طلب مساعدة من خواجات أمريكـا ..

أخوانا الخواجات السودانيين الأمريكان في أمريكا .. good morning
يستثنى منهم خالد دافنشي .. وكوستاوي ودينق .. وصبري الشريف .. وواصل علي .. .. وبشاشا .. واستيف .. وبكري ابوبكر .. ومن يرد اسمهم لاحقـا في قائمة لاحقه .. وذلك لجلدنه فيهم ..
ايضــا
خواجات أمريكا لا تشمل بالطبع دول الخليج .. والشرق الأوسط .. يعني ناس كااااك ويتبع ومؤونة كم عام من الود .. إلخ .. ديل يجو يتفرجو معاي في الخواجات ديل ح ينسترو معاي واللا حركات مارينز ساي


إنتو الناس ديل بكونو نايمين حسع مش كدا ..؟

في واحدين حسع تلقاهم قايلني عايز لي قبول هجرة ..
لكن بيني وبينكم .. قاعد القبول بتاع الهجرة يسمع في كلامكم وعلى بورداب واشنطون وضواحيها يشوفو ليهم حتة تانية (إن كيس) إني بقيت ماشي عليهم لانو الناس نست الناس
....

صباح الخير ... بتوقيتكم ياصاحب

أولاُ اللوم حاصل معاك ؛ عشمى فى التفهم .

لم يرد إسمى مع القائمة السابقة و أرجو أن لا يرد ضمن اللاحقة ؛ مررت عابراُ بالبورد هو حضور أول عسى أن نكون عند حسن الظن

و رقبتنا سدادة .



_________________________

راجع الماسنجر

Quote: صباح الخير ... بتوقيتكم ياصاحب أولاُ اللوم حاصل معاك ؛ عشمى فى التفهم . لم يرد إسمى مع القائمة السابقة و أرجو أن لا يرد ضمن اللاحقة ؛ مررت عابراُ بالبورد

ايييييييييك .. عبد الرحمن عزاز ..؟
يا زول وينك إنت ..؟
الواحد كم سنة ما لاقاك ..؟ حمد الله على السلامة والبركة في الشوفة .. وماف اي لوم يا صديقي .. عارف المشغوليات مالياكم ..
..
طبعا فقدت تلفوناتك القديمة .. وكل الأرقام المسجلة معاي .. عندي مشكلة زي دي طبعا ..
..
حسع انا قلت الناس دي تكون ضاربه النوم .. البصحيك بدري كدا شنو ..؟

حبابك الف يا تمبس,,, ادلل.

يا ما مكتر الغيبات وين الناس
اها عايز شنو من بني خواجة ؟
انا ما خواجة بس اخوي خواجة لكن غير اسفيري لو ينفع معاك من الابرة للمكوك دسكفري جاهزين

Quote: حبابك الف يا تمبس,,, ادلل.

تشكر يا ابو السيوف ما بتقصر .. عارفك بتسدها وتقدها ..
..

Quote: يا ما مكتر الغيبات وين الناس اها عايز شنو من بني خواجة ؟ انا ما خواجة بس اخوي خواجة لكن غير اسفيري لو ينفع معاك من الابرة للمكوك دسكفري جاهزين

يا باشمهندس .. والله جابني الشديد القوي جدا جدا
الخواجات يا هندسة .. الليلة يوم حوبتم معاي .. عايز لي (ابرة) من البلد ديك .. تخيل حاجة تكون عندك .. وتفقده وتفتش ليها تاني ما تلقاها .. في البلد الكبيرة وعريضة دي ..
(والآرف) من كدا مصنعه يصنع منها واحدة ويقيف .. دي معناته قصد عديل كدا ... .. أخوك دا ما يقوم يقوليك انا ما بتعامل مع ناس في الدول العربية .. تشكر يا هندسة على كل حال .. عارفه سداد ..

Quote: طلب مساعدة من خواجات أمريكـا ..

إنت تامر بس ونحن تحت الخدمـــة ..
وإن كيس إنك جيت ماري بنيويورك ما تنسي تغشانا في حي منهاتن تقاطع شارع دينزل واشنطن
مع كلينت استوود .. الباب الرابع بعد سوبر ماركت استاند اب ..



ــــــــ
فترنا نحن من تقديم المساعدات لناس الخليج وما شابههم .. أووووف

ماشي عُمرة وزوغة ولّ شنو؟

Quote: ماشي عُمرة وزوغة ولّ شنو؟

...
عليك الله عاين زي ديل ..
..

يا جماعة انا عايز زول يتكلم معاي من الشمال لليمين .. يا عمك .. إنت وحيدر الزين ديل مهمشين .. ما بتفعوا معــاي ..

Quote: إنت تامر بس ونحن تحت الخدمـــة .. وإن كيس إنك جيت ماري بنيويورك ما تنسي تغشانا في حي منهاتن تقاطع شارع دينزل واشنطن مع كلينت استوود .. الباب الرابع بعد سوبر ماركت استاند اب ..

عارف يا حيدر انا من ضمن دراسة الجدوى بتاعتي .. واضع في الحسبان اجيب ليك معاي الشاعر الطوح ..
تخيل اجي داخل عليك ومعاي الشاعر .. وكيس في يدي مربوط بالجمبات .. غايتو إلا تطير ..

..
عاين بلاي ما تفكها فيني .. انا البوست دا ما عايز فوقو عرب .. خواجات بس .. عايز احدده معاهم الليلة .. لو عايز لي مترجم .. قوقل قاعد ..

يا تمبس:
خواجات استعربو ينفع معاك*
____________________________
* بلغه بشاشا رد الله غربته خواجات كارهيين ذاتهم

Hello there

we are ready to help

but in case you want us to send you (JARAKANA) we are sorre

Hawwel

دحين دا مو من الشمال لليمين ؟؟

Quote: Hello there we are ready to help but in case you want us to send you (JARAKANA) we are sorre Hawwel

.. نكرك يا عمار
قوقل زاتو نكرك .. عاااارفك قاعد وين .. وأن بيني وبينك من (خطك) دا عرفتك زاتو ..
اعتبر نفسك محول لي ود الصايم .. يدقك فتاشة ويعمل ليك تيست بتاع (توفيل) ..
انا ما غالبني ارد ليك بالانقليزي .. لكن بس خايف عليك .. لانو من يوم الجركانة داك .. إنت ما عاجبني

Quote: يا تمبس: خواجات استعربو ينفع معاك* ____________________________ * بلغه بشاشا رد الله غربته خواجات كارهيين ذاتهم

.. يا بوب .. كان مستعربين بس ماف مشكلة ..
بس الخوف يكونو مستلبين ..
..
غايتو مسالة استعرابك دي بمشيها ليك .. لكن كمان ما تقوم تدخل لي اميرة الشيخ وكيكي .. تقول لي ديل المستشارين حقني في منطقة الخليج .. كدا ما كويس معاي .. بتتعبني

فوق.. من أجل زميل البورض..
وحاجتك كلها مقضية ياحبيب..

Quote: فوق.. من أجل زميل البورض.. وحاجتك كلها مقضية ياحبيب..

.. والله يا فرده ما بتقصر .. دي الزمالة واللا بلاش ..

أخبارك شنو يا مواطن ..؟

بفتش عن موديل كاميرا .. غير متوفر حاليا .. لانو الشركة وصلت .

I can not understand the Arabic language

..
..

يعني .. لف و تعال تاني ..

قالو العربي لما شما الطراوه
سوا ليهو جيب في طاقيتو

من فتيش السفنجات القديمه (لزوم اللساتك) و الجزم القديمه (لزوم جلدة النبله) و الصارقيل و الكدندار في جخانيب و خرابات و طملات الموردة و ما جاورها

الى تفتيش عابر للقارات عن كاميرات

هلا هلا و ايامك يا البنضوره
اتجدع زى ما عاوز ... يا قرموط
رغم انو الواحد خواجه اصلي لكن البوست ده يتضرع فوقو على راحتو و يخش و يطلع و يقول اى فارغ و سيدو ما يقدر يقول بغم ....
كسرة عييييييين ساكت كده .... قال طلبات قال
تقول الطلبناهو منك قبل جغرمية سنة رسلتو ..
ديل كان ناس فلان او فلانة كان زماااااان وصل ... حتى لو تحبا كان وديتو ....
يا البنضورة

Quote: قالو العربي لما شما الطراوه سوا ليهو جيب في طاقيتو من فتيش السفنجات القديمه (لزوم اللساتك) و الجزم القديمه (لزوم جلدة النبله) و الصارقيل و الكدندار في جخانيب و خرابات و طملات الموردة و ما جاورها الى تفتيش عابر للقارات عن كاميرات

.. عارفه كان المساحة بتسمح كان حكيت ليك النكته بتاعت الزول داك الجا المطعم وكان ما عندو جيب .. خاتي فوقو القروش .. لكن بس حظك كويس .. طلعت خواجه احتمال ما تفهمه لي وهي طايره ..
لكن تعرف يا عصام ..
هي زاته بت ###### الشعيرية وما بتدي حريف .. حسع عليك الله المواصفات اعلاه العالية البتتكلم عنها دي .. والمؤهلات دي .. مؤهلات زول عااادي ..؟ دا بروفايل زول عادي ..؟
ياخ تخيل فاضل لي صلعة زي صلعتك دي والله كان بقيت عالم .. بتاع اي حاجة .. .. لكن هذا ما جنيناه من الأقاليم .. والولايات .. الواحد تلقاهو بيعافر في باب قاعة الصداقة .. يلف بيهو لفتين ويرجعو تاني .. تمسكو يازول إنت من اولاد وين جاي تعمل لينا ضيق هنا دا .. يقوليك والله قايل الشي دا طوطحانية .. دي النوعية ذاته الكنا بنأجر ليها العجلات في حولية السيد الإدريسي .. في الموردة ..

Quote: رغم انو الواحد خواجه اصلي لكن البوست ده يتضرع فوقو على راحتو و يخش و يطلع و يقول اى فارغ و سيدو ما يقدر يقول بغم .... كسرة عييييييين ساكت كده .... قال طلبات قال تقول الطلبناهو منك قبل جغرمية سنة رسلتو .. ديل كان ناس فلان او فلانة كان زماااااان وصل ... حتى لو تحبا كان وديتو .... يا البنضورة

ه من ناحية كسرة عين .. بيني بينك .. المسالة (درون تلاتة اتنين) .. وقبال امشي امريكا عندي جيه سويسرا شفت كيف ..؟ اديها صنة بس .. كراع الفريزين جيابه ..
خواجه مضروب ..
معاك لحدت صيني ما عندك مشكلة ..

