الرمية: قالت وداع لي قلوبنا صاح .. اتبكمو الناس الفصاح الجن صحا وجنو النصاح.. الجاهلة مي جاهلة نصاح جات من تقوم ترعى الضنى.. الربرباي يا حسبنا تــنت الكتيف في الانبنا.. الجاهلة يحفظا ربنا قلت ليه رف قال لي بعيد لوكان قريب يوم الوعيد قلت ليه درني اكون سعيد .. قال لي ولا في كل عيد يا جميل حي .. الليلة هوي ليلنا
ولا يوم سوء تفاهم نابو........ دي الامثالا نتغنابو
لو كان يوم حبيب واصلي .......الكرم العريض يوصلي
منها قط خلاف ماحصلي ..... ..بس ازعاجا لي قوم صلي
ليه ما أشكرا مطاوعاني....... وحافظه لمتعتي وحافظاني
حاويه من الانوثه معاني....... ومهما ابقى مر بالعاني
Post: #2 Title: Re: عندما تكون الصلاة ازعاجا...!!! Author: Hassan Bakri Nugud Date: 06-30-2010, 09:36 AM Parent: #1
العزيز معاذ ،
تحياتي ..
كل ما تلاقيك غنية حقيبة سمحة شدييييييد ، وما تعرف سيده منو .. أسأل ، أكيد حيكون ود الرضي !
ود الرضي ده زول ما نصيح ، كلامو البكتبو ده ما كلام نصاح .. إبداع فايت الحدّ !
وبي المناسبة ،في الغنا البعد الحقيبة برضو لو لاقتك غنية بي نفس الوصف الفات ده ، تأكد إنو سيده عبد الرحمن الريح !
بجيك راجع ..
Post: #3 Title: Re: عندما تكون الصلاة ازعاجا...!!! Author: معاذ الهادي Date: 06-30-2010, 10:18 AM Parent: #2
Quote: ود الرضي ده زول ما نصيح ، كلامو البكتبو ده ما كلام نصاح .. إبداع فايت الحدّ !
صدقت يابكري
والبيت ده يؤكد كلامك
الجن صحا وجنو النصاح.. الجاهلة مي جاهلة نصاح
شكرا بانتظارك
Post: #4 Title: Re: عندما تكون الصلاة ازعاجا...!!! Author: naeem ali Date: 06-30-2010, 10:22 AM Parent: #3
والله دي من اروع ماسمعت.. من الاغاني القليله المابتقدم ولا تمل سماعها.. سمحه ساااي كده بدون تفصيل..
____ شكرا يا حبيب
Post: #5 Title: Re: عندما تكون الصلاة ازعاجا...!!! Author: Hassan Bakri Nugud Date: 06-30-2010, 10:37 AM Parent: #3
تحياتي يا معاذ ،
انا عندي اعتقاد جازم بأن منطقة شرق النيل ( العيلفون ، أم ضوا بان ، الدبيبة ، قرى العسيلات ... ) هي منطقة قطع شك مسكونة بي الابداع .. شوف معاي الشعراء والفنانين المن المناطق دي:
ود الرضي الجاغريو خلف الله حمد مبارك حسن بركات احمد المصطفى سيد خليفة
وغيرهم !
كلهم تركوا بصمة في تاريخ الغنا في السودان.
بي المناسبة قصيدة ست البيت دي واحدة من عدة قصائد كتبها ود الرضي في زوجتو الثانية الحاجة ( بتول ) ، وبرضو كتب فيها القصيدة البيقول مطلعها :
المرنوعة ، زي شمس الغمام في طلوعه ..
ــــــــ
تعرف ود الرضي ده قالو كان بكتب الشعر حوالين سريرو وهو نايم ، وبيقوم الصباح حتى يدونو !
هسة ده زول نصيح !؟
ـــــــــــــــــــــــ التعديل لتصحيح خطأ مطبعي في كلمة الدبيبة
Post: #6 Title: Re: عندما تكون الصلاة ازعاجا...!!! Author: معاذ الهادي Date: 06-30-2010, 10:59 AM Parent: #5
Quote: والله دي من اروع ماسمعت.. من الاغاني القليله المابتقدم ولا تمل سماعها.. سمحه ساااي كده بدون تفصيل..
