Post: #1
Title: يوميات صرصور في كنيف البورض ...
Author: HAIDER ALZAIN
Date: 07-06-2010, 09:55 AM
أولاً : فكرة الموضوع منتشرة في عدة منتديات اتنقلت مع تغيير بعض الأحداث - عشان ما يجي بدر الدين اسحق والسيد المسلمي يتعلقوا في رقبتي
ثانياً : كنت جايي الليلة لجعران كبير بالموضوع دا بس شايفها غطس هو وصورتو في دورة المياه الجابها
ثالثاً : كل من يانس في نفسه الكفأة الصرصورية فهو من ضمن صراصير البورض القصدهم ابو الجعران
رابعاً : لا يوجد رابعاً
|
Post: #2
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:03 AM
Parent: #1
1. الاستيقاظ من النوم في دورة المياة .. مع بعض الروائح العطرة .. بالنسبة للصرصور
2.القيام بالتمرينات الصباحية المعتادة وذلك بالدخول للمنتدي وإستكشاف ضحية جديدة ثم التفنن في الهروب من الشباشب والجزم.
3. قضاء فترة القيلولة في بوست من البوستات الكبيرة، لأنه يستحيل على صاحب المنبر حذف البوست الرائج.
4. مناداة الاصحاب في فترة ذهاب صاحب المنتدي ..
5. تقديم فطور للأصحاب بعد استلام المعلوم من حق تاجير رسم الدخول ..
6. أي واحد من الاصحاب ديل ما يدفع او يماطل سيتعرض للإبتزاز ..
7. إذا قام صاحب البورض لأي سبب برش فليت بالمنتدي مما ضايق الصرصور في تنفسه فلا بأس من الذهاب لأدبخانة اخري ..
|
Post: #3
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:06 AM
Parent: #2
تحذيرات يجب اخذها بعين الاعتبار لمجتمع الصراصير :
1. عدم استفزاز صاحب البورض واجباره على استخدام ( ريد ) او ( بف باف )
2.عدم احراج صاحب البورض بالخروج امامه في حضور ضيوفه .
3. اذا رأيت صاحب البورض يلاحقك ، فأعكس الخطة ولاحقة انت ، لأنه حتماً سيهرب .
4.عدم القيام بأي تمرينات ليلية في حالة وجود اكثر من شخص في البورض ، وإلا سيكون رقم مقاس النعلة هو آخر شئ تراه في حياتك
|
Post: #5
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:07 AM
Parent: #3
اشياء تجعل الصرصور يموت من الضحك:
1 - الدوران على كرسي فوقة امرأة تصرخ خوفاً من الصرصور .
- الهروب من شخص في يده نعله على سطح املس غارق بالماء ولصابون .
3 - استخدام معطر الهواء بالخطاء بدل ريد او بف باف.
4 - عندما يغلق شخص، باب دورة المياة ، ويجد الصرصور أمامه ملتصق على الباب .
5 - عندما يحاول ( احول ) اصطياد الصرصور بالجزمة الله يكرمكم
|
Post: #7
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:11 AM
Parent: #5
صرصار يخطط لإبتزاز صرصوراية تانية بجلسة شاى هادئة ،،،
|
Post: #4
Title: Re: يوميات صرصور في كنيف البورض ...
Author: محمد الطيب يوسف
Date: 07-06-2010, 10:06 AM
Parent: #2
بالله لو ما ادوهو الفليت الفعال امس
الواحد الليلة كان اتنحنح قبل مايدخل البورض
|
Post: #8
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:13 AM
Parent: #4
Quote: بالله لو ما ادوهو الفليت الفعال امس
الواحد الليلة كان اتنحنح قبل مايدخل البورض |
سلامات يا محمد ..
تتنحنح والا تسد نخرتك من كمية المخرجات القال بيفرزها هنا دا ..
|
Post: #19
Title: Re: يوميات صرصور في كنيف البورض ...
