في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)

Post: #1
Title: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: طلال اسماعيل حسب الرسول
Date: 04-03-2007, 05:11 PM
Parent: #0

في مسجدالسيد علي الميرغني ببحري وعند الساعة السادسة مساء تم عقد قران الزميلة مراسلة وكالة رويترز اوفيرا مكدوم علي الباشمهندس محمد عمر عبدالعاطي ، وحضر المراسم اليوم (قبل ساعة فقط ) كل من عبدالباسط سبدرات ولفيف من الصحفيين ورموز المجتمع.
وعندما انتهي عقد الزواج نظرت الي اقصي المسجد ولم اصدق ان الواقف مع الترابي هو عضو المنبر عبدالمنعم سليمان وكانا لوحدهما يتحدثان لاكثر من ربع ساعة .
وحتي لايتهمني عبدالمنعم بالافتراء فقد طلبت من مصور بارع التقاط الصور لذلك المنظر المدهش ، وفعلا فعلها صاحب الخبرة التصويرية عصام الحاج .
وسأتي بالصور غدا ياعبدالمنعم

Post: #2
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: خالد الطيب أحمد
Date: 04-03-2007, 06:53 PM
Parent: #1

ألف مبروك للعريسين..

إنشاء الله بيت وعيال ..

عقبالك يا منعم.

Post: #3
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: ASAAD IBRAHIM
Date: 04-03-2007, 07:11 PM
Parent: #2

Quote: ورموز المجتمع.

Post: #5
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: هجو الأقرع
Date: 04-03-2007, 07:15 PM
Parent: #3

مبروك للعرسان وبيت وعيال ، ثانيا منعم شعبى عديل ، مش كوز كمان ؟ يا ما تحت السواهى دواهى وانا اقول.....

Post: #4
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: ناذر محمد الخليفة
Date: 04-03-2007, 07:15 PM
Parent: #1

ألف مبروك للعروسين ..

Quote: وعندما انتهي عقد الزواج نظرت الي اقصي المسجد ولم اصدق ان الواقف مع الترابي هو عضو المنبر عبدالمنعم سليمان وكانا لوحدهما يتحدثان لاكثر من ربع ساعة .

وألف مبروك لي عبد المنعم سليمان ..

Post: #6
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: طلال اسماعيل حسب الرسول
Date: 04-03-2007, 07:34 PM
Parent: #4

العزيزان : ناذر وهجو

منعم طلب مني فرصة حتي العودة من مشوار خاص ليقوم بالرد علي ماذكرته هنا ، ولذلك انا في انتظاره.... بس عشان اعرف الترابي قال ليهو شنو ؟

ويا ناذر تبارك لمنعم بعد العقد ولا قبله ؟

واخي الكبير هجو :اتصل بعبد الكريم لمزيد من التفاصيل... ولكما تحياتي.

كسرة:

عاصم ابوبكر سيدلي بشهادته

Post: #8
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عاصم ابوبكر حامد
Date: 04-03-2007, 07:46 PM
Parent: #6

الاخ طلال
لك كل التقدير

اولا موضوع منعم يحتاج يعزمنى انا ذاتى غداء وبعداك نشوف ...
Quote: عاصم ابوبكر سيدلي بشهادته

شهادتى صعبة جدا جدا على منعم ..

على العموم لقد انفرد الشيخ الترابى بمنعم سليمان وتحدثا بجنب فى امور عدة
وكان الجميع ينظر الى منعم
وكان من بين الحضور سبدرات ومحمد الامين خليفة و فتحى خليل

والكارثة الكبرى عن الشيخ لم يترك يد منعم اطلاقا

بل اصبح يحدثه عن كل الجوانب

وتطرقا الى الجانب المهم فى قضية المناقل ...

ولكن لا اعرف هل دعاه الى الانضمام الى الموتمر لاشعبى ام كانت الضحكة فى زوال الانقاذ ...

