Post: #1
Title: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 00:39 AM
أنا لست عضواً بسودانيز أون لاين , فلقد كنت ضيفاً على صفحات أخى وصديقى العزيز الطيب , أبى الطيب ردحاً من الزمان. وأرجو أن لا أكون ضيفاً ثقيلاً,ولقد كان لى مؤخراً بعض الرؤى على
خيطين بعنوان ( داهشين أخت داهلين ).... و ( أحتار أنا فى أمر هذا الرجل ) عن العملاق
إبراهيم الكاشف وما وراء عوالم الفنون والموسيقى ... لكننى أعتذر إليكم عن عدم تمكنى
من تكملتها آملاً أن أجد سانحة أخرى لهذا التواصل الجميل .. فقط سوف أرفع هذه البوستات
مره واحده لإستودعكم بها فى رعاية من لا تضيع عنده الودائع ..إضافة إلى هذا الخيط الذى
وددت أن أشرككم فيه , وهو حبى الكبير لذلك الطيران والإنعتاق من حصار الأشياء والكلمات والمفاهيم المعتاده! ... فى تجربه أرجو أن تكون جديده ومفيده..هذه المحاوله هى عباره عن كتاب كبير فى ذهنيتى أرجو أن ترى النور قريباً ..... ولقد وجدت إستحساناً من الناقد الكبير صديق محيسى , والأديب الكبير حسن توفيق .. وسأكتفى الآن بمقدمة هذا العمل على
أمل المواصله فيما بعد ................................
مشاهد خلف الرؤى :
----------------
مقدمه:
لم يعد الناس الناس .... ولم تعد الأشياء الأشياء ... ولا الأشكال الأشكال ... كما لم تعد الألوان الألوان ... ولا المعانى المعانى !! ... ذلك أن المكنون القابع خلف حدود الرؤيا
ومن وراء العقول والأذهان , يظل دائماً بلا أدنى شك , أكبر إتساعاً وأبعد عمقاً من كل
الطاقات والكلمات والدلالات والمعانى .. كما أنه أبعد ما يكون عن أشمل العبارات وأدقها
وأرقاها وأروعها وصفاً .
وإذا كان أجمل وألطف وأعمق وأخطر ما يجول أو يخطر على أى بال .. يمكن أن يصنف ويوضع
ببساطه ضمن دائرة البديهيات والأفكار الساذجه البسيطه , ويظل يرزح داخل حلقات الرتابه
المميته والسطحيه المسيطره ..... على زعم أن المفاهيم كلها لا زالت بعيده كل البعد عن
معيار رفيع ومتجدد على الدوام , ومتصاعد إلى أعلى , وقائم على تصور مفهوم :
( ما لاعين رأت ولا أذن سمعت ولاخطر على قلب بشر ! ) .
والشاهد أن كل أدوات التكنولوجيا والصناعات الحديثه , لهذه المدنيه الحاضره بدءاً من إكتشاف الآله البخاريه , والقطار , والسياره , والتلغراف , والكهرباء , والمذياع , والهاتف , ثم الطائره , والكاميرا , والسينما , والتلفزيون , والتلكس , ثم الفاكس , والكمبيوتر , والقنوات الفضائيه , والجوال , وهذا الإنترنت ! إضافة إلى شتى العلوم الإنسانيه , وثورة المعلومات الهائله , كانت بالنسبه لإنسانية القرون الوسطى , فى عداد الغيبيات والعوالم المجهوله ! ولم تك أقرب إلى التصور البشرى , كما أنها لم تك تشكل أى ضرب من ضروب الخيال !... بمعنى أن ما حدثت بعد ذلك الوقت من وقائع وأحداث ومفاهيم تجسدت على أرض الواقع , تُُقاس بالنسبه لأولئك الناس على نفس هذا المقياس ! فهى بالنسبة لهم ( مالا عين رأت ولا أذن سمعت ولا خطر على قلب بشر ! ) .
وعلى هذا المقياس يمكننا أن تقيس أونستدل على أن الآتى , والقادم من المستقبل , يشكل نفس القدر من الغموض والإشكاليه بالنسبه للإنسانيه الحاضره !... وعلى هذا يصبح التصور بعيداً كل البعد عن إدراك المعرفه الحقيقيه لمكنونات وماهية القادم المجهول !.. وهكذا دواليك حينما تمر الحقب حقبة من بعد حقبه .. فى سيرها نحو المستقبل .. وحينما تتقدم الأزمان نحو القادم المبهم !
هذا بالنسبه للجوانب المحسوسه والملموسه من حقيقة الأشياء والمفاهيم .... أما بالنسبه لتلك الجوانب الأخر التى أصبو أن أتطرق إليها عبر هذه الإطلاله , فهى تكمن فى معين ذلك الخضم الهائل من اللا معقول ! واللا محسوس نسبياً ! ....... وهى لا تعدو إلا أن تكون مجرد محاوله خجوله وعاجزه .... فى إتجاه فك الرموز والطلاسم والشفرات التى يمكن أن نفلت من خلالها عبر النوافذ المطله خلف الأفق والآفاق المعقوله واللامعقوله ! والغياهب المحسوسه واللامحسوسه نسبياً !
هذه الإطلاله أرجو لها أن تكون مجرد محاوله للسباحه أوالغوص .. أو الطيران والإنعتاق من حصار الأشياء والمفاهيم والكلمات المعتاده ! بعيداً أى ركود ممل , أو رتابه مميته , أو سطحيه مستشريه ..... أتمنى أن أجد مرتعاً فسيحاً خارج بوتقة الدوائر المغلقه والمضامين الفجه .. والمعانى السميكه والغليظه .. فى الطريق إلى مخارج أخر للإنفلات من الطوق إلى عوالم أكثر لطفاً وشفافيه ! ... ليتنا نرتاد معاً عوالم من الحيره والغرابه والإندهاش , عبر هذه الحكايات السرياليه من مشاهد خلف الرؤى ..... على أمل اللقاء مع مشهد أول.
