Post: #1
Title: اغنيات قصيرة
Author: خدر
Date: 06-11-2010, 06:23 PM
أضغط للإستماع
جزء من المسدار للاستاذ محمد طة القدال
الحان و غناء طارق ابوعبيدة
إتلحنت سنة 94 , غنيتها مرة واحدة في تأبين الاستاذ محمود محمد طة بأمستردام 98
______
عثرت علي مشاريع ألالحان الغير مكتملة دي في فلاش ميموري في مكتبتي , عاوز اشرككم معاي السمع بعد كل السنين
|
Post: #2
Title: Re: اغنيات قصيرة
Author: خدر
Date: 06-11-2010, 06:56 PM
Parent: #1
أضغط للإستماع
السّور الشاعر امين صديق
الحان و غناء طارق ابوعبيدة
إتلحنت سنة 92 غنيتها مرة واحدة بالمركز الثقافي الالماني في إفتتاح معرض تشكيلي في 95 او 94
غنتها فرقة الاستاذ عوض الله بشير كأبدع ما يكون و سجلتها بالتلفزيون القومي
|
Post: #3
Title: Re: اغنيات قصيرة
Author: GamarBoBa
Date: 06-11-2010, 08:51 PM
Parent: #2
غايتو يا حبوب المسدار جننته جن
انطربت للمرة التانية بعد غنية محمد عثمان حقت شفق المغارب ديك
واصل ياخ وخت غناك كلو ..بس خت وصلات الحفظ لو امكن
الغنية التانية بجيها بعد الشوط التاني
تحياتي يا حبوب
|
Post: #4
Title: Re: اغنيات قصيرة
Author: محمد مكى محمد
Date: 06-11-2010, 10:06 PM
Parent: #3
وهو الشغل النضيف يكون كيف?
بالمناسبة عندك حاجات كتيرة لى زمن ما عملت فيها حاجة,لو داير بنجدع ليك بعد ما تخلص من فلاشك ده :(
تسلم ياصاحب
...............
راجنك ,جر معاك الفردة داك
|
Post: #5
Title: Re: اغنيات قصيرة
Author: مرتضى احمد عبد القادر
Date: 06-12-2010, 02:48 AM
Parent: #4
يا سلام عليك وعلى امين صديق
يا قلبي انساها السيرة
والبت الخلف السور
محبوبتك ديك ما غيرها
مستنية قولة خير
دقت باب حزني ضفيرة
زي يد رمت السنافور
في شوقها حكاوي كتيرة
وصباح ورغيف ودميرة
تحياتي يا طارق يا جميل
|
Post: #6
Title: Re: اغنيات قصيرة
Author: معاوية عبيد الصائم
Date: 06-12-2010, 12:39 PM
Parent: #5
ازيك يامواطن0لحم الحلوف كيف00بوست جيد0ياااخ مشتاقون؟معاويه عبيد
|
Post: #9
Title: Re: اغنيات قصيرة
Author: خدر
Date: 06-14-2010, 11:12 AM
Parent: #6
يعلم الله شكيت في اسمك ده قبل يومين , مشيت بروفايلك لقيتك سنقل , قلت لا ده ما هو
مع انو عبيد و الصايم ديل ما بتلاقوا إلا في معاوية
كيفك يا فنان و الله ده خبر حلو انك بقيت من ضمن رعايا طويل العمر بكري ابوبكر
علي الاقل نقدر نلم فيك بسهولة .. شوق شديد يا معاوية والله
|
Post: #8
Title: Re: اغنيات قصيرة
Author: خدر
Date: 06-13-2010, 02:26 PM
Parent: #5
مورتا
التحية لصديقي امين صديق بعد كل الستوات دي
و اتمناه بخير
صفارة السكة حديد جزء من قصيدة طويلة للشاعر امين صديق , يحكي فيها إضراب عمال السكة حديد بعطبرة إبان حكم جعفر نميري
علي لسان طفل في المدرسة الابتدائية
الحان و غناء طارق ابوعبيدة
لُحنت في 91 و لم تتغني علي الاطلاق
|
Post: #7
Title: Re: اغنيات قصيرة
Author: خدر
Date: 06-13-2010, 02:16 PM
Parent: #4
قمرنا ماك طيب
شكرا يا صاحب , و لنكات الحفظ عندك انت ياخي
موش عندي .. خليك قريب
دكتور محمد مكي
نزل طوالي ياخي و شاركني الحكي
ياريت تنزل عود بس عشان الونسة تبقي براحة
|
Post: #10
Title: Re: اغنيات قصيرة
Author: خدر
Date: 06-14-2010, 02:39 PM
Parent: #7
قصيدة الشيخ عبد الباقي المكاشفي , انشدها قبلا استاذنا خدر بشير عليه رحمة الله
توزيع و تنفيذ موسيقا هيثم موسي / شهاب شرحبيل
أداء طارق ابوعبيدة
نفذ العمل بأستوديو الموسيقي هيثم موسي 2007 لم يكتم المكسنق بشكلو النهائي حتي الان .
