Post: #1
Title: سِر حُزني
Author: خدر
Date: 07-02-2010, 02:12 PM
Parent: #0
- الو !!
- اها
- انت نمت ولا شنو !!
- بصراحة صوتك جميل و يُغري بالنعاس لكني لم اتعود ان اهدر فرصة التحدث مع من هم في جمالك
- اها قلت شنو ؟
- في شنو ؟
- طارق عليك الله خلي البواخة , عاوزة اسمع ناس قراب منك , بصوتك , قلت شنو !؟
سرحت مع كلمة البواخة و حمدت للمسلسلات التركية ذات الفيرشن السوري أن فكت إرتباط حرفي الياء و الخاء الشهير
- بصراحة ما بقدر اوعدك
- ليه !!
- ... صمت
- تووت تووت .. إنقطع الإتصال و ضحكت انا
ملحوظة .. صديقتي تلك لا تقرأ سودانيزونلاين
___
كلمات علي شبيكة
الحان السني الضوي
أداء طارق ابوعبيدة
|
Post: #2
Title: Re: سِر حُزني
Author: 3mk-Tango
Date: 07-02-2010, 02:19 PM
Parent: #1
انا عارف سر حسنك وجمال صوتك واداء طارق بأحساس طارق
اللهم لا تحرمنا من نعمه السمع لان صوت طارق نعمه تستوجب الشكر
جمعه مباركة
|
Post: #3
Title: Re: سِر حُزني
Author: محمد عبدالرحمن
Date: 07-02-2010, 02:26 PM
Parent: #2
شخصيا معجب من زمن ليس بقريب بهذا الصوت ..
واستمتعت حد الثمالة بالصوت وجمال الاداء ..
شكرا خدر
|
Post: #4
Title: Re: سِر حُزني
Author: خدر
Date: 07-02-2010, 02:26 PM
Parent: #2
ولا يحرمني يا تنقو من زياراتك البتفّرح
شكرا كتير علي جبر الخاتر
و
جمعتك مباركة2
شكرا محمد يا فنان
شكرا كتير
|
Post: #5
Title: Re: سِر حُزني
Author: ناهد حسن بشير
Date: 07-02-2010, 02:35 PM
Parent: #4
صوت جميل يأخذك الى عوالم من السحر
فتنساق الى طرب سرمدى..
طارق ابو عبيده يا مولانا
اشهد بأنك ساحر الكلمه
متعنا الله بصوتك
جمعتك مباركه
|
Post: #6
Title: Re: سِر حُزني
Author: الملك
Date: 07-02-2010, 02:39 PM
Parent: #4
"ياخ فى نقرة عود هنا...
يالله يالله
جمعتك مباركة يا خدر
ــــــــ
عن رابطة معجبى صوت طارق أبوعبيدة
|
Post: #7
Title: Re: سِر حُزني
Author: معاوية عبيد الصائم
Date: 07-02-2010, 02:50 PM
Parent: #6
صباحك خيرك يابا
سلام مرور للتجديد ؟؟
|
Post: #8
Title: Re: سِر حُزني
Author: Baha Elhadi
Date: 07-02-2010, 03:09 PM
Parent: #7
طارق الوغد:
والبقرو سودانيز ومشتركين
يعملوا شنو؟
الأسكيرت بحل ؟؟؟
بهاء
|
Post: #14
Title: Re: سِر حُزني
Author: خدر
Date: 07-02-2010, 06:23 PM
Parent: #8
معاوية يا صاحب
والله مشتهيك عديل
غاليا شهر 10 اكون معاك
قول يا لطيف
بهاء طوكيو
هههههههههههههههه
يا زول القصة مامحتاجة اسكيرتات والله
المزاج لمن يركب في لحن جميل في عضمو
قطع شك بطلع جميل
هذا و ما تنسي الوصية
|
Post: #9
Title: Re: سِر حُزني
Author: Baha Elhadi
Date: 07-02-2010, 03:09 PM
Parent: #7
طارق الوغد:
والبقرو سودانيز ومشتركين
يعملوا شنو؟
الأسكيرت بحل ؟؟؟
بهاء
|
Post: #10
Title: Re: سِر حُزني
Author: ريهان الريح الشاذلي
Date: 07-02-2010, 03:51 PM
Parent: #9
ياسلااااام شكرا للابداع
|
Post: #11
Title: Re: سِر حُزني
Author: الشفيع محمد صادق
Date: 07-02-2010, 04:05 PM
Parent: #10
ياسلاااام عليك
تسلم وتصفى أيامك ياخي
جمعة مباركة
|
Post: #12
Title: Re: سِر حُزني
Author: Safa Fagiri
Date: 07-02-2010, 05:17 PM
Parent: #11
(أي دمعة حزن
لا لا لا)
صباحات بعذوبة صوتك
وألق من قبعات من
المطر الملون.
مع حبي.
|
Post: #15
Title: Re: سِر حُزني
Author: خدر
Date: 07-02-2010, 06:24 PM
Parent: #11
صاحبي ريهان
ياخي يعلم الله مشتاق ليك
و عارف الغنا ده بجيبك
ابقي طيبة يا طيبة
شكرا كتير يا الشفيع
و جمعتك مباركة
كتر خيرك يا فنان
|
Post: #13
Title: Re: سِر حُزني
Author: خدر
Date: 07-02-2010, 06:20 PM
Parent: #6
شكرا يا ناهد علي الاطراء
شكرا كتير و متعني الله بصحبتكم
بروفايلك حلو و اريتا جمعتك مباركة
يا ناجي يا ناجي
الوصية بالمهلة .. لقاء حا تصل الخرطوم يوم 10 يوليو
اوليها اهتمامك يا صاحب و شيلها في عيونك لحدي ما ترجعها لي
هذا و شكرا لكل الذي بيننا
|
Post: #16
Title: Re: سِر حُزني
Author: الرفاعي عبدالعاطي حجر
Date: 07-02-2010, 06:28 PM
Parent: #13
ابوعبيدة
اجمل الاخبار
ما قلت لمعاوية
يعني نجهز الصالة
والجمهور نوعدهم يعني ؟؟؟
.................................حجر.
|
Post: #17
Title: Re: سِر حُزني
Author: خدر
Date: 07-02-2010, 06:43 PM
Parent: #16
صفاء يا جميلة
شكرا بعدد الوانك
و إمتنان بعدد ثواني عمري
حجر
جهز كل شي والعهدة علي الاتية اسمائهم
محمد مدني
عوض هارون
حيدرالزين
و آخرين 
|
Post: #18
Title: Re: سِر حُزني
Author: Elmuiz Haggaz
Date: 07-02-2010, 06:43 PM
Parent: #16
شكرا يا طارق على الاغنية وشكرا على تشريفك منتدانا بدبلن.
الزول يكتب ويمسح زى البطرا( أو كما قال حميد) ما عارف يكتب شنو,عموما شكرأ
|
Post: #19
Title: Re: سِر حُزني
Author: salah ismail
Date: 07-02-2010, 06:53 PM
Parent: #16
الاداء بهذه الامكانيات الطبيعية الساحرة...جعل كلمات هذه القصيدة البسيطة...تحتمل اللا محمدود من الجمال والعاطفة الشجية..حتي اصبح اللحن اكبر من تاريخها...لتولد من جديد....
لك التحية..وكل الود..
الله يحفظك...ويديم عافيته عليك
يا سيدي...الجليل
========================================================================
انتهي...
========================================================================
|
Post: #20
Title: Re: سِر حُزني
Author: خدر
Date: 07-02-2010, 07:03 PM
Parent: #19
يا حّجاز
والله رجعنا منكم تريان فرح بي انو لسه في شباب زيكم
عصام بقول لي في لستة الشباب الكّيفوهو
و كنت انت و محمد عثمان(فناني المفضل) علي رأس لائحتي
شكرا كتير يا معز و ضحكني كلام حِميد
ليكن معلوما لديك يا صديقنا صلاح
ان نقدك او مدحك يطربني
يشهد الله
فشكرا اني كنت عند حسن ظنك في غالب الاحوال
|
Post: #21
Title: Re: سِر حُزني
Author: ياسر بيناوي
Date: 07-02-2010, 07:24 PM
Parent: #20
خدر يديك العافية يافردة
ناجي سجلوني في الرابطة بتاعتكم دي لاني والله الود طارق ابوعبيدة دا زولي تب
بس خدر دا مادايرنو معانا
|
Post: #23
Title: Re: سِر حُزني
Author: د.محمد بابكر
Date: 07-02-2010, 11:18 PM
Parent: #21
طارق ابوعبيده ازيك بالهولندى سنوات طويله ولم نلتقى اخر ليله لاقيتك فيها فى منزل شقيقى عباس بابكر وبرفقه امير من ادنبره بعدها صرت اسمع اخبارك من سودانيز اون لاينز مره حردان ومره حزنان الحكايه شنو يا ابو الطرق ..حاولت جاهدا المجئ الى دبلن لمقابلتك واخرين ولكنها مشاغل الحياه عموما سألتقيك بأمستردام قريبا مع تحياتى.
|
Post: #30
Title: Re: سِر حُزني
Author: خدر
Date: 07-03-2010, 09:40 AM
Parent: #23
بناوي
انا ذاتي سجلوني معاكم
المواطن ده زولي انا ذاتي
دكتور محمد سلامات ياخي
اتاريك انت معانا هنا و نحن ما عارفين
مافي حردان ,, كان في إمتعاض من الحاصل و برّد
عموما في إنتظاركـ و مرحب
|
Post: #22
Title: Re: سِر حُزني
Author: الملك
Date: 07-02-2010, 11:16 PM
Parent: #13
Quote:
يا ناجي يا ناجي
الوصية بالمهلة .. لقاء حا تصل الخرطوم يوم 10 يوليو
اوليها اهتمامك يا صاحب و شيلها في عيونك لحدي ما ترجعها لي
هذا و شكرا لكل الذي بيننا |
آو نسيت يا صاحبى اننى أول من بشرت بخبر دخولها لهذه الدُنيا هنا
وأحتفلت بمولدها ... فى الخرطوم ...
