Post: #1 Title: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-13-2007, 11:48 AM Parent: #0
يا ناس التكنلوجيا المتقدمة وتقنية المعلومات الحقوني انا طلقت راجلي التاني ومحتاجة للبوست حق عرسي الفات داك وما عارفة اجيبه كيفن؟ الرسول فوقكم ما تصهينوا مني ووروني الطريقة ولا جيبوه لي عشان نسخن العرس تاني اصله العرس بيحرروه اهله عنوان البوست كان اها يا جماعة انا مغتربة ولميت القروش وجاهزة للعرس ناس حسين ملاسي والمقرضين يمتنعون وناس فيصل نوبي والدجالين يشرفون وناس الموج والمهندس محمد السيد ودكتور محمد الامين واصحابي القدام ديك يقفون في الصف الجديد والبنات الممسوخات ما اشوفهن هنا كله كله عشان ما يطيرن الارزاق البت الوحيدة المسموح ليها بالدخول ايزابيل الحلبي عشان البوست يجيب دخل رجالي واخليه ليهم زي المرة الفاتت وخليتكم بعافية
ايمان
Post: #2 Title: Re: انا طلقت راجلي التاني الحقوني يا ناس التكنلوجيا المتقدمة Author: lana mahdi Date: 02-13-2007, 11:53 AM Parent: #1
Quote: انا طلقت راجلي التاني الحقوني يا ناس التكنلوجيا المتقدمة
إيمان يا حبيبة حالتك دي ما بيلحقو فيها ناس التكنولوجيا المتقدمة..يلحقك مأذون!
للعلم متزوج ثلاث مرات من صورتك ظاهر عليك يا مولانا معتز القريش معرس تلاتة مرات وتلاتة ذاتها شوية الله يزيدك وتكمل ربع دينك الباقي وتكبر الدقن اكتر واكتر
عاد يا رندا كان ما سمحة معناها حساباتي كلها ملخبطة في عينة كدي بلقاها في بوستاتك وعينة مسوية موقع عديل للم البنيات السمحات وماخدين البروفيسورية في غزل البنات ودا مؤشر اقوى من مؤشر ريختر للهزات الرجالية لتأثير الجمال
حبابك وحباب دلوكتك
Post: #6 Title: Re: انا طلقت راجلي التاني الحقوني يا ناس التكنلوجيا المتقدمة Author: محمد عثمان محمد طه Date: 02-13-2007, 12:05 PM Parent: #1
ووووب علي وووب علي ووووب علي قدر ده؟ ناس الحكومة وصلوا؟ انت اخو علي عثمان محمد طه؟ سجمي والترابة كالت خشمي اكان كدي ياني بالبوست ده الدخلت بيت الاشباح بدل القفص الذهبي موضوع العصمة ده كان قريت البوست حقي الما لاقياه ده كان فهمته براك
ايمان
Post: #7 Title: ما بنات.. مسزات Author: lana mahdi Date: 02-13-2007, 12:06 PM Parent: #1
Quote: والبنات الممسوخات ما اشوفهن هنا كله كله عشان ما يطيرن الارزاق
وان صورة البنوته الفى بروفايلك دى بتك ....الشكل ذاتو ما غريب على ....
وان كمان بقيت موهومه ساكت .... اعفى لى ..
Post: #17 Title: Re: ما بنات.. مسزات Author: إيمان صالح Date: 02-13-2007, 12:34 PM Parent: #10
يا رندا اسمي ايمان صالح يمانية يعني من اصل ايطالي وامي ايطالية من اصل يماني وابوي ايطالية من اصل يمانية وامي يماني من اصل ايطالية يعني سودانية زي حسين ملاسي والصورة دي من زمان كتبت اول موضوع لي في البورد عنها انا لافحاها من النت عشان عاجباني ابتسامتها وخدودها
فطلعتي موهومة ساكت وعفيت ليك
ايمان
Post: #18 Title: Re: ما بنات.. مسزات Author: إيمان صالح Date: 02-13-2007, 12:36 PM Parent: #7
مس لنا تيريزا يعني ما بتتوبي وحايمة بيجاي سمح اديني نمرة راجلك اليجي يحرسك بيجاي كان الكترابة قامت ما اتحمل مسؤوليات انا ما قدرها كفاية السووها في الانصار في الجزيرة ابا وودنوباوي
الملكة انتي بيكشوكي يا السمحة؟ انتي ما ياكي البتجيبي عسل النحل ووينها الغنية؟ وحاة النبي ما سامعة شئ خليكي بيجاي معانا الحكومة واخو علي عثمان محمد طه بجلالة قدره فما بتجيك عوجة وكان حبسوك بتكون على ذمة التحقيق مع انثى جميلة
ابو العزائم الفوق ديل كتبتهم يجيبوا لي البوست لأنهم بيعرفوا للحاجات دي خلي الطرطشة البتوسي فيها دي انت ذاتك وقدم اوراقك عند ملكة سبا هي بتستلمها وتعمل ليها تنسيق ولو دين بتشديد الياء قدمها لسودانية2000 عشان هي الماسكة الديون
Quote: ها المطرطش ده ديل كتبتهم يجيبوا لي البوست خلي الطرطشة البتوسي فيها دي
ايمان
ايمان و دكين الف مبروكـ والله بيت مال و عيال
دكين الرد لن يفوت علي فطنتكـ اظنه .. ففيه ما فيه من دلال و قبول فأسرج خليكـ و احص نقودكـ جيدا و تعطر بأفضل ماعند الاصدقاء من عطور و يمم قاصدا اهلها ففي ذلكـ نجاتكـ و قطع للسان نسوان بيت البكا الفي امبده الاسبوع الفات ,, لانهن كانن بنضمن عن ولد في الانترنت تعبان و داير يعرس و اسمو دكين
بالسرعة دي؟ طيب ما تتقلي شوية خلي العدة تنتهي , و لا خلوها الزمن دا؟
Quote: وياخواني شنو قصة الحبشي دي انت وملاسي؟
الحكاية إنو جيت داخل لقيت الحبشي كاتب وين فلان و فلان و من الضمن إسمك قلت بس ديل يكونوا غالطوا الحبشي في موضوع كدا من سنتين تلاتة و هو حالف ليهم , أها أول ما خلص من غلاط محسن خالد و صبري الشريف و آخرين إتذكرهم و نكت الملفات و جهز الكوتات و ربط ليهم, و دخلت متوقع الشبكة و الكتاحة إتفاجات لقيت الموضوع غير كدا خالص, و هليتي حضرتك بكتابتك الطاعمة دي . عشان كدا أنا دعيت للحبشي
(هذا ما كان من أمري أما ملاسي فقد يكون له مآرب أخري هو أجدر بالبوح عنها)
بالمناسبة.... ما في أي كبكبة و لا حاجة بس عدم موضوع وونسة ساي (أم حتوت كانت واقفة جمبي و أنا بكتب)
عدة شنو التنتهي يا محمد البشرى؟ العدة غسلناها زمان ونشفت اصلنا نحن عندنا غسالة اطباق ومشكور يادوب فهمت انه محمد سليمان ده اسمه الحبشي ولا اكون لسه ما فاهمة ياربي؟
عزيزتي ايزابيل تعالي اشرحلك حبيبتي انا زمان كتبت موضوع عن بحثي عن زوج وعرضت اني اتكفل بكل ما يتكفل به الازواج عند الزواج من تكاليف العرس وهدايا للعريس وتزوجت والان طلقت زوجي وناوية اعيد الموضوع من جديد فحتى اضمن عرسان لازم اضمن دخول رجال للبوست ولعلمي بحب الرجال السودانيين للجمال العربي واللبناني تحديدا فقد رايت دخولك للبوست سيكون مفيدا لي لان الرجال سيركضون خلف جمالك المشهود وسيدخلون خلفك للبوست وحينها دخول الحمام مش زي خروجه
رشوية الككوية الف الف مبروك حبيبتي وان شاء الله يتربى في عزك راجلك وتغلبيه بالمال والعيال وهو ما يجيب ولا قون كفاية الاقوان الجابوها الرجال والله ما زغت منك يخسي عليك انتي الانقطعتي لكن عريسك ده عاد كان الفي بالي تكوني اتلومتي تب
