Post: #1
Title: ابحث عن شريكة حياة
Author: فايزودالقاضي
Date: 07-06-2010, 05:08 PM
Parent: #0
طويلة ..بيضاء اللون...ماتكون نحيفة ولاسمينة ... تقدس الحياة الزوجية .. لم يسبق لها الزواج ..تجيد المكوي والغسيل ...واهم شي ماتعرف تطبخ الويكه.يشترط وجود سياره ورخصة قياده .....اما انا فاعزب... حلبي اللون..طويل ..مصلي ...اخاف الله ...
|
Post: #2
Title: Re: ابحث عن شريكة حياة
Author: منال
Date: 07-06-2010, 05:17 PM
Parent: #1
يعنى انت لي حسى (وش محتار)
غايتو لو كنت مريت علينا قبل ثلاثة عشر عاما
الله يوعدك ياولدى ....
|
Post: #20
Title: Re: ابحث عن شريكة حياة
Author: فايزودالقاضي
Date: 07-07-2010, 06:34 AM
Parent: #2
منال ..ازيك ..
Quote: يعنى انت لي حسى (وش محتار)
غايتو لو كنت مريت علينا قبل ثلاثة عشر عاما
الله يوعدك ياولدى .... |
يامنال انا اصغر من محمد الحبر بخمسة سنوات ...وقبل تلتاشر سنة كنت في خامسة ابتدائي ..مشغول بالسيرلاك ..
بس انت مامحظوظة .. 
|
Post: #3
Title: Re: ابحث عن شريكة حياة
Author: abubakr
Date: 07-06-2010, 05:20 PM
Parent: #1
سلام فائز
زمااااانك لما كنت صغير كان بعض المزعجيين لما يزعلو مني ينادوني ب"الحلبي" وبعدين لما كبرت وشفت ناس "حلب" و كمان حلب Gipsies جايين من اوربا عرفت انو انو الوصف ما دقيق حيث ان لوني لون المولاتو ’mulato وهو لون العناصر المختلطة mixed races كالامريكان من اصل افريقي او اسباني..الخ ....
يعني اعلانك دة ترجمو الي الانجليزية وحتلقي Footfall كتير ...
|
Post: #4
Title: Re: ابحث عن شريكة حياة
Author: معاوية عوض الكريم
Date: 07-06-2010, 05:46 PM
Parent: #3
اعمل حسابك يا حااج !
|
Post: #5
Title: Re: ابحث عن شريكة حياة
Author: mayada kamal
Date: 07-06-2010, 06:51 PM
Parent: #4
يا ود القاضي
ظلامية تنفع !!!!!!!!!!
|
Post: #6
Title: Re: ابحث عن شريكة حياة
Author: أمين محمد سليمان
Date: 07-06-2010, 07:00 PM
Parent: #5
والله يا فايز بلسانك الطويل ده أنا قايلك معرس تلاته ، تطلع قاعد ساي ؟!!
|
Post: #7
Title: Re: ابحث عن شريكة حياة
Author: سيف النصر محي الدين محمد أحمد
Date: 07-06-2010, 07:11 PM
Parent: #6
و الشفع الكانوا معاك يوم داك ديل شنو؟؟
|
Post: #8
Title: Re: ابحث عن شريكة حياة
Author: عبد الناصر الخطيب
Date: 07-06-2010, 07:19 PM
Parent: #7
| Quote: طويلة ..بيضاء اللون...ماتكون نحيفة ولاسمينة ... تقدس الحياة الزوجية .. لم يسبق لها الزواج ..تجيد المكوي والغسيل ...واهم شي ماتعرف تطبخ الويكه.يشترط وجود سياره ورخصة قياده .....اما انا فاعزب... حلبي اللون..طويل ..مصلي ...اخاف الله ... |
فائز ود القاضي مساء الورد ما ناقص الا تخت الفاكس عشان المعنيين بالامر يرسالوا السيرة الذاتية
والصورة إذا أمكن ذلك
شرط رخصة القيادة ده غلبني أفهموا لانوا حيث أنت لعروس المستقبل غير مفيد بالمرة
يازول ربنا يديك الفي مرادك
تحياتي
|
Post: #9
Title: Re: ابحث عن شريكة حياة
Author: الرفاعي عبدالعاطي حجر
Date: 07-06-2010, 07:56 PM
Parent: #8
طيب ...
كويس ...
الله يستر حالكـ يا حلبي ...
والله ام الود لو سمعت الكلام دا ...
إلا نحجز ليك في قهوة الزمالك ...
اصلو الحكوماتم قوية بيجو هناك ...
أسأل شادوووووووووول ......
...........................حجر.
|
Post: #10
Title: Re: ابحث عن شريكة حياة
Author: عبد المنعم ابراهيم الحاج
Date: 07-06-2010, 08:07 PM
Parent: #9
ههههههههه
بس .
بعد سنتين الرابعة في الطريق .
|
Post: #11
Title: Re: ابحث عن شريكة حياة
Author: عبد اللطيف السيدح
Date: 07-06-2010, 08:20 PM
Parent: #10
طيب يا حلبي
الاولاد البتقري فيهم في المدرسة العالمية ديل تبع منو؟
ارجع لكلامك بتاع المدارس الحكومية والسودانية واالخاصة
|
Post: #37
Title: Re: ابحث عن شريكة حياة
Author: فايزودالقاضي
Date: 07-07-2010, 08:22 AM
Parent: #11
السيدح الحاقد ..سلام ..
Quote: طيب يا حلبي
الاولاد البتقري فيهم في المدرسة العالمية ديل تبع منو؟
ارجع لكلامك بتاع المدارس الحكومية والسودانية واالخاصة |
الغريبة انت وحجر بقيتو ( تفرق شملهم الا علىّ ) ..
ياالسيد الاولاد ديل انا متبنيهم ...فما تحرمني من اجرهم بنشر ذلك في المواقع والاسافير ...
|
Post: #12
Title: Re: ابحث عن شريكة حياة
Author: رهف
Date: 07-06-2010, 08:21 PM
Parent: #10
يا ود القاضى
انا طويلة بس ما بيضاء لكن ممكن اشوف لى كريم
اها الرخصة دى عامة ولا ملاكى
وعندى بيت فى اسكان الصحفييين
|
Post: #13
Title: Re: ابحث عن شريكة حياة
Author: تولوس
Date: 07-06-2010, 08:47 PM
Parent: #12
هبك لكان ....ياخيو عندك كم حباة لتشارك فيها حد....
