Post: #1
Title: بيان هام من بورداب الخرطوم ..!!
Author: صلاح أبودية
Date: 07-12-2010, 11:40 AM
Parent: #0
ظللنا لفترة ليست بالقصيرة نراقب ما يحدث من بورداب الخارج ومن لف لفهم ...
وتعقيبا وتعغيبا لما حدث فى اللمة الأخيرة نعلن نحن بورداب الخرطوم عن الأتى :
عدم مسئوليتنا عن الطقس فى الخرطوم .
عدم مسئوليتنا عن ضياع أمتعة أى بوردابى .
عدم مسئوليتنا عن جودة ونوعية الشواءات فى قندهار وخلافها .
تبرءنا الكامل عن نظافة وصيانة شوارع الخرطوم وما جاورها .
عدم مسئوليتنا عن إنتظام التيار الكهربائى بالعاصمة وضواحيها .
لا صلة لنا لا من بعيد ولا من قريب بإنقطاع بث الجزيرة الرياضية .
البورداب الذين حضروا بسياراتهم نعتذر عن عدم توفير قطع غيار فى الوقت الحالى .
عدم مسئوليتنا عن بطء الشبكة العنكبوتية فى بعض أحياء الخرطوم .
عدم مسئوليتنا عن نظام الحكم فى السودان والدول المجاورة .
لا فرق لدينا بين بورداب أسبانيا وبين بورداب نيجيريا .
عدم مسئوليتنا عن عدم تأهل فرق قارة أفريقيا لنهائى المونديال .
كذلك لا يفوتنا أن ننوه أن العملة المتداولة فى الخرطوم هى الجنيه السودانى .
مع تمنياتنا لكم بقضاء إجازة سعيدة .
عنهم و تبا لهم : صلاح أبودية
|
Post: #2
Title: Re: بيان هام من بورداب الخرطوم ..!!
Author: omer osman
Date: 07-12-2010, 11:58 AM
Parent: #1
|
Post: #3
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 12:05 PM
Parent: #2
فاتنا كذلك أن نشير لكم بمراجعة الأخطبوط ود المحنة
قبل المجازفة بالسفر إلى الخرطوم !!
|
Post: #4
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 12:24 PM
Parent: #3
ولبورداب الخليج الذين أتوا بسياراتهم نعتذر عن عدم وجود أماكن للتفحيط !!
|
Post: #5
Title: Re: بيان هام من بورداب الخرطوم ..!!
Author: Mohammed Awad
Date: 07-12-2010, 12:31 PM
Parent: #4
| Quote: ولبورداب الخليج الذين أتوا بسياراتهم نعتذر عن عدم وجود أماكن للتفحيط |
كما نعتذر عن اختفاء كُبرى الملك فهد نسبة
لأستبداله بكُبرى المك نمر...
مع الاعتذار للميم التى لم تسقط سهوآ 
ـــــــــ
والله ياكُومندان بالغتة
الفول قام بيك ولا شنو؟
|
Post: #6
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 12:45 PM
Quote: والله ياكُومندان بالغتة
الفول قام بيك ولا شنو؟ |
طبنجة !
كيف حالك ؟
هسى عليك الله يا محمد ناس تكبدوا المشاق والعذاب وجوكم من آخر الواطة
تقوموا تعشوهم فول ؟؟
بالغتوا والله !!
|
Post: #7
Title: Re: بيان هام من بورداب الخرطوم ..!!
Author: Tabaldina
Date: 07-12-2010, 12:50 PM
Parent: #3
..
.
ظللنا لفترة ليست بالقصيرة نراقب ما يحدث من بورداب الخارج ومن لف لفهم ...
وتعقيبا وتعغيبا لما حدث فى اللمة الأخيرة نعلن نحن بورداب الخرطوم عن الأتى :
Quote: تبرءنا الكامل عن نظافة وصيانة شوارع الخرطوم وما جاورها .
|
.
Quote: عدم مسئوليتنا عن نظام الحكم فى السودان والدول المجاورة .
|
Quote: كذلك لا يفوتنا أن ننوه أن العملة المتداولة فى الخرطوم هى الجنيه السودانى .
|
مع تمنياتنا لكم بقضاء إجازة سعيدة بعيدا عن توجهاتكم السياسية وكلامكم الخارم بارم ( دى من عندى طبعاً)
------------------
الزميل الصديق الشقيق بيانك ضعيف ..ولا يتماشى مع واقع الحال
سوف تقوم اللجنة الثورية لاتخاذ القرارات الجادة باصدار قرار والعمل به
من تاريخ قدوم وفد ممثلى لجنة بورداب العالم العالم وهم
طارق جبريل - المغرب
وعلاء منصور - الجزيرة العربية
اميرة الشيخ - الخليج
دانيا المكى - شمال الاطلسى
حبيب نورا - شمال افؤيقيا
دومه بت دومه - جنوب شرق اسيا
وود طيفور- كندا والمتجمد الشمالى
|
Post: #8
Title: Re: بيان هام من بورداب الخرطوم ..!!