|
Post: #11
Title: Re: اغنيات قصيرة
Author: ابو جهينة
Date: 06-14-2010, 04:19 PM
Parent: #10
السّور الشاعر امين صديق
الحان و غناء طارق ابوعبيدة
إتلحنت سنة 92 غنيتها مرة واحدة بالمركز الثقافي الالماني في إفتتاح معرض تشكيلي في 95 او 94
الشغل دة يا خدر يستحق كلمة واحدة :
إبداع
|
Post: #12
Title: Re: اغنيات قصيرة
Author: مرتضى احمد عبد القادر
Date: 06-14-2010, 11:39 PM
Parent: #11
سلامات يا جميل
متابع معاك ومستمتع جدا
لك الود أضعاف
|
Post: #13
Title: Re: اغنيات قصيرة
Author: خدر
Date: 06-16-2010, 10:59 AM
Parent: #12
ابا جهينة
شكرا كتير يا فنان
و ابقي قريب و طيب
مورتا
عارفك لابد قريب
تحضر ما تغيب يا فنان
|
Post: #14
Title: Re: اغنيات قصيرة
Author: خدر
Date: 06-25-2010, 02:44 PM
Parent: #13
حَلمة
كلمات جمال حسن سعيد
الحان و غناء طارق ابوعبيدة
لم اغنيها في محفل حتي الان و تنشر هنا لاول مرة
|
Post: #15
Title: Re: اغنيات قصيرة
Author: الملك
Date: 06-25-2010, 02:58 PM
Parent: #14
البوست دا ... عند مستمعى صوت "طارق ابو عبيدة "... وأنا منهم
...
...
يُعتبر كنز ...
أول مرة أعرف انو السُور ...حقت امين صديق
|
Post: #16
Title: Re: اغنيات قصيرة
Author: عزيز عيسى
Date: 06-25-2010, 03:17 PM
Parent: #15
طارق تحياتي،
صوتك حنين وجميل
وآداء رائع.
وياريت تدخل آلات موسيقية أكثر
حتى يكتمل العمل الفني.
|
Post: #17
Title: Re: اغنيات قصيرة
Author: عزيز عيسى
Date: 06-25-2010, 03:35 PM
Parent: #16
يا طارق أغنية حَلمة كلماتها جميلة وإختيار اللحن والآداء روعة..
في رأيي لو أدخلت عليها آلة الفلوت الى جانب العود ستزيد
من روعة الأغنية لأنها تتناسب مع صوتك ولونك الخاص.
