الى المجاهد عمر البشير قاهر الامريكان وطارد العدوان!!

الى المجاهد عمر البشير قاهر الامريكان وطارد العدوان!!


02-14-2007, 11:42 AM


  » http://sudaneseonline.com/cgi-bin/sdb/2bb.cgi?seq=msg&board=3&msg=1171449777&rn=0


Post: #1
Title: الى المجاهد عمر البشير قاهر الامريكان وطارد العدوان!!
Author: ابراهيم بقال سراج
Date: 02-14-2007, 11:42 AM

الى المجاهد عمر البشير قاهر الامريكان وطارد العدوان!!

حلف الطلاق قدام الخلوق عمر العوير
وتحرم عليهو ودوية ست البنات
بلدنا مقبرة العدو
حتى لو كان يانكيا ختير
وحلف الطلاق بالتلاتة قدام الخلوق
لا ناتو لا امريكاست الفجور
تدخل بلدنا ونحن حراس الثغور
ولمن حصل العصر فنقس مشيرنا
وقال ممكن نشوف...ممكن يصير
ممكن تخشوا بس خلوها حبة حبة
ما بنختلف بس انتو باركوها الامور
مشير شنو وبشير شنو


انت يا عمر العوير
سفاح البلد رباطي البلد
وكمان رقوك لرتبة مشير
رقوك في زمن السجم
وات همك بس تصير
شاويشنا شاويش السجم
جزارنا معدوم الضمير
قدر الله قد جابك عديل
رئيسا اهبلا فاضي وعوير
لا طايوق لافهم لاخلقة لا اخلاق
بس قعونجة تحت الزير


والله يا عوقة لو طرت السما
وغسلوك بمطر السما
وصبوك من دهبا نقي
وسووك انسانا سوي
بل سووك كمان نبي

برضو عند شعبي الامير
انت احقر من حقير
مجرم حرب سفاح خبير
واولاد الهرمة المعاك
هم افة البلد الكبير
خرابة البلد الموكح بالسجم
نهابة الشعب الفقير
جلابة الدين الضلام
ماهو دين الله القدير
همباتة الرزق الحرام
عنقالة الكضب الختير
اولاد الحنوت اولاد الحرام
زبالة الزمن العفن
مومس الحال المرير

تف يا عفطة الزمن الكعب
وعوع من دقسة الحال الضهب
وتف لغفلة الناس الحيارى
عندما غابت الناس البصارى
وماتت الناس النوارة


فجاة قد جيت رئيس
تيسا خرتوك من دكة تيوس
وجيتنا في زفة تيوس
ناسا حتالاتا نجوس
همهم خم الفلوس
والكل يحلم بالعروس
عينة من بشرا رخيس
نهابة البلد التعيس
بالغدر والعمل الخسيس
وبقيت رئيس
وبقيت عريس
وانت القايد وانت الرئيس
خليك عريس
همك الليلة الرقيص
كل دلوكة داقة وقالو دقة للرئيس
ما ات وحدك الرئيس
وات وحدك العريس
والماتو في الغابات فطيس


مشير شنو وبشير شنو
والله لو طرت السما
برضو عند شعبي الامير انت احقر من حقير


والله ما شفنا زولا بترقى في زمن الهزيمة
وما شفنا زولا مهزوم ادوه قيمة
والبلد في زمانك والله قد صبحت وليمة
من سقط لقط دخلت جيوشا
جبتوها للبلد الغنيمة
وغردون جبتوه تاني بالعفانات القديمة
وفشودة جبتوها تاني بالخسارات والهزيمة
يا حليلك يا بلد امة قد كانت عظيمة
باعوك انصاف الرجال بالجبن والحالة الازيمة
باعوك برخس التراب اهدوك للاغراب وليمة
لانهم عشاق كراسي وما عندهم للشعب قيمة

