مولانا أبو سنادرا .. توجد صور

في حد فاهم حاجة ؟؟؟

مولانا شنو يا زول..؟؟
المسكة دي مسكة فكي عديييييييل كده
-----------
في ميزان حسناتك ياابو ساندرا يا كبير

Quote: مولانا شنو يا زول..؟؟ المسكة دي مسكة فكي عديييييييل كده ----------- في ميزان حسناتك ياابو ساندرا يا كبير

يا كي كي دي مناظر سااااي
التقيل جاييك ورا

والله زولك التقول الشيخ المنو داك ما عارف

سيماهم في وجوههم من اثر السجود

اللهم يا مثبت القلوب ثبت قلبه على الايمان

والله السبحه دى ما خايله فيك يا ابو ساندرا داير الكضب ولا الصح؟

Quote: والله السبحه دى ما خايله فيك يا ابو ساندرا داير الكضب ولا الصح؟

ما أشوف لي واحد تاني يشكك في شياخة
أخونا في الله أبو ساندرا

معتز سلام،
المسبحة ليست حكرا على المسلمين فالمسيحيين سبقوهم إليها ولل rosary أسرار
ومسميات كثيرة عندهم ولعل أكثر وأشهر من كانت تكر حباتها بين اصابعه في
عصرنا الحديث المنظر البعثي المعروف ميشيل عفلق ومن الدروز كمال جنبلاط
ومن السنه مولانا أبوساندرا قدس الله سره.
بالمناسبه ، لم يشك عضو في المنبر في إمامية الرجل وأذكر أنه صلى بالكثيرين
إماما عند افتتاح منزل بكري بالحلفايا ولعل الصور أعلاه سجلت ذلك الحدث ( شايف
عربيتك واقفه شاهد) .

بس كمان المسبحة دي كانوا بيظهروا بيها ناس ذبحوا ونهبوا وعذّبوا ونهبوا،
اللهم اهدنا في من هديت وعافنا في من عافيت.
تسلم.

اذا رايت الغيتوني مسبحا فاحترس
نفسي اعرف لماذا ام ابو ساندرالقوم ؟؟؟!!
هل هو اكبرهم ؟؟ولا عشان لابس فنيله مخططه وجينز؟؟؟؟!!

Quote: اذا رايت الغيتوني مسبحا فاحترس نفسي اعرف لماذا ام ابو ساندرالقوم ؟؟؟!! هل هو اكبرهم ؟؟ولا عشان لابس فنيله مخططه وجينز؟؟؟؟!!

بصراحة يا خالة سؤال محرج
الراجل يرى في نفسه الكفاءة
انتي الحارقك شنو ؟

غايتو أنا ظنى الناس الورا ديل
كان عادوا صلاتم دي أخير ليهم
أنا شايف حدها راس الفورد بتاعي البي يمينهم دا

Quote: بصراحة يا خالة سؤال محرج الراجل يرى في نفسه الكفاءة انتي الحارقك شنو ؟

صراحه واجعاني جغمسه السودانيين للشيوعيه .
اخير ليهم يصلوا صلاتهم ويصوموا رمضانهم ويسبحوا تسبيحهم ويحجوا حجهم ولو في مقدره للزكاه يزكوها
وينسوا الافكار الغريبه دي
د لانها ما بتشبهم اسع عليك ربنا شوف سماحه ابو ساندرا بالجينز والفنيله المخططه وهو يصلي بالجماعه . يا اخي الدين دا فيه فرص وفوائد لا تحصي ولا تعد يعني ابو ساندرا ممكن خمس مرات في اليوم يقدم كي يؤم الناس
دي في الحزب الشيوعي ما بلقاها الا بعد ان تصل الروح الحلقوم وقد لا يلقاها قط

Quote: معتز سلام، المسبحة ليست حكرا على المسلمين فالمسيحيين سبقوهم إليها ولل rosary أسرار ومسميات كثيرة عندهم ولعل أكثر وأشهر من كانت تكر حباتها بين اصابعه في عصرنا الحديث المنظر البعثي المعروف ميشيل عفلق ومن الدروز كمال جنبلاط

محمد المرتضى دي معلومة مفيدة
وشكرا كتير عليها ..

