المَوقِف السِياسي

أمريكا دي ما قادرة يعني تقبُض على عُمر البشير ولا ما دايرا؟

عمر البشير لامِن يِكون < مطلوق > ده بِيدي زريعه لأمريكا وأندادا إنهم يدخلو البلد ... أمريكا في الأغلب ما بتخلِق المُشكِلة ... أمريكا بتسْتغِل المُشكِلة ... زي ما إنو بِن لادِن كان زريعة لِدِخول أفغانستان والسيطرة على تِجارة الصين ومُراقبة كُل الناس الصُفُر وجعل باكستان النووية قريبة من العين ... وزي صدام ما كان زريعة لِدِخول أمريكا العِراق والسيطرة على البِترول العربي ومُُراقبة إيران العشمانه تكون نوَوِية ... عمر البشير برضو حيكون زريعة لِدخول أمريكا لِلسودان مُستَودع البترول والذهب واليورانيوم وتطمين إسرائيل بِالسيطرة على مِصر النيل وضمان عدم هد إرهاب الإسلامويين في الجوار الإفريقي ... وده حيكون بِفصل الجنوب ... كونِفدرالِية غرب السودان

أخونا عزام الرجل الطيب


حمداً لله على السلامة

و نورت البورد أهل البورد

يا عزااااااام , حمد الله علي السلامة ........ ومنور البورد ياااااااخ.

مكان كان فاضي....
تاني أوعك من بريمة داااك....ههه


_____
نرحب بيك وبعديننرجع لي موضوع البوست.

عودا حميدا يا اخ عزام

ABUHUSSEIN

الله يِسلِمك يا خوي ... كتر خيرك ... إنت كيف أحوالك؟ علك طَيِب

احمد محمد بشير

ياخ كيفك ... والله مُشتاقين ... بريمة شِن قدرو على المِتلي يا خوي ... نحنا " عزام حسن فرح " بنحتاج لِحشد كبير لِنُهْزم يا سَيِدي الفاضِل

الشامي الحبر عبدالوهاب .. الإنسان الخلوق ... كيف حالك؟ علك طَيِب ... كتر خيرك

عودا حميدا ياعزام
وبركة الشفناك طيب

عزام كيفنك ياخ
المرور من اجل التحية وبركة الشوفة وحمديل سلامة


مسكاقونا؟

عودا حميدا
افتقدنا كتابتك الطاعمة

GamarBoBa

ياخ هِكر في ... والله مُشتاقين ... كتر خيرك على المرور

عودا حميدا أيها الرطاني

الظاهر دي بركات منبرنا هههه

عزام ياخى نورت المنبر ..
مشتاقين وكده ..

- عبدالوهاب
- عزان سعيد
- ود القريش
- ود المشرف

والله أنا مبسوط بِطلتُم دي ... وكتر خيركم ... إن شاءالله لا تنْطردو لا تِنْعرضو ... قولو آمين

عزام سفير البسطاء و قليلي الثقافه !
ياخي حمدالله علي السلامه ..........................

حمد الله على السلامة يا عزام!
غيبة طويلة ومفاجئة!

البوست ده خليه ترحيبي بس!

الحبيـــب ...

بـركــة بالفكــه ..

متــى تــم اطــلاق ســراحكم يا جميــل؟

وكــان فكو سراحك عشان جنس دى انشاء الله

بكرى تانـــى يدخلك الزريبــة..

Quote: عزام حسن فرح

الحبيــب ( المولــد دى انفضــه خــلاص )...

نشـوفـك فى انتخابات 2014م ..

السلام عليكم - أخي : عزام حسن فرح
فرحنا لما رأينا اسمك ضمن كتاب البورد - ألف الحمد لله على سلامة العودة

حمد لله على سلامتك يا حبيب

أمين محمد سليمان

Quote: عزام سفير البسطاء و قليلي الثقافه !

بتْصدِق يا أمين حتو مِن هِناك شاتوني ... في حاجة كِده ما مُقنعة أبدًا أبدًا ... أفتكِر الناس ديل إتْغشو في الأول ولامِن إكْتشفو مويتي لبدو لي ومع أول عترا ، طوالي الخور ... غايتو حأشتاق لِزُمرة الأصفِياء ... إنت عارِف هِناك ماف كاكات زي هِنا ده يا أمين ... ياخ إنتو هِنا -معليش يعني- بتْكاكو ساااي كِده ... بقيتو بتْبالغو مرات ... ياخ ودالصايم مُسوي لِكاكو صوره ... إلْتُقِطت لهُ صورة عن عمدٍ وهو في كاكٍِ مِن كاكاتِهِ ... يا حليل ناس " الإطار العام لِلبعد الرابِع المُنحاز لِبَوتقة البنفسج المُنهار على سديم الأفُق " معليش يا أمين نسيت نفسي وسرحت شوية وكِده ... أصلي حديث عهد بِجاي حيُث البساطة على البساطة وأكل البطاطا ... بِالمُناسبة إنتو الأيامات دي بتْناضمو في شنو؟

يا اخوانا ما كفاية سلام خلونا نناقش الموضوع..

عمار محمد ادم

Quote: يا اخوانا ما كفاية سلام خلونا نناقش الموضوع..

يعني ما مُشتاق لي؟
طَيِب ... عارِف العلي؟

غايتو ثقالتك دي يا عمار أصلو ما بِتْخليها ... طَيِب ياخ ... أدخُل في الموضوع

Quote: أمريكا دي ما قادرة يعني تقبُض على عُمر البشير ولا ما دايرا؟ عمر البشير لامِن يِكون < مطلوق > ده بِيدي زريعه لأمريكا وأندادا إنهم يدخلو البلد ... أمريكا في الأغلب ما بتخلِق المُشكِلة ... أمريكا بتسْتغِل المُشكِلة ... زي ما إنو بِن لادِن كان زريعة لِدِخول أفغانستان والسيطرة على تِجارة الصين ومُراقبة كُل الناس الصُفُر وجعل باكستان النووية قريبة من العين ... وزي صدام ما كان زريعة لِدِخول أمريكا العِراق والسيطرة على البِترول العربي ومُُراقبة إيران العشمانه تكون نوَوِية ... عمر البشير برضو حيكون زريعة لِدخول أمريكا لِلسودان مُستَودع البترول والذهب واليورانيوم وتطمين إسرائيل بِالسيطرة على مِصر النيل وضمان عدم هد إرهاب الإسلامويين في الجوار الإفريقي ... وده حيكون بِفصل الجنوب ... كونِفدرالِية غرب السودان

في حاجتين نحنا كشعب ما عِندنا فيها أي جُهد :
(1) إسم بلدنا الغلط (السودان) لأنو ماف دولة في العالم بِتتسمى بِلون
(2) حدود السودان الحالية السواها محمد علي باشا

- المفروض كان الآباء المؤسِسين بعد الإسْتِقلال ينجِرو إسم لِبلدنا دي بِعبِر عن التشكيلة الفيها ، ما مُعظم الدَول الإفريقية غيرت إسم المُستعمر السماهو ليها ، نحنا مالنا ... نحنا ما مُبدِعين في حكاية الأُسوم دي ... ياخ حتى الفرق الرِياضِية ، يِقول ليك هلال الخرطوم ضِد هلال القضارِف ، طَيِب ليه ناس القضارِف ما سمو فريقهم أي إسم تاني؟ ما مُبدِعين كُلو كًُلو ...

- المفروض مِن الأول ما يِخلونا نغني < ماف شِمال بِدون جنوب ... ماف جنوب بِدون شِمال ... كُلنا إخوان > لأنو ده إسمو أُمْنيات ... لكِن الواقِع بِقول إنو خِلال الـ50 سنة الفاتت كان في شِمال بِدون جنوب وكان في جنوب بِدون شِمال وإبدًا ما كُنا إخوان ... ده واقِع ...

مقابل السودان البيضان وحتى كلمة كوش تعنى السواد حتى السلطنه اسمها الزرقاء.

عزام حمد الله علي السلامة

الكرامة تكون جبنة..

عمار

Quote: مقابل السودان البيضان وحتى كلمة كوش تعنى السواد حتى السلطنه اسمها الزرقاء.

يجوز ... بس لامِن أزهري رفع العلم أكان في الوقت داك في " بَيضان " وألوان أُخرى

عماد الشبلي

Quote: الكرامة تكون جبنة..

أكرِم بِجبنه مالي ... أنا كشوني مع سِتات الشاي ... تعال إتغدا عِندي في أيتُها يوم بنفع معاك (قُراصة بِدمعة جداد + صلطة)

هي يا عزّام .... يا حليلك والله

تاني أمشي جنب الحيطة ... سمح؟

موضوع ازهرى ورفع العلمده زى انتخابات عمر البشير..

