Post: #1
Title: قناة قوون الرياضية عبارة عن صحيفة الهلال
Author: khaleel
Date: 07-11-2010, 06:12 AM
اذا استمرت كدة لن تذهب بعيدا
|
Post: #2
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 06:13 AM
Parent: #1
عليها الاهتمام باخبار الفرق الاخري
|
Post: #3
Title: Re: قناة قوون الرياضية عبارة عن صحيفة الهلال
Author: محمد سنى دفع الله
Date: 07-11-2010, 06:14 AM
Parent: #2
وفيها شنو
هي لاقية تبقى
قناة الهلال
كلام عجيب
|
Post: #4
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 06:14 AM
Parent: #2
والا ستصبح مثل التلفاز المسمي قومي
|
Post: #5
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 06:16 AM
Parent: #4
Quote: وفيها شنو
هي لاقية تبقى
قناة الهلال
كلام عجيب |
استاذ سني
نريد قناة رياضية تجمع الكل وتجيب اخبار الكل
اسمع يعني يا السني بتحب الهلال اكتر مني
|
Post: #6
Title: Re: قناة قوون الرياضية عبارة عن صحيفة الهلال
Author: محمد سنى دفع الله
Date: 07-11-2010, 06:26 AM
Parent: #5
اي بحبو اكتر منك
طالعني الخلا
اصلوا الايام دي المحاكم قاجة
يعني انت عايزة عايرة وادوها صوت يعني يجيبوا اخبار
كل الفرق حتى ناس قريعتي راحت ؟
يا خي انت طلعت ديموووقراطي رياضي للطيش
|
Post: #8
Title: Re: قناة قوون الرياضية عبارة عن صحيفة الهلال
Author: abuguta
Date: 07-11-2010, 06:47 AM
Parent: #6
Quote: اي بحبو اكتر منك
طالعني الخلا
اصلوا الايام دي المحاكم قاجة |
ياجماعة باركوها انتو الاتنين زرق
السنى هلالابى جناح الرشيد المهدية
خليل هلالابى جناح هيثم طمبل
هههههها هههها ههههههههههها
اسى زول دى ماشة وين ؟؟؟؟؟
ولا اقولكم هارمونى ظاتهاماشة وين؟؟؟؟
خلونا نغنى مع قون
فى محبتو نحن قون
كلنا بنحب الهلال
انت ازرق سماوى
مالك وشعار ال لال
استعين ب ال tea boy
لمعرفة (لال)
|
Post: #9
Title: Re: قناة قوون الرياضية عبارة عن صحيفة الهلال
Author: محمد سنى دفع الله
Date: 07-11-2010, 06:51 AM
Parent: #6
المسألة كله يا خليل يا خليل الروح
تخطيط
تعال من خلال بوستك نعمل جدولة
هي كلها 12 ساعة بتعيدهم كل يوم
تعال نعمل برامج متنوعة رياضية مثالية
نبدا
الأفتتاح ـ القرآن الكريم ـ الساعة 5 صباحا
برامج اليوم 5:10
تمارين الصباح ـ ربع ساعة تمارين 5:15
مختارات رياضية 5:30
نشرة الأخبار الرياضية الأولى 6:00
قضية رياضية 6:15
رياضة للأطفال 6:30
موجز اخبار رياضية 7:00
|
Post: #7
Title: Re: قناة قوون الرياضية عبارة عن صحيفة الهلال
Author: keiga2000
Date: 07-11-2010, 06:43 AM
Parent: #5
كلام يادكام
والله ياخلي أمس انا بفكر في الكلام دا
شنو يعني كل يومين جايبين لينا صلاح ادريس يطقطق في أصابعو ويفتي لينا بقوانين واضحة
قال كواريزما
والله ياخلي مرات بحس بيك مريخابي لكن زعلان.... عشان كدا بقول ليك ارجع تعال عود لينا
اها التذكرة قربت تبـــور ، أثنين الف بس نوفر للماشي السوداني حوالي مائة دولار
مع تحياتي
ابومصطفى
|
Post: #10
Title: Re: قناة قوون الرياضية عبارة عن صحيفة الهلال
Author: omer osman
Date: 07-11-2010, 06:56 AM
Parent: #7
| Quote: قناة قوون الرياضية عبارة عن صحيفة الهلال |
شبهينا واتـلاقـينا ........... 
