Post: #1
Title: سودان واحد أو بلدين ... الاهم نعيش متحابين
Author: بخاري عثمان الامين
Date: 07-09-2010, 10:54 PM
ثلاثة تيارات موجودة الان علي الساحة فيما يخص مستقبل السودان ان يكون دولة واحدة أو دولتين :-
1. تيار يدعو للاستقلال أو الانفصال لجنوب السودان عن شماله .
2. تيار يدعو للوحدة علي اساس هيمنة الشمال .
3. تيار يدعو للوحدة علي أسس جديدة
أتمني تداخل اعضاء البورد كل علي حسب رؤيته لهذه المسألة المعقدة .
بالنسبة لي ( شخصيا ) حاولت حشد ما يخصني في العنوان ولكنني أقف بصلابة مع الوحدة علي اسس جديدة
|
Post: #2
Title: Re: سودان واحد أو بلدين ... الاهم نعيش متحابين
Author: معاوية عبيد الصائم
Date: 07-09-2010, 11:10 PM
Parent: #1
بخارى سلام
مقترح خيار بلا فقوس
انا مع الوحدة الساحبة ؟؟؟ خيار احتياطى ؟؟ جديد
|
Post: #3
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-09-2010, 11:23 PM
Parent: #2
| Quote: انا مع الوحدة الساحبة ؟؟؟ خيار احتياطى ؟؟ جديد |
معاوية صديقي وقع لي الكلام باقي الكبر حصل
|
Post: #4
Title: Re: سودان واحد أو بلدين ... الاهم نعيش متحابين
Author: ياسر بيناوي
Date: 07-09-2010, 11:42 PM
Parent: #3
انا مع الخيار التالت دون شك
|
Post: #5
Title: Re: سودان واحد أو بلدين ... الاهم نعيش متحابين
Author: حاتم كاهن
Date: 07-09-2010, 11:59 PM
Parent: #4
يا بخاري أكيد خيار (الدولة الجديده ) أو الوحدة على أسس جديدة هو الخيار بالنسبة لي
بس ما كفاية إنو (الأسس الجديدة) دي تكون متمركزة على الوحدة وكفى .. لأنو كده بنكون بنكرر في ذات الإشكال ..
تقديم حلول لجعل الواحده جاذبة .. تقوم ما تتحقق .. نقوم نرجع تاني بي حلول (أجذب ) وبرضو ما يحصل شي ..
غير إنو ده ما بيحل مشكلة السودان كلو وحيفضل هامش تاني وتالت ..وحيعلى صوت إنفصالي في (فجج) تانية
التركيز على الجنوب الآن أنا ما عندي معاهو مشكلة ..
السؤال هو ياتو سودان مختلف نحنا عاوزينو ممكن يجعل من خيار الإنفصال تاني خيار طارد ؟؟
ده طبعاً إذا إتحلينا من الورطه النحنا فيها هسي دي ...
ومرقنا منها
..كاهن ...
|
Post: #6
Title: Re: سودان واحد أو بلدين ... الاهم نعيش متحابين
Author: JOK BIONG
Date: 07-10-2010, 00:36 AM
Parent: #5
كلامك صاح
خليكم في دولة عربية اسلامية في الشمال
وخلونا في دولة حرة لا تعترف باي دين كدين رسمي
وخلونا مع حالنا واحسن شئ ان تكون بيننا ذكريات
حلوة ومرة.
تحيات
جوك
|
Post: #8
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-10-2010, 07:35 AM
Parent: #6
Quote: كلامك صاح
خليكم في دولة عربية اسلامية في الشمال
وخلونا في دولة حرة لا تعترف باي دين كدين رسمي
وخلونا مع حالنا واحسن شئ ان تكون بيننا ذكريات
حلوة ومرة.
تحيات
جوك |
جوك صباح الخير
انا لست انفصاليا ولكنني في ذات الوقت أقف مع رغبة أهلي
بالجنوب اي كانت فالامر بداية ونهاية يخص شعب الجنوب ولكنني
ادعو الي الوحدة علي اسس جديدة واهم هذه الاسس ان تصدر الخرطوم
التنمية والاعمار بدلا عن الحرب الي باقي اجزاء الوطن مما يحتم
بالضرورة ان نعيش في عاصمة تحترم كل الاديان وكل القبائل ..
بس لغة نعيش في دولة عربية اسلامية في الشمال دي صعبة شوية لان
الشمال ما كله مسلمين ولا كله عرب ..
تحياتي
|
Post: #7
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-10-2010, 07:31 AM
Parent: #5
حاتم صديقنا برجع لك برواقة لاني عايز ارد علي جوك
|
Post: #9
Title: Re: سودان واحد أو بلدين ... الاهم نعيش متحابين
Author: العوض المسلمي
Date: 07-10-2010, 08:31 AM
Parent: #7
الوحدة باسس جديدة يا بخاري حلم كل الناس ولكن في ظل اتفاقية تقرير المصير وتحديد تاريخ الاستفتاء لا اظن هناك
فرصة لهذه الوحدة .. وان كنت اري ان ينصب التفكير في كيفية اعادة السودان لوحدته عقب الانفصال الذي اصبح وشيكا ..
