بنك الخرطوم( يفصِل قميص عامر علي مغتربي السعودية ) عروض يسيل لها اللعاب

بوفد مكون من

1/ هشام عيسي حاج علي سوداني الجنسية


2/ خالد زادة اعتقد فلسطيني الجنسية


3/ هشام باكستاني الجنسية


حطَ هذا الوفد المركزي رحله في مدينة جدة ووجه دعوات خاصة عن طريق الرسائل عبر الجوال للقاء به في

قاعة البرنسيسة بفندق قصر المدينة الشهير بجدة ليلة امس الجمعة الموافق 2/ يوليو/2010م


الدعوة موجهة من بنك الخرطوم الذي اصبح دوليا بعد الشراكة التي ادخلت بنوكا عديدة مثل دبي الاسلامي

وبنك الشارقة وبنك الامارات وبنك السودان وتحالف العديد من البنوك اضافة الي مساهمين من العيار

الثقيل في محاولة للعودة بشيخ البنوك التجارية من مرحلة الشيخوخة التي اصابته يوماما الي ريعان الشباب مرة

اخري فهل هم قادرون ؟ خاصة بعد ادخال الخبراء الاجانب في الجانب التنفيذي والدليل علي ذلك هذه

الشخصيات التي ذكرتها.

المهم ساشرح لكم بالتفصيل جزء من عروضهم للمغتربين التي جاءت من البنك هذه المرة تحت شعار


(حقق احلامك) وبشروط ميسرة وربك يسهِل علي الجميع والداير يسكن والداير يبني يبني والعايز سيارة

يركب . فانطلقوا يرحمكم الله .

اعود

التعديل لإضافة كلمة محاولة

هذا العمل يتم بالتنسيق والترتيب مع مع البنك العربي ( التلي موني)


ويبدو ان ترتيبات تجري الان مع جهات الاختصاص لافتتاح افرع لبنك الخرطوم بالسعودية


وهذه الجولة التي بدأت من جدة ستشمل الرياض والدمام


بعد قليل سأضع رابط + رقم جوال المسئول اضافة الي عروض البنك لقطاع الافراد.

صورة لأعضاء وفد بنك الخرطوم

والزول المعاهم ده مسوق مبيعات من الدرجة الاولي وشديد ولضيض


الا الجماعة امطروه بالاسئلة وزنقوه زنقة( جرو في طاحونة)

السيدح

العروض البِسيل ليها اللُعاب دي ، مقصورة على مُغْتربي السعودِية بس ولا شاملة غيرُم ... ما نِحنا برضو عِندنا خشُم فوقو لُعاب بدل يِسيل فوق شيتًا نفعو عليل ووقتو قليل ، أخير يِسيلو فوق عرضًا عريض

السيدح

العروض البِسيل ليها اللُعاب دي ، مقصورة على مُغْتربي السعودِية بس ولا شاملة غيرُم ... ما نِحنا برضو عِندنا خشُم فوقو لُعاب بدل يِسيل فوق شيتًا نفعو عليل ووقتو قليل ، أخير يِسيلو فوق عرضًا عريض






عزام


انا استشفيت من هذه الزيارات المكوكية لمسئولي البنك الي دول الخليج وبالطبع علي رأسها السعودية

بحكم التواجد الكبير للسودانيين بها (وبركة ريالها) هو تقديم خدمات لهذه الشرائح مقابل التهام ما

في ايديهم من العملة الصعبة


وعلي حد علمي الناس ديل حا يكنسوا كل دول الخليج ثم يزحفوا علي بقية المناطق الاخري


يعني ما تستعجل الجماعة حايجوك ، حايجوك بس كتر من الدولار.

لايسيل لعاب المغتربين حتى يقول بنك الخرطومأو أي بنك سوداني غيره.. الآتي
..........ز
يعرض البنك ثلاث عمارات سكنية للمغتربين واحدة في بحري والثانية أم درمان والثالثةفي الخرطوم.. شقة ثلاث غرف وصالة سعر الشقة 150 الف ريال أو درهم.. تقسط على خمس سنوات

السيدح يا عمكـ

الناس ديل حا يجونا في الرياض متين .. ؟

السيد/ سيدح

وحيجونا فى الدمام متين ؟؟

السيدح ..سلامات ...

Quote: السيدح يا عمكـ الناس ديل حا يجونا في الرياض متين .. ؟

Quote: السيد/ سيدح وحيجونا فى الدمام متين ؟؟

حسب كلامهم حايتحركوا الليلة الساعة خمسة مساءً تجاه المدينة ثم منها الى الرياض ثم الدمام ..

انت اصبرو شوية شوف الشروط التعجيزية

لقاءات لبنك الخرطوم مع المغتربين بالسعودية

يقوم وفد من بنك الخرطوم بعقد لقاءات مع المغتربين بالمملكة العربية السعودية وذلك لطرح خدمات التمويل العقاري وخدمات التحاويل وذلك حسب البرنامج أدناه:-

1/ الجمعة الموافق 9 يوليو 2010م بمدينة جدة وذلك بفندق قصرالمدينة في تمام الساعة الساعة 8 مساء.
2/السبت الموافق 10 يوليو 2010م بالمدينة المنورة وذلك بفندق الحارثية في تمام الساعة الساعة 8 مساء.
3/ الاثنين الموافق 12 يوليو 2010م بمدينة الرياض وذلك بفندق المطلق في تمام الساعة الساعة 8 مساء.
4/ الثلاثاء الموافق 13 يوليو 2010م بمدينة الدمام وذلك بفندق ارمادا في تمام الساعة الساعة 8 مساء.

لمزيد من المعلومات يرجى الاتصال بالرقم 0029156661000 او الرقم التالي 00966599779967

فايز ودالقاضي

ازيك ..

تعال اشرح وانقل ما حضرته لنا هنا

علنا نفهم حاجة باقي أنت مؤتمن عندي .؟









.............................حجر.

اخ السيدح
السلام عليكم ..
بالله قول ليهم عندنا زميلنا رسل رسالة الى السيد فادى سليم الفقية مدير عام بنك الخرطوم ...!
لكن يبدو المرسال لسع ماوصلهم ... خليتها ليك أمانة يا السيدح ...
وشكراً مقدماً ..

الجماعة ديل شكلهم ما يطمن ابدا .............

قول يا لطيف

فايز ودالقاضي

ازيك ..

تعال اشرح وانقل ما حضرته لنا هنا

علنا نفهم حاجة باقي أنت مؤتمن عندي .؟



الكلام الفوق ده من حجر موجه للاخ فايز


وازيدو من الشعر شطرة الاخ فايز (اجكن) في نص الكيزان تب والتسهيلات المي خمج بلم فيها

انت خليك زازي ببري الحيشان وتعال فتش للمؤتمنين عندك

ولو كنت عندك ثقة في نفسك كنت جيت وقابلت الجماعة براك يا الرفاعي

او ما معروف يمكن تكون جيت زي جية الاستراحة بتاعة احتفال المؤتمر الوطني بفوز الرئيس وبرضو

بتحوم بالخارج ( وهاك الجريدة دي)


صدقني انا وفايز افتقدناك وذكرناك بالخير لكن حكاية مؤتمن وما مؤتمن دي سخنت بالقولون شوية


فخليك رحيم نحن بينا ونسات وجلسات وسكناب وملح وملاح ,

فتك بعافية

يا جماعة واحد من ناس الدمام ( مشكوراَ ) يورينا فندق أرمادا ده ويييييييين بالتحديد.

ماهر ..ٍسلامات ..

Quote: يا جماعة واحد من ناس الدمام ( مشكوراَ ) يورينا فندق أرمادا ده ويييييييين بالتحديد.

فندق رمادا يقع في حى الحمراء / طريق الكورنيش / بجوار مطعم دارين ..

