Post: #1
Title: ملكة جمال السودان !!! (عشوشة)
Author: ahmed agooz
Date: 03-04-2007, 04:06 PM
عشان اتكلم عن اجمل صوت نسائي تربع على عرش الجمال الصوتي لا بد من طلب الرحمة والمغفرة لروح سيدة الغناء السوداني والافريقي عشه الفلاتيةملكة جمال الصوت النسائي !!
سافر عبدالعزيز محمد داؤود لإحياء حفل بمدينة الابيض بدعوة من أحد اصدقائه
الذي كان مغرما بحنجرة الفنان ابو داؤود الذهبية.
وفي يوم الحفل المقام بمسرح عروس الرمال استقلت عربة وعلق عليها ميكرفون للاعلان عن هذا الحدث الكبير وانطلقت العربة تجوب شوارع الابيض والمذيع يصيح باعلى صوته لا تنسوا اليوم الطرب الاصيل واللحن الجميل مع الفنان الكبير عبد العزيز محمد داؤود .......
وبينما ابو داؤود في ضيافة صديقه في وسط السوق اقبل عليهم متعهد الحفل مصفر الوجه عابسا مثقلا بالهموم !
أيه يا اخينا مالك .. خير؟
والله الناس جننوني وكرهوني اي واحد يقول: نحن عايزين عشه الفلاتية تمشوا تجيبوا لينا ابو داؤود ؟؟؟؟
كانت صاعقة على رأس معجب الفنان ابو داؤود .....
ولكن ابو داؤود بروحه الحلوة وخفة ظله يحتوي الموقف ويلطف الجو بطرفة, وبديهة حاضرة , وهو يقول ليهم:
بسيطة ياخوانا قولوا ليهم: اليوم مع الفنان ابوداؤود راجل عشه الفلاتية .
ليضحك الجميع ويبدل همهم فرحا ... ونواصل مع عشه الفلاتية.
|
Post: #2
Title: Re: ملكة جمال السودان !!! (عشوشة)
Author: doma
Date: 03-04-2007, 04:23 PM
Parent: #1
يا سلام ابوداؤود
داما راجل نكته له الرحمه خلد نفسه بفن اصيل وروح مرحه وكان زول جميل
|
Post: #5
Title: Re: ملكة جمال السودان !!! (عشوشة)
Author: jini
Date: 03-04-2007, 04:39 PM
Parent: #2
الله الله مدد مدد ايها العملاق با من اوتيت ممار داؤود!
حلاوة فى الصوت وحلاوة فى اللسان!
اقرا فى هذه الطرفة وانا استمع فى يا حليل رياضنا الغنا بصوته العذب الريان1
كان احبابه وندمائه جماعة على المك الذين يلقبونه بابى الأسود الدؤلى لفصاحنه وتجويده للغناء والقرآن والمديح وكان احد محبيه من البساطة يجد صعوبة بالغة فى نطق الاسم فداعبهه ابوداؤود حلو اللسان قائلا انا قبلان بىك
الأسود الدولى!
رعى الله ذلك الزمان الجميل وأهله
جنى
|
Post: #3
Title: Re: ملكة جمال السودان !!! (عشوشة)
Author: ahmed agooz
Date: 03-04-2007, 04:35 PM
Parent: #1
الخالة دومة(انظري خالتي اسفل البوست)
شكرا استاذي وليد طه على هذا التنوير
مساء الجمال وانت خالتي كل الجمال
ناس اب داؤود والفلاتية والكاشف والعقد الفريد من ابناء
ذلك الجيل كلهم جميلين وحلوين في كل حاجة الله يرحمهم جميعا.
|
Post: #4
Title: Re: ملكة جمال السودان !!! (عشوشة)
Author: doma
Date: 03-04-2007, 04:38 PM
Parent: #3
شكرا سيدي انا
ونتوقع المزيد فنحن نعشق ذكرهم طيب الله ثراهم
|
Post: #31
Title: Re: ملكة جمال السودان !!! (عشوشة)
Author: walid taha
Date: 03-05-2007, 05:34 PM
Parent: #3
معليش.. أُخـت يا احمد
|
Post: #6
Title: Re: ملكة جمال السودان !!! (عشوشة)
Author: ahmed agooz
Date: 03-04-2007, 05:08 PM
Parent: #1
الاستاذ : جني
شكرا لدخولك وانت تقطع سماع اجمل الاغاني (مر يا نسيم بجاري واحكيلو كل الجاري قول ليه دمعي الجاري في خدودي سوى مجاري )
اهديك رائعة الكحلاوي
قالو علي شقي ومجنون
وانتو جنوني يا حلوين
سلام جني
|
Post: #7
Title: Re: ملكة جمال السودان !!! (عشوشة)
Author: jini
Date: 03-04-2007, 05:18 PM
Parent: #6
Quote: قالو علي شقي ومجنون
وانتو جنوني يا حلوين
سلام جني |
التحية لك وللأخت دومة
يا سلام على الكحلاوى
فوجئ صديقى عز الدين (امتداد الدرجة الثالثة) بجدته المحسية فى منتصف الليل وهى تقول مرددة فى تأفف بسبب عدم تمكنها من النوم انساءالله ...انساءالله... انساءالله!
وعنما أرخى السمع سمع الكحلاوى يغنى
انشاء الله أجن وازيد فى الجن
وهى تعقب على دعائه بانساء الله1
ان سين المحس عندالله شينا!
جنى
|
Post: #8
Title: Re: ملكة جمال السودان !!! (عشوشة)
Author: ahmed agooz
Date: 03-04-2007, 08:26 PM
Parent: #1
جني
يااصلي
الكحلاوي دا جنو حقو براه ومن فلتاتو يوم تشييع
المرحوم ابراهيم الكاشف انشد قصيدة وداعا روضتي
الغناء وداعا معبدي القدسي
تسلم جنو
|
Post: #9
Title: Re: ملكة جمال السودان !!! (عشوشة)
Author: ismeil abbas
Date: 03-04-2007, 08:36 PM
Parent: #1
الحبيب أحمدعجوز .
إنت دائمآ مبدع فى حديثك.وفى كلامك.وفى إبتسامتك ,وفى سحر غناك.
وإنت وجهك وجه خير وقبل ما أكتب الرد وأسطر الحرف ألأول جاْء الهدف الثانى للهلال مع الزمالك وعقبال مباراة ألرد.
وذكرتنى غنا ألكحلاوى ألله يرحمه فى قالو قالو على شقى ومجنون,وإنتو جنونى ياحلوين.
وفى حفله عندأهلنا ألجموعيه وكان دائم ألتواصل معهم لأن زميله المرحوم ألفنان قريب الله ألأمين الله يرحمه معه فى فلاح,
وكانت فى بت حلوه بترقص كان على معرفه بأهلها وكان دائمآ ما بدخل الكلام اثناء الغناء .وقال ليها أمك زمان كانت مجنانه وانت كمان عايزه تجنينا زياده ألله يرحمه ويحسن اليه وموتى المسلمين .
كانوا مبدعين كل قدامى ألفنانين والفنانات.
|
Post: #12
Title: Re: ملكة جمال السودان !!! (عشوشة)
Author: ahmed agooz
Date: 03-04-2007, 09:05 PM
Parent: #9
الاخ الصديق سمعةود عباس والله البوست طار من الفرح
وسيرة الكحلاوي جننتو جن.
اول مرة لاقيتو في جلست استماع بكلية طب الخرطوم 1980
والله يا اسماعيل كانو اسع اليوم داك قدامي واتونست معاه
اكتر من زمن الجلسة واطربني شدوا وسردا لحياته وصداقته
واعجابه بابو الفن الكاشف .
شكرا ابو السباع
|
Post: #10
Title: Re: ملكة جمال السودان !!! (عشوشة)
Author: Moawia Mohammed
Date: 03-04-2007, 08:50 PM
Parent: #1
صباحك نور
تعرف يا عجوز كان ما نبهتني للبوست والله ولا جايب خبر
عائشة الفلاتية مره واحده عظمه والله عظمه
أصبر لي شويه بنكت ليك غناها كلو
|
Post: #13
Title: Re: ملكة جمال السودان !!! (عشوشة)
Author: هاشم أحمد خلف الله
Date: 03-04-2007, 09:22 PM
Parent: #11
e: | Quote: ملكة جمال السودان !!! (عشوشة) |
قالوا في الأمثال من طول الغيبات جاب الغنائم , من أنت يا حلم الصبا من أنت يا آمل الشباب
واصل يا ابو محمد , كلامك كلو شفاء .
|
Post: #14
Title: Re: ملكة جمال السودان !!! (عشوشة)
Author: ahmed agooz
Date: 03-04-2007, 09:26 PM
Parent: #1
معاوية ياخوي نحن مفروض نكون اسع من مراحيم الخمسينات
لكن ربنا كاتب لقمتنا في ايام طربها ما حقنا.
معاوية انت عامل شنو يا. ياخوي بتكتل ليك واحد في المنبر
دا الدرر دي كتر منها وعشه دي بالله عليك داير اساهر معاها الليلة وبكرة.
|
Post: #15
Title: Re: ملكة جمال السودان !!! (عشوشة)
Author: خالد علي محجوب المنسي
Date: 03-04-2007, 10:53 PM
Parent: #14
أحمد عجوز يا رئع كيف حالك مرور يا غالي وبنقول سلام الموضوع جميل
ومتابعين معاك يا غالي ( فنان عرس اولاد عمي )
خالد محجوب
|
Post: #16
Title: Re: ملكة جمال السودان !!! (عشوشة)
Author: عبدالكريم الامين احمد
Date: 03-04-2007, 11:06 PM
Parent: #15
ياسلام ياعجوز ياجميل
انتو مودينا وين ياجماعة...
