شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (صور)

شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (صور)


04-04-2007, 04:09 AM


  » http://sudaneseonline.com/cgi-bin/sdb/2bb.cgi?seq=msg&board=3&msg=1175656140&rn=0


Post: #1
Title: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (صور)
Author: Mohamed Abdelmotalib Hassan
Date: 04-04-2007, 04:09 AM



عارفين أول حاجة عملتها شنو ؟؟؟؟ ظبطت لي كباية شاي كده وختيتها جنب الكمبيوتر ,,وقت كده ابدا النضال في المنبر اللي هو واليمن ضياع زمن ...( دقيقة آخد لي جقمة من الشاي ده)) ...أها يا ناس أهل الكهف جيتكم بالباب عديييييييييييييييل كده...وزي ما قال ريسنا العوير ...البجينا متحزم بنقابلو عريان....ده طبعن نظام ضبيييح كدايس من بدري وكده ....وفي نفس الوقت كسير تلج مربعات ومضلعات في الشارع العام.....نسبت انا هسة خشيت هنا لي شنو!!!! اتدكرت ..اتذكرت....نهههههاي ما فكرت اني ممكن اقدم لي عضوية في الكهف ده ((طبعن في واحد حيقول يدي الحلق لي منو كده ما عارف ..والحنك العاضي داك.. وواحد حيقول واسطتو قوية...بس عليكم الله مافي واحد يقول عشان كوز ولا موز ولا لوز!!...لكن لما قريت التعليق بتاع ناذر وبيان وهبة وقالو لي انت ايه ما تقدم للعضوية؟؟ عشان تجي تكسر زمن معانا هنا .....بصراحة راسي كبر كبرة شديدة ...قلت والله فكرة ....الواحد ممكن يستفيد من الحكاية دي (( داخل علي طمع)) ممكن يلقي ليهو فيزا ولا لو يوم اتزنق ليهو في حاجة الشباب ما بقصرو ....وبعدين في نفس الوكت ممكن تكون نظام قشرة وكده...يعني تعمل فيهانظام الود بكتب في سودانيز اون لاين وكده.....هووي... هووي ...ما تصدقو دي وهمة مني ساكت...قشرة شنو كمان؟؟ .....بئس القشرة!!!!!!!!!!!! هو أنا لما أقشر في الدنيا دي أقشر بي سودانيز اون لاين؟؟؟؟؟؟؟


المهم ما علينا خلونا في المهم : عارف لما كنت بكتب ليكم زممممان لما كنت قارئ (( حلوة دي !! صاح؟؟)) اكتشفت حاجة غريبة جدا وهي انو لما تشوف الحاجة الانت كتبتها قدام عينك كده ...... كأنك بشوف ذاتك ختوها قدامك وقالوليك هاك شوف الجواك.... أو كمان زي ختو ليك روحك اللهي سر اللآهي قدامك كده ...خاصة لو كلامك كان طالع من المزرعة ..اقصد من القلب رأسااليك .....

يا ناذر : اسمع هنا....انت طبعا عريس ...وما تقول دي عزومة مراكبية !!!!! تعال لينا هنا في هونولولو ...لي شهر العسل بتاعك ....طبعن هونولولو دي أروع منتجعات الدنيا السياحية...هي قبلة العالم الأولي في السياحة ... جوها ربيع طول العام وهي قطعة فنية ساحرة ... ولوحة رسمتها الملائكة بالاشتراك مع بعض من الجن.....من راءها غنم (( بكسر النون)) ومن فاتها ندم ((دي ما فيها تشكيل)) جمالها يستعصي علي العقل البشري أن يستوعبه .... انها جنة الله في أرضه ... حاكتب ليك العنوان تحت ..حاول شوف موقعها في قوقل ايرث عشان تآمن ...... بحاول انزل بعض الصور اللي التقطتها في عيد الأضحي الفات......

شكرا ناذر بيان حيدر هبة بكري....طبعا عشان ما تزعلو الدعوة دي موجه ليكم انتو برضو ...ممكن تعملو اعادة لي شهر العسل ...نظام تشاهد غدا وكده.....نشوفكم بعد المسلسل ... جنب الدكان....ما تقولي ده شنو العضو الجديد الرداح ده!!!!!