مامون أحمد إبراهيم
|
Post: #2
Title: Re: بهذه المشاهد ! .. وداعاً سودانيز أون لاين !
Author: يوسف الولى
Date: 02-21-2007, 01:37 AM
Parent: #1
Quote: أحتار أنا فى أمر هذا الرجل
|
واحتار انا فيك يا اخى
فالى اين انت راحل
Quote: وسأكتفى الآن بمقدمة هذا العمل على
أمل المواصله فيما بعد ................................
|
متى ؟؟؟؟؟؟؟؟؟؟؟؟؟
واين ؟؟؟؟؟؟؟؟؟؟؟؟
وكيف؟؟؟؟؟؟؟؟؟؟
الغموض يلف المكان هنا
ابتداء من شخصك الى رحيلك الى مقدمتك المبتوره
|
Post: #3
Title: Re: بهذه المشاهد ! .. وداعاً سودانيز أون لاين !
Author: وليد محمد المبارك
Date: 02-21-2007, 01:50 AM
Parent: #2
هو في ايه ؟
|
Post: #4
Title: Re: بهذه المشاهد ! .. وداعاً سودانيز أون لاين !
Author: عبدالغني كرم الله بشير
Date: 02-21-2007, 06:18 AM
Parent: #3
عزيزي مامون
كيف ترحل، وقد زخرفت البورد بمحبتك، وهمتكم العميقة، الاصيلة، ودفقك الشعري، ونبعك الفكري، ومحبتك الخلاقة لمصير الإنسان، ومغزاه، كيف ترحل، وهناك حقل لك، كي تزرعه، وتحصده، وتكرم منه، إنه مكانك، مكانك الخاص، خلق لك فقط، كي تمسك الكمان وتعزف فيه للحيوات البعيدة عن أصلها، ونبعها...
لا محال، ستعود، فنفحة الصدق، وعمق الحرف لديك، يمثل حداء جميل، لنوق تسعى لمواردها، وحوضها الاعظم..
ياله من نص، قرأته مرات ومرات، ولم اشبع، رؤى خلف البصر، وتجليات الانشراح...
لن ترحل، بل تبقى فرحا ومودة وجمال
|
Post: #19
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 08:28 PM
Parent: #3
هو فى أيه ؟ أيها المبارك !
ومافى شىء إلا المودة فى القربى .
الحكايه ياوليد الأكاونت ما بتاعى,
بتاع لطفى . هذا العصامى الذى آثر
على نفسه لإتاحة الفرصه لى , فتره
طويله من الزمن , ودلوقت عاوز أرجع
الأمانه لى صاحبا..
وليد, عليك الله أعدل الصوره , واللا أنا بقلب الكمبيوتر
عشان أشوفك ... ياخى ما شحتفت روحنا ..وشوفتك بالدنياياخى ..
مامون
|
Post: #18
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 08:16 PM
Parent: #2
أيها الولى , يوسف الحبوب
مافى غموض حول شخصى الضعيف
إلا غموض هذا الكون المكتنز
بالجمال ! فقط نحاول أن نجد
فى معيتكم مطرحاً! بكم تبتهج
النفس وتزغرد ..وعن نفسى أنا
مافى أى غموض .. أنا مامون
أحمد الذى أسقط فى يوم ما
على سماء أمدرمان العباسيه
فوجد نفسه مكتول هواكم وهوى
السودان وأمدرمان !
هذه الصفحه بسودانيز أون لاين ليست لى ,
وهى للأخ العزيز لطفى على لطفى (أبوالطيب)
الرجل الطيب الرائع العصامى الذى أفسح لى
المجال سنه كامله ولا كل ولا مل .. ولكن صاحبك
إن بقى عسل ماتلحسو كلو! ..
الأمل مازال موجود فى حصولى على حساب خاص بى
ولعلى أرسلت لبكرى أبوبكر ومنتظر دورى .. هذا
الرجل المبدع مشغول شديد ومجابد وأمام مسؤوليه كبرى ..
وأنا عاذرو من كل قلبى .. ومتى ماوجدنا الفرصه ! أنا معاكم من كل قلبى ..
بالنسبه لهذا الخيط المبتور , سوف أحاول أن أتقدم فيه ماأستطعت إلى ذلك سبيلا ..
كن بخير أيها الولى .. تحياتى ..
مامون
|
Post: #5
Title: Re: بهذه المشاهد ! .. وداعاً سودانيز أون لاين !
Author: mekki
Date: 02-21-2007, 06:47 AM
Parent: #1
يا خوى ماشى طاير وين؟!
خلى بكرى يعمل ليك إسم مستخدم فى الموقع...
وأقعد إترزع...
|
Post: #7
Title: Re: بهذه المشاهد ! .. وداعاً سودانيز أون لاين !
Author: محمد سنى دفع الله
Date: 02-21-2007, 06:55 AM
Parent: #5
يازول ياجميل
لاك الزول النفسو قصير
لاك الزول الصبرو قليل
وين مروح ؟ وين؟؟
تحرمنا من متعة الحرف الصادق العديل
هناك ممالك من الدهشة لم نرتاد دروبها معك
قول كلام تاني
مودتي ودام صفانا
|
Post: #6
Title: Re: بهذه المشاهد ! .. وداعاً سودانيز أون لاين !
Author: تماضر الخنساء حمزه
Date: 02-21-2007, 06:54 AM
Parent: #1
Quote: أتمنى أن أجد مرتعاً فسيحاً خارج بوتقة الدوائر المغلقه والمضامين الفجه .. والمعانى السميكه والغليظه .. فى الطريق إلى مخارج أخر للإنفلات من الطوق إلى عوالم أكثر لطفاً وشفافيه ! ... ليتنا نرتاد معاً عوالم من الحيره والغرابه والإندهاش , عبر هذه الحكايات السرياليه من مشاهد خلف الرؤى ..... على أمل اللقاء مع مشهد أول.
مامون أحمد إبراهيم |
سلامات..
أتمنى ألا تغيب ..ننتظر حكاياتك ..ومشهدك الأوَّل..
