مهرجان الربــبيع .. في ربيع الحبِ كنا ..

عندما يعتدل الجو وتتفتح الزهور معناه أن الربيع قد أتى ..
وحينما يخفق القلب وتزداد نبضاته يعني أن هناك من تملكه ..
الحب والربيع يجتمعان في الكثير من معاني الحياة بهما يدخل السرور إلى قلب الإنسان وتكون سعادته ..
الحب والربيع هما ذلك الإحساس العظيم والشعور بالآخرين والأمكنة ..
يقول جبران .. " إذا أشارت المحبة لكم فأتبعوها وإذا ضمتكم بجناحيها فأطيعوها وإذا خاطبتكم فصدقوها .. المحبة لا تعطي إلا من ذاتها ولا تأخذ إلا من ذاتها ..
ذلكم هو الحب ..
وفي هذه الأغنية تتجلى عبقرية إدريس جماع في نظم الشعر وسيد خليفة في اللحن والأداء غنيا للحب وللربيع ولكن بشكل آخر فيه حزن وأسى وحسرة ومناجاة من نوع آخر لفتاة الأحلام ثم ضاع الأمس منا ..

في ربيع الحب كنا نتساقى ونغني ..
نتناجي ونناجي الطير من غصنٍ لغصنِ
ثم ضاع الأمس منا وانطوت في القلب حسرة
***
إننا طيفان في حلمٍ سماوي سرينا
واعتصرنا نشوة الحب ولكن ما ارتوينا
كانت الجنة مسرانا فضاعت من يدينا
ثم ضاع الأمس منا وانطوت في القلب حسرة
***
أطلقت روحي من الأشجان ما كان سجينا
أنا ذوبت لك فؤادي لحناً وأنينا ..
فارحمي العود إذا غنوا به لحناً حزينا ..
ثم ضاع الأمس منا وانطوت في القلب حسرة
***
ليس لي غير ابتسامتك من زاد وخمر
بسمة منك تشع النور في ظلمات دهري
وتعيد الماء والأنهار في صحراء عمري
ثم ضاع الأمس منا وانطوت في القلب حسرة

فلنغني للحب وللربيع وليعم السلام كل ربوعنا ..
ربنا يبعد عنكم الهم والغم ويزيل عنكم الحسرات والندم ..

الأداء لياسر عبدالوهاب (ياسر سيد خليفة)


الرعاية ..
حصرياً جمعية رجاء العباسي لرعاية مهرجان الربيع ..

الحبيب معتصم..فلنغنى للحب والربيع وللجمال دائماً

صديقي بشرى سليمان ..
بيكم يبقى الحب ربيع ..
والزمـــــــن أجمـل ..


معــــــاً لنغــــني ..

معتصم دفع
شكراً ايها الحبيب وانت تمد الروح بالريحان
وفي ربيع الحب ..
شكراً لهذه الأناقة ..
وتلاقح كلمات الحب مع مواسم الحب

Quote: الحب والربيع يجتمعان في الكثير من معاني الحياة بهما يدخل السرور إلى قلب الإنسان وتكون سعادته .. الحب والربيع هما ذلك الإحساس العظيم والشعور بالآخرين والأمكنة ..

نعم يا صديق ..

وكأنما هناك علاقة بين شاعرنا والربيع عندما نادوه بـ( شاعر الاشجان والوجدان)

ففي هذا البوست يا سيدي
(اطلقت روحي من الأشجان ما كان سجينا
انا ذوبت فؤادي لك لحنا وانينا)
بس:
(لا تسأل ولا تعتب علينا)