وتحدثا عن امير المومنين (هل تعرفون من هو )؟؟؟؟؟

والاجمل فى الامر برمته ان الشيخ قال لمنعم يجب ان نتقابل فى (........)

منعم انزل الدليل ولا تعزمنى ....

تسلم

Post: #7
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: Marouf Sanad
Date: 04-03-2007, 07:36 PM
Parent: #4

Quote: وكانا لوحدهما يتحدثان لاكثر من ربع ساعة

لوحدهما أديل كدا!

Post: #9
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: غادة عبدالعزيز خالد
Date: 04-03-2007, 07:46 PM
Parent: #7

ألف مبروك للعروس الجميلة اوفيرا

و أبن الخال العزيز محمد عبدالعاطى

و فقهما الله...فكلاحهما يحمل من معانى الجمال الكثير

كل الود

غادة

Post: #17
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: طلال اسماعيل حسب الرسول
Date: 04-03-2007, 08:31 PM
Parent: #9

[QUOTE]ألف مبروك للعروس الجميلة اوفيرا

و أبن الخال العزيز محمد عبدالعاطى

و فقهما الله...فكلاحهما يحمل من معانى الجمال الكثير

كل الود

غادة

شكرا يا غادة لك علي هذه المداخلة وألف مبروك لهما

Post: #10
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: ناذر محمد الخليفة
Date: 04-03-2007, 07:47 PM
Parent: #1

طيب ما دام منعم بيقيف مع الترابي ويتفاكرو في أمور البلد ..
ليه مستكترين علي أتعشى مع عمر البشير بدون ما نتفاكر في أي أمور ؟!!

Post: #11
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: Ahmed Abdallah
Date: 04-03-2007, 07:52 PM
Parent: #10

Quote: طيب ما دام منعم بيقيف مع الترابي ويتفاكرو في أمور البلد ..
ليه مستكترين علي أتعشى مع عمر البشير بدون ما نتفاكر في أي أمور ؟!!

و كمان مستكترين علينا عشاء في بيت سفير السودان بواشنطن

Post: #35
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عبد المنعم سليمان
Date: 04-04-2007, 10:11 AM
Parent: #10

Quote: طيب ما دام منعم بيقيف مع الترابي ويتفاكرو في أمور البلد ..
ليه مستكترين علي أتعشى مع عمر البشير بدون ما نتفاكر في أي أمور

يا راااااااجل

معقوله وبتاكل معاهو بنفس كمان !!!

Post: #12
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عاصم ابوبكر حامد
Date: 04-03-2007, 08:00 PM
Parent: #1

يا شباب منعم اتكلم مع الترابى بث

ما قال اى شئ تانى

طلال انت سبب البلاوى كلها ...

نجيب الدليل ولا عندك مانع

Post: #13
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: تماضر الخنساء حمزه
Date: 04-03-2007, 08:04 PM
Parent: #1

ألف مبروك للعروسين ..
منعم كان بسألو من فتوى الحجاب قال..

Post: #14
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: ناذر محمد الخليفة
Date: 04-03-2007, 08:10 PM
Parent: #1

أحمد عبد الله ..

Quote: و كمان مستكترين علينا عشاء في بيت سفير السودان بواشنطن

مش كلو أكل حكومة وعشا حكومة ؟!!
يعني من قروش الشعب .. يعني قروشنا مش كدة ؟!!

إنشالله ناكل وما نشبع كيتا عليهم كلهم !

Post: #15
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عاصم ابوبكر حامد
Date: 04-03-2007, 08:23 PM
Parent: #14

ناذر
Quote: مش كلو أكل حكومة وعشا حكومة ؟!!
يعني من قروش الشعب .. يعني قروشنا مش كدة ؟!!

