Post: #1
Title: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 01:52 PM
نعترف كنساء بحب الكلام..
نحب معسوله ونعشق عبارات الغزل والمدح...
يظل الحب لدينا مشتعلا بقدر ما تستطيع كرجل ان تعبر لنا عنه...
وتزداد خفقات قلبنا مع كل كلمة حب او اطراء...
وربما اقل من ذلك!!!
فمجرد الحديث وتبادل الاراء يزيد حبنا اشتعالا...
نعشق ذلك الطفل,, الذي نوليه رعايتنا واهتمامنا ونلاحقه بالاسئلة للاطمئنان عليه...
وبالمقابل
ننتظر منه الاهتمام والعناية بنا ايضا...
وهنا نقف عند مفترق الطرق!!!!
ونبدأ "بالنقة" لاخباره بحوجتنا اليه
ولكن......
يبدو انه يتوجب علينا ان ننسى كل ما عرفناه عن اهمية التحاور, فالكلام قد يكون اسرع طريقة للانفصال!!!
لانك تتهمين عندها "بالنقة".
قرأت اليوم هذا المقال, الذي ساورده لاحقا, فعلمت لماذا يتهمنا الرجال "بالنقة"...
وادركت ان الامر لا يكمن في "نقتنا" بل في اختلاف طبائعنا وميولنا كنساء ورجال...
ومنه ادعوكن للتوقف عن "النقة" (دي غايتو نصيحة مني لوجه الله كان دايرات تحافظن علي رجالكن),, واعتذر بشدة لمن يظنني "نقناقة" مع وعد بعدم التكرار
|
Post: #2
Title: Re: لماذا لم يعد يحبني؟؟ عشان نقناقة!!!!!!!
Author: وليد محمد المبارك
Date: 02-27-2007, 01:55 PM
Parent: #1
ما قلتوا نوبة
|
Post: #5
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 02:05 PM
Parent: #2
احنا بلا الرطانة دي الجاب خبرنا شنو
شكلي كدة ما ح استفيد من بوست العرس بتاعك,, قلت النلحق روحي
|
Post: #3
Title: Re: لماذا لم يعد يحبني؟؟ عشان نقناقة!!!!!!!
Author: عاصم ابوبكر حامد
Date: 02-27-2007, 02:01 PM
Parent: #1
دينا
انتى اول زولة نقناقة ...
يا اخى من البوستات واضح ...
| Quote: وادركت ان الامر لا يكمن في "نقتنا" بل في اختلاف طبائعنا وميولنا كنساء ورجال... |
جد ده مائة المائة ....
نسيتى اسلم عليكى واسئلك
انتى دينا الصباحية ام المنفصمة
تسلمى
|
Post: #9
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 02:14 PM
Parent: #3
ان الاسطورة الاولى فيما يخص العلاقات المشتركة هي ان التحاور مع الاخر امر ايجابي...
ولكن الحقيقة هي انه في غالب الاحيان يجعل الامور اسوأ!!!!
ان الكلام عن المشاعر, الذي هو امر مهديء بالنسبة للنساء, يجعل الرجال غير مرتاحين جسديا, فالذي يحصل في هذه الحالة (دة راي طبي بالله, سمح) هو تدفق مزيد من كميات الدم الى عضلاتهم. فهم يصبحون متململين, فيما تظن النساء انهم لا يستمعون لكلامهن!! (وتبدا النقة,, معناها ما بتحبني صاح؟؟ انا باتكلم من قبيل وانت ما شغال بي؟؟؟ اصلا انا اطلع شنو في نظرك,, ولا حاجة موش؟؟ )
ياخي والله بالجد معليش,, كنا ظالمنكم ساي واتاري دمكم كان بيتدفق
|
Post: #4
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 02:02 PM
Parent: #1
يبدأ المقال بهذه النصيحة:
نقول للزوجات بكل شفافية: انسين كل ما سمعتن عن فوائد الصراحة, وعن اهمية تقاسم المشاعر مع الاخر, وعن اتاحة الفرصة امامه ليعبر عن مشاعره امامكن. فالابحاث العلمية الجديدة حول العقل الذكوري (بالله ما تنسوا اضافة الكامل ) تبين ان النقاش بين الزوجين قد يكون الطريقة الاسرع لقطع التواصل بينهما.
اصدر طبيبان نفسيان اخصائيان في معالجة مشاكل الازواج في امريكا كتابا بعنوان "كيف تفعلي زواجك دون الكلام حوله؟.. الحب ابعد من الكلمات". فما الذي يريده المؤلفان حقا؟
هل يشيران علينا بأن ننسى كل ما تعلمناه من فنون الحديث ومهارات الكلام التي امضت النساء عقودا طويلة لصياغتها؟؟
وان نعيد التفكير من جديد بكيفية تعاملنا مع شركائنا؟؟
الجواب هو نعم.....
|
Post: #6
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-27-2007, 02:06 PM
Parent: #1
الجواب هو نعم.....
|
Post: #11
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 02:16 PM
Parent: #6
منعم
النعامة (ما النعامة ادم ثمح)
|
Post: #7
Title: Re: لماذا لم يعد يحبني؟؟ عشان نقناقة!!!!!!!
Author: أحمد الشايقي
Date: 02-27-2007, 02:08 PM
Parent: #1
دينا
في أحلى من النقــة ؟؟؟
أحمـد
|
Post: #12
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 02:18 PM
Parent: #7
| Quote: في أحلى من النقــة ؟؟؟ |
احمد
والله احنا كجداد, قصدي كنساء, مقتنعين لكن البيقنع الديك منو
|
Post: #8
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-27-2007, 02:13 PM
Parent: #1
ااااااخ لو كنت ما مهروووش
|
Post: #10
Title: Re: لماذا لم يعد يحبني؟؟ عشان نقناقة!!!!!!!
Author: هشام المجمر
Date: 02-27-2007, 02:15 PM
Parent: #1
دينا
سلام يا نقناقة
النقة خصلة لا فرق فيها بين الرجال و النسوان
بل نقة الرجال بعد مرات أخطر
مثلا راجل طلع المعاش وقاعد فى البيت ينقنق فى أى حاجة لغاية ما المرة والأولاد يكرهو البيت.
النسوان مشهورات بالنقة لأنهم بيتكلموا فى الزمن الغلط.
