بالله يا زرع القسا....ساميه عقد الريد انفرط....كحلاويات

زرع القسا

يا معلم ...
قلنا نكون اول المستمعين

انتي الظاهر كنت بتقعد تسمع الحاجات دي
لانو ما ممكن تسمعه واقف !!..ولا كيف يا حنين..!!
المطار كيف؟ لانو طابق؟!!

تسلم يا سعادتك
الحاجات دي بسمعها وأنا عائم

قلت لي المطار جاري يوم الثلاثاء كان كدا بنجي هابين

ساميه

UP

UP

حبيب قساي

معاوية ...

ياخ والله غنت كنز عديل كدة ..
إنت الظاهر زمان كنت قاعد تقعد مع أعمامنا ديل في جلساتم وتسجل أغانيهم من وراهم
بالنسبة لي البتاعات ديك ما ناسيك لكن أعمل شنو مع مواقع التحميل المخستقة والكونكشن الزي الزفت ؟!

إتوقعا مني في اليومين ديل ..


شكرا للأغاني الحلوة ..

ناذر يا صديقي العزيز انت الوحيد البتجي ماري بجاي
عشان كدا حقو أرسل ليك الغناء دا في الايميل وخلاص
باقي لي الواحد تعبان ساكت يشيل ويرفع في الأغاني
المعتقة ولا حياة لمن تنادي الناس دا هنا معظمهم
بتاعين سياسه و عنصريه و مشاكل وخيران وما شابه ذلك
واحساسهم بالحاجات دي تعبان شديد

كتر خيرك يا أخوي كتير والأغاني رسلها لي علي راحتك
وحأرسل ليك بعد شويه كم حاجه كدا سمحه ان شاء الله تعجبك
وتسلم

ده جبيب قساي...
يا( ماو) صورتك ولا بتقطع الخميره من البيت!!
من القديم وصلح لينا

ولا يهمك يا حجازي الصوره غيرناها
والقديم جاي في السكة
تسلم يا سعادتك

معاوية:
اقول ليك اذا سمحت أنا شايفك تبهرج كلما ليك لمحت كضوء الفجر لحت كزهر الروض فحت وزي أغصانه محت ياحلو المناظر ويا سعد النواظر يالنظروك فرحت وبالنظرات جرحت يا معاوية انا بيك افتتنت.
بهديك تحياتي وبهديك اعجابي.

تسلم كتير يا أبوحميد
وحقيقه أنا المعجب بيك وبهديك أجمل ما جادت به قريحة العبقري الكاشف
عشان نتذكر أيام زمان - كانت لنا أيام في القلب ذكراها



للحفظ

up

القبلو و وراهو

أنا يا طير

++

ريدة زمان

UP

فوق

UP

ريدةالزمان
قيامة وموت
صوت وجمال وحكاية
اناقه ونحافه ومحنه
فلكسواجن ابيض وجلابية بيضاء
وقلب ابيض
الله يرحمك يا كحلاوى

Quote: ريدةالزمان قيامة وموت صوت وجمال وحكاية اناقه ونحافه ومحنه فلكسواجن ابيض وجلابية بيضاء وقلب ابيض الله يرحمك يا كحلاوى

يا سلام عليك يا سفيان يا راقي
وهاك مني شقي ومجنون

يا معاوية
ياخ معليش ما سلمته عليك فوق
بس تصدق بالله اني البوست ده حافظو
عندي في (favorites) هو واخوانو
التانين الحنجرة الذهبية وعشوشه
ملكة جمال روحنا وديارنا وحبيبة
حبيبنا العجوز الفنان أحمد وبوستين
للعملاق بادي _شيخ طه تبع اخوانا المجاذيب
خدر و محسن .
حافظهم ويومي بسمعهم ومتمني يوم اجمع معاهم
سيد الغريدين خلف الله حمد اجمل من سمعته يغني
للحماسه وأن يكون هناك بوست لعمنا حلو الروح
والابتسام واللسان محمد أحمد عوض
ياسلام ياسلام لو ده حصل