جنس ده البجيب المشاكل

يعنى بلد خربانة هنا وبرة

الله يستر

Post: #16
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: ASAAD IBRAHIM
Date: 04-03-2007, 08:28 PM
Parent: #15

Quote: عبدالمنعم سليمان مع الترابي لوحدهما

وهل كان الشيطان ثالثهما يا هذا ؟؟؟؟؟؟؟

Post: #18
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: طلال اسماعيل حسب الرسول
Date: 04-03-2007, 09:33 PM
Parent: #1

Quote: طلال انت سبب البلاوى كلها ...

نجيب الدليل ولا عندك مانع

يا عاصم ما اتفقنا علي العشاء والدافع عبدالمنعم .
وبعدين صحبك ده عندو متربصين في المنبر ده

Post: #19
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: محمد المختار الزيادى
Date: 04-03-2007, 09:46 PM
Parent: #18

(لقد شحتفتمونا بهذا البوست )

Post: #20
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عبدالكريم الامين احمد
Date: 04-03-2007, 10:02 PM
Parent: #19

Quote: (عبدالمنعم سليمان مع الترابي لوحدهما)

الزول ده بعد كده(منو جفلة)..

Post: #21
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عبدالعظيم عثمان
Date: 04-03-2007, 10:09 PM
Parent: #1

Quote: [Bوعندما انتهي عقد الزواج نظرت الي اقصي المسجد ولم اصدق ان الواقف مع الترابي هو عضو المنبر عبدالمنعم سليمان وكانا لوحدهما يتحدثان لاكثر من ربع ساعة .

اتوقع الاتي:--(سوف احسن الظن بمنعم)
1/ليه ما وقعت علي ميثاق حمايه الديمقراطيه يااااخ
2/وين مقابر شهداء 28 رمضان
3/ اين اباذر الغفاري
4/ الكتل علي الفضل والتايه ومحمد عبد السلام منو
5/صحي انت ليك علاقه باعدام محمود محمد طه
6/يا خي مالك متسلبط في اكتوبر وعاملينا فيها انتا الفجرتا
7/العشره الشفوت ديل دقوس كيف وانت عامل لينا فيها ربا
__________
طرح الاسئله استغرق سبع دقائق كل سؤال بدقيقه
والسبع دقائق الاخري الترابي كان بجاوب
______________

Post: #22
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: فاروق حامد محمد
Date: 04-03-2007, 10:26 PM
Parent: #21

Quote: والكارثة الكبرى عن الشيخ لم يترك يد منعم اطلاقا

الله أكبر ....(أصبع مرفوع)

الله أكبر .....شرحه

الله أكبر ..........

هيّّ لله ....... هيّ لله ........

والله أيها الجميل منعم ... الجماعة ديل

انتهوا منك عدييييييييييل كده ....

وعزاؤنا أنها كلها لله ... ومبروك عليك الليلة يا .......

Post: #24
Title: Re: في عقد زواج اوفيرا وعادل عبدالعاطي .. (عبدالمنعم سليمان مع الترابي لوحدهما)
Author: ASAAD IBRAHIM
Date: 04-03-2007, 10:40 PM
Parent: #22

Post: #23
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: ناذر محمد الخليفة
Date: 04-03-2007, 10:39 PM
Parent: #1

!!!!!!

Quote: طرح الاسئله استغرق سبع دقائق كل سؤال بدقيقه
والسبع دقائق الاخري الترابي كان بجاوب

ما أظن وقفو قدر المدة دي كلها ..

أنا عارف عبد المنعم وكتو ثمين جدا وعندو أمور أهم من مقابلة الترابي في بيت عرس ..

Post: #25
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عبد المنعم ابراهيم الحاج
Date: 04-03-2007, 11:18 PM
Parent: #23

لا حولا ...

ما في زول حافظ

كلام امل دنقل..

الم تر دماء الابرياء وهي

تسيل يا منعم حينما صافحك الـ.......؟

ــــــــــ

Post: #26
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: Yassir Tayfour
Date: 04-04-2007, 01:57 AM
Parent: #25

منعم والترابي!

