Post: #1
Title: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 03-27-2007, 07:22 AM
السيد بكري ..الاخوان بالمنبر تحية واحترام..
الصيدليه نهي محسن حلفاويه من بنات دنفر ولاية كلورادو
سابقا من بنات الحاج يوسف ..
صاحبة قلم جرئ واراء عميقه تود ان تشارككم بها
ارجوا تتقبلوها وان تساهموا في فتح الابواب لها حتي تستطيع الدخول..
|
Post: #2
Title: Re: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 03-27-2007, 08:19 PM
Parent: #1
up
for democracey and more
|
Post: #3
Title: Re: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 03-28-2007, 10:05 PM
Parent: #2
*****
|
Post: #4
Title: Re: يابكري ابوبكر نهي محسن ابوراس بالباب..منتظره..!!
Author: مصطفي سري
Date: 03-29-2007, 01:33 AM
Parent: #3
تب يازول دي قريبتي ، ويا بابكر خلاص وصلتها لينا اطلع منها
ويا باشمهندس ما عندك كلام بكرة القي الموافقة
وتسلم وسلام لي نهي شقيقة نعمات محسن
|
Post: #5
Title: Re: يابكري ابوبكر نهي محسن ابوراس بالباب..منتظره..!!
Author: kamalabas
Date: 03-29-2007, 01:36 AM
Parent: #1
نثني ....ونناشد الاخ بكري بالاستجابة......
كمال عباس
|
Post: #6
Title: Re: يابكري ابوبكر نهي محسن ابوراس بالباب..منتظره..!!
Author: Moawia Mohammed
Date: 03-29-2007, 02:29 AM
Parent: #1
نؤيد وندعم ونثني بشده يا بكري
ونبصم بالعشرة علي انها ستكون اضافه حقيقية للمنبر
فهلا استجبت يا باشمهندس بكري
حجازي .. شكرا يا سعادتك
|
Post: #7
Title: Re: يابكري ابوبكر نهي محسن ابوراس بالباب..منتظره..!!
Author: انعام عبد الحفيظ
Date: 03-29-2007, 11:22 AM
Parent: #1
يا ريت يا بكري نهى تكون معانا
فيها من الإحترام والتهذيب والوعي
ما يجعلنا نطمئن لوجودها هنا
فهي بلا شك إضافة جديدة للمنبر
|
Post: #8
Title: Re: يابكري ابوبكر نهي محسن ابوراس بالباب..منتظره..!!
Author: مصطفي سري
Date: 03-29-2007, 12:27 PM
Parent: #7
الاخت المحترمة انعام ، يعني الا تتدخلي في كلامي
اها خلي صحبتك التانية تجي ، ارسلي عنوانك البريدي بشكل واضح
وما تتاخري يعني اربعين ساعة فقط ، والا سيكون هناك تدخل دولي
|
Post: #9
Title: Re: يابكري ابوبكر نهي محسن ابوراس بالباب..منتظره..!!
Author: Moawia Mohammed
Date: 03-30-2007, 00:34 AM
Parent: #1
فوق
|
Post: #10
Title: Re: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 03-31-2007, 00:16 AM
Parent: #9
السادة المتقدمين
سري انشاء تمام
وينك ماظاهر شايفك جادي شديد كده حليل ايامك!!
كمال عباس المورده والمريخ واحد نغلبهم نتغلب منهم مافي مشكله انته مالك!!؟؟؟
السيد معاويه داير لي اغاني بصوت صفوت الجيلي انشاء الله تلم لي في اي شئ وحات اعز شئ عندك !!!
المسؤول الكبير انعام وينك يافرده..
كيفك وكيف اسمهان انشاء الله تكونوا بخير ...!!
انا الان مع ناس نعمات محسن وهي بتظبط في القراريص واللحوم المشويه ...
والسيده نهي الصيدلية تمام التمام وبتسلم عليكم شديد جدا..
وهي طبعا نجحت في الامتحان بتاع (التكنيشن) وهسه بتفتش في الشغل دعواتكم معاها يا شباب !!!
وعقبال الترخيص بالعمل الصيدلي بامريكا..
