هلال الحركة الوطنية يفوز بزنزبار و علاء الدين( الغصة الجديدة يحرز هدفا)

الهلال العظيم
نادي الحركة الوطنية و الخريجين
وحبيب الملايين (90‰) من الشعب السوداني
فاز علي البوليس الزنزبارى في عقر داره ووسط جماهيره بهدفين دون مقابل
بعد أن سحقه فى الخرطوم بأربعة أهداف نظيفة
أحرز الأهداف الأول علاءالدين يوسف ( الغصة الجديده)
و مهند الطاهر الهدف الثاني
مبروك للهلال الذي تأهل لمقابلة الزمالك
وعقبال للأخوة الأعداء

Quote: الهلال العظيم نادي الحركة الوطنية و الخريجين وحبيب الملايين (90‰) من الشعب السوداني فاز علي البوليس الزنزبارى في عقر داره ووسط جماهيره بهدفين دون مقابل

ألااااااااااااف مبروك لهلال السودان...

ومزيداً من الإنتصارات...

بس الأعطاك الإحصائية الدقيقة دي منو؟؟؟ قال 90% قال!!!

وعُقبال إنتصار المريخ ياااااااااااارب...

مودتي...


أبو الحســــــــين...

بشرك الله يا قرضابى
ولنبدأ الأستعداد من الآن ، فمباراة الزمالك ليست سهله رغم ظهور الزمالك هذه الأيام بمظهر ضعيف!!

مبروك يا ALGARADABI
جريدة الجمهورية المصرية توقعت لقاء الهلال والزمالك ووصفته بالموقعة الصاخبة!

Quote: يواجه الزمالك منافساً سهلاً هو فيتالو بطل بوروندي بعد فوزه بنتيجة مطمئنة في لقاء الذهاب 4/1 تجعله يضمن الي حد كبير الصعود لدور ال 32 ولكن فريق الزمالك ستكون عينه علي مباراة العودة بين البوليس بطل زنينزبار والهلال السوداني حيث من المنتظر ان يلتقي الزمالك مع الهلال السوداني في موقعة صاخبة في دور ال 32 بعد فوز الهلال علي ملعبه في الخرطوم 4/صفر

تهانينا الحارة
مكسب لقاء اليوم فوز الهلال خارج ارضه
المكسب الاهم وافتكرده حايكون فى مصلحة السودان
وهو ظهور اى لاعب انتقل من المريخ للهلال او العكس
وذلك لاثبات ذاته وموهبته

اتوقع ظهور مشرف للاعبى الهلال سابقا بفرقة المريخ حاليا
اذا نجح الهلال فى استقدام نادى دولفين النيجيرى لمبارة اعدادية
ده مكسب المكاسب قبل لقاء الزمالك

تمنياتنا بالتقدم وزكرياتنا على هلال 87 وهلال 92 وماذلك ببعيد

Quote: أحرز الأهداف الأول علاءالدين يوسف ( الغصة الجديده) ومهند الطاهر الهدف الثاني

مأمون أبوشيبة كتب صباح اليوم:

Quote: علاء الدين يوسف سيشارك لأول مرة اليوم مع الهلال وسط اهتمام وترقب كبيرين من قبل الإعلام الأزرق والذي سيركز عقب المباراة على مدح أداء علاء الدين.. وربما توجه إعلام الهلال نجماً للمباراة!! أما إذا قدر لعلاء الدين إحراز هدف اليوم لا شك ستصدر الصحف الزرقاء أعداداً خاصة عن الهدف

Quote: طوال مشاركته في البطولات الافريقية المختلفة حقق الهلال سبعة انتصارات بارض الخصم منها خمسة انتصارات في بطولة كاس الاندية التي يلعب فيها اليوم مع البوليس الزنزباري والتي من المؤكد ان يحقق الهلال الفوز علي خصمه بارضه ووسط جماهيره ليرفع عدد انتصاراته خارج الارض الي ثمانية انتصارات

من مقال الصحفي الرياضي عبده قابل بجريدة قوون.