Author: osman righeem
Date: 07-12-2010, 12:58 PM
Parent: #7
Quote: اميرة الشيخ - الخليج
|
الخليج ياتو ؟؟؟
|
Post: #9
Title: Re: بيان هام من بورداب الخرطوم ..!!
Author: MOHAMMED ELSHEIKH
Date: 07-12-2010, 01:08 PM
Parent: #8
الفارسي طبعا
|
Post: #10
Title: Re: بيان هام من بورداب الخرطوم ..!!
Author: MOHAMMED ELSHEIKH
Date: 07-12-2010, 01:13 PM
Parent: #9
وبالنسبة لبورداب جزيرة العرب ما طريت الكبسة[/B].. كويس
بختك يا ود الصائم دي ثغرة.... كاااكـ
|
Post: #13
Title: Re: بيان هام من بورداب الخرطوم ..!!
Author: Amira Elsheikh
Date: 07-12-2010, 01:23 PM
Parent: #10
ياابودية ..سلااااااااااام
بورداب الخارج ديل مامقطوعين من شجرة ولا ماعندهم اهل ولا ماعندهم اصحاب
ولا قاعد يجو السودان دا سياحة ...ويمشو يلفو فى سوق امدرمان ويشترو gifts
فى ناس كتيرة بتجى وتمشى من غير زول يعرف ....
الزول القال الكلام دا معروف افتح ليهو وبوست واتكلم معاهو
لانو التعميم دا مخل ...
غايتو ياتبلدينا حقو الزول يحرش ليك زول يديك جلدة
|
Post: #19
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 01:38 PM
Parent: #13
Quote: فى ناس كتيرة بتجى وتمشى من غير زول يعرف ....
الزول القال الكلام دا معروف افتح ليهو وبوست واتكلم معاهو
لانو التعميم دا مخل ...
|
مخل بالخاء ؟
الأخت أميرة ..
لك التحية والإحترام !
إنتى زعلتى ول شنو ؟
تبلدينا !!
ماليك حق تخصص يا ديجانقو !
|
Post: #26
Title: Re: بيان هام من بورداب الخرطوم ..!!
Author: Tabaldina
Date: 07-12-2010, 02:07 PM
Parent: #13
..
.
| Quote: ولا قاعد يجو السودان دا سياحة ...ويمشو يلفو فى سوق امدرمان ويشترو gifts |
بالظبط كدى .. الا مسؤولة من الخير الزول دا اتووو .. نعلو ما انا ؟؟
| Quote: غايتو ياتبلدينا حقو الزول يحرش ليك زول يديك جلدة |
جلدة ..
مالى عملت شنو ؟؟ عشان شرحت وفصلت وريت افكاركم الشينة فينا
قال شنو ما عندكم شغله ونضفوا الشوارع ..
قوموا لفوا ياااخ واتخارجوا سرررررررريع ..
---------------
الذ شئ داليا تتصل على تقول لى حسي مسخن كدا فى ذمتك دى اميرة كن جات
ما حتعمل ليها لمه .. قلت ليها ممكن تحت تحت بالكرباووى .. و ممنوع التصوير..
والله لو كلمتكم بدعم بورداب الخرطوم
يمين تسافرى انت وطارق جبريل تعملو مقصلة لصبرى الشريف وآخرون..
قولوووووووووو الروووووووووب
|
Post: #12
Title: Re: بيان هام من بورداب الخرطوم ..!!
Author: معاوية عوض الكريم
Date: 07-12-2010, 01:22 PM
Parent: #9
نيابة عن بورداب بحري
نعتذر عن هذا البيان 
|
Post: #11
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 01:20 PM
Parent: #7
Quote: الزميل الصديق الشقيق بيانك ضعيف ..ولا يتماشى مع واقع الحال
سوف تقوم اللجنة الثورية لاتخاذ القرارات الجادة باصدار قرار والعمل به |
الزميل الشقيق/ صالح
مندوب بورداب الداخل فى شمالى كردفان !
نرجو مراجعة مكاتب الرئاسة بالكرين بحرى قبل إصدار أى قرارات ثورية !!
|
Post: #14
Title: Re: بيان هام من بورداب الخرطوم ..!!
Author: طارق جبريل
Date: 07-12-2010, 01:24 PM
Parent: #11
كدة الاجازة ضاعت شمار في مرقة
|
Post: #15
Title: Re: بيان هام من بورداب الخرطوم ..!!
Author: Amira Elsheikh
Date: 07-12-2010, 01:27 PM
Parent: #14
طارق جبريل بطل ضحك وميتة فلب
نحن ذاتنا حنطلع بيان بعد شوية
النبى فيك تصيغ لينا بيان بالشايقى كدا وتعلن مقاطعتنا التامة
لبورداب الداخل من غير فرز
|
Post: #16
Title: Re: بيان هام من بورداب الخرطوم ..!!
Author: صديق عبد الجبار
Date: 07-12-2010, 01:32 PM
Parent: #15
أميرة يا بت الشيخ .. سلام
أنحنا ما زلنا متمسكين بالحياد السلبي .. لا مع هذا الداخلي ولا مع ذاك الخارجي ..