مشير شنو وبشير شنو
والله لو طرت السما
انت عند شعبي الامير
انت احقر من حقير


مهازل يا بلد ستين مهازل
حت (رواندا ) العفينة
الغرقانة في بحر المشاكل
ونيجريا سمعة حروبها قد ملت المحافل
تهدي فينا وكنا تيجان المحافل
تهدي في بلدي المناضل
والذي كان حلال المشاكل
بلد قدر السما
وتاريخها مليان جمايل
سديناها عين الشمش
بسمح المكارم وحلو الشمايل
وشعبي السمح كان بسمحو صايل
وشعبي البطل بمجدو هايل


بلدي يا سجم ما جابت حوا غيرها
فيها ترهاقا ونمر والمهدي ربان المسيرة
فيها رابحة وفيها تاية ونحن منك يا مهيرة
صانوها بدم الكرامة والشرف قد كان ضريرة
قلعوها من خشم العدو بالعزة والروح الجسورة
ما سرقوها في قومة دغش ونهبوا خيرها
وما باعوها بالنص والتشاشة والفزرة والروح الكسيرة
صانوها بالسيف والكرامة والهمة والنفس الكبيرة
دي بلد شعبي المعظم براهو ليهو حق تقرير مصيرها
مصيرنا وحدة شعب واحد ودم واحد مابنرضى غيرها
شعب اصلي شعب يغلي وشعب جبار كسيرة
اسالوا السفاح حليفكم يوم ليلة النصر الشهيرة
ليلة مايو راحت (لعب ترتير جهال فوق الدميرة)
واب عاج امامكم شردلاسيادو مكسوفا عضيرة
وحق المظاليم ما بروح واطافي دنيا ازدادت شرورها
ودم الشهيد ما ببقى موية
طالما الاحرار هناك في راس المسيرة
واهلي الغبش في الحارة زي موج الدميرة
شايلنو ريدك يا بلد قدر الله ما خلق
واداهم العافية الوفيرة

مشير شنو وبشير شنو
والله لو طرت السما
برضو عند شعبي الامير
انت احقر من حقير

بلدا هاملة فاقدة وجيع
وجيعا شايف دم البلد السمحة قاعد اضيع
وخابر الناس الماكلة حقوقنا
وسكنو القصر العالي منيع
وسرقوا لبن الشافع اللسة رضيع
بلدا هاملة فاقدة وجيع
اقش الدمعة وافش غبينة الشعب المابي اطيع
بلدا هاملة فاقدة وجيع
دم الشفع لبن الشفع شربو الكوز الفاسد والله فظيع
هذا الكوز نهب الدنياوحجز الاخرة
هذا الفاسد هذا الكاسد ملك البيع
باعو البلد السمحة وابدوا نهما اصلي شنيع

مشير شنو وبشير شنو
والله لو طرت السما
انت عند شعبي الامير
انت احقر من حقير


الزول بترقى يوم نصرو
يوم اعمل مفاخر
وعزة الزول السمح عندما يعمل مآثر
وات شبعان هزايم مليان وداشر
والليلة قد بعت البلد لكل طماع وماكر
والتيوس الانت فيهم
جز دقونها جاي باكر
جاي من وجع الغبش
منهوبة الرزق يادوب تدافر
جاي من ذل المظاليم
هناك في جو الدفاتر
جاي من زعل المغابين
من زمن للحق تعافر
جاي من وجع المساجين هناك في ذل المهاجر
جاي من دم الشهيد كتلوه في زمن المساخر
جاي من مهتوكة عرض
مودرة وحيرانة ودايرالها ساتر
جاي من وجع الارض وهي دنسها العساكر
والتيوس الانت فيهم جز دقونها جاى باكر
ورقيص شنو وعرضة شنو ات يا سجم العساكر
والبلد مكندكة بالفقر والجوع قد طق البنادر
رقيص شنو وعرضة شنو ات يا سجم العساكر
والشعب قد سكن المقابر
والفاشر الحبيبة قادلة فيها اغراب من عساكر
طامعة في البلد الجنازة والشعب مسكين وصابر
وانت راقص ماك شايف ماك خابر
يا رئيسنا ويا عريسنا انت ياكبري الكباير

