افكار امرأة خبيثة جدا....

علي قول رجاء العباسي
الزول احسن يكتب بالدارجي عشان ناس اللغة العربية ما يجوا ناطين ليو في حلقو.


قريت موضوع في مجلة "الجميلة" للكاتبة احلام مستغانمي

ح اجيب ليكم مقتطفات من الموضوع وبعدين نشوف لو كانت الافكار دي خبيثة

والا دة النوع الوحيد البنفع مع صنف الرجالة.

دينا ....

الله يسترنا منك ...
جايبة شنو المره دى ....
ماخليتى لينا جهة نقبل عليها ...
محاصرة من كل الجهات ...

في ذمتك انت بالذات يا بتاع التلات ورقات بتتحاصر؟؟؟

الرجل يحب من تؤذيه فلا تكوني قطة

لا تغفري له .. ادعي الغفران.. لا تبكي امامه... اجعليه يبكي

لا تكوني اكثر لهفة.. وارتدي الكبرياء... لا تصنعي منه نموذجا للكمال











كلام زي الورد

لا تبحثي عن اعذار لرجل اساء لك

فابقاء ذكرى طعنته حية فيك تمكنك من تجريده من سلاحه









الوصية دي مهمة جدا يا بنات الواحدة فيكن ما تبقى زي الكديسة المغمضة

اتوقعو اي حاجة في اي وقت,, وعلي راي المثل "حرص ولا تخونش"

Quote: في ذمتك انت بالذات يا بتاع التلات ورقات بتتحاصر؟؟؟

ودالنمير ...
انتى شايته وين ...!!!!






_____________________
ماقلنا ليك سودانى والبجيبو كلو سودانى ...

لوووووووووووووووووووووول







قبضتك

الرجل لا يتعلق بامراة تبكي امامه

انما يتعلق بالمراة التي تجعله يبكي






اها يا اخوانا الكلام دة بالذات صاح, لانو اهلنا ما بقولو كلام ساي, كل ممنوع مرغوب فيه

والثمرة المحرمة حلوة,, وحقيرتي في بقيرتي,, والامثال دي كلها بتوري انو الواحدة ما تبقى

مسهتنة ومضبلنة ولازم دايما تعمل فيها عشرة بقرش والحشاش يملا شبكتو

دينا

عارفه والله اليوم جيت ساني سنوني ، لقيت البوست قالوا مشي الخور ، اولا ، الخور ده وين (والله ما بعرف القاه)


ثانيا

Quote: الرجل يحب من تؤذيه فلا تكوني قطة لا تغفري له .. ادعي الغفران.. لا تبكي امامه... اجعليه يبكي لا تكوني اكثر لهفة.. وارتدي الكبرياء... لا تصنعي منه نموذجا للكمال

Quote: فابقاء ذكرى طعنته حية فيك تمكنك من تجريده من سلاحه

ياستي لماذا تسعي المرأة ان تصور حياتها مع الرجل او بشكل اعم (الحياة مع الرجل ) كأنها معركة ، لابد فيها من منتصر ومنهزم ، لا ، الحياة بين الاثنين من المفترض ان تكون اكثر عمقا وحميمية ، بعدين المرأة ح تقعد مع الراجل حياتها كلها ، اها ما بتتعب من التآمر الكثير ، وحياتها كلها تحسبها بالحتة ، محجوب شريف عندو قصيده اسمها سمبلاية ، كان ما قريتيها ، عليك الله اعملى بحث في المنبر ح تلقيها ، زمااااان انا نزلتها في المنبر ، وكم واحد اشار اليها ، القصيدة كلها بتتكلم عن الحياة الزوجية ، وفيها جملة لخصت القصيدة بقول فيها ( وسوا بنطيع الصاح).


في ظل الظروف والبوست داك ، عجبني العنوان واصبح جاذب جدا .

رقم صفر

تسلم والله عارفاك ما بتقصر

اولا: الخور تمشي ليهو عن طريق المستطيل التحت المكتوب جنبو "show" وبيكون ظاهر ليك "المنبر

العام" تقوم تفتش الخيارات, وتقريبا اخر خيار, بيجيك "منبر خاص باعضاء/ات سودانيزاونلاين.

ثانيا: والله انا زاتي قلت زي كلامك دة لكن لسة ما اتضح لي الصاح منو بالضبط, كدي النشوف اراء الناس

وبعدين نقرر.

Quote: قبضتك

اهم حاجة انو الروح تكون طيبة بس ...!!!




____________
الله يجازى الكان السبب ...!!!!

الروح طيبة شديييييد ياخ


والسبب الذكاء

حاذري ان تكوني اكثر لهفة منه بعد الخصام

ولا تظهري له اثار طعنات جسدك فبذلك تصبحين اشهى واجمل وانت تتسربين من بين اصابعه.





يعني بس غايتو الواحد قبل ما يجي داخل علي اي قصة حب يجهز معاهو معداة حربية كاملة

وما ينسى الدروع والدبابات وصندوق الاسعاف والذي منو.

دينا ..

Quote: الرجل لا يتعلق بامراة تبكي امامه انما يتعلق بالمراة التي تجعله يبكي

بما انو الروح البشرية تحب وتكره
وتنتقم فاحذرى يابت حواء من ان تجعلى الرجل
يبكى .. لانك سوف تبكين اكثر .... (من الواقع)


______________
ابقى تقيل ابقى تقيل
لما شربت مويت الغسيل ...

سيليكون

طول ما الروح البشرية واعية ومفتحة ما بتدقس

Quote: ولا تظهري له اثار طعنات جسدك فبذلك تصبحين اشهى واجمل وانت تتسربين من بين اصابعه

هو حب ولا طب شرعى ؟؟؟!!

Quote: هو حب ولا طب شرعى ؟؟؟!!

الخيال دة يا اخوي لو ما شغلتو دايما بتدقس

هسي انت اعمل حسابك ما يشرحوك

Quote: هسي انت اعمل حسابك ما يشرحوك

هوالتشريح ظااااطو ماخشم بيوت ...

دينا فيصل.

كلام راجل تسمعا
بنيتي حسابك.

دينق.

دينق

الله والنبي

انت الايام دي ياخوي حبيب جديد لنج, اها بالله ورينا من واقع التجربة وكدة

يحب الرجل الالم

لذا يحب من تؤذيه لانه بذلك يختبر رجولته ومقدرته على الصبر

يبحث الرجل عن امراة تنازله.. انه محارب سابق,, يحتاج الى امراة صعبة المراس.












صحي يا اخوانا الكلام دة؟؟؟؟؟
والله دي تبقى مشكلة عديييل كدة,, يعني الواحد يمشي يركب وش الككو والا ايه؟

يحب الرجل الصمت ..
و لا يحب النقة ..












البوست ده شايت وين ؟

Quote: يحب الرجل الصمت .. و لا يحب النقة ..

خلاص قطعت جهيزة قول كل خطيب



طيب الصمت معاهو حبة بكا والا لا؟؟

دينا يا مامنفصلة اوعك تقريها منفصمة
رأيك شنو فى هذه الاية من القرآن الكريم:
(الطيبون للطيبات والخبيثون للخبيثات)
هل ممكن تكون شاملة كل شكال العلاقات بين
الجنسين ؟

يا ود الامير

الاية شاملة اكيد لكن ما عارفة هنا ح نقدر نطبقها كيف؟

لانو بصراحة الزمن دة معايير الطيبة بقت مختلفة

دة بالاضافة لانو الخبث مرات بيكون مطلوب وطبعا اكيد ما الخبث الربنا قاصدو في الاية.

وبعدين الطيبون ديل مرات بيعرسو الطيبات ويمشو بعد دة يفتشو للخبيثات!

يعني بصراحة كدة الموضوع بقى جايط شديييد.

