وداعاً

الشكر الجزيل للأخ بكري أبوبكر لحسن الإستضافة
والشكر أيضاً للأصدقاء -من الجنسين- الذين تعرفت عليهم في هذا المكان الرائع وقضيت معهم أجمل الأوقات







___
بكامل الحب و الرضى أسلم باسووردي (لبارئه)



وسأظل صديقاً لهذا المكان من الخارج كما كنت منذ الإنشاء

والعفو والعافية
سلام
سلام
سلام

ياسر .... انشاء الله خير يا ابوي

بالله عليك كان مشيت

اليومين دي المنبر بدأ يعود الي سابق عهده

رجائي ثم رجائي ان تظل معنا

لك حبي بلا حدود

لا تكن انهزاميا

ياسر طيفور

مبروك الوظيفة الجديدة

ياجنجويدى

ماقلت زول ركزى

اتصل بى

مع تحياتى
عبدالله الخليفة
9053711610

ياسر طيفور ،،،


يا ناس انتو ما بتشاورا ؟؟؟

يا زول نحن دايرنك هنا...بعدين اوع تكون حردان من زول؟؟؟

إنت ما سمعت حردان السوق مافي من يرضيهو ؟؟؟

أخد لك استراحة (محارب) وتعال

ولا تقل وداعا بل ...


إلى لقاء قريب

ياسر كده عيب

انت زول مفيد

يا طيفور:
والله الحردي فيك لا سمح لا شتين ..
انت قايل روحك رجاء العباسي ؟
يا زول ما تعمل اتنين بي قرش وخليك قاعد ..
انت اخو اخوان واخو الاخوان نحن ما بنسيبو يمشي ساي..
غايتو كان خلااااااااااااص اصريت والحيت انك تمشي وتاني ما حا نلاقيك حول لي اخوك 10 الف دولار ..
اصلو اخوك زول حنيك وعايز يستغل البورد ده اسوأ إستغلال..

ياسر طيفور

لن أقول لك ابق كاتبا ما دمت قد رأيت أن تبتعد وتظل قارئا.. فمتى رأيت العودة فعد والعود أحمد..

أنت إنسان جميل وراقٍ وأيضا سخن ومباشر لا تقبل المسخرة والنفاق..
لم أتابع البورد بما يتيح لي معرفة السبب الذي دعاك إلى مفارقته.. ولكني مثلك حزين على حال البورد الذي أصبح مباءة للتكفير والتكفيريين.. ولكن هذا هو واقعنا، والواقع على الأرض في داخل السودان أسوأ منه بما لا يقاس..

أتمنى لك التوفيق والسعادة..

ياسر الشريف

ياسر أخوي

الشئ البخليك تحرد دا تب ما ساهل والله
خابرك عريف
يا حبيب قول:
بسم الله ابتديت متل البرق لاحت
بالشين و الفسل بقينا نتباحت
طال الكان قصير و العالي اتاحت
والصولات حليلن ملكتن راحت

اها انتا يا اب (قلبا ميت) فازي و مخلي الناس للشين و الفسل!

ما كان العشم.

الاخ/ يــاسر طيفور


لكل منا ظرف ..ولكل منا حياة خارجه هذه الشبكة
تنظرنا ..واذا كانت هذه الشبكة سببا لترك حياتنا
التى خارجها ..فمن الاوجب الخروج والاهتمام بما هو
اهم واجدى لك ..وهذا ليس تقليل من قيمة الشبكة او الاخوه
التى جمعتك بهم هذه الشبكة ..وانما الشبكة ستكون موجوده ويمكنك
الرجوع اليه ..وسنجدها كما هى ..وانما حياتك البعيده من هنا
لا اعتقد بامكانك استرجاعها!!

فــا ياحبيب العفو والعافيه...واتمنى لك التوفيق.

ده كلام شنو يا ياسر
احنا يادوب فرحانين بمعرفتك...يا زول قول كلام تاني غير (وداعا دي)

الحمد لله بلا وانجلا
وغمه وزالت




























طبعا الكلام دا يا مسنوح عشان تجى راجع للدواس وتنسى حكاية وداعا دى

_________________________________________

مسنوح يعنى مقطوع طارى

ياسر طيفور
ياحبيب
حاول ضيف ده عندك ضروري :-
[email protected]

استقالة مرفوضة تماما
.
.
.
.
يعني لما انت تمشي البطلع صوري منو ؟
.
.
.
.
خليك قاعد وبطل حركات عشرة ورق دي
.
.
.
.
ولا أجيب ليك صورة الاستاذ

كلام مرفوض

لا لا لا

لا للانسحاب

لا للهزيمة
















لا لاستقالتك

تجرى يا راجل

ليه كـده ياسر ?
مادام عندك الوقت تقرا يبقي لازم تكتب وتكون معانا..
ماعهدتك منهزم!

أخى الشقيق ياسر طيفور.



انسحابك مرفوض.


وألف لالالالالا

عد كما كنت
ود محجوب

ياسر طيفور

انشاء الله خير مالك؟؟؟؟

يابني ليه .. مدام تعرفت بناس رائعيين مخليهم ورايح وين ؟؟

الأخ ياسر

سلامٌ من الله عليك

خذ راحتك كمحارب ومصادم وعد ..سوف نفتقد قلمك ولكن أظن ما باليد حيلة..

خالص الود

استحلفك لا ترحل
دمت

طيفور

لا ومليون لا

ارتاح شوية وتعال راجع

------
تكتر تقلل
البس جلابيتى واجى اسوقك من اضانك من البيت
وارجعك المدرسه

Quote: طيفور لا ومليون لا ارتاح شوية وتعال راجع ------ تكتر تقلل البس جلابيتى واجى اسوقك من اضانك من البيت وارجعك المدرسه

يا أوسلى الولد دا لو ما جاء راجع معاك كلمنى

الاخ ياسر
قريت الكلام الفوق ده كله بيعنى حاجه واحدة نكتب ونقول العايزينو نقولو طالما مؤمنين بيه وكلمه الحق الناس لازم
تتقال وندافع عنهاوفى نفس الوقت تتحمل والانهزام فى الحق ماعندو وجود رجاء انسى وشيل الفكرة من راسك

ياسر مكتوم في جوف أصداف ..
فتشت عليك بقليب نزاف ..

ماشي وين عليك الله ؟
كدي خد ليك يومين روق شوية وتعال صاد ..

ليه كـده ياسر ?
مادام عندك الوقت تقرا يبقي لازم تكتب وتكون معانا..
ماعهدتك منهزم!

as muna said



ya ragil

we need you here
to help to clean this board

thanks

mustafa

تكب الزوغة لمان بدأت تسخن...

يا جبان!

Stay with us please

يا راآآآجل..
الحكاية دي ماركة مسجلة لبشبش..


آخدها إستراحة وتعال..
أسمع نصيحة أخوكـ..


سواء أكنت داخل أو خارج الحلبة..


أمنياتي الطيبة لك حيثما كنت..

Quote: تكب الزوغة لمان بدأت تسخن... يا جبان!

مافيش فايدة


الرجولة والشهامة لا تكتسب

Quote: تكب الزوغة لمان بدأت تسخن... يا جبان!

ياســر طـيفـور = مقاتـل في جيش الفتـح (شرق السودان)

أدروب أبو بكـر = مقاتل في عصابة الشتائم الاسفيريـة (يكتب من ألمانيا) ..



ــــــــــــــــ ؟؟؟

....................

!!!!!!!!

لية بس ياياسر طيفور
الشقيق ياسر اتمنى ان تبقى بيننا

Yasir


there is no way


no reason let you do this becuase you can be ours from any spot from this

planet so so please dont



remember Ghada needs us all together




Thank you in advance for yr consideration





salah waspa

ياسر طيفو ر سلامات

شنو يعني ..
جات الشياطين - نحنا-
تطلع الملائكة - انتو - ؟

كنت احلم بحوارات معك ..

لك الود حاضرا او غائبا ..

عادل

على الرغم من قناعتي بعدم وجود سبب يستاهل ا لعملة المهببة

العايز تعملها دي لكن من حق الناس الحبوك ديل مناقشتهم

وطرح الأسباب .





