إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة

إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة


07-03-2010, 01:01 PM


  » http://sudaneseonline.com/cgi-bin/sdb/2bb.cgi?seq=msg&board=300&msg=1278158488&rn=0


Post: #1
Title: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: صديق عبد الجبار
Date: 07-03-2010, 01:01 PM

أقول قولي هذا .. وأذنت لمن يشهد والله خير الشاهدين

صديق أبوفواز

Post: #2
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: صديق عبد الجبار
Date: 07-03-2010, 01:57 PM
Parent: #1

البشير وعلي عثمان وكل قيادات المؤتمر الوطني يعلمون جيداً ما هو مهر الوحدة ..

ودفع المهر يحتاج لإرادة سياسية واعية .. وقلوب وأفئدة متفتحة .. وعقول حكيمة ...

محاولة التحايل حول الحلول لن تجدي نفعاً ...

صحيح أن الحركة الشعبية تتحمل الوزر مع المؤتمر الوطني إذا حدث إنفصال ..

ولكن الكرة في ملعب المؤتمر الوطني ... هو الجهة الوحيدة التي يمكن أن تجنب البلاد ويلات التفتت والإحتراب ..

فلتتخذ قيادات المؤتمر الوطني قراراً شجاعاً يتفكيك مظاهر الدولة الدينية .. ولنبدأ معاً في تأسيس دولة مدنية ديمقراطية حديثة ...

فما كل ما يتمناه المرء يدركه .. علينا بالتنازلات ...

لقد تنازلنا نحن عن الدولة العلمانية .. فلماذا لا يتنازل أهل المؤتمر الوطني عن الدولة الدينية ... ؟

ونلتقي في منتصف الطريق ..!

Post: #3
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: Munir
Date: 07-03-2010, 02:07 PM
Parent: #2


Quote: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة

شرط غريب !!! ..
تعاين في الفيل وتطعن في ضله ؟!! .. الوحدة أو الإنفصال هو خيار الجنوبيين .. إنت دايره يفرض الوحدة عليهم بالحرب؟؟ أم يخج صناديق الاستفتاء .. ؟؟..
يحارب في الجنوب تقولوا إعتداء علي الجنوبيين ، يخليهم ويديهم خيار الإنفصال تقولوا فرَّط في الجنوب !!! ..


حيرتونا !!!


Post: #4
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: صديق عبد الجبار
Date: 07-03-2010, 02:13 PM
Parent: #3

والله إنتو الحيرتونا يا أستاذ منير ..

لأنكم ماقادرين تفهموا حتى الآن ماهي مستحقات الوحدة التي يطلبها الجنوبيين ..

الجنوبيين يا صديقي كلامهم واضح وضوح الشمس ؛

وحدة داخل دولة دينية .. يفتح الله !! إنفصال على طول ...

دولة مدنية ديمقراطية ليس فيها أي مظاهر للإستعلاء الديني حيصوتوا للوحدة ..

يبقى منو اللي في إيده القلم ؟؟؟

أفهموها بقى !!

Post: #5
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: صديق عبد الجبار
Date: 07-03-2010, 02:13 PM
Parent: #4

لعناية : المؤتمر والحركة وكل أهل السودان؛ مقترح دستور و...ي دائم قبل الإستفتاء

Post: #6
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: Deng
Date: 07-03-2010, 02:19 PM
Parent: #3

Quote: شرط غريب !!! ..
تعاين في الفيل وتطعن في ضله ؟!! .. الوحدة أو الإنفصال هو خيار الجنوبيين .. إنت دايره يفرض الوحدة عليهم بالحرب؟؟ أم يخج صناديق الاستفتاء .. ؟؟..
يحارب في الجنوب تقولوا إعتداء علي الجنوبيين ، يخليهم ويديهم خيار الإنفصال تقولوا فرَّط في الجنوب !!! ..


طبعا زي كلام منير القاعد في أوربا ده ومستمتع بالحريات والديمقراطيات والمساوة، بيبخل بيهو لأهله في السودان خصوصا لأهل الجنوب.

وعندما زار السيد منير الخرطوم، جن جنونه لأرتفاع أسعار الطماطم وفتح بوست لذلك. ولكنه يشجع الحكومة المجرمة في تقتيل أهل الجنوب، جبال النوبة ودارفور.

