Post: #1
Title: عادل طيارة..!!
Author: A.Razek Althalib
Date: 01-28-2007, 10:07 AM
Parent: #0
..
الاسم بالكامل: عادل محجوب حسين محمد..
مواليد نوري ـ الولاية الشمالية.. عام 1967م..
خطف طيارة تابعة للخطوط السودانية..
|
Post: #2
Title: Re: عادل طيارة..!!
Author: A.Razek Althalib
Date: 01-28-2007, 10:19 AM
الوقت: الثالثة صباحاً..
التاريخ: 06/04/1994م..
كانت الطائرة بوينج 737 التابعة للخطوط السودانية..
تعلن عن رحلتها المتجهة لدنقلا..
من مطار الخرطوم.. في رحلتها الداخلية..
المسافرين على هبة الإستعداد بلقاء الأحباب..
وفجأة..
|
Post: #3
Title: Re: عادل طيارة..!!
Author: A.Razek Althalib
Date: 01-28-2007, 10:28 AM
Parent: #2
يعلن:
خريج كلية الآداب جامعة النيلين ـ قسم التاريخ..
عن طلبه في تغيير مسار الرحلة لتكمل شمالاً.. إلى مصر..
تعامل طاقم الطيارة بمنتهى الرقي مع الخاطف..
وحطت الطائرة بمطار الأقصر بمصر..
|
Post: #4
Title: Re: عادل طيارة..!!
Author: A.Razek Althalib
Date: 01-28-2007, 11:04 AM
Parent: #3
تم إستقباله بدعاية إعلامية ضخمة روجت لها وكالات الأنباء العالمية..
وفشل الحكومة السودانية في إستلامه أمام التعنت المصري على الرغم من أن العمل كان إرهابي عرض حياة المدنيين للخطر..
وفوق أنف كل الإتفاقيات الموقعة لتبادل المجرمين..
حكاية مغامر عادل محجوب مختطف طائرة سودانيريروي قصتهبعد 12 عام-إلتقته /سلمى التجاني
Quote: نعم
= بقيت في السجن حتى 15/اغسطس 1994 يومها أخذوني لوكيل النيابة واعترفت له بما فعلت بكل فخر وإعزاز ثم أخذوني في 1/1/1995إلى محكمة امن الدولة العليا وحكم على القاضي بعامين سجن مع وقف التنفيذ ومن المحكمة تم اطلاق سراحي لانني قضيت أكثر من عامين بالسجن
|
إلتقته سلمي التيجاني..
|
Post: #5
Title: Re: عادل طيارة..!!
Author: A.Razek Althalib
Date: 01-28-2007, 11:18 AM
Parent: #4
عاد عادل طيارة إلى السودان..
أول خاطف لطيارة سودانية معرضاً فيها حياة المدنيين للخطر..
عاد الغازي بطلاً فاتحاً.. مثله في ذلك مثل ياسر عرمان..
وليس مجرماً تطلبه دوائر التحقيق والعدالة..
عاد ضمن العائدين من حركة تحرير السودان جناح منى اركو مناوى..
على مرأى ومسمع..
كان في مقدمة ركب الحركة الى الخرطوم بصفته قائداً لمتحركاتها..
وغض عنه الطرف..
|
Post: #6
Title: Re: عادل طيارة..!!
Author: salma altijani
Date: 01-30-2007, 01:50 AM
Parent: #5
الأخ عبد الرازق سلام
Quote: عاد الغازي بطلاً فاتحاً.. مثله في ذلك مثل ياسر عرمان..
وليس مجرماً تطلبه دوائر التحقيق والعدالة..
عاد ضمن العائدين من حركة تحرير السودان جناح منى اركو مناوى..
على مرأى ومسمع..
كان في مقدمة ركب الحركة الى الخرطوم بصفته قائداً لمتحركاتها |
قصة عادل طيارة أكثر درامية مما أوردت
فالحوار من تلاتة أجزاء ما أحضرته انت هو جزءه الأول
الجزء التاني بحثت عنه ولم أجده
لكنه ذكر فيه انه من مصر بعد محاكمتو انضم لقوات التحالف باسمرا وحارب معاهم في الشرق
وبعد الخلافات في التحالف رجع الخرطوم وسلم نفسو للقيادة العامة
للجيش والطريف انو مشى القيادة العامة شايل سلاحو وقال ليهم
انتو ما بتقدرو تحكموا السودان براكم واحسن تفاوضو المعارضة
ومن محلو داك ودوه سجن كوبر قعد فيه سنة تقريبا
ولم يحاكم لانو ما ممكن محاكمة شخص مرتين على نفس الجريمة
وأول ما طلع من كوبر مشى انضم لحركة تحرير السودان بدارفور
|
Post: #7
Title: Re: عادل طيارة..!!