طيب يا دينا خلينا من كلام الدين
والنرجع لكلام الدنيا
اين تجدين نفسك من خلال رويات احلام مستغانمى
ذاكرة الجسد وعابر سرير و فوضى الحواس
هل راقت لك بنفس رواق مقالها موضوع البوست

يا ود الامير والله انا احلام دي ما قريت ليها غير المقال دة

للاسف انا ما مثقفاتية يااااخ

سلام أخت دينا,

الرجال الذين يحبون الألم أو النساء هم شريحة مصنفة نفسيا و تتطلب حالتهم الخضوع لبعض المعالجات, واحلام مستغانمى منذ أن

كتبت ذاكرة الجسد اخذت جانب بنات جنسها و صارت تعبر عن همومهن و مشاكلهن ولكن لا ينطبق كل ما تتحدث عنه على كل المجتمعات

سواء ان كانت أنثوية أو ذكورية و لا يمكن أن يكون هو القاعدة التى تبنى عليها الأشياء رغم واقعيتها , كما قال احد الإخوة لماذا

يصور موضوع العلاقة بين الرجال و النساء كأنما هو حرب لا تنتهى !!! المرأة صعبة المراس مطلوبة فى هذا الزمان الصعب و هى

موجودة دوما و منذ قديم الزمان وجدت و لكن تختلف أيضا صعوبة مراسها بإختلاف نوع الظروف المحيطة وإختلاف البيئة حولها اي أن

صعوبة المراس خشم بيوت و من تكون عنيفة في عملها و يصعب إرضائها و لا تجامل قد تكون شخصية أخرى فى محيط آخر عكس ما هو حالها

فى عملها !! ليس الكل بقادر على تقبل الأذية خاصة إذا جاءت من إمرأة كان قد امن جانبها و ليس كل الرجال ببحثون عمن

تنازلهم و تثير غريزة الرجولة الأزلية بالحرب و العراك فكثيرون يفضلون العيش فى سلام و مودة مهما بلغت درجة قوة النساء فى

حياتهم,, أيضا قد تكون قوة إمرأة مسببا لأشياء تكرهها المرأة نفسها و لله فى خلقه شئون !!! الموازنة و عدم الخروج عن طبيعية

الأدوار مطلوبة لكى يؤدى كل دوره تجاه نوعه و محيطه و هذا لا ينفى ان قوة المرأة مطلوبة كما أسلفت و هى اصلا عرفت بانها مخلوق

قد يكون رقيقا لكن لم تمنع هذه الرقة من إمتلاكها القوة و الصلابة و درجة عالية من التحمل , فى إعتقادى البسيط إن الطبيعة و

البيئه و الخلفيات تشكل نوعية الإنسان و درجات قوته و ضعفه و لكن الأدوار قد وزعت مسبقا والمرأة مرأة و الرجل رجل وإن

أختلفت أو إختلت المقاييس فى بعض الأحيان.


مع إحترامى

يا ايمن ما اختلفنا في حتة التفرد دي

يعني الما بيناسبني ممكن يكون بيناسب زول تاني

لكن اكيد في اشياء مشتركة علي اساسها الناس عممت.

يعني النفس البشرية دايما بتميل للاشياء البعيدة عن منالها

او المتمنعة عليها,, وقوة المراة امام الرجل ممكن تكون نوع من انواع التمنع

البيخلي الرجل دايما يحاول الحصول عليها لانو ما ح يكون متيقن من امتلاكها

اما ناس يمين يمين شمال شمال ديل فاكيد ح يرقد قفا وبالتالي روح المغامرة والتشويق

ح تموت وبالتالي ح يصاب بالملل وممكن يكون دة سبب كبير يدفعه للتجديد.

دينا لكن ما عرفتك

اتاريك شريرة

غايتو حاكلم المدام اول ليه
اوعاك
من البحر
وشارع الزلط
وبوستات دينا

يا دكتور انت بالذات مع روح القصيد حقتك ديك

عوجة تب ما بتجيك ياخ,, انتو برة النصايح دي,,

خليك مع نصايح تماضر بث

دينا ..عاوزة تطفشيهم مش ؟؟

Quote: دينا ..عاوزة تطفشيهم مش ؟؟

لا عاوزة اهديهم وردة

إنتي نفذي الوصايا دي والورود سيبيها لينا

الخوف لو نفذت الوصايا دي ما نلم في المدلل زاااتو

حيبقى المعذّب في هواك

إزيك يا دينا

غاليتنا لنا مهدي عملت بوست ( تحريشي ) قبل كم يوم كدا ، تدعو فيه بنات حواء للتركيز على كتابة ( Handwriting ) الخاص بـ ( مشاريع ) الخطوبة أو ( التكييس ) .
البيكتب الهمزة مايلة كيف بتكون شخصيتو كيف
والبيكتب الراء كيف بكون ( قندف ) كيف
قمت قلت ليها
" كدا يا دوبك ( بورتي ) بنات الناس "
فيا عزيزتي
العلاقات الإنسانية دي كيمياء شديدة التعقيد . يصعب كثيراً بل يستحيل إستباط قوانين تحكم تفاعلاتها . ويصعب تعميم التجربة ، فما أتى أكله أو أدى غرضه في علاقة ما قد لا يصدق في حل مشكلة مماثلة لأشخاص قد تتماثل ظروفهم مع ظروف أصحاب التجربة الأولى . فكل علاقة إنسانية هى حالة متفردة ( Unique case ) .

و

كثير التحايا

يا عاطف لازم يكون في قاسم مشترك خلى النسوان ديل كلهن اجمعن

علي انو الرجال ما بعجبهم العجب ولا صيام رجب.

يعني تكون مسكينة ومطيعة يقول دي مملة ياخ,, تبقى شرسة وتركب راسها

يقول دي مرة قليلة ادب ما بتنفع معاي,, اها نسوي ليكم شنو؟؟؟

موت لموت اخير بكرامتنا يا اخوي

Quote: يحب الرجل الالم

انا غايتو بحب الشية والسلطه


_____

Quote: الخبيثون للخبيثات

اصيله يا نفيسي


* اليومين دي مشغول شوية بث موووش نفيسه موجودة انا موجود


ارجووو الراااجيكم

Quote: انا غايتو بحب الشية والسلطه

وين يامنعم ...

هسه فى داعى للسوق بتاع ..... انت اليومين
ديل رايح ليك .... انا عارف !!!!!

Quote: وارتدي الكبرياء...

والبلوزة والاسكيرت

_____

سيليكون

والله مشتاااقين شديد

بث

البوست ده جاااني في جرح

يا هو ده نوع البوستات البقولو عليهو

بوس(ط) الويك اند

Quote: البوست ده جاااني في جرح يا هو ده نوع البوستات البقولو عليهو بوس(ط) الويك اند

يعني نشيل الفاتحة؟

دينا سلام


المرأة دي

تعيش معاها

عمرك كلو

عشان تعرف تقرأ

الكتالوج بتاعها

في النهاية

بتلقى روحك

بتقرأ في سورة

"الفلق"

والله يا عبد المنعم المرة دي ارق منها ماف

واحن منها ماف والغنماية تاكل عشاها,, يعني كلمة واحدة حلوة منك

ممكن تغير اتجاهها 180 درجة, بس المشكلة انتو ما عاوزين تعملو كدة

ولما هي تفتح خشمها تقولو عليها نقناقة.

Quote: والله يا عبد المنعم المرة دي ارق منها ماف واحن منها ماف والغنماية تاكل عشاها,, يعني كلمة واحدة حلوة منك ممكن تغير اتجاهها 180 درجة, بس المشكلة انتو ما عاوزين تعملو كدة ولما هي تفتح خشمها تقولو عليها نقناقة.

دينا ياشفيفة


غنماية شنو دي بالتاكل عشاها؟

دي من ما تقوليها

كلام جميل..

تقول في سرها والله الزول

من ما جاب ليهو

دجل زي ده

وراهو في حاجة..

وبدل ماتغير

اتجاها نحوك 180 درجة محبة وحنية

تغير اتجاها 360

درجة ونص

في البحث عن شريكة متوهمة..


ــــــــــــــ

والعجيبة كان قلت كلام حلو

لي واحدة تانية زى كلمة

شفيفة الفوق دي

تعال شوف الزرزرة

والزعل ...وياانا

يالكمبيوتر..