Author: محمد الطيب يوسف
Date: 07-06-2010, 11:08 AM
Parent: #8
Quote: سلامات يا محمد ..
تتنحنح والا تسد نخرتك من كمية المخرجات القال بيفرزها هنا دا .. |
تصدق انا كنت داير اجيب ليهو بامبرز ادلت في حالة الزحمة حول منفذ الاخراج مايقوم يمارس هواياته الاخراجية علي الهواء مباشرة
|
Post: #6
Title: Re: يوميات صرصور في كنيف البورض ...
Author: منال
Date: 07-06-2010, 10:07 AM
Parent: #2
لااااحولااااااااااا تاريخ
سلامات ياحيدر وبركه الشفناك طيب
حسى مالك مقرفنا من الصباح ولسه مافطرنا (وش صارى )
|
Post: #9
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:15 AM
Parent: #6
مرحبتين يا منال .. ان شاء الله طيبة
شكراً علي السؤال
بس ابقي مارقة وسدي نخرتك سمح ..!!
|
Post: #10
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:18 AM
Parent: #9
ولأن الصرصور يحب الجمال ويفيض ملكة شعرية يسخرها لكل الوان الخير فقد كتب في احدي تجلياته
شعرا رصيناً متغزل في صرصوراية فقال لها :
من بين أواني الطبخِ .... وطناجر التيفالِ
صرصور يمشي وحيد الأماني
عابر المطبخِ كمالك المكانِ
شامخ الصدرِ واثق الأمالِ
واذ بلحظة بل في ثواني لمح صرصورة فائقة الجمالِ
كأنها مصباااااح تنير االجواري
ذات عين كالؤلؤ المرجانِ
انصدم الصرصور وانقلب حاله
كأنها أصابته بسهم الغرامِ
فأراد سؤالها بإستحياءِ
أأنت ملاك أم صرصورة مجاري ؟؟!
فذهب اليها بسرعة الحصانِ
مبتسم الثغر مرفوع الأمالِ
واذ بـ ريد بيف باف الأحمر الجديد (مبيد حشرى) ذو الفعال العجيب
يخرج من بين الأوانِ
موجهًا سمّه نحو الإثنانِ
فشرد تاركها تلاقي حتفها كـ الجبناءِ
أأخ أأخ على ريد بيف باف محطم الأحلامِ
..
|
Post: #11
Title: Re: يوميات صرصور في كنيف البورض ...
Author: محمد عبد الماجد الصايم
Date: 07-06-2010, 10:20 AM
Parent: #10
بوست عفن!
|
Post: #12
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:25 AM
Parent: #11
أعفن من الأدبخانة الكانت مفتوحة ليها يومين هنا دي يآخ مخرجات الراجل براهو فنطاس ما شالها
|
Post: #13
Title: Re: يوميات صرصور في كنيف البورض ...
Author: Mohammed Awad
Date: 07-06-2010, 10:36 AM
Parent: #12
| Quote: مخرجات الراجل براهو فنطاس ما شالها |
يعنى الصرصور دا ما ينداح معاكم؟
|
Post: #16
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:45 AM
Parent: #13
| Quote: يعنى الصرصور دا ما ينداح معاكم؟ |
الصرصور منداح ومترزق في امان الله ليهو كم سنة من بوست لي بوست زول سألوا مافي
براهو جاء هنا وفتّ نفسو وقال المخرجات مخرجاتي اكلت اكلها وحدي وسأخرجها وحدي ..
|
Post: #14
Title: Re: يوميات صرصور في كنيف البورض ...
Author: بشير أحمد
Date: 07-06-2010, 10:36 AM
Parent: #12
غايتو...
الادبخانة الاندفنت امس طلعنا منها بكمامات.
لكن تعال هنا كلمة (كنيف) دي لاقتني امس
لفحتها من منو ؛سريع بالله قبل ما اكلم ليك السيد المسلمي
او بالعدم شيخ القوقليين العرب(بدر الدين).