تلفون : 8333322/03

وهاكم النجيضة

الحلبي ادروب الزول الظريف فايز ود القاضي التقيته اول مرة وجها لوجه وهو عربي عينو نجيضة


شافني دخلت القاعة طوالي الفار لعب في عبِو حتي تمكن من الوصول الي تعانقنا وتصافينا


وخرجت من لقاء البنك بفائدتين اهمهما لقاء فايز ود كسلا

والراجل غايتو اتوهط تب بين زعماء المؤتمر الوطني الغلاد

وكان علي بعد خمسة امتار او تقل عن سعادة القنصل العام

طبعا اهم مافي موضوع ناس بنك الخرطوم


وقبل الدخول في الخدمات التي يمكن ان يقدمها البنك للمغتربين هو فتح حساب واستلام بطاقة صراف الي

فورا


ودفتر شيكات يتم تفعيل حسابك في ذات اللحظة ويمكنك السحب ببطاقة الصراف او تحرير الشيكات

وناس (التلي موني ) هم من تولوا هذا الامر

والحساب موزع علي ثلاثة اقسام

1/ جاري
2/ توفير
3/ توفير بلس

الجاري والتوفير من الممكن ان تفتحمها بأي مبلغ

اما التوفير بلس فأقل شئ مبلغ وقدره 2500دولار او ما يعادلها

اواصل

Quote: وخرجت من لقاء البنك بفائدتين اهمهما لقاء فايز ود كسلا والراجل غايتو اتوهط تب بين زعماء المؤتمر الوطني الغلاد وكان علي بعد خمسة امتار او تقل عن سعادة القنصل العام

يا حليلك يا فايز والله ..
يبقي عليك اتنين الرفاعي حجر ومعانقة السيد(ح)

اذن نتوقع بوست قريب جداً عنوانه مرحب بود القاضي في ضل الشدرة

Quote: اذن نتوقع بوست قريب جداً عنوانه مرحب بود القاضي في ضل الشدرة

يا حيدر

أنا أتوقع زيادة في عنوان البوست ( بالدموع ) مرحب بود القاضي ... الخ

باقي ناس جدة ديل دموعهم قريبة

Quote: حطَ هذا الوفد المركزي رحله في مدينة جدة ووجه دعوات خاصة عن طريق الرسائل عبر الجوال للقاء به

اللقاء كان جيـد، ومداخلات الحضـور كانت كثيرة ومتنوعة، وكان تفاعلهم مع الندوة كبيراً..

ومن أهم ما ورد في هذه المداخلات، المطالبة بضرورة التزام البنك بالشفافية التامة

والضمانات اللازمة في تعاملاته، وخصوصاً مع المغتربين..

فالمغترب يودع أمواله بالعملة الصعبة ويحتاج لضمانات كافية في هذا الخصوص بحيث:-

(1) لا يتم تحويل فلوسه من الدولار إلى الجنيه بقرار من بنك السودان.
(2) يستطيع سحب كامل ودائعه في أي وقت دون اعتراض أو تحفظ.

على العموم، المبادرة ممتازة من شيخ البنوك السودانية، وإلى الأمـام..

أولا بالتبادي نأمل من بنك الخرطوم يتصلحوا معانا

حتى في تحويلات تلي موني..

ارسلت حوالة لبنتي في حسابهابفرع بنك الخرطوم في نمرة ( 2 )..

وصارت أبنتي تشيك كل مرة والثانية في جهاز الجامعة...

والفلوس ما نزلت... المسألة دي أخذت أسبوع بحاله...

رجعت للموظف في الفرع المحول بالسعودية.. وأفادني

بأنو التأخير... من بنك الخرطوم في السودان...

حيث تم تعديل ارقام الحسابات... كده بس... دون

مراعاة لأحوال الناس وبدون أي إخطار أصحاب الحسابات..

يعني sms كانت تكفي وتبلغ أصحاب الحسابات بالتغيرات الحصلت...

غايتو أنا نصيحتي ليكم أحسن تديروا بالكم.. وتتأكدوا من

العروض لأنو ديل ناس لا يؤمن لهم جانب

تحياتي

سعادة القنصل السوداني جمَل ليلة بنك الخرطوم بحضوره الانيق ومشاركته الثرة ومداخلته المفيدة


وزاد تواجده من ثقة الناس وازال كثيرا من علامات الاستفهام التي رسمت علي وجوه الحاضرين.


اراه يتصفح احدي مطويات البنك بينما يطالع شيخ العرب الهواري ايضا في متون وحواشي البرشورات.

حبيبنا الرفاعي ...سلامات...شكراً لهذه الثقة التى اعتز بها من اخ عزيز مثلك ..
وهاك دي بعض البروشورات التى وزعت وقد تغني عن الكثير ..









* عجبتني راحة الكاتبنها بالتاء المفتوحة ...

ده حساب التوفير بلاس :-

ده حساب التوفير :-

الحساب الجاري : -

طبعاً سعر التحويل بــ24 ريال وعبر بنك الخرطوم سيكون بـ 16 ريال ..

فايز

يديك العافية


يا ود كسلا الوريفة

مساهمة مقدرة وجهد مشكور

وحضورك اضافة حقيقية

وفي الوقت الذي غابت فيه الصحافة الورقية أضاءت شموع سودانيز اون لاين كفايز وداوود فلكما التحية

Quote: وفي الوقت الذي غابت فيه الصحافة الورقية

الاخ السيدح ..
تحباتى

انت قمت بتغطية لقاء الجمعة و لم تورد مواعيد بقية البرنامج ...
جدول اللقاءات فى مداخلتى كان نقلا عن ( الصحافة ) .

Quote: الجماعة ديل شكلهم ما يطمن ابدا ............. قول يا لطيف

السودانى دا ما غريب على,,,ياخريجى الهند
ايديكم معانا

دحين دا مو هشام خريج بونا,,,وقريب احمد ابقوتة

السيدح,,,,,

بالبلدى كدا
,,,شقة ب 150 الف ريال(110 مليون) قديما تقسيط سنويا 30 الف ريال(22 مليون)
شهريا 2500ريال (1800 مليون) ,,,دحين المبلغ دا مو كتير,,,


بعدين الخرطوم وين,,,وبحرى وين,,, وام درمان وين

طيبة من ضمن الخرطوم
ام ضرويه من ضمن بحرى
الصالحة من ضمن ام درمان,,,,,

لكن لو العمائر دى,,فى السكة حديد الخرطوم والسكة حديد بحرى
وغرب قبة المهدى,,,تبقى فعلا عرض يسيل له اللعاب

تحياتى,,

Quote: شقة ثلاث غرف وصالة سعر الشقة 150 الف ريال أو درهم.. تقسط على خمس سنوات

و بما انني من هولاء الذين غادرو السودان في النصف الثاني من العقد الاخير من القرن الماضي و لانني اثق في البورداب سؤالي لهم
هل شقة ثلاث غرف وصالة سعر الشقة 150 الف ريال أو درهم.. تقسط على خمس سنوات عرض يسيل له اللعاب ؟؟؟؟؟؟؟؟؟؟؟

abuguta



تحياتي

والاماكن التي ذكرتها دي طبعا من سابع المستحيلات تجد فيها غرضك ومناك


وانا معاك الشقق دي غالية لكن المضطر يركب الصعب


المهم الزول ينحشرليهو في شقة وتاني تبقي التبقي


وهاك صورة مقربة لزولك هشام ده ممكن يكون بتاع الهند بس زول جاهز ومنضمة وبتاع


تسويق ولسانو عسل بس اكان ما عندك رغبة في الحاجة ممكن يقنعك وهذه الميزة كنا مفتقدنها لكن

الان اصبحوا السوادنة يبيضوا الوجه تب.

Quote: الاخ السيدح .. تحباتى انت قمت بتغطية لقاء الجمعة و لم تورد مواعيد بقية البرنامج ... جدول اللقاءات فى مداخلتى كان نقلا عن ( الصحافة ) .