Quote: I can not understand the Arabic language

أول حاجة يازول اكتب لينا بالعربي ..
تاني حاجة .. اعتقد إنو البوست دا كدا لا ح اللقى لي كاميرا لا ح اللقى لي .. كاميرا .. لانو بي صراحة كدا إنت زول عندك مشكلة قديمة مع الخواجات ديل .. .. وعندك سوابق.
لذلك ..
ح استخدمك .. كعنصر مفاجأة .. أو عنصر دهشـة .. .. لكن على حسب معرفتي انو الخواجات ديل .. الواحد فيهم قلبو باليمين .. عادي جدا يخلي الكاميرا حقتي .. ويجي يشبك فيك .. دا لو صاحيين حسع دي طبعا

موديل الكاميرا ..
Sony Cyber-shot DSC-F828 معروضة في عدة مواقع من ضمنها موقع امازون

..

..

..

يا تمبس


نقول ليك حاجه أنت ما عارفها


شوف عيني الخواجات ديل وخصوصا بتاعين امريكا وبريطانيا

بشتروا سراوليهم* وقمصانهم وتي شيرتاتهم من سوق دبي ومن محلات ابوالرخا كمان

وكان للألكترونيات عرفنا أنو في فرق كبير بين الأسعار في دبي وبلاد الخواجات وخصوصا في الكاميرات والاب توبات

ما تتكل على الخواجات بعشوك القوا

على العموم نحنا ما خواجات لكن بنفتشها ليك وتصلك إن وجدت إنشاء الله وليك ألاف التحايا


____

* سراوليهم يعني بنطالين حسب الترجمة في الافلام

Quote: شوف عيني الخواجات ديل وخصوصا بتاعين امريكا وبريطانيا بشتروا سراوليهم* وقمصانهم وتي شيرتاتهم من سوق دبي ومن محلات ابوالرخا كمان وكان للألكترونيات عرفنا أنو في فرق كبير بين الأسعار في دبي وبلاد الخواجات وخصوصا في الكاميرات والاب توبات ما تتكل على الخواجات بعشوك القوا على العموم نحنا ما خواجات لكن بنفتشها ليك وتصلك إن وجدت إنشاء الله وليك ألاف التحايا

يا باشمهندس سلامات
والله الخواجات ديل فيهم واحدين سندالات بشكل .. يحيروك عديل كدا يسدوها ويقدوها ...
وواحدين كدا .. عادي يرفعو منك القزاز ..
عارف في مسالة التبضع يا باشمهندس .. انا بتفق مع الشباب ديل وطالما انهم اشتو من دبي .. فديل واعيين جدا لانو على حسب معرفتي كمان .. إنو في ناس كتار من ناس دبي قاعدين يرسلو عداداتم وبنشتري ليهم من هنا .. يعني المسالة بتاعت اذواق وبيدخل فيها الفهم الاقتصادي .. عارف انا القدامك دا الاشتريتو من السودان من ملابس .. كان لفيت السعودية دي كلها ما بلقاهو .. متن ناحية الجودة والسعر والشكل ..
اما الالكترونيات .. منطقة جبل علي .. كتلت السوق شديد .. وانا عندي تجربة كاميرا فيديو بروفشينال .. عندي الاصل منها يا باني .. الموديل العندي في نفسيهو في منطقة جبل علي وبي سعر كحيان جدا .. لانو صناعة صينية .. انا عملت لي الكاميرا دي صيانة قبل فترة لو ختيت عليها بسيط كدا بتجيب لي كاميرا من نفس الطراز تجميع جبل علي .. شفت المسالة كيف عامله ..؟
لكن دا ما بيمنع إنو في كمية من الاشياء الاصلية لكن عايزة ليها تفتيش .. فيدك معانا يا باشمهندس .. لانو الكاميرا دي برضو الموديل دا تاني ما اتكررت صناعتو .. والمعروض في السوق دا كلو .. مستخدم واسعارو مناسبة جدا معاي .. حتى تغطية مصاريف الشحن لحدت ما استلم .. بس كل المطلوب من الخواجات معاينة لي العرض دا للتاكيد .. وكمان لو لقيت لينا نفس الموديل دا بي سعر أقل .. (بسرولو) ليك طوالي

اتفضل يا تمبس
انا جيت هنا عشانك عايز شنو؟
تقابل اوبرا ؟
اوباما؟
جاهزين نحن

أوع يكون لونا بمبي!

Quote: أوع يكون لونا بمبي!

دا سؤال ذكي جدا يا عمك ..

Quote: عارف يا حيدر انا من ضمن دراسة الجدوى بتاعتي .. واضع في الحسبان اجيب ليك معاي الشاعر الطوح .. تخيل اجي داخل عليك ومعاي الشاعر .. وكيس في يدي مربوط بالجمبات .. غايتو إلا تطير ..

آي هاف نو اربيك كيبورد تو دسكس وز يو ..

لت مي اختف رجلي لغاية اركنساس اند كم باك تو ربلاي

يازول اها
هاى وت يو وونت عشرين سنه يااخوى
اكان مالقيتو عندى مابتلقاه تب
قول لى داير شنو
تحياتى

سلامات يا خيري بخيت ..
والله انا عايز كاميرا موديله Sony Cyber-shot DSC-F828 . موجودة في موقع امازون http://www.amazon.com/Sony-DSC-F828-Digital-Camera-Optical/dp/B0000C8817
..
http://www.amazon.com/gp/offer-listing/B0000C8817/ref=d...t=true&condition=all
عايز زول بس يتابع لي المسالة دي من هناك .. ولو لقى طريقة يتصل على الناس العارضين الكاميرا دي .. ويتاكد من وضعها كيف .. وبعداك يستلمه ويقوم بي مسالة الشحن .. ونتفق على مسالة السداد بي ياتو طريقة .. والف شكر مقدما..

..
دا الايميل حقي .. بالنسبة لي اي تقديم مساعدة .. من خارج البورد
yashoogy(at)hotmail.com

Quote: آي هاف نو اربيك كيبورد تو دسكس وز يو .. لت مي اختف رجلي لغاية اركنساس اند كم باك تو ربلاي

.. طبعا الحنك دا قاعد يتقال لي الما عندو حديده
واحد قبل كدا شداها لي بي كلام حامض خلاص .. وكتب لي تحت زي كلامك دا .. .. وحيات ابتسامتك لقتيو حاتل ليهو في بوست مجاور لي كوعو .. وبيحكي بي عربي جوبــا كمان ...
..
اسمع صاحبك دا قال دي مناسبة كويسة زاتو الوقفه دي كانت فرصة مساعدة كتب ليهو كم حاجة كدا ... تتواكب مع ادبيات المرحلة ,.. نضف اضانك كويس .. وارجى الراجيك ..

والله يا حيدر الزين حشيت افكاري بالضحك

Quote: آي هاف نو اربيك كيبورد تو دسكس وز يو .. لت مي اختف رجلي لغاية اركنساس اند كم باك تو ربلاي

ناس امريكا بالذات لو ما جبتو الكاميرا دي لي تامبا
المقاطفة والمفاصلة


تمبس
انت عصام جبرالله دا عليك الله قبل كدا وصاك لي حاجة
ولا بس عاوز يخرب ليك البوست بتاعك دا

كيف يا عصام

الصادق

Quote: تمبس انت عصام جبرالله دا عليك الله قبل كدا وصاك لي حاجة ولا بس عاوز يخرب ليك البوست بتاعك دا

والله يا الصادق عايز النجيضة ..؟
الزول دا زماااان وصاني لي حاجة صغيرة جدا كانت عبارة عن (كيس).. وحسع الكيس بقى شوال عديل.. غايتو في مثل سري متداول مضمونو إنو ما يكون عندك اي علاقة بتاعت اسرار بينك وبين مجنون ..
اها عصام دا .. أخير الواحد يجن عديل كدا .. يا يتوكل على الله ويرسل ليهو شوال البتاع دا ويخلص منو .. الكورة الآن في ملعبك .. خاصة وإنو شوالات البتاع دا ما متوفرة هنا دا .. بعدين كمان انا ما قاعد استعمل الحاجات دي ااف ارسل ليهو شوال واتعب واخسر .. يقوم يطلع لي الشوال دا اي كلام ... هو قطع شك ح يستعملو لكن .. ح يطلعو لي اي كلام ..
شفت كيف الماسلة دي بتجنن ..؟

Quote: اتفضل يا تمبس انا جيت هنا عشانك عايز شنو؟ تقابل اوبرا ؟ اوباما؟ جاهزين نحن

2ta حبيبت الشعب
اوباما منو يا توتا .. هو ناس صبري وتراجي خلو لينا فيهو مسكة ..؟ بالنسبة لي اوبــرا .. الايامات دي ما فاضي ليها قولي ليها الزول دا مشغول شوية .. ما عندي ليها وكت ..
..

عملتي شنو في الحاجة ديك .. انا لي كم يوم غياب .. لكن يدنا معاكم ...

أخى تمبس العريس

أنا خواجة سودانى ..ينفع؟؟؟
طلباتك مجابة بس عليك الله خُش فى مودلات حديثة شوية...
وعندى ليك سر: عندنا هنا نوع الكاميرات دى فقط بتلقاها فى كوشة الجبل...

كل السلام

Quote: أخى تمبس العريس أنا خواجة سودانى ..ينفع؟؟؟ طلباتك مجابة بس عليك الله خُش فى مودلات حديثة شوية... وعندى ليك سر: عندنا هنا نوع الكاميرات دى فقط بتلقاها فى كوشة الجبل... كل السلام

سلامات يا اسامة .. كيفنك ..؟
ااي الخواجات السودانيين ديل اولاد عمنا لزم .. وناس نجيضة عديل ..
تعرف يا اسامة الكاميرا دي .. كان خيروني بيها وبين اي موديل حديث حاليا .. بالرغم من التقنية المتقدمة والحاجات الخطيرة والامكانيات .. فصدقني ما ببدله بي اي كاميرا ..
عارف لي مدة اكتر من سنة متابع لي موديل كاميرا محدد .. سنة ونص الموديل دا ما دخلت فيهو اي زيادات ولا سعرو نزل ريال واحد .. ودا الموديل الكان اقرب للموديل البفتش عنو دا .. لكن مقارنة مع كوشة الجبل حقتكم دي .. والله اخير حقتكم .. بعدين الكاميرا دي عزيزة علي شديد .. الموديل دا بالذات ..
كدي كان لقيت ليك فرصة .. حاول ادخل وشوف الحاصل في الكاميرا دي شنو .. بتقتنع ..
تعرف انا لقيته عند طلال عفيفي .. لو ما صاحبي .. كان احتمال اسرقه عديل منو واحيرو ..
شكرا يا اسامة ما بتقصر والله ..