ايمان
Post: #51 Title: Re: انا طلقت راجلي التاني الحقوني يا ناس التكنلوجيا المتقدمة Author: Eng. Mohammed al sayed Date: 02-13-2007, 06:01 PM Parent: #1
حوووووووووولا إيمان هار سلف الشوق يشيلوا باللودرات ويشحنوا كونتينرات كنتى وييين(قالها بأسنانه وهو يعض على سبابته متوعدا)(كما سى سيد) الغيرة كتلتنى وكل يوم أصحى الصباح ملكوز(أقول كلوا منك يا صديق الموووج) (ختفتها تف وخليت قلبى نتف نتف .. حالة إتعلمنا من بعدها السف)
شيلتينى ذنب فى شان صديق الموج المسكين والإعتذار حار فى بورد سودانيز أون لاين
حليتى أهلا ونزلتى علينا فى عيدا يحكى حاله الحجز بالطوب. هسع عليك الله الطوب دى كلمة تدخلا فى سطر زى دا(قالها فى نفسه) طوبى لنا بعودتك
باش طلبه محمد السيد ............................................................................. ياربى الكلام الأنا رسلتو دا فى العام ولا المسنجررررررررر جرررررررررر جررررررررررر
وووووب علي يا محمد السيد ازيك شفت الرسول ناس الدنيا ديل كيفن حاسدين؟ رجعوني لقديمي لكن من نسى قديمه تاه جيب الموج وتعال والمرة دي ما بتلوم فيكم اصلي انا ناوية اسويها اقطاعية رجال واسوي لي حاشية
Post: #52 Title: Re: انا طلقت راجلي التاني الحقوني يا ناس التكنلوجيا المتقدمة Author: سليمان عبد الغني Date: 02-13-2007, 06:07 PM Parent: #1
حليتى أهلا ونزلتى علينا فى عيدا يحكى حاله الحجز بالطوب. هسع عليك الله الطوب دى كلمة تدخلا فى سطر زى دا(قالها فى نفسه) طوبى لنا بعودتك
عدد البوستات: 399 تاريخ التسجيل: 02-11-2005 محل الاقامة: المملكة العربية السعودية : Not shown عنوان مكتبتى بسودانيزاونلاين دوت كم : اكلات مفضلة: الاسم الحقيقى: إيمان صالح التلفون: لا بالله الجامعة/المعهد: جامعي الحالة الاجتماعية: Married العنوان الدائم: السعودية الفنان المفضل: وردي اللون السياسى: اببببببببيض النوع: Female الهوايات المفضلة: الإستماع للشعر والموسيقى الوظيفة: أستاذة محاضرة تاريخ الميلاد: غايتو جنس عدم شغلة درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: كتيرين عدد الاطفال: 1 معلومات اضافية: مكان العمل: الجامعة مكان الميلاد فى السودان: امدرمان صورتى:
ايمان كيفنك....وحمدا لله علي الطلة التي بها نتوقع ظهـور الكثير من الديناصـورات التي اكـل عليها الدهـر وكاد ان يشـرب...بالمناسـبة الكلام التحته خط داااااك ممكن يتصـلح!!
ما كفاية الشيك القبضته في النصيبة الفاتت اللبستها فيني الحمد لله القاضي بس طلع شيخ من اياهم وانهى الموضوع بدون جدل بيزنطي الله يستر ما يكون عضو هنا كمان ويقرا كلامي ده ويقرر ابطال قرار الطلاق بفتوى
Quote: اول شئ عسل في عينك اختشي بيجي هسه صديق الموج بيوريك ياهو والكسير مضمون صدقني مادام في كنجالات ضحاكة
ايمان العسل ازيك، وكل سنة وانت طيبة (طبعا دة بمناسبة عيد الحب وكده) غايتو انتي زي الكربونات في ملاح الخدره، مما تجي المنبر الكترابة تقوم. بتذكريني بت جيرانا "نوال"، البت من ما تجي داخلة البيت الشفع كواريك والبيت يصبح فوضي، حتي غنم الحلة وكلابها لما يسمعوا الجوطة تلقيهم بدوا نبيح. قلت لي صديق الموج، ياريت يجي يأ ايمان في واحد هنا في المنبر معانا اسمه "غريبة" ما بعرف يقرش ملحتو الا صديق الموج، شايفو الأيامات دي ربي ليهو ريش. تسلمي وياريت تركزي لي علي الحبش.... وهاك الوردة دي بمناسبة العيد وأوعك تفهميني غلط
يا ايمان يا اختى الظاهر اكان متزوجك واحد من ناس الحكومة ديل
وحظك صار تعيس معاهم... الله يعينك
تحياتي
امين
Post: #77 Title: Re: انا طلقت راجلي التاني الحقوني يا ناس التكنلوجيا المتقدمة Author: bayan Date: 02-14-2007, 06:36 AM Parent: #75
اللذيذة ايمان صاحبتي هي انا البعمل المعاينات سمح؟ خبرة 21 سنة زواج.. برضو لو شرحتي للمسزات (حقوق محفوظة للنا) خارطة طريق كيف يطلقو ويلمو القروش بتكوني ما قصرتي
وليك وحشة شديدة.. في زول يا ايمان رسل قالي ايمان دي انتي خلي بالك الاوشاعة دي لو انتشرت بس بتقدمو ليك الظلامين.. وذي ما قلت زمان ظلامي عديل ولا مستنير مجهجه
بما انك عندك القروش انت تختي شروط نوع اصفر وطويل وشعرو ناعم وعيونو غلاد و سيد بيت كويس ويقدس الحياة الزوجية..
Post: #87 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-14-2007, 08:23 AM Parent: #77
ووووب علي بيان قاعدة بيجاي ازيك يا نجاة والله العظيم مشتاقة ليك والمعاينات عاد سلمتها ليكي تب ناس رندا ولنا وملكة سبا ديل ذاتهن انا شاكة فيهن هسه شايفاهن حايمات حوامة في بروفايلات الوليدات من امس عليكي النبي اليقولوا انا وانتي ما يانا واحد الرسول سلمي على بنياتك وسلمي لي على الغالية دومة لمن الاقيها
ايمان
Post: #86 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-14-2007, 08:17 AM Parent: #75
ناس حكومة شنو البرضى بيهم انا يا الامين؟ انت كان كدي ما بتعرف اختك
ايمان
Post: #76 Title: Re: انا طلقت راجلي التاني الحقوني يا ناس التكنلوجيا المتقدمة Author: محمد أبوالعزائم أبوالريش Date: 02-14-2007, 06:33 AM Parent: #1
Quote: الفوق ديل كتبتهم يجيبوا لي البوست لأنهم بيعرفوا للحاجات دي خلي الطرطشة البتوسي فيها دي انت ذاتك وقدم اوراقك عند ملكة سبا هي بتستلمها وتعمل ليها تنسيق ولو دين بتشديد الياء قدمها لسودانية2000 عشان هي الماسكة الديون
الله يسألك هسة في طرطشة أكتر من البتسوي فيها إنتي دي؟ ..... ملكة سبأ وسودانية 2000 ما غابي عنهم ... ولو عايز أصلهم عارف دربهم .... بس أنا بتفاهم دايماً مع صاحب الجلد والراس.
عموماً أنا اتأخرت عشان مشيت للبوست الأول ..... و ...... رسالتك وصلت.
أنا يا ستي متزوج (يعني عندي 3 شواغر) بس في ناس كتيييييير متكلمين علي ومستني أعمل (Filter) عشان أشوف صاحبة النصيب نمرة (2) .... تحبي تدخلي في المنافسة؟
مالك ما دايره تشوفى بروفايلو ... اهم شئ التحرى .. الزمن دا يا بت امى الرجال بقو كضابين كضب .....