وعشة الفلاتية صرعة جيل وصوت ياتي من اعماق موغلة في الدهشة..
..
..
انده احمد واجيكم لخالتي عشة
|
Post: #17
Title: Re: ملكة جمال السودان !!! (عشوشة)
Author: HAYDER GASIM
Date: 03-04-2007, 11:22 PM
Parent: #16
ولدنا السمح ... وزين ... العجوز ... الشاب
غايتو إنتو ومعاوية بتنكتو ليكم فى حاجات ... كما الدرر ,
ياخ ده بوست جميل بجمال سيدته العظمية ... بتاريخها وإبداعها ,
بحب الناس ليها ... بإنتمائها للعهد الذهبي للغناء السوداني ,
بالكثير من الذكريات والشجون التي إستصحبت ذاك الزمان .
ليت العارفين يوفرون لنا إلى جانب الغناء والتعليق , ملامح من
السيرة الذاتية للفنانة الراحلة عائشة الفلاتية ... فهي ممن
يستحقون التدوين على كتاب التاريخ وعلى صدور الوفاء .
واصلوا هذا الإبداع المدهش ... ومال فنانيين كيف .
رفعتم رأسنا ... وزدتم فى حبنا للصحافة القيافة
مع مودتي
|
Post: #18
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 04:28 AM
Parent: #1
المبدعون
هاشم ودخلف
خالد المنسي
عبد الكريم الامين
حيدر ود قاسم
عشوشه بتسلم عليكم
ياخوانا المراة دي انا بحبها لله
اولاد الامين نظرة يالسمحة ام عجن
|
Post: #19
Title: Re: ملكة جمال السودان !!! (عشوشة)
Author: امير عوض الجمري
Date: 03-05-2007, 06:47 AM
Parent: #1
الجميييييييييييييييل
الحلوووووووووووووووو
الطروووووووووووووووب
أكثر من أطربني وأبدع من غنّى الحقيبة .. حبيبي العجوز احمد عوض..
عشة الفلاتية صوت يدخل جوووووووووووووه حتين بعد كده يبدأ يطلع للمسامع
والعقول ووقتها يكون قعد واتحكّر جوة القلب ..
انت يا احمد دوماً راااااااااائع وجميل وما شفت منك غير كده طول عهدي بيك
احبك بي كل احساسي ووالله طوالي بتمناك لو كنت انا انت .
المنبر بالجد ازدان بيك كتير وها انت تصدق توقعاتنا بانك حا تكون حاجة سمحة
ومختلفة .
شكراً حمادة على هذا الجمال شكراً كتيييييييير
|
Post: #20
Title: Re: ملكة جمال السودان !!! (عشوشة)
Author: doma
Date: 03-05-2007, 07:00 AM
Parent: #19
بوست جميل
عامر باالاصاله ووفاء المحبين
تحياتي للجميع
|
Post: #21
Title: Re: ملكة جمال السودان !!! (عشوشة)
Author: حيدر حسن ميرغني
Date: 03-05-2007, 08:02 AM
Parent: #20
التحية لأمنا المبدعة عائشة
وللارث الفني الذي خلَفته
ولا ننسى با احمد الراحل ديميتري البازار الذي كان وراء اكتشافها وتسجيلها لاول اسطواناتها
بالقاهرة
|
Post: #22
Title: Re: ملكة جمال السودان !!! (عشوشة)
Author: الفاتح ميرغني
Date: 03-05-2007, 08:42 AM
Parent: #21
المبدع دائما أحمد عوض
أجمل وصف لذكرى أجمل الاصوات النسائية على الإطلاق
فهي بمثابة سلينا ديون السودانية.
فعندما تصدح عائشة موسى باغنية " غني ياطيور " تكاد تشعر بشقشقة العصافير وخرير المياه والصوت الملائكي الحسن فتحلق عاليا عاليا في سماوات الجمال على تعبير الاخ المرهف معاوية.هؤلاء أناس ساهموا في إرساء الوجدان السوداني الشفيف.فأكتبوا عنهم أخي أحمد
لتريحوا القلوب إذ انها تصدى كما يصدى الحديد(إبن حزم)
|
Post: #23
Title: Re: ملكة جمال السودان !!! (عشوشة)
Author: يازولyazoalيازول
Date: 03-05-2007, 10:54 AM
Parent: #22
الأخ أحمد عجوز
بوست رائع ولا شك فى ذلك
بس أحببت أن اضيف أن الشعب السودانى فعلا شعب عجيب ، فهذا الشعب يذكرنى بالمثل القائل (وراء كل عظيم إمرأة) ووجه الشبه هنا أن بإمكان الشعب أن يعظم ويمجد من يشاء ممن يقدمون له الإبداع الحقيقى ، فلذلك أنا اضيف للمثل (وراء كل عظيم شعب) والحكمة هنا أن عشة الفلاتية فى حقيقة الأمر (فلاتية) وترطن كمان ، ومعروف لديكم جميعا أن الفلاتة يعودون فى الأصل لبلاد تكرون وتشاد والكاميرون وغرب أفريقيا عموما ، وقد عاشت عشة بالسودان واختلطت بالشعب الذى أحبها ومجدها وعظمها حتى أنها كانت فى يوم من الأيام فنانة السودان الأولى وبلا منازع ، فما أعظم الشعب السودانى الذى يفعل ما يشاء بمن يأنس فيه الكفاءة وهو شعب يحفظ الجميل لكل جميل
تحياتى
أخوك العجوز أيضا هشام 
|
Post: #24
Title: Re: ملكة جمال السودان !!! (عشوشة)
Author: عادل جبارة
Date: 03-05-2007, 12:43 PM
Parent: #23
أخي وصديقي الحبيب أحمد عجوز
دائما تتفرد بالجميل .. بداية موفقة تنقلنا مباشرة الى ذلك الزمان العجيب حيث تكوَّن هناك تاريخ يروي صفحات الفنّْ السوداني الناصعة وحيث ولد عمالقة أثروا حياتنا فنا وأدبا وثقافة .. سنكون معك حيث ما تبحر بنا وحتما سنستريح معك على شواطئ الأصالة والجمال ،
الفنانة عائشة الفلاتية بنت بلد خفيفة الدم مشبعة بروح أمدرمان والأحياء الشعبية في العباسية وبانت والموردة وغيرها ولها الكثير من النوادر والقفشات التلقائية، كان السر قدور قد منحها قصيدة (يا حبيبي أنحنا اتلاقينا مرة) فأهملتها مدة بل وأخذت ( تتهرب ) منه مطالبة بإدخال بعض التعديلات هنا أو هناك، حتى أضجرته فقام بتسليمها للمرحوم العاقب محمد حسن الذي لحنها وغناها وتقبلها الناس قبولاً حسناً ملأ قلب الفلاتيه حنقاً وكمداً، عندما قابلت السر قدور في ردهات الإذاعة قالت له وهى تكاد تميز من الغيظ(ده كله منك داهية تاخدك وتاخد عوض جبريل معاك)، تقصد الشاعر عوض جبريل.وعندها ضحك السر قدور ملء شدقيه وسألها أن ما شأن عوض جبريل؟ أجابت(عشان شين زيك)
|
Post: #26
Title: Re: ملكة جمال السودان !!! (عشوشة)
Author: عادل جبارة
Date: 03-05-2007, 01:14 PM
Parent: #24
الصحافة, الجمعة 18 نوفمبر 05
حوارات قديمة
حوار مع الفنانة الراحلة عائشة الفلاتية.. عمره أكثر من ربع قرن !!
شقيت وتعبت ووهبت عمري كله لوطني
أول سودانية تتمرد على تقاليد الحجاب وتقتحم الحياة العامة في شجاعة وجرأة قبل أكثر من ربع قرن من الزمان لتصبح مطربة مبدعة تردد الآفاق شهرتها وذلك في مجتمع متخلف ومتزمت.. ثم تنجح نجاحاً منقطع النظير رغم منافسة أساطين الفن من الرجال الذين عاصرتهم.. عائشة الفلاتية.. سيدة ظلت إلى آخر رمق من حياتها تحتفظ في حرص بالغ
على بعض معالم الربيع في قسمات وجهها الوضيئة.. وهي بعد خفيفة الدم..حلوة الحديث.. رقيقة الأحاسيس.. لا تغيب الابتسامة الودودة من شفتيها ألا لماما .. ولا تتعثر في إطلاق الدعابة الطلية المرحة في سرعة بديهة حاضرة دائماً.. قلت لها وأنا أتأمل الـ «تي» الأخضر الموسوم على خدها:
* ايه اللي رماك في حكاية الفن دي.. يا عائشة؟
* وأسرعت تقول بصوت تشوبه رنة أسف: تقول شنو؟!
وصمتت وكأنها أرادت أن تتجنب الحديث في هذا الصدد.. فمضيت أقول: ما هو لابد أن تكون في عوامل وظروف دفعتك في الطريق ده.. وأنتي أساساً عندك المؤهلات والموهبة اللي
بتجعل منك مطربة؟.. وسرحت عائشة بنظراتها بعيداً من خلال النافذة.. ثم قالت فجأة:
أصله يا سيدي.. لما كان عمري زي سبعة سنين وكده كنت بندمج مع البنات في بيوت الأعراس واللعبات.. وعشان صوتي كان جميل وأنا كنت معتزة بيهو جداً.. كنت دائماً بسيطر على الموقف واقوم بالهلولة كلها..وكنتو بتغنو شنو؟
* غنا النسوان الكبار.. ما ياهو.. أغاني السيرة والدلوكة.. ومرات غنا سرور وكرومه.. واوعى بالك.. في بيوت الأعراس ما بقعد في السباته عشان أرقص.. كنت مهتمة بس بأني اسمع واسرق الغنا..