التكينة كيف حالك يا عزيز


وفد بنك الخرطوم متواجد حتي هذه اللحظة بجدة وسوف يغادر الي المدينة المنورة ثم الرياض واخيرا


محطة الدمام وبرنامج اللقاء لا يحددون وقته الا عندما يصلون المدينة ويوجهون الدعوة عن طريق الجالية

بالتنسيق مع البنك العربي ( تلي موني )


عليه سأتواصل مع الاخ هشام لمعرفة المزيد من تفاصيل برامجهم بالسعودية وساقوم بالطبع بانزالها تباعاً

اما عن غياب الزملاء الصحفيين العاملين بالصحف السعودية او مراسلين لصحف سودانية فقد لاحظت غيابهم

ويبدو ان هناك قصورا من الجهة المنظمة لهذه الزيارة في عملية التواصل مع الاعلام وانا طبعا حضرت بصفتي

اعمل في جهات عديدة فبالاضافة الي جهة عملي الرسمية صحيفة الندوة السعودية اعمل محررا بمجلة غرفة تجارة مكة المكرمة وهي تابعة للغرفة التجارية الصناعية ثم سودانيز اون لاين حبيبتي
وشكر لك علي اهتمامك

يا جماعة موضوع شقة بـ 150 الف ريال ده ما مقنع اعتقد يا اما الشقة دي استديو (غرفة وصالة واحتمال تكون صالة بس بدون غرفة ذاتو) يا اما المبلغ 150 الف دولار
كدي اتاكدو لينا كويس لاني قبل فترة سالت عن شقة ولا عليك بيها في بحري سعر يقارب 225 الف ريال (كاش)

Quote: يا جماعة موضوع شقة بـ 150 الف ريال ده ما مقنع اعتقد يا اما الشقة دي استديو (غرفة وصالة واحتمال تكون صالة بس بدون غرفة ذاتو) يا اما المبلغ 150 الف دولار كدي اتاكدو لينا كويس لاني قبل فترة سالت عن شقة ولا عليك بيها في بحري سعر يقارب 225 الف ريال (كاش)

و انا بدوري اوجه هذا الاستفسار الى السيدح الناطق الرسمي باسم وفد البنك والمكلف بصنع الشربات من فسيخ الاسلامويين

سلام ..

Quote: لايسيل لعاب المغتربين حتى يقول بنك الخرطومأو أي بنك سوداني غيره.. الآتي ..........ز يعرض البنك ثلاث عمارات سكنية للمغتربين واحدة في بحري والثانية أم درمان والثالثةفي الخرطوم.. شقة ثلاث غرف وصالة سعر الشقة 150 الف ريال أو درهم.. تقسط على خمس سنوات

يااخوانا انا حضرت اللقاء وماسمعت واحد جاب سيرة شقة بــ 150 الف ريال ولا غيره ...البنك يقدم خدمات التمويل لاي شخص عايز يشتري بيت جاهز او ارض عايز يبنيها او حتى ارض فاضية أوشقة في اى مجمع مطروح من اى شركة وعلى الشخص دفع النسبة المحددة من القيمة الاجمالية ويقوم البنك بتقسيط باقي القيمة على على 15 سنة وليس 3 سنوات كالعروض السابقة ..ده الفهمتو ..يعني مافي شقة محددة السعر ..
الكلام المقتبس اعلاه للاخ منصوري وواضح منه انه بقول مافي حاجة بتخلي لعابي يسيل الا في حالة هذه البنوك توفر عمائر سكنية في مدن العاصمة الثلاثة وتخلي السعر 150 الف ريال وتقسط كمان لخمس سنوات ..حينها سيسيل لعابه..ده الفهمتو ..يعني ماشي حقيقي طرح ...

الملاحظ ان الحضور معظمه ان لم يكن كله من اعضاء المؤتمر الوطني يتخللهم ود القاضي وعبدالمتعال خارج هذه المنظومه بدأً من سعادة القنصل وانتهاءَ بالسيدح صديق الرفاعي ..والاغرب ان اللقاء لم يفتتح بآيات قرآنية نهائياً ..

ملي الرسمية صحيفة الندوة السعودية ا




بالمناسبة يا السيدح هل لديك معرفة بالمرحوم عمر الشيخ من مكتبكم في جدة سابقا؟؟؟


s

Quote: والاغرب ان اللقاء لم يفتتح بآيات قرآنية نهائياً .

ههههههههههههههههههههه
---------------
شوبير اخوي الكبير ... ات الوداك شنو؟
يمكن دافننو في الساس!
غايتو منو العوض وعليهو العوض..
كنا معتمدين عليك تبنيى البيت.. بقيت تنقد قبال ما تنقد..
موش كان تستني شوية..
عارف عشان يوصلوك مرحلة يرجى منه... تلزمهم
صنفرة كتيرة ليك...
الجوال فاضي...مافي راسيد

Quote: ههههههههههههههههههههه --------------- شوبير اخوي الكبير ... ات الوداك شنو؟ يمكن دافننو في الساس! غايتو منو العوض وعليهو العوض.. كنا معتمدين عليك تبنيى البيت.. بقيت تنقد قبال ما تنقد.. موش كان تستني شوية.. عارف عشان يوصلوك مرحلة يرجى منه... تلزمهم صنفرة كتيرة ليك... الجوال فاضي...مافي راسيد

اختي الصغيرة حليمة ...كيفنك ..

الجماعة مع القروش والشيكات نسوا الآيات ...
اخوك يابت ابوى عنده ارض ليها 8 سنوات راجي الفرج عشان يبنيها ..وقلنا الليلة الفرج جانا مع بنك الخرطوم علا الجماعة قروشهم مابتتقدر واقساطهم عايزالا عمر تاني ....

الحضور الشفتوا ده بيشتري اى حاجة ..غايتو انا طلعت بعصير جوافه وشاي وقهوة زايداً وجبة عشاء خفيفة ..وفوق ده عرفت اخونا السيدح -صاحب الرفاعي - عن قرب ..وده بالنسبة لى مكسب كبير اعتز بيهو وان شاء الله ربنا يهديه على يدي او ربنا يضلنا على يده ونبكي ونلقى معاه شقة ولا بيت مبني ..

Quote: وهاك صورة مقربة لزولك هشام ده ممكن يكون بتاع الهند بس زول جاهز ومنضمة وبتاع تسويق ولسانو عسل بس اكان ما عندك رغبة في الحاجة ممكن يقنعك وهذه الميزة كنا مفتقدنها لكن الان اصبحوا السوادنة يبيضوا الوجه تب.

ياسلام والله هشام ده لي منو زي تسعة سنة ماشفتو من زمن كان في الدمام

زول خلوق ومجتهد هو من عرفنا بالبنك العربي ان شاء الله سوف اذهب خصيصا لملاقاته

تحياتي

زاتوووو

يا شباب وكهول وشيوخ المغتربين هاكم النصيحة (أهلنا قالوا النصيحة في ضنب نمر)

1- يا ود القاضي : ما تحلم. 150,000 ريال سعودي بالكاد تصل 110,000 جنيه سوداني وهذه لا تشتري شقة استديو في الخرطوم من الأزهري وحتى نمرة 2. لو مايو ممكن. لو الدخينات، محطة الأقمار وحتى جبل الأولياء هنالك إحتمال. لكن جوه خرطوم أحمد ولا تحلم بي شقة غرفة وصالة.

2- محمد إبراهيم على: كلامك صحيح ستديو في الدروشاب أو السامراب ممكن. غير كدا لا. ما تحلموا بما هو مستحيل.

3- ياود القاضي قاعد في الدمام وما عارف هوتيلاتها. زي القاعد في الأبيض وما عارف ود اب صفية. لو ما عارف ود اب صفية أسأل صلاح غريبة.

لكن لو عاوزين تستثمروا في رزق حلال وسريع وممكن وليس مبالغات ارباح، نحن تحت الخدمة بكل ما هو مفيد ومضمون.


(العوج راي والعديل راي).