مثلا راجل راجع البيت من يوم عمل مضنى
تقوم مرتو تسألو أها الشغل الليلة كان كيف
ولا عملت شنو مع فلان داك
وتكون دى آخر حاجة الراجل داير أتكلم فيها
ختاما
انحنا عندنا مقياس للنقة نطلق عليه أسم نقختر ودرجاته مثل درجات مقياس الزلازل رختر
فلو كان نقتك يا دينا أكتر من 4.5 على هذا المقياس واطاتك أصبحت و أخير تختى الرجال عديل.
|
Post: #13
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 02:22 PM
Parent: #10
| Quote: النسوان مشهورات بالنقة لأنهم بيتكلموا فى الزمن الغلط. |
مثلا واحدة تضرب ليك في المكتب وانت ما قادر تحك راسك عشان تسالك "بتحبني"؟؟
|
Post: #15
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 02:33 PM
Parent: #13
من المعلوم انه في حال وجود صراع او مشكلة, تميل النساء الى التكلم عنها.
ان اكبر مصدر للالم بالنسبة للرجال (برضو دة كلام الطبيب النفسي, سمح) ياتي من الخجل الذي يشعرون به حين لا يتمكنون من ان يكونوا بحجم التوقعات التي يطمحون اليها... ولهذا يصبح الرجل وكأنه في موقف الدفاع او الهروب والانسحاب حين تسر اليه المرأة بأنه لا يهتم بها كفاية, فيما تعتقد هي ان ما تفعله سيقربهما اكثر من بعضهما البعض. وعندما يشعر الرجل انه متضايق من هذا النقد تجتاح جسمه موجة من "الكورتيزول", وهو هرمون مقاوم للضغط النفسي ولكن تأثيره غير ايجابي.
اها يا اخوانا بالله اعملوا حسابكم من الكورتيزول دة .
وعشان نحن خايفين عليكم من الجلطات والازمات توصلنا للنتيجة التالية:
نحتاج لأن نتواصل بطريقة صامتة..... ان الصمت يحمل في طياته التعبير الاعمق عن الحب, وما احوجنا الى حب صادق لا يلف ولا يدور!
فلنتحاور اذن بحب... والا فلنعبر عن حبنا.. بصمت! 
|
Post: #14
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-27-2007, 02:25 PM
Parent: #1
انتو جداد لنج
|
Post: #16
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 02:35 PM
Parent: #14
يعني GL
|
Post: #17
Title: Re: لماذا لم يعد يحبني؟؟ عشان نقناقة!!!!!!!
Author: رأفت ميلاد
Date: 02-27-2007, 02:40 PM
Parent: #14
دينا كيفك
إنتى القال ليك النقة هى الكلام فى الحب منو ؟
باين لسة فعلآ (جداد) وما إتمرستى ؟
النقة بمعنى
تعرفى بداية الكلام لما تكون
(شوف يا راجل إنت) معناتو رجالتك الليلة إتمسحت
ولما تقول الأولاد أو أولادى الكلام ماشى ما بطال
لكن لما تقول أولادك عزلت روحا وعينك ما تشوف ...
جداد شنو ياخى إنتى ما شفتى الديك المزعوط من رقبتو
حب شنو يختى
|
Post: #18
Title: Re: لماذا لم يعد يحبني؟؟ عشان نقناقة!!!!!!!
Author: هاشم أحمد خلف الله
Date: 02-27-2007, 02:57 PM
Parent: #17
دينا , انا غايتو إتعودت علي النقة وخاصة نقة الصباح ومرات كثيرة
لما ما تنق معاي الصباح وامشي للشغل بحس كده زي ما اكون ناسي الإقامة
أو الجوال , والنقة مالها ؟؟ وهل الحياة تحلي من غير نقة , بس في حدود
المعقول لكن انتو معاكم تفاهم ؟؟؟ تقولي ليها بحبك تقول داسي مني شنو ؟؟؟
طنشتها تقول ليك الماخد عقلك وقلبك يتهنابو , حكمة الله عاد نعمل معاها شنو ؟؟؟
|
Post: #20
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 05:20 PM
Parent: #18
| Quote: تقولي ليها بحبك تقول داسي مني شنو ؟؟؟ |
يا هاشم انت بس امسك في بحبك دي
ولما تقول ليك داسي شنو, قول ليها يا خبر النهاردة بفلوس بكرة ببلاش 
|
Post: #19
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 05:17 PM
Parent: #17
| Quote: إنتى القال ليك النقة هى الكلام فى الحب منو ؟ |
يا رافت عليك الله ما تخرمج لينا البوست دة يقوموا يجوا يتلموا فيهو
العواجيز العندهم دستة عيال وهارشنهم نساوينهم والحب طار ليهم
احنا بنتكلم عن النقة العلي وزن الكلام الدقاق ياااخ
اها في الحالة دي طبعا العيال يمتنعون
|
Post: #21
Title: Re: لماذا لم يعد يحبني؟؟ عشان نقناقة!!!!!!!
Author: تماضر الخنساء حمزه
Date: 02-27-2007, 05:25 PM
Parent: #19
دينا والرجال النقناقين إكون من شنو ؟؟
|
Post: #25
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 08:53 PM
Parent: #21
| Quote: دينا والرجال النقناقين إكون من شنو ؟؟ |
يكون من الكورتيزول
تماضر
انتو كورتيزولكم كيف؟؟
|
Post: #22
Title: Re: لماذا لم يعد يحبني؟؟ عشان نقناقة!!!!!!!
Author: nourelhadi awad
Date: 02-27-2007, 05:37 PM
Parent: #1
دينا إزيك
أنا شجصيا فايت بالدرب سمعت النقة مارقة من دوتو البروفايل وستو
وطي صوت البروفايل شان نسعك
أحد المطرودين من نقة إفلاطون الفاضلة
( شجرة صمغ)
|
Post: #23
Title: Re: لماذا لم يعد يحبني؟؟ عشان نقناقة!!!!!!!
Author: doma
Date: 02-27-2007, 08:07 PM
Parent: #22
]
Quote: | Quote: . وعندما يشعر الرجل انه متضايق من هذا النقد تجتاح جسمه موجة من "الكورتيزول", وهو هرمون مقاوم للضغط النفسي ولكن تأثيره غير ايجابي.[/QUOTE |
لوووووووول ديناالعثل اتاريها دي نقتي ؟؟!!