موضوع ازهرى ورفع العلم ده زى انتخابات عمر البشير..

Quote: بتْصدِق يا أمين حتو مِن هِناك شاتوني ...

يعني سفيرنا هناك بقي أبو الريش ؟!!

Quote: في حاجة كِده ما مُقنعة أبدًا أبدًا ... أفتكِر الناس ديل إتْغشو في الأول ولامِن إكْتشفو مويتي لبدو لي ومع أول عترا ، طوالي الخور ... غايتو حأشتاق لِزُمرة الأصفِياء ... إنت عارِف هِناك ماف كاكات زي هِنا ده يا أمين ... ياخ إنتو هِنا -معليش يعني- بتْكاكو ساااي كِده ... بقيتو بتْبالغو مرات ... ياخ ودالصايم مُسوي لِكاكو صوره ... إلْتُقِطت لهُ صورة عن عمدٍ وهو في كاكٍِ مِن كاكاتِهِ ... يا حليل ناس " الإطار العام لِلبعد الرابِع المُنحاز لِبَوتقة البنفسج المُنهار على سديم الأفُق " معليش يا أمين نسيت نفسي وسرحت شوية وكِده ... أصلي حديث عهد بِجاي حيُث البساطة على البساطة وأكل البطاطا ... بِالمُناسبة إنتو الأيامات دي بتْناضمو في شنو؟

الأيامات دي بناضم في الانتخابات و الأحزاب و عجزنا و ضعفنا و خيبتنا كبشر ، بالعدم الناس بتنتخب في طباز البورد !!!

الاخ عزام

تحياتي


والف حمدا لله علي رجوعك بالسلامة

قُبح الساسة والسِياسة

- إن إغراق برامج قناة السودان التِلِفِزيونية الرئيس ، بِكل ما يمُتْ بِصلةٍ لغرب السودان مِن ثقافة وفن وبيئة ، لقبيح ، ووجهة القُبح ، كَون أن الإهْتِمام الديواني ، جاء بعد أن تم تقتيل ما مجموعِهِ (300) ألف غرباوي مدني وتشريد قبائِل عرقِية بِعَينِها ، ينتمي إلَيها ثُوار الحركات المُنْقسِمة دَومًا ، وإغْتِصاب مُعظم فتيات القُرى التي وقعت بَين مطرقة الجنجويد (ذِراع المؤتمر الوطني للأعمال القذِرة) وسِنْدان الغرابا المُسْتفيدين (ما كان يُعْرفوا سابِقًا بِالثُوار).

- إن إزدِحام أجِندة ياسِر عرمان مُرشح الحركة الشعبِية لِتحرير السودان (الحركة الشعبِية لِتحرير جنوب السودان سابِقًا) بِالمانشيتات الأفريقانِية وترديد نشيد [ كُلِنا إخوان ماف جنوب بِدون شمال وماف شمال بِدون جنوب كُلِنا إخوان ] مُزايدة وفِعْلٌ قبيح.

- تنصيب ياسِر عرمان ، لِساسة وشُعراء أفارِقة مُخضرمين طواطم وهُداه للعالمين دون غَيرهِم ، مُزايدة وفِعْلٌ قبيح.

- حَشْد مآسي ومِحن الأفارِقة السود في خِطابات ياسِر عرمان -الشِمالي عِرقًا- عامةً وخِطابِهِ الأخيرة في البجراوِية خاصة (أمس 17/03/2010م) والذي أذاع فيهِ برنامِجهُ الثقافي ، والذي بدا كإعْتِذار لِكَونِهِ شِمالي ، وهذِهِ عجلة في تسديد ثمن ترشيحهُ مِن قِبَل الحركة الشعبِية ، مُزايدة وفِعْلٌ قبيح.


* أرى أن ياسِر سعيد عرمان مُرشح الحركة الجنوبِية مآلِهِ سَيكون بِالتسلسُل أدناه :
- سوف يفشل أمام عُمر البشير ... فشل كبير.
- سوف يتِم إبعادِهِ مِن صف الحركة الجنوبِية الأول (تهميش/طرد/قتل) بِإتِهامِهِ بِأي تُهمة ، كِالعمل كطابور خامس لِمؤتمر الوطني.
- إذا أُبْعِد مِن الحركة الشعبِية بطريقة قاسِية ، ستكون الفُرصة مُواتِية لِتصفِيتِهِ جسدِيًا مِن قِبل المؤتمر الوطني (الإنقاذ) لإظهار عُنْصُرِية الجنوبِيين وجعلِهِ شهيد الفِكرة الكذِب ، التي مات عنها جون قرنق والتي مفادها ان قرنق وحدوي.
- إبعادِهِ مِن المسرح السِياسي الشِمالي (تهميش/إغْتِيال سِياسي) بِإعْتِبارِهِ خائِن عمِل مع الحركة الشعبِية.
- وفي حالة أن سلِم مِن التصفِية الجسدِية مِن قِبل " الوطني " " الحركة " سينتهي بِهِ الأمر لاجِئًا بِإحدى الدُول الأوروبِية.

Quote: /إغْتِيال سِياسي)

سلامة ياسر ..فال الله ولا فالك ياعزام..ياسر اولادو من ام جنوبية هو يدافع عن قضيته وقضايا ابنائه ..من اجل ابنائى ..ولم يقل دعونى اعيش ..

عوداً حميداً مستطاب





محرض علي المرور

نورت المنتدى ي عزام يا أبن صواردة

أفتقدناك بشدة و حبابك عشرة

مرحب بريمة

Quote: هل أعتذ رت لأبناء الغرب ..

في شنو أعتذِر؟

ـــــــــــــــ

Quote: بريمة

ياخ إسمك ما مَوجود تِحِت صورتك ، الداعي شنو تَوجع لينا عيونا تاااني ونقراهو تِحِت مُداخلتك





شايفك يا " ورل " في غِيابي كنت بِتقدِل ، في بوست عبدلحكيم نصر

حمد لله على السلامة
الأخ / عزام فرح
وبالله فلفل لينا الموقف السياسي دا فلفلة صاح
لأننا كلنا عايشين في نظرية الاستشفاء العفوي من الشكلية المرضية لجوهر الأحداث

بريمة

Quote: عزام هل تم أبعادك من المنبر عبثاً؟ أدبياً تمت محاكمتك بطردك من المنبر .. وعليك بالأعتذار نحن هنا لا نقم مشناق كما يفعل العاكسر فى السودان .. هنا توجد محاكم أخلاقية وأدبية .. وأنت أسئت لنا .. ويمكنك تجاهل الأساءة لتأكيد أصرارك عليها .. ونحن نقبل التحدى ونصفح أيضاً فالخيارات أمامك مفتوحة .. ونحن أهل لها بريمة

منو القال ليك إنو ده سبب " توقيفي " شوقك ... شوقك ... فإني مُرْتقى صعب ... السبب إني فتحت بوست بِإسم بكري أبوبكر أعترِض فيهِ على طريقة إدارتِهِ لِلمنبر ... وإتداخلت فوقو بس واحدة زميلة ما مُتذكِر إسمها هسِع ... وإتشات مُباشرة لِلخور ... بكري شاف إني إتجاوزت الحد ... وكان ما كان ... وبعدين ما تنسى إنك وقفوك قبلي وأفتكِر أكتر مِن مره ... بس أنا لامِن يِوقِفوني بِوقِفوني لأني بحترِم روحي وما بقدر انافِق ... شفت غلط قلتو لِبكري أبوبكر في بوست بِإسمو ... إنت بتقدر تعمِل كِده؟ لو في حاجة ما عاجباك في إدارة بكري أبوبكر بتقدر تكتبا في عمود بِحمل إسم بكري؟ ده الفرق واحِد مِن الفروق البيني أنا وبينك إنت ، إني ما بزايِد في مواقفي ...

- أما عنك أنت يا أنت ... فأنا أثبت بِالأدِلة إنك زنجي إبن زنجي إبن زنجي وفي الزنجِية لعريق.
- أما بِشأن بشاشاأوضحت لما يكره بشاشا النوبِيين مِن متن (طبقات ودضيف الله) ولو إتأكدت إنو بشاشا مَوجود معانا ، ما مَوقوف يعني ، حأعيد نشر التوضيح (الدليل المُعنْعن - الكِتاب + رقم الصفحة + رقم السطر)

أنا أكبر مقامًا وقدرًا مِن إنو يِوقِفوني علشانك إنت يا بريمة ... نعم ... المقامات مفروض تُحفظ إسفيرِيًا كما هي محفوظة رغم أنفك واقِعِيًا ...




