Post: #1
Title: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 10:08 AM
بعد ان غضب من البشير
اثر مقال الطيب مصطفي
|
Post: #2
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 10:12 AM
Parent: #1
تلقى الفريق أول سلفاكير ميارديت النائب الأول لرئيس الجمهورية، رئيس حكومة الجنوب، برقية أمس من القائد معمر القذافي قائد ثورة الفاتح من سبتمبر عبّر فيها عن تقديره وعظيم إمتنانه لمواساة الفريق سلفاكير لقيادة وشَعب الجماهيرية وأُسر الضحايا في حادث تحطم الطائرة الليبية المنكوبة أخيراً بطرابلس. وقَالَ القذافي في برقيته، إنّ مواساة النائب الأول عبّرت عن مشاعر صادقة كان لها أبلغ الأثر في تخفيف عِظم المصاب
.......
عن الرأي العام اليوم
|
Post: #3
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 10:14 AM
Parent: #2
الطيارة طبعا ليها زمن
لكن الرد في هذا الوقت له اكثر من معني
|
Post: #4
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 10:17 AM
Parent: #3
وصف القذافي لمشاعر سلفاكير بالصادقة
يعبر عن امتعاض لمشاعر اخري جاحدة علي الاقل
|
Post: #6
Title: Re: القذافي يدير وجهه نحو سلفاكير
Author: حليمة محمد عبد الرحمن
Date: 07-09-2010, 10:21 AM
Parent: #4
الجُحُر إتملا شوفلك دِبَب يا فار..
هم بنكشوا في الجحر في وقت زي ده متوقعين يطلع منو شنو؟
هدهد سليمان ولا فراشة زاهية الالوان.. ما لازم تطلع
مصايب ومشاكل وبلاوي ما يعلم بيها الا الله..
ولا يحسبوه لعب شليل ترتار وصَبْيَنة؟
شكرا يا الشامي على المتابعة اللصيقة للاخبار وتداعياتها
على الساحة السودانية والدولية..
بوستاتك مفيدة جدا..اتابعها باستمرار وان لم اتداخل كثيراَ
|
Post: #8
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 11:11 AM
Parent: #6
الاستاذة حليمة
تحياتي
| Quote: هم بنكش في الجحر في وقت زي ده متوقعين يطلع منو شنو؟ |
انه قصر النظر وغياب الرؤية الاستراتجية وتسليم الامر لغير اهله
فالطيب مصطفي ليس اكثر من نسخة اخري من يونس محمود او ذلك الذي كان ينعق كل صباح
يهدمون كل جهد للتقارب مع دول الجوار او مع العالم
| Quote: بوستاتك مفيدة جدا..اتابعها باستمرار وان لم اتداخل كثيراَ |
اكيد دي شهادة اعتز بها
|
Post: #5
Title: Re: القذافي يدير وجهه نحو سلفاكير
Author: محمد على حسن
Date: 07-09-2010, 10:19 AM
Parent: #1
حتى بعد ركوع الانقاذ للقذافي و ايقاف صحيفة خال المشير
|
Post: #7
Title: Re: القذافي يدير وجهه نحو سلفاكير
Author: محمد على حسن
Date: 07-09-2010, 10:27 AM
Parent: #5
Quote: شكرا يا الشامي على المتابعة اللصيقة للاخبار وتداعياتها
على الساحة السودانية والدولية..بوستاتك مفيدة جدا..اتابعها باستمرار |
|
Post: #9
Title: Re: القذافي يدير وجهه نحو سلفاكير
Author: abubakr salih
Date: 07-09-2010, 11:25 AM
Parent: #7
Quote: الطيارة طبعا ليها زمن
لكن الرد في هذا الوقت له اكثر من معني |
ههههههههههههه
و الله يا الشامى حادث الطايرة دى طولت خلاص ... لكن القذافى راقدلو فوق رأى.
ياخ البشير رقد رز ... قفل جريدة خالوا و مرقوا من البلد زاتها تانى يسوى شنو المسكين.