وبعدين؟
* بعدين شنو؟! ما أهلي زوجوني وأنا صغيرة.. عمري 11 سنة.. واقول ليك الحق.. الحياة الزوجية ما عجبتني كله كله.. لاني بحب امرق أروح الأفراح.. والزوج من الزمن داك ما بدور زوجته تمرق من البيت.. قول الراجل زهج وطلقني!
جننتيهو يعني؟
* واطلقت عائشة ضحكة مزغردة ومضت تقول: بعدين يا سيدي.. قعدت فوق البيت..مع أهلي يعني.
* طيب .. برضه ما عرفنا.. الفن ده .. دخل في حياتك كيف؟
* اصلو ياود آمي.. في واحد راجل صعيدي مولد هنا اسمه محمد زقالي بيعرفونا.. يقوم يجي من مصر واحد خواجه اسمه ميشيان .. ميشيان بتاع الاسطوانات.. ميشيان ده كان جاي يسوق غنايين يسجل ليهم اسطوانات في مصر.. طلب من زقالي يفتش ليهو عن واحدة بتعرف تغني.. قامو جوني فوق البيت وطلبوا مني أغني.. وغنيت ليهم غنا الزمن داك البعرفو.. الخواجة انبسط جداً وكنت بتمنى يقول لي قومي تسافري معانا كنت عاوزة أبقى مشهورة.. قول يا سيدي.. الخواجة قال البنت صوتها جميل جداً وتقوم معانا.. أبويا حلف بي جدودو انه ما ممكن.. قال يا جماعة مصر دي أنا ماشفتها.. كيف بتي الصغيرة دي تمشيها؟.. وبكيت وزعلت.. والخواجه قعد يترجى أبوي وقال انه مسئول عن أي حاجة تحصل لي.. وما أطول عليك ياود أمي.. في النهاية الخواجة عمل معانا كنتراتو بعشرين غنوة بي ستين جنيه.. مش معقول؟ ما الجنيه الزمن داك كان جنيه.. والدنيا مازي حسه..! الكلام ده كان زي سنة كم؟ سنة 1936م.. قول يازول سافرت مصر.. وسقت معاي الشيال بتاعي «أبوحراز» والخواجه في مصر سكنت معاهو في بيته مع زوجته وأخته ووليداتو.. وسجلتي شنو؟
أغاني كثيرة ما بتذكرها كلها.. لاكين أول غنوة سجلتها اسطوانة يا حنوني عليك بزيد في جنوني ومن زمن بنادي لاكين لطشا عبد العزيز داؤود وحسع قاعد يغنيها !! وكانت أغانيا
ناجحة جداً.. وكان الزمن داك الفوتوغرافات راقدة.. واللي ما عنده فوتوغراف اشترى ليهو واحد عشان يسمع عائشة الفلاتية وكان بيوزع الاسطوانات «البازار السوداني» الخواجه كاتيفانيدس وولده ديمتري ومحلهم في المحطة الوسطى.. ولما كنت في مصر كان بيزوروني ناس عظيمين جداً.. الأستاذ بشير عبد الرحمن وهو سوداني بيشتغل في وزارة الزراعة في مصر.. والف لي غنوه بتقول «البنيه ست العربية».
ومنو مؤلفين أغنياتك التانيه؟
أغلبهم عبد الرحمن الريح..
وكنتي مرتاحة في مصر؟
الزمن داك لبس التوب ما كان عند المصريين.. فكانوا الأولاد بيزفوني ويقولوا .. تعالوا شوفو الوليه الله لابسه كفن.. زهجت وغيرت ملابسي..
منقول من سودانيز أون لاين دوت كوم
|
Post: #32
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 05:50 PM
Parent: #19
اللهم اني اشهدك واشهد ملائكتك وجميع خلقك
باني احب اخوي الجمري حبا في الله فاجمعني
به في فردوسك الاعلى ومعنا كل ناس البوست
امين ياالامير يالحبك شغل الضمير
دمت ودامت الافراح
|
Post: #25
Title: Re: ملكة جمال السودان !!! (عشوشة)
Author: طارق جبريل
Date: 03-05-2007, 01:11 PM
Parent: #1
ابو حميد
سلامات جينا نسلم على عشوشة
|
Post: #27
Title: Re: ملكة جمال السودان !!! (عشوشة)
Author: أحمد طراوه
Date: 03-05-2007, 01:48 PM
Parent: #1
... يا بدر الكون انا بيك مفتون وحبك شايفو كل ثانية يزيد .. الربيع ..الربيع يزيد الرياض جمال .. و يمنح النفوس قوة احتمال .. نسائم الشمال للجنوب تزور ! غني يا طيور غني !! كانت عشة موسى دقيقة في اختيارها للكلمات ، حساسة لمواطن الجمال ، و شديدة الاحترام لنفسها و فنها .. حفرت باظافرها علي الصخر لتصل عند مستوى ذاك التحالف الفني الرفيع مع علي محمود التنقارى : فكري سرح و هاجت اشجانو .. ولا سافر فارق اوطانو و سار معاهم اينما سارو ! استندت علي رجاحة عقل عمها و استمدت نزعة الفن من شقيقتها جداوية موسى اول عازفة عود سودانية هي و سعدية العوادية و اسماء حمزة .. و لكن عشة ايضا لا تنسى رفقة توئم روحها حواء فضل المولى ريحان الشهيرة جماهيريا بحواء بنزين المستبطنة عمق و جماليات التم تم و زخم الطيف الواسع للايقاعات السودانية .. شكرا يا احمد عجوز .. معكم علي هوى الفلاتية و درب الفلاتية و إرادتها الغلابة .. اوليست هي من قال : كان ترضى كان تابى .. ببنى لي بيت في حى الجلابة .. اننا نروم و طنا للحقوق و العدل نبنى فيه تمثالا لعشة الفلاتية ..
|
Post: #28
Title: Re: ملكة جمال السودان !!! (عشوشة)
Author: احمد الامين احمد
Date: 03-05-2007, 04:48 PM
Parent: #27
الى يازول yazool يازول بالفعل عاشت مغنيه السودان الاولى عشه فى السودان واختلطت باهله رغم ان اصولها من قبيله الهوسا النيجيريه علما ان الست عاشه مولوده بكسلا يعنى هى مثلك سودانيه بالميلاد لذا لاتنظر اليها كجسم غريب وسط المجتمع السودانى الذى اعطاها الكثير من الحب والوفاء ولعلمك السودان ليس شعب بل مجموعه شعوب فالكاشف مثلا مغربى وديمترى البازار يونانى واسماعيل خورشيد تركى لكنهم جميعا سودانين فى وطن قاره يذوب القبائل والشعوب داخل معدته الضخمه ليخلق الوطن السودان الذى ينمتى اليه كل من ولد بداخله حسب قانون الجنسيه السودانيه للعام 1957 بعباره اخرى السودان melting pot مثل امريكا التى حوت مهاجرين من اثنيات شتى منهم شقيقتك تماضر التى رغم انها مولوده بالسودان تعتبر بحكم القانون مواطنه امريكيه خلافا لعشه الفلاتيه التى تعتبر سودانيه بالميلاد وليس بالهجره لانها من مواليد كسلا وهى حقا اجمل حنجره نسائيه صدحت بالسودان منذ ان عرفن السودانيات الغناء حتى عصر المغنيه السودانيه المهاجره باسبانيا رشا شيخ الدين.... باختصارعشه جزء اصيل من نسيج المجتمع والوطن السودانى ولم يمنحها احد السودانين شيئا لم تستحقه مثلها شرحبيل وعبدلعزيز محمد داؤد وعثمان الاطرش وابراهيم حسين وغيرهم.....
تاثير عشه فى احداث وطنها قوى جدا وموجب فهى قد ساهمت فىالمجهود الحربى عب الغناء لرقه المهندسين المقاتله بكرن " يجو عايدين" التى كتبتها ولحنتها وقد حول محمد مرجان موسيقاها لاحقا الى مارش موسيقى للجيش السودانى كما ان تاثيرها فى جيلها من الفنانين والذين تلوها واضح جدا باعتراف الفنانين انفسهم فحسن عطيه وكابلى والجابرى صدحوا كثير باغنيتها الجميله "الدار الما دارى" والتاج مصطفى لحن لها الحبايب كلمات التنقارى " عنى مالو صدو وتوارو" ووردى بجلاله فنه الراقى وموسيقاه الضخمه وحسه الرفيع جدا اعترف انه قلدها كثيرا قبل دخوله الاذاعه بل ان ضمن الاغنيات التى غناها فى اختبار مقدرات صوته للاذاعه بحضور على شمو وغيره من الجهابذه اغنيه للفلاتيه الى جانب اغنيات ابراهيم عوض والتاج وحسن عطيه ثم ان ابراهيم عوض قبيل دخوله الاذاعه كان يجوب احياء ام درمان ليلا بحثا عن حفلات عشه الفلاتيه التى كان مقلدها الاول ولقد اختبر ود الريح مقدرته الصوتيه والادائيه باغنيتها " الليله بلال " وكسرتها " البنسانى الجيت لى برى ازوره" وعبدالعزيز داؤد غنى معها ثنائيا فى اكثر من مناسبه والمدهش اكثر عند زيارتها كنو برفقه الكاشف وعبدالعزيز بدعوه من السردونا رفضت رسميا اداء اى اغنيه بالرطانه " راجع حوارها 1970 مع محمد سليمان--فلقاء الاسبوع"رغم نهابالسودان تصدح احيانا باغنيات بلسان الهوسا الذى تصنفه الامم المتحده لغه رسميه وهذا باب اخر لان الهوسا لغه وليس قبيله ويوجد متحدثين بها فى جنوب افريقيا وزيمبابوى ..عند غنائها بالهوسا كان يرافقها على العود العوادالراقى على مكى الذى ارتبط بها كثيرا بعد مرحله فرح جيش والتجانى السيوفى واسماعيل عبد المعين كعوادين ...
|
Post: #29
Title: Re: ملكة جمال السودان !!! (عشوشة)
Author: محمد عثمان
Date: 03-05-2007, 05:16 PM
Parent: #1
تسجيل حضور
فى هذا البوست الجميل
اكيد بجيكم رااااجع...