لبعض الخروج عن النص
إنه حديثك الجميل

تحياتي اقصى ما تراه عيون

الحبيب إبراهيم عثمان ..
تحية الحب والربيع ..
لقد أسعدتني مداخلتك وأثلجت صدري ..
الحديث عن شاعر الـ( لحظات باقية ) حديث ذو شجون ومتعب في نفس الوقت ..
شاعر مسكون بالإبداع كتب روائع الشعر السوداني ورحل عنا في زمن كنا أحوج فيه لكلماته ..
انت السماء بدت لنا واستعصمت بالبعد عنا ..
أما يكفي هذا البيت ليدلل على عبقريته وأسلوبه الأخاذ في كتابة الشعر ؟..
أم هذه الأغنية في ربيع الحب إنه سفر ومناجاة حزينة وقلبه يحمل كل الحسرة والألم لتجربة حب ألمته كثيراً وهو يمنى نفسه مع القماري ببناء بيته قشة قشة ..
اننا طيفان في حلم سماوي سرينا
واعتصرنا نشوة الحب ولكن ما ارتوينا
انه الحب فلا تسأل ولا تصب علينا
كانت الجنة مسرانا فضاعت من يدينا
ثم ضاع الأمس منه وضاعت الجنة ونعيمها بعد أن كان في مسراها إنه الحب يا صاحبي ..

شكراً جميلاً أخي إبراهيم ..
وأمنياتي لك بحب كله ربيع ..
والجمال يبراك وين ما تحل ..

كامل مودتي ..

Quote: إننا طيفان في حلمٍ سماوي سرينا واعتصرنا نشوة الحب ولكن ما ارتوينا

A MEEEN

Quote: A MEEEN

تشمــه قدحـــة ..

معتصم الجميل..

كل يوم والجميع في ربيع..




دي بهجة ما حصلت..





بالمناسبة إنتو سبقتوني كلكم بالعيد.. أنا لسة بركًب في الستائر..

شوف ربيع الوادي وجماله
شوف نخيله وصيده ورماله
شوف فريع البان من آماله
شوف يمنيه وعاين شماله
البدر خجلان من كماله
والصباح لاح بهل الوشاح

ياسلام عليك يامعتصم
كل ربيع وانت في ربيع

وأنت بألف خير يا نهال ..
حضورك والربيع جميلان ..
يقول أبوذر بابكر ( المطر ) ..
هناك
فى حدائق وجهِها
تدفقُ العصافيرُ
مواعيدَ بوحِها
تذكاراً
عن العشِِ العتيقِ
تدفنُ العصافيرُ
مَواتَ جرحِها
وما تبقى
من دموعِ ليلِها الصديقِ
وليلُنا الذي
كلما مددنا صوبَه
حرقةَ العيونِ
ترجلَ عن سوادِ حزنِه
أناخَ راحلةَ الجراحِ
ونام فينا
ونحن
بين يقظةِ الأنينِ
مطلقِ السراحِ
وغفوةِ الظنونِ
نجوسُ وسط نومِنا
أو
فوقَ موتنا المباحِ
حيث كلُ حلمٍ فيه أخرسٌ
يناوشُ الهتافَ
يستعيرُ
حرقةَ الصياحِ
وصيحةَ الحريقِ

لك كل الأماني الحلوة ..
وحب كله ربيع ..

رجوية الغالية ..
ربنا يجعل كل أيامك ربيع ..

إنتِ لسه ما ركبتي الستائر ..
يلا نحن منتظرنك ..

معتصم ما أجملك

وهذا اللحن الجميل وأنت

تخلي الحب يسرح بينا يفرد جناحينه

ويطير بينا .

ونشوف الدنيا ربيع وزهور ...

Quote: إننا طيفان في حلمٍ سماوي سرينا واعتصرنا نشوة الحب ولكن ما ارتوينا كانت الجنة مسرانا فضاعت من يدينا ثم ضاع الأمس منا وانطوت في القلب حسرة

في دنيا الحب نلقى الجنه ..

وبين ورود الربيع نلقى عبق روحنا ..

على كل حال الربيع والحب والجمال

في روعتك ..

وألق رجاء العباسي ..

كل ربيع وانتم أروع في ظلال الحب ..