وحاجات كدة...


هسة بعد شوية

تعالي شوفي حالتي

تبقى كيف..

لكن يا عبد المنعم الغلط غلطكم من البداية

لانكم بحركات عمر والنمر بتاعتكم دي فقدتو مصداقيتكم

اها المرة بقت تعمل احتياطيها طوالي وتقول احسن اتغدى بيو

قبال ما يتعشى بي.

وبعدين الكلام الحلو دة يا اخوي لو كنت بتسمعها منو ما كان

بتزعل لما تقسمو علي خلق الله,, هسي في ذمتك اخر مرة قلت ليها

فيها "شفيفة" متين؟؟

تعرفى يا دينا الرجل السودانى ولا غيرو نسخة مكررة مرة فى واحد امريكى زميلنا فى الشغل قال لى ليه انتىما اتزوجتى تانى قلت ليهو الرجل السودانى ما قدرت افهمو قال لى ما السودانى براهو كلهم كده، اها يعنى نقع وين ؟ تجى للزول مسكينة يبقى ليك سكينة تبقى زولة عادية يقول ليك كده ماكويس ، تبقى فنانه يمرقك من الجنه وسقطا ، تبقى زى ما تبقى لا بعجبو العجب ولا الصيام فى رمضان ، اها نمشى منهن وين ، بعدين الطريفة اصحابى كلهم اولاد ولا رجال احسبيها زى ماتحسبيها وكلهن بقولو الرجال ديل شنو وشنو ، المهم يا دينا ما عرفنا نتحل منهم وهم ما دايرين يسيبونا فى حالنا ، لا دا عاجب ولا دا عاجب ، لكين للحقيقة فيهم ناس يتختو فى الجرح يبروه ، لكين ديل الاصحاب بس تانى ما تقول لى

والله يا سلمى كلام سليم مية في المية

غايتو البوست دة ح يجعلنا من المغضوب عليهن لكن والله ما بنموت بمغستنا

الرجال سنحة وقبحة ويفقعوا المرارة والتقولي عليهو موسى يطلع فرعون.

وعلى قول حبوبتي الرجال...... لكن ما بنمشي حفيانين











الليلة وووووب علي
يا اخوانا دي دينا المنفصمة البتتكلم دي
عشان ما تاخذوها وكدة

مرة يا يدينا فى واحد كان عامل لى هبوب راس قال الا نعرس بعض ، قمت قلت ليهو دا تلفن امى اضرب ليها ولو قالت ليك موافقة ما عندى مانع ، امى قامت قالت ليهو سلمى بتى دى عندها شعنونة اسمها (حريتا)كان بتقبلا بى شعنونتا دى اديناكا ياها انقرى ما نط ، وكويس انه عمل كده ، لانه كان زول واضح انه داير زوجة تقعد تحرس ليهو العقاب ، وحكمة الله مابقدر اعمل دا ، ومرة تانية قلت لزول صاحبى (دايرة ابقى مرة عندها كوم جهال ، وجارة توبامن بيت لى بيت والشفع وسخانين ونخرين سايلات وتشيل وتجيب فى القوالات من بيت لى بيت ، ومن دقش الرحمن عاست الكرة وشدت ملاحا وطفشت ، تجى الضهر ، تتم باقى شغلاتا ، والراجل عندو سفة كبيرة لمن تعتر ليهو ، ولا خساهو ،)قام قال لى ما بتبقى سلمى الشيخ ، اها يا دينا بت امى زى ماقلت ليك كدى ما عاجب وكدى ما عاجب النسويهو مانا عارفنو ، وامى الله يرحما كانت زولة فايته بنات جيلا كانت دايما بتقول لى الزول يبارى قلبو ، وغلب الرجال ما سمح ، وانتى ما بتقدرى عليهو نفسك حار وصعبة اخير ليك براك ، انقرى كلاما ما صاح

سلمى يا حبيبة قساي حبوبتي الله يرحمها

كانت بتقول "الراجل لحمة كتف نصيلة"

يعني بالعربي كدة "الدوام لله"

سلمى سلامات


المشكلة يا سلمي ما في الرجل

المشكلة في الزولة

البتعتقد الحب دة زهرة

بقدموها ليها مقطوفة..

وهي ناسية انو الطريقة دي

خطوة لذبول تلك الزهرة..

يعني نادر ماتلقي زولة تحب

علي طريقة "اريك افروم"

كينونة جوهر يعني ما تملك..

بعدين انا شايف البوست ده

اخد جانب جادي شوية..


وعشان نزيدو جدية

تعالو نشوف حقيقة الحب والزواج

ونختبر مفاهيمن علي مستوايات

كتيرة ..وبعدين نشوف

حكاية رجل : مرة دي ..

انا يتخيل لي في حلقة كدة

مفطوطة..وعايزة مراجعة

الراجل أفجخي بصلة قبال يبقى أصلة

دينا الحبيبه

عليك الله وريني

خباثه افكار احلام

هنا وين

مرورا بذاكره الجسد, فوض الحواس و عابر سرير

الافكار الخبيثة في المقال دة يا مي

وطبعا خبيثة من وجهة نظر الرجال لكن حكيمة جدا من وجهة نظرنا

غايتو انا رواياتها دي ما قريتها لكن شكلي كدة ح اقراها عشان

نقعد للموضوع دة بمزاااج.

شخصيا شايفة كلامها سليم مية في المية

وعلي قول طمطم نفجخهم بصلة قبال يبقوا اصلة

Quote: هسي في ذمتك اخر مرة قلت ليها فيها "شفيفة" متين؟؟

والله لكن !!!!


انت دايرة تجيبي لينا الهوي ولّشنو؟

يامؤمّنة الرجال ..يامؤمّنة الموية في الغربال

اها شفت يا عبد المنعم

ما قلنا ليك على نفسها جنت برقوشة "دلع براقش"

وطفحي الشربو من الكورة ام قعر

والله الرجل ده مخلوق بسيط جدا و ما عندوا اي تعقيدات
كل الدايرو زوجة بسيطة خلوقة دائما مبتسمه في وشو
انيقة و مرتبة وقنوعة ....
مشكلتكم يا بنات حوا تابعتوا المسلسلات المصرية دي
و دايرات الكلام المعسول من شاكلة بحبكـ و بموت فيكـ
وده تلقنوا عن الغافل .. يعني عاوزات ليكـم راجل مراهق
على طـول ..... مافي وقت للحاجات دي

كدي يا بت افتحي لراجلك البيت وخليه يشوفكـ باسمة و نظيفة
وبيتكـ واولادكـ مرتبين in order شوفيهو لو ما اداكـ عيونوا
والعكس صحيح يديكـ بالشلوت .....
الراجل الـ بيعبر عن حبه شفاهة لزوجتو داخل و مارق بحبكـ وبحبكـ
وبموت في عيونكـ ووو... ده قليل شغلة و مراهق ساكت ......

غايتو يا أحمد لقيتك ناشف خلاس
يعني هي تنضف وترتب وتتبسّم ليك وإنتا مستخسر فيها الكلمة الحلوة ؟؟
غايتو كان القصة متابعة مسلسلات مصرية ..كان أي واحدي في العقد إشترت لفة أكياس وساطور

شوف عليك الله الانانية يا احمد

يعني عيونو الداير يديها ليها دي شنو اذا كانت الرومانسية

وكلمات الحب ضياع وقت وعدم شغلة ومراهقة؟؟ يا اخوي المراهقة مالها؟؟

لو اصلو كلام الحب مراهقة ان شاء الله اصلكم ما تبلغوا

اها وبعد ما استثنيت معسول الكلام,, يا ربي الجايزة ح تكون شنو طيب؟؟

بعد ما تكسر ضهرها في سباق مع الزمن عشان تنضف البيت وتنضف

العيال وتتنضف هي زي مسابقات التلمتش قبل ما سيادتو يشرف؟؟

اها وبعد داك؟؟ كدي انت ورينا الجايزة الرمزت ليها بالعيون دي ح تكون شنو؟؟

غايتو كان كنت راجلي والله كنت حيرتك فيهن

يا عبد المنعم

اول حاجة نبداها من الحب,, وبالله خليكم صريحين مع نفسكم

ليه الحب بيشكل مرحلة مختلفة عن مرحلة الزواج؟؟؟ وليه الحب

اصلا بالنسبة ليكم بيعتبر مشروط؟؟ يعني المراة دي تعبر عن مشاعرها متين؟؟

مرحلة الحب كان زول ساي سمعك بتتنهدي يقيموا عليك الحد,, بعد العرس

كان المرة قالت لراجلها "حبيبي" قدام اهلو والا اهلها والا اي ككو

يشيلوها ليك طيقان في عيدان "الخفيفة اللفيفة الما بتخجل الفعلتو التركتو

ام عينا بيضا".