الاخوة الأعزاء أبوالحسين , ناج السر ,علوبة و أحمد الريح
نبارك لكم النصر المؤزر
الأخ أبوالحسين يولد السوداني هلالابيا لأن الهلال تيم الفطرة
فالصحيح أن 100% من السودانين هلالاب
الأخ تاج السر مبروك الانتصار أيها الهلالى الأصيل و نحن في أنتظار بوست أموال الوالي
الأخ علوبة سعيد بمداخلتك
الأخ أحمد الريح أشكرك جزيل الشكر علي اثراء البوست و أنا معجب جدا بطريقتك التوثيقية في الكتابة
لكم الود جميعا

.

مبرووووووووووك

الهلال فوووووق دايما

وتهنئة خاصة من ندى الجعلى لفريق الهلال

ولكل الهلالاب فى السودان ام وضاح

القردابي مسّاك الله بالخير
كيف الحال
قلت كيف يولد المولد بالفطرة هلالابي فأبواه أما أن يمرخانه أو يموردانه ولا كيف

بعدين ياخي الشغلانّة دي ابوالروس تركها

مشتاقين والله

خالد محجوب

أبن العم العزيز
نسوي شنو عاد؟
حب الهلال يا خال
سبب لنا استخلال

Quote: وتهنئة خاصة من ندى الجعلى لفريق الهلال ولكل الهلالاب فى السودان ام وضاح

نشكرك على التهنئة الرقيقة
و انشاالله الهلال دايما في العالي

مبروك عليكم يا هلالاب

وده المنتظرنو من علولو

واحي من هنا الهلالابية الغالية ام وضاح

والقرضابي صديق مزمل

وعصام وامال

وتاج السر الحبيب

واحمد الريح الغالي

وعاوزين عمر الفاروق

الأخ / القرضابي
سلام واحترام ،،،،
ألف ألف مبروك انتصار الهلال
عقبال مباراة الزمالك والكاس انشاء الله
فوق فوق هلالنا فوق
أبو كريم

للأسف: آخر أنباء زنزبار أفادت أن الإتحاد الإفريقي رفض اعتماد هدف علاء الدين يوسف في
مباراة الأمس بسبب شكوى تقدم بها المريخ في مشاركة علاء بحجة أنه وقع عقداً مع المريخ
قبل توقيعه للهلال.
أنا ما مزعلني عدم اعتماد الهدف... مزعلني انتصار مزمل أبو القاسم علينا. معلوماتي -المستقاة
من عمود مزمل- أن اللاعب سيتعرض للإيقاف الدولي والمحلي لمدة عامين على الأقل.
________________________________
... أول مرة أشوف لاعب مشطوب ويجيب قوون! غايتو علاء الدين ده ثـقيل ثـقالة!
مزمل أبو القاسم يشطب لاعب الهلال الجديد علاء الدين يوسف!

يا جماعة لا بأس من أن نضحك قليلاً مع فيلسوف المريخ مأمون أبو شيبة
الذي نراه هنا محاولاً إبعاد شبهة التزوير عن المريخ:

Quote: كما يقولون الاعتراف سيد الأدلة .. يعنى لو كانت القضية في المحكمة وقال علاء الدين للقاضي أنه لم يوقع على الإقرار و سأله القاضي هل توافق على ما جاء في العقد وتوقيعك عليه بالاتفاق مع نادي المريخ؟ .. هنا إذا اعترف علاء الدين بذلك فإنه ليست هناك أي قيمة للإقرار و لا للتوقيع أو البصم وأعتقد أن هذا الفهم ربما قاد أحدهم لعمل الإقرار نيابة عن علاء الدين لأن الشخص الذي أصدر الإقرار يعرف أن اللاعب غير منكر بعد توقيعه على العقد مع نادي المريخ بل غير منكر لموضوع الإقرار وجوهره... وعلى هذا يمكن القول بأنه لا يوجد تزوير بالمعنى المفهوم

أقول ليكم حاجة...

