Post: #1
Title: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 08:58 AM
|
Post: #2
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 09:00 AM
Parent: #1
الرطاني عزام حسن فرح انت كيف ؟؟
|
Post: #4
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: mayada kamal
Date: 07-05-2010, 09:07 AM
Parent: #2
اخونا معتز
سلامات وكيفك
مافي حاجة اسمها رطانة
اللغة النوبية صارت لغة معترف بها دوليا
يعني هي تخطت مرحلة كونها لهجة
انت جاي تقول الرطاني .............
|
Post: #6
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 09:21 AM
Parent: #4
Quote: اخونا معتز
سلامات وكيفك
مافي حاجة اسمها رطانة
اللغة النوبية صارت لغة معترف بها دوليا
يعني هي تخطت مرحلة كونها لهجة
انت جاي تقول الرطاني ............. |
ميادة يا شقيقة
كيفك يااخ والله ليك وحشة
زولك الرطاني دا بقول علينا عرب
وعرب دي عندو فيها ما فيها
ما بقدر أقول اكتر من كدة ههههه
خلاص يعني بقيتو والانجليز في سرج واحد ؟؟
|
Post: #3
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: عزام حسن فرح
Date: 07-05-2010, 09:05 AM
Parent: #1
دي مُشْكِلتكُم يا ناس الإنقاذ ... دايمًا بِتقلِبو الأمور ... يعني مثلاً عمودك ده بدأ بِتعليق والمفروض ده يحصل بعد الشرح والشرح المُسْتفيض ... لكِن ده حالكُم ... أفتكِر عِندكم فوقا < نظرِية > مثلاً قامت الإنقاذ أردت في كجبار (4) وبعد داك جمعت الناس علشان تشرح ليها محاسِن خزان كجبار ... قتلت في دارفور آلاف وبعدين بِقو يتفاوضو معاهم في أي تربيزة فاضِية وفوقا كراسي ... أفتكِر نحنا في صدد < نظرِية > جديدة في طرح الأفكار والرؤى ... كرهتونا البِتاع ظاطووو ياخ
|
Post: #5
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: عزام حسن فرح
Date: 07-05-2010, 09:09 AM
Parent: #3
| Quote: الرطاني عزام حسن فرح انت كيف ؟؟ |
كيف في عينك ياخ ... إتْ قايِلْني شوك ولا شنو ... ما تحدِثني سببك شنو مع أب سيكار الذي لا يُدانيه طولاً -أي السيكار- إلا كرفتته المزركشه
|
Post: #8
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 09:32 AM
Parent: #5
| Quote: كيف في عينك ياخ ... إتْ قايِلْني شوك ولا شنو ... ما تحدِثني سببك شنو مع أب سيكار الذي لا يُدانيه طولاً -أي السيكار- إلا كرفتته المزركشه |
سببي معاه يوم الجمعة الفاتت دي الصباااااح
ياخي دا فاكيها في روحو فكة عجيبة
في حد يهظر مع الأسد
قال ايه قال قايل الأسد نايم هئ هئ هئ
|
Post: #7
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 09:27 AM
Parent: #3
| Quote: دي مُشْكِلتكُم يا ناس الإنقاذ ... دايمًا بِتقلِبو الأمور ... يعني مثلاً عمودك ده بدأ بِتعليق والمفروض ده يحصل بعد الشرح والشرح المُسْتفيض ... لكِن ده حالكُم ... أفتكِر عِندكم فوقا < نظرِية > مثلاً قامت الإنقاذ أردت في كجبار (4) وبعد داك جمعت الناس علشان تشرح ليها محاسِن خزان كجبار ... قتلت في دارفور آلاف وبعدين بِقو يتفاوضو معاهم في أي تربيزة فاضِية وفوقا كراسي ... أفتكِر نحنا في صدد < نظرِية > جديدة في طرح الأفكار والرؤى ... كرهتونا البِتاع ظاطووو ياخ |
يا عزام يااخي أنا قايلك بتفهما طايرة
انت عارف لو قلنا اي شئ قبل الضحكة والشماتة
يمكن البوست دا يروح في خبر كان
ويمكن باسوورداتنا ذاتا تبقي في مهب الريح
أها عشان كدا قلنا نضحك ونشمت أول
ولا رأيك شنو ؟؟
|
Post: #9
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: عماد الشبلي
Date: 07-05-2010, 09:35 AM
Parent: #7
ودالقريش بسلم عليك من الخرنوم بتاعتنا
ما داير جاجة من اخوك ؟؟
|
Post: #10
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 09:38 AM
Parent: #9
Quote: ودالقريش بسلم عليك من الخرنوم بتاعتنا