اللقب: أبوبكر طه الحالة: . عدد البوستات: 33 تاريخ التسجيل: 21-10-2006 محل الاقامة: اريزونا مدينه توسون عنوان مكتبتى بسودانيزاونلاين دوت كم : اكلات مفضلة: كل حلال طيب الاسم الحقيقى: ابوبكر طه محمد بابكر التلفون: الجامعة/المعهد: خريج جامعي الحالة الاجتماعية: Single العنوان الدائم: الفنان المفضل: ميرغني النجار اللون السياسى: سوداني النوع: Male الهوايات المفضلة: الابحار في الانترنت الوظيفة: مهندس طيران و(فني كمبيوتر). تاريخ الميلاد: MARCH 1979 درست المرحلة الابتدائية فى ......و سنة....: دويم ودحاج الابتدائيه 84 حتي 90 درست المرحلة الثانوية فى ......و سنة....: مروي المتوسطه 90 وحتي 93 درست المرحلة المتوسطة فى ......و سنة....: حنتوب الثانويه ثم مروي الثانويه حتي 96 شاعرك المفضل: حاتم حسن الدابي عدد الاطفال: 0 معلومات اضافية: مكان العمل: bombardier learjet AZ USA مكان الميلاد فى السودان: دويم ودحاج محليه مروي
اجى اجى اجى حال السرور يا العظمة....شوفى جنس الكلام دا (ان ما بقى مكنه ساكت) ... يا بت سغرة وعلم ووجاهه وإمرييييكى من اريزونا وكمان على قول الغنيه (ود الجار الكابتن الطيار الصرفو بالدولار) ...اسمعى يا ايمان النوصيك يا اختى والوصيه فى الذمه.. بعد ما تسوى فلتره الشخص دا(بكسر الشاء) اذا ما طلع ليك فى السحب النبى شوتيهو علينا جاى ..... سمح ..
واوع تتماسخى لى تفتكرينى بحرد ليك بوستيك دا ... يا اختى شايفاهو جايب دخل رجالى عالى (فولت فوق لل 220)... اها وكمان ختينا فى البروفايل سامبل .... رايك شنو النبى ما بتجيب دخل ؟؟؟؟
كان شالوهو ما بنشال وكان خلوهو سكن الدار .... اُخ وبركت .....
Post: #89 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-14-2007, 08:30 AM Parent: #79
عاد يا رندا سويتيها شينة وظاهرة النصيحة امرقي من هنا براك احسن قبل ما اجيب لي كنش اكشك بيه كمان بقيتي تحومي في البروفايلات وخليتي الدلوكة كله كله قايلاني غافلة اظنك اخير صلحي تعاملك وروقي واقعدي في الارض دي وخلي البتسوي فيه ده
يعني انا طلعت خسران معليش المره الجايه!!!! بعدين كل المعلومات الفي البروفايل معلومات حقيقيه للمعلومه اسمع النكلمك انا جني وجن الراجل الخفيف ولفيف وجني وجن الناس البيكتبوا التاء المربوطة هاء
ايمان
Post: #88 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-14-2007, 08:26 AM Parent: #76
خلاص اتفاهم مع دكتورة بيان يا ابو العزائم وانا ذاتي زول زيك لا بعرسه ولا بقرب منه اسمك ابو العزائم ومعناها حاتسويها لي كلها كشاتين وعزايم ده كان ما طلعت شيخ وسويتها محايات وعزايم من نوع تاني امشي نافس بعيد من هنا
ايمان
Post: #78 Title: Re: انا طلقت راجلي التاني الحقوني يا ناس التكنلوجيا المتقدمة Author: فيصل نوبي Date: 02-14-2007, 07:09 AM Parent: #1
Quote: سمعت صوت زغرودة من ابوه وفهمت انه فرح عشان ولده وافق.
ايمان صالح الله يجازى محنك ... يمين بالله انا بضحك فى المكتب زى المجنونه ودموعى تتجارى ....
يازوله بوظتى لى (الميك اب) بتاعى .......
النبى فوقك تانى ما تغيبى ....
Post: #92 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-14-2007, 08:42 AM Parent: #80
رندا انتي ياختي في المكتب خالة شغلك ومبارية البوست والرجال الفي البوست؟ عاد انا كان قايلاك كدي ما كان رحبت بيكي شيلي دلوكتك دي وامرقي من هنا النبي عزيز
ايمان
Post: #81 Title: Re: انا طلقت راجلي التاني الحقوني يا ناس التكنلوجيا المتقدمة Author: nazar hussien Date: 02-14-2007, 07:42 AM Parent: #78
Quote: نزار اسمع النحدثك مش عندي بيت وبس كمان بنيت بيتنا الفي ودنوباوي من اول جديد وهسه ببني في قطعتنا الفاضية اها شن قولك؟
ايمان
وقبل ظهور ناس شطة وتهاديل كمان؟ يعني بنيتي بنا راسو عديل...لا 3 بانيل ولا بلوكات طين؟
لا كان كدي انسحب لعدم الكفاءة...
انتي مؤهلة تأهيل عالي جدا...ومستطيعة مش الباءة...وصلتي الياءة زاتا..
ايمان يا اختى اسمعينى ... انا والله ح اديك اقتراح اصلو ما ح تلاقى احسن منو..
شوفى بما اننا الاتنين نساء عاملات .. يعنى ما فاضين وورانا مشاكل عمل والتزامات اخرى .. رايك شنو نعرس لينا راجل واحد انا وانتى ... واذا اتفقنا على الاساسيات ممكن نسكن فى بيت واحد ... وعلى الاقل كل واحده فينا يكون عندها يوم براها لا راجل ولا وجع راس !!!!!!!
بعدين ممكن نحاول نلقى لينا حل لى مسالة قطر والسعوديه دى ...
انتى اذا وافقتى من حيث المبدأ ممكن نقعد فى الواطه ونتفاهم فى باقى التفاصيل التانيه ..
رندا اسمعيني انتي واسمعيني سمممممممممح شيلي دلوكتك دي وامرقي من البوست ده وهسسسسسسسسسسسسه دي
ايمان
Post: #93 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-14-2007, 08:47 AM Parent: #81
نزار رحم الله امرئ عرف قدر نفسه ياخوي وبركة الانسحبت براك كدي راجع ناس رندا ديل قبال تمرق امكن يكونن بانيات بالقش
ايمان
Post: #90 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-14-2007, 08:35 AM Parent: #78
فيصل نوبي خلاص بكري رجع البوست القديم وبكدي يكون وجودك هنا اصبح ضرب من ضروب المزعجات فالعاقبة عندك ياخوي في المسزات الله يريحك يا لنا مهدي دنيا واخرة ويديكي الفي مرادك انتي ويعقوب ان شاء الله
ايمان
Post: #94 Title: Re: انا طلقت راجلي التاني الحقوني يا ناس التكنلوجيا المتقدمة Author: د.محمد حسن Date: 02-14-2007, 08:48 AM Parent: #90
Post: #149 Title: Re: انا طلقت راجلي التاني الحقوني يا ناس التكنلوجيا المتقدمة Author: ابوبكر يوسف إبراهيم Date: 02-15-2007, 07:53 AM Parent: #95
يا إيمان ، أختنا الأستاذة عواطف إدريس كانت في بوست بتدافع عن موضوع الزوجات الSecond Hand تجي تخربي ليها الرّصة .. الظاهر إنتي قريشات الإغتراب فرعَنَنِّك.. لا مشكلة برضو التغيير مطلوب طالما إتفرعنتي بي قروشك أو القروش فرعنتك .. برضو ما بطال التغيير ‘ ما معقول الواحد يقعد ياكل مفروكة دايماً؟!!.. بعدين حرام تقعدي قدام واحد بس العمر كلو .. فعلاً رتابة ممكن تؤدي للإكتئاب خاصة لواحدة عنده الإمكانات المادية للتغيير!! هي القروش سووها لي شنو ؟!!، مش عشان الواحد يمتع نفسو بيها .. غيري يا شيخة الواحد ما حياخذ من الدنيا حاجة وطبعاً الواحد ما بقدر يلبس جزمة لا مؤاخذة وقت طويل.. بتضايقو مش كده.. ممكن تغيري لي صندل أو شبشب يريحك!! والله كان عندنا جارة دلالية ومقرشة .. غيرت حوالي (13) وكلهم (صوالين) وما شا الله هي ترلة ( مقطورة نسوان أمدرمان الزمان) وكانت شاطرة دايماً العصمة في إيديها بالمناسبة.. وطبعاً نحن جيران وبنسمع لما تجي تفنش الشاب .. تصوروا حجتها ( إنت طالق بالتلاتة عشان ما قاعد تصلي) وكانت شاطرة مافي واحد قدر ياكل منها قرش واحد.. فتحي عينك وخلي بالك.. خليك زيها شاطرة ما يجيك واحد حلنقي يقشقشك ويخليك على ود الترابي وأباطك والنجم والمسا!! .. عموماً طبعاً أنا كنت فضولي ومتطفل في مواضيها بالذات لأني كنت بتسلى وبتضحكني جداً وأنا الوحيد الما عارف ليه ما فكرت تتزوجو رغم إني جار والجار أولى بالشفعة إمكن عشان بصلِّي!! .. المهم لما ناقشت معاها الموضوع قلت ليها ما إنتي إتزوجتيه أصلاً ماكان بصلي الجدّ جديد شنو؟!! فكان ردها إنها حاولت إصلاح حاله ولمافشلت أدتو إستمارة (6) إنهاء خدمات!! .. وكان كلامها لحدي هنا منطقي ولكن قامت كمّلت وقالت: القرش كان ما إشترى ليك النفسك فيهو فايتو شنو؟!!!