هى فى عينى ... متى ما وصلت ...
|
Post: #24
Title: Re: سِر حُزني
Author: محمد زكريا
Date: 07-02-2010, 11:49 PM
Parent: #22
Quote:
ناجي سجلوني في الرابطة بتاعتكم دي لاني والله الود طارق ابوعبيدة دا زولي تب
بس خدر دا مادايرنو معانا
|
وانا كمان.........خدر ده زول خداع.....يقول ليك بجيكم .........وحاااااااا
|
Post: #25
Title: Re: سِر حُزني
Author: محمد عثمان
Date: 07-02-2010, 11:56 PM
Parent: #22
خدر يا فنان...
شغل سمح بلحيل لاغنيه مظلمومه لم تجد
حظها كمثل الاغنيات الاخريات لثنائى العاصمه...
الاغنيه من كلمات الشاعر احمد الطيب عربى و ليس
الشاعر على شبيكه و لعله لغذاره اغنيات على شبيكه
مع الثنائى جاء الخلط..!!
تحاايا...
|
Post: #26
Title: Re: سِر حُزني
Author: ابراهيم عدلان
Date: 07-03-2010, 00:14 AM
Parent: #25
قالو في تيهك تحيا هاني سعيد
زي كأني معاك ما كأني بعيد
بلاغة معاني عجيبة
الله يخليك يا طارق
|
Post: #27
Title: Re: سِر حُزني
Author: احمد سردوب
Date: 07-03-2010, 00:14 AM
Parent: #25
عزيزي استاذ طارق
اسعدتنا ايما سعادة بدبلن في منتدي حبيبنا عماد الامين
سر حزني ما التقيتك من زمان يا ملهمنا الفرح
احمد سردوب
لو امكن تلفونك في المسنحر
|
Post: #32
Title: Re: سِر حُزني
Author: خدر
Date: 07-03-2010, 09:49 AM
Parent: #27
ود عدلان يا صديقي
شوق شديد والله
اريتك طيب ياخي و نيويورك طيبة
سردوب الفنان
شكرا ليك و لاهل دبلن الجميلين
انتو الاسعدتونا بي ترحابكم
تلفوني 0031618317525
|
Post: #28
Title: Re: سِر حُزني
Author: خالد العبيد
Date: 07-03-2010, 00:15 AM
Parent: #25
سلام خدرنا
ونحن جاينا بتين
عليك الله احسب عندك كم صاحب هنا
في انتظارك
|
Post: #29
Title: Re: سِر حُزني
Author: Elmuiz Haggaz
Date: 07-03-2010, 00:38 AM
Parent: #28
|
Post: #34
Title: Re: سِر حُزني
Author: خدر
Date: 07-03-2010, 10:00 AM
Parent: #29
ود العبيد
والله انتو كتار و الحمدلله انو الاصدقاء
كتار في اركان القارة الاربعة
قول يا لطيف يمكن نتشاوف قريب ياخي
تحياتي يا خالد للاصدقاء كلهم بطرفك
غايتو يا حجاز
بقت عليك حقت حِمّيد الليلة
ما كنت عارف انو الاغنية حا تقلب عليك المواجع قدر ده
|
Post: #31
Title: Re: سِر حُزني
Author: خدر
Date: 07-03-2010, 09:46 AM
Parent: #25
يا مورتون
ياخي ما تخلي قلبك اسود
انا عملت ليك رضوة هنا اغنيات قصيرة
محمد عثمان
اولا شكرا علي المرور و تانيا شكرا كتير جدا
علي تصحيح المعلومة و ده إعتذار واجب للاستاذ
احمد الطيب عربي .. اغنيات الثنائي و إرتباطهم
التاريخي بشبيكة خلاني اقع في الخطاء ده
شكرا كتير و سأصحح المعلومة
|
Post: #33
Title: Re: سِر حُزني
Author: محمد عكاشة
Date: 07-03-2010, 09:50 AM
Parent: #31
طارق ..
تسجيل حضور ومتابعه,,
شكرا جميلا..
كل الود
|
Post: #35
Title: Re: سِر حُزني
Author: تبارك شيخ الدين جبريل
Date: 07-03-2010, 10:04 AM
Parent: #33
طبعاً لمن قريت عنوان البوست خفت تكون الغنية مافى ...
لمن سمعت الغنية بقيت داير اقول ليك حاجة وااااحدة:
يا حليل حبّك!
... المهم ....
|
Post: #36
Title: Re: سِر حُزني
Author: الجندرية
Date: 07-03-2010, 10:09 AM
Parent: #35
كيف ما يحي هاني سعيد اذ بسمع جنس الصوت دا؟
بعيد بعيد
|
Post: #37
Title: Re: سِر حُزني
Author: خدر
Date: 07-03-2010, 10:11 AM
Parent: #35
عكاشة
حضورك مفرح , شكرا
كتير
تبارك
اريتها تقيف علي الحب براهو
ولا شنو !!
|
Post: #38
Title: Re: سِر حُزني
Author: الجندرية
Date: 07-03-2010, 10:22 AM
Parent: #37
في العجلة الندامة يا خي
معلييييييييش
غلطت في الايقونة
ومتأكدة انه غلط لا يخفى على فطنتكم
لكم العتبى يا فنان
|
Post: #40
Title: Re: سِر حُزني
Author: سفيان بشير نابرى
Date: 07-03-2010, 10:56 AM
Parent: #38
آمنت بالله
اها البيكتب ويمسح زي البيطرا ده انامن أمس اكتب وامسح كتبته كلام كتير لقيتو قليل شديد
مش يا مولانا مرات مرات كده الغرقان زيكم بيلقي شعر سمح بيقول :- لو سيدو اتنازل لي عنو
تاني ما داير اي شي ؟؟؟ اها الكلمات دي واحده من الحاجات المفروض يتنازل لي عنها عمنا
شبيكة ده ومعاها هوج الرياح زايد غرس دمي وواقابلك وبعد الغياب ووووو اقول ليك حاجة
كل الغناء السوداني الشحمان ومندي ... المهم ده التفكير البيصيبني طووووالي .
نجي لسر حزنك
شبيكة انا منو الاقدر اقول عنو حاجة !!!
السني الضوي منو السفيان بيتكلم في
تلحينو !!!
طارق ابو عبيدة غناااي وذوقو عالي
ودماغو مرتبه وصديقة للصوت ودماغ
في حد نفسها بتعرف تتصرف في امكانية
ما يمتلكه انسانها .
اللفت انتباهي يمكن يكون سؤال يا طارق اخوي
وهو :- الكان زابط الصوت ده منو ؟ وده شنو
الكان بيعملوا تحديدا في بداية الاغنية !!!
قصدي لما انت تقول :- ناس قراب منك عرفوا
سر حُزني الحركة دي يا طارق عجييييبة ومركزه
في المقدمة وفي القفلة برضو عليك الله كلمني ده
منو مهندس الصوت ده ؟؟ بلغو المحبة .
وكاني معاك ما كاني بعيد ياخ .
ولو ما سمعوك شقيانين حاااال
|
Post: #41
Title: Re: سِر حُزني
Author: خدر
Date: 07-03-2010, 11:16 AM
Parent: #40
اماني .. علي كيفك يا ستنا
اغلطي و سوي البعجبك ,, نحن رضيانيين
سفيان عاوز سر حزني !؟
شوف يا صاحب , انا من انصار مدرسة اللايف ساوند لانها بتخلق علاقة مباشرة بينك و بين الاودينس علاقة حقيقية ما فيها استوديو
بإمكانيات عالية إذن الاعتماد علي قدرات الصوت البشري موش الاستوديو ,التسجيل ده مهندس صوتو صاحبنا طارق ابوعبيدة بالمناسبة له الشكر
|
Post: #39
Title: Re: سِر حُزني
Author: عزام حسن فرح
Date: 07-03-2010, 10:42 AM
Parent: #37
بِتين يا قلبـي جُرحـك يِتِـمْ عـاد شِفاهو
وبتين يِسيب حِبك دلــو الساهـو وجفاهو
قالي جُرْحي المِتْل الرِشيـم : لِحْقو ولفاهو
أما عن جفاهـو ، بنساهو حين أنْظُر لِفاهو
الظاهِر يا خِدِر ياخوي فعايلك دي بِقت تتَوِر على أوجاعي ... هذا هل يجوز؟ حسُنًا ... ماذا عن الرحمة!