هذا مجرد رأي.
|
Post: #18
Title: Re: اغنيات قصيرة
Author: Baha Elhadi
Date: 06-25-2010, 04:00 PM
Parent: #17
خضر الوغد :
كيفك؟
والله من شدة الخرمة لحاجات سمحة زي دي
خليت الفاينال المبكر وانزل
ياخ بعدك ضربنا الجفاف
لابد بشي زي دا؟
نزل وفتش كمان أكتر
تحياتي
بهاء /طوكيو
|
Post: #24
Title: Re: اغنيات قصيرة
Author: خدر
Date: 06-30-2010, 09:10 AM
Parent: #18
يا عزيز
اغنية حلمة من القصائد الحبيبة الي نفسي
بدأ الاستاذ عثمان النو تدوينها و تزويعها
قبل هجرتي التي كنت اظنها قصيرة ثم إستطالت
سنعود لها انا و عثمان يوما ما
بهاء يا حبيب
الفاينال محبط كلو (حسب أفادات المتابعين )
انا ما زول كورة لكن البرازيل هولندا يوم الجمعة
قطع شك متابعها و مشجع البرازيل 
خليك قريب يا صديقي
|
Post: #19
Title: Re: اغنيات قصيرة
Author: Baha Elhadi
Date: 06-25-2010, 04:00 PM
Parent: #17
عفوا
|
Post: #20
Title: Re: اغنيات قصيرة
Author: Baha Elhadi
Date: 06-25-2010, 04:01 PM
Parent: #17
عفوا للتكرار
التنزيل في الأيقونة بتاعت الريل بلير
شكرا خدر
ضمنا الويك أند
بهاء
|
Post: #21
Title: Re: اغنيات قصيرة
Author: salah ismail
Date: 06-26-2010, 03:46 AM
Parent: #20
الحبيب الرائع طارق
=========================================================
مافي اجمل من كدا
اتربع اللحن العرش
ومليت بصوتك استراحات
المدي..
والمحتفل بي كل كلمة من الغنا..
بجمع معاك من ضفة الانهار
صدي...
وما في اجمل من كدا
قدرت بي الصوت الحنين
تدخل قلوبنا وتسعدا...
خلينا نحلم ونصحي بي ايقاع
غناك...كلمة كلمة نرددا...
كل الاناشيد..
ننشدا...
ما بننتظر...غير صوتك الصافي
ونضيف...
يرفد همومنا يشردا...
---------------
خليك كدا
بطل الغته الشديييييده
وابعدا...
ومافي اجمل من كدا
مافي اجمل
من كدا
6-25-2010
|
Post: #22
Title: Re: اغنيات قصيرة
Author: Soumeta
Date: 06-26-2010, 05:31 AM
Parent: #21
طارق و السيرة..في مسدار القدال..
غايتو من صالحي أسمع حتة حتة، تخمة سمحة بي باقي الليل ده بتشتت نواصي النوم..
|
Post: #25
Title: Re: اغنيات قصيرة
Author: خدر
Date: 06-30-2010, 09:13 AM
Parent: #22
صلاح اسمعيل
دي قصيدة جميلة والله , لكن يلحنوها كيف عاد
إلا الحنها و اهديها لابوعركي (ترحيلا لمديحك لمن يستحق)
شكرا كتير يا صلاح
(عزيز القارئ .. صلاح ملحن و مغني خطير لكنو بخيل بألحانو و صوتو )
باقي الليل شنو يا عزوز
امشي شوفي ليك حاجة مفيدة اكتر من غناي ده
ده غنا مليان و زعلان من جعفر نميري
بجيك ابكباس لو سمعتيهو و نمتي
|
Post: #23
Title: Re: اغنيات قصيرة
Author: خدر
Date: 06-30-2010, 09:07 AM
Parent: #16
شكرا يا ملك علي المديح العالي
و شكرا علي صورة صديقي امين
لم يتغير كثيرا من ايام المعهد
سوي شوية جضيمات أظنهن أقمن صلبه
شكرا يا عزيز كتير
الالات موجودة في الاغنيات المعلنه حتي الان
الاغاني الهنا مشاريع مكتملة و بعضها غير مكتمل
ولم تنفذ بعض , ستنفذ وفق مقتضي الحال , لا تقلق يا صديقي
|
Post: #26
Title: Re: اغنيات قصيرة
Author: ياسر بيناوي
Date: 06-30-2010, 09:16 AM
Parent: #23
Quote:
صفارة السكة حديد جزء من قصيدة طويلة للشاعر امين صديق , يحكي فيها إضراب عمال السكة حديد بعطبرة إبان حكم جعفر نميري
علي لسان طفل في المدرسة الابتدائية
الحان و غناء طارق ابوعبيدة
لُحنت في 91 و لم تتغني علي الاطلاق |
احب دينك يا طارق ياخ
يالقصيدة دي بي سببها قعد افتش في الصديق العزيز امين صديق فترة طويلة لمن لقيتو
ياخ متعك الله بالدهشة كما قال الدوش
خالص الود
|
Post: #27
Title: Re: اغنيات قصيرة
Author: عمران حسن صالح
Date: 06-30-2010, 09:59 AM
Parent: #26
.