Post: #96 Title: Re: انا طلقت راجلي التاني الحقوني يا ناس التكنلوجيا المتقدمة Author: بابكر عثمان مكي Date: 02-14-2007, 08:55 AM Parent: #90
الفاضلة ايمان تحياتى
خليك تفتيحة وشوفى ليك شيخ اتسببى بيهو المشكلة انو دى تالت مرة ) لكن حاولى برضو بس خلى شيخك واصل
Quote: فى سؤال مباغت بصيغة الامر بدأت نضال الحديث
تزوجنى ،، ؟؟ (كلمة واحدة تحمل السؤال والامر معا") كان النسيم يحمل عطر الياسمين من غمازتيها بذات النونات الاستوائيات الخجولات حاجبيها شمسان من النضارة والوضاحة والجمال ، كلما بسمت ثمة شمس تود ان تشرق واخرى تود ان تغيب .
وهو .. يود ان يبكى ... فلا ظل ولامال ولا عمل
كيف اتزوجك وانتى عارفة انا حيلتى التكتح ماعندى غير بنطلون الجنز ده ، كيس الصعوط دة شحدتو هسى دى من واحد وهدا قميصى انهرد من ورا . ( قد من دبر) بإغواء من هذا الزمن اللعين والفقر المقيم ، ان الفقر يغوى أكثر من الراقصات الشرقيات وان كن عاريات.ياخى انا شدة مامفلس جاى كدارى من امدرمان عشان اشوفك بس وارجع كيف اتزوجك بس ورينى .؟؟ بحلقت فيه بعينيها الواسعتين كإقليمين زراعيين خضراوين متجاورين فانكسر مرة أخرى من تلك الشموس التى تشرق فى ظلام يأسه وقلة حيلته . فمجرد ان تبحلق فيه تعبر خاطره تسكن غضبه وتهدىء من روعه واعقبت .. ماعارفة تزوجنى بس وخلاص ماعايزة منك ولا من اهلك حاجة تزوجنى لانك لوما تزوجتنى حاتندم طول عمرك يااسماعيل وحااندم ، بصراحة كدا ابوى عاوز يزوجنى لشيخ حسن رئيس اللجنة الشعبية فى حينا . تتصور عندو مرتين ودستة شفع اولادو رجال وبناتو فتوات وبعد ده كلما اجى طالعة ابحلق فينى زى الصقر .
Post: #97 Title: Re: انا طلقت راجلي التاني الحقوني يا ناس التكنلوجيا المتقدمة Author: محمد الأمين موسى Date: 02-14-2007, 08:59 AM Parent: #96
Post: #99 Title: Re: انا طلقت راجلي التاني الحقوني يا ناس التكنلوجيا المتقدمة Author: bayan Date: 02-14-2007, 09:10 AM Parent: #90
يا ايمان
عايني اقتراح رندا حق تعرسو راجل واحد دا ما تفكري فيه رندا ذي في الحتة دي بتكون معاينة لقصة القروش دي لآنها على ما يبدو بتؤمن بالمادية الجدلية على راي جازولت.. واسع ذي عايزة تطرح ليك تشاركيها في زوجها بيكونو مزرورين في قصة بناء البيت كدا طبعا دا قبل يظهر البنيان الرخيس الجنن نذار دا. اها رندا دي داخلة على طمع ولذا طلبها يرفض ولا ينظر اليه البتة البتة اصلو لو هي عايزة تشارك ما اشاركها انا صاحبتها جننا تعرفو ولا كيف؟ يا افكاتو نذار تاني اسمك حيكون نذار 3 بانيل.. اوعى تتكلم عن البنا كثير كدا تجي زوجتك تطرحك وتقول تريد شريكة فيك..
شنو يا زوله ... ايمان دى قالت دايره راجل تانى ... وانا كمان قلت دايره راجل تانى .. يعنى المساله يا اختى فيها مصاريف وشيله ومهر ومعازيم وبعد العرس كمان ح يحتاج مصاريفو اليوميه .. ومع العرس البقى غالى اليومين ديل اخير نتشارك لينا فى راجل .....
وبعدين كان على مسالة البيت وكدا اخير برضو نتشارك لانو هسى يا بيان كان قمنا لقينا راجل بتتوفر فيهو كل المواصفات المطلوبه وحضرتو قال الا يكتبو ليهو البيت بى اسمو اها ... يا الواحد يقول لا ويبدا الكواسه من جديد ويا عالم نلقى راجل عليهو الرك ولا لأ .. ولا كمان نوافق اها فى حالة الموافقه المشاركه مفيده .. بدل يعنى هى تخسر تعب عمرا وانا كمان نقوم نقسم حق البيت فيفتى فيفتى ...
ايمان يا بت امى فكرى فى العرض دا كويس .. وانا منتظره ردك ...
البوست اخد مكانه في المزح الجميل ونقلنا من البوستات المعتادة او بالاصح المملة
لكن نصيحة لي الله يا بيان ويا ايمان ورنـدة بانكن سمعتن اخر غـدر الرجال وهذه حقيقة ومع الاسف في مجتمعنا السوداني ده.
الحقيقة هي واحد سوداني ازوج ليه واحده هنا واختنا دي شغالة ماشاء الله عليهاوفي نفس الوقت عنـدها سيارة كوريلا قام اخونا بعـــد ازوجها بعـد فترة وجيزة باع السيارة وقام طلقها... والحين ...
فاعملن حسابكن يا اخواتي ما ادقسوكن
مودتي _______________________________ راجل مرة بنفع
هييييييييي يا رنـدة انت قدر كلامك ده اسع اكان جينا في الجد الفار بنطط في عبك وخلك اذا اكنتي انت مقتنعة وشاركتيها والله بتحت تحت اللكس بحصل من اقربائك عندي مرة اخوي حصل ليها نفس اقتراحك واول شيئ اتجاعلت وقالت قسمة ونصيب وهي تاكل قسمتها وانا اكل قسمتي لكن تعالي شوفي بعد يومين ثلاثة ..... جنس نطح وحـدري اريت ما حدريك.
يا اختى ايمان دي الظاهر صياده شديد اعملي حسابك.... خلي كلامك يكون حده النت ده بس...
