Post: #1
Title: بين تراتيلي وخشوعي عشت راهـب ..
Author: معتصم دفع الله
Date: 03-05-2007, 12:55 PM
عندما أمتطي مخيلتي ..
تعود بي دوماً ..
إلى فيضٍ من الذكريات ..
تتجمل فيها معاني الإلفة ..
والشــوق والحنين ..
إلى من تتوهج فينا عشقاً ..
يظل رمزاً نقتدي به ..
فينير كل الصباحات إشراقاً ..
وإلى من شاركني ذكرياتي ..
فتظل أيضاً حلوة بكم ..
لكم جميعاً كل الحب ..
|
Post: #2
Title: Re: بين تراتيلي وخشوعي عشت راهـب ..
Author: خدر
Date: 03-05-2007, 01:43 PM
Parent: #1
معتصم يا حلو
والله ما جابتني الغنوة ولا المغنيين
جبتني انت و خليل اسماعيل
ليكـ وحشة يا راجل و سأئل انا منكـ
والله
|
Post: #3
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-05-2007, 04:16 PM
Parent: #2
يا سلاااااااام يا طارق ..
القلوب عند بعضها ويعلم الله كمية الشوق ..
كيفك والأنسة لقاء أرى صورتها معك وقد كبرت ربنا يحفظها ..
تعرف وما طالبني حليفة قبل كم يوم وأنا أحضر في سهرة رائعة للمبدع عاصم الطيب إتذكرتك ..
مسكت بالورقة وكتبت ( يا اللللله يا فنان ) عنوان لبوست قلت فيه ..
زي ما قال شيخنا خدر ..
مدد يا شيخ ..
مدد يا عاصم الطيب ..
أمتعنا بأناملك الساحرة وصوتك العذب الحنون ..
السهرة دي ح تكون عندك بعد كم يوم كده إن شاء الله في بوست منفصل جهز نفسك ..
تعرف حاجة تانية الزول الفنان خليل اسماعيل من المطربين الذين يأسرونك بصوتهم وألحانهم الرائعة أطرب كثيراً لأغنياته ربنا يديه الصحة والعافية ونسمع منه المزيد من الروائع ..
شكراً يا صديق على السؤال وإن شاء الله البركة فيكم وفينا في شيخ المغنيين بادي ربنا يتقبله بواسع رحمته ويلهكم الصبر وحسن العزاء ..
خليك معنا فما أحوجنا لكم ..
كن بألف خير ..
|
Post: #4
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-05-2007, 04:29 PM
Parent: #1
كم سهرت الليل ..
وكم سالت دموعي ..
والألم في قلبي ..
أصبح شي طبيعي ..
إهداء خاص للأصدقاء ..
بـدري ..
عمك تنقو ..
حمد فتح الرحمن ..
ثابـت ..
كل الأماني العذبة ..
|
Post: #5
Title: Re: بين تراتيلي وخشوعي عشت راهـب ..
Author: Badri
Date: 03-05-2007, 04:49 PM
Parent: #1
يا الله يا صاحب ويا الله يا خليل يا صاحب كل حاجة حلوة
عارف يا صاحب تسمع الأغنية دي وكمان بصوت صاحبها تحس بأنك طفل تائه وفجأة ارتمى في حضن امه
ما زلت عند وعدي يا صاحب سأصنع له تمثالاً
سلام ياصاحب مع انه دا ما كان اتفاقنا لكن كل حاجة منك حلوة
الخميس دا ما فيها طلة ولا عندك عمل عام  
|
Post: #7
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-05-2007, 05:19 PM
Parent: #5
تعرف يا صاحب ..
فتشت لي كل الحروف لقيته مافي ..
أكتب شنو ؟..
العنوان كيف ؟..
الإهداء لي منو ؟..
لقيت كل الحروف عاجزه وكل الكلمات خجلانة هاربة ..
كل الناس الذكريات والحلوين حاضرين ..
أخاف أكتب وأنسى زول أها أعمل شنو ..
ورطة شديدة يا صاحب قلت أخلي الأغنية تعبر عن نفسها وأكتبكم في دواخلي ..
يا الللللللللللللللله يا صاحب ..
يا الللللللللللللللله يا كل الناس الحلوة ..
أها نجي لقصة الزول الجميل دا خليل إسماعيل لما تسمع ليهو تصاب بالسحر والإنزواء بعيداً كيف ولا وكل الآلام أصبحت في جوانا شي طبيعي وسهرنا بقى كتير ودموعنا جفت زاتو ..
مره حضرت حفلة لخليل لقيت كل الناس واقفة ترقص لا مكان للحركة فيه ..
وكلامك داك لسه حافظه والتمثال ما ناسيهو بس انت أبقى مسؤل ..
فعلاً زي الحاجات دي روشتة لعلاج كثير من آلام الدواخل ..
وخميسك معانا يا حبيب ..
دم أجمل يا صديق ..
|
Post: #6
Title: Re: بين تراتيلي وخشوعي عشت راهـب ..
Author: elhilayla
Date: 03-05-2007, 05:02 PM
Parent: #1
Quote:
معتصم يا حلو
والله ما جابتني الغنوة ولا المغنيين
جبتني انت و خليل اسماعيل
ليكـ وحشة يا راجل و سأئل انا منكـ
والله |
هل هو توارد خواطر ،
وقع الحافر علي الحافر
أم ماذا يا تري؟
هذا ما أردت أن أقوله بالضبط يا معتصم
طبعاً الفنان العظيم
خليل إسماعيل الولي
من
عِندِنا
فبين الأبيض
والحليلة الترابي
صلة قربي
ورحم
ودم
دمت ياقريبي
وإن شاء الله تسموعنا قريباً
زين العابدين - الحليلة
|
Post: #8
Title: Re: بين تراتيلي وخشوعي عشت راهـب ..
Author: sudania2000
Date: 03-05-2007, 05:24 PM
Parent: #6
Quote: كم سهرت الليل ..
وكم سالت دموعي ..
والألم في قلبي ..
أصبح شي طبيعي ..
|
يا معتصم .. ازيك.. وينك؟؟
|
Post: #11
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-05-2007, 05:53 PM
Parent: #8
كيفك يا دكتورة ..
وكيف أخبارك ..
كنا غياب اليومين الفاتو بسبب الشغل خارج الرياض ..
والحمد لله عدنا وفي قلوبنا شوق لكل الهنا ..
كم سهرت الليل ..
وكم سالت دموعي ..
والألم في قلبي ..
أصبح شي طبيعي ..
الكلام الفوق دا ما تمسكي فيهو شديييييد ..
تسلمي يا غالية ..
|
Post: #9
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-05-2007, 05:27 PM
Parent: #6
كيفك يا قريبي ..
إنه فعلاً لتوارد خواطر عجيب ..
القلوب عند بعضها زي ما بيقولوا ..
ومكانك انت وطارق في القلوب يعلم الله ..
مافي شك يا قريبي في ذلك ..
كم أطربنا هذا الفنان الجميل وأسعدنا بجميل كلماته وأغنياته ولا زلنا ..
وأسعدنا جداً الشباب بأدائهم الرائع لهذه الأغنية الجميلة ودا في حد زاتو تكريم لخليل إسماعيل ..
شكراً ليك يا زين العابدين ..
وفي إنتظارك عما قريب ..
دم بألف خير ..
|
Post: #10
Title: Re: بين تراتيلي وخشوعي عشت راهـب ..
Author: Badri
Date: 03-05-2007, 05:42 PM
Parent: #1
Quote: فعلاً زي الحاجات دي روشتة لعلاج كثير من آلام الدواخل ..
|
عارف ياصاحب طبعا في العربية ما زالت لا تبرح مكانها وأسي انتا جبتها لي لغاية عندي في المكتب (الشغل اليطير)
غناء ذي الدواء مش؟؟ الله يعافيك يا خليل اسماعيل ويعافي الشباب الجميلين ديل
أخبار العمل العام شنو ياخي؟!!
|
Post: #12
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-05-2007, 05:59 PM
Parent: #10
انت يا يابا ..
الجرسك يجرس تمبس وشتات وعمك تنقو ..
قلت لي العربية والمكتب إن شاء الله ما ينفك ..
بعدين أنا ما قلت ليك خد زي الدواء دا قبل النوم وبعد ما تصحى من النوم مباشرة ؟..
أها وزيادة عندي ليك كمية من الأدوية بس جهز حالك وأشتري ليك 3 كراتين مناديل ..
| Quote: أخبار العمل العام شنو ياخي؟!! |
وتاني سيرة العمل العام دي ما قلت ليك ما تجيبه ..
تطير عيشتنا نحن شبكتونا منظمات العمل المدني والعمل العام لمن مرقتونا من العرس زاتو ..
أبقى مارق الخميس في إنتظارك ..
|
Post: #13
Title: Re: بين تراتيلي وخشوعي عشت راهـب ..
Author: حمد فتح الرحمن
Date: 03-05-2007, 06:40 PM
Parent: #1
| Quote: عارف يا صاحب تسمع الأغنية دي وكمان بصوت صاحبها تحس بأنك طفل تائه وفجأة ارتمى في حضن امه |
لوووووووووووووووووووووووول
خخخخخخخخخخخخخخخخخخخخخخخخخخ
هههههههههههههههااااااااااي
بدري بلاي اخر مرة شفتا امك متين
بطل كضب يوم يوم سمعنا الغنية دي سيرة امك ما جات مع التسعة جكسويات الاتذكرتهن .
حضن امو قال
دي علينا
معتصم دفع الله
شكرا شديد علي الاهداء يا راجل يا ذوق راقي
شفتا كضب صاحبك دا كيف ؟
اها ان شاء الله الخميس الجاي معانا
ولا ما فاضي لينا
|
Post: #14
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-06-2007, 08:17 AM
Parent: #13
ياخي في داعي للكلام دا يا حمد تزنق صاحبك كده ..
غايتو أنا شايفو قاعد يهضرب اليومين ديل وكلامه بقى كتير ..
يكون الضرس قام عليهو ونحن ما عارفين ..
شكراُ ليكم انتو على كل لحظة حلوة قضيناها معاكم ..
بعدين الخميس مووووش متفقين تجونا هنا ..
يلا أبقو مارقين ..
|
Post: #15
Title: Re: بين تراتيلي وخشوعي عشت راهـب ..
Author: tmbis
Date: 03-06-2007, 09:05 AM
Parent: #14
Quote: بدري بلاي اخر مرة شفتا امك متين
بطل كضب يوم يوم سمعنا الغنية دي سيرة امك ما جات مع التسعة جكسويات الاتذكرتهن .
حضن امو قال
دي علينا |
..  .. عايز يعمل فيها مستهبل يا حمد مش كدا ؟؟
يا عمي المسالة دي مطبوخة من ( بدري ) .. بين تراتيلي وخشوعي دي جات عابر سبيل ..
..
يا أبو الدفاع .. خليل إسماعيل ده بيكون واحد بين كل مليون .. خفيف الروح .. حنين خالص ،
تعرف زمااان كان عندي ( عمي ) جنو سفر بره السودان من نحن شفع .. ده اغرب زول كنت بشوفو الوكت داك
لما يجي .. كان بيسوقني نمشي نشتري اي شريط لي خليل اسماعيل في السوق . اي تسجيل .. كنت بعتبرو زول غريب جدا .. بعدما كبرت شوية قول شويتين بقيت انا أعمل نفس الحركة بتاعتو دي .. امشي اللقط شرايط خليل اسماعيل من السوق .. واجي اتطمن عليها كل صباح زي العايزه تزيد لي ..
