Post: #1
Title: عدم موضوع
Author: almulaomar
Date: 07-11-2010, 09:31 AM
Parent: #0
واحد زلمي لبناني مهاجر في السويد رزق بطفل ذكر والأمر هنا عادي ، أها قعد يفتش في الإنترنت عن إسم لطفله وبرضو الموضوع أكتر من عادي لكين الما عادي إنه الراجل زهج من البحث في الإنترنت ولم يجد أى إسم يتوافق ومزاجه فقام على طول مسمى إبنه بإسم محرك البحث google هذا هو اول طفل اسمه google في العالم , على اسم موقع البحث الاكبر في العالم , وقد قام الاهل باعطاء المولود هذا الاسم , نظرا لشهرة موقع google في العالم
المهم ناس موقع جوجل سمعو بي خبر التسمية وقربو يجيبو للبناني خروف سايبيري أو كيس حلاوه بالإيميل طبعاً لكين أكيد بعث الموقع للعائلة مجموعة هدايا قيمة للطفل ولهم.
وقد تطرقت الكثير من المواقع الالكترونية الى هذا الطفل الذي حصل على اسم موقع انترنت.
وقد سمعنا في السابق عن اطفال تم تسميتهم على اسم لاعبي كرة قدم وفرق كرة قدم وغيرها ولكن على اسم موقع انترنت هذه اول مرة.. وهذا هو الطفل الذي قد يصبح في المستقبل باحث كبير.
هذا هو اول طفل اسمه جوجل في العالم , على اسم موقع البحث الاكبر في العالم
يعني تجي الواحدة لي أبوها وتقول ليهو يا أبوي قوقل بحبني وداير يعرسني أو يجي الولد لي أمه ويقول ليها يمه أخطبوا لي بت ناس قوقل أنا مكسر فيها.
أظن بدل نقول إسم النبي حارسه للمولود حا نقول الآنتي فايروس حارسو
|
Post: #2
Title: Re: عدم موضوع
Author: محمد سنى دفع الله
Date: 07-11-2010, 09:44 AM
Parent: #1
يعني اسم الدلع بتاعو
غوغو
نحن في انتظار غوغو
ويغوغي لي القمري
ما همانا مادام غوغو معانا
غوغي بعيد مننا
الله يديك العافية
|
Post: #3
Title: Re: عدم موضوع
Author: الطيب شيقوق
Date: 07-11-2010, 10:01 AM
Parent: #2
انا عايز اسمي ولدى الجي ميل وهو تصغير لكلمة جمل
والجمال في البطانة لا يملكها الا كرام القوم
اها رايك شنو يا الملا؟
|
Post: #7
Title: Re: عدم موضوع
Author: almulaomar
Date: 07-12-2010, 09:48 AM
Parent: #3
ود شيقوق
الجي ميل شنو يا زول كمان إنتو الجمال زاتها سفن الصحراء ما بتقولو ليها جمال بتقول عليها إبل وفي رواية أخرى ألبل أها داير تسمي شوف ليك حاجه من مرادفات أو مشتقات إبل وألبل ولو مفتون شديد سميهو أبل وجيب ليهو حلاوة ماكنتوش وأهو يبقي apple mac وكلها تقنيات.
|
Post: #4
Title: Re: عدم موضوع
Author: almulaomar
Date: 07-11-2010, 10:26 AM
Parent: #2
الله لي قوقو يا حلاة قوقو
شكراً يا سني يا جميل على مرورك من هنا
الأيام دي لا أنصحك بزيارة السودان فالدنيا حر شديد والطماطم بح والمويه تيك فأديها صنه يمكن ينصلح الحال.
|
Post: #5
Title: Re: عدم موضوع
Author: محمد عبد الماجد الصايم
Date: 07-11-2010, 10:30 AM
Parent: #4
فاتت علينا دي!
|
Post: #6
Title: Re: عدم موضوع
Author: almulaomar
Date: 07-12-2010, 09:17 AM
Parent: #5
الطماطم ولا الدوت نت يا ود الصايم وضح أبن أفصح نحن من شدة الحر مخنا فار وبذلك بقت حكاية فهمنا للأشياء مخستكه جدا أو زي ما بقول عمك عبد الله عايره وأدوها سوط "ما إنتخابي يا منقه"
|
Post: #8
Title: Re: عدم موضوع
Author: محمد عبد الماجد الصايم
Date: 07-12-2010, 10:02 AM
Parent: #6
غايتو يا عمكـ صحي السخانة قامت بيكـ!
جابو لي بت سميتها جوان .. هسي لو سميتا
أوبرا مش كان أخدنا منهم حاجة!
كان المتصفح كان أوبرا ست الاسم!
_
تقوقلووووو!
|
Post: #9
Title: Re: عدم موضوع
Author: almulaomar
Date: 07-12-2010, 10:14 AM
Parent: #8
مبروك يا منقه ويقوقلو ليك جديد وليداتك دوت نت كمان. أنا غايتو كان يدوني نص قروش إعلانات الإنترنت ما بسمي ولدي فيرفوكس ودي ترجمتها قربت تكون أبو لهب.
|
Post: #10
Title: Re: عدم موضوع
Author: almulaomar
Date: 07-12-2010, 10:24 AM
كسره:
هسي بالله عليك لو غلطت وختيت النقطة في حرف الجيم فوق يعني بدل جوان تبقي خوان ما كان ملك إسبانيا مسح ليك شنبك بي منتجع و كمية بتاعت تيران لي السمايه خاصة في ظل الظيطه التي تشهدها البلاد بمناسبة فوزهم بكأس العالم. دقست يا عمك أو زي ما قال وردي "دي فرصة ########تيها (دكشنري بكري أبوبكر دا جن ولا شنو واحد عايز يكتب كلمة ض ي ع ت ي ه ا يقوم يشطب لي عليها أكتبها بالإنجليزي يعني ولا شنو. وبالذمة أخير كلمتي دي المست غرور الرقيب في المنتدى ولا سيقان الملكة صوفيا التي أوردتها الزميلة تراجي) وتاني وين تلقيها وزي ما مكتوب في حافلة ناس مونج الشغالة في خط الشعبية الخرطوم "تلقاها عند الغافل"
|
|