غمزة :


أنا يا جماعة سمعت برة برة إنه قالت ليهو يا أنا يا حوش

بكري قام العوير إختارها هي !!! رجالة ورق

ما تقولوا لي دي منو دي ? مااااااابقول



صلاح واسبه

صقعـك في الرجال من (الفتح) مشهـود


وضـربك لفخـة الفاس المقابـل العود


عرمان جاك يهـز فوق (عركتـك) جقـدود


طيفـور عمـرك وإنـت الـ صـلـت بارود




أحمـد الشايقي

الاخ ياسر طيفور

لا ادري هل هناك اسباب ما دفعتك لهذا القرار اذا كان ذلك
كذلك فقد أخطأت ..يجب ان تظل هنا ..
اما اذا كانت لظروف خاصة بك ..فارجو ان تعود الينا قريبأ ..
ونعتبرها استراحة محارب ..

ياسر طيفور

يجب ان لا تغادر فمساهماتك مهمة بالجد

أخطأت ..يجب ان تظل هنا ..

محمدين اسحاق
سلام
هل كنت غائب من المنبر ام هي ايضا تصفية حسابات؟؟؟
هل قرأت ما كتبه ياسر طيفور؟؟؟
كتب يسأل عن جعفر علي دينار
بطريقه استهزائيه

واضاف بأنه لا جعفر ولا علي دينا يستطيع دخول المتمه لال ليبيع الترمس فيها.

عندما تصدى له تاج الدين
شتمه معيرا له بأنه ذو ملامح افريقيه,وامشي شوف وشك في المرايه
وشلاليفك دي ..وكلام كثير فارغ
مثل ياسر طيفور مكانهم ليس هنا

Quote: الاخ ياسر طيفور لا ادري هل هناك اسباب ما دفعتك لهذا القرار اذا كان ذلك كذلك فقد أخطأت ..يجب ان تظل هنا .. اما اذا كانت لظروف خاصة بك ..فارجو ان تعود الينا قريبأ .. ونعتبرها استراحة محارب ..

هل مثله محارب؟؟؟
هنئيا لعلي دينارك بيع الترمس في المتمه أذن.
تراجي.

تراجي الحبيبة
مافي زول بيقبل بأي تجاوز تجاه أي عضو أو عضوة
صدقيني لم أقرأ ما كتب سوى الآن و حتى لو كنت قرأته
كنت سأدينه وقتها دون أن يؤثر على رأيي أن يبقى ياسر
تعرفي الكتابة في المنبر و ما بها من شطط و زعل و مغاضبة و فقدان أعصاب أحياناً
نعالج دة بالمزيد من التكريس للديمقراطية و الإلتزام بأدبيات تعصم الجميع من الإنزلاق لفلتان الأعصاب و الكتابة تحت وطأة اللحظة المتوترة.
مافي مبرر نهين بعضنا تحت أي مسبب من المسببات يا تراجي.
لكن سؤالي باعتباري لم أتابع المنبر خلال اليويمن الماضيين:
لماذا كتب ياسر ما كتبه؟
تقديري و محبتي
لنا

لنا
سلام
قد تكوني غائبه فعلا.
لكن الفيلم ده مطول
وقبله احمد عبد الله ايضا كتب العجب العجاب
ياسر سليط
اختلف مع الكثيرين هنا
لكن جنس سلاطة ياسر ونذار واحمد عبد الله
التي تصل حد السفاهة لم اراه.

وربما حان الوقت لنعترف
بأنه من قيل عنهم امنجيه لم نسمع منهم ما سمعناه من هؤلاء.
امشي الخور وشوفيه كتب ده ليه.
كل ما هنالك انه كتب لبشاشا ان من خلفوك منحطين
غضبت انا لانه شتيمته امتدت لاهل بشاشا
ولا اعتقد تقبلينها لهم
فلقت له انت احقر من عرفت
فكان ذاك رده.

والفات كثير ودوما هو المبتدأ.
تراجي.

Quote: لكن الفيلم ده مطول وقبله احمد عبد الله ايضا كتب العجب العجاب ياسر سليط اختلف مع الكثيرين هنا لكن جنس سلاطة ياسر ونذار واحمد عبد الله التي تصل حد السفاهة لم اراه.

البذاءة يا ام رشيرش انتي عندك خلقة ما صنعة
شايلة موسك و حايمة تنجضي في العباد تتهمي في الناس
اولاد الناس بانهم اولاد زنى .. وبذائتك ايضا طفحت
الى القرى المجاورة و بالصوت و الصورة كمان توزعي في
الاتهامات فلانة حملت سفاحا... فلانة بتقدم الخمر ....
فلانة شنوا ما عارف ... ( أجيب ليك الروابط هسة )
انتي اخر واحدة تتكلمي عن الفضيلة و الكتابات المحترمة
لانك بعيدة عن كل ده ....
ونحن للان ما قلنا حاجة و بامكانا نكتب الكثير المثير
و سنفعل اذا تماديتي في زهوك الاجوف ده .....

غايتوا ناذر ما خاتي عليك لو فال انك عبيطة

كانت هذه مداخلة لك وقد اختفت ,

Quote: الاخت هنادي بت الفضل وكمان لنا مهدي ولاني احترمكما هل يا ترى هذه نوع المسهامات الجاده لياسر طيفور؟؟

وهي من الوصاية على أفكار الناس وآراءهم وعواطفهم ايضاً

أي ديمقراطية هذه التي ستأتي بأمثالك قادة, ؟؟؟؟؟؟

وأي عدالة هذه التي تدعوكي لاقتباس مداخلات ياســر طيفور دون إيراد مداخلاتك ومداخلات تابعيك التي كان يرد عليها ياســر في نفس البوســت ؟؟؟؟؟؟؟

مكشوفة أنت يا تراجي وغير مرغوب فيك,

لو كنت مكانك (ويستحيل هـذا) لغادرت فوراً.


أحمـد الشايقي

احمد الشايقي
عارف واللط بطني طامه منكم اكثر
لكن قاعده لك شوكت حوت لا بتبنلع لا بتفوت
يازول قول كلام ثاني
باصاتك انت وصباح حسين بقت مشكوفه:

Quote: مكشوفة أنت يا تراجي وغير مرغوب فيك, لو كنت مكانك (ويستحيل هـذا) لغادرت فوراً.

ده يقول غير مرغبو فيك وهي وتؤم الروح تقول تعالوا نطالب بمغادرتها
وبكري يمسح في المداخلات.وعيييييييييييييييييييييييييييييييييييييييك


اصلا انا لوقاعده عشان يكون مرغوب فيني للزيك تبقى مشكله كبيره خلاص.

Quote: كانت هذه مداخلة لك وقد اختفت ,

ما تسأل بكري بمسح ليه؟؟؟؟
عايزه بتلقاها في منبر نيو سودان دوت اورج
عشان بنوثق اولا باول
عشان حركات بكري دي ومسحها للماعايزه .

وتأكد لا خايف منك ولا من طيفورك
الكتبناه كله رد على سخافته وقلة ادبه ولماضته.
تراجي.

هكذا هس تراجي,

لا توجـد زفـة في هذا المنبر ولا مأتــم إلا وأتت وأفســدتـه على أهـلــه,

يا تراجي ليس مرغوب فيك في هذا البوست تحديدا,

فهمتي وللا نعيــد ؟؟؟؟


شرفينا بغيابـك,

ياخي بالديمقراطية كــدا , خلينا نصــوّت,

شوفي المتفقين معاك كم والمتفقين معاي كــم ؟؟؟

بعد داك ممكن تفهمي انه دا بوســت خــاص,

بعدين ياخ

لو كان أنا ما عايزك ما مشكلة,

بس لو كان وصلت لأمين المنبر نفســه, دي مشكلة كبيرة,

Quote: ده يقول غير مرغبو فيك وهي وتؤم الروح تقول تعالوا نطالب بمغادرتها وبكري يمسح في المداخلات.وعيييييييييييييييييييييييييييييييييييييييك ما تسأل بكري بمسح ليه؟؟؟؟ عايزه بتلقاها في منبر نيو سودان دوت اورج عشان بنوثق اولا باول عشان حركات بكري دي ومسحها للماعايزه .

راجعـي نفسـك يا صــديقــة الصــهــاينــة

المشكلة إنك ما قاعد تراجعيهــا, أي واحــد في مكانك كان راجــع نفســـه,

بس والله أنا متأكـد إنه الصـهـاينـة أنفســهــم ما عايزنك,

دي حالــة سـلســيـونيــة جــداً , لو بتعرفي السلسيون....



