Post: #1
Title: كده ناس عروة بزعلو منك يا بكري ابوبكر
Author: حسام أحمد حسين
Date: 02-24-2007, 08:14 AM
الحمدلله الجبت لينا الود الحدق جبرا .. دي ملعوبة بشكل جميل.. والله لكن انا خايف ناس عروة يقومو يزعلو منك لانك بالطريقة دي اكيد ح تاثر وبصورة مباشرة على توزيع عدد الجمعة من السوداني الحبيبة .. غايتو انا ارتحت من قومة الصباح ومساسقة بتاع الجرايد في الشارع والمشي للسوق الشعبي .. ان ما جا جمب بيتنا.. لكن انت شيل شيلتك مع ناس السوداني .. شكلك كدة ح تبقى ليهم زي اذاعة الرياضية اف ام 104 للصحف الرياضية الساعة تمانية صباحا تقراها ليك كلها وتاني مافي زول بيشتري ليه جريريدة ..
|
Post: #2
Title: Re: كده ناس عروة بزعلو منك يا بكري ابوبكر
Author: أحمد طه
Date: 02-24-2007, 02:05 PM
Parent: #1
الاخ الفاضل حسام
لك مني التحايا وكل الود
اولا ياصديقي انا الذي رشحت حبيبي الفاتح جبرا للاخ الباشمهندس بكري ليضمه للمنبر الوطن علمابأني اشرف علي تحرير عدد الجمعه فى السوداني...ومادة جبرا بتنزل بعد رفع الحريده علي موقعها في الانترنت ,, وبعد ذلك تشرف المنبر الوطن ..وتوزيع الصحيفه لم يتأثر وكان ذلك حصا منا لتعميم الفائده بطلة جبرا البهيه لقراء سودانيزاونلاين
|
Post: #3
Title: Re: كده ناس عروة بزعلو منك يا بكري ابوبكر
Author: حسام أحمد حسين
Date: 02-24-2007, 02:28 PM
Parent: #2
العزيز احمد طه
اولا شكرا جزيلا على الرد
ثانيا انت علم فوق راس عدد الجمعة يعني معروف تماما بالنسبة لي وزرتك مرة في مكتبك مع اخونا طاهر محمد علي لكنك كنت مشغول فما حظينا بالجلوس واياك ..
ثالثا انا عملت البوست ده من باب المداعبة والترويج للسوداني صاحبة الحق الاصيل في السيناريو وللاخ الفاتح يوسف جبرة ..واخوك من المهتمين بالملكية الفكرية ..
بالمناسبة ما شفتك في زواج ابناء عطبرة طه ومحمد ميرغني يوم الخميس الماضي ...
اها شنو ليك تاني ... اظن ما عندك كلام تاني .... والسلام ختام
|
|