أبشر يا تمبس نهاية الأسبوع نغشى دبي نفتشها ليك


يا تمبس الكاميرا دي بروفشنال ما بتكون صينية البضاعة الصينية دائما من الموديلات العادية لكن اليابانين بخلوا الحاجات التقيلة دي لي نفسهم وبسوها براهم لانو

لكن زي البتخيل لي كمرتك دي موديلها قديم شوية ومرات سوني بتسحب الموديلات القديمة من السوق عشان الموديلات الجديدة وخلي بالك من الحكاية دي


في موديلات أصلية موجودة في دبي ومتأكد أني حا القاهم لو بي فتيش بسيط كمان

Sony A230





10 Megapixels

99x Optical Zoom

2.7 LCD Screen





Type: Digital SLR
LCD: 2.7
Megapxiels: 10
Zoom: N/A
Focal Length: N/A
Macro: N/A
Memory Cards: MS PRO Duo™/ MS PRO-HG Duo™/ MS PRO-HG Duo™ HX/
Manual Controls: Yes
Movie Resolution: N/A
Frames Per Second: N/A
Duration: N/A
Batteries: Lithium-ion Rechargeable
Wide Angle: No
Accept Conversion Lens: No
Weight: 450
Dimensions: 128 x 97 x 67.5mm


http://www.cameras.co.uk/html/digital-camera-selector-2.cfm?camera=Sony A230&brand=Sony&name=A230





Sony A350

14 Megapixels

99x Optical Zoom

2.7 LCD Screen

14 megapixels N/A optical zoom







Type: Digital SLR
LCD: 2.7
Megapxiels: 14
Zoom: N/A
Focal Length: N/A
Macro: N/A
Memory Cards: Memory Stick Duo, Memory Stick PRO Duo,
Manual Controls: Yes
Movie Resolution: N/A
Frames Per Second: N/A
Duration: N/A
Batteries: Lithium ion
Wide Angle: N/A
Accept Conversion Lens: N/A
Weight: 582
Dimensions: 130.8 x 98.5 x 74.7m


http://www.cameras.co.uk/html/digital-camera-selector-2.cfm?camera=Sony A350&brand=Sony&name=A350

Sony A380

14 Megapixels

99x Optical Zoom

2.7 LCD Screen







Type: Digital SLR
LCD: 2.7
Megapxiels: 14
Zoom: N/A
Focal Length: N/A
Macro: N/A
Memory Cards: MS PRO Duo™/ MS PRO-HG Duo™/ MS PRO-HG Duo™ HX/ SD / SDHC
Manual Controls: Yes
Movie Resolution: N/A
Frames Per Second: N/A
Duration: N/A
Batteries: Lithium-ion Rechargeable
Wide Angle: No
Accept Conversion Lens: No
Weight: 490
Dimensions: 128 x 97 x 71.4mm

http://www.cameras.co.uk/html/digital-camera-selector-2.cfm?camera=Sony A380&brand=Sony&name=A380


بالنسبة لي غايتو الكانون والكانون

Quote: بالنسبة لي غايتو الكانون والكانون

.. الكوداك برضو عندهم منتجات خطيرة جدا ... لكن عندي مشكلة مع شكل الكاميرا .. والفريم الخارجي حقها ..
سوني يا با شمهندس ما قاعد ابدله بي اي ماركة تانية ... الناس ديل خطيرين جدا اي نعم حاجاتم غالية .. لكن ما بتندم عليها ..

Quote: أبشر يا تمبس نهاية الأسبوع نغشى دبي نفتشها ليك

.. والله ا يباشمهندس ما بتقصر .. يديك العافية ..

Quote: يا تمبس الكاميرا دي بروفشنال ما بتكون صينية البضاعة الصينية دائما من الموديلات العادية لكن اليابانين بخلوا الحاجات التقيلة دي لي نفسهم وبسوها براهم لانو لكن زي البتخيل لي كمرتك دي موديلها قديم شوية ومرات سوني بتسحب الموديلات القديمة من السوق عشان الموديلات الجديدة وخلي بالك من الحكاية ديفي موديلات أصلية موجودة في دبي ومتأكد أني حا القاهم لو بي فتيش بسيط كمان Sony A230

.. كلامك مظبوط يا باشمهندس .. الكاميرا دي ممتازة جدا .. ولقيته في السوق هنا .. وكنت عايز اشتريها لكن فضلت الكاميرا القديمة دي عليها لاسباب كتيرة جدا لانو فيها خاصية ما متوفرة في الكاميرا دي هي خاصية التصوير بي زوايا محددة دي بتعتمد فيها على تحريك الكاميرا بي اوضاع معينة دي بتمتاز بيها الكاميرا القديمة حقتي يعني مثلا عاين البوزيشن دا ..

.. وهو وجود مفصلات وسطية بتحرك ليك الزوم بشكل كامل بيتناسب مع اي دوران وبتحتفظ بالوضع الرئيسي للشاشة ..
فعلا كلامك سليم .. سوني أو اي شركة منافسة بتسحب الموديلات القديمة .. من السوق علشان تمرر الموديلات الجديدة .. وللاسف في موديلات ما اتكررت بالرغم من التطور التقني في الموديلات الجديدة .. في كاميرات تصوير فيديو فيها نظام مونتاج داخلي اختفت من السوق لانو الموديلات الاتصنعت منها اتصنعت لمرة واحدة .. والآن مع ظهور تقنية برامج المونتاج الكاميرا البتقوم بالخاصية دي بسيطة جدا .. واحيانا بتلقى ميزات في القديمة في الجديدة ماف .. والعكس برضو ..

Quote: في موديلات أصلية موجودة في دبي ومتأكد أني حا القاهم لو بي فتيش بسيط كمان

.. عارف الموديل حقي دا فتشت عنو كتير جدا عند متخصصين وفي الاسواق .. لقيته عند واحد فلبيني ورفض .. إنو حتى يخليني اهبشة بي يدي .. والله زول نجيض خلاص انا لمن ذاتي اتكيفت منو ..
الكاميرا الفـا دي ممتازة جدا .. وهي بديل كويس .. لكن برضو عايزه ليها شوية بتاعت مشورة في الراس .. لانو القديمة دي معلقة معاي شديد ..

They ask me انا المسكين دهـ Assisstane

Do you belive الحاجة دى ..


الأخ بدر الدين اسحاق طلب مساعدة: دكتور جامعي و ملحق إعل...مي سابقا و حرامي نت


انا ذاتــى عايز Help امكن شـرك !!!!






ترمة :بختك والله يهنئك بحرمكم الفالحــة .. بيـه( 1000000000000000000000) Man

Quote: They ask me انا المسكين دهـ Assisstane Do you belive الحاجة دى .. انا ذاتــى عايز Help امكن شـرك !!!! ترمة : بختك والله يهنئك بحرمكم الفالحــة .. بيـه( 1000000000000000000000) Man

يا بدرالدين كيفنك؟؟
قلت لي كوستاوي عامل ليك فيها مفتش بتاع سرقات نتيه ..؟
دا بتاع حركات طبعا .. المرة الفاتت اتزنق عمل فيها رايح .. ومشى خلى البورد ..
كدي اديهو صنة نشوف نهايتو شنو .. شايفو رجع لي حركاتو دي تاني ..
..
شكرا يا مان .. الوايف دي زولة صالحة جدا وبتنجز بشكل جيد وصبورة ..

اسامه صباحك فل
سايق يلو كاب فى نيويورك ولا شنو ؟
سمعت عن اهتماماتك الحزبيه لكن لم اتشرف بلقاك
تحياتى


تمبس ذى ما قال اخونا غالى طلبك رخيص
بس تخيل انا كنت قايلك داير تطلب شنو؟
نعمل حشد جمهورى امام البيت الابيض نطالبهم بدعم الوحده
انا قلت الزول ده قرأ افكارنا ولاشنو
مودتى

عريسنا العزيز تمبس

Quote: كان خيروني بيها وبين اي موديل حديث حاليا .. بالرغم من التقنية المتقدمة والحاجات الخطيرة والامكانيات .. فصدقني ما ببدله بي اي كاميرا ..

شكلها الكاميرا دى كورلا موديل 87
يعنى يا عريس عايز تقنعنا إنو التكنولوجيا ماشه لورا؟؟؟
والله يا تمبس أى طلبك منك ...مجاب بلا كشرة ....غايتو ختنى فى اللسته..

الأخ العزيز خيرى

قود مورنينق بالسودانى...

Quote: اسامه صباحك فل سايق يلو كاب فى نيويورك ولا شنو ؟

يا أخوى خيرى بطل حسادة على الإجازة وبارك لينا عيد إستقلال أمريكا.....
وهسع قاعدين نغنى " اليوم نرفع راية إستقلالنا..."

البلابل قالو" البيسأل ما بتوه"...
والله إحنا الخسرانين ..تقطع البحر

Quote: سمعت عن اهتماماتك الحزبيه لكن لم اتشرف بلقاك

كُتبت علينا السياسة وهى كرها لنا... وأتمنى أن لا أخسر من أجلها أى إخوة صادقة...
وأتمنى أن تكرر زيارتك ونسعد بلقائك...

ياود الصائم

ياخي اللون البمبي ده الحرامي بيشوفوا من بعد تلاته كيلو هاهاها ولا تلدغ كاميرا من عربية مرتين

اقترح انو اللون يكون زي الحرباء ( كاموفلاج ) يتلون حسب الزمان والمكان عشان تمبس ده نفسوا قصير مابيقدر على كاميرتين في فترة بسيطة .