الناس ديل ما قالوا أرباحهم السنوية عند التقسيط كم؟ هل هي أقل من 8%؟
أسعار الشقق في السودان إن كانت 3 غرف لا تقل عن 400 ألف ريال بالأقساط (300 مليون قديم).
ويا ريت تسألوهم حساب التوفير بلس ده أرباحه المتوقعة بتصل إلى حدود كم؟
أنصحكم يا مغتربي السعودية - بصفتي أحد المساهمين في هذا البنك - أن تبيعوا الوراكم والقدامكم وتستثمروا في هذا البنك وأعدكم بألا يكون ماسورة.

يا اخونا اختو البنوكـ دي !

دا الحرام والربا مُغـلف بي فـتاوي جهـلاء ونفعـيين !


هل رؤوس الأموال تسعى لإسعاد الفقراء ومساعدتهم ؟

واهم من ظن يوماَ أن للثعلب دينا ..

البنوكـ وأمـوالها ديار ربا فأحذروها ...


( ويمـحـق الله الربـا ويُربي الصـدقات ) .... صـدق الله العظيم

( إنما يأكـلون في بطونهم ناراً ) ... صـدق الله العظيم


في وقتها يمكن ان تنزل عليكـ بركات البنوكـ وهذا هــو

الطُعم الذي يُـدمـركـم ..

وأسألوا أهل البطاقات ... ( الفـيـزا - الماسـتـركارد ..)




هشام

Quote: لكن لو عاوزين تستثمروا في رزق حلال وسريع وممكن وليس مبالغات ارباح، نحن تحت الخدمة بكل ما هو مفيد ومضمون.

والله يا عمك عاوزين تب

أها راجع الماسنجر

تحيات

هاكم البريد الالكتروني للاستفسار وسيأتيكم الرد سريعا




[email protected]



وكمان رقم جوال الموظف المسئول هنا في السعودية خلينا نورطو معاكم مرة واحدة الا بس خففوا عليهو


الاتصالات شوية.

صلاح مكي 0507056413

الأخ / عبد اللطيف السيدح

سلام

يا أخي ليه ما أدتونا خبر لمن وصلوا جدة عشان كنا نفتشم تفتيش شديد

مع تحياتي


عاصم فقيري

الاخ عصام فقيري


يا أخي والله اسفين جدا

وكان من المفترض اخطارك بمكان وزمان اللقاء


المهم ممكن تمر علي الاخ صلاح مكي في بني مالك التلي موني وتعمل اجراءات فتح الحساب

وهو حا يديك كل الاوراق والتفاصيل


ولك العتبي

أغلب بنـوك الســودان تقـدم نفس ما يقدمه بنك الخرطوم
( واحد مرتاد بنوك يبحث عن تمويل ســكني ولو ما مصدقين أســألوا
هـويدا شـ{ف الدين ( زميلة البورد )
نســبة ارباح البنوك السـنوية تتراوح بين 7.5 الى 9 %
ودي نسـبة عالية جـدا عليكم يامغتربين
فالتموسل لمدة 10 ســوات تصبح أرباحه في المتوســط
80% من قيمـة التمويل المقدم
بعض البنـوك تخصـم الدفعة المقدمة ( عند حساب الأرباح
وبعضها لا يخصم مقدمك الذي دفعـته )
القســط الشــهري يتجاوز إمكانيات نسـبة كبيرة من المغتربين
والناس ديل مسـتهدفين ناس اصلا مرتباته عالية وليس ذوي
الدخل المتوسـط
والأخطـر من دا كلو ( إذا حصـل أمر الله بيجوا يدقوا
الجرس في راس العيال

أخي ود الباوقة هل تغيرت هذه الشـروط و وهـل
اضافو التأمين على القرض عشــان ما يدقوا الجرس
في حالة العجز التام او الوفاة
( بنك السـودان كان يمنع التأمين على القرض , كما هو الخال
في بعض الدول الاسـلامية )



و لاتحلمـوا بعـالم ســـعيد

Quote: الحضور الشفتوا ده بيشتري اى حاجة ..غايتو انا طلعت بعصير جوافه وشاي وقهوة زايداً وجبة عشاء خفيفة ..وفوق ده عرفت اخونا السيدح -صاحب الرفاعي - عن قرب ..وده بالنسبة لى مكسب كبير اعتز بيهو وان شاء الله ربنا يهديه على يدي او ربنا يضلنا على يده ونبكي ونلقى معاه شقة ولا بيت مبني

ود القاضي .. سلام،
يلا همتك ونحن معاك .. وكان برضو دميعاتك دايرة (تتفك) فاعطها حريتها واطلق يديها

فعسى أو لعل................
------------------------------------
ربنا يقدرك وتبني القطعة

السيدح ياخ قوم لف ومعاك البنك الخربان ده
اولا خليهم يغيروا موظفيهم اصحاب التكشيرة في كل الفروع بدون استثناء
لمان تجي لمعاملة عندهم كأنك جاي تشحدهم


بالنسبة للشقق انصح وعن تجربة بالابتعاد عن السكنى فيها في السودان فمشاكلها غير ذات حل اطلاقا

وفي النهاية بنك سخيف وفاشل

كمال



انت الان في شمبات ام عدت الي جدة؟



كلامك ده كلام زول موجوع وممغوس ومهبوش من الناس ديل


ملاحظاتك دي حايطلع عليها سعادة المدير العام

وانا بديهم ايميلك وشيل شيلتك معاهم

لازم تجيب دليل مادي علي اتهاماتك بتاعة التكشيرة دي

المهم ليلة حلوة فاتتك

ي

Quote: اسلام والله هشام ده لي منو زي تسعة سنة ماشفتو من زمن كان في الدمام زول خلوق ومجتهد هو من عرفنا بالبنك العربي ان شاء الله سوف اذهب خصيصا لملاقاته تحياتي زاتوووو

الزول ظاتو بالله,,لما تقابل هشام
سلم لى عليه,,,ممكن يطلع بذكرنا
خلينا نطلع منو بشقة
باقى ليك انا فى الرياض
ما بفيق ليهم

تحياتى,,,

Quote: أغلب بنـوك الســودان تقـدم نفس ما يقدمه بنك الخرطوم ( واحد مرتاد بنوك يبحث عن تمويل ســكني ولو ما مصدقين أســألوا هـويدا شـ{ف الدين ( زميلة البورد ) نســبة ارباح البنوك السـنوية تتراوح بين 7.5 الى 9 % ودي نسـبة عالية جـدا عليكم يامغتربين فالتموسل لمدة 10 ســوات تصبح أرباحه في المتوســط 80% من قيمـة التمويل المقدم بعض البنـوك تخصـم الدفعة المقدمة ( عند حساب الأرباح وبعضها لا يخصم مقدمك الذي دفعـته ) القســط الشــهري يتجاوز إمكانيات نسـبة كبيرة من المغتربين والناس ديل مسـتهدفين ناس اصلا مرتباته عالية وليس ذوي الدخل المتوسـط والأخطـر من دا كلو ( إذا حصـل أمر الله بيجوا يدقوا الجرس في راس العيال و لاتحلمـوا بعـالم ســـعيد

شكرا ع الله الاحيمر
واضيف
1. البنك يرغمك على تشغيل كافة اذرعه التشغيلية من شركة تأمين لشركة مقاولات لمكاتب محامين وكله على حسابك
2. مسألة الرهن فيه استهبال كبير من قبل البنك فمثلا في حال القرض لتكملة البنيان يصر البنك على رهن كل العقار مع ان قيمة القرض قد لا يساوي حتى قيمة الارض .
3. لا يتحدثون عن العمر اصلا في بداية حديثهم بعد شوية يدخلو معاك في حكاية عمرك قريب للاربعين وفات الخمسين ...الخ
عليه فلا تحلم بال 15 سنة او العشرين كان ما قالو ليك 5 سنين .
4. يسالونك عن الراتب مع ان الهدف هو تمويل عقار لتوليد دخل Income generating وعليه يفترض ان يتم سداد القرض من ايرادات العقار الُممول ولا دخل للراتب مها كان حجمه في السداد إذا كانت الفكرة للإستثمار ورغم ذلك يصرون على اشياء ليست ذات قيمة في الحسايات .