اري اننا يجب ان نفك كيف نستطيع ان نبني ثقة مع حكومة دولة الجنوب القادمة حتي يكون لدي الجميع دافعا للتوحد ..
سلام بخاري..
|
Post: #10
Title: Re: سودان واحد أو بلدين ... الاهم نعيش متحابين
Author: بدر الدين اسحاق احمد
Date: 07-10-2010, 10:11 AM
Parent: #9
بخارى ( سلام )
كــدا ابســط الاسس الجديدة دى شنــو ؟
النموذج التنزانــى ما لو مــا ممكـن يكون خيار رابع ...
| Quote: بالنسبة لي ( شخصيا ) حاولت حشد ما يخصني في العنوان ولكنني أقف بصلابة مع الوحدة علي اسس جديدة |
|
Post: #11
Title: Re: سودان واحد أو بلدين ... الاهم نعيش متحابين
Author: JOK BIONG
Date: 07-10-2010, 10:19 AM
Parent: #10
لست انفصالي لكن انفصالي لرفضي العيش في دولة اسلامية عربية..
وحدة وطنية باسسس جديدة مقبولة تتساوى فيه كل اهل السودان مقبول
لكن عقلية الحاكمة في الخرطوم لن تقبل بهذه الوحدة اطلاقا لذلك
اخترنا ان ننفصل ونعيش في دولة لا تعترف بالدين كشئ رسمي او قبيلة
معينة او قومية معينة على راس الجميع وحتى في الجنوب لن نقبل
بسيادة دين او قبيلة معينة على اخرى.
تحيات
|
Post: #13
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-11-2010, 06:58 AM
Parent: #11
| Quote: لكن عقلية الحاكمة في الخرطوم لن تقبل بهذه الوحدة اطلاقا |
والنضال سكة حياتنا مهما وقت السكة طول ...
الحكومة في الشمال اخ جوك ليست الشعب في الشمال
وعلينا العمل علي ايجاد ما يجعل الوحدة ممكنة وخياراً واردا
|
Post: #16
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-11-2010, 01:30 PM
Parent: #10
| Quote: كــدا ابســط الاسس الجديدة دى شنــو ؟ |
بدر الدين ( مرحبا )
الاسس الجديدة مافيها ابسط أو اعقد هي مخالفة للاسس القديمة
من استعلاء عرقي وديني .. يعني :
وطن بالفيه نتساوي
أو
كلو عندو دين كلو عندو رأي
|
Post: #12
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-11-2010, 06:44 AM
Parent: #9
| Quote: وان كنت اري ان ينصب التفكير في كيفية اعادة السودان لوحدته عقب الانفصال الذي اصبح وشيكا |
جيتني في جرح .. تقرير المصير هو حق لشعب الجنوب يجب ان نقاتل من اجله
والخيار ملك لهم فان اختاروا الاستقلال علينا بذل جهودنا لاعادة توحيد وطننا
علي الاسس الجديدة
|
Post: #14
Title: Re: سودان واحد أو بلدين ... الاهم نعيش متحابين
Author: فايزودالقاضي
Date: 07-11-2010, 07:19 AM
Parent: #12
بخارى ..ٍسلامات ..
كما قال اخونا العوض الوقت غير كافي لتحقيق وحدة جاذبة .. ومع الاسف الحكومة ومنذ اتفاقية نيفاشا لم تعمل من اجل الوحدة .. انشغلت بالانتخابات وكيفية تمكين نفسها في السلطة ...وكذلك فعلت الحركة ..واهل الجنوب لهم الحق في تقرير مصيرهم وانا شخصياً مع الانفصال وان امكن قبل الاستفتاء ..وكل واحد ينوم في الجنبة التريحوا ...وكمان لو شرعوا قبل الانفصال بعمل حواجز اسمنتية عالية ويسموها سور السودان العظيم يكون ماقصروا معانا فالباب اليجيك منه الريح سدوا واستريح ...كرهنا الحرب وكرهنا السودان ذاتو بسببها...عايزين نعيش بسلام ..
يابخارى مافي زمن للوحدة ابداً واهو قاعدين نقرا البيكتبوه اخوانا الجنوبيين .. وانا مابلومهم لانى لو كنت مكانهم لما انتظرت كل هذه الفترة ..لذلك مانضيع زمنا وخلينا نحرك مسيرات داعمة للانفصال من الشمال ...
معا من اجل الانفصال بأسس قديمة او جديدة او من غير اسس بس اهم حاجة باسوار اسمنتية...