بلاي خلي ( الطائفي ) اسماعيل وراق يجي داخل بي هناوخليهو يتجلى في الحكي عن خليل اسماعيل ده ..
..
بعدين خت الكورة واااطه . حسع انا وتنقو سالناك ؟؟ مالك أن اليومين ديل الحاصل عليك شنــو
|
Post: #16
Title: Re: بين تراتيلي وخشوعي عشت راهـب ..
Author: ابو جهينة
Date: 03-06-2007, 09:18 AM
Parent: #15
معتصم
Quote: عندما أمتطي مخيلتي ..
تعود بي دوماً ..
إلى فيضٍ من الذكريات ..
تتجمل فيها معاني الإلفة ..
والشــوق والحنين ..
إلى من تتوهج فينا عشقاً ..
يظل رمزاً نقتدي به ..
فينير كل الصباحات إشراقاً ..
وإلى من شاركني ذكرياتي ..
فتظل أيضاً حلوة بكم .. |
يا صباح الذكريات ...
أعرب ما تحته خط ..
شكرا على الأغنية
|
Post: #19
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-06-2007, 11:24 AM
Parent: #16
يا رييييييس ..
في داعي لكشف الحساب المستعجل دا ..
والله برررررررررررررري يا ناس ..
جمل الله صباحاتك بكل خير ..
يديك ألف عافية ..
|
Post: #29
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-06-2007, 05:55 PM
Parent: #15
تعرف يا شقيق الجماعة ديل مصالحهم اتضاربت بقو يتشاكلو براهم ..
هسي اخش بيناتهم يقوموا يشتغلو بي برنامجهم داك أنا وإبن عمي على الغريب ..
لا وانت الصادق معاكم شتات كمان ما انتو فرمالتي ياخ أعمل ليكم شنو ..
بعدين الحاجة دي فيها توزيعة وكده بس ما تتحسسو ساي أفقدو روسيكم ..
أها نجي للزول الغناي دا تعرف من الحاجات الحلوة الربنا بيكرمك بيها ..
سمع حتى الثمالة وبترجعك لحتات كده صعب تدخله ساي إلا تدافره بجنس الكلام دا ..
خليل اسماعيل فنان مسكون بالابداع وله لونية غنائية مميزة أمد الله في أيامه ..
خليك قريب يا تامبا ح نحتاجك للعصابة ديل ..
أقصد أولاد العم ..
|
Post: #17
Title: Re: بين تراتيلي وخشوعي عشت راهـب ..
Author: walid taha
Date: 03-06-2007, 09:27 AM
Parent: #1
موو الوريف يا سلام عليك ياخى
دائماً ما تتحفنا بالجميل الانيق
رائعة والاروع اداء المجموعة
موو سسسسس تمبس ما يسمعنى
الشريط ده عندك؟
|
Post: #18
Title: Re: بين تراتيلي وخشوعي عشت راهـب ..
Author: salma subhi
Date: 03-06-2007, 10:50 AM
Parent: #17
يا الله يا معتصم دفع الله..........أنا أعشق هذه الأغنية
عوداً حميداً........وانشاء الله الرياحين تملأ دربك
|
Post: #30
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-06-2007, 07:00 PM
Parent: #18
تسلمي انتِ يا سلمى يا ست الذوق ..
الواحد بيكون سعيد لما المعاه يكونوا سعيدين ..
وكويس انو الأغنية أطربتك إن شاء الله دوماً ..
الحاجة دي كلها ورطوني فيها ناس بدري ديل ..
هسي شالوا الكلام دا كلو وختوهو فيني عالم جرسة بشكل ..
لك كل الأماني العذبة والطيبة ..
|
Post: #20
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-06-2007, 11:30 AM
Parent: #17
كيفك يا ولي ..
ياخي الشوق كميات ..
ولا يهمك ح يكون عندك الشريط دا ..
ولو إنو حقوق النشر محفوظة .. بس بدري وتنقو ما يسمعونا ..
كامل محبتي ..
|
Post: #21
Title: Re: بين تراتيلي وخشوعي عشت راهـب ..
Author: مجاهد عبد الرحمن
Date: 03-06-2007, 11:42 AM
Parent: #20
حبيبنا معتصم التحيات النديات
دمت وافر الجمال
شكراً لك
الحفظ مهم
ما عهدناك بخيل
اللنك يا غالي
وحمداً لله على سلامة العودة
نورت البلد
مودتي
|
Post: #31
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-06-2007, 07:11 PM
Parent: #21
كتير التحايا يا مجاهد ..
كيف أخبارك ما عارف المختفي انت ولا أنا ..
الله يسلمك من كل شر ..
اللنك ح يكون عندك أنتظره في أحد الردود ..
تسلم يا حبيب ..
|
Post: #22
Title: Re: بين تراتيلي وخشوعي عشت راهـب ..
Author: حمزاوي
Date: 03-06-2007, 12:11 PM
Parent: #1
معتصم اخوي
مسكاقمي
احسن حاجة في البوست دا انه صديق الموج ما جاء داخل فيها
تعرف هو ذي ديك العدة
يا معتصم انت وتمبس الرياحين تملأ بيتكم
وناس الشرقية دوول وجع وجع يا العزابة
|
Post: #23
Title: Re: بين تراتيلي وخشوعي عشت راهـب ..
Author: Muna Khugali
Date: 03-06-2007, 12:24 PM
Parent: #22
شـكرا عصـومي أغنيه جميلة جدا...
علي فكره يوم الحادث اتصلت بخالدة وبعدين اتصلت بيك علشان اقول كفاره وأطمئن عليك..
تلفونك مالقيت فيه فرقة لزمن طويل..سـلامتك تاني..
|
Post: #24
Title: Re: بين تراتيلي وخشوعي عشت راهـب ..
Author: عماد محمود علي
Date: 03-06-2007, 12:54 PM
Parent: #23
أخي الحبيب موو
مساء الخير والنور وحمد لله على السلامة و.................. ، ،،
أها وقع ليك كلامي وصدتقته ولا لســه محتاج تنوير .................. ,
غايتو أخرها بتجيب ضقلها يكركب  ، أها يا تميس الزول ده صرح عدييييييل كده ، بس تعرف يا تمبس أنا صاحبي ده لسه ما قابلته وما حكيت ليهو حكاية الاتصال الكان في مكتبنا داك ، أها راجين تصريحاتك يا كابتن ، بس غايتو نقول شنو يا ريس أبو جهينة ( أولادك شطة يا جهينة )
|
Post: #41
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-07-2007, 10:39 AM
Parent: #24
كيفك يا عمدة ..
يعني بقيتو تتفقوا من وراية شكلها العملية فيها إن ..
بعدين تمبس دا اتعلم ليهو غتاتة اليومين ديل عامل لابد وما فاهم أي حاجة ..
أتاريهو متفق معاك يا عمدة يا ترى ناوين على أيه ..
| Quote: أها يا تميس الزول ده صرح عدييييييل كده |
يا زول صرحت وين ..
قالوا ليك أنا الناطق الرسمي لمنظمات العمل العام (لووووووول)..
دي أسأل منها بدري يأتيك بخبرها اليقين ..
تسلم إنت والريس أبوجهينة وكل الحلوين ..
|
Post: #40
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-07-2007, 10:23 AM
Parent: #23
منى الغالية ..
يخليك لينا يا رب وتسلمي من كل شر ..
مشاعركم الطيبة هي الزاد لينا في الدنيا دي ..
أبقوا دائماً قريبين ..
محبتي ..
|
Post: #32
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-06-2007, 07:28 PM
Parent: #22
كيفك يا خال ..
والرياحين دائماً في دربك ..
تعرف الموج دا كان جاء هنا ..
يخت ليك طوبتين ويقول ليك ريثما أعود ..
الخال خال ..
والموج غرقانين في حبو للنهاية نسوي شنو ..
يديكم العافية الاتنين ..
كامل محبتي ..
|
Post: #25
Title: Re: بين تراتيلي وخشوعي عشت راهـب ..
Author: جورج بنيوتي
Date: 03-06-2007, 01:11 PM
Parent: #1
معتصم الصديق.
يبدو مما أقرأه أعلاه إنو شالتني نووووومه.
عذرا وحمدا لله على السلامه..
دم وريغا وعطاءا.
|
Post: #42
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-07-2007, 10:58 AM
Parent: #25
يا سلام يا شيخنا جورج ..
دي طلتك ولا السعادة كلها ..
تعرف اليومين ديل المطر جايي من السودان ومعاهو كل الحاجات الحلوة ..
وإنت هسي جيتنا زائر وفيك كل ملامحنا أيه الهنا النحن فيهو دا ..
ليك وحشة شديدة يعلم الله كيفك والمعاك ..
سلام إلى الملتقى .
|
Post: #26
Title: Re: بين تراتيلي وخشوعي عشت راهـب ..
Author: Badri
Date: 03-06-2007, 01:14 PM
Parent: #1
| Quote: الجرسك يجرس تمبس وشتات وعمك تنقو |
يا مو ياخي حرام عليك الجماعة ديل كبروا لمن عتقوا وقلوبهم بقت حجر ، البجرسني قطع شك ما بجرسهم ، ما زال القلب أخضر يافع يا صديقي ذاده كل هذا الأمل البسام الذي غمرنا به خليل إسماعيل بأمانيه العذبة متطلعاً لأيام قادمة أجمل محتفياً بكل الأيام الخوالي وان امتزجت بقليل من الحزن النبيل.
القلتهم ديل باقي ليهم أيام قليلةأتمنى أجملها لصديقي المرهف صلاح شتات أما عن عمك تنقو ما زال يرتدي جواربه البرتقالية على قول دكين مساه الله مع حسناء على ضفاف النيل الأزرق في حلة حمد لذا ليس هناك بصيص أمل تجاهه ... تمبس مشكلته عمنا ثابت لذا فالأمل ضعيف
| Quote: بطل كضب يوم يوم سمعنا الغنية دي سيرة امك ما جات مع التسعة جكسويات الاتذكرتهن |
أنا مش قلتا ليك يا صاحب أولاد عمومتي الدناقلة ديل ما تصاحب منهم غير وليد طه ولفوق ، تنزل لنوعية حمد ودكين بتضيع.
| Quote: خليل إسماعيل ده بيكون واحد بين كل مليون .. خفيف الروح .. حنين خالص |
عارف يا تمبس أنا عندي قناعة انو الخالق العظيم لما وهب السودانيين فنانين وشعراء اختار لينا الأستاذة الكبار ديل بعناية الاهية فائقة من النادر تلقى ليك واحد فيهم مشاتر وبنفس القدر عندي قناعة انه خليل إسماعيل دا تحديداً تم اختياره بعناية تفوق الأولى عشان يطرب باقي الفنانين واستحق أن يكون فنان الفنانين ... تعرف يا صاحب أعتقد انه الجنة التي أعدت لهؤلاء هي غير كل الجنان
أرقد عافية يا صديق وخبرية سريعة صحبك ثابت مسالة عدم الفرز عنده استفحلت شديد
Quote: موو سسسسس تمبس ما يسمعنى
الشريط ده عندك؟ |
وليد يا جميل اشتاق إليك أكثر من شوق أمك وأتحداك شوقاً وأي حاجة جميلة ليك ، وشريطك بصلك يوم الخميس مش دا كان اتفاقنا يا صاحب؟
يا صاحب نحنا ما بقولوا لينا عوداً حميداً ليه نغيب بالسنين وزول يقول لينا عودتو ساي مافي غيبة يومين بس تخلي الناس تقول عوداً حميداً .