يعني غايتو نجاض السواد والرماد الزول الا يمشي يجكس في المريخ بعد دة

يا نعومة ، المشكلة فى تربيتنا الغلط، من قمنا الراجل مطلعنو لينا فى راسنا ، نبداها من صينية الغدا ، الراجل ياكل اول حاجة بعدين الاطفال ، وبعدييييين النسوان ، الولد من قام هو وصى على البنات /ما قلنا حاجة ، لكين كمان الوصاية دى عذبتنا وسلت روحنا ، تجى تتزوج برضو فى وصاية عليك والوصاية بالمناسبة تشمل الطرفين عشان نعاين لنص الكباية الفاضى ،دى بت منو واهلها منو ؟متل التقول يعنى اهل الراجل مكملين ، والعكس صحيح ، بعدين اتزوجت ما انتهى الفيلم النقةمن اهل الزوج (ودى عانيت منها كتير )مثلا قالو انى (غرباوية )لانى اتربيت فى الابيض ،ومشاكل بعد داك ، الا تكون زول فاهم ، ودا عنصر غاية فى الندرة ، مش لانك انت منعم ولا غيرو ، لكين البنعانى منه الازدواجية والكيل بمكيالين ، عايز الواحد يكون ( المك نمر ) وفى نفس الوكت عايز يكون (شتراوس ) ودى مابتجى فى الحياة الزوجية ، عشان كده امكن على صعيد شخصى فشلت فى عملية التاخى والتعايش ، ودا ناتج من انى ما كنت بفكر صاح ، ودا اعتبرو نقد ذاتى ، امكن ، لانى اتزوجت وكنت صغيره من الثانوى وعرست ، لكين بعد سنين طويلة فهمت انه الحياة ما دايرة الا النفس الطويل ، وشعرة معاوية تكون شغالة طول الوكت ، مع كده الرجل السودانى فيهو عيوب ما بعترف بيها اصلا ،ولو قعدنا فى قدام مراية وعرينا دواخلنا امكن نصل لحل

الله والنبي لكلام راجل ماتسمعا
بنيتي حسابك
كورة تحت عنقريبو طوالي أكشحا
بنيتي حسابك
قوي راسك لايقدر يطلقا
راجل كان ماناداك أجري ألحقا

اها شفتو الرجال زاغو طوالي؟

وانا كان ضغطو علي شوية كدة

بتخارج ...وبكون ماسك شعرة معاوية

وعارف متين ارخيها واشدها

انا يمكن احسن حظا شوية من

ناس تانين..علي الاقل

مساحات للحوار ...ولكن ده

مابينفي انو في مشكلة

معلقة بين بين..

كدي نختبر "الزواج" ده

كمؤسسة..متوارثة ومتخلفة في نفس الوقت

وبتضيع جواها حاجات كتيرة

جميلة ..



ــــــــــــــــــــــ
دينا
هسة انا لو قلت شفيفة لي مرتي
الغيرة تمسكن...عشان عارفين
حاتكون مليانة تمام تمام.

Quote: دينا هسة انا لو قلت شفيفة لي مرتي الغيرة تمسكن...عشان عارفين حاتكون مليانة تمام تمام.

كيف يعني يا عبد المنعم؟؟

احنا يعني حجتك؟؟ عافين ليك لله والرسول

امشي بس انت قول ليها يا شفيفة وخلي الزوغان

Quote: يا عبد المنعم اول حاجة نبداها من الحب,, وبالله خليكم صريحين مع نفسكم ليه الحب بيشكل مرحلة مختلفة عن مرحلة الزواج؟؟؟ وليه الحب اصلا بالنسبة ليكم بيعتبر مشروط؟؟ يعني المراة دي تعبر عن مشاعرها متين؟؟

كويس نبداها من مرحلة الحب

دة لو الحب عندو مراحل..

الحب ده انا شايف

طريقو براهو...

والزواح هو المشكلة..

عشان في ضعف في

هذه المؤسسة ..

اللسة شغالين بشروطها القديمة ديك..

يعني انتاج لزيادة الخريطة

"الديموغرافية"

عشان كدة طوالي الحب بعد الانجاب

بتحول طوالي للثمرة ..الهدف

الخلية الجديدة التي من المفترض

ان تكون فيها صورة الديمومة..

وبيناتكم خلاس مسالة الحب دي

بتكون اجرائية..غير فاعلة

او منفعلة

Quote: عشان كدة طوالي الحب بعد الانجاب بتحول طوالي للثمرة ..الهدف الخلية الجديدة التي من المفترض ان تكون فيها صورة الديمومة.. وبيناتكم خلاس مسالة الحب دي بتكون اجرائية..غير فاعلة

يلا لغاية هنا احنا متفقين

فعلا دة البيحصل من الطرفين وانت هسي معترف معاي بكدة

يلا امسك شوف رد فعل كل من طرفي العملية الانتجت الخلية التالتة

الرجل,, طوالي ومن غير ما يحاول يتدخل بشكل ايجابي لارجاع الامور

الى ما كانت عليه, بيبدا يفتش علي راحتو برة,, ويتذمر من المرة

البقى كل همها اولادها ويقوم حضرتو يفتش على تجديد مراهقتو "علي قولك"

مع واحدة تانية. في حين الطرف التاني طوالي تلم عليها الخلية التالتة ديك

وتكمل رحلتها بنفس المعاناة لكن المرة دي براها من غير لا الطرف المنتج ولا

طرف اخر مساعد,, لانهم كلهم بيكونوا غم في غم وطمموا بطنها ليوم الدين

من حاجة اسمها رجال. الغريبة النسوان بيتوبو من الرجال وممكن تجربة واحدة

تخلي المرة تكرههم ليوم الدين, لكن الرجال ديل ما بتوبوا ليييييه؟؟ الواحد

يا كافي البلا نفسو مفتوحة الاربعة وعشرين ساعة

دينا فيصل
إزيك
أولا مبروك الشاكوش البيخلي كلام زي دا
يتمرق من آخره.

طبعا أنا قاصد أحلام مستغانمي
الأنت إرتكزت على تنظيرها البتعرفه
براها دا عن ( صنف الرجال ) على
حد زعمك.

أحلام دي كاتبة متمكنة من لغتها و
شاعريتها. ما عدا ذلك ليس لها نصيب
من الذكاء المتوافر لدى الكثير من
النسوان الكاتبات و ( المفكرات )
كمان.

أنا شخصيا ما لاقيتها لكن لدي صديق
أردني ناقد و أستاذ في جامعة هارفارد
إلتقاها عدة مرات و تحاور معاها كمان.
و دا برضو رأيه فيها.

عن نفسي شفت ليها عدة مقابلات تلفازية
في الفضائيات العربية. و ما يزال دا
رايي فيها.

لكن كدا خلينا من أحلام مستغانمي و
ثلاثيتها الشبقة. إنت دي رايك شنو في
صنف الرجالة؟ يللا كدا فكي لينا آخرك
يا بت!
ــــــــــــــــــــــ
على قناعة تامة إنه الرجل ممكن يفك
آخره بكل سهولة لكن المرة عمرها ما
بتفك آخرها. حتى لو كانت أحلام مستغانمي
و كتبت خماسية.

تماضر الخنساء:
شكرا على الأغنية الجميلة. و كان تميتي
جميلك و وريتينا الفنانين ديل ياتُم
بتكونوا استحسنتي في راجل غلبان.