كل مودتى..
|
Post: #33
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 06:13 PM
Parent: #1
الخالةالعزيزة :دومة
مني السلام ما غنى شادن او رطان
مني السلام ما حن مفارق الاوطان
اول اطير اليك معتزرا على تزكير اسمك اللامع
في هذا الموقع (سودانيز) كما الشكر التنبيه
الذي ورد الي من الاخ عادل جبارة.
وانت ايضا خالتي الغالية من ملكات جمال السودان
وكيف لا وانت تفعلين الخير وتحسنين لاهلك الغبش.
لك التحية والمودة
وبهديك اجمل اغنيات عشوشة ياخالتي الطيبة.
|
Post: #34
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 06:36 PM
Parent: #1
الاستاذ الحنين :حيدر حسن ميرغني
مشاركتك دائما تدفع الكاتب للرد السريع
جهزت مقال عن عشوشة وزيارتها لاتبرا
وكيف كان ذلك اليوم الذي حضره العم حسن ميرغني
وكان احد المعجبين بعشوشة
لي عودة تابع يا حنين
|
Post: #36
Title: Re: ملكة جمال السودان !!! (عشوشة)
Author: عصام دهب
Date: 03-05-2007, 06:50 PM
Parent: #34
تعرف يا أحمد أنا عايز أقول ليك سر ما في زول عارفه غير كمال خداري و مرتضى كرموش .. لما كنا ساكنين في شارع الشهيد أحمد إسماعيل ..
أنت عارف أنا بحبك شديد ..
لكن ما بحب أسمعك و أنت بتغني خااااالص ؟؟
عشان إنت الزول الوحيد الأطربني لمن بكيت ..
بكا عديييييل كدا يا أبو حميد ..
اليوم داك لما رجعنا الشقة الأديب / عبد الودود ( أداب ) كان معانا .. قال لي ( ألا ليت ( البرلوم )المفارق أمه بعيد الكرى عيناه تنسكبان ) .. قلت ليهو ( الما عارف يقول أمو ) ..
الله يديك العافية يا أحمد و إن شاء الله تغني لي في عرس بناتي عشان اليوم داك الما شاف يشوف ..
تحياتي لك على هذا البوست الرائع يا البكيتني يا رائع ..
|
Post: #35
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 06:47 PM
Parent: #1
الاستاذ الفنان الفاتح ميرغني
فتح الله عليك بدخولك معنا وكم سعدنا بهذه المداخلة
واشير الى تصحيح اسم والد مطربتنا عشه موسى احمد
ودمت استاذي الفاتح
|
Post: #37
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 06:57 PM
Parent: #1
الاستاذ العضو النشط المتالق دائما
هشام الزول العجوز الحلو
اسعدني دخولك معنا هذه البلدة المسماة عشوشة
وعشوشة اليوم توجناها ملكة الجمال السوداني
ارجوك حبيبي الزول الرائع انت تتابع المقال المنشور
هنا للمؤرخ احمد الامين احمد
مع وافر مودتي واسهامك
|
Post: #38
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 07:05 PM
Parent: #1
معلمي وقائد العمل الثقافي بالرياض ود جبارة
زينت البوست بهذه الارشفة الخالدة لعشوشة ملكة جمال السودان اشوفك في الفردوس
ومعانا هاشم خلف الله وسيف وعلاء قول امين
|
Post: #39
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 07:14 PM
Parent: #1
الخل الامتدادي ابن العمومة
عليك السلام
وخالتك عشوشة بتسلم عليك
وبتهديك اغنية (الدار الما داري ) على نمط الدار البيضاء
شكرا لاطلالتك
|
Post: #40
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 07:28 PM
Parent: #1
د .أحمد طراوة
ابن الزقازيق الرائع اوي اوي اوي (حضرتك وانت جيت زيارةللاستخراج الشهادة.
يا دكتور والله كنت على ثقة انك كان سمعت صوت
عشه بتدخل من غير ازن .
شكرا لهذا العطاء الجميل وانا فقط جدعت باص
وانت والشلة الهدافة سقتوها من النص ودخلتوها الكيس
واصل طلتك
|
Post: #41
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 07:37 PM
Parent: #1
المؤرخ الاستاذ : احمد الامين احمد
اولا اشكر اخوك الرائع عبد الكريم
الذي جاد علينا بدخولك المثمر دائما
في ليالي الطرب الاصيلة
وما اسعدني اكثر عندما علمت ان
الاخ الزقازيقي الصديق صلاح الامين
ابن هذه الاسرة العملاقة يحفظكم الله
ولنا عودة استاذي الكبير
|
Post: #42
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 07:43 PM
Parent: #1
الرائع الذواق محمد عثمان
وعدتنا ترجع لينا سريع
وبهديك رائعة عشوشة يجوا عايديين
وسعيدين بطلاتك البهية استاذي محمد عثمان
|
Post: #43
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 07:54 PM
Parent: #1
يا سلام عليك يا استاذ عمر عبد الله
حقا تسجيل نادر
زين البوست
ومادة مفيدة للغاية وكتر الف خيرك
ودمت ايها الاستاذ الرائع.
|
Post: #44
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 08:02 PM
Parent: #1
عصام الدهب المجمر
عصام دهب الثائر حامل هموم الوطن
ما اجمل ايام الزقازيق التي كنا نترنم
فيها باغنيات الملكة عشوشة الصوت
العميق .
شكرا صديقي عصام دهب على هذه الطلة
التي شرفتنا ولنا عودة مع اجدع ناس.
|
Post: #45
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 08:12 PM
Parent: #1
عشة الفلاتية تفضح مشاعر العطبراويين(أهل حيدر حنين)
انطلق قطار الشمال من الخرطوم الى عطبرة في مطلع الاربعينات
الكاشف وأخته الفلاتية وعميد الفن أحمد المصطفى
الرحلة فنية بصحبة مجموعة من العاذفين
الان عطبرة تترقب الوصول والمحطة مليانة ناس مودعين وناس مستقبلين .
سينما عطبرة تمتلئ برواد الحفل التاريخي عن بكرة ابيها
العميان شايل المكسر والعجلات ماليه الميادين .
افتتح الحفل عميد الفن احمد المصطفى وسط هالة من الاعجاب
وهو ممسكا بالعود باسما كعادته ليحلق بالاتبراويين في فضاء الجاغريو شاعر معظم اغانيه.
وكانت الوصلة التانية لابو الفن الكاشف وغنى أغنية يا قطار الشمال وهي من الاغنيات التي
فقدت في الحريق الذي حدث بالاذاعة السودانية. فهلل اهل عطبرة وانتشوا للكاشف الانيق .
وفي الختام نقدم لكم المطربة عائشة الفلاتية
تعذف الموسيقى عني مالم صدوا واتوارو حظي عاكس والا هم جاروا
وتصل الى اعلى مدى في صوتها : والا سافر فارق اوطانو وسار معاهم اينما سارو. ويسير اثر ذلك ثوار الاتبراوي الظماء الي فيضان التطريب العشوشي المفلتر بحبال صوتية لن يجود الزمان بمثلها.
ويعلوا معها صياح وتصفيق وصافرات الجمهور سمع دويها في أحياء المدينة الساكنة.
ليسير بعدها اهل عطبرة في موكب لن يتكرر ابدا مبدين اعجابهم بعشوشة ملكة جمال السودان للصوت النسائي !!!!
(معاوية دخل لينا الاغنية دي نستمع ليها امكن نقلد ناس اتبرا)
|
Post: #46
Title: Re: ملكة جمال السودان !!! (عشوشة)
Author: حبيب نورة
Date: 03-05-2007, 08:31 PM
Parent: #45
مررت من هنا
|
Post: #48
Title: Re: ملكة جمال السودان !!! (عشوشة)
Author: عثمان سيد أحمد
Date: 03-05-2007, 09:55 PM
Parent: #46
الحبيب الفنان صاحب الحنجرة الذهبية أحمد عجوز
تحية الفن والإبداع
أتحفتنا ايها الحبيب بالكتابة عن روائع الزمن الجميل 00 إبراهيم الكاشف وعائشة الفلاتية وبقية العقد الفريد 00 لقد أطربتني أيها الصديق وفاجاتني بذلك الصوت الرائع وأنت تتغني في حفل تكريم الفنان عثمان حسين بأغنية عائشة الفلاتية ( من دار الإذاعة ) ترحيبا بالإعلامي المخضرم ( ذو النون بشرى ) 00
ايها الصديق عجوز
لا تحرمنا من هذه الروائع 00 وانت الفنان المسكون بالإبداع 00
شكرا لك ايها الفنان الجميل 000
مع مودتي 000
|
Post: #47
Title: Re: ملكة جمال السودان !!! (عشوشة)
Author: ahmed agooz
Date: 03-05-2007, 09:35 PM
Parent: #1
حبيب البوست ونورة وعشوشة
امثالك فرح متدفق مثل حبيبتي
وخالتي عشة رحمة الله عليها
طلتك جميلة وتعبيرك بليغ
شكرا
|
Post: #49
Title: Re: ملكة جمال السودان !!! (عشوشة)
Author: غباشي
Date: 03-05-2007, 10:51 PM
Parent: #1
عجوزنا يا حلو
دايما الرائعين الزيك هم البينكتو مواضيع لذيذة و مفيدة تخلي الناس تعرف قديمها ... شكرا وانت في باكورة( بوستاتك ) ومن قولة تيت في الوش طوالي و بالخط العريض ... لقدام
|
Post: #50
Title: Re: ملكة جمال السودان !!! (عشوشة)
Author: Moawia Mohammed
Date: 03-06-2007, 01:56 AM
Parent: #1
عني مالم
|
Post: #51
Title: Re: ملكة جمال السودان !!! (عشوشة)
Author: ahmed agooz
Date: 03-06-2007, 03:56 AM
Parent: #1
أهلي ناس الصحافة
في اللحة القلت عني مالم صدوا واتاوارو
جيتوني يالحلوين
عثمان ود سيد احمد
غباشي
معاوية
ثلاثي مرح
ليكم مودتي
وعشوشة تستاهل اكتر من كده!!