____ شكرا يا حبيب
تسلم يانعيم
الفكرة الجديدة في القصيدة دي
انو الشاعر بغني
ل زوجته وام اولادو
وده ضد الفكرة بتاعت انو الرجل السوداني بخيل في عرض مشاعره لزوجته
Post: #7 Title: Re: عندما تكون الصلاة ازعاجا...!!! Author: معاذ الهادي Date: 06-30-2010, 11:19 AM Parent: #6
Quote: تحياتي يا معاذ ،
انا عندي اعتقاد جازم بأن منطقة شرق النيل ( العيلفون ، أم ضوا بان ، الدبّة ، قرى العسيلات ... ) هي منطقة قطع شك مسكونة بي الابداع .. شوف معاي الشعراء والفنانين المن المناطق دي:
ود الرضي الجاغريو خلف الله حمد مبارك حسن بركات احمد المصطفى سيد خليفة
وغيرهم !
سلام يا ود البكري
القرية اللي اتا قاصدها هي الدبيبة
اضافة لما ذكرتهم يمكننا اضافة
ا.صلاح ابن البادية
وثنائي الدبيبة
فعلا منطقة زاخرة بالابداع
ولاتنسى ام ضوا بان ودورها في تعليم القران ونشره في سائر انحاء السودان
والجدير بالذكر ان ودالرضي
حفظ القران كاملا بخلاوي ام ضوا بان
Post: #8 Title: Re: عندما تكون الصلاة ازعاجا...!!! Author: معاذ الهادي Date: 06-30-2010, 12:08 PM Parent: #7
Quote: بي المناسبة قصيدة ست البيت دي واحدة من عدة قصائد كتبها ود الرضي في زوجتو الثانية الحاجة ( بتول ) ، وبرضو كتب فيها القصيدة البيقول مطلعها :
Post: #12 Title: Re: عندما تكون الصلاة ازعاجا...!!! Author: ود الخليفه Date: 06-30-2010, 01:57 PM Parent: #11
ازيك تاني يا معاذ
قصيده احرموني ولا تحرموني ممكن نشوف فيها الاثر الديني لود الرضي من مطلعها
سنه الاسلام السلام مرورا بالبيت البقول فيه لو معنعن قول كلموني
والعنعنه احدي مصطلحات علم حديث والمقصود بها علي ما اظن اتصال السند عن فلان عن فلان والله اعلم
وفي دعائه
ربي اغفر للعكروني
والصوره في البيت ادناه واضحه واشاراته في اجمل تعبير
ما تنفس صبح او ضحالي الا غاب هدهد فكري ووحالي
والقصيده طويله وجميله
Post: #13 Title: Re: عندما تكون الصلاة ازعاجا...!!! Author: معاذ الهادي Date: 06-30-2010, 02:01 PM Parent: #11
Quote: إنا لله !
إستفتاح جيد لي ربع جديد يا دكتور
تسلم
ود ابارو
امسك دي وصلة(جرح)..
الطابق البوخة قام ندي يهتف نام من الدوخة إيُدو عَاقباهُو الجدّلة مَمْلوخة لي معالق الجوفْ مُوسُو مْجلوُخة
حاشية:الوصلة او الجرح هي الزوادة في المطاعم الشعبية ومرات بتكون اكتر من الطلب الرئيسي(اته وحنكك)..
Post: #14 Title: Re: عندما تكون الصلاة ازعاجا...!!! Author: معاذ الهادي Date: 07-01-2010, 07:54 AM Parent: #13
Quote: ما تنفس صبح او ضحالي الا غاب هدهد فكري ووحالي
والقصيده طويله وجميله ]
والله ياود الخليفة مبالغة عدييل
تنفس الصبح
الضحى
غياب الهدهد
الوحي فعلا الانسان ابن بيئته(وحفظه للقران واضح في كتاباته)
شكرا للتحليل الجميل
Post: #15 Title: Re: عندما تكون الصلاة ازعاجا...!!! Author: Hassan Bakri Nugud Date: 07-01-2010, 09:33 AM Parent: #7
معاذ ،
شكرا على التصحيح والذي حدث نتيجة خطأ مطبعي .
تمّ التعديل.