ربنا يعينكم

ملي الرسمية صحيفة الندوة السعودية ا




بالمناسبة يا السيدح هل لديك معرفة بالمرحوم عمر الشيخ من مكتبكم في جدة سابقا؟؟؟










محمد الشيخ


المرحوم عمر الشيخ اعرف اهله المجاذيب بالدامر


عليه رحمة الله واسكنه فسيح جناته


محمد انت في جريدة الوطن مش كده؟

Quote: اخ السيدح السلام عليكم .. بالله قول ليهم عندنا زميلنا رسل رسالة الى السيد فادى سليم الفقية مدير عام بنك الخرطوم ...! لكن يبدو المرسال لسع ماوصلهم ... خليتها ليك أمانة يا السيدح ... وشكراً مقدماً ..

يا السيدح ... عليك الله كلامى الفوق دا ماترميهو الواطة ساكت!

السؤال المهم

هل هذا الأمر ربوي ؟؟؟

أو به شبهة حرام ؟؟

اللهم اكفنا بحلالك عن حرامك وأغننا بفضلك عمن سواك

________________________________________________

الحكاية من فيها لبناني وباكستاني منها خوف

Quote: يا السيدح ... عليك الله كلامى الفوق دا ماترميهو الواطة ساكت!

مزمل


كلامك ما بقع واطة تب


ورابط البوست تسلمه الاخ هشام


وارجوك مراسلتهم علي الايميل الموجود في هذا البوست

يا أخوان نصيحة زول كان مغترب لحدي قبل سنة ونص
أوعى زول يدقس ويتورط مع بنك أو مقاول أو أي مخلوق
نصيحة تخدر لينا كلنا:
أي زول يلم قروشو (ده لو في قروش) ويجي يدقش ويتلطش هنا ده
لما الله يفتح عليهو ويتم ليهو الفي النصيب
الأخوة الأعزاء السيدح، فايز، رفاعي، أهم فائدة حصلت عليها من هذا البوست هي:

Quote: عرفت اخونا السيدح -صاحب الرفاعي - عن قرب .. وده بالنسبة لى مكسب كبير اعتز بيهو وان شاء الله ربنا يهديه على يدي او ربنا يضلنا على يده ونبكي ونلقى معاه شقة ولا بيت مبني

هذه الروح الطيبة التي عهدتها فيكم كأخوة كرام
و أتمنى أن تسود بيننا داخل هذا البورد عموماً وإخوتي في جدة على وجه الخصوص.
غير كده يالسيدح هواء في هواء وإنت ذاتك أوعاااااااااااك تدقس

يا ابوعبيدة لقيتك طريفي زول نصيحة سااااااااااااكت تحياتي لك

يازول القال السيدح صاحبي منو السيدح دا خدعني ومن يخدعنا في الديمقراطية

ننخدع له وبجد هو زول فنجري قبل المبايعة بعد داك مسه مس من المؤتمرجية خلى شياطينو

اتنين اتنين .










.............................................................حجر.

الأخ العزيز الرفاعي

والله ضحكت بصوت مرتفع
هههههههه أحمد الله من يومي زول نصيحة

والقال إنه السيدح صاحبك فهو صاحب ثلاثتنا (ودالقاضي)
وتشكر على النظرة المتوازنة لصاحبي وصاحب ودالقاضي (السيدح)
كونك أثبت إنه فنجري ودي براها شهادة من زول طريفي (أقصد رفاعي)

بس أكرر لأصحابي الثلاثة ورواد هذا البوست أوعااااااااااااكم تدقسوا
سامعين؟ ياريت

.................... الطريفي

أبوعبيدة يا حبيب ليك وحشة وجدة بعدك خلا



لي عودة للتعليق علي حديثك عن البنك


وكذلك لما بيني وبين الرفاعي الديمقراطي

Quote: محمد الشيخ المرحوم عمر الشيخ اعرف اهله المجاذيب بالدامر عليه رحمة الله واسكنه فسيح جناته محمد انت في جريدة الوطن مش كده؟

كيف يا السيدح
المرحوم هو خالي شقيق الوالدة وقد توفي السنة الماضية بعد شهرين فقط من وفاة والدتنا -رحمهم الله
انافي ابها-شركة الكهرباء

يا ابقوته

Quote: دحين دا مو هشام خريج بونا,,,وقريب احمد ابقوتة

ياهو هشام زاتو
كان مع البنك العربي الوطني هنا مدينة الخبر
وهو من اوائل السودانيين الذين بدأو مع تيليموني في السعودية
وساهم بدرجة كبيرة في جزب السودانيين للتحويل عن طريق هذا البنك
وهو رجل ابن حلال وصادق

كان كدي يا ابقوته لقينا لينا واسطة ما تخرش المية

الصادق

Quote: مزمل كلامك ما بقع واطة تب ورابط البوست تسلمه الاخ هشام وارجوك مراسلتهم علي الايميل الموجود في هذا البوست

..
شكرا يا السيدح على الاهتمام ...

أخونا عبد اللطيف... كيفك يازول ياراقي
...........
ياخي أنا عندي مسألة شاغلاني جداً مع بنك الخرطوم ده؟.. وكنت أحب بنك الخرطوم منذ أن كان بنك باركليس.. وهو شيخ البنوك السودانية.. لكن بهذه الحادثة التي حصلت لى معه صرت بمجرد ما أسمع إسمو يفضل لى أطرش؟ الى أن تتصحح هذه المسألة التي سوف اقولهالك
.............
فتحت حساب في بنك الخرطوم فرع كوستي عشان عندي بيت في كوستي اجرتو.. حساب ادخار وقلت للمؤجر ما عليك إلا كل شهر تروح الفرع تورد لى الإيجار. الكلام ده كان السنة الفاتت.. رحتا الفرع في كوستي فتحتا حساب.. لقيت واحدة موظفة هناك اسمها رباح.. فتحت لى الحساب وقالت لى كبداية تدفع نص مليون بالقديم.. قلتا ليها هسه ماعندي قروش قروشي في الخرطوم .. قالت لى ما عليك روح الخرطوم وحولا لينا من هناك والحساب حسب هذه الأوراق بيكون فاتح... مشيت الخرطوم.ز بنك الخرطوم أديتهم نص المليون.ز قالوا لى حسابك في كوستي رقم كم.. اعطيتهم الرقم.. الحساب تمام التمام فتح باسمي. وحولتا القروش وسافرتا.. بعد اربعة شهور كدة لقيت ليك الزول الأنا الأجرتا ليهو ما دفع ولاجنية واحدة ورجلو ما عتبت على البنك يخربو.. وبعد شوية طلع من البيت بعد ان ضمن سنة كدة صافي بدون إيجار.. وكان جاني بواسطة اسرة عزيزة علينا.. وجاني ومرتو تبكي عشان أؤجر ليهم.. الزول الجايبو لى قال لى ده أحسن زول في السودان.. بكي وقال لى مرتو حامل.. وولدو ممتحن شهادة.. المهم زاغ..( مساكين نحنا المغتربين..
المهم بعد اربعة شهور من فتح الحساب.. كان عندي مبلغ في العاصمة عند واحد.. قلتا ليهو روح نزلوا لى في البنك... راح ينزلوا واتصل بي من قدام شباك الموظفة من بنك الخرطوم وردت على الموظفة وقالت لى هذا الحساب ليس بإسمك وهو صديق عبد الله علي.. قالت لى الموظفة في بنك الخرطوم هذا الحسبا باسم واحد تاني خالص اسمو حامد مين كدة بريمة..
الراجل كان عايز ينزل لى الفلوس لمان لقى الحساب كتر.. وغير... لقاها فرصة واكل هذا المبلغ والسبب بنك الخرطوم لسه ما قادر أرجع المبلغ منو.. والشيكة لى اب ايداً قوية.. الأجرتا ليهو أكلني.. القتلو ودي القروش أكلني.. بنك الخرطوم شال مني نص مليون وقفل حسابي
..........
ارجو يا عبد اللطيف أن تسأل لى التيم ده بتاع البنك الحصل شنو؟ وهل نص المليون بتاعتي الفتحتا بيها الحساب ضاعت خلاص.. وهل الحساب قفل خلاص؟؟؟
بعد ما كان عندي محبة شديدة لبنك الخرطوم وكنت عايز اتعاون معاهو لأبعد مدي.. وكنت بمجرد أن اسمع إسم بنك الخرطوم كنت أشعر بفرحة.. هسه بعد الحصل لى ده معاهو بمجرد ما اسمع إسم بنك الخرطوم صرتا أكون زي الزول العايز يرجع كدة ويطرش؟
مرفق الصور والأوراق