مشير شنو وبشير شنو
والله لو طرت السما
برضو عند شعبي الامير انت احقر من حقير

قال سلام وقال كلام فاروقنا جلاب الهزيمة
رئيسنا وعريسنا ورقاصنا معدوم العزيمة
في نيفاشا جابوك بارك شان توقع للهزيمة
وصدقت انك حمامة للحب والسلام
وماك داري انك كت متيس زي بهيمة
وفي دارفور عصروك تاني
وقلت (الروب يا الله للكوز والحكومة)
وفي شرقنا العصرة حصلت
وماك مصدق انو اوشيك الهوين
الليلة مليان بالعزيمة
وبعد ده كلو رقوك مشير رتبه ما عارف لزومها
لاحس لا شعور جاري في الدنيا ونعيمه
وكيف الله بنصر ملة الشر اللئيمة
وكيف الله بنصر صاحب اليد الاثيمة
بكرة شعبي المظفر يمسح اهاتو الاليمة
بالكفاح الاصلي فيهو
والشموخ الفيهو ديمة
وتاني ترجع ام در تغني
وتعانق الفاشر التميمة
وجوبا السمحة ترقص لوحدة البلد العظيمة
وكسلا بشوتالها شايلة
فطرة البلد السليمة
تطرد الهم من بلدنا
وترجع ايامنا الحميمة
لا مشيرا فينا يأمر
ولا بشيرا عندو قيمة
ولا دقونا فينا قادلة
بالاساطير القديمة
وتاني ما بننخم ليها
بعدما شفنا الجريمة
وشعبي شايل تارو جاهز
حقو برجع بالعزيمة
ونحن ما بنغفر ذنوب الباعو دينن
وباعوا بلدي الحرة الكريمة
والمسامح وحدو الله
وما بنسامح الولعوا نار الخصومة
والبجامل في حقو تاني
ابقي زولا واطي ديمة
والبجامل في عرضو مرة
مصيرو للذلة وجحيمها
بشير شنو ومشير شنو
والله لو طرت السما
برضو عند شعبي الامير
انت احقر من حقير
انت يا عمر البشير

Post: #2
Title: Re: الى المجاهد عمر البشير قاهر الامريكان وطارد العدوان!!
Author: حيدر حسن ميرغني
Date: 02-14-2007, 12:07 PM
Parent: #1

بقال

الليلة نايم وين؟

Post: #3
Title: Re: الى المجاهد عمر البشير قاهر الامريكان وطارد العدوان!!
Author: ابراهيم بقال سراج
Date: 02-14-2007, 12:13 PM
Parent: #2

Quote: بقال

الليلة نايم وين؟


نايم في شهر العسل

Post: #4
Title: Re: الى المجاهد عمر البشير قاهر الامريكان وطارد العدوان!!
Author: مجاهد عبد الرحمن
Date: 02-14-2007, 01:27 PM
Parent: #1

بق بق ...
الحنين ...
لسه ما إتخطيت المراهقة ...
حتى انت علموك ...
الإحترام واجب يا ( SHAFEA ) ...
يا ما نصحناك ما تباري الناس الأخلاقم كدا ...
خرجوك متين من روضة هشام هباني ...
بق بق ...
بنصحك ...
والله تباري السكه دي بكرة إلا يتم ترخيصك ( ك ل ج هـ ) ويدقو ليك لوحات تقدل بيها رسمي في العاصمة المثلثة ومن ثم في فاشر السلطان ... عشان يغنن ليك بنات عمك علي دينار ...
رخصوه
رخصوه
والشفوت بروه
بق بق العجيب
جماعتو صيعو
ضيعوه
ضيعوه
عندها بدل هم البلد تبقى في هم آخر تخسر( اللوراك والأدامك ) وما تلقى من يقول ليك عوك والنهاية تكون حزينة .....
عيب عليك يا بق بق ...
الرجل المحترم عمرو ما ينبذ الناس بالكلام الكتبتو دا ... دا كلام بائعات الهوى ...
بعدين ياخي المنابر الزي دي للفكر الغني لا للمفلس ...
يا خي عيب نضيع ملاليم بكري وزمنو في كلام فارغ زي دا ...
إذا كان دا منهجكم في النضال ...
الله يطول عمرك يا الإنقاذ ...
وأبشر يا سعادة المشير عمر البشير بالبقاء معززاً في قصرك الرئاسي ...
خسارة والله