شفتوا منير ده مستهبل كيف؟


تحباتي لصاحب البوست أبو أبوفواز

Post: #7
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: صديق عبد الجبار
Date: 07-03-2010, 02:27 PM
Parent: #6

التحية لك أخي دينق ..

شكرً على مرورك الكريم ..

Post: #8
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: صديق عبد الجبار
Date: 07-03-2010, 06:35 PM
Parent: #7

.

Post: #9
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: Munir
Date: 07-03-2010, 08:25 PM
Parent: #6



دينق إزيك .. تخيل يا صاحب زمان كنت بزعل منك .. لكين لقيتك زول الله ساي وبقيت ما بحس بعداوة ضدك .. وياخوي داير أقول ليك حاجة بالراحة كدة: إنت أوروبا وأمريكا ديل قايلهم بتاعتك واللا داقي فيهم حجر دغش؟؟ إنت زيك وزي غيرك مشيتوها حفاة عراة ساكت وبقتكم ناس !! .. أتذكر إذ لحافك جلد بقرة وإذ نعلاك من جلد الحمير؟ فسبحان الذي دخلك امريكا وعلمك الرقاد علي السرير ..

الشئ التاني أنا في ردي للكابتن قريبي صدِّيق عبدالجبار ده قاعد أدافع عن حقك في تقرير المصير وتركك تنفصل علي راحتك ياخ .. وانتقدت صدٌّيق علي الفكرة التي توحي بأن للبشير قدرة علي منع الانفصال .. وانت عارف إنو تقرير المصير في ايدكم إنتو وليس في يد البشير .. صاح واللاّ غلط؟؟
وبعدين هسه الجاب سيرة الطماطم شنو يا صاحبي؟؟ .. ده ال الله قدّرك عليهو؟؟ نحن بنهتم بمعايش أهلنا وشايلين همهم ياخ .. قايلنا بنسأل من سعر الآيس كريم ولمن نمشي بنمشي نقضي زمننا في الأوزون ؟؟ البنشوفها في الصور بس ؟؟..

الشئ الأخير الداير أقوله ليك يازول أني لا أتمني الانفصال، بل أريد الوحدة مع إحتفاظ الجنوب بكل خصوصيته وعاوز أخواني الجنوبيين يعيشوا في سلام في الشمال وتتفتح اوزونات في الجنوب ونمشي سوا نضرب الآيسكريم والعصاير في جوبا ياخ !! .. لزومها شنو العداوة والغبينة البلا سبب ؟؟ - والله العداوة البلا سبب زاتها قلة أدب !! ..


Post: #10
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: Munir
Date: 07-03-2010, 08:29 PM
Parent: #9



الأخ أبوفوَّاز .. كما ذكرت لصاحبنا دينق البشير لن يستطيع أن يفعل شيئاً .. الجنوبيين فقط هم الذين يحددون مصيرهم .. ولا أظن أن النظام الدستوري هو المانع لأن الحتة دي تحددت بأن الحقوق والواجبات تحددها المواطنة وليس الديانة .. وكونه سلفاكير الآن له ولاية كبري مباشرة علي الأغلبية المسلمة دليل علي ذلك .. إذاً القصة ليست دينية وعلمانية .. قصة علمانية ودولة دينية دي قضية اليساريين الذي يمتطون ظهر الجنوبيين وعاملينهم ساتر يحاربون بهم الحكومة .. وطالما المطلوب هو ديمقراطية وتطبيق الحكم العلماني حسب صناديق الانتخاب فليبق الجنوبيون في سودان موحد ويتحالفوا مع القوي الشمالية التي تريد تحويل البلاد إلي العلمانية والحشاش يملأ شبكته .. فإن كانت الأغلبية تريد سوداناً علمانياً فسيقلبونه علماني بالأغلبية الميكانيكية المدعومة بأصوات الجنوبيين - أما إذا حدث العكس فعلي الجميع الرضاء بالقضاء والقدر وحكم الجماهير .. والخلاصة العاوز أقولها هي أنه مفروض لا البشير ولا غيره يفرض نظام دستوري غصباً عن الآخرين .. وهو قد أتاح الفرصة عبر الانتخابات للتغيير لمن أراد التغيير فانسحب المعارضون وقاطعوا الانتخابات .. إذا ليس هناك داع للتباكي ..


