هل التبرع لعمل انسانى ... قلع من الجيوب ؟؟؟؟؟؟؟؟؟

لمن يظن ان العمل الانسانى امر يمكن تقبله من الجميع ... اليكم نص محادثة دارت اليوم... ودارت معها الارض من تحت قدمى ....

-الو
-الو مرحب
-كيف الاحوال
-تمام والله الحمد لله
-فتحت الليله سودانيزاونلاين
-يادوب فتحتها لكن لسه ما قريت الفيها
-طيب يا سيدى فى طفله من دارفور عندها عمليه تبديل لى صمام القلب والعملية مستعجلة شديد لازم تتعمل يوم الاتنين بدون تاخير لانها بدات تستفرغ .. وطبعا لانو الناس هسى اتبرعت لى محمد عبدالسلام صعب القى لى متبرعين هسى عشان كدا فكرنا انا وكمال وكيكي انو نحدد ناس معينين واللى بنفتكر انهم قادرين يدفعو ويقدروا الظرف ونكلمهم بالتبرع دا
-طبعا انا اول ما شفت رقمك عرفت المساله فيها قروش..دى مشكلتكم انتو السودانيين بتستنزفوا الاشياء كلها فى فتره قصيره .. انا يا ستى ما داير اكون رجل بر انا داير اكون رجل اعمال .. عشان كدا ما ح ادفع
-طبعا اكيد انت ما جادى دا كلام شنو دا
-جادى جدا ..وكمان ممكن تكتبى الكلام دا فى البوست
-احنا عارفين انو المساله كترت وما كل الناس بتتقبلها عشان كدا انت عارف انو الناس ناوية تاسس ليها منظمه خيرية يكون عندها مبالغ جاهزه من مساهمات الاعضاء الشهريه ونقدر نتبرع بدون ما نطرق الابواب كل مره ... المساله دى مؤقته لانو الحاله مستعجله وزى ما قلت ليك ما طالبين من الكل لكن اتصلنا بيك من العشم
-يعنى كترتوها شديد ما ممكن تتصلو عشان تقلعو القروش من جيوب الناس قلع انتو دايرين تكونو محل "الله" فى الارض
-نقلع حاسب على كلماتك مافى زول قلع منك ولا فى زول مدخلها جيبو وبعدين احنا ما محل "الله" لكن لما تكون فى حالة زى كدا الناس بتعشم فى الناس خير .. خلاصة الموضوع عايز تتبرع اتبرع ما عايز مافى اى داعى للكلام البتقول فيهو دا
-انتى لو فاكره دا رايى براى تكونى غلطانه الكل بيفكر كدا والكل بقى يعمل حساب من تلفوناتك لانو فيها اكيد دفع قروش بس خجلانين يقولو ليك الكلام دا
-اذا الكل بيظن كدا يبقى دى اخر مره اقيف فيها فى عمل زى دا .. لما تكون فى حاجه زى دى ح ادفع العلى والربنا بيقدرنى عليهو وبس لكن طالما فى ناس بتفكر كدا انا تانى ما ح اخت نفسى اطلاقا فى موقف زى دا .. ومع ذلك بكرر ليك عايز تتبرع اوكى ما عايز ما ليك الحق

وبعد الكلام دا "لعنت ابليس" وقلت برضو ح اواصل وعشان الكل يكون عارف البوست بتاع (هام وعاجل) كان الهدف منه تسجيل اسماء اعضاء داخل وخارج سودانيزاونلاين عشان نكون منظمه خيريه بصفه قانونية ويكون فيها رسوم اشتراك شهرى محدده للاعضاء تساهم المنظمه دى فى اعمال الخير داخل السودان وبرضو تجنبنا مشاكل جمع التبرعات ... وشهاده لله ما واجهتنا مشاكل قبل دا الكل كان كريم ومتفانى لكن الشئ العملنا حسابو حصل ... رغم انو الطرف الاخر من هذه المحادثه يعلم تماما بامر المنظمه الخيريه وموافق على عضويتها ويعلم انها مسالة زمن فقط لتفعيل هذه المنظمه وانو تبرعات "افراح" ضاغطنا فيها عامل الزمن ...

عليه نيابة عن نفسى واصالة عن اعضاء حملة جمع التبرعات هنا بقطر نعتذر ان كان ما ساقه الاخ اعلاه صحيحا وانو الكل لديه نفس هذا الراى (مع الاحتفاظ برايى الخاص) وان كنا قد اثقلنا على المتبرعين ولكن الامر من باب العشم .... اتمنى ان ننجح فى انشاء المنظمه الخيريه حتى نكفى انفسنا شر مثل هذه المواقف والتى فى تقديرى البسيط لا تمت للخلق السودانى بصلة حيث كان فى الامكان الاعتذار عن التبرع ولكن ما ساقه من حديث على الاقل لا يجوز قوله الان ونحن بصدد انقاذ حالة افراح اضف الى ذلك علمه التام بامر المنظمة الخيرية وان هذا التبرع فرضته الظروف ليس الا... وهذا ما دعانى لكتابة هذا البوست..

.........

Quote: اتمنى ان ننجح فى انشاء المنظمه الخيريه حتى نكفى انفسنا شر مثل هذه المواقف والتى فى تقديرى البسيط لا تمت للخلق السودانى

الاخت رندا حاتم لك التحية
نثمن دوركم في كل عمل خير تتصدون له
و لكن لا بد ان تعلمي ان ما حدث لك و ما حدث للكثيرين
و لم يذكروه هو ضريبة لا بد ان يدفععها كل من يتصدي للعمل العام
ولعمل حتي و لو كان عمل خير يشمل اطراف كثيرة
فارجو ان لا تسبط همتك للعمل...
ما كتبتيه و اردته انا اعلاه هو الحل الامثل في
ظل ظروفنا الراهنة... تقليلا للاحراج الشخصي
و كذلك ابتعادا عن المخالفات و التعقيدات القانونية
بالاخص للزملاء الذين يعملون بالداخل...
و لمن لا يعلم فان جمع اي تبرعات لاي عمل مهما كان انسانيا
بدون تصديق و ليس عبر منظمة لهو امر مخالف حسب القانون السوداني

بالتوفيق انشاء الله و ما اصابك انشاء الله يكون اجر و حسنة

رندا سلام..
غضبك مستحق واري ان هذه الحادثة يمكن استثمارها في الاسراع في تفعيل تلكم الطريقة التي اتفقنا
عليها جميعا وهي في انتظار التنفيذ حتي يصير كل شي باسس وروح منظمة لا تجلب التذمر والضجر للذين
لا يريدون المساهمة في مثل هذا الامور ...
في الدوحة وهذه الشهادة لله اري ان هنالك طينة خصبة لعمل خير انساني كبير وحماس عفوي من معظم
الذين طرقنا ابوابهم في نشاطتنا المختلفة وهم يرحبون ويتحمسون كثيرا لهذه الامور والبعض الاخر
يتعامل بكل شفافية وصدق .....
اعتمادا علي هذه المعطيات اري لا يقف الجميع في منتصف الطريق ونترك الذين يمكن لنا مساعدتهم
في قارعة الطريقة ونركل الكثير من التراكم والتجربة التي بدات تاتي ثمارها الان والتف حولها
الكثيري من المفيدين باموالهم وجهدهم وفكرهم وزمنهم في هذه الغربة التعيسة ,,,
اذن يا رندا فليكن غضبك هذا هو مفتاحنا السحري للاسراع في تنظيم الامور ووضعها في اطارها العلمي
والمدورس بعناية وبكل جدية...
ولك تحية بقامتك العالية الشاهقة وروحك الموغلة في الانحياز الانساني وقضايا النفير
والتكافل فانت يا رندا من تلهمينا التماسك والثبات..

أشاركك الضيق رنـدا لما اصابك وربما الآخرين من أثر هذه المكالمة..
كان في امكانه الإعتذار بلطف..
وعلي كل حال علي الرغم من التكاتف هنا..ورغبة عمل الخير التي يتسابق عليها عـدد كبير هنا..
الا انه يجب ان يكون هنا حلا يحفظ الجميع من الردود اللئيمة ويصون كرامة وطننا هذا..
وكرامة المريض ومن يسعي لجم الأموال لشفاء المريض..
الله هو الرازق وهو صاحب الملك..
علينا ان نفعل ما بالإمكان ثم تسليم الأمر له سبحانه وتعالي..

لا تحزني حبيبتي..

لاتحزني أختي بقدر ما ربنا خلق اشرار خلق اهل خير
دمتي لوطنك واهلك

الاعزاء دوما..

والله لو ان هذا الامر صدر ممن لا يعلم بامر المنظمه التى ننوى تكوينها لما اثر فى ولما كلفتكم عناء قراءة تلك السطور .. ولكن آلمنى جدا انه يعلم ادراكنا لثقل هذا الامر ويعلم اننا نسعى لوضع حل جذرى لما نعانيه فى جمع التبرعات ... والمنى اكثر الاسلوب الذى استخدمه فى الحوار فجمل مثل (انتى دايره تقلعى القروش من الجيوب قلع)... (بقت تلفوناتك كلها بس للقروش) ... (كترتيها الناس كلها دا رايها بس خجلانين يقولو ليك) قدآلمتنى حقا ... ولكن عزائى ايضا انه قبل محادثته بسويعات قليله وعقب مداخلتى فى بوست افراح تلقيت رساله على بريدى الالكترونى من النمسا من اخت سودانيه تعبر عن تضامنها معنا واعجابها بما نفعل وانا اعتز بها صديقة لى واتمنى ان اتواصل معها دوما ولولا رسالتها لكان لهذه المحادثه وقع اسوا بكثير مما كان ... فلها منى الاف التحايا ... ولكم مثلها...

Quote: انا يا ستى ما داير اكون رجل بر انا داير اكون رجل اعمال .. عشان كدا ما ح ادفع

حرّم نفسه من خير كتير والله

وأبدل خير الآخرة بعرض الدنيا الزائل

لا تحزني رندا ولاتقنطي فالخير موجود
في أمة محمد إلى يوم القيامة

ومانقص مال من صدقة

لو كانوا يعلمون

تحياتي رندا وأعزازي

عزيزتى
ما ان اطل صباح للمسلمين الا ونزل ملكان للارض احدهم يقول :
اللهم اعطى منفقا خلفا
والاخر يقول :
اللهم اعطى ممسكا تلفا
من الاحاديث المثبتة .
نحن نعمل العلينا والباقى على رب العباد
وما تزعلى حرم نفسه من اجر كبير
والحسنات تلاقيط .
ام وضاح

يابتي او اختي ...لدينا السودانيين مخزونا هائلا طافحا من الشجن والعاطفة تحسبه تسونامي عند ذكر ماساة او فاجعة او حالة انسانية تستوجب التعامل معها - وليس التفضل او منة فالامور الانسانية واجبة - ولكن عند تحويل تلك العاطفة الي مادة ينحسر التسونامي الي جرورة او جدول صغير او لا شئ ...
اكثر من عقديين في محاولات لايجاد تحليلا لهذا التناقض بين القول والفعل وفي اخر المطاف اقتنعت بان اؤدي ما يمكن ان اقوم به كفرد ... حملات كبيرة اسفيرية في التسعينات ارهقتني وجماعة معي في منتديات كثيرة علي نطاق عالم الشتات السوداني فكان المردود بضع مئات من الدولارات لم اجد الا ان اضيف اليها اضعافها من اخر مالدي حتي لا ينظر الي الامر وكانه لا امل وحولنا تلك الي حب وشعير ارسلناهو الي منظمة كير فعاش عليه بعض من اهلنا ايام كارئة مجاعة بحر الغزال .. ثم فكرنا مثلك في منظمة او جمعية باسم احد المنتديات فكان ما جمع هو لخمس اشخاص فقط دفعتها لشخص كان يحاول جادا ان ياتي بمبلغ معين للحصول الي مبلغ اكبر من الليونز لتنمية قريته وقد كان ...
لكن رغم كل ذلك فكون ان جذوة الامل لم تنطفئ وانا اري شبابا اخضر في السودان وخارجه يكابد ليجمع حقا مستوجبا لعلاج غادة او محمد او افراح هو خطوة في تحوييل تسونامي العاطفة الي جدول مستمر ثم نهرا في يوم ماء ....
المهم المحاولة ...ان المساهمة الخيرية ثقافة تمد جذورها في جسم المجتمع شيئا فشيئا حتي ترسخ وتقوي وهي ليست كذلك في مجتمعنا فكتر المحاولة مهم ..الزراعة برمي البذور مهم حتي تنبت بذرة يوما ما ....هذا لا يعني ان مجتمعنا لا خير فيه ولكن كما ذكرت ان ثقافة الاسهام ليست ثابتة بعد فلنحاول تثبيتها بكثير من المحاولات ولا يصيبنا الياس .. وها بذرة صغيرة قد نبتت الان بكم انتم الشباب الاخضر الواعد تحاولون .. انها بداية ... شمعة صغيرة يجب ان نداري عليها لتقييد ....