تحياتي
|
Post: #15
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-11-2010, 08:09 AM
Parent: #14
Quote: وكمان لو شرعوا قبل الانفصال بعمل حواجز اسمنتية عالية ويسموها سور السودان العظيم يكون ماقصروا معانا فالباب اليجيك منه الريح سدوا واستريح ...كرهنا الحرب وكرهنا السودان ذاتو بسببها...عايزين نعيش بسلام ..
|
ود القاضي سلام في صدر البوست ذكرت ان هنالك ثلاثة تيارات بالساحة الان وكل تيار
يعمل بهمة ونشاط لاجل تحقيق هدفه .. اما مسألة الباب اليجيك منه الريح دي ان فهمتمها
صاح اي ان الجنوب سبب لمشاكل الشمال فحقوا نحاكم القصة كلها .. فقد كانت الخرطوم طيلة
عمرها ومنذ الاستقلال تصدر فقط الحرب للجنوب وساكتب مداخلة شاملة للسياسات التي تعاملت
بها الحكومات المتعاقبة مع مسألة الجنوب .. ولكنني كمواطن بسيط ولست حكومة احلم بأن يكون
التنوع الذي نتمتع به في السودان سبباً لقوتنا لا العكس وساعود لك
|
Post: #21
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-13-2010, 01:40 PM
Parent: #14
Quote: معا من اجل الانفصال بأسس قديمة او جديدة او من غير اسس بس اهم حاجة باسوار اسمنتية...
|
فايز انا مع ما تفرزه نتائج الاستفتاء ولست مع( المشتهي الحينيطير يطير )
اسمنت شنو ياخ الناس ديل شافوا من الشمال الويل، ليهم حق يقولوا ما دايرين معانا
|
Post: #22
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-14-2010, 07:59 AM
Parent: #9
Quote: اري اننا يجب ان نفك كيف نستطيع ان نبني ثقة مع حكومة دولة الجنوب القادمة حتي يكون لدي الجميع دافعا للتوحد ..
|
شيخ العوض انا اري ان هنالك ظلما ماحقا قد وقع علي الجنوب من الشمال
فهل تجدي صيغة الاعتذار عنه في مثل هكذا امر ، يلا نفكر ماذ نحن فاعلون ؟
|
Post: #17
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-11-2010, 01:31 PM
Parent: #4
Quote: انا مع الخيار التالت دون شك
|
مرحبا بك سندا لتيار الوحدة علي اسس جديدة
|
Post: #18
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-12-2010, 08:15 AM
Parent: #17
يكون خيار الانفصال جاذباً للاخوة بجنوب السودان نتيجة
للسياسات التي تعاملت بها الحكومات المتعاقبة مع قضية
الجنوب فاضافة الي الخلل الموجود اصلاً في التوزيع الغير
عادل للثروة وعدم وجود تنمية متوازنة .. انتهجت الحكومات
المتعاقبة اسلوب العصا مع كل اشكال التعبير التي حاول بها
الجنوب اظهار مشاكله بدء بتمرد 1955 ومرورا بتظاهرات مدرسة جوبا
الي ان جاء النميري في 1972 بحل مرض ولكنه سرعان ما انهار وسافرد
لهذه الاتفاقية مداخلة فهي الوحيدة قبل اتفاقية السلام الحالية التي
استطاعت وقف الاقتتال الي ان جاءت حكومة الانقاذ الحالية والتي اشتطت في
الحرب فحولتها الي حرب دينية مقدسة فرض فيها الجهاد علي المسلمين في الشمال
لمحاربة الكفار في الجوب ولكن بجهود المعارضة السودانية بكل الوانها وعلي رأسها الحركة الشعبية
ودول خارجية جلست الحكومة للحوار وجاءت اتفاقية السلام والتي انتزعت بها حكومة الجنوب حق تقرير المصير
|
Post: #19
Title: Re: سودان واحد أو بلدين ... الاهم نعيش متحابين
Author: Hisham Ibrahim
Date: 07-12-2010, 08:57 AM
Parent: #18
| Quote: الاهم نعيش متحابين |
انا مع خيار
روح واحــده في جــســديـن ...
هشام
|
Post: #20
Title: Re: سودان واحد أو بلدين ... الاهم نعيش متحابين
Author: بخاري عثمان الامين
Date: 07-12-2010, 11:48 AM
Parent: #19
| Quote: روح واحــده في جــســديـن ... |
هشام
واجسامنا ليه جسمين
روحنا واحدة وكيف
اتقسمت اتنين
شئ عجيب في غرامك
يا فريع ياسمين ....
تسلم يا هشام وهذا بيت القصيد واحدة جاذبة أو فليكن جوار جاذب
ودولة صديقة علي حدودنا الجنوبية واذا ما اختار الجنوب الاستقلال
علينا العمل علي ضمان علاقات جوار حسنة ...
|
|