_______
تحياتي ياحيدر.
|
Post: #17
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:51 AM
Parent: #14
سلامات يا بشير احمد
Quote: الادبخانة الاندفنت امس طلعنا منها بكمامات.
|
غايتو دفنت الادبخانة دي طلعت معاكم بالخسارة شديد ( معاكم يعني ككيزان وكدة
هسع لو استمرت كان اصطدو حمامتين بدرابة واحدة
اما بالنسبة للكنيف .. والله العظيم وتالله وكتابو من بنات افكاري برررراي
اها بعد الحليفة دي في كلام
|
Post: #15
Title: Re: يوميات صرصور في كنيف البورض ...
Author: السيد المسلمي
Date: 07-06-2010, 10:39 AM
Parent: #12
| Quote: عشان ما يجي بدر الدين اسحق والسيد المسلمي يتعلقوا في رقبتي |
إنت ما بتدقس ياعمك ..
ـــــ
في إنتظار فك الشفرة .
|
Post: #18
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 10:55 AM
Parent: #15
| Quote: في إنتظار فك الشفرة . |
شفرة شنو يا حبيب..
والله كورتك بقت مصرجة خالص ..
ــــــــــ
سُعال جهل الصورة الفي بروفايلك دا منو؟؟!
|
Post: #20
Title: Re: يوميات صرصور في كنيف البورض ...
Author: tmbis
Date: 07-06-2010, 11:10 AM
Parent: #18
يا جماعة الكلام دا بالليل ..؟
لانو
الواحد بقى قاعد ساي في البورد دا .. ما ناقش اي حاجة .. 
محمد البشرى يجي يكتب كلام ويوقفوهو ويمشي ..
طلحة يجي ينظر في كرة القدم ونهائيات كاس العالم .. ونحن ساكتين ساي
اساسي يجي يكتب ليهو بوست ... ويتحذف .
محمد الصايم (تكجه) أميرة الشيخ في برازيلو .. يجي يفتح بوست يبكي .. ويبكي خليل معاو
محمد عوض يشتري ليو طبنجة جديدة ..
يعني حاجات زي كدا ..
ــ
|
Post: #25
Title: Re: يوميات صرصور في كنيف البورض ...
Author: HAIDER ALZAIN
Date: 07-06-2010, 03:06 PM
Parent: #20
Quote: يا جماعة الكلام دا بالليل ..؟
|
والله يا تمبس وضعك بقي صعب تماماً مع مقاطعة النت دي
المتعة كلها فايتاك
اسمع وقت يرسلوك ليك الكاميرا رسلها لي وانا كل يوم بقعد اصور ليك البورض
|
Post: #22
Title: Re: يوميات صرصور في كنيف البورض ...
Author: السيد المسلمي
Date: 07-06-2010, 11:24 AM
Parent: #18
Quote: والله كورتك بقت مصرجة خالص ..
|
بالله إنت قاصد أخونا بتاع العفنة داك !!؟
ياخي إنت راجل طيب زاتو ...
دا شنو دا البفتحوا ليهو بوست دا ؟؟
إنت رايح ليك رش بس .. لووووووووول
ـــــــــــــــ
الفي الصورة دا مفكر عظيم .. تضرر أيما ضرر من هذا المنبر ..
هسي دا يعتذرو ليهو كيف !!!؟
|
Post: #21
Title: Re: يوميات صرصور في كنيف البورض ...
Author: محمد عمر جبريل
Date: 07-06-2010, 11:23 AM
Parent: #10
| Quote: أأنت ملاك أم صرصورة مجاري ؟؟! |
النحرير .. حيدر الزين
هلّا تفضلت علينا في شرح الصورة البلاغية في البيت أعلاه ..
وهل الملاك في الصورة التشبيهية ملاك مخصص للصراصير (يعني بيبي فيس فوق جسد صرصور عندو جنحين)
أم أنه الملاك الواااااااااحد ده البنعرفو كلنا؟؟
|
Post: #23
Title: Re: يوميات صرصور في كنيف البورض ...