|
Post: #52
Title: Re: ملكة جمال السودان !!! (عشوشة)
Author: doma
Date: 03-06-2007, 06:08 AM
Parent: #51
Quote: لخالةالعزيزة :دومة
مني السلام ما غنى شادن او رطان
مني السلام ما حن مفارق الاوطان
اول اطير اليك معتزرا على تزكير اسمك اللامع
في هذا الموقع (سودانيز) كما الشكر التنبيه
الذي ورد الي من الاخ عادل جبارة.
وانت ايضا خالتي الغالية من ملكات جمال السودان
وكيف لا وانت تفعلين الخير وتحسنين لاهلك الغبش.
لك التحية والمودة
وبهديك اجمل اغنيات عشوشة ياخالتي الطيبة. |
تسلم حبيب خالتك دومه
ياهوداالسودان يا هو دا السودان
ولوما جيت من ذي ديل كان وامغستي وآسفاي
تحياتي لكل ابنائي الطيبين بهذه الدار العامره دار امنا الجميله عشه
تحيع
|
Post: #53
Title: Re: ملكة جمال السودان !!! (عشوشة)
Author: doma
Date: 03-06-2007, 06:08 AM
Parent: #51
Quote: لخالةالعزيزة :دومة
مني السلام ما غنى شادن او رطان
مني السلام ما حن مفارق الاوطان
اول اطير اليك معتزرا على تزكير اسمك اللامع
في هذا الموقع (سودانيز) كما الشكر التنبيه
الذي ورد الي من الاخ عادل جبارة.
وانت ايضا خالتي الغالية من ملكات جمال السودان
وكيف لا وانت تفعلين الخير وتحسنين لاهلك الغبش.
لك التحية والمودة
وبهديك اجمل اغنيات عشوشة ياخالتي الطيبة. |
تسلم حبيب خالتك دومه
ياهوداالسودان يا هو دا السودان
ولوما جيت من ذي ديل كان وامغستي وآسفاي
تحياتي لكل ابنائي الطيبين بهذه الدار العامره دار امنا الجميله عشه
|
Post: #54
Title: Re: ملكة جمال السودان !!! (عشوشة)
Author: معتصم دفع الله
Date: 03-06-2007, 12:35 PM
Parent: #1
أستاذنا أحمد عجوز تحياتي ..
بوست جميل عن فنانة جميلة كانت ولا زالت بيننا بأغانيها الرائعة وحلوة ..
عائشة الفلاتية رصيد ضخم من الإبداع ونقلة كبيرة في خارطة الأغنية السودانية ..
شفت البوست من أمس وقلت لازم أجي داخل ويدي ملانة ..
|
Post: #55
Title: Re: ملكة جمال السودان !!! (عشوشة)
Author: صديق الموج
Date: 03-06-2007, 01:13 PM
Parent: #1
| Quote: ... يا بدر الكون انا بيك مفتون وحبك شايفو كل ثانية يزيد |
عجوز الحبيب بالله خلى بالك من البيت الكتبو الولد طراوة ده..بس لازمو
شوية تعديل وزى ماعارفنى ما بريد كسير كلام ناس زمان ديل..
القصيدة بتفول:
يابدر الكون انا بيك مفتون وحبك صار كل ثانية يزيد
اروم وصلك يا شبيه الصيد سهام عيناك لى فؤادى تصيد
بالله يا احمد شوف اروم دى ساكت والقصيدة من كلمات على محمود التنقارى
وبعدين شوف ناسنا ديل حقوقهم مهضومة كيف....حكى لى الاستاذ صديق مدثر الاتى.
كالعادة المذيعين لايهتمون بذكر اسم الشاعر وطوالى يدخلوا والان نستمع الى المطرب
فلان الفلانى..فمرة احد المذيعين المتحذلقين كان عليه ان يقدم الفلاتية فى هذه
الاغنية فقام قال ومن كلمات الشاعر الذى تغنت له ام كلثوم على محمود الجندول تغنى لنا عائشة الفلاتية اغنية صباحك خير..وعندما صححه المخرج.. فعلى محمود قال الزول ده زى
الكان ممتعض فقال القصيدة من كلمان على محمود التنقارى وليس الشاعر الكبير على
محمود المهندس شاعر مصر العظيمة والرجل الذى انشد كلماته كثير من الفنانين الكبار
بالله يا احمد دى فرقها من الجندول شنو وصوت عشوشة السمح ده ولا قارى لصوت ام كلثوم
لكن الزيط من الله ساكت..باذن واحد احد راجع للخيت ده،،،،
الفلاتية
|
Post: #56
Title: Re: ملكة جمال السودان !!! (عشوشة)
Author: عبد الدائم سيد أحمد
Date: 03-06-2007, 01:32 PM
Parent: #1
شكرا" احمد عوض وانت بتمسـك طرف هذا الخيط الرفيع
النادر التكرار
البوست فعلا" محتاج لفرد مساحات كافية للجمال
يار يت التوثيق يكون للاغانى والالحان والكلمات
اذكر فى سهرة عام 1988م الفكى عبدالرحمن مع البلابل
طلب منهم اغنية لعشة الفلاتية ، فرد هادية بأن الغناء
لجيل الرواد شديد الحساسية حتى لا يدخلو فى فهم مغلوط
ولذلك قامو باداء مقطع بسيط من اغنية عنى مالم
ودا ان دل على شى انما يدل على مكانة عشة الفلاتية
عند أهل الفن
وواصل يديك العافية
|
Post: #57
Title: Re: ملكة جمال السودان !!! (عشوشة)
Author: حاتم هاشم
Date: 03-06-2007, 04:16 PM
Parent: #56
بسم الله الرحمن الرحيم
الاخ احمد
سلام..
شكرا علي البوست الرائع
الفنانه عشه الفلاتيه
تحياتي...
حاتم هاشم.
|
Post: #58
Title: Re: ملكة جمال السودان !!! (عشوشة)
Author: ahmed agooz
Date: 03-06-2007, 06:04 PM
Parent: #1
خالتي الدومة
ازيك حبيبة قساي
يعني جيتك التانية دي حتخليني اواصل
مع عشوشة لمن الناس تحفظ غناها السمح
والله اعجاب الناس بعشة يفرح القلب الكئيب
ويحي روح ميت الشعور
ما عندك يا خالتي زكريات مع واحدة من اغاني
خالتي عشة.
|
Post: #59
Title: Re: ملكة جمال السودان !!! (عشوشة)
Author: ahmed agooz
Date: 03-06-2007, 06:19 PM
Parent: #1
الجميل معتصم ود دفع الله
انت دايما يديك الاتنين مليانات بالعطايا
دخلت بالليمون الاخضر
وخلي السقاية علي انا
هذه مداخلة تمثل جمال بورداب الرياض
وبهديهم اغنية ود دفع الله
|
Post: #60
Title: Re: ملكة جمال السودان !!! (عشوشة)
Author: ahmed agooz
Date: 03-06-2007, 06:36 PM
Parent: #1
صديق الموج
الحكم صفر ضربة البداية
وانا فقط مررت الكورة باص الى الامام
الباقي عليكم انت وامثالك من القناصين
المهرة الفلتات في تاريخ الفن.
انا منتظر منك تروي لينا قصة الفلاتية عشوشة
واخوها الكاشف .
|
Post: #61
Title: Re: ملكة جمال السودان !!! (عشوشة)
Author: ahmed agooz
Date: 03-06-2007, 06:49 PM
Parent: #1
عبد الدايم ود سيد احمد
ياخوي انت جيت داخل ومعاك تلاتة بنات
فلتات (البلابل) هم امتداد لجيل الرواد
وتعليقهم اعلاه هو سبب من اسباب
تفردهم .
