3mk-Tango ويــن لـحـن الـخـمـيـس..؟

صديقنا الحبيب خالد تنقو..

سلامات ومحبات..

كل خميس أدخل المنبر وأتوقع أن اسمع للحن الكنت متعود تهدينا ليهو..

أعرف أن المنبر تغير.. وحاله لا يسر عدو ولا حبيب.. ولكن خلينا نرجًع حاجاتنا الجميلة الكنا بنعملها وخلقت من المكان ده قبلة للكل..

صوت الخلاف الأخرق أصبح أعلى من اي موسيقى.. وفوضى الخلافات الوهمية قضت على أي فكرة خلاًقة تظهر في أي بوست.. وشلة البؤس والخراب إستأسدت على كل الاعضاء والزوار وأصبح المنبر وفقا لمزاجها العكر..



أحضر لحنك.. ليغير كل هذا القبح..

ودي

تصدقي بالله يا رجوية جهزتو الاسبوع الفات ومحضر الاهداء ليك تحديدا

دخلت عاينت كدا لقيت ليك ام المعارك شغاله .. بالراحة انسحبت

__
كدا بقت اوامر عليا وما بنقدر غير نستجيب

بس اصل البيت .. جهزي السماعات .. وخميسك لحن ..


احترامي ..

______

الجميل السادة يستاهل ان يكون لحننا لهذا الخميس ..



وعذرا للتاخير .. ساعود ..

يا سلام على ذوقك..

تعرف وانا كل خميس اشوفك في الحضور.. أقول اللحن بيتوضًب.. وأفضل منتظرة ومتحملة الصواريخ عابرة القارات..

والليلة الخميس انا مساهرة لغاية الجمعة.. يعني في عز الحرابة حأرفع اللحن عااالي..

عسى ولعل،،


في إنتظارك يا هندسة..

ليك الود الكتير..

حبيبنا خالد
اسمح لي أرحب متأخراً بالعزيزة رجاء، والعود أحمد وخالد وكلو وبيتنا نور برجعتك في بيتك يا استاذة

click 2 play

ما معقووولة..

راكـــوبة الرايع..؟

إزيك.. ووينك..؟ أخبارك..؟ وأحوالك..؟ وبجد ليك وحشة كبيرة كبيرة كبيرة..

صديقي الزمان والعسع واي وقت عماد..

مرحب بيك إنت زاتك..

وملايين التشكرات على الغنية الحنينة يا حنيًن..



تخريمة واجبة: محدش أدًي.. تنقو وراكوبة الاتنين في بوستي..؟

تاني يقولو لي حرابة قال..

عمك تنقو
سلامات

الخميس فرحة
نبتهج مع لحنك المهدى لحبيبة الأصدقاء رجاءنا العباسية
وسوف نتابع الوعد
ونطمع أن تهدينا صباح كل جمعة ( مدحة نبوية ) بأصوات المداحين القدامى ولا نشترط لها إفراد بوست .
خليها في بوست رجاء الموعود

عليك الله من الله خلقك شفت ليك ( شحاد ) وبيتشرط كدا ؟؟؟

غاليتنا رجاء

مشتاقين كثيراً كما تعلمين
بانتظار تفاصيل زيارتك للإمارات .

يا مراحب بعاطف الجميل..

نحنا لازم نتشرًط بمزاااج.. معانا المعلمين زاتهم..

ايوة والله المديح بتاع زمان ليوم الجمعة حيكون مية مية..

والليلة زي ما قلت لتنقو أنا مساااهرة.. أول ما أشوف الكترابة بتاعت خفافبش الليل نقوم نرفع الصوت عااالي..

..

للآن أنا منتظرة.. سأعلمك لما أعلم..

ودي لسعدية والبنيات والأمين الحبيب..

ممكن أقعد معاكن في ا
وأسمع
وبسكت ساااي
بس مرة مرة ممكن أوقع براحة مع الغناي
علي الطربيزة برغم إني أشتر
سمح؟

النور الهادي اللطيف..

سلام وتحية وعشرين مرحبا..

تقعد وتغني وتشاتر زي ما عايز..

..

يا دوب جات نسمة من الزمن البهي.. خلونا نفتح الباب لنسمات تانية عشان الكتاحة البرة دي تتخمد..

وبيتنا نوًر..

Quote: نبتهج مع لحنك المهدى لحبيبة الأصدقاء رجاءنا العباسية

زي سمعته حاجة بتهمنى هنا ،،،،

حمدالله على السلامة رجا ،،،

وحمدالله على السلامة لحن الخميس ،،

وحمدالله على السلامة راكوبة ،،،،

اصلوا نحن بنجى مع البهجة ،،

تحياتى لكم ،،،

ود العباسية الراقي..

سلامات ومحبات..

ومرحب بيك في بوست البهجة والروقان..

