية ماليه هدومي
ساتر حالي وتب متعافي
حامد ربي عليها همومي
والله دعاك للغايب كافي
حافض فرضي
وحافض صومي
شايل هماً فوقك أكتافي
كيف بِتقومي وكيف بتنومي
كيف أبنتره البحر الصافي
كيف بابكير الكبّر كومي
والله الشافعة الحنها وافي
شوقه وحاتك كتّف عومي
مو بي إيدنا نفوته بلدنا
بس جابِرنا الحال المايل
العسكور الحاله جلدنا
والأحزاب الشوفه قبايل
شفتي براكِ لما صمدنا
للجهجهنا وبدري نجهنا
للعبرات .. العوج الزايل؟
كلو وحاتك بكره يرَوِّح
ونلقي بلدنا الضرع الشايل
ما تنسيه دعاك يازينة
هو الساترنا ومغتينا
الله الخالق هو بنجينا
من غربتنا واي ضغينه
لما تهون القاسية الشينة
نرجع ليكن لي وادينا
الجنيات أصحابي صوابح؟
شوقُن طالق نارُن فينا
الصابرات آ طيبة روابح
الدعوات لروحنا سكينه
إنتي حبيبة وغالية عليا
زينه وطيبة وبيضة نية
أسأل جارا وكل الحارة
بت كرموش العالي مزارا
هادية رزينة بتعرف دينة
أمي نفيسه اللينا مدينة
الدعوات
الصالحة
متينة.
والدعوات
يا صالحة
رتينة.


ولدك:
فاروق أبوحُــوَّه

Quote: وما أجمل الكتابه لها.. تذكرت معك (نفيسه بت كرموش) أمنا المدينة وسامحني إن ناديت عليها عبر بوستك (الحنيِّن) هذا :

لى بت كرموش

الحُب الدائم
لها الغناء الطازج
والحرف المقنن فى الاصباح
وفى الاماسى
لها القيام حتى تجلس
الجلوس اليها
ايناع
لشجرة الكلام
لها السِعدة
ممشى
شباكها فُل
و بابها ريحان
لها السلام
لها السلام