Author: Mohammed Awad
Date: 07-06-2010, 12:19 PM
Parent: #21
| Quote: اكلت اكلها وحدي وسأخرجها وحدي |
بس اوعة يكون اكل من الجوافة النيَة؟
|
Post: #24
Title: Re: يوميات صرصور في كنيف البورض ...
Author: بشير أحمد
Date: 07-06-2010, 12:44 PM
Parent: #23
| Quote: اما بالنسبة للكنيف .. والله العظيم وتالله وكتابو من بنات افكاري برررراي |
شكراً لمن جعل ذلكـ ممكناً.
|
Post: #26
Title: Re: يوميات صرصور في كنيف البورض ...
Author: السيد المسلمي
Date: 07-06-2010, 03:12 PM
Parent: #24
| Quote: شكراً لمن جعل ذلكـ ممكناً. |
ولا شكرن علي واجب يابشير
|
Post: #27
Title: Re: يوميات صرصور في كنيف البورض ...
Author: محمد الطيب يوسف
Date: 07-06-2010, 03:20 PM
Parent: #21
| Quote: يعني بيبي فيس فوق جسد صرصور عندو جنحين |
ود الصايم تعال شوف ده 
|
Post: #28
Title: Re: يوميات صرصور في كنيف البورض ...
Author: ود محجوب
Date: 07-06-2010, 04:11 PM
Parent: #27
Quote: من بين أواني الطبخِ .... وطناجر التيفالِ
صرصور يمشي وحيد الأماني
عابر المطبخِ كمالك المكانِ
شامخ الصدرِ واثق الأمالِ
واذ بلحظة بل في ثواني لمح صرصورة فائقة الجمالِ
كأنها مصباااااح تنير االجواري
ذات عين كالؤلؤ المرجانِ
انصدم الصرصور وانقلب حاله
كأنها أصابته بسهم الغرامِ
فأراد سؤالها بإستحياءِ
أأنت ملاك أم صرصورة مجاري ؟؟!
فذهب اليها بسرعة الحصانِ
مبتسم الثغر مرفوع الأمالِ
واذ بـ ريد بيف باف الأحمر الجديد (مبيد حشرى) ذو الفعال العجيب
يخرج من بين الأوانِ
موجهًا سمّه نحو الإثنانِ
فشرد تاركها تلاقي حتفها كـ الجبناءِ
أأخ أأخ على ريد بيف باف محطم الأحلامِ
.. |
شعراء اخر زمن
يا حليلك يا صديق
ضيعناك وضعنا معاك
|
Post: #29
Title: Re: يوميات صرصور في كنيف البورض ...
Author: جعفر خضر
Date: 07-06-2010, 04:36 PM
Parent: #28
أفووووووووووووووووووووووووووووووووووووووووووووو
|
Post: #30
Title: Re: يوميات صرصور في كنيف البورض ...
Author: Yassir Tayfour
Date: 07-06-2010, 05:19 PM
Parent: #28
ود الزين يا حيدر!
أبديت سريع كده بالله!
__
مشتاقوون وكده!
|
Post: #31
Title: Re: يوميات صرصور في كنيف البورض ...
Author: معاوية عوض الكريم
Date: 07-06-2010, 05:25 PM
Parent: #30
ابديت شنو ياخ ..
امتحاناتك انتهت ؟
|
Post: #32
Title: Re: يوميات صرصور في كنيف البورض ...
Author: Ahmed musa
Date: 07-06-2010, 05:35 PM
Parent: #31
| Quote: النحرير .. حيدر الزين |
محمد عمر
والله نحرير دي ريحتني في النخاشيش
شكراً للغوص في نحارير اللغة
ود الزين أعترف إني أضعف بوردابي في فك الشفرات
وبوستات زي دي بتخليني زي فأر المريسة
|
Post: #33
Title: Re: يوميات صرصور في كنيف البورض ...