Quote: يا معتصم انت وتمبس الرياحين تملأ بيتكم
وناس الشرقية دوول وجع وجع يا العزابة |
يا راجل ما تصلي على النبي !!!!
مشتاقين يا حمزاوي وبالمناسبة في حال أي منافسة بينك وبين صديق الموج في شتى المجالات سنقف مع صديق الموج ونشد من أزره ، في البداية واقفين معاك عنصرية ساي أقلاها خالنا وحبيبنا صديق خلق لينا يوم من أجمل الأيام على شاطئ نصف القمر واكتمل النصف الآخر على أنغام مرزوق الجميل والله غناء كان بلسم طابت به نفوسنا الى يومنا هذا (نظام رشوة وكدا) وانت لغاية أسي ما شفنا غير الكلام الفوق دا
لك ولكل الجميلين الهنا كل حبي
|
Post: #27
Title: Re: بين تراتيلي وخشوعي عشت راهـب ..
Author: حمد فتح الرحمن
Date: 03-06-2007, 02:25 PM
Parent: #1
Quote: غايتو أنا شايفو قاعد يهضرب اليومين ديل وكلامه بقى كتير ..
يكون الضرس قام عليهو ونحن ما عارفين .. |
الهضربة من العليهو يا ابوي
ياخ عمرك شفتا ليك زول بقوموا عليهو تسعة ضروس مرة واحدة ،،،
والله جد ،،،
تعرف يا تمبس موش اسه الود شابكم انا سغيروني و ما عارف ايه ؟؟
شفتا بس حدو العيد الجاي دا بتلاقيهو حاييم بي طقم اسنانو
غايتو تاني يا بدري الا تستخدم الاسنان الفي وشي دا
بعدين يا بدري
كل شي الا خالنا همزاوي دا
انت نسيت سفيهة التركين اللي جات مآآهو من السودان و اللا ايه ،،،
|
Post: #28
Title: Re: بين تراتيلي وخشوعي عشت راهـب ..
Author: اساسي
Date: 03-06-2007, 04:21 PM
Parent: #27
زمان (قريبات دي) يا هالك لمن كنت زيك والهالك داك عزابي ساكت ... كنت مدمن الاستماع الي الاغنية دي ..الولد معتز صباحي عندما يتغني بالاغنية دي كان بجهجه باكاتها سمعتها بالصدفة لمحمود عبد العزيز اغتنيت الشريط فمحمود منتهي سقافتي الغنائية وكان ... مرة بالصدفة قاعد احضر في برنامج في تلفزيون النيل الازرق الحلقة كانت عن الزواج العرفي والمساكنة والحنك اللافي في السودان الايام دي .. كان في ضيف شبه مولانا كدا وكان الاستاذ خليل اسماعيل مستضاف لجديع بعض الاغنيات وسط الحوار كعادة السودانين في برامجهم ...المزيعة والضيف كانوا بيقولوا بعدم جواز مثل هذه الامور من زواج عرفي الي مساكنة وغيره فجاة كدا اتجلت المزيعة ونطت وسالت ليك عمك خليل اسماعين عن رايه في الموضوع دا ... ابو خلة ما كضب ولا اتلفت ولا جامل وجدع جدعته بدون ترددوقال:
اولا انتو ما عندكم موضوع بتناقشوا زي الحاجات دي .. قال ليها الناس حرين يعرسوا بطريقتهم ويسكنوا وين ما هم عاوزين بالله شوفوا مواضيع تانية وخلوا الناس تعيش في حالها ...
قسما بالله يا معتصم المزيعة زي الكشحوا فيها جردل موية سااااااااقط والضيف داك قرب يدخل تحت الكرسي ... اها عمنا ابو خلة ما اتلفت واشر لي الفرقة الموسيقية ودخل ليك في الاغنية دي ...
اها اليوم داك انا اول مرة اسمعها ليك بي مزاج من سيدها الزول دا نقطها ليك زي ما ربنا خلقها ..
بعد داك بقيت اسمع ليك الاغنية دي من سيدها بمزاج واعيش معاها كدا بالطريقة الصاح .. مرات مرات لو ما اخاف الكضب (زي بدري) عيوني تقرب ترقرق ...
اها اسالني اسع ؟؟ وحاتك شريط محمود قاعد الاغنية مسجلها من ابو خلة في الكمبيوتر عندي وشريط الولد معتز قاعد الفيهو الاغنية دي ..اها بقيت اسمعها ليك يا هالك زي ما بسمع التش تش حلاوة لبن مافي اي احساس عالي ولا رققة دموع ولا حنك زي الرصيتو فوق بتاع العزابة والشواكيش والالغام دا
اها الاغنية دي بالزات ورتني ليك انه مشاعرنا دي كلها مرحلية متقلبة ..
اها الايام دي اسالني الاغنية البتخليك ترقرق شنو؟
بدون ما اتلفت حاقول ليك المنلوج حق فرقة الهيلاهوب ..قروشي اسع ناو ...
|
Post: #34
Title: Re: بين تراتيلي وخشوعي عشت راهـب ..
Author: Osman Musa
Date: 03-06-2007, 07:54 PM
Parent: #28
سلام الحبيب الكاتب معتصم
أنا ضيفك وانته صديقى من اليوم...
جديد دخلت الرحاب فوجتك طاير تحلق فى وجه الشمس
انته مطرب عاشق هايم قادم من لحن ذلك الوادى البعيد..
عشرة سنوات عشرة سنوات فى بروكلن وانالا أعلم شى عن سودانيز ونلاين
حتى دخلت..
معتصم انت ارجعتنى الى قريتى الزيداب رايت الناس وانا استمع الى ال.....
رايت الناس قبل أن تذوى جذورى فى ظلام السفر البعيد
اقول ليك يا معتصم انته بى طريقتك دى يوم بتكتل ليك زول
تحياتى اخيك عثمان عبدالرحيم موس
|
Post: #51
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-08-2007, 09:05 AM
Parent: #34
الحبيب عثمان موسي ..
ياخي أنت أخي وصديقي من أمس واليوم إلى يوم الدين ..
شكراً ليك وأنت تتحفنا بمداخلتك ووجودك معنا ..
أها بي كلامك دا أنت رجعتني لي حتات ما كنت لأنساها الحلة بساطة أهلنا ..
التفاصيل اليومية الحلوة مرقة الصباح تمرين العصر شاي المغربية واللمة في الحوش الكبير مع ناس البيت أو الأصحاب ..
ربنا يعينك أخي عثمان على الغربة ويرجعك للوطن والأهل سالماً ويقدرنا ونكون عند حسن الظن ..
| Quote: اقول ليك يا معتصم انته بى طريقتك دى يوم بتكتل ليك زول |
غايتو الميتين ومجرسين كتااااااار كدي شوف ناس بدري ديل
دم طيب وبألف خير ..
|
Post: #50
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-08-2007, 08:48 AM
Parent: #28
تعرف يا هالك زمان دي زي كأنك حاضر زمن كرومة وسرور تقول لي بسمع الأغنية دي عند معتز صباحي ..
الله يجازي محنك يا أساسي كشحة الموية خلتني أموت من الضحك ياخي مزيعينا ديل الواحد عايز يشكح فيهم برميل عديل كده يمسكوا ليك البرنامج (يلولوو) فيهو لمن الضيف والبره يزهجو وعجبتني ليهم من عمك خليل أداهم المفيد طوالي ..
غايتو المرقك وخلاك تتفلهم علينا كده يمرق بدري وتمبس ..
بعدين الأحاسيس والحاجات الزي دي ما شغلة عزابة لوحدهم ولا مرحلة بتمر على الإنسان ممكن تكون عند المتزوجين برضو جديد وقديم من زمن جدي ..
هسي عليك الله جابك كلامي ولا جابتك الأغنية براك متوجع وممكون لكن شنو قلت أفكها في الخلق دي عالم جبانة بشكل ..
Quote: اها الايام دي اسالني الاغنية البتخليك ترقرق شنو؟
بدون ما اتلفت حاقول ليك المنلوج حق فرقة الهيلاهوب ..قروشي اسع ناو ... |
|
Post: #33
Title: Re: بين تراتيلي وخشوعي عشت راهـب ..
Author: د.محمد حسن
Date: 03-06-2007, 07:47 PM
Parent: #1
معتصم يا رهيف
ويا شفيف
ينصر دينك
|
Post: #52
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-08-2007, 09:37 AM
Parent: #33
يديك العافية يا دكتور ..
إن شاء الله دائماً مبسوط وسعيد ..
الرهبنة دي موضوعه طويل ومشوار شاق من الـ...
الله يعينا بس ..
|
Post: #35
Title: Re: بين تراتيلي وخشوعي عشت راهـب ..
Author: أبوذر بابكر
Date: 03-06-2007, 07:59 PM
Parent: #1
إحذروا الأمانى
فإنها قد قتلت أخاكم اباذر
ولا هو كان البرد
ما بتفرق برضو يا حاج
كله هلاك
وأوصيك، وكل مالكى الأمنيات، ونفسى
بتجنب الولوج إلى لجة التمنى، خاصة لما يكون عاصى
اللهم قد بلغت
طيب
عايز أقول ليك شنو تانى
إنت زول "بتعرف تضوق" الحاجات العجيبة فعلا
إنت قايل يا معتصم الغنا والمزيكا السمحة بسمعوهاب "الإضنين"
أبدا
ديل الشى منهم لازم تضوقو ضواقة شديدة
وتبلعه طوالى بدون لواكة
لو ما مصدقنى أسأل صاحبك المهلك المدعو "تمبس"
وخليل ده زول فنان جد جد، يعنى مطرب
وفى الختام
تحياتى إلى جميع من هم بطرفك، وأخبرهم اننا لا نفقد سوى "عدم" رؤياهم الغالية
واقعد سعيد وطيب
|
Post: #54
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-09-2007, 02:44 AM
Parent: #35
ضقنا يا أبا ذر وإتوجعنا ..
إنت قائل النحن فيهو دا من شنو ؟..
ما من جنس الحاجات الزي دي وكتاباتكم البتكتل عديييييل ..
تعرف يا مطر مرات كده بكون محتاج لحاجة (أدسى) فيها أي حاجة فيها حنين ..
طوالي بمشي أفتش في الحاجات المستخبية الزي دي وهاك يا وجع ..
وبعدين سجن سجن غرامة غرامة إن شاء الله ما مرقنا منها ..
تاني أي حاجة ولا الأماني دي ولا الأحلام وخصوصاً بتاعت اليقظة ديك ..
أها دي بتوديك في حتات يمرقك الله منها انت قائل البرد بكتل ليهو زول ..
أما إذا دار محور سؤالك عنا وبقية العصابة فهم بخير كل واحد ماسك على كتف الغناء ومتوسد بالأماني عشان كده ضياع شديييييييييد وخسوساً المدعو تمبس الله لا وراك حالتو تحنن الكافر أما رئيس العصابة شتات مفقود مفقود ..
بلغ تحياتي لكل من بطرفك ..
والسلام ختام ..
|
Post: #36
Title: Re: بين تراتيلي وخشوعي عشت راهـب ..
Author: ismeil abbas
Date: 03-06-2007, 09:05 PM
Parent: #1
أخونا/الظريف معتصم دفع الله .....
وينك يا راجل من يوم المكالمه مع عادل جباره تانى ما سمعنا ليك خبر لعل المانع خير.
وبعدين إنت مالك ومال ألألم ياخى ومدخل نفسك فى حته ضيقه مع غنا المبدع خليل إسماعيل.وأوعاك تبقى راهب. ألرهبنه ماكويسه ما بتخلى الناس تعرس.