ما داير جاجة من اخوك ؟؟ |
داير سلامتو بس
|
Post: #11
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: amir jabir
Date: 07-05-2010, 09:48 AM
Parent: #7
| Quote: اللغة النوبية صارت لغة معترف بها دوليا |
وردى فى لقاء له فى تلفزيون النيل الازرق قال انه كان يغنى باللغة النوبية لكن الثقافة العربية والتوجه العربى للدولة السودانية حال دون
رغبته فى ان يغنى باللغة النوبية لان ذلك شرط الدخول الى الاذاعة والتلفيزون السودانى :
مقدرة مجهودات شباب كوش فى اروبا فى محاولتهم لتفعيل لغتهم ووضعها فى اطار عالمى ونقل تاريخ المنطقة الذى طمرته مياه السد فى المرحلة الاولى
ثم طمرته مياة النيل من جديد فى موضوع السدود الاخير السؤال هل يقبل البرنامج الاسلامى عروبى المتمثل فى المؤتمر الوطنى اى لغة جديد تدخل على مستوى التعليم
او على المستوى الثقافى ؟؟ هل سيغطس الغطاسين داخل مياة بحيرة السد العالى ويتم وستخرج الاثار التاريخيه التى غمرتها مياة النيل ؟؟ هل سيتغير تاريخ السودان فى الكتب المدرسية
وفى المناهج الاكاديمية ويبدا التاريخ من تاريخ الممالك النوبية المسيحي الافريقية ويتم الاعتراف الصريح بان تلك الماللك صهرة الحديد والذهب وصنعة التروث واسست الى اول
مدينة صناعيه فى العالم وان السودان تدهور بعد دخول العرب السودان الى ان وصل هنا ؟؟
تخريمة
اللغة النوبية دى بقت عالمية كيف واعترف بيها كيف يعنى بقت ضمن لغات الامم المتحدة ؟؟ ولا بتدرس كلغة عالمية فى الجامعات العالمية
؟؟ لانو دة كلام كويس والله
|
Post: #12
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 09:54 AM
Parent: #11
Quote: وردى فى لقاء له فى تلفزيون النيل الازرق قال انه كان يغنى باللغة النوبية لكن الثقافة العربية والتوجه العربى للدولة السودانية حال دون
رغبته فى ان يغنى باللغة النوبية لان ذلك شرط الدخول الى الاذاعة والتلفيزون السودانى :
مقدرة مجهودات شباب كوش فى اروبا فى محاولتهم لتفعيل لغتهم ووضعها فى اطار عالمى ونقل تاريخ المنطقة الذى طمرته مياه السد فى المرحلة الاولى
ثم طمرته مياة النيل من جديد فى موضوع السدود الاخير السؤال هل يقبل البرنامج الاسلامى عروبى المتمثل فى المؤتمر الوطنى اى لغة جديد تدخل على مستوى التعليم
او على المستوى الثقافى ؟؟ هل سيغطس الغطاسين داخل مياة بحيرة السد العالى ويتم وستخرج الاثار التاريخيه التى غمرتها مياة النيل ؟؟ هل سيتغير تاريخ السودان فى الكتب المدرسية
وفى المناهج الاكاديمية ويبدا التاريخ من تاريخ الممالك النوبية المسيحي الافريقية ويتم الاعتراف الصريح بان تلك الماللك صهرة الحديد والذهب وصنعة التروث واسست الى اول
مدينة صناعيه فى العالم وان السودان تدهور بعد دخول العرب السودان الى ان وصل هنا ؟؟
تخريمة
اللغة النوبية دى بقت عالمية كيف واعترف بيها كيف يعنى بقت ضمن لغات الامم المتحدة ؟؟ ولا بتدرس كلغة عالمية فى الجامعات العالمية
؟؟ لانو دة كلام كويس والله |
تسلم أخي عامر على المرور والاضافة
محول للأخت ميادة جورج واشنطون
|
Post: #13
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 10:07 AM
Parent: #12
المشكلة مافي الطقطقة الأولى
المشكلة في طبق الحنة وبدون محلبية
قلت عامل فيها عندك مكانة خاصة ههههه هاي
|
Post: #14
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 10:37 AM
Parent: #13
قلت نقدك بناء وطرحك للمواضيع عميق
والله يا ولدي الزمن دا
والبلد دا
ما عميق إلا البير
|
Post: #15
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: عزام حسن فرح
Date: 07-05-2010, 12:58 PM
Parent: #14
معتز قريش
| Quote: يا عزام يااخي أنا قايلك بتفهما طايرة |
يا زول إتْ قايلني بقَيِل في غار حراء ولا شنو؟ كيفِن أفهما طايرا ...
