Post: #1 Title: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-22-2010, 02:18 PM
أولا ,نحن عشنا وولدنا بشكل طبيعي،
على الرغم من إن أمهاتنا تناولوا الأسبرين
عندما كانوا يشعرون بوجع الرأس،
وتناولوا الطعام المعلب،
وعملوا إلى اليوم الأخير من الحمل،
ولم يجروا قط اختبار البول السكري
في ذلك الوقت لم تكن هناك تحذيرات
من نوع "أبقيه بعيدا عن متناول الأطفال"
على زجاجات الأدوية، والأبواب، والخزن.
لم نرتدي البامبرز
كأطفال ركبنا السيارات دون حزام أمان
ولم يكن بسيارات أهالينا أكياس هواء،
ولم نكن مجبرين على أستعمال الخوذة
عند ركوب الدراجة
شربنا الماء من خرطوم سقي الحديقة
وليس من زجاجة مشتراة من سوبر ماركت،
كما وتشاطرنا زجاجة الكولا مع اصدقائنا
ولم يمت أحد بسبب ذلك
أكلنا الآيس كريم المصنوع من منتجات الألبان،
والخبز الأبيض، والزبدة الحقيقية،
كما شربنا الكولا التي حينها أيضا
كانت مليئه بالسكر،
لكننا لم نكن سمينين أو ممتليئين
لأننا كنا دائما نلعب خارج البيت
كنا نغادر المنزل في الصباح،
ونلعب طوال اليوم،
حتى تشعل أضواء الشوارع،
ألعاب من مثل الأستغماية
وعسكر وحراميه، رعاة البقر والهنود،
وتيكا ع العالى و.... وجميع الألعاب الأخرى
التي أستطاع خيال الأطفال أن يبتدعها
في كثير من الأحيان،
لم يتمكن أحد أن يجدنا طوال اليوم.
ولم يكن بذلك أي مشكله....
قضينا أيام بأكملها نصنع سيارات
من النفايات التي نجدها بقبو المنزل،
ثم ركبناها بأول شارع منحدر
متناسين اننا نسينا أن نصنع لها الفرامل،
وبعد بضع تجارب، والكثير من الوقوع
والكدمات وأحيانا كسر أصبع أو ...
تعلمنا كيفية حل المشكلة
لم يكن لدينا أصدقاء وهميون على النت،
أو مشاكل التركيز في المدرسة
لم يعطونا أقراص ضد النشاط المفرط
.ولم يكن لدينا في المدرسة مختص بعلم النفس
أوموجه تربوي، ومع ذلك فإننا أنهينا دراستنا
ولم يبيع لنا أحد المخدرات أمام المدارس...
لم يكن لدينا بلاي ستيشن، نينتندو،
أو صندوق X، ولا ألعاب فيديو
ولم يكن لدينا 99 قناة تلفزيون (إثنتان فقط)،
لم يكن لدينا جهاز الفيديو،
أو أجهزة موسيقى فراغيه،
ولاهواتف خليوية أوحواسيب ،
أوغرف الدردشة عبر الانترنت.......
كان عندنا أصدقاء
وكنا نخرج ونلهو معهم!
أصدقاء من اى جنس ودين!
وقعنا عن الأشجار،
رمينا الحصى على زجاج الجيران،
تشاجرنا، كسرنا الأسنان أوالقدمين أواليدين،
ولكن أهالينا لم يذهبوا بسبب ذلك إلى المحكمة
لعبنا القوس والسهم والنبلة، وعملنا ...
وأشعلنا النيران لرأس السنة الجديدة،
ونجونا من تحمل أي محاسبه أومسؤوليه!
ذهبنا لمنازل أصدقائنا بالدراجة أو سيراً،
نناديهم أمام الباب أوندخل ببساطه
لمنزلهم لنكون معا بنات وبنين!
عندما كنا نقع في مشاكل مع القانون،
أهالينا لم تدفع نقودا لإخراجنا.
في الواقع، فإنهم غالباً ما كانوا
أكثر صرامة معنا من القانون
لم نقضي عطل نهاية الأسبوع
مرة مع أمنا ومرة أخرى مع والدنا
كان لدينا منزل واحد وعائلة واحدة.
ال 50 سنة الماضية
كانت الأكثر إنتاجا في تاريخ البشرية
أجيالنا أنتجت أفضل المخترعين والعلماء
حتى يومنا هذا.
كان لدينا الحرية،
الحق في الخطأ،
النجاح والمسؤولية.
وتعلمنا أن نعيش مع هذا!
أنت تنتمي إلى هذا الجيل؟
Post: #2 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: أحمد ابن عوف Date: 06-22-2010, 02:37 PM Parent: #1
وفي السودان يا فيصل كنا لحد عمر الخمس سنوات او اكتر
بنلعب عرايا في الشارع ام فكو وبرضو ما كان في مشلكة
Post: #3 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد زكريا Date: 06-22-2010, 02:39 PM Parent: #1
Quote: أنت تنتمي إلى هذا الجيل؟
نعم هذا جيلى انا ايضاً
عندما مرضت وغبت عن المدرسه لمده شهر.......زارنى كل الفصل بعد عن جمعو حق البرتكان
Post: #4 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Amani Al Ajab Date: 06-22-2010, 03:00 PM Parent: #3
Quote: كان لدينا الحرية،
الحق في الخطأ،
النجاح والمسؤولية.
وتعلمنا أن نعيش مع هذا!
أنت تنتمي إلى هذا الجيل؟
شكراً الأخ فيصل محمد خليل لإرجاعنا لهذا الزمن الجميل.. لم تكن هناك مدارس خاصة (فقط مدارس الكمبوني والراهبات في الخرطوم وبعض المدن الكبيرة) وكان أوائل السودان من المدارس الحكومية ! السكن الداخلي كان متوفراً لطلاب القرى في المدن من المرحلة المتوسطة ! نقول شنو لا شنو !!
دمت بالف خير ...
Post: #5 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Yasir Aloob Date: 06-22-2010, 03:29 PM Parent: #4
الاخ فيصل سلامات ..
والغريب انوال 24 ساعة كانت كافيةلاشياء كثيرة جدا, (دى اكتر حاجه بتحير)
..
Post: #6 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: المعز ادريس Date: 06-22-2010, 03:36 PM Parent: #4
تغمدنا الله بواسع رحمته و أسكننا فسيح جناته مع الصديقين و الشهداء قولوا آمين.
روايتك دي مهمة يا فيصل نصورها و كل واحد ياخد معاه نسخة للدار الآخرة!
Post: #7 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-22-2010, 04:01 PM Parent: #6
كتب قريبي احمد ابن عوف
Quote: وفي السودان يا فيصل كنا لحد عمر الخمس سنوات او اكتر
بنلعب عرايا في الشارع ام فكو وبرضو ما كان في مشلكة
و كنا بناكل الطين ( ما تفهمني غلط ) و مكان عندنا عوجة
Post: #8 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: جعفر محي الدين Date: 06-22-2010, 04:11 PM Parent: #7
فيصل ياخ مالك علينا عندنا شغل وعايز ننسى الكلام دا كلوا لأنه ببساطة بيذكرنا بزمان إذا حكينا عنه الآن لقالوا عننا أننا مجانين ياخي التلفزيون كان قناة واحدة بس ببدأ الساعة 3 العصر وبينتهي 12 بالليل والتسعة ساعات دي فيها برنامج للأطفال وبرنامج ديني (حليل الشعراوي) وبرنامج رياضي (حليل الطاهر) ونشرات أخبار ونشرات جوية ومسلسل وكمال شانتير وبروفيسر عبد الله الطيب وتلي ماتش والدوري الألماني وحاجات وحاجات
منك لله يا فيصل !
Post: #9 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: abas Date: 06-22-2010, 04:16 PM Parent: #7
لعبنا حرينا
الرمه وحباسا
حيونا
شليل وين راح
سكج بكج
الدافوري من الدغش
الضقل بعد الفطور في اي ضل حيطه
شدد بعد الضهر في ضل بيت ناس فلان
العصر الدافوري
بالليل البرنامج المعتاد حيونا وما جاورها
غايتو جنس ايام هي
نشرب السجائر ابو نخله بالدس
في راس الترعه المغربيه
نكابس مزراع البطيخ والشمام
نحلب لغنم ونشرب اللبن
ايام يا زمان
Post: #10 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Abdelrahim Elamin Date: 06-22-2010, 04:44 PM Parent: #9
ومره عملت فيها حريف وقلت لعيال أخواتي لا تاكلوا الدوم (كد الدوم) وأخذت محاضرة قيمة من الوالد (رحمه الله) ولماذا منعتهم عن ذلك !!
فعلا يا فيصل كان زمن جميل ! وبرغم بساطة الحياة الا انها كانت ممتعه وسلسة والجميع قنوع بما لديه والاغلبية كانت بصحة جيدة .
ويين تاني !!!
Post: #11 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-22-2010, 05:04 PM Parent: #10
محمد زكريا
كانت لنا ايام
Post: #12 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: الامين محمد علي Date: 06-22-2010, 05:31 PM Parent: #11
اسي حا يقولو ليك دي نوستالجيا بس
كأنو الزمن دا ما انتج زيدان ابراهيم او البلابل.....
والله مرات من كتر ما يشتاق الواحد للزمن دا..اقول امكن انا ما طبيعي..
Post: #13 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: سارة علي Date: 06-22-2010, 05:37 PM Parent: #12
واهم اهم اهم شئ..
كانت الاسرة بتتلما في صينية الغداء لمة جميلة ,, لمة بيحرص فيها الام والاب يعرفوا يوم اولادهم مشى كيف ,,, هسه يا كافي البلاء الاب والام يحننوا .. فترو من اكل (السيندوتشي)..
Post: #14 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عماد الشبلي Date: 06-22-2010, 05:52 PM Parent: #13
وعشان كدي بيقولو علينا اولاد الزمن الجميل
شكرا فيصل ..
Post: #15 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد النيل Date: 06-22-2010, 05:53 PM Parent: #13
Quote: ومسلسل
كل يوم إثنين فقط
والمعلم كان هيبة الشارع اللى ماشى فيه تخليه تمشى بشارع تانى
التعليم الخاص كان للراسبين
Post: #16 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد الأمين موسى Date: 06-22-2010, 05:53 PM Parent: #13
والأهم من ذلك يا فيصل لا دخلنا كيجي ون ولا كيجي تو ولا زفت... لعبنا سبعة أعوام بالتمام والكمال، وبعد داك دخلنا المدرسة! وربما نكون نحن أبناء الريف أوفر حظا من أولاد المدينة: شربنا الحليب دافئ من ضرع البقرة راسمين شوارب لا تنتسى... وسمعنا قصص هتشكوكية عن البعاعيت والغول.....
Post: #17 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Abdlaziz Eisa Date: 06-22-2010, 05:54 PM Parent: #13
العزيز فيسل
سلامات
فتحت ملف العقود الذهبية أجمل الأيام وأحلى الأزمنة
لك التحية
Post: #18 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: حيدر امين Date: 06-22-2010, 06:05 PM Parent: #17
فيصل خليل ياخى مالك علينا بعد الخرطوم زمان جبت لينا السودان زمان قال ليك ود الشبلى سمونا اولاد الزمن الجميل
بلى الفريت وبلى القزاز ضراب المويه والجله
اولاد الزمن ده يقولوا ديل بقولوا فى شنو
حليل زمان وايام زمان
شويه كده وبجيك ,,,,,
Post: #19 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: معاوية عبيد الصائم Date: 06-22-2010, 06:24 PM Parent: #18
زمن الخال والد
وتكس ما يرجع
الرمه والحراس
الروس الروس ؟ حباب التيؤس
زمن جميل 00كتر خيرك فيصل
Post: #20 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-22-2010, 06:25 PM Parent: #19
Amani Al Ajab
خرجت أمشى معه للساقية ويا لها من ذكريات باقيــة
Post: #21 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عزيز عيسى Date: 06-22-2010, 07:01 PM Parent: #20
Quote: و كنا بناكل الطين ( ما تفهمني غلط ) و مكان عندنا عوجة
غايتو الناس العجائز لما يجوا يحكوا عن أيام زمان طوالي بيفكوا أخرهم.
فيسل هليل.. ضحكتني.. الله يديك العافية
Post: #22 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: السر عبدالله Date: 06-22-2010, 07:05 PM Parent: #20
وكنا يا فيصل في المدرسة الأولية في كوستي بنسجل زيارات في قاقلة طلابية مع المدرسين لمدارس أخرى في قري الطويلة والزليط وربك وطيبة وأم فورة وتندلتي ويوزعونا على طلاب تلك المدارس ونعبش مع اسرهم وعائلاتهم لمدة اسبوع كامل ,, ويتم التعارف وكنا في المدرسة الوسطى والثانوي نعيش في داخليات.. السكن والاكل مجانا ومعاها مصاريف شهرية ونشارك في مسابقات المدارس ومنافسات كرة القدم بين المدارس ... ورجعتنا للزمن الذهبي والجميل يا فيصل
Post: #159 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: dardiri satti Date: 07-05-2010, 08:41 AM Parent: #18
Quote:
بلى الفريت وبلى القزاز ضراب المويه والجله
اولاد الزمن ده يقولوا ديل بقولوا فى شنو
حليل زمان وايام زمان
وتعرف ياحيدر ، أنا في يوم من الأيام كان عندي تلاتة (جرادل) بلي!!
بعدما سافرت كسلا في الإجازة، في كل عصريةالباب يدق عوزين درديري ، يوم أبوي ، عليه السلام، سألهم : إنتو عايزين شنو من درديري؟ قالوا ليهم عاوزين لينا كورة، قال ليهم ما عندنا كور، قالو ليهو درديري عامل كور كتيرة. سألهم : بتعرفوا محلها؟؟ لقوا تحت "عنقريبي" 34 كورة شراب!! ما مر علي شهر إلا كان يدي أو كراعي مربوطة بس الحمدلله ما إتجبصت!! الله خلقني أشول ، لذلك من أيام الخلوة، وهي بالمناسبة كانت في بيتنا ، من أيامها كنت بندق عشان ما أكتب بالشمال!! لذلك يدي وجلابيتي كانوا دايماً ملطخين بالحبر! في يوم من الأيام فتحت لقيت نفسي في الثانوي في أم درمان، سنة أولى كلللللللها أخدت راحتي وقعدت أكتب بالشمال ، بعد ما شبعت كويس رجعت برااااااااي أكتب باليمين!! عجبي!!
تلك الأيام، أكلنا تبش وعنكوليب ولالوب و""سمغ"" وعيش ريف وبامبي وبابون ومررو وفول قوي وقدوقدو ووَيْنا ودوم وتمر ابونا وحمبك وما جاتنا ولا حاجة!!!
تلك الأيام !
تحياتي
Post: #35 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: abubakr Date: 06-23-2010, 04:54 AM Parent: #7
Post: #23 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: abubakr Date: 06-22-2010, 07:30 PM Parent: #1
ياقريبي ايه الكلام البرجوازي دة؟؟؟... تشربو موية من الماسورة وتركبو بسكليتات وتاكلو ايسكريم وتلعبو تحت اضواء الشوارع .. طب احنا شربنا من المنبع علي طول من النيل ومن كان لديه حمارا للمواصلات فهو برجوازي زماننا اما الدندرمة فكانت في مراحل حضرية متقدمة ما كانتش عندنا شوارع لكن سهلة والاضاءة نصف الشهر من القمر ونص الشهر اجتهادات ب GPS داخلي ...اها يوم خرجت "الحرية" من البلد خرجنا وما زلنا .. قال ايسكريم قال ....
Post: #25 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-22-2010, 09:25 PM Parent: #24
عزيزنا المعز ادريس
Quote: تغمدنا الله بواسع رحمته و أسكننا فسيح جناته مع الصديقين و الشهداء قولوا آمين.
روايتك دي مهمة يا فيصل نصورها و كل واحد ياخد معاه نسخة للدار الآخرة!
Post: #26 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-22-2010, 09:38 PM Parent: #25
Quote: فيصل ياخ مالك علينا عندنا شغل وعايز ننسى الكلام دا كلوا لأنه ببساطة بيذكرنا بزمان إذا حكينا عنه الآن لقالوا عننا أننا مجانين ياخي التلفزيون كان قناة واحدة بس ببدأ الساعة 3 العصر وبينتهي 12 بالليل والتسعة ساعات دي فيها برنامج للأطفال وبرنامج ديني (حليل الشعراوي) وبرنامج رياضي (حليل الطاهر) ونشرات أخبار ونشرات جوية ومسلسل وكمال شانتير وبروفيسر عبد الله الطيب وتلي ماتش والدوري الألماني وحاجات وحاجات
منك لله يا فيصل !
عزيزنا جعفر محى الدين
ايام زمان كانت ايام هاك تيلى ماتش شكرا على المرور
Post: #27 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: willeim andrea Date: 06-22-2010, 09:41 PM Parent: #24
ركزوا علي عربية الداندرمه في عز الهجير سحائي ده منو .... داندرمه لبن ... والتانيه شنو كده ما عارف .... وعربية دعاية السينما ... ,,,,, اليوم مساء .... فلم جانوار .... تسري منزل ....... (شامي كابور وسبناه) الرمح الملتهب ...(جول برينر ) السبغه العظام ..... الهروب الكبير ..... الفرصه .... صوفيا لورين .... جون وايت... دي جانقو.... سينما غرب ... النيل الازرق.... يااااااه
قال كريم كرميل قال
:)
Post: #28 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Omayma Alfargony Date: 06-22-2010, 10:08 PM Parent: #24
عمو فيسل ازيك
ياسلاااااااااااااااام بوست جميل وموجع في نفس الوقت.
كنا بنلعب فب الاجازة من الصباح لحدي المغرب...
نسرق المنقا والليمون..وعمو يسكنا..والبنقبض يا ويلو وسواد ليله..ياخد علقة او الاسوا يسوقه يشتكوه لناس بيته...
كنا نحب القراءة منذ الابتدائي...غير اننا كنا شطار..كنا بنقرأ الالغاز..والمجلات الجميلة..ماجد,,وسمير وميكي وعمك تنقو وفنجاط ......لسة بقرأ ميكي طبعا..:).
وبنتنافس منو يشتري اخر عدد نازل في السوق الاول...
ياربي هسه في عندهم مجلات اطفال سودانية..والشفع بحبوا يقروها؟؟؟..
ياما لعبنا تحت المطرة..لاجاتنا نزلة لا التهاب..وياما لعبنا بالطين..وفي التراب عااااااااااادي....
ياسلاااااااااااام...والله اتفشيت...:).
تحياتي وودي.
Post: #29 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-22-2010, 10:36 PM Parent: #28
Quote:
لعبنا حرينا
الرمه وحباسا
حيونا
شليل وين راح
سكج بكج
الدافوري من الدغش
الضقل بعد الفطور في اي ضل حيطه
شدد بعد الضهر في ضل بيت ناس فلان
العصر الدافوري
بالليل البرنامج المعتاد حيونا وما جاورها
غايتو جنس ايام هي
نشرب السجائر ابو نخله بالدس
في راس الترعه المغربيه
نكابس مزراع البطيخ والشمام
نحلب لغنم ونشرب اللبن
ايام يا زمان
عزيزنا abas
انته من زمن سجاير ابو نخله نمسك الخشب شكرا على الكلام الحلو
Post: #30 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: صديق عبد الجبار Date: 06-22-2010, 10:37 PM Parent: #28
يا حلاتكم إنتو يا أولاد البندر .. !!
Quote: لأنه ببساطة بيذكرنا بزمان إذا حكينا عنه الآن لقالوا عننا أننا مجانين ياخي التلفزيون كان قناة واحدة بس ببدأ الساعة 3 العصر وبينتهي 12 بالليل
نحن في مروي كان هذا الجهاز الرائع هو التسلية الوحيدة وموجود فقط في ثلاتة أربعة بيوت :
وكان عنده بطارية أكبر منه ... تتحلق حوله الحلة كلها وخاصة في رمضان بعد الإفطار عشان نتابع مسلسلات صوت العرب وهنا القاهرة ، فؤاد المهندس وشويكار ؛ محموووووووووووووووووود !!!
القراية بي أم نويويرة أو الفانوس .. ونحن عشان كنا أولاد الضابط .. جابولنا "رتينة " مو خمج عشان الإمتحانات ..
التلفزيون ما شفناه إلا لمن جينا جامعة الخرطوم ..!!
تقولي شنو وتقولي منو ... !!
تحياتي أخي فيصل وكل الحلوين أولاد وبنات البندر ... ولو إننا كلنا هسع بقينا لا لامين في البندر لا لامين في الريف ..
أيام كانت جميلة .. واتربينا تربية صاح .. وادقينا دق صاح .. واتدلعنا دلع صاح .. وعشنا عيشة صاح ..
وقول يا لطيف وخليك متفائل ...
تحياتي بالكوم ___________ صديق أبوفواز
Post: #31 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد على طه الملك Date: 06-22-2010, 11:04 PM Parent: #30
أنا 80 طبعاياعجايز!! بالله اصرف لولادالبندر ديل يا عبد الجبار.. اهو دا أنا.. الكُوج
كثيرون منكم لم يسمع بالمسمى .. لعل البعض من غير الرطانة .. يفسرونه بلفظ ( الكُج ) الذي إعتادوا علي إستخدامه تعبيرا عن تشاؤمهم قائلين.. ـ فلان ده كُج .. ولا أدري لاي من لغاتنا المحلية ينتمي لفظ ( الكُج ) هذا.. اما الكُوج الذي اعنيه فمقابله بالعربية الدارجة هو ( القنبور ).. لا أدري إن كان من حسن طالعي أن جئت الإبن الأول للأسرة بعد عدد من البنات .. كتب لإثنتين منهن فقط الحياة .. ربنا يديهن العافية .. لذا .. كنت في مرحلة من عمري محط تقدير الجميع لحد ما.. خاصة عمتي عليها رحمة الله .. كانت تعزني كثيرا .. لم أسمعها يوما تناديني بإسمي .. بل كانت دائما تناديني ( ساتي ألي ) أي ساتي علي .. كنت أظن أن جدي الذي سميت عليه جاءت تسميته تيمنا بباشا مصر .. وأنفرجت أساريري عندما أعلمتني أن التسمية جاءت تيمنا بإسم جده لإمه الشيخ ساتي علي .. صاحب المزار المعروف بمنطقة لبب .. لاحظت أنني كنت الوحيد بين أقراني له ( كُوج ) .. والكُوج عبارة عن ثلاثه خصلات من شعر الرأس تترك دون حلاقه .. فيبدو منظر رأسك حليقا إلا من ثلاثة خصلات متفرقات.. إحداهن عند مقدمة الرأس والأخرتين عند المؤخرة .. يبدو المنظر مضحكا لمن لا يألفه .. كثيرا ما تزمرت محتجا علي هذا المفروض عليّ .. ولكن دون جدوي .. أكثر ما كان يزعجني .. حين أصبح (كُوجي ) هذا نقطة ضعفي أمام أقراني .. فما أن أتشاجر مع أحدهم إلا وأسرعت يداه نحوه .. لذا كان شكلي عند الشجار يبدو كهيئة الديك .. أبرز صدري الي الأمام ورأسي الي الخلف وانطلق مهاجما .. أقضي جل وقت الشجار محاولا غل يد خصمي حتي لا تبلغ أي من (قنابيري ) الثلاثه .. غدت تلك عادتي .. بل إستمرت طويلا حتي بعد أن إنتهت صلاحيتة القانونية .. وتم قصه في إحتفال أمه الصبية وعدد من صويحبات أمي .. عند قبة الشيخ عبد الكريم ابو رابه .. يومها تخاتف الصبية ( قراصة ) مخبوزه بالبلح .. تعرف ب ( السق ) لها أيضا ثلاثه رؤس شبيهة بالقنبور .. أعدتها أمى وجلبتها وفاء بنذرها .. غير أنني ما أحسست بقيمة ( قنابيري ) تلك إلا بعد أن فقدتهن .. تبدلت معاملة الكثيرين حولي .. لم أعد محط إهتمامهم ورعايتهم كما بدى ليّ .. حتي علاقتي مع أقراني سادها الوئام .. ولا أدري إن أقلعت أنا .. ام هم أقلعوا عن التحرش بي .. ولكن .. تملكتني الحسرة فيما بعد .. عندما طالعتني سيرة شمسون الجبار .. تمنيت لو لم أفقدهن .. فربما .. مين عارف ؟ .. قال 80 !!.. هسع أنت يافيصل حاشر الشفع وسطنا مالك؟ واللا بتجامل صاحبك ود شيقوق؟ ههه
Post: #33 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Ali Sirelkhatim Date: 06-23-2010, 00:20 AM Parent: #31
Quote: فيصل ياخ مالك علينا عندنا شغل وعايز ننسى الكلام دا كلوا لأنه ببساطة بيذكرنا بزمان إذا حكينا عنه الآن لقالوا عننا أننا مجانين ياخي التلفزيون كان قناة واحدة بس ببدأ الساعة 3 العصر وبينتهي 12 بالليل والتسعة ساعات دي فيها برنامج للأطفال وبرنامج ديني (حليل الشعراوي) وبرنامج رياضي (حليل الطاهر) ونشرات أخبار ونشرات جوية ومسلسل وكمال شانتير وبروفيسر عبد الله الطيب وتلي ماتش والدوري الألماني وحاجات وحاجات
منك لله يا فيصل !