ياللا كل فريق يعمل لوبي جامد ويحاول يستقطبنا ..
تحياتي
|
Post: #17
Title: Re: بيان هام من بورداب الخرطوم ..!!
Author: طارق جبريل
Date: 07-12-2010, 01:33 PM
Parent: #15
Quote: النبى فيك تصيغ لينا بيان بالشايقى كدا وتعلن مقاطعتنا التامة
لبورداب الداخل من غير فرز |
عُلِم وجاري التنفيذ
|
Post: #18
Title: Re: بيان هام من بورداب الخرطوم ..!!
Author: Abureesh
Date: 07-12-2010, 01:35 PM
Parent: #15
جنابو عمر عثمان،
شلكاوى مرة واحدة!!
سبب موتيييييى سبب موتييى بنية.
هسى الواحد لو لقى مسجل فيه شريط زى دا، ومعاه بندقيـة ممكن يعمل إنقلاب.
|
Post: #20
Title: Re: بيان هام من بورداب الخرطوم ..!!
Author: عفاف الصادق بابكر
Date: 07-12-2010, 01:49 PM
Parent: #18
Quote: النبى فيك تصيغ لينا بيان بالشايقى كدا وتعلن مقاطعتنا التامة
لبورداب الداخل من غير فرز |
هوووووووي يا اميرة .. قولي يا لطيف ... طارق يعد فى الايام جائي لعيد الضحية ..
ما تحرشي الزول ده وإجازته ترووح ساي شمار فى مرق من غير لمه ..
بالجنبه كده: انا معاكم فى اي بيان ..
يابت انتى كيف حالك ؟
|
Post: #31
Title: Re: بيان هام من بورداب الخرطوم ..!!
Author: Amira Elsheikh
Date: 07-12-2010, 02:28 PM
Parent: #20
| Quote: بالجنبه كده: انا معاكم فى اي بيان .. |
عفاف ..سلااام ..
ابقى قدر الكلام دا لانو نحن ناوين على مشاكل بعدين ماتجى تبكى لينا
والنبى باركوها والنبى نحن اخوان .
عارفاك قلبك رهيف ..
تحياتى
|
Post: #23
Title: Re: بيان هام من بورداب الخرطوم ..!!
Author: Amira Elsheikh
Date: 07-12-2010, 01:49 PM
Parent: #18
Quote: أميرة يا بت الشيخ .. سلام
أنحنا ما زلنا متمسكين بالحياد السلبي .. لا مع هذا الداخلي ولا مع ذاك الخارجي ..
ياللا كل فريق يعمل لوبي جامد ويحاول يستقطبنا ..
تحياتي |
اوووو عميد كابتن طيران الكونفدرالية سابقا/جناح الهلال,,,صديق عبدالجبار
بقى مافى استقطاب لانو بقى مافى زمن
بس اى زول يكوم من طرف ويشوت ومافارقة وبقت دى سنة البورداب الماحميدة,,
انا شدة ماعاملة الحالة واحدة ماكنت عارفة روحى بورداب خارج ولابورداب داخل ولاقاعد افرز زاتو,,,,
تحياتى ياصديق,,,
بس نحن حنعمل لوبى اسمو لوبى الانسانية واى زول الشرط دا بنتفى فيهو مازولنا تب,,,
|
Post: #25
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 01:55 PM
Parent: #18
| Quote: ومعاه بندقيـة ممكن يعمل إنقلاب. |
أبو الريش
تحياتى ..
هسى فى زول جاب سيرة البنادق والكبارى وساعة الصفر زاتها ؟؟
بعدين ...
التضامن مع المعتقلين ما بيأكل عيش !!
|
Post: #21
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 01:49 PM
Parent: #14
| Quote: كدة الاجازة ضاعت شمار في مرقة |
ودخالتى !
إنت ما قلت أحموك الإجازى ؟؟
ماك داير ترسلنا أنا وخالتك ؟
عشان نجى من هناك فى شكل بورداب من الخارج وكده!!
|
Post: #22
Title: Re: بيان هام من بورداب الخرطوم ..!!
Author: حمزاوي
Date: 07-12-2010, 01:49 PM
Parent: #14
| Quote: كذلك لا يفوتنا أن ننوه أن العملة المتداولة فى الخرطوم هى الجنيه السودانى . |
خلاص نويت تأكلنا
|
Post: #24
Title: Re: بيان هام من بورداب الخرطوم ..!!
Author: Amira Elsheikh
Date: 07-12-2010, 01:55 PM
Parent: #22
Quote: تبلدينا !!
ماليك حق تخصص يا ديجانقو ! |
ابودية ,,,
البينى وبين تبلدينا عااااامرة
انت المحتاج تفرز
|
Post: #27
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 02:11 PM
Parent: #24
نصائح مجانية لبورداب الخارج :
لا توجد محلات ماكدونالد بالعاصمة
كل النظارات الشمسية التى تباع بالسودان ماسورة !