Author: A.Razek Althalib
Date: 01-30-2007, 11:56 AM
Parent: #6
الغالية/ salma altijani
تقديري..
أردت فقط تسليط الضوء من جانبي على ذلكـ..
| Quote: لكنه ذكر فيه انه من مصر بعد محاكمتو انضم لقوات التحالف باسمرا وحارب معاهم في الشرق |
قولي دي واحد والواحد الله..
جريمة ضد الشعب السوداني..
إستسهل الشغلانة..
| Quote: انتو ما بتقدرو تحكموا السودان براكم واحسن تفاوضو المعارضة |
لووووول..
لذيذ لكن..
| Quote: ولم يحاكم لانو ما ممكن محاكمة شخص مرتين على نفس الجريمة |
بيستاهل عقوبة عشرين مرة.. عشان يكون عبرة لكل من تسول له نفسه العبث بمقدرات وأرواح الناس الغلابة..
وبالمرة عشان ما تاني ما يمرق وينضم لجهة معادية تتخذ من ساحة السودان الهدادي المدادي مسرح لتصفية حساباتهم..
وحتى لا يجعل..
من نفسو..
مطية لأهواء الآخرين..
تقديري يا الغالية..
|
Post: #8
Title: Re: عادل طيارة..!!
Author: salma altijani
Date: 01-31-2007, 10:40 PM
Parent: #7
ود الطالب سلام وتقدير وشكرا على الترحاب
وزي ما بقولو القلوب شواهد
الزول دة إنت زعلان منو شديد
| Quote: بيستاهل عقوبة عشرين مرة |
قضى تلاتة سنين سجن في مصر والسودان كفاهو
بعدين الطيارات السايبة بتعلم الإختطاف
يعني يمر من التفتيش الفي المطار داك كلو بي مسدس وسكينة
وما في زول يجيب خبرو ويجي داخل من الحدود الشرقية لحدي ما
يدخل القيادة العامة للجيش بكلاشنكوف
وما في زول يجيب خبرو حقو قبل ما نحاكمو عشرين مرة نحاكم المسئولين من أمان
الناس
ولك احترامي
|
Post: #9
Title: Re: عادل طيارة..!!
Author: A.Razek Althalib
Date: 02-03-2007, 12:49 PM
Parent: #8
salma altijani
تقديري يا الغالية..
| Quote: وزي ما بقولو القلوب شواهد |
أكيد أكيد..
| Quote: الزول دة إنت زعلان منو شديد |
موش..
خصوصاً ومنظر المسافرين الكانو عيانيين وشايلنهم على النقالات في مطار الأقصر والأطفال على كتوف أمهاتهم..
والنساء والعجزة..
غايتو حكاية تقطع قلب الحجر..
| Quote: قضى تلاتة سنين سجن في مصر والسودان كفاهو |
وكمان سجن في إرتيريا..
لكن تاني مرق بعد ما أستمرأ الشغلانة..
بعد ما أتهموهو زملانو بتاعين قوات التحالف بالخيانة..
موش غريبة..
| Quote: بعدين الطيارات السايبة بتعلم الإختطاف |
أكيد..
والقانون العملوهو ده ما شرط إنو الزول يحترمو عن رغبة..
فالرهبة قبل الرغبة مطلوبة..
مثال عندكـ طائرة الخطوط السعودية كثاني طائرة تم إختطافها في مطار الخرطوم يوم الثلاثاء 15/10/2002م
يقال أن الخاطف قبضتو قوات الأمن الخاصة الكانو في الطيارة المتجهة لجدة من الخرطوم وأحبطو المحاولة القام بيها مسلح سعودي.
رغم إنو الراكب يقال سُلم مسدس داخل الطيارة..
جُرد من السلاح..
لكن أخوان الحارة كانوا في انتظارو في باب الطائرة عقب إحباط المحاولة..
