Post: #1 Title: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 06-30-2010, 09:14 AM
هذه الواقعة حصلت في قرية من قرى السودان في ليلة من ليالي الخريف هادئة دون برد ولا حر ولا نقنقة مطرة اخرجت المرأة عنقريبها في نص الحوش وفرشتو ونومت ولدها ونامت بعد شوية الوليد ذو الثامنة شهور بدأ يصرخ فقابلته امه بضربة كي يسكت ومعاها عصرة على العنقريب وصرخ ثانية فلم يجد غير ضربة ثانية ومع كل صرخة ضربة وعصرة حتى سكت تماما والى الابـــــــــــــــد وماتت تحته خمسة عقارب ايضا
Post: #2 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 06-30-2010, 09:17 AM Parent: #1
ووجع وصور كتيرة مقلبة لابد للوقوف عليها وتعديلها
Post: #3 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 06-30-2010, 09:30 AM Parent: #2
اجلدوا ذاتكم وطوروها بدلا من جلد اطفالكم بالله مرات الشافع احتار ذاتو .... جلدوا لشنو ما عارف
Post: #4 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: معاذ الهادي Date: 06-30-2010, 09:53 AM Parent: #3
تحياتي ودبوش
قصة مؤلمة
ومدخل للحديث عن العنف الاسري اتجاه الاطفال
وياريت لو وجهت البوست للحديث عن التربية السليمة
وخلينا نبداها من البداية
معاك
لو نفسك طويل
Post: #5 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 06-30-2010, 10:06 AM Parent: #4
Quote: وياريت لو وجهت البوست للحديث عن التربية السليمة
شكرا أخي معاذ هذا هو صلب الموضوع وهو بالفعل موضوع طويل ويحتاج الكثير وسوف اتناول الموضوع ببساطة شديدة بعيدا عن التعقيدات العلمية التي تنفر الناس طبعا اي زول اقوليك والله عارفين كدا لكن نعمل شنو ومرات الواحد تلقاهو يدرس في الجامعة الطرق السليمة لتربية الاطفال واجي البيت حاجة تانية علم في لكن التطبيق يا معلم
Post: #6 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 06-30-2010, 10:12 AM Parent: #5
تفضل اخي معاذ وافيدنا بما لديك فيبدو انه لديك اهتمامات بهذا المجال الهام شكري وتقديري
Post: #7 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: rani Date: 06-30-2010, 10:16 AM Parent: #6
Quote: اجلدوا ذاتكم وطوروها بدلا من جلد اطفالكم بالله مرات الشافع احتار ذاتو .... جلدوا لشنو ما عارف
Post: #8 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: جعفر محي الدين Date: 06-30-2010, 10:18 AM Parent: #5
الأخ الكريم عبد الله ود البوش دائما يجذبني قلمك الهادف ربنا يحفظ عليك عقلك وعلمك يا رب
Quote: اجلدوا ذاتكم وطوروها بدلا من جلد اطفالكم
والله يا ود البوش دي استراتيجية كاملة وشاملة نحن في الحقيقة بنجلد أي أحد إلا روحنا الحليوة دي أي واحد يغلط في حقنا سننظم فيه معلقات السب والشتم والتحقير والتصغير والإهانة والإذلال والعتاب
أنا قاعد هنا وربنا يكفينا شر النسيان معاك لآخر الموضوع
Post: #9 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عفاف الصادق بابكر Date: 06-30-2010, 10:23 AM Parent: #8
ود البوش .. تحيات كتااار ..
تعرف موضوعك ده مهم جدا جدا جدا ..
سياسة الضرب للاطفال مهما كان السبب .. سياسة عقيمه ما فيها اي نوع من التربية المتوازنه ...
في ناس بتفهم انه ممكن الضرب يستعدل الطفل .. لكن بالعكس الضرب بولد الكراهية والعناد ..
والكراهية والعناد ارحم منهم غلط الطفل البسيط الممكن يتعالج بابسط الاساليب ..
وكلنا عارفين الطفل خام ممكن تشكله حسب فهمك للدنيا دي ..
غايتو انا ما استعملته الاسلوب ده نهائي .. والحمدلله ..
Post: #10 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: Mahassin Ibrahim Date: 06-30-2010, 10:40 AM Parent: #9
قلبي انفطر نصين يا عبدالله. لماذا هذه القسوه التي يبديها البعض تجاه فلذات كبدهم.
في منظمات اجنبيه بتعمل علي حماية الاطفال من صراعات الحروب.
ياربي لو عرفت ان هنالك والدين بيقتلو اطفالهم بالشكل دا حيكون احساسهم شنو؟
ياترى الام اللي قتلت وليدها بالشكل دا وهويئن تحت لدغات العقارب ...مكن تقدر تعيش بعد ذلك؟؟؟
Quote: لماذا هذه القسوه التي يبديها البعض تجاه فلذات كبده
الغريبة لايتحملون على فلذات اكبادهم ولكن المصيبة تحصل نتيجة مفاهيم خاطئة وثمنها غالي تبكي عليه الام مدى الحياة
Quote: ياترى الام اللي قتلت وليدها بالشكل دا وهويئن تحت لدغات العقارب ...مكن تقدر تعيش بعد ذلك؟
هذه السيدة اعرفها معرفة حقيقية ومازالت تعاني نفسيا حتى كتابة هذه السطور . . تابعي معنا اختي العزيزة
Post: #11 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: معاذ الهادي Date: 06-30-2010, 10:49 AM Parent: #9
اليكم بعض القواعد والاسس السليمة للتربية
بعضها من التجربة الخاصة والاخر من بعض الكتب والمنتديات المتخصصة والاخر من استشارات التربويين والاختصاصيين
.................
(1)
يختلف الآباء في تربية أبنائهم ، فبعضهم يسلك طريق القسوة و إنزال العقوبات الصارمة المؤذية و المؤثرة علي شخصية الطفل و نموه الانفعالي معتقدا أن التصويب يكون بإظهار القوة من جانبه و الخنوع و الاستسلام من جانب الأولاد .
و البعض الآخر من الآباء و الأمهات تتحكم فيهم عواطفهم و يستسلمون أمام تعنت الطفل و إصراره علي إشباع رغباته فيتركون له الحبل علي الغارب فينشأ الطفل بمفاهيم طفولية و بسلوكيات لا مسئولة خالية من ضبط النفس و معرفة الحدود فيمارس ما اعتاد عليه في أسرته مع المجتمع الخارجي فيصدم بالواقع المختلف عما نشأ عليه و يصبح عرضة للإحباطات و الاضطرابات النفسية .
