Post: #1 Title: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:06 PM
Post: #2 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:07 PM Parent: #1
Post: #3 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:09 PM Parent: #2
Quote: تاريخ التسجيل: 16-06-2007 مجموع المشاركات: 6229
البوست دا بالتوقيت المحلى ..يعنى اليوم 16/06/2010
Post: #4 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:11 PM Parent: #3
اربعة سنوات من الفوضى الاسفيرية,,,,,,,,,,,,, تمهيد.. الحروب العالمية ( الاولى ...الثانية) وكوارثها غير الانسانية اصابت العالم وقتها فى مقتل و خلفت كم هائل من الدمار البشرى والمادى ... الدمار البشرى والمادى نتجت عنه حالة من الاحباط والحزن والقلق تجاه هذا الكون مما جعل الانسان الاوربى يحس بالفوضى وعدم جدوى الحياة واصبح يعيد التفكير بمسلمات الحياة
ايضاالحروب الاهلية تفتك بحقوق الانسان وبكامل وجوده والمشاهد المأسوية تسقط على العلاقات الانسانية وتهيمن على ذاكرة الافراد ومن ثم الشعوب..... وفى خضم تلك الكوارث تجلت عبثية الحياة وعدم معقوليتها بالنسبة للكتاب والمسرحيين فى القرن العشرين
Post: #5 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:13 PM Parent: #4
المشهد السودانى الان لا يختلف كثيرا عن المشهد الاوربى فى القرن العشرين (حسب اعتقادى) .. مشهد ملئ بالحروب ..القتل ..الدمار ..الاستباحة ..المطاردة ..السجن ... الاعتقال..التشريد ...الفصل .. النزوح القسرى وانتهاك حقوق الانسان فى ابشع صورة ... الانسان السودانى الان ايضا فى حيرة من امره .. والاسئلة مستمرة الى متى ؟ وكيف الخلاص من هذا الكابوس ؟
(بسبب الحروب والدمار تتحول الحياة الى سخف وعبث )
صموئيل بيكيت.....
Post: #6 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:18 PM Parent: #5
مسرح العبث او الامعقول .......
يتميز مسرح العبث بانه نتاج ظروف سياسية وعالمية كبرى والعبثيون هم مجموعة من الشباب الذين تاثرو بنتائج الحروب العالمية وسلمو بان النتائج التى نتجت عن تلك الحروب هى سلبية ... فثارو على الشكل القديم للمدرسة التقليدية التى ارسي قواعدها ارسطو فتنكرو للعناصر التقليدية للمسرحية(الزمان .المكان ....الحدث).
اللغة فى مسرح العبث غالبا ما تكون فى اخر اهتمامات المخرج وهى اقل اهمية من الحدث .....
البوست لايتحدث عن مسرح العبث كمسرح او كتجربة نريد مناقشتتها بقدر ماهى محاولة للاستفادة منه فى بعض الطرح الموجود بهذا البوست ...
Post: #7 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:18 PM Parent: #6
حال كتاب مسرح العبث هم حال لسان السودان الان وتجربته(حسب وجهة نظرى) ....... وسودانيز اون لاين الان*
هى مشهد عبثى مفتوح للاخر فقط يحتاج لمخرجيين وكتاب يتناولون هذه التجربة بعيدا عن الشخصى الضيق ....
_________________________________ دا اذا اخدنا مقولة ان سودانيز اون لاين هى سودان مصغر ..
Post: #8 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:21 PM Parent: #7
اعتقد ان هناك مدرسة اسفيرية عبثية وهنالك نموج لكتاب يحملون سمات كتاب مسرح العبث او لامعقول ..
بهذا المكان
سناتى للنماّذج لاحقا ...
Post: #12 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:27 PM Parent: #8
بكرى ابوكر ,,,,,,,سيد الحوش .....
باصوريدينى دا طبعا من اليد لليد ياجماعة اخدتو وقتها كنت ولا زلت من بورداب الخرطوم الاعزاء... (نادية السر ..عصام عبدالحفيظ ..عمرو كمال ... انعام حيمورة ....انعام حفيظ ,,ريهان ...ماسا) وكان فى اجتماع من اجتماعات حملة وليد دارفور 2007 بمكتب بكرى ابوبكر وحتى وبوست الترحيب اتفتح من مكتب بكرى زاااااااااااااتو ...
شكرا بكرى ابوبكر منتحتنا هذا الفضاء لنمارس انسانيتنا فى كثير من الاحيان واستحملت الكثير من ترهاتنا وتصديت للكثير من الاذى نيابة عننا ....اغلبنا يعرف ذلك بصورة او باخرى ...
شكرا يابكرى منحتنى اصدقاء واخوة/ت فى هذا المكان اعتز بمعرفتهم وبصحبتهم ما حييت ....
احبكم اصدقائى ....
Post: #9 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: willeim andrea Date: 06-15-2010, 10:24 PM Parent: #7
الله يستر علي الجميع ويكضب الشينه ويستر علينا من المجهول :(
Post: #33 Title: 3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-16-2010, 08:22 PM Parent: #9
وليم اندرية ,,,,,سلاااااااااام
المجهول هو ما نعيشه الان ,,,
السؤال الى متى يستمر هذا الحال ؟؟
ولمتين تظل نفس الاسئلة ملاحقانا
اسئلة الوطن والبديل ....المسلم والكافر ..... الحلال والحرام
الصح والخطاء ,,,الخ
اسئلة لا نجد لها اجابة ...
يبقى نحن الان فى نص المجهول ومعمعتو
Post: #10 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: معتصم ود الجمام Date: 06-15-2010, 10:25 PM Parent: #5
مسرح x مسرح ... والحياة الأن يحكمها العبث اميرة صديقتي ... تحياتي ومزيدا من الفوضى ..