بعد ما عادت الطيارة إلى مطار الخرطوم وتم القبض عليه ومعاهو واحد تاني قالوا ساعدو فى العملية.. وسمو ذلك نجاح.. وسلم المختطف لسلطات دولته..
لكن الغريبة في العملية دي إنو المختطف طلب التوجه بالطيارة للولايات المتحدة..
التقول عميان من سفارتها..
| Quote: يعني يمر من التفتيش الفي المطار داك كلو بي مسدس وسكينة |
يعني هسعي يا سلمى وبعد تعريض حياة المدنيين للخطر بسبب التقاعس..
ناس الأمن ديل لو شالوهم الصالح العام يجوكـ المتقاعسين..
ويقولو ليكـ أنحن متضامنين معاهم.. ضد الكيزان ديل..
وما يخلو ليكـ جنبه ترتاح عليها..
| Quote: وما في زول يجيب خبرو ويجي داخل من الحدود الشرقية لحدي ما |
إنت سمعت شاعرنا والمغني والشيالة والعازفين القاعدين بيقولوا نحن سياد بلد نقعد نقوم على كيفنا..
| Quote: يدخل القيادة العامة للجيش بكلاشنكوف |
فوق دي وإنت الصادقة..
لي تجربة شخصية وأنا طالب في مصر..
كنت في رحلة العودة لنيالا..
وصلت لغاية سلم الطيارة الراكب فيها المشير عمر البشير..
ومعاهو هيئة قيادة أركان القوات المسلحة..
كنت أحمل كرتونة كُتب وشنطة ملابسي..
واحد من بتوع التارمكـ جاني جاري وقال لي يا زول وصلت هنا كيف..؟
قلت ليهو بالباب..
قال لي يا أخي الطيارة مليانة توف لعينها بالعدة بتاعت سلاح الموسيقي الدايرين يحيو بيها إحتفالات عيد الشهيد بالفاشر..
وأنا في مكتب قائد سلاح الطيران خالف رجل على رجل..
وبالحرف قالو لي أمشي وتعال بُكرة طيارة نيالا..
تاني يوم كنت في نيالا بالهيركليس..
وفي المرتين مافي زول سألني عن الأوراق الرسمية أو فتش أمتعتي..!!
Quote: وما في زول يجيب خبرو حقو قبل ما نحاكمو عشرين مرة نحاكم المسئولين من أمان
الناس |
نحاكمو هو عشرين مرة..
والمسئولين عن أمان الناس برضو يستاهلو الأكتر بأسباب تقاعسهم..
حسب نصوص القانون الجنائي لسنة 1991م المتعلقة بـ: الجرائم المتعلقة بالسلامة والصحة العامة
Quote: 72-تعريض طرق ووسائل المواصلات للخطر
من يعرض للخطر أياً من طرق النقل العام أو وسائله البريه أو البحرية أو الجوية أو يعطل سيرها بأي طريقة ، أو يعطل أي وسيلة من وسائل الإتصال العام يعاقب بالسجن مدة لا تجاوز ثلاث سنوات كما تجوز معاقبته بالغرامة 0 |
طبعاً ده غير عقوبة حيازة قطعة سلاح بدون ترخيص..
Quote: إثارة الحرب ضد الدولة
51- يعد مرتكباً جريمة إثارة الحرب ضد الدولة ويعاقب بالإعدام أو السجن المؤبد أو السجن لمدة أقل مع جواز مصادرة جميع أمواله من :
(أ) يثير الحرب ضد الدولة عسكرياً بجمع الأفراد أو تدريبهم أو جمع السلاح أو العتاد أو يشرع في ذلك أو يحرض الجاني على ذلك أو يؤيده بأي وجه أو
(ب) يعمل بالخدمة العسكرية أو المدنية لأي دولة في حالة حرب مع السودان أو يباشر معها أو مع وكلائها أي أعمال تجارية أو معاملات أخري ، أو
(ج) يقوم في داخل السودان ، دون إذن من الدولة ، بجمع الجند وتجهيزهم لغزو دولة أجنبية أو يقوم بعلم عدائي ضد دولة أجنبية يكون من شأنه أن يعرض البلاد لخطر الحرب ، أو
(د) يخرب أو يتلف أو يعطل أي أسلحة أو مؤن أو مهمات أو سفن أو طائرات أو وسائل نقل أو اتصال أو مباني عامة أو أدوات للمرافق العامة كالكهرباء أو الماء وغيرها بقصد الأضرار بمركز البلاد الحربي0 |
أمنياتي الطيبة..
|
Post: #10
Title: Re: عادل طيارة..!!