يتبع
Post: #12 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: معاذ الهادي Date: 06-30-2010, 10:52 AM Parent: #11
قواعد أساسية في تربية الطفل :
سلوك الطفل سواء المقبول أو المرفوض يتعزز بالمكافآت التي يتلقاها من والديه خلال العملية التربوية و في بعض الأحيان و بصورة عارضة قد يلجأ الوالدان إلي تقوية السلوك السيئ للطفل دون أن يدركا النتائج السلوكية السلبية لهذه التقوية .
و يمكن تلخيص القواعد الأساسية لتربية الطفل فيما يلي :
مكافأة السلوك الجيد مكافأة سريعة دون تأجيل .
المكافأة و الإثابة منهج تربوي أساسي في تسييس الطفل و السيطرة علي سلوكه و تطويره و هي أيضا أداة هامة في خلق الحماس و رفع المعنويات و تنمية الثقة بالذات حتى عند الكبار أيضا لأنها تعكس معني القبول الاجتماعي الذي هو جزء من الصحة النفسية .
و الطفل الذي يثاب علي سلوكه الجيد المقبول يتشجع علي تكرار هذا السلوك مستقبلا .
مثال – في فترة تدريب الطفل علي تنظيم عملية الإخراج ( البول و البراز ) عندما يلتزم الطفل بالتبول في المكان المخصص فعلي الأم أن تبادر فوراً بتعزيز و مكافأة هذا السلوك الجيد إما عاطفيا و كلاميا ( بالتقبيل و المدح و التشجيع ) أو بإعطائه قطعة حلوي .. نفس الشيء ينطبق علي الطفل الذي يتبول علي فراشة ليلا حيث يكافأ عن كل ليلة جافة
.... النقطه المهمة هنا
ان المكافاة للسلوك الجيد لازم تكون سريعة وفورية حتى يستطيع الطفل ربطها مع السلوك الذي قام به.
Post: #13 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عفاف الصادق بابكر Date: 06-30-2010, 10:57 AM Parent: #12
Quote: ان المكافاة للسلوك الجيد لازم تكون سريعة وفورية حتى يستطيع الطفل ربطها مع السلوك الذي قام به.
معاذ .. كيفنك ..
تعرف السياسة دي حلوه جدا .. وفيها نتيجة تسعد الطرفين ..
Post: #15 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 06-30-2010, 11:29 AM Parent: #13
Quote: اليكم بعض القواعد والاسس السليمة للتربية
بعضها من التجربة الخاصة والاخر من بعض الكتب والمنتديات المتخصصة والاخر من استشارات التربويين والاختصاصيين
عبر هذا البوست ادعو ذوي التجارب والمختصين ان يدلوا بدلوهم فكل له دوره ووقعه عبارة سمعتها من امي ربنا اديها العافية واطول عمرها وادي كل الامات العافية والصحة وطولة العمر سمعتها منها وانا طفل وكانت دائما ترددها ومازالت هذه العبارة تدغدغ آذاني حتى هذه اللحظة تربية العيال قرش حصحاص
شكرا اخي معاذ لاثراء هذا البوست ونواصل معك بنفس طويل اكرر شكري وتقديري
Post: #17 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: معاذ الهادي Date: 06-30-2010, 11:42 AM Parent: #13
Quote: معاذ .. كيفنك ..
تعرف السياسة دي حلوه جدا .. وفيها نتيجة تسعد الطرفين ..
الحمد لله ياعفاف
وسياسة بسيطة جدا
المكافاة الفورية دي ممكن تكون حاجة بسيطة
خليك متابعة حا اجي لنوع المكافاة وطبيعتها خلال البوست
Post: #14 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: نور الدين عثمان Date: 06-30-2010, 11:18 AM Parent: #12
والله ياعبدالله هبشت موضوع فعلا محتاج للكثير من البحث : فى قبل شهرين كده كنت فى طوارئى مستشفى الشميسى مع واحد من اقاربى وانا اما باب الطوارئى جا سودانى سايق باجيرو والعربية مليانة شفع المهم الراجل من عجلته ولخمته وقف العربية امام الباب وبدون مايبطلها نزل وهو فى حالة يرثى لها لدرجة انوحاول يفتح الباب الثانى وما قدر فذهبت تجاهه مسااعدا ومستطلعا مايحدث . صراحة عندما فتحت الباب هالنى منظر لن انساه طوال حياتى ... طفل تقريبا فى الثالثة من عمره وراسه شبه مفتوح لنصفين وكمية من الدماء تقطى المقعد الامامى يعنى بالمختصر منظر الله لا يوريه ليك .. لحظتها حاولت فقط ووسط بكاء باقى الاطفال وهذا الاب الملبوخ حمل الطفل وباسرع ما نستطيع لداخل الطوارى فعلا ادخلناه وبعد ان استلمه فى الطوارى دخل الاب فى موجة بكاء حارة ولم استطع ان اتبين منه ماحدث فخرجت للسيارة وباقى الاطفال ففهمت منهم انهما أخوة وبعضهم اقارب اخذهم الرجل للذهاب للحديقة وهذا الابن فتح الباب دون ان يشعر الرجل فسقط على الارض وداس عليه بلستك السيارة الخلفى ... للاسف مات هذا اطفل المسكين بخطا من الاب هو عدم عمل تامين للباب واقلاغه .... والله ام العيال حتى الان عندما تتزكر هذا الموقف يكون يوم كامل من البكاء ... ربنا يصبر هذا الاب ويصبر امه .
Post: #16 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 06-30-2010, 11:36 AM Parent: #14
Quote: والله ياعبدالله هبشت موضوع فعلا محتاج للكثير من البحث : فى قبل شهرين كده كنت فى طوارئى مستشفى الشميسى مع واحد من اقاربى وانا اما باب الطوارئى جا سودانى سايق باجيرو والعربية مليانة شفع المهم الراجل من عجلته ولخمته وقف العربية امام الباب وبدون مايبطلها نزل وهو فى حالة يرثى لها لدرجة انوحاول يفتح الباب الثانى وما قدر فذهبت تجاهه مسااعدا ومستطلعا مايحدث . صراحة عندما فتحت الباب هالنى منظر لن انساه طوال حياتى ... طفل تقريبا فى الثالثة من عمره وراسه شبه مفتوح لنصفين وكمية من الدماء تقطى المقعد الامامى يعنى بالمختصر منظر الله لا يوريه ليك .. لحظتها حاولت فقط ووسط بكاء باقى الاطفال وهذا الاب الملبوخ حمل الطفل وباسرع ما نستطيع لداخل الطوارى فعلا ادخلناه وبعد ان استلمه فى الطوارى دخل الاب فى موجة بكاء حارة ولم استطع ان اتبين منه ماحدث فخرجت للسيارة وباقى الاطفال ففهمت منهم انهما أخوة وبعضهم اقارب اخذهم الرجل للذهاب للحديقة وهذا الابن فتح الباب دون ان يشعر الرجل فسقط على الارض وداس عليه بلستك السيارة الخلفى ... للاسف مات هذا اطفل المسكين بخطا من الاب هو عدم عمل تامين للباب واقلاغه .... والله ام العيال حتى الان عندما تتزكر هذا الموقف يكون يوم كامل من البكاء ... ربنا يصبر هذا الاب ويصبر امه .