محبتي ليكن كلن يا بنوت و احترامي
الأكيد

غايتو الفنانة انا باوريك ليها يا ابوعسل

بتهيا لي عافية حسن.

ويا اخوانا بالجد شوقتوني اقرا رواياتها دي

شكلي الوحيدة المسطحة وما مثقفة وبعد دة متفلسفة

ومستدلة بمقال المرة,, يعني اقرع ونزهي

اما موضوع الشاكوش دة يا اخوي فاعفاني منو

غايتو الا شيتن يجيني بعد البوست دة

الشر برة وبعيد

سلامات أبو عسل
غايتو البنوتة الصوتا سمح دي إسمها عافية حسن
لكن البغني معاها ماعرفتو والله..

مودتي..

تماضر الخنساء حمزة؛ الشاعرة
سلمت يا سيدتي من مزاحي الخشن.
لا أتوفر الآن على ثلاثية أحلام مستغانمي. و إلا لقمت
بإرسالها إليك بلا تأخير. إقتسمها أصدقاء أحن إليهم
و أحترمهم.
في أحد أجزاء الثلاثية يوجد إهداء إلى ( مالك حداد)
و هو كاتب جزائري كان يقيم في فرنسا و يكتب بالفرنسية.
هذا الرجل كتب رواية جميلة جدا اسمها ( ليس في رصيف
الأزهار من يجيب ). الشخصية الرئيسة في هذه الرواية
هي (خالد بن طوبال). بعد أزمنة من قراءتي لثلاثية مستغانمي
أتيح لي قراءة رواية (مالك حداد). هالني حجم السرقة يا
سيدتي! حتى (خالد بن طوبال) هو أحد شخوص الثلاثية، و
علاقته بإحدى الشخصيات النسائية تشبه إلى حد مريب
علاقة خالد بن طوبال مع ( الراوية).
لو لم تخني الذاكرة فإن مستغانمي في ذلك الإهداء
تقول: إلى مالك حداد الذي أقسم ألا يكتب بلغة غير لغته.

عشت يا سيدتي

المشكلة يا اخوانا في الموروثات

يعني احنا "رجال ونسوان" اتخلصنا من كتير من المفاهيم البائدة

والموروثات القديمة الا فيما يخص علاقتنا ببعض.

وبالذات اخواننا الرجال,, لانو المفاهيم القديمة طبعا بتصب في مصلحتهم

مستحيل يتخلوا عن دور سي السيد بسهولة وما ح يقبلوا ببديل طبعا

واماتنا كمان الله يخليهن ما قصرن في التمسح للرجال,, خربن علينا

بمسكنتن وانكسارتن دي,,الواحدة فيهن مما شمسها تشرق لمن تغيب هي بتؤدي

في فروض الولاء والطاعة للبعل بتاعها,, حتى الحاجات الاخترعنها للتجميل

ما كان الهدف منها راحتهن بقدر ما حرصن فيها علي ارضاؤه,, يعني حاجات

كلها شقاوة في شقاوة,, الواحدة تلقيها بعد العواسة وكسرة الضهر في النضافة

واكل العيال والضيوف الما بيكملو والشاي والقهوة تجري تتمدد ليك ساعتين زي

العود الناشف في الحنة لمن يجيها شد عضلي,, وتجري بعد داك تنكمد في حر الله ورسوله

والعيون يحمرن بالدخاخين والنخرين كابة والعرق يقتطر,, عليكم الله هسي فرقن شنو

من السخرة الكان مشغلن محمد علي في جبال بني شنقول

!Dina, I came across this text two days ago in one of our daily newspapers ,its appropriate I guess
معلمة الأسبانية وقفت تشرح للفصل أن هذه اللغة ، بخلاف الانجليزية ، تذكر وتؤنث الأسماء ، فمثلاً (المنزل) أنثى جنla casa ، بينما (القلم) ذكر el lapiz .. وهكذا.

رفع طالب إصبعه وسألها: ''وما يكون جنس الكمبيوتر يا أستاذة''؟ بدلاً من الاجابة بنفسها وزعت الفصل على فريقين ، أولاد وبنات ، وطلبت أن يجيب كل فريق على السؤال مع ذكر أربعة أسباب.

أجاب فريق الأولاد بأن الكمبيوتر لا بُد أن يكون أنثى اla computadora للأسباب الآتية: (1) لا أحد ، غير خالقه ، يستطيع أن يفهم منطقه الداخلي (2) لديه لغة خاصة يتواصل بها مع الكمبيوترات الأخرى ، ولا يفهمها غيرهم (3) يحفظ لك أتفه الغلطات ، بذاكرة طويلة الأمد ، حتى يمكن اجترارها مرة أخرى (4) ما أن تختار لنفسك واحداً حتى تجد أنك مضطر لأن تنفق نصف دخلك على إكسسواراته!

بالمقابل ، أجاب فريق البنات بأن الكمبيوتر ، دون شك ، ذكر امسel computador ، والأسباب هي: (1) لكي تفعل معه أى شئ لا بُد لك أن تديره أولاً (2) رغم أن لديه الكثير من المعلومات ، إلا أنه لا يستطيع التفكير من تلقاء نفسه (3) في حين يُفترض أن يساعدك في حل مشاكلك ، تجد أنك تهدر نصف وقتك في حل مشاكله هو (4) ما أن تختار لنفسك واحداً حتى تكتشف أنك لو كنت تريثت قليلاً لكنت حصُلت على آخر أفضل منه!

وفاز فريق البنات! بيوت

يا احمد سليمان لكن مبااالغة

غايتو انا عجبتني دي

Quote: رغم أن لديه الكثير من المعلومات ، إلا أنه لا يستطيع التفكير من تلقاء نفسه

الاخت دينا فيصل

كيفك

Quote: الرجل لا يتعلق بامراة تبكي امامه انما يتعلق بالمراة التي تجعله يبكي

طبعا بكينا وجرينا
وفى الاخر طلعنا بقد القفة...

اسمعى انا بعرس بعد عشرة سنة انشاء الله اذا ربنا وفق...

وبعداك اشوف استنتجاتك ...


تسلمى

Quote: اسمعى انا بعرس بعد عشرة سنة انشاء الله اذا ربنا وفق...

خلاص

بعد عشرة سنة

اذا ربنا وفق

ابقى قابلني

Quote: ابقى قابلني

يعنى زايقة ولا شنو

ولا فى زول فى السكة ...

فهمينا ...

لا في حلزون

لو انتى حلزونية


مبروم على مبروم ما بيرن ...

دا شنو دا يا عاصم؟
إنت قريت المداخلة بتاعت الكمبيوتر
الفوق ديك و للا شنو؟

الاخ ابو العسل
لك التحية

Quote: دا شنو دا يا عاصم؟ إنت قريت المداخلة بتاعت الكمبيوتر الفوق ديك و للا شنو؟

بث ياهو وشكرا على التنبيه

Quote: لغريبة النسوان بيتوبو من الرجال وممكن تجربة واحدة تخلي المرة تكرههم ليوم الدين, لكن الرجال ديل ما بتوبوا ليييييه؟؟ الواحد يا كافي البلا نفسو مفتوحة الاربعة وعشرين ساعة

انت عارفة مسالة المجازفة برة برة دي

بالنسبة الرجال هو نوع من

الانتقام غير مقصود؟

لي مشاعرو المنحورة

يعني بتولد نفسيا ..

والبمشي بفتش ليهو مرة عشان يتتزوجا تاني

بكون ارعن...

يعني كدة كدة ما عندك طريقة

غير تكيف حالك

وتترزع ..او تفتش نفسك في

حاجات تاني زي

علي حسب موهبتك

يابقى همك تلم قروش كتتتتتتتتترة

كدا ويتحول حبك لي مظهر تاني..



ــــــــــــــــــــــ
برضو مسالة تخزين القروش
دي من الحاجات المتوارثة

الدايرة نقاش...