.
.
.
.
.
.
|
Post: #28
Title: Re: اغنيات قصيرة
Author: الجندرية
Date: 06-30-2010, 11:05 AM
Parent: #27
أنا منتظرة بتاعت محجوب شريف " الوردة نادت جارتها وفتحن شبابيك العبير "
شغل جميل زي عوايدك
مشكوووووووور
|
Post: #29
Title: Re: اغنيات قصيرة
Author: محمد عبد الماجد الصايم
Date: 06-30-2010, 11:12 AM
Parent: #28
ياخ أنا لي تلاتة سنين شاحدكـ (سافر زمان)!
|
Post: #30
Title: Re: اغنيات قصيرة
Author: GamarBoBa
Date: 06-30-2010, 11:50 AM
Parent: #29
Quote: البوست دا ... عند مستمعى صوت "طارق ابو عبيدة "... وأنا منهم
|
بس هو يواصل يرفع اغاني وما يكسل يا ناجي
|
Post: #31
Title: Re: اغنيات قصيرة
Author: أيمن الطيب
Date: 06-30-2010, 12:18 PM
Parent: #30
يا خدر,,
والله فنان حقيقى,,
صوت وأداء وكلمات,,
وعود رنان,,
مسدار حزن كامل ,,
وأغنياتك التى لم تكتمل
والغربة الأبت تنتهى,,
وأغنيات أحمد المصطفى,,
الف عافية يا إنسان,,| Quote: بس هو يواصل يرفع اغاني وما يكسل يا ناجي |
يا ريت يا بوبا,,,,
|
Post: #39
Title: Re: اغنيات قصيرة
Author: خدر
Date: 07-01-2010, 08:53 AM
Parent: #31
Quote: أها يا مولانا .. من مكتبتو وافتلو!
مطالبات من شهر تلاتة ألفين وتسعة!
وعارف السنة في الغربة بي كم! صاح؟
Re: يامان جازف لو بتقدر ..
Re: يامان جازف لو بتقدر ..
Re: يامان جازف لو بتقدر .. |
لقيتك قلبك اسود لكن , صاريها لي يا وغد موش
اعفي لي كان كدي و امسحها لي في حتات محددة اختارها انا
ما عندي ليها تسجيل بالعود والله يا محمد زي ما وضحت ليك بعد حريق الاستوديو. و دي ذاتها جبتها ليك من ويب سايد مجاور
غايتو الصادق الرضي رجع مني شايل 45 اغنية بالعود بس , لو صاحبك جازفو
ايمن الطيب
Quote: مسدار حزن كامل ,,
وأغنياتك التى لم تكتمل
والغربة الأبت تنتهى,,
وأغنيات أحمد المصطفى,,
الف عافية يا إنسان,, |
و الله لمن صِعبت علي روحي , ده كلو انا مستحملو ؟
والله يا فنان ما طالبني حليفة جد جد كلامك ده انا شايلو
في قلبي السنين دي كلها و ما حصل فكرت فيهو او اتذكرتو
شكرا يا صاخحب علي المواساة و الكلام الحنين
|
Post: #35
Title: Re: اغنيات قصيرة
Author: خدر
Date: 06-30-2010, 03:49 PM
Parent: #30
بوبا يا صاحب ,
مافي كسل والله الامتحانات و انتهت
سافر زمان عشانك و عشان خاطر حبيبنا ود الصايم
سافر زمان رائعة محجوب شريف و صلاح مصطفي
نُفذت في تجربة موسيقية تأليف هيثم موسي
ادابتنق و غناء طارق ابوعبيدة
كانت مجرد تجربة لاغنية جميلة في غربة السجم دي , لم نخطط لها ان تذهب ابعد من اشواقنا للسودان
__
يبدو انو بكري عطل كودات الاغاني و بالتالي شّل البوست
|
Post: #33
Title: Re: اغنيات قصيرة
Author: خدر
Date: 06-30-2010, 02:33 PM
Parent: #29
