Post: #2
Title: Re: ( البشير ! ) يحافظ على ترتيبه الاول فى اسوأ دكتاتوريه فى العالم !!!!!!!!!!!
Author: ABDELMAGID ABDELMAGID
Date: 02-12-2007, 02:19 AM
Parent: #1
تهانينا ل ( سعادتو !!! ) ( المشير !!! )
و كل عام و انتم بالف شر !!!!!!!
|
Post: #3
Title: Re: ( البشير ! ) يحافظ على ترتيبه الاول فى اسوأ دكتاتوريه فى العالم !!!!!!!!!!!
Author: wesamm
Date: 02-12-2007, 03:17 AM
Parent: #2
Quote: No. 1
Omar al-Bashir
Sudan.
Age 63.
In power since 1989.
Last year’s rank: 1
Omar al-Bashir retains his position as the worst dictator because of his ongoing deadly human-rights abuses in the Darfur region of Sudan. Over the last four years, at least 200,000 people there have been killed by pro-Bashir forces. Nationwide, 5.3 million have been driven from their homes, and more than 700,000 have fled the country. But at the UN last September, Bashir blamed international aid groups for exaggerating the problems as a ploy to raise money for their organizations. And in November, he argued that war-related deaths in Darfur were less than 9,000. Despite agreeing to a 60-day ceasefire last month, he has been accused by his people of ordering troops to continue their attacks. |
|
Post: #4
Title: Re: ( البشير ! ) يحافظ على ترتيبه الاول فى اسوأ دكتاتوريه فى العالم !!!!!!!!!!!
Author: ABDELMAGID ABDELMAGID
Date: 02-12-2007, 07:58 AM
Parent: #2
على نطاق مايسمى ب ( الجامعه العربية !! ) ..
حسب الاحصائيات ... ( اربعة !! ) منهم ضمن العشرة الاوائل !!!!
الاول ... عمر حسن احمد البشير ...
التانى ... عبدالله بن عبدالعزيز ....
التالت ... معمر القذافى ...
الرابع ... وريث ابيه ( بشار حافظ الاسد !!! )
فلنحييهم على نيلهم هذا ( الشرف !!! ) فى حق شعوبهم !!!
كسره :
ما تنسو كمان ( نمره ١٨ !!! ) حسنى مبارك  !!!
|
Post: #5
Title: Re: ( البشير ! ) يحافظ على ترتيبه الاول فى اسوأ دكتاتوريه فى العالم !!!!!!!!!!!
Author: أبو الحسين
Date: 02-12-2007, 08:56 AM
Parent: #4
Quote: على نطاق مايسمى ب ( الجامعه العربية !! ) ..
حسب الاحصائيات ... ( اربعة !! ) منهم ضمن العشرة الاوائل !!!!
|
تفصيل أكثر... صديقي عبد المجيد!!!
الإحصائيات دي العملها منو...؟؟؟
والمنظمة العملتها دي... الأداها حق عملها منو...؟؟؟
وحاجات زي دي يعني...
مودتي...
أبو الحســــــــين...
|
Post: #6
Title: Re: ( البشير ! ) يحافظ على ترتيبه الاول فى اسوأ دكتاتوريه فى العالم !!!!!!!!!!!
Author: ABDELMAGID ABDELMAGID
Date: 02-12-2007, 09:08 AM
Parent: #5
Quote: الإحصائيات دي العملها منو...؟؟؟
والمنظمة العملتها دي... الأداها حق عملها منو...؟؟؟
وحاجات زي دي يعني... |
ابو الحسين !!!
ضحكتنى !!!!
هى ( دايرالا !!! ) ( احصايات !!! ) و لا حتى ( منظمات ؟؟؟ ) !!!
( الشى !!! ) مى شوف عين يا قريبى !!!
تصبح على خير ...
عبدالماجد
|
Post: #7
Title: Re: ( البشير ! ) يحافظ على ترتيبه الاول فى اسوأ دكتاتوريه فى العالم !!!!!!!!!!!
Author: wesamm
Date: 02-13-2007, 07:36 AM
Parent: #6
المعلقة السودانية /فيصل الدابي
المعلقة السودانية
الفار فرفر في الفروة
شابكنا يوماتي فتاوي
كم أرنب جوه الطاقية
مستني منديل الحاوي!