مودتي..
|
Post: #8
Title: Re: بهذه المشاهد ! .. وداعاً سودانيز أون لاين !
Author: Omer Abdalla
Date: 02-21-2007, 07:00 AM
Parent: #1
الأخ العزيز مأمون
تحية طيبة
بل أنت عضو وفعال كمان .. أرجو أن يتكرم الأخ بكري بإعطائك حساب خاص بك فوجودك هنا ضروري وذهابك سيترك فجوة (وما ناقصين فجوات) ..
أعجبتني مخاطبة الأخ مكي الحميمية لك (فاسمع الكلام بالله)
عمر
|
Post: #9
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 07:48 AM
Parent: #8
الأعزاء ,
يوسف الولى
وليد المبارك
عبدالغنى كرم الله
مكى
السنى دفع الله
تماضر الخنساء
عمر عبدالله ..
ياسلام عليكم وألف تحيه ليكم ,ولكل واحد فيكم قصه طويله ,
متحكره فى ثنايا هذا القلب , المحتفى بكم دوماً.........
وراجع ليكم أيها الأحبه .. وتلبية لرغبة مكى ياعمر , أنا
أصلى مرزوع فى حشاكم واحد واحد , إلى حد الوله ..
مامون
|
Post: #10
Title: Re: بهذه المشاهد ! .. وداعاً سودانيز أون لاين !
Author: محمد عبدالرحمن
Date: 02-21-2007, 07:50 AM
Parent: #8
الشوق والريد ..ترين ترين
والحب البان فى لمسة ايد فى لمسة ايد ..
ترن ترن ...
واغانى نقولها ..نقول ونعيد ..نقول ونعيد ...
ترن ترن ترن ..
ابوالطيب
استهدى بالله وخليك مواصل ..خلاص كمل
لينا بوست الكاشف دا وامشى ...
دا كان بكمل ...
كل الاشواق ترن ترن ...
كل الاشواق اه بتجرح قلب المشتاق
كل الاشواق ..
ترن ترن ترن
كراماتك ياعبدالغنى عايزنها فى الزول دا ..
ومنتظرين
|
Post: #11
Title: Re: بهذه المشاهد ! .. وداعاً سودانيز أون لاين !
Author: Muna Khugali
Date: 02-21-2007, 09:15 AM
Parent: #10
ولماذا لا تستمر وتحصل علي عضويتك الخاصة?
تعجبنا كتاباتك ومشاركاتك..
ولأن الأغلبية تسعي لحفظ جمال هذا المكان..
يكون النداء لك ان تبقي..لأنك قطعا تضيف له
|
Post: #12
Title: Re: بهذه المشاهد ! .. وداعاً سودانيز أون لاين !
Author: فيصل عباس
Date: 02-21-2007, 09:17 AM
Parent: #1
لن تذهب
لآن روحك هنا
وحرفك وعشقك ولونك ودمك وعتقك وسجنك
كلو هنا
لن ترحل ,,
لاننا ما عندنا قدرة البحث عنك في مرافئ
الغيم ,,,
لاننا لانملك شفافية جمالك التي سمحت لك بالتحليق
لآن بنا كثير من القبح ,ومسؤليتك
زرع جمال فينا...
لا ترحل يا مامون لا
تفعلهــــــــــا
ودع الامر لبكري ليحله لك لنا ولك
ولسودانيزاونلاين...
صادق المحبه...
|
Post: #13
Title: Re: بهذه المشاهد ! .. وداعاً سودانيز أون لاين !
Author: خضر حسين خليل
Date: 02-21-2007, 09:37 AM
Parent: #1
خليك يا مأمون خليك لاتروح رجاءً
خضر
|
Post: #14
Title: Re: بهذه المشاهد ! .. وداعاً سودانيز أون لاين !
Author: مهند مامون
Date: 02-21-2007, 10:05 AM
Parent: #1
؟؟؟؟؟
|
Post: #15
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 01:34 PM
Parent: #14
Iam very sorry , ya shabab!
my Arabic keyboard is not working
.thanks, to all of you
Mohd A\ rahman
Mona Koghali
Faisal Abbas
Khidir Hassan
Mohannad Mamoon
.I will be back soon
.have anice time
Mamoon
|
Post: #16
Title: Re: بهذه المشاهد ! .. وداعاً سودانيز أون لاين !
Author: Mohamed Abdelgaleel
Date: 02-21-2007, 01:36 PM
Parent: #14
Quote: ولماذا لا تستمر وتحصل علي عضويتك الخاصة?
تعجبنا كتاباتك ومشاركاتك |
وكمان كلامك الدوغري المعافى .. يا أخونا
العزيز مامون
|
Post: #17
Title: Re: بهذه المشاهد ! .. وداعاً سودانيز أون لاين !
Author: Mutwali Malik
Date: 02-21-2007, 08:00 PM
Parent: #16
اخي مامون
لك كل التحايا والاشواق
كيف ترحل بعد ان ملات المكان القا ورونقا
نداء الي بكري ابوبكر وباسم كل من كتب هنا بسرعة انضمامك الي كوكبة هذا الفضاء
عليكم بالماسنجر وانا اثني واويد الترشيح للعضوية
|
Post: #20
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 08:46 PM
Parent: #17
| Quote: لن ترحل، بل تبقى فرحا ومودة وجمال |
عبدالغنى , مافى رحيل.. إلا منكم وإليكم,
وفى شان الله إنتو الفرح والمود والجمال ..
مامون
|
Post: #21
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 09:58 PM
Parent: #20
Quote: يا خوى ماشى طاير وين؟!
خلى بكرى يعمل ليك إسم مستخدم فى الموقع...
وأقعد إترزع... |
مكى اللذيذ, ماهو أنا مرزوع فى هواكم ,
وإنشاله رزعه مامنها رجعه .. ومتحكرين
ديمه جوه القلب والخاطر .. ولا فوت ..
عزيزى مكى ..