... بعد إذنك يا القرضابي بس عاوز -سريع كده- أجيب سيرة الموضوع ده،
ناس المريخ قالو حيجيبو الإسماعيلي المصري بدل الإتحاد السعودي للمشاركة
في احتفالات الكاف،
ناس الإسماعيلي الظاهر كده ما بعرفو في السودان غير الهلال، عشان كده كتبوا
في الموقع الرسمي بتاعهم:

Quote: 100 آلف دولار تدخل خزينة الإسماعيلى نظير مباراة الهلال سيكون العائد من وراء مباراة الإسماعيلى والهلال السودانى حوالى 100 آلف دولار وهو رقم كبير سيدعم خزينة النادى الإسماعيلى وسيحصل مجلس إدارة النادى على هذا المبلغ نظير لعب هذه المباراة الودية والمقرر لها الخميس القادم بالسودان. وسيلعب الإسماعيلى هذه المباراة الودية يوم الخميس القادم فى السودان بحضور الرئيس السودانى/ عمر البشير إضافة الى مجموعة من القيادات والعلامات البارزة فى مجال كرة القدم الآفريقية كما سيحضر حسام حسن اللقاء إضافة الى الكابتن محمود الخطيب وعيسى حياتو رئيس الآتحاد الآفريقى وتقرر آن يكون الكومى رئيسا لبعثة النادى الإسماعيلى فى هذه المباراة. وآشارت بعض الأنباء الى أنه هناك آحتمالات فى أن يخوض الإسماعيلى مباراة ودية أخرى مع الفريق الهلال خلال فترة تواجد الفريق فى الأراضى السودانية ولكن سيتم حسم هذا الأمر بعد نهاية المباراة الآولى يوم الخميس القادم.

دي زي الواحد يكون اسمو عادل وبيحب ليهو بت يكون قايلها بتريدو،
يقوم يقول ليها الليلة الجو ظريف، تقوم تقول ليه: فعلاً يا عصام!
____________________________________
احتمال الجماعة يكونوا قدموا الدعوة باسم الهلال عشان الإسماعيلي يجي ويختوهو
في الأمر الواقع... موش جمال الوالي قال إنو بيوقع نيابة عن صلاح إدريس عادي
كده

Quote: (90‰) من الشعب السوداني

Quote: وحبيب الملايين (90‰) من الشعب السوداني

مبروك ل الهلال...لكن ياقرضاوى وتجتوج وعباس واحمد الريح
صحى المعلومة الفوق دى صيحيحة..ان الهلال يمثل 90% ..من الشعب السودانى
كدى نعمل استفتى اسرى بسيط..للناس ..اسى نحن خمسة اخوان بصدق كدا
4 هلالاب وواحد مريخابى..
لكن بالغت ياقرضاوى فى ( هلال الحركة الوطنية)..يعنى المريخ انقاذى

ودمتم لنشر الاخبار..

الصورة جميلة بالاطفال الحلوين اللى فيها

لكن تخيل لبسناهم ازرق وابيض مش كانو حيكونو أجمل لكثير

حقيقى هو هلال الوطن كله وليس الحركة الوطنيه فقط ..

افتكر اخطأت فى النسبة , فالنسبة الحقيقه هى 99.99 من السودانيين هلالاب والباقين موزعين على بقية الانديه ..

ده بتلاحظه من دخل المباريات .. ومباريات الاحمر البيكون فيها جمهور بيكون بسبب بعض جمهور الهلال العايز يشمت ويشمر ..


عارفين ليه شداد ( عضو مجلس شورى الؤتمر الوطنى ) أستعان بجمال الوالى فى نفقات احتفالات الكاف بالخرطوم ؟؟؟؟؟؟؟؟

الأخوة أحباب الموج الأزرق هلال الملايين

Quote: الأخ أبوالحسين يولد السوداني هلالابيا لأن الهلال تيم الفطرة فالصحيح أن 100% من السودانين هلالاب

القرضابي يديك العافية وجبتها من أخرها يا حبيب

نحمد الله على هذا النصر ونسأله العون في باقي مبارياة فريق العزة والوطن هلال الملايين في دورة ابطال أفريقيا ويا لها من دورة تسيل لها لعاب من غابوا عنها بالسنين.

