إلى حين ...

إلى حين ...
أن يُكتب لي بعض الاستقرار وبراح من الزمن ، سأعود للرد فيما كتبته البعض هنا من تساؤلات بعضها بحسن نية وأخرها بدونه...
وليعلم الجميع وهذا للذين ليست لهم بي سابق معرفة بأنني لم أتعود الهروب بغض النظر أن كنت مخطئ أو خلاف ذلك ؛ حيث يمكنني أن استقطع من وقتي وأقم بالرد بشكل يحسم هذه الجوطة؛ لان هناك من أتصل منزعجاً وحريص على فهم ما حصل ، بالرغم إنني غير مكترث إطلاقا حتى عندما اتصل بي احدهم اكتشف إنني أغط في نوم عميق ، وكنت قبلها بقليل قد قمت بردي الأول في البوست إلا انه أصبح يُذكرني بالقوة عن البوست وحتى تذكرت بان هنالك بوست يتحدث عن موضوع سرقات وأنا معني به ،فقلت بعدها آآآ..
على العموم يا أصدقاء وكل من هو حريص على الحقيقية المجردة، اعتذر مقدماً عن الإدلاء ألان بشهادتي؛ والوعد لازال بييننا قائم (فشيلوا الصبر- أنا كده مستمتع)، حيث أتعمد ذلك لأنني بصدد قراءة اكبر عدد من التعليقات، سأتبع من حين لآخر ماذا يجري ، فلا داعي لتكرار إنه ليس لدي خدمة نت فقد فصلتها متعمد لأسباب يعرفها المقربون فقط...
الغريبة والمضحك قبل أن أبلغ عن البوست المذكور الخميس الموافق 1/7/2010م، كنت قبلها أتصفح خيالي وسرحان بأنني سأغيب عن المنبر لمدة 4 شهور حتى أنجز ما أنا على مشارفه، لكن ما بليد الحيلة اهو جينا كتبنا حرف وانكسر النذر، لكن هذا ليس هذا بمعنى الانجراف...

استمع في لحظة كتابة هذه الأحرف إلى أغنية (عودك رنان- لفيروز) فقط وأرجو أن لا نكون قد جرحنا مشاعر المقاطعين منتجات لبنان..

وإلى حين ...

تمشي وتجي بالسلامة ياصديق دربك اخضر
انجز ما انت ذاهب اليه ومن نجاح الي آخر

المنبر ملحوق والووك ورورووك علي قفما من يشيل




علي بركة الله

معتز...سلااام شديد,,

يازول سوى حاجاتك المهمة وبعدين تعال للمنبر

اذهب ياصديق.. وقم بانجاز ما انت بصدده.. وذي ما قالو ليك خضر واميرة.. المنبر ملحوق.

.
.
بالتوفيق
راني السماني

المنبر ملحوق عرفناه
طيب المصداقية كيف؟
ليهو حق صاحبك ينزعج و يتصل عليك لأنو إتهام بسرقة مجهود الآخرين حاجة ما ساهلة
و الدمج الح ينتج عنها ما ملحوق

تعرف ياودالبشري أنا اتصلت علي معتز قبيل وقد يكون في ناس غيري برضوا اتصلو
معتز قال كلام محدد وفهمت من حديثوا معاي انو ماقاعد يدخل المنبر ووعدني انو
حيجي يقول قولوا في البوست الكتبوا الاخ بدرالدين ـ الزول ده جاء كتب برضو انو
حيجي يكتب وهسي مافاضي ببقي قدامنا واحد من اتنين يا نكون لجنة لتقصي الحقائق
ونختار تيم كارب بقيادة اخونا بدرالدين للتحقيق الفوري في القصة دي يا اما ننتظر
معتز لحدما يفضي من مشغولياتو ويجي بمهلة والبورد قاعد وما ملحوق والمهم هسي في
تقديري انو معتز يشوف واجباتو المهمة وبعد يفضي يجي ولا كيف ؟

منتظرين

منتظرين شنو?

الموضوع شنو يا شباب؟

معتـز... شيمـا؟ ووتومبدونق...