غرزة وطبزة : الكهف كهفي ..كهفته وحدي ...وساكهفه برضو وحدي.


محمد عبد المطلب
ا

العنوان : عشان تشوف هونولولو في قوقل ايرث :

1711East West RD
Honolulu, Hawaii, 96848



http://www.sudaneseonline.com/u/Picture021a.jpg



http://www.sudaneseonline.com/u/Picture032A1.jpg



http://www.sudaneseonline.com/u/10001ab2.jpg



http://www.sudaneseonline.com/u/001ab1.jpg

Post: #2
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: خالد الطيب أحمد
Date: 04-04-2007, 04:13 AM
Parent: #1

مرحب محمد عبد المطلب


والله يا محمد قبل زمن طويل كنت عاوز أسأل عن هل يوجد بورداب في هونولولو وللا لا؟

بالله إنت هسه هناك؟؟ وبتجغم في كباية الشاي؟



تحياتي لكل البورداب في هونلولو.


وإحتمال أجيكم طلة بي غادي.

Post: #3
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: حيدر حسن ميرغني
Date: 04-04-2007, 04:20 AM
Parent: #2

محمد

مرحب بيك يازول

المرة دي جيتنا بالباب عديل كده

ان شاء الله يطيب ليك المقام




وتجينا كمان اختنا هبة

Post: #4
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: doma
Date: 04-04-2007, 04:37 AM
Parent: #3

لوووووووول والله فرحانه بيك بشكل ما تتخيلو وكدي اكسر تلج بالاول
يا اخي مرحبيك ونور بيتنا وشارع هوين شينق دونق جيي Huixindong jie

Post: #6
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: doma
Date: 04-04-2007, 04:48 AM
Parent: #4

يخسي عليك لي ما عزمتني انا ؟؟؟!!
والله عندكم سماحه هواء قبل 20 سنه مريت بهناك يا اخوي كلها كانت سواح يا بانيين. وجعنا فيها جوعه ماانساها ابدا .جينا منتهين من السفريه نقوم يا سيدي فرد نومه ما نصحي الا الساعه 3 بعد الظهر وتعال شوف الجقلبه ما لقينا اي مطعم المهم طشينا كدا لقينا لينا مطعم ياباني والله من شده الجوعه ادونا شوربه كدا لا تعرفها شوربه لا مويه غسيل وشغلات تانيه كدا المهم بالجوع اكلناها واتمطقنا كمان
لي تاريخ اللحظه ما عندي غرام مع الاكل الياباني .

Post: #16
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: Mohamed Abdelmotalib Hassan
Date: 04-04-2007, 08:53 PM
Parent: #4

يا دومة

تشكري يا أصيلة , فرحك فرحني شديد , انشاء الله نبقي ليك سبب أفراح متتالية............ نشوفك قريب ........وكان حيين بنتلاقي في الرملة الدقاقة.
العزومة : عشان عارفك جيتي هنا قبل كده ما عزمتك , قولي عرفتك كيف ؟ من الصورة بتاعتك !!!! لما شفتها قلت أكيد الزولة دي زارت هونولولو
قبل كده , وكان معاك عبد العزيز محمد داؤؤد صاح ؟؟ عارفة الشوربة اليابانية ؟؟ عندهم نوع واحد بس بتاع شوربة في هونولولو اصلا ما بتغير
بعتبروها تراديشن فوود , عشان كده أبشرك الشوربة المطقتي ليها ديك كانت شوربة جعران ياباني , بس جعران بيت ... يعني نضيف شديد, بالهنا

Post: #5
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: bayan
Date: 04-04-2007, 04:44 AM
Parent: #3

منو دا?
لا حولة ياخي شرفتنا لكن بلدكم ما اسمح من بلدنا
دي انا في شهر عسل من 1993 ذي ما جماعتنا
في جونتنوموبي مصيفين على حساب
الامريكان من 5 سنة يا زول كيفنك
اها انا عايزة لي محا مي اوكلك ?