وينو الرابِط ، يِربُط عدوك
|
Post: #42
Title: Re: سِر حُزني
Author: على عجب
Date: 07-03-2010, 02:23 PM
Parent: #39
طارق يا فنان سلامات
الجمعة الفاتت مباركة
|
Post: #44
Title: Re: سِر حُزني
Author: Hadeer Alzain
Date: 07-03-2010, 08:17 PM
Parent: #43
يا سلام يا سلام على الصوت الشجي الدفئ دا !
شكرآ شكرآ .. وتسلم يا فنانا* العظيم
___
* فنان سودانيزأونلاين
|
Post: #45
Title: Re: سِر حُزني
Author: تبارك شيخ الدين جبريل
Date: 07-03-2010, 08:41 PM
Parent: #44
Quote: تبارك
اريتها تقيف علي الحب براهو
ولا شنو !! |
ياخى زيدان مش بقول:
والاااااااااهى .. ماااااا ... منّييى
... وكل الحصل يا جميل ارجوك اعذرنى ....
... المهم ...
|
Post: #46
Title: Re: سِر حُزني
Author: اسماء الجنيد
Date: 07-03-2010, 08:42 PM
Parent: #44
ابدااااع يا طارق والله ما شاء الله
تسلم للحن الشجي والاداء الاكثر من رائع
تحية وود
|
Post: #60
Title: Re: سِر حُزني
Author: خدر
Date: 07-04-2010, 10:14 AM
Parent: #46
تبارك
لو بارينا ذيدان ده بنتقبض انا و انت
شوف لينا صلاح مصطفي
شكرا يا سومة يا فنانة
و مالك غيابك طول .. الحقينا بي اخبارك
عطشانيييييييييين نحن
|
Post: #47
Title: Re: سِر حُزني
Author: الصادق سلفاب
Date: 07-03-2010, 09:20 PM
Parent: #44
خدر
شكراً لهذا الجمال
فقد حلقت بنا في عوالمٍ
لا يدري بكنهها إلا العارفين
|
Post: #48
Title: Re: سِر حُزني
Author: Adam D.El-Asha
Date: 07-03-2010, 11:20 PM
Parent: #47
يا خدر..
لك كل الجمال...هل موعدنا نيويورك هذا الصيف ???
آدم العشا
|
Post: #49
Title: Re: سِر حُزني
Author: طارق جبريل
Date: 07-03-2010, 11:27 PM
Parent: #48
انت يا جنا مافي زولا قالك يوما بتقصلك عمر زول
نخجي وجوعير يمحن يعلم الله
|
Post: #50
Title: Re: سِر حُزني
Author: محمد المرتضى حامد
Date: 07-04-2010, 00:22 AM
Parent: #49
بالطريقه دي ياخدر حاننتظر المزمزم ضرب مثل،
هالكه صاحبك ( بالجمال وجهِك انغسل) .
-
عجوه معطونه
..في عسل .
|
Post: #51
Title: Re: سِر حُزني
Author: mamkouna
Date: 07-04-2010, 00:53 AM
Parent: #50
...................
مزمزم مالو ؟ ضاربو هوا ؟
.............
طارق و الله و بالله غنيتك دي + اغنياتك القصيرة حمتنا النوم
انا لله يا قول العمدة
|
Post: #52
Title: Re: سِر حُزني
Author: أسامة خلف الله مصطفى
Date: 07-04-2010, 01:04 AM
Parent: #51
طارق أبوعبيدة....
سوف أسمع هذة الإعذوبة مرات ومرات ....
ويعجز لسانى عن وصف الفرح القلبى..
أشجينا....واطربنا...وحلق بينا فى عوالم أخرى..
|
Post: #53
Title: Re: سِر حُزني
Author: yasir Abdelgadir
Date: 07-04-2010, 03:58 AM
Parent: #52
فنانا العزيز طارق
ماهو دا الخلانا نركب القطر في اخر التسعينات عز الصقيع من بروكسل لباريس...عشان نسمع طارق ابوعبيدة في حفلة عرس......في حب ياخوانا اكتر من كدا
تسلم يارائع
أخوك
د. ياسر زين العابدين
|
Post: #54
Title: Re: سِر حُزني
Author: Emad Abdulla
Date: 07-04-2010, 05:50 AM
Parent: #53
أنا البيدخلني هنا شنو كان ما ساكت !!
أسوي شنو هسه مثلاً ؟
|
Post: #55
Title: Re: سِر حُزني
Author: ولياب
Date: 07-04-2010, 06:54 AM
Parent: #54
غنا فاخر
وصوت أفخر
وفنان مفخر
|
Post: #56
Title: Re: سِر حُزني
Author: الشاذلى خيرى عبد الله
Date: 07-04-2010, 07:29 AM
Parent: #55
| Quote: أسوي شنو هسه مثلاً ؟ |
مافى شيتن يتعمل يا عماد عبد الله غير تقفل الباب عليك وتعمل نايم زى حالتى كدا دا ...
ــــــــــــ
الله يجازيك يا خدر ..
قدر ما نقول عليك فنان ..
تطلع افنن ياخ 
|
Post: #73
Title: Re: سِر حُزني
Author: خدر
Date: 07-04-2010, 07:40 PM
Parent: #56
يا ولياب
مالك ناسي لي ضيوفي يافنان
ديل من الصنف الفاخر
و ده البفرحني كل ما اشوفهم داخلين علي
شكرا يا فاخر
شاذلي
افنن عديل !!
وينك اخي فاقدين صوتك
طمنا علي الامور
|
Post: #57
Title: Re: سِر حُزني
Author: Bushra Elfadil
Date: 07-04-2010, 07:41 AM
Parent: #55
صوت آسر وأداء رائع.
|
Post: #72
Title: Re: سِر حُزني
Author: خدر
Date: 07-04-2010, 07:37 PM
Parent: #54
دكتور ياسر
والله صحبتكم هي البتفرح
و إهتمامكم هو البخليني ادي اكتر
شكرا كتير يا صديق الزمن الحلو
يا ود التوم
شوف صف العشاق اعلي و اسفل
عشاق الثنائي و الحان السني
و شوف حيرتي انا في لحن جميل زي ده !!
انا يا اخوي راضي ذمتك المقدودة
منو فينا المورط اسه ؟
انا ولا انت/و ؟
(لقاء بطرفك الاسبوع الجاي و معاها اللي ما يتسماش)
|
Post: #63
Title: Re: سِر حُزني
Author: خدر
Date: 07-04-2010, 10:23 AM
Parent: #52
الممكونة
يعلم ربك و ربي , بطراك كتير
و افقدك اقول مالها غايبة
ياخي خليك هنا كتير و اكتبي اكتر
قولي حاضر .. حاضر .. شكرا يا ممكونة
اسامة يا صديقي الجميل
شكرا كتير يا فنان علي كلماتك الجميلات
و شكرا ان اعجبك سهمي في جمال السني الضوي
تحيات تغشاك صباح و مساء يا ابن عمي
|
Post: #62
Title: Re: سِر حُزني
Author: خدر
Date: 07-04-2010, 10:20 AM
Parent: #50
طروق
جاني خبرك و إحتمال كبير
نتلاقي في الخرطوم
مولانا الحبر الاعظم
انا مجهجهني اثر الطلح في الجسم
و إصفرارا مزج بياض (حولا )
نغنيها يا صاحب .. جدا
|
Post: #61
Title: Re: سِر حُزني
Author: خدر
Date: 07-04-2010, 10:16 AM
Parent: #48
ود سلفاب
جبرالله خاترك يا جبار الخواتر
شكرا كتير
العشاء بي لبن (ليك وحشة والله )
انا غايتو جاهز
انتو جاهزين !؟
|
Post: #59
Title: Re: سِر حُزني
Author: خدر
Date: 07-04-2010, 10:12 AM
Parent: #44
راني
بي راس مالها والله
و تستاهلها
هدير
شكرا يا هدير علي اللقب
و شكرا علي حضورك هنا .. اخجلتم اي حاجة والله
|
Post: #58
Title: Re: سِر حُزني
Author: خدر
Date: 07-04-2010, 10:07 AM
Parent: #39
عزام (انتو عزاز شامي وين ؟)
غبت يوم امس كلو بفتش في كودات السجم دي سماء ارض
و جيتك برضي فاضي لكن باقي لي ناجي الملك بنقذ الموقف
ابقي طيب يا صُوفي
علي عجب
|
Post: #64
Title: Re: سِر حُزني
Author: rani
Date: 07-04-2010, 10:43 AM
Parent: #58
يا شقي.. وحاتك اتسربت جو حنايا الذات...
.
.
.