بذرة الاسئلة الحقيقة تلك التى غرسها المسرح واستاذة اجلاء مهمومين بقضايا الانسان والبشرية تخالهم انبياء من شدة نقاءهم (الرشيد ..قرنى...يحيى فضل الله قاسم ابوزيد ..حفيظ .)لهم التحية والمحبة اينما وجدو .. ندين لهم بكل ما هو ايجابى تعلمناهو فى هذه الحياة ناهيك عن المسرح ....
لكم ان تتخيلو سادتى كل هؤلا الاستاذة تمت احالتهم الى مايسمى بالصالح العام.....
لحدى اللحظة دى ماقادرة افهم شنو الصالح العام المقصود؟
زول ممكن يفهمنى ؟
تحياتى يامعتصم
Post: #11 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: مرتضى احمد عبد القادر Date: 06-15-2010, 10:26 PM Parent: #4
Quote: وفى خضم تلك الكوارث تجلت عبثية الحياة وعدم معقوليتها بالنسبة للكتاب والمسرحيين فى القرن العشرين
آثار اللقاء مع السيد الصادق واضحه في كلماتك وتجلت في كلمة خضم دي أسي في خضم الأحتفالية بشمعتك الرابعه من الفوضى الأسفريه عايز اقولك ليك فوضى بريئه وصادقه وجميله وربنا ما يحرمنا من فوضتك
فوضى وقراية روضه مثل خضمي .. مشتاقين يا لقطة
Post: #13 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-15-2010, 10:32 PM Parent: #11
3 سناوت بالتمام والكمال ببرطع فى حوش بكرى لا قلت ياربى لى كم سنة ؟ ولا قلت اشوف عدد مداخلاتى دا ... شابكة ليك البرالمة فى بوستات الترحيب اهلين ياشباب كولنا برالمة ...كلوونا برالمة لما شفت الحكاية دى كترت شديد قلت يابت راجعى بروفايلك ....فجاتن اكتشفت ليك تارينى قديمة خلااس وماجايبة خبر
الغريبة بعد 3 سنوات ما مصنفين من ناس الزمن الجميل ؟؟ واسى بقينا ما برالمة ...اها الحل شنو؟؟
زمن جميل فى السودان ماحضرنا ....زمن جميل فى سودانيز اون لاين مالحقنا .....
دى حالة شنو دى ونقعد لايصين كدا لمتين ..؟؟
هو العبث دا كيفن ؟؟
Post: #14 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: الصادق عوض Date: 06-16-2010, 05:13 AM Parent: #13
4 years of visible footprints ....
happy allela woob-versary my friend :)
Post: #15 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: osman righeem Date: 06-16-2010, 05:38 AM Parent: #14
Quote: الغريبة بعد الاربعة سنوات ما مصنفين من ناس الزمن الجميل ؟؟ واسى بقينا ما برالمة ...اها الحل شنو؟؟
كل سنة وانت يخير
و مزيدا من مسرح المعقول واللا معقول
عموما علي قول ود بوب انك السنة دي عملتي نقلة نوعية
Post: #17 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: ABUHUSSEIN Date: 06-16-2010, 05:48 AM Parent: #15
الله إديك العافية و الصحة
و عقبال 100 سنة
Post: #58 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-19-2010, 08:37 PM Parent: #17
ابوحسين من سنة 2002?
داخل مسكين كدا ليه وانت زعيم الفوضى هنا,,
تسلم يازول
Post: #57 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-19-2010, 08:35 PM Parent: #15
روغيم ياعمك,,,,
مافى نقلة نوعية فى شوية هضربةوهلاوس بصرية,,
تسلم
Post: #16 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: تيسير عووضة Date: 06-16-2010, 05:44 AM Parent: #14
أميرة الشيخ من أجمل وأنقى الناس الممكن الزول يعرفهم في المكان دا كل سنة إسفيرية وإنتي طيبة سعيدة بيك وبي فضاء بكري الجمعنا بيك وعلى قول عمر الفاروق رب صدفة لم تلده أمك
ـــــــــ جابت ليها كمان مسرح عبث! التفاهم معاك بقى صعب شديد الأيام دي
Post: #18 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: محمد سنى دفع الله Date: 06-16-2010, 05:51 AM Parent: #16
فنحلق نحو الفضاء الحر مثل النوارس للحرية
Post: #60 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-19-2010, 08:49 PM Parent: #18
محمد السنى يافنان,,,,
خيالنا دا هو اجنحة التحليق والسفر فقط فليكن
معافى من كل سؤ,,,,,,
Post: #19 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: هواري نمر Date: 06-16-2010, 05:56 AM Parent: #16
Quote: اربعة سنوات من الفوضى الاسفيرية,,,,,,,,,,,,,
يعني آنا اكبر منك هنا باربعة شهور,بس آعملي حسابك من الهكر يمين ترجعي سنة روضة تاني,ويعربوكِ كمان زي ما حصل لي آنا,اصلو التعريب لاحقنا لاحقنا بلد كامل عربوه,ما يعربونا هنا كمان!!