الكحلاوي يا معاوية وأنا طفل في المتوسطه
كنت بدفر معهاو عربيتو الفلكسواجن وولدو
مجدي صاحبي ودفعتي في السادسه المتوسطه
يا سلام علي عم صديق عمة كما التاج احلي ما
يكون ابتسامه لا تفارق الوجه وعيون عميقة
النظر وشديدة البصر ضاحكة وحنونه وصلبة
بمحبة بحة صوت ليس كمثلها من قبل ولا بعد
جلابية بيضاء لم اري اجمل منها في قوام
احد برشاقة جسديه فنانه ... عم صديق
فنان في كل شي كل شي في السلام والمطايبة
في الابتسام في السؤال وفي حضور الحديث
ورقته في كل شي فنان فنان بمشي علي الارض
بفن وسلام ومحبة كنا اطفال ندافع تدافع
لنحيه في غدو رواحنا للمدرسة ونحن نمر
من امام داره بالحاره الثامنه .
الله يرحمه ويسكنه في محبته الدائمة
انا ضربان وفرحان لهذا البوست غاية الفرح
ما يكون وفايت حد الانبساطه وسابح فوق
ده زرع الفن وبحب الناس وكان بيغني لانو بحب
الغناء وبيغرد بي صوت عجيب وبمشي بين الناس
بروح طفل يدو علي الرق يا سلااام ياسلاااام
يهز الرق ويهز اي روح بتسمع في اللحظة ديك
عمرو مورق ومخضر محبة للناس وليلي وليله هووي
دي تسمعه منو تغمض روحك وعيونك وتسرح يا قوة الله
غناء خرافي وكلمات يمكن من سهولته وجماله وخفته
وشاعريته تخش جواك وتقول هي انت يا سلام يا سلام
ده من الخلائق الساميه وعالية المقام مافي منو مثيل
هدهدتو للكلمات ما هدهدت مغني ساي ده مغني بروح من
عالم صافي وصوفي ومسالم عالم حالم ووديع ولما يطلع
بي صوتو وجور كلمة يا سلااام تحس انو عايز يزرعه في
قلب اي زول جوه جوووووووه شديد ، انت يا معاوية ويا بقيت
دراويش ( شيخ طه وابو داؤد والكاشف وحسن عطية والفلاتيه وخلف الله حمد
ومحمد احمد عوض ) .
الناس ديل جونا من وينو ؟!!! والناس ديل ليه هم الوحيدين
من الزمن داك أنحنا متسالمين معاهم وما عايزين نزح من ضراهم
وليه ما بنقبل زول يقول فيهم (أم بغم) عملو فينا شنو الناس دي
وليه مثلاً زول زي ما بيكون لاقاهم برضو بيحبهم وبيسمعهم (وبيضحك
معاهم بيضحك معاهم يا محسن لانهم عايشين) ليه ليه ؟!؟!

يا معاوية شوف الاختيار شوف الزول ده غناهو كيف عاين للختيتو انت
ده هنا بس وشوف الاختيار (القبلو وراهو - زارع القسا-ساميه - حبيب
قساي - ريد الزمان وشقي ومجنون) ويا معاوية انا ما بعرف اصوات ولا
دارس الكلام ده بس كل الناس المذكورين ديل أنا بسمعهم بيشبهو بعض
في كل حاجه بيشبهو بعض واكتر اتنين بيشبهو بعض في الصوت بالنسبة لي
هم الكاشف والكحلاوي شبه عجيب .