وفعلا عودة راكوبة تستحق الإحتفال..

ودي

Quote: أعرف أن المنبر تغير.. وحاله لا يسر عدو ولا حبيب.. ولكن خلينا نرجًع حاجاتنا الجميلة الكنا بنعملها وخلقت من المكان ده قبلة للكل..

رجاء ...

جينا نستريح شوية
بالرغم من الاشياء القبيحة (جدا)


تحياتي لكـ ولجميع الاخوان/ت

الشفيع يا فاضل..

أهلا ومرحبا بيك..

تعرف أنا من نوع الناس الما بييأس بسهولة.. وطوالي بكون بعمل في تباديل وتوافيق في الأوبشنز.. لكن جنس الحاصل في المنبر الأيامات دي حيًرني عدييل وما لقيتو في اي كتاب..

غايتوإلا نشوف لينا فكي كااارب يعدل المايلة.. لأن البيحصل ده مافيهو أي منطق ولا حساب..


ودي

لنًوية الحبيبة..

سلامات كتاارات ليك وللحبايب المعاك..

قبيل مشيت لقيت ليك الحبيبة نجوان عاملة بوست رقيييق عن الربيع.. شكله أشتر أشتر وسط المنبر.. ولا زول جايب للربيع خبر وحاتك..

الدنيا كلها لابسة ألوانات والورود تتطاقش والعطور تسكر عدييل في الشوارع.. أول ما تخشي المنبر، تلاقي شئ كده ما عنده أي وصف بيذكرني بـ (طاااخ، طييخ) بتاعت (دنجل) في مجلة ميكي .. والغريبة زيهم زي ناس توم وجيري، الواحد يخبطوا تقولي خلاص تاني ما حتقوم ليه قايمة.. تلاقيهو تاني يوم فاتح ليه بوست شكلة تاني ..

ولا حيهمنا يا ستي.. خليهم في شكلهم وكرورهم وخلينا هنا..
وكل ربيع وإنتى أنضر يا حبيبة..

وبجيتك لينا.. بيتنا نوًر..

.

الجميلين الفوق ديل كلكم


سلامات

أنا غايتو خميسي كملتو

و جيت خاشي المنبر دا هسع

و الساعة 1:28 ص ( الكلام دا ليك يا رجاء )

و عايز أشوف خميسكم عامل كيف

لو بينفع معاي بواصل

أصلو الخميس ليلو طويل دوناً عن الأيام

ولو ما بينفع معاي أرقد أنوم

و أكتفي بي خميسي الجيت منو

لكن يبدو إنو خميسكم لسع ما بدأ

شايف ناس الساوند بيعملو في

حركاتم البايخة و موترة ديك

( واحد..واحد..واحد.. تيست..تيست..تيست )

عموماً لو الناس ديل ما ظبطو عدتم دي بي سرعة

أنا حأمشي أنوم .


ودي
م.كرفس

معاوية صاحبي الجميل..

مساءاتك فل وياسمين.. (اليومين دي ربيع)

حظك في خميسك.. ينفعك

إحنا خميسنا المرة دي (غير) زي ما بيقولو وأهو لمً الحبايب وأحباب الحبايب..

أصبر.. إنت في الأيامات العادية قاعد تصبًحها.. بكرة الإجازة ماشي تنوم..؟

تحياتي

.
كده يادوب الواحد حسه إنو فى خميس


.

وما أعور

شفناهو وسمعناهو صباح الجمعة

الله يرحمها حبوبتي كانت بتقول ذاد "الحبان" ليهو بكان

اها شن قولك يا فردة

شكرا رجاء شكرا تنقو وجميع الناس القيافة المرو بالبوست الشطة دة

اها الخميس الجاي تعالو بدري

ولا انا الاجي بدري ؟؟؟؟

أسعد صديقي الحنيًن (هسع يجيك الهوا.. )

تشرفنا يوم الجمعة ويوم السبت وكل ايام الأسبوع..

والخميس الجاي ترقبوا معنا المفاجأة الكبرى..

بجد في مفاجأة..

ودي

الملك ناجي..

يا مراااحب..

وإن شا الله لحن الخميس مع الحان باقي الأيام ما ينقطع..




ومشتاقووون بجد

رجوية ....كدة كويس...مع اني لقيت البوست دة يوم الجمعة

قاعد معاكم و ايام الله كلها جميلة وممتعة أنشاء الله

رجاء الرقيقه الراقيه ,
ومافى أجمل من لحن
وجودك هنا !
وهل أنسى
وقفتك معاى
القويه!
شكراً ليك
ياغاليه..
أنا طربان
بيك ..

العزيز مامون..

يا ألف مرحب بيك..

إنضمامك (رسميا) للمنبر رسالة جميلة إنه في أمل لسة هنا..

وأيامك ألحان..

عبدالباقي الحبيب من الزمن البهي..