|
Post: #14
Title: Re: ابحث عن شريكة حياة
Author: mwahib idriss
Date: 07-06-2010, 09:02 PM
Parent: #13
يا ود القاضي هى تغسل و انت اكوى
و لازم تحدد مين البقوم ب
قطيع البصل
غسيل العدة
تجهيز شاى الصباح
المذاكرة للاولاد
ادارة الرموت كنترول بتاع التلفزيون
|
Post: #15
Title: Re: ابحث عن شريكة حياة
Author: زهير عثمان حمد
Date: 07-06-2010, 11:05 PM
Parent: #14
ود القاضي أخوي
تحياتي
النصيحة والله أحسن ليك العزوبية مالك وكتم الحريات والانفاق المستمر والي نهاية العمر غير مسألة المجاملات الجديدة كان في العاصمة والاقاليم وأشياء أخري ترهق الروح والجسد
|
Post: #16
Title: Re: ابحث عن شريكة حياة
Author: بكري عباس علي
Date: 07-06-2010, 11:40 PM
Parent: #15
ود القاضي الحلبي
الله يديك الفي مرادك
لكن والله البسمع كلامك الكتير دا يقول معرس ليك 3 نسوان
دا كلام شنو ؟
|
Post: #17
Title: Re: ابحث عن شريكة حياة
Author: ALZOLZATOO
Date: 07-07-2010, 00:03 AM
Parent: #16
ياود القاضي
في نقاط عايز اسال عنها اول حاجة عربية ورخصة قيادة دي عروس لا مندوب مبيعات
تاني حاجة تقدس الحياة الزوجية كيف يعني ؟ هل تقصد انها لازم تقوم الليل والناس نيام لوووووووووووولز
ياخي خليك من كلام الجرائد ده افتح بوست واول واحده تدخل مامعرسة عرسها طوالي البياض والطول بيجي بعد العرس هاهاهها يكه
ماتصعب الامور حصل نفسك
تحياتي
زاتوووو
|
Post: #18
Title: Re: ابحث عن شريكة حياة
Author: اساسي
Date: 07-07-2010, 00:12 AM
Parent: #17
اخيرا حتعرف اني قوال جنس قوالة
حارسل اساسية باللابتوب في زيارة خاطفة لابداء وجهات النظر حول الامر
موضوعك استحمي يا صاحب
|
Post: #52
Title: Re: ابحث عن شريكة حياة
Author: فايزودالقاضي
Date: 07-07-2010, 10:13 AM
Parent: #18
Quote: اخيرا حتعرف اني قوال جنس قوالة
حارسل اساسية باللابتوب في زيارة خاطفة لابداء وجهات النظر حول الامر
موضوعك استحمي يا صاحب |
بحرش ليك حجر ...ومن العدم هباني ...
|
Post: #19
Title: Re: ابحث عن شريكة حياة
Author: حسين نوباتيا
Date: 07-07-2010, 00:26 AM
Parent: #17
| Quote: وعندى بيت فى اسكان الصحفييين |
اعمل حسابك دا مقلب كبير..
ناس اسكان الصحفيين ديل طوالي طالبهم بي رخصة عامة 22 لستك..
بعدين مواصافات غسيل ومكوى ورخصة قيادة في السعودية دي الا تعرس ليك هندي ..:)
|
Post: #21
Title: Re: ابحث عن شريكة حياة
Author: Mohammed Awad
Date: 07-07-2010, 06:40 AM
Parent: #19
بالله !!!
|
Post: #23
Title: Re: ابحث عن شريكة حياة
Author: أبوعبيدة محمد الأمين
Date: 07-07-2010, 06:54 AM
Parent: #21
ودالقاضي يامفتح
أظنه ده إعلان في واحدة من القنوات بتاعة الخليج ديلاك
قلت لي عاوزه بالمواصفات دي كلها؟
شكلك عاوز تتفرغ بس للإضافة مابين قنصلية جدة والمغتربين
مايهمك نحن بنساعدك بما لدينا من سابق معرفة وخبرات
|
Post: #57
Title: Re: ابحث عن شريكة حياة
Author: فايزودالقاضي
Date: 07-07-2010, 10:47 AM
Parent: #23
صديقنا الكان معانا وهرب وخلانا ...ابوعبيدة ...سلام ..
Quote: ودالقاضي يامفتح
أظنه ده إعلان في واحدة من القنوات بتاعة الخليج ديلاك
قلت لي عاوزه بالمواصفات دي كلها؟
شكلك عاوز تتفرغ بس للإضافة مابين قنصلية جدة والمغتربين
مايهمك نحن بنساعدك بما لدينا من سابق معرفة وخبرات |
بعلاقاتك شوف لينا واحدة من فوق خالص ... السن ماضروري ...
|
Post: #55
Title: Re: ابحث عن شريكة حياة
Author: فايزودالقاضي
Date: 07-07-2010, 10:38 AM
Parent: #21
حبيبنا ... محمد عوض ...سلام ..
صدقني بخاف ..لكن انتو ليه ماتخافوا ؟!!!
|
Post: #22
Title: Re: ابحث عن شريكة حياة
Author: منال
Date: 07-07-2010, 06:45 AM
Parent: #19
.
امانى منو يا ...أخ ......
|
Post: #61
Title: Re: ابحث عن شريكة حياة
Author: فايزودالقاضي
Date: 07-07-2010, 02:23 PM
Parent: #22
| Quote: امانى منو يا ...أخ ...... |
اماني يعني امنيات ...
خالتو منال ...ازيك ..
|
Post: #54
Title: Re: ابحث عن شريكة حياة
Author: فايزودالقاضي
Date: 07-07-2010, 10:33 AM
Parent: #19
حسين ..ٍسلامات ..
Quote: اعمل حسابك دا مقلب كبير..
ناس اسكان الصحفيين ديل طوالي طالبهم بي رخصة عامة 22 لستك..
|
المره ام 22 لستك بتكون غالية ..احبذ ملاكي الخرطوم ...
| Quote: بعدين مواصافات غسيل ومكوى ورخصة قيادة في السعودية دي الا تعرس ليك هندي ..:) |
|
Post: #50
Title: Re: ابحث عن شريكة حياة
Author: فايزودالقاضي
Date: 07-07-2010, 10:08 AM
Parent: #17
الزول زاتو ...كيفنك ..
Quote: ياود القاضي
في نقاط عايز اسال عنها اول حاجة عربية ورخصة قيادة دي عروس لا مندوب مبيعات |
ياابوبكر نحن في اوربا المره عادي تسوق شاحنة عشان كده عايز اضرب عصفورين بحجر واحد ، لمن تكبر وتعجز اشغلها سواقة في الشاحنة ابو 22لستك ...شغلها بلا خماها وهى في السن داك ...
| Quote: تاني حاجة تقدس الحياة الزوجية كيف يعني ؟ هل تقصد انها لازم تقوم الليل والناس نيام لوووووووووووولز |
ياخي انا مادام اصلي وبخاف الله معناها بقوم الليل نصفه اوقليل منه ..
| Quote: ياخي خليك من كلام الجرائد ده افتح بوست واول واحده تدخل مامعرسة عرسها طوالي البياض والطول بيجي بعد العرس هاهاهها يكه |
قالولك انا هامل ولا هامل ...
|
Post: #49
Title: Re: ابحث عن شريكة حياة
Author: فايزودالقاضي
Date: 07-07-2010, 09:59 AM
Parent: #16
صديق بكري.. سلام ...
Quote: ود القاضي الحلبي
الله يديك الفي مرادك
لكن والله البسمع كلامك الكتير دا يقول معرس ليك 3 نسوان
دا كلام شنو ؟ |
اميييين ...انا زول صبور يابكرى ..والعزوبية عذبتني ...داير الشراكة ..
|
Post: #43
Title: Re: ابحث عن شريكة حياة
Author: فايزودالقاضي
Date: 07-07-2010, 09:26 AM
Parent: #15
زهير ...سلامات ..
| Quote: النصيحة والله أحسن ليك العزوبية مالك وكتم الحريات والانفاق المستمر والي نهاية العمر غير مسألة المجاملات الجديدة كان في العاصمة والاقاليم وأشياء أخري ترهق الروح والجسد |
كدي نلقى الروح والجسد وبعداك خليهم اليرهقوا ...
|
Post: #42
Title: Re: ابحث عن شريكة حياة
Author: فايزودالقاضي
Date: 07-07-2010, 09:23 AM
Parent: #14
مواهب ..ازيك ..