_ كل اربعة سنوات وانت آميرة
Post: #20 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: هواري نمر Date: 06-16-2010, 06:00 AM Parent: #19
اربعة سنين عاشهم الحب الليلة عيد ميلاده يا قلـب
Post: #21 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: محمد سنى دفع الله Date: 06-16-2010, 06:49 AM Parent: #20
من اهم سمات مسرح العبث الحــوار ودائما ما يكون غامضا مبهما مبتورا لاموضوعي الصمت التكرار لوفرغنا مقالاات وخطب الساسة عندنا المحاكمات الندوات المحاضرات الأحتفالاات السياسية اليوم مــاذا نجد سوى عــــبـــث
Post: #22 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: محمد عبد الماجد الصايم Date: 06-16-2010, 07:08 AM Parent: #21
الزولة دي دايرة تقدم في الـ 4 ثري؟
Post: #23 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: نادر النور آدم Date: 06-16-2010, 07:14 AM Parent: #22
يا عمتكـ
كل أربعة سنوات (مونديالية) وانتي طيبة
وعقبال زيهم وزيهم وزيهم كتيييييييييييير
تحيات
Post: #24 Title: من دلوش الى الرفيقه الروح والقلب مرامر .. العثل .. Author: داليا الكباشى Date: 06-16-2010, 07:23 AM Parent: #23
بالجد انا مما جيت الحته دي وانتي مكرهاني العيشه ! زوله دمك تقيل ومداخلاتك كيف كيف كدا , غايتو انا لو منك ما بجي الحته دي تاني !!
سربرايــــــــــــــز ... سنه حلووووه يا جميله .. سنه حلوووه يا رفيقه .. بالجد يا اميره قالو الشكرو قدامو نبزوهو , عشان كدا قلتا انبزك في الاول واعمل كاميرا خفيه وكدا
والله وما ليكي على حلفان يا رفيقه , انتي من احلى الناس اللي قابلتهم في حياتي , بالجد زوله عثوله وقلبك ابيض , والزول ياخد راحتو معاكي في الكلام كانو بيعرفك ليهو ميه سنه .. انشالله عقبال الاربعميه سنه غصبن عن ابوحسين الحاغد , وغصبن عن البدري ولابورتا (ايمن الطيب دا اصلن مسالم)
كوني بخير دائما يا صديقتي الرفيقه الداده ام عطيات الشهيره بي اميره الشيخ ..
Post: #25 Title: Re: من دلوش الى الرفيقه الروح والقلب مرامر .. العثل .. Author: عفاف الصادق بابكر Date: 06-16-2010, 10:24 AM Parent: #24
كل يوم بشرق ... أميرة أحلى اميرة ..
كل ثانية وانتى تنبضي باحلى كلمات يا راقية ..
كونى بخير قبل وبعد الـ 4 سنوات ..
ومزيدا من التواصل للـ 4000 السنة المقبله ..
Post: #26 Title: Re: من دلوش الى الرفيقه الروح والقلب مرامر .. العثل .. Author: محمد علي شقدي Date: 06-16-2010, 11:30 AM Parent: #25
اني انتخبك اميره لاربعه سنوات اخرى
وقد اطلب تعديل الدستور لتبقى اميره ما بقيتي
Post: #27 Title: Re: من دلوش الى الرفيقه الروح والقلب مرامر .. العثل .. Author: Omar Bob Date: 06-16-2010, 12:47 PM Parent: #26
عشان تأمنو يا ضحوكنجية المنبر لمن نقول ليكم البت دي مستواها ارتفع بالله كدي شوفو الكلام ده
Quote: الحروب العالمية ( الاولى ...الثانية) وكوارثها غير الانسانية اصابت العالم وقتها فى مقتل و خلفت كم هائل من الدمار البشرى والمادى ... الدمار البشرى والمادى نتجت عنه حالة من الاحباط والحزن والقلق تجاه هذا الكون مما جعل الانسان الاوربى يحس بالفوضى وعدم جدوى الحياة واصبح يعيد التفكير بمسلمات الحياة
ايضاالحروب الاهلية تفتك بحقوق الانسان وبكامل وجوده والمشاهد المأسوية تسقط على العلاقات الانسانية وتهيمن على ذاكرة الافراد ومن ثم الشعوب..... وفى خضم تلك الكوارث تجلت عبثية الحياة وعدم معقوليتها بالنسبة للكتاب والمسرحيين فى القرن العشرين
اسع بالله امين الياسمين خال حمور واخو بدري واللي نصبوه " عميق المنبر" من قبل دكتور نزار وكتب فوكو شعر بهذا المعني ثم اتي ابو بكر واكد هذه العماقه* اسه امين هيمفسلف لو قعد ميه سنه يقدر يكتب كلام بريع العماقه دي والله يا ود الصايم الا تشوف ليكم بلد الزوله دي كوشارثية محسن خالد عندها فيها راي بعد ده ______________________________________ * العماقه تصريف لكلمه عميق او كما قال
Post: #35 Title: Re: من دلوش الى الرفيقه الروح والقلب مرامر .. العثل .. Author: محمد خليل ساني Date: 06-16-2010, 08:33 PM Parent: #32
Quote: تاريخ 16 ـ 6 يعني بعد (ثنائية) يوم 10 ب 6 أيام لمن نشيل منها ال 2 بتاعت (القونين) يبقي الباقي (4) وهي عدد سنواتك في المنبر !!!
يعني فى داعي لكلام زي ده يا عبود
أميرتنا كل سنة إسفيرية وإنتي بخير وخليك على فوضتك دي ،،، طبعا إذا كان هناك فوضى محسوسة وعليك الله ورينا الطريقة كيف عشان نمشي فى طريقك على فكرة أنا بعدك بحوالي 9 أشهر تقريبا يعني طلعت من البرلمة زيك كده
Post: #37 Title: Re: من دلوش الى الرفيقه الروح والقلب مرامر .. العثل .. Author: عبد الفتاح زوما Date: 06-16-2010, 08:58 PM Parent: #35
الاميرة بت الامير تعظيم سلام وتحية مداها وصداها على الاتجاهات الاربعة اربعة سنوات مودة وعطاء / نقاء وصفاء امنياتنا لك مزيدا من الصفاء والنقاء والعطاء كل سنوات الاسفير وانت بالف خير
Post: #38 Title: Re: أميرة الشيخ ..حالة إنتظار طويل جدا!!!!!!!!! Author: أيمن الطيب Date: 06-16-2010, 11:15 PM Parent: #37
Quote: المجهول هو ما نعيشه الان ,,, السؤال الى متى يستمر هذا الحال ؟؟ ولمتين تظل نفس الاسئلة ملاحقانا اسئلة الوطن والبديل ....