ثم ضاع الأمس مني وإنطوت في القلب حسرة

يا ناذر ربنا يبعد عنك الألم والحسرة ..

لكن بيني وبينك دا عشان ما سمعت وصيتي ..


بالجد مشتاقيييييييييييين ..

سلام يا خالدة ..
أهديك بعض ما كتبه شتات في بوست ( عصفورة واحدة كانت كافية لإستدعاء الربيع )..
الربيع فلسفة العشق ..
والعشق هو فلسفة الوجود ..
الفل والياسمين والغاردينا والكرز وزهر الليمون هم صبايا الربيع ..
والحق والخير والجمال .. والحرية والعدل والمساواة .. هم صبايا الفلاسفة ..
الربيع هو زهور سقراط وأرسطو وديكارت وسبينوزا وروسو وهيجل .. والعقل من أجل ربيع الحياة ..
وهو العودة الأبدية لأصول المعاني ورسائل السماء ..
الربيع عبير الفن .. وشذى شكسبير وصراعه مع الذين ينالون الخزي بانتصاراتهم الشريرة ..
الربيع فلسفة الانسان .. والانسانية هي ربيع الأرض العاشقة ..
إنتهى كلام صلاح شتات ..
وما إنتهينا ..
حينما أسمع هذه الأبيات أقف عندها طويلاً ..
إننا طيفان في حلمٍ سماوي سرينا
واعتصرنا نشوة الحب ولكن ما ارتوينا
كانت الجنة مسرانا فضاعت من يدينا ..
نحن بدورنا طماعين في الجمال والحب ..
ولكن هل سعينا إليه ؟
يقولون الحب تضحية فهل هو كذلك ؟
أسئلة كثيرة أبحث لها عن إجابة ..

لك كل الحب والتقدير ..
ربنا يجمل أيامك ويجعلها كلها ربيع ..

Quote: تشمــه قدحـــة ..

مافي تخفيضات في مهرجان الربيع دا ؟

أدريس . أدريس . أدريس ياجماع
* انطوت فى الغلب حسرة
يا ادريس حتى الان نحن كثيرا ما نغنى لأولادنا لننام نحن أنفسنا
كلماتك تتساقط على مائدة افكارنا
تجدنى ياجماع اصغى لانشادك وانا فى قلب صحراء الهجرة البعيدة
تحياتى اليك يامعتصم
اخيك عثمان

فوق

ونشوف الدنيا ربيع وزهور ...
( والذى نفسه بغير جمال يرى فى الوجود شيئا جميلا )
ـــــــــــــــــــــــــــ
معتصم دفع الله
عميد جمال المنبر
لك منى أجمل التحايا الربيعية
شكرا لإيرادك كلمات المبدع
الشاعر إدريس جماع هذا العبقرى
السابق لأوانه الذى يرسم على الأعصاب
والحس قبل أن يدرك الناس ذلك
حيث أكتشف العلم الحديث الآن
أن كل ما يدور فى حياتنا منذ الولادة
يسجل على العصب !!!
(أرسم على الأعصاب وأنقش على حسى )
( واستدنى بابا باب وأقعد على نفسى )
لهو تشكيلى بعيد المنظور يضع لوحاته
بين مرآتين متوازيتين حيث لا نهاية
لأبعادها.. بابا.. باب ..ولا أبلغ من هذا .
لك منى مايليق بالجمال ودامت أيامك كلها ربيع .

أي سرب يتهادي بين افياء الظلال
يتسني في جمال ويغني فـــي دلال
مثل عنقود تدلي بشغاف القلب مال
كطيور حالمات سابحات في العبيــر
ودعاء وأبتسام ابتسام في الثغـور
فتنه تمشي الهوينا بين منثور الزهور

أخي الحبيب العزيز موو

Quote: أطلقت روحي من الأشجان ما كان سجينا أنا ذوبت لك فؤادي لحناً وأنينا .. فارحمي العود إذا غنوا به لحناً حزينا .. ثم ضاع الأمس منا وانطوت في القلب حسرة

يا روعتك يا جميل ، أنت الربيع حينما تحل بنا حرارة البورد .