كنت
بدوراكتب ليك كثير لكن مشكلتي بـكتب بالماوس لانه العربي اختفى ذات فرمتة

Post: #7
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: abubakr
Date: 04-04-2007, 05:05 AM
Parent: #1

عزيزي محمد .. نلتقي مرة اخري .. كلامك جميل واكتشافاتك انسانية وما "غريبة"

Quote: المهم ما علينا خلونا في المهم : عارف لما كنت بكتب ليكم زممممان لما كنت قارئ (( حلوة دي !! صاح؟؟)) اكتشفت حاجة غريبة جدا وهي انو لما تشوف الحاجة الانت كتبتها قدام عينك كده ...... كأنك بشوف ذاتك ختوها قدامك وقالوليك هاك شوف الجواك.... أو كمان زي ختو ليك روحك اللهي سر اللآهي قدامك كده ...خاصة لو كلامك كان طالع من المزرعة ..اقصد من القلب رأسااليك .....



بس دوما وبيان الهم في اقصي شرق الدنيا وقريبات من الشمس بس بلادن الشمس بيخجل فيها ويدسا عندهن قضايا بايته مع بلدكم هونولولو ايام شهر العسل يعني لخبتو ليهن عسلن بدبايب بحرية ( انتي يا دوما قايلة ال سوشي داك برئ ) ...اهايا محمد لقيت ليك قضيتيين يرجعوك قارئ زي زممممان بشان لما تجينا راجع تجي باكتشافات جديدة

مودتي
ابوبكر

Post: #8
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: ناذر محمد الخليفة
Date: 04-04-2007, 05:47 AM
Parent: #1

يا سلاااااااااااام ..

أخيرا محمد عبد المنطلب معانا .. ناس أهل الكهف ..

يا خي مرحب بيك كتير ..

يا شباب ..

محمد دا كان قارئ متابع ويراي جدا جدا .. بيرسل رسايلو عشان تتنشر في بوست حيدر بتاع رأي زوار المنبر غير الأعضاء .. بس رسايلو كانت طويلة وبتستهلك من مساحة الإيميل والباندوث فقلنا أحسن يجي ينزلا براهو هنا بدل ما يتعبنا معاو ..

ودي أخر رسالة جات من محمد ..

Quote: اها يا ناس اهل الكهف دي رسالتي الأخيرة ليكم عشان الاسبرينق بريك بتاعي بنتهي بكرة ....يعني دي اعتبروها ضربة الوداع أو قرصة الوداع ((دي طبعا حركات شفع)) عارفين المرة الفاتت قلت ليكم المنبر ده والناس الفيهو بذكروني بي أهل الكهف وكده....اتم ليكم باقي القصة ...اها بعد االبوليس يجي يحاوط الكهف بتاعكم ..تجي وكالات الأنباء وتعمل لقاءات معاكم....تقومو تحكو قصتكم وانو عمر البشير وعصابتو كيف كرهوكم البلد ...يقوم المذيع يتدخل ..يقول للمشاهدين..طبعا المشاهد ما حضر الزمن بتاع عمر البشير البتتكلم عنو ده..لانه عمر البشير حكم السودان قبل اربعمية وخمسين سنة...وبعد داك طبعا يختوكم في متحف كده ويجو شفع المدارس يزوروكم من كل أنحاء السودان..وبالذات شفع الخرطوم ..متكييفين يازول من أشكالكم..واحد يسأل بشاشة ..انت يا عمو يا بتاع الكهف ..انت كنت قاعد تعمل شنو في الكهف ده اربعمية سنة؟؟؟والكان بيطبخ ليك منو؟؟ بشاشة ينطط عيونو!!!يقول ليه يعني حيكون منو يعني ؟؟ في غيرها ؟؟ ما تراجي !!!!!يقوم الشافع يقول ليه: ياي يا عمو الآكسنت بتاعك اوريجنال خالص....المهم يمشي يخادو جولة يتفرجو علي الكمبيوترات بتاعتكم..يقوم يلقو ليك الكمبيوترات مليانه بزاق ((الله يقرفك)) وده كلو من الشكل والنبذ والتفتفة علي بعض وشئ مخاخيت ..بالله الكمبيوتر زي التقول مشت
!!!فيهو سوسيوة رجلينها مليانة طين