!!!!!!!!!!!!!!!!!!!!!!
Post: #39 Title: Re: أميرة الشيخ ..حالة إنتظار طويل جدا!!!!!!!!! Author: سالم أحمد سالم Date: 06-16-2010, 11:38 PM Parent: #38
فوضي خلاقة .. أنت
أصدق اللوحات يرسمها الأطفال .. أنت
لذلك قال بيكاسو أمضيت جل عمري حتى أتعلم أرسم مثل الاطفال .. أنت
من الصعب على الأم أن تمحو أثر حبو طلفها .. أنت
كوني كما .. أنت واصلي الخربشة .. فإنها الأصدق .. أنت خذيها مني اربع قرنفلات من ربيع باريس .. يا أنت يا أميره بت الشيخ
تحياتي
Post: #40 Title: Re: أميرة الشيخ ..حالة إنتظار طويل جدا!!!!!!!!! Author: أمين محمد سليمان Date: 06-16-2010, 11:58 PM Parent: #39
كلام غلاد زي ما قال ليك طارق : أقطع راس البدري كان انتي فاهمه في حاجه !!!
--------- غايتو يا ستهم بقيتي تخوفي عديل
Post: #41 Title: Re: أميرة الشيخ ..حالة إنتظار طويل جدا!!!!!!!!! Author: محمد المرتضى حامد Date: 06-17-2010, 00:40 AM Parent: #40
Quote: لحدى اللحظة دى ماقادرة افهم شنو الصالح العام المقصود؟
هو الصالح الخاص يا أميرة، الخاص بالتتار.
Post: #88 Title: Re: أميرة الشيخ ..حالة إنتظار طويل جدا!!!!!!!!! Author: Amira Elsheikh Date: 06-26-2010, 09:02 PM Parent: #41
محمد المرتضى,,,,سلااااااام,,,
كلمة الصالح العام كلمة مستفزة لاقصى درجة.. تعزل الزول من الحياةوتقول دا صالح عام?
كييييف?كييف بس?
Post: #42 Title: Re: أميرة الشيخ ..حالة إنتظار طويل جدا!!!!!!!!! Author: أمين محمد سليمان Date: 06-17-2010, 00:58 AM Parent: #40
Quote: اسع بالله امين الياسمين خال حمور واخو بدري واللي نصبوه " عميق المنبر" من قبل دكتور نزار وكتب فوكو شعر بهذا المعني ثم اتي ابو بكر واكد هذه العماقه* اسه امين هيمفسلف لو قعد ميه سنه يقدر يكتب كلام بريع العماقه دي
يا بوب مافي زول خرب علينا اميره دي غيرك !!! الزوله دي كانت رجرجه و دهماء ما تفرزها من ود القاضي و لابورتا ، جيت ختيت صورتها مع سيد الصادق : افتكرت روحها الشيخه موزه بنت المسند و جات بلتنا البله الشايفها دي !!
Post: #87 Title: Re: أميرة الشيخ ..حالة إنتظار طويل جدا!!!!!!!!! Author: Amira Elsheikh Date: 06-23-2010, 07:54 PM Parent: #40
Post: #86 Title: Re: أميرة الشيخ ..حالة إنتظار طويل جدا!!!!!!!!! Author: Amira Elsheikh Date: 06-22-2010, 09:16 PM Parent: #39
سالم احمد سالم ....سلااااااااااام
صديقتى ريهان الشاذلى مرة اتفتح بوست باسمها هنا فى سودانيز ..
وكان فيهو كثير من الاطرا الجميل التى تسحتقه تلك الريهان بل تستحق اكثر منه ..ليست لانها صديقتى فقط ..ولكنها تستحق ماكتب وماسيكتب عنها ..
رغم قطامتها (مواقفها الواضحة وصريحةوشجاعة) عندها روحه فكاهة واستهبال عجيبة
اول رد ليها على المتداخلين وصاحب البوست قالت انها قاعدة فى كرسى وبتهزز فى رجلينها وحاسة ببعض الغرور وحالة انتشاء من الكلام السمح دا (تقريبا دا مضمون كلامها)وبصورة جميلة وحلوة
اسى انا بكلامك دا بس حالتى زى حالة ريهان صاحبتى وقتها...
شااااااكرة وسعيدة بمرورك من هنا
Post: #85 Title: Re: أميرة الشيخ ..حالة إنتظار طويل جدا!!!!!!!!! Author: Amira Elsheikh Date: 06-22-2010, 08:51 PM Parent: #38
ايمن الطيب ...