وليه يا عبد المنعم ما تبدو new era بين الرجال والنساء؟؟

يعني بدل ما تعيش الفاضل ليك من عمرك في نكد ما تحاول تصلح

العلاقة وترجعها لعصر الرومانسية الرقيقة. حاول وما ح تخسر حاجة

على راي المثل "الارضة جربت الحجر".

يا ريت لو حاولتو تفهمو الحتة دي,, المراة ما في حاجة بتجيبها

وتخليها اطوع من بنانك وتوفر ليك الراحة والامان غير الكلمة الحلوة

واحساسها بانك مقدر الهي بتعملو والتعب البتتعبو.

يااخوي ربنا دار الشكر وقال "ان شكرتم لازيدنكم" فما بالك بالمراة؟؟

هسي في ذمتكم كم واحد فيكم انتبه لانو مرتو ممكن تكون تعبت من الغسيل

والنضافة وشغل البيت؟؟ كم واحد ساهر جنبها وهي عيانة وخدمها زي ما

هي بتعمل ليكم وانتو شداد ولضاد؟؟ ممكن تمسك منها شغل البيت في الفترة

الهي عيانة فيها؟؟ من غير عيا,, ممكن تشيل صينية الغدا الاكلت انت فيها

وترجعها المطبخ وتضايرها وتغسلها؟؟؟ يا اخوانا خليكم منصفين واقعدو مع

روحكم, الظلم حرام ياااخ.

دينا فيصل الراقية الرقيقة
شكرا على اسم الفنانة ( و نسيان المعاها
طالما رجال) .
كلامي بخصوص الشاكوش ما قاصدك بيه يا بت
الناس. كان ما مصدقة أرجعي أقري كلامي تاني.
كلامي عن أحلام و ثلاثيتها يا هو الأنا قاصد أرد
عليك بيه، مش الأخت تماضر الخنساء كما ورد
خطأ.
عموما يا ستي يا ها لخمة الحياة و النسوان
و هجومهن غير الرحيم على الرجل ( المسكين
دائما) تخلي أكتر من دا يحصل لينا.
المهم يا بت الحلال، الكلام الكبيتيهو هنا دا
كله أصبح زيه زي الوثائق البيفرج عنها
البنتاغون بعد ثلاثين سنة. يعني ما في مخافة
من ضرره.
أنا لسع مقتنع إنه العوين ديل الشايلاتينه
جوا قلوبهن و عقولهن لينا معشر الرجال تقيل
شديد.

ودادي الأكيد

بوعسل ياجميل

كيفك

Quote: أنا لسع مقتنع إنه العوين ديل الشايلاتينه جوا قلوبهن و عقولهن لينا معشر الرجال تقيل شديد.

ما دا المجننا زاتو..

المهم نحنا

بنحاول نزح التهمة من

من قدام بيتنا

ونحتها في ملعب

تاني ..

يعني نحنا لعنة المجتمع الذكوري

دي ما فايتانا مافايتانا

صديقي منعم
المشكلة المتحمدانا إنه هل
نحن بكل هذا التعقيد بالنسبة للنساء؟
أم نحن كائنات بسيطة التركيب الذهني
بالنسبة لهن؟
يتخيل لي لو النسوان قدرن يصلن لتعريف
واقعي لماهيتنا، بعد داك ما في مشكلة.
من ناحيتنا كرجال مقتنعين أن نؤجل محاولة
فهم المرأة لآلاف السنين القادمة.
المهم في الآخر ما في ليهن مفر مننا و ما في
لينا مهرب منهن. البتقول غير كدا تمشي
تقنع الديك في الأول.

Quote: من ناحيتنا كرجال مقتنعين أن نؤجل محاولة فهم المرأة لآلاف السنين القادمة.

وان شاء الله احنا من هنا للالاف القادمة دي ناكل نيم والا ايه؟؟

ولا نقعد نفهم فيكم ويبقى علينا المثل "يلقطها النمل وياطاها الفيل"

يا اخوي احنا دايرين اصلاح فوري,, يعني يبدا من الشفيفة

القاعدة معاك في البيت وينتهي بالمدلل الالله قاسموا لينا

Quote: وان شاء الله احنا من هنا للالاف القادمة دي ناكل نيم والا ايه؟؟ ولا نقعد نفهم فيكم ويبقى علينا المثل "يلقطها النمل وياطاها الفيل" يا اخوي احنا دايرين اصلاح فوري,, يعني يبدا من الشفيفة القاعدة معاك في البيت وينتهي بالمدلل الالله قاسموا لينا

تعرفي يا دينا ما قصدي إنه النسوان لوحدهن ينكون بمحاولة الفهم
دي. قصدي ببساطة إنه المرأة انسان شديد التعقيد بالنسبة لنا
معشر الرجال. يعني مستوى التفكير و طريقة التعامل عند المرأة
متطورة و بالغة التعقيد. مثلا يمكن لثلاث نساء جالسات معا أن يتكلمن
في نفس الوقت و بنفس درجة علو الصوت و القدرة المذهلة على فهم
ما تقوله كل واحدة منهن و متابعة الحديث مع بعضهن. نحن الرجال
الله ما قسم لينا قدرات زي دي. عقلنا بشتغل linearily و إنتن عقولكن
بيشتغلن كـ network . من الظلم لأي من الطرفين إفتراض الطرف الآخر
أنه لديه نفس مستوى و طرق إشتغال العقل.
الإصلاح الفوري بيبتدئ من هنا دا إنه نحن مختلفين لبعض لكن مكملين
لبعض.
ثانيا لازم نرفع شعار ( لا لسيطرة طرف على الآخر ) مستغلا قدرات
مادية أو ذكائية أو بدنية. كمان لازم أمينين جدا في رفع الشعار و
تطبيقه. و دا بيبتدئ بالصراحة و الشفافية.

داير أسمع منك قبال ما نمشي لي قدام. سمح؟

Quote: وان شاء الله احنا من هنا للالاف القادمة دي ناكل نيم والا ايه؟؟

ايه؟؟؟

Quote: المهم نحنا بنحاول نزح التهمة من من قدام بيتنا ونحتها في ملعب تاني .. يعني نحنا لعنة المجتمع الذكوري

الاعتراف بالحق فضيلة

وقلنا ليكم ابدو انتو بمحاولة التغيير

كان البينا تعمر والارضة جربت الحجر





_____________
ذكرتني واحد رسل لخالي في السعودية قال ليو "انا قلت ارسل

ليك تشوف لي اقامة معاك واهو الارضة جربت الحجر"

Quote: أنا لسع مقتنع إنه العوين ديل الشايلاتينه جوا قلوبهن و عقولهن لينا معشر الرجال تقيل شديد.

غايتو يا ابو عسل بس هن عورة ساااي

غايتو لو بسمعن كلامي,, من بكرة مافي واحدة فيهن

تشد ليها حلة في النار,, والشغل يكون النص بالنص

ايوة يا اخوي ما فيش حد احسن من حد ولا جلدكم انتو حلو

وهن الما بشعرن! وكان كمان جينا للحق مفروض تعب الحمل والولادة

دة يكفي تماما,, يعني تاني الواحدة قشة من ا ما ترفعها

وانتو تخدموهن حفيانين.

Quote: دة يكفي تماما,, يعني تاني الواحدة قشة من ا ما ترفعها وانتو تخدموهن حفيانين.

خدمة البيت فايتانا وين؟


والله يا مسحنا ..وغسلنا عدد..

واكلناهن كمان ..

دي اصلو مالمشكلة ..

المشكلة مرات بيحصل ابتزاز منهن

ونحنا نقدر وندفع فاتورة

اجدادنا الاضطهدوهن....

لكن طوالي هن عايزات

المسالة دي تمشي علي كدة..

