هذه ليست باحاديث شريفة

((إياكم وخضراءُ الدِّمن فقيل: ما خضراء الدِّمن؟ قال المرأةُ الحسناء في المنبت السوء)). قال العراقي: ضعيف وضعفه ابن الملقن . قال الألباني: ضعيف جداً. "تخريج الإحياء" (2/42) . "الضعيفة"

((صنفان من أمتي إذا صلحا، صلح الناس: الأمراء والفقهاء)). وفي لفظ ((صنفان من أمتي إذا صلحا، صلح الناس: الأمراء والعلماء)). قال الإمام أحمد : في أحد رواته كذاب يضع الحديث ، قال ابن معين والدارقطني مثله، قال الألباني: موضوع. "تخريج الإحياء" (1/6) . "الضعيفة" (16)

((الخير فيَّ وفي أمتي إلى يوم القيامة)). قال ابن حجر : لا أعرفه . "المقاصد الحسنة" للسخاوي (ص 208). وهو في "تذكرة الموضوعات" للفتني (68) . وفي "الأسرار المرفوعة في الأخبار الموضوعة" للقاري (ص 195).

((أصحابي كالنجوم بأيهم اقتديتم اهتديتم)). وفي لفظ: ((إنما أصحابي مثل النجوم فأيهم أخذتم بقوله اهتديتم)).قال ابن حزم : خبر مكذوب موضوع باطل لم يصح قط."الإحكام في أصول الأحكام"(5/64) و (6/82) . وقال الألباني: موضوع. "الضعيفة" (66) . وانظر "جامع بيان العلم وفضله" لابن عبد البر (2/91).

((أنا عربي والقرآن عربي ولسان أهل الجنة عربي)) . "تذكرة الموضوعات" (112) . "المقاصد الحسنة" (31) . "تنزيه الشريعة" (2/30) .

((لا صلاة لجار المسجد إلا في المسجد)) . ضعيف . "ضعاف الدارقطني" (362) . "اللآلئ المصنوعة" (2/16) . "العلل المتناهية" (1/693).

غايتو بعد موضوع ارضاع الكبير ثم حلب السيدات والطريق الغير عملية

الناس ديل دخلنا فيهم الشكك وفى الكلام بتاعم

يعنى انو الناس فى الجنة بتكلموا عربى بس طيب الخوجات المسلمين ديل والاتراك يخشوا كورس عربى ولا شنوا
ولا تتم الفرمطة ليهم وينزل ليهم وندوز عربى ؟؟

Quote: ولا تتم الفرمطة ليهم وينزل ليهم وندوز عربى

يا زول فرمتة بس يمكن يلونوك كمان

Quote: ((تزوجوا ولا تطلقوا، فإن الطلاق يهتز له العرش)). موضوع . "ترتيب الموضوعات" (694) . "الموضوعات" للصغاني (97) . "تنزيه الشريعة" (2/202)

طلقو طلاقكم ساي اكان حابسكم الحديث ده العوجة ما بتجيكم الا البيت يكون باسم المرة

((من ولد له مولود. فأذن في أذنه اليمنى وأقام في أذنه اليسرى لم تضره أم الصبيان)) . موضوع . "الميزان" للذهبي (4/397) . "مجمع الزوائد" للهيثمي . "تخريج الإحياء" (2/61) .

يعني بالعربي الواضح كده ما تصجو اضنين الشفع ديل من اسي وبعدين تجو تشتكو تقولو الاولاد ديل ما بسمعو الكلام

كعب الأحبار من اليهود الذين اسلموا وحسن اسلامهم. لكنه كان مؤلفاً لأحاديث كثيرة متناقلة كأنها عن الرسول (ص). الجميل في أحاديث كعب الأحبار أنها ليست من الدين في شئ و ليست ضد الدين في شئ. إن معظمها يصب في خانة الإعلان التجاري أكثر منه شئ مرتبط بالدين. وإليكم أمثلة قليلة:

1- خير اللحم ما جاور العظم.
2- بارك الله فيمن نفع واستنفع.
وغيرها كثير مشابه للمثالين أعلاه.


(العوج راي والعديل راي)

مرحب cantona_1

وايضا اكرموا امكم النخلة (بائع كسد بلحه)
وايضا الحديث الموضوع الشهير (اذا اسمكتم فابلحوا) اي اذا اكلتم سمكا فاتبعوه بالبلح

نفس الحديث بتاع السمك والبلح عندنا في الغرب بقولوا: (إذا ألحمتم فألبنوا). أي إذا أكلتم لحماً فاشربوا لبناً.
وعندنا مثل في الغرب بقول: (العربي كان دار شراب اللبن بدبَّى ليهو بالبليلة). أي يطلب البليلة وعليها يصب الحليب وبعدين يشرب الحليب ويترك البليلة.