Author: عبدالمجيد الكونت
Date: 07-06-2010, 05:47 PM
Parent: #32
مداوس منو يا نصيبة
|
Post: #34
Title: Re: يوميات صرصور في كنيف البورض ...
Author: معاوية عوض الكريم
Date: 07-06-2010, 05:57 PM
Parent: #33
| Quote: مداوس منو يا نصيبة |
الزنديق
وين انت ياخ !
|
Post: #35
Title: Re: يوميات صرصور في كنيف البورض ...
Author: معاوية عبيد الصائم
Date: 07-06-2010, 06:01 PM
Parent: #33
ود الزين ؟؟
تعال شيل شوالك بتاع الجمكسين ده ياااااااااااااااا خ ؟؟ تاعب ناس البيت ؟؟؟؟
انت اصلا عايز بيهو شنو ؟؟؟؟
اول مرة اشوف زول بخزن سلعة زى دى ؟؟
معاوية عبيد
|
Post: #36
Title: Re: يوميات صرصور في كنيف البورض ...
Author: بشير أحمد
Date: 07-06-2010, 06:11 PM
Parent: #35
للناس الما فكّت الشفرة :
في عضو (ع.آ) امس فتح بوست عن (ع.س)
البوست جاب كلام احسن منو الادبخانة(الله يكرمكم والقراء)؛
بعد شوية سيد الكشّـة جا ؛لملم الفيها النصيب وشتت.
|
Post: #37
Title: Re: يوميات صرصور في كنيف البورض ...
Author: عبدالمجيد الكونت
Date: 07-06-2010, 06:32 PM
Parent: #36
| Quote: في عضو (ع.آ) امس فتح بوست عن (ع.س) |
يازول هوي ع أ ده انا ولا زول تاني
حيدر ياخوي فك الشفرة
البلد دي شكلها حتكركرب بعد شوية
|
Post: #38
Title: Re: يوميات صرصور في كنيف البورض ...
Author: بشير أحمد
Date: 07-06-2010, 06:46 PM
Parent: #37
الاخ/عبدالمجيد
تحياتي؛؛؛
Quote: يازول هوي ع أ ده انا ولا زول تاني
|
المتهم (ع.آ)كان بأجر الباسويرد حقو ؛لو انت بتاجر باسويردك تشيل شيلتك ساي
بعدين لاحظ الالف (آ)دي شكلها كيف
ما قلتو نوبا
|
Post: #39
Title: Re: يوميات صرصور في كنيف البورض ...
Author: أمين محمد سليمان
Date: 07-06-2010, 06:57 PM
Parent: #38
الطريفي
و لما كنا حناكيش من ما الله خلقنا و جينا تمينا حنكشتنا في الشقيقه أمريكا : كنيفاتنا كلها حديثه فما عندنا شغله بمواضيع الرجرجه و الكنايف البلديه دي !!
حضرنا للسلام و لبث أشواق شديده والله !!
|
Post: #49
Title: Re: يوميات صرصور في كنيف البورض ...
Author: HAIDER ALZAIN
Date: 07-10-2010, 10:45 AM
Parent: #39
دكتور د. امين محمد سليمان
وعليكم السلام ورحمة الله تعالي وبركاته يا مفكرنا الحنكوش ..
شوق اشد من الشديدة والله ..
|
Post: #40
Title: Re: يوميات صرصور في كنيف البورض ...
Author: عبدالمجيد الكونت
Date: 07-06-2010, 06:57 PM
Parent: #38
| Quote: المتهم (ع.آ)كان بأجر الباسويرد |
لا كان كده ده ما انا
البورد ده بقى مافيه ضمانات
ممكن يدخل هكر بي اسمك يعمل مصيبة وانت ماك عارف
|
Post: #42
Title: Re: يوميات صرصور في كنيف البورض ...
Author: Hassan Makkawi
Date: 07-06-2010, 07:28 PM
Parent: #41
حيدر الزين
ماخاب ظنى فيك أبد.......