|
Post: #11
Title: Re: قناة قوون الرياضية عبارة عن صحيفة الهلال
Author: yasir Abdelgadir
Date: 07-11-2010, 07:47 AM
Parent: #10
لعب الهلال قبل يومين مباراة ضد حرس الحدود بطل كأس مصر وفاز عليه
ولعب امس ضد الاسماعيلي وتعادل بهدية من الحكم للاسماعيلي
بينما لعب المريخ ضد المعلمين ..واليوم ضد الفتي العربي
يلعب الهلال بفريق سوداني مطعم ببعض الافارقة..... بينما يلعب المريخ بمنتخب تونس مطعم ببعض الافارقة
يجيبوا خبر ياتو فريق بالله
خليك فير شوية....
|
Post: #12
Title: Re: قناة قوون الرياضية عبارة عن صحيفة الهلال
Author: ABDELMAGID ABDELMAGID
Date: 07-11-2010, 08:01 AM
Parent: #10
| Quote: قناة قوون الرياضية عبارة عن صحيفة الهلال |
خليل .,
سلامات ..
أوعى تقول لى القناة دى مشرف عليا الزول بتاع جريدة قون ! ( الحسّو ! ) زى غنماية خالتى داك !!
كان كدى ! خلوها حقتكم ! بخيته عليكم ( زرقا ! ) زى اليوم ( الشال ! ) اُمى !!!
ماااااااا مشكله وما ! ( ساعلين ! ) فوكككا !!!
و( رمضان ! ) كريم ...
....
ده ما المهم !!!
لكن الأهم :
جنس القناة دى كان كانت ( حقت ! ) المريخ العظيم ...
كانت ( الجقلبه ! ) و ( الس######ة ! ) ملت ( الواطا ! )
و داك يا ! كلام ! و فريق .. جمال الوالى و ( المؤتمر الوطنى ! )
البتدعمو ! ( الحيكومة ! ) ...
الحمُد و الشُكُر لله ياهو كمان ! ( حتّكم ! ) ياالرشاشات خيركم واجد و واصل كمان ! حتى السموات و الأرض ! فى ظل الإنقاذ !
و ( مؤتمرها الوطنى ! ) ....
...
غايتو يا محمد السنى دفع الله .. الله إسامحك ! وكان قمنا و سويناها فضائيات ( جنس دى !! ؟ ) بنوصلا ! NEPTUNE !!
بس ! خلى اللعب ( واتا ! ) زى أخونا خليل كدى و زى ما قال ( بقية الفرق الأخرى ! ) و ( قبلناها ! ) منو ..
عبدالماجد
|
Post: #13
Title: Re: قناة قوون الرياضية عبارة عن صحيفة الهلال
Author: tmbis
Date: 07-11-2010, 09:00 AM
Parent: #12
| Quote: نريد قناة رياضية تجمع الكل وتجيب اخبار الكل |
يا خليل في جريدة حقت المريخ .. وفي جريدة حقت مخدر أبو القاسم .. وفي موقع بتاع المريخ .. وفي استاد المريخ بي تلاتة طوابق .. والانجارات دي كلها قاعد يجي بيشرنا بيها كيجـا القدامك دا .. وقاعد يجيب لينا منها مقاطع كويسة عن الخروف اللونوهو باللون الابيض بي ازرق .. وعن ايه وعن ايه ..
ياخ قناة قووون دي ما حكومية حقت زول .. ومعاهو شراكة .. هلالابي .. وما مقصر قاعد يجيب حاجات تانية ومناشط وبرامج منوعة .. وقاعد يجيب المريخ .. اها كمان ناس المريخ ديل يعملو ليهم قناة برضو .. ويجيبو مناشط تانية ونحن ديل خالص ما يجيبونـا اصلو ماف مشكلة ..
القناة في بداياته .. يصعب الحكم عليها .. لكن كمان برضو ليها حرية انو يكون ليها ميولة الخاصة البتعبر عن انماء وولاء الجهة الخسرت فيها .. طالا هي ما مدعومة من الدولة ولا قناة رسمية.
Quote: خليل .,
سلامات ..
أوعى تقول لى القناة دى مشرف عليا الزول بتاع جريدة قون ! ( الحسّو ! ) زى غنماية خالتى داك !!
كان كدى ! خلوها حقتكم ! بخيته عليكم ( زرقا ! ) زى اليوم ( الشال ! ) اُمى !!! |
.. يا ابو حروف كبيرة .. ما عندك تسجيل لي غنماية خالتك دي عشان نقدر نقارن ..؟
..