شارع المك نمر يؤدى إلى كبرى المك نمر من جهة الخرطوم وإلى شارع المعونة من جهة بحرى !
تجنب إستخدام كبرى النيل الأزرق لإنتهاء فترة صلاحيته !
تجنب إستخدام الأدوية البلدية طيلة فترة الإجازة ما أمكن !
لا يوجد عسل نحل أصلى فى السودان بالمرة !
كذلك لا يوجد زيت سمسم من العصارة أو خلافها .
فى حالة إستخدام الحقن للعلاج يجب مراعة الأتى :
التأكد من أن الحقنة جديدة وغير مستعملة !
إرخاء الجسم عشان الدواء يمشى كويس !
إستخدام المكمدات الباردة بعد الحقن لتجنب الخراريج .
لا تصدر أى صحف سيارة بالليل .
تنتهى الحفلات فى تمام الساعة الحادية عشر ليلاً ولا توجد مواصلات بعد العرض .
تجنب إمتطاء الركشات ما أمكن ذلك !
لا داعى لإحضار لبن بودرة معكم لأنه متوفر بكثرة هذه الأيام .
ولا داعى أيضا لإحضار بامبرز لأطفالكم توجد حفاضات ممتازة بسعد قشرة !
تربية ظفر السبابة لإستخدامه فى كشط كروت الشحن .
|
Post: #28
Title: Re: بيان هام من بورداب الخرطوم ..!!
Author: Tabaldina
Date: 07-12-2010, 02:20 PM
Parent: #27
...
.
قرقر قرقر قرقر
ممكن من الاخ الشقيق الاتصال بالارصاد الجوى
ومحلية الخرطوم ..
للاعلان عن حالة الطقس ومواقع رمى الاوساخ وتجمعها ..
--------------
مع وضع ارقام الطوارئ والاسعاف والنجدة
|
Post: #29
Title: Re: بيان هام من بورداب الخرطوم ..!!
Author: Amira Elsheikh
Date: 07-12-2010, 02:21 PM
Parent: #27
Quote:
الذ شئ داليا تتصل على تقول لى حسي مسخن كدا فى ذمتك دى اميرة كن جات
ما حتعمل ليها لمه .. قلت ليها ممكن تحت تحت بالكرباووى .. و ممنوع التصوير..
والله لو كلمتكم بدعم بورداب الخرطوم
يمين تسافرى انت وطارق جبريل تعملو مقصلة لصبرى الشريف وآخرون.. |
غايتو ياتبلدينا انا ماتشيلو همى لانى لسة مابقيت بورداب خارج جد جد
وبجى وبسافر عادى مافى زول بعرفنى .. ولا قاعد اعمل لى اعلان
بلا لمة بلا يحزنون ..
سمعت يوم واحد اميرة الشيخ جات ولا اميرة الشيخ مشت ؟
جنى وجن شيل الحال ..وشكلكم مستمرين فيهو ..البوقفكم شنو
ماعارفة ..
غايتو ياصبرى الشرف سويتها فينا
____________________________________
وبعدين الزول المقصود دا صبرى الشريف ياديجانقو افرز
|
Post: #30
Title: Re: بيان هام من بورداب الخرطوم ..!!
Author: Dania Elmaki
Date: 07-12-2010, 02:25 PM
Parent: #29
| Quote: تربية ظفر السبابة لإستخدامه فى كشط كروت الشحن |
I like it.
|
Post: #32
Title: Re: بيان هام من بورداب الخرطوم ..!!
Author: بدر الدين اسحاق احمد
Date: 07-12-2010, 02:36 PM
Parent: #27
يا دفعة سلام ..
انت الجمعية العموية لبورداب الخرطوم عقدوهــا بدون مشاورتنا ولا شنو ؟
وكمان ( الشكية ليه الله ) بورداب بحــرى عندهم ناطق رسمــى
متين / كيف / ليـه / ....... مليون استفهام ؟
مقترح ( اى زول يجــئ من بورداب الخارج حقو طوالـى يودوهو ( جــوبــى ) بتاع الشعبية
من اجل الارتقاء بالتراث الشعبياوى حقنــا ..
|
Post: #33
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 02:56 PM
Parent: #32
Quote: انت الجمعية العموية لبورداب الخرطوم عقدوهــا بدون مشاورتنا ولا شنو ؟
|
يا دفعة جمعية شنو ؟
ده إنقلاب عديل كده ما سامع المارشات ؟؟
|
Post: #34
Title: Re: بيان هام من بورداب الخرطوم ..!!
Author: Yousif A Abusinina
Date: 07-12-2010, 03:17 PM
Parent: #33
غايتو الفيكم اتعرفت
والله كان دا حالكم احسن لينا نغير حجزنا
او شنو رايك يا ابورغيم _ الجماعة ديل الحصل عليهم شنو الواحد قبل الخميس وللشى البشوف ى البوست يسال رب العالمين القيامة ما تقوم من الخرتوم شوف ناسك كيفن بتبرووووا يعنى لو طلبنا منا كبسة بحاشى يقول اتبرانا من المنبر .