Quote: يا ود القاضي هى تغسل و انت اكوى
و لازم تحدد مين البقوم بـ
قطيع البصل
غسيل العدة
تجهيز شاى الصباح
المذاكرة للاولاد
ادارة الرموت كنترول بتاع التلفزيون |
الخدمات دي حسب جمالها ..اذا كانت جميلة زي لميس نحن نقوم باى حاجة ...واذا كانت وسط فنشاركها بحسب ذلك ..واما اذا كان شينة فحرام علينا زواجها من الاساس ..
|
Post: #41
Title: Re: ابحث عن شريكة حياة
Author: فايزودالقاضي
Date: 07-07-2010, 09:03 AM
Parent: #13
تولوس ياصديقي ..سلام ..
| Quote: هبك لكان ....ياخيو عندك كم حباة لتشارك فيها حد.... |
قصدك مادام الحياة مرة واحدة فمافي واحدة تستحق تشاركك فيها ؟!!!...غايتو يامتزوجين عليكم جنس حقد ..طيب نحن عزابة وماشفنا حاجة خلونا نخش وبعداك نقرر الاستمرار او الزوغان ..
|
Post: #39
Title: Re: ابحث عن شريكة حياة
Author: فايزودالقاضي
Date: 07-07-2010, 08:41 AM
Parent: #12
Quote: يا ود القاضى
انا طويلة بس ما بيضاء لكن ممكن اشوف لى كريم
اها الرخصة دى عامة ولا ملاكى
وعندى بيت فى اسكان الصحفييين |
مادام بيت في الصحفيين ماحانختلف ...بس مايكون عندك بوادر صلعة ...
منكم خوف يااتحاديين ..تقلبوا وطني بسهولة ..
|
Post: #36
Title: Re: ابحث عن شريكة حياة
Author: فايزودالقاضي
Date: 07-07-2010, 08:16 AM
Parent: #10
العكد ...سلامات ومشتاقين والله ...لسه رافع القزاز ؟!!
Quote: ههههههههه
بس .
بعد سنتين الرابعة في الطريق |
انت معاى ولا مع الخيانة ياقريبي ؟!!!
|
Post: #35
Title: Re: ابحث عن شريكة حياة
Author: فايزودالقاضي
Date: 07-07-2010, 08:12 AM
Parent: #9
رفاعي صديقي واخى الكبير ...سلام..
Quote: طيب ...
كويس ...
الله يستر حالكـ يا حلبي ...
والله ام الود لو سمعت الكلام دا ...
إلا نحجز ليك في قهوة الزمالك ...
اصلو الحكوماتم قوية بيجو هناك ...
أسأل شادوووووووووول ...... |
رغم انك عارف اني اعزب لكن مصر تقيف قصاد احلامي المشروعة ..الله يسامحك ياالرفاعي ..معارضة حتى في الاعراس
|
Post: #34
Title: Re: ابحث عن شريكة حياة
Author: فايزودالقاضي
Date: 07-07-2010, 08:08 AM
Parent: #8
صديقي العزيز عبدالناصر ..
Quote: فائز ود القاضي مساء الورد ما ناقص الا تخت الفاكس عشان المعنيين بالامر يرسالوا السيرة الذاتية
والصورة إذا أمكن ذلك |
وصلت كمية كبيرة من الصور عبر وسائط مختلفة ..لكن الالوان مامشجعة ...
| Quote: شرط رخصة القيادة ده غلبني أفهموا لانوا حيث أنت لعروس المستقبل غير مفيد بالمرة |
البتستاهل بنلغي ليها اكثر من شرط ..
| Quote: يازول ربنا يديك الفي مرادك |
آمييييييييين ...ياخي انت زول راقى زي اهلنا الحبش ...
|
Post: #33
Title: Re: ابحث عن شريكة حياة
Author: فايزودالقاضي
Date: 07-07-2010, 08:01 AM
Parent: #7
دكتورنا ..سلامات ..
| Quote: و الشفع الكانوا معاك يوم داك ديل شنو؟؟ |
انت برضو ركبت موجة اغتيال شخصيات الرموز الوطنية ..!!!
واما الاولاد فكانو لمساكين تبنيتهم ..
|
Post: #32
Title: Re: ابحث عن شريكة حياة
Author: فايزودالقاضي
Date: 07-07-2010, 07:47 AM
Parent: #6
| Quote: والله يا فايز بلسانك الطويل ده أنا قايلك معرس تلاته ، تطلع قاعد ساي ؟!! |
وانت بصلعتك الكبيرة دي وشهادة الدكتوراة الصرفناها ليك في المنبر ده ومامتزوج ..انا صغير وجاهل المابقعدني ساى شنو ؟!!!
|
Post: #31
Title: Re: ابحث عن شريكة حياة
Author: فايزودالقاضي
Date: 07-07-2010, 07:42 AM
Parent: #5
Quote: يا ود القاضي
ظلامية تنفع !!!!!!!!!! |
ظلامية .. نورانية ...اى حاجة ...شرط تعرفي لغتي البجا (تقرى وتبداويت ) ولغة الكناما العالمية ..
|
Post: #27
Title: Re: ابحث عن شريكة حياة
Author: فايزودالقاضي
Date: 07-07-2010, 07:32 AM
Parent: #4
| Quote: اعمل حسابك يا حااج ! |
عامل حساب وشيكاتي بره ..
|
Post: #24
Title: Re: ابحث عن شريكة حياة
Author: فايزودالقاضي
Date: 07-07-2010, 07:19 AM
Parent: #3
استاذي المحترم ..ابوبكر ..
| Quote: زمااااانك لما كنت صغير كان بعض المزعجيين لما يزعلو مني ينادوني ب"الحلبي".. |
دي انا بعاني منها لغاية هسي ..كنت بتمنى لوني يكون اسمر شوية ...
|
Post: #25
Title: Re: ابحث عن شريكة حياة
Author: نور الدين عثمان
Date: 07-07-2010, 07:27 AM
Parent: #24
ود القاضى ( عفشك كمكم وعدك قيس )
+ عليك ب استاز صالح عبده
|
Post: #26
Title: Re: ابحث عن شريكة حياة
Author: نور الدين عثمان
Date: 07-07-2010, 07:30 AM
Parent: #25
بابكر ..ٍسلامات ..
بقول ليك تجربتي مع المدارس في السعودية / جدة ..
في البداية قلت ياخي انا غربتي ماحاتتطول عشان كده اخير ادرس ولدي مدرسة سودانية عشان لمن يرجع السودان بكون متأقلم مع المنهج السوداني ...لكن لقيت الشغلة جهجهة ومدارس مامعترف بيها وتضيع زمن ...قمت نقلت ولدي لمدرسة عالمية (منهج بريطاني ) رسومها كويسة وتدريسها تمام والدين موجود والعربي موجود وده شي ملزم للمدارس العالمية من وزارة التربية والتعليم السعودية يعني مافي حاجة اسمها مافي دين ومافي عربي ..والدين ياهو هو أكان بالعربي ولا بالانجليزي ...يعني ماظنيت العصر بالعربي يقول ليك صليها اربعة ركعات وبالانجليزي اتنين...
الآن ولدي كمل تانية وماشي تالته انجليزي تمام وعربي فل ودين مية مية ..وبزيد عليه في الاجازة بسجلة في اقرب تحفيظ وكده يكون اتعلم كويس ..واما قصة الهوية فما عارف تقصد بيها شنو ؟!! واهميتها شنو ذاته ؟!! وهي شنو ؟!!
بالمناسبة المدارس العالمية على راس كل شهر ليهم اختبار ده غير امتحانات نصف السنة والنهائي ...يعني تحصيل تمام ..
ودي ،،
(عدل بواسطة فايزودالقاضي on 05-07-2010, 02:05
|
Post: #30
Title: Re: ابحث عن شريكة حياة
Author: أيمن الطيب
Date: 07-07-2010, 07:41 AM
Parent: #25
فايز ابوحليب الحمريطى 
سودانية؟؟
ولا رامى قدام !!يعنى United Colors Of Benetton
|
Post: #63
Title: Re: ابحث عن شريكة حياة
Author: فايزودالقاضي
Date: 07-07-2010, 02:34 PM
Parent: #30
Quote: فايز ابوحليب الحمريطى
سودانية؟؟
ولا رامى قدام !!يعنى United Colors Of Benetton |
ياخي بتحرجني لمن تقول لي ابو حليب (حلبي) وبتعقد معاوية الظلامي فكراً ولوناً ..
