ما الفرق بين ديك العدة وتور الخزف ؟؟
بالطبع الأتنين آلة تدمير في أي حته يتفكوا فيها (بلا رقيب أو حسيب)
طالما أن الديكنة والتورنة هي سيدة الموقف
بس برضو ما يزال هناك فرق بين الديكنة والتورنة
فالديك مهما بلغ به الحال يكسر ليهو كبايتين تلاتة وتحصلوا تخارجو ويا دار ما دخلك شر
أما التور أب جاعورة البشم الدم وبيقول حرم فنطاق تدميره بيكون أوسع ونتائجه أوسع
مع أن قدر المخيخ ألفي الديك تلقاهو ما عنده لذلك التور دائماً نتائجه كارثيه وفي النهاية
تلقاهو قاعد يتفرج لا بيهوا ولا عليه ماااا تور تقول أيه مين أدو ..
المثل قال : التعملو بأيدك يغلب أجاويدك فيا أيها التور مهما تكن عروضك
الاستغفالية لإصلاح ما تم تدميره فلابد أن يظل التور توراً ولو علقولو قرني ذو القرنين ظااااااتو !!! ..
الحال ده بيشبه ياتوا حال في واقعنا المحال يا سادة ياكرام ؟؟!!
نكشة : قال أيه .. راح الحمار يركبولو قرنين رجع مقطوع الإضنين !!! ..