تحياتى ومر يا ظريف.
|
Post: #56
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-09-2007, 03:03 AM
Parent: #36
أخونا الحبوب إسماعيل سلام وشوق ..
معليش شوية مشاغل والله حرمتنا منكم ..
ليلة أمس كانت جميلة ورائعة بكم إستمتعنا بوجودنا بينكم ..
بعدين قصة الرهبنة دي طويلة وليها حكي كل قصة فيها مختلفة عن التانية ..
فيها أشياء خاصة وذكريات وصحاب ورحلة طويلة ..
أصلو الألم فات مننا وين عشان يجينا تاني الفرح عندنا مسكن مؤقت للألم سرعان ما يتلاشى بوجود من نسعد معهم ..
كده عايز تقوم علينا المواجع لغاية كده كفاية والله ما بنقدر ..
يديك ألف عافية ..
|
Post: #37
Title: Re: بين تراتيلي وخشوعي عشت راهـب ..
Author: خالدة البدوي
Date: 03-06-2007, 10:49 PM
Parent: #1
يا الله عليك يا معتصم
عندما نتوسد مقطوعة خليل اسماعيل
بأداء المجموعة المتفرده من المبدعين
لها رونق خاص يفعم الروح بمذيد من
الشجن ،،
ونطوق الاماني العذبه ونشاركها الرقص
وحيالنا الأمل يتبسم ينبيء باتساع
مساحات الفرح والامل الكبير لتحقيق
أجمل الاحلام ،،
الحزن النبيل يطفي كميات من الالق
ويطقى التفأول ،،
دوماً جميل ،، داوم على الجمال ،،
تخريمه / بدري خلينا مع الذكريات الخالده وانسى
العمل العام ونحن في حضرةالأماني العذبه..
أحلى صاح ...
بالمناسبه المجموعه كلها حلوه ...
تسلم يا جميل ..
مودتي ،،
|
Post: #38
Title: Re: بين تراتيلي وخشوعي عشت راهـب ..
Author: خدر
Date: 03-07-2007, 00:50 AM
Parent: #37
| Quote: أخبار العمل العام شنو ياخي؟!! |
| Quote: تطير عيشتنا نحن شبكتونا منظمات العمل المدني والعمل العام لمن مرقتونا من العرس زاتو .. |
| Quote: مع التسعة جكسويات الاتذكرتهن |
Quote: واجي اتطمن عليها كل صباح زي العايزه تزيد لي ..
|
Quote: تعرف الموج دا كان جاء هنا ..
يخت ليك طوبتين ويقول ليك ريثما أعود .. |
واااااااااااااي بطني
الله يضحكم زي ما ضحكتوني الليله يا اولاد طويل العمر آلـ منو داكـ*
تعرفوا انا بقراء و بضحكـ لمن صحيت الجيران
المهم
ونستكم لذيذه .. شكرا يااوغاد علي الجمال و الصحبه اللذيذه
في هذا المساء البارد و المالذيذ
معتصم
ناس العمل العام ديل لو باريتهم ببقوكـ ككو
ركز في انثي لذيذه تنسيكـ قحطـ الربع الخالي و غدر الكفيل
انثي تدفع الدم الحار في عروقكـ التي اظنها قد تكلست جراء
صُحبة العوام و متلقي الحِجج
______________________
* (بالمناسبه.. انتو الملكـ ع.الله ده برضو آلـ .. سعود ؟)
|
Post: #60
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-10-2007, 08:35 PM
Parent: #38
إن شاء الله دائماً مبسوط وسعيد يا طارق ..
نحن السعيدين بي طلتك الحلوة علينا دي ..
أها يا خدر النفط ليك العمل العام دا وأجي لغاية ناس (العوام) ديل ..
ياخي الناس ديل ودروا زمتنا عديل كده وبقينا بين بين ..
لا عرسوا ولا بيخلو خلق الله تعرس شفت جنس المغصة دي ..
اها كلامك دا ما بخليهو يقع واطـة والناس ديل فراق الطريفي بس ..
يا غرق يا جيت حازمه
خليك معانا يا صاحبي ..
|
Post: #58
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-10-2007, 07:51 PM
Parent: #37
تعرفي يا خالدة الأماني دي إتعذبت معانا اليومين ديل ..
عشان كده أنا سميته الأماني المعذبة مننا ..
حاولت أدخل جوة كلماتك دي وألقى لي متكأ فيها ..
الشجن ..
الأماني العذبة ..
الرقص ..
الأمل والبسمة ..
مساحات الفرح ..
أجمل الأحلام ..
أدتني رقراق ضوء وطاقة أمل أدخل بيها لحاجات أجمل ..
وإنو مهما يكون من حزن هناك فرح مؤجل قد يأتي اليوم أو بعد حين ..
والفرح الأكبر هو وجودنا معكم ..
شكراً جميلاً ..
|
Post: #39
Title: Re: بين تراتيلي وخشوعي عشت راهـب ..
Author: Mannan
Date: 03-07-2007, 01:28 AM
Parent: #1
حلو شديد...
واحلى من خشم سيدو...
هل من رابط عشان نحتفظ بالدندنة الجميلة دى.. لمقاومة التصحر العاطفى.. والاحتفاظ بالوطن المجاز فى عروقنا.. من جور الغربة والزمن؟؟؟
طلب بسيط.. من راهب فى محراب الخليل..
منان
|
Post: #59
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-10-2007, 08:02 PM
Parent: #39
مرحب بالراهب منان ..
ياخي ربنا يخفف عنك آلام الغربة ويرجعك سالم للوطن والأهل ..
تعرف زي الحاجات دي بتجدد الحنين وتثير الشجون وذكريات حلوة مع الأحباب ..
وعشان طلبك والاخ مجاهد وكل الحلوين ..
إليك بلنك الحفظ ..
وخالص مودتي ..
|
Post: #43
Title: Re: بين تراتيلي وخشوعي عشت راهـب ..
Author: حمد فتح الرحمن
Date: 03-07-2007, 12:23 PM
Parent: #1
| Quote: يا عمي المسالة دي مطبوخة من ( بدري ) .. بين تراتيلي وخشوعي دي جات عابر سبيل .. |
عابر سبيل !!!
و انا اقول النسخة التالتة ( الكنتا فاكر انها حقت وليد ) مشت وين 
بلاي يا تمبس لو عندك تفاصيل اكتر عن التراتيل و الخشوعات دي اسعفنا ،
اللتنين ديل لما سالتهم قالو لي دا موضوع ما بخصك 
|
Post: #62
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-11-2007, 00:45 AM
Parent: #43
انت يا حمد (سغالتك) دي اصلو ما بتخليها
أمانة في زمتك دي الغتاتة عندنا ولا عندك ..
اها في زرزة كانت أمس صاحبك ما اتحمل قد السلك وكتل ملف ..
ونكر كلامه حق يوم الخميس وغير في أقواله ( مجرم حرب نسوي شنو )..
أرقد عافية يا صاحبي ..
|
Post: #44
Title: Re: بين تراتيلي وخشوعي عشت راهـب ..
Author: يوسف السماني يوسف
Date: 03-07-2007, 01:10 PM
Parent: #1
معتصم الشفيف
سلامات
Quote: عندما أمتطي مخيلتي ..
تعود بي دوماً ..
إلى فيضٍ من الذكريات ..
تتجمل فيها معاني الإلفة .. |
ياحبيب ترجل عن صهوة مخليتك وامتطي صهوة حــ ........
معتصم بطل الجرسة وتعال بالباب امبارح خليناك كويس الليلة الهيج اشواقك شنو .
الرئيس ابوجهينة تعال نشوف حل لحالة معتصم وتمبس وانت عارف تمبس مابصرح بس كمل اجتماعتنا كلها تلفونات ولمن تفيض بية يسك ليك نجوم الغد .... الجماعة ديل عشان يكونو زينا كدا لابد من ربطهم ....... ولا رايك شنو ياريس وما تنسا ادريس علم الهدي جاهز بالمشروبات وخالد سعيد بكرة بقول ليكم يالا حفلة وطارق عبدالطيف بجيب الاستراحة والموضع تم عشان تاني تلاقاهم بلا مخيلة .
|
Post: #45
Title: Re: بين تراتيلي وخشوعي عشت راهـب ..
Author: Mohamed Abdelgaleel
Date: 03-07-2007, 01:19 PM
Parent: #44
Quote: عندما أمتطي مخيلتي ..
تعود بي دوماً ..
إلى فيضٍ من الذكريات ..
تتجمل فيها معاني الإلفة ..
والشــوق والحنين ..
إلى من تتوهج فينا عشقاً ..
يظل رمزاً نقتدي به ..
فينير كل الصباحات إشراقاً ..
وإلى من شاركني ذكرياتي ..
فتظل أيضاً حلوة بكم ..
|
المعتصم ..
"من أستطاع منكم الباءة فاليتزوج"
وأيضا سيبقى إمتطاء المخيلة
وارداً ..
|
Post: #64
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-11-2007, 02:55 AM
Parent: #45
يا محمد عبدالجليل ممكن أتصل بصديق ..
أو ممكن تغيير السؤال مع حزف إجابتين ..
وبرضو إمتطاء المخيلة وارد ..
يديك ألف عافية يا حبيب ..
خليك قريب ..
|
Post: #63
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-11-2007, 02:31 AM
Parent: #44
يا يوسف عايزين تورطوني مش كده ..
لا دي تلقوها عند الغافل
أنا زاتي زيك مخيلتي دي ما عارف إمتطيته كيف بس لقيت نفسي كده ..
وهاك يا كلام وذكريات لمن حرقت روحي زاتو وهيجت علي أشجان ..
جبت سيرة البحر هسي نقوم نقلبكم لجنة تزويج البورداب بالرياض ..
بعدين وزراك ديل ما بقصرو خاتنهم للكبيرة بس قول لطارق نقد يمرق منها ..
الله يجازي مخيلاتكم ..
|
Post: #46
Title: Re: بين تراتيلي وخشوعي عشت راهـب ..
Author: Badri
Date: 03-07-2007, 06:18 PM
Parent: #1
| Quote: بالمناسبه المجموعه كلها حلوه ... |
خالدة سلامات يا رائعة
تعرفي يا خالدة أي حاجة جميلة من لحظة ميلادها بتكون عارفة طريقها للناس الجميلة يعني أبداً ما محتاجة لزول يدلها على الطريق أو زول يحملها وحدها تشق طريقها لأهل الجمال.