والسهرة لقطات مع متوكل كمال وامسيات مع فريد عبدالوهاب وفرسان فى الميدان ولا اقول ليك مسابقات المدارس وبيت الجاك والصلحى وقضايا الناس.. يا الله ياخ يالله ..
الحبيب البياكل الطين/ فيصل محمد خليل كلما ارى اسمك اتذكر واحد من اعظم قادة الشرطة السيد الفريق اول فيصل محمد خليل كنا نسميه الليث الابيض. بوست جميل جداجداجدا اعاد الّى العديد من الذكريات الحلوة ونحن فى هذه المنافى البعيدة.. تعرف يا فيصل زمان درست الثانوى فى حلفا الجديدة وكنا نذهب لقهوة عم عبده مترجم بالامسيات والسينما الوطنية او الشرقية وبعد الدور الاول {الدور الاول ده انا قاصد بيه العرض الاول احسن اوضّح ليك عشان عارفك قريبى حلفاوى راسك كعب} اهه بعد داك نمشى حلوانى سيف نضرب باسطة وبسبوسة وهريسة ونلخبتهم بالزبادى..واحيانا اخرى نضرب فول ابوظريفة..
كنا فى الثانوى العام نقرا الالغاز المغامرين الخمسة لوزة ونوسة ومحب وتختخ والشاويش على والمفتش سامى وال###### زنجر.. ومجلة الصبيان وعمك تنقو والعازة وما اعظمك يااستاذ شرحبيل احمد. التلفزيون كان قناة واحدة وكان لما يكون فى لقاء المكاشفة الشهرى للرئيس نميرى نجد وسيلة اخرى للتسلية وغالبا ماتكون الاستماع لراديو مونتى كارلو.. لكن برضو اى زول قال نعم والف نعم ليك ياالقائد الملهم شاء ام ابى لانو ابعاج كان بيفوز فى الانتخابات بنسبة 99.9%. كانت توزع لنا الكراسات والكتب مجانا من مخزن المدرسة وحتى الحبر كان مجانا ولما يكون فى ازمة فى الحبر كان بيختّوا محبرة واحدة كبيرة فى البرندة جنب كل فصل عشان اى طالب يملا قلمه. والغريبة يا فيصل ما كان عندنا بترول الوكت داك..
دمت بالف خير ياحبيب
Post: #32 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Mamoun Ahmed Date: 06-22-2010, 11:54 PM Parent: #28
دا بوست ولا بيت بكا؟
انا متاكد انو البوست دا مش حنين للماضي
لكنه خوف من المصير المجهول الدي تقودنا اليه السياسه كل الناس قلوبا علي ايدا الجابنا الزمن دا شنو
انا غايتو بنعي ماضينا وحاضرنا و ستقبلنا زاتو مع دعوه المعز دا
البركة في الجميع
Post: #34 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: JOK BIONG Date: 06-23-2010, 00:37 AM Parent: #32
Quote: البركة في الجميع
يا حليلو ايام زمان
جوك
Post: #36 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: خالد العبيد Date: 06-23-2010, 05:06 AM Parent: #34
مبروك الأميرة لنا صادق الامنيات يالمزيد من النجاحات
Post: #37 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: المسافر Date: 06-23-2010, 05:24 AM Parent: #34
Quote:
غاظوه ونعل
عل الداعي خير
وما من غيرو خوف
إن جد الزمن
غصباً عن ظروف وأقدار ومحن
زاد من شوفنا شوف
كان صبرك كمل
في نومة كهوف
كان باقي الكتير
من باقي الثمن
من شيل الكتوف
جراق ما بمل
خير قول باقي خير
Post: #38 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 06-23-2010, 05:48 AM Parent: #37
كنا لمن نمشى الإجازة بوادى حلفا لازم نعلب بعربات الصفيح وهى مصنوعة من صفيحة العسل المصرى الكان بيجينا من اسوان بالباخرة وطبعا ما تنسوا حلاوة لكوم المرشوشة بسكر البودرة طبعا بيتونا كانت فى منطقة البحيرة وكل صباح نطلع بالغنم على ناحية النيل عشان تاكل ونقوم نشمى ندخل النيل او البحر كما يسمونه ونعوم شوية كنا بنصنع صفارة من البوص ونقلد بيها نغمات بورى اللوراى السفرية والمحلية من الألعاب كنا بنعلب بعجل الحديد بتاع العجلة تسوقه بعصاية طبعا فى البلد كهربا مافى الإعتماد كان على ضو الفانوس او الرتينة العشا طبعا بيكون بدرى جدا يعنى الساعة 8 نكون اتعشينا خلاص شراب الشاى طبعا من لبن الغنم الطازة مع القرقوشاو المنين كما نسميه
Post: #39 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Yousif A Abusinina Date: 06-23-2010, 06:08 AM Parent: #37
Quote: منك لله يا فيصل !
شكيت محنك يا عمو فيصل على قول شيقا
مالك بقلب فى المواجع
واقولك كنا بنشرك للسمك فى الحفير واهلك اهل العوص 48 ساعة استحمام فى الترعة والكبرى ( تقولى سباحة)
مرة اجازة صادفت الخريف وبناتى صغار بعد الحمام وخرجوا من البيت سرنجة عشرة بس القاسية اطلعوا من الغرفة ورجعوا زى الطيانة ( الناس البتبنى بيوت اللبيخ - عمو فيصل ارجع لدكشنرى زمان ) امهم كادت تموت من الحسرة فسالتهم باستغراب دة شنو
قالوا ليها كنا بسبح فى حوض السباحة ( الموية الراكدة فى الحوش )
عمو فيصل شيكيت محنك
سرقة الجناين العجور والتبش بالشطة والليمون وكل مسروق كان ليمون وكان تبش التشرك للسمك وضاربات البردة الكهربائية عمو فيصل سرقة العنكوليب ( بياع صاحبنا شيقا قال عمو العيال تنقى وهو ياكل ويمضغ - والباقى اسال منه شيقا على حسب حديث الراوى ) من وسط الحواشات واخرها الغرامة جلدة وانت نائم من التعب
كانت لنا ايام ما احلاها وما تغلب المواجع
شنطة الدمورية ولا اجعص سمسونايت من شنط اليوم تقولى مدارس ......... النموزجية
والله يا عمو فيصل جنس شلاقة وشقاوة تجنن - نسال الله ان يسامحنا مما سببناه لوالدينا من تعب وعذاب
Post: #40 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: doma Date: 06-23-2010, 06:26 AM Parent: #39
ابصم العشره علي كل كلمه كتبتها عارف ما خليت لعب الشارع الابعد بقيت عمر 11 سنه بعدها ابوي اتشدد اساسا في المدرسه ما يدق الجرس بجري العب الحجله ولما ارجع بلعب الحجله قدام باب البيت في الشارع ما بدخل البيت الا الساعه اربعه لما ابوي يجي
Post: #41 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-23-2010, 06:54 AM Parent: #40
كتب اخانا عبد الرحيم الامين
Quote: ومره عملت فيها حريف وقلت لعيال أخواتي لا تاكلوا الدوم (كد الدوم) وأخذت محاضرة قيمة من الوالد (رحمه الله) ولماذا منعتهم عن ذلك !!
فعلا يا فيصل كان زمن جميل ! وبرغم بساطة الحياة الا انها كانت ممتعه وسلسة والجميع قنوع بما لديه والاغلبية كانت بصحة جيدة .
ويين تاني !!!
يا عبد الرحيم الظاهر عليك انت من دور الزول الكان بيلبس هدوم مصنوعة من علم السودان و معلق صورة ابراهيم عبود في رقبتو و بيحوم الخرطوم و هو يردد تريللي اللي يا عبود نحن وراءك يا عبود
____ شنو يا جماعة شابكني عمو عمو انتو عاوزين تبوظو سوقنا والا ايه ?
مؤدتي
Post: #42 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Mahassin Ibrahim Date: 06-23-2010, 06:59 AM Parent: #40
فيصل : الله يديك العافيه والاماني الطيبه. بوست يبعث علي الفرح والوجع في أن واحد.
وجع مبعثه وجه المقارنه المبكي بين ذلك الزمن او الازمنه الجميله بكل ما تحمل من بساطه وهذا الذى ال اليه الحال الان.
نحن جيل القناتين التلفزيوتين الوحيديتين وبالرغم من انقطاع الارسال ولحظات ونواصل ....كانت متعتنا في قمتها. وسمعنا معتصم فضل ومنوعاته بالخميس من خلال المذياع وهناك مذيع قدير لااعلم اين هو الان يقدم مرافي الغربه علي ما أذكر ويستضيف فيها احد العائدين ليحكي تجربته هناك ويخرج بنا في سياحه جميله وبعيده لابعد الحدود ...تخيلو معي مدى استيعابنا واستفادتنا من هذه الجرعات المفيده. استمتعنا ل((بي بي سي)) من خلال المذياع وصوت أمريكا وصوت القاهره ....واجزم ان هذا الجيل قد تكونت لديه مداركا للوعي الثقافي والسياسي والانساني لاتقاس .
الجامعات كانت منابر للوعي بصوره أكبر والصراع السياس النظيف الذى يضيف اليك ولا ياخذ منك . هل تذكرون مسابقات المدارس وما اضافته من تحصيل اكاديمي : ابسط ما يقال فيه انه كان عاليا جدا وكان نتيجته هذا التميز الذى لازم مدارسنا الثانويه واسمحو لي ان اسرد تجارب مدارس الخرطوم ومعليش (( ابوبكر وصديق والاخرين من اقاليمنا الحبييبه)) لا أنس نجاح وتفوق وتنافس مدارس الخرطوم الثانويه ويحرى الحكوميه وأمدرمان الثانويه.............يالها من أيام. سنواصل انشاء الله .
Post: #43 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Albino Akoon Ibrahim Akoon Date: 06-23-2010, 07:55 AM Parent: #42
زمن!! كنا بحضر الصلات الطيبة وعاصفة الصحراء والطريق الي سمرقند. وحليل يوم الجمعة بحضر فيهو جنة الاطفال والمصارعة العالمية من محمود السوداني وبوكي بوكي مان والاي تيم وسايمون ان سايمون. ومسلسلة ميكي العجيب. واكتر مسلسلة لا قادر أنساها او أتذكرها هي مسلطة صلاح ومنيرة، حضرتها في واو. يا سلام علي ايام التسالي يعبوها في ورق وليها نكهة خاصة، ايام عربات الفيمتو علي جانب المسجد الكبير. غايتو أحلامنا وذكرياتنا اتسرقت ومستقبلنا في كف عفريت حاضرنا وحدة وغربة وماضينا حسرة وحرقة!! يا سلام ياسلامة مع السلامة!!
Post: #44 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالحفيظ حسن Date: 06-23-2010, 08:05 AM Parent: #43
.
شوف الكلام ده فى مدينةالأبيض....
كنا ونحن أطفال نسكن فى حى الموظفين غرب دار الرياضة ...و لأن والدى رحمه الله كان (حضرة الناظر)...تمتعنا بالسكن فى هذا الحى المميز....
وكانت الأبيض ...شى عجيب...منتهى الحضارة..الخواجة قرقورى كان عندو نظام متحضر فى تسويق الرغيف...بالدفع المقدم...تقوم تشترى دفتر يحتوى على تذاكر من فئة ....إن لم تخنى الذاكرة...قرش أو قرشين....يجى الولد الشغال معاهو شايل الرغيف فى عجلة فى مقدمتها صندوق كبير فيهو الرغيف وقدام بيتكم يقوم ينفخ البورى وتجى طالع وتديهو التذاكر على حسب حاجتك من الرغيف النضيف المغطى بفوطة نضيفة...منتهى التحضر والرقى.....
مش كده وبس....شوف ناس البطرى.... نفس التذاكر ...يقوم يجيك بتاع البطرى فى كارو مميز .... فيهو صناديق فيها قزايز اللبن ....يجيك لحدى البيت ويخت القزايز فى الحيطة.... زى النظام الإنجليزى بالضبط......
وشوف ناس الصحة ...زيارات مفاجئة ....يفحصوا الأزيار ولابد تكون مغطية بقماش نضيف ...ويفحصوا البلاعات ويرشوا المبيدات ....
يعنى البلد بدل تتطور وتمشى لى قدام....تخلفت اللآف السنين.....
.
Post: #45 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-23-2010, 08:21 AM Parent: #44
كتب الامين محمد علي
Quote: اسي حا يقولو ليك دي نوستالجيا بس
آهـ )
عندمآ تنظرٍ إلى المرٍآهـ فـ تلمح أولى خطوٍط التجآعيد ترٍتسمـ على وٍجهكـ وٍ عندمآ ترى أوٍل شعرٍهـ بيضآء تستوٍطن رٍأسكـ معلنهـ أن البقيهـ تأتي وٍ ان أيامـ شبآبكـ بآتت معدوٍدهـ
أن لمـ تكن قد انتهت فعلا
Post: #46 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Mahassin Ibrahim Date: 06-23-2010, 08:41 AM Parent: #44
عبد الحفيظ : لك التحيه.
التخلف الذى لازم تلك المدن الاقليميه بدلا من ان يصيبها التطور ويزيدها علي الذى موجود يحير القاصي والداني.
حكي لي واحد من اصدقائي من مدينة (( عطبره)) ان هذه المدينه كان بها خدمات (( ال Call Boxs)) منذ الستينات وكان الناس تتحدث عادى جدا من الشارع لابعد حدود الدنيا(( استراليا وكندا وامريكا))......
اما الخدمات الحياتيه التي اتحفتنا بها تدل علي ما كان عليه وماال اليه الان.
لنفكر في طريقه ولتتكاتف الجهود لنعيد بعض الذى فقدناه....رايكم ايه؟؟؟؟
Post: #47 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد الكامل عبد الحليم Date: 06-23-2010, 08:47 AM Parent: #1
تحية للاستاذ فيصل--نعم نحن من ذلك الزمن--كنا نرقص التشاشا ويفضحنا النهار--خرست تعاويذ الجدود تساقطت شعل الحنين --كسا ذوايبها غبار--كما يقول صديقنا ود المكي--هو الان بعيدا عن الوطن في الجرف الباسفيكي في مونتري--ونحن نمسك ايضا عصا الترحال --تبحر قوافلنا ليلا ويطول الانتظار--وعندما نعود --نقول مع القائل--ساعود لا ابلا وسقت ولا بكفي الحصيد روائعا--مدو بساط الحب واغتفروا الذنوب وباركوا تلك السنين الضائعة
هل هو زمن الشجن يا تري --اعني الزمن الماثل الان -- ان زمنهم ماسخ عجوز--
Post: #48 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-23-2010, 10:02 AM Parent: #47
عزيزى العم (ركبنا الموجه)فيسل .... مسكاقنا
يعنى حسه ناس الاربعين سكو ولا شنو؟؟؟ المهم لن اكتب بل سادع الصور تتحدث عمك كمال
Post: #49 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: زينب بدر الدين Date: 06-23-2010, 01:59 PM Parent: #48
هل من عودة تانى
والله كانت أيام حرام أولادنا ما لقوها
نحنا لا بنات بندر لا قرى معهد بخت الرضا كان حاجة مختلفة
عشنا فى الرملة والغابة والنيل
نشرك للطير ونطلع ود الحداد من الغابة
ونشيل القفة زمن التحاريق نمشى النيل
نلقط الشمام قدر ما نقدر
وما عرفنا عشاء الفول إلا لمن جينا أمدرمان
وبناخد جرعة مربة سمك الصباح وزيت سمك حبة مدورة صغيرة
وما بنعرف الدكان
وبنلعب فى الحديقة العصر وأول ما الأنوار تولع نرجع البيوت
ويوم الخميس نمشى حفلة الطلبة فى مبروكة حاجة جميلة
وفيها مواهب وإبداعات تمثيل وغناء
اللبن من الديرى بالجردل ونبارى الحلاب من ما ينادى البقرة سمية
بووع ثريا بوووع
وكل بقرة عندها إسم
قرينا أرسين لوبين ولا أنام والأم ونحنا فى المتوسط
قرينا كتب محمود محمد طه وقوانين الأحوال الشخصية ونحنا فى الثانوى
وكتب نجيب محفوظ نحنا فى المتوسطة
والروايات العالمية وكتب أجاثا كريستى
وفى أمدرمان عشنا حياة أجمل من الخيال
نمشى قدام المستشفى نشترى من أبو ريال يكتر الغيار
وفى أمدرمان الثانوية شاركنا فى منافسات المدارس
والتشجيع الرهيب ولمن نلعب ضد بنات الأحفاد ونغلب
نزفهم معزومين عشاء فى البازار
أدونى فرصة أجيكم للداخليات والبهجت
Post: #50 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبد القادر شادول Date: 06-23-2010, 03:23 PM Parent: #49
ومع كل هذا كنا غاية في الحضارة لدرجة اني يعلم الله ركبت حاجات في السودان بعد 30 سنة ركبتها في جدة كشيء جديد يدخل لاول مرة وكنا قمة في التكافل الاجتماعي الغدا جماعي العشا جماعي واحيانا شاي الصباح في وجود اي ضيف في القرية يصبح جماعي
الله يطراك بالخير ياجميل
Post: #51 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: حيدر امين Date: 06-23-2010, 06:18 PM Parent: #50
مجلة سمير يقراها الجميع من سن 8 الى 88
كان عندنا العاب مخصصه لفصل الشتاء واخرى صيفية
تدخينا كان الروثمان والبنسون الصنع خصيصا للسودان
الشامبيون البرنجى ,الثرى تاونس والثلاثة خمسات
كرة الشراب , كرة اللستك والكفر ابوبوز
داك زمن مات ما بحي مين تانى البعيدو العمر ساقو ومشابو والزمن ضيع جديدو والكان كان وين زمان
Post: #52 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-23-2010, 07:16 PM Parent: #51
من اقوال ود المنسي
ايام زمان يا حليلا راحت زمن كسر رأس السكر بي البلنجة والموية من الزير
_____
KILL THEM ALL AND COME BACK ALONE
Post: #54 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Balla Musa Date: 06-23-2010, 07:27 PM Parent: #52
بس ماتنسوا أنكم الجيل الذى يحكم السودان الآن.. معارضة وحكومة.
وانا أقول السودان مالو كل جيل يمر وهو راجع لى ورا؟
Post: #53 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: جمال السنوسي Date: 06-23-2010, 07:18 PM Parent: #51
يا سلام يا عمو فيصل
رجعتنا لي اجمل زمن في العمر
زمن اعلانات الراديو
احذية تومو شيك
واحدذية لاركو وباتا سعر الـ 99 قرش زمن القرش قرش
زمن اعلان اسندكو
اندروس منعش فوار
الجون
مربى خرز البقر
عسل ابو اسد (علبة الحيد)
بسكويت كوكو
حلاوة لكوم
دكان اولاد ملاح خلف سوق الخضار ا(وشراء مؤونة الشهر)
بتاع الطعمية بجوار محلات باتا بالخرطوم 3 ( الحجز بالتلفون لزوم المزز) ولو ما حاجز ما بيدوك باي ثمن
مطعم اخر ساعة في محطة الغالي وشواية الجداد
مطعم الاخلاص بالسوق العربي
محلات الاقباط بسوق نمرة اتنين وكل انواع الجبن والمردتيلات والعيش الابيض
يا حليل سيحة والفرن في شارع الحرية
والله يا عمو فيصل يا حليل التربية
اي زول في الشارع ممكن يدق الشفع البيتشاكلو
وما في زول بيعترض
لا امك لا ابوك
لعب الكورة صباح الجمعة على الدرقة
كنا بنصبغ الفنايل الداخلية كشعار لكل فريق
يا الله يا عمو فيصل
بجيك راجع
ترمس ترمس كب كب
الجرتقة والنبق
وحلب الحديد
والمعا قزاز (ثروة مضمونة)
Post: #55 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-23-2010, 08:11 PM Parent: #53
Quote: واهم اهم اهم شئ..
كانت الاسرة بتتلما في صينية الغداء لمة جميلة ,, لمة بيحرص فيها الام والاب يعرفوا يوم اولادهم مشى كيف ,,, هسه يا كافي البلاء الاب والام يحننوا .. فترو من اكل (السيندوتشي)..
عزيزتنا ساره
شكرا على المرور وفى الزمن داك كان اكل الفطور براهو واكل الغدا براهو واكل العشا براهو
Post: #56 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-23-2010, 08:37 PM Parent: #55
Quote: وعشان كدي بيقولو علينا اولاد الزمن الجميل
شكرا فيصل ..
عزيزنا عماد الشبلى
لك الشكر وخليك قريب
Post: #57 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-23-2010, 08:56 PM Parent: #56
لـحـظــات و نـواصـــل
Post: #58 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: sourketti Date: 06-23-2010, 11:54 PM Parent: #57
كان دور المدرسة ممرحلاً وأكبر بكثير مما هو عليه الآن فى تكويننا حيث كان للتنافس فى كل أنشطة اليوم دوراً محورياً فى تكوين شخصية الطالب وتنوعها لما فيه من دراسه ورياضه ومسرح وثقافة وفنون وسياسة وحتى الكديت وغيره من الانشطة...
يكفى أن يكون تغيير قلم الكتابة من الرصاص للحبر السائل فى الصف الثالث بالمدرسة الأوليه أوتغيير اللبس من جلباب أبيض بلياقه وعمه وشِدّة وشنطة دمور لرداء كاكى وقميص ابيض وشنطة وشبط جلد دوافعاً لطالب الصف الرابع بالمرحلة الاوليه (مرحلة مبكرة) للانتقال للمرحلة الوسطى ومابها من لغة انجليزية وكتاب الهاند رايتنق والنايل كورس (الاصفر بالازرق) ...
وحتى للسينما فى تلك الايام دوراً بارزاً فى تشكيل الوجدان السودانى ...
Post: #59 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد على طه الملك Date: 06-24-2010, 01:33 AM Parent: #58
بالمناسبه يا د. بله البعنيهم فيصل ديل تلتينهم خارج الوطن.. اما الحاكمننا فهم مواليد من 49 وورا.. جيل ناس شيخ على والجاز وعمر البشير وسبدرات الخ..
يا قريبي تركب الباص بي تعريفة ولا قرش. زمن يا زمن.
وقتنا كله في الشارع زي كلاب الحر ولا ننسرق نمشي البحر نص اليوم صيد
سمك والباقي عوم ونرجع ناخد علقتنا وبكره نكرر الفيلم نفسه.
كبرنا بقينا ندخل السينما الدور الاول غرب والدور التاني كلوزيزم ولا جنوب
ولا البي ان,, كان عاقبوك من الطلعة تتلب بالحيطة وتحصل القيم مع الشلة.
يا فيصل زمنا جمييييل والله عشنا في صفاء ونقاء الحمد لله.
Post: #61 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: الفاتح ميرغني Date: 06-24-2010, 04:06 AM Parent: #60
باشمهندس فيصل تحياتي وشكرا على هذا البوست النوستالجيك و" عشنا معاك أجمل لحظات"
محبتي
Post: #62 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد المرتضى حامد Date: 06-24-2010, 04:48 AM Parent: #61
Post: #63 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: هواري نمر Date: 06-24-2010, 06:51 AM Parent: #62
يا قريبي العزيز تحياتي واحترامي..