اماني
هش الغمام جاياك في الطريق
بس انت ما تختفي .. جيتك بتفرح يا قول تمادر
ود الصائم
بهتني وحياة ولد اساسي الصغير
دي اول مره تطلبها و حاضر يا سيدي
جاياك بالدرب
|
Post: #37
Title: Re: اغنيات قصيرة
Author: محمد عبد الماجد الصايم
Date: 07-01-2010, 00:46 AM
Parent: #33
| Quote: يبدو انو بكري عطل كودات الاغاني و بالتالي شّل البوست |
أبدا يا مولانا
شغالة وتريانة عديل!
تسلم ياخ! وبجيكـ بلنكات الطلب
عشان ولد أساسي دا!
|
Post: #32
Title: Re: اغنيات قصيرة
Author: خدر
Date: 06-30-2010, 02:29 PM
Parent: #27
بركة الاتلاقيتو يا بناوي
و سلم لي عليهو شديد او اجدع لي تلفونو
شكرا يا عمران يا صاحب
علي الورد و حضورك البفرح
انتو تمبس وين بقي ما بجي بوستاتي ؟؟
|
Post: #34
Title: Re: اغنيات قصيرة
Author: محمد زكريا
Date: 06-30-2010, 02:44 PM
Parent: #32
ياخ ما داير معاك كلام...........كويس.....الله فى
|
Post: #36
Title: Re: اغنيات قصيرة
Author: عزام حسن فرح
Date: 06-30-2010, 04:42 PM
Parent: #1
أماتي القبيل بي حنهن لجني
كرفة وقدلة كيف شوق اللبن رجني
حزناً جاني في ميع الصبا يلجني
أطلع مني يا جلدي المنمل جني
وأطلع مني يا حزنا بقي مكجني
خلني ابدا مسداري
واودي قفاي لي دارا بقت مي داري
وجيتا وجيت بينا وبين عضاي الشحمة الا النار بقت قدامي
جلدي الليلة وبينو وبين عضاي المافي الا تراني
شوال الكبس نفيخ جراريب الورم هدامي
في جلدي الورم قولن لي ولا صحي الورم عضامي
ـــــــــــــــــــ
خدِر :
(1) إنت زول غناي
(2) نِحنا بِنْريدك
المُعادلة دي بِتنتهي بِالآتي :
لامِن تزِل لينا < وجع > أرفِق بِحالنا وأرفِق معاهو رابِط < حِفظ >
|
Post: #40
Title: Re: اغنيات قصيرة
Author: خدر
Date: 07-01-2010, 09:02 AM
Parent: #36
يا مورتن يا صديقي
كلمتك زمان قلت ليك انا جاهز و حاضر
انت الطنشتني , اسوي شنو !!
المرة دي خلي مؤمن يجي معاي شايل معاهو
(ماينص ) لواحدة من الحاجات الفوق دي
ماينص شغل الساكس و الفايولين و الصوت
و ندخل استوديو عندك نضربها
انت و مؤمن و انا و الكجونكا بكور
عشان انت و الكجونكا تطلعوا من الكسل المزمن ده
إتفقنا؟
عزام الصُوفي
انا شايفك بي عيني صوفي والله
و الصوفي ده روحو و لسانو معلقات بالسمح
(هذا آن كان ما افعل سمح)
فشكرا يا فنان علي جبر الخاتر
و علي العين و الراس طلبك
|
Post: #41
Title: Re: اغنيات قصيرة
Author: حمزه بابكر الكوبي
Date: 07-01-2010, 08:11 PM
Parent: #40
ابوالابداع طارق ابوعبيده شغل روعه X روعه
وفي اغنيه عندي احساس كبير انك لو اديتها حاتبدع فيها
وتكاد تكون مفصله عليك وهي للراحل عبدالله الحاج (الزوجه المثاليه)
والاغنيه دي ياطارق كدي كابس وفتشها وشوفها حاتكون ساهله كيف مع
طبقات صوتك .