|
Post: #10
Title: Re: القذافي يدير وجهه نحو سلفاكير
Author: Barakat Alsharif
Date: 07-09-2010, 11:32 AM
Parent: #9
يا جماعة الخير
القذافي دا مش هو اللي سلم كل اسلحنة النووية والكيماوية وشحنها في باخرة وارسلها لإمريكا لما شاف في التلفزيون صورة صدام حسين بعد إلقاء القبض عليه
|
Post: #14
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 12:07 PM
Parent: #10
| Quote: القذافي دا مش هو اللي سلم كل اسلحنة النووية والكيماوية وشحنها في باخرة وارسلها لإمريكا لما شاف في التلفزيون صورة صدام حسين بعد إلقاء القبض عليه |
نعم يا اخ بركات ياهو هو زاتو
وكمان ياهو القذافي الدفع تعويضات
لوكيربي لكن في المقابل استطاع ان يعيد
بلاده لمنظومة المجتمع الدولي والدول التي كانت تحاربه
تتهافت الان علي زيارته وتوثيق العلاقات معه
لكن نحن لا زلنا راكبين راسنا والزارعنا غير الله الليجي اقلعنا
|
Post: #15
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 12:20 PM
Parent: #9
| Quote: ... لكن القذافى راقدلو فوق رأى. |
طبعا يا اخ ابوبكر
وراقد فوق راي كبير
وحتي لما الحكومة اعترضت علي استضافة خليل
كان رد القذافي انه يفهم مشاكل السودان اكثر منها
وانه يعمل من اجل مصلحة السودان
الآن والجنوب علي اعتاب الاستفتاء والمؤشرات حتي الآن
ترجح الانفصال فان البرقية المرسلة الي سلفاكير تعني
ان القذافي تعامل مع سلفاكير معاملة رؤساء
شكرا ليك اخ ابوبكر ولمرورك الكريم
|
Post: #11
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 11:36 AM
Parent: #5
| Quote: حتى بعد ركوع الانقاذ للقذافي و ايقاف صحيفة خال المشير |
اخ محمد علي حسن الركوع طبعا جاء في وقت متاخر
بعد اهانة لحقت بعميد الزعماء العرب والافارقة
وشخص له اياد بيضاء علي الانقاذ ولكن الانقاذ كما
سبق وان قال الصادق مجموعة جزر
مع مودتي وتقديري
وشكري لمشاعرك النبيلة
|
Post: #12
Title: Re: القذافي يدير وجهه نحو سلفاكير
Author: خالد المحرب
Date: 07-09-2010, 11:50 AM
Parent: #11
Quote: انه قصر النظر وغياب الرؤية الاستراتجية وتسليم الامر لغير اهله
فالطيب مصطفي ليس اكثر من نسخة اخري من يونس محمود او ذلك الذي كان ينعق كل صباح
يهدمون كل جهد للتقارب مع دول الجوار او مع العالم
|
معقل يالشامى الناس ما استفادت من اخطاء الماضى ياربى البلد دى فيها اكتر من ريس
المستشارين الكتار ديل ساكتين ساهى معقول مافيهم واحد عندو وجهة نظر
جمعه مباركه يا ود الكباشى
|
Post: #13
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 12:00 PM
Parent: #12
خالد شيخ العرب
وبحر القاش قام وانكرب
تحياتي واشواقي
وسلامي لك وللعائلة الكريمة
| Quote: المستشارين الكتار ديل ساكتين ساهى معقول مافيهم واحد عندو وجهة نظر |
المستشارين الكتار ديل من ايام الانقاذ الاولي ما قدروا اضبطوا الاعلام
او تجاهلو خطورة الاعلام في توجيه السياسة الداخلية والخارجية
ولامن جاتم في تولا حتي صحوا
المسالة تحتاج الي غربلة كبيرة من اجل ايجاد اعلام يتناغم مع السياسة
وما عارف فضل وقت والا لا
|
Post: #16
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 02:57 PM
Parent: #13
القذافي طبعا له راي قديم
في دعم الحركة الشعبية وتوجهها
نحو اقامة دولة مستقلة وصمت لفترة
ربما بمناشدة من المؤتمر الوطني
الان الطيب مصطفي بمقاله الاستفزازي
للزعيم القذافي جعله يخرج من تحفظه
ويعيد حبل الود الذي لم ينقطع مع الحركة الشعبية
|
Post: #17
Title: Re: القذافي يدير وجهه نحو سلفاكير
Author: عبد اللطيف السيدح
Date: 07-09-2010, 03:59 PM
Parent: #16
عشان كده
برقية القذافي ودًت سلفاكير في ستين داهية
الرجل الآن يرقد قي مستشفي خاص بنيروبي
لأن البرقية خلعته وصدق أنو رئيس دولة قادم
|
Post: #18
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 04:57 PM
Parent: #17
المسألة وعكة خفيفة وسيعود منها
يوم الاحد يا السيدح
|
Post: #19
Title: Re: القذافي يدير وجهه نحو سلفاكير
Author: الشامي الحبر عبدالوهاب
Date: 07-09-2010, 08:51 PM
Parent: #18
القذافي يحظي بتقدير كبير في القارة الافريقية
ومن شان اي دعم منه للدولة الوليدة في السودان
في حالة بروزها ان يطمئن بعض الدول التي لا زالت تتخوف
من انعكاسات سلبية عليها في حالة الانفصال
|
Post: #20
Title: Re: القذافي يدير وجهه نحو سلفاكير
Author: jini
Date: 07-09-2010, 09:06 PM
Parent: #19
Quote: يا جماعة الخير
القذافي دا مش هو اللي سلم كل اسلحنة النووية والكيماوية وشحنها في باخرة وارسلها لإمريكا لما شاف في التلفزيون صورة صدام حسين بعد إلقاء القبض عليه |
أنج سعد فقد هلك سعيد!
مع البرقية حيرسل ليهو نصف مليار دولار لزوم الانفصال الجاذب!
غايتو الطيب مصطفى شغلو نضيف!
جنى
|
|