المهم ما عليينا خلونا في المهم...عارف موضوع ناس مناوي وعبد الواحد..الانتين ديل دقسو ليك الحكومة دقسة السنين..قولي كيف؟؟ ده سؤال منقة عدل كده!!!!!عارف هم الاتنين اتفقو مع بعض ..عبد الواحد قال لي مني : انت وافق علي الاتفاقية وامشي اتجدع في القصر الجمهوري ومعاك شلة كده من القوات بتاعتك...وبعدين باقي القوات خليها تبقي معاي ..وبي كده انت تشتغل من جوه وانا من برة وبعد داك لما تجي ساعة الصفر نخليهم يشربو ما يروو...طبعا عبد الواحد ده من جماعة عمك الترابي..يعني فقري شديد وعارفة اللعبة كويس وقواعدها....

المهم ما علينا خلونا في المهم: عارف المنبر ده مش قلت ليكم عنو: المنبر واليمن ضياع زمن؟؟ يعني ما تستفيد منو أي حاجة ..بالعكس خمسة الف عضو يصرفو في كهرباء واشتراك نت في الفاضي ..تلقي الواحد ناس بيتهم مالاقين حق العشاء ولا حتي حق الفطور!!!! لكن في حاجة واحدة بس انا استفدتها منو...لو كنت عشت مية سنة ما كنت حأعرفها...ببساطة لأني انسان علي نياتي وما عندي علاقة لا بالسياسة ولا العاملين فيها سياسيين....مواطن بسيط ..همومه بسيطة...الحاجة العرفتها من المنبر ده هي: الحقد والكراهية القاتلة التي يحملها البعض والعنصرية البغيضة والغتاتة المبالغ فيها...يعني أنا كنت بتعامل مع كل الناس بحسن نية..اتاري القلوب فيها حاجة تانية ..الناس تبتسم في وشك ..لكن جواها شي كعب خلاص...الواحد فعلا بطنو طمت من السودان والسودانيين بسبب الكراهية والعنصرية
........الفي المنبر ده

والله يا بكري أبوبكر انت قدمت لي خدمة العمر ما حأنساها ليك مدي الحياة....وبصراحة أكتر... منبرك ده استنفذ أغراضو....حقو تقفلو علي كده وكل قرد يطلع شجرتو وكل فارة يرجعو حفرتو....غير انو اثمو بقي اكتر من
نفعو..الالفاظ النابية والتشهير والاساءة والقذف ...وحاجات تانية حامياني ..مع أحترامي الأكيد لي كثيرين هنا..الا انو منبرك ده بقي مكان لدعاة الفساد وانت طبعا سيد العارفين..حسب القانون انت المسئول الأول خاصة أمام القانون الجنائي السوداني عن كل كلمة نتشر هنا فيها اساءة ولا سباب ولا قذف ولا أفعال فاضحة !!هسة في اللحظة دي في بوست من البوستات المفتوحة فيهو صورة لي بت شبه عريانة!!!...ودي كلها مواد واضحة جدا في القانون الجنائي لسنة 1991 وما بعفيك تقولي المواد المنشورة في المنبر تعبر عن وجهة نظر كاتب المقال ولا يعبر بالضرورة عن رأي صاحب الموقع ..بقول ليك كدة من واقع خبرة قانونية شخصية طويلة جدا في المحاكم السودانية والأمريكية...وانت عارف في أمريكا أي دعوي تحت مسمي المسئولية التقصيرية المحامين بفتشو علي ما يعرف ب ((الدييب بوكت)) يعني بالواضح كده انت ده ما زول تاني...دحين يا أخوي كتر خيرك وبارك الله فيك لحدي هنا ما قصرت... الموقع ده أقفلو ولا أعملو مطعم أحسن ليك علي رأي الحلفاويين....بعدين ما تنسي الموضوع ده فيهو جانب المسئولية قدام رب العالمين يوم لا ينفع مال ولا بنون الا من أتي الله بقلب سليم