Quote: ومن السنه مولانا أبوساندرا قدس الله سره.

Quote: بالمناسبه ، لم يشك عضو في المنبر في إمامية الرجل وأذكر أنه صلى بالكثيرين إماما عند افتتاح منزل بكري بالحلفايا ولعل الصور أعلاه سجلت ذلك الحدث ( شايف عربيتك واقفه شاهد) .

صدقت يا أخا العرب
ولكنني لم اصدقه
حتى رايته يحمل المسبحة
في ملتقى الجمعة

Quote: بس كمان المسبحة دي كانوا بيظهروا بيها ناس ذبحوا ونهبوا وعذّبوا ونهبوا، اللهم اهدنا في من هديت وعافنا في من عافيت. تسلم.

دي أنا برا منها

انا كنت قايل السبحة دى بيعد بيها بنود دستور الحزب ("اللايحة" قبل المؤتمر الخامس) والبرنامج ...

لاكين بعد صور الصلاة ... الزول دا "ظلااااامى" ما اتنين تلاتة ...

(واحتمال نزل تعميم من المركزية بعد اجابة نقد فى التلفزيون! لأنو هسى بقوا يقولوا "الزميل شيخ حسن")









... المهم ...

Quote: هل هو اكبرهم ؟؟ولا عشان لابس فنيله مخططه وجينز؟؟؟؟!!

قوية يا دومة

حركات أبو ساندرا دي بِتْعبِر ، بِشكل واضِح ، عن مَوقِف الحِزب الشيوعي المِرازي بَين < مطرقة > الوهج القديم و< سِنْدان > التوالي







بس ما كان يِبقالُمْ إمام ... أنا لو حاضِر ، بقيف ما الواقفين بِورا ديلاك ... كِده أسْلم

وبعدين يا مُعْتز ياخ ما تِتْحَوز الزول ساي ... غُره الصلاة المِسَوي فوقا دِويرِيه ومِشخبِت بيها < ناصِية > الزول ما واضحة أبدًا ...

عزام الرطاني الحاقد على كل ما هو عربي

Quote: حركات أبو ساندرا دي بِتْعبِر ، بِشكل واضِح ، عن مَوقِف الحِزب الشيوعي المِرازي بَين < مطرقة > الوهج القديم و< سِنْدان > التوالي

لا لا يا عزام داك موضوع مختلف
أبو ساندرا عاد الى درب الصالحين
ما ليو علاقة بالبتاع دا
خصوصا وانه زعيم البتاع دا قال انه ما بصلي

Quote: بس ما كان يِبقالُمْ إمام ... أنا لو حاضِر ، بقيف ما الواقفين بِورا ديلاك ... كِده أسْلم

أنا برضو عملت كدا وقعدت اصور بس قلت كدا أحسن

Quote: وبعدين يا مُعْتز ياخ ما تِتْحَوز الزول ساي ... غُره الصلاة المِسَوي فوقا دِويرِيه ومِشخبِت بيها < ناصِية > الزول ما واضحة أبدًا ...

دا يا حقد منك بس يا عزام
أو غيّر النضارة
(غرة الصلاة) واضحة زي عين الشمس

Quote: قوية يا دومة

خدر
عقبال ما نصور لالوبتك

Quote: انا كنت قايل السبحة دى بيعد بيها بنود دستور الحزب ("اللايحة" قبل المؤتمر الخامس) والبرنامج ... لاكين بعد صور الصلاة ... الزول دا "ظلااااامى" ما اتنين تلاتة ...