أحمد الشايقي

Quote: بيع الترمس في المتمه أذن.

الفاضلة تراجي .......
أتمني لو سحبت هذه العبارة

مودتي ....

الاخت العزيزة تراجي لك التحية

Quote: محمدين اسحاق سلام هل كنت غائب من المنبر ام هي ايضا تصفية حسابات؟؟؟ هل قرأت ما كتبه ياسر طيفور؟؟؟ كتب يسأل عن جعفر علي دينار بطريقه استهزائيه

صدقيني فعلأ انا غائب عن البوستات وخاصة تلك التي اشعر ان بها
شخصنة مواضيع ..و للحقيقة حتي المشاكل لو جات لعندي ابعد منها
فالفينا مكفينا و زايد ..
بالنسبة للاخ ياسر طيفور لي اسبابي التي جعلتني اكتب له ان يظل في المنبر..
بالنسبة لتصفية حسابات التي ذكرتيهافهذه ليست لها مكان عندي ..
و هي عندي من الصغائر ..انا لا انتقم لنفسي و لا افكر في ذلك مهما اسئ لي ..

كان لمّـينـا داك اليوم مصـنّـف عيـد


وكان شـتّـينا مدخـورلك قديم وجديـد


المك اللـزوم جاسر الضـراع والـ ايد


معروف بالتمـام تختاكا قولة ( زيــد)



أحمـد الشايقي

ود طيفور

hi man

انتى قايل على كيفك تجى وكت ماداير وتمشى وكت ماداير....
لا الكلام اعوج منك بالحيل .... دحين الجماعة قالوا ليك امشى اخد ليك انجمامه ,وتعال صادى...

ماطول الغيبة يامان

شوال من المودة

ياسر طيفور أخوي الصغير قايل روحك على كيفك تمرق من هنا؟
يا ياسر لابد أن تظل هنا يا حبيب وللا بكلم ليك

الابن ياسر خلى البهدلة البسوى فيها دى . انت مطلوب وبشدة اتوقع منى اتصال اخر الليل.

مع اني الزول دا كان بريدو اريد الكلاب
الا والله حزنت لانه حيمشي

لانه اي زول في البورد دا عنده حوبة ومكانة جوة نفوسنا..
اتمنى انه ما يمشي رغم المكاوية حقتو لي...
لاني عارفة ماذا يمثل البورد لنا
فهو اقرب النقاط الى (هوم)
ارجوك عد واصرف النظر عن الهجرة الساكانا دي

أم رشيرش ..

Quote: مثل ياسر طيفور مكانهم ليس هنا

وإنتي لمن كتبتي وقلتي الجعليين كلهم أولاد زنا بفعل جيش الدفتردار .. يكون مكانك وين ؟!!
وكت ما بتستحملي الكلام الفارغ الإنتي إستنيتيهو في المنبر دا .. قلة الادب ليك شنو على قبائل عريقة زي الجعليين ؟!

ياسر
؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟
؟؟؟؟؟؟؟؟؟؟
؟؟؟؟؟؟؟؟
؟؟؟؟؟؟
؟؟؟؟
؟؟
؟

الأخ العزيز ياسر طيفور..

سلام..

كراعنا حارة للدرجة دي..؟

أخي ياسر

خذها استراحة وارجع

فأنت من القلائل الذين يتيزون باسلوب عنادي شيق وممتع
مداخلاتك تجعل للبورد نكهة مميزة فلا تحرمنا منها


أخوك واثق مكي

"قالوا" والعهده علي من "قالوا"
النِضال خشم بيوت (علي حسب تعريف مناضلين الجعجعه)
هنالك مناضلين صفرجيّه ، بغسلوا ، بلعبوا كوره و....إلخ

يا ياسر ما تشمت عليّنا مُناضلين الإسفيّر.

إنت مناضل بيشهد
لك المِيدان.


آخد لك هُدنه... بس تعال راجع
لاترمي الباسووورد لأنو هو سلاحك!

حيختِفوه منك علي طول


أرجع تعال بعد الإستجمام!


إنا ها هُنا مُـنتَـــــظرون إستغفر الله قابعون



أرجوك
لا تخذلنا





تلفونك علي
جناح السرعه


أتشرف
بمعرفتك.

الأخ ياسر
تذكرت عادل إمام في احدي مسرحياته يتحدث عن أحد رؤساء روسيا أساميهن المقلبة وطويلة ديك
قام صاحبوا قال ليو
الزول دا مات ياخ
قام عادل إمام قال ليو:
زمني دا كلوا أخفظ فيو: أصلو من نحفظ لينا اسم رئيس اقوم اموت
يا زول عمرك طويل
الزمن دا كلو ما لاقيين لينا زمن لمن نلقي لينا فرقة ونعرفك تقوم تمش
عُد إلي ثكناتك سالماً
وبعد ما تتصل علي ود الخليفة سلّم لي عليو وتعال لي بي هناك

عندي معاك مساررا



زين العابدين- الحليلة

ما تبالغ يا ياسر .. ياخوي البورد من غيرك ما ببقى.

Quote: مع اني الزول دا كان بريدو اريد الكلاب الا والله حزنت لانه حيمشي لانه اي زول في البورد دا عنده حوبة ومكانة جوة نفوسنا.. اتمنى انه ما يمشي رغم المكاوية حقتو لي... لاني عارفة ماذا يمثل البورد لنا فهو اقرب النقاط الى (هوم) ارجوك عد واصرف النظر عن الهجرة الساكانا دي

يا جنا
اسمع كلام خالتك بيان

العزيز ياسر
معقولة بس وإنت قايلو على كيفك؟ فمكانك هناقلمامشرعا ينير درب المتنكبين ..
سوء الفهم والمناكفات شيء طبيعي ويجب أن نستفيد منها في تحسين أدواتنا لا أن يصل بنا الإحباط درجة ترك هذا الميدان لقوى الهوس تمرح فيه كما تريد ..
أرجوك أعدل عن قرارك ولا بأس من أخذ بعض الراحة اذا رأيت أن ذلك سيعدل مزاجك ..
أخوك عمر هواري

يا ياسر لامن الباسورد حقتى راحت لمدة سنتيين

انت الكتبته و الطلبته من بكرى يرجعه لى ,اها انا استلمته

ودخلته, انت عايز تمرق وتسلم بكرى الباسورد حقتك .

الرجاء تعديل وداعا دى وخليها سوف اغيب عنكم فتره واعود

وبعدين اسمع كلام الناس الكتبو ليك فوق دا واجبر بخاطرم

لانه والله لو ما شعرو بانك زول كويس مافى زول بيشتغل بيك .

فعدل عن رأيك وعد متى ما شعرت بانه يمكنك العوده و المساهمه مع الكل.

اصلها مرات بتقفل مع الواحد .



الله يلعن الشيطان

Quote: بكامل الحب و الرضى أسلم باسووردي (لبارئه) وسأظل صديقاً لهذا المكان من الخارج كما كنت منذ الإنشاء

ياســر ..
أول حاجة:
مسالة تسلم باسووردك لبارئه ... ما علي كيفك ؟؟
تاني حاجة:
مسالة حراق الروح دي حاجة عادية .. انا القدامك ده مرات بجيني حراق الروح ده . لكن لما الاقي ( بشاشا+ استيف ) بحس انو الدنيا بخير ..
قول لي ليه..؟
قلت لي ليه ..
لانو الدنيا دي مهما كانت تعيسة وأموره جايطه .. في ناس بمنحونــا الإستمرارية وبنعادل بيهم كفة الميزان ..
يعني لما بشاشا يقول عوووووووك + عييييييييييك ويا عزيزي القارئ انا ماشي بعتبره مسألة عادية لانو بشاشا ( الجلابي المتنكر ) اساسا ما عندو ذمة بي تعريفة... يمشي يشخر وينوم ليهو يومين تلاتة .. ولما تفرق معاهو يجي يفكها فينا.
لكــن..
لما تقول ماشي أنت يا أي حد تاني .. صدقني وبي كل تعاسة أقوله ليك
بحس اني فقدته جزء مهم جدا مني .. وبتبقى المعادلة ( مشقلبه )
خاصة لما الواحد يركب راسو شديد في ( وكت ) بدينا نجمع فيهو ( عافية ) مفقودة وروح قتال ( شريف ) مفقودة من زمن ..
ما تتخاذل يا صاحب
انسى انك كتبت اي كلمة هنا اذيت بيها زول ...
تجاوز عن اي حد أذاك بي كلمة .. وأصفح
سامح نفسك . بس لثواني
وأغفر
.
.
كلنــا في غربة ونحتاج ( لرئة ) لنتنفس اي ( سموم واي طراوة واي كتاحة )

تعال ياهالك .. ( نشكها ونوزعه ) من جديد ..