Author: Biraima M Adam
Date: 02-04-2007, 04:27 AM
Parent: #9
********
|
Post: #11
Title: Re: عادل طيارة..!!
Author: salma altijani
Date: 02-06-2007, 07:59 PM
Parent: #9
أخي عبد الرازق سلام
Quote: بعد ما أتهموهو زملانو بتاعين قوات التحالف بالخيانة..
موش غريبة..
|
ما غريبة ..
بعد المشاكل الكتيرة الحصلت في قوات التحالف بقى الشك
في الجميع هو القاعدة لأن الحديث عن الإختراقات كتر
وبقى أعضاء التحالف ذي البلقي أم جلولو...
زميلنا أحمد يونس قال لي في كردفان حشرة اسمها أمجلولو
يخوفو الأطفال منها بإنو لو لاقتك انت في أزمة يعني لو
عضت الزول أمو بتموت ولو اتجاوزا ابوهو بيموت
شفت الخرافة دي كانت حال ناس التحالف
الجميع متهم حتى تثبت إدانتو أو يدين بالولاء للطرف الذي يتهمه
في أسمرا التقيت بعدد من قيادات الشق الثاني من التحالف
وتحدثت مع الكتور تيسير والتجاني وعدد من الإخوة
وكل من ذكر عادل طيارة ذكرو بكل الخير
|
Post: #12
Title: Re: عادل طيارة..!!
Author: salma altijani
Date: 02-06-2007, 08:09 PM
Parent: #9
| Quote: حسب نصوص القانون الجنائي لسنة 1991م المتعلقة بـ: الجرائم المتعلقة بالسلامة والصحة العامة |
طيارة اتعاقب وفقا للقانون المصري
ما عارفة صحة هذا الإجراء لكن هل يجوز معاقبتو مرتين
على نفس الجريمة لعدم تطابق العقوبة في دولتو مع الدولة التي تعاقب فيها ؟
| Quote: طبعاً ده غير عقوبة حيازة قطعة سلاح بدون ترخيص.. |
والله يا أخي عبد الرازق تحت البند دة حا تعاقب الخرطوم كلها
وتطلع إنت الغلطان
سأعود مرة أخرى لمناقشة فرضية أنه عاد للخرطوم لاتهام زملاؤه له بالخيانة
لك خالص تحيتي
|
Post: #13
Title: Re: عادل طيارة..!!
Author: salma altijani
Date: 02-06-2007, 09:48 PM
Parent: #9
أخي عبد الرازق
أعود لهذه النقطة مرة أخرى
| Quote: بعد ما أتهموهو زملانو بتاعين قوات التحالف بالخيانة.. |
أول مرة أسمع فيها أن عادل طيارة متهم بالخيانة
وصعب تصديق الكلام دة لعدة أسباب
الزول دة علماني من أيام الجامعة وكانت اسلامية
الحكومة هي أحد اسباب حربه التي يسميها بالخاصة معاها
خيانة يعني تعامل مع الحكومة
طيب زول خطف طيارة في أوائل التسعينات عندما كانت
الإنقاذ في عنفوانها وتوجه بالطائرة لدولة في حالة
عداوة وحرب مع الحكومة هي مصر وفي مؤتمر صحفي
هناك تحدث حديثا لم يسبقه له إلا القليلين ..
تحدث عن التعذيب والإحالة للصالح العام والفساد
وكل إعلام العالم جاب الكلام دة ..
بعد كدة الحكومة طالبت بتسليمه وحاولت مبادلتو بعدد
من الإخوان المسلمين المصريين
بعد ما رجع من الشرق تم حبسه في كوبر وعندما رفض
التعاون مع الحكومة أطلقت عليه صفات عميل المخابرات
المصرية واتهمتو بمحاولات تفجيرا في الخرطوم ولم يخرج
من كوبر إلا بعد تدخل منظمات حقوقية عالمية ومطالبتها
إما بمحاكمته أو إطلاق سراحه
|
Post: #14
Title: Re: عادل طيارة..!!
Author: A.Razek Althalib
Date: 02-07-2007, 09:27 AM
Parent: #13
سلمى التيجاني..