عليك الله عاين دا مستوى زول عامل فيها بيشجع رياضة .. دا نموذج صغير جدا حالتو ما جاب (الدوووغ) معاهو يكون رابطو جمب غنماية خالتو دي ..
|
Post: #14
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:14 AM
Parent: #13
نريد قناة تذهب وتشوف اخبار نادي الشاطي ابوعشر والمشعل اربجي
قناة تذهب وتنقب عن اسباب هبوط مريخ مدني للدرجة الثالثة
وتعرف ماذا فعل الزمان بالرابطة كوستي واشبال الدويم
نريد ان نعرف اخبار ساردية شندي
واخبار كبري وترتار وكمبا وعثمان جلال
اخبار قدامي اللاعبين
كيف يعيشون كيف ياكلون وماهي مصادر دخلهم
|
Post: #15
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:16 AM
Parent: #14
قناة تهتم بالمناشط
السلة والطائرة والعاب القوي وتقرير عن المدينة الرياضية
مش تجيب لينا تسجيل بويا للهلال
|
Post: #16
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:31 AM
Parent: #15
Quote: القناة في بداياته .. يصعب الحكم عليها .. لكن كمان برضو ليها حرية انو يكون ليها ميولة الخاصة البتعبر عن انماء وولاء الجهة الخسرت فيها .. طالا هي ما مدعومة من الدولة ولا قناة رسمية.
|
تمبسكو
ولان القناة في بداية الطريق يجب تصحيح المسار وفرحنا جدا ببث قناة رياضية متخصصة
ارجو الا نفطر علي بصلة
|
Post: #17
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:34 AM
Parent: #16
Quote: يلعب الهلال بفريق سوداني مطعم ببعض الافارقة..... بينما يلعب المريخ بمنتخب تونس مطعم ببعض الافارقة
يجيبوا خبر ياتو فريق بالله
|
يا ياسر ما يجيبو خبر اي فريق يمشو مع الكشفين يشوفو المواهب
في كل السودان كيف بتمرنو يمشو يشوفو النشاط المدرسي
وحاجات كتيرة ممكن تعملا القناة دي اذا ارادت النجاح
|
Post: #18
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:37 AM
Parent: #17
Quote: بس ! خلى اللعب ( واتا ! ) زى أخونا خليل كدى و زى ما قال ( بقية الفرق الأخرى ! ) و ( قبلناها ! ) منو ..
عبدالماجد |
عبدالماجد تربيع
شائف المريخ بقي هجين
سبعة اجانب مش بالغتو معانا
|
Post: #19
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:39 AM
Parent: #18
Quote: السنى هلالابى جناح الرشيد المهدية
خليل هلالابى جناح هيثم طمبل
|
ابو قوتة
انشاء الله تكون قناة حصلت علي تسجيلات قديمة ايام رشيد المهدية وناس عادل امين
وغيرهم من العمالقة وتعرضها كفقرة اسبوعية باسم
مباراة في الذاكرة
|
Post: #20
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:41 AM
Parent: #19
Quote: والله ياخلي مرات بحس بيك مريخابي لكن زعلان.... عشان كدا بقول ليك ارجع تعال عود لينا
|
كيجا دا مريخ ول امم متحدة
فلسطين بورندي مالي تونس تونس تونس نيجريا نيجريا
مبالغة
|
Post: #21
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:43 AM
Parent: #20
Quote: كل الفرق حتى ناس قريعتي راحت ؟
|
لا ما كلهم
عائزين علي الاقل نعرف اخبار نجوم مدني
وين سنطة وين الجار وعليوة وجكن وفتح الرحمن
ودامبا وبعملو في شنو
|
Post: #22
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:47 AM
Parent: #21
| Quote: شبهينا واتـلاقـينا ........... |
عمر يا سعادة
قناة الهلال الحقيقية في الطريق
|
Post: #23
Title: Re: قناة قوون الرياضية عبارة عن صحيفة الهلال
Author: محمد عبدالرحمن
Date: 07-11-2010, 10:48 AM
Parent: #19
| Quote: نريد قناة تذهب وتشوف اخبار نادي الشاطي ابوعشر والمشعل اربجي |
ايوا دا الكلام ياخليل ..القناة البتجيب اخبار المشعل اربجى
دى نحن اول ناس بندعما معنويا وماديا وكلو ..
**
طبعا اكتر اتنين طلو على المشاهد من خلال القناة
هما رمضان احمد السيد وصلاح ادريس ..رمضان لايصلح
(البتة) ..شفتا البتة دى كيف ...لايصلح ان يكون مذيع
تلفزيونى ..لاحضور ولاموهبة ولاذكاء ..اضف لذلك تحيز
اشبه بتحيز المشجعين للهلال ...رمضان ناجح كرئيس
تحرير لقوون ..ماقلنا حاجة ..رمضان ممكن ينجح كمدير
للقناة ..احتمال وارد جدا ..لكن رمضان مذيع تلفزيونى
دى يجب ان يعاد فيها النظر ..مع العلم اننى معجب
جدا بعصامية رمضان وطموحه المشروع ونجاحه الظاهر ..