:غرزة أخيرة وطبزة أخيرة

الأخوة الأعضاء والقراء في سودانيز أون لاين

الكلمة أمانة ومسئولية....حاولو أن تقتلو الحقد والكراهية التي في نفوسكم...حكمو عقولكم وضمائركم....السودان أعرف انه لن ينصلح حاله أبدا ..ببساطة لأنه خلق علي اساس قبلي بحت......القبلية هي آفته..الانتماء الحزبي الضيق والمصلحة الشخصية ومن بعدها المصلحة الحزبية هي أساس كل شئ...السودان حيعيش دولة الكراهية والحقد والعنصرية الي أن يرث الله الأرض ومن عليها...والفساد المنتشر في كل أرجاءه بسببو حيجي اليوم وربنا يسلطكم في بعض وكل شئ يتنهي في ثانية... وصدقوني اليوم ده قريب شديد .....فأعتبرو يا أولي الألباب

لذيذ شكلي لما أكون جادي..مش كده بالله؟؟؟؟؟ لقيتني كيف بالله؟؟؟؟؟؟؟؟


ألف مبروك وبجيك صادي تاني ..



Post: #9
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: بكرى ابوبكر
Date: 04-04-2007, 07:22 AM
Parent: #8

مرحب بيك يا حبيب بوردابى من هنولولو وبكده يكون الواحد يكون ما عندو مشكلة فى الدول(السكا-كوستاريكا-موزمبيق -هاواى و المناطق المقدسة) التى اتمنى اشوفها قبل ما اتخرج ....الحمد لله اصبح فيها بورداب

Post: #10
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: محمد فرح
Date: 04-04-2007, 07:38 AM
Parent: #9

الأخ محمد
حقيقه منور سودانيز أون لاين
أتمنى ليك إقامه طيبه ...


Post: #11
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: على محمد على بشير
Date: 04-04-2007, 07:57 AM
Parent: #10

مرحب بيك اخونا محمد فى الحوش الكبير
ونتمنى انك تفيد وتستفيد

Post: #13
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: Muna Khugali
Date: 04-04-2007, 08:31 AM
Parent: #11

وسمح منو يكتب يكاوينا في بوست حيدر?

مرحب بك روح شقيه بالبورد

Post: #14
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: Yassir Tayfour
Date: 04-04-2007, 08:32 AM
Parent: #11

ود عبد المطلب، محمد..
مرحب بيك، بالباب..
تاني ما في حاجة إسمها spring break..

خليك بارك معانا هنا والفورة مليون..




____
كتر لينا من الصور عشان الما ضاق يشوف..

Post: #12
Title: هلا يا خالد
Author: Mohamed Abdelmotalib Hassan
Date: 04-04-2007, 08:25 AM
Parent: #1

مرحبتين حباب أبو الخلد


والله فرحتنا طلتك البهية وترحيبك الجميل ........... هنا بقي عندكم ركن في هونولولو .........وتشرفونا كلكم ومرحب بيكم هنا في اي زمان ......... لي الشرف العظيم أن أكون هنا الممثل الوحيد

للبورد


نشوفك تاني خليك قريب.ِ

Post: #15
Title: تسلم يا حيدر
Author: Mohamed Abdelmotalib Hassan
Date: 04-04-2007, 10:22 AM
Parent: #1

حيدر


شكرا ليك بي جاي برضو.

كان لك الفضل من بعد الله .... أن أكون معكم .... أنت وبيان وهبة وناذر .... معاك بردد نشوفك هنا يا هبه


الما ردينا عليهم لسه ........... بس دقيقة ........ ماشي الترعة ........ أقصد الخور وجاي .......... لانو زمااااااااااااااان كان عندني( كديسة) وماتت في ا

لخور بتاعكم ده........ داير أمشي أشوف ريحتها بقت كيف!!!!! لو كمان بقت بترول نطالب بي نصيبنا من الثروة والسلطة الخدرا......... مش كديستي

؟؟؟؟؟؟؟؟ بس انشاء الله القعدة ما تطول...... توكلت عليك يا ربي ...........هوبا .. علي الخور معتدل مارش .....