تعرف أجمل مفاجأة لقيتها لما رجعت للبورد، إنك جيت

ومرحب بيك في اي يوم جميل

ودي

صديقي الحبيب أبو بكر سيدأحمد..

فرحت شديد إنك لقيت البوست.. وجيت تسمع اللحن (الألحان)..

طبعا بمعدلات إنتاج البوستات اليومين دي، فرصة كويسة إنك تلم فيه تاني يوم، مرات ما بتقدر تلم ليك في بوست إلا بعد اسبوع..

ودي

..

Quote: في الحقيقة الناس تقابل الناس وتمضي والباقبلك يبتسم ليك بسمه ترضي يترك اثار جو قلبك ما بتمضي تبقي شمعة الذكري ديمه عليها حيه ..

الجميل السادة وضاح المحيا ..
التفت يوم شفتو وما قبلان تحيه ..
من دلالو .. ولا مالو ..
خلي نيران قلبي حيه ..

ابتسامة الزول بتنبع من شعورو
كيف تزعل لو تعبر سرورو ..

والباقبلك يبتسم ليك من ضميرو
لو سمحت تجاملو بي مجرد تحيه ..

كان امل تفرحني منك ابتسامه
وابتسامتك حلوه بتزيدك وسامه ..

العيون تتلاقي ويتم انسجاما
وكل واحد يحيا في لحظات هنيه ..

في الحقيقة الناس تقابل الناس وتمضي
والباقبلك يبتسم ليك بسمه ترضي
يترك اثار جوا قلبك ما بتمضي
تبقي شمعة الذكري ديمه عليها حيه ..

رجاء
عمي تنقو
راكوبة
ومن عندي تمبس


الليلة الجمعة ، لكن الحمد لله برضو لحقت الحفلة قبلما تفرتق ..
كلما أشوف لي إسم من أسماءكم دي بجري جري .. وتووووش أدخل ..
عشان عارف بيكون في حاجة كويسة جوه ، ألحق وآخد نصيبي منها سريع .. وده طبعاً بعد ما أتنفّض من الغبار الفي الشارع التاني ..

بالله ما تحرمونا من الغنا السمح ده ..

الجميلة السادة مبالغة مبالغة ..
والبيت نوّر فعلاً بوجود رجوية ( كما كانت تناديها أختها راوية ) في الزمن السمح ..

شكراً كتير كتير كتير ..

صلاح عبدالله

العزيز صلاح عبدالله..

مرحبتين حبابك.. والليلة برضو جمعة يا زول من الزمن السمح..

ودي

تنقو يا فنان..

شكرا كتييير..


وعلى موعدنا الخميس الجاي..

ودي

الأحباب الفوق كووولهم..

ســــــــــــــلام..


بوستنا نوًر..

راجعة..

هوي هوي
الجمعة ولا أربعاة فرعون زاتها ما خصاني
ختو لي لنكاتي بالله
والبوست السمح لحولو بجيب زولو

سلام يا رجوية والحبان كلكم/ن

بعد إذنك رجاء
بالمناسبة الكيببورد مصر يكتب الجيم بتاعتك خاء
حيرني بالجد
بيتخيل لي معاهو حق
بس لأن إسم رجاء عاجبني كلو كلو
خليتو غصبا عن أبوه يكتبا
..................
زوقة صغيرونة للجندرية
أوعي تزهجي فوقنا برانا بنفسنا جهزانين
يعني لازم تجيبي سيرة البحر
...............
رأيكم شنو ياجماعة الخير
نقلب الأيام خمايس؟

كوني دائما جميلة
نورالهادي

4 U

.

tst
كية لي تمبس

في الأول سلام كبيييير قوي لراكوبة العريس

وياسلام عليك يارجوية

وتنقو ابقى حاضر دائما

واحتلوا لينا البورد دا بالله

أيوة كده..

الجهاز إشتغل مية مية يا تمبس..

والجميل السادة..

وضًاح المحيا..

لالا للا ااا


كل الحبايب الفوق.. منوًرين شديييد..

جاياكم

يا سلاااااااااااااااااااام
يا رجاء ويا تنقو
رجعتوا لينا ايام البورد الجميلة
ولحن الخميس وما ادراك ما لحن الخميس

وطبعا اجمل مافي الحان تنقو اختياراتو المفاجئة
وهسه ما عارفو نكت اللحن الجميل السادة ده من وين !!!
عموما بعد كده حننتظر الخميس بلهفة
و.... خميسك ولو تبيع قميصك !!!
ويا حليل الخميس البيبيعو ليهو القميص
تحياتي للجميع

شوفوا حلاوه الناس الجات هنا دي .. احبكم جميعا ..