United Colors Of Benetton قالولك بفتش في تي شيرت ولا شورت ؟!!! انا عايز عروس ...عندك ولا يفتح الله ..عامل راس ابوحسين الكبير ده ..
|
Post: #62
Title: Re: ابحث عن شريكة حياة
Author: فايزودالقاضي
Date: 07-07-2010, 02:30 PM
Parent: #25
نور الدين الكسلاوي ..
Quote: ود القاضى ( عفشك كمكم وعدك قيس )
|
وانت عفشكك كمكم وعدك حزي من ركبا ...
| Quote: + عليك ب استاز صالح عبده |
صالح عبده زولتو دي كبيرة شكلها وانا زول لبست البامبرز واكلت السيرلاك ..عاد الا تبقى علاقة ابن بامه ...
|
Post: #28
Title: Re: ابحث عن شريكة حياة
Author: جعفر محي الدين
Date: 07-07-2010, 07:34 AM
Parent: #24
ود القاضي صباح الخير
والله شايف البتاع دا من أمبارح
اليوم من الصباح فتحت البورد قلت أشوف ود القاضي دا
دخل ياتو مستشفى عشان نزوروا
الحمد لله لقيناك كويس شكلك عامل اتفاقية سلام كويسة في البيت
|
Post: #29
Title: Re: ابحث عن شريكة حياة
Author: هويدا شرف الدين
Date: 07-07-2010, 07:39 AM
Parent: #28
انت دحين قبلي كدي يا ود لقاضي ما فتشت
|
Post: #38
Title: Re: ابحث عن شريكة حياة
Author: الامين موسى البشاري
Date: 07-07-2010, 08:28 AM
Parent: #29
فايــز ود القاضي
دبايوا يا صاحب
الله اديك الفي نيتك يا زول
بس قبلها انصحك بما يلي:
قراءة الانستركشن الخاصة ببرنامج السكند وايف بروقرام انستوليشن
عشان يكون التصتيب تمام
تحاياي
|
Post: #40
Title: Re: ابحث عن شريكة حياة
Author: السيد المسلمي
Date: 07-07-2010, 08:47 AM
Parent: #38
| Quote: طويلة ..بيضاء اللون...ماتكون نحيفة ولاسمينة ... تقدس الحياة الزوجية .. لم يسبق لها الزواج ..تجيد المكوي والغسيل ...واهم شي ماتعرف تطبخ الويكه. |
والله مافضل ليك إلا تقول إستثنائية !!
|
Post: #44
Title: Re: ابحث عن شريكة حياة
Author: أيمن الطيب
Date: 07-07-2010, 09:31 AM
Parent: #40
| Quote: رغم انك عارف اني اعزب لكن مصر تقيف قصاد احلامي المشروعة ..الله يسامحك يارفاعي ..معارضة حتى في الاعراس |
يا فايز هسه فى عرفكم حلايب سودانية أم مصرية بعدين الجواز بتاع شمال الوادى يمكن إكتسابه بالزواج ,, إنت كيف عامل مع القصة دى؟؟؟
أخدر ولا أخدر
|
Post: #45
Title: Re: ابحث عن شريكة حياة
Author: عصام دهب
Date: 07-07-2010, 09:38 AM
Parent: #44
تقسم و اللا نكلم ..
|
Post: #47
Title: Re: ابحث عن شريكة حياة
Author: حليمة محمد عبد الرحمن
Date: 07-07-2010, 09:42 AM
Parent: #45
Quote: منال...
اماني ..ازيك .. |
من هسع اتلبشت يا اخوي الكبير؟ بعد المدارس العالمية؟!ا عقل اعقل الله يهديك وامي بتدعو ليك...!!!
|
Post: #79
Title: Re: ابحث عن شريكة حياة
Author: فايزودالقاضي
Date: 07-08-2010, 10:03 AM
Parent: #47
استاذتي واختى الكبيرة حليمة ...سلااااااااام ...(طبعاً البوست مابنفع اقول ليك فيهو اختي الصغيرة ) ..
| Quote: من هسع اتلبشت يا اخوي الكبير؟ بعد المدارس العالمية؟!ا عقل اعقل الله يهديك وامي بتدعو ليك...!!! |
أعيش عزابي تقولوا لي يوم عدلك متين ..اقول بسم الله وأفتش تقولوا اعقل الله يهديك في إِشارة استبطانية لعدم عاقلية المتزوجين ..
ملحوظة لمن لايعرف .. :
طبعاً حليمة دي اختى ودي حاجة ماكل الناس بتعرفها ...هى طبعاً ابوها جموعى وانا ابوى بيجاوي لكن امها براها وانا امي براها ..وطبعاً دي مفاجأة لناس المنبر ...
|
Post: #77
Title: Re: ابحث عن شريكة حياة
Author: فايزودالقاضي
Date: 07-08-2010, 09:50 AM
Parent: #45
مولانا دهب ...سلامات ..
| Quote: تقسم و اللا نكلم .. |
كدي ناس اساسي والرفاعي عرفناهم قاعدين لمحاربة الوجيهين في جدة... انت زول وجيه ومستشار العليك شنو ؟!!
خليك محضر خير ...ادعم بشدة انتماءك الجديد كحق مشروع ..كيف القسمة دي معاك ؟!!
|
Post: #76
Title: Re: ابحث عن شريكة حياة
Author: فايزودالقاضي
Date: 07-08-2010, 09:46 AM
Parent: #44
حبيبنا ..ايمن ...سلامات ..
| Quote: يا فايز هسه فى عرفكم حلايب سودانية أم مصرية بعدين الجواز بتاع شمال الوادى يمكن إكتسابه بالزواج ,, إنت كيف عامل مع القصة دى؟؟؟أخدر ولا أخدر |
ومازال المرجفون ومزوري الحقائق يعيثون في المنبر فساداً ويحاولون اغتيال شخصنا الرمز الوطني الوجيه ..تباً لهم ..
|
Post: #46
Title: Re: ابحث عن شريكة حياة
Author: محمد علي شقدي
Date: 07-07-2010, 09:39 AM
Parent: #40
لا تبحثوا مع ود القاضي
كامل تضامنا مع زوجتك الاولي
ولا للتعتيم المتعمد للحاله الاجتماعيه
|
Post: #48
Title: Re: ابحث عن شريكة حياة
Author: أيمن الطيب
Date: 07-07-2010, 09:57 AM
Parent: #46
سلام يا حليمة,,,| Quote: لا تبحثوا مع ود القاضي |
(خالة) صعبة شديد
|
Post: #51
Title: Re: ابحث عن شريكة حياة
Author: حليمة محمد عبد الرحمن
Date: 07-07-2010, 10:13 AM
Parent: #48
خالة سعبة بس؟ الخالة دي ما لغى الغروس..
يعني كان سالوه قالو ا ليه الساعة كم يبقى عليهو حال السواد..
زي قريبي الكان واقف في محطة البص وجات مارة جنبو واحدة رهيبة سلمت عليهو باسمه
وسالته البص اتاخر ماله؟ الساعة كم بالله يا فلان..رجف قريبي حتى اوشك ان يقع على الارض
واصلو ما كضب عاين للساعة وقال ليها بكل ثقة .الساعة ستة ونص وعشرة دقائق...
دردقوا لي وش جاي...بركة الما قدر دخل يمسح.
|
Post: #53
Title: Re: ابحث عن شريكة حياة
Author: HAIDER ALZAIN
Date: 07-07-2010, 10:27 AM
Parent: #51
إنت نمت بشيلتي ام شبط مقاس 44 يا قريبك وقلت تدبل بيها والا شنو؟!