معليش ياطارق البوست ده مالحقته قبل ما يتأرشف !!!!!
الصادق الرضي في لاهاي توثيق (صّور - فيديو)
Quote: فيما يخص ( جاروا اهلك ) و عشان النقاش و الونسة يبقوا فوق راي ,
احيلك الي نماذج من شيخي الامي و أخري من الشاعر العظيم سيد عبدالعزيز
لتحليل نصوصها ( اسلوب - افكار ) عشان نقرب الفكرة و نرجع تاني نتحاور.
شيخي الامي
- عيون الصيد
- انت حكمة
- ما بخاف من شي
- جاروا اهلك
- غرد يا حمام
سيد عبدالعزيز
- قائد الاسطول
- مداعب الغصن الرطيب
- نظرة يا ام عجن
- بأسم الحب
- سيدة و جمالها فريد
ابقي طيب و في إنتظاركـ |
ومعليش تاني اني حا اقحم عليك الموضوع في بوستك ده
والشغله غناء في غناء واتمني انها ماتفسد البوست مداخلتي دي !!!
بتفق معاك فيما اوردته انه شكل الاغنيه من ناحية التفصيل مقاس الامي
لكن تعرف مرجعي لانها لسيد عبدالعزيز امرين اولا الراحل بادي محمد الطيب
زكر في برنامج اسماء في حياتنا عن الكيفيه التي وصل بها الي الناس الذين كانوا
يعرفون لحنها (لانه لم يكن لها تسجيل موجود من مؤديها الاصلي سرور) وزكر من
خلال هذا السرد التاريخي انها لسيد عبدالعزيز ثانيا اكد لي احد الاخوه ان علي مصطفي
(الدكشنري) اكد انها لسيد عبدالعزيز والاغنيه فعلا حولها لغط كبير بين الشاعريين مثلها
مثل اغنية (وجه القمر) واللغط الدائر حولها بين الشاعرين ابوصلاح ومسعد حنفي
تحياتي مجددا
|
Post: #42
Title: Re: اغنيات قصيرة
Author: خدر
Date: 07-02-2010, 12:18 PM
Parent: #41
سلامات يا كوبي و ماك طيب
اخوك ما بعرف الاغاني باسمائها لكن ان كنت تقصد باغنية الزوجة المثالية
الاغنية الشهيرة
الملازمة حياتي و المشاركة لروحي
منذ يافعة صغيرة ما سكنت لغيرها
فغنيتها في 2000 في اكتر من مناسبة زواج و إنشاء الله اعثر علي تسجيلها
و اهديك ليها
اما فيما يخص شيخي الامي ورغم احترامي للدكشنري و من قبله للراوي الاكبر
بادي لكن انا شيخي ما بلعب فيهو (بالقياس و المقارنة علي النص الشعري)
يا الكوبي ياخي حرام عليكم , الامي ده ظُلم حي و ظُلم ميت ورغم كده
ادانا غنا يفتت قلب ذو الصخرة. باري نَفّس القصيدة حا تلقي الامي قاعد بعاين ليك.