شكراً للكحلاوي وشكراً لكل فناني السودان ومبدعيه

معاوية الفلكسواجن لسع معانا وجارتي الحيطه بالحيطة

Quote: يا معاوية ياخ معليش ما سلمته عليك فوق بس تصدق بالله اني البوست ده حافظو عندي في (favorites) هو واخوانو التانين الحنجرة الذهبية وعشوشه ملكة جمال روحنا وديارنا وحبيبة حبيبنا العجوز الفنان أحمد وبوستين للعملاق بادي _شيخ طه تبع اخوانا المجاذيب خدر و محسن . حافظهم ويومي بسمعهم ومتمني يوم اجمع معاهم سيد الغريدين خلف الله حمد اجمل من سمعته يغني للحماسه وأن يكون هناك بوست لعمنا حلو الروح والابتسام واللسان محمد أحمد عوض ياسلام ياسلام لو ده حصل الكحلاوي يا معاوية وأنا طفل في المتوسطه كنت بدفر معهاو عربيتو الفلكسواجن وولدو مجدي صاحبي ودفعتي في السادسه المتوسطه يا سلام علي عم صديق عمة كما التاج احلي ما يكون ابتسامه لا تفارق الوجه وعيون عميقة النظر وشديدة البصر ضاحكة وحنونه وصلبة بمحبة بحة صوت ليس كمثلها من قبل ولا بعد جلابية بيضاء لم اري اجمل منها في قوام احد برشاقة جسديه فنانه ... عم صديق فنان في كل شي كل شي في السلام والمطايبة في الابتسام في السؤال وفي حضور الحديث ورقته في كل شي فنان فنان بمشي علي الارض بفن وسلام ومحبة كنا اطفال ندافع تدافع لنحيه في غدو رواحنا للمدرسة ونحن نمر من امام داره بالحاره الثامنه . الله يرحمه ويسكنه في محبته الدائمة انا ضربان وفرحان لهذا البوست غاية الفرح ما يكون وفايت حد الانبساطه وسابح فوق ده زرع الفن وبحب الناس وكان بيغني لانو بحب الغناء وبيغرد بي صوت عجيب وبمشي بين الناس بروح طفل يدو علي الرق يا سلااام ياسلاااام يهز الرق ويهز اي روح بتسمع في اللحظة ديك عمرو مورق ومخضر محبة للناس وليلي وليله هووي دي تسمعه منو تغمض روحك وعيونك وتسرح يا قوة الله غناء خرافي وكلمات يمكن من سهولته وجماله وخفته وشاعريته تخش جواك وتقول هي انت يا سلام يا سلام ده من الخلائق الساميه وعالية المقام مافي منو مثيل هدهدتو للكلمات ما هدهدت مغني ساي ده مغني بروح من عالم صافي وصوفي ومسالم عالم حالم ووديع ولما يطلع بي صوتو وجور كلمة يا سلااام تحس انو عايز يزرعه في قلب اي زول جوه جوووووووه شديد ، انت يا معاوية ويا بقيت دراويش ( شيخ طه وابو داؤد والكاشف وحسن عطية والفلاتيه وخلف الله حمد ومحمد احمد عوض ) . الناس ديل جونا من وينو ؟!!! والناس ديل ليه هم الوحيدين من الزمن داك أنحنا متسالمين معاهم وما عايزين نزح من ضراهم وليه ما بنقبل زول يقول فيهم (أم بغم) عملو فينا شنو الناس دي وليه مثلاً زول زي ما بيكون لاقاهم برضو بيحبهم وبيسمعهم (وبيضحك معاهم بيضحك معاهم يا محسن لانهم عايشين) ليه ليه ؟!؟! يا معاوية شوف الاختيار شوف الزول ده غناهو كيف عاين للختيتو انت ده هنا بس وشوف الاختيار (القبلو وراهو - زارع القسا-ساميه - حبيب قساي - ريد الزمان وشقي ومجنون) ويا معاوية انا ما بعرف اصوات ولا دارس الكلام ده بس كل الناس المذكورين ديل أنا بسمعهم بيشبهو بعض في كل حاجه بيشبهو بعض واكتر اتنين بيشبهو بعض في الصوت بالنسبة لي هم الكاشف والكحلاوي شبه عجيب . شكراً للكحلاوي وشكراً لكل فناني السودان ومبدعيه معاوية الفلكسواجن لسع معانا وجارتي الحيطه بالحيطة

سفيان يا أخوي لكن ما لقيتك موسوعه
وعارف كل حاجه عن الراحل المقيم حتي العربية الفلوكسفاغن
انت من الليله دي بقيت أهم زول في البوست دا عشان أنا عايز أوثق ليهو كل أعماله الخالدة.
معليش يا سفيان اتأخرت عليك وقلعت البوست من صفحة 4 لأنو ما في زول داير يلكزو لا فوق
معليش يا صديق ما علينا
نهديك يا طير الودي وكدا يكون فضل أغنيه واحده في شريط العود النادر دا وبعد داك بقبل ليك علي الرق والمزازيك.
سفيان بالله تبلغ تحياتي لأفراد أسرته كلهم وتغريهم مني السلام.