كم انا مستمتع الان......
|
Post: #75
Title: Re: سِر حُزني
Author: خدر
Date: 07-04-2010, 08:42 PM
Parent: #64
ينصر دينك يا استاذ بشري
انا راجيك والله و راجي تطمينك ده
شكرا كتير يا كبيرنا
راني
استمتع يا صديقي و الحمدلله
اني قدرت اديك حاجة تفرحك
|
Post: #65
Title: Re: سِر حُزني
Author: فهيمة عبد الله
Date: 07-04-2010, 10:46 AM
Parent: #58
اللأستاذالرائع طارق أبو عبيدة كل من يستمع الي الاداء المنميز
يطمئن علي مستقبل السودان الفني
من هنا سجل اعجابي بصوتك
|
Post: #66
Title: Re: سِر حُزني
Author: محاسن أحمد محمد
Date: 07-04-2010, 02:43 PM
Parent: #65
سمعناك وطربنا لغناك
سمعناك فى امسيات واشنطون البارده وتسرب الدفء الى صدورنا
احب صوتك يا طارق صوت حنين وحزين
تحياتى ليك وللاسره
|
Post: #67
Title: Re: سِر حُزني
Author: Amira Elsheikh
Date: 07-04-2010, 04:31 PM
Parent: #66
صوتك دا الله يخلى ليك...
|
Post: #68
Title: Re: سِر حُزني
Author: tayseer alnworani
Date: 07-04-2010, 05:18 PM
Parent: #67
يا سلام ياخدر
هذا صوت دفى وهذه اغنية لها وقع فى الدواخل
شكرا خدر دايما مبدع لا يشق له غبار
|
Post: #69
Title: Re: سِر حُزني
Author: عمران حسن صالح
Date: 07-04-2010, 06:12 PM
Parent: #68
Quote: أنا البيدخلني هنا شنو كان ما ساكت !!
أسوي شنو هسه مثلاً ؟ |
بيدخلكـ شنو ؟؟؟
هو انت وين قاعد تدخل غير النفاجات الزي دي !! دخلت واتربعت وسمعت وشبعت وجيت تاني يوم سويت نفس الشغلة ولامن كتر عليكـ غلبكـ التقولو غير أسوي شنو هسة ؟؟
وتيب ده ما ياهو زاتو الأنا قلتو 
أسوي شنو حسي أنا ؟؟ ( هسة بالدنقلاوي وحسي بالشايقي اللِين شديد )
أول من دخل البوست وسمعتها بي سماعات جهاز المكتب الصغيرة وجيت شايلة في أضاني عشان سماعات البيت ( الما خمج ) 
وحصلت السطلة وحتلت
واعيد وأكرر وأسأل نفسي عن الشاعر
والملحن الختَ اللحن فوق الكلام
والصوت الطلَع نغمة صوت الشاعر ..
صدقني يا طارق الشاعر لو خيروهو الآن يخت صوت لي كلامو ده ياهو الحا يختاركـ
ويا حليل حبكـ لما كان صافي دي ( بتقلقل ) الزول ده
حسي أنا أسوي شنو ؟؟
__________________________
طارق ياني الجاييكـ
صدقني
|
Post: #78
Title: Re: سِر حُزني
Author: خدر
Date: 07-04-2010, 08:54 PM
Parent: #69
والله يا تيسير
مافي ادفي من احساسكم و كلماتكم
شكرا ليكم و ليكم كتير علي الدعم
و الكلمات الجميلات
بس يا عمران
انا كفاي الاخيرة دي .. راجي جيتك والله
بفارغ الصبر .. تعال ياخي
بعدين ياخ انا موش كلمتك اني بخجل من المديح !!
مالك هايج فيني الليلة
|
Post: #70
Title: Re: سِر حُزني
Author: jini
Date: 07-04-2010, 06:18 PM
Parent: #68
يا خ ما طلعت ديننا!
بى طريقتك دى يوم بتكلتل ليك زول !
طربا
والله يا خدر زى البسمع فيها من راديو الجيران بى فوق الحيطة!
يا اخى تشريط زى دا نحنا ما حملو!
يا اخى انت ما والد الجنا يا خدر !
المهيرة قربت تلحقنا امات طه وسر حزنى حتم الناقصة!!
يا اخى على الاقل تحذير لاصحاب القلوب الرهيفة!
الله يسامحك يا خدر!
جنى
|
Post: #71
Title: Re: سِر حُزني
Author: باسط المكي
Date: 07-04-2010, 07:25 PM
Parent: #70
تحياتي
ياطارق ..لازمتني ..
نقرشات عودك ياجميل اينما رحلت
كل الود
|
Post: #74
Title: Re: سِر حُزني
Author: انس عمر
Date: 07-04-2010, 07:59 PM
Parent: #71
ناس قراب منك ...
عرفو سر حزنك ...
..
سلمت يا فنان ..
|
Post: #79
Title: Re: سِر حُزني
Author: خدر
Date: 07-04-2010, 08:58 PM
Parent: #71
| Quote: والله يا خدر زى البسمع فيها من راديو الجيران بى فوق الحيطة! |
والله يا جني و ماك طالبني حليفة
وصفك ده هو البخليني اغني بالطريقة دي
ياخي الجيران و الراديو و الشارع و المزيرة
و الدكان و سيد اللبن و ..الخ
ديل ما سِر حزننا يا صاحب
ربنا يجمع يا حيدر لينا و للبلد
يا باسط
فاقدك والله و الحمدلله اني كنت معاك
انت هنا معانا طوالي يا فنان
ابقي طيب عليك الله
|
Post: #77
Title: Re: سِر حُزني
Author: خدر
Date: 07-04-2010, 08:51 PM
Parent: #67
اوووو .. استاذة محاسن شخصيا
انتو يا محاسن الدفيتوني لسنوات قادمات
شكرا ليكم انتو و ليك انت بالذات يا صديقة
تحياتي للاسرة
بت الشيخ
آمين و يخليكم لي
|
Post: #81
Title: Re: سِر حُزني
Author: Shiraz Abdelhai
Date: 07-04-2010, 09:15 PM
Parent: #77
يا للروعة....ويا لسعادتى بحزنك....ولحزنى بعدم وجودى هناك فى دبلن فى تلك الأمسية الساحرة لغالينا الفقيد عمدة....
فقد غادرتكم بسويعات ....وما اقساها!!
....ياخ تفتكر يوم ممكن الله يجيبك لينا بيجاي؟؟؟؟.........
...شكرا طارق على هذا النغم الراقى والأداء العميق....والصوت الشجى....
|
Post: #76
Title: Re: سِر حُزني
Author: خدر
Date: 07-04-2010, 08:46 PM
Parent: #65
الشابة الفنانة جدا فهيمة
انا الفرحان انو في شباب زيكـ بغني بي صوت جميل و إحساس حلو
و بغني في غني صحي و نضيف
انا المفروض اشكرك يا ستي .. مبروك لينا انك معانا
فرحان بيك والله و متابع مسيرك
ابقي طيبة يا بت يا فنانة
|
Post: #80
Title: Re: سِر حُزني
Author: أحمد طراوه
Date: 07-04-2010, 09:15 PM
Parent: #76
.. شكرا يا طارق (تيلفونك بيك ما خبور)
لله عبادا إختصهم بإ سعاد الناس
خدر إنت دارس و فاهم : صوتك دا ماركتو شنو ؟ قصدى تنور ولا بارتون خفيف
ولا الألطو بتاع فاطنة الحاج ( قيل ان كل الاصوات مشتقة من ضلع ابونا آدم )
.. يا تبارك شكرا على الكتاب (سلس و مُوحي) و اول مرة اشوفك رايق و ساكن في صفا و تأمين
|
Post: #82
Title: Re: سِر حُزني
Author: خدر
Date: 07-04-2010, 09:23 PM
Parent: #80
انس يا فنان
نادمتك قبل يومين و شكلك ما سمعتني
فاقدكم والله و طاريكم
سلم علي بتنا و الاوغاد الصغار
طراوة سلامات يا فنان
التلفون ده غايتو خبرو براهو بحكي ليك في اقرب مهاتفة
صوتي يا سيدي بمشي مداهو لحدي التينور لكن انا معطلو في الباريتون
ودي من حسنات مدارس التلحين السوداني السابقة.
الليلة ماهو مخبور .. كرر المحاولة ياخي .. انا راجيك
|
Post: #83
Title: Re: سِر حُزني
Author: اسماء الجنيد
Date: 07-04-2010, 09:34 PM
Quote:
شكرا يا سومة يا فنانة
و مالك غيابك طول .. الحقينا بي اخبارك
عطشانيييييييييين نحن |
يا خضر رسلت ليك زمااااااااااااااااان فى اميلك حاجات بتشبهك بتروي جد جد
وانت اخترت النوعية دي مره
لكن وحاتك ما جاني ردك وما عرفت الحاصل شنو
ولا غيرت اميلك ولا بقيت مخرف ولا شنو ما عارفة
المهم ما حقت تبارك
المهم حقك محفوظ بس يصلك كيفن يابا؟
|
Post: #84
Title: Re: سِر حُزني
Author: عماد شمت
Date: 07-05-2010, 00:16 AM
Parent: #83
هاها ها ياخدر عرفت سر حسنك (حزنك) ...!!!
عرفت ليه انا كنت مركز علي الثنائ ديل !!!!!
عشان الكلام بدخل في اعماق الاعماق ويحرك فيك كل المشاعر والاحاسيس النبيلة الجميلة ...
بالمناسبة اصحابك معتز وشهاب شرحبيل جو اشتغلوا معاي حفلة في جنيفا ..كانت في غاية الروعة
غايتو اتوقعوني نهاية الاسبوع احتمال كبير اقوم اصلكم ..عندي بعض المواضيع وبعدين الموضوع الاتفقنا عليه!!!
يااخي تسلم اشجيتنا واطربتنا ورجعتنا للزمن الجميل داك...رحم الله الفنان الجميل ابوديه وربنا يطول في عمر الرجل
الحنين السني الضوي ....