دعنا نحاول معا فردا افرادا جماعة جماعات فغدكم اكيد احسن مما كان غدنا ويومنا ...
ودمتي
ابوبكر

رندا ..

لا عليك ..
و لن تقف بك مثل هذه العثرات , و لن تقعد من جهود الخير .
أعرف أن ما حدث قد نغص عليك ..
و أيضا أعرف أن قياساتك الإنسانية أعلى سقفا من أن يتطاول إليها سلوك كهذا .
أشفق على مثل هذا النوذج , فهو أحوج للدعم الإنساني و الروحي من الآخرين الذين ينتظرون منه دعماً .


لا عليك يا زولة يا إنسانة ..
أشيحي عن الصغائر كما عرفناك ..
و اكبري برسالتك الإنسانية .

تحياتي .

الغالية رندا حاتم ..

لا عليك ..
فعلى هذه السفوح المطمئنة ..
نحن قاتلنا سنيناً وإقتتلنا .. !!


ألمني جدا ما صادفك اليوم ، فقد كانت كلماته جارحة جدا ومؤذية لحد كبير ولكن يا رندا هكذا هي الحياة لا نتوقع دائما ان نجد الابواب مفتوحة امامنا ، فقد ابواب مهما شرعنا في فتحها ستظل موصدة امامنا ، فقط لان مفاهيم كل انسان تختلف عن اخيه الانسان ، فما تعتبره رندا (عمل انساني ) .. يعتبره آخر مجرد ( قلع من جيوب الناس ) !!

رندا ،،

بالنسبة لمن اتصلت به وهو يعرف ما تقومون به من اعمال خيرية وانسانية فهذا شان غريب جدا ان يقابل اتصالك بهذا الهجوم ؟؟!!

غريب جدا يا رندا .. قبل ان أقرا ما حدث لك .. كنت افكر .. وانا مثقلة ايضا بعدة قضايا انسانية تختلف كثيرا عن بعضها البعض والقاسم المشترك لها هو ( القروش ) !!

لا اعرف لما انتابني احساس بانني قد اكون اثقلت على زملائي ومعارفي بالرغبة في المساعدة في مثل هكذا قضايا ، ربما يا رندا لكن هناك من يستغل مثل قضايا المحتاجين ليحولها لمصالحه الشخصية ، وهذا من شانه جعل كثير من الناس لا يكترث حين يدخل عليه شخص محتاج !! واذكر انه قبل ايام جاء لمكتبي رجل يحمل اوراق مريضة تحتاج تذكرة سفر لبورتسودان هي واطفالها ، من جانبي تفاعلت مع الامر كثيرا وعرضت الامر على الادارة بعد ان حكي لي الرجل عما تعانيه تلك المريضة ، شرعنا في اجراءات مساعدتها بعد موافقة المدير ولكن قال لي : تاكدي من انه ليس محتال !!

فعلا طلبنا منه اثبات هوية او ما يثبت ما يربطه بتلك السيدة او جواز سفرها او بطاقة شخصية ، قال انه لا يحمل هوية وانها اخته قلت له عفوا : لن نستطيع ان نفعل شيئا ما لم تاتي بمستندات تؤكد صدق ما تقول !!

بكي الرجل عندها ، ولم اعرف ماذا افعل ؟؟

استعنت بالمدير الاداري ، وتركت الامر له ، اخبرني بعدها ان تلك السيدة واخوها من الناس البسطاء وليس لديهم ما يثبت هويتهم ، اتفقنا ان نساهم نحن الموظفين بما نقدر عليه حتى نكمل له ثمن التذاكر بعيدا ، لو كان صادقا فقد فعلنا خيرا ، ولو كان كاذبا فجزاؤه عند الله !!

رندا ، المنظمة ضرورية جدا يا عزيزتي ، فليس من اللائق ابدا ان نثقل على الناس حتى نتعرض لما تعرضتي له اليوم ، وحقيقي انا اسفة لما حصل معك ولكن حبيبتي كنت انت كبش الفداء الذي قدمته تجربة مثل تجربتنا هذه .. فقط لنعرف سواء السبيل ولنعرف كيف ندير مثل هذه المشاريع الانسانية دون تعريض نفسنا للتجريح او الاهانة ..

ارجو قبول عضويتي في منظمتكم الموقرة !!

عميق امتناني لكل بورداب الدوحة !!


بعيدا عن دائرة الغضب :


بموقف سلبي واحد لا تلغي تاريخي لديك !!


رندا ،، مرة تانية لا عليك يا رائعة !!

هبة عثمان

الملكه، ام وضاح، عماد، ابوبكر والرائعه هبه ...

ما آلمنى حقا اننى فى اتصالى بعبدالكريم كى نتشاور فيما يجب ان نفعل وبعد تحديد مساهمة كل منا قررنا ان نسمى اشخاصا بعينهم للاتصال بهم منعا للاحراج وقد بادرت بذكر اسمه مؤكدة لعبدالكريم انه سوف يتبرع واننى انا من سيتصل به ...

عموما كما ذكرت منى خوجلى لننظر للامر من جانبه الايجابى وهو الاسراع فى تكوين منظمه خيريه نمارس من خلالها العمل الانسانى دون الاثقال على الاخرين ودون ان نتعرض لهكذا مواقف ...


لكم مودتى ومحبتى ...

وما تخافى يا هبه للحظه تملكنى الغضب .. ولكن بكم ومعكم يكون الخير دوما هو الاقوى...

Quote: كترتيها الناس كلها دا رايها بس خجلانين يقولو ليك

أما أنا فأقسم بالله أنني لست من هؤلاء
.
.
.
.
.
إن كان هذا الموقف سببا لأن تتركي عمل الخير ومساعدة المحتاجين
فانت فعلا ثم فعلا لا تصلحين لقيادة هذا العمل والأفضل أن تتركيه
.
.
.
.
.
-------------------
* عتب : ليس من حقك أن تحرمي الناس من المشاركة باعتقادك أنهم لن يستطيعوا أن يدفعوا
لأنهم دفعوا قبل ايام ـ
نستطيع أن نشارك ولو بعشرة ريالات فقط قيمة التحويل البنكي .

الاخت الكريمة ام حاتم ، فى منتصف الثمانيات كنت برفقة الشيخ عبدالله الدباغ من رواد العمل التتطوعى بقطر ، وحدث ان ان مر بموقف مشابه فقال والله اننى افخر بأكون اكبر شحاد للمستضعفين واهل الحاجات ، فانتى ولا نزكى على الله احد تتصلى من موبايلك الخاص ومن وقتك وانا شخصيا تضعى عنى الى ان اضع فى حسابك وكثيرين ربما غيرى ، اعلمى ان قضاء حوائج الناس امر عظيم ، لا يتصدى له الى اصحاب الهمم والنوايا الصادقة ، لا تحزنى ، وسوف تدفع مكانه اختك ام محمد إرضاء لك ، لا عليك . اختى الكريمة لو احبطتك هذه المكالمة يكون مافى فائدة ، يكفيك فخرا انك تحملين هموم الاخرين ، ارمى قدام تحياتى للوالدة والاسرة

ودقريش...
والله العظيم خجلتنى ... وعشره ريال منك عندى بحجم جبل احد ....

ابومحمد...
ربنا يديم المعروف وقول لى ام محمد ان شاء الله البسمه البتزرعا بى تبرعا فى وش افراح ربنا يجعلها ليها بسمه دايمة فى وجوه كل ابناءها ...

لكن ان شاء الله نسعى لتحقيق حلم العمل الخيرى الجماعى المنظم والمؤسس تفاديا لمثل هذه المواقف وحتى لا نقف مكتوفى الايدى بينما هنالك من يستغيث!!!

انتو ياكم وش الخير...

يا رندا الدال على عمل الخير كفاعله..

الناس الذي دي ربنا بيختها عشان يمتحنك ويمتحن جديتك في عمل الخير..
زمان مرة طلبت من اخوات سودانيات مساعدتي
في مساعدة اسرة.. موش بالقروش بس يبدلو الام في المسشتفى حيث ولدها
بيرقد بالشهور..ولقيت رد قبيح للغاية
نوع الفياقة دي ما بنقدر عليها
رغم انه في ذلك الوقت
كنت ادرس واحضر في الدكتوراه ولدي اربعة اطفال صغار
يعني موش فايقة..
وزعلت شديد من الكلام دا..
لكن عندي صاحبتي امرأة خير وبركة
قالت لي دا كلام شياطن ساكت
اوعي تقيفي من الدعوة للخير فالداعي الى الخير كفاعله..
اول مرة كنت اسمع بالحديث دا..
من اليوم داك اي عمل خير بضرب للناس اديهم فرصة يعملوا عمل خير..
البرفض بس بيكون قفل باب خير..
مرات بس الزول بيكون عايز دعم معنوي والكلمة الطيبة بتمشى بعيدا..
والخير في امتي الى يوم الد ين
قول الرسول ص.

والنماذج دي اسقطيها..

رندا،
لايمر أسبوع الا وهناك (كشف) يمر طلبا لدعم مريض/ه أو محتاج أو حتى لمن يشرع في زواج الخ.. ومنذ أن تفتحت عيوننا على الدنيا رأينا الأهل والمعارف يقومون بهذا الدور ، ولست آتيا بجديد ان قلت لك أن قلّة من الناس يمكنهم القيام بما تقومين به فالشخص الذي يبادر بعمل كهذا يجب أن يكون مدرّعا ومزودا بماصات للصدمات وقلب كبير ومساحة تسامح وجهاز سكانر يقيّم كل حالة على حده وبسرعة. انت يا رندا قايله المسأله سماحة نفس وحسن ظن وبس؟ المشكله يا رندا أن العازفين عن المساعده من المقتدرين لايدركون أنهم بدعمهم لأمثال أفراح انما يدعمون أنفسهم.
شوفي يا عزيزه ، اللي بتسوي فيهو ده أجرك فيهو محفوظ ولاتحسبي أنك (بتقلعي) أو (بتشحدي) وان كان الأمر كذلك أسأل الله أن يعشني همباتا ويمتني شحادا ويحشرني يوم القيامة في زمرة الخيّرين.
لك إحترامي

Quote: لايمر أسبوع الا وهناك (كشف) يمر طلبا لدعم مريض/ه أو محتاج أو حتى لمن يشرع في زواج الخ.. ومنذ أن تفتحت عيوننا على الدنيا رأينا الأهل والمعارف يقومون بهذا الدور ، ولست آتيا بجديد ان قلت لك أن قلّة من الناس يمكنهم القيام بما تقومين به فالشخص الذي يبادر بعمل كهذا يجب أن يكون مدرّعا ومزودا بماصات للصدمات وقلب كبير ومساحة تسامح وجهاز سكانر يقيّم كل حالة على حده وبسرعة. انت يا رندا قايله المسأله سماحة نفس وحسن ظن وبس؟ المشكله يا رندا أن العازفين عن المساعده من المقتدرين لايدركون أنهم بدعمهم لأمثال أفراح انما يدعمون أنفسهم. شوفي يا عزيزه ، اللي بتسوي فيهو ده أجرك فيهو محفوظ ولاتحسبي أنك (بتقلعي) أو (بتشحدي) وان كان الأمر كذلك أسأل الله أن يعشني همباتا ويمتني شحادا ويحشرني يوم القيامة في زمرة الخيّرين. لك إحترامي

سلمت يا محمد المرتضي وسلمت الانسانة رندا حاتم


محبتي

منعم

رندا
تحياتي

حزنت لما اصاب نخوتنا
حزنت تماما...

عموما لا عليك
فلك قضيتك ,ولكي الانحياز التام اليها..

ويا قــــامه ما يهزك
ريـــــــح ...

اها التزام- والله علي ما اقول شهيد- ب "صندوق رندا الخيري" .. اية مساهمة -وهي واجبة- من طرفي لاي واجب مثل الذي نحن بصدده ووفق ما يقرره الصندوق ورندا سيكون باسم هذا الصندوق .. بداية لعمل انساني منظم تقوده رندا وصندوقها غير مرتبط بجهوية ولا حزبية ولا اثنية ولا عقائدية بس انسانية واجبة

العم ابوبكر
لك التحية

Quote: اها التزام- والله علي ما اقول شهيد- ب "صندوق رندا الخيري" .. اية مساهمة -وهي واجبة- من طرفي لاي واجب مثل الذي نحن بصدده ووفق ما يقرره الصندوق ورندا سيكون باسم هذا الصندوق .. بداية لعمل انساني منظم تقوده رندا وصندوقها غير مرتبط بجهوية ولا حزبية ولا اثنية ولا عقائدية بس انسانية واجبة

ينصر دينك
لااستطيع ان اقول اكثر من هذا ...

رندا لا تعيره اهتمام ...

تسلمى

طــــق خااااااص

الوريفه رندا حاتم ...
مع خالص الود ..