وابقي طيب
|
Post: #43
Title: Re: اغنيات قصيرة
Author: مرتضى احمد عبد القادر
Date: 07-02-2010, 01:07 PM
Parent: #42
Quote: سافر زمان رائعة محجوب شريف و صلاح مصطفي
نُفذت في تجربة موسيقية تأليف هيثم موسي
ادابتنق و غناء طارق ابوعبيدة
كانت مجرد تجربة لاغنية جميلة في غربة السجم دي , لم نخطط لها ان تذهب ابعد من اشواقنا للسودان |
سمعتها عشره وتلتين مره كدا وإنطربته جد يا لكم من فنانين أنت وهيثم موساك هذا
|
Post: #44
Title: Re: اغنيات قصيرة
Author: خدر
Date: 07-02-2010, 07:06 PM
Parent: #43
شكرا يا مورتا كتير
هيثم فعلا من الشباب المجتهد و الفنان جدا
شكرا تاني و عاشر
|
Post: #45
Title: Re: اغنيات قصيرة
Author: محمد عبد الماجد الصايم
Date: 07-02-2010, 07:18 PM
Parent: #44
غايتو يا مولانا بعد رشونا
الواحد إلا يقيّل في بوستيكـ دا!
|
Post: #46
Title: Re: اغنيات قصيرة
Author: خدر
Date: 07-02-2010, 07:23 PM
Parent: #45
Quote: غايتو يا مولانا بعد رشونا
الواحد إلا يقيّل في بوستيكـ دا! |
ما شايفني بقيت شغال بوستات غنا سااااي
|
Post: #47
Title: Re: اغنيات قصيرة
Author: عمر سعد
Date: 07-02-2010, 11:50 PM
Parent: #46
خدر يحرق ميتينك
جاى الدوحه بتين ؟
|
Post: #48
Title: Re: اغنيات قصيرة
Author: عمر سعد
Date: 07-03-2010, 01:10 PM
Parent: #47
الاخ خدر
تنزل لينكات حفظ للاغانى اوعدك اوريك اى كوره بتنتهى كم وكيف ومين يجيب الاقوان
قصرته معاك وده فى الخاص بس عشان خاطرك
يالله نزل لينكات الحفظ
|
Post: #49
Title: Re: اغنيات قصيرة
Author: المسافر
Date: 07-04-2010, 07:11 AM
Parent: #48
كل ما نقول نغوص في الخبوب نشكن
ولبابيـد الكدوب فـوق جلودنا مدمكن
تجي يا صابون العفن حتى الضفور يتمشكن
تتلاصف رهافـة ويبين الوراهـا مكنن
كل ما نقول نغوص في الخبوب نتعطن
ولبابيـد الكدوب فـوق جلودنا مطين
تجي يا صابون العفن تجلي الغميس ومبطن
من قبلك تشـوف كمين برود اتفطـن
يلا ...
رجعنا بالسلامة
|
Post: #50
Title: Re: اغنيات قصيرة
Author: خدر
Date: 07-10-2010, 04:53 PM
Parent: #49
عمر
يا فنان والله بدون اي عروض اجيك في مكانك
عشان انت تستاهل بس
مع انو الدوحة في وجود ابوساندرا و الصيف
صعب الواحد يغامر و يمشي ليها
اووووووووووووووووووو المسافر بهل اللعب كلو
واصل يا الارباب ود الارابيب
و حمدلله السلامة الجيت
|
Post: #51
Title: Re: اغنيات قصيرة
Author: خدر
Date: 09-02-2010, 08:39 PM
Parent: #50
امونة
شِعر امين صديق
الحان و غناء طارق اوعبيدة
لُحنت ايام كنا طلبة في معهد المزيكة ,
___
إهداء خاص لزميلة الدراسة و عضوة المنبر الصديقة سمية قسم و اسرتها
|
Post: #52
Title: Re: اغنيات قصيرة
Author: خدر
Date: 09-02-2010, 10:48 PM
Parent: #51
هش الغمام او سلام
جزء من قصيدة طويلة للإستاذ محجوب شريف
في اتصال حميم بلندن قبل 3 سنوات اهداني النص
استاذ مجوب شريف ليكون اللقاء التاني بيننا بعد
(مريم محمود راحت شقيش)
نُشرت في المنبر العام للسودانيزاونلاين قبل سنوات
____
اهداء خاص جدا لاماني الجندرية
|
|