Post: #16 Title: Re: عندما تكون الصلاة ازعاجا...!!! Author: ibrahim alnimma Date: 07-01-2010, 11:15 AM Parent: #15
شكراً يامعاذ ولك الف تبركات وسوف يجزيك الله خيراً ان منحت حياتنا اوراقاً في خريف الحقيبة بعد ان شبعت تصحراً وجفافا.انها قصيدة صدق ووفاء رائع لزوجة أروع . رويت هذه القصيدة بصدق عال وعوفيت من تلزف ونفاق. فطوبي لك وطوبي لكل اهل الكلمة والطيب .
Post: #17 Title: Re: عندما تكون الصلاة ازعاجا...!!! Author: معاذ الهادي Date: 07-01-2010, 11:53 AM Parent: #16
Quote: انها قصيدة صدق ووفاء رائع لزوجة أروع . رويت هذه القصيدة بصدق عال وعوفيت من تلزف ونفاق. فطوبي لك وطوبي لكل اهل الكلمة والطيب .
تسلم يا ابراهيم
هي كما ذكرت فعلا
Post: #18 Title: Re: عندما تكون الصلاة ازعاجا...!!! Author: معاذ الهادي Date: 07-03-2010, 08:02 AM
Quote: اطوع من بناني الي ......واشفق من جنايا علي
Post: #19 Title: Re: عندما تكون الصلاة ازعاجا...!!! Author: عبدالله ود البوش Date: 07-03-2010, 08:28 AM Parent: #18
دكتور معاذ الهادي تحياتي
Quote: عندما تكون الصلاة ازعاجا.
بوستيك دا من يوم نزولو هنا وانا اعاين ليهو واضحك وامشي واجيهو راجع وما قادر افتحو اتحسست منو شوية في شان العنوان جنني في راسي دا ولكني الان وجدت نفسي امام لوحات ادخلتني في حالة سكر ولا ولا سكرا ترى وزادت حيرتي في العنوان يظهر انه اعمق مما تتحسسه قشرة فاخورتي التي بدأت تشيخ
Post: #20 Title: Re: عندما تكون الصلاة ازعاجا...!!! Author: معاذ الهادي Date: 07-03-2010, 02:19 PM Parent: #19
Quote: بوستيك دا من يوم نزولو هنا وانا اعاين ليهو واضحك وامشي واجيهو راجع وما قادر افتحو اتحسست منو شوية في شان العنوان جنني في راسي دا ولكني الان وجدت نفسي امام لوحات ادخلتني في حالة سكر ولا ولا سكرا ترى وزادت حيرتي في العنوان يظهر انه اعمق مما تتحسسه قشرة فاخورتي التي بدأت تشيخ
ودبوش سعيد برؤيتك هنا
البيت الذي اوردته
اعاين ليهو واضحك وامشي واجيهو راجع من قصيدة ود الرضي الشهيرة انا في التمني
Post: #21 Title: Re: عندما تكون الصلاة ازعاجا...!!! Author: معاذ الهادي Date: 07-04-2010, 07:59 AM Parent: #20
Quote: دي مـا بلقـاهـا زولا .. زي انا صـيـدو نـاجـع
Post: #22 Title: Re: عندما تكون الصلاة ازعاجا...!!! Author: Abdlaziz Eisa Date: 07-25-2010, 03:53 PM Parent: #21
الأخ معاذ
سلام
ممكن نجدع معاكم يد..
أنة المجروح كلمات : سيد عبد العزيز الحان : الحاج محمد أحمد سرور
يا أنة المجروح يا الروح حياتي تروح الحب فيك يا جميل معني الجمال مشروح للحب لهيب فى الجوف زيو الزناد مقدوح منه الجبابرة تلين لصوت بلابل الدوح تصاحبو النسمات تفضل معاها تدوح من نغمة الأشواق ومحاسن الممدوح الناس تحب رؤياك بالخاطر المشروح يا ملفت الأنظار يابسمة المفروح حوريه فى السودان بحبى ليكى أبوح عنب جناين النيل أتمنى منه صبوح وانشد فؤادى الضال بين الرياض مذبوح أرى الهلال فى ظلال تلك الخميلة يلوح أنا لو ضمنتو رضاك اكون سعيد ممنوح يا من تسر رؤياك تفرح تنسى النوح تكسو النهار بجمال خديك جمال ووضوح منو الغزالة تقف فى موقف المفضوح من الوله للقاك دمعى العزيز مسفوح ناقم على الأيام مع أنه طبعى صفوح انا والخيال فى جدال وانت بنداك منفوح