(لحظــــــــــــــــــات ونواصل البرامج) -ادمون منير- كانت لوحاته واعلاناته ورسماته هي العلامة المميزة في تلفزيون جمهورية السودان كانت القناة 9 هي امدرمان و7 هي الجزيرة
طبيعة الاشياء- محمد عبد الله الريح ساعة صفاء-محمد حجــاز مدثر صحة وعافية - ابوعيدة المجذوب مجلة المساء,بوداينا,صور شعبية,عزيزي المشاهد,سينما سينما,الحقل والعلم,فرسان في الميدان,عالم البحار,عالم الرياضة(الدوري الالماني )كان اساسي, وووووو...حاجات ما بتخلص ياخي اعلانات الحفلات للفنانين كان في التلفزيون,هسي في فنان بقدر يعلن عن حفل
الاذاعة عالم كبير و ما يخلص ..... اجمل شئ من الصباح تسمع (ربي ما تحرم بيت من الاطفال) كل يوم قبل المدرسة,كنت بظبط بيها الزمن عبد الله الطيب يشرح ويفسر,فراج الطيب(لسان العرب) ,صديق احمد حمدون,وعييييييييك
__
Post: #64 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-24-2010, 06:56 AM Parent: #63
من اقوال محمد المرتضى حامد
من منا لم يقرأ مجلة (بناء الصين) أو ( الصين الجديده) ؟ من منا لم يقرأ عن (الزعيم المحبوب كيم إيل سونغ)؟ من منا لم يسمع غنا البنات ( الله لي يا كوريا و الطلبه الدخلو العليا)
Post: #65 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: أبو ساندرا Date: 06-24-2010, 07:50 AM Parent: #64
الزميل فيصل خليل يا مدهش
ومستهبل
Quote: و كنا بناكل الطين ( ما تفهمني غلط ) و مكان عندنا عوجة
انا شخصيآ تفكيري ما ح يمشي بعيد حكم معاصرك من زمن الأردية وعارفك وخابزك
قبل يومين دخلت في نفس موجة الحنين للأيام الخوالي وكانت المناسبة رحيل استاذنا سيد أحمد خليفة في بوست ( وا شريري عليك .... )
كانت في ثقة عجيبة يافيصل إمكن سببها ان معظم الناس كانت القريةمازالت مسيطرة على سلوكهم غايتو نحن في الديم كنا بنلعب عادي مع البنات ، أخواتنا واخوات أولاد جيراننا وهذه اسست لعلاقات في الضوء وغحترام متبادلة ومازلنا أولاد وبنات تلك اليام نحتفظ بعلاقات عمقتها السنين وقربتها المصاهرات كلنا رضعنا الدندرمة كشطر مشترك ولهطنا حلاوة قطن وقزقزنا تسالي عمك كع وسيك بتاع الترمس مشنق الطاقية الحمراء والبسمة العرضية وجبين معروق
ونحن مابين ال 12 وال 17 أي دون سن التمييز القانونية وقبل الحصول على حق التصويت والمشاركات الرسمية كبني آدم كامل وتام كنا نمشي في مجموعات نرتاد السينمات ، كنا قد بدأنا في تجاوز النيلين والكلزيوم وكرعينا إنجرت على الوطنية غرب وعلى البلونايل
Post: #67 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: أبو ساندرا Date: 06-24-2010, 07:56 AM Parent: #65
و حتى ناس الأمن أو بتاع الأمن وكلاب الأمن حسب تعابيرنا يومها كانوا غير أكيد أنت يافيصل متذكر اسماء من المنجية في حلتكم ومتذكر إنهم دائمآ كانوا بينبهوننا لمن تكون في كشة في الديم( حملة تفتيش ) وكانت الدخاخين تميز بيوت الشيوعيين نبهتنا لها المرحومة العزيزة أسماء بشير إقترحت ان نجمع الاوراق المطلوب حرقها ونحرقها في مكان واحد واختارت ميدان الرعد لوجود حرائق دائمة في برميل القمامة في ركنه الشمالي الشرقي وأخذنا بنصيحتها وأبتهل هذه السانحة لأقرأ الفاتحة على روحها
Post: #66 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Nazik Eltayeb Date: 06-24-2010, 07:51 AM Parent: #64
تحياتي فيصل
Post: #68 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: سارة علي Date: 06-24-2010, 08:18 AM Parent: #66
يا نازك صباحك خير..
فيصل كاتب في ايقونة العنوان انو منقول.. زي الفي عنوان مداخلتي ..
Post: #70 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Nazik Eltayeb Date: 06-24-2010, 08:25 AM Parent: #68
شكرا سارة على التنبيه تم سحب النسخة الانجليزية من مداخلتي
وحقيقة المداخلات التي اتاحها الموضوع كانت رائعة شكرا لك فيصل مرة اخرى
Post: #69 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 06-24-2010, 08:24 AM Parent: #66
المواصلات الداخلية فى الخرطوم كل منطقة عنده بص لونه مميز امتداد الدرجة التالتة لون البص ابيض مع ازرق بص السجانة اصفر مع ازرق بص الحلة الجديدة اخضر مع احمر بص الجريف اخضر مع احمر بص برى ابيض مع ازرق وكان فى بص الفيات بتاع الحكومة لون ابيض مع ازرق فيه خطين بالأبيض ثم اتت باصات ابورجيلة
حديقة القرشى كان لها طعم أخر تدخلها الأسر فقط والجرسون لابس جلالبية اربط فى نصو حزام عريض يجيب ليك قزازة الليمونادة بتاعة المرطبات ما تقدر تكملها سينما النيل الأزرق كانت من الرقى السينمات ومعاها سينما الخرطوم غرب مسلسل الرجل الخارق كنا بننتظره بفارق الصبر ويوم ما يكون فى لقاء مكاشفة بتاع نميرى نلعن ابو التلفزيون زاته
Post: #71 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-24-2010, 11:50 AM Parent: #69
الاعزاء
محمد النيل محمد الامين موسى
مروركم اسعدنا واصلو
Post: #72 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-24-2010, 12:03 PM Parent: #71
Quote: العزيز فيسل
سلامات
فتحت ملف العقود الذهبية أجمل الأيام وأحلى الأزمنة
لك التحية
عزيزنا العريس عبد العزيز عيسى
وينك يا عريس وايه اخبار العسل معاك
Post: #73 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-24-2010, 12:22 PM Parent: #72
العم (مع سبق الاصرار) فيسل....مسكاقنا
وتعال معاى وشوف افيشات الافلام ودعها تتحدث
عمك كمال
Post: #74 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: حيدر امين Date: 06-24-2010, 05:37 PM Parent: #73
الفرينى كانت قروشنا
والتروبن اقلامنا
Post: #75 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-24-2010, 07:39 PM Parent: #74
Quote: فيصل خليل ياخى مالك علينا بعد الخرطوم زمان جبت لينا السودان زمان قال ليك ود الشبلى سمونا اولاد الزمن الجميل
بلى الفريت وبلى القزاز ضراب المويه والجله
اولاد الزمن ده يقولوا ديل بقولوا فى شنو
حليل زمان وايام زمان
شويه كده وبجيك ,,,,,
عزيزنا حيدر امين
شكرا شكرا على مداخلاتك السمينه
وهاك الرتينه والفنوس ديل
Post: #76 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ابراهيم عدلان Date: 06-24-2010, 07:57 PM Parent: #75
Post: #77 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-24-2010, 08:13 PM Parent: #76
Quote:
زمن الخال والد
وتكس ما يرجع
الرمه والحراس
الروس الروس ؟ حباب التيؤس
زمن جميل 00كتر خيرك فيصل
عزيزنا معاويه عبيد الصائم
شكرا للحضور الباهى واصل
Post: #78 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: willeim andrea Date: 06-24-2010, 08:32 PM Parent: #77
سوركتي ... بالغته لاكين ذكرتني صفوف السينما الطويله المنظمه ... الدور التاني ... طبقات مستنيره مثقفه ... .. جانوار ... شامي كابور .... سبنا .... اي لاف يووووو وقلبك الرهيف يطير ويطير ويحن للزمن الجميل ....
محبتي لكل المشاركين وعلي راسهم .... ود الخليل
محبتي
Post: #79 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-24-2010, 08:59 PM Parent: #77
Quote:
غايتو الناس العجائز لما يجوا يحكوا عن أيام زمان طوالي بيفكوا أخرهم.
فيسل هليل.. ضحكتني.. الله يديك العافية
عزيزنا عزيز عيسى
مشكور على المرور
تعال شوف حديقه الحيوانات (برج الفاتح الان)
Post: #80 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Amani Al Ajab Date: 06-24-2010, 09:26 PM Parent: #79
يديكم العافية ذكريات جميلة لكنها قلبت علينا المواجع.. الغناء كان ليه طعم !
Post: #81 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-24-2010, 10:45 PM Parent: #80
Quote: وكنا يا فيصل في المدرسة الأولية في كوستي بنسجل زيارات في قاقلة طلابية مع المدرسين لمدارس أخرى في قري الطويلة والزليط وربك وطيبة وأم فورة وتندلتي ويوزعونا على طلاب تلك المدارس ونعبش مع اسرهم وعائلاتهم لمدة اسبوع كامل ,, ويتم التعارف وكنا في المدرسة الوسطى والثانوي نعيش في داخليات.. السكن والاكل مجانا ومعاها مصاريف شهرية ونشارك في مسابقات المدارس ومنافسات كرة القدم بين المدارس ... ورجعتنا للزمن الذهبي والجميل يا فيصل
عزيزنا السر عبد الله
كانت لنا ايام مازلت اطراها يا ليتنا عدنا او عادت الايام لك الود والشكر على المرور
Post: #82 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-24-2010, 11:26 PM Parent: #81
فى إستقبال وفد إتحاد العمال العالمى الزائر للخرطوم سنة 1958 من اليمين: عزه عوض حسين، نايله محمد إبراهيم، عفاف السيد الطاهر، هدى محمد إبراهيم، منى حسين حسن الصف الثاني على محمد إبراهيم المحامى، الشفيع أحمد الشيخ نقيب عمال السودان، الفنان حسن عطيه، امال إباهيم الطاهر
Quote: منها واليها ..... وحدوه ....
Quote: ياقريبي ايه الكلام البرجوازي دة؟؟؟... تشربو موية من الماسورة وتركبو بسكليتات وتاكلو ايسكريم وتلعبو تحت اضواء الشوارع .. طب احنا شربنا من المنبع علي طول من النيل ومن كان لديه حمارا للمواصلات فهو برجوازي زماننا اما الدندرمة فكانت في مراحل حضرية متقدمة ما كانتش عندنا شوارع لكن سهلة والاضاءة نصف الشهر من القمر ونص الشهر اجتهادات ب GPS داخلي ...اها يوم خرجت "الحرية" من البلد خرجنا وما زلنا .. قال ايسكريم قال ....
تعيش وتاخد غيرها ....
قريبى الباشمهندس ابو بكر
شكرا على المداخله اتمنى الاستمرار والاثراء
Post: #83 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ALZOLZATOO Date: 06-25-2010, 00:46 AM Parent: #82
يافيصل
الله يهديك مالك علينا
كنا بناخد انا واخوي تلاته قروش للمدرسة قرش للفطور وتعريفة للتحلية لابس الرداء الاخضر والقميص الابيض في ابهى مايكون وبالنسبة للطالبات فستان اخضر و والكولا بيضاء مع اطراف الكم والمتوسط رداء بيج وقميص ابيض واشارة بها اسم المدرسة بالنسبة للطالبات فستان بني مع كولا بيضاء واطراف الكم ابيض والثانوي بنطلون بني وقميص ابيض وبالنسبة للجكس اللبني اسع وحاتك ماتعرف الطالب من العسكري لووووووووووووووولز
بعدين قرينا مجلة الصبيان ومجلة ماجد بتتوزع كل يوم اربعاء من مكتبة بشارع علي عبداللطيف قرب جامعة القاهرة اداب تحت شجرة ظليلة
اها العصر ليهو برنامجو الخاص وبالليل ليهو برنامجو الخاص مع انو كنا في مرحلة الطفولة بس مافي زول شغال بينا الشغلة لانو التربية كانت موجودة في كل مكان عادي ممكن واحد من الشارع يديك علقة لو شافك عملت غلط حاليا الله قال بي قولك لو هبشت ليك زول في الشارع مهما كنت درجة قلة الادب
تحياتي
زاتوووو
Post: #84 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-26-2010, 12:04 PM Parent: #83
Quote: ركزوا علي عربية الداندرمه في عز الهجير سحائي ده منو .... داندرمه لبن ... والتانيه شنو كده ما عارف .... وعربية دعاية السينما ... ,,,,, اليوم مساء .... فلم جانوار .... تسري منزل ....... (شامي كابور وسبناه) الرمح الملتهب ...(جول برينر ) السبغه العظام ..... الهروب الكبير ..... الفرصه .... صوفيا لورين .... جون وايت... دي جانقو.... سينما غرب ... النيل الازرق.... يااااااه
قال كريم كرميل قال
عزيزنا willeim andrea
مداخلاتك فى البوست اكثر من رائعه وعشان اشجعك وتجيب المزيد هاك الهديه دى افيش فيلم (من اجل ابنائى) والتى اصبحت شعارا فى السودان وهدفا
Post: #85 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-26-2010, 01:05 PM Parent: #84
Quote: عمو فيسل ازيك
ياسلاااااااااااااااام بوست جميل وموجع في نفس الوقت.
كنا بنلعب فب الاجازة من الصباح لحدي المغرب...
نسرق المنقا والليمون..وعمو يسكنا..والبنقبض يا ويلو وسواد ليله..ياخد علقة او الاسوا يسوقه يشتكوه لناس بيته...
كنا نحب القراءة منذ الابتدائي...غير اننا كنا شطار..كنا بنقرأ الالغاز..والمجلات الجميلة..ماجد,,وسمير وميكي وعمك تنقو وفنجاط ......لسة بقرأ ميكي طبعا..:).
وبنتنافس منو يشتري اخر عدد نازل في السوق الاول...
ياربي هسه في عندهم مجلات اطفال سودانية..والشفع بحبوا يقروها؟؟؟..
ياما لعبنا تحت المطرة..لاجاتنا نزلة لا التهاب..وياما لعبنا بالطين..وفي التراب عااااااااااادي....
ياسلاااااااااااام...والله اتفشيت...:).
تحياتي وودي.
عزيزتناOmayma Alfargony
شكرا على المداخله واسمحى لى باهداء هذة الاغنيه من ذلك الزمن الجميل
Post: #86 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: الفاتح شلبي Date: 06-26-2010, 01:37 PM Parent: #85
بوست موفق ويعكس الفارق الكبير ما بين سودان اليوم وسودان أمس
فيسل هليل إزيك
Post: #87 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مرتضى الكجم Date: 06-26-2010, 03:30 PM Parent: #86
حبيبنا فيصل ياخى دا بوست جميل جدا
عارف يا فيصل تعودنا عندما ندخل اى مصيبة زمان ان (نطرق الباب اولاً)
فنجد استغراباَ شديداً من البعض , وعندما نحكى لهم اننا نترك الشارع الذى يمر به المعلم يقولو ليك بنخمس معاه كيس التمباك
............................
والله على الزمن السمح ...........................
اذكر يوماً ركبت مواصلات (سنكات جبرونا) بمدنى وعند احدى المحطات ركب معنا احد معلمينا .
.........
فتمنيت ان تنشق العربة وترمينى فكيف لى الجلوس بجانب المعلم
فما كان منى الا ان اسارع بالنزول واتمام المشوار (كدارى)
........................
. إيهٍ يا فيصل اججت فينا نار ذكرى وحسرة على ما مضى
مودتى
Post: #88 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-26-2010, 08:21 PM Parent: #87
عزيزنا صدبق ابو فواز
لك الود والشكر وبالمناسبه دى تعال شوف الفونوغراف His master voice وراديوهات زمان
Post: #89 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-26-2010, 08:53 PM Parent: #88
Quote: أبرز صدري الي الأمام ورأسي الي الخلف وانطلق مهاجما .. أقضي جل وقت الشجار محاولا غل يد خصمي حتي لا تبلغ أي من (قنابيري ) الثلاثه .. غدت تلك عادتي .. بل إستمرت طويلا حتي بعد أن إنتهت صلاحيتة القانونية .. وتم قصه في إحتفال أمه الصبية وعدد من صويحبات أمي .. عند قبة الشيخ عبد الكريم ابو رابه ..
عزيزنا محمد على طه الملك
شكرا على السرد الراقى وقد ذكرنى فيلم شمشون ودليله وتعال شوف دليله الخاينه وهى بتحلق لى شمشون قنبورو
Post: #90 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: sourketti Date: 06-26-2010, 10:33 PM Parent: #89
اخى فيصل الفقد كبير وجلل ولا يستطيع أحد ان يتكهن إن كنا سنعود لسيرتنا الاولى ولتلك القيم التى تميزنا بها دون غيرنا... سيتغير الحكام وتتبدل السياسات وربما تتحسن معايش الناس وأوضاعهم ولكن لا أظن إن تلك القيم والايام ستعود !!!
Post: #91 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-27-2010, 09:54 AM Parent: #90
Quote: كانت توزع لنا الكراسات والكتب مجانا من مخزن المدرسة وحتى الحبر كان مجانا ولما يكون فى ازمة فى الحبر كان بيختّوا محبرة واحدة كبيرة فى البرندة جنب كل فصل عشان اى طالب يملا قلمه. والغريبة يا فيصل ما كان عندنا بترول الوكت داك..
دمت بالف خير ياحبيب
عزيزنا Ali Sirelkhatim
تقدر تقول ...حضارات سادت ثم (أبيدت) وليس بادت
شكرا على المرور الجميل
Post: #92 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-27-2010, 10:35 AM Parent: #91
Quote: دا بوست ولا بيت بكا؟
انا متاكد انو البوست دا مش حنين للماضي
لكنه خوف من المصير المجهول الدي تقودنا اليه السياسه كل الناس قلوبا علي ايدا الجابنا الزمن دا شنو
انا غايتو بنعي ماضينا وحاضرنا و ستقبلنا زاتو مع دعوه المعز دا
البركة في الجميع
عزيزنا Mamoun Ahmed
عايشين على الامل والمحافضه على النسيج الاجتماعى هاك الاغنيه دى من الزمن الجميل
Post: #93 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-27-2010, 11:35 AM Parent: #92
الاخوه الافاضل
JOK BIONG خالد العبيد المسافر
مصطفى توفيق Yousif A Abusinina doma Mahassin Ibrahim Albino Akoon Ibrahim Akoon عبدالحفيظ حسن Mahassin Ibrahim محمد الكامل عبد الحليم زينب بدر الدين عبد القادر شادول حيدر امين Balla Musa جمال السنوسي
القومه ليكم كلكم مروركم واثراء البوست يسعد ويفرح وفى انتظار المزيد
واتفضلو معانا جبنه
Post: #94 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: بابكر عثمان مكي Date: 06-27-2010, 02:09 PM Parent: #93
اكلنا المسكيت واللالوب والنبق وقصب السكر والدوم والدندرمة وحلاوة دربس وسلطة الروب وركبنا الحمير ولعبنا البلي وشتنا الحجارة ساي ضكرنة عشان كدا كرعينا مفلطحات وشكلهم غريب خلاص وكتلنا العقارب في الخلا كنا بنقلب فضلات الجمال والابقار بحثا عنها واحيانا كثيرة نلعب بها دون اكتراث ولعبنا كمبلت علي ضوء القمر وطلعنا فوق كثبان الترعة ارنب نط
... ...
..
ثم غادرنا الوطن معذبين بهذه الشوق الي الابد .
Post: #95 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Abdlaziz Eisa Date: 06-27-2010, 02:44 PM Parent: #94
العزيز فيسل
سلامات
العيد الأول لإنقلاب مايو... لأول مرة أشوف العاصمة.. حضرنا ززصلنا زما زال صوت الرصاص وأزيز الطائرات يدوي في أذني.. آخر يوم في شهر مارس والبرد كان شديد.. الحدائق ""الأبريلية"" كانت مكتظة.. ابوداود يصدح بغنائه الجميل.. فرقة الكمبلا كنت لآول مرة أشاهدها على الطبيعة.. لكن الظريف كنت أسأل عن السلم التعليمي بتاع محي الدين صابر!!!!!!! طفولة شحنت بمآسي وآلالام الحرب.. وسفر طويل.. لكن ما كنا بنفوّت اسم النميري إلا ومعه "ود الحرام"
تحياتي
Post: #96 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد على طه الملك Date: 06-28-2010, 00:00 AM Parent: #95
Post: #97 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 06-28-2010, 07:15 AM Parent: #96
عندما كنا نذهب لقضاء الإجازة بوادى حلفا وخصوصا بعد التهجير الاخير كانت البلد فى بداية البنيان فكنا نقطع الطوب الأخضر بالقوالب المصنعة محليا طبعا الشغل فى الأول كان مساعدة للأهل وبعد ذلك اصبحنا نشتغل ( طلبة ) اى العامل الذى يناول البنا كل ما يلزمه من عمل وفى شمس حلفا الحارة كان حماس العمل يشتعل لأنه فى نهاية الأسبوع بتقبض الاجرة بتاعتك واول حاجة بنعملها انه نمشى السوق نقطع قماش جلاليب من نوع السلك او التيترون ونوديها للخياط وطبعا بنسميها جلابية عرق الجبين الواحد كان ( بشكها ) وهى لسة برائحة ماكينة الخياطة ونقشر بيها فى الأعراس
اتذكر انه اليومية كانت تبدا من 15 قرش الى 25 قرش حسب نوع العمل
Post: #98 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-28-2010, 12:42 PM Parent: #97
استراحه مع محمد فوزى وماما زمانها جايه
Post: #100 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ودقاسم Date: 06-28-2010, 01:04 PM Parent: #98
فيصل سلام عليك أنت وضيوفك . خذ هذه الصورة التي رسمناها في وقت سابق في هذا المنبر :
Post: #180 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Abuelgassim Gor Date: 07-09-2010, 07:18 AM Parent: #100
يا أخونا نزلوا لينا أغنية لا وحبك لعثمان حسين وحينها حتشوفوا العجب العجاب سابدأ بصور ( التسطيح فى قطر نيالا ) وشنط الحديد والمجوز ( المقرون) و (علب الطحنية ) من كنيتن محطة السكة حديد .. عندى صور كده كده كده
Post: #225 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: بجاوى Date: 07-15-2010, 00:00 AM Parent: #100
كانت لنا ايام فى القلب ذكراها وفى الليالى القمرية فى عز الصيف لعبنا لعباتنا المحلية ( شدّت ) و( كوريت ) بضم الكاف واشياء كثيرة جميلة فى الخاطر يا سلاااااااااااااام
Post: #99 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-28-2010, 12:59 PM Parent: #97
Quote: وحتى للسينما فى تلك الايام دوراً بارزاً فى تشكيل الوجدان السودانى ...
عزيزنا sourketti
فعلا كان للسينما دور كبير حياة الناس والقائمه تطول:ـ
Z Man for all season دكتور جيكل ومستر هايد جعلونى مجرما الارض شىْ من الخوفو..و..و..
Post: #101 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-28-2010, 01:15 PM Parent: #99
Quote: سهرة مطرب الجماهير.. يا فيصل شايف عندك البرنامج نزل الفديو دا لو سمحت..
عزيزنا محمد على طه الملك
طلباتك اوامر
Post: #102 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالله ود البوش Date: 06-28-2010, 01:37 PM Parent: #101
الاخ فيصل محمد خليل بوست ممتع ومريح للبصر والاعصاب . . ممكن اطلب ؟ . . ياخي داير لي كرتلة مغروض فيها عندي رادي داير اختو في الكرتلة بالله شوف لي النوع الجيد ماركة اللسد خلاس اي نوع شوفو دي لو اتلقت تكون مبااااااااااااالغة
Post: #103 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Mahassin Ibrahim Date: 06-28-2010, 01:51 PM Parent: #102
يا جماعه البوست افرز حاجات ما خطرت ببال.
الانسان يضحك حتي تبين نواجزه.
في حاجات اتذكرت هنا حتي اللي عاصروها يكون نسوه.
ناس دايرين كرتله.
حقو يا ناس الزمن البهي اشرحو للشباب اللي بيقروا الحاجات دى ....ما هي ؟ ولاى غرض استخدمت....والله ايام يازمان.
Post: #104 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالله ود البوش Date: 06-28-2010, 02:51 PM Parent: #103
Quote: ناس دايرين كرتله.