وهذه صورة الدفتر

ده الوصل الحولتا بيهو نص المليون الى بنك الخرطوم فرع كوستي
....
ياريت الحساب ده يكون شغال عشان عندي شوية قريشات كدة خايف يأكلوهن عليا عايز أدخلهن بسرعة سرعة..
مساكين نحنا المغتربين.. إجازاتنا ما بتكفي لينا الشحططة دي... والجري. يلمها النمل وياطاها الفيل.. غربة وعذاب غايتو نحن المغتربين لينا الله وحده

الأخ منصوري


كلام مفهوم وبالجد حاجة تقهر لكن انت وقعت في المحظور تعرف لي انت مغترب وخارج البلد

وفتحت حساب جاري وهذا عليه عمولات سنوية مقابل خدمات فتح الحساب وطبعا مثل هذا الحساب تكون


عليه ارباح بمثل ما عليه عمولات واعتقد ان عدم تغذية الحساب والخصومات هي التي اكلت القريشات


وكان عليك فتح حساب توفير يعني لا ليك ولا عليك قروشك الختيتا لو جيت بعد عشرين سنة تلقاها

ياها زاتا لا زادت ولا نقصت.

اما قصة الايجار فيعوضك الله وكلنا في الهوا سوا

تعرف انا اشتريت رقشة جديدة كرت واديتا سواق لمن رجعت لقيتو ولا هللة ما معاه

يا زول وين الايراد ؟ لقيتو مرقة لي كلها كسور وبواقي

المهم هذا البوست متابع من قبل المسئولين في البنك اضافة لفريق العمل المتواجد حاليا بالسعودية.



التعديل تم لاستبدال كلمة ادخار بجاري

Quote: الأخ منصوري كلام مفهوم وبالجد حاجة تقهر لكن انت وقعت في المحظور تعرف لي انت مغترب وخارج البلد وفتحت حساب ادخار وهذا عليه عمولات سنوية مقابل خدمات فتح الحساب وطبعا مثل هذا الحساب تكون

يا السيدح سلام

يا أخوي مالك بتفتي في الحسابات والأمور المالية

حساب الإدخار ما عليه أي عمولات بل العكس هو يأتيك بفوائد

الحساب الذي عليه رسوم تخصم هو الحساب الجاري وليس حساب الإدخار


مع تحياتي

عاصم فقيري

فقيري

انا آسف اقصد حساب جاري وليس ادخار

واظن هذه من البديهيات التي لا تحتاج الي تخصص في المسائل المحاسبية


لكنها هفوة وغفوة مع اخر النهار وقد اجريت التعديل في ا لمداخلة

وشكرا للتنبيه

واقول ان قضية الاخ منصوري اثارها احد الاخوة الحضور امام ممثلي البنك بجدة وقد تم الرد عليه بمثل

هذه المعلومة التي اوردتها

ونصيحة البنك للمغتربين الراغبين في فتح حسابات ان يفتحوا حسابات توفير وليست جارية

يا عبد اللطيف يعني الحساب قفل وقريشاتي راحت... اريتني كان أديتن حبوبتي كان بقن لى حسني وأجر.... يعني ميتي وخراب ديار مع بنك الخرتوم

السيدح صاحب الرفاعي ...سلامات ..

Quote: واقول ان قضية الاخ منصوري اثارها احد الاخوة الحضور امام ممثلي البنك بجدة وقد تم الرد عليه بمثل هذه المعلومة التي اوردتها ونصيحة البنك للمغتربين الراغبين في فتح حسابات ان يفتحوا حسابات توفير وليست جارية

الاخ منصوري فتح حساب الإدخار والذي هو حساب التوفير الآن ..وهو ليس عليه رسوم كما وضحت انت في مداخلة سابقة لذلك يبدو هناك مشكلة تتطلب تدخل الادارة في حلها لاخونا صديق واعتقد أن المشكلة ليس لها علاقة بنوع الحساب ..

مادام إدارة البنك بتقرا البوست ده فياريت يهتموا لينا بفتح برنامج التمويل العقاري بكسلا في اسرع وقت ..كسلا مااقل من الابيض وعطبرة ياناس البنك ..

فايز جار القنصل سلامات


يا اخي لو بقيت ظلامي


ممكن ناس البنك يشوفوا ليك موضوع التمويل العقاري بكسلا وإلاَ فلا


المهم عايزك تشرح حكاية فتح الحساب وانواعه ومطلوباته للجماعة

انا راسي مسخن ليهو يومين

وربنا بديك شريكة الحياة.

الأخوين السيدح وود القاضي
تحياتي واحترامي
التمويل العقاري ده سيبوهو المغتربين ديل ما بقدروا على الشروط الفيهو . والراتب المرصود كشرط للتمويل وهو 5750 ريال بيروح بين السنون ومقاضي ساااااااكت بيتلحس . يتوفر منو وين لدفع أقساط 15 سنة ..
وعليكم الله في زمن المصائب ده الواحد ضامن 15 ساعة لمن يضمن 15 سنة يعيشها
السعوديين قالو الروووووب من نسبة مرابحة 3 % وبدون دفعات مقدمة وهم ناس القروش نحنا المفلسين ديل نقدر على نسبة الـ 8 وال 9 وال 10 % ومعاها ندفع ربع المبلغ كاش
ركزوا لينا على حسابي بلاس توفير وحساب التوفير واذا في اي ودائع استثمارية أخري ..
ياريت معلومات أوفر عن توقعات الربح السنوية او أرباح الأعوام السابقة للحسابين
فوديعة امدرمان الوطني تدحدرت من 22% الى 10% وبقت ما جايبه همها
اها ياناس بنك الخرطوم نسبتكم حلوة ولا اخييييي
امس كنت ماشي جم بنك التلي موني وجدت بنك الخرطوم عامل عرض على التحويل
مبلغ التحويل 16 ريال وسعر التحويل 718 لمن مسكت راسي
البنك 718 السوق الأسود يبقى كم ؟؟؟؟؟؟؟؟؟
الغربة باين بقت مثمرة

Quote: الاخ منصوري فتح حساب الإدخار والذي هو حساب التوفير الآن ..وهو ليس عليه رسوم كما وضحت انت في مداخلة سابقة لذلك يبدو هناك مشكلة تتطلب تدخل الادارة في حلها لاخونا صديق واعتقد أن المشكلة ليس لها علاقة بنوع الحساب

الأخ فايز ود القاضي قال هذا الكلام
يبدو لى فعلاً أن هنالك خطأ من البنك.. وانه يجب مراجعة هذا العمل فوراً.. واشعاري بألخطأ في جهة ما...
................
وإلا يعني زول يدفع 600 الف مع فتح الرسوم خلال شهور تروح في شربة موية والحساب يتقفل..
يعني ممكن تقنعني تقول لى دي فوائد للبنك..
ه؟؟؟
هل ممكن يكون هذا العمل حلال؟؟؟ لو كان بهذه الصورة؟؟ لابد أن هنالك خطأ ما... ارجو مراجعته بالسرعة المطلوبة

منصوري ...سلامات ..