الحاجة اليوم تتحرم
وينكتلو علشانا شباب
تتحلل في اليوم التاني
ويقولو لي ناسا حباب!
الجن من جنو اتجنن
واتعوذ من الجايات!
***
والهون رفع التلفون
في لحظة ضرب البليون!
والهم واقف طابور
من تصبح ما نلقى فطور!
الفات فات في جيبو الكنجالات
من مافي ركب العربات!
جالوصو أصبح صرايات!
والفلة وقعت في البير
محروسة بي كم خنزير!
لا محاسب لا كشف حساب
لا ذمة لا إقرارات!
***
الحالة بس زي الطين
في جيبنا مافيش ملين
وأي سعر أصبح سعران
ما بنقدر ندخل دكان!
والسوق أصبح مطلوق
وأي قرش أصبح ممحوق!
يا حليلو زمن الضيفان
ما بنقدر نعزم إنسان
على فطرة بموية فول
لا جبنة فيها لا زيت
لا سلطة لا طعميات!
***
بترولنا بى نسمع بيهو
بس منو ما ضقنا ثمار
العائد أكبر مجهول
وتوزيعو سر الأسرار!
أفتونا يا مدنيين
ورونا يا ناس الجيش
لى جدادنا ما نلقى العيش
لى غنمنا مافيش برسيم
لو جعنا بس ناكل نيم
ونحلى بحبة قرضات!
***
عمّي على ضاق بيهو الحال
ساب مرتو خلالا البيت
عمّي على باظت أعصابو
وأخلاقو قطعت كم خيت!
عمّي على أصبح نقناق
ومين يسمع في بلاد الواق!
عمّي على ضاق خيرا زمان
والليلة ما شايف حاجة
بتمنى الماضي يعود
ويحكمنا من تاني خواجة!
لا وطني نافع لا أمة
لا حركة لا مؤتمرات!
***
الشافع بس الله معاهو
الشافع ما لاقي اللقمة
الشافع ما لاقي دواهو!
الشافع أصبح ضبلان
الشافع أصبح بكاي!
كرشوه من جوه الاوضة
طردوه من الديوان
حرموه من أي حلاوة
حرموه من باقي الشاي!
في العيد ما يشوف عيدية
بي عينو ما يشوف لعبات!
***
الطالب طالب من الله
كيف يصبح من الشطار؟!
كل همو بقى بس في بطنو
كيف يقطع كمين مشوار!
الجامعة يا حليل الجامعة
لا صفرة لا داخليات!
الجامعة يا حليل الجامعة
لا معامل لا مختبرات!
***
تلفازنا بوظ أعصابنا
النشرة زي حفلة ظار!
بيجاي واحدين بيكوركو
بيهناك بيدقو الطار!
النشرة مجروس متحرك
والعسكر يلعب بالنار!
فنانا أصبح هناق
بيغني غنا ما مفهوم
بيعكر جو أمدرمان
بيفور دم الخرطوم!
وعكليتة يقدم برنامج
طفشنا من السهرات!
***
في النظري طالعين الاول
في العملي طالعين الطيش
في الشارع أجيال بتضيع
وكل كيلو نقطة تفتيش!
الشعب ممنوع ما يرقص
ما ينطط وسط الحفلات
والكاكي يرقص على كيفو
بي عصاية وبي رشاشات!
يا بله كيف بس نتحلا
شربكنا زولن اتشربك
واتورط جوه الشبكات!
***
مشروعنا القالو حضاري
غرقنا في حروب وحروب
فرقنا شرقاً وشمال
فرقنا غرباً وجنوب!
لا سلطة تنفع لا ثروة
ما دام ضاع الانسان
يا حليلو الكان سوداني
يا حليلو الكان سودان
الفاتحة على ناس عايشين
لاكين زي الأموات!
****
|
Post: #8
Title: Re: ( البشير ! ) يحافظ على ترتيبه الاول فى اسوأ دكتاتوريه فى العالم !!!!!!!!!!!
Author: تاج الدين عبدالله آدم
Date: 02-14-2007, 08:54 PM
Parent: #1
الاخ عبدالماجد تشكر لإيراد الخبر
مبروك للبشير وسيكون التتويج بلاهاي إنشاء الله.
|
|