الكرتلة للذين لم يحضروا زمنها ( وهو البرينسات يا محاسن البدخلها وسط الكوامر دي شنو ) يعوضنا الله نشرح الكرتلة هي كرتونة عليها تلاتين رمز زي حقت الانتخابات مرسومة ومرتبة بصورة جميلة ومكتوب عليها ( مضمونة ومبرشمة ) لوووووووووووول اها الرموز دي بذكر منها الوردة اللرنب الديك . . عليكن الله حاولوا اذكروها اها واحد من الرموز دي بكون مخفي في النص زي رقم الاسكراتش والمحظوظ هو البختار الرمز دا من بين الرموز التلاتين وتقع ليهو النمرة واشيل الجدادة واخم بيضا المشكلة في ناس بزوروا الانتخابات بسم الله الكرتلة
Post: #105 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالله ود البوش Date: 06-28-2010, 03:40 PM Parent: #104
معليش يا فيصل كترنا عليك الطلبات بالمرة كدا شوف معاك كبون بتاع تو تو كورة هيئة المراهنات الرياضية وكانت اكبر جائزة بيت في حلفاية الملوك . . اصلوا ما حصل جبت 18 دائما الجماعة اقوليك شفت الوقعت ليهو الجائزة اللولى كان شايل كيلة عيش موديها الطاحونة قام باعا واشترى الكبون ووقعت ليها الجائزة والغريبة كانت جوائز ضخمة جدا وسلم على توتو ترزي ( اهو لقى ليهو دعاية مجانية استاهلا ... البرتيتة قميص نص كم فيهو فتحة بالجنبات )
Post: #106 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-28-2010, 04:27 PM Parent: #105
تقطع بقرش
تكسب علبة اناناس
Post: #107 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالله ود البوش Date: 06-28-2010, 04:35 PM Parent: #106
وررررررررروووووووووووك مبالغات مبالغات على الطلاق دي انا قلت كان بقي حاوي ما اجيبا والله يا فيصل الفرح الادخلتو في اجازيك بيهو رب العالمين بس
Post: #108 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالله ود البوش Date: 06-28-2010, 04:47 PM Parent: #107
بعد اذنك يا فيصل شلت الكرتلة وختيتا في جدادة مبيضة
يا قريبي تركب الباص بي تعريفة ولا قرش. زمن يا زمن.
وقتنا كله في الشارع زي كلاب الحر ولا ننسرق نمشي البحر نص اليوم صيد
سمك والباقي عوم ونرجع ناخد علقتنا وبكره نكرر الفيلم نفسه.
كبرنا بقينا ندخل السينما الدور الاول غرب والدور التاني كلوزيزم ولا جنوب
ولا البي ان,, كان عاقبوك من الطلعة تتلب بالحيطة وتحصل القيم مع الشلة.
يا فيصل زمنا جمييييل والله عشنا في صفاء ونقاء الحمد لله.
عزيزنا وحبيب الكل سيف الدوله الكامل
ذكريات الزمن الجميل هى بالنسبه لينا زى الفايتامين وفى رواية اخرى زى الف..... تعال اخد ليك نفس
Post: #110 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-28-2010, 08:48 PM Parent: #109
Quote: باشمهندس فيصل تحياتي وشكرا على هذا البوست النوستالجيك و" عشنا معاك أجمل لحظات"
محبتي
عزيزنا الفاتح ميرغنى
شكرا شكرا وخليك قريب
Post: #111 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-28-2010, 08:55 PM Parent: #110
عزيزنا محمد المرتضى حامد
بوست ناسنا آخر حلاوة وجمال والروعه كلامك المعبر والجميل واسمح لى بهذا الاقتباس من بوستك الفنان
Quote: ]نفر تستهويهم شخوص بعينها وأحداث لن تتكرر وصور لن يعاد إنتاجها، يعني ناس فتحوا عيونم على حال محدد ولهم لغة مشتركة ويبكون ويفرحون لذات الأشياء تقريبا في توحد نادر لجغرافيا القلب وكنتور الوجدان ، ممكن نسميهم (جيران الضمير) ، تبتدرهم بكلمة فيكملون العبارة ، تفكر في فعل تجدهم سبقوك إليه ، سيأتي بعضهم بأريحية معهودة ، هي بعض صفات ذلك الزمن الأخضر وأهله التلبثانيين ، ليحكي عن (ناسنا) وزمنهم ويضيف إلى هنا.
Post: #112 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-28-2010, 09:49 PM Parent: #111
Quote: طبيعة الاشياء- محمد عبد الله الريح ساعة صفاء-محمد حجــاز مدثر صحة وعافية - ابوعيدة المجذوب مجلة المساء,بوداينا,صور شعبية,عزيزي المشاهد,سينما سينما,الحقل والعلم,فرسان في الميدان,عالم البحار,عالم الرياضة(الدوري الالماني )كان اساسي, وووووو...حاجات ما بتخلص ياخي اعلانات الحفلات للفنانين كان في التلفزيون,هسي في فنان بقدر يعلن عن حفل
الاذاعة عالم كبير و ما يخلص ..... اجمل شئ من الصباح تسمع (ربي ما تحرم بيت من الاطفال) كل يوم قبل المدرسة,كنت بظبط بيها الزمن عبد الله الطيب يشرح ويفسر,فراج الطيب(لسان العرب) ,صديق احمد حمدون,وعييييييييك
قريبى العزيز هوارى
ذكريات زى الدهب المجمر وكانت لنا ايام هاك الحلقه دى من عالم البحار وعمك جوزيف كوستوو
Post: #113 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Mahassin Ibrahim Date: 06-29-2010, 06:35 AM Parent: #112
أحييكم فيصل وصحبه. شدتني الصوره للخرطوم 1964......وياريت نلقي حاجات نادره زى دى نجمعها في اى شكل من اشكال التوثيق واللي عنده ما يبخل بيها او يحتفظ بيها لنفسه ...دا تاريخ وواجب علينا حفظه لللاجيال القادمه. أفتكر ماضي ابو العزائم عنده تجربه ثريه جدا في الحته دى.
انا يا فيصل استنهض الجميع بان يبذل كا جهده من اجل السودان الواحد الكبير لينا وللي الورانا.
افتكر يا فيصل تجربتك مع بوست حلفا ثريه جدا ...كدى فكروا معانا ياناس التكنلوجيا في اخراج هذه النوادر للكل .....ويا ناس فيصل وهوارى وكل من يعيش في هذه البلاد المتطوره فكروا يطريقع عمليه في التجميع والتوثيق دمتم جميعا.
Post: #114 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-29-2010, 06:51 AM Parent: #113
كتب الكومندنتا عبد رحمن بركات (ابو ساندرا)
Quote: و حتى ناس الأمن أو بتاع الأمن وكلاب الأمن حسب تعابيرنا يومها كانوا غير أكيد أنت يافيصل متذكر اسماء من المنجية في حلتكم ومتذكر إنهم دائمآ كانوا بينبهوننا لمن تكون في كشة في الديم( حملة تفتيش ) وكانت الدخاخين تميز بيوت الشيوعيين نبهتنا لها المرحومة العزيزة أسماء بشير إقترحت ان نجمع الاوراق المطلوب حرقها ونحرقها في مكان واحد واختارت ميدان الرعد لوجود حرائق دائمة في برميل القمامة في ركنه الشمالي الشرقي وأخذنا بنصيحتها وأبتهل هذه السانحة لأقرأ الفاتحة على روحها
مرة يا جماعة الوالد الله يرحمه اكتشف انو
في بيتنا يوجد ارشيف فرع الحزب الشيوعي
بتاع الامتداد , فقام طوالي قال عاوز يحرقو
فقتا ليهو دي امانة بتاعت زول صديق الحزب
اسمو خليل سليمان فلازم ارجع ليهو الصندوق
الفيهو الارشيف فقام قال لي خلاص اسع تشيلو
توديهو ليهو, قتا ليهو طيب و شيلت الصندوق
وماشي على بيت ناس خليل
الاقي ابو خليل يادوبو جاي من الشغل وداخل
البيت . ابو خليل دا زول شفت يعني ما بتوف
عليهو حاجة و عارفنا شيوعين
قام سئلني الفي الصندوق دا شنو ?
قتا ليهو بلح و في زول حيجي يشيلو
من هنا.
قال لي خلاص اديني شويت بلح
واخوكم ابتداء يتكبكب .
المهم اتصل باخونا بركات (ابوساندرا)
و عبد رحمن دريسة عشان يجوا يشيلو
الارشيف.
في الوقت داك ناس نميري سمهم فاير
و ناس الامن عيونهم مفتحينها .
اليوم التاني الساعة الواحدة ظهراَ
ظهر بركات و معاهو دريسة
وشالو الارشيف و مشوا بيهو كداري
لمحطة سبعة و من هناك ركبوا حافلة
و بيتصرفوا كانهم شايلين حاجة غير
ممنوعة و بيتونسوا و يضحكوا وكأنو
مافي حاجة
من ارشيف الحزب الشيوعي السوداني
Post: #115 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالحليم حامد النعيم Date: 06-29-2010, 07:23 AM Parent: #114
.. الأخ الأكبر فيصل محمد خليل ..
إنت متاكد عبدالرحمن بركات ودريسة شالو الكرتونة ومشو بيها الديم ... انا اليوم داك كنت قاعد في البيت وجونا داخلين الاثنين الانت قلت عليهم ديل ومعاهم الكرتونة المابتغاباني زاتا وقعدو مع شنان وخلوها ليهو قالو ليهو ... شوف ليك طريقة اتصرف فيها ... وقامت الوالدة الله يمتعها بالصحة والعافية بعدما شنان طلع من البيت رمتها في الادبخانة ورقة ... ورقة ..
اهــا رايك شنو ... غير حاجات تانية كتيرة ...
يا اخي والله فتحت ليك باب ...
Post: #116 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: الفاتح ميرغني Date: 06-29-2010, 08:13 AM Parent: #115
الجميل زيدان إبراهيم في الزمن الجميل.
باشمهندس فيصل تحياتي "جميل ما سألناه ولكنا هويناه
بديع في تثنيه وديع حين تلقاه
عجيب في معانيه إذا أدركت معناه" كلما أسمع كلمات هذه الأغنية يدهمني إحساس بأنها أجمل ما كُتب في وصف الجمال وتجليات الزمن الجميل.لم أتاكد من ظني إلى درجة اليقين إلا عندما اشار لها أستاذنا وقامتنا السامقة عبدالمنعم خليفة خوجلي. شكري وافر "وعشنا معاك أجمل لحظات" محبتي
Post: #117 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Ashraf El Bagir Date: 06-29-2010, 08:24 AM Parent: #99
فيصل ود حلتنا سلأم
الجكس زمان الشارليستون ... الأفرو
وللحبيبا زمان مجلة سمر .. فرنكو كاسباري
قال مهند قال
Post: #118 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-29-2010, 09:31 AM Parent: #117
Quote: تحياتي فيصل
عزيزتنا Nazik Eltayeb
كرا على المرور وشيلى علبه العسل دى
Post: #121 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: اسامة دفع الله ابوالحسن Date: 06-29-2010, 10:01 AM Parent: #117
خليل ياخوي مالك قلبت علينا المواجع ورجعتنا للزمن الجميل انت عارف ياخليل انا الان بشفق علي ابناء هذا الجيل هل هذا جيل سوف يقوم بتحمل المسئولية كما تحملها اباءنا ونحن من بعدهم ياخ نحن الواحد من سادسة ابتدائي الفرد فينا تحمل مسئولية نفسه الواحد بكون شارك بطريقة مباشرة او غيرمباشرة مع والده من نشافي تحمل جزء من مسئولية البيت من منا ماذهب مع والده للحواشة او فتح معاه الدكان او سقى ليه البهائم او علق ليه للغنم والحمير من منا ماحش البرسيم وقطع القصب والعدار منو منا مالقط القطن وتيرب ( رمى البذور في الارض) منو منا ماحش ابوعشرين والجداول والتقانت منو منا مامسك موية قمح في عز زمهرير الشتاء ياخ نحن الواحد بشتغل في الاجازة الصيفية عشان يطلع مصاريف الدراسة وملابس المدرسة من الابتدائي حت تخرجنا من الجامعات مامن ضيق ذات يد ولكن لكي يغرسوا في الفرد فينا حب العمل وتحمل روح المسئولية وكانت مقولة الوالد الماثورة ربنا يديه الصحة والعافية(اخشوشنوا فأن النعم لا تدوم) اتحدى اي واحد من ابناء هذا الجيل بيعرف يشرك للطير او السمك انت عارف ياخليل انا كنت مولع جدا بعملية اصطياد الطيور جربنا الشبكة القلوبية شرك السبيب بتاع ذيل البقر وام اربيش (التحدى واحد يعرفها لي) قبضنا كل انواع الطيور بداية بالقمري البلوم الاابقير ( نوع من العصافير برتقالي اللون) الادرو( كالابقيرة ولكن حمراء اللون) قدوم احمر وقدوم اسود عشة ام رشة وفي رواية اخرى عشوشة ود ابرق اكبر عفريت علي وجه الارض ياكل العيش الحول الشرك وماينقبض عليك الله ياخليل في داعي لدا كلوا اسامة
Post: #119 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 06-29-2010, 09:40 AM Parent: #99
ايجار العجلة كان ب 5 قروش فى سوق حلفا الجديدة
Post: #120 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-29-2010, 09:53 AM Parent: #119
Quote: المواصلات الداخلية فى الخرطوم كل منطقة عنده بص لونه مميز امتداد الدرجة التالتة لون البص ابيض مع ازرق بص السجانة اصفر مع ازرق بص الحلة الجديدة اخضر مع احمر بص الجريف اخضر مع احمر بص برى ابيض مع ازرق وكان فى بص الفيات بتاع الحكومة لون ابيض مع ازرق فيه خطين بالأبيض ثم اتت باصات ابورجيلة
حديقة القرشى كان لها طعم أخر تدخلها الأسر فقط والجرسون لابس جلالبية اربط فى نصو حزام عريض يجيب ليك قزازة الليمونادة بتاعة المرطبات ما تقدر تكملها سينما النيل الأزرق كانت من الرقى السينمات ومعاها سينما الخرطوم غرب مسلسل الرجل الخارق كنا بننتظره بفارق الصبر ويوم ما يكون فى لقاء مكاشفة بتاع نميرى نلعن ابو التلفزيون زاته
عزيزنا مصطفى توفيق
وماتنسى الترماى مشكور على المداخلات الغنيه والمعبره
Post: #123 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 06-29-2010, 10:53 AM Parent: #119
يا فيصل ده اسمه الزمن الجميل
ورينا بس علبة العسل ابو اسد دى لقيتها وين ؟ الوالد كان بيجبها لينا من دكان ملاح جنب سوق الخضار القديم
كان فى عصير فراولة مركز بيتحلها بالموية كنا بنعمل منه ايسكريم اكياس ونخته فى فرزير التلاجة
Post: #122 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: dardiri satti Date: 06-29-2010, 10:33 AM Parent: #99
Quote: بلى الفريت وبلى القزاز ضراب المويه والجله
اولاد الزمن ده يقولوا ديل بقولوا فى شنو
حليل زمان وايام زمان
وتعرف ياحيدر ، أنا في يوم من الأيام كان عندي تلاتة (جرادل) بلي!!
بعدما سافرت كسلا في الإجازة، في كل عصريةالباب يدق عوزين درديري ، يوم أبوي ، عليه السلام، سألهم : إنتو عايزين شنو من درديري؟ قالوا ليهم عاوزين لينا كورة، قال ليهم ما عندنا كور، قالو ليهو درديري عامل كور كتيرة. سألهم : بتعرفوا محلها؟؟ لقوا تحت "عنقريبي" 34 كورة شراب!! ما مر علي شهر إلا كان يدي أو كراعي مربوطة بس الحمدلله ما إتجبصت!! الله خلقني أشول ، لذلك من أيام الخلوة، وهي بالمناسبة كانت في بيتنا ، من أيامها كنت بندق عشان ما أكتب بالشمال!! لذلك يدي وجلابيتي كانوا دايماً ملطخين بالحبر! في يوم من الأيام فتحت لقيت نفسي في الثانوي في أم درمان، سنة أولى كلللللللها أخدت راحتي وقعدت أكتب بالشمال ، بعد ما شبعت كويس رجعت برااااااااي أكتب باليمين!! عجبي!!
تلك الأيام، أكلنا تبش وعنكوليب ولالوب و""سمغ"" وعيش ريف وبامبي وبابون ومررو وفول قوي وقدوقدو ووَيْنا ودوم وتمر ابونا وحمبك وما جاتنا ولا حاجة!!!
تلك الأيام !
تحياتي
Post: #124 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالله ود البوش Date: 06-29-2010, 01:17 PM Parent: #122
لتصغير الصورة
Post: #125 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالله ود البوش Date: 06-29-2010, 01:24 PM Parent: #124
Post: #126 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Mahassin Ibrahim Date: 06-29-2010, 01:48 PM Parent: #125
يا الله يا عبدالله علي روعة المشهد دا. علي ما اظن هذه قرية (ودسلفاب)) تحتفي بالقامه الراحل (( مصطفي سيداجمد)).....دا صاح ولا انا غلطانه.
الله يديك العافيه.
Post: #127 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالله ود البوش Date: 06-29-2010, 02:02 PM Parent: #126
Quote: يا الله يا عبدالله علي روعة المشهد دا. علي ما اظن هذه قرية (ودسلفاب)) تحتفي بالقامه الراحل (( مصطفي سيداجمد)).....دا صاح ولا انا غلطانه.
الله يديك العافيه.
هو كذلك يا محاسن
شكرا محاسن وراعي البوست الجميل
Post: #128 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: سارة كرودى Date: 06-29-2010, 02:18 PM Parent: #127
فيســـل ود حــــلتــنا ...
زمـــن مادخلته المنبر وبقراء وبقلب البوستات عترته فى بوستيك البتور الوجع ده ..
حاجة تكون داسى قرطاس بتاع سكر اول ما الكعك يطلع طوالى تسكر وتاكل لمن توصل
الصينية يكون نصها راح ماحق المشوار وطلعناهو ...
من الحاجات الجميلة لعب العصر فى الشارع والمباريات مع بنات الشارع التانى
والبتغلب نسيرو لى شارعم بى زفه ...
ايام جميله ولى يوم الليلة بتذكره وبحكيها لى اولادى (نحن ناس ال 80 ماتشوف اولادى دى
Post: #129 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Abdlaziz Eisa Date: 06-29-2010, 04:08 PM Parent: #125
فيسسسسسسل
نتابع بشغف وشوق...
Post: #130 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: willeim andrea Date: 06-29-2010, 06:08 PM Parent: #99
Quote: ثم غادرنا الوطن معذبين بهذه الشوق الي الابد .
Post: #131 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: omer abdelsalam Date: 06-29-2010, 06:25 PM Parent: #99
يافيصل لم نعرف في طفولتنا سوى انفولونزا واحدة لاطيور ولاخنازير وعرفنا جنا واحد ولاجنون بقر ولاماعز نسيت فيصل اقول ليك انا من مواليد مابعد ال80 ماداخل معاكم في ذلك الزمن القديم اوى اوى ,,, يعني لاقدركم ولا لحم صدركم http://www.sudaneseonline.com/db/attention/010_Smile.gif
Post: #132 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-29-2010, 10:25 PM Parent: #131
الافاضل ALZOLZATOO الفاتح شلبي مرتضى الكجم بابكر عثمان مكي ودقاسم عبدالله ود البوش Mahassin Ibrahim الفاتح ميرغني Ashraf El Bagir اسامة دفع الله ابوالحسن مصطفى توفيق
شكرا على الاضافات الغنيه والرقيقه ونواصل
Post: #133 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد المرتضى حامد Date: 06-30-2010, 01:13 AM Parent: #132
يا فيصل ، الصوره الخاصة بالمحطة الوسطى الخرطوم لم تكن في 1964 كما كتب عليها صاحبها أنت أدرى بأن بصات أبورجيله جئ بها في السبعينيات وتبدو في الصورة عربة هنتر يا العامل عنتر والهنتر جاء بعد 1970 برضو في تاكسي تويوتا برنس فيهو سَبّت في السقف وهو من (مواليد) السبعينيات. في ظني أن الصزرة تعود إلى بداية ثمانينيات القرن المنصرم. نرجو أن يفيدنا عزيزنا ماضي أبوالريش باعتباره عاصر الخليفه التعايشي زاتو ومتخصص صور قديمه. شكرا يا عزيز وووالله مابجيكم يدي فاضيه.
Post: #134 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد سنى دفع الله Date: 06-30-2010, 06:11 AM Parent: #133
حبينا السينما وكانت جنتنا المسائية كنا نجمع الافلام ونصنع افلامنا الخاصة كنا بنحب السينما ـــــــــــــ نحو سينما مستقلة الان في بلادي
Post: #135 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: sari_alail Date: 06-30-2010, 09:15 AM Parent: #134
عمنا فيصل خليل و في مقولة اخرى ..(فيصل هليل).. انا طبعا ما من الجيل المذكور اعلاه .. لكن هاك القصيدة دي عا########ي شديد ....الاستاذ هاشم صديق عندما كنت غريراً وصغيراً .. . كنت مفتوناً ب"جيفارا" و"سولارا" و"جومو" ونزار كنت مبهوراً "بسارتر" و"نيرودا" و"لوركا" وأبطال اليسار .. كنا في الحي نطالع من جدار لجدار.. الشعارات التي كتبت بليل ضد آثام الطواغيت الكبار. كان ضوء الشمس يشرق من قصيدة أو شعار ، كنت مفتوناً ب"فاطمة " و"صلاح" و"غابة الأبنوس " و"الهبباي" و"الطير المهاجر" و "يا ماريا" وأساطين الكتابة ... والخطابة والصلابة و"المناشير الخفية" و"القضية" من تقاسيم المصانع والمنازل .. كان غبن الظلم يطلع ثم يسطع .. الميادين تقاتل .. الدكاكين تناضل .. الرواكيب تجادل .. والمناشير تنازل . . كانت الدنيا عزيزة... ولذيذة... رغم أتراح السواقي...رغم أركان المنافي.. رغم أسوار الفواصل ..المفاصل كان زهو الفجر منقوشاً على صدر المحالج .. الطواقي الحمر تغزل فوق أحضان "المناسج" المناديل المزركشة .. الزهور ..الرسائل والعطور.. اللقاءات البريئة.. الهتافات الجرئية .. الليالي الشاعرية في المنابر .. شقشقات الوجد في ثغر الدفاتر .. كان صدق القلب في طرف اللسان والصداقة "سيسبان" كانت الدنيا مضيئة .. وحديقة للواهي ..و"المقاهي" .. المسارح الجماهير السواري "قلده الأعياد" وترنيم الأماني ..الأغاني.. الرياضة "المحينة"والرهيب رجل الثواني كانت السينما جميلة وصديقة .. سايكو في سينما "برمل" في كلوزيوم _في المناظر _ أعلنوا"صوت الموسيقى" يجهر المذياع بالشدو الجميل .. وردي غنى المستحيل الدراما ..الكرامة..الصحافة..الحصافة..الثقافة..القيافة ..الظرافة..والأمان من أعلن النعي على ذاك الزمـــان؟ من أصدر الذكرى على ذاك الزمــان؟! كان طول العام مثل الألف في "الزمن المعاصر " كان "كذب الناس" من جنس الكبائر.. كنا نجتاز"الصغائر" القراءة أدمنتنا "كالسجائر" كانت أخبار المطابع مثل لمع البرق في الحي تسافر..
نقرأ الكتب الجديدة والقديمة ثم نأتي لنجادل ونسامر. ندوة في النادي "الفلاني" ونسه في ركن اليماني مافي زولاً كان "مدبرس " أو "ممزق" أو "مشتت" أو بعاني . نكتة والضحك انفجار . كنا بنعرف الهظار ..
كان زمن الحب ..زمن الانتظار.. القلب لامن يشوف البت..يدق..زي "نوبة طار".. مافي زول "فك الحبيب عكس الهواء" أو "ركب الزول البريدو التونسية".. الحب وجود ..الحب قضية .. عندما كنت غريراً..وصغيراً..
