Post: #1
Title: الجابرك شنو تعيش مع زوجة ما طايقها ؟
Author: ترهاقا
Date: 03-23-2007, 09:34 AM
Parent: #0
وكمان الجابرها شنو عشان تعيش مع راجل هى ما طايقاه؟ موضوع مطروح للنقاش !!
|
Post: #2
Title: Re: الجابرك شنو تعيش مع زوجة ما طايقها ؟
Author: Muna Khugali
Date: 03-23-2007, 09:51 AM
بعد استنزاف وتجريب كل طرق الاصلاح وفشل في محاولات التقريب والتفاهم .. يبقي خلاص كل زول
يمشي في حاله بأدب وانسانيه..وفراق بالمعروف..
هي أصلها جوازه ولا تعاسة جنازه?
ولا العمر بعزقه?
وعلي كل حال..لكل انسان ظروفه التي تتحكم في قراراته وفي نظرته للزواج
..
تحياتي..
|
Post: #3
Title: Re: الجابرك شنو تعيش مع زوجة ما طايقها ؟
Author: الفاتح يسن
Date: 03-23-2007, 03:27 PM
Parent: #2
ساطور خليك في المزيكا وبلاش طايقاهو وطايقها وكل واحد يحل طاقيتو براهو المسعله عويصه المزيكا بتحلها وربنا يجعل كل ايامك انغام
|
Post: #4
Title: Re: الجابرك شنو تعيش مع زوجة ما طايقها ؟
Author: Tabaldina
Date: 03-23-2007, 04:09 PM
..
.
can u define the word Ma6aygah!!?
so we can discuss this topic
_________________
sorry ya'7i al-PC da mara6 b3asleeg 
|
Post: #5
Title: Re: الجابرك شنو تعيش مع زوجة ما طايقها ؟
Author: Hani Arabi Mohamed
Date: 03-23-2007, 04:25 PM
هم منو و عايشين كدا ليه و ما طايقين بعض ليه
|
Post: #6
Title: Re: الجابرك شنو تعيش مع زوجة ما طايقها ؟
Author: معتصم عبدالرحيم
Date: 03-23-2007, 05:51 PM
الاثنين ..يحلهم... الحلا.. بله
يا سيدي .. الحكاية فيها موازنات .. واطفال
وهم الرابط الحقيقي ..ودرع الزواج المنيع
قد يقول البعض الحب ..والقدسية و العشرة..
لكن صدقوني ..هناك آفات وفيروسات (بشرية) تعصف
بأعتي قلعة حب وتدمر عُشرة سنيين
----
ولكم دلوكم ...
معتصم العربي
|
Post: #7
Title: Re: الجابرك شنو تعيش مع زوجة ما طايقها ؟
Author: عامر تيتاوى
Date: 03-23-2007, 06:19 PM
Parent: #6
ممكن زميل فى العمل ما تطيقوا وتتعامل
معاهو
وممكن وممكن
لكين بين زوجين تبقى علاقة ما ممكن تستمر
ربما
المعايش جبارة
|
Post: #8
Title: Re: الجابرك شنو تعيش مع زوجة ما طايقها ؟
Author: ترهاقا
Date: 03-23-2007, 08:51 PM
Parent: #7
Quote: هي أصلها جوازه ولا تعاسة جنازه?
ولا العمر بعزقه?
|
العزيزة منى
والله ما قلتى إلا الحقيقة ، بعزقة الفلوس ممكن لكن العمر لا
العزيز تحتح
لو المزيكة كانت بتحل مشكلة عليك الله إنت كنت حتكون فى كندا؟
-------------------
can u define the word Ma6aygah
يا ايها التبلدينا
إنت ناقش الموضوع بطل خباثة وجاوب
------------
الاخ هانى
(هم منو و عايشين كدا ليه و ما طايقين بعض ليه
---------------------------------------
العزيز معتصم
شكرا على المرور الثمين
(ودرع الزواج المنيع
قد يقول البعض الحب ..والقدسية و العشرة)
يمكن يكون ده مربط الفرص
---------------------
الجميل تيتاوى
(ربما
المعايش جبارة)
ده ممكن يكون سبب قوى جدا لانو فى رجال كتار بقوا تاكلين على نسوانهم .وده يمكن السبب اللى
كتبت بيهو الموضوع ده.