راجل مسالم بمعنى الكلمة
بس عمرك ما تهرس الصرصار بى ( جزمتك ) وتمشى!!!!
لأنو المعفن بيلزق بيضو القذر فى جزمتك وينشر سلالتو على حسابك
الصرصور ياعمك رشو من بعيد من غير شوشرة
وأهم شى قرايبو ونسايبو وحبايبو....دة إسمو ( تجفيف المنابع ) بتاع جورج بوش (الولد)
( تفتكر الزول ضرير....لاكنو بحسب خطوات الصراصير ) مثل فوراوى
Stay Cool
|
Post: #48
Title: Re: يوميات صرصور في كنيف البورض ...
Author: HAIDER ALZAIN
Date: 07-08-2010, 09:17 AM
Parent: #36
Quote: للناس الما فكّت الشفرة :
في عضو (ع.آ) امس فتح بوست عن (ع.س)
البوست جاب كلام احسن منو الادبخانة(الله يكرمكم والقراء)؛
بعد شوية سيد الكشّـة جا ؛لملم الفيها النصيب وشتت |
بعد كدة يا بشير احمد ما باقي الا الواحد يكتب خرطة طريق لفك الشفرة لو زول تاني سأل منها
دا بقي حل مع المشاهد والموسيقي التصويرية كمان
|
Post: #47
Title: Re: يوميات صرصور في كنيف البورض ...
Author: HAIDER ALZAIN
Date: 07-08-2010, 09:04 AM
Parent: #35
| Quote: تعال شيل شوالك بتاع الجمكسين ده ياااااااااااااااا خ ؟؟ تاعب ناس البيت ؟؟؟؟ |
الحبيب معاوية عبيــد ..
تحيات يا ملك ومبروك لسارة ..
الجمكسين دا برضو بينفع مع الصراصير ؟
انا قايلو بتاع أرضة بس ..
غايتو صاحب الشقة عندو بف باف اصلي .. وريحة ما بيجيبها ليك
هسع بالله شامي اي حاجة بتخلي اخونا جعفر دا يقول افوووووو
|
Post: #46
Title: Re: يوميات صرصور في كنيف البورض ...
Author: HAIDER ALZAIN
Date: 07-07-2010, 11:28 AM
Parent: #32
استاذنا احمد موسي
سلامات
Quote: ود الزين أعترف إني أضعف بوردابي في فك الشفرات
وبوستات زي دي بتخليني زي فأر المريسة |
اي زول بيسأل من الشفرة بعد كدة يرجع للابديت العملناهو لأخونا الطالب يا سر طيفور
بيلقي فيهو المفاتيح كلها
|
Post: #45
Title: Re: يوميات صرصور في كنيف البورض ...
Author: HAIDER ALZAIN
Date: 07-07-2010, 11:01 AM
Parent: #30
اخانا ياسر ابتفة الذي هو طالبٌ يدرس..
سلامات ومشتاقين والله بالحيل
اخبار الامتحانات ؟
Quote: أبديت سريع كده بالله!
|
طبعاً بما انك بعيد حبتين من الساحة فنديك موجز كدة سريع ..
قبل كم يوم جعران كبير هنا دقّ جرس وقال انه كان بيؤجر باسووردو لصحفيين ( واحد منهم ندعوهو صحفي مجازاً ) ليشتمو بعضعهم.. ويقول انه بيؤجره مقابل 10 جنيه للذي لا يستحق لقب صحفي وبــ20 جنيه للصحفي الحقيقي الآخر..
شيلك ختك قامت العوة قامت وتم دحض حجته .. تاني يوم قام بمسح جميع مداخلاته بل ودبج مقالة طويلة عريضة كسر فيها تلوج سيبيريا والاسكيمو لأخينا الصحفي ووصفهم بالكرم والاخلاق العالية ووووو
بالرجوع لسيرته ( النتنة ) وضح انه كان كادر عنف في الاتجاه الاسلامي ومتعووودة دااايماً علي شغل الابتزاز الرخيص وبيع الضمير وطولة اللسان .. ووضح انه سحب مداخلات قد يكون جاء بناءاً علي ترضية ما..
