الديبة يهزم كتيبة مدربي المريخ ويكشف المستور...الموردة تهزم المريخ

انكشف الحال بعد مباراة اليوم امام الموردة وظهر المريخ بحالته الحقيقية والتي اراد السذج من جمهور المريخ اخفائها بعد ان خدعوا بحلاوة القطن التشادية التي ذابت علي الفور في اول اختبار داخلي....
موردة الديبة تفوقت بهدفين ولا احلي وكان بالامكان ان تتضاعف الغلة لولا ان ابي الديبة نفسه ووجه لاعبيه للاحتفاظ بالنتيجة وكان لهم ذلك........

لعب تيم مدربي المريخ بتشكيلة لا يمكن لاي شخص مبتدئئ في كرة القدم ان يلعب بها.....لاعبي وسط كلهم مهاجمين.....دفاع متهالك....حارس وضعه مأساوي....الحسنة في مشاطيب الهلال الذين حاولوا الحفاظ علي بعض ماء الوجه

اما كان الافضل لاعلام الضلال المريخي ان يوجه الانظار لنقاط الضعف في المريخ بدلا من تضليل لاعبيه كالعادة وايهامهم بأنهم سيفوزون علي برشلونة بعد ان فازوا علي مجموعة الكتاكيت الميتة التشادية.....ونقاط الضعف هذه اوضح من الشمس.اما كان من الاوجب لفت النظر لها ووضعالحلول لها خاصة وان المريخ يلعب بأسم السودان....لكن كالعادة ينخدع اهل المريخ بأعلامهم المدمر ويرقصون ويهللون اذا احرزوا هدفا حتي ولو كان في قطن تشاد..

وبرضو تقولوا لي الكتوف اتلاحقت

قال قطن قال

بهاء الدين: هو بهاء الدين ولا زيادة

ابالو: ماعارف ليه مصر عليهو المدرب

سفاري: معذور

العجب: الا ليت الشباب يعود يوما

ايفوسا: لحدي الان المدرب مامقتنع بأنو دا محترف اجنبي

ايداهو: ؟؟؟؟؟؟

طمبل: شغال براااهو ...بعد ماانتظر الكورة تجيهو بدون فائدة....دي مابتلقاها تاني الا في المنتخب من سيدا يا كابتن

مجاهد: بطل

علاء الدين: لو عرف انو حيلعبوهو باك يمين كان رجع الحصاحيصا

شكرا لاهتمامكم

الواجب ان نهتم بكم مثلما تهتمون بنا

أخي ياسر تحايا.. زرقاء.. بيضاء ..سمحاء

دعني أختلف معك قليلا في شأن فوز المريخ على القطن التشادي..
إذ أن المهم هو فوز المريخ على ناد أجنبي و إقصائه في بطولة قارية
و من ثم التأهل لمرحلة متقدمة من تلك البطولة رافعا اسم الوطن..
و للمريخيين أن يفرحوا بذلك و لكل من يهمه أمر الوطن أن يفرح..
هنا محليا في بطولة الممتاز و الكأس يحق لنا كمحبين للزعيم الأزرق أن نفرح
بهزائم المريخ من الأندية السودانية، لأن ذلك يعني إقتراب الزعيم من تحقيق
الألقاب القياسية الإعجازية الخماسية في الممتاز. .
غني عن القول أن الزعيم
قادر من جهته دائما على ترويض الوصيف الدائم و خير دليل نتائج لقاءات الناديين
في الممتاز منذ تأسيسه..
مبارك فوز الموردة النادي الريادي على المريخ..
ودي الأكيد

الاديب الرائع ابوععسل
مااختلفنا يا ابوعسل....والله نفرح للمريخ خارجيا لانو بمثلنا قبل كل حاجة....لكن الناس ديل عندهم مشكلةمنطق ...الفوز علي القطن جعلهم يفتكروا انهم فازوا علي مانشستر ونسوا انو فريقهم به عيوب اوضح من الشمس.. هدفنا الالتفات لعيوبهم ونواقصهم وعدم مساواة ناديهم بالهلال لانو بطل وبيلعب مع الابطال
.اما اعلامهم فحدث ولا حرج عايز يخلق من فسيخهم شربات بأي صورة

شكرا للديبة لانو فرملهم شوية عشان يراجعوا حساباتهم قبل الجزائر
تحياتي يا اصيل

مبروك فتية الموردة الاشاوس

مبروك ياسر

وده الحال ياهو نفس الحال

عشان كده الوالي ماشي الاتحاد العام خاليه ليهم

عباس
نبارك للموردة ادائها الراقي
نبارك للديبة وحقيقة لو لابد من مدرب وطني للمنتخب مفروض يكون الديبة...بدل الزعيق والنعيق السمعنا الليلة دا ...والله الواحد افتكر انو في سوق غنم

الوالي ماقصر...لكن مرمي الله نابترفع

لي عودة

هاتفني صديق قبل قليل من السودان حضر المباراة في الاستاد..اخبرني بأن احد الصحفين سأل الديبة عن كيف سيلعب بدون صالح عبدالله وهو هداف الموردة كما علمت من الصديق وهو مصاب..اجاب الديبة في ثقة المسألة مامحتاجة ..حافوز من غيرو....