لكن ياتمبس الموضوع ده مامستاهل امريكا بعتقد انها موجودة في الخليج نخلي مراسلنا في البحرين يفتشها ليك ويرسلها مع الدريم بوكس لوووووولز

ح اشوفها ليك هنا وان شاء الله نلاقيها طبعا الكاميرات البتمشي امريكا الاكسسوارات بتاعتها بتختلف من بتاعة الخليج زي قابس الكهرباء واخرى

بعدين طلبك ده جاء في وقت مناسب ممكن واحد يهديها ليك بي مناسبة اليوم الوطني بتاع امريكا الجماعة يكونوا عملوا باربكيوز وشربوا شربوت وناموا يعني بوستيك ح يتفعل بي اربعة ساعات لووولز

تحياتي

زاتوووو

Quote: ياود الصائم ياخي اللون البمبي ده الحرامي بيشوفوا من بعد تلاته كيلو هاهاها ولا تلدغ كاميرا من عربية مرتين اقترح انو اللون يكون زي الحرباء ( كاموفلاج ) يتلون حسب الزمان والمكان عشان تمبس ده نفسوا قصير مابيقدر على كاميرتين في فترة بسيطة .

والله يا دكتور كان عندي كاميرا رسلتها لي اخوي .. عارف شنطته براها إلا يشيلوها نفرين .. العدسات والفلاتر الفيها لحدت الآن ما لاقيها ..
تخيل خاتيها في العربية البوكس بي ورا .. وقوم انزل امشي اشتري صاعوط ... تخيل من قبل خمسة سنة لحدت ألآن بيفتش عليها .. يعني كيس بي طلطاشر جنية يضيع ليك كاميرا زي دي .. لحدت ألان كلما اتذكره جسمي يكش عديل كدا ..

Quote: لكن ياتمبس الموضوع ده مامستاهل امريكا بعتقد انها موجودة في الخليج نخلي مراسلنا في البحرين يفتشها ليك ويرسلها مع الدريم بوكس لوووووولز

.. المصادر الخارجيين ديل يا عمك ما بدوك النجيضة .. حسع بقيت شغال اوفر سيز .. الخواجات ديل (صادقين) .. الواحد كان ما لقى ليك حاجتك .. بيجي يعتذر ليك مرات ببكي عديل كدا ..

Quote: ح اشوفها ليك هنا وان شاء الله نلاقيها طبعا الكاميرات البتمشي امريكا الاكسسوارات بتاعتها بتختلف من بتاعة الخليج زي قابس الكهرباء واخرى

فعلا كلامك صاح .. عشان كدا ان عايز المتابعة دي من الشباب ديل .. علشان اتأكد من القصة دي .. بالمناسبة في ارقام كدا بتديك الكاميرا المتوافقة اقليميا حسب المنطقة الفيها إنت .. والله نسيت الأرقام دي ... بتلقاها عادة مكتوبة في الجهاز بي ورا .. بعدين حتى النظام التشغيلي زاتو احيانا بيكون مختلف ودي بتكون موجودة اكتر في كاميرات الفيديو والانظمة الفيها بتكون مصممة على نظام أوروبا أو أمريكا فقط للتشغيل ..

Quote: بعدين طلبك ده جاء في وقت مناسب ممكن واحد يهديها ليك بي مناسبة اليوم الوطني بتاع امريكا الجماعة يكونوا عملوا باربكيوز وشربوا شربوت وناموا يعني بوستيك ح يتفعل بي اربعة ساعات لووولز

.. طبعا حرقت لينا المفاجأة
البوست دا انا عاملو مفاجأة بمناسبة عيد ثورة الانقاذ بتاعم .. .. يا بوي باربكيو شنو .. والله حسع تلقاهم مجهجهين ليك (الدقيق) دا جهجهة .. بيتزا سااااي وقراريص ..

Quote: أوع يكون لونا بمبي!

هسه انور التكينة ده سالكم (:

Quote: بفتش عن موديل كاميرا .. غير متوفر حاليا .. لانو الشركة وصلت .

فا النهاية طلعت كاميرا

كاميرا دا مين عندينا يا شيــه..

جيب المواصفات وبكرة نديك النجيضـة

يا تمبس

Quote: والله يا الصادق عايز النجيضة ..؟

نجيضتك انا ما بدوره دورة شديدة خلاس وعارفها كويس

بس اقيف قبلك عرفت الكيس حق عصام الدايرو دا
عصام دا عزيز من ايام مدني وحي مايو الجميلة

لو في طريقة بنرسلوا ليهو لكن يصلوا هناك كيف
الجماعة ديل لو قبضوهو ما ودو الزول الشايل الكيس دا التوج

الصادق

Quote: نجيضتك انا ما بدوره دورة شديدة خلاس وعارفها كويس بس اقيف قبلك عرفت الكيس حق عصام الدايرو دا عصام دا عزيز من ايام مدني وحي مايو الجميلة لو في طريقة بنرسلوا ليهو لكن يصلوا هناك كيف الجماعة ديل لو قبضوهو ما ودو الزول الشايل الكيس دا التوج

غايتو يا الصادق حقو اكتبك اقرار بي توصيل الكيس دا .. عشان الزول دا يتشبك فيك .. .. لكن بيني بينك كدا يا الصادق .. قالو حق لندن شديد .. والاسكتلنديين ديل قالو عندهم حاجة كدا .. كان ما اتغديت كويس وحبست ليك بي قزازة سمن .. اوعه تجازف ..

دى قديـة يا تمبس، من 2003، والزووم بتاعها 7 مرات فقط.. أفضل شئ فيها العدسـة زاوية عريضـة

فى كمرات جديدة بزووم 70 (ضوئى وليس رقمى) Optical zoom

Quote: دى قديـة يا تمبس، من 2003، والزووم بتاعها 7 مرات فقط.. أفضل شئ فيها العدسـة زاوية عريضـةفى كمرات جديدة بزووم 70 (ضوئى وليس رقمى) Optical zoom

.. أبو الريش ..
شد واركب ابوي انـا ..
دي زولتي ذاتـه .. وجبت النجيضة وجيت بيها ..
زوم سبعين يا ابو الريش إنت قايلني عصام عبد الحفيظ ؟
ياخ الكاميرا دي حسع اسالك من سعره تقول لي بي عشرة الف دولار .. وتطلبه من الشركة .. والشركة تجيبه ليك بعد كم سنة وتدفع رسوم تأمين .. إلخ .
ابو الريش دقيقه الله يرضى عليك .. ما تحبطني خليني في الحنينة السكرة بتاعت الفين وتلاتة دي .. وشوف جماعتك ديل عندهم .. كان لقيت من جوه هناك وجاهزة من مجاميعو .. اديني النجيضة .. عشان اتواصل معاك الايميل فوق ..

Quote: فا النهاية طلعت كاميرا كاميرا دا مين عندينا يا شيــه.. جيب المواصفات وبكرة نديك النجيضـة

يللا يا ابو الريش في انتظارك .. المواصفات والحاجات كلها معاك ..

Quote: هسه انور التكينة ده سالكم (:

يا فيصل ..
أنور التكينة كاميرتو اي نعم بمبيه .. لكن الزوم بتاعو النوع البجيك طالع ويعمل صوت داك .. ززززززز
دي كاميرا كبيرة حقتنا دي ياخ .. إنت عايز تدردق دينق هنا واللا شنــو ..؟
دينق دا انا عامل ليهو بلوك من البوست دا .. ولو جا هنا بي كاميرتو البمبية دي بحملك المسؤولية إنت

اسمع ..
النضارة بتاعت الرسيفر الـ 3D عامله كيف ..؟ سمعت تحت تحت كدا قالو .. مشيت اتصورته بيها .. غايتو عندك اصحاب ما بيريحو خالص .. شنافين خلاص وما بيحبو الحاجة الكويسة للواحد

إنت صحي مشيت اتصورت بيها ..؟

Quote: اسمع .. النضارة بتاعت الرسيفر الـ 3D عامله كيف ..؟ سمعت تحت تحت كدا قالو .. مشيت اتصورته بيها .. غايتو عندك اصحاب ما بيريحو خالص .. شنافين خلاص وما بيحبو الحاجة الكويسة للواحد إنت صحي مشيت اتصورت بيها ..؟

غايتو بالجد طلع حاقد ..
ده كلوعشان قلته ليه ميسي قرب يجي طالع من الشاشه يتغدي معانا كاااااااااااااااااااااااااك وهو قاعد مباري لي القهاوي يحضر في الكوره مع المصريين تركوهو او قطعو معاهو ناشف..
لكن والله عبرك انا احيي الخواجات والخواجيات الاحياء منهم والاموات ..قصدي طبعا الخواجات الجد جد ما الضاربين الانت راجيهم ديل يا تمبس..
وبعدين اتصور بيها وين ياعمك انا هسه بفتش في زول ما شي هناك عشان اديه الكراتين الفاضيه لصاحبنا الحاقد داك عشان يدردق فوقهم ..

Quote: وهو قاعد مباري لي القهاوي يحضر في الكوره مع المصريين تركوهو او قطعو معاهو ناشف..

.. لا والله يا فيصل صاحبك دا .. قاعد يجي يحضر الكورة معاي انا قاعد اللبس النضارة حقتي .. بتاعت النظر .. وعندي نضارة شمسية مديها ليهو وقلت ليهو دي بتعمل ثري دي .. واحتمال كبير ابيعه ليهو في كورة الكاس

Quote: لكن والله عبرك انا احيي الخواجات والخواجيات الاحياء منهم والاموات .. قصدي طبعا الخواجات الجد جد ما الضاربين الانت راجيهم ديل يا تمبس..

.. الخواجات ديل يا فيصل بيشتغلو بي نظام الساعة بالمتر المربع .. يعني النظام بتاعهم دا ما بتوافق مع النظام بتاعنا هنا دا .. علشان كدا الأمر بيظهر ليك عكس ما تراه .. يعني إنت بتشوفو بي زاوية عكسية وهم بيشوفوهو بي الـ 3D عشان كدا بيظهر ليك انهم خواجات مضروبين .. لكن هم في الحقيقة خواجات جد .. جد
في واحدين حنكم بيش طبعا .. والأمر دا ممكن نعزيهو لي أنهم .. لسة ما اتاقلمو على نوعية الاسئلة والطلبات حقتنا بتاعت دول العالم التالت دي ..