باعتبار الفاتورة لسة ما خلست

Quote: لكن طوالي هن عايزات المسالة دي تمشي علي كدة.. باعتبار الفاتورة لسة ما خلست

عايزات شنو؟؟ والله الزمن دة الرجال عايشين في نعيم

لانو المرة بقت تشتغل, يعني القروش الزالننا بيها دي

بقت ما فارقة,, ولا دايرة منك توب جديد ولا ملايات ولا عدة

يا اخوي الكلمة الطيبة فقط والحسنة معطت شارب الاسد

يا دينا الرقيقة.
كلامك دا ماني مختلف معاك فيه تب.
عن تجربة شخصية مع العزوبية الطويلة
إلى الآن، وصلت إلى قناعة تامة بأنني
لازم أطبخ و أغسل و أنضف بنفسي و للا
ما حالقى طعم للحياة. ما عندي مانع
إنه بت الحلال ( لامن تسخى و الله يجيبها)
إنه تتقاسم معاي دا كله. و كمان تربية
العيال و الاعتناء بيهم من نظافة و تغذية
و (هوم ويرك) أكيد لازم نتقاسمهم.
الحمل و الولادة ديل الله قسمهم للعوين.
نحمد الله إنه إختصهن بهذه المسؤولية العظيمة
و وفرنا نحن للمسؤوليات الأسهل.

منعم

Quote: المشكلة مرات بيحصل ابتزاز منهن ونحنا نقدر وندفع فاتورة اجدادنا الاضطهدوهن.... لكن طوالي هن عايزات المسالة دي تمشي علي كدة.. باعتبار الفاتورة لسة ما خلست

يا صديقي الموضوعي
لو بتجيب الزي دا
دا طرفنا منهن عوينّا ديل و
أخير لينا نقع بنات العم
سام عديل.
ما عدا ذلك نسوانا السودانيات
ديل والله ما في زيهن. إتّ يا منعم
بوروك الكلام دا؟

Quote: ما عندي مانع إنه بت الحلال ( لامن تسخى و الله يجيبها) إنه تتقاسم معاي دا كله. و كمان تربية العيال و الاعتناء بيهم من نظافة و تغذية و (هوم ويرك) أكيد لازم نتقاسمهم.

ابو عسل السيد احمد

نجاح

قالوا الجمــال راسمال




قسم


الله اكفينا شر كتابة الليل ام كراعا بره


الليلة الخميس موووش


ثمح


حنرفق بالباندوث


_____

طمطم وللا ود النمير ضرب في المليان طوااالي

بنضرب جيش نضرب بوليس


بجهز الكتيبة وجايييكم

كيكي وسيليكون ااااانتباه




استرح

منعم ..أنا قلتا الليلة ماحنشوفك تاني
قلتا تكون بتجهّز جلابيتك لي صلاة الجمعة وكده

طمطم

امرقي قدامي,, رسلوني اناديك

نفوس

انت جيت؟؟

اها يا اخوانا تصبحوا علي خير

وابقوا عشرة بالله









_______________
نفوس
انا ذااتي قالوا لي يا نفوس يا المنبر
وبصراحة المنبر حنني

ورح يادينا
بس أوعك تغسلي ليك صحن ولا جلابية
ديموقراطيتم دي كدي النشوفا في غسيل العدة الأول
وأكان إسلامين ( رفقاً بالقوارير ) ملااانة مافاضية القوارير دي

Quote: ديل والله ما في زيهن. إتّ يا منعم بوروك الكلام دا؟

ما معصور ..وات ارجا الراجياك

غايتو يا عبد المنعم كلامك دة

بس السمكة الشبعت ومرقت من البحر.

عليك الله السودانيات في زيهن؟؟

والله هديات ورضيات وما غلاطات ولا حوامات

طاعم كلامن ورزينة فعالن

حبيبات قساي الببردن حشاي

دينا
الواحد يسمع الاغنية بتاعت الخلفية دى ويقرا نقاشك طوالى يتخيلك ماسكه ليك رموت كنترول مش مفتاح مانول

احمد سليمان

يعني شنو؟؟ والله ما فهمت

غايتو لو قاصد العلاقة بين الاغنية والبوست

فدي علاقة متهافتة, حتى اسال طمطم

متهافتة خااااالس

طمطم وود النمير


انا ذاااتي قالوا لي يا انتوا يا احنا

صراحة احنا حننني


_____

عاوز اتزوج بث خايف

خايف من البامبرز

البامبرز علي منو يا ربي ؟


ااااخ لو كان البامبرز والشقة من حق الزوجة

Quote: ااااخ لو كان البامبرز والشقة من حق الزوجة

انت جيت يالنصيح




ــــــــــــــــــــــ
ياتماضر اغنية الصفحة التانية

مسؤول منها صديق رحمة

Quote: ياتماضر اغنية الصفحة التانية مسؤول منها صديق رحمة

انا غايتو باهديها للبامبرز والزوجة

ولنفوس بالشقة

Quote: انا غايتو باهديها للبامبرز والزوجة ولنفوس بالشقة

عاوز الشقة 7 كيلو والبامبرز اوضتين وبرنده

مع إني جهّزتا بابا إغسّل العدة بس خلاس نخليها مسك الختام يغسلا وينوم

Quote: وأكان إسلامين ( رفقاً بالقوارير )

الله اكبــــر


وفلسطين عربية


_____

القارورة داخل البوست ع مسئولية صاحبها

Quote: القارورة داخل البوست ع مسئولية صاحبها

ممنوع التحدث مع السائق

Quote: انا غايتو جهزت بابا اغسل العدة

Quote: ورح يادينا

ورح يا طمطم

النغمض لينا ساعتين ونجي نساعدهم في نشيف الصحون







__________________
تصبحو على خير

إستني..نقلبا* ونمشي


* الصفحة

حنك مامعانا الماعندو قروش من أسي ينزل ماتطلعوها لينا خسرانة

كمساري السواق بحمّر ليو بالمراية

Quote: غايتو يا عبد المنعم كلامك دة بس السمكة الشبعت ومرقت من البحر. عليك الله السودانيات في زيهن؟؟ والله هديات ورضيات وما غلاطات ولا حوامات طاعم كلامن ورزينة فعالن حبيبات قساي الببردن حشاي

والله يادينا انا مابتكلم

عن نفسي..

انا بتكلم بي نبض الحالة

ومرتي هسة جنبي

وبتقرا في الكلام ده

كلو..

ورافضة تدخل ...عشان ماادوها

باس وورد ...



ـــــــــــــــ

نظام حرد

و سلم لي يا منعم
على الزولة الرايعة دي. روعتها
أنا شايفها في إبداعك الأدبي. ما
يا هو دا المقياس.
ــــــــــــــــــــ
راجي أعرس عشان أكون مبدع.

دينا فيصل

اذيك........عفيت منك

دي ما أفكار خبيثة ..دي نصائح باتفق مع بعضها ولا أتفق مع الأخرى وفعلاً في رجال كده



لكن عجبتني الأفكار الخبيثة دي شدييييييييييييييييييييييييييييييييييييييييييييييييد



مودتي

Quote: انت جيت يالنصيح

منعم ب

ازيييييك


زمان كنت خايف منك يا منعم ب

هسع طلع لي واااحد جابه كبيررررررة

اسمو عبدالمنعم سليمان عديييييل كده

وبتاع شبق الله يخيبوا

لكن الحمد الله الجكس عارف انا بتاع نبق

النبق النبق النبق

Quote: زمان كنت خايف منك يا منعم ب هسع طلع لي واااحد جابه كبيررررررة اسمو عبدالمنعم سليمان عديييييل كده وبتاع شبق الله يخيبوا

معانا عوايل

يامان



ـــــــــ
شفت الكبكبة

Quote: ومرتي هسة جنبي وبتقرا في الكلام ده كلو..

جني وجن الرجال النسوانهم جنبهم يوم الخميس


فعلا الدنيا اتغيرت

Quote: الصفحة

ما تمشن عليكن الله

صفحتي بتوجيعني

تفوس

Quote: إستني..نقلبا* ونمشي

والله انتن بي عمايلكن

ديل بتقلبنها يوم




ـــــــــــــــــ

هي لسة فضل ليها صفحة تتقلب عليها؟

موووش الانقلاب بقلبا انا



ما قلبت لسة ؟


الصفحة

Quote: جني وجن الرجال النسوانهم جنبهم يوم الخميس

راعي فروق الوقت يامان..