وكان علي .. ده ( طرفي ) من بشــاشا خليتو ليك ،، إن شاء الله يضوي ليك



بس ما تمشي ياصاحب

تقول بالأمان فوق النحاس بشربو
لامن يسمعو الناس البعاد والقربو
عقب البدنو طه يمبن عقاب نخربو
انا المك نمر كبريت يحرق الجربو






نمراً يركب الكيك البطل اتحرن
نمراً يقلب العوقه اب صفوفن جرن
خلوات صدرة فى علوم الحروب كم قرن
سيفو بنسف الدرع الحديد مقرن

مو نمر الشدر حاضن فروعو مقيل

ده النمر البواسى الصف محل ما يميل


قدر ما اقول شكر القاه فيه قليل



وياسر طيفور احد اشبال عرمان الكبير جد الجعليين

يا جماعة ياســـر وينــــو ?



يعني ماهـــــبــــــبـوا لــيـــنــا




مـاممــكن تــكــون دوســت عـلـى زرار وطلعت من البـورد .




روق المـنقـة يــا تــورونــتـــاوي




أظــهــر وبــان ومــاتعـمل لينا زي مــعـاز فلانــتــايـن .






صــــــلاح واســــــبه

شنو يا ياسر

ما تبطل حركات الجيش دي وترجع


الله

ياسر ... لاتفعلها ياصديقى
أحس بمقدار الألم و عمق الجرح .. وكلنا فى الهم شرق
أبقى هنا ...
و لاتهتم


سأوافيك مكالمة حالاً...

دم كما أنت

ياسر

ياراحـه تتـعب كل زول

فى حـضرتك حـزنى بيزول

ياسر ياخي نحن بنحبك جداً
وعايزنك هنا
لانك رمانة الميزان

قرار مفاجئ ... ومزعج ... يا ياسر ,

أرجو الإستماع لصوت من يحبوك , ولما قالوها صراحة ,

كما أستمع كذلك لصوت ليس بالضرورة نابع من الحب لكنه

يتوخى الآخر ويتحسر على مفارقته ... رغم الإختلاف والإعتراك ,

عزيزي ... ياسر ... نحن هنا جزء من حوار فظ لفظاظة الظرف

الراهن ولإعتوارات دامية فى تاريخنا كذلك ... ولإبتداءآتنا

العملية فى ممارسة الديمقراطية الشعبية وممارسة حق الكلام,

الذي هنا فى منبرنا هذا يعني الكتابة ... فهي مرحلة على المستوى

الوطني حاسمة ومهمة وهي فى واقع الامر كلفة { العبور } للأفضل , وهي

كذلك ثمن { تطبيع } سلوكنا ومفاهيمنا وممارساتناعلي سبيل الديمقراطية ,

مع هذا ... فهي مرحلة { إستثنائية } لن تستمر تعاساتها وعذاباتها التي

ربما الإحساس بها فى وقتك الراهن ... هو سبب قرارك المفاجئ هذا ...

لدي شعور عالي بان كل الإحتقانات التي نتلظى بينرانها الآن ... وكل الظنون

{ الخبيثة } التى يتدافعها الناس هنا وكانها { hot potato } سوف ينتهي

عهدها لا محالة ولا على كيف زول , فقط لأننا نكبر ولأننا نتغير ولاننا فى عالم

لا يسعفنا فيه الثبات , ولان وطننا لا يحتمل كل شئ وعلى الدوام , ولأننا جيل

يواجه تحدي جسيم ... فالتجاوز هو قدرنا ... والصمود هو قلادة الشرف ... عزيزي .


لا أقبل خروج أي زول من هذا البورد ... بل كانت جراحنا أعظم حينما توقف بعضنا

بتقديره الخاص أو بتقدير إدارة البورد المحترمة ... ومن لحظة الخروج العاسر

هذا يكون الهم والكلام والغليان فى إتجاه عودة الطائر إلى السرب والسرب إلى

دوحته { بورده } ... ونحن هنا نستهلك طاقة وننزف وقتا ونضيع باندوث ... فيما

الأحرى هو إستمرار الحوار القومي رغم تشعباته وتعارضاته ... والاحرى كذلك هو

{ ثبات } هذا المنبر ورسوخ ركائزه كإحد الدعامات المائزة لسودان الرأي والرأي

الأخر ... بل يشرفنا أن يتطور هذا المنبر ولما هو آخذ فى التأثير المتعاظم على

الساحة السياسية السودانية , وغير السياسة ... كيف كان ممكنا لنا أن نسمع هؤلاء

الشعراء والأدباء والمغنين ... بل كيف كان يمكن أن تتوفر لنا معرفة عدة آلاف من

أعضاء هذا البورد... وأن نضيف عشرات منهم لسجلات علاقاتنا الشخصية الغالية والمحترمة .


كده ... يا أخوي ... أديها صنة ... ونسمع منك كل خير .

No

Quote: وإنتي لمن كتبتي وقلتي الجعليين كلهم أولاد زنا بفعل جيش الدفتردار .. يكون مكانك وين ؟!! وكت ما بتستحملي الكلام الفارغ الإنتي إستنيتيهو في المنبر دا .. قلة الادب ليك شنو على قبائل عريقة زي الجعليين ؟!

كلام مرفوض

لا لا لا

لا للانسحاب

لا للهزيمة

لا لاستقالتك

الاخوه الاعزاء


والله مشيت اتكلمته مع الاخ ياسر , اتكلمنا كتير

وعرفته منه انو القرار دا جاء نتيجه حاجات خاصه

بيه و شخصيه ما عندها اى علاقه بالاحاجات والمداخلات الفى الممبر


وهو الان متمحن لانه قال حيجى يرد على الناس بردوود مفصله .




-------
غايته الله يقدرك على الردود لانه الناس ديل كتار بالحيل

وفى ناس لسه ما قرو الحكايه دى .

والله لو ودع هو الكسبان
ونحن الخسرانين
لانو نحن يادوب جينا
وبنعرف من خلال متابعتنا الدقيقة جدا
انو ياسر زول حقانى جدا
ويبدو لى والله اعلم في ناس مسخو المنبر
اما بوجودهم
او بمفارقتهم
وعلى كل حال
ياياسر
لو مشيت بعد ها الحال
دون رضا كل الناس
الكويسين زيك
تكون اجرمت في حق المنبر
والسلام
اخوك سيف

ان شاء الله ياسر يرد على التلفونات البتجيه

لانه من ما نزلته البوست الفوق دا بعد تلاته دقايق

تلفونى دور كلهم بيسالو من تلفون ياسر لانه ما خاتى

نمره تلفونو فى البروفايل .غايته تسويها و يردو جيرانك.


---------
و على الضاربين مراعات فروق الوقت

حمد

المك نمر اخوي يا مك

والله البيت دونك ما بيت

والمكان بدونك خراب

ياخ معقولة تفوت؟

استهدأ بالله وتعال محتاجنك يا ولدنا

ياسر اجبر بي خاطر الجميلين ديل وتعال

ود ليك حبيبنا ياسر ومحبة

ناذر الخليفه
وعبد المحسن سيدالجايب الاقتباس

قلة الادب بدأها ياسر طيفور

القال لي(هنايه) وقال عليى دينار ولا غيره
ما بيدخل المتمه الا يبيع ترمس!!

وقال لتاج الدين شلاليفك دي منظر تقابل بيه الناس
فجأئه الرد مني:

Quote: انت فرحان بملامحك المسمه دي ؟؟؟البركه في حملات الدفتردار الانتقاميه!!

وده اقل رد يتقال لاي انسان عنصري بيتكلم كلام زي ده.

Quote: قلة الادب ليك شنو على قبائل عريقة زي الجعليين ؟!

ام ادعائك انه في قبائل عريقه وقبائل غير عريقه

فهذا تبله وتشرب مويته

انا عندي اي سوداني عريق

وبالعكس العناصر الزنجيه اكثر عراقه من اي عناصر مختلطه,بما فيهم انا.