انعام كيفك تاني وكيف حزبكم!!؟؟
شايف الجماعة بدو يمشو الحركه اوعي يكون في فك تسجيلات ونحن ماعارفين..!!
غايتو كان دايرين ليكم باك خطير ..نحنه مستعدين!!!
ارجوا من الباش مهندس بكري ان لايحرمنا من نهي ...!!!
ومنتظرين ومنتظرين........ومنتظرين.....ومنتظرين...
|
Post: #11
Title: Re: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 03-31-2007, 00:29 AM
Parent: #10
مصطفي سري بتكم بتزبط قراصه خطيره جدا جدا جدا ...
الحلفاويين كلهم كدا ..
وطبعا بعد القراصه تجي عملية الزكريات والاهليه وبيت الزعيم..
وفي خضم الكلام ده كلوا لا ننسي
عمنا الفول والهجره نفر والجان مع زيادة الجبنه والزيت ...
اما الكوتش فحدث بلاحرج...
ايام ..
|
Post: #12
Title: Re: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 03-31-2007, 00:51 AM
Parent: #11
في هٍَََِده اللحظات التاريخيه ...
وبعد القراريص بالاملحه والشطوط والشواشي..
نحن الان في انتظار القراصه بالسمن والسكر
والدعوه عامه...
|
Post: #13
Title: Re: يابكري ابوبكر نهي محسن ابوراس بالباب..منتظره..!!
Author: Moawia Mohammed
Date: 03-31-2007, 02:38 AM
Parent: #1
Quote: في هٍَََِده اللحظات التاريخيه ...
وبعد القراريص بالاملحه والشطوط والشواشي..
نحن الان في انتظار القراصه بالسمن والسكر |
ما تاكل كتير يا حجازي عشان القصة دي ما تحميك الغداء
والله بختك انت الليله أوف من الشغل ولا شنو
انت صفوت الجيلي دا ببيع شنو ولا بلعب وين
لانو ما سمعت بيهو قبل كدا
غايتو يا حجازي بتجيب ليك جنس أسامي بتعرفا براك
العزيزة نعمات مبروك النجاح والعقبال لوليداتك
الأخت د. نها ان شاء الله يكون همك برد وشدي حيلك والشغل ساهل باذنه تعالي وربنا يوفقك
بالله يا ناس تحيات خاصه جدا للزعيم أمجد شرف الدين
السيد بكري أبوبكر نحن مازلنا في انتظارك
|
Post: #14
Title: Re: يابكري ابوبكر نهي محسن ابوراس بالباب..منتظره..!!
Author: مصطفي سري
Date: 03-31-2007, 03:04 AM
Parent: #13
الاخ احمد حجازي ، ازيك يازول وكيف الاهوال (ضغطت ليك علي الهاء شديد )
انا ما مسجل غياب لكن انت يظهر بتلم في القروش ، ويا زول قراصتنا داير سنون نوبي
يعرف يقضمها كويس ، وفيها شوية تحويصة انت قايل بتتاكل ساكت ، وبناتنا ديل
ما داير يرسلو السلام ، احلف اسع واقول لبكري وقف
انا في انتظار هاتف منزلك ، وعنوانك البريدي ، في الماسنجر ( والله ماسنجر تجيني زي الكسمبر
ما عارف العلاقة شنو ) سلامي لنعمات ونهي وكل الذين معك ، ولبشير ابو سالف
|
Post: #15
Title: Re: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 03-31-2007, 03:06 AM
Parent: #13
صفوت الجيلي ...اشتقت ليك..
صوت عجيب مش كده..
الزول ده طلع ود جيران ناس نهي ونعمات ابوراس..
بالحاج يوسف.. وما حلفاوي يا سري !!
وفاتتكم وهسه اتمسحنا بي باقي السمن ...!!
يا بكري
ومنتظرين ومنتظرين ومنتظرين.....ومنتظرين...
|
Post: #16
Title: Re: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 03-31-2007, 03:50 AM
Parent: #15
يا سري التهايا (مع التركيز علي الهاء كما المحت سابقا) واصلاك من الجماعه كلهم..