رحم الله خالتي عشوشه وامد في انفاس البلابل.
|
Post: #62
Title: Re: ملكة جمال السودان !!! (عشوشة)
Author: ahmed agooz
Date: 03-06-2007, 07:03 PM
Parent: #1
حاتم هاشم
حتما انت هاشما وبحرا زاخرا ليس له ساحل
صورة عائشة الفلاتية كانت مفقودة والبوست
غير مكتمل ولكن نفحاتك الهاشمية اضفت اليه
جازبية ورونق كرونق خالتنا عشه
شكرا ود المراغنة ومن دار اللاذاعة برسل ليك
تهاني اترغب سماعه.
|
Post: #63
Title: Re: ملكة جمال السودان !!! (عشوشة)
Author: ahmed agooz
Date: 03-06-2007, 10:25 PM
Parent: #1
من هنا بعمل دعاية مجانية لمحل الاشرطة السودانية
في شارع غبيرة العام بالرياض مقابل مطاعم التيسير
واشرطة عشة كمية محدودة.
|
Post: #64
Title: Re: ملكة جمال السودان !!! (عشوشة)
Author: ahmed agooz
Date: 03-07-2007, 03:58 AM
Parent: #1
الفنانة عشة الفلاتية تاثر قلوب أهل القضارف
برائعتها سمسم القضارف
|
Post: #65
Title: Re: ملكة جمال السودان !!! (عشوشة)
Author: mekki
Date: 03-07-2007, 05:55 AM
Parent: #1
شكرا المحترم أحمد عبدالعزيز...
ونحسد من سبقونا على زمنهم الجميل....
لقد كان كل شئ رائعا وعذبا...
فكان الإبداع والالق....
ليت الماضى يعود...
حتى تكون لدينا فرصنا للتصحيح...
يا ليته!
|
Post: #66
Title: Re: ملكة جمال السودان !!! (عشوشة)
Author: omer abdelsalam
Date: 03-07-2007, 08:37 AM
Parent: #1
عشة الفلاتية ..نغمة رائعة في الفن السوداني لايمكن تكراره ..لانها ظهرت في عصر كان المبدع الحقيقى لايظهر في الوسط الفنى إلا اذا اجتاز متاريس ومطبات صعبة وحفيت قدماه..فعليه ان ينحت في الصخر حتى يطلق عليه فقط لقب ( فنان ) ..انظروا فقط لمسيرة هذه الفنانة الجميلة حقا . ومسيرة اخوها الكاشف ..ونقارن بمايحدث اليوم وسنعرف بالتاكيد ان الفنان اليوم يمكن ان يدخل عالم الفن بسهولة متناهية ..ولهذا يمكن أن يقدم للجمهور مواد فنية لايتصبب منها العرق ..وتصيب المستمع بالغثيان
|
Post: #67
Title: Re: ملكة جمال السودان !!! (عشوشة)
Author: على محمد على بشير
Date: 03-07-2007, 09:13 AM
Parent: #66
احمد يا حبيب
اسعد الله اوقاتك بكل الخير
ومشكور كتير على هذا البوست الاكثر من رائع
واصل ونحنا متابعين
|
Post: #68
Title: Re: ملكة جمال السودان !!! (عشوشة)
Author: هاشم أحمد خلف الله
Date: 03-07-2007, 12:53 PM
Parent: #67
Quote: الفنانة عشة الفلاتية تاثر قلوب أهل القضارف
برائعتها سمسم القضارف |
السمسم القضارف
الزول صغير ماعارف
قليب الريد كلما هديتك شارد
حبيب بريدك ريدة
ريدة الحمامة لوليدة
حبيب تعال وخلي نتم الريدة
ختولو فوق الهولو
ندهت ليهو رسولو
حبيب الروح ماحنا يوم في نزورو
حبيب تعال نتقدام نسير سوا ونتكلام
اطير حدي واخطفو من العالم
يايمة ماني وحيدي
شايلة الصغير في يدي
مابي الفراش
وداير الرقاد فوق يدي
يايمة ما تدوقنو العوقر مابلدنو
الفين جنيه من امو مابجيبنو
حبيبي احمد عجوز , انت صانع الفرح في هذا الزمن الصعب
وارجو التصحيح لو أخطاءت الكتابة او المفردات ؟
|
Post: #69
Title: Re: ملكة جمال السودان !!! (عشوشة)
Author: Moawia Mohammed
Date: 03-07-2007, 02:26 PM
Parent: #68
الأخ العزيز هاشم
سمسم القضارف
|
Post: #70
Title: Re: ملكة جمال السودان !!! (عشوشة)
Author: Tabaldina
Date: 03-07-2007, 03:22 PM
Parent: #1
..
.
رحمهم الله رحمه واسعة
| Quote: عشان اتكلم عن اجمل صوت نسائي تربع على عرش الجمال الصوتي |
عشة الفلاتية وابو داؤود لا شك فى أدائهم وابداعاتهم وغنائهم
لكن يا احمد انت بتتكلم عن اجمل صوت ..
ياخى انت ما تتكلم عن نفسك ..
والله لو المنبر بحس لو غنيت انت اغنية هنا والله الشاشة تهتز
والله يا عجوز ..
كل ما اشغل شريط للكاشف او اسمع زولاً بقلد الكاشف
لا اتذكر الكاشف بقدر اننى اتذكر ود العوض ..
لم تبكـ عصام لوحدة بل جميعنا
نفتقدك ونشتاقك ونحن لغنائك وجلساتك وصولاتك ..
ياخىالاغانى مواقف ..
واى اغنية تعيدنا لايام مضت لن نننسي ذكراها ..
اعود
حتماً
سافعل
لك تحيات اسامه( خضر /ابتر) ويَسْلِم
_______________
أه يا ..ود العوض ..
منك العوض وليك العوض ؛
|
Post: #71
Title: Re: ملكة جمال السودان !!! (عشوشة)
Author: عبدالأله زمراوي
Date: 03-07-2007, 03:33 PM
Parent: #70
بوست يرد الروح...
شكرا الفنان احمد عجوز فقد استمتعنا ببلبلة السودان عائشة الفلاتية عليها الرحمة..
|
Post: #72
Title: Re: ملكة جمال السودان !!! (عشوشة)
Author: Moawia Mohammed
Date: 03-07-2007, 04:11 PM
Parent: #1
استمعوا لصاحب البوست زاتو
|
Post: #74
Title: Re: ملكة جمال السودان !!! (عشوشة)
Author: EMU إيمو
Date: 03-07-2007, 04:30 PM
Parent: #72
يوماتي اتاوق من فوق وأعرض
اليوم دخلت فضولاً
على طول تذكر جدي الذي أراد ان لا ينزوج إلاّ بزولة تيمى (عشة)
التحية لعشاق الفن الجميل
|
Post: #73
Title: Re: ملكة جمال السودان !!! (عشوشة)
Author: Moawia Mohammed
Date: 03-07-2007, 04:22 PM
Parent: #1
وشاهدوه يصدح بي يا سمير بي نظرتك
|
Post: #75
Title: Re: ملكة جمال السودان !!! (عشوشة)
Author: صديق الموج
Date: 03-07-2007, 04:39 PM
Parent: #1
عائشة الفلاتية
في شهر فبراير 1974 رحلت الفنانة عائشة الفلاتية التي كانت تعتبر بحق الفنانة الأولى في السودان واسمها الحقيقي عائشة موسى أحمد.
اشتهرت عائشة الفلاتية في مجال الغناء وزاد لمعانا مع مرور الأيام فقد كانت ذات طابع خاص وأسلوب معين وطريقة مستحبة في الأداء والتنغيم والتعبير أيضا
والفنانة عائشة الفلاتية كانت تكرر دائما بأنها لم تفكر في يوم الأيام الاشتغال بالفن فقد كانت تغني بعد أن ظهرت موهبتها في بساطة وتفيض حيوية وعذوبة وأسلوب بسيط وصوت رنان جذب حوله الكثير من المعجبين ولهذا فقد جرفها تيار الفن إلى دنيا الاحتراف لتجد مكانها الطبيعي في دنيا الغناء والطرب
ولدت في امدرمان عام 1922 وكان والدها قد حضر إلى السودان وهو صغير مع أقاربه من نيجيريا بغرض التجارة واستقر فيه وتزوج فيه وانجب بنتين وعائشة واستقر في السودان
وكانت عائشة مولعة منذ الصغر بالغناء وقد استلهمت من الغناء الخفيف المصادر الأولى لفنها الذي كان يعرف بالتمتم فحفظت عدة أغنيات تجلت في أدائها
وابتداء اسمها يلمع وصوتها ينتشر بسرعة وكانت في ذلك الوقت حريصة علي أن تغني للأهل والأصدقاء في المناسبات الخاصة فكان من الطبيعي أن تحوز علي إعجاب كل من استمع إليها
وكانت تستمع للاغاني الفنان احمد المصطفي وحسن عطية وسرور من الراديو وتمنت من صميم قلبها أن تكون مثلهم وتغني في الإذاعة وإذا بحلم الفتاة يتحقق فقد سمع عنها الأستاذ حسين طه زكي مراقب الإذاعة في ذلك الوقت فاثني عليها ووافق علي تقديمها للمستمعين ليستمتعوا بهذا الصوت وهكذا غنت عائشة لأول مرة في الإذاعة أغنية البلال تزورني
وبعد النجاح الهائل والرسائل التي انهالت علي الإذاعة من المستمعين اطمأنت عائشة لمستقبلها الفني كفنانة وزادت معنوياتها وشقت طريقها بثقة وكانت سعيدة جدا عندما تقاضت مبلغ خمسة جنيهات كأجر لها من الإذاعة ففرحت واشترت خروفا وأقامت حفلا لأقاربها وأصدقائها ابتهاجا بهذه المناسبة
تزوجت عائشة في بداية حياتها من شاب وعاشا معا فترة طويلة وأنجبت ولدا إلا أن زواجها لم يكتب له النجاح وعاشت مزعزعه وقلقة في تلك الفترة ولكن سرعان ما استعادة الأمل واستمرت في الانطلاق نحو رسالتها الفنية
وعادت تغني وقفزت للقمة عندما غنت للجنود البواسل بالميدان تسال الله أن يعيدهم منتصرين وهكذا لاقت أغنية يجوا عايدين نجاحا منقطع النظير ولا تزال هذه الأغنية تحتل مكانة كبيرة في نفوسنا
وبعد ذلك واصلت نشاطها وازدادت محبة وإعجاب لدي المستمعين وخاصة عندما غنت الأغاني القديمة التي تتجلى فيها الروح السودانية الأصيلة وكان من الطبيعي أن يهتم بها الشعراء والملحنون
وهكذا غنت للشاعر عبدالرحمن الريح وللشاعر علي محمود وعبدالمنعم عبد الحي ولفت صوت عائشة المطرب احمد عبدالرازق حيث أحس في صوت عائشة تعبيرات مؤثرة أوحت إليه بإمكانية استغلال هذا الصوت في عمل فني مشترك وهكذا تعاون معها في وضع لحنين لأغنيتين شاركا فيهما بالأداء وكانتا بلا شك من الأعمال الجيدة لفتت أنظار المعجبين إليهما كانت الأغنية الأولى الريدة والثانية يا جافي حرام
وهكذا تألق نجم الفنانة عائشة الفلاتية وابتسمت لها الحياة وتغلغل فنها في نفوس المستمعين
وفي مجال المناسبات الموسمية كانت لا تمر مناسبة تحتفل بها الدولة إلا وكانت في مقدمة المشاركين وفي مناسبات رسمية كثيرة كانت ضمن البعثات
وفي احتفال نيجيريا بعيدها القومي وجهت لها دعوة شخصية عن طريق وزارة الإعلام نظرا للمكانة الكبيرة التي تحتلها في نفوس الشعب النيجيري وكانت تحفظ بعض الأغاني بلهجة قبائل نيجيريا وتغنيها لهم علي طريقة الألحان السودانية فلاقت استحسانا وقبولا كبيرا
ولعائشة الفلاتية الآن ما يقارب ستين أغنية كما لها بعض التسجيلات في إذاعة ام درمان ولندن والكويت والسعودية وأثيوبيا والصومال وقد سجل بريد المستمعين اكثرا من مرة رقما كبيرا لأغانيها الناجحة ومن اشهرها المودة ـ سافر حبيب الروح ـ البرتقال ـ الممنوع وصاله
ولم يقتصر نشاطها علي الأغنية العاطفية فغنت للعيد ورمضان وأنشدت الأغاني الدينية ولم تترك مناسبة وطنية إلا وشاركت فيها بحماس ومن بينها نشيد يا بلادي وشعب السودان يا بطل وأغنية بلادي حلوة
عائشة الفلاتية تربعت عن جدارة علي عرش الغناء في السودان طيلة ما يقرب ثلاثين عاما وتركت وراءها ثروة فنية لا يستهان بها تؤكد أصالتها الفنية وإخلاصها لفنها.