يا لطييييييييييييييييييييييييييييييييييييييييييييييييييييييييف اها كمان دا باب عذاب تاني أخي نور الدين ياربي خذ روحي قبل ان ارى منظرا كهذا آمييييييييييييييييييييييييييييييييييييييييييييييييييين
Post: #18 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 06-30-2010, 11:52 AM Parent: #16
اسمعوا هنا ايها الاباء اي زول قرأ حكاية اخونا نورالدين الفوق دي ولم يتأكد من تأمين ابواب العربية طلوعا ونزولا نسأله امام الله يوم القيامة من اي حادث يحدث لاطفالكم او الراكبين معكم انتو قايلين رباية العيالة دي ساهلة ساهي ( تربية العيال قرش حصحاص ) انتو كبروكن سالمين ومعافين بالساهلة انتو قايلهن كتاكين اكبو ليهن الحبوب والماء واشغلوا ليهن المكيف وخلاص دي اماااااااااااااااااااااااانة في اعناقكم الى يوم القيامة . . احكي ليكن الحكاية دي : حضرت الينا الوالدة هنا في الرياض ومشينا نجيبا من المطار انا وحمودي ولدي ذو السبعة سنوات واول ما وصلنا البيت والعربية وقفت تماما .... همت الوالدة بفتح باب العربية عشان تنزل قام حمودي ولدي قال ليها .... اقيفي اقيفي يا حبوبة انوريك حاجة تاني ما تفتحي الباب الا تسمي جررررررررررر ويعني صوت فرملة اليد ( الجلنت ) فحضنته الوالدة وبكت وبكيت معها لاننا مازلنا في حالة بكاء لفقد الزوجة التي ماتت مرة واحدة ونحن نموت كل يوم مية مرة ..... هكذا علمت حمودي فصار حمودي يعلم حبوبته التي ولدتي وربتني وقرشت الحصاص عشاني
Post: #19 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 06-30-2010, 11:58 AM Parent: #18
دعونا نهدئ الاعصاب قليلا من اثر هذه الكوارث ونعود اليكم بنفس بارد الله يسماحك يا نور الدين ..... انا ماش المستشفى الضغط طار السماء
Post: #20 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: معاذ الهادي Date: 06-30-2010, 11:58 AM Parent: #16
(3).. .................. أنواع المكافآت
1- المكافأة الاجتماعية :
هذا النوع علي درجة كبيرة من الفعالية في تعزيز السلوك التكيفى المقبول و المرغوب عند الصغار و الكبار معا .
ما المقصود بالمكافأة الاجتماعية ؟
الابتسامة – التقبيل – الربت – المديح – الاهتمام – إيماءات الوجه المعبرة عن الرضا و الاستحسان
العناق و المديح و التقبيل تعبيرات عاطفية سهله التنفيذ و الأطفال عادة ميالون لهذا النوع من الإثابة ، قد يبخل بعض الآباء بإبداء الانتباه و المديح لسلوكيات جيدة أظهرها أولادهم إما لأشغالهم حيث لا وقت لديهم للانتباه إلي سلوكيات أطفالهم أو لاعتقادهم الخاطئ أن علي أولادهم إظهار السلوك المهذب دون حاجة إلي إثابته أو مكافأته
مثال – الطفلة التي ترغب في مساعدة والدتها في بعض شئون المنزل كترتيب غرفة النوم مثلا و لم تجد إي إثابة من الأم فإنها تلقائيا لن تكون متحمسة لتكرار هذه المساعدة في المستقبل .
و بما أن هدفنا هو جعل السلوك السليم يتكرر مستقبلا فمن المهم إثابة السلوك ذاته و ليس الطفل
مثال – الطفلة التي رتبت غرفة النوم و نظفتها يمكن إثابة سلوكها من قبل الأم بالقول التالي : ( يا سلام الغرفة نظيفة....حاجة جميلة والله ...دي النظافة ولابلاش..الخ) ..
هذا القول له واقع أكبر في نفسية البنت من أن تقول لها ( أنت بنت شاطرة )
........................
النقطة المهمة هنا
انو الاشادة تكون للسلوك وليس للشخصية
حتى يتم ربط المكافاة بالسلوك
.يتبع
Post: #21 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: نور الدين عثمان Date: 06-30-2010, 12:02 PM Parent: #16
غايتو نسال ربنا يعوض اهله بمن هوافضل منه صلة رحم .. صدق عاد لى كل الشريط كانه الان ؟؟يارب موضوع تانى بالنسبة للاطفال هى محولة ردع الطفل الشليق بطريقة ما لانى الشلاقةدى مضرر منها جدا فمرة جاء ت لزيارتنا اسرة من معارفنا وكانوا لاول مرة يزورونا وبصحبتهم ابنهم ذو الثمانية اعوام والله ياعبد الله الود ده التقول ولد خمسة تنطط فوق الكراسى وجرى وركب عجلة ولدى الصغير جاب اجلها واخر شى عمله كسر لى ساعة حائط قيمة جدا تقريبا عمرها خمسة سنوات ما وقفت يوم ولا كلت ولا ملت والغايظنى ابوه وامه شايفنو يعمل فى العمايل العجيبة دى ولاحد بقولوا استب ... فدى تندرج ضمن سؤ التربية .
Quote: الاخ العزيز الاستاذ معاذ الهادي انني سوف اعتمد عليك في هذا البوست من الناحية العلمية والتخصصية وبساعدك بخدمة الضراع بالكلام الجربندي وكدا تكتمل اللوحة
تحياتي ود بوش
استاذ دي كبيرة علينا
هناك الكثيرين من عضوية البورد بامكانهم الافادة في هذا الموضوع الحساس والمهم وايد على ايد تجدع بعيد
Quote: و البعض الآخر من الآباء و الأمهات تتحكم فيهم عواطفهم و يستسلمون أمام تعنت الطفل و إصراره علي إشباع رغباته فيتركون له الحبل علي الغارب فينشأ الطفل بمفاهيم طفولية و بسلوكيات لا مسئولة خالية من ضبط النفس و معرفة الحدود فيمارس ما اعتاد عليه في أسرته مع المجتمع الخارجي فيصدم بالواقع المختلف عما نشأ عليه و يصبح عرضة للإحباطات و الاضطرابات النفسية .