كانت الدنيا سلام .. أسرجتنا جذوة الاحساس بالزمن الجميل ..أرسلتنا نحو "كنز الأرخبيل" كان زهو الشعر في الصحو النبيل.. كان نبض الود في السمر الطويل.. لم يكن ظهري مشاعاً للنبال .. لم يكن سر الحقيقة خلف أسوار الخيال. كانت الأيام والأنسام والأحلام والآلام والأقلام تلهث نحو قسمات الجمال.. كانت الدنيا عزيزة..ولذيذة .. رغم أتراح السواقي..والمنافي..والجبال
عندما كنت صغيراً. .وغريراً.. ب"جيفارا"و"سولارا"و"جومو و"نزار" كنت مفتوناً كنت مبهوراً ومفتوناً ..بأحلام اليسار.. كان ضوء الشمس يسطع من قصيدة أو شعار.. من أعلن النعي على ذاك الزمــــان ؟ من أصدر الذكرى على ذاك الزمـــــــــان؟! من أرهق الزمن المعاصر؟
Post: #136 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: willeim andrea Date: 06-30-2010, 11:36 AM Parent: #135
من الاعماق .... ياحبيبي يا غالي...... والله جد ...... ناســـــــــــــــــــــــنا .... .... يا احلي ناس وزمـــــــــــــن
Post: #137 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ابو جهينة Date: 06-30-2010, 02:54 PM Parent: #136
إبن عمي فيصل
سلام
صورة البيرة أم جمل دي ذكرتني قصة في أتبرا أيام البارات :
أب و أولاده الثلاثة يحتسون يوميا عدة زجاجات من البيرة سويا مع بعض يعني ( فالبساط بينهم أحمدي ). فجأة الأولاد الثلاثة تابوا و مشوا الحج و رجعوا و أبوهم مواصل مع البيرة أم جمل. الولد الكبير قال لأبوه : يابوي كفاك شرب المنكر. توب زينا و أمشي الحج و تعال فقال الأب و هو واقف لط : علي الطلاق ما أتوب إلا الجمل دة الواقف في القزازة يبرك
Post: #138 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عبدالله ود البوش Date: 06-30-2010, 03:03 PM Parent: #137
فيصل تحياتي
ياريس سلامات الفكي عبدالرحمن الله يرحمو زمان كان عندو برنامج في الاذاعة اسمو شكرا جزيلا وفي تلك الايام تم تأسيس مدرسة جديدة بالصحافة على ما اعتقد اسمها مدرسة حلويات سعد فانتقد المرحوم الفكي عبدالرحمن التسمية واعتبرها دعاية غير تربوية والبرنامج قصير جدا في حدود دقيقتين ومازلت اذكر هذه الحلقة فقال المرحوم : الليام دي في مدرسة جديدة اسمها حلويات سعد خايفين بعد كدا اعملوا مدرسة اسمها مدرسة البيرة ام جمل للبنات شكرا جزيلا
Post: #139 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-30-2010, 07:58 PM Parent: #138
مقال له صله بموضوع البوست
Quote:
د. الشفيع خضر سعيد
كان في الماضي....!
سوق نمرة 3، أو سوق الخرطوم 3، توجد بقاياه الآن في المنطقة غرب ميدان عبد المنعم حيث نادي الأسرة، وشرق شارع الحرية في منطقة الخرطوم (3). إذا قصدته الآن، كما فعلت أنا قبل يومين، فلن تصدق أن الحطام الماثل أمامك كان مدرسة حية من مدارس الشعب والتاريخ السوداني. كان في الماضي سوقا يضج بألوان وروائح وأنغام متعددة كما سحنات ولغات من تجدهم فيه. كانت السينما..المكتبة..الطابونة..الجزارين..الخضرجية..البقالين..العطارين..باعة الباسطة المتجولين..الحلاقين وغاليتهم من شعب إثيوبيا الشقيق حيث تصدح من أجهزة التسجيل العتيقة أغنياتهم الدفيئة جنبا إلى جنب مع أغاني ابراهيم عوض ومحمد وردي المنبعثة من الروادي الترانزستور.. وتسجيلات عبد الحليم حافظ ونجاة الصغيرة القادمة من السينما قبل بدء العرض. دكاكين السوق كانت في شريط هلالي، يمتد من الشرق إلى الغرب ويتوسطه بهو مهيب كإيوان كسرى. كان سوق (3) يمنحنا الفرح والدهشة الممتعة قبل أن نتبضع منه بالمبلغ الزهيد..! ولكن قبل أن تقرب السلعة كان عليك أن تقترب أولا من الناس: الباعة، المشترين، المتسكعين...تسمع منهم لغات مختلفة بتعدد لغات أهل السودان وجيرانه شرقا وغربا، أو لهجات مختلفة للغة واحدة...وكان هنالك رجل بوليس وحيد لايحمل سلاحا، وفي الحقيقة لا يحمل أي شيئا سوى ابتسامة لطيفة ونظافة فائقة..
قبل التوقف عند وجهتي المحددة، قصدت التجول في السوق، لا للبحث عن بهو كان يفضي إلى دهاليزه الآمنة والمترعة بجلسات الانس، ولكن لاتمعن في الجديد الماثل وارصد مؤشراته..، فوجدت الخراب قد عم المكان في زمن تستطيل فيه شاهقات الطفيلية. الآن كلما أدلف إلى المولات التي إمتلأت بها الخرطوم، وأرى السلع تنظر إلينا بشكل مستفز، أفتقد سوق نمرة (3) وأفهم أفضل من أي مثال في بطون الكتب ما أسماه كارل ماركس في سفره (رأس المال)، " الصنمية البضاعية" مشيرا إلى أن العلاقات بين الناس في السوق تبدو كعلاقات بين السلع، وكأنما السلعة هي الأصل المعبود والناس دونها في القيمة.
Post: #140 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: السر عبدالله Date: 06-30-2010, 08:03 PM Parent: #139
فيصل تحياتي
ياريس سلامات الفكي عبدالرحمن الله يرحمو زمان كان عندو برنامج في الاذاعة اسمو شكرا جزيلا وفي تلك الايام تم تأسيس مدرسة جديدة بالصحافة على ما اعتقد اسمها مدرسة حلويات سعد فانتقد المرحوم الفكي عبدالرحمن التسمية واعتبرها دعاية غير تربوية والبرنامج قصير جدا في حدود دقيقتين ومازلت اذكر هذه الحلقة فقال المرحوم : الليام دي في مدرسة جديدة اسمها حلويات سعد خايفين بعد كدا اعملوا مدرسة اسمها مدرسة البيرة ام جمل للبنات شكرا جزيلا QUOTE)
كان برنامج الفكي عبد الرحمن من أجمل برامج الإذاعة في ذلك الوقت , وفي كلمات قليلة فقط ينتقد سلبيات المجتمع.. وكان برنامجا هادفا ومفيدا جدا في ذلك الزمن الذهبي الرائع.. وكلماته القليلة كانت تساوي مقال كامل من 10 صفحات
Post: #141 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 06-30-2010, 09:53 PM Parent: #140
عزيزى فيصل ....مسكاقنا
الليله تعال شوف بعض نجمات السينما الكنه مكسرين ومدشدشين فوقهن ..... ياليتنا عدنا او عادت الايام عليك الله الصور دى ما توريها لود شيقوق عمك كمال
زبيده ثروت
سعاد حسنى
BBبرجيت باردو
صوفيا لورين
ماجده فى فيلم المراهقات
سوزان بليشت
Post: #142 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ابراهيم عدلان Date: 06-30-2010, 11:39 PM Parent: #141
بكرة الحصة الاولي تسميع
Post: #143 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-01-2010, 12:14 PM Parent: #142
الاعزاء الافاضل
ALZOLZATOO الفاتح شلبي مرتضى الكجم بابكر عثمان مكي Abdlaziz Eisa Mahassin Ibrahim
عبدالحليم حامد النعيم الفاتح ميرغني
Ashraf El Bagir اسامة دفع الله ابوالحسن مصطفى توفيق dardiri satti سارة كرودى willeim andrea omer abdelsalam محمد المرتضى حامد محمد سنى دفع الله sari_alail ابو جهينة السر عبدالله ابراهيم عدلان
كل الشكر والامتنان على المداخلات الرائعه والمعبره وراجع ليها واسمحو لى اهديكم جميعا هذا النغم من الزمن الجميل
Post: #144 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: عماد شمت Date: 07-01-2010, 10:50 PM Parent: #143
ياسلام يافيسل ياخي ده اسمه الزمن الجميل
مواصل معاك بجيك راجع
Post: #145 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-02-2010, 08:36 PM Parent: #144
Quote: ياسلام يافيسل ياخي ده اسمه الزمن الجميل
مواصل معاك بجيك راجع
عزيزنا عماد شمت
الشكر على المرور وتعال شوف عسكرى المرور زمان وشوف العربيه المورس وشوف اناقه وقيافه سائق المورس
Post: #146 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-02-2010, 08:44 PM Parent: #145
Quote: يا فيصل ، الصوره الخاصة بالمحطة الوسطى الخرطوم لم تكن في 1964 كما كتب عليها صاحبها أنت أدرى بأن بصات أبورجيله جئ بها في السبعينيات وتبدو في الصورة عربة هنتر يا العامل عنتر والهنتر جاء بعد 1970 برضو في تاكسي تويوتا برنس فيهو سَبّت في السقف وهو من (مواليد) السبعينيات. في ظني أن الصزرة تعود إلى بداية ثمانينيات القرن المنصرم. نرجو أن يفيدنا عزيزنا ماضي أبوالريش باعتباره عاصر الخليفه التعايشي زاتو ومتخصص صور قديمه. شكرا يا عزيز وووالله مابجيكم يدي فاضيه.
عزيزنا محمد المرتضى
شكرا على التصحيح وتعال شوف الكشافه الكانت منتشره فى المدارس وفى المجتمع
Post: #147 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-03-2010, 09:30 AM Parent: #146
Quote: خليل ياخوي مالك قلبت علينا المواجع ورجعتنا للزمن الجميل انت عارف ياخليل انا الان بشفق علي ابناء هذا الجيل هل هذا جيل سوف يقوم بتحمل المسئولية كما تحملها اباءنا ونحن من بعدهم ياخ نحن الواحد من سادسة ابتدائي الفرد فينا تحمل مسئولية نفسه الواحد بكون شارك بطريقة مباشرة او غيرمباشرة مع والده من نشافي تحمل جزء من مسئولية البيت من منا ماذهب مع والده للحواشة او فتح معاه الدكان او سقى ليه البهائم او علق ليه للغنم والحمير من منا ماحش البرسيم وقطع القصب والعدار منو منا مالقط القطن وتيرب ( رمى البذور في الارض) منو منا ماحش ابوعشرين والجداول والتقانت منو منا مامسك موية قمح في عز زمهرير الشتاء ياخ نحن الواحد بشتغل في الاجازة الصيفية عشان يطلع مصاريف الدراسة وملابس المدرسة من الابتدائي حت تخرجنا من الجامعات مامن ضيق ذات يد ولكن لكي يغرسوا في الفرد فينا حب العمل وتحمل روح المسئولية وكانت مقولة الوالد الماثورة ربنا يديه الصحة والعافية(اخشوشنوا فأن النعم لا تدوم) اتحدى اي واحد من ابناء هذا الجيل بيعرف يشرك للطير او السمك انت عارف ياخليل انا كنت مولع جدا بعملية اصطياد الطيور جربنا الشبكة القلوبية شرك السبيب بتاع ذيل البقر وام اربيش (التحدى واحد يعرفها لي) قبضنا كل انواع الطيور بداية بالقمري البلوم الاابقير ( نوع من العصافير برتقالي اللون) الادرو( كالابقيرة ولكن حمراء اللون) قدوم احمر وقدوم اسود عشة ام رشة وفي رواية اخرى عشوشة ود ابرق اكبر عفريت علي وجه الارض ياكل العيش الحول الشرك وماينقبض عليك الله ياخليل في داعي لدا كلوا اسامة
عزيزنا اسامه دفع الله
شكرا على المداخله المؤثره
وتعال شوف زنقة الترزى بوم الوقفه
Post: #148 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-03-2010, 09:43 AM Parent: #147
Quote: فيصل ود حلتنا سلأم
الجكس زمان الشارليستون ... الأفرو
وللحبيبا زمان مجلة سمر .. فرنكو كاسباري
قال مهند قال
ود حلتى اشرف
يامراحب تعال شوف تلفوناتنا كانت كيف
Post: #149 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: willeim andrea Date: 07-03-2010, 03:17 PM Parent: #148
غايتو يا فيصل بالغته عديل بتنكت الحاجات دي والصور النادره دي من وين .... غايتو ناقصه ليها علبة بحاري او 555 لزوم دعاية السينما في الزمن داك ....
تقديري الاكيد
علي مجهودك الرائع
Post: #150 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-03-2010, 08:52 PM Parent: #149
Quote: غايتو يا فيصل بالغته عديل بتنكت الحاجات دي والصور النادره دي من وين .... غايتو ناقصه ليها علبة بحاري او 555 لزوم دعاية السينما في الزمن داك ....
تقديري الاكيد
علي مجهودك الرائع
عزيزنا وليم اندريه
سلامات
السجائر 555 نزلتها فى الصفه الاولى لحبيبنا سيف الدوله هاك واحدة تانيه ومعاها البحارى وكمان تباكو ارنمور وولاعه رونسون لو عندك كدوس قصرنا معاك
]
Post: #151 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: willeim andrea Date: 07-03-2010, 09:00 PM Parent: #150
Post: #152 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ابراهيم عدلان Date: 07-03-2010, 09:03 PM Parent: #151
يا فيصل ما تم جميلك و تنزل صورة صندوق شختك بختك
Post: #153 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: المعز ادريس Date: 07-03-2010, 10:44 PM Parent: #152
فعلا صورة الخرطوم لا تعود للعام 64 و إنما إلي بواكير التمانينات بعدين تم تغيير حركة المرور من الشمال لليمين في أغسطس 1973 و الصورة شكلها كدا مأخوذة في منطقة المحطى الوسطى و مبنى أجزخانة كمبال و ما جاورها!
و دي نعتبرها مشاركة من علي قاقارين و الفاضل سانتو و جاد الله خير السيد:
Post: #154 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-04-2010, 09:28 AM Parent: #153
يلا العبوا بلى لحد ما اجيكم
Post: #155 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-04-2010, 02:23 PM Parent: #154
Post: #156 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-04-2010, 10:18 PM Parent: #155
Quote: يا فيصل ما تم جميلك و تنزل صورة صندوق شختك بختك
عزيزنا ابراهيم عدلان
ما زال البحث جاريا ولغايه مانلقى صندوق شختك بختك هاك اتصبر بالسحاره دى تحياتى
Post: #157 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-04-2010, 10:24 PM Parent: #156
Quote: فعلا صورة الخرطوم لا تعود للعام 64 و إنما إلي بواكير التمانينات بعدين تم تغيير حركة المرور من الشمال لليمين في أغسطس 1973 و الصورة شكلها كدا مأخوذة في منطقة المحطى الوسطى و مبنى أجزخانة كمبال و ما جاورها!
و دي نعتبرها مشاركة من علي قاقارين و الفاضل سانتو و جاد الله خير السيد:
عزيزنا المعز ادريس
شكرا على المساهمه الراقيه واصل معانا
Post: #158 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-05-2010, 05:40 AM Parent: #157
المشاركة الأصلية كتبت بواسطة alklaklah ودا كتاب هاشم في العيد
Post: #160 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: dardiri satti Date: 07-05-2010, 08:47 AM Parent: #99
Quote: جعلونى مجرما
قصدك ""قعلوني مقرماً""؟؟
طيب ياخي إنت ما دخلت Vera Cruz
تمثيل Gary Cowber وBurt Lqqncqster?? كان كدا إنت ما دخلت سينما.
تحياتي
Post: #161 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 07-05-2010, 09:39 AM Parent: #160
كدى خمنوا الصورة دى تكون لمنو؟؟؟
Post: #162 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-05-2010, 11:18 AM Parent: #160
Quote: قصدك ""قعلوني مقرماً""؟؟
طيب ياخي إنت ما دخلت Vera Cruz
تمثيل Gary Cowber وBurt Lqqncqster?? كان كدا إنت ما دخلت سينما.
تحياتي
قريبى dardiri satti
هاك افيش الفيلم وطبعا كان يصور الصراع من اجل المال بس بى ده كلو مابلحقو الجماعه الطيبين تحياتى
Post: #163 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-05-2010, 12:23 PM Parent: #162
Quote: إبن عمي فيصل
سلام
صورة البيرة أم جمل دي ذكرتني قصة في أتبرا أيام البارات :
أب و أولاده الثلاثة يحتسون يوميا عدة زجاجات من البيرة سويا مع بعض يعني ( فالبساط بينهم أحمدي ). فجأة الأولاد الثلاثة تابوا و مشوا الحج و رجعوا و أبوهم مواصل مع البيرة أم جمل. الولد الكبير قال لأبوه : يابوي كفاك شرب المنكر. توب زينا و أمشي الحج و تعال فقال الأب و هو واقف لط : علي الطلاق ما أتوب إلا الجمل دة الواقف في القزازة يبرك
ابن العم ابو جهينه مسكاقنا مرورك يسعد وذكرتنى النكته دى:ـ
واحد سكران طالع من بيت العرقي وهو من النوع اللي بيشرب بالدين من ست العرقي وهي طالعة وراهو وتكورك :أديني حقي!!! أديني قروشي!! وهو شابكها ليك : ياخي بجيبن ليك داير آكلك حقك أنا؟؟ لما قنعت خلااااااص قالت ليه: خليتك لي الله!0 صاحبنا إنفصم فيها وقعد يكورك: خليتيني لي الله؟؟؟ والله يا ــــ يوم القيامة تجي لي ربنا وتقولي ليهو أنا دايرة من فلان دا قروش عرقي الا يطلّع دي*ك
Post: #164 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ايهاب الطيب بله Date: 07-05-2010, 01:26 PM Parent: #1
فيصل سلامات يا فيصل لعبتا راى راى ######ا جراي
اخخخخخ من داك الزمن الجميل
Post: #165 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: أبوذر بابكر Date: 07-05-2010, 02:35 PM Parent: #1
والآيسكريم من حلوانى حمدتو بى قرشين وعمك سعيد الأسطى البعملو
دائما صارى وشه المشلخ مطارق وزهجان
لحدى هسه ما عارفه زهجان ولا خلقة الله شكله كده
وباصات المواصلات ام تذاكر صغيرة ديك بى قرشين وقرش ونص على حسب الخط
ومكتوب فى التذكرة
خالص رسوم تجميل العاصمة المثلثة
واللوحة الإعلانية الكهربائية بتاعة شركة أحذية باتاالمعلقة فى عمارة الزيات الكان فيها حلوانى زمزم
كنا بننتظر ساعة تشغيلها بعد آذان المغرب مباشرة
والواحد فول بى شلن فى مطعم سلوى
دى شوية دلائل ذكريات
ولا أقول لك غير ما قاله شاعرنا ود بادى
كفاك آ زول أنا تهت فى الأشواق وما برجع وهسع ضومه لا شايفك ولا بسمع
طبعاود بادى فى القصيدة بقول آ وليد بدل آ زول دى
واريتنا كان لى هسه وليدات يا فيصل
Post: #166 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-05-2010, 10:04 PM Parent: #165
Quote: كدى خمنوا الصورة دى تكون لمنو؟؟؟
عزيزنا مصطفى
ياخى اعمليك خيارات زى جورج قرداحى بتاع المليون وبعدين لازم تعمل جائزه عشان تسخن الحكايه مودتى
Post: #167 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-05-2010, 10:10 PM Parent: #166
Quote: اخخخخخ من داك الزمن الجميل
عزيزنا ايهاب الطيب بله
رحم الله ادريس جماع
امسي مضي بين التحسر والانين ووسادتي بدلتها بالدمع والدمع السخين مع تباريح الصباح وبسمة الفجر المبين غنيت مثل الطير فرح في رياض العاشقين
تسري النسايم عذبه .. وانا اهيم بلا بلاد وتقودني الامال في دنيا المباهج والخيال وهناك ... وهناك ارقد في الرمال ولا اري غير الرمال
Post: #168 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-06-2010, 06:38 AM Parent: #167
مصطفى توفيق امانة عليك تقطع اضنيك .
البلابل
اها اشد و اركب ?
___ للذين لا يعلمون دي كلمات لعبة شد و اركب عشان ما تودّونا في دهية
Post: #169 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-06-2010, 07:18 AM Parent: #168
Post: #170 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-07-2010, 06:20 AM Parent: #169
Post: #171 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-07-2010, 10:25 PM Parent: #170
Post: #172 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-08-2010, 08:52 AM Parent: #171
فريق كشافة سوداني يتحدث عن زيارته لبريطانيا عام 1951
Post: #173 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد صديق Date: 07-08-2010, 04:01 PM Parent: #172
الاستاذ فيصل وضيوفه وصحبه
سلام من زمن طاعم...
أنا من جيل بدر كتب وقرأ وأمل كتبت وما قرأت...
مُوجِعٌ هذا البوست..
أكيد إنك رجعت ورا...
واكيد انك مبحلق
فى عيون ناساً من الزمن الحلو ونديان
لَمَّن كانت الضحكة بتكفى البيت ...
وتطْلَع منو بالنفاج على الجيران
وللسابع....
تصل مبلولة زى زهرات من الوديان
عليك الشوق:
شنو الفضَّل من الزمن الخَلى ومليان؟؟؟؟
لك ولكم جميعاً الشكر على هذا الوجع الجميل.
Post: #174 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: willeim andrea Date: 07-08-2010, 07:07 PM Parent: #173
Quote:
عليك الشوق:
شنو الفضَّل من الزمن الخَلى ومليان؟؟؟؟
Post: #175 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-08-2010, 07:48 PM Parent: #174
كنا نجمع الافلام ونصنع افلامنا الخاصة كنا بنحب السينما ـــــــــــــ نحو سينما مستقلة الان في بلادي
قريبى الفنان محمد السنى دفع الله
شكرا على المداخله وتعال نترحم على عمنا الرشيد مهدى صاحب اول استديو تصوير فى عطبره واول فيلم سينمائى ( امال واحلام)
Post: #176 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-08-2010, 08:53 PM Parent: #175
Quote: نقرأ الكتب الجديدة والقديمة ثم نأتي لنجادل ونسامر. ندوة في النادي "الفلاني" ونسه في ركن اليماني مافي زولاً كان "مدبرس " أو "ممزق" أو "مشتت" أو بعاني . نكتة والضحك انفجار . كنا بنعرف الهظار ..
كان زمن الحب ..زمن الانتظار.. القلب لامن يشوف البت..يدق..زي "نوبة طار".. مافي زول "فك الحبيب عكس الهواء" أو "ركب الزول البريدو التونسية"..
الحب وجود ..الحب قضية .. عندما كنت غريراً..وصغيراً..
عزيزنا sari alail
ده كلام مكتوب بموية الدهب ليك الشكر الكتير
Post: #177 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-08-2010, 09:12 PM Parent: #176
Quote: كان برنامج الفكي عبد الرحمن من أجمل برامج الإذاعة في ذلك الوقت , وفي كلمات قليلة فقط ينتقد سلبيات المجتمع.. وكان برنامجا هادفا ومفيدا جدا في ذلك الزمن الذهبي الرائع.. وكلماته القليلة كانت تساوي مقال كامل من 10 صفحات
عزيزنا السر
وكان المرحوم الفكى عبد الرحمن يقدم فقرة المسابقات فى سهرة تحت الاضواء للاستاذ حمدى بولاد وكانت من اجمل الفقرات واذكر فى احدى الفقرات سأل الحضور :ـ مين يعرف المعنى (جرحتنى الساسويه فى الكدنبوس) ومافى ولا واحد من الحضور عرف المعنى
Post: #178 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: sourketti Date: 07-08-2010, 11:08 PM Parent: #177
بالمدرسة الاوليه كان الطابور الصباحى والتفتيش على نظافة الجسد والملابس والاصابع وتقليم الاظافر وشنطة الدموريه والشِدة ولابد من رفع العمه للتأكد من الحلاقة ورفع الجلابيه للتأكد من نظافة الفنلة والسروال ... وكانت قصيدة الاستاذ عبدالرحمن على طه بكتاب الجغرافيا(سبل كسب العيش فى السودان) تطوف بالطالب على كل مناطق السودان ليتعرف على أهم ما يُميزها ...من القولد لودسلفاب لريرة ويامبيو وصديقنا منقو
وفى القولد إلتقيت بالصديق أنعم به من فاضل صديــق وكم أكلت معه الكابيـــدا وكم سمعت أورا أو ألودا
وكتاب الأمالى الأوليه ...كان حدثاً كبيراً أن أحد تلاميذ الصف الثالث لم يتمكن من قراءة عنوان أحد القطع الاملائيه (شفقة الطيور) وجاء الخفير ليسأل عن الطالب سوركتى بالصف الثانى وأنه مطلوب للحضور بالصف الثالث فذهبت وكانت أوصالى ترتجف لعدم معرفة السبب من استدعائى ..زوعند باب الفصل طلب من الاستاذ الدخول وقراءة المكتوب وسط السبورة (شفقة الطيور) فقرأت عنوان القطعه وصفق لى الطلاب وكان هناك طالباً يقف فى وسط الفصل فطلب منى الاستاذ(أمشى للطالب الواقف داك وأضربو كف) ترددت فى هذا الأمر خوفاً منه يربط لى الشارع وقت البيوت وكان الفارق فى الطول والسن والبنيه كبيراً ...مديت يدى وضربته كف خفيف ...طلب منى الاستاذ ضربه بشده ففعلت وعدت لفصلى ولكن لم أفهم لباقى الحصص ولا كلمة لأن تفكيرى وهمى كان فى طريقة الوصول للبيت ....