جميلة يا خالدة
عندنا عمل عام بجايي ياخي ما تدونا طلة وبالمناسبة خالتي بتسلم عليك
Quote: ابو خلة ما كضب ولا اتلفت ولا جامل وجدع جدعته بدون ترددوقال:
اولا انتو ما عندكم موضوع بتناقشوا زي الحاجات دي .. قال ليها الناس حرين يعرسوا بطريقتهم ويسكنوا وين ما هم عاوزين بالله شوفوا مواضيع تانية وخلوا الناس تعيش في حالها ... |
يا دباب ياخي والله الشوق من هنا لجدة مشي كداري تعرف البوست دا بناسه الجميلين ونغمه الجميل وسيرة ابو خلة العطرة والأجمل يعتبر استراحة عمر تعرف يا اساسي الزول لما يكون فنان وصاحب حس مرهف لدرجة عمك ابو خلة بكون ما عنده استطاعة انه يتحمل أي شتارة في أي حاجة وبيني وبينك التلفزيون فيهو شتارات كتيرة ويتخيل لي دا سبب عزوف عمك المرهف دا عن التلفزيون رغم تألقه في سهرة من ليالي النغم مع طارق جويلي وبمناسبة ليالي النغم دي احيلكم يا صاحب الفخامة لسهرة أخرى مع أبوي محمد الأمين أسأل منها صاحبي البكاي دا و كيف حضن العود وهو بقول الغريبة الساعة جنبك تبدو أصغر من دقيقة تعرف يا دباب لحظتها حتعرف قيمة البكاء والجرسة بتاعت صحبك العذابي دا
يا صاحب امبارح بحضر في زواج الملك محمد السادس بتاع المغرب خطرتا ببالي فجأة ما عارف ليه؟!!!
| Quote: بالمناسبه.. انتو الملكـ ع.الله ده برضو آلـ .. سعود ؟ |
خدر ما تهظر هظار ذي دا ياخ
خليك قريب يا جميل
| Quote: و انا اقول النسخة التالتة ( الكنتا فاكر انها حقت وليد ) مشت وين |
شفتا يا مو ابن عمي دا زمان كهربتو كانت بتفصل بليل بس أسي بقت فاصلة طوالي وعنده قريبه هيثم ضرار سد مروي تاني ما ينوره
|
Post: #47
Title: Re: بين تراتيلي وخشوعي عشت راهـب ..
Author: اساسي
Date: 03-07-2007, 06:39 PM
Parent: #46
تعرف يا بدري يا مسكين (مسكين دي جاية من انك ما دخلت دنيا لسع) شاءت الارادة اني احضر ليك زواج الملك حمادة بتاع المغرب علي الصاروخ المن عامة الشعب دا ... لسؤ الحظ ما جيت في بالي انت ..
اصلا الوقت داك مافي اي فرقة تجي في بالي يا بدري ... لكن لو قلت ليك الجا في بالي لحظتها شنو ما اظن يفضل فيكم زول في البوست دا 
لكن ما حاجة مستغربة اني اجي في بالك عندما تاتي سيرة الملوك ...
|
Post: #48
Title: Re: بين تراتيلي وخشوعي عشت راهـب ..
Author: Badri
Date: 03-07-2007, 06:49 PM
Parent: #1
| Quote: الصاروخ المن عامة الشعب دا |
تعرف ياخينا عامة الشعب دي ما قدرتا أبلعها خالص لأنه ما ممكن دي تكون من عامة الشعب ودكين من عامة الشعب ممكن تقول الشعب عامة ياخي دي ما فضلت فيها شعب خالص ... أظن انه دي تحديداً هي من يبحث عنها المشرد دكين.
|
Post: #49
Title: Re: بين تراتيلي وخشوعي عشت راهـب ..
Author: أبووجيدة
Date: 03-07-2007, 08:00 PM
Parent: #1
... يا ممسوك من وجعك وساكت ...
أعرف بأنك دوماً تمتطى روعة الأشياء التي تزدان بريقاً ووهجاً ... وأعرف أيضاً إنها ستظل في الحنايا خالدة بكل تفاصيلها ... لذا كل ما آمله أن تكون بحجم هذه الذكريات الخالدة بكل تفاصيلها ... فـأنت تشرق كلما خبا بريق التواصل الصوري في زاوية خاصة من العقل ترسل خطوط الضوء على متحف الماضي في تواتر شريط الأحداث عبر الأيام والشهور والسنين بتسامي روحي وبذات الوجد والشجن المطل من شرفاتك كالقمر على رمل ساحل الهيام.. فأثر الأقدام عليها باقي دقيق التفاصيل فما كان الخطو إلاّ لعمق التواصل في سوح خضر وروض حفل بكل الطيوب وبألوان حضورك الزاهية وأنت تحتل كل المساحات ..
طائر الذكرى يسافر عبر زمانك وسُحب الحنين تمطر شوقاً والبرق يضئ دياجير الزمان ويكشف ظلمة السنين وأنت تبتسم خلف ستار وضعته الأيام بمضيها .
|
Post: #68
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-11-2007, 05:13 PM
Parent: #49
من وين أقولك وأبتديك يا صديقي ..
وانت في جوة الأماكن ضاوية صورتك وفينا ساكن ..
دوماً تخضر مساحات الأمل القادم ..
دعنا نرتشف الكثير من حروفك الرائعة ..
ولا تحرمنا من طلتك علينا ..
ودع طائر الذكرى يسافر عبر زمانك ..
شكراً أبو وجيدة ..
|
Post: #53
Title: Re: بين تراتيلي وخشوعي عشت راهـب ..
Author: 3mk-Tango
Date: 03-08-2007, 09:43 AM
Parent: #1
تاباها مملحة تكوسا ناشفة ...
قال راهب قال .. راهب لا وائل ...
ارسكم ؟؟؟
.
|
Post: #69
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-11-2007, 05:26 PM
Parent: #53
يا وائل يعني شلتها ورميته فيني ..
ما أنا ماسك (خشمي) دا وساكت كدي شوف صاحبك الموجوع داك ..
بعدين يا عمك أنا شكلي ح أغير رأيي وأتجه شرقاً زيك ..
والمره الجاية في طرفك سجن سجن غرامة غرامة ..
أرقد عافية ..
|
Post: #55
Title: Re: بين تراتيلي وخشوعي عشت راهـب ..
Author: محمد عثمان
Date: 03-09-2007, 02:52 AM
Parent: #1
الاخ معتصم...
شكرا للاغنية الجميلة..!!!
التى لم تكن بكرة فيها الا اضاءة
خاافتة وسط عتمة الجرااحاات و الانكساارات..
شااعر هذه الاغنية و الذى كتب سوات العااصفة
بساق الشتيل الني و المرساال و غيرهم...
ابو قطاااطى الذى نثر الدرر وجمل امسياتنا
و طرز فيها كل الواان الجماال...الذى كتب:
صعيب و صفك لانك هاالة و كلك ضى
و فوقك هيبة واجمل قاامة و اسمح زى...
يرقد الان طريح الفراش يعاانى من قلة الحيلة..
و هكذا يموت الابدااع فى بلاادى و لا حيااة لمن تناادى..
كل مودتى...
|
Post: #57
Title: Re: بين تراتيلي وخشوعي عشت راهـب ..
Author: Osman Musa
Date: 03-09-2007, 03:37 AM
Parent: #55
أخى معتصم سلام يا خليل الخليل
كل ما أ جى من الشقل والمعافره العبيطة أجى أدخل معاك ألى الراهب
فى صومعته ألهادئة ألقايمة بين التلال .. أستمع الى ألتراتيل فى خشوع ..
والخليل على الروابى .. ألاودية تردد صدى صوته
ونحن نمتلىء بالمسرة وألشوق وألحزن .. لعن الله أبو الرحيل...............
تحيات من هنا لى الرياض
اخيك عثمان
|
Post: #61
Title: Re: بين تراتيلي وخشوعي عشت راهـب ..
Author: Ahmed Yousif Abu Harira
Date: 03-10-2007, 09:21 PM
Parent: #57
الأخ/معتصم دفع الله
أنا متابع لهذا البوست الذي اتخذ من أنشودة الجمال والبهاء عنوانا له .....
وخليل اسماعيل من الفنانين الكبار وهذه الاغنية من الأغاني التي تلامس الوجدان الانساني مباشرة... كيف لا وقد تكاملت فيها عناصر النجاح الثلاث من حيث الكلمات واللحن والأداء...
نادر خضر أدى الأغنية بطريقة جميلة جدا ، لكن يا ريت برضو لو تقدروا تنزلوها لينا بصوت الفنان الخليل شخصيا ...
ولك دوام المعزة والتقدير
|
Post: #74
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-13-2007, 00:47 AM
Parent: #61
الحبيب أحمد أبوحريرة ..
تحياتي وتقديري ..
شكراً لكلماتك الطيبات وزي ما بيقولوا سمح الغناء في خشم سيدو ..
حقيقي أنا من المعجبين بالفنان خليل إسماعيل وأغنياته تطربني جداً ..
ولأغنية الأماني العذبة وقع خاص في نفسي تبث فيه الأشجان وتهدّيني موسيقاه ..
لا أخفي عليك إنو الشباب أدوها بطريقة جميلة وحلوة لذلك قلت أشرككم معاي لنسمعها بشكل جديد عند الشباب ودا في حد زاته إحتفاء بالفنان خليل وتقديراً له ..
وعلى وعد مني أن آتيك بها بصوته إن شاء الله ..
أتمنى ليك إقامة طيبة في البوست دا وإستماع وراحة بال ..
لك كل الود ..
|
Post: #71
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-12-2007, 06:31 PM
Parent: #57
زي كلامك دا يا عثمان بضخ الدم في عروقنا من تاني ..
معاً نردد تراتيل العشق الأبدي ..
ونسبّح بحمد محبتنا وصحبتنا ونستمع في خشوع لسيمفونية الخليل ..
لك الله يا عثمان ..
دم في أمان الله ..
|
Post: #70
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-12-2007, 04:37 PM
Parent: #55
الأخ الحبيب محمد عثمان ..
تحياتي وتشكراتي للمداخلة اللطيفة ..
أحزنني سماع خبر مرض الشاعر الكبير أبوقطاطي ..
وهو الذي كتب أجمل الأغنيات التي تغني بها وردي وخليل إسماعيل وزيدان ..
مرات كثيرة نغفل كتابة إسم الشاعر وهذا لعمري خطأ كبير نتمنى أن لا يتكرر ..
ونتمنى معك أن تزول العتمة وتشفى الجراحات ويحل الفرح مكانهما ..
ولن يموت الإبداع طالما في أناس مثلك يحفظونه داخلهم ..
لك مني كل الود ..
وأجمل المنى ..
|
Post: #65
Title: Re: بين تراتيلي وخشوعي عشت راهـب ..
Author: أبووجيدة
Date: 03-11-2007, 05:24 AM
Parent: #1
يــا بدري ..
منو الغيرك ممسكوك من وجعو وساكت
وينك وإنت لقيت شنو كُل يومين جاي الرياض !!!
عايز أفهم .
|
Post: #66
Title: Re: بين تراتيلي وخشوعي عشت راهـب ..
Author: Raja
Date: 03-11-2007, 06:46 AM
Parent: #1
معتصم يا راقي..
الزول بقى بس يباري بوستاتك عشان الحاجات الخطيرة البتجيبها..
سلامي وسؤالي عن الأحوال كلها..
ودي
|
Post: #75
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-13-2007, 02:25 AM
Parent: #66
رجوية الغالية ..
كده ممكن نقرأ تراتيل الرجوع ..
ونقف خشوعاً وترحيباً بك ..
بعودتك يا رجاء عاد للمنبر ألقه عادت الأيام الحلوة وجميلة ..
عاد الحكي السمح وليت البقية تأتي ..
يلا ندعو معاً كل الطيور المهاجرة وأظنها الآن تحلق على مقربة ..
لتحط رحالها هنا كما كانت تفعل من قبل ..
شكراً رجوية مره تانية وتالتة ..
دائماً خليك قريبة ..
لك كل الود ..
|
Post: #67
Title: Re: بين تراتيلي وخشوعي عشت راهـب ..
Author: AlRa7mabi
Date: 03-11-2007, 07:00 AM
Parent: #1
معتصم...
إنت ما عارف في ناس رقرار دموعا واقف بي طرف أصابعينا على حافة رومشا!!
|
Post: #76
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-13-2007, 02:35 AM
Parent: #67
يا اللللللللله يا رحمابي ..