أبوفتحية

الاخوة الهلالاب (المنشقين من الفرع الأصلي المريخ والزعلانين كمان)
انتو عاوزين تفرحوا بفوز الهلال ولاعاوزين تسيؤ للمريخ انتو عارفين دي مشكلتكم دائما تهتمون بالمريخ أكثر من الهلال وماعندكم روح الرياضة انتصار الهلال او المورده او اتحاد مدني يفرح كل السودان طبعا دا في المحافل الأفريقية والدولية فما داعي لكلامك الجارح وإهتمامكم وتعصبكم الاعمى بعدين انتو الهلال دا ماشي وين كلها حدكم دور الـ32 طالما حتقابلوا الزمالك يعني عمركم كالعادة قصير جدا جداً لانو الزمالك لو لعب بالفريق الرديف سوف ينتصر عليكم.

ثانياً عليكم الله حار فراق علاء الدين ولافراق الطوربيد هيثم طمبل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المريخ اشتهر بلاعبي الوسط والحمد لله وحاليا كثرت ماعندهم لاعبي الوسط قام بتوظفيف بعضهم في الأطراف والمريخ غني وبشهادة الجميع بالتفوق بلاعبي الوسط لكن مثل هيثم طمبل لن يتعوض,

فنصيحه ليكم اهتموا بفريقكم وادرسوا جيداً اسباب الهزائم الخماسية والسداسية المتواصلة وخاصة من الفرق المصرية والتونسية والمغربية يعني شمال وغرب القارة الأفريقية ايه اسباب العقدة دي.؟؟؟؟؟

ومبرول لعلاء الدين صاحب البصمة المزيفه احراز هدفه وإنضمامه للحردانين

وبمناسبة الهلال يمثل 90 او 100% من الشعب السودانين ما تزعلوا الهلال يمثل 150% بل وحتى البلدوا اليوم في السودان بطلع من بطن امو هلالابي بالميلاد وبدل الصرخة بقول الهلال بس اتمنى ان يسعد الهلال هؤلاء الغلابه والمساكين الذين يشجعون الهلال منذ الميلاد وحتى الان لم يظفروا بكاس واحد اي أصبحوا صفرررررررررررررررررررررررررررررررررررررررررررررررررر اليدين من الكاسات الخارجية بل أصبحوا ملطشة للفريق واصبحوا اصحاب اكبر إنجازات بالهزائم الخماسية والسداسية


طلب من الأخ: راكووووووووووووووووووووووووووووووووووبه

أن تحضر شريط الفيديو حق الخماسية التونسية وخاصة الإنبراشة بتاعت عمار مرق حتى نفرح بأخواننا الهلالاب بالإنتصار على (أريرا) وعليكم الله سمعتو ليكم بفريق بنهزم داخليا وخارجيا ولاحتى يحرز هدف واحد ولو في بلاده لذلك اطمئن الهلال بان لم يقابلوا فريقا افريقيا بطل قابلوا بواليس وفي البواليس بتاعين مطافئ مووووووووووووووووووووووووووووووووووويه ساااااااااااااااااااكت وجابوهم من القسم على طول للسودان ولايفهمون ولايعرفون شئ عن الكوره ومبروك الفوز على البواليس هاهاها ها ها

الفراحنين ليها شنو

تعرفوا لو هيثم طمبل كان في المبارتين كان احرز على الأقل 10 أهداف وزاد رصيده الأفريقي


وذا عدتم عدنا

أياكم والإساءة للمريخ ومزمل ابوالقاسم البوجعكم في بطنكم عامل ليكم مصران عصبي


بعد دا كلوا نقول مبرووووووووووووك عليكم مقابلة الزمالك حتى تعرفوا مستوى فريقكم الحقيقي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولنا لقاء بعد مباراة الأياب

الهلال تخطى فريقى القرن افريقيا ( الاهلى القاهرى ) , أما الزمالك فهو ليس بمستوى الهلال حتى يقارن به أو يقارعه .. الاهلى المسح بيكم الارض ولا نسيت خشبة لما ضربها فى الخشبه .