خلصت علي كورتيزولوا
وبقي يشتري كورتيزول من السوق
|
Post: #29
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 09:01 PM
Parent: #23
| Quote: وبقي يشتري كورتيزول من السوق |
يا خالتو مشتاقين والله
النبي الكيلو بكم؟
اسمعي,, انتي الكورتيزول دة ممكن يخش في الميراث؟؟
|
Post: #27
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 08:58 PM
Parent: #22
| Quote: أحد المطرودين من نقة إفلاطون الفاضلة |
ادوك كرت احمر؟؟ ولا يهمك اهي فرصة تحافظ فيها علي الكورتيزول
|
Post: #24
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-27-2007, 08:46 PM
Parent: #1
| Quote: احنا بنتكلم عن النقة العلي وزن الكلام الدقاق ياااخ |
قلنا ليك يا رافت ياااخ .. الجماعة ديل قاصديننا عديييل
قلت لي شنو يا دينا ( وش مفطس)
|
Post: #26
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 08:55 PM
Parent: #24
| Quote: قلت لي شنو يا دينا |
انت موش هرشوك؟؟ الا يكسروك يعني
|
Post: #28
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-27-2007, 08:59 PM
Parent: #1
| Quote: انت موش هرشوك؟؟ الا يكسروك يعني |
هم اول كسروني بعداااك هرشوني
|
Post: #30
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 09:04 PM
Parent: #28
ما قلنا ليك اعمل حساب الكورتيزول ياخ
|
Post: #31
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-27-2007, 09:04 PM
Parent: #1
| Quote: اسمعي,, انتي الكورتيزول دة ممكن يخش في الميراث؟؟ |
داااك الميراثيزول يادينا ياااخ
____
( من فتاوي معتز قريش ص7)
|
Post: #33
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-27-2007, 09:08 PM
Parent: #31
خلاص قمت للخرمجة,, عليك الله دة بوسط* علمي وتثقيفي
ما تشترو لينا يااااخ
|
Post: #35
Title: Re: لماذا لم يعد يحبني؟؟ عشان نقناقة!!!!!!!
Author: محمد البشرى الخضر
Date: 02-27-2007, 11:18 PM
Parent: #33
آل فيصل..
كيف الحال
موضوع فيه كلام كتير , بجيه بي روقة باكر إن شاء الله
| Quote: عليك الله دة بوسط* علمي وتثقيفي |
(بس دي غلبني أصبر عليها)
|
Post: #41
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 10:51 AM
Parent: #35
| Quote: بجيه بي روقة باكر إن شاء الله |
باكر لسة ما جا عندكم؟
|
Post: #32
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-27-2007, 09:08 PM
Parent: #1
| Quote: ما قلنا ليك اعمل حساب الكورتيزول ياخ |
ما بعمل ياااخ
جنك نقة
|
Post: #34
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-27-2007, 09:12 PM
Parent: #1
ومعتز مالو ادبي وترفيهي
|
Post: #36
Title: Re: لماذا لم يعد يحبني؟؟ عشان نقناقة!!!!!!!
Author: doma
Date: 02-28-2007, 04:26 AM
Parent: #34
| Quote: اسمعي,, انتي الكورتيزول دة ممكن يخش في الميراث؟؟ |
لوووووول الكورتيزول دا يقبل المساومه من جانبي
اسه يا ديناالبعرس اربعه نقناقات كورتيزولوا يكون وصل ماينص كم ؟؟؟؟
|
Post: #37
Title: Re: لماذا لم يعد يحبني؟؟ عشان نقناقة!!!!!!!
Author: عواطف ادريس اسماعيل
Date: 02-28-2007, 05:19 AM
Parent: #36
دينا الحبيبة
والله ياختي رجال الزمن دة حيرونا لا نفعت معاهم نقة لا صمت يعني بالمفتوح كدة ما لهمش حل لو لقيتي
يا برلومة أبقي كلمينا نحنا يئسنا بت أمي !!!
|
Post: #43
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 10:58 AM
Parent: #37
خالتو عواطف
شيلي الصبر بس واعملي حساب كورتيزولك
لاحظي انه اصلا ح يكون نص كورتيزولهم , عشان كدة احنا عمرنا قصير بالزعل والغباين
|
Post: #42
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 10:55 AM
Parent: #36
| Quote: لوووووول الكورتيزول دا يقبل المساومه من جانبي |
يعني هسي الرجال لهم كورتيزولين
|
Post: #38
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-28-2007, 09:33 AM
Parent: #1
الكورتيزول يقوي الانسان ويكافح التسوس
|
Post: #39
Title: Re: لماذا لم يعد يحبني؟؟ عشان نقناقة!!!!!!!
Author: رأفت ميلاد
Date: 02-28-2007, 09:58 AM
Parent: #38
Quote: يا رافت عليك الله ما تخرمج لينا البوست دة يقوموا يجوا يتلموا فيهو
العواجيز العندهم دستة عيال وهارشنهم نساوينهم والحب طار ليهم |
| Quote: لم يعد يحبني؟؟ عشان نقناقة |
 
|
Post: #44
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:04 AM
Parent: #39
رافت
ما تزعل ياخ, لكن نقتك الانت قاصدة دي ما ياها نقتي الانا قاصداها
وبرضوا اختلاف النقة لا يفسد للود قضية
وهاك دي عشان خاطر العيال
|
Post: #49
Title: Re: لماذا لم يعد يحبني؟؟ عشان نقناقة!!!!!!!
Author: رأفت ميلاد
Date: 02-28-2007, 11:13 AM
Parent: #44
| Quote: وهاك دي عشان خاطر العيال |
ناس منعم ؟
كدة ظبتى الكورتيزول
|
Post: #40
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-28-2007, 10:40 AM
Parent: #1
البوس(ط) للشباب فقط
ينصــــر دينا
|
Post: #45
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:07 AM
Parent: #40
قالوا عن الحب:
عندما يتعلق الامر بالحب....
فكر فقط بالعطاء وليس بالاخذ....
|
Post: #46
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:08 AM
Parent: #45
اعمال الحب قد تفشل وقد تنجح...
لكن يكفي انها في النهاية تبقى اعمال حب..........
|
Post: #47
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:09 AM
Parent: #46
يحتاج الحب الى عناية كبيرة
فمع انه اقوى من الحديد... الا انه اكثر هشاشة من الزجاج......
|
Post: #48
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-28-2007, 11:11 AM
Parent: #1
قالوا عن الحب :
الحب صعــب يا علي
وعليا هذا محبا وطنيا جدا لا تربطه رابطة بدينا ولا ببوس(ط)يها
____
سنكتب رغم التجاهل والداء والاعداء والخل الوفي
|
Post: #50
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:14 AM
Parent: #48
وووووب علينا
يعني نقشت فكرة التجاهل دي عشان تطفش وبرضو مصر؟
نبكي ليك يعني؟؟ علييييك الله ما تخرمج في البوسط* دة بالذات ياااخ
|
Post: #52
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:16 AM
Parent: #50
لماذا اصبح الحب اعمى؟؟؟؟
ولماذا يقوده الجنون؟؟؟
هنا اصل القصة........
|
Post: #53
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:18 AM
Parent: #52
كان يا ما كان في قديم الزمان,, قبل ان يخلق الانسان,, كانت الفضائل والرذائل تطوف العالم معا,,
وتشعر بالملل الشديد.. ذات يوم... وكحل لمشكلة الملل المستعصية.. اقترح الابداع لعبة واسماها
الاستغماية....
احب الجميع الفكرة,, وصرخ الجنون: اريد ان ابدأ,, اريد ان ابدأ
انا من سيغمض عينيه ويبدأ العد...