تحية طيبة..
| Quote: تدخل منظمات حقوقية |
المشكلة إنو في المنظمات دي يا سلمى بتلاقي ناس زي د. أمين مكي مدني مثلاً وغيرهم ممن ينسبون إلى القوى المعارضة بيقومو بعمليات تحريض ضد الدولة في شخص سلامة مواطنيها..
تحريض سواء أكان بطريقة مباشرة أو غير مباشرة..
ولامن تقوم السلطات المعنية بسلامة المواطن بإتخاذ الإجراء القانوني للحالات دي..
تجرف المسألة برمتها إلى صراع سياسي..
وبعد ضغط (اللوبي السوداني) من داخل المنظمات دي..
الحكومة الضعيفونة دي بتجر واطي..
وتلبس المجرم ثوب القائد البطل العائد إلى أحضان الوطن.. (عرمان مثال)..
وتتنازل عن حقها العام.. والحق الخاص كمان..
عشان كده بتلاقي المسألة أخذت طابع إستمراء..
وتحت بصر ونظر العالم كلو..
فأصبح كل هاوى يبحث عن موضع قدم في خارطة السياسة السودانية..
أكان بالحق ولا الباطل ـ كتل ولا عرض حياة المواطن البسيط للخطر صاحب صكـ وإتفاقية سلام..
شارعا في وجه كل صاحب حق بدون خجل..
وبالبلدي كده..
بتلاقي حكومتنا أصبح في دفة قيادتها محترفي إجرام ـ (ــــ)..
وفي الآخر الحكاية ما تجيب إلا الهوى وعذاب خلق الله..
تقديري..
|
Post: #15
Title: Re: عادل طيارة..!!
Author: حيدر حسن ميرغني
Date: 02-07-2007, 11:15 AM
Parent: #14
ابورزقة
تعريض حياة المواطنين للخطر جريمة لاتغتفر مهما كانت الدوافع
اللوم كله يقع على مسؤولي الأمن بالمطار
وصدَقني لو طردوهم من لخدمة بسبب عملية الاختطاف لن تجد من يقف معهم
|
Post: #16
Title: Re: عادل طيارة..!!
Author: A.Razek Althalib
Date: 02-07-2007, 01:06 PM
Parent: #15
حيدر حسن ميرغني
التحية ليكـ
| Quote: وصدَقني لو طردوهم من لخدمة بسبب عملية الاختطاف لن تجد من يقف معهم |
ولكن اليوم في بلدنا السودان..
أصبحو أبطال..
تسلم يا غالي..
|
Post: #17
Title: Re: عادل طيارة..!!
Author: بكري اسماعيل
Date: 02-07-2007, 02:00 PM
Parent: #16
عبد الرازق
نهارك سعيد
Quote: عاد الغازي بطلاً فاتحاً.. مثله في ذلك مثل ياسر عرمان..
وليس مجرماً تطلبه دوائر التحقيق والعدالة.. |
ما قلنا ليك ياسر عرمان دة إفتروا عليهو جماعتك ولو أساساً كان في
جريمة مفروض يتعاقب عليها كان تمت مساءلتو ..
تعرف لو طياراتكم الخرد ديل بصلن أمريكا واللا بريطانيا كان ختفت لي واحدة ،،
|
Post: #21
Title: Re: عادل طيارة..!!
Author: A.Razek Althalib
Date: 02-10-2007, 02:03 PM
Parent: #17
بكري اسماعيل
تقديري..
Quote: ما قلنا ليك ياسر عرمان دة إفتروا عليهو جماعتك ولو أساساً كان في
جريمة مفروض يتعاقب عليها كان تمت مساءلتو .. |
يا رآآآآجل..
| Quote: تعرف لو طياراتكم الخرد ديل بصلن أمريكا واللا بريطانيا كان ختفت لي واحدة ،، |
يعني خايف لروحكـ بس..
طيب ياخي، والمخطوفين ذنبهم شنو..؟
ياخي دي إسمها إنانية..
لكن..
كتيرة منكـ..
|
Post: #20
Title: Re: عادل طيارة..!!