- اما قبل ...
" يا انثي في زمن الدمي" ..

- كنت قد ولفت نفسي علي البعد عن الكتابه .. علي الرغم من ايماني من ان
الكتابه هي منفانا الطوعي حينما لا نحسن الاقامه في الاخر ..
ولكن ...

اوجعتني زوايا حزنك .. فالي مضابط الحديث ..

Quote: طبعا انا اول ما شفت رقمك عرفت المساله فيها قروش..دى مشكلتكم انتو السودانيين بتستنزفوا الاشياء كلها فى فتره قصيره ..

- اولا يا وريفه يبقي لزاما علي ان اثبت حالة نبلك العاليه وانت تترفعين عن ذكر " اسم" الشخص
والذي لم تسمح له " شروط تكوينه" البائنه من رده البين قوسين من ادراك ان تلفونك وارتباطه
بعمل الخير ما هو الا دلاله علي " سلامة شروط تكوينك" وقدرتها علي ان تكون موجوده في مكان
الفعل السليم والقول السليم .. وهو يشبهك كما تعودنا منك قولا كريم وفعلا كريم ..

- اما " هو " بقوله " انتو السودانيين" .. فقط اثبت حالة انه " ليس منا " .. لا خلقا ولا اخلاق
فما من سوداني يسمع " يا ابو مروه" ويكون مثل هذا الكلام هو رده ..ناهيك ان تاتيه تلك من " انثي"
" وانثي ولا دستة رجال " .. وهو لا يعلم بانها " واسف لذكري هذا الكلام يا وريفه" لا يعلم انها
دفعت من حر مالها ... لانها حره وتشبه تراب بلدنا
"انا يا ستى ما داير اكون رجل بر انا داير اكون رجل اعمال .. عشان كدا ما ح ادفع"

- صدقيني يا وريفه اعرف امثال هؤلاء .. ومؤسف بانه بفعلته تلك لن ينال ان يكون " رجلا "
ولا ينال شرف ان يكون جزء من " الاعمال " ..
ولعله من المعلوم ان المشاركه في فعل الخير ليس ملزما ولا اجباريا ..فكل منا يقيم مواقفه
ووجودنا فيها لا يعني بان الغير ملزمين بمواقفنا لكن الملزم ان تحترم مواقف الاخرين وان تحترم نواياهم والتي اعتقد جازما بان صاحب " المكالمه " لا يرتقي باي حال من الاحوال لتقييم مواقفك يا وريفه ...
-

Quote: يعنى كترتوها شديد ما ممكن تتصلو عشان تقلعو القروش من جيوب الناس قلع انتو دايرين تكونو محل "الله" فى الارض

- صدقيني يا وريفه لو كان هذا المدعو للحظه يعلم بان " جيبه الممتلئ " والذي تقلع منه الناس
" لن يشفع له" ان جاء المرض .. الذي لا يفرق بين غني وفقير ..سيعلم حينها بانه تعوذه الانسانيه
الانسانيه التي تجعل مريضه مثل غاده نوري " تتبرع بقرنيتها" في بنك العيون .. تري بكم من القروش
تساوي القرنيه " يا هذا "
- وليس إستدرارا للعطف ولكن منعتني نفسي من الاتيان بصورة " افراح" .. وبعدها لامتدت ايدي الناس
" ليس لجيبك " ولكن الي صدورها لتبدلها قلبا ينبض بالانسانيه ..

Quote: -انتى لو فاكره دا رايى براى تكونى غلطانه الكل بيفكر كدا والكل بقى يعمل حساب من تلفوناتك لانو فيها اكيد دفع قروش بس خجلانين يقولو ليك الكلام دا

-
- الوريفه رندا واهلي الطيبين عمل الخير راسماله هو انتم باحتفاظكم بقيم تعلمناها واياكم من
" مدرسة الشعب السوداني " ومن ينتمي اليها لا نتخلي عنها ما حيينا اما الساقطون فهم لا يسقطون
وبمثلما نمد ايدفعني للرد علي هذا الجزء هو معرفتي باهلي واحبتي في الدوحه وقطر .. وهو يمسهم بل ويرمي للتشكيك في نبلهم وهذا دونه اي شئ ..ورندا حاتم جزء منهم وما يمسها يمسهم .. ولكن لعلمي بان القائل اقصر قامة منهم فيريد ان يتطاول بهم .. وشكرا لكل من قال بان هذا لا يمثلني .. وان اقول هذا
لا يمثل اهل قطر الذين خبرنا فعلهم قبل قولهم ..
وله ان يعلم بانة قبل كل شئ بان هؤلاء المرضي ينتمون الي شعب ما تعود ان يغيب عنهم .. ينتمون
الي هوية اسمها الانسانيه تتشرف هي نفسها بالانتماء للسودانيين .. فانتمت لهم " رندا حاتم" لانها تشبههم وهم يشبهونها .. اما الزبد فيذهب جفاء ..نمد ايدينا لفعل الخير لاجلنا في المقام الاول حتي نثبت انتمائنا لهذا الشعب وهذه المدرسه
نرفع ايدينا في وجه كل من تسول له نفسه ان يطال الخير فينا ..

دمت انبل ما يكون ..
دام الشعب السوداني يعلمنا بان الفرد للجميع ..
دام الخير فينا وفي من يشبهنا ..

Quote: هل التبرع لعمل انسانى ... قلع من الجيوب ؟؟؟؟؟؟؟؟؟

لا والله وانت الصادقة..!

الغالية رندا

دعيني اهمس اليك بانك اقوي من هذا

Quote: اذا الكل بيظن كدا يبقى دى اخر مره اقيف فيها فى عمل زى دا

من يخرج للعمل الطوعي يسمع الكثير والكثير جدا فكوني جبلا أشم

وثقي ان الله يكفيك شر الظنون ويقويك اكثر

شعاري دائما هو (((((((واحفظ الله يحفظك احفظ الله تجده تجاهك))))))))))))))))))))))

ابثك بعض تجربتي والغالية بت الاحفاد

نفذنا 4 مشاريع ناجحة وعبر هذا الحوش

وكنا نستقي الخير منكم وبكم ومن بينكم

انا احرص جدا علي توثيق الاشياء

ورغم ذلك سمعت ما سمعت

وكل من يزور السودان يطوف علي العمل


اما بخصوص الجمعية فقد قمنا بعمل جمعية و سجلناها رسمي

وهذا هو في يقيني اهم مرحلة لتكون الاشياء واضحة

لكن وقف الحمار عند العقبة حين وقفت الاشتراكات

وبعيد عن ذلك

ما قال لك هذا المسكين لا يمثل قطرة مما سمعته انا هنا

لا عليك حبيبتي و

الامر هو عداد بهناك

ربنا يجزيكي كل الخير

وصبرا جميلا

___________

اضافة اسمي معك عضو ومتطوع لكل المهام


ما استحق ان يولد من عاش لذاته ...

العزيزة رندا ............. سلام

هذه الكائنات الشائهة وصفها حبيبنا حميد بصوت راحلنا المقيم مصطفي سيداحمد ( مغير ..... عقوق .... كفيف الانسانية ) لذلك ارجو ان لاتهتمي بماقاله هذا المعتوة وانظري لما قاله الشاب خالد ماسا ففيه كل العبر , خالد ده لم التقيه ولكني اجزم انه انسان نبيل , لم ار له مداخلة والا كانت للخير ولعمله .انني احترمك وهذا الماسا لانكما وهبتما حياتكما للناس .اعلمي يارندا اننا نحبك وفخورون بك وبكل محاولاتك النبيلة لاضفاء الفرح والسعادة علي المحتاجين من ابناء شعبنا , هذا الشعب الذي قال فيه محمد المكي ابراهيم بصوت استاذنا الكبير جدا وردي ( انني اؤمن بالشعب حبيبي وابي)

Quote: وله ان يعلم بانة قبل كل شئ بان هؤلاء المرضي ينتمون الي شعب ما تعود ان يغيب عنهم .. ينتمون الي هوية اسمها الانسانيه تتشرف هي نفسها بالانتماء للسودانيين .. فانتمت لهم " رندا حاتم" لانها تشبههم وهم يشبهونها .. اما الزبد فيذهب جفاء ..نمد ايدينا لفعل الخير لاجلنا في المقام الاول حتي نثبت انتمائنا لهذا الشعب وهذه المدرسه نرفع ايدينا في وجه كل من تسول له نفسه ان يطال الخير فينا ..

سلامي لك وامنياتي لك ولماسا بطول العمر الذي قطعا سوف يستفيد منه محتاجي بلادي.
حاجة اخيرة يارندا ..... هذا المنحط لم يفكر يوما ان يبدل موقعه مع هذه المريضة ؟

..
.

Quote: صدقيني يا وريفه اعرف امثال هؤلاء .. ومؤسف بانه بفعلته تلك لن ينال ان يكون " رجلا " ولا ينال شرف ان يكون جزء من " الاعمال " ..

والله يا وريف
شايفك مثل الاخرين وانت الاوعى
شايل فرارك وبتنجر من طرف !!

انا ما عارف لو دا ما الامير الاتبرع مرات عديدة
كان تكيتهو هنا عديل..

_____________________

يا امير اعملوا وسيرى الله عملكم ..

السلام و التحية للجميع ،،،،

فى "هام و عاجل " فرضنا نفسنا فرض بجملة (كان عجبكم) !!!!!


فى "قلع من الجيوب" ...إنتظرنا تلفوناتكم ،، لا منك لا منه ؟؟؟؟؟

الواحد محتار .....
أهــانبدأ اللستة ؟؟؟
أم ننتظر رنة التلفون ؟؟؟؟؟؟
_____________________________________

مشهد مبكى /مفرح:
أمبارح و فى أرض السودان داخل قطر وفى مناسبة سودانية عامة .... دار الآتى بينى و شخص كريم ....

حيث بدأ هو بالسؤال :
س:أخبار الولد شنو ؟؟
ج:ولد منو؟
س: الولد العيان !!!!
ج: أنا ماعندى ولد عيان ( الحمد لله) ... أنا عندى ولد ممتحن ( ربنا يوفقه) ..
س: ياخى ،، كيف؟؟؟ مش عنك ولد محمد سليمان !!!!!!!! الولد فى سودانيز أونلاين (مرتبكَا)....

أشهد الله بانى بمجرد ما فهمت الإلتباس إمتلأت مقليتى بدموع لم أستطع إخفاؤها أو تصنيفها أو إعادتها ....
____________________________________


نرجع للقلع ..... أهـــا يا تلفونكم يا اللســـتة ؟؟؟؟


يا أم حـــاتم ( حاتم من حاتم الطائى ؟؟) أم صدفة من غير رامى ؟؟

كيكى ما حيتصل بى ... قالو: الضاق قرصة العقرب بخاف من جرة الحبل !!!!

لكن كيكى يا صاحبى (رغمأَ عن زعلى من رايات إنداياتك الثلاثة الرافعهم ديلك) !!!!؟؟؟؟
زى ما قلت QP ما مقصرة .....


ش

الحبيب ماسا
لك التحية

عرفتك اخ وصديقا ورجلا
فعلا هذا الموقف يهز الجميع
ولكن دائما كنتم اصدقاء الامل اينما كنتم وسوف تظلون ...

يبقى لكم كل التقدير والاحترام اخى

وعبرك الى الاخت رندا لها منى كل التقدير ...

Quote: - الوريفه رندا واهلي الطيبين عمل الخير راسماله هو انتم باحتفاظكم بقيم تعلمناها واياكم من " مدرسة الشعب السوداني " ومن ينتمي اليها لا نتخلي عنها ما حيينا اما الساقطون فهم لا يسقطون وبمثلما نمد ايدفعني للرد علي هذا الجزء هو معرفتي باهلي واحبتي في الدوحه وقطر .. وهو يمسهم بل ويرمي للتشكيك في نبلهم وهذا دونه اي شئ ..ورندا حاتم جزء منهم وما يمسها يمسهم .. ولكن لعلمي بان القائل اقصر قامة منهم فيريد ان يتطاول بهم .. وشكرا لكل من قال بان هذا لا يمثلني .. وان اقول هذا

ومازال الوطن فى حوجة لكم
وانتم ابنائه ...

Quote: وليس إستدرارا للعطف ولكن منعتني نفسي من الاتيان بصورة " افراح" .. وبعدها لامتدت ايدي الناس " ليس لجيبك " ولكن الي صدورها لتبدلها قلبا ينبض بالانسانيه ..

تاكيدا لحديث الوريف ماسا كان قد تحدث معي الاخ الفنان الانسان عصام عبدالحفيظ ليلة امس واقترج ان يصور

(افراح) حتي يعلم الناس بحالتها اول باول ويتابعون الحاله ..

رايتها اليوم ولم املك الا ان اتصل بعصام واقول : يا عصام ما حتقدر تصورها ما حتقدر ولو صورتها

عارفك يا عصام ما حتقدر تشوفها وما حيقدروا يشوفوها..