شفت يا تبارك الناس في البورد دا بتظلم الناس كيف
عشان كدا من الليلة انا تاني ما بحكم على زول بالظاهر

يا اخي ابو ساندرا دا اتضح انه (بروِّب الموية ) عديييل كدا

Quote: صراحه واجعاني جغمسه السودانيين للشيوعيه . اخير ليهم يصلوا صلاتهم ويصوموا رمضانهم ويسبحوا تسبيحهم ويحجوا حجهم ولو في مقدره للزكاه يزكوها وينسوا الافكار الغريبه دي د لانها ما بتشبهم اسع عليك ربنا شوف سماحه ابو ساندرا بالجينز والفنيله المخططه وهو يصلي بالجماعه . يا اخي الدين دا فيه فرص وفوائد لا تحصي ولا تعد يعني ابو ساندرا ممكن خمس مرات في اليوم يقدم كي يؤم الناس دي في الحزب الشيوعي ما بلقاها الا بعد ان تصل الروح الحلقوم وقد لا يلقاها قط

والله يا خالة كلام زي الدهب
الزول مفروض يمسك درب واحد عديييل كدا
وما في داعي للجغمسة

ويبدو انه اخونا في الله ابو ساندرا
وبعد بلوغه سن الاربعين قرر العودة الى طريق الجادة

دايما بستغرب في زول يقول ليك أنا ..............
ويقول ليك أنا بصلي وبصوم وبشهد بوحدانية ووجود الله

من شروط انك تكون امام اما انك تكون
اكبرهم سنا او
اعلمهم بكتاب الله
الشاب ابوساندرا يختار واحده على كيفو مافى زول يضايقو يا شباب

Quote: من شروط انك تكون امام اما انك تكون اكبرهم سنا او اعلمهم بكتاب الله الشاب ابوساندرا يختار واحده على كيفو مافى زول يضايقو يا شباب

أعتقد كدا والله أعلم
أكبرهم سنا دي ما جاية

ارجح الخيار الثاني

انا والله نفسي من زمان اسال
انتوا يا معشر الرجال كيف بتعملوا الغره والحجول ديل ؟؟؟!!!
. متمنيه الاقي امراه لها غره كغره ود القريش مثلا

سلامات يا معتز

حقاً نحن لا ندري ( صلاح ) البشر
والحكم بالظاهر أو حتى بما يصدر عنا من أفعال وأقوال ربما لا يكون دقيقاً فالصلاح علاقة جد خاصة بين العبد وربه.
تروي أدبيات الصالحين عن ذلك الشاب حسن المظهر ميسور الحال الذي أطل على قرية وعرف بتردده على حانات الشرب وارتياد مواخير المومسات . فكان لحسن مظهرة ويسر حالته المادية يحظى على الدوام بأجملهن ويصاحبها فترة ثم تختفي هذه ( المومس ) فيصاحب غيرها وهكذا. استمر الحال هكذا حتى خلت ديار تلك القرية من المومسات واختفى أثر ذلك الشاب نفسه من القرية . ظل ذلك الشاب قصة تروى حتى أطل على القرية شيخ من كبار الصالحين الموثوقة أقوالهم وأفعالهم لدى أهل القرية . فحدثهم من تلقاء نفسه عن ذلك الشاب فاستغرب الحضور عن كيف يعرف ( شيخاً ) بهذا النقاء ذلك ( الشاب ) بكل ما عرف عنه من مجون . ضحك الشيخ في سماحة وفاجأهم بقوله
" لم يكن ذاك الشاب سوى أحد كبار الصالحين ، اقتضى ( مقامه ) أن يسوق للهداية أولئك النسوة الخاطئات "

عندها فهم القوم سر اختفاء ( المومسات ) وسر إختفاء الشاب .

لكن المحيرني في الصور دي حاجتين

- إنت متأكد أنو الصور دي في الدوحة - قطر أم في السوق العربي الخرطوم ؟؟
- الزول البيصور دا كان أحسن ليهو يلحق صلاة الجماعة ويصلي معاهم أم يصور فيمن يصلون ؟؟

الأخ معتز والأخت دوما
:QUOTE

انتوا يا معشر الرجال كيف بتعملوا الغره والحجول ديل ؟؟؟!!!
الغرة دى يادوما ابوساندرا وفى اجازتو الفاتت بالسودان (دقاها فى سوق ليبيا) بى عشرين جنيه....ودفعتها انا.