الله لا جاب حدرى ... انت الرسول من زمن النسوان البحدرن فى بعض عشان راجل ... يا اخوى العهد دا انقرض خلاص (من عمايلكم) ... هى بس كدى تقول بسم الله وتوافق على اقتراحى دا ... مستعده اكتب ليها تنازل لى مدة شهر طبعا لانها صاحبة الفكرة ...
ما بخليك منها يا ايمان ... اذا بترجعي ليها الكوريلا بتاعتها بخليك منها وبعــد نوريك الباقي.... يعني تدفعي بـدل او تعويض بعـدين نشوف هو مطلق او لا ... على كل حال حا تكوني في الحالتين كسبانه...
يا ايمان ... محمد البشرى دا زول نكته ومن النوع المسلى يعنى الواحد لما يرجع من الشغل بلقى ليهو وش ضاحك اخير من النقرى الفقرى ... كدى ختى السى فى بتاعتو فى اللسته ... ودالبشرى قدم ورقك بالله فى البوست دا وان شاء الله ينظر ويفاد... انا ح اعمل ليك ريكومنديشن ..
ام حتوت لو مره ديموقراطيه ح ترحب بينا ترحيب شديد....
النبي يا ام حتوت جنس قوة العين دي شفتيها؟ وووب علي وووب علي ووووب علي ياختي امسكي في راجلك قوي وانا ذاتي موضوع العرس دا قفلته وقت بقت مقابضة زي دي تعالي يا بيان شوفي البقت
Quote: يا افكاتو نذار تاني اسمك حيكون نذار 3 بانيل.. اوعى تتكلم عن البنا كثير كدا تجي زوجتك تطرحك وتقول تريد شريكة فيك.
والله الايام دي حلمي بقي كلو سيخ وشبك؟ الغريبة الاسمنت دا اصلو ما لاقاني في حلم...
قلنا نشرك لي ايمان دي امكن يكون عندها بيت يكفينا شر ال3 بانيل لقيتا عندها اتنين بدل واحد ...وانسحبت لعدم الكفاءة...وهي كما تعرفين شرط اساسي في الزواج...ما معقول زول بحلم بي 3 بانيل يلقي ليه زولة زي ايمان دي ساكنة...وبانية تاني فنكهة...وانا لا هسي في طور الحلم البانيلي
اما زوجتي فهي اسمنتية الهوي...ولا علاقة لها وغير مقتنعة اصلا بفكرة ال 3 بانيل
كان زي رجالك ديل رفضوك عاد الا تشوفي طريقة تانية ... المنتجات البلاستيكية رااااااااااااقدة أخير ليك من عينة رجالك البتطلقيهم انتي ..
Post: #152 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-15-2007, 08:04 AM Parent: #144
ما تكوني طلقتي الاول وهو في شهرو التامن ؟ لا الاول قال خايف الحمل والمنتجات البلاستيكية الراقدة دي ما بتنفع معانا لانها زيها وزي الرجال شوف لينا منتجات ما راقدة
يا محمدين ياخوي انا ناديتك واخوانك ديل عشان شايفاكم بتفهموا في حاجات الكمبيوتر لا شاتلة ولا ناوية اشتل انا كان ناوية اشتل بقول عدييييييييييييييييييل هدي احمد الله مسوية لي بوست قدر الليلة وبكرة للشتلي اديني عكازة قرجة دي الكنش ما نفع مع رندا
هسى انتى فى ذمتك وكت رسلتى لى الماسنجر بالضرا .. وقلتى لى يا رندا شوتى معاى فى البوست دا قدر الله ما يقدرك عشان النحل يتلم ... وكلمى الفكى بتاع مايرنو يعمل لى عمل محبه (طبعا لانكم فى السعوديه وهابيين ما عندكم البلاوى دى) ... وانا استعنت بى كل مصادرى المعروفه (كيكي مثلا) والغير معروفه .... جايه هسى وكت الكلام مشى تمام وانا خاله الوراى وقدامى اشيل وارد واشيل واجامل واقلب ليك فى البروفايلات هسى دايره تزوغى موش ....
سمح يا ايمان يا بت صالح كان ما كجرت ليك بوستيك دا خليتو وقف محلك سر .. ما ابقى انا رندا ... وشيخى قال لى كان قصرت معاك تب بمشى ليها تانى مداخله مداخلتين ما بزيدن كان طمبرت ...
Post: #153 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-15-2007, 08:07 AM Parent: #148
غايتو الزمن دا اصلو مافى ليهو امان ...
والله صحي الزمن ما ليه امان عاد ما بهتيني وهجمتيني يا القاهر ووووب علي وووب علي ووووب علي منك ومن كضبك عاد كان ما جبت ليك بكري ابو بكر يجيب الماسنجرات كلها ويفضحك ويفضح باقي الرسلوا الماسنجرات ما ابقى ايمان بت صالح
المنتدى العام لسودانيز أون لاين دوت كوم Messenger (Inbox)
Inbox - Randa Hatim Inbox - New Message - Outbox
Date: 14-02-2007, 11:35 م From: إيمان صالح To: Randa Hatim
Subject: رجال اخر زمن
رندويه ... اسمعى يا بت امى ... انا الرجال ديل فقعو مرارتى عديييل كدا ... دايره اتفق معاك .. رايك شنو خليك مصاقره لى البوست دا 24 ساعه وانا ح اوريك كل مره تكتبى شنو وتردى على منو ... وووب على وووب على وووب على من الرجال ديل النبى فوقك كان ما ادبناهم ...
ايمان
Current Time: 15-02-2007, 07:20 ص
اها قلتى كدى .... يا ناس التكنولوجيا المتقدمه ورونى انزل الكلام دا باللون والصورة كيف ....
Post: #169 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-15-2007, 09:24 AM Parent: #164
رندا تعالي نفتح للرجال وللعولاق ونفتح لينا محل كمبيوتر رايك شنو؟ القصة دي اتاريها فيها مكسب الله يخليكم يا ناس التكنلوجيا المتقدمة وتقنية المعلومات ههههههههههههههه شوفي دي
ايمان
Post: #168 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-15-2007, 09:21 AM Parent: #160
ههههههههههه وحاة النبي انتي بت عسل لقيتك ما هينة لكن لالالالالا كان كدي بصاحبك لقيتك بتنفعي معاي تب بجيب ليكي صورة تاني هسه الحكاية عجبتني ههههههه
والله يا بت كلامك صاح ... بلا رجال بلا لمه .......
وبعدين هم بلا المغسه ووجع الراس بجى من وراهم شى ؟؟؟؟
يا زوله تعالى نعمل لينا مشروع تكنولوجى مربح ونامن مستقبلنا ... غايتو الراجل الوحيد الممكن نستفيد منو فى المساله الاستثماريه دى "بكرى ابوبكر" .... اهارايك شنووو؟؟؟؟؟ ننشن ؟؟؟؟؟؟
يا زوله تعالى نعمل لينا مشروع تكنولوجى مربح ونامن مستقبلنا ... غايتو الراجل الوحيد الممكن نستفيد منو فى المساله الاستثماريه دى "بكرى ابوبكر" .... اهارايك شنووو؟؟؟؟؟ ننشن ؟؟؟؟؟؟
لالالالالالا يا عويرة بكري ابو بكر شنو انتي كمان؟ بكري عنده صلعة نشوف لينا واحد شعره سبيبي
منو ديل البيفلقوني يا مهلب هسه في ذمتك شفتني وين اليوم كله في النت؟ انا من سنة 2005 ما شفت النت جنس بهتيك ده اصلي ما شفته في بشر الفراغ يفوتك انت واخوك يمشي وين؟ شوف جنس ده بالله
لكن ياأم حاتم السويتيها رقدت شوفي جنس المحن البقت علينا دي
Quote: ياختي راجلك براهو الخفيف ولفيف
أنا دخلت البوسط دا أتونس و أتفرج قايل بي بروفايلي عندي حصانة ما مشكلة إيمان هينة الكلام أم حتوت البقت تعدل في البوستات بلا باسوورد و عملت لي قوانين و لائحة أخطر من لائحة بكري أول مادة فيها ممنوع التداخل مع أو الرد على أي عضوة في البورد هسي هي قامت تحضر المسلسل و أنا لقيت فرصة أكتب ليك الكلام دا أها إرتحتي عشا...