Quote: شكلها الكاميرا دى كورلا موديل 87 يعنى يا عريس عايز تقنعنا إنو التكنولوجيا ماشه لورا؟؟؟ والله يا تمبس أى طلبك منك ... مجاب بلا كشرة ....غايتو ختنى فى اللسته..

.. والله يا اسامة اول حاجة اشكر اهتمامك وخاتيك في اللستة وووش .. اكان جاتك مشية على كوشة الجبل بتاعتكم دي ختني في بالك
التقنية ماشة كويس يا اسامة لكن بالمقابل ما كلها متواكبة مع الذوق العام للواحد ولا لي مزاجو الخاص .. وفيها التجاري جدا .. وفيها المضروب المغشوش .. يعني حسع السودانيين بي تمسكم بي كوريلا سبعة وتمنين دي انا بعتبرو نوع من الذكاء .. ياخ هنا في عربات مصنوعة بي مواصفات عجيبة جدا .. العربية كان جيت ماشي بي جمبها عادي جدا ممكن تتفرتق خليها انها تتعرض لي حادث .. ودي الموديلات الجديدة دي .. وتلقاها مليانة لي حلقومة تقنية بي جوه سنسر .. ومشغلات موسيقى .. وإجراءات سلامة واكياس هوائية .. وديزاين عجيب جدا مصنع حسب مواصفات الكمبيوتر ... لكن بالمقابل حاجة صغيرة ممكن تفسد ليك تقنية الحاجات الجوانية دي كلها ..
غايتو لو عايز نصيحتي .. كورلتي دي من كوشة جبلكم دي احسن لي الف مرة من اي موديل تاني .. ياخ دي لو شلتها في يدك ساي الرحمن بدخل قلبك ..

Quote: تمبس ذى ما قال اخونا غالى طلبك رخيص بس تخيل انا كنت قايلك داير تطلب شنو؟ نعمل حشد جمهورى امام البيت الابيض نطالبهم بدعم الوحده انا قلت الزول ده قرأ افكارنا ولاشنو مودتى

.. والله يا خيري البشوف الاعلان بتاعك بتاع العشرين سنة دا يقول بتجيب كاميرا فيها شريحتين .. الحشود الجماهيرية دي عندي معاها حساسية طبعا .. من ما كنت في الابتدائي ..
..
مظاهراتك ما بناباها .. لكن الفيك انعرفت ..

جدا يا حاج

الساعـة عندنا الان 9 بالليل، بكرة ولو ربنا حيانا اجيب ليك خبرا.

وبرضو أجيب ليك خبر ام سبعين إن شاء الله

Quote: جدا يا حاج الساعـة عندنا الان 9 بالليل، بكرة ولو ربنا حيانا اجيب ليك خبرا. وبرضو أجيب ليك خبر ام سبعين إن شاء الله

تمامين يا ابو الريش .. دا كلام زي الورد .. انا راجيك في البوست بتاع الخواجات دا .. النشوف حركاتم دي ..

Quote: انا راجيك في البوست بتاع الخواجات دا

تمام التمام..

بالمناسبة إنتو فى اى قريـة؟

أخونا تمبس سلام, اتفق معك ان هذه الكاميرا ذات جودة عالية جدا لكن كل الكاميرات المعرووضة من هذا النوع في Amazon.com مستخدمه ومن خبرتي القليلة لا يأخذني الحماس لشراء أجهزه الكترونية مستخدمه مالم اراها بنفسي ... في الرابط ادناه مرفق موديل اعتقد قريب جدا من موديلك وبراند نيو .. والاوبتكال زووم افضل.



http://www.bestbuy.com/site/Sony+-+Cyber-shot+9.1-Megap...897854&skuId=9327105

Quote: ومن خبرتي القليلة لا يأخذني الحماس لشراء أجهزه الكترونية مستخدمه مالم اراها بنفسي

أنور ..؟
سلامات ياخ .. معقولة تجيبك الكاميرا دي ..؟
وين الحي بيك يا رجل .. ؟
فعلا يا انور الالكترونيات المستعملة دي فيها مخاطرة شديدة .. ودي طبعا القاعدة الثابتة حقتي في التعامل مع الالكترونيات ما لم اقوم بفحصها بي نفسي .. لكن الكاميرا دي تعبتني شديد والموديل طبعا مسحوب .. فهي في النهاية عملية مجازفة بالرغم من وجود البديل .. لكن تفضل هي الكاميرا المميزة لي .. والبوست دا طبعا علشان لو يف زول قريب لي الجماعة العارضين ديل يتأكد لي من الحالة حقت الكاميرا .. وفي النهاية حاجات زي دي يا أنور الواحد بيشتريها شختك بختك .. والواحد بيشتري وهو مغمض ..
شكرا على الرابط دخلت عليهو طبعا.. عارف يا أنور كان عندنا واحد من الاخوان هنا عندو كاميرا قريب للموديل دا .. اشتريناها ليها اسبوعين حصل فيها خلل .. بقينا كل يوم نمشي نوديها لي المكان الاشتريناهو .. لانو مشمولة بالضمان .. يرجعوها يقولو ليك الكاميرا اشتغلت .. يرجع بيها صاحبنا نفس العلة فيها .. في النهاية زهج منها .. وزهجنا نحن زاتو معاهو .. علشان كدا .. بقيت اخاف عديل من الموديلات دي .. يا اما ماف ناس متخصصين للحاجات دي وبيعرفو يتعاملو معاها يا كمان المسالة حظوظ .. على العموم براجع الرابط دا بي مهلة شديدة واشوف الخيارات شنو..
شكرا يا انور .. وابقى اظهر ياخ .. تحياتي ليك والاسرة .

تامبا يا صاحب ..
عارف أنا لي زمن طويل ما مسكت لي كاميرا في يدي دي ..
جاتني نفسيات عديل من الكاميرات الحايمة في السوق ..
وقررت إنو ما أسعى لي كاميرا إلا تكون العدسته زي بتاعات الملاعب ديك من ناحية الإمكانيات وباقي المواصفات العالية ..
يا حليل الإتش بي الكانت عندي ياخي ديك كانت حنينة وفيها صورة إبداع عديل كده ..
أول حاجة الكاميرا لازم يدوك ليها تطلع بيها تيسته بعد داك تشتريها ..
المهم بعد ما تصلك واحدة نقرر ..

العزيز TM
سلامات
يا أخى جمبك المنبع زاتو .
مالك ومال سوق الضهارى . والله يا TM أخوى أنا كنت بكون فى سوق
البرودوى ده من 5 صباح لاحدى 11 بالليل .
السوق هنا يعتمد على الصورة , الاعلان .
يقول ليك 50 You Could Win دولار .
والشغل المضروب ما يديك الدرب .
يا تمبس أنا كنت فى دبى شهر 5 السنة الفاتت .
اشتريت وأحدة SONY
CYBER - SHOT
DSC - W310 مافى كلام
والسعر فرق كبير من سعر ما نهاتن مع ضمان 3 سنوات .
تمشى دبى سوق مرشد 3 شوارع جنوب بنك المشرق . بس هناك .
يا أخى هنا فى نوع كاميرات تصور Angle Harmon تطلع ليك صورة نفيسة بنت
جبر الدار .
تحياتى لكم جميعا و للمضارب

يا تمبس ياخي عندنا قريبناناقلين ليهو كلية امريكية ومن يومها انقليزيتو اتصلحت ولونو فتح.اها دا بينفع ؟؟

أوع يكون لونا بمبي!



والله غايتو الزول ده؟ مصيبه!!تمبس يعنى اوكى مع ابو الريش
انا ذاتى مشغول بمواضيع تانيه انى وى
تحياتى

Quote: إنو ما يكون عندك اي علاقة بتاعت اسرار بينك وبين مجنون ..

Quote: واحد فلبيني ورفض .. إنو حتى يخليني اهبشة بي يدي

لاحول ولا قوة إلا بالله








_____
هل ثمة علاقة بين الفلبيني و المجنون ؟

تدفع كم ؟؟

Quote: تدفع كم ؟؟

دي شنو الحركات دي يا عمران .. ؟
...
الأخوان بيناتم حساب كمان ..؟

Quote: عارف الموديل حقي دا فتشت عنو كتير جدا عند متخصصين وفي الاسواق .. لقيته عند واحد فلبيني ورفض .. إنو حتى يخليني اهبشة بي يدي

تتصور جنبو وتمشي لاقرب سفاره غربية دي اسمها دسكرمنيشن

Quote: تتصور جنبو وتمشي لاقرب سفاره غربية دي اسمها دسكرمنيشن

دسكرمنيشن ..؟
دسكرمنيشن .. دي بالجديد مش كدا ..؟
والله كويس شايف أوروبا نفعت معاك ..
ذكرتني زيكو .. قاعدين في المانيا .. قالو ليهو الجو كيف ..؟ قاليهم والله الجو أوروبي ..
..
غايتو يا زول ما مشكلة انا بتصور ليكم معاهو .. برسل ليك الصور دي (تحمضه) وتعبي لي الفورمات وتتم لي باقي الشغل دا .. (وكيسي) تجيب لي الرقم بتاعو في الخلاء بتاع سوق ليبيا في أقرب دخله ليك مع سيف مساعد.. وأهو منها نعزمك فطور في قندهـار .. شايف اكل الاستيك .. والبيتزا دا عامل ليك (كوفارة) شديده ..

Quote: هل ثمة علاقة بين الفلبيني و المجنون ؟

...
.. طبعا لا ماف اي علاقة بيناتم ..
لانو المجنون دا .. ما المجنون القاصدو إنت .. وحتى الفلبيني زاتو .. ما الفلبيني المقصود بالضبط في الحتة دي ..
أرجو أن تنظر للجانب التقني في البوست ..
تاني لو حاولت التشكيك في مصداقيتي في البوست دا يا في اي مكان في البورد دا ... بتتعب معاي
انا عندي ليك تسجيل بيثبت كوزنتك من تلفزيون السودان لكن ما لاقيهو طار وووين
حظك زاتووو حظ عجيب ياخ ..
..
يا حليل عمارة الضرايب لما كنت بلقاك والوكت داك كنت خنفس .. كان فتحت ليك بوست من الوكت داك .. لكن بس ما بتدي حريف

Quote: والله غايتو الزول ده؟ مصيبه!!تمبس يعنى اوكى مع ابو الريش انا ذاتى مشغول بمواضيع تانيه انى وى تحياتى

.. يازول كلام تمام .. ابو الريش عندو خيارات .. ومعروف عندو خيارات .. عبد العزيز عندو خيارات ..
كدي لا تخلص من مشغولياتك دي .. ادينا طلة احتمال نكون عايزين لينا حاجة تانية .. يا خواجة

طيب ماتجاوب ود الصايم ده

Quote: طيب ماتجاوب ود الصايم ده

.. ود الصايم دا برضو مشغول زيك كدا .. كان اتجاوب تاني ما بيجي ..
ودا ما من مصلحتي طبعا ..