يا رندا (افراح) هيكل عظمي وعيون زائغة تتحرك ......

لا تحزني يا رندا الفرص تاتي مره واحده !! وهذا الشخص لمحبتك له اردتي ان تكرمية وترفعي من قدره

لكن نقول شنو .. مرمي الله ما بترفع يا رندا .


مودتي

منعم

مرحب بكم جميعا في دار رائدتنا رندا وانتم اهل الخير واصحاب الحس الانساني العالي المعبر عن وجدان
شعب محبا للخير والتماسك..وسعيد ان بينكم هنا اصحاب لنا عبر المسافات البعيدة ولم نتشرف بمصافحة
اياديهم ولكن دوما وعلي مدار ايام عديدة كانت اصواتهم تنقل لنا صدق الانسان السوداني الاصيل
وتفاعله العالي مع قضايا الانسان في زمن ركل فيه السلطان كل الاشياء...
افهم دواعي غضبة اختي الغالية رندا وقلبي ايضا يدمي وحزين لهذه الحادثة ولكن فنقل انه الثمن الذي
يجب علينا دفعه جميعا من اجل بسمة لكل اهلنا المحتاجين الينا..
ومعرفتي اللصيقة بالغالية رندا تجعلني ازداد فرحا لهذا الغضب الي سيفجر طاقة اضافية عالية
لطاقتها النووية السابقة لتحولها الي فكرة الي مشروع الي عمل جاد جديد من اجلنا جميعا,,

هل التبرع لعمل إنساني .. قلع من الجيوب ؟؟؟
هل
هل
هل ؟؟؟
هل نغضب ؟ نعم ، ولكن غضب يدفعنا للتوهج هذه ضريبة العمل العام
أن نواجه مثل هذا الموقف الخاص جدا لنوع من الناس انقرض وهناك مثل ما قال أخرين
هذا رأيهم الخاص وعلينا ان نتجاوزهم تماما
ونواصل العمل الجاد ...
معك وكل الناس الحلوة من أجل غد باهي وانضر
ولنتوحد من أجل العمل العام

يحق لنا أن نفخر بكل من يساهم في هكذا جهود.
و قبلا يا رندا أنت فخر للجميع و أكبر من هذه
الصغائر.
و تاني فخورين بجهودك الخيرة. وفقك الله.
عشت ماجدة كدأبك

سلامات
وعوافي
رندا حاتم
ياسيدتي النبيلة ..
هذه هي ضريبة العمل العام والعمل الخيري "شوكة صغيرة تحدث الما كبيرا" ...
والله العظيم هذا كلام جارح وحقير..
اذا كان يرفض المشاركة كان من الممكن ان يقول لك ذلك بكل بساطة ويكفيك شر هذا القبح والبخل..
وبقول ليهو:-
الكايس الغنا يعمل حساب لي فقرو ..
فاني اخاف عليه من ان ياتي يوما وتكوني انتي يارندا من يقود حملة التبرع له.. لا اتمني له ذلك لا اتمني ولكن فلنقل مثلا ..كيف سيكفر حينها عن ذنبه القبيح هذا ؟ كيف ..؟
واسال الله ان لايريه مكروه في حياته يارب ..واسال الله ان ينزل علي قلبه النفحات الانسانية واسال الله ان يتجلي عليه باسمه "الرحيم" فيكون صاحبنا هذا رحيما بين الناس .."امين"..
نسال الله ان يشفيه ..
واساله سبحانه وتعالي ان يطبب و يشفي اختنا افراح ابكر ..
ومعاك يا ام حاتم ..

اختى الفاضلة رندا حاتم

Quote: صدقيني يا وريفه اعرف امثال هؤلاء .. ومؤسف بانه بفعلته تلك لن ينال ان يكون " رجلا " ولا ينال شرف ان يكون جزء من " الاعمال " ..

عرفناك (ست الناس) الاخلاق .. النبل .. الشرف .. وكل الكلمات الطيبات مجتمعة لن توفيك حقك .. رندا لم احضر هنا لتبجيلك وتعريف الناس بمن هى رندا الحاتمية لانك علم على رأسة نار...

اختى الفاضلة رندا..
امثال هؤلاء الرجرجة والدهماء يجب ان تترفعى عما يقولون ..فهم لايستطيعون العيش خارج مزابلهم .. ذلك التافة اللعين .. الرخيص .. البخس ..الدون.. الجاهل المتجاهل..المنحط.. يجب ان لا تعيرية اهتماما..بل من دواعى شرفة ( ان كان له شرف) ان يسمع مجرد صوتك..وهو ليست باهل لذلك..

رندوك يا ريس..
ونحن اخوانك يا السمحة .. فرتاقين للصفوف فى اقل من لمحه..بنقول ليك يجب ان لا تعيرى ذلك التافه جناح.. ونحن على خطك ذاهبون
وتسلم يا ماسا

عوض حمزة

راندا ..
سلام كتير ..

صدقيني لو أن أسماء المتبرعين كانت تُكتب هنا ، لكان ( صاحبنا هذا ) أول المتبرعين ، ولكان تبرعه ( سخياً جداً ) ..

لا عليك .. فهذه ضريبة العمل العام ..

لك وللجميع سلامي واحترامي

ت : 5832005

Quote: هل التبرع لعمل انسانى ... قلع من الجيوب ؟؟؟؟؟؟؟؟؟

أيوة يا راندا
عند فاقدي الإحساس المتجردين من الإنسانية ذوي الأنفس الشح!! لنا

لكل الاصفياء متداخلين ومتحاورين
حوار الاخت العزيزة رندا حاتم
كان معى انا بدرالدين الأمير

سلامات
وعوافي
بدر الدين ..
هذا ما لم اتوقعه اطلاقا ..
وهذا تصرف جارح في حق الاخت والزميلة رندا حاتم لاتستحقه فهي لم تطلب القروش لنفسها بل لعمل انساني واظن ان اتصالها بك لعشمها فيك ولمعرفتها بك فانت دائما كنت الي جانبنا في اي عمل انساني فما الجديد في هذا الامر يابدر؟ ..
صدمة رهيبة يابدر ..
ليتك سكت يابدر الدين ..
ليتك سكت ...

بدر الدين الامير

سلامات

ممكن توضح فكرتك ؟؟ وهل بالضرورة ان يكون رجل الاعمال .. صعب المقال

Quote: طبعا انا اول ما شفت رقمك عرفت المساله فيها قروش..دى مشكلتكم انتو السودانيين بتستنزفوا الاشياء كلها فى فتره قصيره .. انا يا ستى ما داير اكون رجل بر انا داير اكون رجل اعمال .. عشان كدا ما ح ادفع

احترامي وتحياتي

ربنا يفتح عليك ويذيدك كمان

الاخت رندا
ولا يهمك مرات كتيرة الواحد بيتعرض حاجات سخيفة زي دي
معاك بتزعل شديد بس انسيها وربنا يقدرك علي فعل الخير دايما
ويبعدك من المواقف البايخة دي

اخونا بدرالدين
سلامات

Quote: لكل الاصفياء متداخلين ومتحاورين حوار الاخت العزيزة رندا حاتم كان معى انا بدرالدين الأمير

هل انت جاد في حديثك ام انها نفحه من نفحاتك ؟؟؟؟؟؟؟؟
اذا كنت لاتقصد ماقلته حول ماطرحته الاخت رندا عليك ان توضح الامر هنا .

Quote: هل انت جاد في حديثك ام انها نفحه من نفحاتك ؟؟؟؟؟؟؟؟ اذا كنت لاتقصد ماقلته حول ماطرحته الاخت رندا عليك ان توضح الامر هنا .

لووووووووووول حلوه يا عوض يااخي ا لزول قالها صوت وصوره وسجار كوبي عايزتغالتو؟؟؟ . صفقه للامير
وتسلمي يا رندا يا اصيله

Quote: لكل الاصفياء متداخلين ومتحاورين حوار الاخت العزيزة رندا حاتم كان معى انا بدرالدين الأمير

انا افضل ان انظر او اجد جانبا ايجابيا لما حدث وهو :
الاشارة الي مقولة او امر يحدث فعلا
المداخلات الايجابية الكثيرة هنا سندا للفكرة ورندا

وربما اراد بدرالدين ان يعكس ذلك قصدا لتفعيل دور الاعمال الانسانية ( صدمة تشعرنا باهمية العمل )

Quote: هل التبرع لعمل انسانى ... قلع من الجيوب

ايوه قلع جيوب يارندا ، مافي ذلك شك ، بل وعمل قد يصيب الانسان بالزهج ، فدفع المال يعني

حرم نفسك من شئ وتفضيل عمل الخير علي ذلك ، وهنا انت تحرم نفسك ، تحرمها من متعة ما ، ولو كان الامر ممتع لما كان عمل خير . الامر شبيه بالصيام كلنا نكون زهجانيين من الجوع ، ولكننا نصوم ، لكن يظل عمل الخير هو احد دلايل انسانيتنا وسموها .


لا تحزنوا ال ياسر فان موعدكم الجنة ، فاي عمل عام قد تقابلك عثرات ولايجب ان توقفك هذه العثرات بل تزيدك قوة . وتجعلك تتعرفي علي بواطن الامور .


اتمني ان يكون كل هذا البوست عبارة عن خدعة لتحريك البركة الراكدة ، ومعرفة تفاعل الناس مع العمل الخيرى .

Quote: اتمني ان يكون كل هذا البوست عبارة عن خدعة لتحريك البركة الراكدة ، ومعرفة تفاعل الناس مع العمل الخيرى .

؟؟؟

وهل نحتاج لذلك ؟؟

رندا سلامات

تذكرني هذه الحادثة بعد المي حين طلب اصدقائي استقطاع مبلغ الاشتراك لجمعية كفالة الايتام

من الكمبيوتر يعني من المرتب قبال يمسكوا في يديهم ورفضت الفكرة قائلة : العطاء

لابد ان يكون طواعية و برغبة اكيدة منكم فحين تتذكرون حالة اطفال الميتم ادفعوا لوحدكم

او روحوا ع الميتم وشيلوا رطل لبن انشاء الله براكم وبيدكم احسن لي من ذلك

وردوا ع كيفك نحن ما ح نتذكر في دوامة الحياة تفاصيلك هذه

وقد كان : توقف الدعم تماما : فهل القلع احسن : اكيد لا : لكل حقه في الحياة ::

والعطاء لا يتوفر لكل شخص فكثر منا من يملك ولا يعرف العطاء

ولا ندري ماذ تقصدون بهذا يا أهل الدوخة ؟؟

تحياتي لك وخالص الاحترام

ولقدام

لا والف لا ليس هناك اي خدعه رندا انسانه صادقه في كل حرف قالته والمها ما حدث والسيد المعني جاء معلنا عن نفسه يبقي الموضوع واضح ونعتذر لرندا عما لحق بها بسبب مناشدتنا لهذاالرجل كنا محسنيين الظن به لكين ليس كل مايلمع ذهبا .
لك عميق اسفي يا رندا ياعظيمه .
ولي قدام مانقيف في المحطات القاحله كثير
. افراح في انتظاركم

رندا
التي تشبه القمر بها
ويقارعها النخيل طولا
ارسلي اشعتك كيف ما شئتي

واقترح ان يوضح لنا الامير موقفه
لان ما حكته رندا مؤلم ويكون اكثر ايلاما
لو ثبته الامير واتمنى ان يخرجنا الامير من هذه الوعكه

مودتي للجميع

اختي رندا

المحبة هي اساس ديانتي

وعتبك هو على قدر محبتك

ومحبتكم بعضا لبعض هي اساس محبتي للشعب السوداني اجمع

ترددت كثيرا قبل ان اقرر المداخلة وانا لست ادافع عن احد

ولانني احب الاختصار احبكم انت وهو

ودمت الينا كلنا

تم التعديل بناء علي رغبة العزيزة صاحبة البوست

الاعزاء جميعكم....

والله لم اتمنى يوما ان اكون مصدرا لكل هذا الهجوم الذى طاله ... ولست انا من يستحق كل هذه الكلمات والدفاع ... آلمنى موقفه حقا وذلك ما دفعنى لكتابة هذا البوست فوالله لو انه اجابنى بلا واكتفى لاكبرت له الوضوح وتقديره لامكانياته خصوصا ان الامر ليس "قلع" انما مساهمه طوعيه ...

الاخوه الغاضبون من عدم الاتصال بهم للمشاركه اقسم بالله العظيم انى لم اضع نفسى حكما عليكم او مقيما لظروفكم وقد كان الاتفاق مع كيكي ان نقوم بالاتصال باسماء محدده من نعلم بانهم قادرون على المساهمه المتكرره وفقا لوضعهم المادى ... واغلب المتداخلين هنا اشهد الله انهم كانو فى القائمه ولكن ما حدث خلال هذه المكالمه احبطنى تماما فلم اتصل بعدها .. علما بانه خطأ اخر "فافراح" تحتاجنا وذلك ذنب لن اغفره لنفسى الا وهو تجاوبى مع الغضب واغفالى للواجب ......