والله أب سيكار بااالغ الحدثك ظاطووو ... إنتو قاعدين ليكُم فوق شرِكة ولا حابسين ليكُم موية يا كافي البلا ... وهسِع يا الأخدر إتْ البخليك تحدِث الظلامي ده بِطقْطقت بكري أبوبكر ليك شنو؟ ياهو عدم تقديرك في الإتنين ... قدرت إنك عندك حصانة من الخور وقدرت إنو الظلامي ود قريش بِيَسْتُرك ... أها خُمْ وصُر ...
ودالأمير قايِل الزمن مهدِية ... فكا ليهو راية حمرا (عمود) مِسْتخبِيه (يعني نقد لِسياسة الأسد في شكل وردة) قام الأسد شاتو ليك (شاتو البِشوت الناس ... وأنتُم تعلمون من هو الذي يشوت الناس [ضحكة تُرابِية مخجوجه]) ما صدق ودالأمير (أنا أتشات مِتْلي مِتِلْ ود فرح أفوو ... بِكون الأسد قاصِدْلو أميرًا تاني) قام تاااني ، فكا ليهو راية حمرا فوقا دانتيل أبَيض بِالجنبات ... قام الأسد شاتو ليك زي الترتيب ... وده كلو في زمن وجيز ... بس 30 دقيقة للشوتين ... الشوت الأول والشوت التاني ... بِدون إسْتِراحة أو فُرصة تبديل ...
مِن كتر الشوت زولنا إتْدهَوب تاااب وبقى مِتْحَيِر ... يا ربي أفوت لِبكري ده الفِجه ... أحرد ... أعمل رايِح ... يا ربي بِكون قرا رايتي المفكوكة رغم الغُرشلي ، زول ... أنا ود الأمير الذي جرى بِسيكارِهِ الإسفير ... أنا الذي خاض غِمار المعارِك ولم تتكرمش كرفتتي ... أنا يِساويني بكري أبوبكر بِالدهماء ... بِالرجرجه ... الله ... الله ... أمِتْني اليَوم قبل غدًا ، فإني يا الله الذي لبس الدِمقس فوق الحرير وملأ مخابِئهُ ضِريسا ...
في البُطانه لقيت لي زول سرقو بقرو وتسمعو بِقول بِعِلو حِسو وبِعايِن لِلسما:
- يا الله هووووي ... خليني أبقى الله فِرِد يوم ... حرم أعدِم الكواهلة السراريق الغُباشا
حرم أنا ظاطووو شمطان ... اللهم أرِنا قُدرتك في الأعراب الأغراب ... ثُم مكِني مِنهُم حَيثُ مؤلِم وموجِع
ـــــــــــــــ
| Quote: في حد يهظر مع الأسد |
كشاف ود القريش لِتعليم الطِريش
الأسد = بكري
هئ هئ هئ = يعني بِضحك ... وكِده
|
Post: #16
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: بدر الدين الأمير
Date: 07-05-2010, 01:09 PM
Parent: #14
طيب إتلميت مع الرطانى في الشماتة للملم باقى (...)