وهنا اتكأ الجنون بمرفقيه على شجرة وبدأ...
واحد.... اثنان..... ثلاثة.......
|
Post: #51
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-28-2007, 11:15 AM
Parent: #1
Quote: ناس منعم ؟
كدة ظبتى الكورتيزول |
بابا لا تســرع الموت اســرع
|
Post: #55
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:22 AM
Parent: #51
وبدات الفضائل والرذائل بالاختباء...
وجدت الرقة مكانا لنفسها فوق القمر....
واخفت الخيانة نفسها في كومة نفايات...
وذهب الهدوء واختبأ بين الغيوم...
ومضى الشوق الى باطن الارض....
الكذب قال بصوت عالي: انا ساختبيء تحت الحجارة... ثم توجه الى قاع البحيرة...
وما زال الجنون مستمرا في العد....
سبعة وسبعون.... ثمانية وسبعون.... تسعة وسبعون......
|
Post: #56
Title: Re: لماذا لم يعد يحبني؟؟ عشان نقناقة!!!!!!!
Author: رأفت ميلاد
Date: 02-28-2007, 11:26 AM
Parent: #51
| Quote: بابا لا تســرع الموت اســرع |
الشدر الكبار فيه الصمغ
|
Post: #54
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-28-2007, 11:22 AM
Parent: #1
مصر ام الدنيا
فلافل فلافل فلافل .. مصر يا ام الفلافل
|
Post: #57
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:27 AM
Parent: #54
خلال ذلك اتمت كل الفضائل والرذائل تخفيها.... ما عدا الحب....
كعادته لم يكن صاحب القرار.... وبالتالي لم يقرر اين يختبيء...
تابعته الرقة من فوق القمر وهمست ضاحكة,,, من الصعب اخفاء الحب.......
تابع الجنون....
خمسة وتسعون.... ستة وتسعون.... سبعة وتسعون.....
|
Post: #59
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-28-2007, 11:31 AM
Parent: #57
| Quote: خمسة وتسعون.... ستة وتسعون.... سبعة وتسعون..... |
98
99
ده حب وللا اوراد ال بالبسبحه ده
|
Post: #58
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-28-2007, 11:29 AM
Parent: #1
| Quote: دينا والرجال النقناقين إكون من شنو |
تماضر .. قاصده منو ياااخ
|
Post: #60
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:34 AM
Parent: #58
وقبل ان يصل الجنون الى المائة
قفز الحب وسط حزمة من الورود
فتح الجنون عينيه وبدأ البحث صائحا....
انا ات اليكم..... انا ات اليكم......
كان الكسل اول من انكشف... لانه لم يبذل جهدا في اخفاء نفسه...
ثم ظهرت الرقة المختفية في القمر...
وبعدها خرج الكذب من قاع البحيرة مقطوع النفس...
وخرج الشوق من باطن الارض...
وظهر الهدوء من بين الغيوم....
وجدهم الجنون جميعا... واحدا بعد الاخر...
ما عدا الحب.....
|
Post: #61
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:36 AM
Parent: #60
كاد الجنون يصاب باليأس والاحباط في بحثه عن الحب....
الى ان اقترب منه الشوق وهمس في اذنه: الحب مختبيء في شجيرة الورد....
التقط الجنون شوكة من الشجيرة وبدأ في طعنها بشكل طائش ليخرج منها الحب.....
ولم يتوقف الا عندما سمع صوت بكاء يمزق القلوب....
|
Post: #63
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:39 AM
Parent: #61
طبعا دة كان بكاء دينا من خرمجة منعم في بوسطيها*
ياخي ما تخلينا نتم القصة دي يااااخ
اسمع امشي بهناك, ناس معتز بنادوك
|
Post: #64
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:40 AM
Parent: #63
ظهر الحب وهو يحجب عينيه بيديه... والدم يقطر من بين اصابعه....
صاح الجنون نادما: يا الهي ماذا فعلت؟؟؟ لقد افقدتك البصر......
ماذا افعل كي اعيد اليك بصرك؟؟!!!!!
اجابه الحب: لن تستطيع ان تعيده لي... لكن هناك ما تستطيع فعله لاجلي....
كن دليلي.......................
ومنذ ذلك اليوم اصبح الحب اعمى.... يقوده الجنون!!!!!!!!!!!!!!
|
Post: #62
Title: Re: لماذا لم يعد يحبني؟؟ عشان نقناقة!!!!!!!
Author: celecon
Date: 02-28-2007, 11:36 AM
Parent: #1
عبدالمنعم قال بصوت عالي: انا ساختبيء تحت الحجارة... ثم توجه الى قاع البحيرة...
|
Post: #65
Title: Re: لماذا لم يعد يحبني؟؟ عشان نقناقة!!!!!!!
Author: محمد أبوالعزائم أبوالريش
Date: 02-28-2007, 11:44 AM
Parent: #1
الأخت دينا ....
والله بصراحة؟ النقة ما بتندار .. والواحد يا منها إتعلم الطناش يا جاهو ضغط دم وجلطة.
| Quote: مثلا واحدة تضرب ليك في المكتب وانت ما قادر تحك راسك عشان تسالك "بتحبني"؟؟ |
القال ليك منو دي نقة؟ .... يا ريت كل النقة زي دي.
| Quote: احنا بنتكلم عن النقة العلي وزن الكلام الدقاق ياااخ |
أما الكلام الدقاق ده ... برئ كل البراءة من النقة. وبصراحة البنات بيمارسوهو قبل ما يجيبو رجل الراجل .... وبعد الزواج مافي غير النقة. وطوبى لمن تمارس الكلام الدقاق بعد الزواج.
|
Post: #66
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 11:49 AM
Parent: #65
| Quote: القال ليك منو دي نقة؟ .... |
يا زول بسم الله,, وقفلوا السماعة في وشي كمان
|
Post: #67
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-28-2007, 11:58 AM
Parent: #1
| Quote: ومنذ ذلك اليوم اصبح الحب اعمى.... يقوده الجنون |
وكان القرشي شهيدنا الاول
____
سيليكون ساختبئ خلف الصخرة حتي تقول الصخرة وراي منعم اقبضوه
|
Post: #69
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 12:40 PM
Parent: #67
مساحة تنفس
المشاعر في غيابك ذاب فيها كل صوت
والليالي من عذابك عذبت فيني السكوت
**************
يا من ارتجفت له جدران النجوم
وحدثته الشواطيء باعذب الالحان
وتصبب من فوق جبين الموج له العرق
كيف انساك؟؟؟
لن انساك حتى اذا حاصرني الغرق
|
Post: #68
Title: Re: لماذا لم يعد يحبني؟؟ عشان نقناقة!!!!!!!