Author: salma altijani
Date: 02-07-2007, 07:40 PM
Parent: #16
أخي عبد الرازق وضيوفك
سلام
إختطاف الطائرات جريمة ويجب أن تدان
لكني قصدت من مداخلاتي ألا نحاكم الخاطفين
بعيدا عن الظروف التي دفعتهم لذلك
لأننا بنكون ظلمناهم وظلمنا أنفسنا
بالنظر للموضوع من زاوية واحدة
لكن والله لما الطيارة الأخيرة اتخطفت افتكرت عادل خطفها
اتصلت وسألتو فضحك وقال لي المرة دي ما أنا
لك تقديري
|
Post: #22
Title: Re: عادل طيارة..!!
Author: A.Razek Althalib
Date: 02-11-2007, 10:56 AM
Parent: #20
salma altijani
تحياتي..
| Quote: لكن والله لما الطيارة الأخيرة اتخطفت افتكرت عادل خطفها |
موش..
لو إتحاججنا بالظروف يا الغالية..
على كده الناس حتخطف أي حاجة..
وما يهم..
المهم..
أخطف..
إتمرد..
أعمل إنقلاب..
شيء هنبته.. وقلع.. وكتل..
وبحنكـ سنين أضرب الطناش..
وحكـ قفاكـ بس؛
قول دي الظروف..
|
Post: #18
Title: Re: عادل طيارة..!!
Author: عاصم ابوبكر حامد
Date: 02-07-2007, 02:28 PM
الحبيب او رزقة
لك التحية
واله سرقة الطايرات فى السودان ساهلة
اما عن التفتيش والاجراءات الامنية فهى غير مشددة والى الان لم يحصل لها تعديل
يذكر فى هذا الامر ...
وهاك الطيارة دى
نشوف اخر الطيارات شنو
|
Post: #23
Title: Re: عادل طيارة..!!
Author: A.Razek Althalib
Date: 02-11-2007, 11:05 AM
Parent: #18
عاصم ابوبكر حامد
تقديري..
| Quote: واله سرقة الطايرات فى السودان ساهلة |
المسألة موش حكاية السودان..
ما عندكـ ياهون دي أمريكيا وحكاية حداشر سبتمبر وبرج التجارة..
تعرف يا عاصم أولاً:
عشان سلامة الطائرة..
وعدم المخاطرة بأرواح المسافرين..
الكابتن لو كنجرت ليهو أصبعكـ ولويت معاهو حنككـ..
بيستجيب لي طلبكـ..
تنفيذاً للتعليمات..
وآخرها لعنات المخطوفين..
|
Post: #19
Title: Re: عادل طيارة..!!
Author: محمود الدقم
Date: 02-07-2007, 02:38 PM
ولض ابا عبدالرزاق الطالب:
والفالح هذا خاطف الطيارة عايز شنو? وما كان يسافر امريكا او استراليا او حتى اليونان، نسال الله ان لا يخطف بلد بحالو، تشكر ولض الطالب.
|
Post: #24
Title: Re: عادل طيارة..!!
Author: سيف النصر محي الدين محمد أحمد
Date: 02-11-2007, 11:19 AM
Parent: #19
الطالب
أنت لسة بتكيل بي اربعمية مكيال...يعني العايزو أنت يتحاكم يحاكموه ليك و الناس اللي العالم كله عايزهم يتحاكموا يخلوهم ليك؟؟
|
Post: #25
Title: Re: عادل طيارة..!!
Author: A.Razek Althalib
Date: 02-11-2007, 01:18 PM
Parent: #19
محمود الدقم
تقديري يا الغالي..
| Quote: والفالح هذا خاطف الطيارة عايز شنو? |
طيران الغرب (أيروست)..
الخاطف: محمد عبداللطيف
مواليد مدينة الفاشر.. عاصمة ولاية شمال دار فور..
الطراز...
بوينج 737
رحلة داخلية ـ الخرطوم ـ الفاشر ـ نيالا..
103 راكب على متنها..
بعد الإقلاع من الفاشر في الطريق إلى نيالا..
أشهر الخاطف مسدسه..
وطلب تغيير وجهتها..
لسان حاله كان يقول روما وإن طال السفر..
هبطت الطائرة بسلام في مطار أنجمينا..
طلب الخاطف ضمانات لنفسه بحضور مسؤول من السفارة الفرنسية لحمايته..
طلب اللجوء إلى باريس..
رفض طلب لجوئه إلى فرنسا..
الخاطف سوداني..
والطائرة سودانية..
من تعرض لعملية إرهابية غالبيتهم سودانيين..
ومعهم..
.
القنصل الإيطالي بالخرطوم..