فضحتنا يا قلقو

هسع الواحد يسوق دجلو ده وين تاني


اليوم الخميس وغدآ الجمعة و بعدها السبت عطلة
وسوف أتفرغ تمامآ للبيت ،، البنات وأمهن

ولا بأس من إقتطاع وقت للعبادة

حبيبناابوساندرا
ولاتنسانا من صالح الدعوات ياخليفة ..مين عارف ؟
مع تحياتى للأسرة الكريمة .

Quote: ]والله السبحه دى ما خايله فيك يا ابو ساندرا داير الكضب ولا الصح؟

بركاتك يا بركات


دمحمد لا ترحم لا تخلى رحمة ربنا تنزل ابوساندرا


ده شيخ يزوروا فيه




معتزانت بتاع مشاكل

عشان كده انا مره سمعت ام ساندرا بتغني


لمن بالغ وكبر وصلي


اتاريها ميته في ابوي بنياتها

سجم امك يا ابو ساندرا الحكايه بقت حانات ومومسات والله معاك غايتو عاطف ما خلا ليك صفحه ترقد عليها ..الاخ عاطف افتكر الاجابه على سؤالك التانى انه الحكايه دى زى السبق الصحفى بالنسبه للزول الصور ده وهو فى الغالب عميل يعمل لصالح القريش وقد استخدمت الصور كوسيله لنجاضنا مع مولانا ابوساندرا.

Quote: سلامات يا معتز حقاً نحن لا ندري ( صلاح ) البشر والحكم بالظاهر أو حتى بما يصدر عنا من أفعال وأقوال ربما لا يكون دقيقاً فالصلاح علاقة جد خاصة بين العبد وربه. تروي أدبيات الصالحين عن ذلك الشاب حسن المظهر ميسور الحال الذي أطل على قرية وعرف بتردده على حانات الشرب وارتياد مواخير المومسات . فكان لحسن مظهرة ويسر حالته المادية يحظى على الدوام بأجملهن ويصاحبها فترة ثم تختفي هذه ( المومس ) فيصاحب غيرها وهكذا. استمر الحال هكذا حتى خلت ديار تلك القرية من المومسات واختفى أثر ذلك الشاب نفسه من القرية . ظل ذلك الشاب قصة تروى حتى أطل على القرية شيخ من كبار الصالحين الموثوقة أقوالهم وأفعالهم لدى أهل القرية . فحدثهم من تلقاء نفسه عن ذلك الشاب فاستغرب الحضور عن كيف يعرف ( شيخاً ) بهذا النقاء ذلك ( الشاب ) بكل ما عرف عنه من مجون . ضحك الشيخ في سماحة وفاجأهم بقوله " لم يكن ذاك الشاب سوى أحد كبار الصالحين ، اقتضى ( مقامه ) أن يسوق للهداية أولئك النسوة الخاطئات " عندها فهم القوم سر اختفاء ( المومسات ) وسر إختفاء الشاب . لكن المحيرني في الصور دي حاجتين

اخونا اباساندرا
ارجو الا تنسانا من صالح الدعاء.

كتب كيكي :

Quote: مولانا شنو يا زول..؟؟ المسكة دي مسكة فكي عديييييييل كده ----------- في ميزان حسناتك ياابو ساندرا يا كبير

زمان كان في واحد عامل ( فكي ) في الديم
يوم الديامة ضبطوهو بيرقص في حفلة في القوز
سموهو ( فكي بلين )
على وزن الفنانة فيكي بلين

أما حكاية كبير دي فالناس كما هي مقامات
فهي مقاسات
فخم وصر

أخو الوزير كتب :

Quote: في حد فاهم حاجة ؟؟؟

كدي أنت في الأول فهمنا سبب موقفك من ساندرا
تسميني ( أبو ماهيتاب ) وتتجاهل وجود العود
وهسع كاتب إسمها غلط قدام الملايين ، قال : أبو سنادرا آل

غايتو ، شيل شيلتك معاها

علمآ بأن ناس كتاااار شدو معاها سلك
عشان تسلفهم في كل عضة شهر
وأنت راجل محمول
و جوال

د. محمد بابكر :

Quote: والله السبحه دى ما خايله فيك يا ابو ساندرا داير الكضب ولا الصح؟

أنا ذاتي قلت كده
ح نعملها سبحة لالوب أبو الف ديك

وكمان في واحدة زي الزنبرك ، تسبح بالضغط فقط وينكتب الرقم قدامك
أهداني ليها الفكي / مولانا فيصل عباس

محمد المرتضى حامد :

Quote: عصرنا الحديث المنظر البعثي المعروف ميشيل عفلق ومن الدروز كمال جنبلاط ومن السنه مولانا أبوساندرا قدس الله سره.