Author: محمد أبوالعزائم أبوالريش
Date: 02-28-2007, 12:34 PM
Parent: #1
| Quote: يا زول بسم الله,, وقفلوا السماعة في وشي كمان |
إنتو بس كتروا من نقة الحب دي .. لكن البتجيب أجلكم بالجد النقة من نوع .. أنا من العيد الفات ما اشتريت لي توب .. والا الواحد يجي من الشغل تعبان .. تقولي ليهو: دي ما عيشة دي .. سايبنا محبوسين زي القاعدين في قفص .. يالا طلعنا خلينا نشوف الدنيا زي العالم والناس ..... إلخ ..إلخ
ودة النوع الغنو فيهو الأغنية (((نقناقة تنقنقي .... إنتي لا بد تتطلّقي)))
هسي شفتي ليك واحدة طلقوها عشان قالت للراجل بحبك؟ والا سألتو: إنت بتحبني؟
|
Post: #71
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 12:43 PM
Parent: #68
| Quote: هسي شفتي ليك واحدة طلقوها عشان قالت للراجل بحبك؟ والا سألتو: إنت بتحبني؟ |
المشكلة لكن ما يعرسوها من اصلو
|
Post: #70
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 02-28-2007, 12:42 PM
Parent: #1
منسحب من البوست
لظروف الهرشة وكده
|
Post: #72
Title: Re: لماذا لم يعد يحبني؟؟ عشان نقناقة!!!!!!!
Author: فيصل نوبي
Date: 02-28-2007, 01:18 PM
Parent: #70
دندونة
تحياتي و متابع..
عبدالمنعم
لظروف الاخوان و كده..
تشكرات يا ملكـ.
|
Post: #73
Title: Re: لماذا لم يعد يحبني؟؟ عشان نقناقة!!!!!!!
Author: محمد البشرى الخضر
Date: 02-28-2007, 05:00 PM
Parent: #72
آل فيصل سلام
أولا ارحب بالعضوات الGL
النقناقة البدت البوس(ط) و الرومانسية التمتهو
أنا كنت مهيئ نفسي للحديث في موضوع النقة بفهمها العادي ( بتاع بكرة النقة بكرة النقة)
فإذا بي أفاجأ بأن الأخت دينا الرومانسية غيرت الموضوع
و أنا موقع تعهد بخصوص المشاركات في المواضيع الزي دي , عليه تقبلن أسفي
لكن لو بالليل جات دينا الرياضية و غيرت الموضوع للهلال أو دينا السياسية و جابت سيرة لاهاي
أن شاء الله اول واحد اجي البوس(ط) - قبال منعم
بالمناسبة....
ما شايف أنور , عل المانع خير..
التعديل
للتعديل فقط
|
Post: #74
Title: Re: لماذا لم يعد يحبني؟؟ عشان نقناقة!!!!!!!
Author: محمد البشرى الخضر
Date: 02-28-2007, 05:07 PM
Parent: #73
براي بقولها لي روحي
عارف كلامي الفوق دا Off point
لكن عاجبني
فبالله مشوه
هو الأوف بوينت في البورد دا شوية
|
Post: #76
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 05:19 PM
Parent: #74
Quote: براي بقولها لي روحي
عارف كلامي الفوق دا Off point
لكن عاجبني
فبالله مشوه
هو الأوف بوينت في البورد دا شوية |
اللخو,, رحت والا شنو؟؟؟
دة بيت ال فيصل,, شكلك ملخبت
|
Post: #75
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 05:16 PM
Parent: #73
| Quote: أنا كنت مهيئ نفسي للحديث في موضوع النقة بفهمها العادي ( بتاع بكرة النقة بكرة النقة) |
انت من جماعة رافت والا شنو؟
| Quote: و أنا موقع تعهد بخصوص المشاركات في المواضيع الزي دي |
وقعتو وين ياخ,, اوعى يكون بس في لاهاي
خلاص يا محمد ناقش لينا بفهم بكرة النقة بتاعك,, ومنكم نستفيد برضو.
|
Post: #77
Title: Re: لماذا لم يعد يحبني؟؟ عشان نقناقة!!!!!!!
Author: khaleel
Date: 02-28-2007, 05:37 PM
Parent: #75
دينا فيصل
النقة لكن ما خشم بيوت
نقة نكدية زي مشيت وين ليه جيت متاخر منو دي الضربت ليك في موبايلك
وليه ما بتركز في كلامي
نقة نص كلتش امشي معاي السوق نمشي ناس فلانة ولدت
نقة تلات ارباع كلتش والله العظيم قبل ما تخطبني كانو دايرني تلاتين واحد لكن نقول شنو القسمة
غايتو
نقة عيار تقيل ( انت قائل روحك جايبني من الشارع)
نقة قاتلة( طلقني ياخ وفي ستين داهية)
تقوم تطلقها ( ميتين ابو اهلها اطلع)
|
Post: #78
Title: Re: لماذا لم يعد يحبني؟؟ عشان نقناقة!!!!!!!
Author: معتز القريش
Date: 02-28-2007, 06:24 PM
Parent: #77
| Quote: تقوم تطلقها ( ميتين ابو اهلها اطلع) |
دي المحتاجة ليها انتي يا دينا فيصل
دا
لو
هو
في
أصلا
_______________
كورتيزول عالي جدا
|
Post: #81
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 06:42 PM
Parent: #78
غايتو جنس حالة....
وانت دخلك شنو اصلا...
وبيهمك في شنو يكون هو في والا مافي...
اها يا حضرة المأذون الشرعي ومفتي الديار
خلاص التكفير كمل قلت احسن تشتغل احوال شخصية......
|
Post: #79
Title: Re: لماذا لم يعد يحبني؟؟ عشان نقناقة!!!!!!!
Author: محمد البشرى الخضر
Date: 02-28-2007, 06:36 PM
Parent: #77
أنا أتفق و أختلف مع الباحثين في رايهم
زي ما المرة بتحب تسمع الكلام الشاعري و بتستمتع بالتعبير عن الحب
أيضا الرجل بيعني له الكثير سماع كلمة أحبك من زوجته
و يفتقدها كان طول منها
بس الفرق الرجل ممكن يكتفي بأشكال أخرى من التعبير
مثلا يجي يلقى زوجته تقابله بأجمل إبتسامه و مظهر مرتب
أو إبداء نوع من الإهتمام
وأشياء و اشياء (خليها حسي)
كلها رغم بساطتها تزيد الإحساس بالحب و تقوي الرابط
أما المرأة
فبالإضافة للإحساس المتوفر تحب تأكيده سماعيا و تحب وقع الكلمات الرومانسية على أذنها و مشاعرها
و المرأة بطبعها أكثر شاعرية من الرجل
و من ناحية تانية كلمات مثل أحبك و يا حياتي و ....وكدا
تعطي المرأة الأمان , يعني رغم تأكدها من مشاعر الرجل لكن يبقى الفار يلعب في عبها من ناحيته وتحب تسمع ما يطمإنها و يدلل على مكانتها في قلب عباس
و دي النقطة الغايبة على كثير من الرجال (السودانيين خاصة) الواحد بيعتبر إفصاحه عن مشاعره ضعفا لا يليق .