Post: #11
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: صديق عبد الجبار
Date: 07-03-2010, 08:46 PM
Parent: #10

Quote: وهو قد أتاح الفرصة عبر الانتخابات للتغيير لمن أراد التغيير


هذه الجملة لا تمت للواقع بأي صلة ...

ما حدث في أبريل كان كذبة كبيرة ومسرحية عبثية شاركت فيها حتى الحركة الشعبية ..

بعدين يا منير يا خوي لا يمكن أن تكون الحرية والحقوق هبة من أحد ..

وجود سلفاكير في مؤسسة الرئاسة خلال الفترة الإنتقالية هو وجود صوري فقط لتكملة ديكور تسوية نيفاشا ولم يقدم سلفاكير في هذا المنصب أي شيئ يذكر لا للجنوب ولا للشمال ..

يجب أن تتنازل الحكومة الإسلاموية في الخرطوم عن القبضة الدينية ثم يجلس الناس ويتواثقون على دستور دائم يعطي الحقوق حمرة عين وليس عن طريق الهبات ..

حتى نحن يا أخي - المسلمين : ضقنا ذرعاً بحكومة البشير والمشعوذين الدجالين الذين حواليه .. فما بالك بأصحاب الديانات الأخرى ..

نعم الحركة الشعبية في إمكانها أن توجه مواطنيها لإختيار الوحدة .. ولكن السؤال .. ثم ماذا بعد الوحدة إذا استمر النظام في نفس عنجهيته الدينية ؟ .. نرجع لي شغل الغابة تاني ؟؟؟

تحياتي وودي

Post: #12
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: Deng
Date: 07-04-2010, 02:22 AM
Parent: #11

Quote: دينق إزيك .. تخيل يا صاحب زمان كنت بزعل منك .. لكين لقيتك زول الله ساي وبقيت ما بحس بعداوة ضدك .. وياخوي داير أقول ليك حاجة بالراحة كدة: إنت أوروبا وأمريكا ديل قايلهم بتاعتك واللا داقي فيهم حجر دغش؟؟ إنت زيك وزي غيرك مشيتوها حفاة عراة ساكت وبقتكم ناس !! .. أتذكر إذ لحافك جلد بقرة وإذ نعلاك من جلد الحمير؟ فسبحان الذي دخلك امريكا وعلمك الرقاد علي السرير ..


منير. أعصابك يا راجل!!

شايفك أفلست وبقيت تطلع في حقدك القديم. يا منير. أنا ولا غيري لو مشينا أمريكا"حفاة عراة" ما مشكلة. لكن المشكلة في مستجدي النعمة من العنصرين. يا منير عيب أنا هسع أقول لك أنا كنت بسافر أوربا وأمريكا في أجازات الصيف من سنة كم. وأنا عندما زكرت وجودك في أوربا لم أتطرق الى حالتك الاجتماعية أو المادية، لأنني بكل صراحة لا أعرفك، ولكني تحدثت عن النفاق الذي تمارسه أنت يا منير شخصيا. لقد قلت لك وبصريح العبارة بأنك تعيش في أوربا ومتمتا فيها بالحريات والديمقراطيات ونظام الحكم العلماني والتنوع العرقي والديني والثقافي، ولكنك في نفس الوقت في السودان تساند نظام مجرم وعنصري وفاشستي. الزعلك من كلامي ده شنوا يا بابا؟ ولا دي الحقيقة المرة؟ نعم أنت عندما أجريت مكالمة هاتفية مع أهلك السودان جيت فتحت بوست هنا محتجي على غلاء الطماطم. ولكننا لم نقراء لك أي بوست تتحدث فيه عن حجم المظالم التي تقع في السودان. وأنت شخصيا يا منير من مؤججي حر الجنوب ودارفور بلش نفاق ودجل معاك في الفارغة.