بس التقديم التلفزيونى له متطلبات محدده ..
القناة تحتاج الكثير والكثير جدا ..وتحتاج ان تمارس
عملها بمهنية بعيدا عن الحياد حتى تجد الاحترام من
الجميع ...
|
Post: #24
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 10:54 AM
Parent: #23
Quote: القناة تحتاج الكثير والكثير جدا ..وتحتاج ان تمارس
عملها بمهنية |
محمد عبدالرحمن
ابصم علي كلامك بالعشرة
|
Post: #25
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 02:25 PM
Parent: #24
هل الارباب صلاح ادريس
احد المساهمين في قناة قون
|
Post: #26
Title: Re: قناة قوون الرياضية عبارة عن صحيفة الهلال
Author: هاشم محمد الحسن عبدالله
Date: 07-11-2010, 06:03 PM
Parent: #14
خليل ، تحياتى ، المشكلة انو رمضان السيد ماعاوز يعترف بهذه الحقيق ، وحاولت من خلال منتديات القناة عدة مرات ابراز هذه الحقيقة ، ولكن للأسف يتم حذف التعليقات ، ديكتاورية غير مقنعة، نتطلع الى نقد واعلام رياضى نزيه يخدم قضية الرياضة فى البلد ، بدون تحييز ، كفانا فرقة وتشرذم فى النواحى الأخرى فى الحياة ، مودتى .
|
Post: #27
Title: Re: قناة قوون الرياضية عبارة عن صحيفة الهلال
Author: khaleel
Date: 07-11-2010, 06:21 PM
Parent: #26
| Quote: ، تحياتى ، المشكلة انو رمضان السيد ماعاوز يعترف بهذه الحقيق ، وحاولت من خلال منتديات القناة عدة مرات ابراز هذه الحقيقة ، ولكن للأسف يتم حذف التعليقات ، ديكتاورية غير مقنعة، نتطلع الى نقد واعلام رياضى نزيه يخدم قضية الرياضة فى البلد ، بدون تحييز ، كفانا فرقة وتشرذم فى النواحى الأخرى فى الحياة ، مودتى |
هلا هاشم
وانا ايضا كتبت في موقع قناة قون في الفيس بوك نفس الاراء
المهم ان نرمي حجرا في تلك البركة
والا ستصبح القناة مثل صحيفة الحزب الواحد
تحياتي
|
Post: #28
Title: Re: قناة قوون الرياضية عبارة عن صحيفة الهلال
Author: عامر تيتاوى
Date: 07-12-2010, 01:21 AM
Parent: #27
يا خليل كلامك فى الغالب الاعم صاح
لكين عندى ليك سؤال
مالذى يجعل قناة قوون محايدة فى زمن
التعصب الصارخ فى ظل اعلام رياضى
مقسم زى اتفاقية سايكس بيكو بالمسطرة
والسكين بين هلالابى يكتب تحت ترويسة زرقاء
لمقاله والاخر يكتب تحت ترويسة حمراء
وكل يغنى على ليلاه عينى عينك
والقناة تاتى فى زمن الاستقطاب الحاد جدا
وبعدين ياخليل منو البقنع المريخاب
بحيادية حاجة جاية من قوون مهما حصل
وماتنسى البزنس ياخليلو زى ما بتعمل
الجرايد الرياضية حتعمل قناة قوون
ولن تنفصل عن الواقع الرياضى فى البلد
لكين انا معاك فى حكاية ناس سنطة
وكندورة والله جابو والاهتمام ببقية
المناشط والاندية ولو قليلو
|
Post: #29
Title: Re: قناة قوون الرياضية عبارة عن صحيفة الهلال
Author: Hassan Senada
Date: 07-12-2010, 07:32 AM
Parent: #28
سلامى استاذ خليل وانا الحمدلله كنسلت قناة قوون نهائى
|
Post: #30
Title: Re: قناة قوون الرياضية عبارة عن صحيفة الهلال
Author: khaleel
Date: 07-12-2010, 07:36 AM
Parent: #29
Quote: والقناة تاتى فى زمن الاستقطاب الحاد جدا
وبعدين ياخليل منو البقنع المريخاب
بحيادية حاجة جاية من قوون مهما حصل
وماتنسى البزنس ياخليلو زى ما بتعمل |
الجميل تيتاوي صباح الخير
اعتقد ايضا للتعصب والانحياز محمدة
قفد تتشجع صحيفة الصدي وتعمل قناة مريخية الهوي ايضا
|
|