مامون
|
Post: #22
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 10:14 PM
Parent: #21
Quote: يازول ياجميل
لاك الزول النفسو قصير
لاك الزول الصبرو قليل
وين مروح ؟ وين؟؟ |
هو فى أجمل منك أيها الخال,
الفنان , الجميل , المبدع ,
الظريف .... تعرف يا خال نحن تحت ضل ضراكم ,
نراوح مكانا وبس .. وقدر مانمش بعيد إليكم نعود ..
عشان إنتو الروح وإنتو النفس الطالع ونازل ..... لك
خالص حبى يا السنى ..
مامون
|
Post: #23
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 10:54 PM
Parent: #22
Quote: سلامات..
أتمنى ألا تغيب ..ننتظر حكاياتك ..ومشهدك الأوَّل.. |
الخنساء الشفيفه , مشهدى الأول هو أنتم ..
ومافى مشهد إلا بيكم ! ....... مشاهد خلف الرؤى
محاوله تكاد تكون يائسه , لتصور ما فوق التصور!
هى مجرد محاوله فقط .. والمشهد الأول فى القريب ..
دمت بألف خير وصحه وعافيه ... مامون
|
Post: #24
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 11:07 PM
Parent: #23
| Quote: أعجبتني مخاطبة الأخ مكي الحميمية لك (فاسمع الكلام بالله) |
أستاذى عمر عبدالله ....... سمعاً وطاعه ,
وهل يعصى لكم أمرا .. ولطفى الإنت عارفو
صاحب الأكاونت ما قال حاجه , سنه كامله لا كل ولا مل ,
وصاحبك إن بقى عسل ما تلحسو كلو ! وأنا لحست العسل كلو !
عسل لطفى , وعسل بكرى أبوبكر , وعسلكم كلكم .. حأكون مرابط قريب منكم
ومانى ماشى بعيد ............ لك ودى وخالص تحياتى أخى عمر...... مامون
|
Post: #25
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 11:21 PM
Parent: #24
Quote: الشوق والريد ..ترين ترين
والحب البان فى لمسة ايد فى لمسة ايد ..
ترن ترن ...
واغانى نقولها ..نقول ونعيد ..نقول ونعيد ...
ترن ترن ترن .. |
محمد عبدالرحمن , يالك من رائع يارجل !
الشوق والريد .. والحب البان الجايينا منكم
ماليهو حد ولا عد .. وجمال وزمان ممتد .. الكاشف الذى وحدنا
ما حيخلينا , وهو مكتمل فينا أصلاً , وحيزيد فى كمالو بى روعتكم ..
وترن ترن .. أنا مرابط قريب فى ضرا حبكم الكبير .. ألف تحيه ليك ..
مامون
|
Post: #26
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 11:34 PM
Parent: #25
Quote: ولأن الأغلبية تسعي لحفظ جمال هذا المكان..
يكون النداء لك ان تبقي..لأنك قطعا تضيف له |
ياسلام يا منى , يا بنت خوجلى , يا حاجه من الزمن الجميل !
كل الحصل إنو أنا خجلت من صديقى العزيز لطفى ( الكلس ) لأنى حرمتو
من هذا الوصال الجميل ! .. عموما أنا بعد البوست ده حأكون مرابط قريب ,
وباقين إنتو فى ضميرى إلى الأبد .. وأنا باقى بيكم ! ألف تحيه ليك ......
مامون
|
Post: #27
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 11:50 PM
Parent: #26
Quote:
لن تذهب
لآن روحك هنا
وحرفك وعشقك ولونك ودمك وعتقك وسجنك
كلو هنا
لن ترحل ,,
لاننا ما عندنا قدرة البحث عنك في مرافئ
الغيم ,,, |
فيصل .. إبن عباس , وكفى ..
لن تبحث عنى يا عزيزى فى تلك المرافىء ,
ولن تتكبد عناء السفر ! لأن تلك المرافىء ماهى إلا
مرافىء عشقكم الكبير , الذى يتوسد شغاف قلبى !
أنا مرابط قريب بى جاى يا فيصل ..
مامون
|
Post: #29
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-21-2007, 11:59 PM
Parent: #27
| Quote: خليك يا مأمون خليك لاتروح رجاءً |
خضر الأخضر ..... ياسلام يارجل !
أنا بفتش عليك من بوست لى بوست,
الليله لقيتك , وين أروح ياخضر !
أنا قريب جنبكم .. ألف تحيه ليك.
مامون
|
Post: #51
Title: Re: بهذه المشاهد ! .. وداعاً سودانيز أون لاين !
Author: عوض حمزة
Date: 02-24-2007, 02:42 AM
Parent: #24
العزيز مامون..
وكيف لك ان تقول وداعا لدار احبابك
ايهون عليك ذلك ؟؟ لا اظن !!
Quote: لن تذهب
لآن روحك هنا
وحرفك وعشقك ولونك ودمك وعتقك وسجنك
كلو هنا
|
افتكر كلام فيصل واضح اذا فاعدل يا رجل
ومكانك فى سويدا القلب ا يها المامون
عوض حمزة
|
Post: #52
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-24-2007, 10:05 AM
Parent: #51
عوض حمزه ! ياسلام
يكفيك ما فعلت مع زميلك
الفنان صلاح وتلك الأيام
الخوالى ! ودعمك الكبير
الذى لا ينسى .. دمت بألف
خير ...... مامون
|
Post: #28
Title: Re: بهذه المشاهد ! .. وداعاً سودانيز أون لاين !