ومنو القال ليك دموعنا ما بترقرق بي شوفتكم ..
يعلم الله جيتكم دي بالدنيا كلها ..
أدخلتم السرور إلى قلوبنا وفتحتوا طاقات الأمل من تاني ..
كيفك يا صاحبي وكيفك المعاك ..
تعرف حينما رأيت أبا ذر قلت أكيد جورج ح يجي ومعاه رحمابي وأهي رجاء برضو هنا ..
والآن أرى بين الجموع شتات يمطى صهوة حروفه ويتحفنا بها ..
شكراً ليكم جميع لأنكم هنا في صموعتي دي تأكدون صدق مشاعركم ومحبتكم لبعض ..
جمل الله أيامكم ..
دم في حفظ الله ..
|
Post: #72
Title: Re: بين تراتيلي وخشوعي عشت راهـب ..
Author: شتات
Date: 03-12-2007, 08:55 PM
Parent: #1
تراتيل ..
خشوع ..
راهب ..
ودير !!!!
لسة يا ابو الدفاع .. بتحن وتوسدنا الغنا ..
..
لسة مع الشوق والخشوع ..
والمسافة التي أورثت شراعك الرياح ..
لمتين مواعيدك سفر ..
لمتين خواطرك غنا .. وذكرى أيامك خوالي ..
..
جميلة هذه التراتيل .. كأخواتها ..
كلو موكب تاريخي .. وحافل ..
لكن منو المرسوم حقيقة وما خيال ..
منو البترجم الطلسم ..
ويخت النقط فوق حروف الروح ويترجل ..
..
والرياحين ..
.. يا سلام !!
لكن وين الرياحين يا ابو الدفاع ؟ في البحيرة في معرض الخرطوم الدولي .. في الجزيرة في صراية المفتش .. في جنينة العمدة في قيفة الأزرق النشوان .. وللا في البال الصبح غلبان ..
لعلها ..
لعلها .. وما دهاها ..
وقوفاً بها صحبي على مطيِّهم .. .. يقولون لا تهلك أسىً وتجملِ
..
بكرة ..
بكرة تتحقق أماني ..
والفؤاد يرتاح ويتبسم زماني ..
والسعادة تكون جزاء صبري وصنيعي ..
حلم بكرة .. وذكرى أيامي الغوالي ..
..
حلم بكرة .. وذكرى .. يااااه
اليوم .. أمس .. وغداً ..
فتىً بين ماضٍ ومستقبل .. لحظة بين زمنين وما خفي أجمل ..
أيها الأجمل ..
ساقيك شادوفك .. وليلك قمر ..
الرياحين شذى يومك .. وكذا باقي العمر ..
ودي لـ بدري في محاريبه :
يا بدري :
تسلق كل صخــرٍ ..
وأعبر كل نهــرٍ ..
ولاحق كل قوح قزح ..
حتى تعانق ذرى الأحـــلام ..
.. ريح العبير لك .. والكتاحة للخناشير
ولـ حمد فتح الرحمن في عوالمه اشتياق ..
لخالد تنقو في دهاليزه ارتحال ..
وللجنرال محمد عبد الجليل شوقين ونيل ..
ولك يا موو كل الود ..
صلاح / شتات
|
Post: #73
Title: Re: بين تراتيلي وخشوعي عشت راهـب ..
Author: Mohamed Abdelgaleel
Date: 03-12-2007, 09:57 PM
Parent: #72
شفت كيف يا معتصم .. تراتيلك جابت
شتات من الآخر .. لم يأتي به الخشوع
هذه المرة، فقد جاء متأبطاً سوابقه .. وكلامو البشق
القلوب قبل الجلود .. بحروفه الزُرق ..
فبقدرما يبدع العشاق والمتصوفة .. يظل في تراص
حروف الإبداع أشكال لم تخطر على قلب
بشر .. وكان عمنا البشير من الذين
يسهرون الليالي يحوك المعاني يقرأ
ويضحك .. يضحك ويكتب ليقرأ ويضحك
لا يعتريه التعب ولا تغشى عواطفه
الهزيمة .. قال عندما بلغ السبعين .. آه
لم أراها إلا الآن .. قال أنه سعيد بها
حد الرغبة في البكاء .. رغم مجيئها
المتأخر ، لقد كان مشتاقاً والشوق لا
يعرف الشيخوخة .. يتجدد مثل الأنهار
والنسائم ومثل حركة كل الدوائر .. و
وا شناة طبع الكبير وكتين يحب ..
وبهذا أكون سحبت إجابة .. والثانية
تم كشفها في مداخلة شتات .. ولم يبق
لك إلا أن تقول:
غرناطة وصحت قرون سبعة في تينك العين بعد رقاد
فأوغلوا برفق .. فالحلاج لم يطلب العفو .. بل
قال: أقتلوني تؤجروا .. وأبن الفارض بلغ تمامه
عندما صارت جباله دكا ..
آنست في الحي نارا ليلا فبشرت أهلي
قلت أمكثوا فلعلي أجد هداي لعلي
نوديت منها فكانت نار المكلم قبلي
فصارت جبالي دكا من هيبة المتجلي
وصرت موسى زماني مذ صار بعضي كلي
الرفق واجب ..والأرض تستعيد أجزاءها ..
التي حلقت والتي فرحت والتي عضها الحزن .. فلماذا
(يقرفص البعض على الناس بلا رسالة) .. عقل
وقلب وشفاه .. وأيام تمضي وأعمار قصيرة
وفرح تنتهبه الأحزان من أطرافه .. فعيشوا
رهباناً إن شئتم .. ورددوا مع رابعة:
قلبي يحدثني بأنك متلفي
روحي فداك عرفت أم لم تعرف
|
Post: #77
Title: Re: بين تراتيلي وخشوعي عشت راهـب ..
Author: Osman Musa
Date: 03-13-2007, 03:17 AM
Parent: #73
صلاح شتات
ومحمد عبدالجليل
ومعتصم والرياحين ..
سلام شديد يا جماعه.
متين ومتين تتحقق الامانى ؟
ومتين يطيب جرح القلب ويبتسم الزمان ؟
لقد هربت السعادة يا شتات فى الشتات
وضاع الحلم ما بين بروكلن ومرحاكة السفر ( الكعب)
يا.....
عثمان. تحياتى
|
Post: #79
Title: Re: بين تراتيلي وخشوعي عشت راهـب ..
Author: شتات
Date: 03-13-2007, 04:32 PM
Parent: #77
تعرف يا عثمان ..
أجمل شي الواحد يكون عايش في الدنيا دي على الهامش .. يكون خفيف المتاع .. وما عندو أي شي يخسرو ..
أجمل شي الواحد يعيش الدنيا وكأنو في رحلة نيلية زي أخونا صديق الموج ..
أو كأنها قصة قصيرة .. زي أخونا كبسيبة
أو قصيدة .. زي ابوذر المطر
لكن لو قعدنا نتكلم عن السعادة وما أدراك مع السعادة .. بناكل نيم .. ونقوم نمشى مع المثاليين الودوها في مكان عالي جداً في السماء .. أو مع الماديين الختوها في مكان منخفض خالص في الأرض وهي لا بت السماء ولا بت الأرض .. هي بنت الانسان لكن ما عارف يلم فيها كيف ..
لأنو السعادة مشروع كبير بيتكلم عن سنين وعمر وبرنامج طويل المدى .. عشان كدة القصة بتكون موضوع معقد .. لذلك يخيل لي التعامل مع الدنيا حقو يكون حسب مقتضى الاستهلاك اليومي .. يعني تشوف بوست زي بتاع معتصم دا وتسمع أغنية جميلة .. أو تمر بصدفة حلوة وتتعرف على واحد لطيف زي عثمان موسى .. أو تستقبل مكالمة حلوة .. أو تلاقي في الشارع زول/زولة جميلة يكون يومك استوفي مشروطية السعادة أو ما يكفي لاكتمال الروعة .. بعدين يخيل لي السعادة روعتها في البحث عنها .. يعني زي الإنسان الكامل ومشروع الإله الذي لا يكتمل .. يعني تستمتع بالرحلة بغض النظر عن أمكانية الوصول .. والقصة شعور خاص .. ومسرح ذاتي .. وأقصى استغلال للموارد العاطفية المتاحة في المحيط النفسي والطقس الاجتماعي .. وكدا
وممكن استاذنا محمد عبد الجليل يفيدنا اكتر هنا .. وانشاالله ما يكون طلعنا خارج النص..
شكراً ليك يا عثمان ..
والواحد سعيد بانو اتعرف عليك وأهو يومنا كدا بقى قشطة ..
 وبرضو نقول :
بكرة تتحقق أماني ..
والفؤاد يرتاح ويتبسم زماني ..
والسعادة تكون جزاء صبري وصنيعي ..
حلم بكرة .. وذكرى أيامي الغوالي ..
بالله يا معتصم تحياتنا معاك لـلأخت العزيزة رجاء العباسي واخونا الرحمابي أصدقاء الزمن الجميل على بال ما نتلاقى على مهل ..
صلاح / شتات
|
Post: #83
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-14-2007, 12:06 PM
Parent: #73
أنا مثلك يا محمد عبدالجليل أنتظر هذه الحروف الزرقاء وهذا الشتات ..
لقد إستدعته تلك التراتيل والنغم الجميل فأتي في خشوع يحمل معه كل جميل ..
ليتك وشتات تتحفانا بالمزيد ..
وكما قلت فحياة الحلاج في مماته وهو يطلب ذلك ولم نفعل نحن بل هي لوحدها هكذا ..
وتظل إحدى الإجابات معلقة مثل ما نحن ..
وأظل في محرابي راهباً كما خليل وأبوقطاطي بين التراتيل والخشوع ..
لك كل الود ..
|
Post: #78
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-13-2007, 09:30 AM
Parent: #72
مين غيركم يا شتات أعطى للنجم البريق ..
مين غيركم يا شتات يمنح الوردة الرحيق ..
مين غيركم يا شتات أفرد للحلم الشراع ..
مين غيركم يا شتات أعطى للموكب طعم الإحتفال ..
مين غيركم يا شتات يضع النقاط على الحروف ويترجم طلاسيم الكتابة ..
مين غيركم يا شتات يرسم الحقيقة على اللوحة ويمنحها الألوان ..
Quote: والرياحين ..
.. يا سلام !!
لكن وين الرياحين يا ابو الدفاع ؟ في البحيرة في معرض الخرطوم الدولي .. في الجزيرة في صراية المفتش .. في جنينة العمدة في قيفة الأزرق النشوان .. وللا في البال الصبح غلبان .. |
أها بالكلام دا حقو يحاكموك بتهمة تهييج الأشجان والذكريات ..
أتقصد بحيرة التمساح وحدائق الهابي لاند في معرض الخرطوم يا صلاح ؟
أم سرايا المفتش ولا جنينة العمدة أيهما يحلو الكلام ؟
الريحاين موجودة أين ما وجد الأحباب ..
معكم يا صلاح تحلو الأماني العذبة ونغني أنشودة الحياة ..
ليتك يا صلاح تكون هنا دوماً ففي حروفك لغة نستمتع بها ..
ولا تضن علينا بها ونحن نعرفك غير ضنين بالوعد ..
لك ولهم كل الأماني العذبة ..
|
Post: #80
Title: Re: بين تراتيلي وخشوعي عشت راهـب ..