وبريطاني..
وبرغم إنو الطيارة أختطفت فوق الأجواء السودانية..
إلا إنو..
السلطات التشادية وبرغم توقيعها على كل الإتفاقية والمواثيق الدولية البتخص سلامة الطيران والسفر..
وكعادتها..
عينكـ يا تاجر..
رفضت دولة تشاد الجارة تسليم الخاطف..
|
Post: #26
Title: Re: عادل طيارة..!!
Author: A.Razek Althalib
Date: 02-12-2007, 12:29 PM
Parent: #25
سيف النصر محي الدين محمد أحمد
كيفنكـ يا دكتور..
أظنكـ بتتفق معاي على أنو المجرم ينال جزاؤه..
ولا شنو..؟
| Quote: أنت لسة بتكيل بي اربعمية مكيال... |
معقولة بس..
ولا شايف كده..
|
Post: #27
Title: Re: عادل طيارة..!!
Author: A.Razek Althalib
Date: 03-27-2007, 12:43 PM
Parent: #26
<|>
بلطجة المناضل..
عادل طيارة..
|
Post: #28
Title: Re: عادل طيارة..!!
Author: Mohamed E. Seliaman
Date: 03-27-2007, 02:38 PM
Parent: #27
Quote: الحكومة الضعيفونة دي بتجر واطي..
وتلبس المجرم ثوب القائد البطل العائد إلى أحضان الوطن.. (عرمان مثال)..وتتنازل عن حقها العام.. والحق الخاص كمان..
عشان كده بتلاقي المسألة أخذت طابع إستمراء..
وتحت بصر ونظر العالم كلو..
فأصبح كل هاوى يبحث عن موضع قدم في خارطة السياسة السودانية..
أكان بالحق ولا الباطل ـ كتل ولا عرض حياة المواطن البسيط للخطر صاحب صكـ وإتفاقية سلام..
شارعا في وجه كل صاحب حق بدون خجل..
وبالبلدي كده..
بتلاقي حكومتنا أصبح في دفة قيادتها محترفي إجرام ـ (ــــ)..
وفي الآخر الحكاية ما تجيب إلا الهوى وعذاب خلق الله.. |
يسلم كيبوردك يا ود الطالب ّ!!
|
Post: #29
Title: Re: عادل طيارة..!!
Author: A.Razek Althalib
Date: 03-28-2007, 08:52 AM
Parent: #28
Mohamed E. Seliaman
تحياتي يا الغالي..
| Quote: يسلم كيبوردك يا ود الطالب ّ!! |
ياها يا ود سليمان بلطجة النضال ذاتها البيقولوها..
خربانا من عاليها لواطيها..
حتى شوف نواب الحزب الشيوعي [أطفال أنابيب اليهوديان كارل ماركس ولينين]..
بعد ولغهم فوق بحور الدم النازفة في كل الفيافي على القبل الأربعة وين من تودي وشكـ تلقاهم..
وبكل هلامية أجسامهم المهترئة بما يحملونه من عداء الصراح لقيم عقيدة الإنسان البسيط، والسودان الوطن..
تلاقيهم الليلة خالفين كراع على رجل بدون خجلة عاملين فيها ممثلين للشعب وناطقين باسم الإنسان الغلبان الإستخدموهو بأبشع ما تكون وإستغلوا أسباب جهلو ضمن المستخدمين..
وهم ذاتهم سبب من أسباب كتلو الكتيرة..
ليس كوسيلة فحسب لتبرير بلوغ غايتهم الدنيئة بكل ما تعني كلمة القبح الميكيافيليتهم..
وبعد ده كلو يجو ناطين ليكـ بدعاية البلوتارية والبرجوازية بدون خجلة..
وبيقبضو ليكـ راتبهم بحكم تعيينهم من الإنقلابيين (كنواب برلمانيين) أكتر من عدد نوابهم أيام الديمقراطية وحرية إرادة الشعب..
تعال شوفهم مرطبين بيقبضو مرتباتهم من دماء وعرق شعب لا زالت غالبيتو ترزح تحت نير خطوط الفقر..
ده غير المخصصات والعوائد التانية..
شوفهم موجودين الليلة في البرلمان وبعد ده قاعدين يكابروا كابر عن كابر..
ده غير النهب البيتم عينكـ يا تاجر..
والله العظيم فضيحة..
|
|