انت ادرى منى بالاسئلة ووجعها ..... نعيش غربة مكان وزمان كاملة غير منقوصة .. نفس الهواجس ....نفس المخاوف ...نفس الاسئلة تقريبا
شكرا على كلماتك الجميلة وانت من يزينون هذا المكان بالتسامح والتصالح والاحترام... يعجبنى فيك هذا الفيض المتدفق من المشاعر الانسانية والتى ولاتبخلى على احد بها,,,, فى احلك الموافق تتدفق كلماتك الطيبة بردا وسلاما على الجميع
Post: #64 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-20-2010, 02:55 PM Parent: #23
نادر النور,,,سلاااام,,,
تخيل بعد هجمتكم الاخيرة كبرالمة اكتشفت انى مشروع سنير لم ولن يكتمل والسبب الفوضى دى,,
تسلم يابرلوم
Post: #46 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: GamarBoBa Date: 06-17-2010, 05:25 PM Parent: #22
والله يا أميرة انا جيت خاشي كالعادة أخستك بالبوست واملا المكان فوضي عموما لقيتك ماسكة الموضوع جد وانت بتتكلمي عن العبث فياخي كل سنة وانتي طيبة وعقبال ما يدوكي مكتبة ويسموها مكتبة الليلة ووب ما عايز أخستك .
_ الودا الصادق المهدي الدوحة...انت مسئول من الحاصل ده كلو
Post: #96 Title: Re: 3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-01-2010, 03:21 PM Parent: #46
ياقمر بوبا ياصديقى...
مطالبة بمكتبة ماحتحصل ولو حصلت بكرى بكون غلط معاى ومعاكم,,, يعنى يسميها مكتبة الليلة وووب للفوضوية امــيرة الشيخ? لا مابتجى خالص.. وبعدين هى الخستكة دى شكلها شنو?يعنى اكتر من السويتو دا خستك ياصديقى وفى خستك كثير من الحكم وماورا السطور,,
شاكرة للبوست دا نادى العزابة الاسفيرى ....... الجميلة التمت فيهو ...,,,اتلاقينا هنا والصحبة الياها وليوم الدين ياقمر,,, عشــــرة صفحات بالتمام والكمال ,,,تراوحت بين الجدية والهزل وكانت ممتعة وفى البوست دا تعرفت على اصدقاء مشاكسين ولازال التواصل بيننا مستمر على صفحات المنبر,,
Post: #80 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-22-2010, 03:29 PM Parent: #21
Quote: من اهم سمات مسرح العبث الحــوار ودائما ما يكون غامضا مبهما مبتورا لاموضوعي الصمت التكرار لوفرغنا مقالاات وخطب الساسة عندنا المحاكمات الندوات المحاضرات الأحتفالاات السياسية اليوم مــاذا نجد سوى عــــبـــث
Post: #62 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-20-2010, 12:39 PM Parent: #19
هوارى,,,,
ال3سنوات دى حافلة بشتى انواع الفوضى والعبث الاسفيرى,,,, لم افعل شئ اندم عليه واتمنى ان لا افعل فى قادم السنوات,,,
شكرا لهذا المكان ياهوارى ,,,عارف ليه?
اتمنى ان تكون كل السنوات عامرة بالمحبة والتواصل الجميل سواء فى هذا المكان اوبعيد عنه,,,
صوت ود اللمين جمل البوست,,,شكـــــــرا
Post: #59 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-19-2010, 08:45 PM Parent: #16
ياتيسير معايير عووضة,,سلاااام,,,
التفاهم معاى بقى صعب??
والله انتو بعملة المعايير الاخيرة دى خليتو البورد كلو يطاقش لليلة مافى زول فاهم يبداء كيف ويمعير وين وشنو
وبوستيكم دا العبث يمشى على رجلين رغم اللغة الكتيرة فيهو,,
Post: #43 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: عاطف عمر Date: 06-17-2010, 06:47 AM Parent: #1
تحياتي وسلامات أميرة
جميل هو الوقوف مع النفس ومراجعة الخطى ومعك أتفق أنه في مرات كثيرة ( تخضنا ) الأرقام أو الحقائق التي مررنا بها عابرين في لهاثنا ذاك غير المتناهي ، أو هى تشكل مفارقات مضحكة أو مبكية . الخامس من أبريل أطللت على الدنيا ذات صباح من اليوم الخامس من شهر أبريل وتريد المشيئة الإلهية أن تطل في ذات اليوم الخامس من شهر أبريل بعد إثتني عشر عاماً شقيقتي الصغرى هويدا كتبت لى رسالة في العام 1986 تهنئني فيها بعيد ميلادنا ( خلي بالك عيد ميلاد دي كيتاً في أمين سليمان ) كتبت تقول " كان الخامس من أبريل عيداً لميلادك وميلادي ، واليوم أصبح عيداً لميلاد كل السودان ". 13 فبراير تزوجت في ذلك التاريخ ولم يكن لى فضل في اختياره ، فذاك كان أفضل الخيارات المتاحة لفترة عطلة الشهر الذي منحته إياى الشركة التي كنت أعمل فيها في دولة الإمارات . فوجئت بعد ( كم سنة ) كدا أن اليوم التالي لهذا اليوم هو عيد الحب . أقول بالصدق كله ، ليس فقط أنني لم أكن أعرف مصادفة التاريخ بل لم أكن أعرف حاجة إسمها عيد الحب ( من أساسو ) . ورغم هذا الإعتراف الصريح تصر كريماتي ( المطرطشات ) أننا ومامتهن قد مثلنا قمة الرومانسية عندما تزوجنا ليلة ( عيد الحب ) ... ألم أقل لك أنهم ورثن الطرطشة ( حتماً ليس مني أنا ) . 26/11 وهذا يوم له ما بعده ففي ذلك التاريخ من عام 2004 تشرفت الأسافير بولوج ( حضرتنا ) لعالمها عبر بوابة سودانيزأونلاين. لكن عمنا بكري لم يريد لنا شرفاً فردياً ، بل كان مفرطاً في الجماعية حيث كانت ( دفعتنا ) أكبر دفعة تلج عالم سودانيزأونلاين مما جعل صديقنا أبو الريش ( الخبير في شؤون الرجرجة ) يطلق تصريحه الشهير مرحباً بنا بأن " جهاز المخابرات السوداني قد أرسل لعضوية الموقع كتيبة كاملة " أو كما قال
ياخ كل سنة وإنت طيبة
Post: #45 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: عماد الشبلي Date: 06-17-2010, 05:07 PM Parent: #43
في العيد الرابع لللاميرة ,,
كل سنة وانتي طيبة ..