و للأسف المرأة رغم حبها لزوجها لما تفقد الحنية و المشاعر بتلقى ذئب يحاول يستغل الناحية دي و يبدأ يعزف على أوتار معينة لغاية ما يقع المحذور (الكلام هنا غير معمم)
ولان المرأة راسها خفيف إلى حد ما(و برضو الكلام غير معمم) على الرجل إرضاءها و عدم ترك الفرصة لتولد إحساس بعدم الأمان العاطفي لديها
فنقة الزوجة ممكن إعتبارها رسالة لعباس عليه التفاعل معها
أتمنى ألا أكون قد خرجت عن صلب الموضوع
|
Post: #80
Title: Re: لماذا لم يعد يحبني؟؟ عشان نقناقة!!!!!!!
Author: محمد البشرى الخضر
Date: 02-28-2007, 06:40 PM
Parent: #79
| Quote: أتمنى ألا أكون قد خرجت عن صلب الموضوع |
وقوووووووووول خرجت يعني شنو؟
الخرجوا على صلب المواضيع في البورد شوية؟
بالجد ياخوانا...
وين أنور؟
داير أحكي ليه أشراقة ماتت كيف
|
Post: #86
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 07:49 AM
Parent: #79
Quote: الرجل بيعني له الكثير سماع كلمة أحبك من زوجته
و يفتقدها كان طول منها
بس الفرق الرجل ممكن يكتفي بأشكال أخرى من التعبير
مثلا يجي يلقى زوجته تقابله بأجمل إبتسامه و مظهر مرتب
أو إبداء نوع من الإهتمام
وأشياء و اشياء (خليها حسي)
كلها رغم بساطتها تزيد الإحساس بالحب و تقوي الرابط |
Quote: و المرأة بطبعها أكثر شاعرية من الرجل
و من ناحية تانية كلمات مثل أحبك و يا حياتي و ....وكدا
تعطي المرأة الأمان , |
احنا كدة ما مختلفين نهائي يا محمد
الرجل والمرأة مكملين لبعض.. يعني ما ممكن المرأة تسمعك كل يوم عبارات الحب التي تستشعرها حقا
وتهتم براحتك وتفاجئك كل يوم بباقة من الازهار وعشاء على ضوء الشموع وتحاول المستحيل لكي تبدو
دوما جميلة في نظرك,, ما تخلي ليها نيولوك ما تعملوا,, وبعد دة كلو ما تسمع كلمة اطراء واحدة
اوغزل عشان تحمسها لتقديم مزيد من التفاني والابداع... الحب محتاج لرعاية من الطرفين.. وبالذات
الرجل,, لان المراة زي ما انت قلت شاعرية وينبع احساسها بالامان من خلال عاطفة مستقرة.. ونضيف علي
شاعريتها عطاءها,, فالمعروف عنها امكانيتها على العطاء بلا حدود اذا ما وجدت الاهتمام والحب
والعطف والحنان من جانب الزوج... حاجة كدة زي زبدة لورباك... كلما دللت بقرتك تحصل على افضل
انواع الزبدة
|
Post: #82
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 02-28-2007, 06:49 PM
Parent: #77
| Quote: نقة تلات ارباع كلتش والله العظيم قبل ما تخطبني كانو دايرني تلاتين واحد لكن نقول شنو القسمة غايتو |
هسي يا خليل النقة دي ما ممكن نختها تحت بند الكلام الدقاق
زولها بتذكرك باهميتها عشان تحس علي دمك ياااخ,, انتو ليه ما رومانسيين كدة
|
Post: #83
Title: Re: لماذا لم يعد يحبني؟؟ عشان نقناقة!!!!!!!
Author: معتز القريش
Date: 02-28-2007, 06:58 PM
Parent: #82
| Quote: وبيهمك في شنو يكون هو في والا مافي... |
أنا عارف إنو مافي ..
بس قلت الفال تحت اللسان ..
إمكن .....
ما بعيدة على الله ..
|
Post: #85
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 07:41 AM
Parent: #83
| Quote: أنا عارف إنو مافي .. |
اها وبعدين؟؟؟؟؟
مبروك عليك اكتشاف الذرة.
|
Post: #84
Title: Re: لماذا لم يعد يحبني؟؟ عشان نقناقة!!!!!!!
Author: د.محمد حسن
Date: 02-28-2007, 07:10 PM
Parent: #1
الاخت دينا كتبت
(نعترف كنساء بحب الكلام..
نحب معسوله ونعشق عبارات الغزل والمدح...
يظل الحب لدينا مشتعلا بقدر ما تستطيع كرجل ان تعبر لنا عنه...
وتزداد خفقات قلبنا مع كل كلمة حب او اطراء)
وهدية ليك اقول ليك
اتغزل حين يشع الالق بريقا في عينيك
حين يثور جمالك
يصرخ خجلا احمر في خديك
اتغزل حين
يسيل الشهد كلاما من شفتيك
حين يغازل سمعي همسك
فيذوب القلب هياما بين يديك
|
Post: #88
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 07:56 AM
Parent: #84
Quote: اتغزل حين يشع الالق بريقا في عينيك
حين يثور جمالك
يصرخ خجلا احمر في خديك
اتغزل حين
يسيل الشهد كلاما من شفتيك
حين يغازل سمعي همسك
فيذوب القلب هياما بين يديك |
قرأتها فاثرت الصمت عملا بمقولة "الصمت في حرم الجمال جمال"
فأبت احرفي الا ان تخط شيئا هنا
هذا من اروع واعذب ما قيل لامرأة
فهنيئا لها بقلبك
|
Post: #87
Title: Re: لماذا لم يعد يحبني؟؟ عشان نقناقة!!!!!!!
Author: إيمان صالح
Date: 03-01-2007, 07:56 AM
Parent: #1
دينا يا اختي ما تعاينوا لي
انا خشمي عندي وجني وجن النقنقة دي
ايمان
|
Post: #89
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 08:04 AM
Parent: #87
Quote: دينا يا اختي ما تعاينوا لي
انا خشمي عندي وجني وجن النقنقة دي |
انتي؟؟؟؟؟؟؟؟؟؟؟؟؟
انتي الشايلة مفراكتك ولافحة توبك وحايمة تمسكي في دة وتطلقي دة؟؟؟؟
بري يا يمة جنس حالتك دي اخير منها النقة والردحي كمان....