____
بختك يالترابي.. أيامك!

Post: #27
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: سيف الدين حسن العوض
Date: 04-04-2007, 02:30 AM
Parent: #26

ياجماعة الخير
منعم وعرفناه
الترابي ده يطلع منو
احتمال ما يكون الدكتور حسن الترابي
وفي رواية اخرى الشيخ حسن الترابي
احتمال يكون واحد من آل الترابى
عماد الترابى مثلاً
او عصام الترابي
نصبر نشوف الصورة وبعدين نحكم
وله رأيك شنو ياالاقرع يااخوى
ما تستعجلو ساكت
منعم ده انا عارفو حريف
وبيلعبها صاح

Post: #28
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: هجو الأقرع
Date: 04-04-2007, 04:33 AM
Parent: #27

كان عندى صديق اسمو منعم منو العوض ...... ده مش كوز ده طلع ..... اخطر من التوربورا. الله يعوضنا يا كيكى .

Post: #29
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: Tragie Mustafa
Date: 04-04-2007, 04:45 AM
Parent: #28

Quote: و كمان مستكترين علينا عشاء في بيت سفير السودان بواشنطن

الحرامي في راسه ريشه.

تراجي.

Post: #30
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: السمؤال بدرالدين
Date: 04-04-2007, 06:42 AM
Parent: #1

بالله منعم طلع كوز؟
ده معاكم من متين يا عاصم
ياما تحت السواهي دواهي

Post: #31
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: celecon
Date: 04-04-2007, 07:52 AM
Parent: #1

مبروك للعرسان .....

كريزما ترابية ....

_______
عبدالمنعم : عملتها واضحة ... (الترابى يا راجل ) ....
انت غيرت التخصص ولا كيف ؟؟؟؟؟

Post: #32
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عبد المنعم سليمان
Date: 04-04-2007, 09:32 AM
Parent: #1

الاعزاء

تحياتي

اولا ابارك للصديقة العزيزة افيرا بعقد قرانها ع الاخ المهندس محمد عبدالعاطي

وبيت مال وعيــال ..

اخونا طلال اليومين ديل الظاهر مستقصدني عديييل مره مجلس تشريعي ومرة شنو كده ..

الخبر كتب بطريقة صحف قلب الشارع والدار ووو.. من الصحف الصفراء وهي طريقة لا

تتناسب وطريقة زميلنا الرزين طلال في الكتابة !!

اولا ما يسر النفس فعلا ذلك الحشد من الناس الذي اتي لمسجد السيد علي الميرغني

لحضور العقد وكان لافتا التواجد الاوروبي والغربي الكبير داخل المسجد في صورة

تعكس التسامح الديني الذي يشتهر به اهلنا قبل هجوم المغول والتتار الجدد ع البلاد ..!!

سبق ان قابلت الدكتور الترابي برفقة المناضلة الدكتوره امنه ضرار في اطار التشاور

التي كانت تجرية مع قوي المعارضة بالبلاد وقد سبقها لقاء الامام الصادق وقادة المعارضة

اذن يا طلال هذه ليست بالمرة الاولي فهي الثانية ..

بدا الحديث مع الدكتور حين قال موجها الحديث وهو ينظر الي بان العقد يمكن ان يتم

باللغة غير العربية باعتبار ان اهل العروس بعضهم اوربيين ..

اظن ان الترابي وجدها فرصة او هكذا اظن لعدم مقابلة بعض (الاسلاميين) فاخذني بعيدا

ليس لاهميتي ومكانتي ومعارضتي او غيرها بل للهروب من تمسح البعض وجريهم خلفة

تحدثت الي الدكتور الترابي عن قاضي المناقل الذي حكم برجم المراتين في قضية غريبة

تعكس انفصام هذا النظام وقد ضحك الترابي وقال ضاحكا يا ابني هذا القاضي معتوه

وتحدي بتطبيق هذا الحكم وقال ضاحكا ومن سيقوم بالرجم وسالته عن امير المؤمنين

في السودان وقد ضحك وقال اسمه ومن بعده حفظه الله وهو ساخرا وبضحكة عالية ..