Quote: يبدو لى فعلاً أن هنالك خطأ من البنك.. وانه يجب مراجعة هذا العمل فوراً.. واشعاري بألخطأ في جهة ما...

خليك في بنوك السودان حتى في اعظم البنوك بتحدث الاخطاء ...

انا قبل خمسة سنوات تقريباً فتحت حساب في بنك غير الكنت اتعامل معاه في السعودية ...الوكت داك كان لازم تودع في الحساب خمسة الف ريال الزاماً ..انا بواسطة عملت حساب من غير اى ايداع ..اها مرة مشيت اعمل ايداع قلت اجرب الحساب لقيت فيهو 10000 ريال (عشرة الف ريال )..مابعرف جات من وين ...وفعلاً راجعت البنك وقلت ليهم ياخي في قروش ماحقتي في حسابي ...فهم قاموا بالاجراء وتم سحب المبلغ ..ده في السعودية المتقدمة عننا ..الاخطاء شي طبيعي الحدوث ..لذلك انت وصل شكواك للبنك وصدقني حاتلقى حقك ..


تحياتي ..


فايز

لقد قمت بالإتصال برئاسة البنك ..

قسم التمويل العقاري للمغتربين

وعلمت بأن نسبة الفائدة 11% وشوية

يعني ان شاءالله بعد إنقضاء فترة العشرة سنوات

تكون قد دفعت أكثر من 100% فوق البيعة ....

أجزم بأن هذه النسبة سرقة عديل .. وإستغلال لأحلام

المغتربين المغلوبين على أمرهم ..

في الأمارات لا تتجاوز النسبة 6% في الحد الأقصى

وتمويل السيارة بين 3.9% الى 4%
_______________________________________________

وبالمناسبة نسبة المقدم ال 10% ستنتهي اول اغسطس

بعدها ستعود للنسبة القديمة وهي 20% ...

Quote: وعلمت بأن نسبة الفائدة 11% وشوية

الغريبة يا دكتور



الاخ هشام مندوب البنك القادم من السودان اكد ان نسبة الفائدة لا تتجاوزالـ 8% بالنسبة للمغتربين.

دخلت هذا البوست والذي هو اعلان غير مدفوع الاجر للاخ بكري وفد يكون مدفوع الاجر لاصحاب الايكة وقد لا يكون . المهم
استغربت جدا للطريقة التهافتية التي هي سمة لغة البوست لاغراء المغتربين لاييداع اموالهم والاستفادة من الفرصة الذهبية جدا التي يقدمها البنك الهجين صاحب الاسم القديم الخرطوم . وسالت نفسي لماذا ؟
ما اعلمه ان مدخرات البنوك في كل العالم هي في الاساس نتاج للمعاملات الداخلية التي يقوم بها البنك نتيجة لحركة الانتاج الداخلي وتنامي الصادر مما يدل على معافاة الاقتصاد الشئ الذي يدعو البنك للدخول في مشاريع ضخمة وبالتالي نشاط البنك وقوة وجوده في السوق المالي هي التي تشجع المواطن ايا كان موقعه داخل السودان او خارجه بالتوجه والاستثمار مع هذا البنك ايا كان شكل الاستثمار
ايداع ، مشاركة ، مرابحة ، والحتى القروض فهي استثمار
ولكن ان ياتي هذا الوفد ذو اللسانين ( عربي وانجليزي) لاغراء المغتربينواللعب النفسي بتوفير عقار والذي هو هاجس معظم المغتربين والمحاورة معهم فهو دليل على مأزق الاقتصاد السوداني . لانه لو كان الاقتصاد معافى لكانت الرسالة الاعلامية عبر القنوات المعروفة لادت دورها كاملا في ايصال الرسالة للمستهدف
اتمنى للبنك التوفيق
وللمغترب العشمان ان يبلغه الله مناله

Quote: الاخ هشام مندوب البنك القادم من السودان اكد ان نسبة الفائدة لا تتجاوزالـ 8% بالنسبة للمغتربين.

أخي عبد اللطيف .. تحياتي

شيئ فعلا غريب لهذه المفارقة ..

أؤكد لك بأني تحدثت مع الموظف بنفسي بالهاتف

شفت جنس محن السودان ده !!!

المهم نحن منتظرين حضورهم للإمارات ونشوف ...

دخلت هذا البوست والذي هو اعلان غير مدفوع الاجر للاخ بكري وفد يكون مدفوع الاجر لاصحاب الايكة وقد لا يكون . المهم
استغربت جدا للطريقة التهافتية التي هي سمة لغة البوست لاغراء المغتربين لاييداع اموالهم والاستفادة من الفرصة الذهبية جدا التي يقدمها البنك الهجين صاحب الاسم القديم الخرطوم . وسالت نفسي لماذا ؟


د/ محمد حسن


لقد أتيت شيئاً فرياً

يا اخي انا زول مسكين الله والرسول

الفضول ودودة المهنة هي التي شجعتني لحضور هذه الليلة

واللغة التهافتية التي عنونت بها البوست القصد منها مصيدة العنيدين من امثال حضرتك

والله لو كنا نمارس اسلوب الاجر المدفوع كنا غادرنا البلد دي بدري

المهم انا افترعت البوست وتركت امر ادراته للجميع ولم اكن ناطقا رسميا باسم البنك

Quote: الاخ هشام مندوب البنك القادم من السودان اكد ان نسبة الفائدة لا تتجاوزالـ 8% بالنسبة للمغتربين

.


و 8 % دي شــوية ؟ يعني في 15 سـنة تدفع 120 %
أضـف اليهـا رســوم رهـن العقـار لحين انتهاء السـداد
زائـد رســوم فـك الرهـن والرسـوم الإدارية ( أعتقـد أن الرهن بتدخل
فيهـو الزكاة والضرائب كمـان )

والأهـم من دا كلو ( ما هـو الوضع في حالة العجـز أو الوفاة ) ودا شـيء
محتاج لإجابة , لأنو لو ح يتشـرد العيال بعـدين فأحسـن يتعودوا من الآن


شـكرا لك السـيدح على البوسـت , ولكن فار جبل بنك الخرطوم ولد ميتا
وبالله يا السيدح أسـألهم عن التأمين على المرابحة ( القرض )

البنـوك دي لو اشــتغلغت في تمويل الزراعة والصناعة لزيادة الصادر
والاكتفاء الدخلي مع تشـغيل كم الف كدا من الأيدي العاملة تكون ما قصـرت
في حـق السـودان , لكنها تجري وراء الكسـب السـريع ( مضاربات ) او متوسط
وطويل الأجـل ( بس يكون مضمون ) مثلا عقار أو عربات وكلها مرهونة للبنك
كويس أن يمولوا مثل هذه الأنشـطة بس اليركزوا في الزراعة والصناعة
عشـان نخرج من الضائقة التي نعيشـها

للمعلومية اتصلت بالاستاذ صلاح مكي موظف بالبنك العربي

واكد بان مسالة فتح الحساب عن طريق البنك العربي لم يتم التنفيذ حتي الان وليس لدية معلومات كاملة بشان الاجراءت لحين توضيحات اكثر من قبل الاستاذ هشام يعني الموضوع لسع شوية ومسالة التمويل العقاري مرحلة اخرى

عبد الله ود إحيمر

شكرا علي مرورك

وفعلاً النصيحة بتخلع الا ما بتكتل

والناس ديل لا زالوا عشمانين في المغتربين المساكين


ويبسوها علي ناس السودان وقالوا يجوا يشفطوا مافي جيوب المشردين


لكن حلاة لقلق يلقوها عند الغافل

والاسبوع الجائي ننتظر ناس بنك البركة نشوف عندهم شنو كمان؟

الأخ الحبيب الأستاذ/عبداللطيف السيدح
قلنا كده:

Quote: وفعلاً النصيحة بتخلع الا ما بتكتل والناس ديل لا زالوا عشمانين في المغتربين المساكين ويبسوها علي ناس السودان وقالوا يجوا يشفطوا مافي جيوب المشردين لكن حلاة لقلق يلقوها عند الغافل والاسبوع الجائي ننتظر ناس بنك البركة نشوف عندهم شنو كمان؟

حدرتوا لينا

لكن برضو كويس إنك مادقست و طلعت زول ناقش وسمعت نصيحة أخوك


بعيد وقريب من الموضوع: تعرف مرة جينا شاقين الخرطوم بشارع الشهيد عبيد ختم
من جامعة أفريقيا إلى الصينية وكانت بصحبتي شقيقتي الكبرى وهي تتلفت ذات اليمين
والشمال وتتشهد من جمال العمارة والبنيان الذي انتظم البلد، فسألتني: الناس البنت العمارات
دي جابت القروش من وين؟
قلت ليها والله أنا شفت المغتربين وبعرف أحوالهم كويس
وعشان كده متأكد إنه نسبة المغتربين في الناس ديل لاتساوي ولا واحد في الألف إن لم
تساوي الصفر.