الهلال هو دوما صاحب المبادارت الجديد والمريخ مقلد جيد له .. رفض الاهلة تجيد استادهم على منوال حفرة العرضة جنوب ( حق الجرتق ) .. بينما يسعى حثثا لأنشاء مدينةالهلال الرياضيه ..

أتكلموا على قدركم ( دى حالته الحكومة معاكم ) يعنى لو فكوكم براكم عكس الهواء زينا كده , يلموا فيكم وين تانى ؟؟؟؟؟؟؟؟

Quote: عليكم الله سمعتو ليكم بفريق بنهزم داخليا وخارجيا ولا حتى يحرز هدف واحد ولو في بلاده

نعم يا كيجا، سمعنا بفريق اسمه المريخ من السودان
خسر بإستاده أمام سان لويزيان بطل جزيرة ريونيون
2-0 ثم خسر منه إياباً بهدف "على ما أذكر"، والكلام
ده كان سنة 2000 القريبة دي.

وكان المريخ -ذاتو- قد خسر عام 1997 بإستاده أمام
المنصورة المصري بهدف ثم خسر أمامه بمصر 2-0.

أما أمام الهلال فقد خسر المريخ ذهاباً وإياباً في مواسم
عديدة من الدوري الممتاز، ولا داعي للتفصيل ففيه من
تقليب المواجع ما فيه.
_________________________________
في داعي للإحراج؟

دحين ماسمعت بالمتوالية الثمانية التي امتدت لسنين


يارب فيها كم ذهاب وكم اياب ؟؟؟؟؟ دا نحن اعطيناكم اليها بالمتوالية كمان..


بس برضو البوليس (الأريرا) الزنزباري لايساوي فرق الليق بالخرطوم، وكونو الهلال ينتصر عليه ذهاب واياب هو ذاته الضعف الشنيع وانتظروا اولاد فوزيه (الزمالك) وبلوا راسكم


الارباب يتقدم بإستقاله
الارباب يسحب استقالته
البرير يهدد بالإنسحاب
البرير يسحب تهديده

Quote: بواليس وفي البواليس بتاعين مطافئ مووووووووووووووووووووووووووووووووووويه ساااااااااااااااااااكت وجابوهم من القسم على طول للسودان ولايفهمون ولايعرفون شئ عن الكوره ومبروك الفوز على البواليس هاهاها ها ها

يا كيجا ناسك انته لعبوا مع احتيااااااطي الاهلي الاماراتي ومغلوب 2-صفر ووسط جماهيرو في الامارات لانو 10%بس من مواطني الامارات حضرو المبارة الودية واعتذر فريق بني ياس من مقابلتكم فما تضحك ساي

ثم تعال انتو دايرين هيثم طمبل وغيرو من مشاطيب الهلال!!!!!!!!! ما تلعبو بي اسمنا احسن ليكم وما تدفعوا المبالغ الكثيرة دي.

والله يا عمر بوليس زنزبار ديل لو لعبت انا راس حربة وهاشم احمدونة وصلاح توبس أجنحة نغلبوا
ومش في عقر داره في زنزبار .. جوووووه وزارة داخلية زنزبار نزعمطم .. بوليس شنو ياخي عليك الله



خلينا مع اولاد بمبا ديل نس (عب منصف) و(عب حميد) دول ..

ويا نهار ازرااااااااااااااااااق

العزيز قرضابي

تحياتي

في الحقيقة انا بطلت تشجيع الكورة خالص , عارف ليه لانو جماعة الكورة ديل عمرهم ما فرحونا

تقدر تقول لي كم بطولة لقارة أفريقيا السودان أخدها , وانا ما بتكلم عن بطولة مكونة من