راكوبة ملك الانغام ..
شوف لي منك كم زمن وشوقنا ما شغال بيهو ..
والحانك حارمنا منها ..
يعني نحن لو كسلنا مافي طريقة تعمل تعويضات بيت المال ؟


عاطف عمر .. سلام يا شيخنا ومدايحك دي دايرة ليها شغل وتفتيش ..
لكن ليك علي كل ما القي فرقة بجدع ليك مدحة وقلبي بكون
في تجاهك .. وتصدق جني وجن الاولاد البترصو ويتمايلو ديل
يعني المدحة لو ما سمعت صوت الطار وهز اوتارك دي ما مدحة زاتو ..

نور الهادي .. حبابك الف في ديار رجاء ومرحب بك مع جماعة الطرب السمح ..


ود العباسية سويتا شينة لكن .. تعال ياخ واطلب ونزل حقك بطل كسل ..


لنا مهدي .. معا من اجل جمال وروعة وتسامح ..


معاوية كرفس .. اها كيف طلع خميسنا .. ولو ما عجبك انتظرنا الخميس الجاي قطع
شك حيكون كما تشتهي ..


الملك .. شبهي .. وبي عينين كمان ..


اسعد ابراهيم .. اسمع وصيتي وانت تعال بدري ..


عبد الباقي محمد .. جعل ايامك كلها بروعة الخميس ..


صلاح عبدالله .. مرحبا بك صديق للنغم ..


الجندرية ... مافي خيارات ؟


ملكة سبأ .. المرة دي انا بقول ليك ابقي حاضرة ..


جمال ادريس .. الجميل السادة دي بتظهر مع ظهور اختنا العزيزة رجاء واكيد الجاي احلي ..

رفعتو لمزيد من الجمال

شكرا ايتها المرأة الوردة كل ربيع وانتم بخير .. شكرا يا تنقز يا رائع .

سلام
لكل الجميلين البجاي

يلا نملئ المنبر

غناء والحان حلوة

العزيزة رجاء والأخ الحبيب عمك تنقو
لكم التحية والحب والتقدير

عارفين..أنا بقت على حكاية حمار جنينة الحيوانات..إن شاء الله تكونوا عارفنها..
الرقيقة رجاء طلبت اللحن يوم الخميس 15/3 والحبوب الفنان عمك تنقو نزله في نفس اليوم ..وأنا بسمعه اليوم الخميس 28/3 ..مش ياهو حمار الجنينه ذاتو؟؟؟؟؟؟..إختيار عمك تنقو مش صادف وتر حساس جواي وبس؟؟ دا كتلني كتله..أبو عركي فناني المفضل والطلبت اللحن أخت غاليه وصديقه ليها مكانه خاصة وخاصه جدا..شكرا عمك تنقو وشكرا رجاء وشكرا أبوعركي
رجاء

Quote: صوت الخلاف الأخرق أصبح أعلى من اي موسيقى.. وفوضى الخلافات الوهمية قضت على أي فكرة خلاًقة تظهر في أي بوست.. وشلة البؤس والخراب إستأسدت على كل الاعضاء والزوار وأصبح المنبر وفقا لمزاجها العكر..

وما تنسي خلو الناس ماشين جنب الحيطه..المهم ما يلحقنا منهم عكاز..ونفضل ندعي ليهم بالهداية

لحن الحياة انك

ما تقول نسينا الماضي وصرنا


ناسينك


محبوبي الجميل

رجاء لك وافر الشوق

والله يا رجاء ليوم الخميس بخور خاص استحضر فيه عبق زمن جميل ,كنت صغيرا والدي يعمل بالمدينة التي تجاورنا يفصل بيننا النيل الازرق حيث نسكن قرية ابو حراز شرق ..لي ثمة علاقة عالية بالاستماع الي المذياع الذي يمثل مركزا معلوماتي وترفيهي كبير حينها ,هنالك بعض الفقرات التي ننتظرها بلهفة شديدة ...الحان من الشرق كان يقدم يوم الثلاثاء.والحان من الغرب يوم الاحد اما البرنامج الذي يوحد أذان مجموعة من السودانيين هو برنامج( الحان) الذي يقدمة الاستاذ معتصم فضل ..
حيث كنا نهرول ونسرع الخطي حتي نستمع الي هذا البرنامج الذي يمثل احدي علامات يوم الخميس ..

عمك تنقو برضو ما قصر في ايجاد معادل وجداني اخر واختيار لحن الخميس

شكرا يا تنقو.

وكتير الفرح لعودة لحن ونغم المنبر الشجي رجاء العباسي

مجدي شبندر

لحن الحياة

يلا فوق

الأحباب الفوق..

مساءكم فل..

الليلة الخميس.. ارفع البوست لغاية العودة ليكم برواقة..

ودي للكل

الكراس والعناقرين والبنابر
وبرش رجاء
والقمراء في نص السماء
نان الناس دي راحت وين؟؟
قاعدين ومنتظرين