فياخي قروش شنو البفتشوها الناس ديل عند المغتربين؟
وماذا قدمت الوفود من مختلف البنوك والمؤسسات
التي جابت أرجاء المملكة خلال السنوات الماضية؟
فالفائدة الوحيدة دائماً يجنيها أعضاء الوفد حيث يحصلون على بدل السفرية لاغير

ياخي بنك الخرطوم ده عندي معاه قصة بنجيها برواقة

Quote: لقد أتيت شيئاً فرياً يا اخي انا زول مسكين الله والرسول

يا اخي حقك علي

ولا تزعل لاني زول مسكين زيك

لكن كلام اخونا عبد الله احيمر ابقى عليه عشرة

ياخي بنك الخرطوم ده عندي معاه قصة بنجيها برواقة








ابوعبيدة


امانة عليك تحكي قصتك مع بنك الخرطوم وبالتفاصيل المملة


ومنكم نستفيد.

يا اخي حقك علي

ولا تزعل لاني زول مسكين زيك

لكن كلام اخونا عبد الله احيمر ابقى عليه عشرة




يا دكتور

كلام ود احيمر ماسكين فيهو تب الا يثبت لينا البنك العكس.

مثلا مثلا يعني قلت مثلا يعني زول عايز لية 150 مليون جنية بالقديم يعني وكدا طيب اها ممكن اصحاب الحسابات يعني المحاسبين والمصرفيين والمهتمين ممكن نعرف كم حيكون الـ 20 % المقدم والقسط السنوي كم للــ 15 سنة وكم حيكون هامش ارباح البنك

اعتقد بالصورة دي اي مشروع عقاري تجاري ماحتشوف مليم احمر من ايردات المشروع طول الـ 15 سنة مهما كان حجم المشروع المستفيد الاول والاخير البنــــــــــــــــــــــــــــك

عليكم الله هو بعد 15 سنة المغترب مابكون اتلحس خلاص

يا عصام دقداق


الجماعة وصلوا فين؟


اوع تقولي غادروا قبل ما نعرف البينا والعلينا

البنوك دعتها ضرورات الوضع الاقتصادي في السودان كي تتجه صوب المغترب

الاقراض والائتمان في السودان اصبح عالى المخاطر والكلفة وغير محمود العواقب

لن تستطيع البنوك الاقراض بالعملة المحلية في ظل تدهور سعر الصرف والتضخم

حتى لو كانت النسبة30% .لذلك توقعو في الايام القادمة هجوم منظم من القطاع البنكي

على جيوب المغتربين طمعاً في العملة الصعبة ليعوضو الضمور الذي سيطرأ على الاقراض

بالجنيه السوداني ليحافظوا ما امكن على توازن محافظهم الاستثمارية..

هذا والله اعلم بما سيحدث في الغد!!!!!!

يا فايز ود القاضي


وعصام دقداق


الجماعة وصلوا وين ؟

الحبيب ح انت سيد العارفين

الحكاية كانت فسحة وعمرة اظن

Quote: الحكاية كانت فسحة وعمرة اظن

عمرة مقبولة لكنها مجانية علي حساب المامورية


واهم شئ الحرابيش يا عصام



فعلا دي كذبة ابريل

أخي الأستاذ السيدح نحن قبيل شن قلنا؟
ألم نقل

Quote: ياخي قروش شنو البفتشوها الناس ديل عند المغتربين؟ وماذا قدمت الوفود من مختلف البنوك والمؤسسات التي جابت أرجاء المملكة خلال السنوات الماضية؟ فالفائدة الوحيدة دائماً يجنيها أعضاء الوفد حيث يحصلون على بدل السفرية لاغير

أخوك يالسيدح طلع زي الأخطبوط بتاع كاس العالم داك
لكن إنت جبتها ضقلا يكركرب

Quote: عمرة مقبولة لكنها مجانية علي حساب المامورية واهم شئ الحرابيش يا عصام فعلا دي كذبة ابريل

هههههههه كذبة يوليو
ياخي رأيك شنو أقوم أفتح مكتب بتاع إستشارات في شئون المغتربين يختص بشئون مغتربي
السعودية، لما لدينا من خبرة تراكمية تؤهلنا لقراءة الأحداث بصورة واضحة وجلية؟
بس ماقلت لي دقست ولا لا؟

صاحب الرفاعي القديم وصاحبي الجديد السيدح ود قباتي دار جعل ...سلامات ...

Quote: يا فايز ود القاضي وعصام دقداق الجماعة وصلوا وين ؟

الجماعة وصلوا السودان .. وخلى التمويل والحاجات الكبيرة فتح الحساب ذاته طلع مافي ...وقالوا منتظرين توجيهات ناس الخرطوم ...

Quote: عمرة مقبولة لكنها مجانية علي حساب المامورية واهم شئ الحرابيش يا عصام فعلا دي كذبة ابريل

والله انا خايف السيدح يقول لي يافايز علاقة الصداقة التمت بينا في اللقاء كاذبة لانها قامت على لقاء كاذب ومابني على باطل فهو باطل ..

افتونا ياجماعة نرجع الغابة مع ناس م ع ح ولا عندكم لينا بدايل ...؟!!

بنك حرامي!!!!!!!!!


عندي حساب بالدولار ولما جيت اسحب القروش قالو لي الا جنية سوداني
خسرت قروش كتيرة وكباها البنك الحرامي دا في دمو....قالو شنو اوامر من بنك السودان
طيب لية مايدفعو لي بسعر السوق بدل سعروم الواطي ..هو السرقةدي كيف الا
الواحد ينط البيوت!!!!!!!!!

Quote: بنك حرامي!!!!!!!!! عندي حساب بالدولار ولما جيت اسحب القروش قالو لي الا جنية سوداني خسرت قروش كتيرة وكباها البنك الحرامي دا في دمو....قالو شنو اوامر من بنك السودان طيب لية مايدفعو لي بسعر السوق بدل سعروم الواطي ..هو السرقةدي كيف الا الواحد ينط البيوت!!!!!!!!!

يامحمد واحد في اللقاء قال ليهم نفس كلامك ده وفعلاً المجيب كان صريح مع الناس وقال دي اوامر بنك السودان ..لكن انت ذاتك الخلاك تحول قروشك عبر بنك شنو ؟!! تعال بيها دولار كاش وبعداك بيعها في السوق السوداء ...او اعمل كما نعمل نحن عبر التحويل الاهلي سلم هنا يسلموك هناك وبالسوق السوداء حفظه الله (ماعارف سموها سوداء ليها وهي فيها الخير والبركة ، مفروض يسموها السوق البيضاء ) ...

يا الله يا شباب


اي زول داير يفش غبينتو يجي ينبرش هنا بكل اريحية


فعلاً ده شيخ البنوك التجارية


ويا ود القاضي البركة في العصيرات القرطعتها والكيكات الالتهمتها.

هنا لقاء وفد بنك الخرطوم بالجالية السودانية بالرياض


http://www.alsahafa.sd/details.php?type=a&scope=a&version=191&catid=56