غايتو يا ريس أبو جهينة بالشفتو أمس ده أولادك ديل الله يستر عليهم ساكت ، شويه وتشوف العجب العجيب . ربنا يستر ساكت .

عمدة يا صديق ..
ياخي يديك العافية ..
كلماتكم الحلوة دي جملت دواخلنا ..
ربنا يديم المحبة بينا ويجعل أيامك كلها ربيع ..

تعرف جلسة يوم الجمعة الماضية دي كانت زيها جلسات كتيرة حلوة ونحن من العادة قاعدين نعمل الحاجة دي حتى نزيد من معلوماتنا ونستفيد من جلسات النقاش التي تدور بيننا ولسه القادم أحلى ..
وعبرك نحي الأخ خالد المحرب وأسرته على كرم الضيافة والحفاوة التي إستقبلونا بها ..

تسلم يا حبيب ..

انت السماء بدت لنا واستعصمت بالبعد عنا
آنست فيك قداسة ولمست اشراقا وفنا
ونظرت في عينيك آفاقا واسرارا ومعنى
وسمعت سحرا يذوب صداه في الاسماع لحنا
نلت السعادة في الهوى ورشفتها دنا فدنا
قيدت حسنك في الخدور وصنته لما تجنى
وحجبته فحجبت سحرا ناطقاً وحجبت كونا
وابيت إلا أن تشيد للجمال الحر سجنا

وأبيت يا مجدي إلا أن تعطر دواخلنا بحضورك الجميل ..
شكراً ليك كميات ..

كل التحايا ..

تحياتي سمية ..
وشكراً على كلماتك الطيبات ..
حقيقي جماع عزف بكلماته على وتر إحساسنا ودوزن عصبه ..
لو نظرنا لشعره نجده يرسم لوحة رائعة بكلماته الجميلة ..
وأشعاره رسوم تشكيلية زي ما قلتي ..

ولك منى أجمل التحايا الربيعية ..
وكل الود والتقدير ..

تحياتي أخي عثمان ..
كلماتك دائماً تنزل برداً وسلاماً علينا ..
جماع كتب رقيق الشعر وأعذبه ورحل عنا قبل أن يكمل سفره ..
أطلقت روحي من الأشجان ما كان سجينا
أنا ذوبت لك فؤادي لحناً وأنينا ..
فارحمي العود إذا غنوا به لحناً حزينا ..
هنا وصل بروحه إلى قمة الشجن فسجن نفسه فيه ..
وتجد الألم يعتصر قلبه في مناجاة محبوبته وهو يطلب الرحمة لعوده وفنه ..
له الرحمة والمغفرة ..
ولك يا عثمان أجمل المنى والتقدير ..

Quote: مافي تخفيضات في مهرجان الربيع دا ؟

غلبتني أعمل ليك شنو ..
الله يجازي محنك ..

الحبيب معتصم..
لك الإنحناءة وانت تضمخ صباحات السبت بهذا الاريج ..لتزيح عنا كثيرا من التعاسة
انه جمال خااااااااااالص لا تشوبه شائبة فشكرا عزيزى

Quote: فارحمي العود

زى الفى راس الدولاب؟

أخي الحبيب معتصم

أكوام من الأشواق بحجم زهور الربيع

دخلت للتحية

ولك إهـداء

أزهـار من شـارع النـيـل الخرطوم









مودتي

إسماعيل حميم

أخي وصديقي إسماعيل ..
تحيات وأشواق كتيرة لعلك والأولاد بخير ..
في نفس التوقيت من العام السابق كنا سوياً في معرض الزهور بالحديقة النباتية ..
وأعرف شغفك وحبك للزهور ولا غريب أن تعطر أجوائنا بزهور شارع النيل وبعض ما التقطته كامرتك الرائعة ..