ولا أنسى 15 جلده من سوط عنج فى زيفة شتاء باردة من ناظر المدرسة فى الصباح على يدى وهى مبلولة بالماء بسبب الغياب عن درس عصر فى السنة الرابعه الاوليه والتى يتم عندها التحضير لإمتحان اللجنة (إمتحان النقل للمرحلة الوسطى) جعلتنى ملتزماً بالحضور دون إنقطاع حتى السنه الثانيه بالثانوى وكان الغياب من حصة ثالثة عربى بعد الفطور بسبب مظاهرات
Post: #179 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-09-2010, 07:02 AM Parent: #178
دي التلميذ الصيني الربط قنبوره عشان ما يدقس في المذاكرة اها يا ربي طلع شنو ? __ عشان كدا الصين عظيمة
Post: #181 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-09-2010, 07:31 AM Parent: #179
لا وحبك لعثمان حسين
نزولاً لرغبة غور
Post: #182 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-09-2010, 08:45 PM Parent: #181
Quote: ولا أقول لك غير ما قاله شاعرنا ود بادى
كفاك آ زول أنا تهت فى الأشواق وما برجع وهسع ضومه لا شايفك ولا بسمع
طبعاود بادى فى القصيدة بقول آ وليد بدل آ زول دى
واريتنا كان لى هسه وليدات يا فيصل
عزيزنا ابو ذر بابكر
مشكور على المرور وزى ماقالو العمر لا يقاس بالسنين ولكن بالاحاسيس والمشاعر
Post: #183 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-09-2010, 09:04 PM Parent: #182
Post: #184 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-09-2010, 09:44 PM Parent: #183
الـقاهره تكتب بيروت تطبع والخرطوم تقرأ
Post: #185 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Abuelgassim Gor Date: 07-09-2010, 11:27 PM Parent: #181
Quote: نزولاً لرغبة غور
يا فيصل شكرا على هذا النزول وبعد شوية هاك يا ردحى طيب طلب أخير عاوزك تنزل صورة علبة طحنية البنشتريها من كنتين محطة السكة حديد بالخرطوم العلبة كان ما نزلت صورتى وانا مسطح فى قطر نيال ما بنزلها ... مخلصك أبو القاسم قور
Post: #186 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-10-2010, 06:53 AM Parent: #185
دي الميرندا سندوتش الطحنية عليكم
Post: #187 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-10-2010, 09:53 AM Parent: #186
Quote: العلبة كان ما نزلت صورتى وانا مسطح فى قطر نيال ما بنزلها ...
عزيزنا قور
هاك الصوره وانته مسطح فى قطر نيالا وكمن معاها قزازة ببس مودتى
Post: #188 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-10-2010, 11:19 AM Parent: #187
اغنيه من الزمن الجميل هديه للجميع
Boney M - Sunny
Post: #189 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-10-2010, 10:12 PM Parent: #188
Quote: الاستاذ فيصل وضيوفه وصحبه
سلام من زمن طاعم...
أنا من جيل بدر كتب وقرأ وأمل كتبت وما قرأت...
مُوجِعٌ هذا البوست..
أكيد إنك رجعت ورا...
واكيد انك مبحلق
فى عيون ناساً من الزمن الحلو ونديان
لَمَّن كانت الضحكة بتكفى البيت ...
وتطْلَع منو بالنفاج على الجيران
وللسابع....
تصل مبلولة زى زهرات من الوديان
عليك الشوق:
شنو الفضَّل من الزمن الخَلى ومليان؟؟؟؟
لك ولكم جميعاً الشكر على هذا الوجع الجميل.
عزيزنا محمد صديق
كل الشكر على كلامك الحروفو من دهب
Post: #190 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-10-2010, 11:27 PM Parent: #189
ياوليم يا سلام عليك وانته خاتى صورة الراحل المقيم وليم اندريه فى البروفايل العازف المغنى الرياضى
ويا سلام عليك وانت بتحكى عن ام درمان
Quote:
الاخ هاشم....... ياسلام..... باخي جبته لي سيرة منطقه عزيزه للنفس وفتره من عمر الشباب الباكر.... يا سلام خور ابوعنجه.....من البدايه علي شارع المورده ذاك المحجر وصناعة حجر الطواحين والخور يتهادي ويتمايل حتي شارع الاربعين وبعد الخريف يخضر الخور ومجموعات من فرق الدافوري .... وكل نقطه في ذاك الخور لها ذكري محببه... شارع الفيل .... مدرسة المورده وصمودها امام كل فيضانات الخور .... شارع الفيل...... حي هارلم الما بعين من هناك وناس عزاز كثيره لهم اجمل الاماني والحب اينما وجدوا ...... ومودتي
Quote: ميدان الحديد.... وليه سموه ميدان الحديد ربما لانو مسور باعمدة حديد قصيره ربما بارتفاع اقل من متر في الجزء الشرقي منه..... الموقع علي شارع السيد علي الجزء الغربي منه ما بين بيت عبدالله خليل بك لما كان دور ارضي وجامع الضرير .... ومن عصر بدري الكوره مدوره والعجاجه تقول يا غربتي......... المغرب......العمه بت الفضل واخته علي اضاءة العمود او القمر كيفما اتفق .... عندهم طبلية عشه...... سلطة روب...سلطة مصقع... طعميه... في ربع عيش ويمكن بقرش او كده وقريب من الميدان .... مدرسة الطاهر بادارة الاستاذ التاريخ خالد ابو الروس
Post: #191 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: أسامة عبد الجليل Date: 07-11-2010, 00:12 AM Parent: #190
تيناشارلس برضو يافيصل من جيلنا.
Post: #192 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: المعز ادريس Date: 07-11-2010, 01:06 AM Parent: #191
و آدي مفاجأة من الزمن الجميل يا فيسل بس ورونا الكلام دا كان في ياتو سنوات بالضبط , في تلفزيون السودان و بالله يا فيصل إئتنا بزجاجة البزيانوس!
Post: #193 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: cantona_1 Date: 07-11-2010, 03:36 AM Parent: #192
ذكرياتكم جميلة يا فيصل واخوته وزملاؤه في الحزب لكن دي ذكريات أولاد الخرتوم عشان الوحدة تكون جاذبة لازم تستكبوا أولاد الأقاليم الجايين من أم طرقاً عراض زينا كدا.. وإلا عاوزين تقرير مصير.
ذكرياتنا تختلف عنكم فبدل الترام وبص ابو رجيلة نحن نركب حسب مكانة الوالد الإجتماعية والمالية: حمار داراوي .. حمار نص نص .. حمار حر .. حصان... لوري لحد هنا بس
نسرح بالغنم ... نترقي للسرحة بالعجال (العجول) بعدها نترقي للسرحة بالبقر على ظهور الخيل (كما قالت الحنكوشة الراعي هو الزول البفسح الغنم) .. يعني زي حالاتي سابقاً. طبعاً الآن تفرنجت وبقيت بلبس البدلة والكرفتة بدل العراقي والسروال أبو تكة
دايرين زيادة ولا كلامي ما مفهوم لناس الخرتوم؟
Post: #194 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 07-11-2010, 05:30 AM Parent: #193
البوكس موديل 78 من افضل انواع البكاسى
نمرة 6 وانت مسافر بالقطر الى وادى حلفا لازم تاكل قراصة وتشرب فيها شاى
عجلة التكرونى بها كل انواع الزينة
التسطيح فى القطر هروبا من الكمسارى فى قطر حلفا
Post: #195 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ابراهيم عدلان Date: 07-11-2010, 05:43 AM Parent: #165
Quote: والآيسكريم من حلوانى حمدتو بى قرشين وعمك سعيد الأسطى البعملو
دائما صارى وشه المشلخ مطارق وزهجان
لحدى هسه ما عارفه زهجان ولا خلقة الله شكله كده
و مكفكف اكمام العراقي و هو ممسك بالعصا الخشبية داخل ماكينة الايسكريم
يا ابو ذر ياخ انت كنت معانا عديل كدا
مطعم عمك خالد ( سلوي) و الباب الضيق و الفول بالسمنه
مطعم الشمالية شمالا و الانطلاقة جنوبا و الامير غربا و البيون هوتيل حيث المارتديلا العجيبة شرقا
زمن يا مطر
Post: #196 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-11-2010, 08:48 PM Parent: #195
Quote: بالمدرسة الاوليه كان الطابور الصباحى والتفتيش على نظافة الجسد والملابس والاصابع وتقليم الاظافر وشنطة الدموريه والشِدة ولابد من رفع العمه للتأكد من الحلاقة ورفع الجلابيه للتأكد من نظافة الفنلة والسروال ... وكانت قصيدة الاستاذ عبدالرحمن على طه بكتاب الجغرافيا(سبل كسب العيش فى السودان) تطوف بالطالب على كل مناطق السودان ليتعرف على أهم ما يُميزها ...من القولد لودسلفاب لريرة ويامبيو وصديقنا منقو
وفى القولد إلتقيت بالصديق أنعم به من فاضل صديــق وكم أكلت معه الكابيـــدا وكم سمعت أورا أو ألودا
وكتاب الأمالى الأوليه ...كان حدثاً كبيراً أن أحد تلاميذ الصف الثالث لم يتمكن من قراءة عنوان أحد القطع الاملائيه (شفقة الطيور) وجاء الخفير ليسأل عن الطالب سوركتى بالصف الثانى وأنه مطلوب للحضور بالصف الثالث فذهبت وكانت أوصالى ترتجف لعدم معرفة السبب من استدعائى ..زوعند باب الفصل طلب من الاستاذ الدخول وقراءة المكتوب وسط السبورة (شفقة الطيور) فقرأت عنوان القطعه وصفق لى الطلاب وكان هناك طالباً يقف فى وسط الفصل فطلب منى الاستاذ(أمشى للطالب الواقف داك وأضربو كف) ترددت فى هذا الأمر خوفاً منه يربط لى الشارع وقت البيوت وكان الفارق فى الطول والسن والبنيه كبيراً ...مديت يدى وضربته كف خفيف ...طلب منى الاستاذ ضربه بشده ففعلت وعدت لفصلى ولكن لم أفهم لباقى الحصص ولا كلمة لأن تفكيرى وهمى كان فى طريقة الوصول للبيت ....
ولا أنسى 15 جلده من سوط عنج فى زيفة شتاء باردة من ناظر المدرسة فى الصباح على يدى وهى مبلولة بالماء بسبب الغياب عن درس عصر فى السنة الرابعه الاوليه والتى يتم عندها التحضير لإمتحان اللجنة (إمتحان النقل للمرحلة الوسطى) جعلتنى ملتزماً بالحضور دون إنقطاع حتى السنه الثانيه بالثانوى وكان الغياب من حصة ثالثة عربى بعد الفطور بسبب مظاهرات
عزيزنا sourketti
شكرا على اللوحه القلميه الرائعه دى ونطمع فى المزيد مودتى
Post: #197 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-11-2010, 10:33 PM Parent: #196
Quote: تيناشارلس برضو يافيصل من جيلنا.
عزيزنا اسامه عبد الجليل
طبعا تينا شارلس من المطربات الكان ليهم شنه وهناك ايضا فرقة ABBA وفرقة البيتلز وفرقة البونى ام والفيس برسلى لك الموده والشكر
Post: #198 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-11-2010, 10:51 PM Parent: #197
Quote: و آدي مفاجأة من الزمن الجميل يا فيسل بس ورونا الكلام دا كان في ياتو سنوات بالضبط , في تلفزيون السودان و بالله يا فيصل إئتنا بزجاجة البزيانوس!
عزيزنا المعز ادريس
مسلسل فارس ونجود كان من اشهر المسلسلات البدويه وناس كتيره سجلت اغنيات سميره توفيق وتم عرضو فى اواخر السبعينات بفتش ليك فى البزيانوس او لويزو وكان ماالبقتم عليك بالشامبيون وعلى زمنا كان سجاير مودتى
Post: #199 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-11-2010, 11:04 PM Parent: #198
Quote: ذكرياتكم جميلة يا فيصل واخوته وزملاؤه في الحزب لكن دي ذكريات أولاد الخرتوم عشان الوحدة تكون جاذبة لازم تستكبوا أولاد الأقاليم الجايين من أم طرقاً عراض زينا كدا.. وإلا عاوزين تقرير مصير.
ذكرياتنا تختلف عنكم فبدل الترام وبص ابو رجيلة نحن نركب حسب مكانة الوالد الإجتماعية والمالية: حمار داراوي .. حمار نص نص .. حمار حر .. حصان... لوري لحد هنا بس
نسرح بالغنم ... نترقي للسرحة بالعجال (العجول) بعدها نترقي للسرحة بالبقر على ظهور الخيل (كما قالت الحنكوشة الراعي هو الزول البفسح الغنم) .. يعني زي حالاتي سابقاً. طبعاً الآن تفرنجت وبقيت بلبس البدلة والكرفتة بدل العراقي والسروال أبو تكة
دايرين زيادة ولا كلامي ما مفهوم لناس الخرتوم؟
عزيزنا cantona 1
على فكره الخرطوم دى اغلب سكانه من الارياف ماشايف فى الاعياد بتفضى كيف كل زول بمشى لقواعدو ناس بتمشى ترعى الغنم زى المسنوح ود شيقوق وناس بتمشى للبطان والدوبيت زى ود المنسى وناس وناس وناس وياريت تواصل معاناوتدينا صور تانيه ليك كل الود
Post: #200 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-12-2010, 12:49 PM Parent: #199
Quote: نمرة 6 وانت مسافر بالقطر الى وادى حلفا لازم تاكل قراصة وتشرب فيها شاى
عزيزنا مصطفى توفيق
على ذكر وادى حلفا تعال شوف واجهة حى التوفيقيه ومشرع بنطون ارقين وهى تبكى من تحت الماء لك الود
Post: #201 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-12-2010, 09:09 PM Parent: #200
Quote: مطعم عمك خالد ( سلوي) و الباب الضيق و الفول بالسمنه
مطعم الشمالية شمالا و الانطلاقة جنوبا و الامير غربا و البيون هوتيل حيث المارتديلا العجيبة شرقا
زمن يا مطر
عزيزنا ابراهيم عدلان التحيه ليك
Post: #202 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-13-2010, 05:35 AM Parent: #201
السوق العربي
تعرف يا ابراهيم مرة مشينا انا و اصحابي اتنين بعد السينما لمطعم سلوى ضربنا ٣ فول بالسمنة و مشينا ندفع الحساب ونحن عارفين حسابنا ٢١ قرش فلمان مشينا جنب الزول الماسك الحساب قام الجرسون كورك ليهو من بعيد ٢١٠ فمسكتنا الرجفة و ما عندنا غير ٢١ قرش و بتاع المواصلات و بعدين في النهاية اتضح انو الجرسون قال ليهو الحساب بالمليم . ٢١ قرش بتساوي ٢١٠ مليم ياخي طير لينا تكيفة السينما ذاتا
Post: #203 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 07-13-2010, 05:44 AM Parent: #201
انعشوا ذاكرتكم شوية بالصور دى
Post: #204 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 07-13-2010, 05:57 AM Parent: #203
بعض قصائد الإبتدائى فى فترة السبعينات
فى القطار للشاعر كامل كيلاني
هيهات هيهات لا جنا ولا سحرة بقادرين على ان يلحقوا اثرة هذى المناظرقد مرت على عجل كأنها ومضة للبرق مختصرة هذا قطيع من الاغنام المحه وذا صفيرٌ يدوي مذ راى خطرا هذى المحطة قد لاحت لاعيننا اعلامها ووفود السفر منتظره يحل فيها قليلا ثم يتركها لغيرها ماضيا مستانفا سفره كالسهم منصلتا والسيل مندفعا يثير فى عدوه الحصباء والغبره و هذى دوحة فى ظلها بقرة و هذا غلام اراه صاعدا حذرا على النخيل يرجى فوقه تمرة و هذه ترعة فى اثرها ظهرت و هضبة و حقول بعدها نضرة مرت و ليس لها من عودة ابدا كالطيف ولى فمن ذا يقتفى اثرة
يا الهي يا الهي يا مجيب الدعوات
اجعل اليوم سعيدا وكثير الباركات
واعني في دروسي واداء الواجبات
وانر قلبي وعقلي بالعلوم النافعات
برز الثعلب يـوما - - فـي ثيـاب الـواعـظينا ومشى في الأرض يهدي - -و يسـب الماكـرينـــــــا ويقـول الحمد للـه - - إلـــــه العالميــنـا يا عباد الله تـوبوا - - فهو كهف التــــائبـيـنا واطلبوا الديك يؤذن - - لصلاة الصبح فينا فأتى الديك رسول - - من إمام الماكرينـــا عرض الأمر عليه - - وهو يرجو أن يلينا قال قم يا ديك أذن-- لصلاة الصبح فينا فأجابه الديك عذرا - - يا أضل المهتدينا مخطئ من ظن يوما - - أن للثعلب دينا
النخلة الحمقاء حقت ايليا ابو ماضي؟
ونخلة غضة الأفنان باسقة قالت لأترابها والصيف يحتضر لأحبسن على نفسي عوارفها فلا يبين لها في غيرها أثر
إني مفصلة ظلي على جسدي فلا يكون به طول ولا قصر ولست مثمرة إلا على ثقة أن ليس يطرقني طير ولا بشر عاد الربيع إلى الدنبا بموكبه فازينت واكتست بالسندس الشجر وظلت النخلة الحمقاء عارية كانها وتد في الأرض أوحجر ولم يطق صاحب البستان رؤيتها فاجتثها فهوت في النارتستعر من ليس يسخو بما تسخو الحياة به فإنه أحمق بالحرص ينتحر
واجعل التوفيق حظي ونصيب في الحاة
يا الهي يا الهي واستجب كل صلاتي
زارع الحقل فى البكور عيشك الدهر اخضر انت فى هيكل الزهور فيلسوف مفكر من ذراعيك للفقير حبة القمح تولد ماؤك الطاهر الزلال من سواقيك يقطر كل ما تقتنى حلال باسمك الخير يذكر يا بعيدا عن البشر انت لا تعرف الشرور تعرف الماء والحجر والاعاصير والزهور مثلهم سوف تلحد طاهر العيش والجبين
الشعوب العربية للشاعر خليل مطران
داع الي العهد الجديد دعاك فاستانفي فى الخافقين علاك يا امة العرب التى هى امنا اى الفخار نميته ونماك يمضى الزمان وتنقضى احداثه وهواك منا فى القلوب هواك انا نقاضى الدهر فى احسابنا بالراى لا بالصارم الفتاك وملاك شيمتنا الوفاء فانه لسعادة الاقوام خير ملاك امالنا الامنا ارواحنا اشباحنا يوم الفداء فداك بالعلم ننشر ما انطوى من مجدنا وبه نزكي في الورى ذكراك معانى الكلمات الخافقين : المشرق والمغرب نميته : نسبتى اليه نماك : نسب اليك نقاضى : نحاسب ملاك : اساس شيمتنا : خلقنا وطبائعنا وعاداتنا نزكي : نعطر ونطهر الورى : الناس
يا ابنتى ان اردتى اية حسن وجمال يزين جسما وعقلا فانبذي عادة التبرج نبذا فجمال النفوس اسمى واغلى يصنع الصانعون وردا ولكن وردة الروض لا تضارع شكلا ثم كوني كالشمس تسطع للناس سواءا من عز منهم وذلا وامنحي المثريات لينا ولطفا وامنحي البائسات برا وفضلا زينة الوجه ان ترى العين فيه جمالا ..... (مامتذكر)؟ القصيدة ما متذكر اسمها بس شاعرها احمد رامي
الكريم للشاعر ايليا ابو ماضي
ان الكريم لك الربيع تحبه للحسن فيه وتهش عند لقاءه ويغيب عنك فتشتهيه لا يرتضى ابدا لصاحبه الذي لا يرتضيه وتراه يبسم هازءا فى غمرة الخطب الكريه واذا الليالي ساعفته لا يدل ولا يتيه كالورد ينفح بالشذى حتى انوف السارقيه
العمال للشاعر احمد شوقي ايها العمال افنوا العمر كدا واكتسابا واعمروا الارض فلولا سعيكم امست يبابا ايها الغادون كالنحل ارتيادا وطلابا فى بكور الطير للرزق مجيئا وذهابا ان للمتقن عند الله والناس ثوابا اتقنوا يحببكم الله ويرفعكم جنابا
سوداننا
سوداننا سوداننا أرض الجدود والاب فيه وجدت مأكلى فيه وجدت مشربى فيه وجدت منزلى فيه وجدت ملعبى ونيله مبارك يجرى بماء طيب
Post: #205 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: محمد أبوالعزائم أبوالريش Date: 07-13-2010, 07:26 AM Parent: #204
Quote: دي الميرندا سندوتش الطحنية عليكم
ميرندا بتاع حنانك؟ ........ أنا غايتو عاوز (لويزو)
_____ الدعاية في الراديو كانت بتقول:
لو جاكم ضيف في الشتا والصيف ادّوهو .... كوكاكولا أسقوهو .... كوكاكولا
Post: #206 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 07-13-2010, 08:55 AM Parent: #205
يا ابو الريش ما بتتذكر دعاية اندروس منعش فوار ودعية سافو صابون البدورة
يا عروسة يا صبية عندى ليك اجمل هدية سافو سافو اجمل هدية
Post: #207 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-13-2010, 10:51 AM Parent: #206
عزيزنا مصطفى توفيق
شكرا على المداخله الرهيبه دى رجعتنا لكرة السله ومنافساته القويه وخاصة بين رائدات المريخ ورائدات الهلال وكمان طائرة الكوميت فى مطار الخرطوم ايام سودان اير كانت فعلا سودان اير
تخريمه:ـ بس عليك الله نزل صورة رائدات المريخ عشان الاخوه البوراب المريخاب مايزعلو
Post: #208 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 07-13-2010, 10:56 AM Parent: #207
مافى اى واحد فيكم عرف واحدة من البنات بتاعين السلة ديل ؟
Post: #209 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: حمزة سيف الشريف Date: 07-13-2010, 11:08 AM Parent: #208
ما لنا إلا البكاء على الماضي التليد كل الشعوب تتذكر الماضي والتعب الكانوا عايشنه نحن بالعكس نتذكر الماضي الجميل وبدل مانتطور ماشين بالداون ليه كدا
Post: #210 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 07-13-2010, 11:40 AM Parent: #209
Post: #211 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: حمزة سيف الشريف Date: 07-13-2010, 11:46 AM Parent: #210
بالله شوف الكلام دا كنا وين وصرنا وين
Post: #212 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-13-2010, 12:39 PM Parent: #211
Post: #213 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-13-2010, 12:54 PM Parent: #212
Quote: سوداننا سوداننا أرض الجدود والاب فيه وجدت مأكلى فيه وجدت مشربى فيه وجدت منزلى فيه وجدت ملعبى ونيله مبارك يجرى بماء طيب
القومه ليك ياعزيزنا مصطفى توفيق