ايمن الطيب وودالصايم وكيكي
وبعدين يا(...) مقروش الطار والدهما الرطانى
وا نتو قبل كدا بكرى ابوبكر دا ماطردكم وسحب تصاريح دخولكم
لاشمتنا ولا شلنا حالكم
نعم حارة جدا كونو يسحبو ليك بوستين في نصف ساعة من زول صاحبك
وبيناتكم تواصل بعيد عن المنبر والماغسنى اكتر انو الرطانى الدهماء
كان صاحى وشاف بهدلتى واتصل شمتان يضحك في سحب البوست الاول ولمن
عملت بوست اشكو لبكرى شماتة عزام فينى برضو بكرى سحبو غايتو الجمعة
الفاتت مرقت على بالساحق والماحق الرطانى شمت فينى بالصباح والبعصر جا كملها
الظلامى بس الرطانى طلع متحضر خلا شماتو فينى بينى وبينو لكن الظلام جابها لسوق عكاظ
تنهدات: هناك اغنية لكمال ترباس من كلمات عبدالعال السيد
يقول مطلعها (انت المهم) فيابكرى انت المهم والرطانى ومقروش الطارى ما بهمونى
|
Post: #17
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 01:25 PM
Parent: #16
فوق لغاية بعدين
عشان هسة لو كتبت بكتب كلاما كتر ـ بضم الكاف في كتر
|
Post: #18
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 01:27 PM
Parent: #17
Quote: كشاف ود القريش لِتعليم الطِريش
الأسد = بكري
هئ هئ هئ = يعني بِضحك ... وكِده |
اللهم ارحم هذا البوست واغفر له
فقد فضح الرطاني امره
اللهم اعني على حفظه
قوقوا آمين
|
Post: #19
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 01:35 PM
Parent: #18
Quote: تنهدات: هناك اغنية لكمال ترباس من كلمات عبدالعال السيد
يقول مطلعها (انت المهم) فيابكرى انت المهم والرطانى ومقروش الطارى ما بهمونى |
إن الأسد ينظر الى قلوبكم وليس إلى صوركم
|
Post: #20
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: عزام حسن فرح
Date: 07-05-2010, 01:40 PM
Parent: #16
بدرالدين ود الأمير
Quote: وا نتو قبل كدا بكرى ابوبكر دا ماطردكم وسحب تصاريح دخولكم
لاشمتنا ولا شلنا حالكم |
حرم دي أخير منا < أصبُر لي أكان محدثت ليك أخوي >
ــــــــــــــــ
| Quote: نعم حارة جدا كونو يسحبو ليك بوستين في نصف ساعة |
يعني إتْ فكوك في الغابة دي كُوووولها ... تهمز القِرِد ... تدفُر الزراف ... تفلِق القِرنْتي ... تَورِق الفرِع ... تخُم الورتاب ... تبحِت العزاز ... تشِق الشِدر ... تقرْقِر البوص ... ده كووولو تفوتو وتمشي للأسد تعمِل فوقا ظريفة ، أثناء مقيلتو وتجري معاهو حِوار فِكري ...