والله كتر خيرك يا أستاذ ، وضعتني مع زمرة رموز
وطوبتني ممثلآ للسنة
أو أهل السنة

تشكرات عاليات

الاخ/معتز
تحياتي؛؛؛



هسع لو صلي بيهم اخونا عبود عبدالرحيم
كان قالو كوز معروف ؛

لكن اخونا عبود طلع ماموم لابوساندرا

ربنايتقبل منهم جميعا.

Quote: الغرة دى يادوما ابوساندرا وفى اجازتو الفاتت بالسودان (دقاها فى سوق ليبيا) بى عشرين جنيه....ودفعتها انا.

أما غرتي أنا فهي من كثرة السجود

Quote: إنت متأكد أنو الصور دي في الدوحة - قطر أم في السوق العربي الخرطوم ؟؟ - الزول البيصور دا كان أحسن ليهو يلحق صلاة الجماعة ويصلي معاهم أم يصور فيمن يصلون ؟؟

السبحة في الدوحة والصلاة في السودان وبالتحديد في الحلفاية

Quote: سجم امك يا ابو ساندرا الحكايه بقت حانات ومومسات والله معاك غايتو عاطف ما خلا ليك صفحه ترقد عليها

عارف يا د. محمد عندما أوردت القصة ( المعروفة ) خطر لي أن أذيلها بالقول

إذا كان هذا ( الشاب ) بكل سيرته ( المشينة ) التي استهجنها منه ( أهل الظاهر ) كان له في الباطن شأو وشأن . فكيف ( نستغرب ) الصلاح من حبيبنا أبوساندرا الذي تجمله سيرته وحسن خلقه لذلك قد حبب الله فيه خلقه ، وحب العباد للشخص من حب رب العباد؟؟

فكرت صدقاً أن أكتب تلك الفقرة أو شئ قريب منها ، لكنني استبعدت الفكرة في آخر لحظة لسببين

السبب الأول
معرفتي أن هذا البوست سوف يجذب أحباب و ( مناوئ ) بركوتة وجميعهم من أهل الفطانة وأهل الفهم فشعرت أنني قد أجرح ذكائهم إن خضت في ( بديهيات ) الفكرة .
السبب الثاني
يرتبط بالسبب الأول من حيث التحسب لذكاء ( مناوئ ) بركوتة ، فإن قلنا كل تلك التفاصيل فسوف يدخلون لنا - وهم داخلين داخلين - سوف يدخلون لنا بمدخل آخر قد يدخلنا نحن في ( الحيص بيص ) . فالأسلم والحال هكذا أن نحتفظ بـ ( فرمالتنا ) علها تخرجنا من ( سيك وشيك ) .وتصديقنا لكلامي هذا فلينظر المتابع لهذا التحليل الفريد ( في عصرو )

Quote: الاخ عاطف افتكر الاجابه على سؤالك التانى انه الحكايه دى زى السبق الصحفى بالنسبه للزول الصور ده وهو فى الغالب عميل يعمل لصالح القريش وقد استخدمت الصور كوسيله لنجاضنا مع مولانا ابوساندرا.

بركوتة
الله يقدرك على أصحابك

عاطف عمر بجيك بكرة
شكلك فهمت الموضوع كويس
وشكلو كمان واجعك شديد

أقول:
الكيبورد خداع

Quote: ربنايتقبل منهم جميعا

وجمعتكم مباركة

Quote: من شروط انك تكون امام اما انك تكون اكبرهم سنا او اعلمهم بكتاب الله

وخطيبنا اليوم اضاف (أكثرهم جمالاً)

جمعتني ايام سودانيز اولاين الجميلة بالاخ ابو ساندرا وذهبت ومعي ابنائي يسرا وكيمولمنزل الحبيب ابو ساندرا ولم يك بيت مثل كل البيوت كان مسيد عديل آخر كرم وحفاوة ومنذ ذلك الوقت البعيد عرفت ان ابو ساندرا شيخ وشيخ قاطع كمان وليست لنا حاجة للصور حتي نتاكد من شياخته فهو واسرته شيوخ فشكراً لهم

وين المُشكلة في السبحة ؟؟ ام حاملها؟؟؟












................................حجر.