عموما برسل ليك مندوب مع لابتوب اساسي نشوف آخر القصة
|
Post: #56
Title: Re: ابحث عن شريكة حياة
Author: أيمن الطيب
Date: 07-07-2010, 10:46 AM
Parent: #53
يا فوفو,,| Quote: غايتو لو كنت مريت علينا قبل ثلاثة عشر عاما |
تانى خالتك منال دى لو إتكلمت معاها بدون
ما تقول يا خالتو تكون ما جميلة منك أبدا!!| Quote: إنت نمت بشيلتي ام شبط مقاس 44 يا قريبك وقلت تدبل بيها والا شنو؟ |
غايتو دا لو شبط العروس تبقى يا صعايدية يا صحابية أم 44 دى,,,يعنى القصة دى بلا شك 4X4
|
Post: #58
Title: Re: ابحث عن شريكة حياة
Author: Mahassin Ibrahim
Date: 07-07-2010, 11:55 AM
Parent: #56
فايز أضحكتنا بهذا البوست الممتع بتداخلاته.
أولا : سوال ليك ولكل الذين يطلعون علي هذا البوست : وليه بيضاء اللون ؟ وكل الخلق دى بتجرى وراء اللون الابيض ...ولو ما متوفره اصحاب الالوان الغامضه ما يتجوزوا خالص,
وكمان بعد السماحه والوجاهه دى طول ولون وكمان تغسل وتكوى وتسوق العربيه...انت ياخوى شكلك طالع ليك من عرسه كدا وعاوز تريح باقي عمرك ...ولا كلامي غلط؟
في مواصفات تانيه ما ذكرتها : اجادة اللغات الاجنبيه كيف معاك ؟
طيب انت حتعمل او تشارك في الشراكه دى بشنو؟ .
|
Post: #86
Title: Re: ابحث عن شريكة حياة
Author: فايزودالقاضي
Date: 07-08-2010, 11:25 AM
Parent: #58
محاسن بت عمنا ابراهيم نصر ...سلامات ...
جعل الله كل ايامك افراح وابتسامات ..
| Quote: أولا : سوال ليك ولكل الذين يطلعون علي هذا البوست : وليه بيضاء اللون ؟ وكل الخلق دى بتجرى وراء اللون الابيض |
...
عشان انا ابيض ..ماعايز الخبط النسل ...بعدين اللون الابيض بضوي ..
| Quote: ولو ما متوفره اصحاب الالوان الغامضه ما يتجوزوا خالص, |
ديل ربنا خلق ليهم ناس معاوية واساسي وحجر وشقدي ..
|
Post: #85
Title: Re: ابحث عن شريكة حياة
Author: فايزودالقاضي
Date: 07-08-2010, 11:17 AM
Parent: #56
| Quote: غايتو دا لو شبط العروس تبقى يا صعايدية يا صحابية أم 44 دى,,,يعنى القصة دى بلا شك 4X4 |
تصدق ديل تبع ود الزين ..نحن قلبنا جدة قلب عشان نلقى مقاس زي ده ..قمنا فصلنا ليها تفصيل ..احذية عاملة زي نماذج المراكب الشراعية ..
|
Post: #84
Title: Re: ابحث عن شريكة حياة
Author: فايزودالقاضي
Date: 07-08-2010, 11:13 AM
Parent: #53
اووووووووووه السيد العريس قريبنا ود الزين ..
Quote: إنت نمت بشيلتي ام شبط مقاس 44 يا قريبك وقلت تدبل بيها والا شنو؟!
عموما برسل ليك مندوب مع لابتوب اساسي نشوف آخر القصة |
حاجة غريبة خلاص ..كل المحاربني في عرسي ده من ناس السعودية ومن صنف الرجال ..
|
Post: #83
Title: Re: ابحث عن شريكة حياة
Author: فايزودالقاضي
Date: 07-08-2010, 11:05 AM
Parent: #51
| Quote: يعني كان سالوه قالو ا ليه الساعة كم يبقى عليهو حال السواد.. |
خلاص جيبوا لينا المره عشان نسألها الساعة كم !!
ناس حاقدة ...
|
Post: #82
Title: Re: ابحث عن شريكة حياة
Author: فايزودالقاضي
Date: 07-08-2010, 11:01 AM
Parent: #46
محمد على شقدي ..سلامات ..طبعاً اسم جدك ده بذكرني اسم جدي اسقدي .قريب منه ..
Quote: لا تبحثوا مع ود القاضي
كامل تضامنا مع زوجتك الاولي
ولا للتعتيم المتعمد للحاله الاجتماعيه |
قبل نتزوج عايز تتضامن ضدنا ؟!!! ده تضامن استبقاي ولا شنو ؟!!
لكن الوليد ربنا يحفظه يشبهك ...بس لونه افتح .يبدوا انك كنت منزل بوست زي ده قبل العرس ..
|
Post: #59
Title: Re: ابحث عن شريكة حياة
Author: ايهاب الطيب بله
Date: 07-07-2010, 12:35 PM
Parent: #40
ودالقاضى ازيييييك
عندنا نفس المواصفات بس بى تشخر
|
Post: #60
Title: Re: ابحث عن شريكة حياة
Author: حمزة سيف الشريف
Date: 07-07-2010, 12:52 PM
Parent: #59
مواصفاتك صعبة شديد
الله اديك الفي مرادك
|
Post: #88
Title: Re: ابحث عن شريكة حياة
Author: فايزودالقاضي
Date: 07-08-2010, 11:33 AM
Parent: #60
حمزة ..ازيك ..
Quote: مواصفاتك صعبة شديد
الله اديك الفي مرادك |
هي صعبة ..لكن الحياة ذاتها صعبة وماممكن اقضيها مع واحدة ماطويلة ولا بيضاء وماعندها رخصة قيادة سيارة ...
|
Post: #87
Title: Re: ابحث عن شريكة حياة
Author: فايزودالقاضي
Date: 07-08-2010, 11:30 AM
Parent: #59
حبيبنا ايهاب ..سلام ..
Quote: ودالقاضى ازيييييك
عندنا نفس المواصفات بس بى تشخر |
ختها على جنب ، لوما لقينا بنرجع ليها ..بس قبل العرس بستأصل ليها جهاز الشخر مع اللسان ...
|
Post: #74
Title: Re: ابحث عن شريكة حياة
Author: فايزودالقاضي
Date: 07-08-2010, 09:36 AM
Parent: #40
Quote: | Quote: طويلة ..بيضاء اللون...ماتكون نحيفة ولاسمينة ... تقدس الحياة الزوجية .. لم يسبق لها الزواج ..تجيد المكوي والغسيل ...واهم شي ماتعرف تطبخ الويكه. |
والله مافضل ليك إلا تقول إستثنائية |
الاستثنائي استعجل..ماله لو صبر ؟!!!
|
Post: #73
Title: Re: ابحث عن شريكة حياة
Author: فايزودالقاضي
Date: 07-08-2010, 09:33 AM
Parent: #38
البشاري بلدياتنا ...دبايوا ..