Dear Timbs

Sony or not Sony you well Agony

Don't care about those brokers

Read it carefully

These have serious faultsThis review is from: Sony Cyber-shot DSC-F828 Digital Camera [8MP 7xOptical] (Electronics)
Having owned 4 Sony cameras in the past few years, I was eargerly waiting the arrival of the F828. What a disappointment. Either it is badly made/designed (trying to fit 8Mp into a 2/3 sensor) or seriously faulty. Sony claim neither, but eh, they would!
Every review site I've seen say the same thing - there is a tremendous amount of Chromatic Aberations (known as purple fringing) and far too much noise in ISO 200 onwards. In fact, from one shot at ISO 800, the picture was totally unusable. Compared to the Canon 300D, Sony's ISO 64 was around Canon's 400 for noise. This is far from acceptable for a camera of this class and price.
Having seen around 200 example photos and read over 2000 newsgroup messages, it seems I'm not the only one with this problem. knowing for sure over 30 people in the UK e-mailed Sony in the past 3 weeks, Sony still claim no-one has contacted them regarding any 'problems'. Strange then why Sony China has recalled the cameras and the release date is now put on hold due to a CA 'error'.

The lens is not as sharp as the replaced F717 although the controls are better set, and the camera is nicer to hold. Being able to use the much cheaper Compact Flash cards is a bonus though.

End of the day for me the most important factor is quality, and quality you do not get from this latest flagship from Sony. Sadly, this turkey will cost Sony a lot of future custom. Not just because of the problems it has but because of their denial of the problems and lack of concern to put it right

الاخ تمبس


تحياتي......ومشتاقين ياحبيب


أي خدمة يا غالي.....

سلام يا تمبس،

النجيضـة..

لفيت شارع هواشانق بى كلو، اللى هو شارع الكمبرات واللابتوبات وكل الهتش الاللكترونى.
حتى اللحظة لم اجد هذا الموديل، الموديلات كلها مصنعة هذا العام او العام الماضى.
لقيت البديل المناسب لكن تحتاج تعمل دروس تقوية ليومين تلاتـة

1- Sony a500
الشكل الخارجى نفسـه، 20 مرة زوم ضوئى، ساعتين فيديو، عدسـة إضافيـة طولها حوالى قدم
لو هفت معاك ومشيت الدندر ممكن تصور الاسد من بعيد بعيـد، 12 ميقابكسل

الثمن 6200 يوان أى حوالى 3100 ريال، أو 925 دولار بالقديم ولكن فى هـذا الموقع معروضة بحوالى 500 دولار فقط، إحتمال لأنها هناك بدون العدسة الإضافيـة

عارف يا تمبس (على وزن عارف يا...)

السوني بالجد كنت مغرم بيها وأمتلكت اكتر من كاميرا من سوني ال p20 وواحدة w7 وهسع عندي واحدة خربانه مامتذكر ماركتها برضه من الدبليو

لكن ال w7 كانت كاميرا جميلة جدا وضاعت في تاكسي من اولاد اختنا وربنا يعوض

طبعا كلهن كاميرات عادية ما بتاعت محترفين لكن فارقت السوني لمن عرفت حكاية سحبهم للماركات دي لانو واحد قريبي اشترى ليه كاميرا واتعطلعت وهي تحت الضمان وكلفني اوديها الوكيل مشيت الوكيل طالبوني بالضمان تعبت عشان اجيب الضمان ظهرت المشكلة انو الماركة دي انسحبت من السوق وما موجودة وما ممكن تصليح الكامير وكل يوم امشي واجي عند الوكيل لمن وجهوني امشي الشارقة ومشيت الشارقة لقيت ناس سوني عندهم مخزن ضخم مخزنين فيه كمية كبيرة من الكاميرات المسحوبة فتشنا مالقيناها قعنت منها المهم عوضوني كاميرا مواصفاتها اقل من اختها رسلتها لي زولنا وحمدت الله

اتجهت للكانون جبت لي G9 كاميرا جميلة جدا واخدت زمن طويل عشان اعرف كل امكانياتها شالها واحد في حق الله ساي سمبلة اتعوض فيها ربنا جبت Canon Powershot A85 جميلة جداً وذكرتني ال w7 برضه قعلتها واحدة من الأخوات هسع بقيت على Canon Powershot A480 وحمدت الله عليها

لو لاحظت الكاميرات دي كلها بتستخدم بطاريات عادية صغيرة نوع AA لانو في كاميرات بتكون بطاريتهم مختلفة وبتنسحب مع الكاميرات وصعب تلقى بطارية بسهولة وقلت علي إيه وجع الراس حجرين مشحونين في الكاميرا واربعة حجار مشحونين اسبير بره وشاحن صغير يكفيهم كلهم وهسع الكانون دي ماشاء الله الحجرين ممكن يصوروا ليك بالفلاش اكتر من ما يزيد عن 100 لقطة بسهولة

بعدين من غير خجل الشيء التاني الخلاني امشي للكانون هو عقدة الخواجة يا أخي الخواجات ديل كلهم شايلين كانون والعرب والسودانين ديل جنهم سوني وقلت مستحيل نكون افهم من الخواجات

وهسع بحلم امتلك لي كاميرا كانون SLR

السوني في بارعين في كاميرات المحترفين جداً وخصوصا ال SLR وعندهم اختراعات جميلة عملت نقلة كبيرة في التصوير الرقمي لكن مع أحترامي لي اختيارك برضه ما بضاهو الكانون فعشان كدا يا تمبس يا أخوي
كدي شوف ناس الكانون برضه واديهم نظرة يا أخي ما بتخسر

ما عارف ناس السوني زي الحاسي بيهم بقو يكلفتو الشغلانه زي الاحقين السوق

المعروف انهم متربعين عرش اللاب توبات من زمن طويل وطبعاً أول جهاز لاب توب بي ال i7 علموه هم جبناه لي واحد صديق لمن قارنتو بي الاجهزة من dell الأقل منه وشغالة بي i3 لقيت أداءه رغم أنه ممتاز لكن سخانته أعلى منهم

أتمني من أخوانا المحترفين يجونا هنا يفتوا لينا ويوضحوا لينا حاجة كمان وخصوصا الأخ عصام عبدالحفيظ

نسيت اقول ليك كلفت واحد من دبايب الأسواق يستفسر ليك عنها

Quote: السوني بالجد كنت مغرم بيها وأمتلكت اكتر من كاميرا من سوني ال p20 وواحدة w7 وهسع عندي واحدة خربانه مامتذكر ماركتها برضه من الدبليو لكن ال w7 كانت كاميرا جميلة جدا وضاعت في تاكسي من اولاد اختنا وربنا يعوض

سلامات يا هندسة .. عارف انا اتجاهي واجد في الالكترونيات دي .. السوني دي ما قاعد ابدله بي اي موديلات .. زمان كنت ماسك في الياشيكـا .. وأجمل كاميرا امتلكتها كانت ياشيكا .. وعندي صورة لي (جدي والد أمي) انا اعتبره من أجمل الصور القدرت التقطه وبعتز بيها جدا .. لكن طبعا زي ما عارف الياشيكا .. زمانه فات وغنايه مات ..

Quote: طبعا كلهن كاميرات عادية ما بتاعت محترفين لكن فارقت السوني لمن عرفت حكاية سحبهم للماركات دي لانو واحد قريبي اشترى ليه كاميرا واتعطلعت وهي تحت الضمان وكلفني اوديها الوكيل مشيت الوكيل طالبوني بالضمان تعبت عشان اجيب الضمان ظهرت المشكلة انو الماركة دي انسحبت من السوق وما موجودة وما ممكن تصليح الكامير وكل يوم امشي واجي عند الوكيل لمن وجهوني امشي الشارقة ومشيت الشارقة لقيت ناس سوني عندهم مخزن ضخم مخزنين فيه كمية كبيرة من الكاميرات المسحوبة فتشنا مالقيناها قعنت منها المهم عوضوني كاميرا مواصفاتها اقل من اختها رسلتها لي زولنا وحمدت الله

بالمناسبة .. احيانا في حتات بتاعت صيانة بتلقى فيها متخصصية بيحيروك .. مثلا انا عندي هندي هنـا وفلبيني .. ديل عبارة عن جراحين بتاعين الكترونيات الواحد لو الحاجة ما بتتصلح بيديك النجيضة .. لكن لو قاليك بتتصلح معناته بتتصلح .. الضمان يا عبد العزيز ما بعتمد عليهو كتير .. عندي نظرية في الحتة دي .. لانو الضمان مهما كانت مدتو .. بينتهي ليك .. وبعدين جهاز يخرب ليك في فترة الضمان دا الفايده منو شنو..؟ بعد فترة الضمان تنتهي تقوم ترجع للشركة نفسها يقومو يضربو ليك القطعة في مية صنة ضوئية وتطلع مطالب .. مرة كان عندي جهاز استريو ضخم .. من ضمن الاجهزة البتدخل تهريب .. كنت عامل ليهو رف .. وقع من الرف اتضح انو الشاشة الالكترونية الداخلية اتكسرت .. لما مشيت للشركة علشان يعملو ليهو المعالجة .. لقيتم طالبيت سعر اكبر من السعر الاشتريتو بيهو .. علشان كدا بقيت اكل ناري بس ..

Quote: كدي شوف ناس الكانون برضه واديهم نظرة يا أخي ما بتخسر

.. والله الكانون برضو يا عبدالعزيز مغرية .. وقاعد ارتاح ليها بعد السوني ..

Quote: أتمني من أخوانا المحترفين يجونا هنا يفتوا لينا ويوضحوا لينا حاجة كمان وخصوصا الأخ عصام عبدالحفيظ

يازول عصام دا كان جا افتى لينا .. يجيب ليك سعر عدسة ساي بي راتب سنة كاملة لي قدام .. ..
تشكر يا سيدي .. وشوف لينا موضوع السوق دا الحصل فوقو شنو ..؟!