أنا

بريمة البئييييييير
ياخي كمان مفتكر انه عزام وقفوه عشانك؟؟
ياخي انت زول وهم ساكت
ياخي انت هبلوا بيك في ندوة الدالي وطردوك لانك قعدت تلعب
زي الشفع الصغار..
وتانيا انت كنت اول دفعتك وين يا اخوي..؟؟
ياخي كنت بتكتب بشنو؟
باللغة العربية البنعرفها نحن واللا بلغة تانية؟؟
ياخي انت لو ادوك املاء بدر وامل تجيب صفر من عشرة
ويكتبوا ليك اعد مع جلد باربعة كبار..
بريمة عليك الله ارقد نوم انت ما قدر عزام..

عملت لينا اهباط

Quote: شايفك يا " ورل " في غِيابي كنت بِتقدِل ، في بوست عبدلحكيم نصر

عزام حمدالله علي السلامة
ياخي البئئر ده عمل فيها زول خطير وقال لينا انا بطلعكم من جحر الضب
رسلت ليهو تحذير مع زول من اهلنا قلت ليهو يزح من ..رفض
اها قمنا انا وقمر بوبا قدس الله سره ادبناهو ادب البييئئر
لحد ما عملنا ليهو اهباط وقال بلييييييييييييييس
ياخي والله رغم الرغم انت برضو ما ذكرته بسوء لما
اتكلمت معاك..
بس بريمة زول شوية الظاهر عليه مهبط وعنده شوية بيئئرية في تعامله..

بريمة

Quote: ونفترض أنك أثبت أنا زنجى وأبن زنجى وأبن أبن أبن زنجى .. هل هذا يقليل من شأنى أو شأن أى زنجى أخر ..

لا ما يُفْترض ... أنا فِعلاً أثبت ده بِالمُستندات وقلت ليك أنا القُروش عِندي كتيرة أحمدالله برسِل ليك واحِد في بيتك ياخُد مِنك عَينه أفحصا في معمل مُحترم ونشوف التقرير حيِجعلك في كوم ناس < دخلوها وصِقيرا حام > ولا تقوم كمان تحيي لينا < سُنن البرامكة > ...

الزنوجة ما عيب ولا عبط
العروبة ما عيب ولا عبط

العيب المِتْعورِب ، الزنجي العاوِز يبقى عربي؟
والعبط الزنجي الشايِلو وش مِتِل وشك ده وبِقول لينا < عليكم الله أنا ما بشبة أولاد الحسن الثاني >

نحن النوبِيون خالطنا بعضِ الزنوج في جِبال النوبة (قبيلة النيما) فأحدثنا هُناك فرق
نحن النوبِيون خالطنا بعض العرب بعد (600) سنة مِن تَوقيع إتفاقِية البقط (الأوس والخزرج) فأحدثنا في السودان فرق

الزنوجة ما عيب ... العيب البتسوي فوقو ده ... حايِم مِن عمود لعمود وبتْجعِر < أنا عربي ودليلي حبوبتي شعر راسا لِنُص ضهرا > دليل في عينك ...

أنت أسَود البشرة + أفطس الأنف + شعرٌ كحبُ الـفُـلْـفُـلِ + ثقافة عربِية = بلال بِن رباح في نسختِهِ لِلألفِية الثالِثة (كُنت عاوِز أُسميك عنتر بِن شداد لقيتك ما نبيل ، فأثناء تَوقيفي ذكرتُني بِسوء في عمود عبدالحكيم نصر هيل النوبيون نمرة كاملة)

عودا حميدا استاذ عزام ..افتقدناك كثيرا

- صلاح عباس فقير (ما غيبة ... تَوقيف - إخلال بِالأمن ... شكرًا)
- بدرالدين إسحاق (شكرًا أبو النسب)
- د. يوسُف محمد طاهِر (الزول النبيل ... العفيف ... بِالله ما تيأس منا ، الران كتير ساااي ... شكرًا)
- علاءالدين يوسُف علي محمد (ود البلد الباسِل ... شُكرًا ليك)
- محمد أبوالعزائم أبوالريش (ود شِيوخ المحس ... كتر خيرك)
- عمر صديق (بختكُم يا طالع الشجرة ... شكرًا يا حبيب)
- حبيب نورة (يا مُحرِض ... حرِضْني ياخ ... شُكرًا)
- Sharif Nasirladeen (قريبي ونديدي وسري ... والله معاي ومُشتاق ليك ... شُكرًا)
- جعفر محي الدين (ياخ نحن الجيل الطبقو فوقو كُل النظرِيات الظهرت في الـ500 سنة الفاتت ... شُكرًا)
- عبدالحكيم نصر (النوبي الحكيم ... شُكرًا)
- Gaafar Ismail (شكرًا ليك يا راقي)

بإنسِحاب " الأمه " أحد " لمه جوبا " من الإنتِخابات عامةً ، حيكون شكل الحُكم في السودان -حسب تعبير الصحفي الإسلاموي / عثمان ميرغني : على نموذج الإتِحاد السوفيتي (الحزب الواحِد) (إنتهى)

الإنقاذ في مرحلة لاحِقة إنتقلت مِن نِظام " الحِزب الواحِد " إلى نِظام " العُمد " بقى الحُكم في بِيوتات وأعراق ... الفرق بين حكم الإنقاذ قبل الإنتِخابات وبعد الإنتِخابات ... إنو الإنقاذ بعد الإنتِخابات ، حيكون عِندها " شئ مِن " الشرعِية الدَولِية ... لأن مُراقبة الإنتِخابات حتكون مُراقبة دَولِية وإقليمِية وحكومة الإنقاذ حيبالغو في تأمين الإنتِخابات وتقديم ضمانات الشفافِية والنزاهة والأمن ، والسبب في ذلِك إنو ماف حزب مُنافِس ليهُم ، طَيِب ، ولو الحالة كِده يعني ماف مُنافِسين ، ناس الإنقاذ قالو لِروحُم : ليه ما نخلي الإنتِخابات المُراقبنها دَولِيين وإقليمِيين ، نزيهة وآمِنه؟ المُراقبين ما حيِقدرو إلا يكتبو تقارير من الواقع ، تقارير حتفيد بنزاهة الإنتِخابات أو إنو درجة نزاهتِها عالِية والأمن مُستتب ...
لو ما إنسحبت " لمه جوبا " أكيد الإنقاذ كانت حتنسُج المكائِد وحتعمِل إخلال أمني وترهيب المُقترِعين ...

طبعًا إنسِحاب واحِد مِن " لمه جوبا " بجهجه الباقين وده سبب تردُد البقِية الظاهِر بِالشكِية لأب يد قَوِية ... مُمكِن برضو نقراهو قِراءة تانِية ... البتقول إنو الأحزاب الديناصورِية فقدت شعبِيتِها ... معقول في القرن العايشين فيهو ده ، أرشِح الصادِق المهدي أو البِمثِلو والصادِق المهدي ، بتشدق بِالديمُقراطِية أكتر مِن 40 سنة وهو مُمسِك بِتلابيب الحِزب وأخيرًا إمامة الأنصار ... معقول أرشِح الصادِق المهدي أو البِمثِلو والصادِق المهدي بِقول في كِتابو < يسألونك عن المهدِية > إنو جِدو الإمام هو المهدي المُنتظر ... وآل المهدي بعد ذلِك يتوارثوننا نحن الشعب الفضل كما المتاع ...

معقول أرشِح محمد عثمان الميرغني أو البمثِلو وتقرأ في < المولِد > وصفٌ لِجدهُم الأكبر ، بِوصفٍ لم يحظى بِهِ نبي الله محمد (ص) وآلِهِ وآل الميرغني بعد ذلِك يتوارثوننا نحن الشعب الفضل كما المتاع ...

معقول أرشِح محمد إبراهيم نقد أو البِمثِلو ، ومحمد إبراهيم نقد بِطالِب بِالديمُقراطِية طول عمرو ، وطول عمرو الرئيس الأوحد لِحِزبو ...

معقول أرشِح التُرابي أو البِمثِلو ، وهُو من أتى إلينا بِالإنقاذ ذات لَيل أدهم أسَود ... وتسبب في < تفطيس > شباب الشِمال بِأدغال الجنوب

السؤال : الخلا الصادِق المهدي < يرجعون > مِن التجمع الوطني " لمه مِصر " ويتوالى مع البشير شنو؟ البشير كان -ولا يزال- مُقَوِض شرعِية الصادِق المهدي حين توالى معهُ الأخير.