Author: Osman Musa
Date: 03-13-2007, 07:04 PM
Parent: #78
كل الرياحين فى صالون معتصم دفع الله . سلام أتخيلكم جميعا يافنانين
. صنعتم فى جميل لا انساه مدى الحياة اخرجتمونى من موج الاطلسى البعيد
الى عالم الشرق النضر العذب الى اهلى..
اقتربت من الرياض والخرطوم وهما فى قلبى مدينة واحدة... جميلات تلك المدن
وانتم يا اصحاب صديق الموج تجملون المدن من هنالى ( صقط لقط )
سلام يا ناس من بلاد المجذوب . والدوش. وابوقطاطى شفاء وعافية يانبيل
وليك كل الامانى العذبه
تحية يارياحين وانتم فى بلادكم الثانية الرياض بطحا نجد. كم داخ فيها الشعراء
حتى قال قائلهم
وتحسب سلمى ما تزال كعهدها
بوادى الخزامى أم على راس أوعال
* * *
اين انا من وادى الخزامى واين انا من الامانى ياشتات
نجد تعرفت فيها على اهلى ونجد هى بلاد سلمى التى ناجاهاغيلان
(وبعدغيلان كمان جو ناس معتصم وشتات والرياحين تمو الناقصه)
سلام . من هنا لى الربع المليان كيف يخلو الربع والامانى فى السماء
عثمان
|
Post: #84
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-14-2007, 06:21 PM
Parent: #80
سلام يا عثمان يغشاك ويلقاك طيب ..
والله أنا سعيد باللمة دي زيك ومبسوط انو كل الحبايب موجودين معانا هنا ..
تصدق انو البوست دا طلّع رهبان كتيرين بس بدون دير ..
رهبان يعشقون الكلمة الحلوة والنغم الجميل ..
جميلة هي كل الأمكنة بكم ورغم بعد المسافة إلا أن التواصل والمحبة يربطاننا ..
دع عنك الهموم وآلام الغربة وأفتح أشرعة الحلم وأبدأ بالأماني العذبة ..
وفي الوطن سيكون الملتقى ..
لك كل الود ..
|
Post: #81
Title: Re: بين تراتيلي وخشوعي عشت راهـب ..
Author: bushra suleiman
Date: 03-13-2007, 08:18 PM
Parent: #1
من أيّ بابٍ سأدخل يامعتصم..
الاغنية الوحيدة الموجودة عندى فى الجهاز للعزيز خليل هى (الامانى العذبة).
وهو الوحيد الذى قضيت معة أشهراً - داخل حوشه الانيق الجميل ومعة العزيز حمد اسماعيل - من اصدق اللحظات وامتعها.
شخص لاتمل الاستماع اليه ، والاستمتاع بما يطلقة من تعليقات ساخرة وشجية فى آن..
فوق ذلك هو من النادرين فى نقده للموسيقى واستماعه لما هو راقٍ من اشكال الموسقى وانواعها..
وهو ابن بلد اصيل وانسان ونقىّ فى تعامله وصادق فى مودته..
يكفى انه الفنان خليل اسماعيل الذى عرفته منذ الثمانينات ، ولازال
هي الذكرى تعود بالمستحيل من بوابة الاستحالة..
معتصم ..أيها الرائع كن كما أنت.
|
Post: #82
Title: Re: بين تراتيلي وخشوعي عشت راهـب ..
Author: salma altijani
Date: 03-13-2007, 08:33 PM
Parent: #81
صوت خليل اسماعيل جابني من آخر الشارع
ازيكم يا جماعة
معتصم دفع الله سلامات
بنرسل امنياتنا العذبة بين تراتيلك وخشوعك
___________
لو عاوزة احفظ الاغنية دي في الجهاز اسوي شنو
|
Post: #86
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-15-2007, 11:39 AM
Parent: #82
تحياتي سلمى ..
ونحن برضو بنرسل ليك سلامنا وتراتيلنا وأمنياتنا العذبة ..
زي الحاجات دي بتوقف حركة المرور والشارع كلو بيكون إنتباه ..
دا الكلام الحلو والنغم الجميل البيشد الناس ويدوزن دواخلهم ..
عشان تحفظي الأغنية دي في لنك حفظ موجود فوق في إحدى الردود مكتوب بالأزرق ..
الأماني العذبة ..
أضغطي على كلك الماؤس الأيمن من فوق اللنك وأعملي حفظ للأغنية ..
كامل محبتي ..
|
Post: #85
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-14-2007, 08:16 PM
Parent: #81
بشرى يا صديق ..
كل الأبواب مفتوحة ليك ..
أدخل وسمى وأحكي وتذكر ..
ما أجملها الذكريات وهي تأتينا منك وكل الكلام عندك ..
أحكي لينا يا بشرى عن خليل وعن أمانيه العذبة كيف كانت بتتراقص حياله ..
ليه دا كلو يا حبيبي ومن يعاتب ؟ تعرف الاغنية دي بالذات عندي معاها غرام شديد عشان كده بقول لي خليل بسحروك نتمنى ليهو الصحة والعافية ..
جميل أنك أتيت بأغنية الأماني العذبة بصوت خليل إسماعيل ..
عندي تسجيل ليها بصوته ولكن إتضح أنه ليس نضيف بما يكفي لإنزالها هنا ..
شكراً ليك كميات ..
دم كما أنت أجمل ..
|
Post: #87
Title: Re: بين تراتيلي وخشوعي عشت راهـب ..
Author: Mohamed Abdelgaleel
Date: 03-15-2007, 02:33 PM
Parent: #85
Quote: أجمل شي الواحد يكون عايش في الدنيا دي على الهامش .. يكون خفيف المتاع .. وما عندو أي شي يخسرو ..
أجمل شي الواحد يعيش الدنيا وكأنو في رحلة نيلية زي أخونا صديق الموج ..
أو كأنها قصة قصيرة .. زي أخونا كبسيبة
أو قصيدة .. زي ابوذر المطر
لكن لو قعدنا نتكلم عن السعادة وما أدراك مع السعادة .. بناكل نيم .. ونقوم نمشى مع المثاليين الودوها في مكان عالي جداً في السماء .. أو مع الماديين الختوها في مكان منخفض خالص في الأرض وهي لا بت السماء ولا بت الأرض .. هي بنت الانسان لكن ما عارف يلم فيها كيف ..
لأنو السعادة مشروع كبير بيتكلم عن سنين وعمر وبرنامج طويل المدى .. عشان كدة القصة بتكون موضوع معقد .. لذلك يخيل لي التعامل مع الدنيا حقو يكون حسب مقتضى الاستهلاك اليومي .. يعني تشوف بوست زي بتاع معتصم دا وتسمع أغنية جميلة .. أو تمر بصدفة حلوة وتتعرف على واحد لطيف زي عثمان موسى .. أو تستقبل مكالمة حلوة .. أو تلاقي في الشارع زول/زولة جميلة يكون يومك استوفي مشروطية السعادة أو ما يكفي لاكتمال الروعة .. بعدين يخيل لي السعادة روعتها في البحث عنها .. يعني زي الإنسان الكامل ومشروع الإله الذي لا يكتمل .. يعني تستمتع بالرحلة بغض النظر عن أمكانية الوصول .. والقصة شعور خاص .. ومسرح ذاتي .. وأقصى استغلال للموارد العاطفية المتاحة في المحيط النفسي والطقس الاجتماعي .. وكدا
وممكن استاذنا محمد عبد الجليل يفيدنا اكتر هنا .. وانشاالله ما يكون طلعنا خارج النص.. |
الكلام ده داير قعدة يا صلاح .. وانااسترق
لحيظة من وقت العمل وصاحب العمل يقف
على الرأس ألف أحمر .. تقول لي نسترق
السعادة .. نحنا ما قادرين حتى نسترق
وقت للمداخلة .. كلامك سمح شديد .. ولكن!!!!!!
بكل تداوينا فلم يشف ما بنا
وتوقفنا مع نزار في تعريفه للحب بأنه:
الإبحار دون سفينة وشعورنا أن الوصول محال
هو جدول الأحزان في أعماقنا تنمو كروم حوله وغلال
ونتوقف عند قولك:
هي بنت الانسان لكن ما عارف يلم فيها كيف
ونواصل
|
Post: #88
Title: Re: بين تراتيلي وخشوعي عشت راهـب ..
Author: صلاح الأحمر
Date: 03-15-2007, 03:43 PM
Parent: #87
شكرا أيها الرائع على هذا الشدو الجميل.
وغايتو/ ياود دفع الله /رجعتنـا ربع قرن
لي ورا ،والواحد لو سمعها تاني ماعارف
حيمشي وين!
لقد أعدت لي أحلى الذكريات في عنبر ناصر
بداخليةبادي في مدرسة سنار الثانويـــة
العليا.كانت الأماني العذبة هي فرمالتنـا
الأثيرة . ترى أي أقدار فرقتهم؟
أذكر منهم:
أحمد محمود علي/من قلع النخل أو حجر العسل
فلا أكاد أذكر يعد أن طال بنا العهد.
كمال النور/من نواحي الدويم
علي ابراهيم فزع/من ضواحي سنار
محمد الخاتم أحمد/من الروصيرص
فتح الرحمن الخطيب /من الحاج عبد الله
هاشم مساوي/ من سنار التقاطع
محمد عبد الحي/من نواحي سنجة
النور شميس حمودة/ وغيرهم كثر/لهم ولك
المحبة والتحيات القلبية.
|
Post: #89
Title: Re: بين تراتيلي وخشوعي عشت راهـب ..
Author: Osman Musa
Date: 03-16-2007, 07:33 AM
Parent: #88
فوق .. فوق ..فوق ..
|
Post: #90
Title: Re: بين تراتيلي وخشوعي عشت راهـب ..
Author: نهال الطيب
Date: 03-16-2007, 11:18 PM
Parent: #89
تطربني جدا الأماني العذبة
رائعة خليل اسماعيل
وأكيد مع هذا الجمال
بأنسى غلبي
لك التحية معتصم دفع الله
|
Post: #92
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-17-2007, 12:05 PM
Parent: #90
تحياتي نهال الطيب ..
وألف مرحب بيك في الحوش الكبير ..
الحمد لله إنو الأغنية دي صادفت شي في نفوس الجميع ..
وأثارت فيهم ذكريات وأشجان ..
التحية لجميع شعراء وفناني بلادي فقد ظلوا يتحفونا بروائع الكلم وحلو النغم ..
وتحية ليك وأنتِ تزوري دارنا وتجمليها ..
كامل تقديري ..
|
Post: #94
Title: Re: بين تراتيلي وخشوعي عشت راهـب ..
Author: نهال الطيب
Date: 03-17-2007, 01:23 PM
Parent: #92
معتصم دفع الله
الحوش الكبير
مخضر ومزهر
بوجودك
ودراكم دوما جميلة
ومزدانة
لك جزيل شكري
|
Post: #96
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-20-2007, 06:59 AM
Parent: #89
دائماً طيب ومبسوط يا عثمان ..
كل الحب والتقدير ..
|
Post: #91
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-17-2007, 10:26 AM
Parent: #88
الحبيب صلاح الأحمر ..
يا سلام عليك انت ..
تعرف كلامك دا عجبني شديد وسعدت إنو البوست دا رجعك لذكريات حلوة ..
وأيام لا تنسى في حضرة أصدقائك نتمنى أن يكونوا بخير ..
في بعض الأغنيات بتريح الأعصاب ودواء شافي لكل داء وفي فنانين يودوك لحتات بعيدة صعب تمشيها لوحدك إلا مع كلماتهم وألحانهم الحلوة ..
خليل إسماعيل خلانا نسرح بعيد ومع أبوقطاطي نتمنى أعذب الأماني والشباب ما قصر بأدائهم الرائع دا ..