سلام ياصحبي لجدي ما نتسامع ....
|
Post: #85
Title: Re: سِر حُزني
Author: نوفل عبد الرحيم حسن
Date: 07-05-2010, 01:57 AM
Parent: #84
خدر
صوت حنييييييين وانسان فنان
بطمئنك . انه لسه الاغنيه السودانيه بخير . وستظل
.........
مع كامل احترامي لخيارك في - خدر - .. ولكن اسأل سؤال
متي يخرج - طارق ابو عبيده - وينطلق صوته في كل السماوات
لينظف كل اذن اعياها الاستماع قسرا - لاشياء - لا علاقه لها بالفن ومع ذلك يطلق عليها فن وتطريب ؟
أسال هذا السؤال لاني لم اسمعك من قبل .. الا في هذا المكان
والساحه تعج بالاسماء .. وتلك - الاشياء - التي حدثتك عنها
|
Post: #86
Title: Re: سِر حُزني
Author: معتصم مصطفي الجبلابي
Date: 07-05-2010, 03:36 AM
Parent: #85
روعة
|
Post: #87
Title: Re: سِر حُزني
Author: غادة عبدالعزيز خالد
Date: 07-05-2010, 04:31 AM
Parent: #86
دخلت إلى البوست وبي حزن..
لكنني ساخرج وانا تاركة بعضه خلفي
تحياتي لأسرتك الكريمة
ولك مودتي
|
Post: #88
Title: Re: سِر حُزني
Author: الصادق خليفة
Date: 07-05-2010, 07:04 AM
Parent: #87
يا سلاااااااااااااااااااااااااااااااااااااااااااااااااااام يا أخ طارق
صوت مميز أداء رائع , تطريب عالي تاني في شنو
يسلم ذوقك.
تعرف يا طارق كل ما اجي المكتب الصباح
بعد قراءة ايات من القران , عدل علي سر فرحي اقصد حزني.
يا جماعة لنك الحفظ لو سمحتو
|
Post: #89
Title: Re: سِر حُزني
Author: عبد اللطيف بكري أحمد
Date: 07-05-2010, 09:25 AM
Parent: #88
High quality selection
+
Top quality Performance
=======
thanks Tariq
Really amazing
======
|
Post: #90
Title: Re: سِر حُزني
Author: سيف الدولة كامل
Date: 07-05-2010, 09:39 AM
Parent: #89
الجميل \ طارق ,,, تحياتي وأشواقي
صوت جميل وساحر ,,, فنان راقي ,, رقيق الاحساس
بتريحنا دايما بصوتك الحنون,,, تسلم.
|
Post: #100
Title: Re: سِر حُزني
Author: خدر
Date: 07-05-2010, 06:55 PM
Parent: #89
صادق خليفة
شايف عمران اخوي ما قصر و جاب لنك الحفظ
و الامانة في الذمة اتزكرنا معاك بصالح الدعاء
كل صباح يمكن القيد ده ينحل
سشكرا كتير يا صادق
عبداللطيف
شكرا علي الكمبلمون و علي
المهاتفة و علي صوتك و عزفك للعود
و اتمني اسمع ليك شغل هنا قريب
|
Post: #110
Title: Re: سِر حُزني
Author: الصادق خليفة
Date: 07-06-2010, 07:04 AM
Parent: #100
Quote: صادق خليفة
شايف عمران اخوي ما قصر و جاب لنك الحفظ
و الامانة في الذمة اتزكرنا معاك بصالح الدعاء
كل صباح يمكن القيد ده ينحل
سشكرا كتير يا صادق |
طارق تنفتح عليك محل ما تقبل يا زول يا جميل.
لو أمكن يوما الحنين الشوق غلب
|
Post: #91
Title: Re: سِر حُزني
Author: قمر الانبياء عبد الحي
Date: 07-05-2010, 09:46 AM
Parent: #88
الاخ طارق
غناك كلوا شجن وجمال
ربنا يعطيك العافية ودائما في تالق
|
Post: #101
Title: Re: سِر حُزني
Author: خدر
Date: 07-05-2010, 06:56 PM
Parent: #91
سيف الدولة الاستاذ
شكرا مااظنها تديك حقك ايها المربي الجليل
شكرا كتير و ده أقل من قامتك
شكرا يا قمر الانبياء
شكرا يا عزيزي و تشرفني زيارتك و كلماتك
ابقي طيب
|
Post: #92
Title: Re: سِر حُزني
Author: عبد اللطيف بكري أحمد
Date: 07-05-2010, 10:29 AM
Parent: #88
High quality selection
+
Top quality Performance
=======
thanks Tariq
Really amazing
======
|
Post: #94
Title: Re: سِر حُزني
Author: سيف اليزل الماحي
Date: 07-05-2010, 11:15 AM
Parent: #92
.
الدخول في الاغنية "حوملي" عديل ياوغد،
بعدين في هبشة عود مبالغة،
حقو تدينا ليها في العضل (*) وذلك من سر حزن أخوك!
ياخي أسلم على صاحبي أنس،
وبهذه المناسبة نقترح على معاليكم عمل "دويتو" مع الصاعدة فهيمة،
قبل أن يأتي أعداء الثقافة ويلجمو موهبتها .. رايك شنو يافهيمة؟
اللهم قد بلغت فاشهد.
.
(*) سر حزن أخوك يأتي على هذا النحو .. إنه من كيد السسترات عناية م/ الخرطوم/الجنوبية
فمن لم يكن له سر حزن "قديم" فاليرمني بحجر!
.
|
Post: #102
Title: Re: سِر حُزني
Author: خدر
Date: 07-05-2010, 07:01 PM
Parent: #94
سيف يا وغد
- عجبني ليك العود العذبك ده
ومان غالطتني في عودي البمبي و شنفتو لي
اها ده ياهو زاتو
قلنا ليكم الرك علي الريشة موش علي القِدرة
- و فهيمة اريتني اقدر اعمل ليها شغل يذيد
في طولها طول لانها تستاهل والله
صوت جميل و تطريب عالي و حفظ جيد
- انس صديقنا لايزال في ايدي إجلال الامينة
____
اموت في القصر العيني و تنقذني الطبيبة
|
Post: #96
Title: Re: سِر حُزني
Author: عمران حسن صالح
Date: 07-05-2010, 01:09 PM
Parent: #88
| Quote: يا جماعة لنك الحفظ لو سمحتو |
|
Post: #99
Title: Re: سِر حُزني
Author: خدر
Date: 07-05-2010, 06:52 PM
Parent: #87
شكرا يا جبلابي كتير
ممتن انا
غادة يا ستنا
سعيد بالزيارة و المرور
و سعيد بمشاركتك الاحزان
خلي كل البتقدري عليهو هنا و امرقي
فرحت للاخبار و حاولت الاتصال و ما كنت محظوظ
تحياتي للاسرة
|
Post: #98
Title: Re: سِر حُزني
Author: خدر
Date: 07-05-2010, 06:50 PM
Parent: #85
عماد عويس يا صديقي
عارفك بتعرف محل الغنا السمح و بتخبرو
شكرا علي الاخبار المفرحة و بتوقعك تب
خليك قريب مننا ياخي و ما تبعد
بلد ود جبرالله دي مافيها فايدة ياخي
ارجل معانا ينوبك ثواب يا صاحب
و مستنيك
نوفل
انا عاجز يا استاذي عن الشكر
والله وعلي الرد علي كلامك الاكبر مني
فيما يخص الظهور للعلن زي ما بيقولوا الشيوعيين
فده امرو عند الله .. ياخي انا الغربة دي غالبتني 5 صفر
و ما عرفت حدها وين
شكرا كتير يا استاذي علي الكلمات الطيبات
|
Post: #116
Title: Re: سِر حُزني
Author: ود عقاب
Date: 07-06-2010, 04:16 PM
Parent: #98
يديك العافيه
|
Post: #97
Title: Re: سِر حُزني
Author: خدر
Date: 07-05-2010, 06:46 PM
Parent: #83
الملاقاة توفيق من الله يا شيراز
زعلت جدا اني ما لحقت الاقيك في دبلن
لكن تأكدي انو حا نتلاقي
ما عارف وين مع السفر الطويل ده لكن
بنتلاقي و شكرا كتير لي حزني الخلاك تجيني
سومة الفنانة
دي اخبار مفرحة انو حقي لسه قاعد
توقعي مني مداهمة علي المسنجر قريبا
محملا بكل ادوات قنص و إصطياد الشعر الجميل
و شكرا يا صديقة رغم المسافات
|
Post: #109
Title: Re: سِر حُزني
Author: tayseer alnworani
Date: 07-05-2010, 09:33 PM
Parent: #97
'طارق ابوعبيدة (وفى رواية اخرى خدر)
كلما حضرت المنبر ساقتنى اذناى لهذا البوست .
ياخى اغنيتك دى مبااااااااااااااااااااالغة عديل كده
الواحد طوالى يقفل الكمبيوتر ويمشى ينوم
|
Post: #93
Title: Re: سِر حُزني
Author: انعام عبد الحفيظ
Date: 07-05-2010, 10:53 AM
Parent: #1
غلبني الكلام
|
Post: #95
Title: Re: سِر حُزني
Author: نجلاء قرافي
Date: 07-05-2010, 12:57 PM
Parent: #93
عندي ملاحظه ياخدر
الصوت قوي ومتمكن مافيهو كلام ولاول مره اسمعك اسرني صوتك في الحقيقه
في حتات في النص محتاجه لاخراجهابصوت اهدأ(حنييين)
مثال
ياحليل حبك لما كان صافي
وينو لي قلبك لما كان وافي .