وين المُشكلة في السبحة ؟؟ ام حاملها؟؟؟












................................حجر.

Quote: فالأسلم والحال هكذا أن نحتفظ بـ ( فرمالتنا ) علها تخرجنا من ( سيك وشيك )

الاخ عاطف الموضوع ما فيهو اى سيك والله لم اكن جادى فى اى حرف كتبته الموضوع بالنسبه لى هظار فى هظار عشان كده الزول الوحيد الممكن يتسيك هو مولانا ابوساندرا وعشان كده ممكن تقرأ حاجات كتيره فريده فى عصرها ولك العتبى يا صديقى...

Quote: الاخ عاطف الموضوع ما فيهو اى سيك والله لم اكن جادى فى اى حرف كتبته الموضوع بالنسبه لى هظار فى هظار

تحياتي وسلام أخي د. محمد

والله العظيم أعلم أنك لا تقصد أى معاني خفية
وأعلم أنه هظار
بل وأتوقع من ( مناوئ ) بركوتة أكثر مما قلت أنت فللرجل ( لسان سلف ) ودين مستحق
وكتبت ردي الذي أعجبني فيه تحليلك ( الفريد في عصرو )
حقيقة تحليل ملعوب ومتعوب فيه كما يقول الشوام

وأنا برضو جادي في القصة ومدلولاتها

كن بخير يا صديق

_______________

مستمتع حتى الثمالة بروح ومداخلات البوست

Quote: وين المُشكلة في السبحة ؟؟ ام حاملها؟؟؟

حاملها

عرفنا ابو ساندرا طلع سوداني تيبيكل، يكبر يتوب أها القاعدين بعيد ديل مراعين
فروق الوقت ولا شنو؟

الخالة دومة
غايتو إنت بالتحديد عايز أخصك بسر
سر الناس عارفنو من زمن
إلا انا ماعرفتو إلا قريبات دي
وعشان لوكنت داقسة زي ود أختك
عايز أنبهك
وفي معيتك ، انبه كل راغب

السر
كشفنه لي البنات عندما سألني ، بقصد إمتحاني وسبر معرفتي
سألن : يابركوتة ( نادرآ مايقلن أبوي ، إلا في الشديد القوي )
قالن : يابركوتة ، انت بتعرف الباقيات الصالحات
قلت ، يعني
سولارا ، بطل لولوة وإتكلم عدل ، بتعرف واللا لا
قلت : لا
ساندرا : افتح سورة أهل الكهف ، الآية رقم 46
فتحت وقرأت :
( المال والبنون زينة الحياة الدنيا، والباقيات الصالحات
خير عند ربك ثوابآ وخير أملا )
وشرحن : يعني نحن البنون وكل الأموال النقدية والعقارية مجرد زينة دنيا ساكت
وأن الخير والثواب والأمل في الباقيات الصالحات :
سارا : اها عارف الباقيات الصالحات هن شنو ؟
ماهيتاب : لا اسأليه ، هل فهم أهميتهن وأثرهن
انا : يا بنات وروني بسرعة
رشيدة : ماخلاص نجضتوهو يللا وروهو
وأردفت : الباقيات الصالحات ، هي :
{ سحان الله ، الحمد لله ، لا إلآه إلا الله ، والله أكبر )
----------------------------------------------------
سبح بهن قدر ما تقدر وح تشوف براك

ماهيتاب : ماشرط يكونن بنفس الترتيب ، المهم تقولهن الأربعة
------------------------------------------------------

أها يا خالتو دومة
اسعي ليك سبحة بسرعة
وأدركي مافاتك
أو ، عززي ما تدركينه بأن تكثري من الباقيات الصالحات

معتز اخو الوزير والجميع ...سلام ..