السرقات الادبية فى المنبر ( تروتسكى ) نموذجــاً !!!
الموضوع هنا يا ابو الريش
وما شايف ليهو الا واحد من الحلول التالية:
ان يكون معتز هو كاتب الموضوعين (المسروق والمسروق منه)
أن يكون هو من كتب الموضوع اولا في مكان اخر والكاتب الاخر قد سرق منه
ان يكون عمل اقتباس بالحبر السري
ان نكون نحن في غااااية الغباء

Quote: ننتظر معتز لحدما يفضي من مشغولياتو ويجي بمهلة والبورد قاعد

كلام خضر حسين خليل ، الفوق ده أنا مؤيدو تب

بس عليك الله يا معتز ، سيبك مِن نظرِية المؤامرة البِتْحيلو ليها أيُتها حاجة ، لأنو ده عجز وتشتيت كورة ساي ... وهمِل < الناقِد > وخليك في < النقد > لو عِندك مُخارجة لإتهام بدرالدين وأحمد بشير ، قولو ولو منطِقي بنقيف معاك وبنطالب بدرالدين وأحمد بشير بِسحب إتهامُمْ والإعْتِذار ليك كمان ... ما تشتت لينا الكورة في إنو ده كوز وده أضانو
ـــــــــــــــ
أنا حأفترِض يا معتز إنك ما عاوِز تواصِل في عمود بدرالدين ، لأنك فتحت العمود ده بِحالو ... وعلشان نحصِر موضوعنا وما نشتِت كورتنا والبشر تفهم ، خليني ألخِص ليك ولِغيرك القضِية :

بدرالدين إسحاق إتهم معتز ، بإنو سرق مقال د. محمد المخزنجي الإسمو < وداعة الثعابين > ولصقو في مُداخلة ليهو في عمود للأخ راني (الرابِط أدناه) :

نريد ان نحيا قليلا.. لا لشىء، بل لنحترم القيامة بعد هذا الموت!!
ـــــــــــــــ
كتب معتز (الرابِط أدناه) :

كون أن يصبح الإنسان كوزاً ؟!

أحمد بشير ، قال إنو مقال معتز(أعلاه) مسروق (الرابِط أدناه) :

http://www.mostakbaliat.com/link31.html

كتبت هـذا بوست الاخ بدر:

الأخ الفاضل بد الدين،

سلام وأقولها لك صراحـة يا عزيزى، لم يحالفك الحظ فى العنوان ولا فى الإدانة.
قرأت النص الذى كتبه معتز دون إيراد مصدر، كما قرأت النص الذى أورده الدكتور
محمد المخزنجى دون إيراد المصدر أيضاً، ولا أكون عادلا لو إتهمت أحدهما دون أن أتقصى
الحقيقـة من أيهما أو من كليهما لو تعذر الإعتراف من أحدهما.. الشريعـة تقول كدا.

التبين، التبين، التبين...

لست ضـد الإتهام، ولكنى قولا واحدا ضـد الإدانة بمجرد فتح البوست.. ثم كيف تدين شخصـا
ثم تطلب منه الدفاع عن نفسـه، الا تعلم الإدانة تقفل القضيـة، يمكن أن تعطيه حق
الإستئناف، ولكن أنت حسمت الامر فى العنوان وفى متن البوست، فلا داعى لمخاطبته بعد
ذلك.. وكيف تحكم قبل أن تعطى المتهم أبسط أنواع حق الدفاع عن النفس؟!