Post: #5
Title: Re: الى المجاهد عمر البشير قاهر الامريكان وطارد العدوان!!
Author: محمد فرح
Date: 02-14-2007, 02:05 PM
Parent: #4


Post: #6
Title: Re: الى المجاهد عمر البشير قاهر الامريكان وطارد العدوان!!
Author: أبو عبيدة البصاص
Date: 02-14-2007, 02:13 PM
Parent: #1

بقال اوعه تكون دي الاثار الجانبية بتاعت العرس

تقوم ننصح ناذر ما يعرس


نصيحة صديق :
كن مناضل يحترمك الجميع

وكل اناء بمافيه ينضح

مع احترامي

البصاص

Post: #7
Title: Re: الى المجاهد عمر البشير قاهر الامريكان وطارد العدوان!!
Author: أبو عبيدة البصاص
Date: 02-14-2007, 02:13 PM
Parent: #1

بقال اوعه تكون دي الاثار الجانبية بتاعت العرس

تقوم ننصح ناذر ما يعرس


نصيحة صديق :
كن مناضل يحترمك الجميع

وكل اناء بمافيه ينضح

مع احترامي

البصاص

Post: #8
Title: Re: الى المجاهد عمر البشير قاهر الامريكان وطارد العدوان!!
Author: أبو الحسين
Date: 02-14-2007, 03:53 PM
Parent: #1

Quote: نصيحة صديق :
كن مناضل يحترمك الجميع

وكل اناء بمافيه ينضح



والله يا صديقي نعم النصيحة ونعم الصديق...

لو في صديق يعي ما ينصح به الصديق...

كميات مودتي...


أبو الحســـــــــين...

Post: #9
Title: Re: الى المجاهد عمر البشير قاهر الامريكان وطارد العدوان!!
Author: عبد اللطيف بكري أحمد
Date: 02-14-2007, 04:04 PM
Parent: #1

الكلام الفاحش دا لو قالوا واحد في مناوي أو دريج
أو حتى د. خليل والله تقوم حرب أهلية،،

بالله ياجماعة دا كلام دا؟؟ ودي بلد دي؟؟

Post: #10
Title: Re: الى المجاهد عمر البشير قاهر الامريكان وطارد العدوان!!
Author: ناذر محمد الخليفة
Date: 02-14-2007, 07:10 PM
Parent: #1

بقال كيفك و (هابي فلنتاين داي) ..

داير أسألك ..

القصيدة الاوتومسفيرية العصماء دي كاتبا إنت ولا ناقلا بس ؟!!

والله وماشاء الله شايفك ماشي كويس جدا .




































لي ورا

Post: #11
Title: Re: الى المجاهد عمر البشير قاهر الامريكان وطارد العدوان!!
Author: ناذر محمد الخليفة
Date: 02-14-2007, 08:50 PM
Parent: #1

بعد القصيدة العصماء دي أعتقد بعد دا السيد بقال حا يكتب تحت مقالاتو وموقعو الإلكتروني :

إبراهيم بقال سراج
كاتب صحفي ومحلل سياسي وشاعر سوداني معاصر !!