الساعة اتناشر وحرباشات بي ام

فتناكم على قلبة

جمعة مباركة.

Quote: فتناكم على قلبة جمعة مباركة

الحمد لله مافي جمعة قريبة مننا


ــــــــــــــــــــــــــــ
انتو الناس لسة عندها جلاليب

البنات الرقيقات ديل فاتن يتمنها
قطيعة. قال نمشي ننوم قال( وش ضاحك و غامز عينه الشمال)
نرجع يا منعم سليمان لي ونسة
الضكير للضكير و للا شنو؟ باقي
ليك تاني الصفحة دي بتنقلب لينا
برانا؟
كان لي منعم ابراهيم فـ(رئيس الوزراء)
جنبوا و جايز يعلن الأحكام العرفية.

Quote: كان لي منعم ابراهيم فـ(رئيس الوزراء) جنبوا و جايز يعلن الأحكام العرفية.

شفت زي البعملن فيهو البنيات

ديل ...قالن كمان

نغسل العددة


والله ترجاكن لحدي الصباح


ـــــــــــــــــــــــــــــ
نظام قطيعة رجال

شايف يا حبيب البيقولن فيه دا بس
عامل ميت.
ما ياهو جنس الاستغلال دا البيخلينا
نقع وقعة سودة ( في بنات العم
مقطوع الطاري)

قلبت وكنت اظنها لا تغلب ...


ياللة ياصديق رحمة شد حيلك

انا قايتو عرفتي اجيب الرابط



ياحنين زي عش العصفور

دينا
عارفة كلام أحلام ده انا كنت بقوله أيام كنت شغالة سكرتير عاطفي لأصحابي
نظريات تقيلة
فلان ده بعمل كده ليه
فلانة دي مالها
لكن لمن طبيت ووقعت على جدور رقبتي
اكتشفت ليك انو احساس الزول هو البحركه
يعني لا بتذكر كلام ولا أفكار بس بتذكر حبيبك وبس
وعلى قول ويل سميث في هيتش
الحب ما فيه نظريات

ولا ما سمعتي

مرات أقول اديه كلمة تزعله
حبة عتاب وكلام عذاب
انا عارفو ما بتحمله
علشان أشوف الدمعة
في خده الجميل
جارية تبلله
لكني قبال أبدا بلحظات
أـقيف أتامله
الضحكة والنظرة الوديعة
ودله وإشراقه الحلو
انسى العتاب
الكنت ناوي أقوله
وارجع منهزم
الدنيا ياناس
تنقسم محبوبي
وكتين يبتسم

الاخت / دينا

لك التحية والتقدير

توقفت عن الكتابة في هذا البورد بناءا على قرار صدر منها

بمنعي الكتابة والمداخلة ,

وتاكدت الان انها كانت تحمل في دواخلها جينات التسلط

وتوصيات مستغانمي

التي تبدا مع المرأة السودانية منذ نعومة اظافرها ( قصدي مخالبها )

وهذا الفهم ان دل على شئ انما يدل على

ان المراة تدخل لهذه الحياة الزوجية بفهم متقدم جدا

وهو ( ياقاتل يامقتول ) وهذه التقدمية في الفهم

لاشك ستؤدي بها الى حتفها عاجلا ام آجلا ,

فاتقو الله في الرجال ,, ياعصبة النساء



كت اووت : -

بعد المداخلة دي وخرق الحظر الله يستر لايمكن التنبؤ بماسيحدث لي ... معقولة بس ... في ناس كده ..........اكيد

Quote: اذيك........عفيت منك دي ما أفكار خبيثة ..دي نصائح باتفق مع بعضها ولا أتفق مع الأخرى وفعلاً في رجال كده لكن عجبتني الأفكار الخبيثة دي شدييييييييييييييييييييييييييييييييييييييييييييييييد

اها نبقى لى جنس ده .. البت عجبتها الافكار
وح تخرب بيتها .. وتعيش تندب حظهاانها فتحت
البوست ده وسمعت كلام ودالنمير ....

ودالنمير خليك محضر خير ...

سلمى ...
النصائح المتفقة معاها ياتا ؟؟؟

ياخوانا سامعين ولأ شايفين

حاجة ...انا غايتو شايف

وسامع ...


بس محتاجة منكم تفتحو عش العصفور

Quote: يعني النفس البشرية دايما بتميل للاشياء البعيدة عن منالها او المتمنعة عليها,, وقوة المراة امام الرجل ممكن تكون نوع من انواع التمنع البيخلي الرجل دايما يحاول الحصول عليها لانو ما ح يكون متيقن من امتلاكها اما ناس يمين يمين شمال شمال ديل فاكيد ح يرقد قفا وبالتالي روح المغامرة والتشويق ح تموت وبالتالي ح يصاب بالملل وممكن يكون دة سبب كبير يدفعه للتجديد.

Quote: خلى النسوان ديل كلهن اجمعن علي انو الرجال ما بعجبهم العجب ولا صيام رجب. يعني تكون مسكينة ومطيعة يقول دي مملة ياخ,, تبقى شرسة وتركب راسها يقول دي مرة قليلة ادب ما بتنفع معاي,, اها نسوي ليكم شنو؟؟؟ موت لموت اخير بكرامتنا يا اخوي

Quote: المرة دي ارق منها ماف واحن منها ماف والغنماية تاكل عشاها,, يعني كلمة واحدة حلوة منك ممكن تغير اتجاهها 180 درجة, بس المشكلة انتو ما عاوزين تعملو كدة ولما هي تفتح خشمها تقولو عليها نقناقة.

Quote: يا ريت لو حاولتو تفهمو الحتة دي,, المراة ما في حاجة بتجيبها وتخليها اطوع من بنانك وتوفر ليك الراحة والامان غير الكلمة الحلوة واحساسها بانك مقدر الهي بتعملو والتعب البتتعبو. يااخوي ربنا دار الشكر وقال "ان شكرتم لازيدنكم" فما بالك بالمراة؟؟

Quote: عليك الله السودانيات في زيهن؟؟ والله هديات ورضيات وما غلاطات ولا حوامات طاعم كلامن ورزينة فعالن

Quote: أنا لسع مقتنع إنه العوين ديل الشايلاتينه جوا قلوبهن و عقولهن لينا معشر الرجال تقيل شديد. أبو عسل

Quote: والله الرجل ده مخلوق بسيط جدا و ما عندوا اي تعقيدات كل الدايرو زوجة بسيطة خلوقة دائما مبتسمه في وشو انيقة و مرتبة وقنوعة .... مشكلتكم يا بنات حوا تابعتوا المسلسلات المصرية دي و دايرات الكلام المعسول من شاكلة بحبكـ و بموت فيكـ وده تلقنوا عن الغافل .. يعني عاوزات ليكـم راجل مراهق على طـول ..... مافي وقت للحاجات دي كدي يا بت افتحي لراجلك البيت وخليه يشوفكـ باسمة و نظيفة وبيتكـ واولادكـ مرتبين in order شوفيهو لو ما اداكـ عيونوا والعكس صحيح يديكـ بالشلوت ..... أحمد عبد الله

معقولة بس !

سالي أو صالي فوحمر


زمن لكن ...

في بوستات

كتيرة هنا تهمك

ومفترض تكوني فيها

سلامات كتيرة

شرق ولّ غرب؟

لك التحية

fohamer
و كمان دي ليك تحية جد جد
لحد ما تجي توضحي رأيك أكتر
في شوال الإقتباسات الفوق دا.
تعيشي



ــــــــــــــــ
و مهما كان ذلك الرأي فالود
يمتد حد الأبد

Quote: الواحدة تلقيها بعد العواسة وكسرة الضهر في النضافة واكل العيال والضيوف الما بيكملو والشاي والقهوة تجري تتمدد ليك ساعتين زي العود الناشف في الحنة لمن يجيها شد عضلي,, وتجري بعد داك تنكمد في حر الله ورسوله والعيون يحمرن بالدخاخين والنخرين كابة والعرق يقتطر,,

مسعوليات جسام ....