مطلوب لجنة تقصى الحقائق فورا
|
Post: #35
Title: Re: بيان هام من بورداب الخرطوم ..!!
Author: Tragie Mustafa
Date: 07-12-2010, 03:31 PM
Parent: #34
أبو اديه
يا اخي بتبالغ انت ذاتك
ود متين بجاي....!!
يا حبيب نحن لسه بنتذكر حضورك لهنا زي البارحه!
اها طوالي غلبك الصبر؟؟؟
استحمل يا زول
وبيني وبينك صالح (تبلدينا) ده ليه حق يفور ويندلك لانه قديم
وبكون شاف العجب باسم بورداب الخرطوم الا هو طبعا ما بتخاف عليه
لسانه طويل وبيتسد حقه.(ههههههه) الكلام حاج عوض الطيب كاظم الغيظ!!
شوفوا يا بورداب الخرطوم بطلوا الحركات النص كم دي
عاملين فيها زعلانين وحردانين....قبل ما نصلكم!!
اها تشفوا لكم حل وتبلعوا الزعله دي زي ما بلعوا ناس كثرا بوستات كثيره.
انسوا الحصل ده
واعرفوا انه الاصل انتو وليس الآخرين....
يعني انتو بتعملوا الانشطه دي لاجل انفسكم و الآخرين عابرين.
احرصوا على الحوار بينكم...وما بتجيكم عوجه باذن الله.
|
Post: #40
Title: Re: بيان هام من بورداب الخرطوم ..!!
Author: صلاح أبودية
Date: 07-13-2010, 09:27 AM
Parent: #35
الأخت تراجى ..
تحياتى وإحترامى
Quote: يا اخي بتبالغ انت ذاتك
ود متين بجاي....!!
يا حبيب نحن لسه بنتذكر حضورك لهنا زي البارحه!
اها طوالي غلبك الصبر؟؟؟ |
كيف ..
معقول أنسى ترحيبك الحار بى ؟؟
Quote: شوفوا يا بورداب الخرطوم بطلوا الحركات النص كم دي
عاملين فيها زعلانين وحردانين....قبل ما نصلكم!! |
خبر والله !!
متين إن شاء الله ؟؟
| Quote: اها تشفوا لكم حل وتبلعوا الزعله دي زي ما بلعوا ناس كثرا بوستات كثيره. |
أها يا تراجى ..
بُلُعُت !!
|
Post: #38
Title: Re: بيان هام من بورداب الخرطوم ..!!
Author: صلاح أبودية
Date: 07-13-2010, 08:50 AM
Parent: #34
يوسف أبوسنينة
لك التحية والإحترام
| Quote: والله كان دا حالكم احسن لينا نغير حجزنا |
ليه ياخ والكتاحة دى نشفطها نحن برانا..
راجنكم بيها حول كامل .. تقول لى تغير الحجز ؟؟
|
Post: #36
Title: Re: بيان هام من بورداب الخرطوم ..!!
Author: عماد الشبلي
Date: 07-12-2010, 03:32 PM
Parent: #33
ومن الاخطاء القاتلة لبورداب الخرطوم .. قدمو لينا الشامبيون بالقزاز بدل ما كان يكبو في الزير دا من قبل يومين وبعدين يقدمو لينا
|
Post: #45
Title: Re: بيان هام من بورداب الخرطوم ..!!
Author: صلاح أبودية
Date: 07-13-2010, 11:20 AM
Parent: #36
| Quote: ومن الاخطاء القاتلة لبورداب الخرطوم .. قدمو لينا الشامبيون بالقزاز بدل ما كان يكبو في الزير دا من قبل يومين وبعدين يقدمو لينا |
الشبلى .. كيف حالك !
وين الصور بتاعت القزاز والماقزاز ؟
|
Post: #37
Title: Re: بيان هام من بورداب الخرطوم ..!!
Author: صلاح أبودية
Date: 07-12-2010, 08:37 PM
Parent: #24
Quote: ابودية ,,,
البينى وبين تبلدينا عااااامرة
انت المحتاج تفرز |
دائما عامرين إن شاء الله يا بت الشيخ !
وأعفى لينا ياخ كان أثقلنا عليك !
البوست للمزاح والتعارف !
كونى بألف خير !
ومرحب بيك بين أهلك وأخوانك البورداب !!
لك التحية والأحترام من قبل ومن بعد.
|
Post: #39
Title: Re: بيان هام من بورداب الخرطوم ..!!
Author: محمد كابيلا
Date: 07-13-2010, 09:18 AM
Parent: #1
أبودية..
تحيــاتى
Quote:
ظللنا لفترة ليست بالقصيرة نراقب ما يحدث من بورداب الخارج ومن لف لفهم ...
وتعقيبا وتعغيبا لما حدث فى اللمة الأخيرة نعلن نحن بورداب الخرطوم عن الأتى :
عدم مسئوليتنا عن الطقس فى الخرطوم .
