Post: #1
Title: هزة أرضية أم زلزال !!!؟؟؟
Author: mamkouna
Date: 07-09-2010, 01:07 PM
في تمام الساعة 2:47 ظهراً بتوقيت الخرطوم, حصلت حاجة غريبة
ما عارفنها هزة و لا زلزال
الحاصل شنو يا جماعة؟
الشي دا ليهو توابع ؟؟
|
Post: #2
Title: Re: هزة أرضية أم زلزال !!!؟؟؟
Author: abubakr
Date: 07-09-2010, 02:24 PM
Parent: #1
لا يبدو انها هزة ارضية فالمنطقة "شبه الصحراء الافريقية " تبدو في كل المواقع المتخصصة بمراقبة وتسجييل الهزات الارضية (اكاديمية ودولية ) لا تشير الي وجود اية هزة في تلك المنطقة .. هزات وجدت خلال الخمس سنوات الماضية في وسط افريقيا جنوب البحيرات الكبري وفي الريفت فاللي وفي اقصي شمال القارة في مصر ......
موقع http://www.iris.edu/seismon/ هو موقع اكاديمي عالمي لمتابعة ودلراسة وتسجيل الهزات ومنه اقتبست هذه الصورة عن افريقيا (الهزات الجديدة اليوم والتاريخ في ادني الصورة :
قبل اسابيع كان في هذا المنتدي خبر عن هزة في شندي ولكن يبدو ان الامر كان عن حغريات او تفجيرات ارضية بفعل الانسان فلم تسجل الاجهزة العالمية اية اشارات واليوم هزة في الخرطوم وفي منطقة معينة ولا توجد اية اشارات في كل المواقع المتخصصة فمعرفة الهزات الطبيعية صار متاحا بتقدم تقني واقمار صناعية واجهزة دقيقة تغطي مناطق العالم كله تسجل كل الحركات والهزات ..
|
Post: #3
Title: Re: هزة أرضية أم زلزال !!!؟؟؟
Author: المكاشفي الخضر الطاهر
Date: 07-09-2010, 02:27 PM
Parent: #2
السلام عليكم
الحمد لله انكم بصحة جيدة وعلى مايرام
|
Post: #5
Title: Re: هزة أرضية أم زلزال !!!؟؟؟
Author: mamkouna
Date: 07-09-2010, 03:39 PM
Parent: #3
و عليكم السلام يا المكاشفي
و شكراً على سؤالك
تسلم ان شاء الله من كل شرٌ و ربنا يكفينا و اياكم شرور الدنيا و الآخرة
|
Post: #4
Title: Re: هزة أرضية أم زلزال !!!؟؟؟
Author: mamkouna
Date: 07-09-2010, 03:25 PM
Parent: #2
شكراً يا باش على المعلومات القيٌمة ..
يعني نتوقع ان تكون الهزة بفعل فاعل !!؟؟؟
آدي اللي كان ناقص كمان !!!
|
Post: #6
Title: Re: هزة أرضية أم زلزال !!!؟؟؟
Author: الرفاعي عبدالعاطي حجر
Date: 07-09-2010, 03:45 PM
Parent: #4
الله يسلم السودان واهله من كل شر .
...............................حجر.
|
Post: #7
Title: Re: هزة أرضية أم زلزال !!!؟؟؟
Author: تيسير عووضة
Date: 07-09-2010, 03:49 PM
Parent: #4
(وقال الانسان مالها؟)
ولا هزة ولا حاجة يا ممكونة
دي الأرض ترقص طرباً من الفرح زي ما قال الشاعر 
ـــــــــ
ربنا يسلمكم ويسلم جميع الأهل من "حرنات" الطبيعة ..
|
Post: #8
Title: Re: هزة أرضية أم زلزال !!!؟؟؟
Author: الرفاعي عبدالعاطي حجر
Date: 07-09-2010, 04:04 PM
Parent: #7
| Quote: دي الأرض ترقص طرباً من الفرح زي ما قال الشاعر |
تيسير إن شاء طيبة , وإنت الصادقة الارض تئن وترتعد مما حُملت من
فساد اهل السلطة الله يسلم اهلها مما حُملت ... وذلك غضب الارض على
الصمت الشامل تجاه افعال الغلاة والفاسدين .
.........................................................حجر.
|
Post: #9
Title: Re: هزة أرضية أم زلزال !!!؟؟؟
Author: GamarBoBa
Date: 07-09-2010, 04:13 PM
Parent: #7
ممكونة وضيوفها تحياتي
غايتو يبدو لي كنت نايم..وبحلم بالثراء الحرام الغير الممكن أو كما قال خضر
لكن ضربت لزول في هامش الخرطوم في مدينة تدعي الكلاكلة (لو سمعتوا بيها) قال لي حصلت كلكلة خفيفة للارض فتبسمت...وان رأيتم انياب الليث بارزة ..كلموا ناس ريختر يجوا قراب مننا لانو مراصدهم مجلية بالطريقة دي.
والله ما ناقصين هظار زي ده يا طبيعة وبيئة ومناخ..والله المستعان والطف بعبادك يارب
|
Post: #11
Title: Re: هزة أرضية أم زلزال !!!؟؟؟
Author: mamkouna
Date: 07-09-2010, 04:33 PM
Parent: #10
Quote: الخرطوم في 9/7/ 2010 (سونا) تعرضت بعض أنحاء الخرطوم اليوم لهزة ارضية خفيفة بلغت 3 درجات علي مقياس ريختير في الساعة الثانية وثمانية وأربعين دقيقة ولمدة ثانيتين
وقال د. يوسف السماني المدير العام للهيئة العامة للأبحاث الجيولوجية (لسونا ) أن الهزة التي رصدتها أجهزة الهيئة تشير إلي أنها من نوع الأهتزاز الموضعي ( محلي ) وهي ناتجة عن تأثير خارجي ربما يكون بشري
واضاف أن هذه الهزة ليس لها أي تأثير ولم يكن لها أي تتابع باعتبار أنها خفيفة مبينا أن الهزات التي يحدث بعدها تتابع عادة ما تصل إلي 6-7 درجات علي مقياس ريختر وبالتالي فإنه من غير المتوقع أن تحدث أي هزات ارتدادية كما أنها لم تسجل أي خطورة تذكر
وأوضح د. السماني أن الهيئة تعمل حاليا علي الإتصال بأقرب المراكز خاصة في حلوان وبعض المراكز الإقليمية لتبادل المعلومات والتنسيق في مثل هذه الأحداث ومعرفة المركز الرئيسي للهزة |
الهيئة العامة للأبحاث الجيولوجية: الهزة الارضية ناتجة ع...جي ربما يكون بشري!!!
|
Post: #12
Title: Re: هزة أرضية أم زلزال !!!؟؟؟
Author: عصمت العالم
Date: 07-09-2010, 08:18 PM
Parent: #11
السيده العزيز ممكونه
كيفك والممكون الاعظم...
والاطفال..وابوحميد
والاشواق سكنت دايرها الوحشه.
ارجوان يكون كل شىء تمام التمام ...
طبعا دى الخرطوم الجديد شديد
هزه .. وزلزله .وتى ..55....ودكا دكا..
وربنا يستر عليكم ويغطيكم
ويبعد الهزه والرجفه
عاطر التحايا
|
Post: #13
Title: Re: هزة أرضية أم زلزال !!!؟؟؟
Author: محمد المرتضى حامد
Date: 07-09-2010, 10:20 PM
Parent: #12
ممكونه سلام
يعني ايرث كويك
JAWS
and
KING KONG
الله المستعان
|
|