اربعة دول ( الـبـطـولـة الأفـريـقـيـة والتـاهـل لـكـاس الـعـالـم ) نحن بلد يغرد

خارج السرب وقد ادمنا البطولة المحلية يعني بالعسكرية ( مكانك سر ) لا تقول لي هلال

ولا مريخ وكفاية مظاهر كذابة , نحنا واقعنا ( مر ) وواقع كرة القدم ( امر والعن ) 0

شوفوا ليكم العاب قوي احسن 0

الجماعه مروقوووووووووووووووووووووووووووووووووووووووووووووووووا

هكذا هو المريخ لاعبين ومشجعين متفوقين في اي شئ \\

جيبوا لينا كاس خارجي حتى لو من بتاع وزارة الصحة زنربار وتعالوا علوا صوتكم فوق المريخ


افرحوا لانتصار الهلال على (ألاريرا) الزنزباري بناركم اوكي

لكن ماتقحموا المريخ كبوابة لأفراحكم لانكم ماقدر المريخ ولن تصلوا لما وصل اليه المريخ من مكانة

وبتكلموا عن مشاطيب من وين جبتوا حموده بشير وباكمبا وجاديكا وإداورة والرمح الملتهب البناء ليكم قليل من تاريخكم ولولا قاقرين والدحيش وجكسا في الهلال لكان الهلال مسنياً منسياً وكانت الثنائية المريخ والمورده فقط وانشاء الله عما قريب سوف يكون ذلك طالما صلاح ادريس رئيسكم الذي خلق البلبله والمشاكل من صرخكم وبدأت التفاتيت تظهر على الهلال وماتفرحوا بالإنتصار لانو حتقابلوا زمالكو (مريخ مصر) وعارفين شنو البسوا فيكم بس اعملوا على الخروج بأقل خسائر يامعزززززززز

اكرر افرحوا فرحكم ولاتدخلوا سيرة المريخ في أفراحكم

شكرا يالقرضابي

أعتقد ياشباب ان الهلال يلعب في بطولة دوري ابطال افريقيا كالعادة في كل عام....وعلي الاخوة مناصري الاندية السودانية الاخري التي تلعب في البطولات الاقل رجاء فقط الاكتفاء بالمراقبة عن بعد وعدم التشويش او الازعاج......

Quote: خلينا مع اولاد بمبا ديل نس (عب منصف) و(عب حميد) دول

لو بقت على (عب منصف) و(عب حميد) هينة يا أمير الجمري... المشكلة عمرو زكي!



لو خـِـتينا الزول ده ما بتجينا عوجة.

Quote: نعم يا كيجا، سمعنا بفريق اسمه المريخ من السودان خسر بإستاده أمام سان لويزيان بطل جزيرة ريونيون 2-0 ثم خسر منه إياباً بهدف "على ما أذكر"، والكلام ده كان سنة 2000 القريبة دي. وكان المريخ -ذاتو- قد خسر عام 1997 بإستاده أمام المنصورة المصري بهدف ثم خسر أمامه بمصر 2-0.

احمد الريح :
تحياتي..
يا زول انت زول معروف عنك الذاكرة القوية والمخ النضيف..
فكيف بالله تفوت عليك واحدة من أكبر فضائح الرايح جاي!!!!!!!
تتذكر زول اسمو محمد رمضان ؟؟؟؟؟؟
زول مصري كده وعندو دقن ...
اها الزول ده في استاد المريخ جاب فيهم قونين انتهت عليهم مبارة استاد المريخ 2-صفر للاهلي...
اها جماعتك شمروا السواعد وقرروا الرد بقوة ..
وقد كان في مباراة العودة ان بدأ زيكو بالتسجيل من تمريرة سكسك ونططوا وفنجطوا و و و و
وكلها كم دقيقة والكورة انتهت 5-1 للاهلي !!!!!!!
ياسر الريان جاري بي " حبنّي " من السيدة زينب لحدي سيدي الحسيني ...
محمد مضان جاب قون استعمل فيهو أي جزء من جسمو مسموح بيهو في كرة القدم من كورة جاتو ثبتها بي راسو ثم ريحها على صدره ثم وضعها على الفخذ الأيمن ثم سدد بالقدم ...