عزان

الحمد لله على سلامة الطلة

أها

دحين آزول

ده الموقف السياسي ولا موقف شندي ؟؟؟

بريمة البئيييييييير
ياخي كانك اكتشفت الذرة ياخي
اولا انا ما حبرر ليك سبب ما حدث لانك محك تقيل وما حتستوعب
ثانيا:انا ما اعتقلوني ليلة واحدة انا من سنة 89 ده الاعتقال
الخامس لي وبرضو ما كتير..
لانه في ناس ضحت بارواحها..
وبخصوص انه اشتكيك يا بريمة انت اصغر من ان يقف الواحد امامك في محكمة
وزول عقلك ضيق فلن اعطيك شرف الوقوف في المحكمة امامي

الف الف الف مرحب بالأخ الحبيب عزام

تحياتي واحترامي

الأخ عزام
تحياتي وعوداً حميداً
هل نقدر نقول البوست دة بعبر عن
الموقف السياسي (موضوع البوست)؟؟

أخــى الأصـــغــر عـــزام

لـك الـتـحــايا الـطيـبات

وأنـت تــعـود لــتـتـحـفـنا بــحـديـث ممــنـطـق مــدعـوم بــوجــهـة نــظــر قــويـة؛

وإن كـنـا نـخـتـلـف مــعـهـا.

فــقــلـيـل مـمـن يـكــتـبـون فى هـذا الـمـنـبـر يــتـمـعـون

بالـدقـة والـتـمـعـن والـصــبر عـلى الـبـحـث والـتـحـلـيل كــمـثـلـك.

فـأهــنأ بــتـفـردك وصــدقـك وجــرأتـك فى قـول مـاتـؤمــن بـه.

قــلـت أنـى أخــتـلـف مــع وجـهـة نــظــرك وإن كـنـت أحــترمــهـا؛

لأنـنـى مـن جــيـل عــلـم بـعـمـق عــن ترابــط أفـريــقـيـا الـحـضـارى.

وأفـنـيــت عــمـرى مــؤمــلا وعــامـلا مــن أجـل وحـدة أفــريــقـيـا.

وبـحـثـت وتــمـعـنت فى تاريـخـهـا الـطـويــل الـذى يـربــط مـهـد الـحـضـارة البـشــريـة

فـى أرضــنـا الـنـوبـيـة بـكل أصـقاع إفــريـقـيـا.

فـيربـط الـبرنـو والــفـلانـى والـتـكــرور والـزغـاوة فى غـرب أفـريـقـيـا.

والأشــولـى والـنـوبـة والشــاقـا فــى شــرق أفــريـقـيـا.

والأمــازيـق وقـبـائــل الـبربـر الأخـرى فى شــمال أفـريـقـيـا.

والـبـجـة والـصـومـال والـتـقـراى والـعـفـر والارومــو فى الـقـرن الأفـريـقـى.

فالســودان يـاأخــى يـمـثـل الـقـلـب لأفـريـقـيا!

وحــتى جــغـرافـيـا عـلى الـخــريـطـة هـو فى مـوقـع الـقـلـب!

ويـضـم فـى حـناياه كـل الإثـنـيات الأفـريـقـيـة

وجمـيـع اللـغات والألـســن واللـهـجات، مـاعـدا لـغــات الـخـيـوســان الـجـنـوب أفــريـقـيـة.

فإذا مـا أنـفـرط عــقـد الـســودان فـلــن يـكـون بإنـفـصـال الـجـنــوب وحــده!

ولــن يـبــقـى الـجـنــوب عــلـى حـالـه لــو إنفـصـل.

بــل ســيـتــشــرذم ويـتـفـتت حــتى لايـبـقـى مـنه شــى يــعـرف.

وقـس عـلـى ذلك كـل أجـزاء الـســودان الأخــرى الـتى ســتـنـفـصـل.

فأى أمــل ســيـبـقـى لــوحـــدة الــقـارة الـعـملاقـــة؟؟

ولـك الــود دومـــا.

عثمان رضوان

كيف حالك؟ علك طَيِب

Quote: الموقف السياسي (موضوع البوست)

لا ... تم تحريف العمود عن عمد مِن قِبل بريمة ... ولن أنجرِف لِمُحاولتهِ ما إسْتطِعت إلى ذلِك سبيلا ...

سَيِدي وأُسْتاذي وتاج راسي / عبدالرحمن إبراهيم محمد المُحترم

مُساهماتكُم أكبر مِن أن تُخفى ... وأنا في الحقيقة فرحان جِدًا بِمُداخلتكُم دي ... لأني فخور بِكُم وعاوِز أقْتدي بِكُم

شُكرًا ليكُم كتير

كُلما همدت نار ستشتعِل أُخرى ... فإن مُتمرِدين دارفور -مثلاً- ومِن قبلِهِم الحركة الشعبِية (قرنق/سِلفا) وحركات الشرق ، وغدًا الشِمال النوبي كُل هؤلاء يرَون أن المُتمرِد عُمر البشير -الذي تمرد على حُكم ديمُقراطِي- لا يختلِف عنهُم بِشئ ... لِذا تأبى أجِندتِهِم أن يقبلوا بِـهِـباتِـهِ بعد هـبـاتِـهِ ، كأن يعفو عنهُم مثلاً أو يطلُب مِنهُم العَودة لِطاوِلة المُفاوضات أو أن يقوم بِتقسيم السُلطة علَيهِم ... فهُم يتساءلون لِما لا نطلُب نحنُ مِنهُ ذلِك؟ فنحنُ كُلنا جميعاً في الهم مُتمرِدين ... وإن كان تمرُد الحركات أشرف ، فإنهُم يتمردون على مُتمرِد قد تمرد على ديمُقراطِية ...

سأدعم مَن يُفْصِلُنا عن الجنوب ... ثُم نُشْعِل حربِنا لإنْتِزاع الحُقوق إقْتِدارًا ... فقط الجديد في هذِهِ الحرب أنها ستكون في المركز

قُلت سابِقًا يوم 07/04/2010م (اعلاه) الآتي :

Quote: * أرى أن ياسِر سعيد عرمان مُرشح الحركة الجنوبِية مآلِهِ سَيكون بِالتسلسُل أدناه : - سوف يفشل أمام عُمر البشير ... فشل كبير. - سوف يتِم إبعادِهِ مِن صف الحركة الجنوبِية الأول (تهميش/طرد/قتل) بِإتِهامِهِ بِأي تُهمة ، كِالعمل كطابور خامس لِمؤتمر الوطني. - إذا أُبْعِد مِن الحركة الشعبِية بطريقة قاسِية ، ستكون الفُرصة مُواتِية لِتصفِيتِهِ جسدِيًا مِن قِبل المؤتمر الوطني (الإنقاذ) لإظهار عُنْصُرِية الجنوبِيين وجعلِهِ شهيد الفِكرة الكذِب ، التي مات عنها جون قرنق والتي مفادها ان قرنق وحدوي. - إبعادِهِ مِن المسرح السِياسي الشِمالي (تهميش/إغْتِيال سِياسي) بِإعْتِبارِهِ خائِن عمِل مع الحركة الشعبِية. - وفي حالة أن سلِم مِن التصفِية الجسدِية مِن قِبل " الوطني " " الحركة " سينتهي بِهِ الأمر لاجِئًا بِإحدى الدُول الأوروبِية.