والجعلين كان بقى ممثليهم بالمنبر

انت وياسر طيفور ياها الترابه الكالت خشمهم.

تراجي.

الاخوه الاعزاء
الاخ ياسر سوفه يعاود الكتابه من جديد مرحب بى ياسر مرحب

مو نمر الشدر حاضن فروعو مقيل

ده النمر البواسى الصف محل ما يميل


قدر ما اقول شكر القاه فيه قليل



وياسر طيفور احد اشبال عرمان الكبير جد الجعليين

حبيبنا ودطيفور ..

كعادتي بكـ ..

سأنتظركـ دوماً فى المطارات ..
هلا أستجبت لمن أحبوكـ ؟؟؟

يا أصدقائي وصديقاتي
أنا لا إستحق كل هذا
-حقيقة وليس تواضعا-ً

سوف أعود إليكم فرداً فرداً

ولكن ووالله العظيم لم يكن وراء توقفي أي من الأسباب المذكورة
كان لسبب شخصي بحت

____
شكراً لحسن ظنكم بي
أتمنى أن أكون قدره

الليلة اكتب يا قلم واحكيلو عن كل البدور

قول ليهو الاماسى بدت تجور

وماف إلا غير ياسر طيفور البوقف الكلاب طابور
مرحب كبيره يا ود عمى وحببابك الف

Welcome back

ياسر،
ياخي انا لسه ما خشيت معاك في اي مداخلة معقوله تمشي كده؟؟ياخي عليك الله اقعد؟









تخريمة:
انت ماشي برشلونة ولا شنو؟

Quote: يا أصدقائي وصديقاتي أنا لا إستحق كل هذا -حقيقة وليس تواضعا-ً سوف أعود إليكم فرداً فرداً

ياسر ارجوك لاتعسر ومافى ليك طريقة تطفرنا

وقربانا عشان ماتمش سوف أحكى لك لاحقا

جلستنا قبل يومين مع الكتور العلامة عبدالله النعيم

الذى زار الدوحة خلال الايام الماضة مشاركا فى منتدى أمريكا والعالم الاسلامى

الذى تستضيفة العاصمة القطرية سنويا بالتعاون مع معهد BRookINCS

وجلستنا كانت محضورة بدكتور دالى استاذة اسماء محمود وسمية محمود وباقة من الاصدقاء

ولم تكن جلسة فحسب بل كانت سلة فكر وافكار

أم رشيرش مساء النور ..

Quote: وقال لتاج الدين شلاليفك دي منظر تقابل بيه الناس

ياسر في دي معاهو حق لانو بالجد الحصان بتاعك داك ببالغ وكمان خاتي صورتو زي التقول ما سمع بي إختراع إسمو مراية !!!

Quote: ام ادعائك انه في قبائل عريقه وقبائل غير عريقه فهذا تبله وتشرب مويته

الإدعى منو بي كدة يا كوجيم إنتي !!
أفهمي كلامي كويس وبطلي الشتارة ..

Quote: وبالعكس العناصر الزنجيه اكثر عراقه من اي عناصر مختلطه,بما فيهم انا.

إنتي مختلطة بي ملاح شنو يا ربي ؟!!
بتعرفي الشجرة ؟!
سمعتي بي غنية فريع البان !
أو غصن الرياض المائل ؟؟!
أو غنية تناسب عقلك زي (يا طالع الشجرة جيب لي معاك أآآآ ... حصان) ؟!
جيبي ليك منها فرع وتعالي نازلة ..
قال (بما فيهم أنا) قال !!

أخى ياسر

أعرف تمامآ ما حدث وانت عارف أنا جبت الكلام المعنى ليه وبعدها حصل الحصل
ياخى المسايل الزى دى خصوصأ فى زمننا ما بتتحل بالإنفعال ودا الجاب ليكم اللوم انت لومتنا مع اسرة السلطان على دينار واللى بنكن ليها كل إحترام واللأخت تراجى كتبت ما أعجز عن وصفه فى أهلى وأنا منتظر أشوف بكرى حايعمل شنو فيها عشان كدة أنا ماحااتداخل معاها وإذا كمان هو ما إتصر ف هوذاتو يحلو منى الله

تخريمة

ياجماعة التخريمة دى ما ليكم دى خاصة لى ياسر عشان مايمشى

نمر جدك لما جمع الناس واخلى شندى ومشى يعسكر فى الخلا الكلام دا فىناس ماكان قبلانين بيهو حصوصأ سعداب المتمة ناس المك مساعدومناصريه من النفيعاب إمكن عشان العداوة القديمة
المهم في القصة انو فى واحد قنعان ومارق ليها مشى لى نمر وقال ليهو

يا المك قليبك طفر
سويت سكونك شدر
إدلى أرد البحر
وخلى الكتال فوق جعل



دحين ياخوى انت تركز هناوأول حاجةتعملها تعتزر للناس ديل زى ما قاليك أخوك عادل وتأكد إنو الكاتب لايمثل إلانفسو حتى وان أشار فىما كتب إلى أهله

حاكو حاكو .... الجداده

الواحد يقع في البئر تقعوا وراهو




___



ياسر عليك الله ما تمشي

كم اسبوع وجاييك يا راجل يا اصلي



خصمتك النبي يا ياسر



محبتي

منعم

الأخ ياسر

الضيوف الكرام


مرحباَ بِكمْ


أخونا ياسر طيفور

نشكرك علي الإيضاح


نعم أنت ذاهب لظروف شخصيّه
نُقدرها تماماَ..

في مُداخلتي الأولي
عندما طلبت رقم هاتفك
في نيتي شيئين:

الأول: أن أطالبك بأن تعتذر للأخ
تاج الدين..

صرف النظر عن ما بدر منه
هذا ليس مُبرر لأن تسخر وتستهتر بخلقته..

أنا أقدر وجهة نظرك تماماَ ولكن
شخص بقامة ياسر طيفور ما
كان ينجرف لمثل هذا القبح ، أنت أكبر وأجل
يا ياسر ..

أخونا تاج الدين ، أنت أو غيّرك
لو كان الله شاورهم عندما خلقهم أو لديّهم سلطان
في كيّفيّة خلقتهم لكان طالبوا ربنا
بجمال سيدنا يوسف ولا يُمكن أن يقبلوا دون ذلك!

أو طلبوا من ربنا بدل يخلقهم في الدنيا
ليخلقهم في الجنه علي طووول وما كان رضوا بهذه البهدله.

كرأي الشخصي وأنا مليان إيمان "بِهذا الرأي"
أطالبك بالإعتذار لأخونا تاج الدين
قبل أن تُـغادر هذا "الوطن"..

الشيئ الثاني:
إفتخر بمعرفتك ونحن نرزح تحت
سماء سودانيزأونلاين ، كندا والسودان
لأن عدونا مُشترك يا ياسر .


مودتي.

Quote: كان لمّـينـا داك اليوم مصـنّـف عيـد وكان شـتّـينا مدخـورلك قديم وجديـد المك اللـزوم جاسر الضـراع والـ ايد معروف بالتمـام تختاكا قولة ( زيــد)

Quote: مو نمر الشدر حاضن فروعو مقيل ده النمر البواسى الصف محل ما يميل Quote: الليلة اكتب يا قلم واحكيلو عن كل البدور قول ليهو الاماسى بدت تجور وماف إلا غير ياسر طيفور البوقف الكلاب طابور مرحب كبيره يا ود عمى وحببابك الف قدر ما اقول شكر القاه فيه قليل وياسر طيفور احد اشبال عرمان الكبير جد الجعليين

ASAAD IBRAHIM
لا خير تب يا أسعد
لك من الحب أصدقه وأجمله

صلاح الدين عبد الله محمد
أشكرك لأنك هنا
لك مني ما تريد

Abdalla Mohamed
الخليفة عبد الله
بركة الوداع الجايتك لينا
برجع ليك بالتلفون

Ahmed Yousif Abu Harira
شقيقك ما بعرف الحرد
لك كامل مخصصات الشقيق البعرف شقيقو
أحبك