نحن بنضرب الطفل البيبكي عشان يسكت هذه الجملة تدخل في صميم الكبت ليشمل عدم الصراحة بين الأب و الأم من جهة و الأبناء و البنات من جهة أخرى.
رغم كل هذه القتامة التربوية ، إلا أنه يُحمد للأسرة السودانية الكثير ، إلا أنه يلزمنا أيضا عدد لا يستهان به من الدروس التربوية لتدخل بيوتاتنا لتكسر حواجز وهمية تقوم بين أفراد الأسرة
Quote: مرات الواحد تلقاهو يدرس في الجامعة الطرق السليمة لتربية الاطفال واجي البيت حاجة تانية علم في لكن التطبيق يا معلم
اعتقد أن هذا هو مربط الفرس في السلوكيات فهذا الداء مستشري جدا نستطيع أن نناقش ونتجادل من الكورة الى فقه الضرورة لكن إيمان بضرورة التطبيق معدوم.. إلا فيمن رحم ربي فالغالبية أفذاذ في استعراض عضلات الكلام فقط
Post: #32 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: الامين موسى البشاري Date: 06-30-2010, 03:10 PM Parent: #29
والله يا اللمين اخوي انا من قبيييييييييييييييييل منتظرك وقلت لو اضايقت بمشي على البلابل
الحمد لله جيت براك وحاجتي اليك تتمثل في رفع الفيديوهات وات عارف زولك في الحاجات دي زي ابوسنينة وووووووواحد لوووووووووووووول صورة الطرادة الساهلة دي ماقدر عليها قام خم طرادتك بي ضبانتا وجاء جاري بيها . . اها كتر لينا من الوسائل التربوية خاصة الفيديوهات JAIRY PIT ME JAIRY PIT ME الفيديو بتاع الشافعة البتخرش الكبريتة وامها تديها طقة في ايديا وتاني تخرشا وامها تاني تديها طقة في ايدا وفي الاخر تخرش الكبريتة وتمد يدها لامها عشان تطقها واظنها دعاية من الدفاع المدني وموز ورعيف وحادات وحادات قال بساعدتكم بالجكة قال فيديوهاااااااااااااااااااااات يا فنان .... التمراية حد تبقى بعيدة تفنن فيها الحجر ترميها لووووووووووووووووول يا اللمين الفنان
في هذا البوست سوف نوجه نصائح للشباب المقبلين على الزواج والمتزوجين الجدد لانهم ديل اصحاب الشي ذاتوووووووو ومن هنا البداية الصحيحة ونحاول ننقذ ما يمكن انقاذه الشردن خلهن اقرع الواقفات
Post: #36 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: الامين موسى البشاري Date: 06-30-2010, 11:56 PM Parent: #35
Quote: وقلت لو اضايقت بمشي على البلابل
ات لسه من زمن البــلابل والله في شارع مدني في حاجة هناك بتعمل كــوارع كاربه جـــاري البحث عن الفيديوهات هاك دا أول واحــــد
.... .... ودي
Post: #37 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: الامين موسى البشاري Date: 07-01-2010, 00:20 AM Parent: #36
Post: #38 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: Mahassin Ibrahim Date: 07-01-2010, 06:52 AM Parent: #37
صباحكم خير . انا وحسب وجهة نظرى ان الخطا في بعض الاحيان يكون نتيجة موروثات اجتماعيه خاطئه تتمثل في بعض الاحيان في الاتي:
عقاب الطفل يكون باسرع واردع طريقه لكي لا يقع في هذا الخطا مره اخرى
بينسوا حاجه مهمه جدا ان هولاء الملائكه احياء الله في الارض لديهم رغبه غير عاديه وطاقه هائله في البحث في العوالم اللي حولهم ومحاولة مد اليد للبحث و(( والهبيش)) ....يبقي الملاك الصغير الذى يدفع بعض الاحيان بجنون وطاقه غير عاديه نحو التقص والمعرفه يكون تعاملنا معه بهذه الصوره البشعه والتي تنافي ابسط القيم الانسانيه.
لدينا تجارب لاطفال في مختلف الانماط والسلوك ..... وكلهم في النهايه صاروا والذين لم يكبروا كثيرا سيصيرو ذو شان. بس حقو الامهات والاباء الذين كانو وامهات اياء سيكونو ينتبهو لحاجه مهمه جدا ويعامل طفله بالمثل. مخلوقات رقيق تحتاج لمن يوجه ويرغب ويطرق مدارك الفهم لديهم بصوره حضاريه بالتوجيه السليم. وليس بالتعنيف الشديد . اسالو مجرب واسالو المجربين الاخرين. انا متاكده كميه من القارئين وال
Post: #39 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: معاذ الهادي Date: 07-01-2010, 07:41 AM Parent: #38
(4)>>>
المكافأة المادية :
دلت الإحصائيات علي أن الإثابة الاجتماعية تأتي في المرتبة الأولي في تعزيز السلوك المرغوب بينما تأتي المكافأة المادية في المرتبة الثانية ، و لكن هناك أطفال يفضلون المكافأة المادية .
ما المقصود بالمكافأة المادية ؟
حلاوة – لعبة – قروش– تخليهو يتفرج في سبيستون فترة اطول– لعب الكرة– اصطحاب الطفل خارج المنزل( حديقة..مطعم...زيارات عائلية...الدكان.. الخ )
ملاحظات هامة :
يجب تنفيذ المكافأة تنفيذا عاجلا بلا تردد و لا تأخير و ذلك مباشرة بعد إظهار السلوك المرغوب فالتعجيل بإعطاء المكافأة هو مطلب شائع في السلوك الإنساني سواء للكبار أو الصغار . علي الأهل الامتناع عن إعطاء المكافأة لسلوك مشروط من قبل الطفل ( أي يشترط الطفل إعطاءه المكافأة قبل تنفيذ السلوك المطلوب منه ) فالمكافأة يجب أن تأتي بعد تنفيذ السلوك المطلوب و ليس قبله .
عدم مكافأة السلوك السيئ مكافأة عارضة أو بصورة غير مباشرة .(يعني اذا افترضنا انك عاوز تسوق معاك الطفل للدكان . وفجاءة بدر من الطفل سلوك سيء في المنزل في الحالة دي لو سوقت معاك الطفل للدكان .قد يربط هذه المكافاءة بسلوكه السيء ويكرره مجددا).
