الي سودانيزاونلاين - قير تور

لويل كودو
الي سودانيزاونلاين

قير تور
كُتب في: 2007-03-22




كنت كتبت في وقت سابق واصفاً المنبر العام لسودانيز اونلاين بانها (جامعة سودانيز اونلاين) ...وما زلت اؤكد اليوم على ما قلت.المنبر العام لسودانيز اولاين ماشاء الله وتبارك الله.. به شخصيات محترمة جداً في ما يكتبون ويسطرون فعندما تقرأ ما انزلوه في البورد فانك تزهو بهؤلاء النفر من السودانيين الذين يعيدون إليك الثقة في وجود تواصل اجيال في بلادنا بجانب المؤمنين بالرأي والرأي الآخر.
وعندما نكتب عن شئ فنحن تعودنا علي تناول سمح الكلام عن شخص نتعامل معه طمعاً في تجنب الايذاء بقدر الامكان ، وكل من نتحدث عنه ما لم يضطرنا بفعله الى قول ما يعيب في حقه نغض انظارنا عن عيوبه ، فلا يعقل ان نكون ناشرين القبيح من الكلام بل الافضل محاولة رفع درجات الكلام الى (جيد) .ونفس الشئ نراه في المنبر العام لسودانيز اون لاين عندما ذكرنا بانها جامعة بها كتابات لا تستطيع مغادرتها من شدة جودتها وعمقها وبنفس المنبر كتابات لا يصلح سوي الندم على ضياع الزمن في قراءتها .وعندما كتبت كنت استند على كتابة اعتبرتها طفرة جذبتني جداً لاشارك برأي اشيد فيه بالكل ولم اتحدث عن كتابة فارغة ...فما دامت فارغة لماذا اقراها واتناولها؟...وذهبت اكتب عن اشياء في السودان مستنداً على مقال - كان وما زال في نظري يستحق الاشادة – تطرق لموضوع مهم حتي انني ضممت نفسي بصيغة المع عندما قلت (ومشكلتنا كمشكلة اخونا....) لا اذكر الاسم مرة فقد جنيت على نفسي في المرة السابقة ويبدو علىّ انني وقعت في قول زهير بن ابي سلمي (ومن يجعل المعروف في غير اهله ...الي نهاية البيت).وهنا لا اقصد به صاحب المقال نفسه بل هؤلاء الذين راحوا ينظرون ويكتبون حتى طالب بعضهم صاحب المقال بمقاطعة صحيفة السوداني بسبب اني اكتب فيها. ومن الاشياء المذكورة ايضاً هناك تطرق لعمود الاستاذ عبدالرحمن الزومة. اقول لهؤلاء ،اولاً رغم اني كاتبت صاحب المقال الذي ارسل لي رسالة في بريدي واوضحت له ما قصدت فانا اعيد قصدي هنا فالمقال الحمد لله كان جيداً قرأته للنهاية .واما قولك بان الحكم على مقالك كما ذكرت بالفارغ فلم اكتب مثل ذلك الكلام لكن فليكن كلامك هو الصحيح وانا على خطأ...وهنا سيكون مقالك كلاماً فارغاً حسب استنتاجك. واما الذين وجدوا انفسهم فجأة خبراء تقييم للكتابة حتي قالوا بان الكثيرين هم كتاب زمن الغفلة فلا نضيع كلماتنا بسببهم ،ويكفيني صحيفة السوداني التي اكتب فيها هذه الكلمات وخذوا مثالاً بكتاب الاعمدة و المقالات .. . والافضل لي الحديث عن زملائي الشباب ،ابحثوا في كل صفحات السوداني منذ صدورها حتي الان وليكتب احدكم اساءة كتبها احدهم ضد من يظن انه يخالفه الرأي....نحن هنا يعرف كبيرنا صغيرنا ويعرف صغيرنا كبيرنا فلا نخطئ في حقوقهم واذا حدث وان اخطأنا فليس هناك ما يمنعنا من الاعتذار والاعتراف بالخطأ. ولنعد الي سودانيز اون لاين والحمدلله هذا المنبر به كبار ،لكن عددهم قليل جداً، ماتت اصواتهم وسط تلك الهرجلة الصادرة من بعض الصغار فظهر ذلك جلياً في العبارات البذيئة التي سود بها الكتابة البورد. ودليلي على ذلك مطالبة بعض الاصوات بحسم مثل هذه الامور. اشكر كل الاخوة الذين كتبوا معلقين على ما كتب عني في البورد مدافعين، وكذلك اشكر الذين هاجموني ايضاً رغم انهم –كما يبدو- لم يقرأوا ما كتبت عن المقال المزعوم.