Quote: لفيت شارع هواشانق بى كلو، اللى هو شارع الكمبرات واللابتوبات وكل الهتش الاللكترونى. حتى اللحظة لم اجد هذا الموديل، الموديلات كلها مصنعة هذا العام او العام الماضى. لقيت البديل المناسب لكن تحتاج تعمل دروس تقوية ليومين تلاتـة

يا حاج ابو الريش ..
ســلام ..
دروس التقوية في التعامل مقدور عليها لانو الكمبيوتر دا بيخليك تعافر اي شي ..
لكن ناس هواشانق ديل ببالغو هم قايلين ماف عالم تالت واللا شنـو ..؟
قبل كدا طلبت لي عدسة بتاعت كاميرا من محل هنـا .. قالو لي دي إلا نرسل لي المصدر نجيبه منهم .. قلت ليهم كويس ادوني المصدر دا .. قالو لي لا بنراسلم بي طريقتنا إنت مر علينا بعد يومين ح نديك النجيضة .. مريت عليم بعد يويمن لقيت نجيضتتم نجيضة السواد
طبعا اتعاملو معاي كشخص (نبيل) .. ومليان قروش .. ومن اليوم داك بطلت الحركات دي .. لانهم بيشتغلو بالموديل النزل والحاجات القديمة دي بيعملو منها مجانين
الكاميرا المعروضة دي خطيرة جدا يا ابو الريش .. والسعر مناسب .. كدي النشوف باقي الخيارات
تشكر يا سيدي

Quote: تحياتي......ومشتاقين ياحبيب أي خدمة يا غالي.....

سلامات يا دكتور ..
بي وووين إنت .. ؟ كان في البلد البعيدة ديك .. اديني خبرك ووريني جاي متين ..

Yes tmbis, Iam here in usa, coming after one month (if every thing is ok) so whatever u want u r welcome , ,

Quote: Yes tmbis, Iam here in usa, coming after one month (if every thing is ok) so whatever u want u r welcome , ,

يا دكتور .. تجي بالسلامة ..
كان حصلت اي مستجدات .. بديك خبـر .. لكن شهر دا بعيد شوية ..
تسلم يا دكتور .. عارفك ما بتقصر

Quote: Sony or not Sony you well Agony

والله لكن يا الخواجة خدر ما قصرته ..
حسع انا قايلك كاتب الكلام دا من راسك .. بقيت تخم ساي في كلام الخواجات وتجيبو لي هنا في البورد دا ..

Quote: تمبس ياخي عندنا قريبناناقلين ليهو كلية امريكية ومن يومها انقليزيتو اتصلحت ولونو فتح.اها دا بينفع ؟؟

يا ود الشيخ .. كيفنك .؟
قريبكم دا لو نباتي .. بينفع معاي .. وهو زولي تــب .. لكن مع الكلية وفتحان اللون دا والانقليزية الرابطة دي .. احتمال كبير تمشي معاهو حفلة يفرتقة ليك .. ويدخلك في حتات ضيقة جدا ..
النباتيين في آخر دراسات اتضح إنهم (عميقين) جدا .. والواحد ما بتكلم كتير زاتووو .. تلقاهو كاااضم

Quote: مالك ومال سوق الضهارى

سلامات يا اسامة ..
والله لو عرفته سوق الضهاري دا مفيد قدر شنو .. بتحرسو عديل وتبطل ليهو كل حاجة ..
عن تجربة والله في حاجات بتتلقي فيهو .. لو فتشت في الشركة الصمنعة زاتو ما بتلقاها بس الشغلة عايزه شوية معرفه وبصيرة .. عشان تقدر تتخارج من المضروب وتخارج نفسك ..
دبي دي يا اسامة الضرب زاتو .. الجماعة ديل بقو عاملين زي سوق البططحا عندنا هنـا .. لو عايز اي حاجة بتلقاها .. اي حاجة قاعده .. لكن إنت وحظك .. تشتري الموبايل بي كل المواصفات وفوقو استيكر من الشركة الأم المصنعة .. تديهو يومين .. تلقاهو بقى حاجة تانية .. الهنود والبنغلاديش ديل بقو اصنن من الصينين ..
غايتو كدي نشوف الباشمهندس بيعمل لينا شنو في موضوع دبي دا ننتظرو نهاية الأسبوع .. ومعاهو كل الخيارات بتاعت الكاميرات دي ..
تشكر يا سيدي .. ما نتحرم منك .. وسمعنا صوتك

Quote: عارف أنا لي زمن طويل ما مسكت لي كاميرا في يدي دي .. جاتني نفسيات عديل من الكاميرات الحايمة في السوق .. وقررت إنو ما أسعى لي كاميرا إلا تكون العدسته زي بتاعات الملاعب ديك من ناحية الإمكانيات وباقي المواصفات العالية ..

.. يا مووو .. كاميرا بي عدسة كبيرة زي بتاعات كاس العالم دي ـ بتدخلك في الحتة بتاعت المترفين في الأرض .. ياخ كاميرا زي دي يا مووو إلا تقيف ليك شهرين ما ترسل لي ناس البيت .. وتلاتة شهور .. تجي داخل البيت بدون بطيخ .. وبدون بامبرز لي عموري .. ويوم الجمعة تسردب من البني آدمين والأخوان .. وعربيتك تكب ليها جاز ابيض وتخلطو بي موية وتديها شمومة حقت بنزين .. يازول الشغلانة دي ما هينة كدا ..
غايتو الله يرحم الاتش بي .. الحنينة السكرة والله انا مزعلاني اكتر منك .. ياخ ما بتلقى ليك اي واحدة مطرفة تاني .. إن شاء الله ندخل ليها صندوق عديل كدا..

Quote: تمام التمام.. بالمناسبة إنتو فى اى قريـة؟

سلامات يا حاج أبو الريش ..
نحن طبعا في قرية صغيرة اسمها الرياض .. الله لا وراك ليها ..
بالرغم من إنو العالم اصبح قرية صغيرة .. لكن الرياض دي اكبر قرية تلاقينا .. وما فيها آخر محظة ولا ست شاي .. يعني تربط بطنك .. بس

يا تمبس

سلام ياخ

في واحدة Sony Cyber-shot DSC-F828 8.0 Megapixel
معروضة في ال ebay بتبدا بسعر 375$ والزمن المتبقي من المزاد بتاعا بيستمر لحدي 14 ساعة لي قدام.
مافي زول لحدي اسي خشا في المزاد وغالبا ما ترسى على سعر قريب من دا

ما عارف دي مواصفاتك العايزا ولا لا,

لو الموضوع لفق معاك نتم الباقي في الماسنجر

يعنى اسى امريكا وبتاع دا كلو عشان كاميرا
ياخ ماتحمد الله الرادار مالقطك كان اسى تكون فى
خبر كان بسبب البوست دا... الموضوع ماداير امريكا ولا يحزنون
الجمعة الفاتت مشيت دلالة حلايب مع زول لقيت واحد عارض كاميرا
نوع بتاعت التلفزيون ديك ..شدت ما مسخن كان ممكن يشوف ليك معاها مُصوِر بس تشتريها كيف

Quote: الموضوع ماداير امريكا ولا يحزنون الجمعة الفاتت مشيت دلالة حلايب مع زول لقيت واحد عارض كاميرا نوع بتاعت التلفزيون ديك .. شدت ما مسخن كان ممكن يشوف ليك معاها مُصوِر بس تشتريها كيف

يا طبنجـة ... سوق الأخوان بتاع السودان دا بيدخلك في حتة ضيقة ..
أحسن حاجة تدردق الخواجات ديل .. وتدرعه ليهم في رقبتم .. ولو جات كشـة .. تكون حوالينا ما علينـا .. على الاقل (الطارة) بتاعت الخواجات لما يعكشوك .. بيقرو عليك حقوقك .. وبيقولو ليك ممكن ما تتكلم لحدت ما يجيك محامي .. لكن والله يا طبنجـة بي كميرتك دي .. تطلع بيها من سوق الأخوان قبال ما تصل البيت .. يلموك تبقى في البحلك ..

Quote: يا تمبس سلام ياخ في واحدة Sony Cyber-shot DSC-F828 8.0 Megapixel معروضة في ال ebay بتبدا بسعر 375$ والزمن المتبقي من المزاد بتاعا بيستمر لحدي 14 ساعة لي قدام. مافي زول لحدي اسي خشا في المزاد وغالبا ما ترسى على سعر قريب من دا ما عارف دي مواصفاتك العايزا ولا لا, لو الموضوع لفق معاك نتم الباقي في الماسنجر

.. دي حاجة كويسة يا معروف دخلت عليها حسع دي
http://cgi.ebay.com/Sony-Cyber-shot-DSC-F828-8-0-Megapi...&hash=item4cf032b64a
دي نفس المواصفات .. طبعا معروضة معاها برضو نفس الكاميرا بي اسعار مختلفة ..
كدي النشوفك في الماسينجر لو صاحي ..

أعمل لي اضافة هنـا في دا .. yashoogy في الهوت ميل .. انا راجيك ..