Quote: فايــز ود القاضي
دبايوا يا صاحب
الله اديك الفي نيتك يا زول
بس قبلها انصحك بما يلي:
قراءة الانستركشن الخاصة ببرنامج السكند وايف بروقرام انستوليشن
عشان يكون التصتيب تمام
تحاياي |
مافاهم حاجة لكن احتياطي آمييييين ..
|
Post: #65
Title: Re: ابحث عن شريكة حياة
Author: فايزودالقاضي
Date: 07-07-2010, 02:58 PM
Parent: #29
هويدا ..سلامات ..
| Quote: انت دحين قبلي كدي يا ود لقاضي ما فتشت |
اقطع ضراع السيد المسلمي لو ده حصل ...مايكون فتشوا بى صورتي وانا ماعارف ؟!!!
|
Post: #64
Title: Re: ابحث عن شريكة حياة
Author: فايزودالقاضي
Date: 07-07-2010, 02:51 PM
Parent: #28
ابو النسب ..استاذنا جعفر ....سلامات ...
| Quote: شكلك عامل اتفاقية سلام كويسة في البيت |
الحمدلله ياجعفر خلاص الوالدة وافقت انهي حياة العزوبية دي واتزوج ...واجيب تلاتة بنات وولدين ..اسمي الود الكبير عمار والبت البعده اسميها بسنت ..والتالتة اسميها وعد والرابع اسميه محمد والاخيرة اسميها وئام ..وكده التلاتة بنات يدخلوني الجنة والولدين انا ادخلهم المدرسة العالمية ...نور الدين ده زول حاقد خلاص وجنو فحيت ...
|
Post: #66
Title: Re: ابحث عن شريكة حياة
Author: إسحاق بله الأمين
Date: 07-07-2010, 04:15 PM
Parent: #64
| Quote: واهم شي ماتعرف تطبخ الويكه |
الأهم من دا كله، أنك ما تفتشه في السودان
ود القاضي ، الويكة ماله يا خوي؟
ربنا إديك بت الحلال البتعرف العواسة وبتظبط ملاح الويكة ، واللي بتحلف على الضيف وتقول: "علي بحلفو" أي علي الطلاق، كان تنزل وتتفضل ، وبعد شوية تجي شايلة قدح العصيدة بملاح الويكة.
|
Post: #67
Title: Re: ابحث عن شريكة حياة
Author: الرفاعي عبدالعاطي حجر
Date: 07-07-2010, 04:30 PM
Parent: #66
| Quote: رغم انك عارف اني اعزب لكن مصر تقيف قصاد احلامي المشروعة ..الله يسامح يارفاعي ..معارضة حتى في الاعراس |
والمتمرد الكسر الصالة داك حق الجيران ؟؟
يافايز هووووووي شكلي ح اكون معارضة بالجد !!!
وهاك دي هدية مني ليك .
هاهاها
........................................................حجر.
|
Post: #90
Title: Re: ابحث عن شريكة حياة
Author: فايزودالقاضي
Date: 07-08-2010, 12:26 PM
Parent: #67
| Quote: والمتمرد الكسر الصالة داك حق الجيران ؟؟ |
دي الا يكون جابها ليك عمار محمد آدم ...
الصورة جميلة والود الصغير ده اخوى محمد- آخر العنقود- وشايله عمي محمد- مسمى عليه -الله يديه العافية ...الصورة دي اكيد عمى رسلها ليك ..
|
Post: #68
Title: Re: ابحث عن شريكة حياة
Author: jini
Date: 07-07-2010, 04:39 PM
Parent: #66
ود القاضى
حاول شئ لازم تحفظ دعاء دخول المنزل!
"اللهم ثبتنا عند السؤال"
مالك ومال القراية أم دق!
جنى
|
Post: #69
Title: Re: ابحث عن شريكة حياة
Author: Yassir Tayfour
Date: 07-07-2010, 04:59 PM
Parent: #68
يا فائز
قيل:
من أمِن العقوبة أساء استخدام السايبر..
__
يا أساسي فكرة إرسال أساسية بلابتوبها هي نوع من أنواع بلع البوستات أفقياً..
|
Post: #70
Title: Re: ابحث عن شريكة حياة
Author: خدر
Date: 07-07-2010, 06:53 PM
Parent: #69
الحياة لا تحتاج لشراكة يا صديقي
الحياة تُعاش بحُرية
____
مُجرب + مُدرب
|
Post: #71
Title: Re: ابحث عن شريكة حياة
Author: معاوية عبيد الصائم
Date: 07-07-2010, 07:11 PM
Parent: #70
ود القاضى ابشرك ؟
بكل المواصفات موجودة ؟؟؟
بس فى مشكلة صغيرونة ؟؟ اضانه تقيلة ؟؟؟
|
Post: #96
Title: Re: ابحث عن شريكة حياة
Author: فايزودالقاضي
Date: 07-12-2010, 12:40 PM
Parent: #71
معاوية ...سلام ...
Quote: ود القاضى ابشرك ؟
بكل المواصفات موجودة ؟؟؟
بس فى مشكلة صغيرونة ؟؟ اضانه تقيلة ؟؟؟ |
إن شاء الله بس الاضان اليمين ؟!! جنى وجن المره الاضانها الشمال تقيلة !!
|
Post: #72
Title: Re: ابحث عن شريكة حياة
Author: yasir Abdelgadir
Date: 07-07-2010, 07:20 PM
Parent: #70
| Quote: طويلة ..بيضاء اللون |
سلامات
واحد صاحبنا رسل لي امو في السودان المواصفات دي ردت عليهو امو قالت ليهو والله يا ولدي الا نخطب ليك تلاجة
|
Post: #75
Title: Re: ابحث عن شريكة حياة
Author: Tabaldina
Date: 07-08-2010, 09:45 AM
Parent: #72
..
.
اها عايز تدبل
ياخى انحنا واحدة ما لمينا
انت بتقابض فى التانية ..
زى ما قال نوباتيا انت محتاج
هندى ولا بنغلاديشى للغسيل والمكوى
----------
بالله المواصفات الما بتنفع معاك
رسلها لينا فى الماسنجر ..
الواحد يبقى يتيم ام وابو وما عندو زوجه
والله دى ما حصلت ..!!
|
Post: #102
Title: Re: ابحث عن شريكة حياة
Author: فايزودالقاضي
Date: 07-12-2010, 08:23 PM
Parent: #75
تبلدينا الماجستريست ...سلامات ..
Quote: بالله المواصفات الما بتنفع معاك
رسلها لينا فى الماسنجر ..
الواحد يبقى يتيم ام وابو وما عندو زوجه
والله دى ما حصلت ..!! |
خلاص رسلت ليك قريب 30 واحدة ..في اتنين كده رسلتهم ليك مع بعض قالوا مابعرسوا الا مع بعض وبسعر الواحدة ..واحدة عندها حمار نوم والتانية ك ل ب نوم(تهوهو وهي نايمة ) ..
|
Post: #100
Title: Re: ابحث عن شريكة حياة
Author: فايزودالقاضي
Date: 07-12-2010, 01:21 PM
Parent: #72
ياسر ... سلامات ..
Quote: سلامات
واحد صاحبنا رسل لي امو في السودان المواصفات دي ردت عليهو امو قالت ليهو والله يا ولدي الا نخطب ليك تلاجة |
مع مضايقات اساسي وطيفور والرفاعي شكلي حاابقى على التلاجة .... بس كهربتها كيف 110 ولا 220 ؟!!
|
Post: #95
Title: Re: ابحث عن شريكة حياة
Author: فايزودالقاضي
Date: 07-12-2010, 12:29 PM
Parent: #70
الفنان المخضرم طارق ...سلام ..
Quote: الحياة لا تحتاج لشراكة يا صديقي
الحياة تُعاش بحُرية
مُجرب + مُدرب |
اها ياكوتش ..خطة اللعب شنو مادام انك مجرب ومدرب ؟!!
|
Post: #94
Title: Re: ابحث عن شريكة حياة
Author: فايزودالقاضي
Date: 07-12-2010, 11:59 AM
Parent: #69
ياسر ...سلامات وبركة الطلة بعد طول غياب ..ربنا يعينك على قراية الكبر ..
Quote: يا فائز
قيل:
من أمِن العقوبة أساء استخدام السايبر.. |
والله ياجماعة حيرتونا !!! نصيع تقول شباب مامسئول ...نجكس بره بره تجيبوا لينا امن المجتمع ...نسوى شنو يعنى ؟!!