بدرالدين .....اقدر لك شجاعتك والتى تنم عن قناعتك بما حدث ... ولكن ... ماعرفتك هكذا ابدا .. وان علمت ما دار بينى وبين كيكي لعلمت انك قد آلمتنى حقا .. فقد نطقت اسمك قبل الجميع ولم يساورنى شك فى موقفك ...

انا لا اريد المتاجره بالعواطف من هذا البوست ولكن هو موقف جارح ومؤلم كتبته وما استطيع ان اقوله هنا انه سيكون دافعا اكبر للاسراع فى تكوين المنظمه الخيريه كما قال عبدالكريم .. واريد ان اقول كلمة حق وجب على قولها بحق نفر كريم من ابناء بلدى لا اريد تسمية احد حتى لا اسقط اسما فيطالنى العتب ولكنى هنا تعرفت على ابناء بلدى .. لى الفخر والعزه ان اكون بينكم يا من تحملون السودان فى دواخلكم دما واحساسا وانفعال ...

ابوبكر ... مساهمتك التى ذكرت هى بالنسبة لنا "ركازتنا" كترت ولا قلت يا سودانى واصيل

خالد ماسا ... ايها الغالى ...... وكفى!!!!!

انا الان اخذت من هذا البوست ايجابياته وساتوقف عند هذا القدر ... فقد كان من ايجابياته انه جعلنا ندرك القيمه الحقيقية والقوه المطلوبه لمواصله الاعمال الخيريه .. ونحن الليله اشد ثبات ... وسنبدأ الخطوات الجاده والاساسيه لتكوين المنظمه علما بان امر هذه الامنظمه قد بدأ باقتراح من الاخ الذى اعتز به دوما عبد الكريم الامين فله فى ذلك قصب السبق وسنبدأ معه بتكوين هذه المنظمه الخيرية والتى نتمنى ان تكون وتستمر من اجل ان نظل سودانيين ....


يديكم العافية...

الله والنبى يا رندا لكلام ابوسيكارة لاتسمعا

Quote: الله والنبى يا رندا لكلام ابوسيكارة لاتسمعا

لوووووووووووووووول يا ياسيلكون

العمل الإنساني بجميع اشكاله، خيار لا يتحمله الا اصحاب الهمم العالية، ولا ينطلق الا من ذوات لها استعداد فطري للتضحية، والتحمل، وأشهد أن للأخت رندا ومنذ أن عرفتها، أنها حالة من الانسانية الدائمة...ولضبط المصطلح هنا، فتعريفي للحالة الانسانية هنا هو هذا التماهي الايجابي مع وفي أوجاع الآخر، وساعتها لن تستطيع أن تعرف أن محمد عبدالسلام أو غادة نوري هما بعض رندا ولكن بلا شك ستتيقن أنهم أختها وأخيها، والذات الخيرة تسحب هذه الرؤية الجميلة المليئة بالخير على الكل، وحسن الظن أيضا بعض من الخير...فهكذا تظن أن الجميع مثلها.
عفوا رندا لسنا كما تظني !

ففي فعل الخير نختلف بمقدار، فعند نقطة ال(Maximum)في ترمومتر الانسانية الخيرة يقف محجوب شريف، وتليه رندا، وآخرين لا أعرفهم وعند نقطة أسفل سافلين ال(Minimum)، نماذج متعددة، وان جمع بينهم قاسم مشترك، وهو ظنهم بأن العمل الانساني ينتقص من وقتهم ومن بزنزهم (Their Business)، شيئاً.
وأتساءل أختي رندا....كم استغرقت هذه المحادثة من وقت هذا البزنسمان (Businessman)، وكم تعني مائة أو مائتين ريال نسبة إلى ارباح أعماله، فلو كان هذا المبلغ يمثل نسبة عالية فلا يستحق أن نطلق عليه بزنزمان.


الكرم والانسانية موقف، وكمان البخل وعدم الاحساس بالآخر موقف أيضاً.

Quote: والذات الخيرة تسحب هذه الرؤية الجميلة المليئة بالخير على الكل، وحسن الظن أيضا بعض من الخير...فهكذا تظن أن الجميع مثلها. عفوا رندا لسنا كما تظني !

اجمل ما قيل شكرا يا نادوس

Quote: لكل الاصفياء متداخلين ومتحاورين حوار الاخت العزيزة رندا حاتم كان معى انا بدرالدين الأمير

ارجو من الاخ بكري ابوبكر سحب الباسوورد الخاص بالزميل بدرالدين الامير الي حين

عودة صديقي الانسان الرهيف الوريف بدرالدين الامير والذي يبدوا واضحا ان احدهم

يكتب باسمه هذة الايام ..


محبتي لرندا و لصديقي بدرالدين الحقيقي

منعم

سلام رندا وكل المتداخلين..

أكبرتها فيك يا رندا.. وفي كل من يعطي وقته ومجهوده لعمل خير..
برغم مشغوليات الحياة وهمومها الكتيرة..
فهذا ما يميّزنا كبشر...
ومن يذق المرض في اقرب الأقربين (ولا أتمناها لأي منكم)..
واللهفة عليهم... لبذل نفسه فداهم... مش بس شوية فلوس...

Quote: والتى فى تقديرى البسيط لا تمت للخلق السودانى بصلة

بالمناسبة... الخلق السوداني هذا عموما .. مجرّد أسطورة (myth)..
حلوة على الأذن والقلب... لكن غير واقعية..
سودان وسودانيو اليوم.. غير أمس..

وأتفّق معك.. فالجمعية قد تكون أنسب، أكثر تنظيما وشرعية ..
وأحفظ لماء وجه الجميع..
لا ضغوط .. ولا إحراج..

ولبدر الدين الأمير.. الرفض أو الإعتذار عن المشاركة حقك ومكفول لك..
لكن -في تقديري- لايتوجّب أن يكونا بهذه القسوة..

عين وصابتكم يا ناس الدوحة!

سلام للجميع

Quote: بتكوين هذه المنظمه الخيرية والتى نتمنى ان تكون وتستمر من اجل ان نظل سودانيين ....

تـابى الرماح إذا إجتمعن تكسراً *** وإذا إفترقنا تكسرت آحــادى



ما تحته خط تكوين منظمة سودانيين
كده تلفتوا يمنة و يسرى و فى محيط دائرة دولة قطر ...
كم هيئة/ منظمة/جماعة/ رابطة/ مجموعة/ مجلس/ مكتب ليهم نفس الأهداف و المضامين ؟؟؟؟

أنا أعرف أكثر من 3 (ثلاث) جهات سودانية .....

إيه رأيكم نختار واحدة نقتحم و عنوة (تخطيطية) ونتحكر فى نصفها و نعوس ونسوط و نقلع زى ما عاوزين ....

كيكى : أنا لو كنتم فوزتونى فى منصب نائب الرئيس !!!!!
(ضمير الجماعة مبنى على حديقة الحيوانات بتاعة الثعلب و الذئب و ..... والغول)
لو ده كان حصل كنت عملت جمعية نائب الرئيس لمساعدة الغلابة المحتاجين الوطنية الإتحادية العامة للجالية السودانية بمهجر .... .....

بما إنه حصل التآمر (مقصود/ عفوى) و أنا مابقيت ...
وبما إنك إنت بقيت رأيك شنو تكون المسؤول /السكرتير الإجتماعى فى مجلس الجالية المنتخب ،،،،
وهاك يا إجتماعيات و بكده نكون كبرنا الكوم صار مش أسفيرى وكمان شغل نضيف و تحت رايات المازى راياتك بتاعات السجم ديك .....
انا ممكن أستخدم حنكى وصوتى المليان و أدعمكم لغاية ما توصلواااااااا الكراسى ...
أم حاتم تنفع قائدة من داخل المكتب الإجتماعى طالما إنها بتأيد "أبو تفة" ...
على فكرة نائب الرئيس الفائز ( بتاع بنك يتلتل ما خمج) ،،
ممكن أتوسط ليكم عنده نستفيد من خبراته و باعه الكبير فى (الككس) و الذى منه $$$$ ....

بس طاوعونى !!!!! عندى ليكم حاجآت تانية كتيرة .....


قلتو شنو ؟؟؟؟

احب ان اوضح للاخت سودانية والخاله دومة

بانني تمنيت ان يكون الامر خدعه ، لان التفاصيل الوارده قبيحة جدا .

منعم قال

Quote: ارجو من الاخ بكري ابوبكر سحب الباسوورد الخاص بالزميل بدرالدين الامير الي حين عودة صديقي الانسان الرهيف الوريف بدرالدين الامير والذي يبدوا واضحا ان احدهم يكتب باسمه هذة الايام ..

وهل هذا الهكر الذي يكتب بأسمه ، هكر علي صوته ايضا . لووووووووول

لا ادري ماذا اقول ، فقولي هنا قد يبدو مجروحا ، لكنني فقط حبيت ان اعلق علي كلمة (والله انتم يالسودانيين ) ، الاحظ ان كثيرا منا يتعامل بمثل هذه المفردة ، كانه غير سوداني ، فبدلا من كلمة انتم يالسودانيين ، لكان من الاجمل استخدام نحنا السودانيين ) ام هو الاغتراب الذي عناه محجوب شريف في قصيدته الشهيرة
الاغتراب فال البخونك وبزدريك .

العمل علي تكوين منظمة خيرية سيواجه مشكلة كبيرة ، وهو ضرورة الاعتراف الرسمى من قبل الاجهزة الحكومية في قطر متمثلا في الهيئة القطرية للاعمال الخيرية ، وهي لا تعطي التصديق بشكل ساهل خاصة بعد حوادث 11 سبتمبر ، عليه اقترح بان نعمل من خلال السكرتارية الاجتماعية التي نقترح ان يتولاه كيكي ، لمعرفتنا به اولا ، ولنشاطه في المجال العام . ايه رأيكم دام فضلكم

الاخ معتصم (رقم صفر)

تقديري واحترامي

قرت ما كتبته بعين السخط التي تبدي المساؤئ

بدرالدين الامير صديقي واعرف مساهماته الانسانية جيدا كما لا اشكك في حديث الاخت رندا ..

فقط اقول لك بان المقام ليس للتشفي .

تقديري

منعم

Quote: لا ادري ماذا اقول ، فقولي هنا قد يبدو مجروحا ، لكنني فقط حبيت ان اعلق علي كلمة (والله انتم يالسودانيين ) ، الاحظ ان كثيرا منا يتعامل بمثل هذه المفردة ، كانه غير سوداني ، فبدلا من كلمة انتم يالسودانيين ، لكان من الاجمل استخدام نحنا السودانيين ) ام هو الاغتراب الذي عناه محجوب شريف في قصيدته الشهيرة الاغتراب فال البخونك وبزدريك .

منعم اخطأت في حقي هذه المرة ، لم ارى الامر باي عين ، غير ان التفاصيل فعلا قبيحة ، وعندما رديت عليك ، كان ذلك في سبيل الضحك . ليس الا (وكتبت لوووول كي لا يؤخذ المعني بالتشفي) ، وانا اعلم ان مداخلتك تقصد بها بدرالدين صديقك ، وليس بكري ابوبكر .(اياك اعني ياجاره) . واذا قرأت مداخلتي اعلاه قلت قد يبدو ان شهادتي او قولي مجروح ، ليس هناك تشفي يا عزيزي ، وما بيني وبين بدرالدين حسم في ذاك البوست وانتهي الامر علي هذا الاساس . وعليك الله بعد هذا الموقف من بدرالدين هناك شئ يمكن اقوله .
واذا رجعت الي مداخلتي الاولي تري انني تمنيت ان يكون الامر مجرد خدعه ، لانه وبحكم معرفتي (غير اللصيقه ) ببدرالدين ، فهو يدفع للعمل الخير .
اعتقد انك نظرت للامر ولمداخلتي بعين علي هذا البوست وعين علي ذاك البوست وهنا لم تكن موفق علي حكمك ... اريد ان اختم بان اقول بانني اذا اردت ان اقول شئ تجاه احدهم لن اتردد في ذلك مهما كان هذا الرأي .
ورايك احترمه ، فقط اعد البصر كرتين ، واحكم بعيدا عن ذاك البوست .

ولا شماته ، ثق تماما بذلك .

رجاء من كل الاخوة :

الصمت زينة والسكوت سلامة .

فقد مرت سحابة الصيف ، وستمطر خيرا اينما حلت .

الاثنان اتفقا على الهدف النبيل

ارجو ان نضع نقطة في اخر السطر وتكون هذه اخر مداخلة .

للجميع ودي ،

اختلاف الراي لم يفسد للود قضية .
دعونا نمضي لتلك الغاية النبيلة.

العزيز فيصل ...

اشكر لك اولا وساطتك ومبادرتك لحل الاشكال ...