- نععععم ... في شنووو؟
- أبدًا في الحقيقة رقْراق القَيْلولة ما خلاني أنوم
- وبعدين ... أعمل ليك شنو؟
- العمل عمل ربُنا يا الأسد ... بس لو كان في طريقة يعني ... نهزِم شُعاع الشمس بِزِيادة المِساحة الخضراء وكِده
- قُلت شنو؟
- قُلت ما بِصح يا سيدي إنت تنوم بِين الرْقْراق ... نومك وراحتك بِهِمنا ... إنت المِهُم
- أمم أهه
- عِندي إقْتِراح يا سيدي
- شنو ... قلت شنو ... الغابة يعني كِده ما عاجباك ولا شنو؟
- أبدًا أبدًا ... دي جنه الله في الأرض وإنت ظِلو ... بس ما عاوزين غابات الأمازون يِْشمتو فوقنا
- أمم أهه وبعدين
- أنا بقترِح تكلِم ود فرح ما يقطِع صفقه شجرة علشان ما يِجينا جفاف وتصحُر
- هو قاعِد يِقطعا ولا شنو؟
- أيوه يا سيدي أيوه أنا شفتو بِعيني الإتْنين ديل ... أكان قاعد مع زمرتو بِتْفلو وهو عدم الشِدره الحداهو الصفقه
- نادوهوووو؟
- أنا ما بقدر يا سيدي ... الكائِن المُتحرِك ده شرِس وأنا زول عِندي سمعتي ... أنا الوحيد البترجم ليك خرابيط الخنافِس
- والحل يعني
- نأذيهو
- كيف ... خلِصني
- أطردو مِن الغابة دي
- بِتْلم فوقو الصعاليك ويِسوو لينا غاغا ... وبحرسو الميعه ... وأنا ما فاضي مِن شكاوي القُمري والحمام
- طيب ... ايه رأيك نحرِق الغابة يا سيدي كَيتًا فوقو
ــــــــــــــــ
Quote: الرطانى شمت فينى بالصباح والبعصر جا كملها
الظلامى بس الرطانى طلع متحضر خلا شماتو فينى بينى وبينو لكن الظلام جابها لسوق عكاظ |
طَيِب ما تحفظ لينا الجميل ده وسجِلني في أي مؤتمر ... الإنْكليزي ده شِنْ القاسي فوقو ... حرم أنا عِندي فوقو شِعر ... لو إنت ما زولاً حاقِد تمشي تجيب ود الحسن مِن أمريكا وأنا مِصنقِر معاك في القهنوبا دي ... ي إسما عُنْصُرِية
ــــــــــــــــ
Quote: تنهدات: هناك اغنية لكمال ترباس من كلمات عبدالعال السيد
يقول مطلعها (انت المهم) فيابكرى انت المهم والرطانى ومقروش الطارى ما بهمونى |
وتسألوني ليه شرِكة ود الأمير ناجحة ... ما بِجِنس ده!
|
Post: #21
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: بدر الدين الأمير
Date: 07-05-2010, 02:25 PM
Parent: #20
Quote: حرم دي أخير منا < أصبُر لي أكان محدثت ليك أخوي >
|
اخخخخخخخخخخخخ يارطانى يادهماء
انا بس لانى خايف على سيرتى الذاتية
وماداير يكون فيها مطرود منابر زيك كان
رديت عليك رد يغنى به ود الصايم وحميدة
وتابرك بل وخليل كمان روح ياشيخ إنعل ...
ومعكم بكرى ابو بكر ومقروش الطارى
|
Post: #22
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: أيمن الطيب
Date: 07-05-2010, 02:36 PM
Parent: #20
يا بدر الدين,,| Quote: ايمن الطيب وودالصايم وكيكي |
إنت كل ما يزنقوك فى ملف تقعد ترجى ايمن وكيكى وود الصايم !!! ياخ أنا شخصيا مكان فيه معتز وعزام دا ما بجيهو اصلا,, بعدين كان بارينا زنقاتك ديل ما حا نخلص ,, ياخ إنت عندك أعلى معدّل زنقات فى البورد دا لا يجاريك أحد إلا بدر الدين الأمير نفسه,,,
بعدين ده بتضحك مالو يعنى شنو حذفو ليك بوست!!!هو زاتو كان محذوف من هنا ومتعود يقوم الصباح يلقى
نفسو فى السهلة يقوم جارى لى ناس الدويم راس,,والتانى داك يشيل ويرش فى العربى الكبار كبار دا
كرهنا البلى زاتو,,,عامل فيها محسن خالد  Quote: وبعدين يا(...) مقروش الطار والرجرجة الدهماء الرطانى عزام
|
نحن تانى نقول شنو!!! واحد منقطا ليهو والتانى صارف ليهو كاش!!