كما قال الترابي انه لا يصدر فتاوي هو يقول راية ومن يخالفة فالياتي لمناظرتة

اما الدين هذه الايام فلاهل السلطة والحكم والبزنس يغيرونه ع حسب مصالحهم وهذا ع

حد تعبيرة ..

سالته عن الرجم وقال بانها اقسي عقوبة وحشية في العالم وان لا سند لها في الاسلام

وقال اعوذ بالله ..

هذا ما يخص موضوع لقائي بالترابي يا طلال

اما عن الصصور بالله ما تنسي تكلم معاك عصام يرسلها لي بالايميل معاك !!!!!

اعقلها واكتب يا صديقي

لك الود

منعم

Post: #33
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: doma
Date: 04-04-2007, 09:43 AM
Parent: #32

يا منهم الكلام دا ما نقدا للقاءك له او اي شئ
لكين السودان بلد العجائب
الترابي عرابي الانقاذ وفتاوي عرس الشهيد وفطائس ما بعد الطلاق
الان يقف في معارضتها ويجد مكانا في المجتمع واتباع يريدون التمسح به .؟؟!!!

Post: #34
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عبد المنعم سليمان
Date: 04-04-2007, 10:03 AM
Parent: #1

دوما اللذيذه

اللذيذه ( باعتبار الايميل)

الترابي هو من يتمسح بالديمقراطيين الآن يا دوما بعد ان عرف خيانة الابناء

وعقوقهم وبعد ان عرف مخاطر الديكتاتورية علي نفسة وحكمة ومشروعة العام والخاص !!

في غياب قيادة حقيقية للمعارضة يصبح الترابي هو المعارض الاول الآن !!

وسبحان الله

منعم

Post: #36
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: محمد عثمان محمد طه
Date: 04-04-2007, 10:33 AM
Parent: #34

Quote:
في غياب قيادة حقيقية للمعارضة يصبح الترابي هو المعارض الاول الآن !

العزيز وسام

في انتظارك

الكيزان بقوا الحكومة و المعارضة ؟؟

أها بعد ده يا المناضليين عندكم كلام

تحياتي أخي عبدالمنعم فقد قلت كلمة حق

Post: #37
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عبد المنعم سليمان
Date: 04-04-2007, 10:54 AM
Parent: #1

الاخ محمد طه

تحياتي

مهما اختلفت او اتفقت مع الترابي يظل الدكتور الترابي وحزبة المؤتمر الشعبي

المهدد الاول والرئيسي لسلطة الطغمة الحاكمه في داخل البلاد وهذا لا ينفي صدق

وعمل المعارضين الآخرين من داخل وخارج السودان وفي ظني يعود هذا لامرين :

الترابي هو من قام بالانقلاب ويعرف نقاط ضعف هذا النظام جيدا اضافة لانه

وكما يقال يملك كوادر مدسوسه داخل النظام

قيادات المعارضة باستثناء الصادق المهدي يمسكون بعصاة المعارضة من النصف

للتوضيح اخي محمد المعارضة السودانية بداخل البلاد وخارجها قوية جدا وتملك

الامكانات البشرية والمادية فقط تفتقد للقيادة الحقيقىة وهذا ما اردت قوله

لك الود

منعم

Post: #38
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عاصم ابوبكر حامد
Date: 04-04-2007, 11:00 AM
Parent: #1

الاخ طلال
لك التحية
Quote: وبعدين صحبك ده عندو متربصين في المنبر ده

واضح انوا عندوا متربصين

لكن يشموها شم ...