المصدر:http://www.mugran.com/omdur/board//archive/index.php/t-8016[/B]
|
Post: #76
Title: Re: ملكة جمال السودان !!! (عشوشة)
Author: ahmed agooz
Date: 03-07-2007, 07:25 PM
Parent: #1
الاخ مكي
سلامات
وشكرا
ونتواصل
|
Post: #77
Title: Re: ملكة جمال السودان !!! (عشوشة)
Author: Moawia Mohammed
Date: 03-08-2007, 06:46 AM
Parent: #76
فوق
|
Post: #78
Title: Re: ملكة جمال السودان !!! (عشوشة)
Author: Moawia Mohammed
Date: 03-08-2007, 12:34 PM
Parent: #1
UP
|
Post: #79
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:25 AM
Parent: #1
الاخ العزيز/عمر عبد السلام (عليك السلام)
المطربة عشه الفلاتية موهبة غنائية قل ان يجود الذمان بمثلها.
هذه الهالة الاعجابية التي تحف فنها وشخصها من صفوة
المستمعين امثالكم دليل على بقاء فنها ومواكبته عصر جديد.
التحية لك يابن صحافتي ولكل من يزور عشوشة.
|
Post: #80
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:27 AM
Parent: #1
اخي العزيز /علي محمد علي بشير
البوست جميل بكم وبمن يكتب
وينصف المبدعين من بلادي.
اشكرك على الطلة.
|
Post: #81
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:28 AM
Parent: #1
هاشم خلف الله( شاعر الحب)
سمسم القضارف من الاغنيات الوجدانية العفوية .
تذكرني بايام الطفولة (الزول صغير ما عارف)
(يايمة ماني وحيدي شايلة الصغير فوق إيدي)
(يا يمة ماتدقنو العقر مابلدنو الفين جنيه من امه مابجيبنو)
عشه تنفست في ادائها بنفس الفنان الحنون الرقيق فكانما
تهدهدك حين سماعها .
|
Post: #82
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:29 AM
Parent: #1
معاوية (المكتبة الفنية)
سمسم القضارف مسجلة ايضا في الاذاعة
بصوت الفنان (مدني صالح) فنان الربوع .
والاغنية تغنى حتى يومنا هذا ولم تشيخ .
|
Post: #83
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:30 AM
Parent: #1
صالح البرلوم شخصيا
الرجل البسوم طيب القلب عاشق الجمال
طبعا ناس الابيض بحبو عشه وعشان كدا
في اول البوست قصتها مع ناس الابيض.
ومشتاق لوجهك الصبوح الباسم
وتسلم انت ويسلم والاسامين ابتر وخضر.
واهديكم كل اغنيات عشوشة.
الله يخليكم .
|
Post: #84
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:32 AM
Parent: #1
الاخ /عبد الاله زمراوي
اشكرك كتير على طلتك علينا
وعشه قاسم مشترك لكل المحبين
وناس البوست ما ساهلين.
|
Post: #85
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:33 AM
Parent: #1
الاخ /إيمــــــو
شكرا ليك للمداخلة اللطيفة
وعشوشة ملك لقلوب كل الشعب السوداني.
دمت ياخوي
|
Post: #86
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:37 AM
Parent: #1
صديق الموج(خفيف الروح)
حامل هموم الفن والوطن والتراث والكورة والسياسة
وفقك الله لمصلحة البلاد والعباد
ومشكور على التوثيق .
|
Post: #87
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:38 AM
Parent: #1
نفاد اشرطة عشة الفلاتية
وصلت الى محل الكاسيت ووجدت
ان اشرطة عشة الفلاتية نفدت
وان دل فانما يدل على
حب المستمعين لاغنيات عشوشه.
|
Post: #88
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 03:39 AM
Parent: #1
الخالة دومة
شعارك يحكي عن أصالتك
وطلاتك تسعد قلوبنا كتير
وتسلمي خالتنا.
|
Post: #89
Title: Re: ملكة جمال السودان !!! (عشوشة)
Author: عبدالكريم الامين احمد
Date: 03-09-2007, 05:00 AM
Parent: #88
استمعوا لصاحب البوست زاتو
في ساحة المدهشة (عشة الفلاتية) تطل دوما الروعة والدهشة..وهاهو معاوية يواصل وبحضور
المبدع الكبير (احمد عجوز) صاحب الصوت الذي تحس وانه يغني (يامي) ببساطا يحملك عبر حدائق
وبحار وعوالم تذهب بك بعيدا في التطريب تتمني ان لا تعود ابدا..
اليوم هاتفني الاخ الاكبر صلاح الامين وذكرت له حضور شخص ينثر الدرر ويسامر القوم بروح موغلة
في الجمال عن الفن الاصيل يسمي (احمد عجوز)....
قال صلاح وفي صوته رنت لمحة اشواق لزمن بعيد ملي بالحيوية والشباب....
ده ما احمد عجوز وبس..!!
ده احمد عوض عجوز اعظم حنجرة غنت باغاني الحقيبة والفن السوداني الاصيل.....
لك كل التحية والتقدير ايها المبدع عجوز...ولك التحايا لمعاوية ..وبالله شوفوا لينا بيت
ناصية في حلتكم دي..
|
Post: #90
Title: Re: ملكة جمال السودان !!! (عشوشة)
Author: ahmed agooz
Date: 03-09-2007, 05:14 AM
Parent: #1
اخوي عبد الكريم الامين
انا برجع ليك ولحبيب الزقازيقيين
الصديق صلاح الامين حامل هموم
الغبش والفن .
|
Post: #92
Title: Re: ملكة جمال السودان !!! (عشوشة)
Author: ahmed agooz
Date: 03-10-2007, 00:58 AM
Parent: #1
العزيز جداالاخ انور
طلتك علينا رفعت البوست من جديد
يديك العافية يا رائع
ودمت وواصل معانا
|
Post: #93
Title: Re: ملكة جمال السودان !!! (عشوشة)
Author: Aisha Hommaida
Date: 03-10-2007, 02:53 AM
Parent: #1
| Quote: بالفعل عاشت مغنيه السودان الاولى عشه فى السودان واختلطت باهله رغم ان اصولها من قبيله الهوسا النيجيريه علما ان الست عاشه مولوده بكسلا يعنى هى مثلك سودانيه بالميلاد لذا لاتنظر اليها كجسم غريب وسط المجتمع السودانى الذى اعطاها الكثير من الحب والوفاء ولعلمك السودان ليس شعب بل مجموعه شعوب فالكاشف مثلا مغربى وديمترى البازار يونانى واسماعيل خورشيد تركى لكنهم جميعا سودانين فى وطن قاره يذوب القبائل والشعوب داخل معدته الضخمه ليخلق الوطن السودان الذى ينمتى اليه كل من ولد بداخله حسب قانون الجنسيه السودانيه للعام 1957 بعباره اخرى السودان melting pot مثل امريكا التى حوت مهاجرين من اثنيات شتى منهم شقيقتك تماضر التى رغم انها مولوده بالسودان تعتبر بحكم القانون مواطنه امريكيه خلافا لعشه الفلاتيه التى تعتبر سودانيه بالميلاد وليس بالهجره لانها من مواليد كسلا وهى حقا اجمل حنجره نسائيه صدحت بالسودان منذ ان عرفن السودانيات الغناء حتى عصر المغنيه السودانيه المهاجره باسبانيا رشا شيخ الدين.... باختصارعشه جزء اصيل من نسيج المجتمع والوطن السودانى ولم يمنحها احد السودانين شيئا لم تستحقه مثلها شرحبيل وعبدلعزيز محمد داؤد وعثمان الاطرش وابراهيم حسين وغيرهم |
Oustanding Post{{{{
Up
شكرا لأخ أحمد على هذا الجمال والإبداع...للزهرة الجميلة عشة الفلاتية رحمها الله
اجمل الأصوات السودانية ...