فعلا الديبة حاجة عجيبة

لو استمرت الموردة بالمستوي دا صدقوني المريخ حيفقد مقعد الوصيف المسجل بي اسمو وعندو شهادة بحث كمان

صلاح التوم من الله- قوون- 22/3/2007

تماما ياابوحميد ...هذا السيناريو حدث بالضبط

الموردة كشفت الحقيقة التي حاول اعلام الضلال اخفائها مع انها واضحة وضوح الشمس

هؤلاء ارادوا مساواة الكتوف بأي تمن...زي ما الهلال فاز علي الزمالك نحن فزنا علي القطن...وزي ما الهلال اتأهل نحنا اتأهلنا
ياربي ديل بيغشوا في روحهم ولا شنو...منتهي السذاجة

اهو امبارح الديبة وراهم مستواهم الحقيقي...الديبة بهدلهم كلاعب وكمدرب....فعلا حاجة جيبة..
اما اخوناالمدرب الوطني فقاعد يزعق كأنه بينادي في قطيع...

مشكلة اهل المريخ انه تفكير اغلبهم يفتقد للمنطقية..وبه كثير من السذاجة...ولو ماختوا الكورة واطة وفكروا بمنطقية وعقلانية...سيكون مصيرهم نفس مصير السنوات الاربعة الفاتت يطلعوا من الادوار التمهيدية .

نهيء الموردة وكابتن الديبة علي الانتصار المستحق
و نطالب بالانسحاب من مباراة الجزائر تجنبا لفضيح متوقعة
ونطالب بعزل مدرب المريخ الاحتياطي ماذدا من تدريب المنتخب بعد فشله امام الموردة
والله اغلام المريخ ليهو حق يكرهك يا الديبة
يا دوووب عرفتا سر رسالةالتهديد بالقتل التي وصلت للديبة تطالبه بالعودة لمدني أو مواجهة الموت!!!

التهديد بالاغتيال للكابتن الديبة

الاخ العزيز القرضابي تحياتي

بالله هي وصلت للدرجة دي.....والله الديبة ماليهو حق لكن....غلطان ثم غلطان

تحياتي يارائع

احمد الريح....
في داعي تجيب صورة الزول دا هسي...الجماعه براهم مهسترين....لو قامت عليهم الحالة يمشوا يفتشوا ليهو هسي...تحياتي

يا سلاااااام يا ياسر...
حبيت أخش وأقول ليك الف حمدالله على السلامه...
بس يا ياسر ما تضغطوا على الجماعه أكتر من كده...
بى نخاف من الحسد...
فشل الجماعه سوف يخليهم يتجهوا لتسجيل لعيبة الهلال كما فعلوا فى العام السابق...
يعنى عشان يغطوا على خسائرهم نتوقع الجماعه يتحركوا المره الجايه لتسجيل عمر بخيت...
براحه عليهم..

مكي العزيز

هل استمتعت اليوم بالفنون الراقية والعزف البهيج من كريستيانو رونالدو الهلال البرنس سيدا وكل الاقاب الجميلة الذي يستحقها هذا العملاق....

ابدع وتفنن واكتفوا في سمينا من شرقنا الحبيب..بالاربعة فقط...ثم عزفوا اجمل الالحان...

يعني ماشاء الله تيم مكتمل وعينا باردة....الخوف من الجماعة وكدايسهم ...اللهم عليك بهم وبكدايسهم


بس انا زعلان لانو البرنس ماحيلعب مباراة نيجيريا..مامشكلة نأجل الفرحة لمباراة الرد

بعدين ديل يسجلوا منو ولا منو...مش كفاية مشاطيبنا السادينها ليهم لحدي هسة

تحياتي ياحبيب

لكن ياراكوبة الويكند بتاعك دا طويل طول
اب ينتهي كلو كلو

بعد فوز الهلال اليوم علي هلال الساحل بالاربعة...وفوز الموردة امس بالاتنين...

نقول: باي باي ...مقعد الوصيف بقي محجوز....المرة الجاية لما تجيبوا هنري ميشيل ابقوا تعالوا بدري....

دي لعنة شنو دي يا اتوبفيستر...بعد كل الهباب البتاخدوا بالعملة الحرة..{حتي كملت دولاراتنا الفي بنك السودان}...يفوز عليك الديبة البياخدها بالملاليم ...وكمان بيتموها ليهو بلطي..واحيانا هامور لما الشبكة تقبض.....
اخص عليك يالديبة....

..

طالب بعض صحافيي المريخ المدرب اتوبفيستر بمعالجة الاخطاء التي كشفها له الديبة...كدا دون حياء او حرج...يعني الديبة مدربنا الكحيان دا بيعلم في الخواجة الخبير العالمي الجايبنو من اخر الدنيا وبياخد قروش الدولة ولما جاء ماخلوا صفة ماقالوها عنو...قربو يوصلوهو درجة الكمال والكمال لله...الليلة بينصحوهو انو يتعلم من درس الديبة..يعني الراجل من نهاية الموسم الماضي معاهم..وقعد ليهو كم شهر في الامارات في معسكر فخم جدا..وبعد دا كلو يتعلم من درس الديبة...ياسبحان الله....شوفوا اعلام الهناء والسرور...والله ديل السبب الحقيقي في دمار الكرة السودانية...

اما عن مازدا مدرب المنتخب...فوالله اتضح انو شالينو لعيبة الهلال...وبعد دا الخيل تقرب والشكر لي حماد...

شالنو لاعبو الهلال بالرغم من عمايلو وانحيازو الصارخ ..وعدم حيادو تجاههم بمباركة من الاتحاد العام ...بدءا من دورة سيكافا والتي اجهد فيها لاعبي الهلال خاصة في المباراة الاخيرة ...وهو عارف انهم حيلعبوا مباراة المريخ بعد ثمان واربعين ساعة فقط من وصولهم..واراح كل لاعبي المريخ علما بأن المباراة تحصيل حاصل...

بالرغم كدا ابطال الهلال ماخذلوهوا لانو همهم الوطن قبل كل حاجة...وشوف الفرق بين مازدا المنتخب ومازدا المريخ...ومامحتاجة لي ذكاء