رسلته ليك الميل (بتائي) و (وبتاء) نهي
تلفوني موجود في البروفيل (بتائي) والعنوان ذاتوا هناك..
التجله والتحيه للتجمع وللشايقي وابوسالف و اؤمر كلف الله!!
لازالت النكته بتاعت الشايقي لمن نادي صبي الاورنيش بالجامعه الاهليه عالقه بالذاكره..
لمن قال ليهو انته وليد حزب امه؟
قام الولد قاليهو لا
طيب اتحادي ديمقراطي؟
فقاليهو لا
طيب حزب شيوعي؟
قاليهو ايضا لا
فقام تهجم الشايقي قائلا..
اوعي تكون مؤتمر طلاب مستقلين!!!
الكسمبر اتزوج في الكسمبر وعامل ليهو قالو بوتيك سماهو (اسمهان)!!
البوتيك في شارع الخرطوم - مدني!!
يعني ناس الجيلي التجاني -شاكين - قمصان اخر موضه..
كان مفروض احضر زواجه لكن فرقت في الايام
السودان جميل بيناسو
كيف الانجليز معاك والشباب كلهم
وكيف احمد طرزان - ضيقوا ليتسع الطريق!!
انشاء الله شوارع انجلترا بقت شايله الناس !!!
تتزكر النكته بتاعت البرلمان ..!!! بحكيها المره الجايه...
|
Post: #17
Title: Re: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 04-01-2007, 06:00 AM
Parent: #16
الشايقي ده عثمان سليمان الشايقي..
التحيه ليهو ويا بكري لازلنا منتظرين...
ومنتظرين..
|
Post: #18
Title: Re: يابكري ابوبكر نهي محسن ابوراس بالباب..منتظره..!!
Author: فايزه محمد داؤد
Date: 04-01-2007, 06:15 AM
Parent: #1
نهي محسن ابو راس..اسم ما غريب علي ابدا..واعتقد اني لاقيتا مره لما جيت في دينفر مع اهلي في مناسبه شهر 8 الفات..بتذكر كنا قاعدين بنات كتار مع بعض و واحده سالتني انتي من وين في السودان .اول ما قلت انا من حلفا لقيت نهي عاينت لي وبدأت تسالني وفوجئت بانها بتعرف اهلي كلهم وعرفت اهلها برضو بس للاسف ما لاقيت نعمات اختها علي ما اتذكر كانت في السودان وقتها
يا بكري ما توقف نهي كتير علي الباب ودخلها لينا سريع
تحياتي لكي يا نهي ولكل من معك
|
Post: #19
Title: Re: يابكري ابوبكر نهي محسن ابوراس بالباب..منتظره..!!
Author: صديق الموج
Date: 04-01-2007, 06:56 AM
Parent: #1
حباب نهى لكن يخيل لى المنبر بعد شوية بحتاج لمترجمين ياخى مرحب بيها
قبال تدخل ونناشد السيد بكرى بقبول عضويتها حتى لو يرفدوا حمزاوى خصما
من حصة المحس،،،،
|
Post: #20
Title: Re: يابكري ابوبكر نهي محسن ابوراس بالباب..منتظره..!!
Author: ahmed babikir
Date: 04-02-2007, 04:47 AM
Parent: #19
السيد صديق والسيده فايزه
لكم عاطر التحايا والاشواق ونشكر انضمام اصواتكم لنا..
ولازلنا ننتظر المهندس بكري ...
ومنتظرين...
|
Post: #21
Title: Re: يابكري ابوبكر نهي محسن ابوراس بالباب..منتظره..!!
Author: Moawia Mohammed
Date: 04-04-2007, 01:27 AM
Parent: #1
فوق
|
Post: #22
Title: Re: يابكري ابوبكر نهي محسن ابوراس بالباب..منتظره..!!
Author: مصطفي سري
Date: 04-04-2007, 02:38 AM
Parent: #21
احمد حجازي ، التحايا
طرزان في الخرطوم ، وانت بكري ما جايب خبر وللا شنو
انا قلت ليك زح من هنا لان نهي نوبية وقريبتي ، يعني شاهدتك \
مجروحة ومنقوصة ، تحياتي
|
|