حيدر حسن ميرغني
لك عندي معزة خاصة
ولكنها ياصديقي طريحة الكتمان
كن بخير

عمر الفارق
ذات مرة وانا بتكلم مع الصديق الغائب معتز تروتسكي
قلت ليهو: تعرف يا معتز عمر القاشور ده أنا بريد مكاجرتو
وبتكيف منو، لكن أصلاً ما بصرح ليهو بذلك لأنو مفتري
ومرات بهبش ناس أصحابي.
لو بقينا هلالاب بس، يكفي يا عمر
لأنو بكون في مريخابي من الناحية التانية داير ردم

Yasir Elsharif
أول مرة إلتقي فيها بالأستاذ الحبيب عمر هواري
كنت أول من أسال عنه لأني متابعك قبل أن أتتي لهذا المكان
أصدق الأشياء لاتظهر للعلن
تحيات زاكيات

Saadeldin abdelrahman
انت صديق غير قابل للصدأ
أنا أحبك وبس، يا سعد

Bob
لو حتى نبدأ من الألف
الأخوة لازم تأتلف
رحيل عبد الماجد كان سببا لأتعرف على دواخلك
أبق طيب يا أيوب

عبدالكريم الأمين أحمد
أنت صديق كريم ودشاش
دشيت دواخلي، حيث مرتع الأصدقاء
البنت الجريدة!
غادة نوري!
محمد عبدالسلام!
يكفي صلدك هناك

علي محمد علي بشير
ياخ أنا مدان ليك بإعتذار
لكن أقول ليك حاجة!:
يسمك
لكن بعوضو لك حاجة تانية
اكبر من الإعتذار المبزول والمبتذل علي صفحات المنبر
أديني رضاك قدامي سفر

سفيان بشير نابري
يازول من خامة فريدة
أضفتك من زمان يا صديق
أمني عيوني بي شوفتك
وبلاقيك كان الله هون

معتز القريش
أنا ظلمتك يا معتز ياخ
ووالله يا معتز لا أرضى الظلم ولا الحقارة
انت ظلمت المظلوم يا معتز وهذا ظلم مركب
بالرغم من مظهري وكتابتي غير المرتبتين،
إلا أنني لي خطوط حمر ومحمود أحمرها
أنا مدان لك بإعتذار، وسأفعل قريباً،
أتمني أن تعتذر لمحمود حينما تدرك
إنه قتل ظلماً
أتمني أن تفعل ذلك ولو سراً

كل ما أشوف الحضور وألقاك أون لاين

أقول الحمد لله الزول جبر بي خاطر الناس ديل

كثيرون يريدون بقاءك وأنا منهم

لك كثير من الود

وأهي فرصة الواحد يعبر عن مشاعرو

فتشت لي وش ضاحك أحسن من كدة ما لقيت

كتب ناذر الخليفة:

Quote: أم رشيرش مساء النور .. Quote: وقال لتاج الدين شلاليفك دي منظر تقابل بيه الناس ياسر في دي معاهو حق لانو بالجد الحصان بتاعك داك ببالغ وكمان خاتي صورتو زي التقول ما سمع بي إختراع إسمو مراية !!! Quote: ام ادعائك انه في قبائل عريقه وقبائل غير عريقه فهذا تبله وتشرب مويته الإدعى منو بي كدة يا كوجيم إنتي !! أفهمي كلامي كويس وبطلي الشتارة .. Quote: وبالعكس العناصر الزنجيه اكثر عراقه من اي عناصر مختلطه,بما فيهم انا. إنتي مختلطة بي ملاح شنو يا ربي ؟!! بتعرفي الشجرة ؟! سمعتي بي غنية فريع البان ! أو غصن الرياض المائل ؟؟! أو غنية تناسب عقلك زي (يا طالع الشجرة جيب لي معاك أآآآ ... حصان) ؟! جيبي ليك منها فرع وتعالي نازلة .. قال (بما فيهم أنا) قال !!

أصلو السودان واقف عريان اليوم بين الأمم ..
المصيبة هنا في المنبر هناك أناس تتعري كل يوم ...
من المؤسف أن يتهافت هنا لثني ساقط اللسان هذا عن المغادرة كل من هو من ملته ...
حقيقة هذا المنبر هو السودان بعينه ... شارع سوداني بكل ما فيه من نفاق و تناقض و زيف لحد الإشمئزاز ..
اليس هو في ذيل الأمم في كل مضمار و علي رأس قوائم السوء .؟؟؟
لماذا ؟؟؟
أقرأوا كلمات ياسر طيفور التي فاض بها خور بكري .... و أقراوا كلمات النفاق هنا ... في بوست التحنيس هذا .
.


.

.


.

.

عزيزي ياسر،

تحيتي ومحبتي، ووافر فرحي بعودتك.

حين قرأت كلمة وداعا، صادرة منك، وقعت في أذني - نعم، في أذني - وقعاً أليماً. ألجمتني المفاجأة، فلم أجد ما أكتبه. توقفت عند كلمات المتداخلين هنا، وهممت أن اتصل بك تلفونياً، ولكن مشاغل عدة احتوشتني.

لا أذكر أنني ألجمت في دعوة عزيز للرجوع إلى المنبر مثلما ألجمت في حالتك. ربما كان ذلك لأنني لم أتخيل أبداً أن مثلك ينسحب من مضمار الحوار بهذا اليسر، وأنت المنافح، العزيز، القوي. ظننت أنني ربما كنت ممن جرحوك، حين تداخلت معك عن أسلوب خطابك مع معتز وآخرين. ولم يكن اعتراضي، كما تعلم، على فحوى ما تقول، بقدر ماهو عن الأواني التي حملت المعاني التي أردت أن توصلها للقراء.

على أية حال، معدنك عندي من المعادن التي لا تصدأ، ياعزيزي. ونحن نحتاجك هنا أكثر من أي وقت مضى.

عوداً حميداً!

وختام قولي ما قاله عزيزي عمر هواري:

Quote: العزيز ياسر معقولة بس وإنت قايلو على كيفك؟ فمكانك هناقلمامشرعا ينير درب المتنكبين .. سوء الفهم والمناكفات شيء طبيعي ويجب أن نستفيد منها في تحسين أدواتنا لا أن يصل بنا الإحباط درجة ترك هذا الميدان لقوى الهوس تمرح فيه كما تريد .. أرجوك أعدل عن قرارك ولا بأس من أخذ بعض الراحة اذا رأيت أن ذلك سيعدل مزاجك .. أخوك عمر هواري

Quote: أقرأوا كلمات ياسر طيفور التي فاض بها خور بكري .... و أقراوا كلمات النفاق هنا ... في بوست التحنيس هذا .

الم تقرا كلام تراجى عن الجعليين
واصولهم التركيه ؟؟
الم تقرا كلامها لاحد الزملاء
(بمصر ليك فيها ليمونه)
اين ادانتك او حتى تعليقك على كلامها هذا

ابو النسب يا لذيذ

والله ياكيمو قبيل زرتك في بيتك بي هناك ومشيت الشغل

جيت لقيت البوست بكري لحقو امات طة

وديني في الخور ما لقيتو الله يجازي محنك

وبعدين يا شايقي يا ممسوخ مالك ومال الجعليين؟

يازول الداير يقول يقول هو الكلام بي قروش

كل زول ربنا ارمو بي كيبورد بتبظ بس بقت علي دي؟

زمان اهلنا قالوا البلقى الهواء بضري مريستو اقصد عيشو

المك اخوي والله فرحان بي شوفتك وتسلم ياسر

ما سمعتا العبادي قال شنوعلى لسان المك الكبير؟

سماحة العربي يشيل سفروقو يجلب كلبو
يا يربط درب ويلقى الخميلة يسلبو
والحقيقة الفيها ما بتتغلبوا
فالحين في القنيص ترعوا وتعرفوا تحلبوا

العزيز ود طيفـــور عسـاك طيب...

يا حبيب قووول يا لطيف .... و إعتبرهـــا إستـــراحــة أو إجـــازة و تجـــي صـــادي بمــزاج ...

بالمناسبــة لامن تجي جيب معــاك ود عمــي وليـــد خوجـــال... و أحمــد العريـــس....

كــل الــود....

هيثـــم......

ياسر طيفور
..
..

الحردة ذاتا ما لايقة عليكــ

.
.