__
| Quote: يا أساسي فكرة إرسال أساسية بلابتوبها هي نوع من أنواع بلع البوستات أفقياً.. |
الكلام ده قولوا لى زول ماغير سكنه
|
Post: #93
Title: Re: ابحث عن شريكة حياة
Author: فايزودالقاضي
Date: 07-12-2010, 11:51 AM
Parent: #68
جنى ..ٍسلامات ..
Quote: ود القاضى
حاول شئ لازم تحفظ دعاء دخول المنزل!
"اللهم ثبتنا عند السؤال"
مالك ومال القراية أم دق!
جنى |
البدخلني المنزل شنو وانا مامعرس ؟!!!
|
Post: #89
Title: Re: ابحث عن شريكة حياة
Author: فايزودالقاضي
Date: 07-08-2010, 12:21 PM
Parent: #66
استاذنا اسحاق ...سلامات .. نورت البوست ..
| Quote: ود القاضي ، الويكة ماله يا خوي؟ |
الويكة دي عذبتنا وعذبناها عشان كده عايزين نرتاح وهي ترتاح ..
مرورك اسعدني ..
|
Post: #78
Title: Re: ابحث عن شريكة حياة
Author: حافظ كنجال
Date: 07-08-2010, 09:51 AM
Parent: #1
| Quote: ..تجيد المكوي والغسيل |
ياعمك شوف لي معااااك بس بالشروط التالية
تستمتع بالمشاوي
وتجيد حرفة غسيل الاموال...
وتقدس الحياة الكنجالية...
اوصافي انا...
ابيض ...
شرابي المفضل ابيض ضميرك...
وجبتي المفضلة البيض...
بيضاوي الشكل وامتلك نسبة معقولة من البيض...
|
Post: #80
Title: Re: ابحث عن شريكة حياة
Author: كمال الشادي
Date: 07-08-2010, 10:08 AM
Parent: #78
يا ود القاضي
| Quote: التلاتة بنات يدخلوني الجنة والولدين انا ادخلهم المدرسة العالمية |
قال ليك واحد بيقول لي صاحبو
يا اخي البنات ديل نعمة
يفتحو عليك ابواب الرزق مازي الاولاد
جاتني البت الاولى إشتريت عربية
جاتني البت الثانية إشتريت بيت
جاتني البيت التالتة دخل السوق وماشاء الله
جاني الولد بعت البيت وبعت العربية وطلعت من السوق مديون
اعمل حسابك
قرض على البنات
ياعمك
|
Post: #81
Title: Re: ابحث عن شريكة حياة
Author: كمال الشادي
Date: 07-08-2010, 10:11 AM
Parent: #80
مسيار
اجيها بالدس
واطلع منها بالدس
مرتي ما تعرف بالموضوع
بيضاء ناصعة البياض
جميلة وتشبه باكسال مشعلاني
ومكربة زي ليلى علوي
ود القاضي
اديني تلفونك عشان اقول ليك المقاسات الداخلية
-----
بصراحة
دي شروطي
ياود القاضي
فتش لي معاك
|
Post: #91
Title: Re: ابحث عن شريكة حياة
Author: محمد علي شقدي
Date: 07-08-2010, 03:59 PM
Parent: #81
| Quote: لا تبحثوا مع ود القاضي |
رغـــــــم راي ده جاني اتصال في صمة خشمي ( قال فتش لقى رقمي في البروفايل ) والله احرجني جد والامانه تقتضي نقله
بقول ليك طلبك جاهز لو انت جادي بلهجه انسان الشرق الرجل ورقم الاتصال وامكن العروس كما في جده
----------------------------------------------------
في حالة يكون كمين من اهل مرتك ( الله معاك )
--------------------------------------------------
الولد يا والقاضي اسمر وانا اسمر وامو سمراء ( متصالحين مع لونا ) دي الاضاءه بس
|
Post: #92
Title: Re: ابحث عن شريكة حياة
Author: محمد مختار جعفر
Date: 07-08-2010, 04:25 PM
Parent: #91
عجبنى البوست.. وضحكتنى الكثير من التعليقات
لكن ياود القاضى ممكن أكون خالك فى الحته دى ..؟؟
يمكن نلقى لينا حاجه على حسك ..ْ
|
Post: #97
Title: Re: ابحث عن شريكة حياة
Author: سلمى الشيخ سلامة
Date: 07-12-2010, 12:46 PM
Parent: #92
ود القاضى
داير تعرس ليه ؟
مالك ؟
صغير وجاهل
حلات الدنيا عليك
مالك ومال الهم
خليك فراشة زينا كدا
واسال محمد مدنى من احوال الفراشة
وكذا خالد محمد طه
وعادل عبد الرحمن
مالك ياخ
الله بسالك فى زول بشيل اصبعه ويطبظ بيهو عينو ؟
|
Post: #107
Title: Re: ابحث عن شريكة حياة
Author: فايزودالقاضي
Date: 07-12-2010, 09:02 PM
Parent: #97
استاذة سلمى العزيزة والغالية ...سلامات ..
ياخي انت مفروض اول واحدة تدعميني معنوياً ..نفسي اعرس ويكون عندي بت زي بتك العرستي ليها في السودان عشان بعد عشرين سنة تجي انت ومحمد مدني وعادل عبدالرحمن وخالدمحمد طه تحضروا عرس بتي ..وكل ماعرستوا لي بدري عرس بتي يكون بدري وكل مااخرتوه بيتأخر عرس بتي وفرزكم للاشياء يبقى صعب ...
مرورك اسعدني يااستاذة/ تحياتي للعروسين كما ابلغك سلام العزيز محمد مدني ..
|
Post: #98
Title: Re: ابحث عن شريكة حياة
Author: imad hassan
Date: 07-12-2010, 12:51 PM
Parent: #92
وفي ذات السياق، يحكى ان:
كان في عرس بتاع اسد و بينما الاسد في الكوشة مع العروس دخل فار واصر يمشي يبارك للعريس باقي الاسود هاجوا في الفار قالو ليهو الزم حدودك كيف فار يبارك لاسد الفار قاليهم يا جماعة اناقبل ما اتزوج كنت اسد زيو.
|
Post: #108
Title: Re: ابحث عن شريكة حياة
Author: فايزودالقاضي
Date: 07-12-2010, 09:07 PM
Parent: #98
عماد حسن ...ٍسلامات ..
| Quote: كان في عرس بتاع اسد و بينما الاسد في الكوشة مع العروس دخل فار واصر يمشي يبارك للعريس باقي الاسود هاجوا في الفار قالو ليهو الزم حدودك كيف فار يبارك لاسد الفار قاليهم يا جماعة اناقبل ما اتزوج كنت اسد زيو. |
انت لا مجرب زي خدر ولا مدرب ..العرفك شنو ببقى فار ..؟!! بعدين فار اخير من فارة ...
|
Post: #99
Title: Re: ابحث عن شريكة حياة
Author: عبد اللطيف السيدح
Date: 07-12-2010, 12:55 PM
Parent: #92
اميييين ...انا زول صبور يابكرى ..والعزوبية عذبتني ...داير الشراكة
يا فايز
الشراكة دي شكلها كيف؟
يعني ذكية أم غبية؟
غايتو لو وقعت في الشراكة الاولي ناس بنك الخرطوم بقطعوا معاك نصف المشوار
|
Post: #101
Title: Re: ابحث عن شريكة حياة
Author: Mahassin Ibrahim
Date: 07-12-2010, 01:33 PM
Parent: #99
فائز : كل يوم تزداد قناعتي بان هذا البوست من اظرف وامتع ما قريت في الفتره الاخيره.
واحدين طلعوك صغير وجاهل ومالك ومال الهم دا.
واحدين يذكروك بادعيه دخول المنزل بعد الزواج.