تم تجاوز الموقف احتراما وتقديرا لطلب اخوه كرام من بينهم شخصك الكريم ولكن مع احتفاظى برايي الخاص والذى اوضحته للاخ بدرالدين..

Quote: الاثنان اتفقا على الهدف النبيل

مع اختلافى الجذرى والجوهرى معه فى كيفية التعامل التى كانت من جانبه والتى لم ولن تكن مقبوله من جانبى تحت اى ظرف من الظروف ... وايضا احتفاظى بحقى فى ردة الفعل التى تتناسب وحجم التصرف......

لك التحايا .....

وانا بدوري اعتذر لك يا معتصم

لك العتبي حتي ترضي


محبتي

منعم

رجاء اخير :

اسحبوا ماكتبتوه ، من بداية البوست الى اخره .

التحية لكل بورداب الدوحة




همسة :

الاخت : Randa Hatim

مازلت انتظر اتصالكم

التحايا والاجلال
رندا
الحب والتقدير فيصل
وكل المتداخلين وافر الاحترام

مازلت احتاج توضيحا من من الامير
حتى تزاح هذه الغشاوه من اعيننا
قد يكون الموضوع اتعالج بالنسبه لرندا
ولكنا هنا احببنا الامير فهلا وضح لنا موقفه
مودتي

Quote: مازلت احتاج توضيحا من من الامير حتى تزاح هذه الغشاوه من اعيننا قد يكون الموضوع اتعالج بالنسبه لرندا ولكنا هنا احببنا الامير فهلا وضح لنا موقفه مودتي

حـل الإشكلات فعل اخلاقي نبيل مثلك يافيصل..
لكن ما أراه هنا ليس مشكـلة..
بل هو قيمة اخلاقيه لا تعرف طريق ثالث غير شـرح سبب التصرف..
القضية ليست رندا كإسم بل رنـدا كقيمة تشبه عديد هنا في أخذ مبادرة الخير ومتابعتها..
ثم القضية في القيمة الأساسية في عمل يساعـد الخير لأن ينغرس أكثر في القلوب ...وفي هذه الحالة كمثال طفلتنا أفراح..
ثم القيمة الثالثة وهي شحصياتنا والصـدق بين القول والفعل..
ولهذا موقفي مثل موقف أحمد العربي وربما آخرين..
علي الأمير والذي تعودنا ان نناديه هنا أميرنا ان يشرح لنا موقفه..
ولأن هذا في رايي موقف أخلاقي..أي انه قيمة أخري..فإني أود ان يأتي لنا بدرالدين بشرح
لما حـدث ..
خاصة ان بدرالدين كان ومازال في قلب مجموعة بدت لنا متسقة يظهر معها فيها دينمو محرك..
لقد إمتلنا جمالا بشكل التكاتف والتعاون بينها..واتمني انها مازالت كذلك..ولا نريد ان نظن الظنون بها ونشكك في مصـداقيتها..
فهل شـرح لنابدر الدين موقفه الذي نكاد لا تصدق أنه صدر منه?

مع كل التقدير

احمد العربى .... الموضوع ما اتعالج ... لانو كلمة "علاج" معناها انو الانسان بيشفى من الالم وانا لم اشفى من لذع كلماته.....

الموضوع تقبلت فيه وساطة الخير وقبلت بطى صفحته مع احتفاظى بحقى الكامل فى ردة الفعل المناسبه لحجم الموقف الذى تعرضت له من زميل وصديق .....وحقى فى تاطير تعاملى معه بالشكل الذى يحفظ لى كرامتى واحترامى لذاتى ......

لكم جميعا التحيه .. ولكم جميعا الحق الكامل ايضا فى طلب الايضاح والتفسير منه...

ولفيصل الزبير الاف التحايا والتقدير على نبله وانسانيته ورغبته الاكيده فى راب الصدع... واحتراما لقبولى وساطته واخرين قررت عدم الكتابه فى البوست ولكنى كتبت هذه المداخله توضيحا لموقفى ايضا حتى لا يفهم اننى تجاوزت الموقف جملة وتفصيلا ولكنى قبلت طلب الاخرين فى طى الصفحه...

لكم منى كل الود والتقدير على مواقفكم النبيله ....

Quote: رجاء اخير : اسحبوا ماكتبتوه ، من بداية البوست الى اخره

عارف يا فيصل مثل كلامك ده البخلي الناس تغتت لبعض ، بدرالدين ابدي رأيوا ورندا كتبت هذا الموضوع دون الاشارة للشخص وبدرالدين اقر لوحده بهذا الحدث ، لماذا سحب البوست او الكلام الفيه ، ربما لبدرالدين ظروف ما ، او كان في مود سئ ، او لاي سبب آخر ، لهذا كان سلوكه بهذا الشكل ، لكن ان نقوم بسحب مداخلاتنا لان سيادتك عايز يحل الموضوع ، ببساطة الموضوع اصلا محلول . ولا يحتاج لاي تدخل . بل هي فرصة لمناقشة

Quote: Re: هل التبرع لعمل انسانى ... قلع من الجيوب ؟؟؟؟؟؟؟؟؟

لا اكثر ولا اقل ، وعليك الله خلينا من الواساطات المافي مكانه دي

Quote: لكل الاصفياء متداخلين ومتحاورين حوار الاخت العزيزة رندا حاتم كان معى انا بدرالدين الأمير

رمي عبارته اعلاه وذهب

لم يكلف نفسه توضيح موقفه، ولماذا فعل ما فعل !!!!

منتهي الاستخفاف بالغير

والنرجسية وتضخم الذات

الولد خلاص ماسك السيجار

وبكل جرأة ووقاحة وقوة عين في الغلط يقول انا القلت كدة "دجانقو" اها رأيكم شنو؟؟؟

رائي انا شخصيا انك اولا بخيل وعديم مرؤة ولا تحسن التعامل مع البشر ولا تتخير ملافظك

ثم انك متغرطس ومعجب بنفسك لدرجة المرض ومنفوخ في الفاضي يا رجل الاعمال

تعال هنا في البوست دة رد علي خلق الله دي واعتذر عن عملتك الشينة دي يمكن تقدر

تلقي شئ من انسانيتك وادميتك الرميتها بنفسك تحت الاقدام

رندا ... كوني بخير ... أتفق معك في المبدأ ..وربنا يخفف عليك .. ولا تنكسري ابدا ...

انا سمعت الاسؤا من هذه المحادثة .. ومواصلة في حضن من لفظ مرتين .. مرة من والديه .. ومرة من المجتمع ....

انني اسرق ما يتبرع به .. يعني ايه .. اكثر ياتو .. ولكن ... وأكفل له الحرية في عدم الدفع .. أكيد

لكن جرح الاخرين والتخطي عليهم .. بالكلام .. امر يستحق الاعتذار ... اذا كان .. يجد في ذلك خطأ .. ولا أعلم

لما .. يكتب .. تحليله .. للموقف .. ورايه في قلع الجيوب .. السوداني ..

الاخوة المتداخلون .. هذا البوست يصيبني بالحزن ..

نتفق في حريته في ماله ..وربنا يذيدوا كمان وكمان .. ولكن حريته .. تقف في اذية مشاعر البشر..

لا يختلف اثنان في هذا ..

الملكة .. اشكرك جدا





لو اعيش زول ليهو قيمه
اسعد الناس بى وجودي

ذى نضاره غصن طيب
كل يوم يخضر عودى

وابقى زولا ليهو قيمه...

ابقى دار لى كل لاجىء
او حنان جوه الملاجىء

ابقى للاطفال حكايه
حلوه من ضمن الاحاجى

بيها اتهنو ونـــــــــــــــــــومو
واحرسم طول ليلى ساجي

والقى فى راحه نفوسم
بسمتى وطول ابتهاجي


لو اعيش طول عمرى نسمه
او مع الايام ســــــــــــحابه

اهطل ادى الدنيا بسمه
اروى وادى واسقى غابه

لو اعلم طفل واعد
لسه ماعارف الكتابه

وابقى شجره ظلاله وارفه
تحتى ناس نايمين تعابه


اشقى والقى وابق بهجه
فى النفوس لى كل مناضل

وابقى للمعتل علاجو
وابقى للفلاح سنابل

وابقى زولا ليهو قيمه ....

..
.

Quote: رائي انا شخصيا انك اولا بخيل وعديم مرؤة ولا تحسن التعامل مع البشر ولا تتخير ملافظك ثم انك متغرطس ومعجب بنفسك لدرجة المرض ومنفوخ في الفاضي يا رجل الاعمال تعال هنا في البوست دة رد علي خلق الله دي واعتذر عن عملتك الشينة دي يمكن تقدر تلقي شئ من انسانيتك وادميتك الرميتها بنفسك تحت الاقدام

الاخ/ اسعد ابراهيم
( الغايب من سنين )
عارف يا اسعد اسواء حاجة معالجة الغلكط بغلط اكعب
منو !!
وبالجد يعنى كلامك دا احر من رد بدرالدين الامير
بدرالدين لمن لايعرف تبرع كثيراً ومرات عديدة ولم يقل انا فعلت
الا عبر الوسيلة او الشخص الذى تعامل معه ..
وظروف سؤال الاخت رندا فى الوقت داك قد تكون صادفته فى مود سئ
يعنى ما كان بتحتاج لردو الجاف لكن يجوز قرفه ..
ولا يمكن وصفع بالبخل او عدم المروءة واعتقد ما تبرع به يفوق الكثيرين
هنا .. وقد يكون فقط عدم توفيق فى الرد المناسب
تبرع بلا ضجيج ولا حديث .. وقد تجد له الحق فى توضيح نفسه
حتى ان الاخت رندا كان من المفترض ان تحتفظ بالامر على اطار ضيق
ولا تنشره هنا حتى يشعر بكبريائه ويضطر يوضح بكل شجاعة انه الشخص المعنى

لك التحية ولما وراء الاطلنطى ..

______________________

يا بدرالدين يا امير هنا لو قلت كلمه ناصحاً او زهجاناً
ببلعوك ليها .. عالم بقت فاتيه ..

Quote: بدرالدين الأمير

وا فجيعتاه!!!!

شكرا يا ملكه الاغنيه حلوه
مهداه للجميله النبيله رندا

Quote: شجره ظلالها وارفه تحتى ناس نايمين تعابا

نحبك يا رندا

رندا
بت البلد
اختي
سلامات
كم انا سعيد بان تكوني معي ومع اخوتي في السودان تحملين الهم العام
حقيقة الموقف سخيف بس اتذكر افراح انها سعيد بما قمتي بيها
ورفعتي عنها الالم فق هذا
لا اكثر
وانسي كل المتخاذلين حولك
وانظر ما فعلتي فقط
اختي
راجع ليك في موضوع الجمعية
ولي ودي وسلامي
محمد ابوالقاسم

وتمتد الرؤيا بعد الرؤيا الي الابد

Quote: منتهي الاستخفاف بالغير والنرجسية وتضخم الذات الولد خلاص ماسك السيجار وبكل جرأة ووقاحة وقوة عين في الغلط يقول انا القلت كدة "دجانقو" اها رأيكم شنو؟؟؟ رائي انا شخصيا انك اولا بخيل وعديم مرؤة ولا تحسن التعامل مع البشر ولا تتخير ملافظك ثم انك متغرطس ومعجب بنفسك لدرجة المرض ومنفوخ في الفاضي يا رجل الاعمال

دجانــــقو

Quote: لكل الاصفياء متداخلين ومتحاورين حوار الاخت العزيزة رندا حاتم كان معى انا بدرالدين الأمير

________________


قريبا بسودانيزاونلاين فيلم :


سارتانا الذي لا يرحم الرطانه



___

اخخخخخخخ لو كتب الكلام ده الليلة مع الجو الجميل ده .. ااااااخ

اخر دعاية لبطل افلام الاكشن دجااااااانقو


التدخين غير ضار بالصحة ولا انصحكم بالامتناع عنه .........

-الجمهور: ده كلام شنو يا دجانقو والعلم والاطباء والناس الماتو ووووو الخ


بلا تجارب بلا علم بلا كلاام فارغ انا دجانقو اسمعوا كلامي وبث وكلامي هو البمشي مهما يكووون

الجمهور :__ مش حنتنازل عنك ابدا مهما يكون ..............

يا الاديت منبرنا طعم ولون

مش حنتنازل عنك ابدا مهما يكون

شكرا للاصفياء ,والمتحاورين لانكم سمعتو كلامي



الختام :

دجانقو يتحدث والناس تسمع

دجانقو يخرج مسدسة ثم يولع سيجارتة صائحا : تبا لكم ...........