السلوك الغير مرغوب الذي يكافأ حتى و لو بصورة عارضة و بمحض الصدفة من شأنه أن يتعزز و يتكرر مستقبلا .
.................... النقطة المهمة هنا وقد تغيب عن الكثيرين وتوضيحها بحاجة لمثال
مثال: الطفل بدر منه سلوك سيء كنتيجة للسلوك السيء قامت الام بتوبيخه وكنتيجةللتوبيخ قام الطفل بالبكاء وكنتيجة للبكاء قام الاب (الحنيين)باصطحاب الطفل للدكان لاسكات الطفل. الطفل يسكت كنتيجة لاصطحابه للدكان. في هذه الحالة يربط الطفل اصطحابه للدكان اما بالسلوك السيء الذي بدر منه في البداية او يربطه بالبكاءالناتج عن العقاب وفي الحالتين هي مكافاءة غير مباشرة لسلوكه السيء دون قصد من (الاب الحنيين).
Post: #40 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 07-01-2010, 08:17 AM Parent: #39
سيداتي انساتي سادتي هنا ام درمان كلنا يا اخوانا نحاول نطبق كلام اخونا معاذ ( اها معاذ مسيخة ساهي) عشان ما تزعل والميزة الفي كلام اخونا معاذ ليس هو الكلام الممل بل هو مترتب ومتعوب عليه وقد بذل فيه جهدا كبيرا ومقدرا فاصبح سلسلا وممتعا شكرا معاذ
Post: #41 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: Nader Abu Kadouk Date: 07-01-2010, 08:35 AM Parent: #40
عبد الله
تجربه شخصيه
انا عمري حوالي إطناشر سنة احد افراد اسرتي ضربني ضرب لا يحتمله طفل في عمري والسبب كان دايرني اعترف بشئ معين والحقيقه لا علاقة لي به
المهم إستمر مسلسل الضرب وانا ارفض الاقرار بشئ لم افعله لكن الضرب بقى اعنف واعنف وإتفق معي إذا إعترفت حيوقف الضرب ولن يسألني مره اخرى وما كان عندي خيار سوى ذلك
Post: #42 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: طارق ميرغني Date: 07-01-2010, 08:43 AM Parent: #41
نحن البنضرب الطفل الببكي عشان اسكت
نحن يا ود البوش اصلو حاجتنا دايما مشاتره
زي ما قال حتي تسمياتنا
الريحه عندنا صاروخ
والكبريت ابو ورده
وكبري الحريه يودي للسجانه
شفت ليك جنس محن ؟؟؟
Post: #43 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبد الفتاح زوما Date: 07-01-2010, 09:30 AM Parent: #42
الشكر والتحية للشيخ / ود البوش عبدالله صاحب البوست .. و صاحب الموضوع الذى يستحق ان نقف عنده كثيرا وطويلا ..
الشكر للدكتور / معاذ .. على المساهمات المقدرة وهذه الندوة المفتوحة التى نتمنى ان يستفيد منها الجميع وخاصة الامهات وهن اقرب للاطفال من الاباء
كسرة : نرجو من الدكتور / معاذ تسليط الضوء ايضا على النقطة التى اثارها الاخ / نور الدين عثمان شقاوه الاطفال والهرج الاكثر من المعتاد والمالوف
Post: #45 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: معاذ الهادي Date: 07-01-2010, 11:37 AM Parent: #43
Quote: كسرة : نرجو من الدكتور / معاذ تسليط الضوء ايضا على النقطة التى اثارها الاخ / نور الدين عثمان شقاوه الاطفال والهرج الاكثر من المعتاد والمالوف
حبيبنا الغالي عبدالفتاح ( قلت لي زوما دي ياهو دوت كم ساهي لفحا الريس وبقاها ليك اسم عشان تلحق اللمة ) .
قال ليك ... شباب عندهم رحلة والفنان في اخر لحظة خذلن وكب الزوغة واحد من الشباب طمن الجماعة وقال ليهن معانا ضيف في البيت فنان اسمو محمد الفنان طوالي ساقوا معاهن الشباب مشوا الرحلة وبدأ الحفل نادوا محمد الفنان ( الضيف ) قالوا ليهو تعال غني قال لكن انا ما بعرف اغني قالوا ليهو انت مش اسمك محمد الفنان قال : اييييييه في شان اللسم ..... التمراية حد تبقى بعيدة افنن فيها الحجر ارميها . . شكرا جزيلا لمرورك الكريم ويظهر انك صديق شخصي للاخ معاذ بالله وصيهو علينا وعلى البوست الهام دا زي ما قلت شكري وتقديري واحترامي وتابع وخليك قريب
أسأل مجرب ولاتسأل طبيب اتمنى الا تكون هذه التجربة قد تركت عليك اثرا سيئا ولو لفترة وجيزة . . واكيد استفدت منها في تربية من يزين بروفايلك شكرا جزيلا اخي نادر للاضافة القيمة ليستفيد منها القارئ الكريم خدمة لاطفالنا
Post: #44 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: معتصم دفع الله Date: 07-01-2010, 10:44 AM Parent: #40
تحياتي عبدالله .. ياخي زدت علينا الخوف على الخوف الفينا .. تربية الأطفال حاجة ما ساهلة وعايزه صبر ومعرفة كبيرة .. ربنا يعينا على ذلك .. والله الواحد لما يسمع ليهو قصص زي دي يتمنى إنو الأرض تبلعه .. شكراً ليك وللأخ معاذ الهادي على النصائح والإفادات ..
اعلاه هو ما كتبته تواضعا أخي معاذ الهادي الم يكن ذلك من التواضع الشديد الذي تربينا عليه وقد لا يكن مرغوبا في كثير من الاحيان ؟ . .