---
حقيقة ما عارف ذكرنى الموضوع ده شنو والحكاية دى كانت فى السعودية وكان يعمل معنا
مجموعة من العرب فى القاعدة الامريكية وما أن يدور حديث ونحن نشرب القهوة العربية
إلا وواحد فيهم ينط ليك ويذكر إنو الموضوع بقى لا يطاق ولكن إكتشفت أن معظمهم متزوجين
اقارب بنات عمهم او خيلانهم وفى بعض الاحيان تكون فى مصالح تجارية مشتركة بين الاسرة، فالجماعة لقيتهم
ما سكين الفلوس على حساب راحتهم .
وابقوا عافية زى ما بيقول صاحبى أبوجهينة
|
Post: #9
Title: Re: الجابرك شنو تعيش مع زوجة ما طايقها ؟
Author: Faisal Taha
Date: 03-23-2007, 09:08 PM
Parent: #8
وين يا ساطورنا - ليك مدة ما باين
اها ما قلت لينا حتشارك في يوبيل
الاستاذ الذهبي كيف وانت بغادي .
تحياتي ومودتي
|
Post: #10
Title: Re: الجابرك شنو تعيش مع زوجة ما طايقها ؟
Author: ابو جهينة
Date: 03-24-2007, 07:31 AM
Parent: #9
ساطور
يا وحش إنت وين ؟
سلام كبير لك و للأسرة
إتصلت بك عدة مرات و لكن ( لا رد ).
ندخل في الرد على سؤالك ...
فالإجابة عليه ذات شقين .. أو برؤيتين :
1. من ناحية دينية .. ( عسى أن تكرهوا شيئا و هو خير لكم ) ..
2. من ناحية تانية البعض يتعامل مع مثل هذه الأمور من منطلق : عشان عين تكرم ألف عين ..
قد يكون عشان الأولاد .. لأنه بطلاقها قد يضيع الأولاد.
و الله المستعان.
الرجاء الإتصال
|
Post: #11
Title: Re: الجابرك شنو تعيش مع زوجة ما طايقها ؟
Author: Manar Mahsoub
Date: 03-24-2007, 10:22 AM
وكمان الجابرها شنو عشان تعيش مع راجل هى ما طايقاه؟ موضوع مطروح للنقاش !!
العزيز ابو حميد مشتاقين اكوام ...الحكاية شنو فص ملح و ذاب
شوف يا عزيزى معظم النسوان دائما فى حكاية العيشة دى بيكون عندهم اولويات و نفسهم دى فى آخر القائمة عشان كده بيسلكوا حتى فى الظلط .. الحياة مراحل مجرد ما تصل لمرحلة ام و اطفال فى تنازلات كثيرة بتحصل من اجل خلق جو شبه صحى عشان خاطر اطفال ما عندهم ذنب فى عدم الطيقان الحاصل عشان كده الواحدة بتبلع مقصتها حتى لو باندروس ....طايقة ما طايقه فهى طايقة .... كعب صنف الرجال لا يمكن يعيش مع واحده ما طايقها حتى لو كان عشان الاطفال ... تلاقيه يا فرتك أو باسط نفسه و طايق على الاخر خارج بيته... اما البيكون ما طايق و قاعد عشان المدام بتصرف عليه فديل بره النقاش لان سؤالك كان ( تعيش مع راجل ....؟؟) و ديل لمواخذه يعنى ما تبع التصنيف !!
لك كل الشوق و الود
|
|