Post: #17
Title: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري
Author: Mohamed Abdelmotalib Hassan
Date: 04-04-2007, 09:02 PM
Parent: #1



بيان

هلا بيكي نورتي البوكان , بلدكم لازم تكون أسمح من بلدنا , عشان انتي فيها ( تلج مضلع) بعدين أعادة شهر العسل أهم شروط صحتو تغيير المكان , لسه الفرصة

متاحة ليك , ممكن تشاوري زميلك , أو تتصلي بي صديق , المحامي عايزاهو متين ؟ ولي شنو ؟


نشوفك .....تحياتي للعريس

Post: #18
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري
Author: ASAAD IBRAHIM
Date: 04-04-2007, 09:05 PM
Parent: #17

يا مراحب يا فردة

Post: #19
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري
Author: Ahmed Abdallah
Date: 04-04-2007, 09:14 PM
Parent: #17

ابوحميد

ياخي هلا والله و منور البلد كلها ....
كباية شاييك دي لازم تكون لابس ليها عراقي خفيف
برضوا لزوم النضال و كده ...
هنولولو و ايامك عسلْ X عسل و نحن لينا الله و عيشة
ال East Coast

Post: #20
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري
Author: Mohamed Abdelmotalib Hassan
Date: 04-04-2007, 11:49 PM
Parent: #19

العريق أبو بكر


بيتنا نور والله ... الو ياخي؟؟؟ ..........ويا فيمي ؟؟؟ سكر في ؟؟ شرفت وزدت الشرف شرفين , حبابك ومرحبتين والف ,
سعادة غامرة أن نلتقي تحت نخلاية جدي علي غريقي , ونشرب من موية الترعة , وناكل قلوق ..... أبقي قريب , وما تطول
الغيبة , يا عزيز ابن العزاز.

محمد عبد المطلب

Post: #21
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: حسن الطيب يس
Date: 04-05-2007, 04:18 AM
Parent: #1


محمد يا رائع
كلامك حلو وظريف وشايك ده خلاني طلبت كباية
و لكن الجو الجميل نلقاهو وين؟
سيد الحوش قاليك مرحب
إن كان البوست ماشالك تشيلك عيونا
ياو هاواي
لينا الله و عيشة السوق
Quote:
ابوحميد

ياخي هلا والله و منور البلد كلها ....
كباية شاييك دي لازم تكون لابس ليها عراقي خفيف
برضوا لزوم النضال و كده ...
هنولولو و ايامك عسلْ X عسل و نحن لينا الله و عيشة
ال East Coast

Post: #22
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: Mohamed Abdelmotalib Hassan
Date: 04-05-2007, 09:03 AM
Parent: #21

الرايع جدا حد الدهشة ولون الفرحة ناذر

شكرا يا أبو النذر علي الترحيب وعلي الموسيقي الراقية والأغنية الجميلة , يعني طلعتني براي ؟؟؟ عارف أنا كنت قايل نفسي ما قاعد أتكلم كتير ,
لكن لما أشوف الكلام الكتبتو القاهو ليك فعلا حاجة كتيرة شديد , الظاهر انو الكلام الكتبتو لما قلتو كان حاجة بسيطة شديد , معناه الحكاية فيها فرق
عملة , نفس الكلام عندو أوزان مختلفة بين الشفاهه والكتابة , والله مشكلة أول كرة اكتشف اني برررررررررراي.

نشوفك, ما قلت بتجي صادي , خلاص قمنا للحركات دي؟؟؟.

Post: #23
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: ناذر محمد الخليفة
Date: 04-05-2007, 09:39 AM
Parent: #22

بجيك .. بس أصير لي النفضى من بوستات تانية ..


ما تتشنج ..