الناس ديل ناسك وبتعرف المقاسات براك,, بجوك فى اللفة وما يحنكوك ,,, ,,
رشهم بعدين بالليل,,عشان تانى ما يجو هنا زاتو,,
|
Post: #23
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: بدر الدين الأمير
Date: 07-05-2010, 02:56 PM
Parent: #22
Quote: يا بدر الدين,,
Quote: ايمن الطيب وودالصايم وكيكي
إنت كل ما يزنقوك فى ملف تقعد ترجى ايمن وكيكى وود الصايم !!! ياخ أنا شخصيا مكان فيه معتز وعزام دا ما بجيهو اصلا,, بعدين كان بارينا زنقاتك ديل ما حا نخلص ,, ياخ إنت عندك أعلى معدّل زنقات فى البورد دا لا يجاريك أحد إلا بدر الدين الأمير نفسه,,,
بعدين ده بتضحك مالو يعنى شنو حذفو ليك بوست!!!هو زاتو كان محذوف من هنا ومتعود يقوم الصباح يلقى
نفسو فى السهلة يقوم جارى لى ناس الدويم راس,,والتانى داك يشيل ويرش فى العربى الكبار كبار دا
كرهنا البلى زاتو,,,عامل فيها محسن خالد
Quote: وبعدين يا(...) مقروش الطار والرجرجة الدهماء الرطانى عزام
نحن تانى نقول شنو!!! واحد منقطا ليهو والتانى صارف ليهو كاش!!
الناس ديل ناسك وبتعرف المقاسات براك,, بجوك فى اللفة وما يحنكوك ,,, ,,
رشهم بعدين بالليل,,عشان تانى ما يجو هنا زاتو,, |
والله يا ايمن
انت اكبر غياظ و(....) على وجه سبورة بكرى
ياخى طظ فيك وفي بكرى ابوبكر
|
Post: #24
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-05-2010, 05:17 PM
Parent: #22
Quote: نعم حارة جدا كونو يسحبو ليك بوستين في نصف ساعة من زول صاحبك
وبيناتكم تواصل بعيد عن المنبر والماغسنى اكتر انو الرطانى الدهماء
كان صاحى وشاف بهدلتى واتصل شمتان يضحك في سحب البوست الاول ولمن
عملت بوست اشكو لبكرى شماتة عزام فينى برضو بكرى سحبو غايتو الجمعة
الفاتت مرقت على بالساحق والماحق الرطانى شمت فينى بالصباح والبعصر جا كملها
الظلامى |
| Quote: بعدين ده بتضحك مالو يعنى شنو حذفو ليك بوست |
يا ايمن
ركز معانا شوية يااااخ
ركز في طبقة الحنة وعدم المحلبية
وأحيييي يا عوضية
|
Post: #25
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-06-2010, 09:06 AM
Parent: #24
Quote: اخخخخخخخخخخخخ يارطانى يادهماء
انا بس لانى خايف على سيرتى الذاتية
وماداير يكون فيها مطرود منابر زيك كان
رديت عليك رد يغنى به ود الصايم وحميدة
وتابرك بل وخليل كمان روح ياشيخ إنعل ...
ومعكم بكرى ابو بكر ومقروش الطارى |
يا أخي تخ ...
عاوز تسحب البوست ؟
يا ممرمط
الأسد أذكى من ذلك بكثير
ألعب غيرا
|
Post: #26
Title: Re: بدر الدين الأمير .. الضحكة غلبتي والشماتة حرقـتـني .. هئ هئ هئ
Author: معتز القريش
Date: 07-08-2010, 07:50 AM
Parent: #25
| Quote: إنت كل ما يزنقوك فى ملف تقعد ترجى ايمن وكيكى وود الصايم !!! ياخ أنا شخصيا مكان فيه معتز وعزام دا ما بجيهو اصلا,, بعدين كان بارينا زنقاتك ديل ما حا نخلص ,, ياخ إنت عندك أعلى معدّل زنقات فى البورد دا لا يجاريك أحد إلا بدر الدين الأمير نفسه,,, |
حرام عليك يا أيمن ياخي
يعني هن كلهن زي 75 زنقة
والراجل صاحبك معقولة بس
تكبر اللفة منو في أول ملف
|
|