هل حسين ملاسي لا يعلم أم أنه عنصري؟؟؟؟

في الرابط أدناه
[URL]عودة عرمان


كتب حسين ملاسي

[/URL]

Quote: فأنت الوحيد الذي تشعرنا بأن للحركة وجود في الشمال.

ومعنى الكلام الفوق دا، إنو وجود آلالاف من الشماليين في الحركة الشعبية من دارفور وكردفان والشرق والشمالية بمختلف أعراقهم وقبائلهم بجا وفور ونوبة وبرتي وحمر وقُمُز وكدالوا زغاوة بقارة حمر إلخ، لا يُشْعِرون ملاسي أن للحركة وجود في الشمال.

جبال النوبة التي تَشْغِل منطقة كبيرة من وسط السودان، لا تُشِعر ملاسي أن للحركة وجود في شمال السودان.

الحركة التى تشارك في الحكم على أعلي مستوياته أيضاً لا تُشعِر ملاسي بأن للحركة وجود في شمال السودان.

حسين ملاسي ربما لا يعرف أن للحركة وجود في الشمال، ويمكن أن نعتبره جاهلاً؟
الإحتمال الثاني أن يكون حسين ملاسى يعتبر أن الشمالي هو من ينحدر من أصول (عِرقية محددة) ولذلك فآلاف الشماليين من الذين لا ينتمون لما اصطلحنا على تسميتهم (بأولاد العرب) هم مجرد (عبيد) أو (فيهم عِرق) وهم بالتالي وجودهم أو عدم وجودهم سيان لأنهم لا يمكن أن نعتبرهم (شماليين).

أنا ما عارف إنت قريت كلام حسين ملاسي دا كيف؟

Quote: فأنت الوحيد الذي تشعرنا بأن للحركة وجود في الشمال.

عشان تطلع منو كل القلتو هنا دا
فحسين ملاسي لم يقل

Quote: فأنت الوحيد الذي جعل للحركة وجود في الشمال

ومن هنا نرى أن فهمك الخاطئ أوصلك حتمياً لنتيجة خاطئة

غايتو أنا قبل ما يجي حسين ملاسي فهمت من الكلام دا أنو الحركة موجودة في الشمال ولكن لم يكن أحد لشعر بها لولا تصريحات ولقاءات عرمان الصحفية
فالحركة شبه ذائبة في حكومة الوحدة الوطنية والنائب الأول موجود بالجنوب أكثر من وجوده في الخرطوم ولم يزر أي مدينة في أطراف السودان المتبقية

سلام

فرانكلي
كلامي القلتو فوق دا واضح جدا، وإحتمالين ما عندهم تالت
لو ملاسى بعتبر إنو (حسب فهمك) إنو التصريحات بتاعت ياسر في الجرائد هي الشئ الوحيد الذي يُشعِره بوجود الحركة، فبيكون ما عرف وزول جاهل، لأنو في تصريحات كتيرة ومؤتمرات قاعدية وناس كتار في الشمال دا قاعدين وحركة شعبية وأهو أقرب مثال شوف البوستات المكتوبة عن الحركة والبتتكلم عن الحركة في الشمال ونشاطها في المنبر دا بس، وبعدين في جريدة كاملة (إسمها الإنتباهة) مخصصة جزء كبير من أخبارها عشان تتابع تحركات الحركة في الشمال وفي الجنوب.
أها نجي للإحتمال التاني وهو تجاهل حسين ملاسي لكل الشماليين الموجودين في الحركة الشعبية وقاعدين في الخرطوم وفي النيل الأزرق وفي كردفان وديل بكل الأحوال (إذا تمّ وضعهم في الإعتبار) حيكون أي واحد شاعر بوجود الحركة في الشمال حتى لو إنفصل الجنوب لأنو الكتير من المناطق دي (واقعة داخل ما يُعرِف بالشمال).

أها بعد دا منو فينا الفاهم الكلام غلط؟

لو إنت كلامي الفوق دا ما فهمتو
يبقى أنا الفاهم غلط

Quote: يبقى أنا الفاهم غلط

إحتمال