على انغام جنيدابي وحليم مريود وهشام درماس النادي السوداني بدبي يكرم متفوقي الثانوية بالامارات

اقام النادي السوداني بامارة دبي حفلا بهيجا ليلة الجمعة بصالة الافراح
وقد كانت في حلة جديدة تشرح الصدور (كراسي جديدة فخمة ...باقات من الورود الطبيعية مع نظام تام وانضباط في الحركة )
في البداية كدت ان اتوه عن الدار لو لا الحضور السوداني الجميل
فرحة اكتست كل الوجوه ..المتفوقين مع الامهات والاباء ..
حضر جمهور غفير من الشباب ..
تفوق الكثير من ابناء الجالية بصورة مشرفة وحصل الكثير منهم على اكثرمن 99 كل الاحترام لمن يقف خلفهم
كانت البداية ب
الفنان الوجية الانيق (اياد جنيدابي )ولصلة القرابة فالشهادة قد تكون مجروحة ولكن بحق وحقيقة اطرب الجميع
وكذلك كالمعتاد ملك التطريب ..والصوت الجميل ..حليم المريود امبراطور شباب الامارات
وكان في الختام هشام درماس والذي اطرب الجميع وتفاعل معه الحضور بصورة جعلت الليلة تمتد الى ما بعد الثالثة

كان الحضور الاعلامي المكثف وكان كل شي ينضح جمالا
الاستاذ صلاح الطيب بنشاطه المعهود وترحابه الجميل
نادر بخيت والذي نستبشر بوجوده الجديد من داخل اروقة النادي
الاستاذ مبارك ال حاكم ووقفته الجادة ودعمه الاعلامي

العم الرشيد محمد الامين فداسي والذي نعتبره مداد الامان والاطمئنان بعمامته وجلبابه وشاله (الازرق الهلالي )السوداني الاصيل
السيد (عيسى ادم وحرمه المصون )..الهلالي الاصيل (العقيد علي عبد الرحمن وجنابو احمد سيف )واخرين كثر
كلهم كانوا خلف هذه الليلة التي جاءت بطعم ورائحة الوطن الحبيب

على الصعيد الشخصي استمتعت جدا فشكرا لكل من منحني هذا الاحساس

شكرا ادارة النادي السوداني ونتمنى الكثير بعيدا عن ....
ولكم موفور الاحترام والتقدير

مواصلة :
كانت ضمن المتفوقات ابنة الزميل بالمنبر الاستاذ محمد مختار جعفر
وقد كتبت بعض الكلمات الجميلة كانت عبارة عن رسالة شكر لكل ام واب يقف مع ابنائه من اجل النجاح وقد تضمنت رسالتها اهداء لوالدتها المتوفاة (رحمها الله )احزنت الجميع ولكن انها المشيئة
التحية لهذه الابنه الجميلة والتحية لوالدها ...وامنياتنا مزيدا من النجاح
التبريكات والتشكرات للجميع
مع محبتي

نعمات .. دائما تغيب وتاتى في معيتها الاخبار الجميله ..

مليار مبروك للمتفوقين وأسرهم نسأل الله أن يستمر النجاح ..

التحية يا أستاذتنا نعمات ولكل ناس الأمارات المبدعين حقيقة ..

لكن.. وكما هي العادة

صور ماف ؟؟!!

الاحت نعمات ... تحياتى

فعلا كانت لليلة جمبله تعكس روعة الاحتفال بالمتفوقين من ابناء الجالية السودانية فى الشهادة الثانوية بالامارات وياله من نجاح يفرح القلب ونشكر كل اب وام وقفوا خلف هذا التفوق فالتحية لهم

ونشكر ادارة النادى السودانى التى نظمة هذه الحفل برئيسة السيد / عيس ادم والعم الرشيد محمد والسيد صلاح الطيب والشاب النشيط نادر بخيت والسيد الامين طلحة والسيد مبارك حاكم ..
ولجنة المراة بالنادى ..ولا ننس مجهود الاخت عائشة والحاجة التوم والسيدة سلوى فى تتدريب براعم النادى والاهتمام بهم وتنطيم بروفات حتى خرجوا امام الجمهور بصورة طيبة فلهم الاحترام والتقدير .
بجد كانت روعة فى كل شى فرح الاهل وفرح الابناء والشباب ونتمنا ان يستمر هذا العمل من ادارة النادى فى تنظيم فعاليات تجمع الاسر فى حوش النادى والمزيد من النجاح الابناء الجالية السودانية يارب

مودتى ...

الاخ درق

اولا حمدلله الف سلامة للحادث والجاتك في الهنود سامحتك ..فسلاما سلاما

الامسية كانت تمام وكنت منور والله وقد اطفيت بهجة وحبور على الحضور

النادي كان جميل والمجهود جبار ونستبشر الخير في القادم ...وقد بدات بوادر اللجنة الجديدة والوالد عيسى ادم والاخ نادر

ولسه لسه الزمن بدري ونتمنى ما تكون (فورة لبن )والجديد شديد وكدا

لك الود
مع محبتي ونلتقي
نزل الصور

الاخ نادر لك الود كلما سمح زماني

كانت امسية رائعة ومعاها التوثيق
الشروق ..برنامج اوتار الحنين الاربعاء الساعة حداشر مساء
القومية السودانية يوم الجمعة مراسي الشوق
وهناك حلقة كاملة برنامج ليلي النيل الازرق

اما الصور فهي معاي وسوف اقوم بتنزيلة خليك قاعد معانا في البوست دا شوية

لك الود

العزيزة ...عفاف ..
شكرا للمرور ..وتمنيت ان تكوني ضمن الحضور
فقد كانت امسية هجيج وفرح ..صاح

افتقدت فيها البورداب الا القليل ...
انا واخوي درق
لك الودوكوني بخير واحتفلوا معانا في الشارقة من اسي اتحضري
دمتي

سلام يا نعمات وعساك بخير
ألف مبروك للمتفوقين وأسرهم
نتمنى لهم مزيداً من النجاح والتفوق في حياتهم..
ونرجو أن يكون الاحتفال بالمتفوقين حافزاً للبقية لتحقيق النجاح..
شيء جميل والله أن نسمع أخبار حلوة عن أبناء جاليتنا السودانية في أي مكان..

الخ نصر الدين (الهلالي الاصيل )..
وين اراضيك ...كأس العالم دا واللا شنو ؟؟
افتقدناكم في تلك الليله الجميلة وفاتكم الهجيج الصاح ولكن استعدوا لتكريم ناس الشارقة الايام المقبلة وحنبعت ليكم الدعوة خصيصا


اظهروا
محبتي

اضفى حضور بعض الشخصيات الجميلة مسحة جماليه وحميمية على الحفل


الاستاذه ليلى تبيدي مثالا ...

الاستاذة
سلوى واسرتها الجميلة
الاستاذة عائشة وفرقتها
الحاجة والام التومة واسرتها


بعيدا :
الجميلة الاء الرشيد والتي سعدت بها كثيرا
محبتي

نعمات

سلامات

الحي بيك

وين الناس مختفين


والله حفلاتكم جميلة يا ريت نجي نحضرها


تاني كلمونا من بدري


التهنئة من خلالك لكل الرائعين والمتفوقين

وللامام دائماً

الاخ الهلالي السنوسي
وين اراضيك انت نحن موجودين وبكثرة
بس مشغوليات الحياة والزحمة
وتعب الجغرافيا


لك موفورالودلرطب الكلمات
مع محبتي

مرور للسلام



خالص الود