شكرا
|
Post: #94
Title: Re: ملكة جمال السودان !!! (عشوشة)
Author: ahmed agooz
Date: 03-10-2007, 04:09 AM
Parent: #1
الاستاذة المليانة روعة عائشة عبدالله حميدة
يا مرحبا بك يا عشوشه الصغيرة
وسعدت جدا باهتمامك ومتابعتك لسيرة الملكة عشة الفلاتية
ووجدت ان هناك سمتين تجمع بينك وبين حبيبتنا عشوشة
الاولى : الاسم
الثانية: كسلا
ومذيدا من مشاركاتك معنا ستجعلنا اكثر سعادة
وستعم الفائدة على الجميع
شكرا اختي عشوشة الصغيرة
|
Post: #95
Title: Re: ملكة جمال السودان !!! (عشوشة)
Author: ahmed agooz
Date: 03-10-2007, 01:39 PM
Parent: #1
من خلال اللقاء الصحفي مع سيدة
الغناء السوداني عشه الفلاتية
الذي نشره الصديق عادل جبارة
تلمست خفة ظل المرحومة وبساطتها
وطيبة قلبها واصالة معدنها
وهكذا الذهب الخالص لا يصداء ابدا .
|
Post: #96
Title: Re: ملكة جمال السودان !!! (عشوشة)
Author: ahmed agooz
Date: 03-11-2007, 02:52 AM
Parent: #1
قصة ساعة عشة الفلاتية !!!
|
Post: #97
Title: Re: ملكة جمال السودان !!! (عشوشة)
Author: معتصم دفع الله
Date: 03-11-2007, 05:45 PM
Parent: #1
تحياتي أستاذنا أحمد عجوز ..
هذا الحوار أجراه رحمي سليمان مع الفنانة عائشة الفلاتية ..
عمره أكثر من 40 عاماً ..
تاريخ صدور هذه الصحيفة وهي الخرطوم في 26/7/1993م ..
|
Post: #98
Title: Re: ملكة جمال السودان !!! (عشوشة)
Author: مجدي عبدالرحيم فضل
Date: 03-11-2007, 09:10 PM
Parent: #97
دائما نستمع لكل جميل وما صوتها الا رمز صفاء
وجمال في جمال وأنت يامن تمتلك حنجره لا تقل
عن عظماء وعمالقة الغناء في ربوع بلادي بل أنا
ممن شهدوا لك يأحمد وكم أطربتنا زمن من الأزمنه
ونحن كل يوم نتنسم عبير من عبير الغناء السوداني
الجميل وانابحق لاأتزوق غير الفن السوداني كلمة ولحن
وأداء ولك التحية أحمد عوض الفنان الرائع،،،
سأرسل من أريج المسك عطرا
يفوح الي من أحبه فؤادي
أخوكم
أبوقصي
جده
|
Post: #99
Title: Re: ملكة جمال السودان !!! (عشوشة)
Author: ahmed agooz
Date: 03-12-2007, 03:23 AM
Parent: #1
امير شباب بورداب الرياض الاخ /معتصم دفع الله
نحن في انتظار اللقاء الصحفي
للاستاذ رحمي سليمان مع عشة الفلاتية
والف شكر امير الشباب
|
Post: #100
Title: Re: ملكة جمال السودان !!! (عشوشة)
Author: ahmed agooz
Date: 03-12-2007, 03:31 AM
Parent: #1
الاخ العزيز مجدي عبد الرحيم
اشكرك على شعورك الذي يغمرنا دائما
بجزيل عطفكم
ومرحبا بك قلما وفكرا متوهجا
واتمنى ان تسهم معنا بالمعلومات التى
عكفنا اهل البوست لتوثيقها
تقديرا واعجابا بفن الصوت الاجمل
في مسيرة الصوت النسائي
وليت صديقنا صلاح وداعة علم بهذا
البوست فهو محب لعائشة الفلاتية
لدرجة المبالغة.
شكرا الاستاذ مجدي ابو قصي
|
Post: #101
Title: Re: ملكة جمال السودان !!! (عشوشة)
Author: Moawia Mohammed
Date: 03-12-2007, 12:16 PM
Parent: #1
فوق
|
Post: #102
Title: Re: ملكة جمال السودان !!! (عشوشة)
Author: ياسر نجيلة
Date: 03-12-2007, 08:27 PM
Parent: #101
الأخ أحمد عوض / العزيز أبدا ...
أعتذر لأني لم أكتشف هذا الفن والجمال إلا اليوم ... عذرا لتأخرنا
فأنت دائما منبع الروعة والإبداع ...
فكلك فن ... دائما تحريك فينا جذوة الفن التي وئدت بدواخلنا... بدءا من اطلالتك بالزقازيق
وسعدت جدا بمعرفة اخبارك وخاصة مواصلتك الإبداع والغناء ... حمدا لله
توقع زيارتنا قريبا للإستماع ... إذا كنت فعلا مقيم بالرياض السعودية
سلامي ...
|
Post: #103
Title: Re: ملكة جمال السودان !!! (عشوشة)
Author: ahmed agooz
Date: 03-13-2007, 00:12 AM
Parent: #1
الاديب / ياسر نجيلة
وعليكم السلام
سعيد جدا بطلتك البهية
وبكلماتك العذبة المفلترة
ونفرش ليك الرياض ورود وزهور
ولو ما غنيت ليك اجيب ليك عبد الدائم من جدة
ولكن راجنك تطلع لينا من مذكرات الراحل
المقيم نجيلة اي شي عن الملكة عشوشة
واكيد حتلاقي
وتاني شكرا
|
Post: #104
Title: Re: ملكة جمال السودان !!! (عشوشة)
Author: ahmed agooz
Date: 03-13-2007, 05:48 PM
Parent: #1
هنا أمدرمان إذاعة جمهورية السودان:
من دار الإذاعة برسل ليك تهاني إترغب سماعا
اغنية من دار الإذاعة للمطربة عائشة الفلاتية
تذكرنا بفرحة العيد وبكل صباح جديد
ولان دار الإذعة وطن مسكون بالجمال والابداع
قصة عشه مع ساعتها كانت داخل حوش الإذاعة
كان وقتها تعاني المطربة عشه من مشكلة مادية
وكانت تلبس في يدها ساعة يد أنيقة .
وكان في ذلك الوقت تنتشر قرعة (الكرتلة)
وعرضت ساعتها في سحب اليانصيب وكان الحدث
داخل حوش الإذاعة .
وعندما فاز صاحب النصيب عمل كرتلة جديدة
وتم السحب وأخذ المبلغ وسلمه بالكامل لعشة .
وكانت المفاجاة لعائشة ان الفائز الجديد ايضا عرض الساعة في سحب جديد وأخذ المبلغ والساعة ومعه الفائز الجديد وتم التنازل من المبلغ والساعة للفنانة عشة الفلاتية التي قابلت هذا
الصنيع الجميل بالبكاءالشديد وهي غير قادرة
عن التعبير عن شكرها في تلك اللحظات .
(معاوية ادينا من دار الإذاعة وخلينا نرجع البلد ونعود لقواعدنا من جديد .)
|
Post: #105
Title: Re: ملكة جمال السودان !!! (عشوشة)
Author: salma subhi
Date: 03-14-2007, 11:39 AM
Parent: #104
عدت بناالى ايام عشة الفلاتية وأبو داؤود ولاأنسى الكبريتة التي في يده ....يله من فن اصيل
تحياتي لك وللفن السوداني الأصيل
|
Post: #106
Title: Re: ملكة جمال السودان !!! (عشوشة)
Author: ahmed agooz
Date: 03-14-2007, 11:58 PM
Parent: #1
الاديبة بنت الاديب
شكرا على المرور وتعطير البوست
بكلماتك الفواحة
الاصالة يحس بها الاصلاء دائما
والجيل الاول من المبدعين
كلهم قمم ونحن نعمل جاهدين
على احياء موروثاتهم واذاحة
الغبار عنها وهي محتفظة ببريقها ولمعانها.
اشكرك كتير (سلمى)
|
Post: #107
Title: Re: ملكة جمال السودان !!! (عشوشة)
Author: Moawia Mohammed
Date: 03-16-2007, 04:58 PM
Parent: #1
ليه يا مرادي
|
Post: #108
Title: Re: ملكة جمال السودان !!! (عشوشة)
Author: Moawia Mohammed
Date: 03-17-2007, 02:00 PM
Parent: #1
لا فوق
|
Post: #109
Title: Re: ملكة جمال السودان !!! (عشوشة)
Author: ahmed agooz
Date: 03-17-2007, 07:24 PM
Parent: #1
معاوية شوق الشوق يا غالي
والله حبة مشغوليات وكدا
وسنواصل مع عشة وعبدالعزيز اللذيذ
ومشتاقين يا معاوية وكل رواد البوست الغاليين
|
|