محبتي الاكيده ،،،
|
Post: #103
Title: Re: سِر حُزني
Author: خدر
Date: 07-05-2010, 07:04 PM
Parent: #95
شكرا عمران
علي لنك الحفظ
نعوم
انا غالبني من زمان بالمناسبة
في الاخر حردتو و بقيت اغني
نجلاء
علم و ينفذ يا ستنا
لكن لو سمعتي تاني بتلقي طلبك قاعد
او كما يتخيل لي
شكرا كتير عاي الملاحظة .. عجبتني
و شكرا لحضورك الجميل
|
Post: #105
Title: Re: سِر حُزني
Author: انس عمر
Date: 07-05-2010, 07:31 PM
Parent: #95
ناس قراب منك ...
عرفو سر الانتظار ...
|
Post: #104
Title: Re: سِر حُزني
Author: Hadeer Alzain
Date: 07-05-2010, 07:06 PM
Parent: #93
Quote:
وبهذه المناسبة نقترح على معاليكم عمل "دويتو" مع الصاعدة فهيمة،
قبل أن يأتي أعداء الثقافة ويلجمو موهبتها .. رايك شنو يافهيمة؟ |
ورايك شنو يا فنانا المبدع خدر؟؟
دخلت أكتب الكلام المقتبس لقيت في أخ سبقني وإقترحو!
________________
غايتو أنا سكنت هنا مع الساكنين سرآ وجهرآ!
ويا سلاااام تانية وتالتة كمان!!
|
Post: #106
Title: Re: سِر حُزني
Author: عمر التوم
Date: 07-05-2010, 07:48 PM
Parent: #104
طارق
تعجز الأحرف عن الايفاء
-----------------------------
لكن قولي كييف كشفت سر....حزني
|
Post: #107
Title: Re: سِر حُزني
Author: خدر
Date: 07-05-2010, 07:59 PM
Parent: #104
هدير
يا الطال غيابك طال
عن نفسي افرحني حضور فهيمة هنا
كما و يشرفني ان نغني معا
فمثل صوتها الجميل يستحق الاحتفاء
زي سُكنتك في البوست دي .. تفّرح عديل
انس
بلاهي انا كنا لابس الجنز المشرط اليوم داك ؟
عمر التوم
انت يا اخوي انا سر حزنك عارفو من ايام المعهد
___
كلمات علي شبيكة
الحان السني الضوي
أداء طارق ابوعبيدة
|
Post: #108
Title: Re: سِر حُزني
Author: عمر التوم
Date: 07-05-2010, 08:34 PM
Parent: #107
| Quote: بلاهي انا كنا لابس الجنز المشرط اليوم داك |
------------------------
غايتو جنس احراج
|
Post: #111
Title: Re: سِر حُزني
Author: أبو ساندرا
Date: 07-06-2010, 07:57 AM
Parent: #108
مشاغبات:
--------
1- كاد هذا البوست ان يتورط في
لمن شفتها مرات عديدة ، تذكرت محاكاة السودانيين / تقرأ ( الأزوال ) في الخليج
في المحاكاة ، يفتح احدهم عطارة فإذا الشارع كله دكاكين ومحلات عطور
جمعتي مباركة
2- اما هذه Quote: انس يا فنان
نادمتك قبل يومين و شكلك ما سمعتني |
ياخ المنادمة مافيها سمع وما سمعك
لعلك تقصد اما ( ناديتك ) او ( ناغمتك )
لكن ( نادمتك ) دي لامحل لها من/في الاعراب
3- الجلابي قال ليك
و أظنه مارس تحرش ظريف
مارس ماسك كتف إبريل
بكمل باقي المشاغبات بعدين
|
Post: #112
Title: Re: سِر حُزني
Author: أبو ساندرا
Date: 07-06-2010, 08:21 AM
Parent: #111
وصلة للمشاغبات :
----------------
بالمناسبة ( الوصلة ) كانت في سودان ماقبل الثمانينات
هي طلب الزيادة في المطاعم على حساب صاحب المحل
يعني تطلب واحد كبدة مع رشة عدس ، ممكن تطلب زيادة بكلمة ( وصلة ) يا
4- سيف اليزل قال :Quote: بعدين في هبشة عود مبالغة،
حقو تدينا ليها في العضل (*) وذلك من سر حزن أخوك |
أول مرة اشوف لي زول يحدد مكان حقنتو
دي شغلانة الممرض او السستر ال في الجنوبية
يديك / تديك ليها في اي حتة تعجبه او تعجبها
مافي خيارات أخرى يا يزل آل ماحي ؟
5- قال مولانا:Quote: و فهيمة اريتني اقدر اعمل ليها شغل يذيد
في طولها طول لانها تستاهل والله |
يذيد؟ إنا لله وين الولد حسين ملاسي ؟
يزيد ، يا هداك الله
بالمناسبة ( يا هداك الله ) هذه ، ضمها مع تأكيدات محاكاة السودانيين
مصطفى البطل بداها وتابعه فتحيي الضو فإذا بها تسري كما النار في الهشيم
بين الكتاب و الأدعياء
6- برغم تنبيه محمد عثمان :
| Quote: الاغنيه من كلمات الشاعر احمد الطيب عربى و ليس الشاعر على شبيكه |
إلآ ان مولانا خدر سدر في غيه لاحقآ برغم تأكيده وإعتذاره
وكذلك فعل سفيان نابري ، الناس دي بتقرأ بإضنينها
7- أماني الجندرية قالت :| Quote: كيف ما يحي هاني سعيد اذ بسمع جنس الصوت دا؟ |
الأخ / يحي هاني سعيد ده أظنه درس معانا في إحدى المراحل
أو لاقيناه في قطار
|
Post: #113
Title: Re: سِر حُزني
Author: أبو ساندرا
Date: 07-06-2010, 08:34 AM
Parent: #112
مشاغبات كمان وكمان
---------------------
المشاغبات حليت لي
فطفقت ازيد فيها
تمامآ مثل أجزاء المسلسل السوري ،ن شنو كده ....الحارة
8- قالت مولانا خدر :| Quote: شوف لينا صلاح مصطفي |
غايتو الكلام ده لو في إطار الإستهزاء والتقليل من شأن صلاح مصطفى
وأثره في الأغنية السودانية ، فبتكون زول أمفكو ساااكت في الغناء
برغم صوتك المترع حنان
صلاح مصطفى صاحب روائع ، ولو غنى ( بعد الغياب ) وكسر عوده وسكت ، لكفته مجدآ
كإعتذار كبير لصلاح مصطفى ولي انا شخصيآ
بقبل منك ان تغني رائعته هذه :
( حبيبي العمر بالدنيا
يضيع ، فكيف القاه ؟
حصاد الشوق في كفي
حطام من بقاياه )
تقديرآ للمداخلة أعلاه ، وإبرازآ لها
سوف أكتفي بها في هذه المشاغبة
|
Post: #114
Title: Re: سِر حُزني
Author: أبو ساندرا
Date: 07-06-2010, 08:49 AM
Parent: #113
مشاغبات و مشاغبات :
---------------------
9- كتب حيدر جني :| Quote: يا خ ما طلعت ديننا! |
وكأنه كان عندك ، وخايف عليه ما يطلع !
ياخ ده طلع زمااان ومعاهو زيتك كمان
العملوا الكيزان بيطلعهما الإتنين ، الدين و الزيت
وإمكن كمان معاهما الهدوم ذاتها
وتبقي حيدر ميطي بدل جني
10 - كتبت تيسير نوراني :| Quote: كلما حضرت المنبر ساقتنى اذناى لهذا البوست |
الناس بقت تمشي بإضنينها وتسمع بكرعينها
دي والله فرح ودتكتوك ما إتوقعها
بس حصل انا مرة راقد في بيتنا في الديم جاتني صحية
ومعاها سمعت صوت غنااااي
قمت وجهزت ولبست بسرعة
وخرجت ، باريت السمع
لغاية ما وصلت قريب خلوة الفكي محمد أحمد
وجدت كمال ترباس ، وكان حينها جديد لنج
يعني ممكن السمع يسوق
للسوق
|
Post: #115
Title: Re: سِر حُزني
Author: ممدوح أبارو
Date: 07-06-2010, 03:44 PM
Parent: #114
يا مواطن خاف الله فينا
لسة باقي ( أسمعني نشيدك ) ما فارق طبلة أضانّا
| Quote: صوت جميل و تطريب عالي و حفظ جيد |
عارف يا طارق فهيمة دي ممكن تتونس معاها وتجي تسألها من الونسة تسمعها ليك؟
ياخ حفّاظة * جنس حفظ !!! ربنا يحفظها
* يا أبو ساندرا نجهز ليك المشاكسات
|
Post: #117
Title: Re: سِر حُزني
Author: سيف اليزل الماحي
Date: 07-06-2010, 05:01 PM
Parent: #115
.
ابوساندرا قلت:
Quote: أول مرة اشوف لي زول يحدد مكان حقنتو
دي شغلانة الممرض او السستر ال في الجنوبية
يديك / تديك ليها في اي حتة تعجبه او تعجبها
|
يا أستاذ ..