Post: #214 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-13-2010, 01:09 PM Parent: #213
Quote: الدعاية في الراديو كانت بتقول:
لو جاكم ضيف في الشتا والصيف ادّوهو .... كوكاكولا أسقوهو .... كوكاكولا
عزيزنا محمد ابو العزائم ابو الريش
هاك كمان الهواده دى
حلويات مامون البرير
حلاوة جديدة من نوعها فريدة لا شرقية ولا غربية صناعة بلدى مية المية لف العالم كلو وطوف وزيها ابدا مش ح تشوف جرب وشوف جربى وشوفى حلاوة مشكل حلاوة طوفى طوفى ...طوفى ...طوفى كمان حلاوة مرات بفستق مرة سادة ومرة ببندق سوبر لبان حاجة تمام لبان بازوكا كمان فنان انتاج مامون اكيد مضمون لاشرقية ولاغربية صناعة بلدى مية المية
عصير تروبى
عصير تروبى عصير فنان فواكهه طازجة من السودان معبأ ليك اشكال والوان عشان تشيلو لكل مكان كمان للعايلة فى الجركان موز وجوافة ومنقة لذيذة حاجة جديدة وحاجة فريدة
Post: #215 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-13-2010, 10:35 PM Parent: #214
Quote: بالله شوف الكلام دا كنا وين وصرنا وين
عزيزنا سيف حمزه الشريف
دى حضارات سادت ثم ابيدت لك كل الود
Post: #216 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-13-2010, 11:11 PM Parent: #215
Post: #217 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-14-2010, 09:33 AM Parent: #216
سؤال يبحث عن جواب لماذا اختفى الهدهد والسمبر من السودان وهما من الطيور المهاجره وبتظهر فى فصل الشتاء ام قيرادون ياالحاجه
Post: #218 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-14-2010, 09:48 AM Parent: #217
[B]بالله ياالطير المهاجر للوطن زمن الخريف تطير باسراع ماتضيع زمن أوعك تقيف وتواصل الليلة للصباح تحت المطر وسط الرياح وكان تعب منك جناح في السرعة زيد في بلادنا ترتاح ضل الدليب أريح سكن
Post: #219 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 07-14-2010, 10:07 AM Parent: #218
سيت باقى الكلمات لكن كانت بلحن جميل جدا بالمناسبة دى طبعا زمان انبوبة الغاز بس تضرب تلفون لطرمبة القاضى فى نمرة 2 يجيك بتاع الغاز سايق ليه ركشة شايل فيها الأنابيب لحد البيت ويغير الأنبوبة ويشيل الفاضى
Post: #220 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ماضي ابو العزائم Date: 07-14-2010, 05:44 PM Parent: #219
إجازيك يا فيصل
من رموز ذلك الزمن الجميل
أنجيلا ديفز
Post: #221 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Amani Al Ajab Date: 07-14-2010, 06:11 PM Parent: #220
البنات زمان يمارسن الرياضة ! اليوم تجلد البنت إذا لبست بنطلون ! يالها من مفارقات
Post: #222 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ماضي ابو العزائم Date: 07-14-2010, 06:39 PM Parent: #221
رائدات الهلال
جلوسا من اليمين : ليلي ابراهيم اسرائيل - عوضيه مرحوم- حياة عبدالحميد الصف الخلفي من الشمال : سميره طلعت فريد - منيره فراج - ؟؟؟؟؟ - ؟؟؟؟؟؟
Post: #223 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-14-2010, 10:48 PM Parent: #222
سيت باقى الكلمات لكن كانت بلحن جميل جدا بالمناسبة دى طبعا زمان انبوبة الغاز بس تضرب تلفون لطرمبة القاضى فى نمرة 2 يجيك بتاع الغاز سايق ليه ركشة شايل فيها الأنابيب لحد البيت ويغير الأنبوبة ويشيل الفاضى
عزيزى فيصل..... مسكاقنا
التحيه عبرك الى اخونا مصطفى توفيق وهو يعود بنا الى الاماكن لذلك الزمن الجميل سوق نمره 2 شل بوتجاز ومحطة القاضى والاخوان عبد القيوم وكرم الله وكانت عمارة جريدة الصحافه تقع مقابل الطرمبه وفى الزاويه الغربيه يقع مطعم السلمابى
اله يديك الصحه والعافيه
Post: #224 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-14-2010, 11:19 PM Parent: #223
Quote: من رموز ذلك الزمن الجميل
أنجيلا ديفز
عزيزنا ماضى ابو العزائم
فى زول بينسى المناضله انجيلا ديفز وهى بتصارع الرأسماليه فى عقر دارها وتنادى بالاشتراكيه وتتعرض للسجن والاعتقال
مودتى
Post: #226 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-15-2010, 06:31 AM Parent: #224
هدية للعم كمال عطا الذي ساعدني في صناعة هذا البوست ___ يا عم كمال محطة الكاب نوستلغيا من الزمن الجميل
Post: #227 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: مصطفى توفيق Date: 07-15-2010, 08:46 AM Parent: #226
فى سنة تانية ابتدائى كتاب العلوم كان اول درس اجزاء جسم الانسان ، فيهو رسمة ..من النوع البرسموها الاطفال..مؤشر فيها على الاجزاء الرئيسية ..الراس ، الجذع و الاطراف
الحصة التانية كانت انواع المخلوقات ...مقسمة باسهم : احياء جمادات ، و الاحياء نباتات و حيوانات ..الجمادات سائل ، صلب و غاز
فى سنة تالتة كتاب العلوم فى باب اسمو الماء : مكتوب فى الصفحة الفيها العنوان الاية : و جعلنا من الماء كل شئ حى ...و اهم معلومة فى الباب دا انو الماء سائل لا لون ولا طعم و لا رائحة له...و دى السؤال بتاع الامتحان دائما
اجزاء الزهرة فى سنة خامسة و لازم تكون رسام عشان ترسم السبلات و البتلات و الميسم
في المثلث القائم الزاوية
مجموع أطوال ضلعي الزاوية القائمة > طول الوتر
مربع طول الوتر = مجموع مربعي ضلعي الزاوية القائمة
مجموع الزوايا الداخلية للمثلث 180
جا2+جتا2=1
السرعة=المسافة على الزمن
مناخ البحر الابيض المتوسط
حار جاف صيفاً ..دافئ ممطر شتاء
الرياح المسببة للامطار الشمالية الشرقية
المناخ المدارئ
بارد جاف شتاء ..حار ممطر صيفا
الرياح الجنوبية الغربية
المناخ الصحراوى
حار صيفا ..بارد شتاء
امطار قليلة متفرقة طول العام
و دى حصة الجغرافيا سنة سادسة ..جغرافيا الوطن العربى
دا قانون اوم
يتناسب التيار المار في مقاومة تناسبا طرديا مع فرق الجهد بين طرفيها عند ثبوت المقاومة
ت علامة تناسب ج
وعند استخدام الثابت تتحول العلاقة الى رياضية
كالاتي
ت=ج*م
وبتغيير موضوع القانون نحصل على
باقي العلاقات
حيث ت التيار
ج فرق الجهد
م المقاومة
Post: #228 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-15-2010, 09:13 AM Parent: #227
Quote: هدية للعم كمال عطا الذي ساعدني في صناعة هذا البوست ___ يا عم كمال محطة الكاب نوستلغيا من الزمن الجميل
الرائع فيسل مهمد هليل.....مسكاقنا
لا شكر على واجب . لم لا وانت تعيدنا لاجمل ايام حياتنا لا فى هذا البوست فحسب بل فى بوست ( شهيدة المدائن )فأنت تستحق اكثر من ذلك يا بائع المسك التحيه لك ورجائى الا تعدل هذة المداخله وفقا للمعايير واسمع لى ان اهديك هذا النغم من الزمن الجميل ودمت فى حفظ الله ورعايته يا ابو قلب من حرير او كما قال وهبه
التعديل لضبط المعاييير
Post: #229 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: جمال الباقر Date: 07-15-2010, 09:44 AM Parent: #228
كتب فيصل
Quote: طوفى ...طوفى ...طوفى كمان حلاوة مرات بفستق مرة سادة ومرة ببندق
والصحيح كمان طحنية بلوز بفستق مرات سادة ومرات بندق هاكم دي اشرب اشرب فممممممممتو اشرب فمتو يعدل كيفك وينعش ضيفك لو قدمممممممممممممممتو زي السكر احلى واكتر لو تذكر فمتو الاحمر وتعرف قيييييييييييييييمتو بوست سره لذيذ
Post: #230 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-15-2010, 08:27 PM Parent: #229
كتب مصطفى توفيق
Quote: مافى اى واحد فيكم عرف واحدة من البنات بتاعين السلة ديل ؟ [/QUOTE
وكانت اجابه ماضى ابو العزائم
Quote: رائدات الهلال
جلوسا من اليمين : ليلي ابراهيم اسرائيل - عوضيه مرحوم- حياة عبدالحميد الصف الخلفي من الشمال : سميره طلعت فريد - منيره فراج - ؟؟؟؟؟ - ؟؟؟؟؟؟
وين الجائزه يا مصطفى؟؟
Post: #231 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-15-2010, 11:36 PM Parent: #228
Quote: البنات زمان يمارسن الرياضة ! اليوم تجلد البنت إذا لبست بنطلون ! يالها من مفارقات
عزيزتنا امال العجب
شكرا على المرور والمداخله المعبره
Post: #232 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: حيدر امين Date: 07-16-2010, 09:23 AM Parent: #231
فيصل انا بسرق منك صور رايك شنو ؟
Post: #233 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-23-2010, 00:25 AM Parent: #232
Quote: فيصل انا بسرق منك صور رايك شنو ؟
عزيزنا حيدر امين
اعتبر البوست ده كلو حقك
واسمح لينا برضو نسرق منك وبارك الله فى من نفع واستنفع
كل الود ليك وصوره من عندك للزمن الجميل
Post: #234 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-24-2010, 10:28 PM Parent: #233
Post: #235 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-24-2010, 11:52 PM Parent: #234
ABBA "Chiquitita"
Post: #236 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-25-2010, 00:08 AM Parent: #235
To Sir With Love by Lulu and Dance by Sydney Poitier
Post: #237 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-25-2010, 08:44 PM Parent: #236
Quote: والصحيح كمان طحنية بلوز بفستق مرات سادة ومرات بندق هاكم دي اشرب اشرب فممممممممتو اشرب فمتو يعدل كيفك وينعش ضيفك لو قدمممممممممممممممتو زي السكر احلى واكتر لو تذكر فمتو الاحمر وتعرف قيييييييييييييييمتو بوست سره لذيذ
Post: #238 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: sourketti Date: 07-25-2010, 09:38 PM Parent: #237
هل تذكر حجم ورسم الخط ووضوحه والصور على كتاب المطالعة الاوليه للطلاب فى السنه الأولى من المرحلة الأوليه واول قطعة به تحكى عن (الولـــــــد والجمـــــــــــل) وفيه أيضاً قصة رجــــــــب والعســــــــــــل وفى السنوات التاليه ... طـــــــه القرشــــــى مـــريـــض - طــه القرشـــى فى المستــشفى القـــــرد الأعمـــــش والنظــارة الولـــــــد والنــــــمـــر
Post: #239 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-26-2010, 11:43 AM Parent: #238
Quote: هل تذكر حجم ورسم الخط ووضوحه والصور على كتاب المطالعة الاوليه للطلاب فى السنه الأولى من المرحلة الأوليه واول قطعة به تحكى عن (الولـــــــد والجمـــــــــــل) وفيه أيضاً قصة رجــــــــب والعســــــــــــل وفى السنوات التاليه ... طـــــــه القرشــــــى مـــريـــض - طــه القرشـــى فى المستــشفى القـــــرد الأعمـــــش والنظــارة الولـــــــد والنــــــمـــر
عزيزنا sourketti
شكرا على المرور
وتعال شوف ديل كمان مودتى
Post: #240 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-26-2010, 08:07 PM Parent: #239
Post: #241 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-26-2010, 08:45 PM Parent: #240
♪ Smile - Charlie Chaplin
Post: #242 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-26-2010, 08:51 PM Parent: #241
Norman Wisdom | Dentist (A Stitch In Time)
Post: #243 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-26-2010, 09:04 PM Parent: #242
Doctors who qualified for the school diploma in 1952.
Abu Bakr Mohamed El Amin, El Sheikh Abdelrahman, Khalda Zahir, Ibrahim Salih El Maghraby, Mirghani Yousif Ali, Somers, Salah Abdelrahman Ali Taha, Zarouhi Sarkissian, Fuad Abdu Tadros, Fayiz Amin El Sunni, Imam Al Mahdi[/B]
Post: #244 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-26-2010, 09:10 PM Parent: #243
لقطة تذكارية لخريجي كلية الطب, جامعة الخرطوم عام 1965 ,برعاية عميد الكلية الراحل البرفيسور منصور علي حسيب , ويرى في الصورة الدكتور جستن ياك وزير الصحة في حكومة نميري وكتور باسيفيكو لا قو عضو مجلس السيادة في حكومة الانتفاضة عام 1984 In this photo: أحمد سراج الدين, فيصل صبرا, ميرغني أحمد, الزين عباس عمارة, احسان التيجاني حمودي, منصور علي حسيب, محمد ابراهيم علي, احمد يوسف حمد أبو سن, كمال عربي, معتصم محمود علي طه, عبد الله احمد دفع الله, عبدالجليل عبدالقادر
Post: #245 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-26-2010, 09:20 PM Parent: #244
Post: #246 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: Safia Mohamed Date: 07-26-2010, 10:02 PM Parent: #244
سلام استاذ فيسل
والله قصة انه الناس العاشو في فترة زمنية محددة يفتكرو انهم البريمو دي ما راكبة لي في راسي بتذكرني مثلا مثلا جدك وحبوبتك لما يجو يحكوا لما كان ولما كان الواحد بتغاظ ويقول بالدارجي االناس ديل فاكنها في روحهم ساكت اها حسع رغم الذكريات الجميلة اللي اوردتها وتداعي الاخرين معك
لكن بتخيل انه لو جا زول من ناس الزمن دي اقول ليك عان ديل فاكنها في روحهم ساكت لا موبايل لا فضائيات لا انترنت واقول ليك حياتنا حلوة
وهكذا يظل صراع الاجيال قائما وعموما فترة الشباب دايما بتظل محفورة في الذهن بانها الافضل للشخص المعني مع بعض التفاوتات الفردية للاشخاص
في قناعاتي انه دائما الظروف التي عاشها اباءنا افضل من ظروف اجدادهم والعشناها نحن افضل من ابائنا واكيد اولادنا حيعيشوا في ظروف افضل مننا
وهكذا ولكن يظل الحنين لذكريات جميلة هو الذي يعكس لنا هذه الصورة وهي في حقيقة الامر لا تعدو كونها مجرد احاسيس (واسميها مجازا ) اوهام..... يعني حسع اتخيل لو ما في نت انت كلامك دة كان وصلتو لكم نفر والونسة البتتونسو بيها ووو وتواصلك مع الاخرين وسفرك لو ما في طيارة وحاجات كتيرة
باختصار مع التطور السريع في التقنيات وتطور وسائل وسبل الحياة يبقى العاش شبابه في ظل سياق محدد بحبه لكن ما بينفي استمتاعه بما استجد من تكنولوجيا
ويبقى السؤال الجوهري في احساس الانسان بالاشياء وهو الصراع ما بين المادي واللا مادي اللا مادي تمثله الذكريات الحلوة والماضي الجميل والمادي ياهو دة "الراسمالية" وتطورها الى درجة الاستهلاك الوفير وتضادها مع التقييم غير المادي للاشياء
المهم كلامي لسع ما تم
لكن مواعيدي جات
المختصر المفيد حياتنا زمان حلوة لكن الواقع اضاف ليها حلا خاصة الانترنت
سلام صفية
Post: #247 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-26-2010, 10:35 PM Parent: #246
عزيزتنا الاستاذ صفيه محمد
اول حاجه مشكوره على المداخله وطبعا رايك على العين والرأس بس يا استاذه اذا لاحظتى كل بوستات الزمن الجميل تتفق على الاتى:ـ
التعليم المجانى العلاج المجانى عمق المعرفه والثقافه وده لانو الكتب كانت رخيصه تغلغل ثقافه النظافه اجمل ماكتب من اشعار اجمل الالحان انتشار السينمات فى السودان ودورها التنويرى والثقافى اجمل الكتب السودانيه كانت من انتاج ذلك الزمن الجميل تعالى اقرى معاى الكلام ده
Quote: ما بين الأمس واليوم وحسرة على أيام زمان
غسان حبيب الصفار
تتعاقب الفصول وتمر السنين وتتوالى الأجيال .. هذه هي دورة الزمن وهكذا هي الحياة , كان أجدادنا وآباؤنا وها نحن وسيكون أولادنا وأحفادنا من بعدنا , وهكذا جيلا ً بعد جيل .. الاكثرية منا أن لم نقل الكل يتذكر أيام زمان وكيف عشناها بأدق وأصغر تفاصيلها والأكثرية منا يتحسر عليها ويتمنى لو انها تعود بذكرياتها .. بأفراحها وأحزانها وكل مواقفها . في زمن أختلطت فيه مجريات الحياة وبات الفرد منا لايعلم شماله من جنوبه ! وبات يجري وراء المتطلبات التي لاتنتهي .. والمطاليب التي تتجدد كل يوم بل كل ساعة والتي ترهق كاهله وتتعب تفكيره وتجعله يدور ويدور وتدور به الارض ليدوخ وهو يحاول أن يلبي هذا ويستوفي ذاك ويوفر ذاك .. يركض ويركض ولايلحق كما نقولها بلغتنا الدارجة ( العامية ) . في زمن التطورات والتعقيدات وأنعكاس الأتجاهات ! بات الكل يتحسر على أيام زمان وأيام كان يا مكان , زمن الطيبة والحياة البسيطة الهادئة والتي كان لكل شيء فيها طعم وهنا لانقصد أننا ضد التطور والتقدم .. بل نقول أننا أيام زمان رغم الحالة المادية الوسط أو دون الوسط التي كنا نعيشها وعدم أمتلاكنا القصور والبيوت والسيارات الحديثة والملابس الفاخرة والى غير ذلك من مظاهر الحياة العصرية والتي بات كل شيء فيها يقاس بمظهره وبريقه وحداثته ! وليس بجوهره وماهيته وأهميته , وهكذا حتى تقييم الفرد ومع شديد الأسف بات يقدر بما يملك من ثروة ورصيد ومصالح ومشاريع .. أي يقاس بثقل ( جيبه ) !! وهذا واقع الأكثرية طبعا ً لاندري ظنا ً منهم أن السعادة هي هذه المظاهرأو هذا هو تفسيرهم لها , أم أن سباق الأثراء والأمتلاك والتباهي الذي جرف الاكثرية أصبح هدف الحياة الأول وبلوغه اصبح قمة الطموح حقا ً لم نعد ندري ! الكل يتحسر على أيام زمان لأنها كانت حياة بسيطة وحلوة , حلوة بمعنى الحلاوة وجميلة بمعنى الجمال .. خالية من التعقيدات هادئة رتيبة ومليئة بالمعاني والعبر .. والأكثرية قانع وراضي برزقه وقسمته , لانقول أنها كانت حياة جامدة بل على العكس تماما ً كانت حياة بكل معنى الكلمةوسعيدة الى أقصى الحدود لأن السعادة أحساس داخلي لاتأتي به المظاهر أبدا ً . في حالنا الحاضر نمتلك كل شيء ولدينا كل شيء وهنا أقصد ( الأكثرية ) لكننا نفتقر الى كل شيء ! وقد يوافقني البعض ويعترض البعض الآخر .. ففي عصرنا الحاضر وحياتنا السريعة بتنا نفتقر الى الأحساس والشعور الداخلي بالسعادة .. بالفرح النابع من الصميم ومن الأعماق بتنا نفتقر الى المشاركة الفعلية معا ً في كافة نواحي الحياة وتفاصيلها .. افراحها وأحزانها .. ومواقفها الصغيرة منها والكبيرة الأجتماعية منها وحتى الفردية , بتنا نفتقر الى الكثير الكثير من الأشياء , طيبة أيام زمان وبساطة أيام زمان ونخوة أيام زمان وحتى مناسبات واعياد أيامزمان ! أعيادنا ومناسباتنا الآن أصبحت بلا طعم بل أصبحت كلايش ومظاهر للتباهي والتفاخر والفشخرة الفارغة من كان الأشيك ومن كان الأجمل ومن أشترى أكثر وصرف أكثر ووووالخ . مظاهر فقط لاروح فيها ولاأحساس صادق ألا ماندر ! أين اعياد ومناسبات ايام زمان ؟ أين التهاني وتبادل الزيارات ؟ والمحبة المتبادلة ومشاعر المودة والاخوة ؟ أين البراءة والطيبة ؟ أين النخوة والشعور بالغير والشهامة والصداقة الحقة والمساندة والمساعدة عند الشدائد لانقول أنعدمت ولكنها ليست كأيام زمان وكيفما قارنا أو قلنا ؟! فلن تكون كذلك . ترى ماالذي حصل ؟ ماالذي جرى ؟ لماذا اصبحنا هكذا ؟ لانعرف ماذا نريد وحياتنا حابل بنابل ولانرسى على حال أو قرار .. نقول الزمان أو لقد تغير الزمان ويا لهذا الزمان نلقي كل اللوم على الزمان والزمان بريء ولادخل له في ذلك فالزمان هو الزمان دائما ً .. ولكننا نحن الذين نتغير ونتبدل ومن حال الى حال ومع تغير الأحوال تتغير أفكارنا ومفاهيمنا للكثير من الأشياء ونفقد الكثير من الأشياء في صخب حياتنا الحاضرة ودواماتها العديدة التي جرفتنا وتياراتها التي اغرقتنا ! وأخذتنا وتأخذنا كل يوم أبعد وأبعد في متاهات لانهاية لها ولانعرف لها أول من آخر , وياساتر !! لماذا نتزلف ونتملق ؟ لماذا نتقنع نقول مالانفعل ونفعل مالانقول ! والكثير منا فقد المصداقية مع نفسه ومع الآخرين .. فقدنا حلاوة التعبير .. نظهر مالانحس ونخدع وننخدع ؟ ومن أجل ماذا ؟ من أجل المكاسب والاهداف والمصالح الخ .. التي تفرضها هموم ومتطلبات حياتنا العصرية الجامدة والتي أصبحت تعقيد في تعقيد صاخبة , مفبركة , سريعة زائفة وفارغة تقريبا ً بكل المقاييس !! في الختام نقول لاندري هل أننا تدفع ثمن تحضرنا ؟ أم ثمن طمعنا وجشعنا ؟ أم هي عقوبة لنا لأستهتارنا وتنكرنا لمعاني الحياة نفسها وحكمة خالقها وواهبهاولكننا سنقول دائما ً رحم الله أيام زمان .