أقعد لأجل خاطر ما كتبوا هنا


"وأقرأ جيداً تقعد كثيراً"
نصيحة من حردان طبيعى

عبد المنعم الرزوقي
شكراً يا صميم
أنا سعيد بيك يا منعم
ولك ما تريد

وليد محمد المبارك
ولي الشفت
يا توأم الروح
محل ما تقعد، أحجز لي الكرسي الجمبك
والحفلة صباحي

Muna Khugali
بت الإصول، يا شقيقة
دينكم في الضهر محمول
وريدكم في القلب مشتول
لو يوم نسيت ريدكم!،
النخل في القيف يكون نكرة والنيل تحتو زي مجهول

ود محجوب
يا شقيقي من رحم أمي الإتحادية
عدت لمكاني بينكم
بينكم أكون
وبدونكم لا

إنعام عبد الحفيظ
يا شقيقة من خامة الوطن
كوني كما عهدتك

Abubakr
أستاذي الباشمهندس أبوبكر
وجودك هنا يحملني ما لا أطيق
لك من الحب والتقدير أجزلهما

مجاهد عبدالله
شكراً لأنك هنا تفتح باباً للمحبة
لك من الود أخلصه

السمؤال بدرالدين
لن أرحل يا صديقي المرتقب
كن بخير يا سمؤال

Osly2
يا كيمو
شهادتك فيني مجروحة
وشهادتي فيك مزبوحة
والله مشتاق لي مساختك وفطنتك وسرعة بديهتك
يا شايقي من خامة الرباطاب
انا ما حصل حكيت ليك عن معاناتي بين الأغلبية الشايقية!
من ما كنت في الإيتدائي واول زيارة (لكريمي)
ده ح يكون بوست هدية لأهل الهامش

ماجدة عوض خوجلي
يا شقيقة من رمض الهجيرة وباردة زي ضل النخل
شكراً يا أصيلة

معتصم دفع الله
لو ما كنت صاحبي يا معتصم،
كان إتمنيتك
أبقى طيب يا زول من طيب الصندل

Mustafa Mahmoud
صديقي العزيز
دكتور مصطفى محمود
كن كما أنت يا أصيل
لك دوما في الفؤاد مكان

A.Razek Athalib
ود الطالب يا صفافي السريرة
شكراً للمرور الباهي
ولك من الأمنيات أضعافها
كن كما أنت

أحمد الشايقي
يا شقيق والله ما عارف اكتب ليك شنو..
الواحد لما يكون قاعد مع ناس البيت(أهلو)
يدخل ويمرق من غرفة لي غرفة
ما بقول ليهم أي حاجة
لأنهم معاهو طوالي
إلا يسألهم من الحاجة الفلانية ولا يسألوهو..
أقول ليك حاجة!
أنا ماشي الدكان، داير حاجة؟؟
وبعدين ما ترجوني بي الغداء، أنا متغدي مع واحد صاحبي
ومن هناك ح نمشي التمرين..
والله يا أحمد إنت أكتر من أخ ، شقيق، وصديق
لك بواسق التحايا

ناذر محمد الخليفة
ود عمي الشفت ومنقطها
يا زول ما عندي معاك أي كلام
لامن نتلاقا في السودان شهر 12 القدامنا ده
بعزبك عزاب قبورة
وزي ما قلت ليك
جهز عودين
واحد ليك وواحد لي
أخوك الأيامات بقي خطير جداً
وقريباً ح يضرب عدادات

محمد عادل
أخوي الأصغر
شكراً للمرور البشبهك ياود يا راقي
أبق زي ما انت، طيب

Salah Waspa
القريب للنفس والروح صلاح
يا باب الأمل
وحب العطاء
إن شاء الله سوف إلتقيك قريباً
كن بخير والأسرة الكريمة

Adbel Aati
عادل عبد العاطي يا صاحب القلم الواثق العنيد
أكثر ما يعجبني فيك الصدق وربيبته الشجاعة
أطلق العنان لمدادك، ولا تأبه
أنت قلم وشخص وشخص وقلم جديران بالمتابعة والإحترام

محمدين محمد إسحق
لك حبي وإحترامي المعلوم
البوست (الوقوف علي الحقيقة الكاملة)
كنت أعنيك به حتى لا يضللك التشويش
والكذب المفضوح..
كان فعل شائن ولكن لم أقصد منه غير الأشخاص المعنيين
شكراً لمرورك الواثق

Hanadi yousif
الصديقة بت الفضل، هنادي
لك في القلب معزة وتقدير
أبقي طيبة يا هنادي

سمية الحسن طلحة
الشقيقة السامية ونبيلة
إنتو دربكم زلقيبة ومقابل الشيمة.. هيع!
إن ما كنت من جنياتكم، وا أسفاي!
أنضر التحايا لك والأسرة

Lana mahdi
الأخت الشقيقة لنا مهدي
والله مشتاق ليكم شديد
سلامي للأسرة الجميلة فرداً فرداً
صديقي، أبولسان طويل، مشتاق لي مناقرتو والله يا لنا
قاطع أخبارو ما عارفو عامل شنو، وتلفون السودان ما برد
بلغيهم(الأسرة) شوقي وسلامي
حبي ليهم وكتير إحترامي..
دي (تأليفة) علي وزن أغنية "سلمي علي الحِبّيِبْ"

Ahmed Abdallah
الشقيق أحمد عبد الله
وينك يا هالك
أخبار الدنيا معاك
وين رسائل وين كتاباتك وتلفوناتك إليا
سلم علي الجميع بطرفك
وأبقى طيب، يا
صنديد!
ضوط أورغ كتير خير واجد

محمد عثمان محمد طه
شكراً للمرور
تحايا نضرة

حسن الجيلي سعيد
الحبيب أبو الحسن والله طالما ده كلامك،!
تب ما علي كيفي.. ومعاكم معاكم..
إلا تابونا ساكت..
ليك من الحب والمودة أخلصهما
ومن القلب تحية

هجو الأقرع
العم وبن العم الأقرع، هجو
والله إتخيلتك شايل العكاز وتنقر في الوااطة
كلامك وقع لي تب..
تحياتي لكم والأسرة وجيع الأهل المعاك
بكرة، إن شاء الله سوف إلتقي بالعزيز العم سعد الأقرع
وبوافيك بالنتيجة!
تعرف يا هجو، سعد ونستو لذيذة وحكااي خلاص

Bayan
دكتورة بيان
يا ذات العناد التي لم يخلق مثلها في البلاد
وجودك هنا يعني الكثير الكثير،
أقله، أن لك قلباً متجدد الخلايا، يسع الجميع
أشكرك لأنك هنا ولا أقصد المكان فحسب،
بل والقلب أيضاً..
أنت إمرأة فاضلة ونبيلة..
بالمناسبة اليوم 8 مارس عيد كم، أسمحي لي بالتهنئة..
وكل 8 مارس وأنتم (نساء بلدي) بكل خير

إسماعيل التاج
مولانا ود التاج
سعيد بإستفهامك ومرورك
متوقعين زيارك لتورونتو كما حدثني خالد التاج

Raja
العزيزة بت العباسي
تبرأ كراعك من الحرة يا رجو
شكراً لمرورك البهي

Wathing Makki
عزيزي الأخ واثق
لو في شي واحد أنا واثق منه،
هو مجبتي ليك يا زول يا راقي
أبق طيب يا واثق يا صديق

Mohamed Adam
أخي العزيز محمد آدم
شكراً لمرورك الهاملتوني الجميل
تحياتي للأسرة

Elhilayla
شقيقي زين العابدين
تحياتي ليك وعبرك لقريبي وشقيقي وصديقي
بكري الخليفة..
تصدق بكري أخبارو مقطوعة مني..
أحبكما يا أشقاء

Hussien Mallasi
تعرف يا أبو الحسن
يا هندسة أنا سعيد جداً بمرورك ده..
نفسي يا ملاسي، أشوفك مدور ليك زول في قعدة علي الطبيعة
حتى ولو كنت أنا ذاتي..

أب رشيرش (محمد سليمان) ..

يا دووووووب ضربو ليك تلفون وصحوك من النوم وجيت كعادتك ما ناقش حاجة ولقيت تلاتة ارباع البوستات البدت بيها المشاكل محزوفة وطوالي جيت طلعتني أنا الغلطان مش ؟!!

صراحة خسارة زاتو الواحد يضيع وكتو معاك في الشرح والتفاصيل ..

