Post: #1
Title: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-24-2007, 02:21 PM
قدمنا دعوه للفنانة خالتو ندي القلعة لاحياء حفلين الاول حفل ساهر في المطعم الاثيوبي لرجل الشارع السوداني .... والحفل الثاني في معبد يهودي او متحف يهودي من اجل بعض الاخوه الذين ادمنو تقديم العرضحالات للحاخمات ....
والشكية لغير الله ....
ويا خالتو ندي نحن في الانتظار علي احر من الجمر ... وفرشنا ليك عنقريب في بطن البيت وفي ضيافة ام العيال ...
لينك الدعوة التي قدمت للفنانه خالتو ندي القلعة لزيارة نيويورك ...
|
Post: #2
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-24-2007, 02:24 PM
Parent: #1
|
Post: #3
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-24-2007, 02:45 PM
Parent: #2
متأكد من خالتو ندي القلعة ما حا ترفض تغني في المطعم الاثيوبي وحا اقدمها انا شخصيا ...... لكن يا ربي حا توافق تغني لبعض اخوانا في معبد او متحف يهودي ويقدمها حاخام قدر الضربة ...
ولو ردت لينا خالتو ندي وقالت ...
|
Post: #4
Title: Re: دعوة الفنانة ندي القلعة لاحياء حفل في معبد يهودي ...
Author: Salah Waspa
Date: 02-24-2007, 02:47 PM
Parent: #2
أخــي ســــمير
بعد التحية والتقدير
دعوتنا لدخول لنك لنرى دعوة ندى القلعة ولكن ...!!!!!
كل من دخل هذا اللنك رأى عبارة ( ياريت تجينا ندى لنيويورك عمرة)
ألست معي ان هذه العبارة فيها ايذاء لكل مسلم قرأها ?
** لست متعصبا أو متزمتا ولكنها أ..ب .. ت الاسلام .
ولك أن توضح لي اذا كنت لم أفهمها .
والتحية مرة أخرى
صـلاح واسـبه
|
Post: #5
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-24-2007, 03:00 PM
Parent: #4
الفاضل صلاح ..
اسعد الله صباحكم بالخير ..... والقومه ليك وانت تغير علي الاسلام ... وهذا ما ندر اليوم ... الكثير من الاخوه يأتوا الي نيويورك من اجل العمره ... فيهم من يعمر صحته .... وفيهم من ندعو الي تعمير وطنيته .... اخر عمره كانت صرح يهودي في نيويورك من اجل دارفور ...
دعوتنا الي ندي القلعة الي تعمير صورة السوداني بعد ان شوهها البعض واصبحنا لا نشاهد في التلفزيون الامريكي واربعة وعشرين ساعه صوره مشوهه عن بلادنا الحبيبة ...
فشلت الدبلوماسية السودانية ... وفشل الفنان حمد الريح في زيارته الاخيره ... فهل سوف تنجح الفنانة خالتو ندي القلعه لتعمير الوطنية السودانية في المواطن السوداني المهاجر للولايات المتحدة ... وتستطيع تغيير الصوره المشوهة التي زرعها بعض اخواننا في الحاخامات باسم الانسانية ...
الفنان رسالة .... وانا دعوتي ليها رساله ومحاولة من رجل شارع عادي وبسيط ...
وكان ساكن نيويورك او المتروبولتين حبابك كان وافقت خالتو ندي ووصلت نيويورك ...
والله من وراء القصد ..
|
Post: #19
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 03-01-2007, 06:34 PM
Parent: #5
استفتاء عام الجالية السودانية والاثيوبية والارتريه والتشاديه ... والافريكان امريكان ... كلهم في انتظار خالتو ندي القلعة ... حتي اليهود قالوا حا ما حا يقصروا وحا يكشفوا في حفلة ندي القلعة .....
|
Post: #20
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 03-05-2007, 06:58 PM
Parent: #4
يخوانا ما في زول يجيب ليناخالتو ندي ترد لينا وتورينا الجيه بتين ؟؟؟؟؟
|
Post: #6
Title: Re: دعوة الفنانة ندي القلعة لاحياء حفل في معبد يهودي ...
Author: عبد المنعم سليمان
Date: 02-24-2007, 03:13 PM
Parent: #1
يااااخ ما تخلي ندي معانا هنا في حائط المبكي ده
وابكوا انتو من ع البعد
محبتي
منعم
|
Post: #7
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-24-2007, 03:47 PM
Parent: #6
Quote: يااااخ ما تخلي ندي معانا هنا في حائط المبكي ده
وابكوا انتو من ع البعد
محبتي
منعم |
ود اخوي الفاضل عبد المنعم سليمان ...