شايف المأمومين خاتين فرش الصلاة في الوسط واخوناابو ساندر مايل لليسار فهل لذلك علاقة باهل اليسار ؟!!!



دعواتك ابو ساندرا ..

Quote: حاملها

قبل أن نسأل عن اسلامه , وتلك مؤكدة فهو سوداني

والمسبحة جزء منا وفينا تقليد ما المدهش في الامر.










..........................................حجر.

اها

Quote: شايف المأمومين خاتين فرش الصلاة في الوسط واخوناابو ساندر مايل لليسار فهل لذلك علاقة باهل اليسار ؟!!!

كده الصوره وضحت ..يكون الجماعه الاربعه سألوا الجماعه ابهات جلاليب القاعدين جنب الموتر السوزوكى.......
= لوسمحتو القبله على وين؟
= على كدا..........بس ميلو على اليسار شويه
قام ابوساندرا لقط كلمه .........ميلو على اليسار.......قال ليهم......بس لقيتو البوجهكم وبجيهكم تعلو لى بيجاى.......انا زاتى كايس لى الناس البتميل على اليسار اكتر من اليمين
فالو ليهو طيب ممكن تصلى بينا؟
اصلى بيكم؟......جداً .........الغايه تبرر الوسيله.....ومالو.....نصلى بيكم.......ومالو

Quote: الخالة دومة غايتو إنت بالتحديد عايز أخصك بسر سر الناس عارفنو من زمن إلا انا ماعرفتو إلا قريبات دي وعشان لوكنت داقسة زي ود أختك عايز أنبهك وفي معيتك ، انبه كل راغب السر كشفنه لي البنات عندما سألني ، بقصد إمتحاني وسبر معرفتي سألن : يابركوتة ( نادرآ مايقلن أبوي ، إلا في الشديد القوي ) قالن : يابركوتة ، انت بتعرف الباقيات الصالحات قلت ، يعني سولارا ، بطل لولوة وإتكلم عدل ، بتعرف واللا لا قلت : لا ساندرا : افتح سورة أهل الكهف ، الآية رقم 46 فتحت وقرأت : ( المال والبنون زينة الحياة الدنيا، والباقيات الصالحات خير عند ربك ثوابآ وخير أملا ) وشرحن : يعني نحن البنون وكل الأموال النقدية والعقارية مجرد زينة دنيا ساكت وأن الخير والثواب والأمل في الباقيات الصالحات : سارا : اها عارف الباقيات الصالحات هن شنو ؟ ماهيتاب : لا اسأليه ، هل فهم أهميتهن وأثرهن انا : يا بنات وروني بسرعة رشيدة : ماخلاص نجضتوهو يللا وروهو وأردفت : الباقيات الصالحات ، هي : { سحان الله ، الحمد لله ، لا إلآه إلا الله ، والله أكبر ) ---------------------------------------------------- سبح بهن قدر ما تقدر وح تشوف براك ماهيتاب : ماشرط يكونن بنفس الترتيب ، المهم تقولهن الأربعة ------------------------------------------------------ أها يا خالتو دومة اسعي ليك سبحة بسرعة وأدركي مافاتك أو ، عززي ما تدركينه بأن تكثري من الباقيات الصالحات

تلحقنا وتفزعنا يا فكي أبو ساندرا

معتز

للمرة الثانية

أأمنت مكر الله؟



الباقر موسى

الخالة دومة :

Quote: صراحه واجعاني جغمسه السودانيين للشيوعيه . اخير ليهم يصلوا صلاتهم ويصوموا رمضانهم ويسبحوا تسبيحهم ويحجوا حجهم ولو في مقدره للزكاه يزكوها وينسوا الافكار الغريبه دي د لانها ما بتشبهم اسع عليك ربنا شوف سماحه ابو ساندرا بالجينز والفنيله المخططه وهو يصلي بالجماعه . يا اخي الدين دا فيه فرص وفوائد لا تحصي ولا تعد يعني ابو ساندرا ممكن خمس مرات في اليوم يقدم كي يؤم الناس دي في الحزب الشيوعي ما بلقاها الا بعد ان تصل الروح الحلقوم وقد لا يلقاها قط