كامل محبتي ..

ولي يا صديق ..
صباحاتك جميلة زيك ..
شكراً وأنت تعطر أجوائنا بحضورك الأنيق ..
الذكريات الحلوة دائماً تكون مع الأصدقاء الجميلين ..
والربيع دائماً يأتينا بالرائعين ..

Quote: زى الفى راس الدولاب؟

والله أظنه زي الفي رأسي دا


كل التحايا يا حبيب ..

الأخت حواء سليمان تحياتي وسلامي ..
يانعة مثل زهورك ..

شكراً جميلاً ..

جميلة دائماً يا رجوية ..

لك كل الحب ..

ألأخ/معتصم دفع الله


ياحبوب

إنت الجمال وهبوهو ليك شالو السحر من بين كلماتك....ياعميدجمال المنبر ذى ما قالت أختنا سمية الحسن طلحة....وإنت دائمآ تختنا فى الحتة الضيقة بتاعت الجمال ده...وعذبتنابالجمال وخليتنى عشت راهب بين تراتيلى وحشوعى....والله نحن متابعنك لكن خايفين تودينا لى الغريق......

الربيع جميل ومنه نستشف معانى الجمال....


أتاك الربيع الطلق يختال ضاحكآ من الحسن حتى كاد أن يتكلم
وقد نبه النيروز فى غسق الجاء أوائل ورد كن بلأمس نوما.....

واصل جمالك ياجميل

إسماعيل محمد أحمد عباس

بالله فوق
جنس كتاحة

يلا نسوق الربيع

شكراً يا دكتورة نهال ..
تعالوا نبدل الكتاحة بنسيم عليل ..
ونملأ الدنيا زهور وربيع ..
ونغني للحب ..

تحياتي ومودتي ..

الأخ الحبيب إسماعيل عباس
لك التحية والتقدير وأنت تتحفنا بكلامك الجميل دا ..
تابع جنس الحاجات دي عوجة ما بتجيك بس ما تبقى راهب ..
وزيد في التراتيل وجر سبح المغنى الحلو والجميل ..
بطول العمر وبسعد الإنسان ..

شكريً الجميل ..

تاااااااااااني ياخينا؟!!!

غايتو بكاي بكا

الجمعة بالخرطوم يا صاحب ان شاء الله

معتصم أزيك

.....!!!!
أحي انا

نجضتني الله ينجضك

يا نيران الحب.. كوني بردا وسلاما على ود دفع الله .. وضيوفه.
_

إنه الحب.

مولانا محمد المرتضى ..
كيفك يا صديق ..
وبرداً وسلاماً عليك يا حبيب ..
أينما كانوا الأحباب يكون الحب وتكون الدنيا ربيع ..
لك كل الأماني الحلوة ..

وتقديري ..

حبيب نورة ..
إزيك إنت وإزي عيونك ..

Quote: نجضتني الله ينجضك

هو قالوا ليك البنسوي فيهو دا ما نجاض ..
ياخي نحن قايلين الروب عدييييل كده ..
خلي الطابق مستور ناس بدري ديل قاعدين لي كشف الحال

تسلم يا ذوق ..

Quote: غايتو بكاي بكا

الله بسألك ؟؟

Quote: الجمعة بالخرطوم يا صاحب ان شاء الله

يا جماعة واحد ينقذ الخرطوم دي ..
والله هسي بتكون تعبت جنس تعب معاك


بالسلامة يا صاحبي ..
وما تنسانا من صالح الزيارات ..

عزيزي معتصم:

بعد التحية..

سأعود لأحكي ما قاله لي سيد خليفة عن ملابسات هذه الأغنية عام 1988.

كن بخير دائما

كيفك يا برنس ..
محمد منور والله يربى في عزكم إن شاء الله ..
ونحن في إنتظار حكيك عن الراحل أبو السيد وهذه الأغنية الخالدة ..
يديك العافية يا حبيب ..

محبتي ..