انتو هناك بكايين وشكايين ... وما بتعرفوا تسكسكوا ... علي الطلاق انا شفت لي بعض الاخوه السودانيين في نيويورك بيسكسكوا في معابد اليهود علي اغنية اسمها السودان .. واول مره اشوف لي زول بيسكسك بشنباتو .... وعلي قول اهلنا المصريين بيرقص بي شنباتو ...
الشنبات تسكسك والعين في (( مفحضة ))) الحاخام ..
تسلم يا غالي واتوسط لينا عند خالتو ندي ....
|
Post: #8
Title: Re: دعوة الفنانة ندي القلعة لاحياء حفل في معبد يهودي ...
Author: عبد المنعم سليمان
Date: 02-24-2007, 04:28 PM
Parent: #7
الشنبات تسكسك والشكــر لحماد
تسلم يا خال
منعم
|
Post: #9
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-25-2007, 01:57 AM
Parent: #8
تسلم يا روح الخال ....
قلنا ليهم يا ناس السياسة احترموا عقولنا واحترموا تاريخكم .... مافي طريقة الا نجيب الفنانة ندي القلعة وتديهم دروس في الوطنية ...
ونحن في انتظارك يا خالتو ندي ....
تخريمة ... معقول يخوانا كل واحد يدرع ليهو قميص وبنطلون وكاب ماركة نايكي ويدخل علي معبد يهودي يقول ليهم ... الحقونا العوين اغتصبوهم اخوانا المسلمين ؟؟؟؟؟؟؟
|
Post: #10
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-25-2007, 02:46 PM
Parent: #9
يا خالتو ندي القلعة الفنان رساله ... وانتي رسالتك ساميه .... والكثير من المهاجرين من بلادنا الحبيب اصبحت قلوبهم خربه ... والبعض عشعش فيها العنكبوت .... والبعض الاخر صغار في السن لا يقوووون علي الوقوف امام التيار ...
ونقول مليون مبروووووووووووووووك وتم قفل الموقع الاول وباقي الموقع الثاني والثالث ... والنشوف العرضحالات دي حا يقدموها وين ؟؟؟؟؟
في انتظار الفنانه ندي القلعه لاحياء حفل ساهر لاحياء القلوب الخربة ... 
|
Post: #11
Title: Re: دعوة الفنانة ندي القلعة لاحياء حفل في معبد يهودي ...
Author: nour tawir
Date: 02-25-2007, 02:59 PM
Parent: #10
سمير..
حكاية المعبد واليهود والدعوة والكلام دا كله..
خّليه على جنبة..
أنا بآريت الاغنية دى ..
لغآية ما وصلت كادقلى..
و نزلت...
الدمعة الحآرقآنى من أمبارح..
وأبت تنزل..
..
يسّهلها عليك..
محل ما تقّبل..
قول آمين..
|
Post: #13
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-25-2007, 03:42 PM
Parent: #11
الشفيفه الانسانه نور تاور ....
اللهم امين ... واياك يا مهيره يا سودانيه يا اصيله.... والله يكفيك شر المناتلين ...
Quote: يسّهلها عليك..
محل ما تقّبل..
قول آمين.. |
وانشاء الله كان وافقت خالتو ندي القلعه ووصلت نيويورك بنرسل ليك حمام الزاجل ...
|
Post: #12
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-25-2007, 03:02 PM
Parent: #10
سألت عشرات المرات ...هل نحن شعب ديمقراطي ؟؟؟ وهل سوف نقبل بنتائج الانتخابات اذا اتت بالاسلاميين مرة اخري ؟؟؟؟ من هم الذين بدأوا شجعوا الانقلابات العسكرية في السودان ؟؟؟؟ ولماذا انتقلت العدوي الي الاسلاميين ؟؟؟؟
وهل الوقت ملائم ليصبح المشير عمر البشير بعد انجازاته التي لن يستطيع ان ينكرها اعداءه قبل معجبيه .... اول زعيم في العالم ينصب نفسه لفترة انتقاليه والتمهيد لانتخابات عامه ؟؟؟؟ هل سوف يتم نزع سلاح المليشيات التي تقطن وستكن في قلب الاحياء الشعبيه والراقيه ؟؟؟؟
الصندوق الوطني لدعم الديمقراطية يدفع بسخاء من اجل ترسيخ مباديء الديمقراطيه في افريقيا وغير افريقيا .... فهل الجميعات الغير الحكومية تقوم باداء رسالتها كامله ... وهل مؤسساتنا الوطنيه الغير حكوميه والتي تتلقي الدعم وبسخاء من الصندوق الوطني العالمي لدعم الديمقراطيه تحاول توعية الشباب عن ما هي الديمقراطيه وكيف يمكن ان تمارس وهل الديمقراطية مهنه ؟؟؟
الصندوق الوطني قام بتأسيس مورد الكتروني ...