Quote: الشئ التاني أنا في ردي للكابتن قريبي صدِّيق عبدالجبار ده قاعد أدافع عن حقك في تقرير المصير وتركك تنفصل علي راحتك ياخ .. وانتقدت صدٌّيق علي الفكرة التي توحي بأن للبشير قدرة علي منع الانفصال .. وانت عارف إنو تقرير المصير في ايدكم إنتو وليس في يد البشير .. صاح واللاّ غلط؟؟
وبعدين هسه الجاب سيرة الطماطم شنو يا صاحبي؟؟ .. ده ال الله قدّرك عليهو؟؟ نحن بنهتم بمعايش أهلنا وشايلين همهم ياخ .. قايلنا بنسأل من سعر الآيس كريم ولمن نمشي بنمشي نقضي زمننا في الأوزون ؟؟ البنشوفها في الصور بس ؟؟..

الشئ الأخير الداير أقوله ليك يازول أني لا أتمني الانفصال، بل أريد الوحدة مع إحتفاظ الجنوب بكل خصوصيته وعاوز أخواني الجنوبيين يعيشوا في سلام في الشمال وتتفتح اوزونات في الجنوب ونمشي سوا نضرب الآيسكريم والعصاير في جوبا ياخ !! .. لزومها شنو العداوة والغبينة البلا سبب ؟؟ - والله العداوة البلا سبب زاتها قلة أدب !! ..



طبعا الوحدة اللي أنت عاوزها كانت عن طريق مليشيات الدفاع الشعبي، ولقد فشلت. أنت تريد لأهل الجنوب أن يخدعون لحكم الابارتايد في الخرطوم ولكنك لا تريد أن ترى سودان واحد يتمتع في الجميع بالحقوق والواجبات، تاريخك في هذا البورد يشهد بذلك. أنت لا تختلف كثيرا عن الطيب مصطفى وبقية عنصري الانقاذ. موضوع الاوزون ده قلة أدب بتاعت صبيان وغلمان الجبهة بالبورد والان أنت لا تختلف عنهم كثيرا. يعني شنوا لو قعد دينق في الاوزون أو غيره؟ أنت عارف أهل دينق قدموا شنوا للسودان عموما وللخرطوم خصوصا؟ عنصريتكم وقلة أدبكم دي ياها الضيعت البلاد.

Post: #13
Title: Re: إذا استطاع البشير وحزبه الإحتفاظ بوحدة السودان سأعترف بحكومتهم للخمسة سنوات القادمة
Author: Munir
Date: 07-04-2010, 03:18 AM
Parent: #12



Quote: منير. أعصابك يا راجل!!
والله يا دينق لاكين بالغت عديل كده .. هسه الزعل فينا منو؟؟ .. تصدق يا زول أنا إطلاقاً - علي قول بشاشا - ما حسيت بزعل وقلت ليك الكلام ده فوق .. الله لا جاب زعل ياخ ..

إنت زعّلك بيت الشعر بتاع لحافك جلد بقرة .ده؟؟.ياخ ده أنا جبته ليك علي سبيل مذاكرة الشعر القديم وأصل البيت هو: أتذكر إذ لحافك جلد شاة وإذ نعلاك من جلد البعير فسبحان الذي اعطاك ملكاً وعلمك الجلوس علي السرير - أمش قوقله أنا ما متذكر القصة بتاعته كلها -.. وحقيقة ما كنت قايلك بتزعل .. ياخي كلنا اتربينا في رقاد البروش وعناقريب الحبال ولا ننكره وبل نفاخر به .. والله بختك إنت الكنت بتسافر لأوربا وأمريكا من سنة كم وكم .. !! ..

النقطة التانية ياخوي أنا قلت ليك أني رديت علي ابوفواز دفاعاً عن حقك في الانفصال .. إنت يا دينق من النقطة دي كدي ورينا موقفك شنو من الوحدة والانفصال .. هل حتصوت للوحدة أم للإنفصال .؟؟ عشان نقدر ناخد وندي معاك .. ؟؟ .. لأنو أنا شايف موقفك ضبابي وشغال في المنبر شمال يمين بدون ما نعرف ليك لون .. وظاهر عليك بتظهر خلاف ما تبطن وهو ما يسمي بالنفاق ..
ورينا إنت حتصوت لشنو؟؟ .. لأنو في ظرف سنة يا إما حتظل رفيقنا وأخونا في الوطن ويا إما حتبقي أجنبي ..

و أخيراً عبارة 'قلة أدب' دي أحسن ما ترددها كتير لأنو كده بتخرب الحوار وتجرنا لمهاترة مافي داعي ليها ..