عدم مسئوليتنا عن ضياع أمتعة أى بوردابى .
عدم مسئوليتنا عن جودة ونوعية الشواءات فى قندهار وخلافها .
تبرءنا الكامل عن نظافة وصيانة شوارع الخرطوم وما جاورها .
عدم مسئوليتنا عن إنتظام التيار الكهربائى بالعاصمة وضواحيها .
لا صلة لنا لا من بعيد ولا من قريب بإنقطاع بث الجزيرة الرياضية .
البورداب الذين حضروا بسياراتهم نعتذر عن عدم توفير قطع غيار فى الوقت الحالى .
عدم مسئوليتنا عن بطء الشبكة العنكبوتية فى بعض أحياء الخرطوم .
عدم مسئوليتنا عن نظام الحكم فى السودان والدول المجاورة .
لا فرق لدينا بين بورداب أسبانيا وبين بورداب نيجيريا .
عدم مسئوليتنا عن عدم تأهل فرق قارة أفريقيا لنهائى المونديال .
كذلك لا يفوتنا أن ننوه أن العملة المتداولة فى الخرطوم هى الجنيه السودانى .
مع تمنياتنا لكم بقضاء إجازة سعيدة .
عنهم و تبا لهم : صلاح أبودية |
البيان أعلاه لا يمثل بورداب الخرطوم
عليه على جهات الإختصاص إجراء اللازم ..!!
|
Post: #41
Title: Re: بيان هام من بورداب الخرطوم ..!!
Author: وليد محمد المبارك
Date: 07-13-2010, 09:29 AM
Parent: #39
| Quote: ولبورداب الخليج الذين أتوا بسياراتهم نعتذر عن عدم وجود أماكن للتفحيط !! |
تعديل
ننوه لبورداب الخارج انه تم توفير اماكن للتفحيط في منطقة الصفيراء جنوب غرب امدرمان جوار الكسارات وشرق مدينة بارا
|
Post: #44
Title: Re: بيان هام من بورداب الخرطوم ..!!
Author: صلاح أبودية
Date: 07-13-2010, 09:47 AM
Parent: #41
وليد الشفت
لك التحية والإحترام
| Quote: ننوه لبورداب الخارج انه تم توفير اماكن للتفحيط في منطقة الصفيراء جنوب غرب امدرمان جوار الكسارات وشرق مدينة بارا |
تم التعديل !
نرجو توفير أدوات GPS وكده !!
|
Post: #42
Title: Re: بيان هام من بورداب الخرطوم ..!!
Author: قاسم المهداوى
Date: 07-13-2010, 09:30 AM
Parent: #39
| Quote: حبيب نورا - شمال افؤيقيا |
حبيب نورة مقيم بمحافظة الجيزة ( يبقى شمال افريقا باللفة )
المهداوى
|
Post: #46
Title: Re: بيان هام من بورداب الخرطوم ..!!
Author: صلاح أبودية
Date: 07-13-2010, 01:52 PM
Parent: #43
إلحاقا لقرارنا السابق لشركةالطلح والشاف والأخشاب الدهنية
بإيقاف تصدير الطلح إلى شمال أفريقيا
يوقف كذلك من تاريخه تصدير الدلكة ومستلزماتها إلى نفس الجهة !
ــــ
أها ياود خالتى إن شاء الله تصنحوا !!
|
Post: #47
Title: Re: بيان هام من بورداب الخرطوم ..!!
Author: عمران حسن صالح
Date: 07-13-2010, 02:00 PM
Parent: #46
| Quote: تقوموا تعشوهم فول ؟؟ |
انت قايل الفول نحن مابنو ؟؟
ياخي فول الواحة بتاع ودنوباوي داكـ ولا بروست البيكـ بجدة ( ينفعكـ يا صديق رحمة )
الفول هنا طعمو عدس والعدس طعمو فاصوليا
|
Post: #48
Title: Re: بيان هام من بورداب الخرطوم ..!!
Author: صلاح أبودية
Date: 07-13-2010, 04:34 PM
Parent: #47
| Quote: الفول هنا طعمو عدس والعدس طعمو فاصوليا |
عمران !
إنتو قاعدين وين؟
|
Post: #49
Title: Re: بيان هام من بورداب الخرطوم ..!!
Author: SHIBKA
Date: 07-13-2010, 04:48 PM
Parent: #48
طيب المسئول عن عدوم وجود موقف سيارات قدام بيت الفنون منو؟
|
Post: #50
Title: Re: بيان هام من بورداب الخرطوم ..!!
Author: Mohammed Awad
Date: 07-13-2010, 04:52 PM
Parent: #49
| Quote: طيب المسئول عن عدوم وجود موقف سيارات قدام بيت الفنون منو؟ |
مسؤولة انتى...
تعالى بدرى
ــــــ
سلامات ياخ
|
Post: #51
Title: Re: بيان هام من بورداب الخرطوم ..!!