3 / 12 / 2009 / تركيا
Post: #248 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: جمال الباقر Date: 07-27-2010, 09:56 AM Parent: #247
فيصل يدوب شفت سؤالك معقولة بس المشلعيب يا عمك
Post: #249 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-27-2010, 02:21 PM Parent: #248
Ahmed Syd Ahmed MohmdJuly 27, 2010 at 10:48pm Tárgy: داير اشارك معاك في بوست الذكريات مومكن؟ سلام عليكم يا استاذ فيصل انا الكلاكلة سيد الصور الانت نزلت جزء منها في سودانيزاونلاين وانا مغرم جدا جدا بالذكريات القديمه دي والله وفتحت ي سودان فورم كم بوست عنها وانتو شايفكم جبتو القصايد القديمه وكتب المناهج ودعايات زمان من بوستينا داك فانا لمزيد من التفاصيل بديك تاني كم عنوان بوست بتاعات ذكريات يمكن يثروا الموضوع بهناك وح اديك رسالة امانة تنزلها لي في بوست ناسنا بتاع محمد المرتضى حامد ويلا هاك العناويين 1-لبان سندباد بسكويت كرم لبن ديرى لاند وبطانه حلاوه دربس حلاوه حربه -سلع منقرضه تلقاهو هنا http://www.facebook.com/l/08cc11WmlCtiG_RyVFaXqxLv0Eg;w...owthread.php?t=49254
بالمناسبة الكتب النصوص بتاعة الدعايات دي من ذاكرتو هو الاخ المسمي نفسو "انا مسلم" وفعلا ابدع فيها فدي ما اظن دير التلفزيون ذاتو يكون متذكره
بالمناسبة نحنا جيل منتصف السبعينات لكن برضو لحقنا الزمن الجميل ولك تحياتي وارجوك تقبلني صديق ليك في الفيسبوك هنا اصلا كلنا برابره رطانه انا من القولد والصديق دا جدي عدييييل
Post: #250 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-27-2010, 09:28 PM Parent: #249
Quote: يا الهي يا الهي يا مجيب الدعوات
اجعل اليوم سعيدا وكثير الباركات
واعني في دروسي واداء الواجبات
وانر قلبي وعقلي بالعلوم النافعات
واجعل التوفيق حظي ونصيب في الحاة
يا الهي يا الهي واستجب كل صلاتي
لي قطة صغيرة سميتها سميرة تنام في الليل معي وتلعب بأصابعي ** بشعرها الجميل وذيلها الطويل لأنني أحبها ولا أريد ضربها
Quote: برز الثعلب يـوما - - فـي ثيـاب الـواعـظينا ومشى في الأرض يهدي - -و يسـب الماكـرينـــــــا ويقـول الحمد للـه - - إلـــــه العالميــنـا يا عباد الله تـوبوا - - فهو كهف التــــائبـيـنا واطلبوا الديك يؤذن - - لصلاة الصبح فينا فأتى الديك رسول - - من إمام الماكرينـــا عرض الأمر عليه - - وهو يرجو أن يلينا قال قم يا ديك أذن-- لصلاة الصبح فينا فأجابه الديك عذرا - - يا أضل المهتدينا مخطئ من ظن يوما - - أن للثعلب دينا
عزيزى وقريبى Ahmed Syd Ahmed Mohmd
ما تتصور انا فرحان بيك قدر شنو وشكرا على الروابط البتساعد على التوثيق ومتوقع زيارتك فى بوست وادى حلفا وخليك معانا وياريت تجينا فى سودانيزاونلاين عدييييييل كده مره تانيه مرحب وواصل معانا
Post: #251 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-28-2010, 12:06 PM Parent: #250
Post: #252 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-28-2010, 12:45 PM Parent: #251
Aaja Aaja Main Hoon Pyar Tera song - Teesri Manzil
Post: #253 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-29-2010, 12:05 PM Parent: #252
Quote: فيصل يدوب شفت سؤالك معقولة بس المشلعيب يا عمك
عزيزنا فيصل الباقر
وكت عرفته داك تعال اشرب روب من السعن ده
Post: #254 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-30-2010, 00:58 AM Parent: #253
Post: #255 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-30-2010, 05:08 PM Parent: #254
دي مساهمة اخونا احمد سيداحمد محمد وحصل انو جبنا من بوسته في منتدى مجاور عدة صور فله الشكر و نتمنى ان نراه عضواَ في سودانيزونلاين قريباَ
Post: #256 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-30-2010, 05:15 PM Parent: #255
عندي كنز عظيم من اعظم كنوز ناسكم سلام يا استاذ فيصل
مجلة عظيمة القدر جليلة الفائدة
شكلت ثقافة الكثير من ناسكم
اسمها المختار من ريدرز دايجست
اكيد بتعرفها
المهم انا عندي مجموعة اعدادها الكاملة
انا عرفتها بالصدفة وزي ما قلت ليك اصلي مغرم بالحاجات القديمه وبمشي كتير البوسته امدرمان افتش الكتب والمجلات القديمه....بالصدفة لقيت المختار دي وكنت قريت عنها في النت....كانو ستة اعداد فقط الـــ لقيتهم في البوستة....ولمن لقيتها بهذا القدر من الجال بحثت مرة اخرى عنها في النت فوجدت احد الاخوة المصريين يتاجر في القديم من الاصدارات واشتريت منه كل المجموعة وهي تقريبا 300 عدد....بدت سنة 1943 ووقفت سنة 1993
لكن وقفت في الاعوام 47 و56 و67 بسبب حروب فلسطين لكنها كانت تعاود الصدور.....المهم كل الصدر منها تقريبا عندي....وانا اكتر شي عجبني فيها الحكم والطرايف البتكون في اسفل الصفحات بتاعتها....واكتشفت انو مجلة العربي كانت بتسرق الحاجات دي منها لانو عندهم نفس الحكم والطرايف دي بتكون في اسفل الصفحات.....وبالمناسبة العربي برضو عندي منها اعداد كتيرة من الستينات والسبعينات والخمسينات....والعدد النزلتوهو في بوستيك داك الفيهو لاعبات السلة ما عندي لكن عندي كم عدد قديم زيو برضو فيهم صور واستطلاعات عن السودان.....لكن الا ارجع السودان حتى اقدر انزل الصور الفيهم....المهم في الموضوع انا قلت يازول وت انا بستمتع بقراءة الحكم والطرايف دي ما بالمرة كمان استفيد منها مادياً واعملها في شكل كتاب اربح منو واكون ضربت عصفورين بحجر واحد.....لكن للاسف لقيت انو سبقوني على الفكرة كمية ففي مكتبة العبيكان بالسعودية لقيت عدة كتب جامعين فيها طرايف مجلة المختار دي....وانا طبعا جمعت برضو منها كمية وكل زول حسب ذوقو وحارسليك هسي جزء منها كنموذج.....والباقي بجيك في السكة....وان اء الله يكون دا اول بوست لي في سودانيزاونلاين بعد نيل العضوية.....وانا كذلك ملخص منها عدة مواضيع مفيدة جدا برضو برسليك نماذج منهم......وتحياتي اسف للاطالة عليك
Post: #257 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: حيدر امين Date: 07-30-2010, 10:06 PM Parent: #256
فيصل خليل رايحه لى اعداد من محلة الاذاعة والتلفزيون والمسرح ومجلة الرياضة ,, ايام طلعت فريد ما تشوف لبنا نسخ منها بالله
Post: #258 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-31-2010, 12:56 PM Parent: #257
Quote: .....لكن الا ارجع السودان حتى اقدر انزل الصور الفيهم....المهم في الموضوع انا قلت يازول وت انا بستمتع بقراءة الحكم والطرايف دي ما بالمرة كمان استفيد منها مادياً واعملها في شكل كتاب اربح منو واكون ضربت عصفورين بحجر واحد.....لكن للاسف لقيت انو سبقوني على الفكرة كمية ففي مكتبة العبيكان بالسعودية لقيت عدة كتب جامعين فيها طرايف مجلة المختار دي....وانا طبعا جمعت برضو منها كمية وكل زول حسب ذوقو وحارسليك هسي جزء منها كنموذج.....والباقي بجيك في السكة....وان اء الله يكون دا اول بوست لي في سودانيزاونلاين بعد نيل العضوية.....وانا كذلك ملخص منها عدة مواضيع مفيدة جدا برضو برسليك نماذج منهم......وتحياتي اسف للاطالة عليك
عزيزى فيصل .... سلامات
ماكتبه الاخ احمد سبد احمد محمد يعود بنا لما كانت عليه المكتبات فى السودان وهى تزخر بالكتب والمجلات وهى عباره عن خلاصه الفكر الانسانى العالمى وتباع بأرخص الاسعار ونذكر على سبيل المثال لاالحصر:ـ روايات عالميه روايات الجيب روايات الهلال (ما عندها علاقه بنادى الهلال) مجلة الآداب هذا غير الترجمه للادب العالمى مثل:ـ الحرب والسلام.... لتولسيتوى الام.... لمكسيم جوركى مؤلفات اجاثا كرستى مؤلفات ارنست همنجواى
وغيرهم وغيرهم اما مجلة ريدرز دايجست فقد كانت تباع بالنسخه العربيه والانجليزيه وهذه صوره للنسخه الانجليزيه
Post: #259 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 07-31-2010, 01:49 PM Parent: #258
Quote:
فيصل خليل رايحه لى اعداد من محلة الاذاعة والتلفزيون والمسرح ومجلة الرياضة ,, ايام طلعت فريد ما تشوف لبنا نسخ منها بالله
عزيزى فيصل...... مسكاقنا
وايضا حملتنا مداخلة الاخ حيدر امين الى ذلك الزمن الجميل لعصر مجلة (هنا ام درمان) وهو الاسم الاول لها وكان يرأس تحريرها المرحوم المبارك ابراهيم والذى كان يقدم برنامج (من حقيبة الفن) بأسلوب متفرد وجميل وكان معه المرحوم عثمان الحويج وهو بالمناسبه يمثل الفرده الثالثة لثلاثى العاصمه وبعد وفاته تغير الاسم الى ثنائى العاصمه وبعد ذلك وعند ظهور التلفزيزن تغير اسمها الى ( الاذاعه والتلفزيون)واصبح رئيس تحريرها حسان سعد الدين ويحرر صفحة التلفزيون عبد القبوم خضر واخيرا تغير الى (الاذاعه والتلفزيزن والمسرح) وللاسف لايوجد توثيق مصور عن هذه المجله ولكن نقل عزيزنا خالد العبيد صوره للمجله بعد التغيير الاخير وليسمح لنا بنقلها الى هذا البوست
عمك كمال
مع الموده والتقدير
Post: #260 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-01-2010, 09:08 AM Parent: #259
Post: #261 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-01-2010, 10:10 PM Parent: #260
Post: #262 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-01-2010, 10:33 PM Parent: #199
شو فوا الزول دا بصوط الطنبور دا كيف ابو الزفت ذاتو
Post: #263 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-02-2010, 07:32 AM Parent: #262
Ahmed Syd Ahmed MohmdAugust 1, 2010 at 9:08am Tárgy: نماذج من حكم وطرائف مجلة المختار سلام يا استاذ وشكرا للنشر بهناك واليك النماذج
هناك خبرة ثمينة يجهلها الاغنياء,وهي المتعة التي يستمدها المرء من دفع القسط الاخير.
قال صديق لصديقه:"لقد علمت بانك تجادلت مع زوجتك.فكيف انتهى الامر؟". -لقد جاءتني زحفا على يديها وركبتيها. - الي هذا الحد؟وماذا قالت؟- قالت:كن رجلا واخرج من تحت السرير.
رقّق كلماتك فيسهل عليك امرها اذا ما شئت ان تبتلعها في ما بعد.
الزواج اشبه بصندوق تروس السيارة الثلاثي السرعة:العاطفة والصداقة والحب,ليس من الحكمة ان تتحطم علبة تروسك بسبب عدم تدرجك في تغيير نمط السرعة,اي ان تقفز فورا الي درجة الحب.فلا بد لك ان تاخذ الامور بتؤدة ورفق من الاول الى الاخر.فاساس الحب هو التقدير والاحترام وذلك ما يتعلمه المرء من خلال العاطفة والصداقة.
لا يمكن ان تحصل على كل شيء,اذ لن تجد مكانا تضعه فيه.
لم يبتدع احد حتى الان اختباراً للذكاء يعادل خبرة الزواج
شعر مسروق: جاء في باب "الطرائف" في احدى الصحف: "اليوم سُرقت ثلاثة اطنان من الشعر مخصصة لصنع الشعر المستعار.وتمشّط الشرطة المنطقة بحثا عنها
ليس هناك قناع يمكنه ستر الحب او اظهار وجوده حيث لا وجود له.
الزواج دون خصام لا يمكن تصوره,تماما كالدولة من دون ازمات.
يولد كل منا وقبضتا يداه مغلقتان وجاهزتان للعدوان والاستيلاء.لكن اذ نغادر الحياة,تكون ايدينا منبسطة الاكف,لانه لم يعد على الارض ما نحتاج اليه او نستطيع اخذه معنا.
في استطاعة موظف الحكومة ان يكون زوجا مثاليا:فهو يعود الى البيت غير متعب ويكون قد قرأ الصحيفة في المكتب.
اذا كان من الخطأ ان تظن نفسك عاجزاً عن اي امر,فمن الخطأ كذلك ظنك ان هناك امراً خطيراً لايمكن لسواك تحقيقه.فالحماقة الثانية تفترض ان الله تعالى استنفد طاقته عندما خلقك.اما الحماقة الاولى فتفترض ان الله تعالى ارتكب زلة كبيرة اذ خلقك.
مهما بلغ تعلقنا بمن نحب,فهناك اوقات نرتاح كثيراً لغيابهم.
اذا كنت تطالع كتب الصحة فاحرص على الا تقع ضحية خطأ مطبعي.
اذا تذكرنا ان كل مهنة يلزمها الكثير من الاستعداد النظري و العملي,ادركنا كم تعاني مهنة الابوة والامومة من اهمال.فمعظمنا يقدم عليها بخفة,في حين انها اخطر عمل يمكن ان يؤديه الانسان.
عندما يدرك المرء ان والديه كانا على حق,يبدأ اولاده يقولون عنه انه مخطيء.
تذكر دائما ان المال ليس كل شيء.ولكن-في الوقت نفسه-تذكر ان عليك جمع الكثير من المال قبل الــتفوه بهذه الحماقات.
افكار القمله الاولية عن الخلود تأتيها وهي على عنق زرافة.
كل ثورة ناجحة تلبس-مع الوقت-رداء الطاغية الذي خلعت.
عندما تغدو المتعة عملنا اليومي,لا تعود متعة.
اذا اجزنا لغيرنا ما نجيزه لانفسنا,اصبحت الحياة لاتطاق.
ثمة متعةيجدها المكفوفيين في القراءة بطريقة "برايل"لايعرفها المبصرون على الاطلاق.هذه المتعة يستمدها الكفيف من لمسه الكلام ومن لمس الكلام اياه.
الكُتّاب مجموعة غريبة من البشر تحقق السعادة لنفسها ولقراءها عن طريق وصف التعاسة.
السعادة هي كل انواع التعاسة البعيدة عنا.
نزل المليونير الامريكي روكفلر في احد الفنادق واختار ارخص غرفة...فقال له المسؤول:"ان ابنك حين يأتي هنا يستأجر اغلى الاجنحة "فقال المليونير:"ان ابني اباهُ هو المليونير روكفلر ولكن من هو ابي انا؟
يُحكى ان طفلاً حاول مراراً ان يلفت انتباه ابيه الى خدش في اصبعه واخيرا توقف الوالد عن قراءة الصحيفة وقال له بنفاد صبر"لايمكنني فعل اي شيء,فهل تظن غير ذلك؟"فأجاب الصغير:"نعم يا بابا!يكفي ان تقول انك متأثر.
ليس للصغار ان يفهمونا,ولكن علينا نحن ان نفهمهم,اذ لا يمكنهم وضع انفسهم مكاننا,فيما يمكننا نحن ان نتذكر مكاناً كنا فيه.
كثير من المتشاءمين اصبحوا كذلك لانهم قاموا بتمويل أُناس متفاءلين.
بلغ الرجل اواسط العمر من دون ان يحقق الكثير في حياته.وعلى رغم ذلك,فقد ظل يفاخر اباه الجنرال المتقاعد بقوله:"إنّ ولدي افضل من ولدك",ويفاخر ابنه الطبيب بقوله:"إنّ ابي افضل من ابيك".
لا تحرِّر جملاً من حمله,لانك بهذا قد تعفيه من كونه جملاً.
لا معنى للشجاعة بغير الخطر، ولا معنى للكرم بغير الحاجة، ولا معنى للصبر بغير الشدة، ولا معنى لفضيلة من الفضائل بغير نقيصة تقابلها وترجح عليها....العقاد
التسويات تمنحك مظلة واقيه ,لكنها لا ترفع سقفا متينا فوق راسك
حين يتضاءل المفهوم المتضخم للــ"الحب الرومانسي"تتضاءل نسبة الطلاق.وقديما قيل:الحب أمر مثالي,اما الزواج فأمر واقعي.وخلط الواقعي بالمثالي لا بد ان تكون عواقبه وخيمة
ما جمعته يصل الى سبعمائة من هذه
وهذا اول الغيث
Ahmed Syd Ahmed Mohmd
Post: #264 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-02-2010, 11:50 AM Parent: #263
Quote: وهذا اول الغيث
Ahmed Syd Ahmed Mohmd
عزيزنا Ahmed Syd Ahmed Mohm
الشكر ليك وانته مواصل فى اثراء البوست وتعال شوف الصوره دى للملكه اليزابث عند زيارتها للسودان عام 1967 ويجلس على يسارها المرحوم الدكتور التجانى الماحى والمرحوم مبارك شداد اعضاء مجلس السياده ومن الحاجات المهمه التى حدثت هى قذف موكبها بالبيض تنديدا بالزياره
Post: #265 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-02-2010, 09:53 PM Parent: #264
فرقة شرحبيل احمد فى منتصف الستينات من القرن الماضى ويظهر فى الصورة كامل حسين (الطو ساكس) احمد داؤود (درمز) ذكية ابو القاسم (جيتار) مهدى على (باص جيتار)
Post: #266 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-02-2010, 10:35 PM Parent: #265
من شعراء ذلك الزمن الجميل الشاعر المصرى المناضل كمال عبد الحليم ومن اشهر اشعارة قصيدة اصرار والتى كانت عنوان لديوانه
اصــرار
أخي هل نحن تحت الأرض أعشابٌ وديدانُ أخي يا أيها الإنسان هل في مصرَ إنسان؟! أراها مسرح الأشباح قد وارته ألوان هي الفلاح والفلاح أسمالُ وأكفان هي العمال والعمال إجهادٌ وحرمان هي المظلوم والمظلوم لا يجديه غفران أرانا نجمع الأشواك ما للشوك ريحان دمانا فوق هذي الكف برهانٌ ونيران وهذا الظلم لا يرضاه إنجيل وقرآن أخي ما الصبر؟ إن الصبر كفران وخذلان ولكن يكسح الأوشابَ والأدران طوفان أخي ما نحن بالأحرار لكن نحن عِبدان لقد ضاقت بنا الأوطان ما للعبد أوطان ونار الظلم في القضبان في الأكواخ نيران أخي ما السجن؟ هل في السجن تعذيب وحرمان؟ وهل يجدي مع الأحرار قضبان وسجان؟! سوانا يرهب القضبان أو تثنيه جدران إذا كنا شرارات - فنحن اليوم بركان
Post: #267 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-03-2010, 10:40 AM Parent: #266
29-Oct-09, 12:35 #2 alklaklah
Post: #268 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-03-2010, 10:55 PM Parent: #267
Post: #269 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-09-2010, 10:25 PM Parent: #268
Post: #270 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: خالد العبيد Date: 08-10-2010, 01:22 AM Parent: #269
حبيبنا فيصل تحياتي يا صاحب متابعك يا حبيب عايز اجيك من زاوية تانية لانو شايف البوست ماشي للصفحة الرابعة مافي واحد فيكم جا قال :ـ
ـ ما شركت للطير في الكوشة الجنب البيت ! ـ ما قبضت الجراد في علبة صلصة ـ ولا ربطت كدندار في خيط وجريت بيهو في الخلا !! ـ ما باريت عربية كتال الكلاب في الحلة !! عارف في حلتنا كان في كتال كلاب مشلخ شايقي ضربتو اصلها ما بتجلي .. وهاك يا صفيق كل ما يكتل ليه ###### ـ ما جنبكم ضريح شيخ مشيت بحت الزوارة ـ ما سرحت ومسحت شعرك بي دهان وشقيتو ومشيت الحفلة وعامل ما شايف بت الجيران ـ في حصة الحساب ما شدوك اربعة من ورا .. وخبتوك سبعة حارات بي الخرطوش الاسود ده في حصة تسميع جداول الضرب او الامتحان الشهري ـ ما استلفت مجلة سمر من بت الجيران وختيت علامة في صفحة من الصفحات !!
وبرجع ليك تاني !!
Post: #271 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-10-2010, 11:14 AM Parent: #270
Quote: حبيبنا فيصل تحياتي يا صاحب متابعك يا حبيب عايز اجيك من زاوية تانية لانو شايف البوست ماشي للصفحة الرابعة مافي واحد فيكم جا قال :ـ
ـ ما شركت للطير في الكوشة الجنب البيت ! ـ ما قبضت الجراد في علبة صلصة ـ ولا ربطت كدندار في خيط وجريت بيهو في الخلا !! ـ ما باريت عربية كتال الكلاب في الحلة !! عارف في حلتنا كان في كتال كلاب مشلخ شايقي ضربتو اصلها ما بتجلي .. وهاك يا صفيق كل ما يكتل ليه ###### ـ ما جنبكم ضريح شيخ مشيت بحت الزوارة ـ ما سرحت ومسحت شعرك بي دهان وشقيتو ومشيت الحفلة وعامل ما شايف بت الجيران ـ في حصة الحساب ما شدوك اربعة من ورا .. وخبتوك سبعة حارات بي الخرطوش الاسود ده في حصة تسميع جداول الضرب او الامتحان الشهري ـ ما استلفت مجلة سمر من بت الجيران وختيت علامة في صفحة من الصفحات !!
وبرجع ليك تاني !!
عزيزنا الغالى خالد
شرفتنا بالمرور الجميل وماتنسى دى كمان:ـ
شليل وينو ... اكلو الدودو ...
شليل وين راح ... اكلو التمساح ...
وكمان لعبة كم فى الخط
ودى يا سيدى مجلة سمر
Post: #272 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ombadda Date: 08-10-2010, 02:19 PM Parent: #271
مسلسل الكارتون (الليث الأبيض) فى الثمانينات:
---- المسلسل الأجنبى (رجل ال 6 مليون دولار، الرجل الخارق، ستيف اوستين)..أيضا فى بداية الثمانينات وبسبب هذا المسلسل كُسرت أيادى وأرجل بسبب محاولة تقليد الأطفال لبطل المسلسل.
Post: #273 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: ombadda Date: 08-10-2010, 02:40 PM Parent: #272
لولو الصغيرة وصديقها اللدود نفيخة... اعتقد ان تسمية (نفيخة) للشخص السمين جاءت بسبب شخصية (نفيخة) فى هذا المسلسل..
Post: #274 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-10-2010, 08:06 PM Parent: #273
Quote: لولو الصغيرة وصديقها اللدود نفيخة... اعتقد ان تسمية (نفيخة) للشخص السمين جاءت بسبب شخصية (نفيخة) فى هذا المسلسل..
عزيزنا ombadda
شكرا على المداخله الراقيه
و رمضان كريم
Post: #275 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-13-2010, 09:40 PM Parent: #274
ومن شعراء الزمن الجميل المرحوم جيلى عبد الرحمن
Quote: "ولد الشاعرجيلي عبد الرحمن بجزيرة صاي في النوبةعام 1931 وسافر الى مصر صغيرا حيث كان يعمل والده ، والتحق بالأزهر . نشر جيلي أولى قصائده ومقالاته في جريدة " المصري" القاهرية في أوائل الخمسينات من القرن الماضي. عمل بمجلة "روز اليوسف" وفي جريدتي "المساء" و"الجمهورية" ثم جريدة "الشعب". سافر للإتحاد السوفيتي عام 1961 ودرس بمعهد جوركي للآداب بموسكو حيث حصل على الماجستير في الآداب، ثم على الدكتوراه في الآداب من معهد الاستشراق التابع لأكاديمية العلوم السوفيتية في موسكو. تزوج زميلته( ميلا ملاحات) وهي مسلمة من أذربيجان وأنجب منها بنتين هما (رنا وريم). عمل محررا بجريدة أنباء موسكو (1969)ومراجعا بدار التقدم للنشر بموسكو(1975) حيث صدرت
ومن اشهر قصائده تلك التى كتبها لمسقط رأسه..عبرى
[B]احن اليك يا عبري حنيناً ماج في صدري
واذكر عهدك البسّام عهد الظل في عمرى
تطوف بخاطر الذكرى من الاعماق من غوري
عليه غلالة سوداء ذابت في رؤى الفجر
انا ظمآن يا عبري الى الأمواج والطير
الى كثبانك الغرقى هناك بحافة النهر
يذهبها سنا الشمس باكوام من التبر
ونبني كوخنا المختار بالطين وبالصخر
فمأدبة بلا خبز وزيجات بلا مهر
وساقية مرنحة تجرجرها قوى الثور
تدلت اذنه تعبا من الانهاك والسير
تغيم بعينه الدنيا ويعلن ذله الفقر
وتجثم خلفها الأخرى وتشكو قسوة الهجر
اجل قد ماتت الابقار والمحصول لا يغري
Post: #276 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 08-14-2010, 11:48 PM Parent: #275
Post: #277 Title: Re: لجميع الأشخاص الذين ولدو وعاشوا في أعوام 1950، 60، 70 وحتى الـ 80 Author: فيصل محمد خليل Date: 09-27-2010, 08:46 PM Parent: #276