Quote: فعندما تقرأ ما انزلوه في البورد فانك تزهو بهؤلاء النفر من السودانيين الذين يعيدون إليك الثقة في وجود تواصل اجيال في بلادنا بجانب المؤمنين بالرأي والرأي الآخر.

شكرا لك معاذ

والشكر الى الاخ قيرتور الصحفى العملاق بجريدة السودانى ...

فعلا بعض الكتاب سذج ولا يعرفون غير التطبيل والمشئ وخلف الكوته والشلة ...


تسلم

Quote: والشكر الى الاخ قيرتور الصحفى العملاق بجريدة السودانى ... .

تسلم يا عاصم
ونشكر للاستاذ قير متابعته واشادته بالمنبر.

يا بكري شيخ سودانيز اون لاين

بعد ما بقيت (نجم اعمدة) عندي شروط:-
1- انك تربط لي مرتب شهري بالدورلار باقي اخوك مفلس وما عندي التكتح.
2- تعمل لي مكتبة الم فيها نصايبي دي.

3- تخت البوست دا في العناوين الفوق دي.

عندي شروط تاني بس بعد شوية.

الشرط الرابع يا شيخ بكري
4- تفصل ناذر الخليفة وعمر الفاروق وتدي انذار لي sabah hosein

يتبع

استاذ الطاهر بالله قرط على الصورة دي تاني احلى بكتير من صورة
عبد العزيز الشلالي !! بالله وين الراجل دا!!

قال الشاعر
اذا هبت هبوبك فاغتنمها فان الريح عادتها السكون.
أها اخوك اليومين دي داخل في دور جكس وبقي يلفت الانظار ودا الوقت المناسب للاشتراطات.

معاذ حسن

نجم عمود قير تور الصحفي

Quote: الشرط الرابع يا شيخ بكري 4- تفصل ناذر الخليفة وعمر الفاروق وتدي انذار لي sabah hosein

وأنا كمان عندي شرط لي محجوب عروة رئيس تحرير السوداني :..

تفصل قير تور من الجريدة عشان معاذ يشوف ليهو شغلة يقضاها

شنكل :

فرحان كدة التقول قير تور بيكتب في THE TIMES OF INDIA

!!!!!!!!

Quote: وتدي انذار لي sabah hosein

أهااااااااااااااااااااااااااا !!

كدة جينا للغلط !!

كلو إلا صباح حسين هي براها المسيكينة عندها شريطين وقاعدة على الهبشة

Quote: تفصل قير تور من الجريدة عشان معاذ يشوف ليهو شغلة يقضاها شنكل : فرحان كدة التقول قير تور بيكتب في THE TIMES OF INDIA

جنس حسادة

والله السوداني أحلى من THE TIMES OF INDIA بتاعتك دي.

قال انديا قال
عاميلن السيجارة بتاعتم الاتنين سنتي دي.

معاذ .. أو الزول الوهم

سلام و مشتاقيييييين .. بس حبيت أورّى وشّى .. و أورّى أنّى موهم بما تكتب .. شفتا إيه إزّاى إنتا زول مهم فى شاشتى

Quote: سلام و مشتاقيييييين

بالاكتر يا ابو علوه.

وينك يا راجل. شفت الحصل لي اخوك الوهم. بقي مهم اخر الزمن.

تحياتى معاذ

قير تور
__________
هو نموزج حقيقى للمثقف السودانى الواعى
اتابع جريدة السودانى لانى بجد بداخلها الاستاذ المخضرم
قير تور قد نختلف فيما يكتب او نتفق لكن الحق يتقال هو صحفى
بحق وحقيقة ولو كل الصحفيين بحجم الاستاذ قير لتعدل الحال من حال لحال
من هنا وعبرك ارسل خوالص سلامى وكثيف حبى للاستاذ قير تور

عن إذنك يا معاذ نخت صورة الغلاف بس للسفر دا :




صنفرة :

حقوق الطبع محفوظة