Post: #24
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: احمد العمار
Date: 04-05-2007, 09:41 AM
Parent: #22


الف مراحب يامحمد
والله الواحد مبسوط انك دخلت هنا عشان نستمتع اكثر بكتاباتك الظريفة دى

وبعيدين بطل القشرات بتاعتك دى ، شنو قاشر لينا بالصور بتاعك دى
خاصة صور البحر ، بحار الدنيا دى كلها شكلها واحد وموية واحدة
ولا بحركم بدل الملح كبوا ليكم فيه سكر !!!!!!!!!!!!!!!!!!!!!!!!

حنكك بيش يافردة








اوع تزعل بهظر معاك



نشوفك

أحمد العمار

Post: #25
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري
Author: Mohamed Abdelmotalib Hassan
Date: 04-05-2007, 10:35 AM
Parent: #1

بكري؟؟؟ سيد الملك زاتو؟؟؟ مخلي شغلو ومباري لي البوستات ؟؟ والله اتجدعنا كان كده !!!!!!

شكرا ليك يا أمير علي ترحيبك الحار ........ وانشاء الله نكون المسئولية !!! لمن اسمع موزمبيق دي
الدخلها هنا شنو ؟؟؟.

المهم أبقي ليكم المراسل بتاع الموقع من هونولولو ..........ونقدم للأعضاء والقراء معلومات سياحية
ونستقبل عرسان وسيرات الأعراس .... والخ......... سعدت بحضورك الكريم ..... اظهر بالله.

Post: #26
Title: Re: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبك
Author: Mohamed Abdelmotalib Hassan
Date: 04-06-2007, 05:34 AM
Parent: #25

Quote: يا مراحب يا فردة


وين يا أسعد : شكر ليك كتير يا أبو الفرد وهاك الرندوك ده من فردة لحام :

عايزين نمشي لي ولدنا ناذر عامل عرس الزين وكده , وبالمرة قالو ود أختو عمل نجاح الموجي
في الجامعة ماشين نعمل ليهو هناء ثروت , في الأول لازم نعمل شيرين لي حلاوة , لانو الزول ده
ما مقصر معانا , طوالي عامل جميل راتب , بعد داك نشوف موضوع عشمانة في أبو حمامة وكده , لو احتجتو
لي زيدان ابراهيم ما عندكم مشكلة كنجالات راقدة , بس اوعك تعمل لي شرحبيل أحمد ولا كيف يجهلوك.


أبقي قريب

Post: #27
Title: Re: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبك
Author: Mohamed Abdelmotalib Hassan
Date: 04-06-2007, 10:25 AM
Parent: #26

Quote: الأخ محمد
حقيقه منور سودانيز أون لاين
أتمنى ليك إقامه طيبه ...



الأخ محمد فرح

تشكر يا ملك , تشرفني زيارتك كثيرا , وأفرحني ترحيبك , الدار منور بيك انت والله يا ذوق.

Post: #28
Title: Re: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبك
Author: Mohamed Abdelmotalib Hassan
Date: 04-06-2007, 10:28 AM
Parent: #27

Quote: مرحب بيك اخونا محمد فى الحوش الكبير
ونتمنى انك تفيد وتستفيد


علي محمد علي

عساي أن أكون عند حسن الظن , الف شكر يا ملك

Post: #29
Title: Re: شكرنين- ناذر الخليفة , بيان , حيدر حسن ميرغني , والقارئة هبة عبد الله عبد الرحمن , وبكري (
Author: Sana Khalid
Date: 04-06-2007, 03:14 PM
Parent: #1

و الله يا محمد يا أخوي..أنا كنت دايرة أدخل (أشكرك) و (أشكّرك)..في (بوستاتك) المن خارج الحدود..

و كمان كنت دايرة أدخل في جماعة الواسطة (و لو انو واسطتي كان ممكن تغتس حجرك, و ما نشوفك بجاي)!!

المهم..أنا كنت دايرة برضو..يعني هسي..أرحب بيك..

منها تعبير عن فرحة بإنضمامك..

و منها عربون صداقة عشان أأمن لسانك..قصدي كيبوردك!!



وردة (أهل الكهف) دي إن شاء الله تعجبك!