عمنا موسى ود عبدالرازق ربنا اديهو الصحة والعافية وعندما هبت ثورة الدمار الشامل في بداياتها حاول الكيزان احتوائه فهو انصاري وله وزنه الاجتماعي بالمنطقة فدعوه لمحاضرة مفتوحة بالمحافظة تكلم فيها المحاضرون عشان اخموا الناس وكل ادلى بدلوه وفي نهاية المحاضرة تم فتح الباب للنقاش فطلب عمنا موسى فرصة ليتكلم وهو المتحدث اللبق بالممارسة ولم تتاح له فرصة التعليم واظنه اكمل الابتدائي فقط او لم يكمله عمنا مسك المايكروفون وقال : الناس اللتكلموا ديل ناس متعلمين ودكاترة وعلماء لكن انا زول امي بس ما جاهل وعندي رأئ نحن حزب امة وعندنا عقدية قوية ما بنخليها لمن نموت ولكن لازم نواكب الواقع .... اتوا مسكتوا السلطة بالطريقة المعروفة ونحن ما عندنا طريقة نلاويكن لكن بنتعايش معاكن عشان المعايش وحزبيتا في قلبنا صرة وخيط نخليها في صرتا وخيطا ونمرقا في وكتا ونعيش معاكن باخوي واخوك دون زلة واهانة وعندها مسك المحافظ المايك ووقتها كان المحافظ علي الهداب علي للمخارجة وقد نجح في المخارجة عندما قال يا موسى انت في البداية قلت امي انت يا اخوي الامية دي دخلتها بعد اتخرجت من الجامعة ولا شنو ؟
الشفيف المرهف معتصم دفع الله تحياتي في بوست لمة بورداب الرياض عجبني تعليق احدى زميلات البورض وقالت انها اكتر حاجة متكيفة ليها في الحفل بانو معتصم دفع الله كنكش في كتفوا عموري ولدو بديلا للكاميرا تربية الاطفال زي ما قالت امي تربية العيال قرش حصحاص
واوصيك اطبع كلام اخونا معاذ دا وتوجه به لعموري الله اعينك انت لسع في بداية المشوار واعين الجميع شكري وتقديري لمرورك الجميل
قرية من قرى شرق النيل على بعد 50 كم جنوب شرق الخرطوم
وبها رئاسة الطريقة القادربة البدرية بالسودان
Quote: هي ام النحل
ام ضوا بان ( ام ضبان سابقا ) بلدة طيبة ومحبوبة لنا جميعا وانني اعشقها حتى الترنح سكرا ولا سكرا ترى ولكنني ادرجتها هنا من باب اختيار الاسم كيفما يكون دون احترازات وتحوطات التحية لاهلنا بام ضوا بان بلد القرآن والسجادة القادرية السمحة والتحية لك اخي معاذ لهذه الدروس القيمة والتي استفدنا منها جميعا فارجو المواصلة . . حاولت ان ارسل لك في الماسنجر وفشلت الظاهر في مشكلة فنية لو امكن ارسال رقم هاتفك اخي معاذ على 00966554009464 واكون شاكرا ومقدرا
الملاحظ في دروس اخونا معاذ بانها سلسلة ومباشرة الناس عادة تمل الكلام العلمي التخصصي الناشف . . يعني انا لو مشيت بيت ناس عمي قوقل وقلت ليهن ادوني منكن ملاح تربية اطفال فووووووووووووووووو اكبو لي في برميل لا افيد ولا استفيد والناس اعاينو ليهو كدا واقبلوا منو لي غادي . . الله اديك العافية اخي معاذ وحقيقة الكلمات تعجز عن شكرك بس مكافاتك بسمة في وجه طفل لمن ابوه اسوقو الدكان عشان اشوف الكلام دا صاح ولا ما صاح اكرر شكري وتقديري مرارا وتكرارا
الطفل راجع من المدرسة شايل معاهو نتيجة المدرسة وفرحان بيها. الاب قاعد يقرا في الجريدة الشافع بتكلم مع ابوه ( عاين يا ابوي نتيجتي) و بدلا من أن يقطع الوالد قراءته و يكافئ الطفل بكلمات الاستحسان و التشجيع يرد عليهو ( أنا مشغول هسع امشي لامك شوف الغداء حاصل فيهو شنو وبعدين نشوف نتيجتك).
مثال تاني–
الطفلة غسلت العدة ومشت لامها( يما انا غسلت العدة كلها) فردت عليها الأم ( أنتي هسع كبرتي مفروض تغسليها طوالي...ماتكوني نسيتي الصواني وما غسلتيها؟)
تحليل :
الاطفال الاتنين كانو متوقعين مكافاءة معنوية على اقل تقدير
وبكل احاسينا عشان فلذات اكبادنا فهم يستحوق جل وقتنا ان لم يكن كله
Post: #58 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 07-02-2010, 08:55 AM Parent: #57
فريد ولدي كان عمرو تلاتة سنوات مشى معاي الدكان قال داير بيبسي قلت شوف انا بشتري ليك الببسي لكن تشربو هنا عشان ماتمشي البيت تعمل لي فتنة مع اريج ( اكبر منو بسنتين ) اتفقنا واشتريت الببسي ... الببسي الحار الزمان داك ارقش مع الشمش بلون عجيب احمر ببني .... وقرطع قرطع والقزازة راقدة ارفعا لفوق واعاين ليها واعاين لي واديها صنقيعة وجبق جبق لمن باقي بزاقو ارجع في القزازة والشافع عيوانتو رقرقن من كترك يا قزازة من سعجلتنا عشاق جبنة النصت نهارية ..... اييييييييه دنيا بت كــلب .... لمن شفت زولي تعب مسك باقي القزازة ببزاقا وجررررررررر وقشيت خشمي ورجعت القزازة ومشينا اترتر بوراي وادشى بيييييع بييييع واي حاجة في طريقو اديها شوتا حتى كان خرا حمام ودخلنا البيت وكررت ليهو الاتفاقية مرة تانية انو ما اكلم اريج والفتنة اشد من القتل وات يا الشافع ادخل وامرق حارقاك الصواطة وفجأة جات اريج منطرة عيويناتا لشنو تشتري لفريد ببسي وانا ما تشتري لي ؟ تعال يا فريد لشنو كلمت اريج ؟ فرد على دون تردد : اتذكرت براها اعمل ليها شنو ؟ دكتور معاذ بالله ضروري رايك في الجزئية دي
Post: #59 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 07-03-2010, 06:59 AM Parent: #58
في انتظار المحاضرات القيمة من الدكتور معاذ الهادي في انتظارك يا دكتور وخليني انا بونسك ليك الحضور في البريك
Post: #60 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: معاذ الهادي Date: 07-03-2010, 07:45 AM Parent: #58
Quote: معاذ بالله ضروري رايك في الجزئية دي]
والله يا ود بوش ده مثال حي للاخطاء التربويةالبقع فيها الابوين دون قصد(وهم يحسبون انهم يحسنون صنعا). اذا فتفتنا القصة بتاعتك واحدة واحدة......
Quote: فريد ولدي كان عمرو تلاتة سنوات مشى معاي الدكان قال داير بيبسي قلت شوف انا بشتري ليك الببسي لكن تشربو هنا]
اولا: كونك تشتري ليهو حاجة يشربها ده(مكافاءة) كونك تشترط عليهو انو يشربها كلها في الدكان (دي عقوبة) هنا الطفل حايحاول انو يشرب البارد كلو عشان يتفادى العقوبة
والعقوبة هي (عدم شراء البارد له مرة اخرى اذا لم يكمل القزازة).