Post: #12
Title: Re: الى المجاهد عمر البشير قاهر الامريكان وطارد العدوان!!
Author: ناذر محمد الخليفة
Date: 02-14-2007, 08:55 PM
Parent: #1


Post: #13
Title: Re: الى المجاهد عمر البشير قاهر الامريكان وطارد العدوان!!
Author: إدريس البدري
Date: 02-15-2007, 10:36 AM
Parent: #1

عيب يا ولد

ده شنو ده؟




لو بالطريقة دي وديني بضمن تاني عشرين سنة للانقاذ

Post: #14
Title: Re: الى المجاهد عمر البشير قاهر الامريكان وطارد العدوان!!
Author: ابراهيم بقال سراج
Date: 02-15-2007, 01:27 PM
Parent: #13


Post: #15
Title: Re: الى المجاهد عمر البشير قاهر الامريكان وطارد العدوان!!
Author: ابراهيم بقال سراج
Date: 02-17-2007, 09:14 AM
Parent: #14

فووووووووووووووووووق

المجاهد البشير يعلن من فرنسا قبول السودان للقوات الدولية

Post: #16
Title: Re: الى المجاهد عمر البشير قاهر الامريكان وطارد العدوان!!
Author: حسن الجيلى سعيد
Date: 02-17-2007, 10:32 AM
Parent: #15

ولد ما عندك شغله
شوف عرسك وين ياجنا

Post: #17
Title: Re: الى المجاهد عمر البشير قاهر الامريكان وطارد العدوان!!
Author: SAMIR IBRAHIM
Date: 02-17-2007, 10:39 AM
Parent: #1

Quote: انت يا عمر البشير

'
ممكن يا بقال تضيف ليك مقطع وتقول فيهو ..

انت يا عمر البشير يا مكفت القرعان


يا حبيبو .. وبرضو تقول لي في السودان مافي ديمقراطية ... وما في حرية الاعلام ... وانت بتكتب الكلام ده ومن قلب الخرطوم ومن الانترنت كاااااااافيه ... وتمص مص في البزيانوس ...

يا عالم ما تحترموا عقولنا وتحترموا تاريخكم .....

Post: #18
Title: Re: الى المجاهد عمر البشير قاهر الامريكان وطارد العدوان!!
Author: SAMIR IBRAHIM
Date: 02-17-2007, 03:51 PM
Parent: #17

يا بقال مساعدة اهلنا في دارفور ليس بالبذيء ولا بالفاحش ولا باللغو ... ولا بالفرحة عندما تكتب ليك قصيدة تسيء فيها لولي الامر ... الرجل في مقام ابوك ... والرجل ولي امر ...

مساعدة اهلنا في السودان وحل قضاياهم ليس بكتابة بوست في الدوت كوم ... وعلي قول الشاعر السوداني ..

امشي واجيهو راجع ...

وكل ما ترجع اكيد بتكون بتمص ليك في قزازة بزيانوس ... او ماسك لي كون ايسكريم .. او ماسك ليك ساندوتش هامبرغر او فطائر ...

مساعدة من داخل موقع الحدث ... عندما تحمل ليك طورية ... او تحفر ليك بير مويه ... او تنصب ليك خيمه تستر عورة اخت او ايواء شخص او طفل ...

يا بقال .. نضالكم ده زي نضال ناس الخرطوم .. من الخرطوم الي شرفات فرنسا وشقق القاهره ... ونضال بقال .. من عمارات العودة .. وعربات الامجاد .


تخريمة ... ديمقراطية في السودان لا يوجد لها مثيل حتي في الولايات المتحدة الامريكية ....

ويا بقال كان حلمان ناس الامنو يعتقلوك في يوم من الايام ... وتجي تعمل لينا فيها بطل ...

علي الطلاق كلامك ده حتي امباشي الامن بيضحك عليك فيهو ....

نصيحتي ليك .... انتبه لدراستك وعلمك وزواجك .... ...

Post: #19
Title: Re: الى المجاهد عمر البشير قاهر الامريكان وطارد العدوان!!
Author: ابراهيم بقال سراج
Date: 02-26-2007, 06:56 PM
Parent: #1

up