اما ما اضحكني الزول اللي قال ليك اتزوجها باى شكل وحتبقي بيضاء وطويله بعد الزواج.
انشاء الله عبدالعاطي حجر دا حتوديوه وين لانو ناوى عليك.....وثبت عليك حكاية الزيجه السابقه ووجود اولاد كمان .
وتاني سوال : اذا انت ابيض وطويل حاول شوف الصفات المضاده عشان تعملو توازن شويه.
انت ابيض وتزوج بيضاء....الالوان الغبر كدا تعمل شنو؟؟
مافي عداله ...صاح؟
|
Post: #110
Title: Re: ابحث عن شريكة حياة
Author: فايزودالقاضي
Date: 07-12-2010, 09:22 PM
Parent: #101
محاسن ...سلامات ..
Quote: واحدين طلعوك صغير وجاهل ومالك ومال الهم دا.
واحدين يذكروك بادعيه دخول المنزل بعد الزواج. |
حسد ساى ...
| Quote: انشاء الله عبدالعاطي حجر دا حتوديوه وين لانو ناوى عليك.....وثبت عليك حكاية الزيجه السابقه ووجود اولاد كمان . |
حجر بسلط عليه ناس الجوازت ..اقامته منتهية ليها تلاتة سنوات ..
| Quote: وتاني سوال : اذا انت ابيض وطويل حاول شوف الصفات المضاده عشان تعملو توازن شويه. |
يعني في الكرة الارضية دي مافي زول غيري يعمل توازن ؟!!! فيك شيئ من الحسد يامحاسن ..حوالي طهري نفسك من الخصلات الحجرية ...
| Quote: انت ابيض وتزوج بيضاء....الالوان الغبر كدا تعمل شنو؟؟ |
لو مافي غيري ينتحروا ...انا مابحب المجازفات ..
بعدين وين خدمتك لى في الموضوع ده ؟!!!
|
Post: #113
Title: Re: ابحث عن شريكة حياة
Author: Mahassin Ibrahim
Date: 07-13-2010, 06:34 AM
Parent: #110
فائز : صباحك خير.
انا كنت حاقيف معاك والمواصفات اللي ذكرتها متوفره....بس تدخلات ناس عبدالعاطي والاخرين وكمان طلعوا فيها عيال بامهم...والشافع الحليو اللي شايله في حضنك يوم لقاء (( عمادشمت)) حتلقي زيو وين تاني؟
ياريت لو كنت طرحت موضوعك قبل عشره سنيين او اكثر.....يعني قبل تواجد العسل الحلوين اللي حواليك ديل.
قلت ما مسئول من عدم التوازن اللوني اللي حيحصل في الكره الارضيه؟
مساكين يا اصحاب البشره السمراء ولا عزاء لكم .
|
Post: #109
Title: Re: ابحث عن شريكة حياة
Author: فايزودالقاضي
Date: 07-12-2010, 09:12 PM
Parent: #99
السيدح صديقي الجديد الماكمل اسبوع ...سلامات ..
| Quote: غايتو لو وقعت في الشراكة الاولي ناس بنك الخرطوم بقطعوا معاك نصف المشوار |
خلاص ماعندي مشكلة بس اقنع لى حجر بعد داك انا ساهل ...
|
Post: #106
Title: Re: ابحث عن شريكة حياة
Author: فايزودالقاضي
Date: 07-12-2010, 08:53 PM
Parent: #92
استاذي محمد مختار ...سلامات ياحبيب ..
Quote: لكن ياود القاضى ممكن أكون خالك فى الحته دى ..؟؟
يمكن نلقى لينا حاجه على حسك .. |
ياخي ده شرف كبير لى ..وقالوا الخال والد ..اها رسل لينا مصاريف العرس على حس الخال دي ...بتنازل ليك عن الاضانة تقيلة ..لكن دمها خفيفة ..اضان واحدة مش بتكفيك ياخال ؟!!!!
|
Post: #105
Title: Re: ابحث عن شريكة حياة
Author: فايزودالقاضي
Date: 07-12-2010, 08:50 PM
Parent: #91
شقدي ...سلام ..
| Quote: بقول ليك طلبك جاهز لو انت جادي بلهجه انسان الشرق الرجل ورقم الاتصال وامكن العروس كما في جده |
ماتكون الطرشة بتاعة معاوية ؟!!!ديك برضو في جدة ...يااخوى انا مابقضي حياتي كوراك ...
|
Post: #104
Title: Re: ابحث عن شريكة حياة
Author: فايزودالقاضي
Date: 07-12-2010, 08:36 PM
Parent: #80
كمال الشادي ....سلام ..
Quote: اعمل حسابك
قرض على البنات
ياعمك |
يااخوي كما عرست اجيب البنات كيف ؟!! هات عروس او اصمت ياهداك الله !!!
|
Post: #103
Title: Re: ابحث عن شريكة حياة
Author: فايزودالقاضي
Date: 07-12-2010, 08:34 PM
Parent: #78
كجنال ياصديقي الابيضاني الوجيه ..
Quote:
اوصافي انا...
ابيض ...
شرابي المفضل ابيض ضميرك...
وجبتي المفضلة البيض...
بيضاوي الشكل وامتلك نسبة معقولة من البيض... |
ياحبيبنا هسي يظهروا مناهضي البيض ناس حجر ورهطه ويلصقوا ليك صورة واحد مشيب ويقولوا ده انت ويأجروا وليد صغير يسموها مبارك وينسبوه ليك ...اسألني انا ...لكن نحن لهم والعرس لازم نتموا كما قال عبى عبدالله ..
|
Post: #111
Title: Re: ابحث عن شريكة حياة
Author: Tabaldina
Date: 07-12-2010, 09:29 PM
Parent: #103
..
.
ما قيت لينا بدل فايض
-------------
ياخى اخوك وحبيبك شنو الطناش دا ؟؟
|
Post: #112
Title: Re: ابحث عن شريكة حياة
Author: فايزودالقاضي
Date: 07-12-2010, 09:45 PM
Parent: #111
تبليدنا ...سلامات ..
Quote: ما قيت لينا بدل فايض
ياخى اخوك وحبيبك شنو الطناش دا ؟؟ |
لو راجعت الصفحة الاولي حاتعرف اني ماطنشتك ..بالعكس موضوعك هاميني ..بعدين في زى تلاتة قالوا عايزين واحد مابشوف ...اها نشوفهم ليك وتعمل ماشايف ؟!!!
|
Post: #114
Title: Re: ابحث عن شريكة حياة
Author: السيد المسلمي
Date: 07-13-2010, 07:53 AM
Parent: #112
يا عمك صور مافي نوهاااااائ !!
|
Post: #115
Title: Re: ابحث عن شريكة حياة
Author: فايزودالقاضي
Date: 07-13-2010, 08:40 PM
Parent: #114
| Quote: يا عمك صور مافي نوهاااااائ !! |
لو عندنا صور معناها عندنا عروس ولو عندنا عروس ماكان فتحنا بوست ...
الكائنات دي بتتحدف علينا منين ؟!!
السيد اطلع لى من بوستيني ده انا ماقاعد اتفاءل بيك نوهااااااائي ..
|
Post: #116
Title: Re: ابحث عن شريكة حياة
Author: عبد المنعم ابراهيم الحاج
Date: 07-13-2010, 09:34 PM
Parent: #115
| Quote: العكد ...سلامات ومشتاقين والله ...لسه رافع القزاز ؟!! |
بالأكتر يامان ..إنت عايز تمشينا كداري ولا شنو؟
القزاز دا بنرفعوا لما تلقى الشريكة ..
في " دوندي هاقيتو " لكن شرطها إنو الشريك يعرف
يلعب عشرة الطيبة .
مشتاقين والله .
|
|