Author: يوسف الولى
Date: 02-21-2007, 11:54 PM
Parent: #1
الاخ مامون
اشكرك جدا على التوضيح
وجودك هنا ضروره ملحه
املتها افتقار المكان لامثالك ممن نهرول الى كتاباتهم كى نسترح ونلقى عن كاهلنا درن الزمان( هم قله هنا )
اتفهم تماما رغبتك فى ان تظهر تلك الكتابات باسم صاحبها الحقيقى
والى ان يحين ذلك لا اظن ان الاخ ابوالطيب حيكون عندو مانع
ولا شك عندنا فى ان الاخ بكرى ابو بكر سيكون حريصا باضافه نجم او كوكب الى المنبر
لذا دعنى اكرر تلك الصرخه هنا
Quote: نداء الي بكري ابوبكر وباسم كل من كتب هنا بسرعة انضمامك الي كوكبة هذا الفضاء
عليكم بالماسنجر وانا اثني واويد الترشيح للعضوية |
والى ان يتم ذلك فالتواصل يا اخى مامون
ونحن فى انتظار ما بعد المقدمه
|
Post: #30
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-22-2007, 00:20 AM
Parent: #28
| Quote: Quote: هو في ايه ؟ |
عزيزى مهند مامون ,
هوفى غير الحب ؟1
الحاصل أنو بنحبكم ياخى
وعايزين نكون معاكم , لكن
ما باليد حيله ! وما تعب المضيف ,
وماكلّ ولا ملّ ! لكن الضيف تعب من كتر الكرم والإكرام! وخجل !
بعد البوست ده , خليتكم بى عافيه , حتى صورتى دى حأنزلها !!
وبالمناسبه يا مهند ما تشوف الصوره دى تقول مامون ده قدرى !
دى صورة مامون الزمان ! لكن لسه برضو قريبه وما تقول عجزنا خالص
وكان الله أده العافيه وجينا راجعين , حتشوف مامون الهسى .. تحياتى ..
مامون ,الهسى..
|
Post: #31
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-22-2007, 00:47 AM
Parent: #30
| Quote: وكمان كلامك الدوغري المعافى |
ياسلام أخى العزيز الأديب , محمد عبدالجليل ,
والبركه فيكم فى صهرك العزيز ... وكنت كتبت
ليك تعازينا الحاره عبر بوستات التعزيه الكانت
مرفوعه .. ولقد آلمنا جداً هذا الخبر ..
وياسبحان الله يامحمد حتى فى الفراق والإنتقال من الحياه
يحصل توارد أيضاً ,, أقرب لى توارد الخواطر! .. فلقد إنتقل بالأمس
صهرى العزيز بابكر الحافظ آدم, الرباطابى المكافح الصنديد . ولقد
كتبت عنه فى بوست بعنوان  بابكر الحافظ الباشكاتب بالمعاش ) , لعلك لم
تنتبه له, لأن عنوان البوست عادى ولا يدل على تعزيه .. كتبت عن الرجل ماجادت
به الخواطر ... وأنا دائماً كما تعلم أهتم برأيك الأدبى حول كتاباتى ومواضيعى , وذلك
لثقتى الكبيره فى رأيك الذى أعتز به كثيراً ..... أرجو وضع بصمتك على بوست العم بابكر
العصامى المكافح الفريد .. ألف ألف تحيه ليك أخى محمد وأحسن الله عزاكم وجبر كسركم .
مامون
|
Post: #32
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-22-2007, 01:03 AM
Parent: #31
| Quote: كيف ترحل بعد ان ملات المكان القا ورونقا |
وده من رونق حسك الراقى وألق روعتك ,
يامتولى ياود مالك الأمدرمانى المعطون
فى حب أمدرمان والوطن السودان ......
ياسلام يا متولى أيها العزيز مشتاقين ليك
كتير يارجل ... وإنشاله البركه فيكم فى العم بابكر الحافظ .
وربنا يجبر كسركم .. ويجعل البركه فيكم وفى كل أولاد أهله ..
مامون
|
Post: #33
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-22-2007, 08:01 AM
Parent: #32
Quote: عزيزى يوسف الولى , ألف تحيه ليك ..
طبعاً أبوالطيب ماعندو أى مانع .. ده أبو الطيب
يا يوسف ! لكن المشكله أنى أنا لحست العسل كلو,
وزى الكأنو حرمت لطفى , هذا الوديع الشامخ من هذا
الوصال ... أرجو المعذره .... ولابد أنها حتهون ..
أيدك معانا أيها الولى .. أخليك بألف خير ..
مامون
|
|
Post: #34
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-22-2007, 08:38 PM
Parent: #33
Quote: خليك يا مأمون خليك لاتروح رجاءً
خضر |
تسلم ياخضر , وإنشاله ما آخر وداع ..
ألف تحيه ليك .......... مامون
|
Post: #35
Title: Re: بهذه المشاهد ! .. وداعاً سودانيز أون لاين !
Author: كمال علي الزين
Date: 02-22-2007, 09:03 PM
Parent: #34
أبوالطيب
ليتكم جميعاً تعرفونه عن قرب
ليتكم ترونه
كم مؤدب
شفيف
موطء الجنب
مأمون
ورفيقه عبد الغني كرم الله
تستطيع الإستدلال على وجودهما بالمكان
حين تسرى النسائم
وحين يعبق عطرهما
رجال في أدب وحياء العزارى
أحببتهما
وسأظل
تعال فخذ ( باسووردي ) يامأمون
فمن نحن ؟؟
حتى يذهب مأمون
ونبقى نحن ؟؟
محبتي
|
Post: #36
Title: Re: بهذه المشاهد ! .. وداعاً سودانيز أون لاين !
Author: Muna Khugali
Date: 02-22-2007, 10:53 PM
Parent: #35
والله انا جيت ياكمال علشان أقول نفس الكلام بصـورة معدلة شـويه..
ايه رأيك يا مأمون تشاركني باس ووردي?
|
Post: #37
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-22-2007, 11:12 PM
Parent: #35
Quote: حين تسرى النسائم
وحين يعبق عطرهما |
وعطرك يا كمال يازين ,
الذى يعطر هذا المكان بعبق الكلام ,
وفوحان هذا النفس الطيب والفكر المستنير,
يكفى جداً قبسك هذا, ليسد خانة ألف مامون .
أنا قاعد قريب ياكمال , بعد أن كنتم أنا, وأسكنتكم
شغاف قلبى .... ألف تحيه ليك يا كمال ..
مامون
|
Post: #38
Title: Re: بهذه المشاهد ! .. وداعاً سودانيز أون لاين !