THE END

تحية للجميع
والان وقد زال الغضب وهدت النفوس من هذه العاصفة العابرة التي نثق تماما
بانها ستحول الامر برمته الي عمل ايجابي ومنظم في اتجاه امتصاص مثل هذه
الاحتقانات التي اشهد ان الاخت رندا قد تعاملت معها بشفافية عالية وغضب
مستحق في اتجاه لغة الاخ بدرالدين التي استنكرها الجميع ...
ولكن هنا لابد من التوقف واحقاق الحق... في الماضي قد نفذنا العشرات من المشاريع
المرتبطة بالعمل الانساني وسط هذه المجموعة التي افخر تماما بالعمل معها
رغم الصعوبات والمنحدارت وهي سمات تصاحب العمل العام اين ما كان وفليكن
عزائنا انها تلهمنا التجربة وتمعنا المناعة لتجاوزها مستقبلا...
وحتي لا ياخذ الاخريين الاخ بدرالدين بغلطة نتمني ان لا تتكرر منه وهو الذي
نحسبه من المهتمين بهذ الامر..واسقاط هذا الامر علي كل بدرالدين اعتقد ان هنالك ظلما
من الذين لم يعايشوا معه بعض الاحداث..
اذكر وانني جديد في هذا المنبر وصادف ذلك احداث اللاجيين في مصر..فقمت بمبادرة بوست
لتجميع تبرعات لصالحهم وكنت ساعتها حديث عهد علي العمل العام وسط سوداني الدوحة
وغريب اليد واللسان علي البورداب..
في صباح المعايدة ذهبت الي نادي الغزال مرتديا(زي عيدي) واتابط بعض الاوراق
والاقتراحات واشهد الله انني قوبلت بجفوة واستجواب من الكثيرين والرحيب من بعض الخيرين
وكانت الاستجوابات علي شاكلة اسئلة منكر ونكير...
انت منو
وتبع شنو
وجاي من وين
والمعاك منو....
ولكن نشهد ان بدرالدين الامير وكنت حديث عهد في معرفته به هو او المرحبين وقام بتحريك
الكشف بين الحضور بكل حماس لا انساه له تماما...
(ويشهد علي هذه الواقعة الاخ محمد عبدالرحمن)....
....
....
مخطي بدرالدين في تصرفه مع رندا وغضبان انا تماما وكما كانت رندا غاضبة يوم امس
ولكن هذا الغضب وهذه الجزئية التي بدرت مع الاخ بدر لا تعطينا الحق في اسقاط كل الامر
انطباع ليس في مكانه تماما.....
واخير كل التحايا للاخت رندا وفخور انا دوما بالعمل معها ومعي مجموعتنا النادرة...
وللاخ بدرالدين كل التحية واعتقد تماما بان هذا الدرس الاخوي جدير لحمله للنظر في هذه
الجزئية بعين اخري...
ولكم جميعا كل الحب..

الخيل الحرة بتجي في اللفة

اسه الزول يعلق على شنو و يخلي شنو؟!!

يقول زي ما قالت حبوبتي فاطمة بت القاضي ضرار الله يرحمه

شلاقة نفيسة اللي جوو يطهروها لقوها حامل[/B]

ملاسي

تحياتي

علق على الأغنية

وسيبك من كلام منعم ده

يا اخوانا ما شفتو نفيسة ؟




يا اهل الله ما شفتو نفيسة

اصلا ليها 3 ايام غائبه

طيب ما شفتا حسن يا ساري الليل






___

سنظل نرفع في البوست اما تطهر نفيسة او تجهض

+

رندا حاتم

بدر الدين

اكيد نحن كنا مع برنامج الكاميرا الخفية

يا جماعة نفيسة ما جات بجااااي ؟


اما تطهر نفيسة او متنا ع سطح البوست

Quote: لكل الاصفياء متداخلين ومتحاورين حوار الاخت العزيزة رندا حاتم كان معى انا بدرالدين الأمير

؟؟؟؟؟؟؟؟؟؟؟؟

يا رندا حاتم
شكرا لك اولا لتصديك لمثل هذه الاعمال الانسانيه.


ثانيا لو تلاحظي انت وغيرك انا لست فاعلة بها,فهل سألتي نفسك لماذا؟؟؟؟

اولا لن اقول لك كنا نقوم بمجهودات مثل هذه باكرا
ممكن تقولي في عمره الجامعه
مؤخرا تفتحت مداركنا لما هو اخطر
اولا نجمع لمن؟؟؟؟
لاحظي نجمع لمن نسمع عنهم,اليس كذلك؟؟؟
وماذا عمن لم نسمع عنهم؟؟؟؟
هل هم غير موجودين؟؟؟
لا بل موجودين بكثره.

اذن نحن نجمع لمن نسمع بهم فقط,وربما من يعرفهم بعضنا.

هذا لن يحل مشكلة العلاج
فالنعمل من اجل حكومات تتبنى مجانية العلاج.
نعلم انه اثناء رغبتنا في التغيير
سيموت كثيرين وينسحق كثيرين لكنها الحقيقه لاحل دائم
لا صندوق خيري ولا غيره سيكون الحل
لانه المشكله اكبر مننا ومن قدراتنا صدقيني.
انها مشكلة دوله ,ومشكلة الدوله لا يمكن ان يحلوها افراد.

قد نكون غاضبين الآن من بدر الدين
ولكن بارهاقنا لبعضنا البعض,لاحظي
غير معرفتنا بتبرعاتهم الشخصيه
يعني كل زول بكون عنده اقربائه واصدقائه
الذين قد يكون يتبرع لهم نتيجه لاتصالات خاصه.

انا هنا لا اسوق تبريرات
فما حدث تجاهك بشع يا رندا.
ولكن بنفس المستوى
اعرف فداحة ثمن محاولتناعلى حل مشاكلنا بتبرعات.

ولقد اتلسعت مثلك كثيرا
فقررت ان يكون التشجيع بقلمي فقط
وكما قلت بمكالمات مع من اعرفهم ويعرفوني فلا اسمع مثل ذلك الذي سمعتيه.




اخيرا.
اتمنى ان يعتذر لك الاخ بدر الدين الامير
فهو يعرف بانك متطوعه,ولا فائدة لك سوى رغبتك المخلصه في ازالة آلام (افراح) وغيرها.
التحيه لك.
تراجي.

الأخت العزيزة رندا حاتم
يا ريت لو كان إختصرتو الحوار ده علي بورداب الدوحة(لجنة الدعم) دون أن تنشروهو علي صفحات المنبر..
يا رندا، بدرالدين لو ما كان صديقك، هل ممكن كان يصرح ليك بالكلام ده؟؟؟


والناس الدايرين يصفو حساباتهم مع بدر الدين الأمير!
أي زول ما دخل يدو في جيبو وإتبرع، مفروض مايفتح خشمو بتاتاً
بدرالدين بوبار ولا فشار، ما همانا طالما شهدنا له تبرعات أكثر من مرة..
ساهم أكثر من غيره وفي أكثر من مناسبة..
أي زول ما دخل يدو في جيبو، يسأل نفسه قبل أن يسأل الأمير..

_________________
أي زول دافنو لي للأمير يجي مارق، دي فرصة تاني ما بتلقوها

لوووووووووول يا سر عارفاك ح تجي تقول لي انت اسمك رندا ؟؟!!!

Quote: لوووووووووول ياسر عارفاك ح تجي تقول لي انت اسمك رندا ؟؟!!!

الخالة الحبيبة دومة
أبداً والله، إنت ورندا مكان إحترام وتقدير عندي.. والكلام لما يتكتب، أي زول عندو حق يرد عليهو، حتى محمد سليمان ذاتو
ما أردت أن أقوله يا دومة هو، رندا وبدرالدين الأمير لهم علاقات إجتماعية مشهودة علي صفحات المنبر، وهي أكبر من كل المناصرات المغرضة التي تتخذ من ودالأمير تختة تنشين؛ علي حسب فهمي، رندا وبدرالدين أصدقاء، فكيف للأصدقاء أن يسمحوا للعامة من أن ينالوا من بعضهم البعض!؟

لبدرالدين الأمير مساهمات معلومة، فكيف أن ننكرها بمجرد أنه أخطأ! ومن منا لا يخطئ؟ وهل لو تم حل هذا الإشكال بين من يهمهم الأمر من أصدقاء بدر ورندا كان أدو خصماء بدرالدين فرصة للنيل منه؟؟

تعرفي يا خالة، مهما جينا ونصبنا المشانق لبدرالدين عشان نثبت لرندا إننا حزينين من أجلها ووو، مفروض ما تهتم بذلك، لأن ما نفعله مزايدة رخيصة ليس من أجل الدفاع عن رندا، ولكن من أجل النيل من بدرالدين. ويبقى ما بينهما (رندا وبدرالدين) أكبر من تصفية الحسابات هذي..

فيا خالتي دومة بدر أخطأ في تعامله مع رندا، ورندا أخطأت من غير قصد(حسب إعتقادي) بوضع صديقها في هذا الموضع...يا خالة ناس في مدينة واحدة ويجمعهم الكثير ما ممكن نحن نكون حريصين عليهم أكثر منهم..

إتمنى إنهم يرجعو زي ما كانو، وأكثر.. وكلام بدرالدين ما كان له أن يصرح به لولا علاقته بها.. وبدر غصباً عنه حيدفع تاني وتالت ورابع، لأنه من بين بورداب كرما دفعوا وهو منهم، وسيدفعو وهو منهم...

تحياتي ليك ولرندا وللأمير ولجموع بورداب الدوحة
سلام

..
.

Quote: بدر الدين ولا الجن الاحمر حر يدفع ما يدفع بس كلامه مع رندا كان ما فيه ذره من الذوق وجارح جدا

لا تعليق
دى تحت مظلة العشرة الطيبة بخور الباطن !!


__________________________

!!؟

ده أجمل بوست

ودالأمير ده مش بتاع
Marketing
?



و طيب?

Quote: بدر الدين ولا الجن الاحمر حر يدفع ما يدفع بس كلامه مع رندا كان ما فيه ذره من الذوق وجارح جدا

والله بس غلبني افهم عيب كلامي دا شنو ؟؟
ما شايفه اني شتمت انسان هنا بس وضحت رائ في تقييم موقفه مع رندا .
اقول شنو غير
عين السخط تبديءالمساويء0

Quote: الأخت العزيزة رندا حاتم يا ريت لو كان إختصرتو الحوار ده علي بورداب الدوحة(لجنة الدعم) دون أن تنشروهو علي صفحات المنبر.. يا رندا، بدرالدين لو ما كان صديقك، هل ممكن كان يصرح ليك بالكلام ده؟؟؟

هذه كلمة حق

Quote: هذا لن يحل مشكلة العلاج فالنعمل من اجل حكومات تتبنى مجانية العلاج. نعلم انه اثناء رغبتنا في التغيير سيموت كثيرين وينسحق كثيرين لكنها الحقيقه لاحل دائم لا صندوق خيري ولا غيره سيكون الحل لانه المشكله اكبر مننا ومن قدراتنا صدقيني. انها مشكلة دوله ,ومشكلة الدوله لا يمكن ان يحلوها افراد.

وهذا منطق, لكنه لن يثبط الهمم

..
.

Quote: أي زول دافنو لي للأمير يجي مارق، دي فرصة تاني ما بتلقوها

والله صدقت يا طبفور!!

الأخت الكريمة
رندا،
تحياتي و محبتي

Quote: وبعد الكلام دا "لعنت ابليس"

و لو كنتي كمان لعنتي إبليس و ما فتحتي البوست دا كان يكون أروع،
لسببين:
الأول: إنو الزول دا إتبرع قبل كده و دي تنفي أي سوء إتوصف بيهو، و أنت أدرى.
الثاني: مفروض حكاية جرح المشاعر دي تكون دايما في بالك طالما بتعملي
في عمل عام. التصدي للعمل العام بيتطلب تفهم كبير جدا.