أختنا الصغيرونة كانت في سنة أولى إبتدائي،
دخلت للدكتور في مركز صحي القوز قالت ليهو:
يا دكتور أنا عندي قارديا أكتب لي فلاجيل!
فأسقط في يد هذا الطبيب، والمراكز الصحية المجاورة.
وكما رأيت فنحنا مسائل الطب دي عندنا وراثة يامان،
ولذلك .. فعندما كان مستجدي الحدائق نهايات عصاري الخرطوم،
ييممون وجههم "الكالح" على قول الشيوعيين، صوب حدائق ستة أبريل،
أخوك كان يضرب نواحي "الجنوبية" عدل ..
ولذلك كان في مكان الألم من الوضوح ما يجعلني خبيرا في تحديد مكان الحقن،
والذي عند الشعراء الصعاليك يقال له: موضع السهم النجل!
والذي نفسي بيده .. ما استطاب لي مقام غيره، ولابرح نحولي سقام بعده،
ولله الأمر من قبل ومن بعد!
بالمناسبة طوال فترة "مشاويري" الى رحاب الجنوبية لم أقابل ممرضا البتة.
هذا .. ونعود الى موضوع البوست
سيف اليزل
.
|
Post: #118
Title: Re: سِر حُزني
Author: خدر
Date: 07-06-2010, 06:08 PM
Parent: #117
دقيقة يا سيف قبل ما تمشي .. ودي معاك ابوساندرا ده الضُل عليك الله
يا كبير
هضربتك دي كلها ضحكت معاها لكن في موضوعين مهمات
1- تصحيح اسم الشاعر
- عدم إستجابتي لتعديل الشاعر اتت في إطار أنتظار المذيد من المتداخلين
الممكن ينحازوا لصالح احقية شبيكة في الاغنية.
-إعتذاري كان سُمبهار من باب فإن أصبت فمن الله و إن اخطاءت فمن نفسي و الشيطان
كلامي ده و نحن لسه في إشتباك بالحناجر و الخناجر حول شاعر ( جاروا اهلك) و هل
هو محمد علي الامي ام سيد ع.العزيز
2- صلاح مصطفي
- زيدان ابراهيم ياخي بي عضمة لسانو في برنامج ايام لها إيقاع ردا علي نيران
حسين خوجلي الصديقة و قال (أنا ما لومي كتير يا حسين )
فيا كبير إيراد اسم الاستاذ صلاح مصطفي كان من باب الإحتفاء بسيرتو التي تخلو من
لوم. فكان تنبيهي لي اخوي الكاشف انو نلتزم جادة صلاح مصطفي الآمنة.
وديهو الضل يا سيف ياخي قّوم لي نفسي و عاوز يعمل لينا مشاكل مع الشعراء و الفنانيين
|
Post: #119
Title: Re: سِر حُزني
Author: خدر
Date: 07-06-2010, 11:08 PM
Parent: #115
شكرا كتير يا ود عقاب
كتر خيرك والله
ابارو
وين انت يا جنا , جاييني أخر الليل
كنت وين ليك يومين ؟
فهيمة علي العين و الراس يا وغد
ما تقلق تب و حاول اخلق لينا لنك مع بعض
و اطلع منها
و ابقي طيب يا صاحب
|
Post: #120
Title: Re: سِر حُزني
Author: إسماعيل وراق
Date: 07-07-2010, 00:03 AM
Parent: #119
ابداع يا طارق
كن بخير.،
|
Post: #121
Title: Re: سِر حُزني
Author: أبوذر بابكر
Date: 07-07-2010, 06:38 AM
Parent: #1
طارق
يا البيك نور اقليمك
تعرف
عادة ما قاعد اريد اسمع شغل "سوناى العاصمة"
ما حصل اطربونى كويس كده غايتو وما بدخلو فيك نوع الحالات البتنشبك فيك لما مثلا تسمع كرومة ولا ابوداود ولا عبيد الطيب، ياخ قول على السقيد إن شاء الله
خصوصا كمان كلام د. على شبيكة
لكين بريد "معاى معاى" ما عشان كلمات خالى "حمزة خوجلى" وبريد "فى ضميرك سرك كتمتو" و برضو "وحياة المحبة"
ليه ما عارف والله، لحد هسه يعنى
لكين على الحرام يا طارق
وماك طالبنى أى نوع من أنواع الحلايف
شدة ما عجبنى مزيج العود والصوت والأداء المرق من نواحيك ده
لامن حسيت انى كان مرقت الشارع، الدنيا دى كلها حتغازلنى
زى ما قال استاذنا د. بشرى الفاضل
اقول ليك شى
قلبى رضيان عليك دنيا وآخرة
|
Post: #122
Title: Re: سِر حُزني
Author: أبو ساندرا
Date: 07-07-2010, 07:11 AM
Parent: #121
أبوذر بابكر :
| Quote: وبريد "فى ضميرك سرك كتمتو" و برضو "وحياة المحبة |
شرحو يا صاحب
كلاهما ، ومعهما أخر من ذات العبقرية المنسابة لحنآ ، السني الضوي
مثل ( حيرت قلبي معاك ) و ( نحن البينا عامرة )
أحتفظ بكل أعمال ( ثلاثي ) العاصمة
وأعتقد أن سر ولهي بها يكمن في حنجرة الراحل محمد الحويج
واظن ان صوت طارق ابوعبيدة قريب من صوت الحويج
لو افتونا اهل العلم
|
Post: #123
Title: Re: سِر حُزني
Author: أبو ساندرا
Date: 07-07-2010, 07:32 AM
Parent: #122
ممدوح ابارو :
| Quote: يا أبو ساندرا نجهز ليك المشاكسات |
أيوة ، شايفك قنطرتها لي
لكني أحجمت عن الشوت ، عشان فهيمة لسع صغيرة وبريئة
نعوضك في قنطرة اخرى
|
Post: #124
Title: Re: سِر حُزني
Author: أبوذر بابكر
Date: 07-07-2010, 08:32 AM
Parent: #122
عبد الرحمن ازيك ياخ وكيفنك
وعساك والمعاك طيبين
السنى الضوى ده يا ابو ساندرا ملحن خطير خطير لدرجة ما عادية والله
انت سيبك من الحانه لثنائى العاصمة
شوف الألحان الأداها للناس التانين
اديك مثال واحد بس
الجرح الأبيض
رائعة محجوب سراج وأداء بن البادية
وشوف أغنية المرحومة البديعة "أمانى مراد"
بلقا الدنيا فرحة لما اجيك تائب
يكفى رضاك لمحة يا أغلى الحبايب
الله يرحم الحويج يا عبد الرحمن
مشى مستعجل والله وما خلانا نستناع بيهو كويس
والله كلما أسمع "مين أحلى من حبيبتى"
أول شى آخد لى بكية عليهو
وبعد ما استغفر احمد ربنا إنه ادنا واحات ندية وسمحة زى دى
على قلتها لكين برضها بتغنى من هجير كتير مالى روحنا ومبوظ اضنينا
|
Post: #125
Title: Re: سِر حُزني
Author: الجندرية
Date: 07-07-2010, 10:10 AM
Parent: #124
Quote: الأخ / يحي هاني سعيد ده أظنه درس معانا في إحدى المراحل
أو لاقيناه في قطار |
يمني مش ؟
ــــــــــــ
والله مشتاقين ياخ
|
Post: #126
Title: Re: سِر حُزني
Author: سيف اليزل الماحي
Date: 07-07-2010, 10:50 AM
Parent: #125
| Quote: وديهو الضل يا سيف ياخي قّوم لي نفسي و عاوز يعمل لينا مشاكل مع الشعراء و الفنانيين |
حجزنا للكبير ضل "أبو استك" على بعد 350 متر من باشدار،
فربما مر بجواره أحد الأصدقاء الخلاس،
أو نادمه صاحب لايظلم عنده أحد،
او لوحت اليه أحداهن بمنديل أو طرف جريدة رياضية،
فهدأت من روع إنطباعاته المؤسفة عن الخرطوم "الجديدة"
وما أدراك ما الخرطوم الجديدة ..!
(أنا بالطبع لا اقصد الخرطوم الجديدة بنات .. يا أبوساندرا)
فـ تمهل في السير أمامك ضل بارد.