الليلة...المسلسل إنتهى يلا مع السلامة و بالله كان طولت أفقدوني (وجه يتلفت)
Post: #161 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-15-2007, 08:59 AM Parent: #151
الخوخة يا يمة التنصل السنون كيفن عاد ما سالني؟ مباريني بالماسنجر لمن كرهتني العرس وسيرتك يا يابا اصلها سيرة امل دنقل؟ حبك بورص عشان تدخل البورصة تنمي ارباحك
ايمان
Post: #155 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-15-2007, 08:11 AM Parent: #146
اب دقنوس انت لي هسه بتتحاوم بي هنا؟ والله صحي قطر عجيبة وجنس الفيها ديل اصلي ما شفت قبال كدي صدقت اوعى انت تكون بي هناك كمان؟
ايمان
Post: #154 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-15-2007, 08:09 AM Parent: #145
إيمان هينة الكلام أم حتوت البقت تعدل في البوستات بلا باسوورد و عملت لي قوانين و لائحة أخطر من لائحة بكري أول مادة فيها ممنوع التداخل مع أو الرد على أي عضوة في البورد هسي هي قامت تحضر المسلسل و أنا لقيت فرصة أكتب ليك الكلام دا عفيت منك يا ام حتوت ايوه كدي خلي كل قردا اليطلع جبلايته قاعدين مصاقرين الكمبيوتر النهار والليل وكل ما واحد سمع ليه بي شيلة فيها عراقي ولا سروال نطط عيونه وفكر في العرس
يا شرلوك ترمس امشي شوفي انتي دي السبعة دي السنة يا مطرطشة اليوم يوم 15 شهر اتنين سنة سبعة يعني الفين وسبعة انتي مالك بقيتي مغبية؟ نفرتق الشراكة ولا شنو؟
عالم ما بتفرق بين الكلام الجد وبين الهزار البفرق بيهو الواحد على روحو من البلاوى الفى البورد اليومين ديل ..
عجبى ...
التوقيع: بت حاتم ... وام حاتم وريما ومريم...[/B]
Post: #234 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-17-2007, 10:09 AM Parent: #217
رندا ما تشتغلي بالموضوع يا غالية فيصل هدا انا كلمته وعارفاه بيفهم الحاصل بيكون بيكاوي ساي هسه انتي وانا ما كاوينا بعض وانا كاويت الناس ديل كلهم ما تزعلي ساكت وبردي نفسك ده الرسول فوقك
ايمان
Post: #233 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-17-2007, 10:09 AM Parent: #216
فيصل اول شئ طلبت بالنبي تصغر الصورة الختيتها دي تاني شئ يا العامل فاهم في امور الكمبيوتر رندا لا راسلتني ولا راسلتها لي يوم الليلة يعلم الله دي صور فبركناها ساكت للضحك البورد جايط وكله سياسة والحكاية زي ما قالت بيان ضحك وهزار ساي ما تعملوها جد وتلخبطوا لينا الموضوع يلا تعال صغر الصورة قبل ما اجيب ماسنجر منك هسه يفضحك انت ذاتك
ايمان
Post: #176 Title: Re: انا طلقت راجلي التاني الحقوني يا ناس التكنلوجيا المتقدمة Author: ابوبكر يوسف إبراهيم Date: 02-15-2007, 11:24 AM Parent: #154
يا إيمان ، أختنا الأستاذة عواطف إدريس كانت في بوست بتدافع عن موضوع الزوجات الSecond Hand تجي تخربي ليها الرّصة .. الظاهر إنتي قريشات الإغتراب فرعَنَنِّك.. لا مشكلة برضو التغيير مطلوب طالما إتفرعنتي بي قروشك أو القروش فرعنتك .. برضو ما بطال التغيير ‘ ما معقول الواحد يقعد ياكل مفروكة دايماً؟!!.. بعدين حرام تقعدي قدام واحد بس العمر كلو .. فعلاً رتابة ممكن تؤدي للإكتئاب خاصة لواحدة عنده الإمكانات المادية للتغيير!! هي القروش سووها لي شنو ؟!!، مش عشان الواحد يمتع نفسو بيها .. غيري يا شيخة الواحد ما حياخذ من الدنيا حاجة وطبعاً الواحد بقدر يلبس جزمة لا مؤاخذة وقت طويل.. بتضايقو مش كده.. ممكن تغيري لي صندل أو شبشب يريحك!! والله كان عندنا جارة دلالية ومقرشة .. غيرت حوالي (13) وكلهم (صوالين) وما شا الله هي ترلة ( مقطورة نسوان أمدرمان الزمان) وكانت شاطرة دايماً العصمة في إيديها بالمناسبة.. وطبعاً نحن جيران وبنسمع لما تجي تفنش الشاب .. تصوروا حجتها ( إنت طالق بالتلاتة عشان ما قاعد تصلي) وكانت شاطرة مافي واحد قدر ياكل منها قرش واحد.. فتحي عينك وخلي بالك.. خليك زيها شاطرة ما يجيك واحد حلنقي يقشقشك ويخليك على ود الترابي وأباطك والنجم والمسا!! .. عموماً طبعاً أنا كنت فضولي ومتطفل في مواضيها بالذات لأني كنت بتسلى وبتضحكني جداً وأنا الوحيد الما عارف ليه ما فكرت تتزوجو رغم إني جار والجار أولى بالشفعة إمكن عشان بصلِّي!! .. المهم لما ناقشت معاها الموضوع قلت ليها ما إنتي إتزوجتيه أصلاً ماكان بصلي الجدّ جديد شنو؟!! فكان ردها إنها حاولت إصلاح حاله ولمافشلت أدتو إستمارة (6) إنهاء خدمات!! .. وكان كلامها لحدي هنا منطقي ولكن قامت كمّلت وقالت: القرش كان ما إشترى ليك النفسك فيهو فايتو شنو؟!!!
شوف يا ابو بكر انا لا خربت رصة لي زول ولا خربت رصة لي زولة انت خلي الاصطياد في الموية العكرة والفرعنة دي بتعرف ليها انت ما انا عاد الفراعنة انت بيسالوك منهم؟ ما بتعرفهم زي جوع بطنك هسه انت رايك شنو تشوف لي عريس مغربي ولا مصري؟ عشان اخلي السوداني ده
ايمان
Post: #178 Title: Re: انا طلقت راجلي التاني الحقوني يا ناس التكنلوجيا المتقدمة Author: محمد أبوالعزائم أبوالريش Date: 02-15-2007, 11:32 AM Parent: #1
يا شباب لحظة ... وأدوها صنة
النسوان شمطتهم ضاااربة ... خلونا نشوفها ترسى على شنو ... وأكيد شمطة زي دي فيها مكسب.
(أخيرا .... بعد تحانيس و حلايف ووعد بتوب و ملحقاته أول الشهر رضيت عنا أم حتوت وسمحت لنا بدخول البورد شريطة الإلتزام بخارطة الطريق و إطلاعها على جميع المداخلات مع أو من العضوات عليه أرجو إعتباري مشاركا في هذا البوسط بصفة مراقب و ليس لي في موضوعه غرض)
إبمان صورة بروفايلك مع خفة دمك و مساخة ردودك بتذكرني الممثلة ووبي جولدبيرج
مش عليك الله الشبه شديد الغريبة برضو بتعرس و تطلق و حاليا كايسة عريس
أما عن بنات حاتم فيبدو أن الCASE وصل حالة متأخرة و الأعراض باينة في موضوع المسنجرات المفبركة أقترح زيارة نفس الأخصائي الذي يتابع حالة بنات فيصل
عواطف الذوق تسلمي انتي يا عسل ورفعتي معنوياتي ومن هسه قاعدة اجهز في الردود على الاسئلة والصور الحاتتنشر
ايمان
Post: #220 Title: Re: انا طلقت راجلي التاني الحقوني يا ناس التكنلوجيا المتقدمة Author: ابوبكر يوسف إبراهيم Date: 02-17-2007, 07:58 AM Parent: #197
الأخت أيمان شكراً على الرد الراقي الموضوعي .. الأستاذة عواطف إدريس كتبت عن نظرة المجتمع وليس هناك إصطياد في ماء عكر أو صافي بل هي مجرد مداخلات وإجتهاد مني وعبارة عن أراء قد تحتمل الصواب أو الخطأ .. والتعبير الدارج لكلمة ( قروشك فرعنتك) يعني فوّت قلبك ولا أظن فيه ما يسيء لك .. أما إذا تلمحين بمصري ومغربي لأمرٍ في نفس يعقوب فليس هناك ما يخجل أو يشين فأنا فعلاً خبير وخبير جداً .. لكن أوصف ليك راجل إشتغل خاطبة وممكن يلمك في إبن الحلال من أي من الجنسين إسمه ( الحبوب)!!