يعني اصطحابك له للدكان وشراء البارد في نظر الطفل اصبح عقوبة وليس مكافاءة كما تعتقد.
الغلط التاني: انك ترغم طفل عمرو 3 سنوات على شرب ربع لتر مرة واحدة.( مشاكل صحية) ونفسية (تهديد).
الغلط التالت :انك تشتري ليهو بيبسي من الاساس(المياه الغازية ليها ضرر كبير على الكبار فما بالك بالاطفال.
Quote: عشان ماتمشي البيت تعمل لي فتنة مع اريج ]
الغلط الرابع: الفتنة في الحقيقة عملتها اتا ودي دعوة للطفل للكذب على اخته .
Quote: لشنو تشتري لفريد ببسي وانا ما تشتري لي ؟ d]
الغلط الخامس: الاعتقاد الخاطيء لدى اريج بالتفرقة في المعاملة بينها وبين اخيهافي هذه الحالة .
Quote: فرد على دون تردد : اتذكرت براها اعمل ليها شنو ؟
]
هنا انا ممكن استشف انو علاقة فريد باريج علاقة متينة.
والدليل انو ما كضب عليها ووراها الحاصل كلو.
لكنه كضب عليك اته ،عندما انكر انه اخبر اخته. (انقلب السحر على الساحر). ربنا يحفظهم ليك.
تحياتي
Post: #61 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 07-03-2010, 08:02 AM Parent: #60
الله اديك العافية يا دكتور رغم انو طلع الغلط راكبني من راسي لي كرعي ودفعت عليهو قروش كمان يعني اشتريت الغلط من حر مالي لكن اتكيفت منك كيييييييييييييييييييف عشان اكون عبرة لروحي ولغيري
Quote: هنا انا ممكن استشف انو علاقة فريد باريج علاقة متينة.
ياخي دي بالغت فيها عديل والله العظيم لحدي اليوم علاقتن قوية قوة لمن عاملين علينا عصابة . . اها شوفتو كيف يا آباء وامهات عاملين فيها نكافي طلعنا نعاقب استفيدوا من العلم ولا تكابروا تعالوا كبو وســـــخكن دا هنا وخلوا الدكتور يتعب بالغسيل اتاريهووووووووووو كان زعلان لمن كان بشوت في خرا الحمام انا كنت قايل الشبع عمل بعبعة سمح العلم والشهادة
Post: #62 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 07-03-2010, 08:09 AM Parent: #61
يا دكتور بالله دقيقة
Quote: الغلط التالت :انك تشتري ليهو بيبسي من الاساس(المياه الغازية ليها ضرر كبير على الكبار فما بالك بالاطفال.
ياخي الكلام دا كان سنة 1995 والزمن داك البيبسي كان ممتاز .... ولا من زمان سجم رماد ؟ ياخي زمااان قبل التاريخ دا في السبعينات كان الببسي بعالج الجدمارة كانت حبوبتي الله يرحمها عيانة قنا نوديها الحكيم باشا الله يرحمو جات حبوبتنا تانية الله يرحمها قالت لا توديها حكيم باشا ولا حاجة جيبو ليها ببسي كولا الله يرحمكن الببسي كولا بتودر الجدمارة عشان فيها الدواشات لووووووووووووووووووول الله يرحمني
Post: #63 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 07-03-2010, 08:17 AM Parent: #62
اللمين البشاري تحياتي وين فيديوهاتك طيب علمني انزل النصايب دي كيف ؟ ولا كمان بشوف صاحبي فيصل خليل وبعمل معاك فوريق جيب اصبعك فوروقت
Post: #64 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عفاف الصادق بابكر Date: 07-03-2010, 09:26 AM Parent: #63
Quote: البعض الآخر من الآباء و الأمهات تتحكم فيهم عواطفهم و يستسلمون أمام تعنت الطفل و إصراره علي إشباع رغباته فيتركون له الحبل علي الغارب فينشأ الطفل بمفاهيم طفولية و بسلوكيات لا مسئولة خالية من ضبط النفس و معرفة الحدود فيمارس ما اعتاد عليه في أسرته مع المجتمع الخارجي فيصدم بالواقع المختلف عما نشأ عليه و يصبح عرضة للإحباطات و الاضطرابات النفسية .
معاذ .. سلام يلقاك فى صحة وعافية ..
تعرف يا معاذ ... الحمل ... الولادة ... التربية ..
تلاته كلمات بسيطه .. لكن كل كلمة منهم .. بتمر فيها المراة بمراحل مختلفه وصعبه جدا جدا ..
لكن اصعبها وأمراها التربية ... اولها الحمل ومتاعبه في الشهور ال 9 ..
ولحظة الولاده هى لحظة حياة او موت مهما شرحناها يصعب وصفها ...
ولكن فى النهاية بقدرت الواحد الاحد بعد ثوانى من الولادة ...
تنسي الام كل الم وكل وجع بمجرد سماع صريخ طفلها ..
(نسأل الله أن لا يحرم بيت من الاطفال ) ..
كل المراحل الصعبة دي .. اصعبها وامراها التربية ..
لانه انت مسئول من تقويم انسان مكتمل الشخصية من اليوم الاول ..
وبعدها محتاج لى متابعه لصيقه .. وهنا المتابعه تكون مشتركة بين الوالدين ..
وشخصية الطفل بتستمد من شخصية الوالدين .. وهنا يجب ان تكون شخصيتهم قويمه ..
برجع ..
ود البوش .. سلام وتحية وتقدير لك ..
Post: #65 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 07-03-2010, 09:58 AM Parent: #64
الاخت عفاف تحياتي غايتو انا اكتشفت اني كنت احسب نفسي اني احسن صنعا لكن طلعت بندق في بحر بس الحكاية ماشة بالبركة عشان كدا حقوا نقرع الواقفات ونقطة سطر جديد يا عفاف كدي احكي للدكتور حكايتين تلاتة واتمنى انك تكوني ماشة صاح ما زي عمك العامل فيها تفتيحة ولقيت رقبتي صقيعة ساهي
Post: #66 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: عبدالله ود البوش Date: 07-03-2010, 11:14 AM Parent: #65
. . ود عراك اخونا كان مرضان وديها لدكتور الكواملة دكتور سليمان صالح فضيل معروف من اميز اطباء الباطنية اها دكتور فضيل بتكلم جنس كلامك دا . . بعد ما طلعنا من العيادة وماشين على الاجزخانة عشان نشتري الدوا ... قال آ ناس هوي ماتشتروا لي الدواء اها مالك البخيت بالله قال الدكتور دا ما بعلاجني الدكتور كان ما اتلقى احمر ماااااااااكن وايديهو ملانات صوف اصلللللو ما بعالج
Post: #73 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: Dania Elmaki Date: 07-04-2010, 04:34 AM Parent: #72
سلام لكل المشاركين
رغم مضار البيبسي كولا المعروفه الا انها فعلا بتعالج اللوايه و الغثيان و السر في عسل الكولا او كولا سيرب غايتوا عجايز الامريكان بيوصفوه طوالي و فعلا بيعالج. اما مضارها للاطفال فحدث ولا حرج.