الزول دا واضح من كلامو إنو زهجان بس، و إنتي ما عارفة بين تلفونك
الفات و تليفونك دا ممكن يكون جاهو كم تلفون!
و كونو زهج برضو ما بيمنع إنو موقفو يستحق التفكير فيهو
"حكاية كترتوها دي" موقف ناس كتيرين بس ما إمتكلوا نفس الشجاعة،
عشان كده هي دافع أكبر لتفعيل فكرة العمل الخيري المنظم.
عشان كده كان تعالجي معاهو الموضوع بصورة مغلقة طالما هو صديق. أما كونك ما قلتي إسمو،
فما اعتقد دا حيمنع إحساسو بأي شتيمة في حقو أو أي تقريع إتكتب عنو!
دي فاتت عليك كيف؟
عموما..
الحل فعلا في المؤسسية عشان تجنب الناس المواقف المحرجة دي. هناك بوست في موقع
سودان فور أول "بعنوان: محجوب شريف بين العمل العام و عمايل العوام" في خصوص
الحملات التي تقام بنفس الصورة لدعم المبدعين، و لكن فيه بعض الجوانب عن سلوكنا
السوداني بصورة عامة و يمكن أن يكون مفيد في هذا السياق يمكن للإخوة هنا الإطلاع عليه.
نؤيد فكرة الصندوق خيري و نعلن إستعدادنا للمساهمة في تأسيسه وسط العضوية في
الإمارات.
و لك فائق إحترامي و محبتي
و تقديري لجهدك النبيل
السموأل

Quote: و لو كنتي كمان لعنتي إبليس و ما فتحتي البوست دا كان يكون أروع، لسببين: الأول: إنو الزول دا إتبرع قبل كده و دي تنفي أي سوء إتوصف بيهو، و أنت أدرى. الثاني: مفروض حكاية جرح المشاعر دي تكون دايما في بالك طالما بتعملي في عمل عام. التصدي للعمل العام بيتطلب تفهم كبير جدا. الزول دا واضح من كلامو إنو زهجان بس، و إنتي ما عارفة بين تلفونك الفات و تليفونك دا ممكن يكون جاهو كم تلفون! و كونو زهج برضو ما بيمنع إنو موقفو يستحق التفكير فيهو "حكاية كترتوها دي" موقف ناس كتيرين بس ما إمتكلوا نفس الشجاعة، عشان كده هي دافع أكبر لتفعيل فكرة العمل الخيري المنظم. عشان كده كان تعالجي معاهو الموضوع بصورة مغلقة طالما هو صديق. أما كونك ما قلتي إسمو، فما اعتقد دا حيمنع إحساسو بأي شتيمة في حقو أو أي تقريع إتكتب عنو! دي فاتت عليك كيف؟

وهذا هو الصواب بعينه

















منعم
انت ما تبت من بيوت العزايم دي؟؟

Quote: والناس الدايرين يصفو حساباتهم مع بدر الدين الأمير! أي زول ما دخل يدو في جيبو وإتبرع، مفروض مايفتح خشمو بتاتاً بدرالدين بوبار ولا فشار، ما همانا طالما شهدنا له تبرعات أكثر من مرة..

وانا اشهد للبدر الامير يا ياسر طيفور

وهو صديقي الذي اعتز به كثيرا وكبيرا

والبرشوو بالموية ارشوو بالسفن آب


لكن انا وهو معزومين ع طهور نفيسة


يا ريت صحبي كيكي يجي ويقول لي نفيسة طهوروها وللا لسة ؟

لن ترتاح يا سفاح

Quote: منعم انت ما تبت من بيوت العزايم دي؟؟

اااخ دينا لو ما اتصل بي زول عزيز وقال لي ما اخش البوست ده تاني

عاوزين يكتلوا الموضوع قبال ما يطهرو نفيسة

ع كيفهم


غايتو دي اخر مداخلة لي في البوست دا


واذا عدتي لا اعود


منعم

Quote: لو ما اتصل بي زول عزيز وقال لي ما اخش البوست ده تاني

بتحطوا نفسكو في مواقف بايخااااااااااااا




كل مرة الا يهرشوك حتى تستعدل








ان عدت لا اعود

Quote: اااخ دينا لو ما اتصل بي زول عزيز وقال لي ما اخش البوست ده تاني عاوزين يكتلوا الموضوع قبال ما يطهرو نفيسة ع كيفهم غايتو دي اخر مداخلة لي في البوست دا واذا عدتي لا اعود

و إذا ذهبتم عدنا

محتاجين رد عشان الصورة تكتمل من الشيخ أبوسيكارة ؟

السؤال موجود ومحتاج اجابة ؟؟؟

ما قلنا ليكم عندنا معرض ياااخ وبجيكم بعد المعرض


____

حالتي انا محلف ما اخش البوس(ط) دا

محتاج رد ...........

ومازلنا فى انتظار الرد ....!!!

ايها الاعزاء...ومن منطلق "انتهازية اري فيها خيرا".لنجعل الغلابة يستفيدون مما جري ... وكلا بدرالدين و رندا لهما مواقف انسانية كما قراءنا وما زالت فلذا وحتي لا تكون حادثة واحدة عثرة في خير كتير ربما ياتيان به معا :-

يا بدرالدين الامير غرامة خمسين دولار تدفع لاي غرض انساني .... وتستمر مسيرتكم جميعا في مواكب الامل والخير .... ( دي ما اجاويد لكن سابقة تساعد في خير مافي حالات شبيهة او غيرها مستقبلا .. )..
(وبعدين يا صديقي الامير اهو ماركتنغ وعمل خيري )

الاخ أبوبكر

والله رأيك صاح مية المية ، وحكمك مفروض يُنفّذ فوراً ..

Quote: يا بدرالدين الامير غرامة خمسين دولار تدفع لاي غرض انساني .... وتستمر مسيرتكم جميعا في مواكب الامل والخير ....

وأرشح ( كيكي ) لتنفيذ هذا الحكم ( العادل ) ..

مولانا أبوبكر ،، ياخ انت من زمان وين ؟؟

صلاح عبدالله

Quote: وأرشح ( كيكي ) لتنفيذ هذا الحكم ( العادل ) ..

حاضرين ابوصلاح وتعليماتك اوامر
والكهل الاربجي تعب معاي تعب السنين ال 50 دولار اطلعها ليكم من (جوه عينو) ولو
قلتو عايزين تزيدوها شوية برضو بكون احسن ومكسب كبير لقوي العمل الانساني....
وبس ادوني فرصة جمعة جمعتين كده عشان اسوي ترتيب مع (قوبي) وكرجول وارسل ليهو (فيزا ترانزيت)
لمدة يوم واحد انزلهم طوالي في شارع السد التجاري ...وبس اقول ليهم ياها ديك شركة
اكسنيت وهم بعرفوا باقي شغلهم..
طبعا اخر نصائحي ح اقول ليهم في زول عندو (دقن) وفصيح فصاحة (زي شفع المغتربين) اسمو
معتز قريش وده يا كرجول اقطع فيهو عكاز عكازين وبعد داك اتفاهم مع ابوسيكارة.....
وبعدين ح اقول ليهم طبعا(اوعوا تهبشو ايزبيل حلبي وسلوي السكرتيرة) بس طقطقوا لي ابوسيكارة
والظلامي الدقنوا الزي المقشاشة ورندا ذاتتها لو لقيتوها بتتحاوم بهناك ادوها (عكازعكازين)
وبعد داك اقلعو منو 5050 دولار...
5000 دولار دي اتعابكم الحافز بتاعكم وال50 جيبوها اوديها لناس سودانيز اون لاين

Quote: 5000 دولار دي اتعابكم الحافز بتاعكم وال50 جيبوها اوديها لناس سودانيز اون لاين

ياخوانا لسه ما خصخصو المحاكم و المؤسسات العقابية وانتو بس سمعتو الخبر جيتو بعكاكيزكم ...
ياجماعة الحكم طوعي وما فيهو جندرمة ولا محاميين ولا سماسرة للتنفيذ هو (الامير) براهو حيدفع الخمسين و الخمسة الف ... اشارطكم حيدفع من غير عكاكيز ...

Quote: اشارطكم حيدفع من غير عكاكيز

يا بشمهندس سلام
وانا كزول مكلف بمهمة بتاعة 50 دولار وده تكليف بالمناسبة صعب شديد مع التضخم الحاصل في الدوحة...
لكن كمان يفترض الناس تساعدني في الصلاحية التامة وتخويلي بسلطة التنفيذ حسب الاليات بتاعتي
..وانا عندي اجندة اخري في هذه الالية (الكرجولية) علي الاقل معتز قريش (القي فيهو يدي كمان)..
انتو عاوزين 50 دولار ولا عاوزين كلام تاني...

الاخت رندا الرائعة

من يسير علي الطريق لابد ان يغبر رجله
سيري والجميع معك كما ترين وهذه ضريبة العمل العام

والاخ بدر الدين شهد له الكثيرون فليقم بتوضيح رايه حتى تتضح الصورة للجميع

Quote: وانا كزول مكلف بمهمة بتاعة 50 دولار وده تكليف بالمناسبة صعب شديد مع التضخم الحاصل في الدوحة...

عزيزي عبد الكريم ...اها بصوت صلاح والصوت السكوتي لقيت نفسك مكلف ودي الحتة الوحيدة البتقبل مثل التكليف دة لانو في النهاية مافي قصور ولا قيادات الا قيادة عمل انساني .. بس بالله ما ترسل لجماعتك بتاعيين العكاكيز لانو دة انقلاب ابيض...

Quote: انتو عاوزين 50 دولار ولا عاوزين كلام تاني...

بس ال 50 دولار وهي ستاتي بمعان تهمنا كلنا وتهم رندا اولا والامير ثانيا ..معان مرتبطة بقدرتنا علي تجاوز مطبات تظهر فجاة تعيق مسيرة الخير .. معان تعيد للساعيين في كل عمل خير انساني اقلقهم ما حدث ثقتهم في ان مسيرتهم ستظل ماشة لقدام ...معان تمسح من عيون رندا دمعة سببتها كلمات الامير وللامير مكانته وسط الداعيين والساعيين للخير وتضع حدا لاستقراءات وافتراضات ....معان تساعدنا جميعا في التقاط انفاسنا بعد لهاث ونرفزة مما حصل ...

والله المعين

لكم مودتي
ابوبكر

الاخ ابوبكر
عفوا ان فهمت حديثي بمحمل الجد اولا..
واشكرك علي حرصك العالي علي امتصاص هذه الازمة بشكل ايجابي..
ولا اذيع لك سرا انني كنت اكثر المضررين من هذا الامر لعلاقتي المتينة بالاخ بدرالدين والاخت رندا
حاتم..وقد لا اذيع سراايضا عن الجهود الاخوية التي دارت خلف كواليس هذا البوست حتي نساهم بجدية في
امتصاص هذا الامر العارض...
وكنت اتمني ان تطالع مداخلاتي الاخيرة في هذا الامر..فنحن يا اخي العزيز ابوبكر نعمل سويا مثل الجسد
الواحد في هذه الامور الانسانية ولن نساهم اونفكر في ممارستها بالضرب والسطو المسلح كما بداء لك
في المداخلة التي وددت فقط مداعبة الاخ صلاح وهويدري ذلك تماما بالاضافة ايضا الي بدرالدين...
واخيرا لك شكري وتقديري المقيم..

ابوبكر

تحياتي


ياااخ اتحلت بدر ده طالبني 50 دولار وبكرا بحولها لكيكي الدوحة ويكون الموضوع اتحل


_____

بس يا خال حكمك ما عادل صحبي ده جابا كبيرة والجزاء من جنس العمل


اقترح 5000 دولار امريكي


محبتي

منعم

؟؟؟؟؟؟؟

الاخت سودانية
لكي التحية..
يااختي قضي هذا الامر وعولج علي كل المستويات وعادت المياه انقي واطهر الي مجاريها الاولي
الملئية بالاخوة والصداقة والعشرة...وتعلم الجميع الدرس والهمنا فيضا جديدمن المعرفة وتجربة
ستنير طريقنا صوب الصلاح والتطوع من اجل خدمة قضايانا التي نومن بها...
فاعذريني ان سطوت علي اصوات الاخت رندا والاخ بدرالدين..فلا عادت علامات الاستفهام تعني الا المزيد
من التعقيد وعودة الاشياء الي مربعات الاحتقان....
فكوني بخير وثقي ان الجميع سيكون ايضا بكل خير وتجربة نتعلم منها الكثير..

سودانية 2000

Quote: ؟؟؟؟؟؟؟

؟؟؟؟؟؟؟؟؟؟؟

Quote: الاخت سودانية لكي التحية.. يااختي قضي هذا الامر وعولج علي كل المستويات وعادت المياه انقي واطهر الي مجاريها الاولي الملئية بالاخوة والصداقة والعشرة...وتعلم الجميع الدرس والهمنا فيضا جديدمن المعرفة وتجربة ستنير طريقنا صوب الصلاح والتطوع من اجل خدمة قضايانا التي نومن بها... فاعذريني ان سطوت علي اصوات الاخت رندا والاخ بدرالدين..فلا عادت علامات الاستفهام تعني الا المزيد من التعقيد وعودة الاشياء الي مربعات الاحتقان.... فكوني بخير وثقي ان الجميع سيكون ايضا بكل خير وتجربة نتعلم منها الكثير..

كيكي ازيك

يعني طلع قلع ولا ما قلع ؟؟ دي الاستفهامات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: يعني طلع قلع ولا ما قلع ؟؟ دي الاستفهامات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا اكيد يادكتورة ما قلع..
وانتي ست العارفين..
ولو كان القصة برضو طلعت قلع عندنا اليات للقلع من بدرالدين الامير
واحنا دائما متعودين نقلع من البدر ده كل حاجاتو

Quote: كيكي ازيك يعني طلع قلع ولا ما قلع ؟؟ دي الاستفهامات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سودانية 2000

كدي عيني في عينك !!!!!!!!!!!!

انا قلت كيكي يا معتز

بعدين انتو قصتكم شنو يا ناس الدوحة؟؟

ناس بتكتب

وناس بكتبوا ليها

عجبي !!!!!!!!!!!!