واليَوم (24/04/2010م) جاء في الأخبار :

Quote: مذكرة لقيادات قطاع الشمال لرئاسة الحركة تطالب بإقالة عرمان صوبت قيادات بارزة في قطاع الشمال بالحركة الشعبية انتقادات حادة إلى رئيس القطاع ياسر عرمان وصلت إلى اتهامه بتوظيف أموال القطاع لتنفيذ أجندته الخاصة وتبديدها في غير أوجه صرفها والفشل في إدارة القطاع. وكشف المهندس أبوبكر الطاهر المنصوري السكرتير السياسي لقطاع بحري والريف الشمالي ومرشح القطاع للدائرة (20) بالجيلي أنهم بصدد إعداد مذكرة لرئاسة الحركة الشعبية تطالب بإقالة ياسر عرمان وتطهير القطاع من الشيوعيين الموجودين بداخله وإعادة بنائه التنظيمي من جديد حسب وصفه ليواكب تطورات الأوضاع السياسية بالسودان في الفترة المقبلة. وعزا أبوبكر تلك الخطوة بسبب ما أسماه إخفاقات عرمان المتكررة في إدارة القطاع من الجوانب الإدارية والتنظيمية وقيامه بحملة تشريد منظمة لمعظم كوادر القطاع التي تؤمن ببرنامج السودان الجديد وفكر الدكتور جون قرنق وإحلال أصدقائه الشيوعيين محلها إضافة إلى موقفه الأخير بعدم تنفيذ قرار قيادة الحركة الشعبية بالمشاركة في الانتخابات في الشمال مما جعل مرشحي القطاع يخالفونه الرأي بالاستمرار في المشاركة.

http://www.alhadag.com/news-%D9%85%D8%B0%D9%83%D8%B1%D8...%A7%D9%86-16437.html

Quote: خليل ابراهيم : لم أعد من «الإخوان» ولسنا جناحا للترابي ونتحمل «أخطاء» المشاركة في الإنقاذ

http://www.sudaneseonline.com/ar1/publish/article_7593.shtml
ما بقدر أقول إنو تصريح د. خليل ما عِندو عِلاقة بِحديث التُرابي بِتاع < الغرباوية/الجعلي >. د. خليل ما سمعتو قُبال كِده قال إنو جِناح التُرابي المُسلح ، لكِن كان فاهِم إحاءات التُرابي الفحواها إنو العدل والمساواة جِناحو المُسلح ، د. خليل كانت إحاءات التُرابي مُخارجا معاهو ، على الأقل بتظهِر الحركة بإنها عِندها تمويل ضخم وساسة كِبار ... والتُرابي لامِن كان بتجدع ومفهِم الناس إنو العدل والمساواه في جيبو ، كان عارِف حاجة د. خليل ليهو ... أها بعد حديث الترابي بِتاع الغرباوية/الجعلي د. خليل قال إخير بعد ده أوضِح المواقِف ...

حقيقةً الترابي ده أصلو ما عاقِل ، لأنو بِكلامو القالو عن الغرباوية/الجعلي مُمكن تتحقق غايتو ، تقوم فتنة في البلد ... الغرابا الفي المؤتمر الوطني يِنْفُضو يديهم مِن عمر البشير ... ده كلو ممكن يحصل ... بس برضو الأكيد الحيحصل إنو ناس الغرِب حيشوفو التُرابي ، لو صادِق ولا كضاب كعهدِنا بِهِ ، حيشوفوهو عشرة عشرة وده زاتو في صالِح عم عبدالرحيم

في برنامج بابكر حنين < منبر سونا > إكْتشفت إنو د. إبراهيم دقش ، ما بعْرِف يُنْضُم ... أها عدم العِرْفه دي عادت كِتابتو حتو ... في عمودو بِالصفحة الأخيرة < عابِر سبيل > البِكْتِبو في جريدة < الخُرطوم > (طبعة الخليج) عدد الخميس 29/04/2010م كتب التالي :
[ ... قبل عقدين من الزمان ويزيد انطلقت تحذيرات بأن الحرب العالمية الثالثة لن تكون حرباً تقليدية لأن محورها المياة، ووقتها أخذت الأمر ببساطة لأن حرب داحس والغبراء وحرب البسوس طافت بذهني، فقلت هل يعود العالم إلى الوراء فيقتتل على بركة مياه أو بئر ماء؟ ... ](إنتهى)

فجيعتي في كلام د. دقش إنحصر في نقطتين قالِن :
(1) ووقتها أخذت الأمر ببساطة لأن حرب داحس والغبراء وحرب البسوس طافت بذهني.
(2) هل يعود العالم إلى الوراء فيقتتل على بركة مياه أو بئر ماء؟

حركات دارفور المُسلحة

(1) حركة تحرير السودان : [سابِقًا : جبهة تحرير دارفور]
تحت سيطرة قبيلة الفور ، وفي مؤتمرها بِـ " حسكنيتة " مِن أعمال جنوب دارفور في 2005م ، تم فصل رئيس الحركة < عبدالواحِد محمد نور > فإنْشقت الحركة لِعِده حركات :
أ - حركة تحرير السودان جِناح < عبدالواحِد محمد نور >.
ب- حركة تحرير السودان جِناح < مِني أركوي مِناوي > (الذي وقع إتفاقِية أبوجا 2006م مع المؤتمر الوطني وأصبح كبير مُسْتشاري عُمر البشير).
ج- تنظيم قادة شِمال دارفور / جارالنبي عبدالقادِر يونُس + صِديق عبدالكريم + محمد علي كلاعي.
د- حركة تحرير السودان مجموعة الـ19
هـ- حركة السودان المُوحد / أحمد عبدالشافي.
و- جبهة الخلاص الوطني / د. إبراهيم دِريج.

(2) حركة العدل والمُساواة / د. خليل إبراهيم محمد (وزير سابِق للأمن في حكومة الإنقاذ) وهي تحت سيطرة قبيلة الزغاوة ، إنشقت مِنها :
أ - الحركة الوطنِية لِلإصلاح والتنمِية / جبريل عبدالكريم باري + خليل عبدالله.
ب- حركة العدل والسلام / عبدالرحيم أبوريشة.
ج- حركة العدل والسلام القِيادة الميدانِية / المُهندِس محمد صالِح حربه.
د- مجموعة إدريس أزرق.

(3) حركة جيش تحرير السودان (مُنْشقة مِن حركة تحرير السودان) وهي تحت سيطرة قبيلة المساليت / خميس أبوبكر (كان نائِب رئيس حركة تحرير السودان عبدالواحِد محمد نور وأحد مؤسِسي حركة تحرير السودان مجموعة الـ19).

(4) مجموعة آدم بخيت

Quote: وقال الفريق أول سلفا كير رئيس حكومة الجنوب إن (الذين يتحدثون عن الوحدة هذه الأيام عليهم مراجعة أنفسهم) مشيراً إلى أن (هؤلاء دعموا الانفصاليين أيام الحرب)!! . لا ينتطح عنزان في أن سلفا كير يعني بقوله عن الذين دعموا الانفصاليين أيام الحرب الحكومة السودانية أو قل المؤتمر الوطني ولا يحتاج قوله هذا مني إلى تعليق إلا فيما يتعلق بعبارة على الذين يتحدثون عن الوحدة مراجعة أنفسهم ذلك أنها تفسر نفسها ولا تحتاج إلى بيان فالرجل يطلب من المؤتمر الوطني الكفّ عن الحديث عن الوحدة!!. في ذات المناسبة التي أدلى فيها سلفا كير بهذا الحديث كنا قد تطرقنا إلى مقولة باقان أموم التي اشترط فيها تخلي المؤتمر الوطني عن مشروعه الإسلامي إذا كان يريد الوحدة واليوم نكتب عن جهيزة التي قطعت قول كل خطيب فقد جاء رد د. نافع علي نافع على تخرُّصات باقان حاسماً وقاطعاً فقد قال الرجل ــ لا فُضّ فوه ــ إن (من يريدون منا ترك دين الله واهمون)!! .

http://www.alintibaha.sd/index.php@n=b3b0aw9upwnvbv9jb2...ndumsxrlbwlkptg0.htm

الاستاذ عزام فرح

لك التيحة و التقدير


امريكا لازم تجد زريعة عشان تدخل فى السودان و غيره

لانو لو ما عندها زرعية قوية و منطقية فن الراى العام تابلداخلى قوى جدا جدا

فلابد من وجود الزرائع المقنعة و المنطقية

علشان < زنقه خليل > دي أكان رأي أنو ينضم للمتمردين التشاديين ، لأن القائد العسكري بدون أرض ببقى مناضل وهمي ساي ، ما بكون عندو أي ورقة ضغط يلعب بيها ...
تشاد رفضت ...
مصر طردت ...
ليبيا تعنتت ...
الباقي لخليل شنو غير إنو كان ينضم للمتمردين على إدريس ديبي ... ده فن الممكن ... في النهاية الضغوط حتجبر خليل للعودة للدوحة وحيوقع إتفاقية هزيلة تنتهي بيهو محل ما إنتهى مناوي ...

أصلو < العرجا لي مراحا > وخليل ده ياهو الكان زمان < دباب > وكان بقتل فوق الجنوبيين تقربا لله تعالى وأمل في نيل إحدى الحسنَيَين ، أيام < أمريكا روسيا قد دنا عذابهما > خليل ده إنقاذي وكان وزير في حكومة البشير وأحد تلاميذ الترابي المقربين ... يعني ده تخبتو بده ... كيف ممكن الواحد يتعاطف مع زول سيرتو مِتِل سيرة د. خليل ده ... على كده برضو حقو نتعاطف مع حسن الترابي ، ما الحكاية بقت البزعل مع البشير ويمرق بره هيصا الحكم ، ينصب بطل قومي ... ساهله والله ... يعني جوه اللعبة يقتل فينا ويسرق مال الخلفونا ... بره الحكم ننصِبو بطل ونغني بِأمجادو ...