صديقي الصدوق ياسر
لم ادخل في زمرة الذين ترجوك البقاء لمصلحة خاصة..
ابتعادك عن المنبر يعني ان نلتقيك بكثافة فى معية الجميل حمد اسماعيل
لنعيد لتورنتو وجهها الضاحك
ولكنك خزلتني وعدت
لاقول لك:
مرحبا

والان دخلت هذا البوست لمصلحة خاصة..
لأنك صديقي وان أبيت..
أتألم جدا عندما أجد من أحبه يهدر كل طاقاته لاثبات فرضية النصف الفارغ من الكوب!!

تألمت لتزييف التاريخ للنيل من احفاد العظيم نمر
وتألمت اكثر عندما رأيتك ترد علي الغثاء بغثاء
ما قيل قد قيل
ولكن يبقي الاهم ما سنقوله لاحقا..
ولان باب الامل مفتوح..
فحتما لن نبني المستقبل علي تراكمات الماضي علي علاته
لانناقد تعاهدنا انا وانت وان شئت (النوباوي والجعلي)في احراش مينزا وقرورة
عندما حملنا اغراضنا نبحث عن ذلك الوطن الذي اضعناه بين ركامات بعض اشياءنا الخردة
لنتأكد يومها ان الذي اضعناه ما ضاع ألا لتركيزنا علي النصف الفارغ من الكوب.

مع حبي ايها العزيز

شمس الدين السنوسي

أخى شمس الدين سلام عليك
أستوقفنى كلامك الجميل
صدق فى النية
ونزعة الى الحب والصفح
تحياتى اليك
اخيك .. عثمان

انا عارفك بتمشي

سرية الادارة

وتجي راجع


الترفيه كان وين ؟



ــــــــــــــــــــــــ
فورتو ساوة ولّ كرمت

Quote: ساوة

غاضت بحيرتها ورد واردها وهو ظمي (البوصيري)

الاخ
ياسر
تحياتي وتقديري
أعذرني لم ألاحظ هذا الخيط الا ن !!!!مالك يا أخي أنشاء الله الحاصل
خير ....أبقي ولاتذهب مهماكان السبب والمسبب
ولك وتقديري
كمال

الأخوة والأخوات الأفاضل والفضليات
ما داير أرفع البوست ده، وفي نفس الوقت داير أرد عليكم فرداً فرداً..
Omer Abdallah
حمد إسماعيل
Tmbis
عبد الرحمن عزاز
Sabah Hussien
Elmosely
HAYDER GASIM
عمر إدريس محمد
سيف الدين حسن العوض
عبدالله وداعة الأمين
معروف حمدين
أنور تاج السر
بدرالدين الأمير
SAIF MUstafa
عبد المنعم سليمان
Salma Altijani
Hayder Badawi Sadig
Haytham Abdulaziz
الملك
Shams eldin alsanonsi
Osman Musa
عبدالمنعم إبراهيم الحاج
Kamalabas

لكم بالغ أسفي للرد عليكم بهذا الإغتضاب، ولكن سوف أعاودكم فرادى بأجمل ما يكون..
لكم في قلبي صافي الحب والمودة..
وأشكر كل من توقف عند هذه المساحة.. ناعماً كان أو ناغماً
تحايا باسقة

الابن ياسر الحاصل شنو ، غايتو والله ما فاهم اية حاجة ، خلى الهظار التقيل ، غيب على كيفك وارجع ، مافى زول هنا بوافق على كلامك دا.

ود عمي الفاضل هجو الأقرع
هذا البوست قديم..
لن أترك هذه المساحة وسوف اكون بينكم..



تحياتي السوامق

ياسر
قسما بالله رغم المناكفة البيناتنا أكن ليك كل الود
ولو كان زعلان مني أمسحي وشي
أعتذر أعتذر أعتذر
خلاص؟

أوعيك تعملها!!

أدروب أبوبكر

Quote: ياسر قسما بالله رغم المناكفة البيناتنا أكن ليك كل الود ولو كان زعلان مني أمسحي وشي أعتذر أعتذر أعتذر خلاص؟ أوعيك تعملها!!

البوست ده ما جديد وقد سبق لك التداخل فيه، وهذا ما كتبته أعلاه:

Quote: تكب الزوغة لمان بدأت تسخن... يا جبان!

يا زول سلامة وشك.. وأنا عدّلت عن هذا الرأي، وسوف أكون معكم يا صديق، وحينما يزول سبب المناكفات، سنعود كما كنا..
وحتى الآن لم يفارق الود مناكفاتنا..
هذه المكاكفات تبرهن أن أحدنا علي خطأ، ولو أدركت خطل منهجي، سوف إتبع منهجكم.. وأتوقع منك نفس الشيئ..

أفو


والله ياالمك( ياسر)...لوعارف قدر شنو أنته زول قدامى عندنا مابتسوى النضم ده..

الحبيب ياسـر,

Quote: أحمد الشايقي يا شقيق والله ما عارف اكتب ليك شنو.. الواحد لما يكون قاعد مع ناس البيت(أهلو) يدخل ويمرق من غرفة لي غرفة ما بقول ليهم أي حاجة لأنهم معاهو طوالي إلا يسألهم من الحاجة الفلانية ولا يسألوهو.. أقول ليك حاجة! أنا ماشي الدكان، داير حاجة؟؟ وبعدين ما ترجوني بي الغداء، أنا متغدي مع واحد صاحبي ومن هناك ح نمشي التمرين.. والله يا أحمد إنت أكتر من أخ ، شقيق، وصديق لك بواسق التحايا

لك التحية يا شقيق ياسـر فقد أوفيت وكفـيت


أحمـد الشايقي

Quote: وأنا عدّلت عن هذا الرأي

شكرا لك ياسر

ياسر .....!!!!

يا ولد بطل الطرطشة دى

إنت قايل نفسك على كيفك

وللا مفتكر عشان فى بلد بعيد ايدنا ما بتلحقك

أوع اسمع تانى كلام زى دا

الارباب ود الارباب
الجعلى الحر
ودطيفور
حياك الله وحيا ربعك
على الطلاق بالتلاتة
وتحرم كل ما تحل
البرشك باللبن نرشو بالدم القانى
ابقى عشرة وعض على المبادىء بالنواجذ
وجودك يطفش خفافيش الظلام
الفتح شعار : حرية وحدة ديمقراطية
أحد أحد
أحد أحد
أحد أحد
عاش القائد حمدى جعفر

Quote: ابقى عشرة وعض على المبادىء بالنواجذ وجودك يطفش خفافيش الظلام الفتح شعار : حرية وحدة ديمقراطية أحد أحد أحد أحد أحد أحد عاش القائد حمدى جعفر

كدي بالله يا خرماج ورينا (خفاش ظلام) واحد طفشه ود طيفور ده؟؟؟
هانت الخفافيش يا ياسر!!

تراجي.

الأخ / ياسر طيفور

انا مابعرف السبب الخلاك تتخذ قرار زي دة

اتمني انك تراجع نفسك

ونت شايف كمية الناس البسؤلوك البقاء فاكيد ليهم خاطر عندك

ورغم اختلافنا معك بالرؤي فنحن نسعد جدا بما تكتبه ونتمني بقائك هنا

اما اذا كانت اسباب خاصة بك فخذ وقتك وعد الينا وسنكون بانتظارك

لك مني كل اجلال وتقدير

الأخوة والأخوات الأفاضل والفضليات
ما داير أرفع البوست ده، وفي نفس الوقت داير أرد عليكم فرداً فرداً..
Omer Abdallah
حمد إسماعيل
Tmbis
عبد الرحمن عزاز
Sabah Hussien
Elmosely
HAYDER GASIM
عمر إدريس محمد
سيف الدين حسن العوض
عبدالله وداعة الأمين
معروف حمدين
أنور تاج السر
بدرالدين الأمير
SAIF MUstafa
عبد المنعم سليمان
Salma Altijani
Hayder Badawi Sadig
Haytham Abdulaziz
الملك
Shams eldin alsanonsi
Osman Musa
عبدالمنعم إبراهيم الحاج
Kamalabas
حاتم إلياس
ود محجبوب
خرماج
AMNA BAGRAB

لكم بالغ أسفي للرد عليكم بهذا الإغتضاب، ولكن سوف أعاودكم فرادى بأجمل ما يكون..
لكم في قلبي صافي الحب والمودة..
وأشكر كل من توقف عند هذه المساحة.. ناعماً كان أو ناغماً
تحايا باسقة