سيف اليزل
.
|
Post: #127
Title: Re: سِر حُزني
Author: أبو ساندرا
Date: 07-07-2010, 11:05 AM
Parent: #126
كتب سيف بن يزل :
| Quote: بالمناسبة طوال فترة "مشاويري" الى رحاب الجنوبية لم أقابل ممرضا البتة. |
إذن ، عليك أن تلطم خدك
وتندب حظك
وقد يكون السبب ، صغر سنك
فقد سطع في سماء الجنوبية نجم حمادة الممرض ( أحمد .... )
في وقت ما في سبعينات القرن المنصرم
وطبقت شهرته ، المتأتيه من جمال خلقته وأخلاقه
حتى تغنت بإسمه بنات منطقة جنوب الخرطوم أو الخرطوم جنوب
في تعليم العروس ( العلومية )
وكذلك فعل بعض أولاد الديم الصقراب
فقد إستشكل حمادة على الطرفين ، بنات الديم تعاملن معه وفقآ لهويته الرسمية
والديامة الصقراب تعاملوا معه وفقآ لواقع الحال
وشهرته لم تقل عن شهرة الممرض الكناني في مركز صحي المايقوما
مع الفارق الضخم ، حيث عرف الكناني بالعنف عندما ينظف جرحآ وجنه وجن المياعة
ولايعبأ بنواحك وتجلعك
وحماده كان لطيف وملك الميوعة المتوج خاصة مع أرانب صدره التي تتقافز
حتى نصحته زميلته أن يلبس ستيانة / كذاكا ليحبس ارانبه البتطنطط
يا لطيف
|
Post: #130
Title: Re: سِر حُزني
Author: خدر
Date: 07-07-2010, 11:50 AM
Parent: #127
Quote: فتحت أغنية "سرحزني" بصوتك بالتزامن مع أغنية "سيل الوادي المنحدر" بصوت فهيمة
وطفقت أسمع (على قول أبوساندرا) فحدثت مقابلات صوتية ممتازة،
تنبئ بمستقبل ناجح لهذا الدويتو فهل نقبل/تقبل الرهان .. |
انت ماشي بعيد ليه يا فنان
سِر حزني دي ذاتها , فهيمة لو جربتها حا تبدع فيها
تطريبها عالي و احساسها متوائم مع سر حزني
Quote: وحماده كان لطيف وملك الميوعة المتوج خاصة مع أرانب صدره التي تتقافز
حتى نصحته زميلته أن يلبس ستيانة / كذاكا ليحبس ارانبه البتطنطط
يا لطيف |
قلت ليك وديهو الضل قبييييل , عملت لي فيها محلل فني
اها خم و صّر
|
Post: #128
Title: Re: سِر حُزني
Author: سيف اليزل الماحي
Date: 07-07-2010, 11:12 AM
Parent: #126
.
بالله رايك شنو في الضل؟ جيهنا صاحبك .. صاح؟
بعدين ياطارق
بالنسبة لللدويتو مع فهيمة قلت ممكن تعملو تجربة بأغنية "سيل الوادي المنحدر"
لكن صراحة خفت عليك، وما كان لي أن أخاف .. لكن تقول شنو أحوال الغربة
أقعدت بالفرسان البواسل،
فتحت أغنية "سرحزني" بصوتك بالتزامن مع أغنية "سيل الوادي المنحدر" بصوت فهيمة
وطفقت أسمع (على قول أبوساندرا) فحدثت مقابلات صوتية ممتازة،
تنبئ بمستقبل ناجح لهذا الدويتو فهل نقبل/تقبل الرهان ..
جرب حركة المقابلة بالله
والشكر لله وحده
سيف اليزل
.
|
Post: #129
Title: Re: سِر حُزني
Author: أبو ساندرا
Date: 07-07-2010, 11:28 AM
Parent: #128
سيد العدة :
Quote: - صلاح مصطفي
- زيدان ابراهيم ياخي بي عضمة لسانو في برنامج ايام لها إيقاع ردا علي نيران
حسين خوجلي الصديقة و قال (أنا ما لومي كتير يا حسين )
فيا كبير إيراد اسم الاستاذ صلاح مصطفي كان من باب الإحتفاء بسيرتو التي تخلو من
لوم. فكان تنبيهي لي اخوي الكاشف انو نلتزم جادة صلاح مصطفي الآمنة |
عداك العيب
إذن إلتزم وماتجلي طلبنا أعلاه بشأن أغنية :
( حبيبي العمر بالدنيا ، يضيع فكيف القاه.. حصاد الشوق في كفي حطام من بقاياه )
ونضيف عليها طلب أخر ، نأمل أن نسمع معها :
( في غيابك أضناني الألم .. وإتجلى في عيوني الفراق
إندس في قلبي النغم .. وفقدت للأيام مذاق )
ولو تمحركت في الإستجابة ح أفتح ليك بوست
او أفتح بلاغ
والإهداء للجندرية و صفية
غايتو انا اقحمت ليك الدكتورة في موضوعك سااااكت
|
Post: #131
Title: Re: سِر حُزني
Author: خدر
Date: 07-07-2010, 11:56 AM
Parent: #129
وراق يا صاحب
شكرا كتير والله
و ابقي قريب و طيب
الحوت ما بهددوهو بالغرق
انت قايل انا لومي شوية ؟
اما و إن إلتزمت جادة الصواب سنغني لصلاح و للحويج كمان (إغراء  )
|
Post: #132
Title: Re: سِر حُزني
Author: بشرى محمد حامد الفكي
Date: 07-07-2010, 01:00 PM
Parent: #131
تصفيق حار جداً
ومن ثمً
انحناءة
تشكر فقد أبهجتنا
|
Post: #133
Title: Re: سِر حُزني
Author: سيف اليزل الماحي
Date: 07-07-2010, 01:27 PM
Parent: #131
طارق :
Quote: الحوت ما بهددوهو بالغرق
انت قايل انا لومي شوية ؟ |
ده زي كلام بامسيكافي المسرحية:
بامسيكا:
الشكرية فرسان، ما بخلو تارا ليهم
وانا وكت نويت كتل نايل شايف قبيلتي ضعيفة
عمو قال ليهو:
قبيلتك يمين تعقد حديد واتحلو
العزيز بتعزو والذليل بتذلو
وات وكت لاقاك نايل
كان من الجمل تنزلو
بي سفك تعقرو وفي الهجيرة تملو
عقب تخلي كل شكريا يخاف من ضلو.
ينهض بامسيكا بسيفه:
أنا أسد الخلا
ماني الاضينة العر
والبوقد النار ليه من حموها يتر
صفوفهم بخربا، اليثبت معاي الحر.
يشهر الجميع سيوفهم، ويخرجو مسرعين من خشبة المسرح.
اخونا خدر
اظنك فهمت المعنى من هذا المقطع لمسرحية بامسيكا،
ولكن .. من يقنع أبا ساندرا بأننا ما رأينا "حمادته" هذا قط، بقسم الجنوبية،
"حمادته" الذي قيل: تغنت له البنات من المحيط الى الخليج!
أيش درانا!
عسانا ماخرجنا عن جادة البوست .. يا صاح.
سيف اليزل
.
|
Post: #134
Title: Re: سِر حُزني
Author: tayseer alnworani
Date: 07-07-2010, 10:11 PM
Parent: #133
Quote: ولو تمحركت في الإستجابة ح أفتح ليك بوست
او أفتح بلاغ
والإهداء للجندرية و صفية
غايتو انا اقحمت ليك الدكتورة في موضوعك سااااكت |
يا كبير انا مقترح الضل ده بايده بشده
وليك على القهوة والشاى مسئوليتى وبرسل البنات يجيبوا ليك الجرايد
اصلك هضربتك زادت
تكون نسيت تكتبنى ولا نسيت تكتب اسمى
شوق وسوال ياباشا
خدر تسلم يا جميل والله بغطى على صوتك ده
|
Post: #135
Title: Re: سِر حُزني
Author: nada ali
Date: 07-08-2010, 07:11 AM
Parent: #134
الأخ طارق،
صوت باذخ و أداء راقى.
شكرا
عماد عبد الله، بالنسبة لسؤالك، اقترح انك تشغّل الأغنية فى "كتاب الوش" و بعدين تفتح البوست ده، حا تسمع الأغنية فى شكل أوبريت بصوت طارق أبو عبيدة. مبالغة.
|
Post: #136
Title: Re: سِر حُزني
Author: Khalid Kodi
Date: 07-09-2010, 03:48 AM
Parent: #135
ياسلام ياطارق أبوعبيدة..
لينا كم يوم نستصحب هذا البوست ونتبادل السماعات...
فالفن هو يساعدنا على تنفس الهواء، فشكرا للصوت الذى يجعل من هذا ممكنا..
شكرا يارفيق الفن.
ندى على :
خلينا ليك طارق ابوعبيده كمان عايزه تتسلبطى فى عماد عبد الله؟
|
Post: #137
Title: Re: سِر حُزني
Author: nada ali
Date: 07-09-2010, 06:18 AM
Parent: #136
:).
|
Post: #138
Title: Re: سِر حُزني
Author: خدر
Date: 07-10-2010, 05:01 PM
Parent: #137
كودي العزيز
دي اسمها حبينا بيك بالسمعات و جينا تميناها في البوست
طيب ادوني البنية دي خلوني امشي اشتري ليها ايسكريم
ندي
شكرا ليك يا صديقتنا و رفيقة صديقنا و شكرا علي درس الحب
اللطيف في البوست .. تمنياتي بكثير الحب و الحياة التي تستحقون
شكرا ليكم .. محتفي جدا بي وجودكم معاي هنا
|
Post: #139
Title: Re: سِر حُزني
Author: خدر
Date: 07-10-2010, 05:04 PM
Parent: #138
بشير الفكي
شكرا كتير يا سيدي
كتر خيرك كتير
تيسير النوراني
إقتراح الضل ده هو الحل الوحيد بالمناسبة
شكرا علي كلامك الطيب يا ستنا
سيف
فاهمك تمام اطمئن
|
Post: #140
Title: Re: سِر حُزني
Author: خدر
Date: 07-16-2010, 02:41 PM
Parent: #133
Quote: ولكن .. من يقنع أبا ساندرا بأننا ما رأينا "حمادته" هذا قط، بقسم الجنوبية،
"حمادته" الذي قيل: تغنت له البنات من المحيط الى الخليج!
أيش درانا! |
يا اخوان البنات الجري ده ما حقي
|
|