أزاني ... يا سفيان أسمع

الليله يا حباني
الليله يا جيراني
شوفوا العلي الجاني

يا معاوية سلمت من كل بلا ، كنت بحكى عنه لعزة بتى كتير فى الحفلات فى العباسية ، طبعا بعرف البنات بالاسم ولمن تعجبو واحدة لا يتورع فى انه يقول اسم الاسرة شفت الادب دا كيف ، وكان عجبتو واحدة ما بتقدر تمرق الا الاغنية تكمل ، كل الحاجات دى منثورة فى الذاكرة زى الامس ، وخالى كان عاشقا له ولبادى لا تمر حفلات الاسرة الا ويكونا جرتقا اصيلا فيها سوميته تندلق غناءا، رحم الله هذا الفنان الذى بحق انه درة غنائية (كلم الوليدات الصغار ديل يسمعو ناس زى ديل ) تطريب واختيار جميل للكلام وما تنزرع ليك حبه قسا شاحدة الله تهون قاسيك

سلام
ياسلام




منصور

تسلم يا منصور يا راقي

Quote: رحم الله هذا الفنان الذى بحق انه درة غنائية

بالحق يا سلمي هو فلته قل أن تتكرر

Quote: كلم الوليدات الصغار ديل يسمعو ناس زى ديل

قدرت ما حاولت يا سلمي ما قدرت لكن أصلو ما بيأس
الجيل الجديد دا شباب الأورغن ديل بسمعوا الغناء بي كرعينهم
وأنا الغايظني انهم ما بذكروا سيد الأغنية الأصلي لمن يغنوا
وفي واحدين منهم بمشوا للشاعر والملحن وبشتروها عديل ويسجلوها
في المصنفات زي ما عملوا مع الفنان محمد ميرغني
ويا ريت لو بغنوها كويس والله بعولقوها جنس عولاق
شوفتي قوة العين دي

Quote: كنت بحكى عنه لعزة بتى كتير فى الحفلات فى العباسية

كل ما تلقي فرصه أحكي ليها وسمعيها عشان ما تطلع ذي الجماعة الفوق ديل
سلمي يا ريت لو لقيتي لي نبذه عن حياة الراحل نوثق بيها ليهو
وسلمتي سلمي

أحمد بابكر حجازي ( فرده عزيزة )
ناذر محمد الخليفة ( الفنان )
أحمد عجوز ( جاري وفناني )
سفيان بشير نابري ( جار الراحل وزكريات الفلوكسواجن القديمة )
سلمي الشيخ سلامه ( أم عزه وبتحب الكاشف )
منصور المفتاح ( صاحب الذوق الرفيع )

اليكم جميعا
حيرت أفكاري معاك

الاخ معاوية شكرا لردك اللطيف واتمنيت لو كنت فى السودان كان جبت ليك الخبر الاكيد ، لكن هذا لايمنع ان تصل الى الصديق والزميل عوض بابكر فى الاذاعة فهو مرجع ولن يبخل عليك بالقطع فهو من يعرف كل هولاء الناس العظماء او عم السر محمد عوض الاتنين ممكن او خلاص لو انت عندك وكت تبارى عم السر قدور بتلقاهو لمن يجى من القاهرة فى جريدة الخرطوم لو كنت فى السودان، فائق تقديرى

العزيزه الأستاذة سلمي
يا ريت لو كنت في السودان ما كان اتعذبت العذاب دا كلو
انتي طبعا عارفه الغربه هي البتخلي الزول ينتبه للحاجات الجميله دي كلها
ولو الواحد كان في السودان كان انشغل بالمعايش وخلاص
صدقي حتي تلفزيون السودان زاتو ما عندي
كتر خيرك كتير ما قصرتي وحتما حنلقي طريقه للمعلومات دي من هناك
وربنا يرد غربتكم وغربتنا
مودتي واحترامي

فوق