Author: صلاح أبودية
Date: 07-13-2010, 05:06 PM
Parent: #49
| Quote: طيب المسئول عن عدوم وجود موقف سيارات قدام بيت الفنون منو؟ |
شبكة !
موقف سيارات مافى !!
فى موقف عربات ... ينفع ؟
ــ
بالعدم يمكن ترك العربات فى الجهة المقابلة أى عند شيخ العوض !
وبالمرة معرفة سعرها الحالى وبوضعها الراهن !!
|
Post: #52
Title: Re: بيان هام من بورداب الخرطوم ..!!
Author: SHIBKA
Date: 07-13-2010, 05:18 PM
Parent: #51
صلاح
Quote: موقف سيارات مافى !!
فى موقف عربات ... ينفع ؟
|
لكن اليافطة بيكون مكتوب فيها موقف سيارات ما موقف عربات ياجنابو
وتقييم العوض دا للعربات المحلية ولي الجاية من برة
مع انو بالسمعتو ما اظن زول يجيب ليهو عربية بغرض تقضية الاجازة
|
Post: #53
Title: Re: بيان هام من بورداب الخرطوم ..!!
Author: Rawia
Date: 07-13-2010, 06:53 PM
Parent: #52
يعني ماجبت سيرة للصن بلوك
الخرطوم دي المفروض الجنين في بطن أمو يمسحو ليهو الصن بلوك مرتين في اليوم
|
Post: #54
Title: Re: بيان هام من بورداب الخرطوم ..!!
Author: زهير عثمان حمد
Date: 07-13-2010, 09:02 PM
Parent: #53
الاخ صلاح كل الاخوان
تحياتي
و الله رغم كل الظروف خسريتك المريرة الخرطوم عامرة بيكم
|
Post: #57
Title: Re: بيان هام من بورداب الخرطوم ..!!
Author: صلاح أبودية
Date: 07-14-2010, 11:05 AM
Parent: #54
الأخ زهير عثمان حمد
لك التحية والإحترام
| Quote: و الله رغم كل الظروف خسريتك المريرة الخرطوم عامرة بيكم |
ويعلم الله إنكم نورتوها وعمرتوها بزيارتكم
سعدت وتشرفت بالتعرف عليك ..
أنا بطبعى بحب الناس المؤدبين والحييين !
تمنياتى أن نلتقى مرة أخرى !
|
Post: #56
Title: Re: بيان هام من بورداب الخرطوم ..!!
Author: صلاح أبودية
Date: 07-14-2010, 10:49 AM
Parent: #53
Rawia
كيفنك ؟| Quote: يعني ماجبت سيرة للصن بلوك |
الصن بلوك دى مرحلة تجاوزناها زمان ..
نحن هسى فى مرحلة الدصت بلوك !
|
Post: #55
Title: Re: بيان هام من بورداب الخرطوم ..!!
Author: صلاح أبودية
Date: 07-14-2010, 09:58 AM
Parent: #52
شبكة !
كيفنك ياخ !| Quote: مع انو بالسمعتو ما اظن زول يجيب ليهو عربية بغرض تقضية الاجازة |
سمح الجماعة ديل مالين لينا الشوارع كلها بى لوحاتم الفصيحة دى
السعودية
أ س د
1425
السعودية
ق ر د
4524
السعودية
م ل ح
5264
أسد ، قرد وملح معقولة بس دى لوحات !
وفى لوحات كده ما بقدر أنزلها هنا عشان أنا ما عاوز بكرى يوقفنى !
|
Post: #58
Title: Re: بيان هام من بورداب الخرطوم ..!!
Author: عماد الشبلي
Date: 07-14-2010, 11:10 AM
Parent: #55
| Quote: وين الصور بتاعت القزاز والماقزاز ؟ |
الظريف صلاح
القزاز ما صورتو عشان ما اعمل دعاية للشامبيون
لكن صور الماقزاز موجودة
|
Post: #59
Title: Re: بيان هام من بورداب الخرطوم ..!!
Author: Mahassin Ibrahim
Date: 07-14-2010, 01:25 PM
Parent: #58
لاصلاح : سلامات.
ممكن تضيف ليها:
1- عدم مسئوليتنا عن تواجد الركشات في الشوارع - خاصه الصحافه زلط والتي يفوق عددها عدد سكان المنطقه.
لكي لا يصدم اولاد المغتربين صدمه تاريخيه من هذه الاشكال الما مفهومه موتر ولا عجله ولا شي تاني.
2- عربات حمل الاوساخ التي تاخذ الاوساخ وتطير اكياس النايلون فوق راس السائرين والراكبين العربات.
بنخاف عليهم من الصدمه الغير حضاريه.
3- شرائط الكاسيت الحائمه اليومين ديل نخاف علي مشاعر الكبار قبل الصغار.
بس اليوم في جو مبالغ في الخرطوم ممكن نعلبو ليهم حتي يستمتعو به كل الايام القادمات.
|
Post: #61
Title: Re: بيان هام من بورداب الخرطوم ..!!