معقولة بس يا ابو حميد تنسى المولد ده ؟؟؟؟؟؟؟؟؟؟؟

Quote: تتذكر زول اسمو محمد رمضان؟

معقولة أنساهو يا عمر!
بس أنا جاوبتَ لي أخونا كيجا على قدر سؤالو:

Quote: عليكم الله سمعتو ليكم بفريق بنهزم داخليا وخارجيا ولا حتى يحرز هدف واحد ولو في بلاده

"المريخ خسر بإستاده أمام الأهلي 2-1 وبالقاهرة 5-1"

كيجا لو كان خلاها مفتوحة كان بديت ليهو بي الفريق
الجزائري التقول داير يطلعو ليهو رقم جلوس داك "نصر
حسين داي" : 2-0 في إستاد المريخ و3-1 في الجزائر!!
___________________________
الفريق ده لو كان في السودان كان إسمو حيكون محمد أحمد المحجوب

والله صحي وزي ما بيقولوا فهم السؤال نصف الاجابة ..
اسة شوف يا احمد الريح انا ما فهمت سؤال كيجا صاح وقمت جاوبت غلط وطلعت برة الموضوع ..
وهو زاتو بيني وبينك كده كيجا التقول كان استاذ لأنو بالجد بيسأل اسئلة بتلخبط الطلاب وبيكون فيها خدعة وكده ..
اسة يعني مفروض لو عايز يسأل سؤال يناسب إجابتي يقوم يقول :
وما هي الفرق التي فازت على المريخ بنظام الرايح وجاي ولكن استطاع ابطال المريخ ان يحرزوا فيهم اهداف؟؟؟؟
ولا يسأل ما هي الفرق التي فازت على المريخ عربياً بنظام الرايح جاي؟؟؟
ولا يقول اذكر اسماء الفرق التي فازت على المريخ افريقياً ( قدو قدو زامو جامو كدوكا) دي بي اللغة السواحلية تعادل رايح جاي
ولا يسأل ويقول ما هي الفرق التي فازت على المريخ محلياً وبنظام الرعضة جنوب والعرضة شمال ؟؟

تخريمة :
انت يا ابوحميد مسعول من الخير الناس ديل بدوها بي اليوفي ومن ثم الاهلي القاهري وعرجو على اتحاد جدة وخشوا في اسيك ابيدجان في احتفالات الكاف واخر حاجة وقفت عند الاسماعيلي ..
دحين الله يستر ما يقوم الجمهور لمن يدخل الكورة يلقاها تقسيمة داخلية بين الاحمر والاصفر ويتألق فيها طمبل ويقود الاصفر لسحق الاحمر الذي كان يحرسه بهوية ..

القردابي يا حقنا
كيفك يا راجل وفاقدنك والله
أنا ما عاوز أتكلم عن انتصار الهلال على الفريق الزنزباري
لأن الهلال تفوق على فرق ليها وزنها مثل الأهلي والأشانتي وغيرها
وفوزو على هذا الفريق شي عادي جداً زي شراب الشاي بالزلابية
وكنت عاوزك تركز على هلال الحركة الوطنية وما تجيبوا سيرة
لمريخ المؤتمر الوطني الذي تحابيهو السلطة والاتحاد، وطبعاً آخر
فضائح فريق الحزب الحاكم الشكوى التي أهداها له الاتحاد العام
الهزيل. تخيل بعد ظهور نتيجة الشكوى الحكم واتحاد نيالا أعلنوا
إنو المباراة قانونية والتقرير المرفوع للاتحاد يثبت ذلك، لكن
اتحاد شداد عضو المؤتمر الوطني قال غير كده وضحك على القانون
وضحك على الرأي العام..
الآن الاتحاد أبعد الهلال تماماً من احتفالات الكاف وكأنو ما في فريق
اسمو الهلال وأوكل رئاسة لجنة الاستقبال لجمال الوالي الذي يصرف
على الاتحاد من أموال المؤتمر الوطني.. طبعاً شداد لا يملك الاساليب
التي يجني بها الوالي الكوز المال، لأن شداد يعتبر في نظر
الحكومة منتفع والوالي ولد الجبهة الإسلامية المدلل.
السودان حايستفيد شو من هذه الاحتفالات؟ لا شي طبعاً وهي لن تحسن من
ترتيبو في التصنيف الدولي ولا حاتبني استادات للدولة التعبانة..
المؤتمر الوطني ممكن يصرف على المريخ لكن ما ممكن يغلب ليهو في
الميدان، خاصة إنو المباريات في الميدان ما زي الانتخابات عشان
يزوروها. وزي ما قال فاروق جبرة المريخ لو صرفت عليهو أمريكا نفسها
غير التاني ما بجي.. عمرو يا عمر مساعد الياي ما ببقى ياي..
قال أهلي الفجيرة قال..