حدثنا الخلا بالبلا
لفة
ايمان اللذيذة, بزيارتك بيتنا نور كلو زينة.
دة طبعا كسير تلج اتقاء لشر لسانك الطويل
|
Post: #90
Title: Re: لماذا لم يعد يحبني؟؟ عشان نقناقة!!!!!!!
Author: إيمان صالح
Date: 03-01-2007, 08:30 AM
Parent: #89
انتي الشايلة مفراكتك ولافحة توبك وحايمة تمسكي في دة وتطلقي دة؟؟؟؟
دينا الظريفة
هي ما مفراكة يا غبيانة
هو كنش
ووحاة النبي الليلة مزاجي في الثانوي العالي
لا طولة لسان ولا مساخة
تلجك رجعيه في فريزره ياختي
تسلمي يا الحبيبة
ايمان
|
Post: #91
Title: Re: لماذا لم يعد يحبني؟؟ عشان نقناقة!!!!!!!
Author: محمد أبوالعزائم أبوالريش
Date: 03-01-2007, 09:08 AM
Parent: #90
حولا .....
إيمان المطرطشة جات هنا؟
Quote: دينا يا اختي ما تعاينوا لي
انا خشمي عندي وجني وجن النقنقة دي
|
يا ختي إنتي مع البتعمليهو النقناقات زينة وعاجباني
محمد معانا (فلانة) ما تغشانا.
|
Post: #93
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 10:44 AM
Parent: #91
| Quote: يا ختي إنتي مع البتعمليهو النقناقات زينة وعاجباني |
يعني قصدك شنو يا محمد
جن النقة ولا نصاح ايمان
|
Post: #92
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 10:41 AM
Parent: #90
| Quote: ووحاة النبي الليلة مزاجي في الثانوي العالي |
جمعتي والا شنو
|
Post: #94
Title: Re: لماذا لم يعد يحبني؟؟ عشان نقناقة!!!!!!!
Author: محمد أبوالعزائم أبوالريش
Date: 03-01-2007, 10:57 AM
Parent: #1
| Quote: جن النقة ولا نصاح ايمان |
إيمان دي النصاح يطرشا ما سمعت بيهو ... إنتي ما شفتي البوست بتاعا؟
بسسسسسسسسسسسسسسسسسم الله
|
Post: #95
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 12:09 PM
Parent: #94
ابت تنزل معاي ياخ
|
Post: #96
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 12:14 PM
Parent: #95
/IMG]
غايتو دي اخر محاولة
الا يكتفوكم يعني
|
Post: #97
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 12:17 PM
Parent: #96
الليلة يا انا يا الصورة دي
اها
|
Post: #98
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-01-2007, 12:18 PM
Parent: #1
.......................
مثل سوداني
( القحة ولا صمة الخشم)
|
Post: #99
Title: Re: لماذا لم يعد يحبني؟؟ عشان نقناقة!!!!!!!
Author: بشير جبريل علي
Date: 03-01-2007, 12:48 PM
Parent: #1
Quote: ووحاة النبي الليلة مزاجي في الثانوي العالي
لا طولة لسان ولا مساخة
|
مايكون عالي كيف يا إيمان .. الدنيا أول شهر وآخر أسبوع ..
لكي مني كل الود ..
بشير
|
Post: #100
Title: Re: لماذا لم يعد يحبني؟؟ عشان نقناقة!!!!!!!
Author: Noon3
Date: 03-01-2007, 01:54 PM
Parent: #99
إن في الصمت كلاما
|
Post: #105
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 02:09 PM
Parent: #100
ايوة يا نون
دة ح يكون شعار المرحلة القادمة
كلماتنا في الحب تقتل حبنا ان الحروف تموت حين تقال
|
Post: #126
Title: Re: لماذا لم يعد يحبني؟؟ عشان نقناقة!!!!!!!
Author: فاروق حامد محمد
Date: 03-02-2007, 03:46 PM
Parent: #100
| Quote: ومنه ادعوكن للتوقف عن "النقة" (دي غايتو نصيحة مني لوجه الله كان دايرات تحافظن علي رجالكن),, واعتذر بشدة لمن يظنني "نقناقة" مع وعد بعدم التكرار |
يا دينا.....
علي الحرام ده أفيّد كلام قريته في سودتيز أولاين .........
يا ريت اللي في بالي يقراهو!!!!!!!!
أكتر حاجة بطفش الراجل من البيت هو النقة ..........
وأكتر حاجة (بتكتل) الحب هي هذه المدعوة (النقة).....
بس البقنع الجدادة منو ... وشنو ؟؟
|
Post: #101
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-01-2007, 01:57 PM
Parent: #1
____
البوست شوطن يا سيليكون
ماشي اقرا الاخلاص والقارعة وجاااي
|
Post: #102
Title: Re: لماذا لم يعد يحبني؟؟ عشان نقناقة!!!!!!!
Author: حسن الجيلى سعيد
Date: 03-01-2007, 02:03 PM
Parent: #1
دينا..سلام
Quote: يحتاج الحب الى عناية كبيرة
فمع انه اقوى من الحديد... الا انه اكثر هشاشة من الزجاج...... |
مذركير ياعنى
|
Post: #107
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 02:12 PM
Parent: #102
لالا ياخ, بيبي شوب
|
Post: #111
Title: Re: لماذا لم يعد يحبني؟؟ عشان نقناقة!!!!!!!
Author: حسن الجيلى سعيد
Date: 03-01-2007, 02:22 PM
Parent: #107
دينا
عليك شوفى الراجل دا قلبو اسود كيف....
مره شمشارة سمعت جارهم بيطلق نسوانه التلاتة مرة واحدة، شبت بي فوق الحيطة
وقالت: هوي يا راجل يا مطرطش هسع المسكينات ديل سون شنو؟
قال ليها: إنتي ذاتك لو راجلك أذن لي طلقانة!
قام راجلها قال ليهو: يا أخوي إذنك معاك!!
|
Post: #112
Title: Re: لماذا لم يعد يحبني؟؟ عشان نقناقة!!!!!!!
Author: حسن الجيلى سعيد
Date: 03-01-2007, 02:30 PM
Parent: #111
دينا
وكمان عشان تشوفى النسوان عفوا السيدات ديل بخافن من جنس دا
واحد بتمتم قال لمرتو.. طل.. طل..
قالت ليهو: سجمي طلقتني؟
قال ليها: لا طلعي لي غيار
عشان تبطلو نقة ياخ
|
Post: #113
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 02:50 PM
Parent: #112
وهاك دي كمان يا حسن
راجل بيدق في مرتو قام جا جارهم ماري سمع الكواريك
قال ليهو ياخ دة شنو البتعمل فيو دة, المرة بيدقوها باختها
اها راجلها ما سمعو قام قال ليو قلت شنو؟
صاحبتك ردت ليو طوالي: قال ليك"دق دقك"
|
Post: #103
Title: Re: لماذا لم يعد يحبني؟؟ عشان نقناقة!!!!!!!