Author: صلاح أبودية
Date: 07-14-2010, 05:21 PM
Parent: #59
محاسن إبراهيم
لك التحيات الطيبات
Quote: 1- عدم مسئوليتنا عن تواجد الركشات في الشوارع - خاصه الصحافه زلط والتي يفوق عددها عدد سكان المنطقه.
لكي لا يصدم اولاد المغتربين صدمه تاريخيه من هذه الاشكال الما مفهومه موتر ولا عجله ولا شي تاني.
2- عربات حمل الاوساخ التي تاخذ الاوساخ وتطير اكياس النايلون فوق راس السائرين والراكبين العربات.
بنخاف عليهم من الصدمه الغير حضاريه.
3- شرائط الكاسيت الحائمه اليومين ديل نخاف علي مشاعر الكبار قبل الصغار. |
Done
زى ما بقول بكرى لى ناس المكتبات !!
|
Post: #60
Title: Re: بيان هام من بورداب الخرطوم ..!!
Author: صلاح أبودية
Date: 07-14-2010, 01:36 PM
Parent: #58
| Quote: لكن صور الماقزاز موجودة |
الشبلى !
طيب ما ترفعها ياخ !!
ول رسل لينا النيجاتيف !!
|
Post: #62
Title: Re: بيان هام من بورداب الخرطوم ..!!
Author: SHIBKA
Date: 07-14-2010, 08:27 PM
Parent: #55
| Quote: وفى لوحات كده ما بقدر أنزلها هنا عشان أنا ما عاوز بكرى يوقفنى ! |
انا برررررررررررررررررة
شوف جنينة الحيوانات دي تبع منو
|
Post: #63
Title: Re: بيان هام من بورداب الخرطوم ..!!
Author: Mahassin Ibrahim
Date: 07-15-2010, 06:57 AM
Parent: #62
صلاح : كيف صباحك ؟
شفت الجو المبدع دا ...حاجه لا تعوض .
اسالهم كلهم يجوا الليله ويحصلو والا سنعلن عن عدم مسئوليتنا عن ما سيعقبكم من ايام قادمات.
عرفت انك قريب طاترق جبريل وابن خالته كمان.
اتمني ان تكون انت صلاح محمد صلاح (( ابن المرحوم محمدصلاح)) ....ولو صدق هذا يكون صدفه للقدر ان يجمعنا بهذه الاسره التي جاورتنا فتره بالشجره قبل رحيل فقيدها.....عليه رجمة الله.
شبكه: انتي وين؟ نما الي علمي انك بيينا ....الف مراحب ونتمني نشوفك.
|
Post: #65
Title: Re: بيان هام من بورداب الخرطوم ..!!
Author: صلاح أبودية
Date: 07-15-2010, 09:31 AM
Parent: #63
محاسن إبراهيم
لك التحيات الطيبات
Quote: عرفت انك قريب طاترق جبريل وابن خالته كمان.
اتمني ان تكون انت صلاح محمد صلاح (( ابن المرحوم محمدصلاح)) ....ولو صدق هذا يكون صدفه للقدر ان يجمعنا بهذه الاسره التي جاورتنا فتره بالشجره قبل رحيل فقيدها.....عليه رحمة الله.
|
عفوا أرجوا تعديل الكلمة التى تحتها خط فى مداخلتك !
طارق جبريل فعلا إبن خالتى
وأنا صلاح محمد صلاح بشحمه ولحمه !
ومعقولة تكونى متذكرانا لغاية هسى يا محاسن
يا محاسن الصدف ..
سعيد جدا بمفرفتك هنا والحى بلاقى يا محاسن !
كيف حالك وحال الأسرة ؟
لا حول ولا قوة إلا بالله
حاجة صعب الزول يصدقها والله !!
|
Post: #66
Title: Re: بيان هام من بورداب الخرطوم ..!!
Author: Mahassin Ibrahim
Date: 07-15-2010, 10:10 AM
Parent: #65
صلاح : سلامات والهشه تملاني.
هل تذكر تلك الفتره يا صلاح؟
وهل تذكر تفاصيل تلك الجيره التي لم تنمخي من ذاكرتنا.
وينها الوالده طيبه واين صفاء؟
اتمني ان اسمع تفاصيل اكثر ...حتي ولو عبر الخاص.
منتظراك.
|
Post: #67
Title: Re: بيان هام من بورداب الخرطوم ..!!
Author: صلاح أبودية
Date: 07-15-2010, 10:21 AM
Parent: #66
محاسن !
| Quote: اتمني ان اسمع تفاصيل اكثر ...حتي ولو عبر الخاص. |
راجعى الخاص
|
Post: #64
Title: Re: بيان هام من بورداب الخرطوم ..!!
Author: صلاح أبودية
Date: 07-15-2010, 08:35 AM
Parent: #62
Quote: انا برررررررررررررررررة
شوف جنينة الحيوانات دي تبع منو |
شبكة
كيفنك !
حقيقة بالجد أنا منعت أولادى رسميا من ترديد لوحات
سيارات السعودية بالذات لمن يكونوا معاى فى العربية !
ده شنو ده !!
|
|