هسع د. الترابي الدخل البلد كلها في كارثة في ناس عاملنو بطل ... بس لأنو بره الحكم ... نفس الحاجة مع د. خليل كان جوه معناها منهم وفيهم ... هسع بره مستحيل يصبح منا وفينا ... لأنو ما كان زول جبهجي ساي ، لا ، كان قيادي وفاعل ومن المقربين ، يعني أي عفن سوتو الإنقاذ هو مشارك فيهو بيدو أو بلسانو أو بالسكوت عنو ... هسع ما يعمل لينا فيها بطل ... أنا لو واقف مع د. خليل ، واقف معاهو علشان مجرم في المعاش بكاوي في مجرم لازال في الخدمة ... واقِف مع خليل مِن منطلق < عدو عدوي صديق >

دي صلوات الناس أكانو بدعو الله إنو يشتت جمعكم ويشغلكم بأنفسكم ويجعل بأسكم بينكُم شديد ...

كتب م. الطَيِب مُصطفى (خال عمر البشير ، لزم) :

Quote: قلنا إن خليل إبراهيم قد تحوَّل فجأة إلى مصر وبات يتحدث عن «أهمية إشراكها إشراكاً فعلياً في كافة قضايا السودان» بالرغم من أن الرجل كان قديماً يرفض أي دور لمصر في معالجة أزمة دارفور كما أن مصر لم تكن تُضمر للرجل إلا مشاعر التوجُّس والحذر!!.. كيف لا تفعل وهي التي تعلم عن العلاقة القوية التي تربط خليل إبراهيم بعدوها اللدود د. الترابي؟! وهكذا يهبط خليل فجأة في مطار القاهرة ويُستقبل كما يُستقبل رؤساء الدول في نفس الوقت الذي تقوم فيه قواتُه بالاعتداء على القرى والفرقان وتقتل وتسلب وتنهب وتروِّع المواطنين كما فعلت يوم قامت بمحاولتها الفاشلة لغزو أم درمان بمباركة الترابي الذي يصر حتى آخر لحظة من عمره على أن يلطخ تاريخه ويهوِي عليه بمِعْوله تدميراً وتخريباً وهكذا يصف خليل تحوله المفاجئ من الدوحة التي كان يتغنى بها إلى اتهام الوساطة القطرية «بعدم الحياد» ويقول عن القاهرة ودورها الجديد إنها «تدخلت في لحظة تاريخية» فهل بربكم نملك غير أن نبارك «للتعيس وخايب الرجا» حبهما وعشقهما المفاجئ؟!

Quote: مصر تستقبل خليل إبراهيم في اليوم التالي لوصول وفدها المكوَّن من وزير الخارجية أحمد أبو الغيط ووزير الأمن عمر سليمان إلى الخرطوم في «بلطجة وفهلوة» تحكي عن الاستخفاف المصري الدائم بالسودان منذ عهد الفراعنة مروراً بالتاريخ الحديث من لدن الغزو المصري للسودان والذي يُعرف تأدباً بالتركي بالرغم من أن ذلك تزوير للتاريخ ثم غردون ثم كتشنر وكلاهما لم يقدما إلى الخرطوم من لندن وإنما من القاهرة التي جاءا منها على رأس جيوش مصرية جرارة ثم قرنق الذي كان يقتل أبناء السودان الشمالي ويُستقبل في مصر كما يُستقبل خليل اليوم «بالبساط الأحمر»

المصدر : http://www.alintibaha.sd/index.php@n=b3b0aw9upwnvbv9jb2...ndumsxrlbwlkptg0.htm

وكان سبب م. الطَيب مصطفى في دِفاعو عن الوحدة مع مِصر (حينها كانت ولازالت مِصر محتلة أرض سودانية) ومُناصرة إنْفِصال جنوب السودان ، إنو نحنا -يعني السودانِيين وكِده- بنقطع ما أمر بِهِ الله تعالى أن < يوصل > و< نَوصِل > ما أمر بِهِ تعالى أن < يُقطع > في إشارة إلى أن < المِصرِيون مسلِمين وبِالتالي إخَوة > وأن < الجنوبِيون مسيحيون/وثنِيون/كفره >

Quote: في برنامج بابكر حنين < منبر سونا > إكْتشفت إنو د. إبراهيم دقش ، ما بعْرِف يُنْضُم ... أها عدم العِرْفه دي عادت كِتابتو حتو ... في عمودو بِالصفحة الأخيرة < عابِر سبيل > البِكْتِبو في جريدة < الخُرطوم > (طبعة الخليج) عدد الخميس 29/04/2010م كتب التالي : [ ... قبل عقدين من الزمان ويزيد انطلقت تحذيرات بأن الحرب العالمية الثالثة لن تكون حرباً تقليدية لأن محورها المياة، ووقتها أخذت الأمر ببساطة لأن حرب داحس والغبراء وحرب البسوس طافت بذهني، فقلت هل يعود العالم إلى الوراء فيقتتل على بركة مياه أو بئر ماء؟ ... ](إنتهى) فجيعتي في كلام د. دقش إنحصر في نقطتين قالِن : (1) ووقتها أخذت الأمر ببساطة لأن حرب داحس والغبراء وحرب البسوس طافت بذهني. (2) هل يعود العالم إلى الوراء فيقتتل على بركة مياه أو بئر ماء؟

عزام ازيك
طبعا يا ولدنا اجمل حاجه فيك بتخت الكلام طاخ ودى سمه نوبيه ..علاقتى بالنوبه هى علاقة نسب وقد لاحظت هذا الامر كثيرا ولاادرى هل يرد ذلك لطبيعة المنطقه ام ان النوبه بما تراكم عندهم من حضاره توصلوا الى ان اقصر الطرق هو قول الحقيقه مهما كانت موجعه وصادمه..بالعوده الى عمك دقش انا اعتقد اننا فى السودان مصابين بداء الكنكشه . السياسى لا يتقاعد ولا يرضى فى حياته الا بلقب الزعيم او الراحل والتى لايسمعها..الكتاب يجترون نفس المفردات ليؤذوا مسامعنا اضافة الى مفردات الخرف غير المبكر انظر الى ما قاله عمك (داحس والغبراء) عليك الله دى قلع بيها من وين (وبركة ماء) ده كلام ده غايتو يا عزام الله يكون فى العون.

د. محمد بابكر (النسيب الحبيب)
كيف حالك؟ علك طَيِب ...

Quote: وقد لاحظت هذا الامر كثيرا ولاادرى هل يرد ذلك لطبيعة المنطقه ام ان النوبه بما تراكم عندهم من حضاره توصلوا الى ان اقصر الطرق هو قول الحقيقه مهما كانت موجعه وصادمه..

بعد الزول يِفوت عُمر < الأربعين > بشوف إنو ماف وقت < للتجمُل > خصوصًا بعد ما يِكون خاب ظنو مِن عدم ورود أي نوع مِن < الرسائِل > السماوِية ...

سلام اخي عزام

Quote: أنا لو واقف مع د. خليل ، واقف معاهو علشان مجرم في المعاش بكاوي في مجرم لازال في الخدمة ... واقِف مع خليل مِن منطلق < عدو عدوي صديق > دي صلوات الناس أكانو بدعو الله إنو يشتت جمعكم ويشغلكم بأنفسكم ويجعل بأسكم بينكُم شديد ...

نفس الشعور والله

خليه يواصل في السافوته دي لعمر البشير الى ان يقضى الله امرا كان مفعولا

__________________________

تحياتي، وانا من المعجبين بكتاباتك

ود إبنعوف ...
كيف حالك؟ علك طَيِب ...

شُكرًا على المرور ... وكتر خيرك

في برنامِج < مُراجعات > للإذاعي الطاهِر التوم ، بِقناة النيل الأزرق (الإعادة 50ر2 مساء يوم السبت 29/05/2010م) أرجع اللواء يونِس محمود جَودة خِطابِهِ السياسي بِإلإذاعة -الخِطاب الذي إشْتُهِر بِبادئتِهِ (أيها الشعب السوداني البطل)- إلى < البركة > تارةً وإلى < التنزُلات السماوِية > تارةٌ أُخرى ...