رندا ياخ صحصحي معاي عراريق شنو يا كيشة ؟ إيمان دي صرح علمي متحرّك إنتي ما بتعرفيها ساي ودا شئ بقى مفقود الأيّامات دي فقلت آخد لي منّها كم حصّة كدا زي حصصي الأدّيتك ليها ديك بس ما تكون زي فصلنا المهرجل داك لأنّها دي محاضرة محترفة ونوع ناس سفيان وعم حسن وأبو عسل ديك بتدّيهم على راسهم طوّالي ما بيرشوها بملاح تقليّة ولا نعيميّة
ووووب علي وووب علي وووب علي الكلام ده وين؟ الحصص والفصل والتقلية والنعيمية؟ وفصل شنو ومحاضرات شنو؟ يعميني ما شفته ده كله وانت يا يابا العلم يختاك يفوت وين؟ تسلم يا لؤلؤ ورندا دي سيبك منها
لؤلؤ زي ما بتقول تماضر ازيك يا راجل وعقبالك انت ده ذاتك في روحك دي وتسلم يا غالي
ايمان
Post: #209 Title: Re: انا طلقت راجلي التاني الحقوني يا ناس التكنلوجيا المتقدمة Author: حليمة محمد عبد الرحمن Date: 02-16-2007, 01:16 PM Parent: #204
ايمان انا جيت رغم انو البوست شبه مقفول على النساء.. بس عندي نصيحة محرقة لي روحي دايرة اقولها ليك: الصقر وكتين يقع كترة البتابت عيب ...
Quote: انا طلقت راجلي التاني الحقوني يا ناس التكنلوجيا المتقدمة
بعدين ناس التكنولوجيا المتقدمة ديل يفزعوك في شنو؟ انت راجلك دا الي ولا شنو؟ ولا انت ذاتك يرمموك ؟ سؤال انتي ليش اضربتي عن الشيخ اب شرا وسيدى الحسن ؟ يعني دا استعداد للتاني (بعدما فكوا الملح) لك الشكر... اعتبر البوست بتاعك من اميز البوستات وعلى فكرة دا الخلاني اضرب عن تحذيرك للنساء واقوي قلبي وادخل.. حليمة
حليمة اللذيذة عليكي النبي هو هسه البوست غير البنات الدخلوا منو؟ انتي برضو فات عليك موضوع ناس التكنلوجيا انا عندي بوست عرس قديم وما لقيته عشان طولت من البورد والبوست من سنة 2005 فناديت ناس التكنلوجيا ينكتوا لي البوست عشان اواصل المساعي الحثيثة من جديد بنفس البوست القديم وده البوست يا حبيبة اها ياجماعة انا مغتربة ولميت القروش وجاهزة للعرس اها فهمتيني؟
على فكرة يا ايمان يظهر انو الناس فهمت انو فى ماسنجرات بينا بالجد ...
يا شباب الكلام دا فبركه ساكت ... عملت كوبى لى صفحة الماسنجر عندى وختيتها فى وورد عادى وغيرت فيها الكلام وبعدين حملتها على شكل صوره عاديه .... وايمان عملت نفس الفكره لانو اصلا مافى بيننا ماسنجرات ....
عشان ما يجينى واحد يقول لى الكلام دا عيب منك يا ام حاتم وبت حاتم ..... سمح
Post: #222 Title: Re: انا طلقت راجلي التاني الحقوني يا ناس التكنلوجيا المتقدمة Author: bayan Date: 02-17-2007, 09:33 AM Parent: #219
Quote: عشان ما يجينى واحد يقول لى الكلام دا عيب منك يا ام حاتم وبت حاتم ..... سمح
خاصة بعد بقيتي تتكلمي في السياسة.. اسع يجوك الوعاظ وبكرة زول يلاقي امك يقوليها رندا قالت عايزة تختف رجال النسوان والكلام يصل الخرتوم الناس تقول رندا عايزة تختف رجال النسوان
اصلو مافي زول بيكون خاتي بالو انك متزوجة وانه الموضوع كلو هظار ما غير... وهكذا تطلع الاشاعات من هذا البورد وتلف المدن والاقطار والقارات.. في زول قال مرة لاختي اني شتمت واحدة قلت ليها يا بايرة واصلو لا اذكر ذلك وزول قال اني بدافع عن الانقاذ واني كوزة واصلو ما قدر يجيب الكلام دا متين وين برضو الناس صدقتو
واسع واحد ضرب لي قالي قلتي لزول عبد شوفتي كيف بتطلع الاشاعات؟
Post: #230 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-17-2007, 10:05 AM Parent: #222
بيان الغالية كيفنك؟ شفتي البقت علينا نهزر ونضحك ونتونس ويجوا يقلبوها جد ويلبسونا التهم وحالتهم عاملين فاهمين امور الكمبيوتر الصورة اللعبنا بيها نحن المسكينات ديل صدقوها وما فهموا انها مفبركة للهزار تسلمي يا الحبيبة وما تشوفي شر
ايمان
Post: #229 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-17-2007, 10:02 AM Parent: #219
اااي يا رندا شايفة فيصل الغبيان صدق الموضوع بمشي بكلمه ده ما وليد مسيكين ساي فيصل ده ما يشغلك الموضوع يا شريكة
ايمان
Post: #228 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-17-2007, 10:01 AM Parent: #218
محمد عثمان الاسد التالت وينه؟ ولا ما سمعت النكتة دي؟
Post: #235 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-17-2007, 10:15 AM Parent: #231
والله يا رندا يا هو البيخوف شوفي براك الرسول عـلي عثمان محمد طه محمد عثمان محمد طه
ايمان
Post: #249 Title: Re: انا طلقت راجلي التاني الحقوني يا ناس التكنلوجيا المتقدمة Author: محمد عثمان محمد طه Date: 02-17-2007, 12:17 PM Parent: #235
[ url=http://www.sudaneseonline.com/][/url] ما عندك مشكلة يا أختي ربنا يسهل عليك ويديك الهدي و الرضي ويكون كمان من جمعيتنا ((جمعية الأمر اليك)) ممكن نسمع نكتة التلاته غزالات ؟؟
Post: #237 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-17-2007, 10:15 AM Parent: #232
ما سمعتيها يا الملكة؟
ايمان
Post: #236 Title: Re: انا طلقت راجلي التاني الحقوني يا ناس التكنلوجيا المتقدمة Author: عصام عبد الحفيظ Date: 02-17-2007, 10:15 AM Parent: #228
ايمان سلام
كلما ما اجى جنب بيتكم القى النضمى والصوت طالع شديد انتو عندكم حزب جديد مع العولمة ولا حولية ولا حفلة لوترى
القصة اظنها اكبر ادونا الباسويرد
وتلقونا بقينا اسيادها
مع مودتى لك والجماهير المعاك
Post: #239 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-17-2007, 10:30 AM Parent: #236
فنان السرور عصام ود عبد الحفيظ وحاة النبي انا منسترة وصوتي واطي الا ديل ناس رندا ديل كل ما اقول ليهن يا بنات اسكتن صوتكن واصل الشارع يكوركن باعلى صوتهن اها ياخوي اعفي لينا وانت ياخوي سيدها بلا باسويرد تسلم يا الفنان