Author: ودرملية
Date: 02-22-2007, 11:19 PM
Parent: #35
سلامات
وعوافي
واني "أًخيبُ" الناس تجاه موقفك هذا استاذي مامون احمد ابراهيم ..
وبل واني "اكثرهم خيبة" بقرارك هذا .. غير اني وددت لو ان بكري اعارنا بعض انتباه حيال امر عضويتك ..
تقصيري لم يكن بيدي اخي مامون ولكن فعلت مافي الوسع ..
تعلم محبتنا لك .. ونعلم اخلاقك وروحك النبوية ..
لذلك نتمناك دائما بيننا .. اخا وصدقيا وكاتبا خلوقا ومهذبا طيب الحرف ونير الافكار ..
لا ادري ماذا سيقول لنا بكري ..ولكن نطالبه بان يستجيب لنا فهذا الطلب قد كررناه في غير مرة ولم يجيب النداء عل الامر اكرم مما نتخيل فربما الرجل لم يجد رسائلنا اوربما لم يلتفت لبوستاتنا التي فتحناها لطلب عضويتك انت وعضوية الاستاذ كمال سالم الذي يقف الان نفس موقفك هذا تجاه سودانيزاون لاين ..
كل الامل في ان يمنحكما بكري ابوبكر عضوية المنبر فنحن في اشد الحاجة لوجودكم بيننا فكلاكما "له قلب انسان وروح ملاك" ..
فتقبل حبي وتقديري ..
"واقف حائرا امام عجزي"
|
Post: #39
Title: Re: بهذه المشاهد ! .. وداعاً سودانيز أون لاين !
Author: حبيب نورة
Date: 02-22-2007, 11:40 PM
Parent: #38
|
Post: #40
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-23-2007, 11:35 AM
Parent: #38
| Quote: واني "أًخيبُ" الناس تجاه موقفك هذا |
إنت حاشاك الخيبه ياودرمليه ! يا أخو الأخوات والأخوان !
لا تثريب يا عزيزى من أحد على أحد , فهذه دار سودانيه ,
مضيافه وعامره بى ناسا , والضيف فيها صاحب بيت ,
وبكرى أبوبكر , هذا الرجل الرائع عندو مشغوليات جامده ومسؤوليات كبيره
تجاه هذا البيت العامر .. فله العذر وكل التحيه والتقدير ..
لاعليك ياودرمليه , أنا قاعد قريب بى جاى حداكم وفى البال والخاطر .
مامون
|
Post: #41
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-23-2007, 05:58 PM
Parent: #40
حبيب نوره , ياحبيب الكل ,
إستفهامك فى محلو !
وحنمشى وين من جلستك الرهيبه دى
وإنت متقرفص جوه قلوبنا زى الملك !
سلم لي على نوره الغاليه يا الحبيب .
مامون
|
Post: #42
Title: Re: بهذه المشاهد ! .. وداعاً سودانيز أون لاين !
Author: Mutwali Malik
Date: 02-23-2007, 06:07 PM
Parent: #41
اخي الحبيب ودالعباسية
مامون احمد ابراهيم
في البال فتح بوست لاعطائك عضوية هذا الفضاء
علي جميع المتداخلين هنا الدخول وتثنية العضوية
ورجاء لسيد الحوش بكري بالنظر
نداء الي بكري ابوبكر - الرجاء اخذه بعين الاعتبار
|
Post: #43
Title: Re: بهذه المشاهد ! .. وداعاً سودانيز أون لاين !
Author: بدر الدين الأمير
Date: 02-23-2007, 06:12 PM
Parent: #41
مامون
فى عصر الخليفة المامون كانت الكتب توزن بالذهب
وبكلماتك انت ياصديقى فى هذه المساحة تذهب بالعقل
الى مناجم المعرفة والصدق والصفاء لاتقف لاننا نود
ان نتأمل
|
Post: #44
Title: Re: بهذه المشاهد ! .. وداعاً سودانيز أون لاين !
Author: عبد المنعم ابراهيم الحاج
Date: 02-23-2007, 06:36 PM
Parent: #43
تروح وين؟
هسة الباسوردات البوزعوا فيها لي ناس الفارغة دي
ما كت اولي بي واحده منها ...
انا زول طلاتي من صيف لي صيف
رايك شنو ؟
اديك الباسورد بتاعي ومرة مرة خليني اتاوق معاك
لك التحية يامامون
|
Post: #45
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-23-2007, 09:57 PM
Parent: #44
Quote: في البال فتح بوست لاعطائك عضوية هذا الفضاء
|
ياسلام يامتولى , دى المحريه فيك ,
أيها الجميل الوفى , سليل أمدرمان
الفتيه العامره .. وما بتقصر ..
وكلامك ده أقيم من دخول البورد ذاتو!
|
Post: #46
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-23-2007, 10:04 PM
Parent: #45
البدر الأمير , الرجل المبارك !
إحساسى يقول: بدخولك هنا كأنما
قضى الأمر , وبقينا جوه جوه ..
وجودك هنا فقط يكفى .. ألف تحيه ليك ..
مامون
|
Post: #47
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-24-2007, 00:17 AM
Parent: #46
Quote: رايك شنو ؟
اديك الباسورد بتاعي ومرة مرة خليني اتاوق معاك |
عبدالمنعم الحاج , ياسلام عليك ياأصيل !
أنا وأنت كلو واحد .. والقلوب شواهد.
وعلى الرغم من كل هذه المسافات عبر
هذا الفضاء, زى الكأننا متشاوفين من
سنين طويله ! .. لك جزيل شكرى ....
وخالص تحياتى ....... مامون
|
Post: #48
Title: Re: بهذه المشاهد ! .. وداعاً سودانيز أون لاين !
Author: jini
Date: 02-24-2007, 01:03 AM
Parent: #1
Quote: الله انا جيت ياكمال علشان أقول نفس الكلام بصـورة معدلة شـويه..
ايه رأيك يا مأمون تشاركني باس ووردي? |
وانا مستعد اسلفه الباسوورد حقتى سنة كاملة!