Quote: استجابة لرغبة شركائنا وناشطي الديمقراطية في المنطقة قمنا بتأسيس مورد إلكتروني سمّيناه "النافذة" ليكون نافذة واسعة النطاق يطل منها الديموقراطيّون في الشرق الأوسط وفي شمال أفريقا على أدبيات الديمقراطية الحقة. ويستطيع من خلالها الناشطون أن يجدوا موارد متعدّدة باللغه العربيّة ستفيد وتثري الجمعيات المدنية والمنظمات غير الحكوميّة.
فأهلا و سهلا بكم في نافذة المستقبل. |
وقبل ان انشر رسالة مورد النافذه ... سوف انشر اخر نشره للدعم المادي والمبالغ التي دفعت للمؤسساتنا السودانيه والافريقيه التي تلقتها المؤسسات التي تنادي بترسيخ الديمقراطية في بلادنا
اما يا خالتو ندي رحلة نيويورك لتعمير القلوب الخربه ... دي حا اصرف عليها انا شخصيا من راتبي المتواضع علي الاقل نساهم مع الصندوق الوطني لدعم الديمقراطية ...
|
Post: #14
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-25-2007, 03:53 PM
Parent: #12
الصندوق الوطني العالمي لدعم الديمقراطية يدفع بسخاء للحركات الغير الحكومية ... فجزاهم الله عنا كل خير ... وجزي الاخوه القائمين علي امر الحركات السودانية التي تنادي بحقوق الانسان وارساء قواعد الديمقراطية .....
حتي الان لم نري دراسة كاملة متكاملة عن كيفية ارساء الديمقراطية في السودان ... وحتي الان ما زالت السؤال قائم ... هل يمكن ان يحل المجتمع المدني يوما من الايام بديلا عن الاحزاب او القيادة السياسية المسؤوله في بلادنا ؟؟؟؟؟ وهل توجد قياده حزبيه مسؤوله في بلادنا ؟؟؟؟؟
نشرة ... اخر مبالغ استلمتها المؤسسات السودانيه والعالمية لدعم الديمقراطية وحقوق الانسان ...
http://www.ned.org/grants/05programs/grants-africa05.html#Sudan
تخريمة ..... نقول ليهم شاكرين نيابة عن المؤسسات السودانية الغير الحكومية التي تنادي بارساء الديمقراطية في بلادنا .... ونقترح علي هذه المؤسسات ان تعمل علي ارساء معني كلمة ديمقراطية في الشارع السوداني قبل ان ننادي بها ....
|
Post: #15
Title: Re: دعوة الفنانة ندي القلعة لاحياء حفل في معبد يهودي ...
Author: حبيب نورة
Date: 02-25-2007, 04:05 PM
Parent: #14
والله دي بتسويها!!
|
Post: #16
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-25-2007, 09:25 PM
Parent: #15
| Quote: والله دي بتسويها!! |
الحبيب حبيب نورا ....
تحياتي لي نورا ولي دكتور نصر وفراس ....
انا كل ثقه ... والا لما دعوتها ...
|
Post: #17
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-26-2007, 05:22 PM
Parent: #16
وكمان نعمل لينا مشروع فيديو كليب ..... عشان نرسلو لي ناس اوروبا ... عل وعسي القلوب الخربه ترجع ..
وعليك وعلي الله ... يا خالتو ندي ............
|
Post: #18
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 02-27-2007, 05:14 PM
Parent: #17
يا ندي ... خلاص عفيناك من حفلة المعبد اليهودي ..... زمااااان قلنا ليهم ...مثل شعبي يردده سواقين اللواري بيقول ((( باكر بيجي الخريف ... واللواري بتقيف ... والجيوب بتدعم التعاريف )))) .... لكن ناس حبيبو ديل ما بيعرفوا الفرق بين اللواري والركشات ....
المطعم الاثيوبي ... والارتري .... ونحن في الانتظار يا خالتو ...
|
Post: #21
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 03-06-2007, 06:30 PM
Parent: #18
وبنمر علي ناس كندا كمان ... يا خالتو ندي ...
|
Post: #22
Title: Re: دعوة الفنانة ندي القلعة لاحياء حفل في معبد يهودي ...
Author: SAMIR IBRAHIM
Date: 03-07-2007, 06:34 PM
Parent: #21
ونعزم ناس (((قرعة الصداقه الالكترونيه )))))
|
|