Post: #39
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: طلال اسماعيل حسب الرسول
Date: 04-04-2007, 05:55 PM
Parent: #38

تحياتي للجميع:

منعم سليمان اتفق معك علي ضعف المعارضة ولكن بما فيها حزب المؤتمر الشعبي والا كيف تفسر بقاء الانقاذ الي الان؟

Post: #40
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: الطاهر ساتي
Date: 04-04-2007, 06:36 PM
Parent: #1

قال سألته من الرجم قال ...!!
كلامك ده قولو لزول فى راسو قنبور ..!!
أو زول عندو صلعة زيك كدة ..!!

شيخ بيجو ..

لو اصلا موضوعك معاهو كان الرجم
ده علاقتو شنو بدقنك الابيت تحلقا من أول أمبارح ..؟
وموضوعك ده علاقتو شنو بى حك الوش في الحيطة ..؟
انت قايل غرة الصلاة بيعملوها كدة ..؟
ياخى ماتقوم لف ..!!

غايتو انت احسن مننا .. نحن الفيلم ده جيناهو من تحت خالص
لكن انت بديتو بالبطل ظاااااااااطو على رأى هبانى .......!!
ان شاء الله يضوى ليك ..!!
لو الفيلم ده كان فيهو مضمون سودانى كنا نسخناه في سي دى واحتفظنا بيهو ..!!
لكن لقيناهو فيلم هندى ..
ونحن مابنفهم لغة الهنود ..
عشان كدة كتلنا الملف وعملنا زغبير ... ان شاء الله يضوى ليك ..!!
بس بعدين ماتنسانا ..
ان شاء الله طاحونة في قرية أو كشك تانى ناصية ..!!

Post: #41
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عاصم ابوبكر حامد
Date: 04-05-2007, 02:53 PM
Parent: #1

منعم مع الشيخ حسن يتبادلان السلام

وبعدها بدات النقة نقة

منعم طلعت اخطر من شيخ حسن فى الكوزنة

Post: #42
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عاصم ابوبكر حامد
Date: 04-05-2007, 02:55 PM
Parent: #1

يا طلال

صحبك دقس

قال شيخ حسن قال

يعنى ركب التونسية ركب

Post: #43
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: sudania2000
Date: 04-05-2007, 03:17 PM
Parent: #42

اخر انسجام

بركــاتكـــ يا شيوخ السودان بشقيه ـــــم

Post: #44
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: عبد المنعم سليمان
Date: 04-05-2007, 03:25 PM
Parent: #1

سودانية ازيييك

لو عاوزا البركة بشيل ليك الفاتحة ولا يهمك

Post: #45
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: طلال اسماعيل حسب الرسول
Date: 04-05-2007, 03:57 PM
Parent: #44

يا عاصم :

(الاتفاق عبد المنعم نطي منو ولا شنو) خلاص ما تنزل ليهو باقي الصور (التانية ديك) يقوم يفرتق العشاء الاخير قبل السفر.
بعد ده يا الطاهر ساتي:
رايك شنو لو قلت ليك عبد المنعم كان مشارك في انقلاب الانقاذ ذاتو مش عضو مجلس تشريعي قادم عن جبهة الشرق!

Post: #46
Title: Re: في عقد زواج اوفيرا ومحمدعبدالعاطي .. (عبدالمنعم سليمان مع الترابي لوحدهما)
Author: فاروق حامد محمد
Date: 04-05-2007, 03:59 PM
Parent: #44

منعم اللذيذ

إنا لله وإنا إليه راجعون !!!!!!!!!!!!!!

لااااااااااا حول الله !!!!!!!!!!!!!!

الزول ده ماسك في إيدك قوي كده لييييييييه يا (نعوم) ؟؟؟؟؟

تعرف يا منعم احسن ليك تبعد ....

الكيزان ديل حاجاتهم كلها بتبدأ بالإيدين !!!

وخاصة الأصابعين .........

نسأل الله السلامة

يا سااااااااااااااااااااااتر