الأحوة الأعزاء هلالاب و هلالاب زعلانين
تحياتى و شكرى علي المداخلات

الاخ نصرالدين

Quote: وأوكل رئاسة لجنة الاستقبال لجمال الوالي

انتا مفتكر الحاجة دي ساااااااااااااكت كدي؟
ده شغل علاقات عامة عشان يكون قريب من بلاتر و حياتو
لومني باكر كان ما سمعتا خبلر أضافة البرازيلي باولينو لكشف المريخ الأفريقي

سلام

وضاح ولدى هلالابى على السكين طبعالما كان صغير كان بتونس مع واحد

صديقه داك قال ليه انا مريخابى وضاح قال ليه مريخابى كيف اى سودانى

لازم يولدوه مسلم وهلالابى .

شفتوا حب الهلال جارى فى دمنا كيف من جدودنا .

طبعا ناس البورد برددوا مقولة الوالدة { لها الرحمة } فى مباراة هلال

مريخ فى نهاية كل صلاة تدعو يا رب الهلال تنصر الهلال .

قولوا آمييييين
ام وضاح

نقلا عن سودان سوكر:

Quote: أين درستم الحساب يا كتاب المريخ تقرير : خالد عبدالوهاب مهندس نظم فبراير 12, 2007, 11:54 الاخوة فى سودان سوكر السلام عليكم ورحمة الله وبركاته فى البدء يطيب لى ان احيكم على تميزكم وتفردكم دوما على ما احدثتموه من تطور وتقدم فى موقعكم ولى ان اعيب عليكم فقط فى انه يحوى صورة كاملة للاعبى المريخ وعلى صورة لاعب اجنبى واحد من الهلال كان يجب عليكم ان يزين موقعكم بعملاق هذا الجيل وافضل من عشقته الكره فى زمانه الا وهو برنس الكرة السودانية هيثم مصطفى اخوتى استميحكم عذرا على الركاكه فى اسلوبى فلقد بعدت عن بنت عدنان سنين عددا وكثرت مشغوليتى الهندسيه ولكن ما دفعنى لان اكتب لكم ذالكم الجهل المضحك الذى يمارسه كتاب المريخ يوميا فى حساب النقاط التى جعلت الهلال متوفقا على المريخ ولانهم ظلوا يتابهون بانهم فريق القرن وانهم فريق الصفوة وانهم .......... وحين يستبين لهم عكس ما يزعمون يخرجون الينا ببدع اخرى لى هنا ان اسالهم متى درستم الحساب ومن اى مدارس تخرجتم يا معشر الصفوه لنفترض صحة ما زعمتم ان الهلال نال ثلاث نقاط بطريقة غير شرعية وجرتموه منها الا يستخق على الاقل نقطتان لوصوله لدور الاربعة وبالتالى له من النقاط احدعشرة وهو ايضا متوفقا على زعيمكم كما تزعمون اتمنى ان اجد مريخيا واحدا يعترف بتفوق الهلال وان يقول الحق مرة واحدة فى حياته ولكنهم ............ لن تجدهم الا حاقدين والسلام

القردابي
سلمووووووووووون
شكلك وزعت الاكياس للهلالاب
ولاشنو؟
عموما مبروك النصر
كان بالاكياس وكان بدون اكياس
والزياره الواجبه مع اخوك الخرتك داك
مودتي