إن إرجاع أعمال رِجالات الإنقاذ الدُنْيَوِية إلى العِناية الإلهية ، أصيل ، فهُم -أي رِجالات الإنقاذ- لا يُكْذِبون ، بل مُتيقِنون مِن أن أعمالِهِم في الدُنيا مَوضع عناية الله تعالى. وخُطور هذا < اليقين > يجعلنا كُلِنا جميعًا عوائِق في طريقِهِم الذي يمْشون فيهِ ... إنهُم يقتِلوننا -حسب قناعاتِهِم- بِإسم الله تعالى ، ويجعلون المال دَولة بَينهُم بِإسم الله تعالى ، ويتمكنون مِن مفاصِل الدَولة بِإسم الله تعالى ، وهُم لا يكْذِبون في إعتقادِهِم هذا ، بل مؤمنون ومُخْلِصون ، وهُنا الخُطورة ... فنحنُ نُحارِب < يقين ديني > قام بتديين كُل شئ ... دَيَنَت الإنقاذ حرب الجنوب ، فجعلوها بَين < مُسلِم منصور > و< كافِر مدحور > وجعلوا < للتأصيل > مقعد وِزاري ، وأصبحت لاحِقة < إسلامِية > كأنها إلزامِية أو نِفاق إشْتُهِر بِهِ السودانِيين مؤخرًا مِثل < جزاك الله خير > < وأحسب أن ... > واللُحى < دعوني أعيش > و< مِن أجل أبنائي > ... حتى التوقيت قاموا بِربطِهِ بِصلاه الفجر (البكور) لم يتْرُكوا شئ ولم ينسوا شئ ولم يتعلموا شئ ... حظروا < القُبلة السَكرى > في بِداية أمرِهِم وإنتهوا بِـ< راجل المرا حِلو حلاوة > بِصَوت حماده بِت ...

مُلخص المقال الذي كتبه الكاتب حامد إبراهيم حامد في الراية القطرية عدد اليوم الأحد 13/06/2010م تحت عِنوان < الثالوث الذي يُخيف مِناوي > :

[ يبحث المؤتمر الوطني عن قُوة دارفورِية تحِل أزمة النازِحين التي عجِز عن حلِها مِناوي مِنذ توقيع الأخير إتفاقِية سلام مع حكومة الخُرطوم عام 2005م في أبوجا هذِهِ الأزمة التي فشِلت عن حلِها الحركات الدارفورِية المُسلحة التي تم إسْتِرْضائِها بِحقائِب وِزارِية ووِلائِية ، وهُمْ أبو القاسِم إمام (حركة تحرير السودان الأم) وأبو ريشة (حركة العدالة والمُساواة جِناح السلام) وإبراهيم مادِبو (حركة تحرير السلام جناح السلام) وعبدالرحمن موسى (حرحة تحرير السودان الإرادة الحُره) .

سلام الدوحة الذي بين المؤتمر الوطني وبين حركتي العدل والمساواة وحركة التحرير والعدالة ، تُُهدِد مَوقِع مِناوي بِالخُرطوم الضعيف أصلاً وسط الزخم الدارفوري الداخلي الشريك بِالحكم والمعارَض الذي يحمِل السلاح أو الذي يُفاوِض المؤتمر الوطني. وورطة مِناوي تتمثل في أنهُ شريك غَير ذي جدوى لِشُركائِهِ (المؤتمر الوطني) لأنه لم يُحقِق لهُم ما كانوا يطمحون ، وهو عدو للآخرين مِن رِفاق الأمس (الحركات المُسلحة الدارفورِية) ] (بِتصرُف)

طبعا يا ولدنا اجمل حاجه فيك بتخت الكلام طاخ ودى سمه نوبيه ..علاقتى بالنوبه هى علاقة نسب

الدكتور محمد بابكر

سلام الله عليك

والله بصراحه كده الواحد يسمع كلام ذى ده من دكتور ليه مكانه مرموقه فى حزب سياسى كبير واستاذ فى هنطا كولج من اشهر جامعات امريكا بيشعر بنوع من الاحباط ،يعنى انت لو ده اعتقادك يبقى الناس الذينا ديل يقولو شنو ؟شوف يااخوى انت دما وشكلا وعقلا وعادة وتقاليدا نوبى لاغير
لك التحي

عبور محبة

عبدالرحمن الحلاوي

Quote: عبور محبة

تعبُر لِمكه إن شاءالله وتمسِك شُباك النبي ... قول آمين

آشْواق الشِمالِيين وعُلو صَوْتِهِم لِتأييد < الإنْفِصال > أربكت الجنوبِيين وجاطت حِساباتِهِم ، وكما قالت كَوكب الشرق < للصبر حُدود >

لِتغطية أعمال < أحمد هارون > القذِرة في دارفور ... تم رصد ميزانِية ضخمة لِتسيير وِلايتِهِ ... فكانت الطُرُق العابِرة والداخِلِية وبِالأمس إنتهى التعداد (سُكان/مساكِن) ميزانِية ضخمة لإنشاء وتأهيل الملاعِب الرِياضِية والمدارِس ... هذا جَيِد وإن كان النِفاق ظاهِر وبَيِن فيه ... فقط يجِب العِلم ، بِأن هذا الصرف مِن < أموال > عم عبدالرحيم ... بَينما إنْهاء حياة 10 ألف إنسان مدني [حسب الخِطاب الرسمي لِدَولة البشير] مِن < أعمال > الله تعالى وحدهُ

Quote: الخرطوم/جوبا/علوية مختار: كشفت مصادر مطلعة لـ«الصحافة»، ان المؤتمر الوطني طرح على الحركة الشعبية، تبنى الكونفدرالية بنظام دولتين ورئاسة بالتناوب كصيغة بديلة لخيار الانفصال.

http://www.alsahafa.sd/

أرى أن هذا خِيار سيئ ، لأنه يُكرِس الوضع الراهِن ... والوضع الراهِن بِقول إنو الثِقة اليَوم معدومة بَين الشِمال والجنوب ... والثقِة كانت معدومة طوال 55 سنة الفائتة ... والجنوب يعلم أن سِياسيي الشِمال يسْتميتو لِلحِفاظ على نصيبهم مِن البترول ووعد الإسْتِثمار في غابات وأسماك الجنوب ... أقول سِياسيي الشِمال ، لأن عم عبدالرحيم لم ينال طُوال الـ20 سنة الفائِتة أي فائِدة مِن بِترول الجنوب وكذلِك كادِحي الجنوب لم يسْتقفيدوا شئ مِنهُ ... فما فائِدة التي عادت لعم عبدالرحيم مِن مبنى كبرج الفاتِح ومركز عفراء وشارِع النيل والفِلل الرئاسِية وكُل المباني الخاصة التي أطلت بِرأسِها في غِياب قانون مِن " إين لك هذا " يا إبن الكَلبْ ... بِترول الجنوب لم ولن يستفيد منهُ كادحي الشِمال والجنوب ... فقط نكَتوي بِنار الغبائِن الشِمالِية الجنوبِية والجنوبِية الشِمالِية ، هذا نصيبُنا مِن الجنوب ونصيب الجنوب مِنا ... والجنوب يعلم أن سِياسيي الشِمال يسْتميتوا لِلحِفاظ على نصيبه مِن البترول ووعد الإسْتِثمار في غابات وأسماك الجنوب ... لِذا فإن نظرات أهل الجنوب لنا شذرًا ستجعل الوضع أسوأ مِما هو علَيهِ اليَوم ، فهُم لن يقبلوا أن ننهب ثرواتِهِم الصباح الصباح كِده ، ونحن لن نقبل أن يُنظر إلَينا كيد سُفلى ، الطرح أعلاه مُفيد كحل لِحروبات غرب السودان ، كخِيار بديل لِلحرب الأهلِية بَين أولاد البحر وأولاد الغرِب ... والفيدرالية تُفيد لِجِهات السودان الإثْني (نوبيي الشِمال/البجا والهدندوة والبني عامِر بِالشرق)

سيتفاوض السياسي الجنوبي مع الشِمالي في أمر الكونفِدرالِية ... فقط كسبًا لِلوقت ... فقط لِينشغِل الشِمال -الدايِر يِكضِب الشينه- حتى موعِد الإسْتِفتاء على الإنْفِصال

إغلاق صحيفة العُنْصُري (خال) البشير ... بتدي مجال أكبر لِنجاح أعمال علي عثُمان محمد طه ، الرحل جِهة الجنوب ، إنو يِمرِر أجِندة المؤتمر الوطني ... الأجِندة البِتحاول إنْقاذ < ثَروات > الجنوب وإخماد < ثورات > مؤيِدي الإنفْصال ...