وأحفظ كثيرا من احاديث كعب الأحبار وهي عشرة آلاف حديث ولكنها طارت. حأفتش الكتاب وافيدك بما فيه.

في ميزان حسناتك يا شيخ محمد
المصيبة بعض الأحاديث دي تحكمت، ولا زالت، في مصائر عباد كثير
الأستاذ محمد حسبو (كان) عنده بوست نجيض بخصوص حديث "خضراء الدمن" قلبت الأرشيف فوق تحت ما لقيتو

سلام أخي : محمد إبراهيم
ليس هناك حاجة لهذه الأحاديث الضعيفة اللهم إلا هوى النفس حيث تجد مقابل كل حديث ضعيف حديث صحيح ولكن كثير من الناس لا يكلفون أنفسهم عناء البحث حتى يقفوا على السنة الصحيحة ... كما أن هناك بعض الأحاديث الصحيحة أسئ فهمهاحيث أظهرت وكأنها تعارض صريح القرآن الكريم والأمر ليس كذلك ... رواية الأحاديث الموضوعة مع العلم بوضعها خطر عظيم لحديث المصطفى صلى الله عليه وسلم : " ومن كذب عليّ متعمداً فليتبوأ مقعده من النار "

Quote: Quote: ((تزوجوا ولا تطلقوا، فإن الطلاق يهتز له العرش)). موضوع . "ترتيب الموضوعات" (694) . "الموضوعات" للصغاني (97) . "تنزيه الشريعة" (2/202) طلقو طلاقكم ساي اكان حابسكم الحديث ده العوجة ما بتجيكم الا البيت يكون باسم المرة

بس المرة ماتسمعك يامحمد ..

Quote: وايضا اكرموا امكم النخلة (بائع كسد بلحه) وايضا الحديث الموضوع الشهير (اذا اسمكتم فابلحوا) اي اذا اكلتم سمكا فاتبعوه بالبلح

اخونا العزيز / محمد إبراهيم علي

تحيات زاكيات

غايتو صاحبنا الألف الحديث الفوق ده الا يكون قاصد العرقي،،، ولا رايك شنو ؟؟

تحياتي

تحية لكل من مر من هنا
نبدأ باخونا المنصوري

Quote: غايتو صاحبنا الألف الحديث الفوق ده الا يكون قاصد العرقي،،،

ده بكون بتاع نبيذ بلح ختررى

اخي عابدون تحياتي

Quote: بس المرة ماتسمعك يامحمد ..

سودانيزاونلاين يعتبر اخر اهتماماتها بس ما يسمعني بكري

تحياتي دكتور يوسف
يبدو ان كثيرا من الناس كان يستسهل هذا الامر وينسب الى المصطفى عليه افضل الصلاة واتم التسليم ما لم يقله والاحاديث اعلاه هي مثال بسيط لهذا الامر بل ان بعضهم نسب زورا الى النبي عليه والسلام اقوالا تتناقض مع القران الكريم
هذا الامر دعا بعض المتشددين الى الدعوة الى تجاوز الحديث والسنة كلية والاعتماد على القران فقط وهم جماعة من يسمون انفسهم بالقرآنيين ولهم شطحات تانفها الفطرة السليمة

تحياتي اخي اشرف

Quote: في ميزان حسناتك يا شيخ محمد

شكرا على دعائك الكريم
بس شيخ دي ما واسعة شوية هسي الواحد يصدق نفسو ويعمل ليهو حيران
كل العملتو انا نقلت الكلام ده من كتاب الموضوعات لابن الجوزي وبعض الكتب الاخرى وهي للعلم متوفرة لمن اراد الاستزادة على موقع
المشكاة

عارف يا ابو حميد (واسمح لي ان ارفع الكلفة)

Quote: تحية لكل من مر من هنا نبدأ باخونا المنصوري Quote: غايتو صاحبنا الألف الحديث الفوق ده الا يكون قاصد العرقي،،، ده بكون بتاع نبيذ بلح ختررى

عانا وديت الزول ده للعرقي ليه ؟؟
عشان صاحبنا قال (اسمكتم) وتم التي في الاخر ، تشابه وقع كلمة تب؟؟ والتي في الدارجية اذا اقترنت باكلة ما كانت تعني للحد الاقصي في لغة اهل البادية، كمثل ان تقول ( مليت بطنب تب ) وفي هذه الحالة لا ينفع النبيذ شيئا اللهم الا زيادة عبء التنفس، وسوء الهضم، لذلك ارجح بانه يقصد (العرقي) بفتح العينـ حتي يساعد علي (الشحن والتفريغ) اذ انه تعارف الناس ان العرقي من معينات الهضم..

سلامي