Post: #47 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: حبيب نورة Date: 06-17-2010, 07:47 PM Parent: #45
مبروووووووك أميرات
عندي معاك هدربات لو ربنا طلق
بجيك صاد
Post: #48 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: طارق الكوتش Date: 06-17-2010, 08:30 PM Parent: #47
Quote: اربعه سنين تجربه وزاد مهرجانات حب واعياد اشتياقات قلبى رياد انفعالات ليها ابعاد اربعه سنين عاشهم الحب الليله عيد ميلادهم ياقلب طفلنا الحب طفل من نار طفل بعيش اغرب اطوار يضحك الحان يبكى اشعار
كل اربعه سنين وانتي اميره يا أميره
Post: #49 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: willeim andrea Date: 06-17-2010, 09:39 PM Parent: #48
فووق .. واستمرار احتفالنا باميرتنا بت الشيخ ...... في حضرة ابو عركي المعتق
فووووووووووووووق
Post: #104 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-05-2010, 06:25 PM Parent: #49
تسلم ياوليم اندرية وممتنة لحضورك الجميلة
Post: #100 Title: Re: 3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-05-2010, 03:29 PM Parent: #48
طارق الكوتش,,,,سلاااام...
لو مــافى مريخ وهلال البورد دا كان حيكــون كعـــب....صح?
شكرا ياطارق ودام الود والتواصل بيناتنا
Post: #99 Title: Re: 3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-05-2010, 03:26 PM Parent: #47
تعال صاد ياحبينا وحبيها... عارف هضرباتك دى هى عضم الكلام? شان كدا قلنا عندنا ودام هناك وقولة سلام تبقى لو روح
من غير حليفة عارف انت كل شئ,,,صاح?
Post: #98 Title: Re: 3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-05-2010, 03:21 PM Parent: #45
وانت طيب ياعماد الشبلى
خالص الود
Post: #97 Title: Re: 4 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-05-2010, 03:19 PM Parent: #43
عاطف عمر,,,,سلااااااام,,,
تعرف مابعرف متين وكيف اتلاقينا وسط زحمة البورد دى لكن يشهد الله مااكنه لك من احترام يعجز كيبوردى عن تسطيره... جبت الحكمة دى كلها من وين? تداخلى قليل معك او اقصد بوستاتك تحديدا لكن عدم التداخل لايعنى باى حال انى مامتابعة ماتكتبه هنــا,,,
كل عيد حب وانت وحرمكم المصون وكريماتكم بالف خير وكل خامس من أبريل مزيد من من الشمعات المضيئة شقيقتيك الصغرى هويدا ,, ,وكل26/11وانت تسرح وتمرح بالعافية فى اراضى بكرى المحررة
وكامل الود
Post: #50 Title: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-18-2010, 02:02 PM Parent: #1
4 سنوات بدت ...
3 سنوات خلصت ......
والله كنت محتارة انها 3سنوات ولا 4اربعةسنوات ودا يؤكد بلادتى فى الحساب عموما ...
المهم ياقول تبارك
Post: #51 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: طارق الكوتش Date: 06-18-2010, 02:16 PM Parent: #50
عمرك الاسفيرى 3 سنوات
ولكنك اسافيرك دخلت العام ال 4
المهم الاستمرار بنفس الحماس
تحياتى
Post: #52 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: ريهان الريح الشاذلي Date: 06-18-2010, 03:59 PM Parent: #51
... والله انا قاعدة لي نص ساعة اطرح واجمع اربعة ولا تلاتة المهم....
كل سنة وانتي طيبة ,,,يوم الباسويرد بتذكرو طشاش طشاش لأني طبعا قبل 3 سنين كنت صغيرة شديد ..
للاسف الشديد بتترادي يابت والواحد ما بيملك الا يشتاق ليك ولقعداتنا الستاتية ذات الطابع الشماري تعالي قبل مواعيدك
Post: #53 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: عماد الشبلي Date: 06-18-2010, 05:37 PM Parent: #52
بعد اذن بت الشيخ
ريهان سلام وتحية
وكيف التبلدية ؟؟
Post: #54 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: ريهان الريح الشاذلي Date: 06-18-2010, 09:37 PM Parent: #53
عذرا عيد ميلاد اميرة
سلامات يا عماد التبلدية تمام راجية المطرة لتخضر .... تحياتي لعبدالحميد وقول ليهو مذيد من التالق والبداع
Post: #55 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: ايمن التاج Date: 06-18-2010, 09:57 PM Parent: #54
مزيدمن الاعوام والفوضى .. اميره
Post: #61 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: حافظ حسن ابراهيم Date: 06-19-2010, 08:51 PM Parent: #55
يا جنقو كل اربعة سنة و إنتي طيبة ياخي .... بالله انت وقتي زمن دخولك مع كاس العالم غايتو عالم اايييييك
الصادق المهدي الله يديهو العافية نحن ناس الداخل ما قصر معانا و يد لاحقة لناس الخارج
Post: #63 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: انعام حيمورة Date: 06-20-2010, 01:15 PM Parent: #61
ياااا فردتي ..
والله لي هسة بتذكر الشغب داك بتاع طالعين لينا في (كومر) ونكوريك انقذوا وليد دارفور ، بالله الكلام دا مر عليه ثلاثة سنوات ..