عِندنا مرجعِِية لزواج المرأة ... مِن ضِمْن خِيارات النِكاح أن تُنْكح < لِمالِها > و< حسبِها > ده بِإفْتِراض أن مقاييس الجمال في عيون الشِمالِيين لا تتعدى نجوم لبنان ومِصر التي كانت ... أرى أن تغري الإنقاذ مُتحرِكاتِها الشِمالِِية بِالسعي لِلزواج مِن جنوبِيات ، وتمهيدًا لِهذا المسعى ، تقوم الإنقاذ بِتمليك كُل فرد مِن مُتحرِكاتِها ولِمن يرغب مِن غَير أفراد المُتحرِكات : شنطة شيلة + مُعينات فتح بيت في الجنوب (أرض سكنِية + أرض زِراعِية + رأسمال لِزِراعة موسِمين + عدد (2) بقرة + عدد (10) شِياة) بِالإضافة لِتحمُل الحكومة < المهر >

والله ده الحل الوحيد < الجاذِب > والمنطِقي وفي المُمْكِن ... زَوجه بِمالا وبحسبا وإعانة مُحترمة لِحياة واقعِية في بلد جميل ... تاني شنو؟





(الجنوبِيات الفي الخُرطوم همِلوهُم ... ديلَنْ عارفين عفنا قدريش)

كتبت بِالأمس الأربِعاء 07/07/2010م (أعلاه) :

Quote: إغلاق صحيفة العُنْصُري (خال) البشير ... بتدي مجال أكبر لِنجاح أعمال علي عثُمان محمد طه ، الرحل جِهة الجنوب ، إنو يِمرِر أجِندة المؤتمر الوطني ... الأجِندة البِتحاول إنْقاذ < ثَروات > الجنوب وإخماد < ثورات > مؤيِدي الإنفْصال

واليَوم الخميس 08:07/2010م جاء بِالأخبار ما يؤيِد قَولي بِالأمس:

Quote: ويقول بعض المحللين، إن الرئيس السودانى عمر حسن البشير وحزب المؤتمر الوطنى الذى يتزعمه يقومان بشن حملة لإقناع الجنوبيين بالتصويت لصالح الوحدة فى محاولة للحفاظ على السيطرة على نفط الجنوب، ومن المتوقع أن يصوت الجنوبيون لصالح الانفصال.

http://www.sudaneseonline.com/ar3/publish/article_1832.shtml

بإدناه مُداخلة لي في عمود في سابقة خطيرة : مساحة من دارفور تمنح للولاية الشمالية. (مع التصرُف)

صَوت الشِمال المُطالِب بإنْفِصال جنوب السودان أصبح عالي وعالي جِدًا ... الجنوبِيين عِرفو حاجة ... وده برضو الأنا وغيري العاوزين نعمِلو من الغرابا الكانو البِكْسو الكعبه ديل (والله ذكرتوني بإسماعيل الأزهري كُل ما يِقولو ليهو حاجة يِقول : أنا رفعت علم الإسْتِقلال) نقول لو الغرابا شاعرين إنهم مظلومين ، طوالي < كونفيدرالِية > أو < إنْفِصال > ونشوف الدلع البِتْدلِعو ليهُم حكومة السجم دي حدو وين ... ياخ نِحنا بِقينا يا الله يا الله بِنقدر نفرِق بين < الآذان > في تِلِفِزْيون السودان وبين < الحمري > حكومة مُنافقة ... قُبال < نيفاشا > كرهونا بعرض الآلات الموسيقِية لِلقبائِل الجنوبِية ... أنواع أكِلُمْ ... لِبِسُمْ ... نشاطُمْ الإقْتِصادي ... وتعال شوف الجنوبِيين في الخُرطوم كيف بِقو يتعاملو مع البشر ، إفْتِرا غريب ... ياخ العربات الراكْبِنها كانت بِدون رقم ... البوليس يِوقِف الجنوبي ويسْألو وين النِمَر يا زول ... يِقول ليهو ماش أرخِصا في جوبا ... الإعْتِداءات عُقُب إشاعة قتل جون قرنق السووها الجنوبِيين في العاصِمة ، كانت نتيجة لِدلع حكومة السجم دي لِلجنوبِيين ... هسِع دور الدلع وصل للغرابا ... ما قلت ليك حكومة مُنافقة ... أنا وغيري لو الغرابا عاوزين يِنطِطو لينا ، بِنطالِب ليهم بِالكونفيدرالِية أو بِالإنْفِصال وغصبًا عنهُم كمان ... طبعًا الكونفيدرالِية أو الإنْفِصال ديل طلبين ساهلات جِدًا نصل فيها < نحن > لِغايتنا فوقا ، حقو الغرابي يِفكر في الحِكاية دي شوية براهو ومُمْكِن يِسْتعين بِجنوبي ...

دلع الجنوب خلاص إنْتهينا مِنو ... هسِع قبلنا على دلع الغرابا تاااب ... وحكومة السجم دي عِندها مِن الموبِقات ما هو كفيل بِمُساعدتنا في ها الأجِنده ... لأننا بنقول ليها رِسالة واضحة جِدًا < يا حكومة الإنقاذ أخير ليكي تسْتعبدي نِحنا أهل الشِمال المُسْتكينين الخاضِعين الخانِعين المُربِع ايدينا ، مِن إنك يا حكومة تحاولي تسوي ها الإسْتِعْباد والحريق باقي في الجنوب والغرب > الرِسالة دي مُغْرِية جِدًا لِزول مطلوب القبض عليهو دولِيًا وحصانتو الوحيدة هي شعبو وأبناء جلدتو ... علشان كِده الحكومة المِعفِنه دي زي ما غنت معانا أُغنِية < إنفِصال > جنوب السودان وكرستو ، بِإطلاق يد سلفاكير في الجنوب وتأجيج نيران العُنصُرِية بِصحيفة الطَيِب مُصطفى ... برضو حتغني معانا غصبًا عنها أُغنِية تنفيذ الكونفيدرالِية أو إنفِصال غرب السودان نِهائِيًا ... وصوت الكونفيدرالِية أو الإنْفِصال مِن قِبل الشِمال النيلي ، لِلدُول ذات الشهِية المفتوحة لِليورانيوم والبِترول والمعادِن البِباطِن أرض غرب السودان ، حيكون وقع ليها فوق جرِح ، وبرضو حتغني معانا نفسسسس الأُغْنِية ...

ما تقول لي في مُشْتركات بِين < أولاد البحر > و< أولاد الغرب > كُل المُشتركات دي أنا عارِفا زي جوع بطني ... لكِن المُشْتركات دي أكان دين أو لحمه (قرابا) أو تاريخ واحِد ، ما شالت الغبايِن ... أها نكضِب ونظل ندور تاااااني 50 سنة في حروبات أهلِية فوق بهايِم عرب دخلو زِراعة غرابا ويِموتو كُتار وتجي الحكومة تدفع مِن حُر مال البلد الدِيات ، ياخ المُسلسل بِتاع الهبانِية/المعاليا دي مِسِخْ تب ... أها الحاجات المُشْتركة بين قبايِل غرب السودان في ذات نفسها ما حفظت دِماهُم في بعضهُم ، علشان كِده سيبك مِن إنو بتجمع الناس مُشْتركات بتخلي الغبايِن تموت ... أنا عندي أهل في غرب السودان ... غرب السودان الحقيقي ، الإفريقي ، وبطالِب (بعد ما إنتهينا مِن الجنوب) بِتطبيق نِظام الكونفيدرالِية لِحُكم غرب السودان ، ما نفع طوالي بنطالِب بِإنْفِصالو ...

أنا بفهم إنو الواحِد يِطالِب بِحقو ... بس يِقوم محمد آدم الحسن (الرابِط أعلاه) يِعَنْوِن عمودو بِـ< مساحة من دارفور تمنح للولاية الشمالية > شوف كلِمة < تمنح > دي كيف بِالله مُعبِره ، العِنوان ده بعْتبِرو أنا وغيري (غيري دي بِالمُناسبة قاصِد بيها الكُتلة المؤيِدة لأي زول بِتْدلع فوق راسنا ، إنو يِنفصِل كونفيدرالِيًا أو نِهائِيًا) بنعتبِرا أنا وغيري بِداية مُسْتترة لِتخَويفنا < نحنُ > يعني < هرشه > وكِده ... أها < نِحنا > الهرشه دي زاااااتا < كُنا > عاوزينها تجي < منكُم > علشان نغني أُغنِية < يا غريب يلا لِبلدك >

أفتكِر كِده الرؤية بِقت واضحة