واجعني الشافع المات من قرص العقارب ده وجه شديد و الليل كله اعاين لولدي. قبل ما حمودي يتولد امي و صاحبتي وصوني انه البيبي لو بيبكي و هو نضيف و شبعان معناها في حاجه قرصته او حاجه مضايقاه و لازم افتشه يمكن تكون حشره و لا نمله ولا اي حاجه و فعلا اتعودت على كده لو حمودي بكي و هو شبعان و نضيف و الجو ما حار و ما بارد بطلع ملابسه كلها و بفتشه اصبع اصبع عشان اتاكد. الليله اكتشتفت انه دي كانت اعظم نصيحه ادوني ليها قبل ما ابقى ام.
فعلا نحن شعب غريب يعني الطفل يبكي نضربه ما يبكي على كيفه و انت امه او ابوه ملزم انك تشوفه زعلان ليه و تسكته يمكن يكون مدبرس يمكن يكون زهجان هسه نحن الكبار زاتنا مرات ما بنبكي من غير سبب؟؟؟؟ بعدين بدل ما نضربه ما نضمه علينا و نتونس معاه. ما عارفه في ناس بتولد ليه و هي ما طايقه الاطفال.
Post: #74 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: Sana Khalid Date: 07-04-2010, 05:17 AM Parent: #73
سلام للجميع..
موضوع ضرب الأطفال دا موضوع الكلام فيهو بيطول و نفسي.. نفسي ألقى فرصة أشارك برأيي فيهو.. دي أسوأ ثقافة نحن بنتوارثها في دول العالم الثالث... في البيوت و في المدارس!
قصة الرضيع الذي قتلته العقارب أبكتني.. و لا أستطيع تصور حال أمه الآن!!
قصة طالب المتوسط في إحدى قرى الجزيرة .. أمره المدرس أن يرقد في الكرسي بشكل معكوس عشان يجلده على مؤخرتو.. مع أول جلدة الولد نطّ بصورة تلقائية من الألم.. فاصطدم ظهره المحجوز بين فراغ ظهر الكرسي بالحاجز فانقطع نخاعه الشوكي و مات!
Quote: رغم مضار البيبسي كولا المعروفه الا انها فعلا بتعالج اللوايه و الغثيان و السر في عسل الكولا او كولا سيرب غايتوا عجايز الامريكان بيوصفوه طوالي و فعلا بيعالج. اما مضارها للاطفال فحدث ولا حرج.
شفت حبوبة غريبة كيف يا دكتور
Quote: الليله اكتشتفت انه دي كانت اعظم نصيحه ادوني ليها قبل ما ابقى ام.
وهذا دور الامهات والحبوبات لربط الاجيال وتبادل الخبرات
Quote: ما عارفه في ناس بتولد ليه و هي ما طايقه الاطفال.
بل بحبوهم ولكن يحصل الاذى للطفل من غير خاطرهم ويحسبون انهم يحسنون صنعا كل الاباء والامهات يحبون اطفالهم ولكن اذى الاطفال المعنوي والجسدي ياتي نتيجة عدم الدراية بالطرق السليمة للتربية
شكرا عزيزتي مرورك اسعدني واضاف لوحة جميلة للموضوع
Post: #75 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: Mahassin Ibrahim Date: 07-04-2010, 10:44 AM Parent: #58
عبدالله : اضحكتني نكته فريد مع اريج. الاطفال لديهم عالمهم الخاص لا يشبه تعقيداتنا نحن الكبار اصحاب التنظير والتفكير البعيد منهم.
في حاجه دايره اعمل فيها مداخله بخصوص علاقات الابناء والبنات بابائهم واثرها النفس .
نحن جبلنا علي ان نضع للولد مكانه خاصه وتحفيز من نوع خاص. عكس البنت اللي ليها نصيب معلي من الردع . لانا اولي بذلك. شي كهذا يجر علي علاقة البنت بالولد اشياء لم تكن في الحسبان. ولهل تاثسرها النفس العميق في تكوين البنت.
Quote: في حاجه دايره اعمل فيها مداخله بخصوص علاقات الابناء والبنات بابائهم واثرها النفس .
ونحن في انتظارك اختي الكريمة شكري وتقديري لمتابعتك للموضوع ومداخلاتك القيمة
Post: #79 Title: Re: تقولي منو .. نحن البنضرب الطفل الببكي عشان اسكت ... توجد حكاية مؤلمة Author: Mahassin Ibrahim Date: 07-05-2010, 06:51 AM Parent: #78
عبدالله: شكرا لاتاحة الفرصه.
الاباء والامهات لا اتخيلهم ابدا يقسو علي فلذات اكبادهم لانهم جزء منهم بدنيا ونفسيا. لكن من غير قصد وفي بعض الاحيان تاتي القسوه في اشكال متعدده ويمكن تكون بعيده عن الضرب والعنف الجسدى . مثلا هاكم مثال لهذا وانا متاكده ان هناك استثناءات واباء وامهات مثاليين للغايه في هذا الجانب.
البنت وكانت نتفوقه وطموحه لا تجد التشجيع المستمر ان لم يكن مرتبط بانها حلوه وستكون عروسه ناجحه ويتم تهيئتها بان تبدا مرحلة التجهيز النفس لهذه المرحله بان تبدا خدمة اخوها الولد لانه لابد ان يجد من يخدمه ...تبدا هذه الخدمه بغسل ملابسه وكيها وتجهيز فراشه للنوم ولانه حيكون مساهر بره البيت لابد ان يجد ما يريحه عند الرجوع متاخرا.
الخروج للبنت خارج المنزل لا يتم الا بصبة الاخ حامي الحماء ....اليست هي ضعيفه وتحتاج من يسندها. هذا بسيط من امثله متعدده شهدتها ومردودها النفس كبير وقاس عبي هذه الانسانه الرقيقه.
ويمكن كثير من الاباء والامهات لايعيرون هذه المسائل انتباها الا بعد مرور الايام ويبدا التفكير ...متي حدث هذا ولماذا لم ننتبه له.