خلصنا من القصة دي جاء بعد يومين ايضاً وكتب متهماً احد الأصدقاء ومن نراه قدم الكثير بانه يتبع لجهاز الامن سااااي كدة وبالمجان ويستند في روايته علي قوالة احدي السيدات التي قالت له انه جارتهم قالت بظن الزول دا امنجي وانه سمع من ست الشاي البتقعد تحت شجرة ما بالخرطوم انه الصحفي دا كان بيتكلم بالجوال مكالمات مريبة..
تداخلنا معه عارضين له تاريخه القذر وتاريخ هذا الصحفي الناصع وانه بائع ضمير وانه رجرجة ومبتز لدرجة انه لا يتورع عن الحط من قيمة نفسه حتي يلمز الآخرين .. فلم يتورع ان يأتينا مساءاً ببوست معنون بعنوان علي شاكلة :
هذا المنبر لا يمثل عندي غير مرحاض اخرج فيه مخرجاتي ..
ثم باول مداخلة ذكر بوست الاتهام المجاني واصفاً جميع من تداخل ضده انهم عبارة عن صراصير في ذلك المرحاض لا ترتقي لمستوي انه يرد عليها ..
طبعا لا جديد بعد ذلك جاء صاحب الشقة ومعاهو بف باف وكنس الجعران ببوستاته ..
الغريب جاب صورة المرحاض لدورة مياه حديثة وسايفون مع رخام حديث وحوض استحمام اروع ..
وحسب علمي انه الصراصير تعيش في الكنيفات البلدية التي يتمتع اخونا دكتور امين محمد سليمان
بالاستراحة بها حيث الهواء الدافئ يداعبك من اسفل ولا سقف هناك فانت تستمتع بتامل في صفاء السماء الزرقاء نهاراً وتغني للنجوم ليلاً ..
تحياتي واتعشمو ابديت كافي
|
Post: #44
Title: Re: يوميات صرصور في كنيف البورض ...
Author: HAIDER ALZAIN
Date: 07-07-2010, 10:19 AM
Parent: #28
Quote: شعراء اخر زمن
يا حليلك يا صديق
ضيعناك وضعنا معاك |
الدكتور ود محجوب .. سلامات
والله ذكرتنا جعران كبير من جعارنة البورد
يآخ الواحد لمن دموعو جرت وهو يتذكر المرحوم صديق .. طيب الله ثراه
تحياتي
|
Post: #43
Title: Re: يوميات صرصور في كنيف البورض ...
Author: HAIDER ALZAIN
Date: 07-07-2010, 07:35 AM
Parent: #21
الاستاذ الجليل محمد عمر جبريل
السلام عليكم ورحمة الله وبركاته
Quote: هلّا تفضلت علينا في شرح الصورة البلاغية في البيت أعلاه ..
وهل الملاك في الصورة التشبيهية ملاك مخصص للصراصير (يعني بيبي فيس فوق جسد صرصور عندو جنحين)
|
واحد من اسباب ازماتنا المتراكمة عبر هذه الكنيفات المتعددة هي في اشكال هذه القراءة
وتصوركم الغيــر متزن بان العالم الصرصوري الزاهي الذي ولد وعاش فيه ابوالجعران
يشبه عالمكم هذا بتفاصيله القاسية وتشبيهاته ..
كما أن عنصريتكم تجاه عالم الصراصير تجعلكم تحصرون بأن الملائكة ماهي الا منتج خاص بعالم البشر..
افيقوا من سباتكم اخي فللصراصير ملائكة ليس لها اجنحة ولا وجوه وتقريب صورتها لعقولكم
الخربة يصبح كمن يتكلم عن سودانيز اونلاين لراكب حماره في ( صحراء ) الدمازين - او كما وصفكم التلب رضي الله عنه -
|
|