نتمنى السعادة تكون جزاء صبرنا جميعاً وصنيعنا ..
لك كل الحب والتقدير ..
|
Post: #93
Title: Re: بين تراتيلي وخشوعي عشت راهـب ..
Author: Haytham Abdulaziz
Date: 03-17-2007, 12:56 PM
Parent: #1
مووووو حمـداً لله على السـلامــة....
حـاجـة راقيـة زيـك ... و بالـذات دخــلات نـادر خضــر...
لكـن بكــرة تحقق أمـانــي .... و أنا بقــول متين يوم بكــرة إســرع .. عشان يخفف لي نار
وجـدي ... حتــى أستطيـع أن أعيـش راهـب بين تراتيلي وخشوعي مثلك و يجتمــع الشمــل....
و كــن بخيــر يا صـديقــي....
|
Post: #98
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-20-2007, 10:06 AM
Parent: #93
الله يسلمك يا هيثم ..
ربنا يحقق أمانيك وتكون جزاء صنيعك الطيب ..
بعدين الرهبنة دي حكايته صعبة خلاس ودتنا لحتات بعيدة ما قادر الواحد يمرق منها ..
بس بيني وبينك كده كان الحكاية دي راقت ليك ما تطولها أقرب فرصة أعمله طوالي ..
يديك ألف عافية يا صديق ..
كل الأماني الطيبة ..
|
Post: #95
Title: Re: بين تراتيلي وخشوعي عشت راهـب ..
Author: ملكة سبأ
Date: 03-17-2007, 01:34 PM
Parent: #1
*****
|
Post: #97
Title: Re: بين تراتيلي وخشوعي عشت راهـب ..
Author: مجدي عبدالرحيم فضل
Date: 03-20-2007, 07:31 AM
Parent: #95
جيت مار أستوقفني المحراب
وتراتيلكم وخشعته بين سجداتك
وسبحته بالألفية علي هذا الأبداع
معتصم الجميل ود دفع الله ،،،
دعوا قلبي وما أختار وأرتضي،،
فبالقلب لا بالعين يبصر ذواللبَ
وماتبصر العينان في موضع الهوي،،
وماتسمع الأذنـــان إلا من القلبْ.
مزيد من الجمال ود دفع الله!!
أبو ٌقـ مجدي عبدالرحيم ـصى،،
|
Post: #101
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-20-2007, 03:44 PM
Parent: #97
يا مليون مراحب بيك يا مجدي منور المنبر ..
يقول يحيي فضل الله في أسئلته التي ليست للإجابة ..
هل يختفى الظل الذى لا ينتمى
إلا لمعرفتى وجهلى
وهل نودع بعضنا ونذهب فى سراب الذكريات
كيف تبدو الذكريات
كيف يبدو طعم أيام الشجن
من يعلم ذكريات كل أشكال التداعى ..
والرحيل المر دوماً
حين يختلط المدى بالمآسى .. والمخاوف
وأحتراق الأمنيات ..
لك الله يا أبوقصي وأنت بين تراتيلك وخشوعك ..
عش راهب وعش ملكاً ولقلبك كل الأماني العذبة ..
تحياتي ومحبتي ..
|
Post: #99
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-20-2007, 10:13 AM
Parent: #95
سلام يا ملكي خمسة نجوم ..
دائماً حاضرة في الدواخل ..
|
Post: #100
Title: Re: بين تراتيلي وخشوعي عشت راهـب ..
Author: حبيب نورة
Date: 03-20-2007, 11:52 AM
Parent: #99
وجع يا معتصم
هو عاد جنس نجاض!
|
Post: #102
Title: Re: بين تراتيلي وخشوعي عشت راهـب ..
Author: Osman Musa
Date: 03-20-2007, 05:18 PM
Parent: #100
( والسعادة .. والسعادة .. والسعادة )
....................................
لكم الله يا أبوقطاطى وياخليل .. كنت أتمنى لو أنشدونا أكثر
ما اجمل موسيقى شعر أبوقطاطى وما أبدع خليل ومااروع المجموعة
... وشكرا أخى معتصم الرائع وانت تحملنا معك الى تلك الديار
وكما قال الطيب صالح . الى تلك الديار التى لاتخرج الاالانبياء
وهنا يعنى رسل الابداع
وما السودان الا بلاد المبدعين ..
أتمنا ان ينعم الجميع بالسعادة..
وسلامى لكل الرياحين
عثمان
|
Post: #105
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-21-2007, 09:09 AM
Parent: #102
تحياتي يا عثمان إن شاء الله دائماً طيب ..
بلدنا هي بلاد المبدعين كل شي فيها جميل ..
وكما قال أستاذنا الطيب صالح إلى تلك الديار التي لا تخرج إلا الأنبياء ..
نردد مع المبدع هاشم صديق ونتساءل ..
ومتى يعودُ المبدعونَ
الصامتونَ
الى المسارحِ والصحافةِ
والاذاعهْ؟
ومتى يصيرُ المبدعونَ
الصامتونَ
"رئات" تلفازِ
الجماعهْ؟
متى نرى مبدعي بلادي في كل مكان ونرى كل إبداع بلادي في كل مكان ..
التحية لك ولكل المبدعين ..
محبتي ..
|
Post: #104
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-21-2007, 07:59 AM
Parent: #100
وجع وجع حبيب نورة رجع ..
ياخي هو نجاض بس دا ورم عديل كده ..
والغريبة كل ما نجي جدة دي ما نلاقيك ..
الحاصل شنو ياخ ..
يديك ألف عافية ..
|
Post: #103
Title: Re: بين تراتيلي وخشوعي عشت راهـب ..
Author: Alsa7afa_30
Date: 03-20-2007, 10:05 PM
Parent: #1
معتصم:
تغيب تغيب وتأتي بالروائع..
مساءك قشطـة..
|
Post: #106
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-21-2007, 05:07 PM
Parent: #103
صحافة 30
كيفك يا صديق ..
ومساءك عسل وقشطة مع بعض ..
الروائع دائماً تأتي منكم ..
لك كل الحب والتقدير ..
|
Post: #107
Title: Re: بين تراتيلي وخشوعي عشت راهـب ..
Author: Dr.Mohammed Ali Elmusharaf
Date: 03-21-2007, 09:26 PM
Parent: #1
الرائع معتصم دفع الله وضيوفه الكرام سلامات
والله جرستونا عديييييييييييييل كدة ياناس الغربة صعبة
بعدين يامعتصم عثمان عبدالرحيم ده ود جيرانا واول ديوان شعر ليه طبعوا سنة 1980 في القاهرة وكتار تغنوا بشعروا مايكتل ليك في حيلة...
ياعثمان لسة مواصل ولا الغربة ودرت الابداع...
تحياتي لكم جميعا
محمد علي المشرف مختار
|
Post: #108
Title: Re: بين تراتيلي وخشوعي عشت راهـب ..
Author: صلاح الأحمر
Date: 03-21-2007, 10:00 PM
Parent: #107
العزيز/معتصم
سمعتها مليون مرة ولسه ماطلعت
في الراس.
سلام تعظيم..
واصل النبش في بيت الكلاوي.
ولك الودوالتقدير.
أخوك /ود اللحمر
|
Post: #113
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-28-2007, 03:35 PM
Parent: #108
سلام يا صلاح الاحمر ..
تعرف مرات أخاف أجي ماري بي سكة البوست دا ..
لأنه فيه كمية من الشجن وأخاف أضيع بين الحلوين الفيهو ..
شكراً لأنكم جملتم دواخلنا بحضوركم الأنيق وكلامكم الرقيق ..
دم بألف خير ..
|
Post: #109
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-22-2007, 05:03 PM
Parent: #107
الحبيب دكتور محمد علي ..
لك التحايا أضعاف ..
تسلم من الجرسة وهم الغربة إن شاء الله ..
هي بعض أشجان ومناجاة للذكريات وما أكثرها ..
التحية عبرك لعثمان ونتمنى أن نرى أشعاره وكتاباته هنا ..
شكري مع خالص محبتي ..
|
Post: #110
Title: Re: بين تراتيلي وخشوعي عشت راهـب ..
Author: Osman Musa
Date: 03-22-2007, 05:35 PM
Parent: #109
د/محمد المشرف سلام شديد واحترام
زمن يازمن والله أنا سعيد انى عرفتك الان فى اى فجاج الارض يا محمد
كيف حالك ؟
كيف الاولاد؟
الغربة اخذت
والعمر اخذ
وربك يسهل _ كيف فى امستردام أكثر المدن جاذبية فى هولندا ؟
بمناسبة الجديد _ احاول طبع الكتاب الثانى اخر السنة _ واحاول
اعادة طبع الكتاب القديم. لو امد الله فى العمر.. تحياتى
وكل الامانى العذبه
عثمان عبدالرحيم موس
|
Post: #111
Title: Re: بين تراتيلي وخشوعي عشت راهـب ..
Author: ابراهيم عثمان آدم
Date: 03-22-2007, 05:36 PM
Parent: #109
الحبيب معتصم...
لك الحب اينما كنت
وهذه الصفحة من السعادة والطرب
يا رب الرياحين تملاء دربك
|
Post: #112
Title: Re: بين تراتيلي وخشوعي عشت راهـب ..
Author: Osman Musa
Date: 03-23-2007, 09:48 PM
Parent: #111
فوق
|
Post: #115
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-28-2007, 04:57 PM
Parent: #112
تحياتي يا عثمان ..
دائماً تتحفنا بكلماتك الجميلة وحضورك الأنيق ..
شكراً لا تكفي ..
كامل محبتي ..
|
Post: #114
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-28-2007, 04:01 PM
Parent: #111
شكراً يا إبراهيم على طلتك ..
وإن شاء الله دائماً الرياحين تملاء دربك ..
يديك العافية يا ذوق ..
|
Post: #116
Title: Re: بين تراتيلي وخشوعي عشت راهـب ..
Author: صلاح الأحمر
Date: 03-29-2007, 10:23 PM
Parent: #114
الحبيب /معتصم
سلامات يابتاع الروائع ياود ياخطير إنت. وزمان في بوستا غابر
زي التكنك قت لي إنك من سنار.دحين ياأخوي أنا قريت في سنار
ولما كنا صغار كنا بنقول( ست الروب روبك حار طلق النار في
سنار).بس عاوز أسعلك: عمنا دفع الله الحاج القطب الإتحادي
الكبير والتاجر المعروف ببقى ليك شنو؟ وكمان في واحد كان
زميلنا في الثانوي اسمو أزهري الحاج دفع الله ، يساري وشاعر
رائع.بتعرفو؟
عليك الله ماتخذلني وعاوز جواب سريع يزيد المحبة. ولك مودتي.
....................................أخوك ود اللحمر.....
|
Post: #117
Title: Re: بين تراتيلي وخشوعي عشت راهـب ..
Author: معتصم دفع الله
Date: 03-31-2007, 03:31 PM
Parent: #116
أخوي ود الأحمر ..
نعلك طيب ورايق ..
سنار مدينة جميلة أحبها جداً وآخر إجازة لي قضيت فيها خمسة أيام مع الصديق أحمد عبدالله ولي فيها معارف كثيرة ..
الأسامي الذكرتها دي تشابه أسماء فقط ويمكن إسم دفع الله دا شايع في كثير من مناطق الجزيرة وخصوصاً العركيين ..
ياخي البركة في المعرفة دي وربنا يديم المحبة بيننا ..
أبقى طيب وبألف خير ..
|
|