انتوا قشرى ابوقشر دا قعد يقرا البوستات دى ولا غاطس فى بوستات العلاقات العامة حقتوا ديييييييك!
جنى
|
Post: #53
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-24-2007, 10:30 AM
Parent: #48
جنى العزيز ,
لك خالص شكرى وتحياتى ,
أيها النصيح الوحيد !
أنا مجنون بيك دايماً يا رجل !
ألف تحيه ليك ..
مامون
|
Post: #49
Title: Re: بهذه المشاهد ! .. وداعاً سودانيز أون لاين !
Author: Raja
Date: 02-24-2007, 01:31 AM
Parent: #1
و في عدل في الدنيا دي. قلم مامون يدخل بالباب الرسمي وتتفتح ليه كل غرف المنبر..
طالما المنبر مليان بأقلام "الرصاص" القاعدة ترشنا كل يوم بالليل.
العزيز مامون.. سنقود حملة لتحقيق العدالة دي.. ونشكر لطف العزيز لطفي بسماحه لنا لمعرفة قلمك..
تخريمة: الصورة بتاعت لطفي ولا بتاعتك ..؟
ودي
|
Post: #50
Title: Re: بهذه المشاهد ! .. وداعاً سودانيز أون لاين !
Author: Raja
Date: 02-24-2007, 01:58 AM
Parent: #49
عذرا.. الكلمة الأولى "لو"
|
Post: #54
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-24-2007, 10:41 AM
Parent: #50
رجاء العباسى ,
العائده من الأحلام !
وبركه الجيتى زى ماقالو كل الناس !
ومافى مشكله يارجاء ماهو إنت هنا,
ونحن كلنا رجاء ! ألف تحيه ليك يا غاليه ..
مامون
|
Post: #55
Title: Re: بهذه المشاهد ! .. وداعاً سودانيز أون لاين !
Author: Ahmed Yousif Abu Harira
Date: 02-24-2007, 11:47 AM
Parent: #54
Quote: العزيز مامون.. سنقود حملة لتحقيق العدالة دي.. ونشكر لطف العزيز لطفي بسماحه لنا لمعرفة قلمك..
|
أولا نثني المقتبس من حديث الاخت رجاء العباسي وأغتنم هذه السانحة لأرحب بأوبتهاإلى حيث تنتمي...
-------------
مأمون المأمون
كيفنك يا أصيل ،،
هو بالله إنت الزمن دا كلو راكب جواز ؟؟؟
مره سألت شقيقك الصديق العزيز الفنان صلاح (فالوله) عن هل لمامون أبن اسمه الطيب؟؟ فذكر لي القصة كلها من طق طق إلى السلام عليكم...
يا مأمون:
الريس من أكرم الناس ولن يستكثر عليك منحة أنت مستحقها...وستكون عطيته بلا شك عطية من يملك لمن يستحق..
فمامون الصديق الصدوق الخلوق ظل صحبتكم يا بكري حولا بالتمام والكمال كان فيه فاعلا وجميلا وصادقا...فتكرم علينا (للمرة الألف) بصحبته هنا..
ما هماهو في الدنيا ويكبر كومـ(هـ)ـــا
غير ما يشيل هموم البرغي غالبا القومـا
ودمت ودمتم
|
Post: #58
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-24-2007, 08:02 PM
Parent: #55
| Quote: أولا نثني المقتبس من حديث الاخت رجاء العباسي وأغتنم هذه السانحة لأرحب بأوبتهاإلى حيث تنتمي... |
العزيز أحمد أبوحريره , ألف تحيه ليك ,
وأنت تلف هذا المكان بخيوط من الحرير ,
لك وللعزيزه رجاء العباسى بالغ شكرى ..
وما دام إنتو موجودين هنا , إذاً نحن موجودين !
مامون
|
Post: #56
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-24-2007, 06:16 PM
Parent: #49
الصوره لمامون يا رجاء ,
بس مامون الزمان !
لكن ما قديمه شديد .
مامون
|
Post: #57
Title: Re: بهذه المشاهد ! .. وداعاً سودانيز أون لاين !
Author: Mutwali Malik
Date: 02-24-2007, 07:29 PM
Parent: #56
اخي مامون
والي ان يمد الله لنا خيط وصل مع سيد الحوش نهديك مقاطع من اغنية المرحوم محمد احمد عوض
تفارق وين تخلينا لشوقنا وذكري ماضينا
وكيف بعدك يكون الحال وكيف تصبح ليالينا
لو في واحد حريف كدا يجيب لينا الاغنية هنا
لؤي - تمبس - ودالعباسية - احمد خضر وكل من يانس في نفسه الكفاءة
|
Post: #61
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-24-2007, 10:44 PM
Parent: #57
Quote: والي ان يمد الله لنا خيط وصل مع سيد الحوش نهديك مقاطع من اغنية المرحوم محمد احمد عوض
تفارق وين تخلينا لشوقنا وذكري ماضينا
وكيف بعدك يكون الحال وكيف تصبح ليالينا |
متولى , صاحب أجمل بوست عن أمدرمان !
محمدأحمد عوض ! .. عديل كده ! ياسلام يامتولى
ويا لها من ذكرى نشتم معها كل روائح أمدر الذكيه
ويعتمل شوقنا وذكرى ماضينا !
مافى فراق يا صديقى مادامت هذه الذكرى العطره النديه بيننا ..
مامون
|
Post: #62
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-24-2007, 11:23 PM
Parent: #59
تسلمى يا رجاء ,
شكراً على دعمك الكبير ..
تحيه ليك ولى جنى ..
مامون
|
Post: #60
Title: Re: بهذه المشاهد ! .. وداعاً سودانيز أون لاين !
Author: Hani Arabi Mohamed
Date: 02-24-2007, 09:30 PM
Parent: #1
فليبقى الجميع في سودانيز أون لاين
و البورد يحتاج لكل عضو من الأعضاء ليكتمل جماله.
|
Post: #63
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-24-2007, 11:30 PM
Parent: #60
ياسلام ياباشمهندس ,
هانى عربى . ولتبقى
إنت كمان بكل هذا
الصفاء .. وهذا
الجمال ..