الأخيرة دي ثبت إنها ماصحيحة حيث أنتخب المؤتمر الخامس
شخصيات مغمورة وصغيرة السن ومحدودة التجربة لقيادة الحزب
ضمن مؤهلين أخرين وقادة مجربين
لكن لو قاصدة أن فرصة عقد مؤتمر أخر / السادس ستكون بعد 40 سنة
وحينها يكون التعيس أبو ساندرا قد نفق وعد من الهالكين
فما بقدر اغالطك لأنه حسب تقديري مفروض تكون قد كونت لجان التحضير للسادس
وكونها لم تكون حتى الآن فهذا مؤشر سلبي لأن المؤتمر لن يعقد في مواعيده المحددة
وهي بعد 4 سنوات من تاريخ إنتخاب اللجنة المركزية المنتخبة في الخامس

غير أن هناك سبب شخصي يحول دون إنتخابي
والسبب المانع فرضته انا على نفسي ، لأنه غير موجود
وهو عدم إنتخاب أي شخص غير مقيم في السودان لأي موقع/ منصب قيادي
وممكن إستثناء واحد أو ثلاثة كحد أقصى لأغراض تمثيل الحزب في الخارج
والإستثناء هذا أقوله بتحفظ شديد لنه يمكن تكليف السكرتير السياسي
لفرع أي حزب في الخارج وخاصة في الدول التي تسمح ان يتولى تمثيل الحزب
عبر توجيهات مباشرة من المركز
فاتني أن اقول انه ليس ضمن خططي للست سنوات القادمة أن أعود غلى السودان

Quote: شوف سماحه ابو ساندرا بالجينز والفنيله المخططه

ممتن يا خالة ، وما أروع غزل الخالات في عيال أخواتهن
غزل بنكهة الحليب

وصلنا وين

السبحة ولا المسبح

يامعتز القريش
عليك الله الكبك بتاعي الباين في الصورة قبل الكبك الكبير بتاعك
هاتو لي في صورة لوحده
حكم انه ضايع وناس البيت عاملين ما متذكرنه

Quote: يامعتز القريش عليك الله الكبك بتاعي الباين في الصورة قبل الكبك الكبير بتاعك هاتو لي في صورة لوحده حكم انه ضايع وناس البيت عاملين ما متذكرنه

اجيب ليك لالوبة بدلو ؟
ناس البيت رأيهم شنو ؟

المصلايه السمحه دي حقت منو؟؟يا معتز؟؟؟

اذا حقت ابو ساندرا وبحوم بمصلايته كمان فده فعلا شيخنا ونزور فيه كمان.


يا معتز ما اجمله الدين البلا غرض!

وما كرهنا في الدين الا الممثلين المنافقين من كيزانكم.

اما التقدمين لما يتدينوا بيكونا متدينين بحق!


ابو ساندرا منور يا غالي

وقول للبنيات الحلوات شكرا على الباقيات الصالحات.

Quote: ابو ساندرا منور يا غالي وقول للبنيات الحلوات شكرا على الباقيات الصالحات.

ربنا ينور قلبك بالأيمان
أيوة ياتراجي التدين المنزه عن الغرض تدين سمح

والغرض بيكون بمجرد الرياء والشهرة

وصل

قلنا نسلم عليكم من السودان الشقيق

ومن أرض الدويم الطيبة

Quote: ربنا ينور قلبك بالأيمان أيوة ياتراجي التدين المنزه عن الغرض تدين سمح والغرض بيكون بمجرد الرياء والشهرة وصل

اللهم زد وبارك وانعم.
الشيوعيين اكان صلوا خطرين ..... زول بقدر الحقهم مافي.
ميزة ابو ساندرا على شيخو ، انو ابو ساندرا بصلي، وصلاة مقبولة باذن الله، لكن شيخو معلق المصلاية في البيت وما بصلي..... أو هكذا قالها خوفا من العين.