بعد قراءتى للنص، أرى أن هناك قرائن يمكن أن تشير إلى ان كاتب النص الأصلى هو الاخ
معتز، ولكنها قرائن ستظل كذلك حتى يظهر الحق من الباطل:

القرينـة الاولى: كاتب النص تحدث أنه كان فى الصين، ومعتز كان فى الصين.
القرينة الثانية: كاتب النص هاجم الحكومة السودانية، ومعتز يهاجم الحكومة وهو معارض
القرينة الثالثة: كاتب النص تحدث عن السودان ودارفور وقال:

Quote: فما الذي يبرر قتل المدنين العزل من قبل المدججين بالسلاح؟! سواء كان هذا السلاح فئوس المسعورين في مذابح القرويين والرعاة التي لم تستثن حتى الرضع في أنحاء هذه البلاد؟! وطائرات الموت التي ضربت أنحاء دارفور،

والدكتور المخزنجى مصـرى ولد فى المنصورة، ولا يمكن أن يقول "فى أنحاء هـذه البلاد" بدون ذكر السـودان إلا إذا
كان يعنى مصـر.

وأزيد هنا القرينة الرابعـة: معتز درس الطب فى الصين، وزيارته للثعابين ربما كانت جزءاً من الدراسـة.

هـذه كلها قرائن تفرض عليك التريث وإعطاء الأخ معتز الفرصـة للدفاع عن نفسـه.. فعلى ماذا رجحت
كفـة أن كاتب النص الأصلى هو المخزنجى وليس معتز؟ وأقول رجحت لأنك حكمت وأدنت معتز.

ملحوظـة:
كاتب المقال تحدث عن صراع الثعابين فى المكسيك ولم يدعى أنه كان هناك، وتستطيع الحديث عن صراع
الثعابين فى المكسيك أو صراع الثيران فى اسبانيا ولا تحتاج أن تكون هناك.. أكثر من ذلك كاتب
المقال تمنى أن لو شاهـد صراع الثعابين فى المكسيك فى نهايـة المقال.

ملاحوظـة:

لم أقرأ نسخـة الدكتور محمد المخزنجى إلا فى هـذا المنبر، وكل الوصلات قادتنى الى فيسبوك الذى
لا أستطيع مشاهدته لأنه مقفل فى البلاد التى انا فيها كما اليوتوب.

Quote: وكل الوصلات قادتنى الى فيسبوك الذى لا أستطيع مشاهدته لأنه مقفل فى البلاد التى انا فيها كما اليوتوب.

سلامات يا ابو الريش
يا زول انت مقيم في طهران ولا شنو؟

الخلاّك تتصل عليه يا خضر هو إحساسك بأهمية القصة دي و عظم الإتهام
وفي النهاية زي ما قلت (في تقديرك) .
أنا تقديري للموضوع يختلف عن تقديرك إنت و معتز
إتهام زي دا لو عندي ما أدحضو بيه دقيقة ما بقدر أصبرها- لكن دا تقديري أنا

Quote: ببقي قدامنا واحد من اتنين

لا ما قصة كدا, إحنا - أو انا تحديدا - ما معني ولا مهتم بالموضوع قدر دا
لمّن أسكو بلجنة تحقيق أو حتى أنتظر آخرو
يعني ح اهتم بيه اكتر من صاحب الشأن نفسو

الى حيــن ميســرة من زمــان انظر الى هذا الخيط ثم ( قل / لا تقل )


السرقات الادبية فى المنبر ( تروتسكى ) نموذجــاً !!!

معتز او غيرو لو سرق .... مدان
و لو نقل خطأ او متعمد .... يجي يشرح ليه و يعتذر
ده كوم
و الكوم التانى نوع الطاقي الكوراك هنا ده
أغلف هو و حكومتو و حزبو.... و شايل موسو يطهر
انحطاطكم عينة يا الكيزان
لكن قوة عينكم عينة تانية

لا و جايب ليها تنظيرات
هل لرفــض فكرة الملكية الفكرية ؟

هل لعدم الايمان بالاخلاق كقيــم حاكمــة ومنظمة لعلاقات الناس ؟

ام لان السلوك غير موصول بفكرة ( الحلال والحرام ) التى هــى اس الاديــان ..

ولد ده مفكر كبير و "يؤصل" للسرقة بين الايمان و عدمه و التدين و الالحاد ..... خترى
الما بسرق فيكم - ان وجد - ما بتصعد في التنظيم و الدولة
الهكم المال
نجيك للتأصي الجد
يا عبدة المال
يا ملوك الانحطاط