خالص تحياتى .
مامون
|
Post: #64
Title: Re: بهذه المشاهد ! .. وداعاً سودانيز أون لاين !
Author: Mutwali Malik
Date: 02-25-2007, 03:19 AM
Parent: #63
اذن هي دعوة لتكوين سودانيز اوف لاين دوت كوم وكل زول يكبر كومو
|
Post: #65
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-25-2007, 06:31 AM
Parent: #64
عزيزى متولى , بهذا التواصل مافى أوف لاين على هذا الوجود !
الكل أون لاين .... متولى أرجو من الشباب إعادة تقديم طلب رسمى
بريد الإلكترونى كالآتى :
[email protected]
مع خالص تحياتى ......... مامون
|
Post: #66
Title: Re: بهذه المشاهد ! .. وداعاً سودانيز أون لاين !
Author: Abu Eltayeb
Date: 02-25-2007, 07:19 AM
Parent: #65
ياسلام .. شكراً ياشباب .. وصلنى الباسوورد الخاص بى و
شكراً بكرى أبوبكر .. ألف تحيه ليكم ..... مامون
|
Post: #67
Title: Re: بهذه المشاهد ! .. وداعاً سودانيز أون لاين !
Author: عبدالغني كرم الله بشير
Date: 02-25-2007, 07:23 AM
Parent: #66
يامرحبا، يامرحبا...
هذا الحبيب أتى، وكان مغيبا
فسرى نسيم الروح في احشائنا
فأمالنا طرباً كأغصان الربى..
|
Post: #71
Title: Re: بهذه المشاهد ! .. وداعاً سودانيز أون لاين !
Author: مامون أحمد إبراهيم
Date: 02-25-2007, 01:03 PM
Parent: #67
Quote: يامرحبا، يامرحبا...
هذا الحبيب أتى، وكان مغيبا
فسرى نسيم الروح في احشائنا
فأمالنا طرباً كأغصان الربى.. |
لم أك مغيبا , عزيزى عبدالغنى
وأنتم هنا ! وهذه النخبه المنيره .
الشكر كل الشكر لكم جميعاً ...
وشكر خاص ومن أعماق أعماقى ,
لبنات أهلى العزيزات , الرائعات
الشفيفات , الزاخرات :
منى خوجلى
رجاء العباسى
تماضر الخنساء
مريم بنت الحسين
وبنت أختى العزيزه ,
سلمى صبحى ..
فالنساء عطر هذا الكون وروحه
الفضفاضه المشرقه ..
أها ياسلمى دعواتك إتحققت
وإمتطينا الفضاء ات المطلقه .
ألف ألف تحيه ليكم ..
|
Post: #68
Title: Re: بهذه المشاهد ! .. وداعاً سودانيز أون لاين !
Author: نادر محمد الراضي
Date: 02-25-2007, 08:26 AM
Parent: #1
تاني ما تقول إنتهينا ... نحنا في عز الشباااب
|
Post: #69
Title: Re: بهذه المشاهد ! .. وداعاً سودانيز أون لاين !
Author: مامون أحمد إبراهيم
Date: 02-25-2007, 10:52 AM
Parent: #68
Quote: سلام عليك يانادر أهو أنا معاكم مانتهيت !
شكراً ليكم ... ويا له من شباب دائم !
تاني ما تقول إنتهينا ... نحنا في عز الشباااب |
|
Post: #70
Title: Re: بهذه المشاهد ! .. وداعاً سودانيز أون لاين !
Author: salma subhi
Date: 02-25-2007, 11:06 AM
Parent: #69
أولاً سلام واحترام والف تحية وانشاء الله تكون بخير ....غيبة طويلة
الى اين الرحيل؟؟؟؟ما عندك مشكلة هسعي ترجع بحقك براك...
سلامي للجميع بدون فرز
|
Post: #72
Title: Re: بهذه المشاهد ! .. وداعاً سودانيز أون لاين !
Author: Omer Abdalla
Date: 02-25-2007, 03:23 PM
Parent: #1
الأخ مأمون
ألف مرحب بك وأنت تدخل بالباب الأمامي في وطنك (سودانيزأونلاين)
وألف شكر للريس بكري أبوبكر
عمر
|
Post: #73
Title: Re: بهذه المشاهد ! .. وداعاً سودانيز أون لاين !
Author: مامون أحمد إبراهيم
Date: 02-25-2007, 03:45 PM
Parent: #72
Quote: Quote: يامرحبا، يامرحبا...
هذا الحبيب أتى، وكان مغيبا
فسرى نسيم الروح في احشائنا
فأمالنا طرباً كأغصان الربى..
لم أك مغيبا , عزيزى عبدالغنى
وأنتم هنا ! وهذه النخبه المنيره .
الشكر كل الشكر لكم جميعاً ...
وشكر خاص ومن أعماق أعماقى ,
لبنات أهلى العزيزات , الرائعات
الشفيفات , الزاخرات :
منى خوجلى
رجاء العباسى
تماضر الخنساء
مريم بنت الحسين
وبنت أختى العزيزه ,
سلمى صبحى ..
فالنساء عطر هذا الكون وروحه
الفضفاضه المشرقه ..
أها ياسلمى دعواتك إتحققت
وإمتطينا الفضاء ات المطلقه .
ألف ألف تحيه ليكم .. |
|
Post: #74
Title: Re: بهذه المشاهد ! .. وداعاً سودانيز أون لاين !
Author: مامون أحمد إبراهيم
Date: 02-25-2007, 03:57 PM
Parent: #72
يا مراحب أستاذى , عمر عبدالله ,
ياسلام على همتكم العاليه, وألف
شكر على التذكيه الرفيعه, الما
كنتو مشحودين عليها !..
حيوا معى الأخ الصديق الصدوق..
لطفى على لطفى الذى غيب نفسه
لأجلى ........ وياسلام ياسلام
ياسلام عليو ! وألف سلام ..
|
|