على فكرة عندي ليك قصة لذيذة بضرب عشان احكيها ليك ههه
Post: #67 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: معتصم دفع الله Date: 06-20-2010, 04:59 PM Parent: #63
الإنسان دائماً يتحرك وفق قناعاته .. والكتابة هي من فعل الإبداع إن كانت كتابة أدبية أو سربعة ساي زي ما بتقولوا .. س أون لاين دي فيها كل حاجة عبارة عن نادي مصغر يجتمع فيه كل ألوان الطيف السياسي منهم والرياضي وكذلك الإجتماعي .. لو رجعتي حبتين لمجموع كتاباتك ح تلقيها فعلاً جميلة ومميزة الأرشيف دا فيهو حاجت حلوة وكتابات أجمل بس نحن ما قاعدين نرجع لي وراء ونراجع حاجاتنا المهم بنعتبره كتابة والسلام .. لازم يكون في تقييم لنوع الكتابة وشكلها زي ما بنقيّم أنفسنا لأن كل مرحلة عمرية وكتابية تختلف عن الأخرى ..
يا أميرة ياخي إنتِ من أجمل الناس لقلبي .. أعتز جداً بصداقتك وخوتك ..
كل سنة وأنتِ بألف خير ..
Post: #71 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: tmbis Date: 06-21-2010, 01:42 PM Parent: #67
عنــي .. من رواد مدرسة الفوضى الاسفيرية بكل انواعها خلاقة .. سرباعــه .. اي كانت .. جني وجن الكتابات (المعسمة) تلك التي يلجأ صاحبها إلى توصيل احساس الجمود .. او كتابة دمها تقيل .. عدم التقيد بي ادبيات النص من لغة .. وحركات لغوية تلك التي اطلق عليها الكتابة الغير المعسمة .. اجد نفسي اكثر قراءة للنص الكاشول .. بكتابته البسيطة المفردات .. المستمداة من خلال استحضاري للمتلقي في شخصه والربط بيني وبينه اسفيريا في شكل حضوره الحالي .. استحداث المفردات (النتيه) فكرة جميلة جدا بعد خلطها بي مفردات الواقع .. الذي نبعد عنه ولو لحظيا.. الضحكونجية .. استفت الاشخاص .. (من استيف) ... بيضنت بعضهم .. من (البيضة) ود البشرى .. (كروشت) بعضهم من كاروشة ود الصايم .. والليلة وووب .. القادانا بيها دي .. كلها .. جميعها مشهيات .. تساهم في ارتباطنا الوثيق بهذا المكان والذي لا ننتبه له إلا عندما تنتابنا موجة من الفوضى المرتبة بداخلنا ..
المهم .. من يوم عمر بوب جاب صورتك مع السيد الصادق .. كلما اشوف اسمك دا يا اسم بوب .. بمشي بجيب لي كتاب قواعد عشان الواحد يعرف يتفاهم معاكم .. اقوليك حاجة: حسع كلامي الكتبتو فوق دا .. ما ناقش ليك فوقو اي حاجة .. المهم حاسي بي إني عايز اكتب حاجة كده فوقه نفس مثقفاتية .. ..
صديقتي .. وأختي .. أميرة الشيخ .. تبقى المسالة صعبة جدا لما تكتب ليك عن زول بتعزو .. المهم شوفي ليك مقاس اي طاقية وأنا أخوك
Post: #78 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: عبدالكريم الامين احمد Date: 06-21-2010, 08:28 PM Parent: #71
هلا يا اربعة سنين عشاهم الاسفير الليلة يوم سربعتهم
بالله اربعة سنين بس يا اميرة.. ياخي قولي كلام غير كده الليلة ووووب بتاعتك دي براااها انا بديها عشرة سنة ونص
Post: #79 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: الفاتح ميرغني Date: 06-22-2010, 08:19 AM Parent: #78
Quote: تاريخ التسجيل: 16-06-2007 مجموع المشاركات: 6229
يعني فايتانا بسنة إسفيرية.
بت الشيخ كل سنة وأنت طيبة.
Post: #81 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: محمد البشرى الخضر Date: 06-22-2010, 06:04 PM Parent: #79
Quote: رواد مدرسة العبث الاسفيرى
كلّو من سيد صادق
Post: #89 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: احمد محمد بشير Date: 06-26-2010, 09:10 PM Parent: #81
مية المية يااااااااااااااااااخ ما شوفنا ليكي أي فوضي وشخشخه
Post: #91 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Rawia Date: 06-29-2010, 08:50 PM Parent: #89
بحاول أتذكر أول مرة إتكلمت معاك فيها ما أظن أتذكرها
مافي زول عرفني بيك ومافي مناسبة لمتنا
لكن وبكل بساطة لقيتك قريبة شدييييييد وسعيدة بمعرفتك وخوتك
________________________________ يوم 23يوليو الجاي بتم سبعة سنين
Post: #92 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Salah Abdulla Date: 06-30-2010, 09:11 AM Parent: #91
كل سنة (نـتّـيـة) إسـفيرية شـبكية عـنكبوتية وإنت مُحلّقـة في أسـافيرك ، حُـرة زي عـصافيرك
وهابي نيو سنة سفيرية استرونوميكالية سبيسية.