وخلي الرجفي البتسوي فيه ده انا ما ماشة اكلك انتي وكت خوافة كدي الفصاحة ليكي شنو؟
ايمان
Post: #241 Title: Re: انا طلقت راجلي التاني الحقوني يا ناس التكنلوجيا المتقدمة Author: إيمان صالح Date: 02-17-2007, 10:42 AM Parent: #238
قالوا يا الملكة في تلاتة اسود قارضة ليها منطقة من مناطق الجزيرة قرض شديد كل يوم يمرقوا وكت صلاة المغرب يحوموا في البلد وياكلوا الناس ويرجعوا الغابة تاني اها في وليد من وليدات المنطقة اتعلم الموسيقى وبقى شاطر شطارة شديدة فيها اها جا يوم البلد اجازة وسمع بقصة الاسود قال لي ناس المنطقة اسمعوا انا عندي فكرة وكت صلاة المغرب لما الاسود تجي مارقة انا بقعد اعزف هنا في نص البلد والعزف البعزفه بينوم الاسود اها اول ما الاسد ينوم تهجموا عليه وتكتلوه طوالي قوام قوام قالوا ليه سمح اها وكت الصلاة الوليد خت كرسيه وقعد شايل الكمنجة حقته في كتفه الاسد الاول جا مارق من الغابة والوليد يعزف عزف سمح والاسد يتدروخ ويقع يشخر الناس يصفقوا فرحانين ويجروا يكتلوا الاسد اها الاسد التاني يجي مارق بعد شوية والوليد يعزف عزف سمح والاسد يتدروخ ويقع يشخر الناس يصفقوا فرحانين ويجروا يكتلوا الاسد اها الاسد التالت يجي مارق بعد شوية والوليد يعزف في عزفه والاسد ماشي عليه وهو يعزف والاسد ماشي وهو يعزف لمن الاسد وصله وكف اكله هو وكمنجته وكرسيه في قردين اتنين قاعدين فوق شجرة بيتفرجوا واحد في القردين عاين للقرد التاني وقال ليه ما قلت ليك الاسد الاطرش بياكله؟ ههههههههههههههه
Post: #248 Title: Re: انا طلقت راجلي التاني الحقوني يا ناس التكنلوجيا المتقدمة Author: محمد أبوالعزائم أبوالريش Date: 02-17-2007, 11:26 AM Parent: #1
أنا عندي سؤال .....
في واقعنا العايزين تغيروه الواحد لما يحترم مرتو ويوفر ليها أسباب الراحة بيقولوا عليهو ( مستتا ) يعني مخليها ست الستات. هسي إنتو في مشروعكم الإنقلابي ده حتعملوا للراجل شنو؟ ( ترجلوهو؟ ) والا ( ترجوهو؟ ) عايزين نعرف بس عشان نطمئن على مستقبلنا.
في واقعنا العايزين تغيروه الواحد لما يحترم مرتو ويوفر ليها أسباب الراحة بيقولوا عليهو ( مستتا ) يعني مخليها ست الستات. هسي إنتو في مشروعكم الإنقلابي ده حتعملوا للراجل شنو؟ ( ترجلوهو؟ ) والا ( ترجوهو؟ ) عايزين نعرف بس عشان نطمئن على مستقبلنا.
Quote: يا شباب الكلام دا فبركه ساكت ... عملت كوبى لى صفحة الماسنجر عندى وختيتها فى وورد عادى وغيرت فيها الكلام وبعدين حملتها على شكل صوره عاديه .... وايمان عملت نفس الفكره لانو اصلا مافى بيننا ماسنجرات
كان جبتي اكتر من خمسين ماسنجر نمرة واحد وخمسين طوالي دي ما انا من هسي كلمتك
عارفاها انا الحركة دي يا الملكة لكن جني وجن الفلهمة وما عندي وقت للحركات دي كدي سريع سريع بلا ظللي بلا مضيعة وقت خلاس وكت ماسنجراتك فوق الخمسين انا ذاتي ما فاضية ليهن حصتك دي امشي اديها في فصل ناس لؤي داك اصله هايص وجايط قال جنس حنين قال حنينة انتي دي والله
رندا الراجل ده ما تجيبي لي سيرته هنا سفيان ولا يزيد ابان صلع ديل مش خلاس سوينا انقلاب ونجح؟ انسي لي العهد البائد ده وركزي لي في تكوين الحكومة الصاج ده حار شديد
فناننا الظريف محلك ده ياخوي رومانسي شديد وانا الرومانسية دي بتجيب لي روح معنوية وبتخلي نفسويتي منقرفة احجز لي كرسي بهناك عندي صاحبتي اسمها رحاب برسلها تجيكم ادوها الكرسي
Quote: بهظر يا إيمان بهظر والله بهظر بهظ (طااااااخ) .. (طرااااااخ) يحلها الشبكها بهظ.. بهظر
يجازى محنك ... يمين بالله ضحكتنى .. اتخيلتها ساكاك بالكنش وطاااخ طراااخ وانت تقول والله بهظر .. بهظ .. وقبل ما تتمها يلحقك الكنش تانى ...انت بتهابش الزوله دى مالك ... ما سمعت "ابوحتوت" قال عنها شنو؟؟؟
النبى كفاهو خلاص يا ايمان ... الزول دا قال "يحلها الشبكها" .. يعنى نده الله عديييل .. خلاص خلاص .. هو قال تاب وتانى ما بقول ليك كدا ... موش يا محمد ..
فيصل عاد ما نزور مالنا؟ شايفين الاتهامات نازلة قرش ونص قال لي وقلت ليه وكتب لي وكتبت ليه وقالت لي وقلت ليها وكتبت لي وكتبت ليها اها قلنا نستفيد ونزور ماسنجرات كان واحد ولا واحدة تفوز ونرتاح ونريح راسنا وندفن الخور
ايمان
Post: #283 Title: Re: انا طلقت راجلي التاني الحقوني يا ناس التكنلوجيا المتقدمة Author: عبد اللطيف بكري أحمد Date: 02-18-2007, 10:29 AM Parent: #1
سحبنا التسجيل من هنا ياناس إيمان عشان شفناهو شردكم عدييل وحاة النبي انتي ما نصيحة الرسول فوقك رجعي الغنية انا مشيت اشوف لي بخرات لي موضوع كدي ويادوبي راجعة دي دخلتي
ممكون ممكونة الله يغتيهو .... ويخليهو لي ممكونتو ... أبعديهو من الشليقات ديل ود ابو العزائم؟ وووب علي وووب علي وووب علي ما سويتها ظاهرة لكن ياخوي وتعال النسالك الشليقات منو؟
ايمان
Post: #307 Title: Re: انا طلقت راجلي التاني الحقوني يا ناس التكنلوجيا المتقدمة Author: محمد أبوالعزائم أبوالريش Date: 02-19-2007, 09:47 AM Parent: #1
Quote: انا زولة بسمع الكلام وبسمع كلام أبوي دا :
والله يا ملكة أبوكي ده نصحكم نصيحة ... البتسمعها عمرها ما تندم
صلاة النبي صلاة النبي صلاة النبي ده حق منو الحليو ده؟ الله يحفظه ويخليه ان شاء الله قاعدة انا يا عصام اخدت لي سفرة قصيرونة مع الشغل ورجعت امس اها راجياك
عليك الله بي مساختك دي و دايرة تلقي عريس انا مسيخة يا ود البشرى؟ انا وحاة الله المعسول كلامها الغنوا ليها امشي انت شوف ستك دي كدي اول وحاة الله يا ام حتوت لقيتك بس برج مراقبة راجلي التاني دايرة بيه شنو انا؟ ما ياهو عينة ود البشرى ده
المشكلة انو دى تالت مرة ) لكن حاولى برضو بس خلى شيخك واصل 
[/url]