Author: celecon
Date: 03-01-2007, 02:05 PM
Parent: #1
بسم الله الرحمن الرحيم ..
واعوذ بالله من الشيطان الرجيم ...
والله النقة العامة بتقصر العمر يا دينا ...
بس النقة الخاصة سمحة شديد للراجل وللمرة ...
هسه انتى نقتك وسط الرجال دى ..... بتقصف العمر ...
__________________
نقى ونقى ثم نقى ونقى لمن يقتنعوا...
|
Post: #106
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 02:10 PM
Parent: #103
سيليكون
هسي انا متين نقنقت؟؟؟
ياخي البوسط* دة لرفع شعار لا للنقة, خلي بالك في عدم تركيز
كدي اقرا اذا زلزلت وتعال
|
Post: #104
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-01-2007, 02:07 PM
Parent: #1
Quote: بسم الله الرحمن الرحيم ..
واعوذ بالله من الشيطان الرجيم ... |
يا سيليكون مالك ياااخ
عاوز نون3 تختفي وللا شنو
|
Post: #108
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 02:14 PM
Parent: #104
وانت ما اختفيت ليه؟
|
Post: #109
Title: Re: لماذا لم يعد يحبني؟؟ عشان نقناقة!!!!!!!
Author: celecon
Date: 03-01-2007, 02:14 PM
Parent: #1
دينا
| Quote: كدي اقرا اذا زلزلت وتعال |
عبدالمنعم
| Quote: البوست شوطن يا سيليكون |
ده طرفى خلونا نعيش .....
|
Post: #110
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-01-2007, 02:16 PM
Parent: #1
| Quote: وانت ما اختفيت ليه؟ |
انا جني مسلم
بحب النقة وبث
|
Post: #114
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-01-2007, 02:53 PM
Parent: #1
| Quote: صاحبتك ردت ليو طوالي: قال ليك"دق دقك |
____
المراه المدقوقة خيرا واحب الي من الما مدقوقه
|
Post: #115
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 04:07 PM
Parent: #114
| Quote: المراه المدقوقة خيرا واحب الي من الما مدقوقه |
وفي كل خير
|
Post: #116
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-01-2007, 05:13 PM
Parent: #1
لا مافي كلو خير
وخير شنو البجي منك انتي
والله يلعن ابو العرس لابو النقة
_____
نقة بين زوج وزوجة بسبب ملاح ملوخية
بدون انارب
|
Post: #117
Title: Re: لماذا لم يعد يحبني؟؟ عشان نقناقة!!!!!!!
Author: Dina Faisal
Date: 03-01-2007, 05:47 PM
Parent: #116
انا زاتي غلطانة المستحملاك لغاية هسي
وكان ما ساي انا الرماني الرمية المهببة دي شنو
انت جبت الارنب وانا ابيت اسويو؟؟
الله يقدرك علي ربع كيلو اللحمة
قال ارنب قال,, بكرة تجي تقول داير بطة مشوية والا ديك رومي
|
Post: #118
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-01-2007, 05:55 PM
Parent: #1
..
ديك رومــي شنو يا وليه .. انا بتاع ديوك انا بتاع GL
انتي عارفو انا بتاع جبنة رومي وما ممكن تقولي لي ديك رومي
قالت ديوووك .. انتي ما عارفاني انا بغير من الديوك ؟
خلي تاني تجي سيرة ديك في لسانك تشوفي كان ما اقطعوا ليك
والله حتي لو كان ديك عدة
|
Post: #119
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-01-2007, 06:09 PM
Parent: #1
| Quote: انت جبت الارنب وانا ابيت اسويو؟؟ |
قالت جبت الارنب قالت
ارنب اجيبوا لمنو ؟!!
اجيبو ليك انتي يا ثعلب
-----
النقه متواصله لمان اجي بعدين المساء
|
Post: #120
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-01-2007, 08:58 PM
Parent: #1
+
_
الشكلة انتهت ومافي نقة
|
Post: #121
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-02-2007, 08:47 AM
Parent: #1
مشهد اول :
اليوم الجمعة الساعة 9 ص بتوقيت الخرطوم
انا صحيت من النوم وما لقيت دينا في البيت (في البوست)
لا صباح الخير وللا حاجة
بالله المراه النقناقة دي مشت وين من الصباح دا
هسع تجي وتقول لي مشيت اجيب الارانب من سوق الارنب
العن ابو دي حاله يااااخ
وما زالت النقة متواصلة
|
Post: #122
Title: Re: لماذا لم يعد يحبني؟؟ عشان نقناقة!!!!!!!
Author: حسن الجيلى سعيد
Date: 03-02-2007, 09:21 AM
Parent: #1
عبد المنعم اخوى,
صباح الخير....
قلت ارنب وديوك
قال ليك يوم الديك ساق حبيبتو الجداده افسحها
وقفو جنب محل شاورمه...قال للجدادة شايفة ياوليه دى مصير المابطيع راجلها..
الله استر مانلقا دينا معلقة فى امواج بعد صلاة الجمعة
|
Post: #123
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-02-2007, 09:26 AM
Parent: #1
ود الجيلي
صباح ال GL
| Quote: الله استر مانلقا دينا معلقة فى امواج بعد صلاة الجمعة |
جزاء ما قترفت يداها
_____
اتخيل دينا وتماضر ونون3 في شواية كده
انا غايتو فاجيتاريان
|
Post: #124
Title: Re: لماذا لم يعد يحبني؟؟ عشان نقناقة!!!!!!!
Author: عبد المنعم سليمان
Date: 03-02-2007, 01:43 PM
Parent: #1
برضو وين الناس ديل
|
Post: #125
Title: Re: لماذا لم يعد يحبني؟؟ عشان نقناقة!!!!!!!
Author: محمد المختار الزيادى
Date: 03-02-2007, 02:29 PM
Parent: #1
والله يا بت عم فيصل نقنقه ل نقنقه بتختلف ونقناقه ل نقناقه كمان بتختلف في نقناقه بنسجل نقنقتا ونسمعا تاني .ياخي ده حق طبيعي .بالمناسبه هذه ادوات الرجال المتزوجين لاخراسهن .حتي ذهب البعض منهم بتفضيلها صماء بكماء
|
Post: #127
Title: Re: لماذا لم يعد يحبني؟؟ عشان نقناقة!!!!!!!
Author: celecon
Date: 03-04-2007, 07:45 AM
Parent: #1
واخيرا ... قالت له .........!!!!
عجبى !!
|
|
|