Post: #93 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: عمر علي حسن Date: 06-30-2010, 06:54 PM Parent: #92
يعني كده انا ابقي (وليد .. شويفع .. بنجوس .. بريليم) حتي برلوم مالاحق ويتناسق هذا مع قلة انتاجي 184 بوست مع عمري الاسفيري البالغ 9 اشهر اذا قورن باربعة سنين و6164 لماما اميرة وجيوش اصدقائها من حاملي الارقام 2000 وانت طالع
لذلك اهنيكم نيابة عن كافة المستجدين برالمة المستقبل الذين يحمدون (للفوضي الاسفيرية) انها اركبتهم علي سرج واحد مع كبار البورد دون ان يقال لهم (هُس ياولد)
زاد الله حوش بكري سعة .. وزاد سكانه الفة ..
وسنة حلوة يا أميرة .. وعقبال ميه ..
عمر علي خسن
Post: #94 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 06-30-2010, 10:17 PM Parent: #67
سورى مداخلة نزلت خطاء
Post: #95 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: حاتم كاهن Date: 06-30-2010, 10:33 PM Parent: #94
كل عام وإنتي الاجمل .. ما بعرفك بس بقدر أقول إنك أميرة (وشايلة إسمك ) .. دمتي للبورد ودامت أيامو بيك ..
..كاهن..
Post: #107 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-07-2010, 04:15 PM Parent: #67
نادى العزابة الاسفيرى ....... %E6%C7%E1%DD%E6%D6%EC معتصم دفع الله.. .انا ممتنة للبوست دا خالص احتمال اتلاقينا قبلو لكن فيهو كانت ملامح الخستكة باينة بينونة كبرى (انت..قمربوبا..ممدوح ابارو..هبة الماحى ومجموعة من الناس السمحة علاقتى بيهم بدت بالبوست دا ومازالت ممتدة...
معتصم >>>> انت واحد من الناس العرفتهم هنـا ولما لاقيتك اصلا ما اتفاجات بحاجة نفس الروح الجميلة,,,التهذيب...الاحترام وكانى بعرفك من زمان زى واحد من اولاد اهلى او جيرانا القريبين لينا...,,وانت واحد من الناس البطمنونى انوالمكان بخير ومعزتك عندى كبيــرة,,,,ابقى طيب ياصديقى
Post: #106 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-06-2010, 06:24 PM Parent: #63
انعام يا نعومة ياعروسة الموسم..
انقذو وليد دارفور كان محطات عجيبة ..لحظات ترواحت ما بين الحزن والفرح محطات كتيرة لاتعد ولا تحصى ...ايام وشهور من الجرى والتعب والسهر اخر محطة متذكراها دار الحركة الشعبية وغسيل وتستيف الهدوم
ياانعام تسلمى ياخ
Post: #103 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-05-2010, 03:47 PM Parent: #61
حافظ حسن ياجنقو يابرلوم...صفا انتباه,,,
شكرا لحوش بكرى بهدينا كل مرة صاحب,,,
ياااخ ولا احسن انظر فى حتة تانية
تسلم ياحافظ
Post: #102 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-05-2010, 03:44 PM Parent: #55
ومزيد من الاصدقاء الجميلين وفوضويين ياايمن
كل الود....
تحياتـــى
Post: #101 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: Amira Elsheikh Date: 07-05-2010, 03:41 PM Parent: #52
ريهان صحبتى البحبها وبحلف بيها وبستشهد بمواقفها ومقولاتها.. ياريهاااان ليك حق يوم الباصويرد تتذكرى طشاااش لانك فعلا كنت صغيرة وحتى انا كنت بجيب ليك الساندويشات معاى فى شنطتى,, تتذكرى اول اجتماع(حملة وليد دارفور) فى الالمانى? انا وانت كنا اجدد ناس فى الاجتماع (عصام حفيظ,,,انعام حفيظ...انعام حيمورة..نادية السر..وديدى..عبدالمنعم سليمان...خالد ماسا...كابو,,,سفيان نابرى...تانى منو?) مامتذكرها.... تتذكرى الشمطة وانا وانت ننظر زى الاطرش فى الزفة وبعديها خلطنا بعض لحدى السوق العربى والخلـطة الياها ,,,ولا المحيرنى اخواتى ريهان ريهان والله التقول اكلو سمايتك اااخ من افكارك المجنونة .....
Post: #105 Title: Re: Re:3 سنوات من الفوضى الاسفيرية ,,,,,,,,,,,,,,,,,,,,,,,,,,,,,,,,, Author: ريهان الريح الشاذلي Date: 07-06-2010, 10:15 AM Parent: #101
قافلة معاي قريت كلامك قلبي للدنيا ابتسم .....
يوم الاجتماع الاول والجماعة عندهم باقي شكلة ما تموها قامو يجوطو وانا سرحت في الخلق و عاينت ليكي قلت البت دي شكلها قديمة في القصة شايفاكي تقابضي تقابضي قلت الزول يصاحبها يمكن تديني طرف الشمار والقي لي فرصة مقابضة والحق باقي الشكلة،، والألذ كمان زينب الشفيع قاعدة زي الكونتيسة عاينت ليها في الاجتماع قلت الحبشية السمحة دي جابوها من وين كمان... اول ما فتحت خشمها تسلم علي زول وسمعت ليك لكنة امدرمان الما بتغباني طوالي قام اسكيلها نزل عندي.
..... خلطة الكدراوية للسوق العربي (ياحليلو) كانت سمحة شديد لمن فكرت اسوقك معاي كلو كلو ... يالله يا اميرة انت طلعتي ما قاباضه وبس انت طلعتي وناسة وشمشارة وعسل عديل كدي خلينا من حديث الذكريات وتعالي ياخ لسه في مشاوير وحكاوي ما اتقالت بس تعالي براك بدون خواجات ...
أسي في خضم الأحتفالية بشمعتك الرابعه من الفوضى الأسفريه عايز اقولك ليك فوضى بريئه وصادقه وجميله وربنا ما يحرمنا من فوضتك