سلام يا تمبس
الكامرا معروضه الموقع ده جديده بي 1499
http://pcmonde.com/index.php?page=shop.product_details&...id=5&product_id=9429


مع تحياتى

عنوانم
895 B St
Hayward, CA 94541



قريب من خواجات سان فرانسيسكو

أخونا زمان علاء اخبارك
انا الآن فى السودان وعيان من جيت والله الا مرقتا مرة او اتنين مره عقبتا انعام حيموره فى الشغل ما لقيتا ومرة مشيت للعوض المسلمى وبرضو ما لقيتو لكن لقيت
السيد ولاقيت معاهو وديدى وما عرفنى
المقدمه دى لانى متلوم فى الناس شديد ولكن الله يعلم ما داير اتعبوم خصوصا وانى ساكن فى اخر البلد
المهم
يا زول ابشر انا عندى حساب مع ناس , e bay ومستعد تماما لاى خدمة حديك اسم الجساب وكلمة السر وتشترى انت عشان تخت البيد البريحك وبرضو عندى
حساب مع ناس paypal ممكن ندفع بيهو بعداك يرسلو لى الكاميرا فى بيتى حا تلقى عنوانو لما تدخل الحساب وعشان تسهل الموضوع ممكن تكتب رساله داخليه
فى e bay عشان يرسل لييك مباشر للسعودية ولو عايز يرسلوها عندى فى البيت ونرسلا ليك مافى مانع
المهم لزيادة التفاصيل اضرب لى على 00249123817862 وعشان اديك الباسس ورد واليوزر نيم بتاعت e bay
الكاميرا تستاهل وصاحبا قال زى الجديدة ما تضيعا لانو انا اشتريتا جديده قبلى كدا بى 1500$
يعنى دى ما اظن تفوت تا 400 لانو كاتب باى ات ناو بى 475$

Quote: يا زول ابشر انا عندى حساب مع ناس , e bay ومستعد تماما لاى خدمة حديك اسم الجساب وكلمة السر وتشترى انت عشان تخت البيد البريحك وبرضو عندى حساب مع ناس paypal ممكن ندفع بيهو بعداك يرسلو لى الكاميرا فى بيتى حا تلقى عنوانو لما تدخل الحساب وعشان تسهل الموضوع ممكن تكتب رساله داخليه فى e bay عشان يرسل لييك مباشر للسعودية ولو عايز يرسلوها عندى فى البيت ونرسلا ليك مافى مانع المهم لزيادة التفاصيل اضرب لى على 00249123817862 وعشان اديك الباسس ورد واليوزر نيم بتاعت e bay الكاميرا تستاهل وصاحبا قال زى الجديدة ما تضيعا لانو انا اشتريتا جديده قبلى كدا بى 1500$ يعنى دى ما اظن تفوت تا 400 لانو كاتب باى ات ناو بى 475$

يا ود الجعلي اخونا زمان وحسع دي وكل الأوكات
ياخ الف بعد الشر عليك .. وياريت لو كنا بي هناك .. لانو ما عندي اي فكرة انك نازل ..
على العموم الشباب ديل والله يصلوك في مكانك اصلو ما بقصرو معاك ..
طبعا ناس الـ paypal عندي حساب عندهم ورابط فوقو البطاقات حقتي .. بس ناس ـ e bay ما عملت حساب لكن شكلي كدا ياني العاملو ..
المهم بيناتنا تلفون .. باقي اليوم دا .. وربنا يقومك بالسلامة ..
الوصية في الذمة .. امشي الموردة محلات عوضية بتاعت السمك .. اضرب ليك سمك بتبقى كويس .. دي تكون كوفارة سااي .. يا اكلت ليك نصيبة ما نفعت معاك .. باقي البيتزا دي العملته فيكم ما شوية ..

نبهنى فاعل خير لهذا البوست!

ويعنى ياتمبس عايز توقعنا فى دائرة اللوم سليقة ساكت؟

عموما، نجى للمهم... فياآخى مادام ماعملته حساب لى روحك كمان ماتعمل حساب للمتطوعة التى رافقتك وظنونها عن من تتداخل معهم؟

هسع لو أنا قمته بهذه المهمة العجيبه حاتقول على شنو؟

خالد روبابيكيا؟





فعلى الاقل كان تسأل عن (أنتيك).... حاجه قديمة كده ، وعندها قيمة تاريخية وكده..


غايتو... لو إتزنقته شددددددديد عندك الماسنجر والايميل.

يا كودي تمبس ده فعلا عاوز ليهو واحدة أنتيك ذي دي:





تمبس أها دي كيف... تبيع؟
.............

بالمناسبة أشهر محل كاميرات في العالم هو الـ BH في منهاتن وعنوانه:

http://www.bhphotovideo.com

بس المشكلة ما بشحن للدول دي:

!We do not ship to Iran, Sudan, Cuba, Syria or North Korea


يا سيدي إختار وأدينا بس خبر...

يا تمبس
نحن حارسين وصول الكاميرا للرياض
وحاجزين اول صوره
ماتنسي
من هسه جاهزين
تسريحه وريحه

UP

حسع انا قلت الناس دي تكون ضاربه النوم .. البصحيك بدري كدا شنو ..؟

صباح الخير يا تمبس

بدري شنو يا اخوي

الناس دي يا دوبا اتعشت عشا امبارح؟؟؟

الحبيب تمبس
السلام عليكم ورحمة الله وبركاته
رقم هاتفك على الماسنجر
سلامى وأشواقى
----------------------------
الجماعة فتلو البوست

Quote: رقم هاتفك على الماسنجر

يسـرى سلامات..

لو عايز ترسل ليه كمرتى ولا يهمك، رسلها ليه طوالى..
انتو الاتنين اخوان، عندى ما فى فرق بيناتكم..

Quote: يسـرى سلامات.. لو عايز ترسل ليه كمرتى ولا يهمك، رسلها ليه طوالى.. انتو الاتنين اخوان، عندى ما فى فرق بيناتكم..

.. يا حاج .. لو اصلو الشغلانة كدا .. خلي الكاميرا على يسري وغنت شوف لينا طريقة العربية .. وأهو الشغلانة كلها مربوطة ب بعض

Quote: الحبيب تمبس السلام عليكم ورحمة الله وبركاته رقم هاتفك على الماسنجر سلامى وأشواقى ---------------------------- الجماعة فتلو البوست

سلامات يا يسري .. كيف أخبارك ..؟
البتاع ف يالبتاع .. مع الاشواق ..

Quote: صباح الخير يا تمبس بدري شنو يا اخوي الناس دي يا دوبا اتعشت عشا امبارح؟؟؟

مساء الخير يا هندسة .. غايتو على حسب علمي يا باشمهندس الخواجات ديل فيهم واحدين ما قاعدين ينومو زاتو .. أمبارح بالليل بتصل على واحد خواجه زميل بورد .. الليل كلو اتصل لما انتبهت لي فرق التوقيت .. لقيت ليك الساعة عندهم يمكن تلاتة صباحا .. غايتو اكون عملت ليك ليهو زلزال عديل كدا

Quote: UP

عشان الـ up دي ..
أوعدك أول زولة تتصوري بيها هنا في البورد دا ..

Quote: يا تمبس نحن حارسين وصول الكاميرا للرياض وحاجزين اول صوره ماتنسي من هسه جاهزين تسريحه وريحه

.. تمام يا الكرار .. بس عاين الكاميرا دي مكلفاني قدر كيف .. ما خليته لا في اريزونـا لا ما نهاتن .. لا كلورادو ..
بس بعدين طلعو لينا حقنـا بالعملة الصعبة .. بالريال ما ينفع

Quote: يا كودي تمبس ده فعلا عاوز ليهو واحدة أنتيك ذي دي:

والله لكن يا محمد يس خليفه طلعته زي الكاميرا دي .. ياخ كاميرا معتقة زي دي لو اتلقت مدفونه ليها في مغارة يا في خزنة اثرية قديمة ، وسيدة زاتو يكون ما ناقش قيمته ..
ما تسمع لي كلام دافنشي دا وتفتكر محلات الروبابيكيا دي وهمية والله دافنشي دا يبيعك ويشتريك

Quote: بس المشكلة ما بشحن للدول دي: !We do not ship to Iran, Sudan, Cuba, Syria or North Korea يا سيدي إختار وأدينا بس خبر...

.. تشكر يا خليفة .. انا دخلت على الموقع ، حاجاتم كويسة .. لكن الحقارة بتاعت الخواجات دي اصلو ما بتنفع معاي شنو يعني ما بيشحنو لي السودان .. ؟ وإنتو قاعدين هناك وساكتين ليهم ..؟ أعملو مظاهرات يا أعملوا اعتصام يا اي حركة .. المهم اتحركو معانا شوية

Quote: نبهنى فاعل خير لهذا البوست! ويعنى ياتمبس عايز توقعنا فى دائرة اللوم سليقة ساكت؟

يا خالد روبابيكيا .. كيف أخبارك ..؟
عليك الله دا منو دا البينبهك ويعمل نايم هـو ..؟ غايتو عندكم جنس حركات ..

Quote: عموما، نجى للمهم... فياآخى مادام ماعملته حساب لى روحك كمان ماتعمل حساب للمتطوعة التى رافقتك وظنونها عن من تتداخل معهم؟ هسع لو أنا قمته بهذه المهمة العجيبه حاتقول على شنو؟

عاين يا دافنشي .. المتطوعه دي عامل ليها حساباته في سويسرا وانا بجازف معاكم في الحتات التانية دي .. دا بالاضافة لي إنو عندها التوقيع المعتمد لي اي شئ بتعلق بي الشيكات .. والحسابات البنكية الأخرى .. يعني بي صورة أوضح كدا .. اللعب غيره

Quote: غايتو... لو إتزنقته شددددددديد عندك الماسنجر والايميل.

يازول هوي انت ما قاعد تخدمني بشكل جيد .. انا لو عايز حاجة .. بكلم ندى طوالي .. إنت قلبك قاسي وبتثير الكثير من الفوضى

Quote: قريب من خواجات سان فرانسيسكو

تشكر يا ناصـر جامع ..
دخلت على الموقع .. لكن الكاميرا دي سعره مرتفع جدا في خيارات تانية احسن شوية ..
تشكر على كل حال .. خلينا نشوف خواجات سان فرانسيسكو ديل بقولو شنو .. والله الواحد بقى عالمي عديل كدا .. يتكلم مع الخواجات عادي جدا يعني .. من سان فرانسيسكو مرورا بي اريزونـا والبحيرات العظمى ..

Quote: يا حاج .. لو اصلو الشغلانة كدا .. خلي الكاميرا على يسري وغنت شوف لينا طريقة العربية .. وأهو الشغلانة كلها مربوطة ب بعض

واللاى الواحد ما كان عارف العرس يسوى كدا.. ياخ تطلب من الناس رسوم التصوير قبل الكاميرا تجى وتقول ليهم إنك تعبت
فيها.. أجيب ليك الرابط؟

بعدين بمناسبـة العربيـة والكاميرا على يسرى، ذكرتنى أبواليمن قال للسودانى الشغال معاه: تدرف" (بتشديد وكسر الراء)
الأخ السودانى قالو نعم أدرف.. أبواليمن قالو طيب أنا على السيارة وإنت عليك البنزين والغرامات..
بالنسبــة للسيارة: Chery QQ تنفـع؟

Quote: عشان الـ up دي .. أوعدك أول زولة تتصوري بيها هنا في البورد دا ..

للتوثيق وكدا..
لكي لا ننسى ونعمل رايحين بعدين